”எதிர்க்கட்சிகள் இல்லாத இந்தியா என்பதை உருவாக்க பாஜக முயற்சி செய்கிறது” - முத்தரசன் குற்றச்சாட்டு!

தூத்துக்குடி நாடாளுமன்றத் தொகுதியில் போட்டியிடும்  தி.மு.க., வேட்பாளர் கனிமொழியை ஆதரித்து கோவில்பட்டி பயணியர் விடுதி முன் இந்திய கம்யூனிஸ்ட் கட்சியின் மாநிலச் செயலாளர் முத்தரசன் தேர்தல் பிரசாரம் செய்தார். அப்போது பேசிய அவர், “இந்த தேர்தல் அரசியல் முக்கியத்துவம் வாய்ந்த தேர்தல்.  மக்கள் அளிக்கும் ஓட்டு, சாதாரண ஓட்டு கிடையாது. சரியான முறையில் பயன்படுத்தவில்லை என்றால் நாட்டின் எதிர்காலம் கேள்விக்குறியாகி விடும்.  முத்தரசன்

சுதந்திர போராட்ட வீரர்களைப் பற்றி பேசினால் தமிழக மக்கள் பா.ஜ.கவிற்கு ஓட்டு போட்டு விடுவார்கள் என மோடி நினைக்கிறார். நாட்டின் விடுதலைப் போராட்டத்தை தலைமை தாங்கி வெற்றிகரமாக நடத்திய தலைவா்கள் குறித்து பேச பிரதமா் மோடிக்கோ அல்லது பா.ஜ.கவினருக்கோ தகுதி இல்லை. 3வது முறையாக வெற்றி பெற்று மீண்டும் பிரதமர் ஆகிவிடலாம் என மோடி நினைப்பது பகல் கனவு. 100 கேள்விகள் என்ற பெயரில் பா.ஜ.க நாளிதழ்களில் விளம்பரம் செய்து உள்ளது. ஆண்டுக்கு 2 கோடி பேருக்கு வேலை வாய்ப்பு தருவோம் என்றார்கள்.

கடந்த 10 ஆண்டுகளில் எத்தனை பேருக்கு வேலைவாய்ப்பு கொடுத்தார்கள். கறுப்பு பணம் மீட்கப்பட்டு ஒவ்வொருவர் வங்கிக் கணக்கிலும் ரூ.15 லட்சம் வரவு வைக்கப்படும் என்றார். 15 பைசாகூட வரவு வைக்கப்படவில்லை. மோடியின் உத்தரவாதம் எனக் கூறி மக்களை ஏமாற்ற முயற்சிக்கிறது பா.ஜ.க. விவசாயிகளுக்கு எதிராக 3 சட்டங்களை மோடி கொண்டு வந்தார். 3 சட்டங்களை திரும்பப் பெற வேண்டும் என எதிர்க்கட்சியினர் வைத்த கோரிக்கையை ஏற்கவில்லை. தேர்தல் பரப்புரை

அந்தச் சட்டத்தில் ஒரு புள்ளிகூட திருத்த முடியாது என்றார் மோடி. இதையடுத்து 16 மாதங்கள் தொடர்ந்து விவசாயிகள் போராடினார்கள். 200-க்கும் மேற்பட்ட  விவசாயிகள் உயிரிழந்தனர். உயிர் பலிக்குப் பிறகே சட்டத்தை திரும்பப் பெற்றார். தற்போது ’கச்சத்தீவு’ என்று கதை கட்டி பிரச்னையை திசை திரும்புகிறார். கச்சத்தீவினை மீட்க மோடி எந்த கடிதமும் எழுதவில்லை என்று இலங்கை அரசு கூறுகிறது. 10 ஆண்டு காலம்  கச்சத்தீவினைப் பற்றி வாய்திறக்காத மோடி, தற்போது மட்டும் பேசுவது ஏனோ?

தேர்தல் பத்திரம் என்ற பெயரில் ரூ.7,000 கோடியை மோடி ஊழல் செய்துள்ளார். தேர்தல் கமிஷன் நியாயமாக செயல்படவில்லை. எதிர்க்கட்சிகளுக்கு சின்னம் ஒதுக்கீடு செய்த முறையில் இருந்து தெரிகிறது. அமலாக்கத்துறை சுதந்திரமாக செயல்படவில்லை. எதிர்க்கட்சிகள் மீது வழக்கு தொடர்கிறது. வருமான வரித்துறை காங்கிரஸ் கட்சியின் பணத்தை பிக் பாக்கெட் போல எடுத்துக் கொண்டனர். இந்திய கம்யூனிஸ்ட் கட்சிக்கு எப்படி நிதி வருகிறது என்று எல்லோருக்கும் தெரியும். அப்படிப்பட்ட கட்சிக்கு 11 கோடி ரூபாய் அபராதத்தை வருமான வரித்துறை விதித்துள்ளது. மோடி ஹிட்லர் ஆட்சி நடத்திக் கொண்டு இருக்கிறார். சுவர் இருந்தால்தான் சித்திரம் வரை முடியும். அப்படிப்பட்ட சுவரை மோடி இடித்து கொண்டு இருக்கிறார். திரண்ட மக்கள்

எதிர்க்கட்சிகள் இல்லாத இந்தியா என்பதை உருவாக்க பா.ஜ.க முயற்சி செய்கிறது. நாட்டை காப்பாற்ற யுத்தத்தை நடத்திக் கொண்டு இருக்கிறோம். இது தேர்தல் திருவிழா இல்லை நாட்டை மீட்டெடுப்பதற்கான யுத்தம். லாபத்தில் இயங்கி வந்த 23 பொது துறை நிறுவனங்களை தனியார்மயமாக்கியதுதான் மோடியின் சாதனை. பா.ஜ.க ஆட்சிக்கு வந்ததும் தென்னகத்தில் புல்லட் யில் விடப்படும் என்று தேர்தல் அறிக்கையில் கூறப்பட்டுள்ளது.  ஆனால், ரயில்வே துறையில் இருந்த பல்வேறு சலுகைகளை மோடி அரசு பறித்து விட்டது.” என்றார்.ஓ.பி.எஸ் முன்னிலையில் தாக்கப்பட்டாரா பாஜக மாவட்டத் தலைவர்? - ராமநாதபுரம் பிரசாரத்தில் பரபரப்பு!


http://dlvr.it/T5cWMx

Read More

ஜூ.வி `நச்’ நிலவரம்: தென்சென்னை, தி.மலை, நாகப்பட்டினம், கரூர், விருதுநகர் - முந்துவது யார் யார்?

எழுச்சி பெறும் தமிழச்சி!தென்சென்னை

தி.மு.க-வில் தமிழச்சி தங்கபாண்டியன், அ.தி.மு.க சார்பில் ஜெயவர்தன், பா.ஜ.க சார்பில் தமிழிசை செளந்தரராஜன், நாம் தமிழர் கட்சியில் தமிழ்ச்செல்வி ஆகியோர் போட்டியிடுகின்றனர்.

இலக்கியவாதி என்பதுடன் பெரிய குடும்பத்துப் பெண் என்பதால், சிட்டிங் எம்.பி தமிழச்சி தங்கபாண்டியனுக்கு ஆதரவாக, கூட்டணிக் கட்சித் தலைவர்கள் பலரும் வந்து பிரசாரம் செய்கின்றனர். கூட்டணிக் கட்சியினரும் கடுமையாக உழைத்துவருகிறார்கள். முக்குலத்தோர், நாடார் மற்றும் பட்டியலின வாக்குகளைக் குறிவைத்துப் பிரசார வியூகத்தை அமைத்திருப்பது இவருக்கு ப்ளஸ். அதேசமயம், அரசு ஊழியர்கள் மத்தியில் தி.மு.க மீதிருக்கும் அதிருப்தி, தொகுதிக்குப் பெரிதாக எதுவும் செய்யவில்லை என தமிழச்சி மீதிருக்கும் விமர்சனம் மைனஸ். அதை ஈடுகட்டுவதற்கு வைட்டமின் ‘ப’-வை இறக்கும் முடிவில் இருக்கிறது ஆளும் தரப்பு. மழை, வெள்ளத்தால் பாதிக்கப்பட்டவர்களுக்கு, 6000 ரூபாய் தந்ததும், ‘மத்திய அரசு உரிய நிவாரணம் வழங்கவில்லை’ என தி.மு.க-வினர் பிரசாரம் செய்வதும் களத்தில் எடுபடுகிறது.

‘2014 தேர்தல்போல மீண்டும் தென்சென்னையைக் கைப்பற்றிவிடலாம்’ என்ற நம்பிக்கையோடு தொகுதியில் வலம்வரும் ஜெயவர்தன், மீனவர் சமுதாய வாக்குகளைச் சிந்தாமல் சிதறாமல் வாங்கிவிட முயல்கிறார். அதோடு, கட்சி வாக்குகளையும் அப்படியே அள்ளிவிட வேகமெடுக்கிறார். பர்ஸை தாராளமாகத் திறப்பதால், மாவட்டச் செயலாளர்கள் முதல் அடிமட்ட நிர்வாகிகள் வரை சுறுசுறுப்பாக வேலை பார்க்கிறார்கள். ஆனால், தி.மு.க அதிருப்தி வாக்குகளை முழுமையாகப் பெறுவதற்கு, பா.ஜ.க வேட்பாளர் தடையாகிவிட்டார்.தென் சென்னை நச் நிலவரம்

இரண்டு மாநில ஆளுநர் பதவிகளை ராஜினாமா செய்துவிட்டு தென்சென்னையில் போட்டியிடுகிறார் தமிழிசை செளந்தரராஜன். தொகுதியில் இவருக்குள்ள நல்ல அறிமுகம், பிரதமர் மோடி உள்ளிட்ட தேசியத் தலைவர்கள் பிரசாரம் செய்தது, ஏழை, எளிய பெண்கள் மத்தியில் இருக்கும் வரவேற்பு இவருக்கு ப்ளஸ். அதேசமயத்தில், தேர்தல் பணியாற்றவும், பிரசாரப் பணியில் முழுவீச்சில் ஈடுபடவும் கட்சியில் அடிப்படை நிர்வாகிகள் போதிய அளவில் இல்லை என்பது மைனஸ். பா.ஜ.க-வுக்கென வாக்குகள் இருக்கும் மயிலாப்பூர் சட்டமன்றத் தொகுதியிலேயே,  களப்பணியால் ஓட்டையைப் போடப் பார்க்கிறது தி.மு.க.

தற்போதைய சூழலில், கூட்டணிக் கட்சி பலம் மற்றும் ஆளுங்கட்சி செல்வாக்கோடு,  ‘பசை’யையும் இறக்கி, தமிழச்சி தங்கபாண்டியன் மீண்டும் தென்சென்னையை வென்றெடுக்கிறார். இரண்டாவது இடத்தைப் பிடிப்பதில் ஜெயவர்தனுக்கும் தமிழிசைக்கும் இடையே பலத்த இழுபறி நீடிக்கிறது!அதிர்ஷ்டமடிக்கிறது அண்ணாதுரைக்கு!திருவண்ணாமலை

தி.மு.க-வில் சி.என்.அண்ணாதுரை, அ.தி.மு.க-வில் கலியபெருமாள், பா.ஜ.க-வில் அஸ்வத்தாமன், நாம் தமிழர் கட்சியில் ரமேஷ்பாபு உள்ளிட்டோர் போட்டியிடுகிறார்கள்.

மூன்றாவது முறையாக இந்தத் தொகுதியில் களம் காணும் அண்ணாதுரைக்கு, கடந்த தேர்தலில் மிகப்பெரிய வெற்றி கிடைத்தது. இளைஞர்களுக்கான வேலைவாய்ப்பு மற்றும் வளர்ச்சித் திட்டங்களைக் கொண்டுவராதது இவருக்கு மைனஸ். ‘வேறு யாருக்கும் தகுதியே கிடையாதா?’ என்று சீட்டுக்காக முட்டி மோதிய உள்ளூர் பிரமுகர்கள் பலரும் பிரசாரக் களத்துக்கு வராமல் ஒதுங்கிக்கொண்டிருக்கிறார்கள். ஆனாலும், கூட்டணி பலம், முதலியார் சமூக வாக்குகள் அண்ணாதுரையை ‘அண்ணாந்து’ பார்க்கச் செய்கின்றன. பொதுப்பணித்துறை அமைச்சர் எ.வ.வேலு, துணை சபாநாயகர் கு.பிச்சாண்டி ஆகியோரின் ‘தாராள’த்தாலும், இவர் பக்கமே மீண்டும் ‘அதிர்ஷ்ட’ காற்று வீசுகிறது.

அ.தி.மு.க சார்பில் களமிறங்கியிருக்கும் கலியபெருமாள், முதன்முறையாகப் பொதுத்தேர்தல் களத்துக்கு வந்திருப்பதால், சொந்தக் கட்சியினருக்கே தற்போதுதான் அவரது முகம் பரிச்சயமாகிறது. தொகுதிக்குள் கணிசமாக இருக்கும் வன்னியர் சமூகத்தைச் சேர்ந்தவர் கலியபெருமாள். ஆனால், அந்தச் சமூக மக்களிடம் இவரின் பெயர்கூடச் சென்றடையவில்லை. ஆனாலும், கட்சியின் பலமான வாக்குவங்கி இலையைத் தாங்கிப்பிடிக்கிறது. எடப்பாடி பழனிசாமியின் பிரசாரத்தால், வேளாண்குடி மக்களின் ஆதரவுக்கரமும் கலியபெருமாளைத் தூக்கிப்பிடிக்கிறது.

பா.ம.க வாக்குகள் மட்டுமே பா.ஜ.க வேட்பாளர் அஸ்வத்தாமனுக்கு ப்ளஸ். கிராமங்களில் சேரும் கூட்டம், நகர்ப்புறங்களில் கூடுவதில்லை. ஆன்மிகத் தொகுதி என்றாலும் பா.ஜ.க-வுக்கான அடித்தளமே இல்லாததும், வெளியூர் வேட்பாளர் என்பதும் இவருக்குப் பெரிய மைனஸ். வாக்கு சேகரிப்பில் கவனம் செலுத்தாமல், தி.மு.க-வைத் திட்டுவது, 10.5 சதவிகித இட ஒதுக்கீடு குறித்துப் பேசி அ.தி.மு.க., பா.ம.க-வினரிடையே சண்டை மூட்டிவிடுவது எனத் தொடர்ந்து மூன்றாவது இடத்தை நோக்கித் தானாகவே நகர்ந்துகொண்டிருக்கிறார் அஸ்வத்தாமன்.திருவண்ணாமலை

நாம் தமிழர் வேட்பாளர் சென்னையைச் சேர்ந்த டாக்டர் ரமேஷ்பாபு, பிரசாரத்தில் பெரிதாக ஆர்வம் காட்டுவதில்லை. கடந்த முறை பெற்ற வாக்குகளையே இந்த முறையும் பெற்றால் போதும் என நினைத்துவிட்டார்போல.

சக்திமிக்க ‘வைட்டமின் ப’ தொகுதி முழுக்க இறைக்கப்பட்டிருப்பதால், இரட்டை இலையையும், தாமரையையும் ஓரங்கட்டி எழுகிறது சூரியன். எ.வ.வேலுவின் ‘கவனிப்போடு’ அண்ணாதுரையே மீண்டும் டெல்லிக்குச் செல்கிறார். இரண்டாமிடம் பெறுகிறார் கலியபெருமாள்!பட்டினத்தில் பறக்கிறது செங்கொடி!நாகப்பட்டினம்

தி.மு.க கூட்டணியில் இந்திய கம்யூனிஸ்ட் வேட்பாளர் வை.செல்வராஜ், அ.தி.மு.க-வில் சுர்ஜித் சங்கர், பா.ஜ.க-வில் எஸ்.ஜி.எம்.ரமேஷ் கோவிந்த், நாம் தமிழர் சார்பில் மு.கார்த்திகா ஆகியோர் போட்டியிடுகிறார்கள்!

வை.செல்வராஜ் தொகுதிக்கு நன்கு அறிமுகமானவர். இந்திய கம்யூனிஸ்ட் கட்சிக்கு எனத் தனி வாக்குவங்கி கொண்ட பலமான தொகுதி. செல்வாக்கில், அடுத்த நிலையில் இருக்கும் தி.மு.க-வும் கூட்டணியில் இருப்பது வை.செல்வராஜுக்குக் கூடுதல் பலம்.அதேசமயம், தேர்தல் செலவுக்கே பணம் இல்லாமல் வேட்பாளர் திண்டாடுவதால், கூட்டணிக் கட்சியினர் சுணக்க மடைந்திருப்பது, பிரசாரத்திலும் பின்னடைவை ஏற்படுத்தியிருக்கிறது.

காங்கிரஸ் கட்சியிலிருந்து விலகி, இரண்டு மாதங்களுக்கு முன்பு அ.தி.மு.க-வில் சேர்ந்தவர் சுர்ஜித் சங்கர். தாராளமாகப் பாயும் வைட்டமின் ‘ப’, மக்களைக் கவரும் பேச்சுத் திறமை, தனக்கென தனியாக வார் ரூம் அமைத்துத் தேர்தல் பணி என ஹைடெக்காக வலம்வருகிறார் சுர்ஜித் சங்கர். முன்னாள் அமைச்சர் ஓ.எஸ்.மணியனும் நல்ல ஒத்துழைப்பு கொடுப்பது இவருக்கான பலம்.

அதேசமயம், கட்சியில் சேர்ந்தவுடனேயே வேட்பாளர் ஆனது, கடைநிலைத் தொண்டர்களை எட்டாத வைட்டமின் ‘ப’ ஆகியவை அ.தி.மு.க தொண்டர்களை அதிருப்தியில் ஆழ்த்தியிருக்கின்றன. முன்னாள் அமைச்சர் ஆர்.காமராஜ் ஆதரவாளர்களும் அதிருப்தியில் இருக்கின்றனர். ‘தன் பழைய ஆதரவாளர்களால்’ காங்கிரஸ் வாக்குகளையும் சேர்த்து அறுவடை செய்யலாம் என சுர்ஜித் சங்கர் எடுத்த முயற்சி பலனளிக்காதது போன்றவை மைனஸ்.

இந்திய கம்யூனிஸ்ட் கட்சியின் முன்னாள் எம்.பி., மறைந்த எஸ்.ஜி.முருகையனின் மகன் என்ற அடையாளத்துடன் வலம்வருபவர் எஸ்.ஜி.எம்.ரமேஷ். சிட்டிங் எம்.பி செல்வராசுவின் மைத்துனர். தி.மு.க-வைச் சேர்ந்த ஏ.கே.எஸ்.விஜயனின் மருமகன் என்பது கூடுதல் பலம். அ.ம.மு.க., பா.ம.க கூட்டணி பலத்துடன் களமிறங்கியிருப்பது இவருக்கான ப்ளஸ். ஒரே கட்சியில் இல்லாமல் கட்சி மாறியது, செல்வராசுவும் ஏ.கே.எஸ்.விஜயனும் ‘தங்கள் பெயரைப் பயன்படுத்தக் கூடாது’ எனக் கறார் காட்டியிருப்பது ஆகியவை மைனஸ்.

தற்போதைய நிலவரப்படி, தி.மு.க-வின் பலத்தால் வை.செல்வராஜ் வாகை சூடுவார். இரண்டாமிடத்துக்கு சுர்ஜித் சங்கருக்கும், மூன்றாமிடத்துக்கு எஸ்.ஜி.எம்.ரமேஷும் வந்து சேர்கிறார்கள்!டஃப் வேல்... ஃபைட் ஜோதி!கரூர்

தி.மு.க கூட்டணியில் காங்கிரஸ் கட்சியைச் சேர்ந்த ஜோதிமணி, அ.தி.மு.க-வில் எல்.தங்கவேல், பா.ஜ.க சார்பில் வி.வி.செந்தில்நாதன், நாம் தமிழர் கட்சியில் மருத்துவர் கருப்பையா ஆகியோர் களத்தில் மோதுகிறார்கள்.

செந்தில் பாலாஜி தரப்பின் ‘ஒத்துழையாமை இயக்கம்’, ‘தொகுதிக்கு உருப்படியாக எதுவும் செய்யவில்லை’ என்று தொகுதிக்குள் ஆங்காங்கே கிளம்பிவரும் விமர்சனங்களால் கலக்கத்தில் இருக்கிறார் சிட்டிங் எம்.பி ஜோதிமணி.

ஆனால், தனிப்பட்ட முறையில் எந்தக் கெட்ட பெயரும் இல்லாதது, ‘நான் ஜெயித்து, நன்றி அறிவிக்க செந்தில் பாலாஜியை உடன் அழைத்துவருவேன்’, ‘எனக்கு அம்மா இல்லை. நீங்கள்தான் என் குடும்பம்’ என்றெல்லாம் சென்டிமென்ட்டாகப் பேசி வாக்குகள் சேகரிப்பது மக்கள் மத்தியில் அவருக்கு அனுதாபத்தை ஏற்படுத்துகிறது.

எல்.தங்கவேல், தேர்தலுக்குப் புதியவர் என்றாலும் டெக்ஸ்டைல்ஸ் பிசினஸில் இருப்பதால், தொகுதி மக்களுக்கு அறிமுகமானவர். இரட்டை இலைச் சின்னம் கூடுதல் பலம். ஸ்வீட்டை தாராளமாக ஊட்டிவிடுவதால், கட்சியினர் உற்சாகமாக வேலை செய்கின்றனர். ஜோதிமணிக்கு டஃப் ஃபைட் கொடுத்துக்கொண்டிருக்கிறார்.

பா.ஜ.க கரூர் மாவட்டத் தலைவரான வி.வி.செந்தில்நாதன், ஏற்கெனவே அ.தி.மு.க-வில் இருந்தபோது அரவக்குறிச்சியில் இரண்டு முறை சட்டமன்றத் தேர்தல்களில் போட்டியிட்டவர் என்பதால், இவருக்குத் தொகுதியில் நல்ல அறிமுகம் இருக்கிறது. இந்த நிலையில், கரூர் தொகுதியில் பா.ஜ.க-வுக்கான செல்வாக்கை வெள்ளோட்டம் பார்க்க இந்தத் தேர்தலைப் பயன்படுத்துகிறார் அண்ணாமலை. அவர் கொடுக்கும் கூடுதல் சப்போர்ட் வி.வி.செந்தில்நாதனுக்குக் கூடுதல் ‘தெம்பு’ தருகிறது.கரூர்

நாம் தமிழர் கட்சி சார்பில் கடந்த முறை தேர்தலைச் சந்தித்த மருத்துவர் கருப்பையாவே இந்த முறையும் வேட்பாளராகியிருக்கிறார். கடந்த முறை பெற்ற வாக்குகளைவிடக் கூடுதலாகப் பெற வேண்டும் என்ற வேட்கையோடு பிரசாரத்தில் ஈடுபட்டுவருகிறார்.

ஜோதிமணிக்குக் கடந்த முறை இருந்த செல்வாக்கு இப்போது இல்லை. மேலும், தொகுதியில் ஆங்காங்கே எழும் எதிர்ப்பு, செந்தில் பாலாஜி தரப்பின் சுணக்கம் ஆகியவை அவரை பலவீனப்படுத்துகின்றன. இரட்டை இலையை, ‘கை’யால் மறைப்பது அவ்வளவு எளிதில்லை என்பதே தற்போதைய நிலவரம்.  ஜோதிமணிக்கும் தங்கவேலுக்கும் இடையே போட்டி கடுமையாக நடக்கிறது. சளைக்காமல் மூன்றாமிடத்தைக் குறிவைக்கிறார் வி.வி.செந்தில்நாதன்!மறுபடியும் வெல்லும் மாணிக்கம் தாகூர்!விருதுநகர்

காங்கிரஸ் வேட்பாளராக சிட்டிங் எம்.பி மாணிக்கம் தாகூர், அ.தி.மு.க கூட்டணியில் தே.மு.தி.க சார்பில் விஜய பிரபாகரன், பா.ஜ.க சார்பில் நடிகை ராதிகா சரத்குமார் என ஸ்டார் தொகுதியாக கவனம் ஈர்க்கிறது விருதுநகர். நாம் தமிழர் கட்சியின் சார்பில் சி.கெளசிக் களமாடுகிறார்.

காங்கிரஸ் வேட்பாளர் மாணிக்கம் தாகூர் ஏற்கெனவே இரண்டு முறை எம்.பி-யாக இருந்தவர். தொடர்ந்து நான்காவது முறையாகப் போட்டியிடுகிறார். எளிமையானவர், நன்கு பழகக்கூடியவர். கூட்டணிக் கட்சியின் செல்வாக்கு, கே.கே.எஸ்.எஸ்.ஆர்.ராமச்சந்திரன், தங்கம் தென்னரசு என இரண்டு அமைச்சர்களின் ஒத்துழைப்பு, வேட்பாளரின் சமுதாய வாக்குகள் ஆகியவை அவருக்கு ப்ளஸ்.

கடந்த ஐந்தாண்டுகளில் நூறு நாள் வேலைத் திட்டப் பணியாளர்களின் சம்பளப் பிரச்னை, கல்விக் கடன், மருத்துவக் காப்பீடு, ஆங்காங்கே பேருந்து நிறுத்தம் எனச் செய்த பணிகள் ப்ளஸ். ஆனால், இந்தத் தொகுதியின் வாழ்வாதாரப் பிரச்னைகளான பட்டாசு, தீப்பெட்டி, நெசவுத் தொழில், மருத்துவம், இ.எஸ்.ஐ., ரயில்வே மேம்பாலம் உள்ளிட்டவற்றையெல்லாம் அந்தரத்தில் விட்டதில் கிராமப்புற மக்களிடையே அதிருப்தி இருக்கிறது. இது அவருக்கு மைனஸ்.

தே.மு.தி.க வேட்பாளர் விஜய பிரபாகரன், அ.தி.மு.க வாக்குகள், அனுதாப வாக்குகள், சிட்டிங் எம்.பி‌ மீதான அதிருப்தி வாக்குகள், சமூகரீதியான வாக்குகள் எனக் கணிசமான ஓட்டுகளைப் பிரிப்பார். விஜயகாந்த்தின் மகன் என்பதும், யதார்த்தமான பேச்சும் அவருக்கு ப்ளஸ். ஆனாலும், ஒருங்கிணைந்த பணி இல்லாமல் கே.டி.ராஜேந்திர பாலாஜியை மட்டும் வைத்து ‘ஒன் மேன் ஷோ’ காட்டும் அ.தி.மு.க., மெத்தனமாகப் பணியாற்றும் தொண்டர்கள் விஜய பிரபாகரனுக்கு மைனஸ்.

பா.ஜ.க வேட்பாளர் ராதிகாவுக்கு, கூட்டணிக் கட்சியான அ.ம.மு.க-வின் வாக்குகள் கிடைக்குமென்பது சற்று ஆறுதலான விஷயம். ஆனால், சமூகரீதியான வாக்குகளைக் குறிவைத்து ராதிகா களமிறக்கப்பட்டிருப்பதும், பிரசாரத்தில் சினிமாத்தனம் செய்வதும், ச.ம.க-வை, பா.ஜ‌.க-வோடு இணைத்த அதிருப்தியுமே அவரை மூன்றாம் இடத்தை நோக்கிப் பின்னுக்கு இழுக்கின்றன.

விஜய பிரபாகரன் விடாமல் துரத்தி வந்தாலும், விருதுநகரில் மறுபடியும் வெற்றி வாகை சூடவிருப்பது மாணிக்கமே!40 நாடாளுமன்றத் தொகுதிகள்... ஒரு சட்டமன்றத் தொகுதி... அனல் பறக்கும் ‘நச்’ நிலவரம்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5cCb6

Read More

தென்காசி: `வருடம் முழுவதும் சீசன்; குற்றாலத்தில் புதிய அருவி உருவாக்குவேன்!' - டாக்டர் கிருஷ்ணசாமி

தென்காசி மக்களவைத் தொகுதி அ.தி.மு.க வேட்பாளரான புதிய தமிழகம் கட்சி தலைவர் டாக்டர் கிருஷ்ணசாமி, பிரசித்தி பெற்ற சுற்றுலாத் தலமான குற்றாலத்தில் நேற்று ஆய்வு மேற்கொண்டார். மெயின் அருவி மற்றும் அதனை சுற்றியுள்ள வணிகக் கடைகள், உடை மாற்றும் அறைகள், சுற்றுலாப் பயணிகளுக்கு செய்து கொடுக்கப்பட்டுள்ள வசதிகள், கிடப்பில் போடப்பட்டுள்ள திட்டங்கள் உள்ளட்டவை குறித்து அ.தி.மு.க. நிர்வாகிகளுடன் கலந்தாலோசித்த அவர், அங்கு வந்த சுற்றுலாப் பயணிகளிடம் வாக்கு சேகரிப்பில் ஈடுபட்டார்.ஆய்வு

தொடர்ந்து செய்தியாளர்களைச் சந்தித்து அவர் பேசுகையில், ``தென்காசி மக்களவைத் தொகுதிக்குட்பட்ட குற்றாலத்தில் பேரருவி, செண்பக தேவி அருவி, தேனருவி என பல அடுக்குகளை கொண்ட இயற்கை வளஅமைப்பை கொண்ட சுற்றுலாத் தலமாக புகழ்பெற்று விளங்குகிறது. இங்கு சுற்றுலாப் பயணிகளின் வசதிகளுக்காக திட்டமிடப்பட்ட அனேக விஷயங்கள் கிடப்பில் போடப்பட்டுள்ளன. குறிப்பாக பெண்களுக்கு உடை மாற்றும் அறை இல்லை, வளர்ச்சி திட்டங்களுக்காக ஒதுக்கப்பட்ட 10 கோடி ரூபாய் என்ன ஆனது என்று தெரியவில்லை, குற்றாலத்தை உலக தரமிக்க சுற்றுலாத் தலமாக மாற்றுவதற்கு விதிக்கப்பட்ட 41 கட்டளைகள் இன்னும் அமல்படுத்தவில்லை. மே மாத இறுதி முதல் செப்டம்பர் வரைக்கும் மட்டுமே குற்றாலத்தில் சீசன் காலமாகும். அந்தக்காலத்தில் சிறு, குறு வியாபாரிகள் முதல் இந்த சுற்றுலா மையத்தை அடிப்படையாக வைத்து பல்லாயிரக்கணக்கான வியாபாரிகள் பயன்பெறுவார்கள்.வாக்கு சேகரிப்பு

சுற்றுலாப் பயணிகளின் வருகை அதிகரிப்பால் வணிகம் பெருகி வருவாய் அதிகரிக்கும். சீசனை தவிர மற்ற நாள்களில் தண்ணீர் வரத்தும் இருப்பதில்லை. எனவே, வருடம் முழுவதும் குற்றாலத்தில் தண்ணீர் வருவதற்கு சிறப்பு ஏற்பாடாக பேரரருவிக்கு மேலே உள்ள அருவி வழித்தடங்களிலிருந்து வருடந்தோறும் நீர் வரும் அளவுக்கு சின்னதொரு நீர்த்தேக்கம் அமைத்து புதிய அருவி அமைப்பதற்கு திட்டம் முன்வைக்கப்படும். இது, ஏற்கெனவே இருக்கும் இயற்கை அமைப்பை கெடுக்காத வகையிலும், விவசாய நீர் பாசனத்தை பாதிக்காத வகையிலும் மேற்கொள்ளப்படும். அதுபோல குற்றாலத்தை உலக தரமிக்க சுற்றுலாத் தலமாக மாற்றுவதற்கு பேரூராட்சி நிர்வாகத்தினால் முடியாது. ஆகவே நான் வெற்றி பெற்று மக்களவை உறுப்பினரானதும் குற்றாலத்தை உலக சுற்றுலா வரைபடத்தில் இடம்பெற செய்வதற்கான அனைத்து நடவடிக்கைகளையும் எடுப்பேன்" என்றார்.பா.ஜ.க வலையில், கிருஷ்ணசாமி வாண்டையார்? - கொந்தளிக்கும் காங்கிரஸார்!


http://dlvr.it/T5c0JL

Read More

இருபுறமிருந்து தாக்கும் அதிமுக, பாஜக.பல முனைகளில் இருந்து வரும் கணைகளை எதிர்கொள்ளும் திமுக

ஆனால், தற்போது நடக்கும் தேர்தலில், இந்த பாஜக அரசை விமர்சிப்பதற்குப் பதிலாக, மத்தியில் ஆட்சி மாற்றத்துக்காக பேசுவதற்குப் பதிலாக மாநில அரசையே விமர்சித்துக் கொண்டிருக்கிறது எதிர்க்கட்சியான அதிமுக. 

நடப்பது நாடாளுமன்றத் தேர்தலா, சட்டமன்றத் தேர்தலா என்ற சந்தேகத்தை இது ஏற்படுத்துகிறது. எனவே, பிரிந்திருப்பதாக வெளியே சொல்லிக் கொண்டாலும்கூட அதிமுக-வும் பாஜகவும் இரண்டு துருவங்களில் நின்று கொண்டு திமுக என்னும் ஒரே இலக்கையே தாக்கிக் கொண்டிருக்கின்றன. 

சமையல் எரிவாயு, பெட்ரோல், டீசல் ஆகியவற்றின் விலையை கடுமையாக உயர்த்தியிருக்கிறது மத்திய பாஜக அரசு. சர்வதேச சந்தையில் கச்சா எண்ணெய் விலை அதல பாதாளத்துக்கு வீழ்ச்சி அடைந்த நிலையில் இப்படி இங்கே விலையை உயர்த்தியிருக்கிறார்கள். வேலையில்லாத் திண்டாட்டம், கடந்த 50 ஆண்டுகளில் இல்லாத அளவுக்கு உயர்ந்துள்ளது. கொரோனா பெருந்தொற்றை மிக மோசமான முறையில் கையாண்டதால், உலகிலேயே மிக மோசமான மனிதப் பேரவலம் இந்தியாவில் நடந்தது. லட்சக்கணக்கான தொழிலாளர்கள் ஆயிரக்கணக்கான கிலோ மீட்டர் தூரம் நடந்தே ஊருக்குப் போனார்கள். 

மக்களைப் பற்றி கவலைப்படாமல் கொண்டுவரப்பட்ட ஜி.எஸ்.டி. வரியும், பணமதிப்பு நீக்க நடவடிக்கையும் சேர்ந்து சிறு, குறு தொழில்களை மோசமாக நலிவடையச் செய்திருக்கின்றன. 

இந்த தொழில்களை நம்பியிருந்த பல லட்சம் பேர் வீதிக்கு வந்திருக்கிறார்கள். வளர்ச்சி, வாய்ப்புகள் எல்லாம் அதானி, அம்பானி என்ற இரண்டு பணக்காரர்களின் பாக்கெட்டுகளுக்கு மட்டுமே போயிருக்கின்றன.

தொழிலதிபர்கள் அச்சுறுத்தப்பட்டு, ரெய்டு விடப்பட்டு அவர்களிடம் இருந்து பல்லாயிரம் கோடி ரூபாய்கள் தேர்தல் பத்திர நன்கொடையாக பெறப்பட்டுள்ளன. இந்த ஆயிரக்கணக்கான கோடி தேர்தல் பத்திர நன்கொடைக்கு பிரதிபலனாக, லட்சக்கணக்கான கோடி மதிப்புக்கு முறைகேடுகளை அனுமதித்துள்ளது பாஜக அரசு.  

துவாரகா எக்ஸ்பிரஸ் நெடுஞ்சாலை அமைப்புப் பணியில் ஒரு கிலோமீட்டர் சாலை அமைக்க ரூ.250 கோடி செலவிடப்பட்டதாக கணக்கு எழுதியது அம்பலமானது. இதுபோல, 7.5 லட்சம் கோடி அளவுக்கு மத்திய அரசு முறைகேடு செய்திருப்பதாக சி.ஏ.ஜி. அறிக்கை கொடுத்திருக்கிறது. காங்கிரஸ் தலைமையிலான ஐ.மு. கூட்டணி ஆட்சியின்போது பிரான்ஸ் நாட்டின் டசோ நிறுவனத்தில் இருந்து 126 ரஃபேல் போர் விமானங்களை வாங்க முடிவு செய்யப்பட்டது. அதைவிட கூடுதலான விலை கொடுத்து வெறும் 36 ரஃபேல் போர் விமானங்களைப் பேசி வாங்கியது பாஜக அரசாங்கம்.

அமலாக்கத்துறை, சிபிஐ போன்ற அரசமைப்புச் சட்ட நிறுவனங்களின் சுதந்திரம் சிதைக்கப்பட்டு, எதிர்க்கட்சிகள் ஆளும் மாநிலங்களில் குதிரை பேரங்கள் மூலம் ஆட்சிகள் கவிழ்க்கப்பட்டன. இந்த ஆட்சிக் கவிழ்ப்பு ஊழல் நடவடிக்கைகள் வெட்கமின்றி 'ஆபரேஷன் தாமரை' என்று பெயரிட்டு அழைக்கப்பட்டன.

கொள்கை என்ற அளவில் பார்த்தாலும், குடியுரிமையில் மதப் பாரபட்சம் காட்டும் குடியுரிமைத் திருத்தச் சட்டம் நிறைவேற்றப்பட்டது. காஷ்மீருக்கு சிறப்பதிகாரம் தந்த உறுப்புரை 370 சர்ச்சைக்குரிய முறையில் ரத்து செய்யப்பட்டது. ஜம்மு காஷ்மீர் மாநிலம் இரண்டாக உடைக்கப்பட்டு அதிகாரமற்ற இரண்டு யூனியன் பிரதேசங்களாக ஆக்கப்பட்டன. அங்கே ஆறு ஆண்டுகளாக மக்களால் தேர்ந்தெடுக்கப்பட்ட அரசு இல்லாமல் ஆளுநர் ஆட்சி நடக்கிறது.

எதிர்க்கட்சிகள் ஆளும் மாநிலங்களில் மாநில ஆளுநர்கள் தேர்ந்தெடுக்கப்பட்ட அரசை விட அதிகாரம் மிக்கவர்களாக தங்களைக் கருதிக் கொண்டு, சட்டமன்றங்கள் நிறைவேற்றும் சட்டங்களை நிறுத்திவைப்பது, மாநில அரசின் அதிகார எல்லையில் சாத்தியமான எல்லா வழியிலும் குறுக்கீடு செய்வது என்று செயல்படுகிறார்கள்.

மாநிலங்களின் வரி அதிகாரங்கள் பெருமளவில் குறைக்கப்பட்டு, மத்திய  நிதியை ஒதுக்கீடு செய்வதில், மாநிலங்களுக்கு இடையில் கடுமையான பாகுபாடு காட்டப்படுகிறது. இப்படி பாகுபாட்டுக்கு ஆளான மாநிலங்களில் தமிழ்நாடும் ஒன்று.

இவ்வளவு நடந்திருந்தும், பேசுவதற்கு இவ்வளவு பிரச்னைகள் இருந்தும், தமிழ்நாட்டின் முதன்மை எதிர்க்கட்சியான அதிமுக-வும், வாக்கு சதவீதத்தில் நான்காமிடம் பிடிக்கும் என்று எதிர்பார்க்கப்படும் நாம் தமிழர் கட்சியும் மூன்றாண்டுகளாக தமிழ்நாட்டில் ஆட்சியில் இருக்கும் திமுகவை மட்டுமே விமர்சிக்கின்றன. பத்தாண்டுகளாக பலவித கோளாறுகளை ஏற்படுத்திய பாஜக ஆட்சியை விமர்சிப்பதை கவனமாகத் தவிர்க்கின்றன. 

மேலே சொன்ன பிரச்சனைகளையெல்லாம் தமிழ்நாட்டின் தேர்தல் மேடைகளில் எங்கே கேட்க முடியும்? திமுக தலைமையிலான இந்தியா கூட்டணி மேடைகளில் மட்டுமே இந்தப் பிரச்னைகள் பேசப்படுவதைக் கேட்க முடியும். குறிப்பாக முதலமைச்சர் மு.க.ஸ்டாலின் இந்தப் பிரச்னைகளை எல்லாம் தொட்டு விரிவாகப் பேசுகிறார். தன்னுடைய ஒவ்வொரு பிரசாரக் கூட்டத்திலும் இந்த விஷயங்களை விளக்கும் முதல்வர், தன் பேச்சுக்கு ஆதாரமாக புள்ளிவிவரங்களைக் காட்டுகிறார். பிரபலமான பத்திரிகைகளில் எழுதப்பட்ட கட்டுரைகளை மேற்கோள் காட்டுகிறார். சி.ஏ.ஜி. போன்ற அரசு அமைப்புகள் எழுதிய குறிப்புகளை மேற்கோள் காட்டுகிறார். 

ஆனால், பல அணிகளாகப் பிரிந்து தேர்தல் நடந்தாலும்கூட, பாஜக உறவை முறித்துக் கொண்டதாக அதிமுக கூறிக்கொண்டாலும்கூட பாஜக அரசை விமர்சிக்கும் பொறுப்பை அதிமுகவோ, அதன் பொதுச் செயலாளர் எடப்பாடி பழனிசாமியோ பகிர்ந்துகொள்ளவில்லை. 

பதிலாக, பாஜகவின் முறைகேடுகளை, ஊழலை, நச்சுக் கோட்பாடுகளை, ஜனநாயக விரோத செயல்பாடுகளை விமர்சிக்கும் திமுக மீது தாக்குதல் தொடுப்பதிலேயே பிசியாக இருக்கிறார் எடப்பாடி. 

பாஜக, அதிமுக, நாம் தமிழர் கட்சி ஆகிய மூன்று தரப்புமே திமுக என்னும் ஒரே இலக்கை நோக்கியே தாக்குதல் தொடுக்கின்றன. 

தன்னுடைய 3 ஆண்டுகால ஆட்சியில், நிதி நெருக்கடி, கொரோனா, வரலாறு காணாத வெள்ளம், ஒத்துழைக்காத ஒன்றிய அரசு என்று பல சவால்களை எதிர்கொண்டிருக்கிறது திமுக அரசாங்கம். இவற்றுக்கு நடுவிலும் கல்வி, சுகாதாரம், பெண்கள் மேம்பாடு, விவசாயிகள், மீனவர்கள், நெசவாளர் நலன் ஆகியவற்றுக்கு ஏராளமான திட்டங்களை செயல்படுத்தியுள்ளது திமுக அரசாங்கம். மக்கள் மேம்பாட்டிலும், அடிப்படைக் கட்டமைப்பு வளர்ச்சியிலும் முதலீடு செய்வது என்ற திராவிட மாடல் கொள்கையை தொடர்ச்சியாகப் பின்பற்றுகிறது. தமிழ்நாட்டின் பொருளாதார வளர்ச்சிக்கு தொழில்முனைவோரை ஊக்குவிப்பது, வெளிநாட்டு முதலீடுகளை ஈர்ப்பது என்ற இரண்டு வழிகளைப் பின்பற்றுகிறது. இரண்டுக்கும் தெளிவான திட்டங்கள் தீட்டப்பட்டு செயல்படுத்தப்படுகின்றன. 

பாஜக, அதிமுக, நாம் தமிழர் கட்சி என்று மூன்று தரப்பும் பேசி வைத்துக் கொண்டு செய்வதைப் போல இது நாடாளுமன்றத் தேர்தல் என்பதை மறைத்து திமுகவை மட்டுமே தாக்கிப் பேசிக் கொண்டிருந்தாலும், அரசியல் விழிப்புணர்வு மிக்கவர்களான தமிழ்நாட்டு மக்களுக்கு எல்லாம் புரிகிறது. திமுகவும், காங்கிரஸ், விசிக, சிபிஐ, சிபிஎம், மதிமுக, முஸ்லிம் லீக் உள்ளிட்ட இந்தியா கூட்டணிக் கட்சிகளும், தோழமை அமைப்புகளும் இந்தப் பிரச்னைகளை ஓயாமல் மக்களுக்கு நினைவுபடுத்திக்கொண்டே இருக்கின்றன. தமிழ்நாட்டு மக்களின் அரசியல் விழிப்புணர்வையும், ஓயாத பரப்புரைகளையும் துணையாகக் கொண்டே பலமுனை வியூகங்களை எதிர்கொள்கிறது திமுக அணி. 


http://dlvr.it/T5bC67

Read More

`அரசியலமைப்புச் சட்டத்துக்கு எதிரானவர்களை தண்டிக்கும் தேர்தல் இது!' - மோடி காட்டம்

நாடாளுமன்றத்தில் 10 ஆண்டுகளாக பா.ஜ.க-வுக்கு எதிர்வரிசையில் தனித் தனியாக அமர்ந்திருந்த பல எதிர்க்கட்சிகள் ஒன்றாக இணைந்து இந்தியா கூட்டணியாக, பா.ஜ.க-வை தீவிரமாக எதிர்த்துவருகிறது. தேர்தல் பத்திர முறைகேடு, ஜி.எஸ்.டி, வேலைவாய்ப்பின்மை, பெட்ரோலியம் மற்றும் அத்தியாவசியப் பொருள்களின் விலையுயர்வு ஆகியவற்றைக் குறிப்பிட்டு பா.ஜ.க-வை வீழ்த்த வேண்டும் என்று இந்தியா கூட்டணி பரப்புரை செய்துவருகிறது. மறுபக்கம், `ஊழலுக்கு முற்றுப்புள்ளி வைக்க இந்தியா கூட்டணியை வீழ்த்த வேண்டும்' என்று தொடர்ச்சியாக 10 ஆண்டுகள் ஆட்சியிலிருக்கும் பா.ஜ.க பிரசாரம் செய்துவருகிறது.அரசியலமைப்புச் சட்டம் - ராகுல் காந்தி - மோடி

இதற்கிடையில், `மீண்டும் பா.ஜ.க ஆட்சிக்கு வந்தால் அரசியலமைப்புச் சட்டத்தையே மாற்றிவிடுவார்கள்' என்ற முக்கிய வாதத்தை காங்கிரஸ் உள்ளிட்ட எதிர்க்கட்சிகள் மக்களிடம் முன்வைத்து வருகின்றன. அதற்கேற்றாற்போலவே, `அரசியலமைப்புச் சட்டம் இன்றளவும் முழுமை பெறாத ஆவணமாகவே இருக்கிறது' என்று தமிழ்நாடு ஆளுநர் ஆர்.என்.ரவி, `அரசியலமைப்பில் திருத்தங்கள் கொண்டுவர 400 இடங்களுக்கு மேல் வெல்ல வேண்டும்' என பா.ஜ.க எம்.பி அனந்த் குமார், `அரசியலமைப்புச் சட்டம் ஒவ்வொரு காலகட்டத்திலும் மாற்றங்களைச் சந்தித்திருக்கிறது. மாற்றம் என்பது வளர்ச்சியின் அடையாளம். அது மோசமான விஷயமல்ல' என உத்தரப்பிரதேச பா.ஜ.க வேட்பாளர் அருண் கோவில் போன்றோர் கூறிவந்திருக்கின்றனர்.

இருப்பினும், இத்தகைய கூற்றுகளுக்கு பா.ஜ.க தலைமை பெரிதாகப் பதிலளிக்காமலிருந்த நிலையில், `அம்பேத்கரே வந்தாலும் அவரால் அரசியலமைப்புச் சட்டத்தை அழிக்க முடியாது' என பிரதமர் மோடி கடந்த வாரம் கூறியிருந்தார். இந்த நிலையில், `அரசியலமைப்புச் சட்டத்துக்கு எதிரானவர்களைத் தண்டிக்கும் தேர்தல் இது' என மோடி கூறியிருக்கிறார்.மோடி - பாஜக - பீகார்

பீகார் மாநிலம், கயா மாவட்டத்தில் இன்று நடைபெற்ற பா.ஜ.க பேரணியில் கலந்துகொண்டு பேசிய மோடி, ``திமிர்பிடித்த கூட்டணித் தலைவர்களைத் தண்டிப்பதற்காக மட்டுமே இந்தத் தேர்தல். அதுமட்டுமல்லாமல், அரசியலமைப்புச் சட்டத்துக்கு எதிரானவர்களையும், இந்தியாவை வளர்ந்த நாடாக மாற்ற மத்திய அரசு எடுக்கும் முன்முயற்சிகளை எதிர்ப்பவர்களையும் தண்டிக்கும் தேர்தல் இது.மோடி - பாஜக - பீகார்

காங்கிரஸும் அதன் கூட்டணி கட்சிகளும் என்னைத் துஷ்பிரயோகம் செய்வதற்காக அரசியல் சாசனத்தின் பெயரால் பொய்களைப் பரப்புகின்றனர். அரசியலமைப்புச் சட்டத்தை தேசிய ஜனநாயகக் கூட்டணி மதிக்கிறது. இனி, பாபாசாகேப் அம்பேத்கரால்கூட இதை மாற்ற முடியாது. எதிர்க்கட்சிகள் சனாதன தர்மத்தை டெங்கு, மலேரியா என்று அழைக்கிறார்கள். ஒரு இடம் வெல்வதற்குக்கூட அவர்களுக்குத் தகுதியில்லை. அவர்கள் தண்டிக்கப்பட வேண்டும்" என்றார்.நாடாளுமன்றம்: ``தமிழ்நாட்டின் பலத்தைக் குறைக்கும் மோடியின் அப்பட்டமான சதித்திட்டம்..!” - ஸ்டாலின்


http://dlvr.it/T5ZpCF

Read More

`திட்டமிட்ட அழுத்தம்; நீதித்துறையை பாதுகாக்க வேண்டும்' சந்திரசூட்டுக்கு ஓய்வுபெற்ற நீதிபதிகள் கடிதம்

மத்திய புலனாய்வுத் துறைகளால் கைது செய்யப்பட்ட எதிர்க்கட்சித் தலைவர்களுக்கு நீதிமன்றத்திலும் நிவாரணம் கிடைக்காததைத் தொடர்ந்து, எதிர்க்கட்சித் தலைவர்கள் சிலருக்கு எதிரான ஊழல் வழக்கு நடவடிக்கைகள் தொடர்பாக மத்திய பா.ஜ.க அரசுக்கும் எதிர்க்கட்சிகளுக்குமிடையே வார்த்தைப் போர் வெடித்துள்ளது. இந்த சூழலில் உச்ச நீதிமன்ற தலைமை நீதிபதிக்கு, உச்ச நீதிமன்ற ஓய்வு பெற்ற நீதிபதிகளான தீபக் வர்மா, கிருஷ்ணா முராரி, தினேஷ் மகேஸ்வரி, எம்.ஆர். ஷா உள்ளிட்ட நீதிபதிகளும், உயர் நீதிமன்றங்களின் ஓய்வுபெற்ற நீதிபதிகள் உள்ளிட்ட 21 நீதிபதிகள் அடங்கிய குழு ஒன்று கடிதம் எழுதியிருக்கிறது.பாஜக, காங்கிரஸ்

அதில்,``நீதித் துறைக்கு எதிராகத் திட்டமிடப்பட்ட அழுத்தம், தவறான தகவல்கள், நீதிமன்ற தீர்ப்பை குறைமதிப்பிற்குட்படுத்துதல் போன்ற சில பிரிவினரின் தீவிர முயற்சிகள் கவலையளிக்கிறது. குறுகிய அரசியல் நலன்கள் மற்றும் தனிப்பட்ட ஆதாயங்களுக்காகவும், நீதித்துறையின் நற்பெயரைக் கெடுக்கும் நோக்கத்தில், அடிப்படையற்ற கோட்பாடுகளைப் பரப்புவது முதல் நீதித்துறை தீர்ப்புகளை தங்களுக்குச் சாதகமாக மாற்றிக்கொள்ள வெளிப்படையான மற்றும் ரகசிய முயற்சிகளில் ஈடுபடுவது வரை... நாட்டின் நீதித்துறை அமைப்பின் மீது பொதுமக்களின் நம்பிக்கையைச் சிதைக்க முயல்கிறார்கள்.

இந்த செயல்பாடுகள் அனைத்தும் சமூக, பொருளாதார மற்றும் அரசியல் முக்கியத்துவம் வாய்ந்த வழக்குகள் பின்னணியில் நடக்கிறது. நீதித்துறை சுதந்திரத்திற்குத் தீங்கு விளைவிக்கும் வகையில், நீதிமன்றங்கள் மற்றும் நீதிபதிகளின் நேர்மை மீது சந்தேகங்களை முன்வைப்பதன் மூலம், நீதித்துறை செயல்முறைகளைத் திசைதிருப்ப நயவஞ்சகமான முறைகளை விமர்சகர்கள் பின்பற்றுகின்றனர்.நீதி

இத்தகைய செயல்கள் நமது நீதித்துறையின் புனிதத்தை அவமதிப்பதாகும். ஜனநாயகத்தின் தூணாக இருக்கும் நீதித்துறை, நிலையற்ற அரசியல் நலன்களின் விருப்பங்களிலிருந்து விடுபடுவது இன்றியமையாதது. எனவே இத்தகைய அழுத்தங்களுக்கு எதிராக நீதித்துறை பலப்படுத்தப்பட வேண்டும். நீதித்துறையின் புனிதத்தன்மை, தன்னாட்சி பாதுகாக்கப்படுவதை உறுதி செய்ய வேண்டும்" எனக் குறிப்பிடப்பட்டிருக்கிறது.உ.பி: `மதரஸா கல்வி வாரியத்தால் மதச்சார்பின்மைக்குப் பாதிப்பு ஏற்படாது...' - உச்ச நீதிமன்றம் தீர்ப்பு


http://dlvr.it/T5Z1NZ

Read More

ராதிகாவுக்கு பாஜக துண்டை எடுத்துக்கொடுத்த சரத்குமார்... பிரதமர் மோடியின் நெல்லை பொதுக்கூட்ட கிளிக்ஸ்

நெல்லையில் பிரதமர் மோடி பிரசாரம்நெல்லையில் பிரதமர் மோடி பிரசாரம்நெல்லையில் பிரதமர் மோடி பிரசாரம்நெல்லையில் பிரதமர் மோடி பிரசாரம்நெல்லையில் பிரதமர் மோடி பிரசாரம்நெல்லையில் பிரதமர் மோடி பிரசாரம்நெல்லையில் பிரதமர் மோடி பிரசாரம்நெல்லையில் பிரதமர் மோடி பிரசாரம்நெல்லையில் பிரதமர் மோடி பிரசாரம்சரத் குமார் ராதிகா சரத்குமார்ராதிகா - சரத்குமார்ராதிகா - சரத்குமார்ராதிகா - சரத்குமார்ராதிகா - சரத்குமார்ராதிகா - சரத்குமார்பிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிநயினார் நாகேந்திரன்மோடி - விஜயதரணிமோடி - விஜயதரணிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடிபிரசாரத்தில் பிரதமர் மோடி


http://dlvr.it/T5Yk19

Read More