Election: விமானம், ஹெலிகாப்டருக்கு அரசியல் கட்சிகள் செய்யும் செலவுகள் எவ்வளவு தெரியுமா..?

தேர்தல் நேரம் என்றாலே தலைவர்கள் 'அங்கே செல்வது... இங்கே செல்வது' என தெற்கு, மேற்கு, வடக்கு, கிழக்கு என பறந்துக்கொண்டே இருப்பார்கள்.

ஆம்... பஸ், ரயிலில் பயணத்தில் குறைந்த நேரத்தில் பல இடங்களுக்கு செல்ல முடியாது... பிரசாரம் செய்ய முடியாது என்று, அவர்களது சாய்ஸ் பெரும்பாலும் விமானமாகத் தான் இருக்கும். விமானத்திலும் தனியார் விமானங்களுக்கு தான் அவர்களின் முதல் மற்றும் பிராதான டிக் விழும்.பல இடங்களுக்கு செல்ல முடியாது... பிரசாரம் செய்ய முடியாது...மொத்த வாக்காளர்கள் 94 கோடி...
வாக்களிக்காதவர்கள் 30 கோடி...
3-ல் 1 மடங்கு தவிர்க்கக் காரணம்?

பொதுவாகவே கொஞ்சம் கட்டணம் அதிகமாக இருக்கும் இந்த தனியார் விமானங்களின் பயணக் கட்டணம் தேர்தல் நேரங்களில் இன்னும் கூடும்.

விமானப் போக்குவரத்து துறை தகவலின்படி, இந்தியாவில் கடந்த நவம்பர் மாதம் வரை மொத்தமாக 112 தனியார் விமானங்கள் மற்றும் ஹெலிகாப்டர்கள் வைத்திருக்கும் மற்றும் இயக்கும் நிறுவனங்கள் உள்ளன. இவர்கள் வைத்திருக்கும் விமானங்களில் சுமார் 3 முதல் 37 பேர் வரை பயணிக்க முடியுமாம்.

தற்போது நாடாளுமன்ற தேர்தலால் விமானங்களின் டிமாண்ட் அதிகரித்துள்ளதால், இந்த நிறுவனங்கள் வெளிநாட்டு நிறுவனங்களிடமிருந்து சிறிய ரக விமானங்களை குத்தகைக்கு எடுக்க முடிவு எடுத்துள்ளன.

பொதுவாக விமானங்களின் ஒரு மணி நேர வாடகைக் கட்டணம் ரூ.4.5 லட்சம் முதல் ரூ.5.25 வரை வேறுப்படும். ஒற்றை இன்ஜின் விமானத்தின் வாடகைக் கட்டணம் ஒரு மணி நேரத்திற்கு ரூ.80,000 முதல் ரூ.90,000 வரை ஆகும். இரட்டை இன்ஜின் விமானத்தின் வாடகைக் கட்டணம் ஒரு மணி நேரத்திற்கு ரூ.1.50 லட்சம் முதல் ரூ.1.70 லட்சம் வரை ஆகும்.7 பேர்...12 பேர்ஓராண்டுக்குள் பணியில் இருந்து விலகும் 30% பெண்கள்... டெக் துறையில் என்ன நடக்கிறது..?

இந்தக் கட்டணங்கள், தேர்தல் நேரங்களில் உயர்ந்து ஒரு மணி நேரத்திற்கு ஒற்றை இன்ஜின் விமானங்களுக்கு ரூ.1.5 லட்சமும், இரட்டை இன்ஜின் விமானங்களுக்கு ரூ.3.5 லட்சமும் வசூலிக்கப்படும்.

ஒற்றை இன்ஜின் விமானங்களில் 7 பேரும், இரட்டை இன்ஜின் விமானங்களில் 12 பேரும் பயணம் செய்யலாம்.

தேர்தல் காலத்தில் அதிகரிக்கப்படும் இந்த தொகையால் விமான நிறுவனங்களுக்கு கிட்டதட்ட 15 முதல் 20 சதவிகிதம் வரை லாபம் கிடைக்கும் என வணிக விமான இயக்குனர்கள் சங்கம் கூறுகிறது.

தேர்தல் ஆணையத்தில் சமர்ப்பித்த தகவலின் படி, 2019-20-ல் ஹெலிகாப்டர் மற்றும் தனியார் விமானங்களின் பயன்பாட்டுக்காக ம் பா.ஜ.க ரூ.250 கோடியும், காங்கிரஸ் ரூ.126 கோடியும் செலவு செய்துள்ளன.


http://dlvr.it/T5XgwB

Read More

அமைச்சரின் அழைப்பு; சிதம்பரத்தைத் தாண்டி தலைநகரில் பிரசாரம் செய்த திருமாவளவன்!

தி.மு.க கூட்டணியில் சிதம்பரம் தொகுதியில் போட்டியிடும் திருமாவளவன், வேட்புமனு தாக்கல் செய்ததிலிருந்தே பிரசாரத்தைத் தொடங்கிவிட்டார். வேறெந்த தொகுதிக்கும் செல்லாமல் சிதம்பரத்திலேயே முழு கவனம் செலுத்தியவர், தலைநகர் தொகுதிகளில் தி.மு.க வேட்பாளர்களை ஆதரித்து பிரசாரம் செய்தது பேசுபொருளாகியுள்ளதுதமிழச்சி தங்கபாண்டியன்

சிதம்பரம் தொகுதியின் சிட்டிங் எம்.பி-யான திருமாவளவன், கடந்த நாடாளுமன்றத் தேர்தலில் 3,000 வாக்குகள் வித்தியாசத்தில் வெற்றிபெற்றார். இம்முறை குறைந்தது ஒரு லட்சம் வாக்குகள் வித்தியாசத்திலாவது வெற்றிபெற வேண்டும் என்ற நோக்கில் சிதம்பரம் மற்றும் வி.சி.க பொதுச்செயலாளர் ரவிக்குமார் போட்டியிடும் தொகுதிகளில் மட்டும் பிரசாரம் செய்துவந்தார். அதில் 75 சதவிகிதம் சிதம்பரம் தொகுதிதான். இந்நிலையில் கடந்த ஏப்ரல் 11-ம் தேதி சென்னை வந்த திருமாவளவன், தென்சென்னை தொகுதியில் போட்டியிடும் தி.மு.க வேட்பாளர் தமிழச்சி தங்கபாண்டியனை ஆதரித்து, பேசினார். அதேபோல் வடசென்னை வேட்பாளர் கலாநிதி வீராசாமியையும் மத்திய சென்னை வேட்பாளர் தயாநிதி மாறனையும் ஆதரித்துப் பேசி வாக்கு சேகரித்தார். அப்போது அவர், ``தி.மு.க-வின் வேட்பாளர்கள் வெற்றிபெறுவார்கள் எனத் தெரியும், ஆனால் எதிர்த்து போட்டியிடுபவர்கள் டெபாசிட் பெற்றுவிடக் கூடாதென்பதை வலியுறுத்தத்தான் சிதம்பரம் தொகுதி பிரசாரத்தை நிறுத்திவிட்டு வந்தேன்” என்றார்.

தொடர்ந்து, '’இந்த நாடும், ஜனநாயகமும் காப்பாற்றப்பட வேண்டும். அகில இந்திய அளவில் ‘இண்டியா’ கூட்டணி வெற்றி பெற வேண்டும் என்பதற்காகவும், பா.ஜ.க அரசை வீழ்த்த வேண்டும் என்ற நோக்கத்தோடும் முதல்வர் ஸ்டாலின் செயல்பட்டு வருகிறார்” என்றார்.திருமாவளவன்

திருமாவளவனின் தலைநகர் பிரசாரம் குறித்து நம்மிடம் பேசிய வி.சி.க முக்கியப் புள்ளிகள், ``சிதம்பரம் தொகுதியில் வெற்றிபெற்றுவிடுவோம் எனத் தெரியும். ஆனால் ஒரு கட்சியின் தலைவர் குறைந்த வாக்கு வித்தியாசத்தில் வெல்வது சரியாக இருக்காது. எனவே மொத்த தொகுதியையும் சுற்றிவருகிறோம். சென்னையில் வேட்பாளர் யாரும் வீக்காக இல்லை, எளிதாக வெற்றியடையக் கூடியவர்கள்தான். ஆனாலும் அமைச்சர் சேகர் பாபுவின் அழைப்பை திருமாவால் மறுக்க முடியவில்லை. சிதம்பரம், விழுப்புரம் தொகுதிகளைத் தாண்டி பெரம்பலூரில் அருண் நேருவை ஆதரித்துப் பிரசாரம் செய்தார். அதற்கடுத்து சென்னைக்கு வந்தார். வரக்கூடிய நாள்களில் சிதம்பரம் தொகுதியில்தான் பிரசாரம் செய்வார் திருமா” என்றனர்.திருமாவளவன் பிரசாரம்

நம்மிடம் பேசிய அரசியல் நோக்கர்கள் சிலர், ``திருமாவை சென்னைக்கு பிரசாரத்துக்கு அழைப்பதெல்லாம் சரிதான். ஆனால் மத்திய சென்னை மற்றும் வட சென்னை வேட்பாளரை ஆதரித்து திருமாவளவன் பேசும்போது, வேட்பாளர்கள் மேடையில் இல்லாதது குறையாகத்தான் இருந்தது” என்றனர். அமித் ஷாவின் சிவகங்கை ரோடு ஷோ `ரத்து’ - பின்னணி காரணம் என்ன?!


http://dlvr.it/T5XGHl

Read More

`பிரசார ஜூம் மீட்டிங்கில் ஆபாச வீடியோ' - திமுக-வை குற்றம்சாட்டும் தமிழிசை சௌந்தரராஜன்!

தென் சென்னை தொகுதியில் பா.ஜ.க சார்பில் போட்டியிடுகிறார் தமிழிசை சௌந்தரராஜன். தீவிர பிரசாரத்தில் இருக்கும் தமிழிசை சௌந்தரராஜன், அடுக்குமாடி குடியிருப்பு வாசிகளிடம் பிரசாரத்தை முன்னெடுக்கும் விதமாக ஜூம் மீட்டிங் ஒன்றை ஏற்பாடு செய்ததாக கூறப்படுகிறது. அதில், தமிழிசை சௌந்தரராஜன் உள்ளிட்ட அடுக்குமாடி குடியிருப்புவாசிகளில் சிலர் கலந்துகொண்டனர். அப்போது திடீரென ஆபாச வீடியோ ஒளிபரப்பப்பட்டதாக கூறப்படுகிறது. தமிழிசை சௌந்தரராஜன்

இதனால், அந்த மீட்டிங்கில் கலந்துகொண்டவர்கள் அதிர்ச்சியடைந்தனர். அதைத் தொடர்ந்து அந்த மீட்டிங்க் ரத்து செய்யப்பட்டிருக்கிறது. இது தொடர்பாக தனது முகநூல் பக்கத்தில் வீடியோ வெளியிட்டிருக்கும் தமிழிசை சௌந்தரராஜன்,``அடுக்குமாடி குடியிருப்பில் வசிக்கும் வாக்காளர்களிடத்தில் எனக்கு ஆதரவு தருமாறு கேட்க திட்டமிட்டேன். அவர்களை நேரில் சந்திக்க முடியவில்லை என்பதால், ஜூம் (Zoom) மீட்டிங் ஏற்பாடு செய்யப்பட்டது.

அந்த மீட்டிங்கில் அவர்கள் எதிர்கொள்ளும் பிரச்னைகள் குறித்து தெரிந்து கொள்ளவும் முடிவு செய்திருந்தேன். இதில் பலர் ஆர்வமாக கலந்து கொண்டனர். மீட்டிங் தொடங்கிய சில நிமிடங்களில் ஆபாசமான படங்கள் அதில் பகிரப்பட்டன. இதன் மூலம் வேட்பாளருக்கும், வாக்காளர்களுக்கும் இடையிலான இணைப்பை துண்டிக்கும் முயற்சி மேற்கொள்ளப்பட்டது. அடுக்குமாடி குடியிருப்பு வாசிகள் தங்களது பிரச்னைகளை தெரிவிக்காத வகையிலும், நான் தாமரை சின்னத்துக்கு ஆதரவு கேட்கக்கூடாது என்ற மோசமான நோக்கிலும் எதிர்க்கட்சியினர் இதை செய்தனர். தமிழிசை சௌந்தரராஜன்

குறிப்பாக தமிழகத்தில் ஆட்சியில் உள்ள தி.மு.க-வை இதற்கு நேரடியாக குற்றம் சுமத்துகிறேன். இது கேவலமான அரசியல். இதன் மூலம் எங்களுக்கும், மக்களுக்குமான தொடர்பை துண்டிக்க முடியாது. பெண்கள் இணைய வெளியில் சுதந்திரமாக பேசக்கூட முடியவில்லை. இதை யாரால் பொறுத்துக் கொள்ள முடியும். அரசியலை தூய்மை படுத்த நாங்கள் அரசியலுக்கு வந்துள்ளோம். நேர்மையான அரசியல் செய்வது அவசியம். இந்த அதிர்ச்சிகர செயலுக்கு நான் வருந்துகிறேன். நூறு சதவீத வாக்குப்பதிவை உறுதி செய்து இவர்களுக்கு தக்க பாடம் புகட்டுவோம்” எனத் தெரிவித்திருக்கிறார்.`அதிமுக முன்னாள் அமைச்சர்களின் ஊழல் பட்டியல்; பாஜக-வின் மறைமுக கூட்டணியால் நடவடிக்கை இல்லை'- பிடிஆர்


http://dlvr.it/T5WTCv

Read More

'கைச் சின்னம்' அச்சிடப்பட்ட உத்தரவாத அட்டை விநியோகம்; தர்ணாவில் இறங்கிய ராதிகா -விருதுநகர் பரபரப்பு!

விருதுநகர் மக்களவைத் தொகுதியில் தேர்தல் பிரசாரம் இறுதிக் கட்டத்தை எட்டியுள்ள நிலையில், வேட்பாளர்கள் தொகுதி முழுவதிலும் சூறாவளி தேர்தல் பிரசாரத்தில் ஈடுபட்டுள்ளனர். இந்த நிலையில், கடைசி நேரத்தில் வாக்காளர்களுக்கு பணம் பரிசுப் பொருள்கள் கொடுப்பதைத் தடுக்கும் வகையில், தேர்தல் கண்காணிப்புக் குழுவினர் 24 மணி நேரமும் சுழற்சி அடிப்படையில் பணியில் ஈடுபட்டு வருகின்றனர். இந்த நிலையில் விருதுநகர் தந்திமர தெருவில் உள்ள ஒரு பெட்டிக்கடையில் காங்கிரஸ் கட்சி சார்பில் ஒரு லட்சம் ரூபாய் மகாலட்சுமி திட்டம் மற்றும் இளைஞர் நிதி உதவி வழங்கும் திட்டத்திற்கான உத்தரவாத அட்டை என்ற பெயரில் காங்கிரஸ் கட்சியின் 'கை சின்னம்' அச்சிடப்பட்ட அட்டையில், வாக்காளர்கள் ஆதார் எண் மற்றும் வாக்காளர் அடையாள அட்டை எண் நிரப்பிய டோக்கன் விநியோகிக்கப்படுவதாக தகவல் பரவியது.விநியோகம்

இதையறிந்த பா.ஜ.க-வினர் சம்பவ இடத்திற்கு நேரில் சென்று பெட்டிக்கடையில் உள்ள நபரிடம் விசாரித்தனர். அப்போது அவர், முன்னுக்குப் பின் முரணாக பதில் கூறியதையடுத்து, அவரிடம் இருந்த உத்தரவாத அட்டைகளை பறிமுதல் செய்த பா.ஜ.க-வினர், இது குறித்து போலீஸூக்கு தகவல் கொடுத்தனர். தொடர்ந்து இது தொடர்பாக விருதுநகரில் உள்ள உதவி தேர்தல் நடத்தும் அலுவலர் கார்த்திகாயினியின் அலுவலகத்தை முற்றுகையிட்ட பா.ஜ.க-வினர், விருதுநகர் மக்களவைத் தொகுதி பா.ஜ.க. வேட்பாளர் ராதிகா சரத்குமார் உடன் தர்ணா போராட்டத்தில் ஈடுபட்டனர். 'வாக்காளர்களுக்கு பணம் பரிசுப் பொருள்கள் கொடுப்பதை தடுக்க வேண்டிய அதிகாரிகளே தங்களது பணியில் மெத்தனமாக செயல்படுகின்றனர். ஆளுங்கட்சிக்கு ஆதரவாக அரசு அதிகாரிகள் செயல்படுகிறார்கள்' என குற்றம்சாட்டி தொடர் தர்ணா போராட்டத்தில் ஈடுபட்டனர். இதற்கிடையே தகவல் அறிந்து, காங்கிரஸ் மற்றும் கூட்டணி கட்சியை சேர்ந்த பிரமுகர்களும் வட்டாட்சியர் அலுவலகத்திற்கு வந்து போட்டி தர்ணாவில் ஈடுபட்டதால் பரபரப்பு ஏற்பட்டது.டோக்கன்தர்ணாகாங்கிரஸ் ஆதரவாளர்கள்

இதையடுத்து வருவாய்துறையினர் மற்றும் காவல்துறையினர் இணைந்து போராட்டத்தில் ஈடுபட்ட காங்கிரஸ் மற்றும் பா.ஜ.க. கட்சியினரை சமாதானப்படுத்தும் முயற்சியில் ஈடுபட்டனர். அப்போது உத்தரவாத அட்டை விநியோகித்தது தொடர்பாக வழக்கு பதிவுசெய்வதாக போலீஸார் உறுதி அளித்ததை தொடர்ந்து, போராட்டம் கைவிடப்பட்டது. தொடர்ந்து வாக்காளர்களை திசை திருப்பும் நோக்கில் காங்கிரஸ் கட்சிக்கு ஆதரவாக டோக்கன் விநியோகம் செய்தது குறித்து துணைப்பதிவாளர் அந்தோணிராஜ் விருதுநகர் மேற்கு காவல் நிலையத்தில் புகார் அளித்ததன் பேரில், உத்தரவாத அட்டை விநியோகத்தில் ஈடுபட்ட காமராஜ் என்பவரின் மீது போலீஸார் வழக்கு பதிவு செய்து விசாரணை நடத்தி வருகின்றனர்.பதிவுதர்ணா..

இதேபோல மற்றொரு சம்பவமாக, திருப்பரங்குன்றம் தொகுதிக்குட்பட்ட சோளங்குரணியில், மூடப்பட்ட ரேஷன் கடையில் வைத்து வாக்காளர்களுக்கு காங்கிரஸ் தேர்தல் உத்தரவாத அட்டை விநியோகிக்கப்பட்டதாக கூறப்படுகிறது. இது தொடர்பான வீடியோக்களும் சமூக வலைதளங்களில் வைரலாக பரவி வருகிறது.`பாஜக-வின் நட்சத்திர பேச்சாளராக மாறிவிட்டார் பினராயி விஜயன்!' - காங்கிரஸ் செயல் தலைவர் விளாசல்


http://dlvr.it/T5W9KD

Read More

அட்டைப்படம்

விகடன் ப்ளஸ்


http://dlvr.it/T5VzYz

Read More

Theni : டிடிவி Vs தங்க தமிழ்செல்வன்... முந்துவது யார்? | தேனி கள நிலவரம்!

http://dlvr.it/T5VNBX

Read More

``தேர்தல் பத்திரத் திட்டத்தின் மூலம் மிகப்பெரும் ஊழலைச் செய்திருக்கிறது பாஜக!" - சீதாராம் யெச்சூரி

"400 இடங்களுக்கு மேல் வெற்றி பெறுவோம் என பேசும் மோடி, மீண்டும் மீண்டும் தமிழகத்திற்கு வருவது சந்தேகத்தை ஏற்படுத்துகிறது" என்று சி.பி.எம் அகில இந்திய பொதுச்செயலாளர் சீதாராம் யெச்சூரி பேசியுள்ளார்.

மதுரை நாடாளுமன்றத் தொகுதி சி.பி.எம் வேட்பாளர் சு.வெங்கடேசனை ஆதரித்து  ஓபுளா படித்துறை பகுதியில் நடந்த பிரசார கூட்டத்தில் சி.பி.எம் அகில இந்திய பொதுச்செயலாளர் சீதாராம் யெச்சூரி, அமைச்சர் பி.டி.ஆர்.பழனிவேல் தியாகராஜன், கூட்டணிக் கட்சி நிர்வாகிகள் கலந்துகொண்டனர்.

இக்கூட்டத்தில் சீத்தாராம் யெச்சூரி பேசும்போது, "மதமாச்சர்யங்கள் இல்லாத மகத்தான சித்திரைத் திருவிழா  நேரத்தில் மதுரை வந்தது மகிழ்ச்சி அளிக்கிறது. வைகை நாகரிகம் நமது தத்துவார்த்த போராட்டத்திற்கு உந்துகோலாக உள்ளது. மதம்தான் நமது கலாசாரம் என பேசுபவர்ளுக்கு நமது நாகரிகம் மதச்சார்பற்ற நாகரிகம் என்பதை கீழடி சொல்லுகிறது. மதச்சார்பற்ற ஜனநாயக ஆன்மாவைக் காப்பாற்ற வேண்டிய நேரம் வந்துள்ளது.

1978 முதல் கம்யூனிஸ்ட் இயக்கத்தின் மையமாக உள்ள மதுரையில் சங்கரய்யா, ஜானகி அம்மாள், பி.ராமமூர்த்தி உள்ளிட்ட மகத்தான தலைவர்கள் வந்தவர்கள்.

ஆள்தூக்கி சட்டங்களையும், விசாரணை அமைப்புகளையும் ஏவி அரசுக்கு எதிராக பேசுபவர்களை சிறையில் அடைக்கின்றனர். பாஜக-வை எதிர்ப்பவர்களுக்கு தேசவிரோதி பட்டம் கொடுத்து எந்தவித குற்றச்சாட்டுமின்றி பல மாதங்கள் சிறையில் வைக்கின்றனர்.சீதாராம் யெச்சூரி

நாட்டின் பொதுச் சொத்துகளை பாஜக சூறையாடி வருகிறது. இயற்கை வளங்களையும், கனிமங்களையும் கார்ப்பரேட்டுகளுக்கு விற்கின்றனர்.

தேர்தல் பத்திர திட்டத்தின் மூலம் கார்ப்பரேட் நிறுவனங்களை மிரட்டியும், விசாரணை அமைப்புகளை ஏவியும், வழக்கு பதிவுசெய்தும் நிறுவனங்களிடமிருந்து முறைகேடாக நிதி பெற்று தேர்தல் பத்திர திட்டத்தின் மூலம் மிகப்பெரும் நிதி ஊழலை செய்து இருக்கிறது பாஜக.

நஷ்டம் ஏற்பட்ட நிறுவனங்களிடமிருந்தும்கூட நிதியை பெற்றிருக்கிறார்கள். இது வெளிநாட்டு பணம் எனச் சந்தேகம் வருகிறது. இது போதைப்பொருள் கடத்தல் மூலம் வந்த பணமாக கூட இருக்கலாம். எனவே விரிவான விசாரணை மேற்கொள்ளப்பட வேண்டும். இது குறித்தெல்லாம் அமலாக்கத்துறை விசாரணை செய்யாமல், எதிர்க்கட்சி தலைவர்களை சிறை வைப்பதிலேயே மும்முரமாக உள்ளது.

சுதந்திர இந்தியாவில் நடைபெற்ற மிகப்பெரிய ஊழல் தேர்தல் பத்திர திட்டம். இந்த விவகாரத்தை உச்ச நீதிமன்றம் கையிலெடுத்து, உச்ச நீதிமன்ற கண்காணிப்பில் சிறப்பு புலனாய்வு குழு விசாரணை மேற்கொள்ள தனி விசாரணை அமைப்பை ஏற்படுத்த வேண்டும்.

எதிர்க்கட்சிகளை ஊழல்வாதிகள் எனச் சொல்லிவிட்டு பல கோடி ரூபாயை முறைகேடாகப் பெற்ற பாஜக, ஊழலை ஒழிக்கும் லட்சணம் இதுதானா?

இந்தியாவை ஒரே அரசாங்க முறையாக மாற்ற துடிக்கும் மோடியின் மாநில சுயாட்சிக்கு எதிரான நடவடிக்கையை தடுக்க வேண்டிய முக்கியமான கட்டத்தில் உள்ளோம். சாதி வாரி கணக்கெடுப்பை நடத்தினால் மட்டுமே இட ஒதுக்கீடு முறையை சிறப்பாக செயல்படுத்த முடியும். மனுவாத அடிப்படையிலான கட்டமைப்பை பாதுகாக்க பாஜக விரும்புகிறது. அதனால்தான் சாதி வாரி கணக்கெடுப்பு நடத்த முடியாது என்று மறுக்கிறார்கள்.

மோடி நான் கியாராண்டி என சொல்லுகிறார். மதுரைக்கு எய்ம்ஸ் மருத்துவமனையை கொண்டு வந்தீர்களா? அப்புறம் என்ன கியாரண்டி?

அசைவ உணவு சாப்பிடக் கூடாது எனவும், யார் இந்து, முஸ்லிம் என பேசுகிறார் மோடி. இதுதான் ஒரு பிரதமரின் வேலையா? 400 இடங்களுக்கு மேல் வெற்றி பெறுவோம் என பேசும் மோடி, மீண்டும் மீண்டும் 9 முறை எதற்காக தமிழகத்திற்கு வருகிறீர்கள்? வட இந்தியாவில் தங்களுக்கு வெற்றி கிடைக்காது என்பதால், தென் மாநிலத்திற்கு படையெடுக்கிறார்கள்.

ஒருவேளை இ.வி.எம் மூலம் மோசடி செய்ய உள்ளார்களா என்ற சந்தேகம் எழுகிறது. வாக்குப்பதிவு இயந்திரத்தில் கன்ட்ரோல் யூனிட்டில் இருந்து வி.வி பேடுக்கு என்ன செல்கிறது என்பது தெரியவில்லை. இதற்கு தேர்தல் ஆணையம் செவி சாய்க்கவில்லை. அதற்கான வழக்கும் நீதிமன்றத்தில் இருக்கிறது

பாஜக-வுக்கும், மோடிக்கும் தென் மாநிலங்கள் எப்போதும் ஆதரவாக இருந்ததில்லை. இந்த நிலையில் 400 இடங்களில் வெற்றி பெறுவோம் என பேசும் பாஜக மீது எங்களுக்கு சந்தேகம் எழுகிறது. கடந்தமுறை போல தமிழகம் இந்தியாவிற்கு முன்னுதாரணமாக இருக்க வேண்டும். தமிழ்நாட்டில் பாஜக ஒரு இடத்தில்கூட வெற்றி பெறக் கூடாது. வெற்றி பெற முடியாது. தமிழக மக்கள் அளிக்கும் தீர்ப்பு முன்னோடியான மகத்தான தீர்ப்பாக இருக்கும்" எனப் பேசினார்."அதிமுக அழிந்துவிடும் என்று சொல்லும் அண்ணாமலை என்ன, விஸ்வாமித்திரரா?" - செல்லூர் ராஜூ கேள்வி


http://dlvr.it/T5V6tZ

Read More