பினராயி விஜயனின் 3 நாடுகள் டூர்: `அவசர விஷயம் எனில் யார் பொறுப்பு?’ - சாடும் காங்கிரஸ்

கேரள முதல்வர் பினராயி விஜயன் குடும்பத்தினருடன் நேற்று கோழிக்கோட்டில் இருந்து விமானம் மூலம் வெளிநாடுகளுக்கு சுற்றுலா சென்றுள்ளார். வரும் 12-ம் தேதி வரை இந்தோனேசியாவிலும், அதைத்தொடர்ந்து சிங்கப்பூரில் வரும் 18-ம் தேதிவரையும், அங்கிருந்து துபாய் சென்றுவிட்டு 21-ம் தேதிக்குப்பின் கேரளா திரும்ப உள்ளதாக தகவல் வெளியாகி உள்ளது. பினராயி விஜயனின் மனைவி கமலா, மகள் வீணா விஜயன், வீணா விஜயனின் கணவரும் கேரளா பொதுப்பணித்துறை அமைச்சருமான முகம்மது ரியாஸ் மற்றும் பேரக்குழந்தைகளும் உடன் சென்றுள்ளனர். கே.சுதாகரன்

இந்நிலையில் முன்னறிவிப்பு எதுவும் இல்லாமல் முதல்வர் பினராயி விஜயன் வெளிநாட்டுக்கு சுற்றுலா சென்றதாக விமர்சனம் எழுந்துள்ளது. இதுகுறித்து கேரள மாநில காங்கிரஸ் தலைவர் கே.சுதாகரன் கூறுகையில், "பினராயி விஜயனால்தான் இப்படி ஒரு பயணம் மேற்கொள்ள முடியும். ஒரு முதலமைச்சர் வெளிநாட்டுக்கு செல்லும்போது யாரிடமாவது பொறுப்பை ஒப்படைத்து விட்டு சென்றாரா. இங்கு ஒரு அவசர விஷயம் ஏற்பட்டால் அதற்கு யார் பொறுப்பு ஏற்பார்கள்.

பசுக்கள் இறங்கிச் செல்வது போன்று ஒரு முதலமைச்சர் புறப்பட்டுச் செல்வது நியாயம் தானா. அவர் அரசு பணத்தில் சென்றாரா அல்லது ஸ்பான்ஸரில் சென்றாரா எப்படி சென்றார் என்று யாருக்கும் தெரியாது. எதற்காக இவர் ஒளிந்து ஓடுகிறார். மக்களிடம் விஷயத்தைச் சொல்லிவிட்டு அந்தஸ்துடன் அவர் சென்றிருக்கலாம். எதற்காக இவர் கள்ள விளையாட்டு விளையாடுகிறார். ஸ்பான்சர்ஷிப்பில் சென்றிருக்கலாம் என்ற சந்தேகம் எனக்கு இருக்கிறது. அதனால்தான் அவர் சொல்லாமல் சென்று விட்டார். அப்படி இருந்தாலும் இந்த நபர் ஸ்பான்சர் செய்திருக்கிறார் என்று கூறிவிட்டு சென்றால் என்ன ஆகிவிடப் போகிறது.பினராயி விஜயன்

போகும் இடத்திற்கெல்லாம் மனைவியையும் பிள்ளைகளையும் அழைத்துக் கொண்டு போக வேண்டிய காரணம் என்ன?. அவருக்கு வேறு வேலை இல்லையா. மக்கள் காலநிலை மாற்றத்தால் அவஸ்தை அடைந்து கொண்டிருக்கிறார்கள். அது மட்டுமல்லவாது நூறாயிரம் பிரச்சனைகள் இங்கு இருந்துகொண்டிருக்கிறது. அதை கண்டுகொள்ளாமல், காதுகொடுத்து கேட்காமல் திடீரென வெளிநாட்டுக்கு புறப்பட்டுச் செல்லும் முதல்வர் குறித்து வேறு என்ன சொல்ல முடியும். சி.பி.எம் கட்சிக்கு என உள்ள ஒரே ஒரு முதலமைச்சர் இவர்தான். தேர்தல் நடந்துகொண்டிருக்கும்போது ஏன் வேறு மாநிலங்களுக்கு பிரச்சாரம் செய்ய செல்லவில்லை. அரசியல் பொறுப்பு அற்றவராக பினராயி விஜயன் செயல்படுகிறார்" என்றார் காட்டமாக.

இது தொடர்பாக பேசும் சிபிஎம் கட்சியினர், `இது தனிப்பட்ட பயணம் என்பதால், இது குறித்து அதிகாரப்பூர்வ அறிவிப்பு எதுவும் வெளியிடப்படவில்லை. முன்னதாக காங்கிரஸ் ஆட்சி இருக்கும் போது பல அமைச்சர்கள் முதல்வர்கள் வெளிநாட்டு பயணங்கள் மேற்கொண்டுள்ளார்கள்.’ என்கிறார்கள். இருப்பினும், பினராயி விஜயனின் மே மாத அட்டவணையில் அவர் வெளிநாட்டில் இருக்கும் நாள்களில் மாநிலத்தில் அவருக்காக பல நிகழ்ச்சிகளை பட்டியலில் இருந்தது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6XWwZ

Read More

மகள் மாதப்படி வாங்கிய குற்றச்சாட்டில் பினராயி விஜயன் மீது புகார்; மனுவை தள்ளுபடி செய்த கோர்ட்!

கேரள மாநிலத்தில் கொச்சி மினரல்ஸ் அண்ட் ரூட்டெயில் லிமிட்டெட் கம்பெனி (சி.எம்.ஆர்.எல்) அலுவலகத்திலும், நிர்வாக இயக்குநர் சசிதரன் கர்த்தா என்பவரின் வீட்டிலும் வருமான வரித்துறை இன்வெஸ்டிகேசன் பிரிவு கடந்த 2019 ஜனவரி 25-ம் தேதி ரெய்டு நடத்தியது. அதில் சிக்கிய ஒரு டயரியில் 'மாதப்படி' என்ற கணக்கில் முக்கிய அரசியல் பிரமுகர்கள், போலீஸ் அதிகாரிகளுக்கு பணம் கொடுக்கப்பட்டது குறித்த விபரங்கள் இருந்துள்ளன. அதில் கேரள முதல்வர் பினராயி விஜயனின் மகள் வீணா விஜயனின் 'எக்ஸாலாஜிக்' கம்பெனியின் பெயரும் இருந்துள்ளது. வீணா விஜயனின் கம்பெனிக்கு 2017-ம் ஆண்டு தொடங்கி மூன்று ஆண்டுகள் பணம் கொடுத்ததற்கான கணக்குகள் இருந்துள்ளன. அதுகுறித்து விசாரித்ததில், கேரள கடற்கரையில் கருமணல் தோண்டி எடுக்க பத்து ஆண்டுகளுக்கு மேலாக முயன்றுவரும் சி.எம்.ஆர்.எல் நிறுவனத்தின் சாப்ட்வேர் அப்டேட் செய்வதற்காக பல தவணையாக ஒரு கோடியே எழுபத்தி இரண்டு லட்சம் ரூபாய் வீணா விஜயனின் கம்பெனிக்கு வழங்கப்பட்டுள்ளதாக தெரியவந்துள்ளது. அதே சமயம் அதுபோன்ற ஒரு சாப்ட்வேர் அப்டேட் அந்த கம்பெனியில் செய்யப்படவில்லை என வருமான வரித்துறை விசாரணையில் தெரியவந்துள்ளது. மாதப்படி குறித்த டயரி அமலாக்கத்துறைக்கு வழங்கப்பட்டுள்ளதாக தகவல் கடந்த ஆகஸ்ட் மாதம் வெளியானது. கொச்சி அமலாக்கத்துறை வீணா விஜயன் மீது கடந்த மார்ச் மாதம் வழக்குப்பதிவு செய்தது. மேலும் சி.எம்.ஆர்.எல் நிர்வாக இயக்குநரை விசாரணைக்கு அழைத்தது அமலாக்கத்துறை. இது அரசியல் ரீதியாக பரபரப்பை கிளப்பியிருந்தது. பினராயி விஜயன்

இதற்கிடையே காங்கிரஸ் எம்.எல்.ஏ மேத்யூ குழல்நாடன் முதல்வர் பினராயி விஜயனின் மகள் மாதப்படி வாங்கிய விவகாரம் குறித்து விசாரிக்க வேண்டும் என திருவனந்தபுரம் விஜிலென்ஸ் கோர்ட்டில் வழக்கு தொடர்ந்திருந்தார். அந்த புகாரில் சி.எம்.ஆர்.எல் என்ற தனியார் கம்பெனி கடற்கரையில் மணல் எடுப்பதற்கான ஒப்ப்பந்தத்தை நீட்டிக்க முதல்வரின் மகளுக்கு மாதப்படி வழங்கி உள்ளது என கூறியிருந்தார். அந்த குற்றச்சாட்டுகளை உறுதிபடுத்த தேவையான ஆவணங்களை சமர்ப்பிக்கும்படி விஜிலென்ஸ் கோர்ட் ஏற்கனவே உத்தரவிட்டிருந்தது. மேத்யூ குழல்நாடன் எம்.எல்.ஏ அதற்கான ஆவணங்களை கோர்ட்டில் சமர்ப்பித்திருந்தார்.சி.எம்.ஆர்.எல் கம்பெனி நிர்வாக இயக்குநர் சசிதரன் கர்த்தா

நேற்று அந்த மனு விசாரணைக்கு வந்திருந்தது. மனுவை விசாரித்த நீதிமன்றம், `குற்றச்சாட்டை உறுதிப்படுத்தும் விதமாக எந்த ஒரு பேப்பரையும் கோர்ட்டில் ஆஜர்படுத்த மனுதாரரால் இயலவில்லை. குற்றச்சாட்டை உறுதிப்படுத்தும் ஒரு பேப்பர் கூட கோர்ட்டில் ஆஜர்படுத்தவில்லை. சி.எம்.ஆர்.எல் கம்பெனி பல அரசியல் தலைவர்களின் பெயர்களில் நன்கொடை வழங்கியதாக கூறப்படுகிறது. ஆனால் முதலமைச்சருக்கு எதிராக மட்டும் விசாரணை வேண்டுமென மனுதாரர் கேட்டுக் கொண்டுள்ளார். இது அரசியல் உள்நோக்கம் கொண்டது அல்லவா. ஊழல் தடுப்பு சட்டப்படி ஆதாரங்கள் இல்லாததால் மனு தள்ளுபடி செய்யப்படுகிறது' என கோர்ட் உத்தரவிட்டிருந்தது.காங்கிரஸ் எம்.எல்.ஏ மேத்யூ குழல்நாடன்

இது குறித்து எம்.எல்.ஏ மேத்யூ குழல்நாடன் இன்று செய்தியாளர்களிடம் கூறுகையில், "பினராயி விஜயனை தண்டிக்க வேண்டும் என்று நான் மனு கொடுத்ததாகவும் அதில் கோர்ட் தீர்ப்பளித்ததாகவும் பலரும் தவறாக கருதுகின்றனர். 2019 முதல் 2023 வரை சி.எம்.ஆர்.எல் கம்பெனிக்கு ஒப்பந்தத்தை நீட்டித்த விவகாரத்தில் ஊழல் நடந்திருக்கிறதா என்பது குறித்து விசாரணை நடத்த வேண்டும் என நான் கோர்ட்டில் மனு அளித்திருந்தேன். பினராயி விஜயனின் குடும்பத்துடன் தனிப்பட்ட காழ்ப்புணர்ச்சி காரணமாகவோ, அவரை டார்கெட் செய்தோ இந்த மனுவை கோர்ட்டில் ஆஜராக்கவில்லை. பொதுமக்களுக்காகத்தான் இந்த போராட்டத்தில் இறங்கி உள்ளேன்" என்றார்.


http://dlvr.it/T6XWh6

Read More

`2 தொகுதிகளில் ராகுல் போட்டியிடுவது தேர்தல் யுக்தியா... பயமா?' - விகடன் கருத்துக்கணிப்பு

ராகுல் காந்தி கடந்த 2019 நாடாளுமன்றத் தேர்தலில் காங்கிரஸின் பாரம்பர்ய தொகுதி அமேதி மற்றும் கேரளாவின் வயநாடு தொகுதி என இரண்டு தொகுதிகளில் போட்டியிட்டார். இதில், அமேதியில் தோல்வியடைந்த ராகுல் காந்தி வயநாடு தொகுதியில் வெற்றிபெற்று மீண்டும் எம்.பி-யானார். இதனால், அமேதியில் மீண்டும் ராகுல் காந்தி போட்டியிடுவாரா என்ற கேள்வி ஒருபக்கம் இருக்க, முதலாவதாக வயநாடு தொகுதியில் அவர் மனு தாக்கல் செய்தார்.ராகுல் காந்தி

பின்னர், இரண்டாம் கட்ட வாக்குப்பதிவில் வயநாடு தொகுதியில் வாக்குப்பதிவு முடிந்த அடுத்த ஒருவாரத்தில், காங்கிரஸின் மற்றொரு பாரம்பர்ய தொகுதியான ரேபரேலியில் ராகுல் காந்தி மனு தாக்கல் செய்தார். ராகுல் காந்தியின் முடிவை விமர்சித்த பா.ஜ.க, வயநாட்டில் தோல்வியடைந்துவிடுவோம் என்ற பயந்த ராகுல் காந்தி, அமேதிக்குப் பயந்து ரேபரேலிக்கு சென்றிருக்கிறார் என்று பிரசாரம் செய்தது.

இன்னொருபக்கம், தேசிய அளவில் இந்தியா கூட்டணியில் காங்கிரஸுடனும், கேரளாவில் காங்கிரஸுக்கு எதிராகவும் இருக்கும் கம்யூனிஸ்ட், ராகுல் காந்தி வயநாடு மக்களை ஏமாற்றிவிட்டதாகக் கூறியது. இப்படியிருக்க, இரண்டு தொகுதிகளில் ராகுல் காந்தி போட்டியிடுவது தொடர்பாக விகடன் வலைதளப் பக்கத்தில் கருத்துக்கணிப்பு நடத்தப்பட்டது.விகடன் கருத்துக்கணிப்பு

அதில், `கேரளாவின் வயநாடு, உத்தரப்பிரதேசத்தின் ரேபரேலி என இரண்டு தொகுதிகளில் ராகுல் காந்தி போட்டியிடுவது?' என கேள்வி கொடுக்கப்பட்டு, `தேர்தல் யுத்தி, தோல்வி பயம், கருத்து இல்லை' என மூன்று விருப்பங்களும் தரப்பட்டிருந்தது.விகடன் கருத்துக்கணிப்பு

இந்த நிலையில், கருத்துக்கணிப்பு முடிவில் `அதிகபட்சமாக 59 சதவிகிதம் பேர், இரண்டு தொகுதிகளில் ராகுல் காந்தி போட்டியிடுவது தேர்தல் யுத்தி' என்று தெரிவித்திருக்கின்றனர். அதற்கடுத்தபடியாக, 38 சதவிகிதம் பேர் தோல்வி பயம் என்றும், 3 சதவிகிதம் பேர் கருத்து இல்லை என்றும் தெரிவித்திருக்கின்றனர்.விகடன் கருத்துக்கணிப்பு

தமிழ்நாட்டில் முதல்வர் ஸ்டாலின் தலைமையிலான தி.மு.க மூன்று ஆண்டுகளை நிறைவுசெய்து நான்காம் ஆண்டில் அடியெடுத்து வைத்திருக்கும் நிலையில், தி.மு.க-வின் மூன்றாண்டு கால ஆட்சி குறித்து விகடன் வலைதளப் பக்கத்தில் கருத்துக்கணிப்பு நடைபெற்றுவருகிறது. இதில் கலந்துகொள்ள பின்வரும் லிங்கை க்ளிக் செய்யவும்...


https://www.vikatan.com/``வெள்ளை சட்டை மட்டும் அணிவது ஏன்..?" - ராகுல் காந்தி விளக்கம்


http://dlvr.it/T6XWNx

Read More

பிரஜ்வல் ரேவண்ணா: `இத்தகைய நபர்களுக்கு எதிராக துளியும் சகிப்புத்தன்மை கூடாது!' - மெளனம் கலைத்த மோடி

கர்நாடகாவில் முன்னாள் பிரதமர் தேவகவுடாவின் பேரனும், பா.ஜ.க கூட்டணியில் அங்கம் வகிக்கும் மதசார்பற்ற ஜனதா தளம் (JD-S) கட்சியின் வேட்பாளருமான ஹாசன் தொகுதி சிட்டிங் எம்.பி பிரஜ்வல் ரேவண்ணா தொடர்புடைய 3,000 பாலியல் வீடியோக்கள் கடந்த இரண்டு வாரங்களுக்கு முன்பு வெளியானது. இந்த விவகாரத்தை கர்நாடக அரசு சிறப்பு விசாரணைக் குழு அமைத்து விசாரித்துவர, நாளும் பல பெண்கள் பிரஜ்வல் ரேவண்ணாவால் பாலியல் வன்கொடுமைக்குள்ளானதாகப் புகாரளித்துவருகின்றனர். பிரஜ்வல் ரேவண்ணா மட்டுமல்லாது அவரின் தந்தையும் முன்னாள் மாநில அமைச்சருமான ரேவண்ணா மீதும் பாலியல் வன்கொடுமை புகார்கள் வந்தவண்ணம் இருக்கின்றன.ரேவண்ணா (இடது ஓரம்) - பிரஜ்வல் ரேவண்ணா (வலது ஓரம்)

இதில், பாலியல் புகாரளித்த பெண் கடத்தப்பட்ட வழக்கில் ரேவண்ணா கடந்தவாரம் கைதுசெய்யப்பட்டார். அதோடு, பிரஜ்வல் ரேவண்ணா வெளிநாட்டுக்கு தப்பியோடியிருப்பதால் அவரை கைதுசெய்து மீட்டுவர மத்திய அரசை மாநில அரசு தொடர்ந்து வலியுறுத்தி வருகிறது. இன்னொருபக்கம், பிரஜ்வல் ரேவண்ணா விவகாரம் தொடர்பாக பா.ஜ.க நிர்வாகியொருவர் ஓராண்டு முன்பே கட்சித் தலைமையிடம் தெரிவித்ததாகத் தகவல் வெளியாக, இது மாநில அரசின் சட்டம் ஒழுங்கு பிரச்னை என பா.ஜ.க ஒதுங்கியது. இந்த நிலையில், பிரஜ்வல் ரேவண்ணா விவகாரம் தன்னுடைய பிரச்னை இல்லையென்று பிரதமர் மோடி தெரிவித்திருக்கிறார்.

தனியார் ஊடகத்துடனான கலந்துரையாடல் நிகழ்ச்சியில் பிரஜ்வல் ரேவண்ணா விவகாரம் குறித்து பேசிய மோடி, ``வெளியான ஆயிரக்கணக்கான வீடியோக்கள், ஜே.டி.எஸ்-காங்கிரஸ் ஆட்சிக்காலத்தில் நடந்த சம்பவம் என்பதை உணர்த்துகிறது. காங்கிரஸ் தங்களுடைய ஆட்சிக் காலத்தில் இந்த வீடியோக்களை சேகரித்து, தேர்தல் சமயத்தில் குறிப்பிட்ட சமூகத்தினரின் வாக்குகளைப் பெறுவதற்கு வெளியிட்டிருக்கின்றனர். அதுவும், பிரஜ்வல் ரேவண்ணா வெளிநாட்டுக்கு அனுப்பப்பட்ட பிறகு இந்த வீடியோக்கள் வெளியிடப்பட்டிருக்கிறது.பிரதமர் மோடி

மாநில அரசுக்கு இதுபற்றி தகவல் தெரிந்திருந்தால் விமான நிலையத்தில் கண்காணிப்பு செய்திருக்க வேண்டும். ஆனால், அவர்கள் எதையுமே செய்யவில்லை. மத்திய அரசுக்கும் தெரிவிக்கப்படவில்லை. இதன் அர்த்தம் என்னவென்றால், இது முழுக்க முழுக்க ஒரு அரசியல் விளையாட்டு. இந்த வீடியோக்கள் அவர்களின் கூட்டணி ஆட்சி நடைபெற்ற சமயத்தில் எடுக்கப்பட்டவை என்று அவர்களுக்கே தெரியும். இது என்னுடைய பிரச்னை இல்லை.

ஆனால், எந்தக் குற்றவாளியும் தப்பக்கூடாது. அதுதான் இப்போது என்னுடைய பிரச்னை. இதுபோன்ற விளையாட்டுகள் நாட்டில் நிறுத்தப்பட வேண்டும். பா.ஜ.க மற்றும் அரசியல் சாசனத்தை பொறுத்தவரை, இத்தகைய நபர்களுக்கு எதிராகத் துளியும் சகிப்புத் தன்மை இருக்கக் கூடாது. அதுவே என்னுடைய கருத்தும். அனைத்து சட்ட வாய்ப்புகளையும் பயன்படுத்தி கடுமையான தண்டனை வழங்கப்பட வேண்டும்" என்று கூறினார்.மோடி

கர்நாடகாவில் 2018-ல் நடந்த சட்டமன்றத் தேர்தலுக்குப் பின் ஜே.டி.எஸ் கட்சியுடன் கூட்டணியாட்சி அமைத்த காங்கிரஸ் முதல்வர் பதவியை குமாரசாமிக்கு விட்டுக்கொடுத்து. பின்னர், 2019-ல் நடந்த மக்களவைத் தேர்தலுக்குப் பிறகு இரு கட்சிகளும் கூட்டணியை முறித்துக்கொண்டதால், மாநிலத்தில் ஆட்சிக் கவிழ்ப்பு ஏற்படவே பா.ஜ.க ஆட்சியமைத்தது. அதன்பின்னர், மீதமிருந்த ஆட்சிக்காலத்தை பா.ஜ.க முழுமையாக நிறைவுசெய்தது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88பிரஜ்வல் ரேவண்ணா பாலியல் வழக்கு - தோண்டத் தோண்ட வெளிவரும் 10 ஆண்டு அதிர்ச்சிகள்!


http://dlvr.it/T6XW1C

Read More

சட்டசபை நேரலை விவகாரம் - முடிவெடுப்பதில் தமிழக அரசு தடுமாறுகிறதா?!

சென்னை, உயர் நீதிமன்றத்தில், "சட்டப்பேரவை நிகழ்வுகளை நேரடி ஒளிபரப்பு செய்ய உத்தரவிட வேண்டும்" எனக் கூறி மறைந்த தே.மு.தி.க தலைவர் விஜயகாந்த் உள்ளிட்டோர் வழக்குகளை தாக்கல் செய்திருந்தனர். அதை நீதிமன்றம் விசாரித்து வருகிறது. இந்த சூழலில் சம்பந்தப்பட்ட விவகாரம் கடந்த 16.4.2024 அன்று மீண்டும் விசாரணைக்கு வந்தது. தலைமை நீதிபதி எஸ்.கே.கங்காபுர்வாலா மற்றும் நீதிபதி சத்தியநாராயண பிரசாத் ஆகியோர் விசாரணை மேற்கொண்டனர். விஜயகாந்த்

அப்போது, தமிழக அரசு தரப்பில் ஆஜரான தலைமை வழக்கறிஞர் பி.எஸ்.ராமன், "சட்டமன்ற நிகழ்வுகளை நேரடி ஒளிபரப்பு செய்வது தொடர்பாக பல மாநிலங்களிடம் தகவல்கள் கோரப்பட்டன. சில மாநிலங்கள் பதிலளித்துள்ளன. சில மாநிலங்கள் பதிலளிக்கவில்லை. நேரடி ஒளிபரப்பு செய்வது குறித்து சபாநாயகர் ஆய்வு செய்து வருகிறார். முழுமையாக தகவல்கள் கிடைத்த பின் முடிவு எடுக்கப்படும்" என்றார். அதற்கு நீதிபதிகள், "எவ்வளவு காலம் ஆய்வு செய்யப்படும்?. இது குறித்து ஏதேனும் ஒரு இறுதி முடிவு எடுக்க வேண்டும்" எனக் கூறி, விசாரணையை ஜூன் 25-ம் தேதிக்கு தள்ளிவைத்தனர்.

இதுகுறித்து நம்மிடம் பேசிய மூத்த பத்திரிகையாளர் ப்ரியன், "சட்டப்பேரவை நிகழ்வுகளை நேரடியாக ஒளிபரப்பு செய்வோம் என தி.மு.க வாக்குறுதி கொடுத்து இருந்தது. ஆனால் அவ்வாறு செய்ய முடியாது. நேரலையாக வழங்கினால் பிரச்னை ஏற்படும். சில நேரங்களில் சர்ச்சைக்குரிய கருத்துக்களை தெரிவிப்பார்கள். அது அவைகுறிப்பில் இடம்பெறாது. நேரலையில் அது வந்துவிட்டால் பிரச்னை ஏற்படும். எடுத்துக்காட்டுக்கு அரசு கொடுக்கும் அறிக்கையில் இல்லாததை கவர்னர் படிக்கிறார். அதையெல்லாம் அவர்களால் வெளியிட முடியாது.ப்ரியன்

பார்லிமெண்டில் நேரலையில் விவாதங்களை வெளியிடுவதாக சொல்கிறார்கள். ஆனால் எதிர்க்கட்சிகள் சபாநாயகருக்கு எதிராக பேசும் போது, அவர்களை காட்ட மாட்டார்கள். அங்கு நேரலையிலேயே சென்சார் செய்கிறார்கள். அப்படிதான் இங்கு நேரலையில் சட்டசபை நிகழ்வுகளை வழங்கினாலும் சென்சார் செய்துதான் கொடுப்பார்கள். தி.மு.க இல்லை எந்த கட்சியாக இருந்தாலும் அதை செய்ய மாட்டார்கள். ஏனெனில் சபை நடவடிக்கைகளுக்கு உட்பட்டு அனைத்து உறுப்பினர்களும் பேசுவார்களா என்பது கேள்விக்குறிதான். எனவே அதிகபட்சமாக எவ்வளவு செய்ய முடியுமோ அதை தற்போதே செய்கிறார்கள்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY`10 ஆண்டுகளில் ரூ.2,200 கோடி மீட்பு'... ED-ஐ பாராட்டிய மோடி... சாடும் காங்கிரஸ்! பின்னணி என்ன?


http://dlvr.it/T5flYq

Read More

நாடாளுமன்றத் தேர்தலின் மூலம் மாநில அந்தஸ்த்தை பெறுமா விடுதலை சிறுத்தைகள், நாம் தமிழர் கட்சிகள்?!

தமிழ்நாட்டில் 2024 நாடாளுமன்ற தேர்தல் காட்சிகள் க்ளைமாக்ஸை நெருங்கிவிட்டன. அரசியல் கட்சித் தலைவர்கள் தங்கள் பிரசாரத்தை நிறைவுசெய்திருக்கிறார்கள். இந்த தேர்தலின்மூலம் மாநில கட்சி அங்கீகாரத்தை பெற்றிட முனைகின்றன நாம் தமிழர் கட்சியும், விடுதலை சிறுத்தைகள் கட்சியும். அதற்கான சாத்தியங்கள் குறித்து விசாரித்தோம். திருமாவளவன் பிரசாரம்

தேர்தல் அரசியலில் வெள்ளி விழா கண்டிருக்கும் விடுதலை சிறுத்தைகள் கட்சியும், 2016 சட்டமன்றத் தேர்தல் முதல் களம்காணும் நாம் தமிழர் கட்சியும் இதுவரை மாநில கட்சியாக அங்கீகாரம் பெறவில்லை. ஆனால் இந்த 2024 நாடாளுமன்றத் தேர்தலின்மூலம் இரு கட்சிகளும் மாநில அங்கீகாரம் பெறுவதற்கான வாய்ப்புகள் இருப்பதாக தெரிகிறது. நாடாளுமன்றத் தேர்தலில் ஒரு கட்சி 2 எம்.பி-க்களையும் 2 சதவிகித வாக்குகளையும் பெற்றாலோ... அல்லது 8 சதவிகித வாக்குகளைப் பெற்றாலோ மாநில அங்கீகாரம் பெறலாம். தேர்தல் ஆணையத்தின் அங்கீகாரத்தைப் பெற்றுவிட்டால் நிரந்தரமான சின்னத்தை அந்தந்த கட்சிகள் பெற்றுக்கொள்வது உள்ளிட்ட பல்வேறு அம்சங்கள் இருக்கின்றன.சீமான்

இது குறித்து நம்மிடம் பேசிய விவரமறிந்தவர்கள், ``விடுதலை சிறுத்தைகள் கட்சி மாநில அங்கீகாரம் பெறுவதற்கு இரண்டு எம்.பி தொகுதிகளை வெல்வதோடு, இரண்டு சதவிகித வாக்குகளையும் பெறவேண்டும். அதற்கு இரு தொகுதிகளிலும் 5 லட்சம் வாக்குகளுக்கு மேல் பெற்று வெற்றி அடைந்தால், மாநில கட்சி அங்கீகாரம் பெறுவதில் எந்தச் சிக்கலும் இருக்காது.

அதேசமயம், நாம் தமிழர் கட்சி எந்த எம்.பி தொகுதிகளையும் வெல்லும் நிலையில் இல்லை... எனவே அவர்களுக்கு இருக்கும் ஒரே வாய்ப்பு 8 சதவிகித வாக்குகளைப் பெறுவதுதான். தற்சமயம் 7 சதவிகித வாக்குகளுடன் இருக்கும் நாம் தமிழர், அந்த வாக்குகளை தக்கவைப்பதோடு கூடுதலாக 1 சதவிகித வாக்குகளையும் பெறும்பட்சத்தில், மாநில அங்கீகாரம் கிடைக்கும்” என்றனர். திருமாவளவன்

நம்மிடம் பேசிய மூத்த பத்திரிகையாளர் ப்ரியன், ``2016-ல் 1 சதவிகிதத்தில் ஆரம்பித்தது நாம் தமிழர் கட்சி, கடந்த 2021 சட்டமன்றத் தேர்தலிலேயே 6.89 சதவிகிதத்தை தொட்டுவிட்டார் சீமான். அந்தக் கட்சியின் தமிழ் தேசிய கொள்கைக்கு இளைஞர்களின் ஆதரவு பெருகுவதை மறுக்க முடியாது. `சின்னம் பறிக்கப்பட்டது, அரசியல் பழிவாங்கல்' என்ற அனுதாபமும் அவருக்கு தேர்தல் களத்தில் எதிரொலிக்கும். எனவே அவர்களது வாக்கு சதவிகிதம் கணிசமாக உயர்ந்து, 8 சதவிகிதத்தைத் தாண்டும்” என்றார். சீமான் பிரசாரம்

தொடர்ந்து பேசிய அரசியல் நோக்கர்கள் சிலர், ``வி.சி.க போட்டியிடும் சிதம்பரம், விழுப்புரம் ஆகிய இரு தொகுதிகளிலும் அந்தக் கட்சி வெற்றிபெறும் சூழல் பிரகாசமாக இருக்கிறது. வலுவான எதிரிகள் இல்லையென்பதால், இரு தொகுதிகளிலும் வி.சி.க 5 லட்சம் வாக்குகளை பெற்றால், தேர்தலில் வி.சி.க மாநில கட்சி அங்கீகாரம் பெறும் வாய்ப்புகள் உண்டாகும்” என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYமக்களவைத் தேர்தலில் நாம் தமிழர் கட்சி... வாக்கைப் பிரிக்குமா, வெற்றி காணுமா?!


http://dlvr.it/T5fWyV

Read More

`காதல் தோல்வியில் ஆண் தற்கொலை செய்துகொண்டால், காதலி பொறுப்பாக முடியாது!' - டெல்லி உயர் நீதிமன்றம்

காதல் தோல்வியால் ஆண் தற்கொலை செய்துகொண்டால், பெண் அதற்குப் பொறுப்பாக முடியாது என்று டெல்லி உயர் நீதிமன்றம் கூறியிருக்கிறது. முன்னதாக, 2023-ல் இளைஞர் ஒருவர் தற்கொலை செய்துகொண்ட விவகாரத்தில், அவர் காதலித்து வந்த பெண் மற்றும் பெண்ணின் தோழி தற்கொலைக்குத் தூண்டியதாகப் பாதிக்கப்பட்ட இளைஞனின் தந்தை புகாரளித்திருந்தார். மேலும், இதில் தன்னுடைய மகனின் தற்கொலை குறிப்பில் அந்த இருவரின் பெயரும் இருந்ததாக இளைஞனின் தந்தை புகாரில் குறிப்பிட்டிருந்தார். அதையடுத்து, சம்பந்தப்பட்ட இரு பெண்களும் முன் ஜாமீன் கேட்டு மனு தாக்கல் செய்தனர். இந்த மனு, டெல்லி உயர் நீதிமன்றத்தில் இன்று விசாரணைக்கு வந்தது.காதல் முறிவு

அப்போது இதனை விசாரித்த நீதிபதி அமித் மகாஜன், ``பலவீனமான மனநிலை கொண்ட ஒரு நபர் எடுத்த தவறான முடிவுக்கு மற்றொரு நபரைக் குறை கூற முடியாது. காதல் தோல்வியால் காதலன் தற்கொலை செய்துகொண்டாலோ, தேர்வில் தேர்ச்சி பெறாததால் மாணவர் தற்கொலை செய்துகொண்டாலோ, நீதிமன்றத்தில் தன்னுடைய மனு தள்ளுபடி செய்யப்பட்டதால் மனுதாரர் தற்கொலை செய்துகொண்டாலோ, காதலியோ, தேர்வு நடத்துபவரோ, வழக்கறிஞரோ அந்தத் தற்கொலைக்குப் பொறுப்பாக முடியாது. அதுபோல, இந்த வழக்கைப் பொறுத்தவரையில் இறந்தவரின் தற்கொலை குறிப்பில், சாதாரண நபரைத் தற்கொலைக்குத் தூண்டும் வகையிலான அச்சுறுத்தல்கள் உள்ளன என்பதைக் காட்ட எதுவும் இல்லை.டெல்லி உயர் நீதிமன்றம்

மேலும், இந்தத் தற்கொலை குறிப்பு இறந்தவரின் வேதனையின் நிலையை மட்டுமே வெளிப்படுத்தியது. அதன் காரணமாக, அந்தக் குறிப்பில் இடம்பெற்றிருந்த இரு பெண்களுக்கு அந்த இளைஞனைத் தற்கொலைக்கு இட்டுச் செல்லும் நோக்கமும் இருந்தது என்று ஊகிக்க முடியாது. மேலும், இருவரின் வாட்ஸ்அப் மெசேஜ்களைப் பார்க்கையில், இறந்த இளைஞர் சென்சிட்டிவான நபர் என்றும், பெண் தன்னுடன் பேச மறுக்கும் போதெல்லாம் தற்கொலை செய்துகொள்வேன் என்று அந்தப் பெண்ணை தொடர்ந்து அவர் மிரட்டியிருக்கிறார்'' என்று கூறி, அந்த இரு பெண்களுக்கும் விசாரணைக்கு ஒத்துழைக்குமாறு நிபந்தனையுடன் முன் ஜாமீன் வழங்கினார். மேலும், ஜாமீன் நிபந்தனைகளை அவர்கள் மீறினால், ஜாமீனை ரத்து செய்யக் கோரி மனு தாக்கல் செய்ய அரசுக்கு சுதந்திரம் இருக்கும் என்றும் நீதிமன்றம் தெரிவித்தது.மாஞ்சோலை: தமிழர் - மலையாளி காதல்; பதிவுத் திருமணம்; தற்கொலைகள் - எஸ்டேட்டின் காதல் கதைகள்!


http://dlvr.it/T5dkXk

Read More