``எழுதி வைத்துக்கொள்ளுங்கள்; இந்த தேர்தலுக்குப் பிறகு மோடியால் பிரதமராக முடியாது!" - ராகுல் காந்தி

உத்தரப்பிரதேச மாநிலம் கன்னோஜில், சமாஜ்வாடி கட்சி (SP) தலைவர் அகிலேஷ் யாதவை ஆதரித்து இந்திய கூட்டணியின் பொதுக்கூட்டம் நடைபெற்றது. அதில் உரையாற்றிய ராகுல் காந்தி,``நானும், அகிலேஷ் யாதவும், இந்திய கூட்டணியும் கடந்த இரண்டு ஆண்டுகளில் செய்ய வேண்டிய அனைத்தையும் செய்திருக்கிறோம்.  எனவே நீங்கள் எழுதி வைத்துக்கொள்ளுங்கள், இந்த நாடாளுமன்றத் தேர்தலுக்குப்  பிறகு மோடி நாட்டின் பிரதமராக முடியாது.பிரசாரத்தின் போது ராகுல் காந்தி

கன்னோஜ் மக்களவைத் தொகுதியில் அகிலேஷ் யாதவின்  வெற்றியை உறுதி செய்ய காங்கிரஸ்,  சமாஜ்வாடி  மற்றும் இந்தியா கூட்டணியின் பிற கட்சிகளின் தொண்டர்கள் ஒன்றிணைந்து செயல்பட வேண்டும். உத்தரப்பிரதேசத்தில் பா.ஜ.க மிகப்பெரிய இழப்புக்களைச் சந்திக்கும். ஏனெனில் மக்கள் ஒரு மாற்றத்திற்கு முடிவு செய்து தங்கள் மனதை உருவாக்கியுள்ளனர்.

பிரதமர் மோடி கடந்த 10 ஆண்டுகளில் ஆயிரக்கணக்கான உரைகளை நிகழ்த்தியிருக்கிறார். அப்போதெல்லாம் அதானி, அம்பானி குறித்துப் பேசவில்லை. நம்மில் யாராவது பயப்படும்போது, ​​அவரவரின் நம்பிக்கையின்படி, அவரைக் காப்பாற்றக்கூடிய நபரின் பெயரைக் கூறுவோம். அப்படிதான் மோடி தனது இரண்டு நண்பர்களின் பெயர்களை எடுத்துக் கொண்டார்.ராகுல் - மோடி, Adani, Ambani

அவரை மீட்க வருமாறு வேண்டுகோள் விடுத்திருக்கிறார். மோடி தலைமையிலான அரசு 22 தனிநபர்களின் ரூ.16 லட்சம் கோடி கடன்களைத் தள்ளுபடி செய்திருக்கிறது. அவர் 22 கோடீஸ்வரர்களை உருவாக்கினால், நாங்கள் கோடிக்கணக்கான லட்சபதிகளை உருவாக்குவோம் எனக் காங்கிரஸும் இந்தியக் கூட்டணியும் முடிவு செய்திருக்கிறது" எனக் குறிப்பிட்டிருக்கிறார். 

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88``வெள்ளை சட்டை மட்டும் அணிவது ஏன்..?" - ராகுல் காந்தி விளக்கம்


http://dlvr.it/T6hjGF

Read More

`இந்திய பொதுத் தேர்தலில் நாங்கள் தலையிடுகிறோமா?' - ரஷ்யாவின் குற்றச்சாட்டுக்கு அமெரிக்கா பதில்!

இந்தியாவில் நாடாளுமன்றத் தேர்தல் நடந்துவரும் சூழலில், அமெரிக்காவில் கடந்த ஆண்டு காலிஸ்தான் தீவிரவாதி குர்பத்வந்த் சிங் பன்னுனைக் கொல்லும் சதித் திட்டத்தில் இந்தியாவின் RAW ஏஜென்சி ஈடுபட்டிருப்பதாக அமெரிக்காவின் வாஷிங்டன் போஸ்ட் நாளிதழ் சமீபத்தில் கட்டுரை வெளியிட்டிருந்தது. இதற்கு எதிர்வினையாற்றிய ரஷ்யாவின் வெளியுறவு அமைச்சக செய்தித் தொடர்பாளர் மரியா ஜாகரோவா (Maria Zakharova), ``இந்தியாவுக்கு எதிராக அமெரிக்கா தொடர்ந்து ஆதாரமற்ற குற்றச்சாட்டுகளைச் சுமத்தி வருகிறது. இந்தியா மட்டுமல்லாது பிற நாடுகள்மீது அமெரிக்கா இவ்வாறு ஆதாரமற்ற குற்றச்சாட்டுகள் சுமத்துவதை நாங்கள் காண்கிறோம்.மரியா ஜாகரோவா - ரஷ்யா வெளியுறவுத் துறை செய்தித் தொடர்பாளர்

இது இந்தியாவுக்கு அவமரியாதை. மேலும், இது இந்தியாவில் தற்போது நடைபெற்றுவரும் நாடாளுமன்றத் தேர்தலைச் சிக்கலாக்கும் வகையில் இந்தியாவின் உள் அரசியல் சூழ்நிலையைச் சீர்குலைக்கும் அமெரிக்காவின் முயற்சி. அதுமட்டுமல்லாமல், இந்தியாவின் உள்விவகாரங்களில் அவர்கள் தலையிடுவதன் ஒரு பகுதி இது" என்று மாஸ்கோவில் செய்தியாளர்களிடம் கூறினார்.

அதோடு, காலிஸ்தான் தீவிரவாதி குர்பத்வந்த் சிங் பன்னுன் மீதான கொலை முயற்சி குறித்து பேசுகையில், ``குற்றப்பத்திரிகையில் உண்மையாக இருக்கின்றன. யார் வேண்டுமானாலும் படிக்கலாம். ஆனால், நீதிமன்றத்தில் அவை நிரூபிக்கப்படும் வரை அவை வெறும் குற்றச்சாட்டுகள் மட்டுமே. மேலும், இந்த விவகாரம் நீதிமன்றத்தில் இருப்பதால் அதுகுறித்து நான் எதுவும் பேசமுடியாது" என்று தெரிவித்தார்.அமெரிக்க வெளியுறவுத் துறை செய்தித் தொடர்பாளர் மேத்யூ மில்லர்

இந்த நிலையில், ரஷ்யாவின் குற்றச்சாட்டுக்குப் பதிலளிக்கும் வகையில், இந்தியாவின் நாடாளுமன்றத் தேர்தலில் தாங்கள் தலையிடவில்லை என அமெரிக்க தெரிவித்திருக்கிறது. இதுகுறித்து அமெரிக்க வெளியுறவுத் துறை செய்தித் தொடர்பாளர் மேத்யூ மில்லர் (Matthew Miller), ``நிச்சயமாக இல்லை... மற்ற நாடுகளின் தேர்தல்களில் நாங்கள் தலையிடாததைப்போலவே, இந்தியாவின் தேர்தலிலும் தலையிடவில்லை. இது இந்திய மக்கள் எடுக்க வேண்டிய முடிவு" என்று கூறினார்.`மூச்சு விடமுடியவில்லை, நிறுத்துங்கள்' - அமெரிக்க போலீஸ் தாக்குதல்... மீண்டும் ஒரு `ஃபிளாய்ட்?’


http://dlvr.it/T6hJFt

Read More

Andhra: `4% முஸ்லிம் இட ஒதுக்கீடு அப்படியே நீடிக்கும்!' - ஆந்திர முதல்வர் ஜெகன்மோகன் ரெட்டி உறுதி

நாடாளுமன்றத் தேர்தலின் நான்காம் கட்ட வாக்குப்பதிவு மே 13-ம் தேதி 10 மாநிலங்கள் மற்றும் ஜம்மு காஷ்மீரில் ஒரு தொகுதி என மொத்தம் 96 மக்களவைத் தொகுதிகளில் நடைபெறவிருக்கிறது. இதில் ஆந்திராவின் 25 மக்களவைத் தொகுதிகளுக்கும் ஒரே கட்டமாக வாக்குப்பதிவு நடைபெறுவதோடு, மாநிலத்தின் 175 சட்டமன்றத் தொகுதிகளுக்கும் வாக்குப்பதிவு நடைபெறவிருக்கிறது. இதில், ஆளும் ஒய்.எஸ்.ஆர் காங்கிரஸ், தெலுங்கு தேசம் கட்சி-பா.ஜ.க-ஜனசேனா கட்சி, காங்கிரஸ் என மும்முனைப் போட்டி நிலவுகிறது.அமித் ஷா - மோடி

பா.ஜ.க தொடர்ச்சியாக தனது பிரசாரங்களில் மத அடிப்படையில் முஸ்லிம்களுக்கு இட ஒதுக்கீடு கூடாது என்று தீவிரமாகக் கூறிவருகிறது. குறிப்பாக பிரதமர் மோடி, மத்திய உள்துறை அமைச்சர் அமித் ஷா ஆகியோர் இந்தப் பிரசாரத்தை முன்னெடுத்து வருகின்றனர். நேற்றுகூட தெலங்கானாவில் நடைபெற்ற பிரசாரத்தில், ``முஸ்லிம் இட ஒதுக்கீட்டை நீக்கிவிட்டு, எஸ்.சி, எஸ்.டி, ஓ.பி.சி இட ஒதுக்கீட்டை அதிகரிப்போம்" என அமித் ஷா பேசியிருக்கிறார்.

இந்த நிலையில், ஆந்திராவில் முஸ்லிம்களுக்கான 4 சதவிகித இட ஒதுக்கீடு நீடிக்கும் என ஆந்திர முதல்வர் ஜெகன்மோகன் ரெட்டி உறுதியளித்திருக்கிறார். கர்னூலில் நேற்று நடைபெற்ற பொதுக்கூட்டத்தில் பேசிய ஜெகன்மோகன் ரெட்டி, ``ஒருபக்கம், 4 சதவிகித முஸ்லிம் இட ஒதுக்கீட்டை நீக்கும் பா.ஜ.க-வுடன் சந்திரபாபு நாயுடு தொடர்ந்து கைகோத்துக்கொண்டு, மறுபக்கம் சிறுபான்மையினரின் வாக்குகளைப் பெற புதிய நாடகத்தைக் கொண்டு வருகிறார்.ஜெகன்மோகன் ரெட்டி

இப்படி சந்திரபாபு நாயுடு போன்ற பச்சோந்தியை எங்காவது பார்த்திருக்கிறீர்களா... சந்திரபாபு நாயுடுவிடம் எனது ஒரே கேள்வி, 4 சதவிகித இட ஒதுக்கீட்டை ரத்து செய்வதாக தேசிய ஜனநாயக கூட்டணி அரசு உறுதியளித்த பிறகும், எதற்காக அந்தக் கூட்டணியில் தொடர்கிறார்... எனவே என்ன வந்தாலும் சரி, முஸ்லிம்களுக்கான 4 சதவித இட ஒதுக்கீடு அப்படியே நீடிக்கும், அதுவே ஒய்.எஸ்.ஆர் காங்கிரஸ் கட்சியின் இறுதி வார்த்தை" என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbசினிமா பாணியில் ஜெகன் பிரசாரம்… அண்ணனை விளாசும் ஷர்மிளா... அனல் பறக்கும் ஆந்திரா தேர்தல் களம்!


http://dlvr.it/T6gNRf

Read More

பூச்சிக்கொல்லி மசாலா... நல்ல அரசுக்கு அழகல்ல!

அனைவருக்கும் பசுமை வணக்கம்!

இந்தியாவின் பிரபல மசாலா நிறுவனங்களின் சிலவற்றின் மசாலாக்களில் உயிருக்கு ஆபத்தான ‘எத்தீலின் ஆக்சைடு’ இருப்பதாக ஹாங்காங் மற்றும் சிங்கப்பூர் நாடுகளில் தடை விதிக்கப்பட்டுள்ளது. அமெரிக்கா, ஆஸ்திரேலியா உள்ளிட்ட நாடுகள், இந்திய மசாலா பொருள்கள் குறித்த விசாரணையிலும் இறங்கியுள்ளன.

மேலோட்டமாக வாசித்தால், ‘பயிர்களுக்கு விவசாயிகள் பயன்படுத்தும் பூச்சிக்கொல்லி விஷம், மசாலா பொருள்களில் கலந்துவிட்டது’ என்பது போன்ற தோற்றம் ஏற்படும். உண்மையில் நடந்தது வேறு.

மசாலாக்கள் நீண்ட நாள்கள் கெட்டுப்போகாமல் இருப்பதற்காக, எத்திலீன் ஆக்சைடு ரசாயனத்தை இந்த நிறுவனங்கள் சேர்த்துள்ளன. அதாவது, மத்திய அரசின் வழிகாட்டலை மீறி, அளவுக்கு அதிகமாக ரசாயனத்தை கலந்துள்ளன, லாப நோக்கோடு!

எத்திலீன் ஆக்சைடு எனும் ரசாயனமானது, புற்றுநோயை உண்டாக்கும் ‘கார்சினோஜன்’ வகையைச் சேர்ந்தது என்று புற்றுநோய் குறித்து ஆராய்ச்சி செய்து வரும் மருத்துவ நிறுவனங்கள் தொடர்ந்து சொல்லி வருகின்றன. ‘இதை உட்கொண்டால் அதீத உடல் உபாதைகள், மார்பகப் புற்றுநோய்கூட வருவதற்கான வாய்ப்புகள் உள்ளன’ என்றும் அவை எச்சரிக்கின்றன.

இந்தக் காரணங்களால்தான், இந்திய மசாலா விற்பனைக்கு ஹாங்காங் மற்றும் சிங்கப்பூர் நாடுகள் தடை விதித்துள்ளன. அவையெல்லாம் மக்கள் நலன் மீது அக்கறை கொண்ட அரசுகள். நம் மத்திய அரசோ... நிறுவனங்களின் நலனில் அல்லவா எப்போதுமே அக்கறை கொண்டதாக இருக்கிறது. ஆம், அதே ரசாயனம் சேர்க்கப்பட்ட மசாலாக்கள் இன்னும் இங்கே விற்பனை செய்யப்படும்போது, இப்படித்தானே சொல்ல முடியும்!

இதற்கிடையே, ‘மூலிகை மற்றும் மசாலா பொருள்களில் உள்ள பூச்சிக்கொல்லி அளவை, 10 மடங்கு வரை அதிகரித்துக்கொள்ள எஃப்.எஸ்.எஸ்.ஏ.ஐ (FSSAI) எனப்படும் இந்திய உணவு பாதுகாப்பு மற்றும் தர நிர்ணய ஆணையம், அனுமதித்திருக்கிறது’ என்றொரு செய்தி, திடீரென காட்டுத்தீயாகப் பரவ, பதற்றம் பற்றிக் கொண்டது.

இதையடுத்து, ‘‘அதெல்லாம் கிடையாது. அரசின் வழிகாட்டல், சர்வதேச அளவீடுகளை வைத்து, அவ்வப்போது ஒவ்வோர் உணவுப் பொருளுக்கும், பூச்சிக்கொல்லி எச்சம் குறிப்பிட்ட அளவில் இருக்கலாம் என்று முடிவு செய்வோம். இது வழக்கமானதுதான். அச்சப்பட எதுவுமில்லை’’ என்று மத்திய சுகாதார அமைச்சகம் அறிவித்துள்ளது.

ஆனால், என்ன உண்மை என்பது இயற்கைக்கே வெளிச்சம்.

மண்ணில் வாழும் அனைத்து உயிர்களுக்கும் தீங்கு ஏற்படும் என்றுதான் ‘பூச்சிக்கொல்லி நஞ்சு’க்கு எதிராக முழக்கங்கள் கேட்கின்றன. இயற்கை வழி வேளாண்மை உலகம் முழுக்கவே முன்மொழியப்படுகிறது.

நஞ்சில்லா உணவுக்கான சந்தை வாய்ப்பு, உலக அளவில் பெருகி வருகிறது. அதைப் பயன்படுத்திக் கொள்ளாமல், பூச்சிக்கொல்லி விஷத்துக்கு தொடர்ந்து வக்காலத்து வாங்குவது, நல்ல அரசுக்கு அழகல்ல!

-ஆசிரியர்


http://dlvr.it/T6gNLh

Read More

`தமிழ்நாட்டின் நிலை ஆந்திராவுக்கு வரக் கூடாது!’ - சந்திரபாபு நாயுடுவை ஆதரித்து அன்புமணி பிரசாரம்

ஆந்திர மாநிலத்தில் வரும் 13-ம் தேதி, நாடாளுமன்றத் தேர்தலுடன் சட்டமன்றத்துக்கும் ஒரே கட்டமாகத் தேர்தல் நடைபெறுகிறது. தெலுங்கு தேசம் கட்சித் தலைவரும், முன்னாள் முதல்வருமான சந்திரபாபு நாயுடு பா.ஜ.க தலைமையிலான தேசிய ஜனநாயகக் கூட்டணியுடன் கைகோத்து களம் காண்கிறார். மீண்டும் அவர் குப்பம் சட்டமன்றத் தொகுதியிலேயே போட்டியிடுகிறார். இன்றைய தினம், குப்பம் தொகுதியில் சந்திரபாபு நாயுடுவை ஆதரித்து பா.ம.க தலைவர் அன்புமணி ராமதாஸ் பிரசாரம் மேற்கொண்டார்.

அன்புமணி பேசுகையில், ``என்னுடைய நண்பர் சந்திரபாபு நாயுடு மீண்டும் ஆந்திர முதல்வராக வரவேண்டும். சந்திரபாபு நாயுடு மீண்டும் ஆட்சிக்குவந்த பிறகு ஆந்திராவிலுள்ள பின்தங்கிய சமுதாயத்துக்கு பாதுகாப்பு சட்டம் கொண்டு வருவார். அன்புமணி ராமதாஸ்

என்னிடமும் பெரியத் திட்டம் இருக்கிறது. அதுதான் `கோதாவரி - காவிரி’ இணைப்புத் திட்டம். இந்தத் திட்டத்தை பிரதமர் மோடி ஒருவரால் மட்டுமே கொண்டு வர முடியம். கோதாவரி ஆற்றில் இருந்து ஆண்டுதோறும் 3,200 டி.எம்.சி தண்ணீர் கடலில் வீணாகக் கலந்துகொண்டிருக்கிறது. அதில் இருந்து 1,200 டி.எம்.சி தண்ணீரை நீரேற்று மூலமாகக் கொண்டுவந்து கிருஷ்ணாவில் இணைத்து, அங்கிருந்து பெண்ணை ஆற்றின் வழியாக காவிரியில் இணைக்கின்ற திட்டம்தான் `கோதாவரி - காவிரி’ இணைப்புத் திட்டம்.

இது சம்பந்தமாக, பிரதமர் மோடியிடம் நான் பலமுறை அழுத்தம் கொடுத்திருக்கிறேன். அவரும் உறுதி கொடுத்திருக்கிறார். பல மாநிலங்கள் சார்ந்த பிரச்னை என்றாலும், இந்தத் திட்டம் உறுதியாக நிறைவேற்றப்படும். இதன் மூலம் தமிழ்நாட்டுக்கு 200 டி.எம்.சி தண்ணீர், ஆந்திராவுக்கு 500 டி.எம்.சி., தெலங்கானாவுக்கு 500 டி.எம்.சி தண்ணீர் கிடைக்கும். இங்கெல்லாம் விவசாயம் செழிக்கும். அன்புமணி ராமதாஸ்

இந்தியாவின் அடுத்த பிரதமரும் மோடிதான் என்று மக்கள் முடிவு செய்துவிட்டார்கள். மத்தியிலும் நம்முடைய ஆட்சி, மாநிலத்திலும் நம்முடைய ஆட்சி நடைபெற்றால்தான் நமக்கு திட்டங்கள் கிடைக்கும். உதாரணத்துக்கு ஒன்றைச் சொல்கிறேன். தமிழ்நாட்டில் தி.மு.க ஆட்சி நடக்கிறது. மத்திய பா.ஜ.க அரசுடன் எதற்கெடுத்தாலும் தி.மு.க சண்டைப்போடுவதால்தான் தமிழ்நாட்டுக்கு நிதி கிடைப்பதில்லை. திட்டங்களும் வருவதில்லை. `நிதி கொடுங்கள். தண்ணீர் கொடுங்கள்’ என்று நல்ல அணுகுமுறை இருக்க வேண்டும். தமிழ்நாட்டின் நிலை ஆந்திராவுக்கு வரக் கூடாது. மீண்டும் மோடிதான் பிரதமர். எனவே, ஆந்திராவிலும் சந்திரபாபு நாயுடுவை முதல்வராக்கினால்தான் கேட்டது கிடைக்கும். தேசிய ஜனநாயகக் கூட்டணி மிகப்பெரிய வெற்றி பெறவேண்டும்’’ என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbHD Revanna: விசாரணை கைதி எண் 4567... தேவகவுடா குடும்பத்தில் முதல் நபராக சிறையிலடைக்கப்படும் ரேவண்ணா!


http://dlvr.it/T6f8SV

Read More

கழுகார்: 'ரிப்போர்ட்' கேட்ட கம்பெனி... கொதிக்கும் அமைச்சர்கள் முதல் பீதியில் `இனிஷியல்’ புள்ளி வரை!

கொதிக்கும் அமைச்சர்கள்!'தேர்தல் ரிப்போர்ட்' கேட்ட கம்பெனி...

தி.மு.க தலைமையிலான அரசு மூன்றாவது ஆண்டை நிறைவு செய்துவிட்டு, நான்காம் ஆண்டில் அடியெடுத்துவைத்திருக்கிறது. இதையடுத்து, தி.மு.க தலைவர் மு.க.ஸ்டாலினை அவரது இல்லத்திலும் கோட்டையிலும் சந்தித்து வாழ்த்துத் தெரிவித்துவிட்டு கிளம்பியிருக்கிறார்கள், அமைச்சர்கள். அப்போது குறுக்கே வந்த கம்பெனி தரப்பு, “நீங்கள் பொறுப்பு வகித்த தொகுதிகளில் பூத்வாரியாக எவ்வளவு வாக்குகள் பதிவாகின, யாரெல்லாம் தேர்தலில் வேலை செய்தார்கள், யாரெல்லாம் வெலை செய்யாமல் ஏமாற்றினார்கள் என்பவை உள்ளிட்ட விவகாரங்களை விசாரித்து, தலைமை அலுவலகத்தில் கொடுங்கள்” எனக் கேட்டார்களாம். மு.க.ஸ்டாலின்

“தேர்தலில் உதவி செய்வதற்குத்தான் கம்பெனியே தவிர, கட்சி விவகாரங்களில் தலையிடுவதற்காக இல்லை. தலைமை நேரடியாகக் கண்காணிக்கவேண்டிய விவகாரத்தில்கூட கம்பெனியை நுழைப்பது நல்லதில்லை. இதையெல்லாம் பார்க்கும்போது கட்சியைத் தலைமை நடத்துகிறதா, இல்லை கம்பெனி நடத்துகிறதா என்றே தெரியவில்லை…” எனப் புலம்பியபடியே கிளம்பினார்களாம் சீனியர் அமைச்சர்கள்.துடியாய் நிற்கும் துறை மேலிடம்!விரைவில் கூட்டுறவு சங்கத் தேர்தல்...

தமிழ்நாட்டில் சுமார் 22,000 கூட்டுறவு சங்கங்கள் இருக்கின்றன. அனைத்திலும் அ.தி.மு.க-வினரே பொறுப்பில் இருந்தார்கள். எனவே, தி.மு.க ஆட்சிக்கு வந்ததும், கூட்டுறவு சங்கப் பொறுப்புகளுக்கான பதவிக்காலத்தை ஐந்திலிருந்து மூன்று ஆண்டுகளாகக் குறைக்கத் திட்டமிட்டு, சட்ட மசோதாவெல்லாம் நிறைவேற்றப்பட்டது. ஆனால், ஆளுநர் அதற்கு முட்டுக்கட்டை போட்டார். தற்போது கூட்டுறவு பொறுப்புகளுக்கான பதவிக்காலம் நிறைவடைந்து, ஓராண்டு கடந்துவிட்ட நிலையில், ‘தேர்தல் நடத்துவதற்கான எந்த முன்னெடுப்பையும் தலைமை மேற்கொள்ளவில்லை’ எனப் பல்வேறு பகுதிகளிலிருந்தும் கலகக்குரல்கள் எழத் தொடங்கியிருக்கின்றன. ‘நாடாளுமன்றத் தேர்தல் முடிவு என்னவானாலும் பரவாயில்லை.மிஸ்டர் கழுகு: கோட்டைக்குச் செல்ல ஆசை... ஜாமீனுக்கே சிக்கல்... அப்செட்டில் செந்தில் பாலாஜி!

கூட்டுறவு சங்கத் தேர்தலை நடத்திவிட வேண்டும். அதுதான் அடுத்த சட்டமன்றத் தேர்தலில் நமக்குப் பெரிய அளவில் கைகொடுக்கும்’ என சிலர் ஆளும் தரப்புக்கு அட்வைஸ் செய்ய, கூட்டுறவு சங்கங்களுக்குத் தேர்தலை நடத்துவதற்கான வேலைகளைத் தொடங்கச் சொல்லி, துறை மேலிடத்துக்கு உடனடி உத்தரவு பறந்திருக்கிறது. இதையடுத்து, இந்தத் தேர்தலைவைத்து, பெரிய அளவில் பசை பார்த்துவிட வேண்டும் என்று துடியாய் இருக்கிறதாம் துறை மேலிடம்.பீதியில் இனிஷியல் புள்ளி!அபாயம்... யாகம்... ஆலோசனை…

தேர்தல் முடிந்த கையோடு வெளிநாட்டுக்குப் பறக்க ஆயத்தமான இனிஷியல் தலைவருக்கு 'கட்டம் சரியில்லை' எனவும், 'பழைய வழக்குகளால் அபாயம் சூழும்' எனவும் ஜோதிடர்கள் குறி சொல்ல… பயணத்தை ஒத்திவைத்துவிட்டு, சொந்த மாவட்டத்திலுள்ள தனது வீட்டிலேயே முடங்கிக் கிடக்கிறாராம். வீட்டிலேயே சில யாகங்களை நடத்தியவர், வழக்குகள் தொடர்பாக வக்கீல் டீமுடனும் தீவிர ஆலோசனையில் ஈடுபட்டிருக்கிறாராம். இதற்கிடையே, தான் போட்டியிட்ட தொகுதியில் தேர்தலுக்குப் பின்னான கள நிலவரம் குறித்து விசாரித்தவருக்கு வந்த தகவல்களும் இடியை இறக்க, மன உளைச்சலின் உச்சத்துக்கே சென்றுவிட்டாராம்!தப்பியோடிய வேட்டைப் புள்ளி!கைவிரித்த மாஜி…

கொடநாடு பங்களாவின் ஃபர்னிஷிங் வேலைகளைச் செய்து கொடுத்த ‘ஜீவ’ புள்ளி, இலைக் கட்சியின் பெல் ‘மாஜி’-க்கு ரொம்பவே நெருக்கமாக இருந்தவர். கொடநாடு பங்களாவின் மொத்த புளூ பிரின்ட்டும் அறிந்தவர் என்பதால் அங்கு நடந்த கொலை, கொள்ளை வழக்கின் சாட்சிகளில் ஒருவராகவும் சேர்க்கப்பட்டிருந்தார். இதற்கிடையே ‘பெல்’ மாஜியின் ஆதரவால் இலைக் கட்சியில் மாநிலப் பொறுப்புவரை உயர்ந்த ‘ஜீவ’ புள்ளி, தற்போது வனவிலங்கு வேட்டை வழக்கில் சிக்கியிருக்கிறார். ‘ஜீவ’ புள்ளிக்குச் சொந்தமான இடத்தில், வேட்டையாடப்பட்ட வனவிலங்கின் உடல் பாகங்கள், வேட்டைத் துப்பாக்கிகள், தோட்டாக்கள் எனப் பல பொருள்களைக் கைப்பற்றியிருக்கிறது வனத்துறை. பயந்துபோன `ஜீவ’ புள்ளி, பழைய பாசத்தில் மாஜியை அணுகியிருக்கிறார். ஆனால், 'இந்த விஷயத்தில் ‘தன்னால் எந்த உதவியும் செய்ய முடியாது’ எனக் கைவிரித்துவிட்டாராம் பெல். கைதுக்கு பயந்த ‘ஜீவ’ புள்ளி, முன்ஜாமீன் கோரி மனுத்தாக்கல் செய்துவிட்டு, வெளிநாட்டுக்குத் தப்பிச் சென்றுவிட்டாராம்.நிர்வாகிகளைத் திருப்பியனுப்பும் கமலாலயம்!"இன்று போய் ஜூன் மாதம் வாங்க..."

தேர்தல் தொடர்பான புகார்களை எடுத்துக்கொண்டு கமலாலயத்துக்கு வருபவர்களின் எண்ணிக்கை நாளுக்கு நாள் அதிகரித்துக்கொண்டே போகிறது. அப்படி சமீபத்தில் தென்மாவட்டத்திலிருந்து சிலரும், திருவள்ளூர், டெல்டா பகுதிகளிலிருந்து சிலரும் ‘பணம் கையாடல், தேர்தலுக்குப் பிந்தைய உட்கட்சி மோதல்’ உள்ளிட்ட புகார்களோடு கமலாலயத்துக்கு வந்திருக்கிறார்கள். கமலாலயம்

ஆனால், அங்கு யாருமே இல்லையாம். அலுவலக உதவியாளர்களிடம் விசாரிக்க, “தேர்தல் பரப்புரைக்காக எல்லோரும் பக்கத்து மாநிலங்களுக்குச் சென்றிருக்கிறார்கள். இதேபோல தமிழ்நாட்டின் பல்வேறு பகுதிகளிலிருந்தும் புகார்கள் வந்த வண்ணம் இருக்கின்றன. அவற்றையெல்லாம் ஜூன் மாதம் தேர்தல் முடிவுகள் வந்த பிறகு தலைமை விசாரிக்கும்” எனச் சொல்லி திருப்பி அனுப்பியிருக்கிறார்கள். ``சொந்த மாநிலத்தில் இருக்கும் பிரச்னைகளைத் தீர்க்காமல் இப்படி அடுத்த மாநிலங்களுக்குப் போய் பிரசாரம் செய்தால், இங்கே எப்படிக் கட்சி வளரும்?” என முணுமுணுத்தபடி செல்கிறார்களாம் கட்சி நிர்வாகிகள்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6dmGQ

Read More

அதிமுக: தேர்தலுக்குப்பின் கட்சி ‘ஆய்வு’ ஏதுமின்றி `அமைதியோ அமைதி’ மோடில் எடப்பாடி! - என்ன நடக்கிறது?

நாடாளுமன்றத் தேர்தலில் 32 இடங்களில் அ.தி.மு.க போட்டியிட்டது. தேர்தல் முடிந்ததும், பூத் விவகாரங்களை ஒருவாரத்துக்குள் சமர்பிக்க வேண்டுமென்று கறார் உத்தரவு போட்டு இருந்தது தலைமை. ஆனால், இன்று வரை பூத் விவகாரங்கள் தலைமைக்கு வந்து சேரவில்லை. இதுஒருபுறமிருக்க, எடப்பாடியும் முழு ஓய்வில் இருக்கிறார். இதனால், தேர்தலுக்கு பிந்தைய பணிகள் எதுவும் செய்யாமல், அ.தி.மு.க படு அமைதியாக இருக்கிறது.

மறுபக்கம் திமுக தலைவர்,முதல்வர் ஸ்டாலின் தேர்தல் முடிந்ததும் அனைத்து தொகுதி பொறுப்பாளர்களையும் பொறுப்பு அமைச்சர்களுடன் சந்தித்தார். சம்பிரதாய சந்திப்பாக நடந்தாலும் அனைத்து தொகுதி பொறுப்பாளர்களையும் சந்தித்துவிட்டார். பாஜக தரப்பில் தேர்தலுக்கு பிந்தைய கலவரங்கள் இன்னும் ஓய்ந்த பாடில்லை. கட்சி பணத்தை சுருட்டி விட்டார் என புகார்கள் போஸ்டர்களாக வலம் வந்தன, வருகின்றன. ஆனால் அதிமுக தரப்பிலோ, அமைதியோ அமைதி!எடப்பாடி பழனிசாமி

இதுதொடர்பாக அ.தி.மு.க அமைப்பு செயலாளர்கள் சிலரிடம் பேசினோம். ``நாடாளுமன்றத் தேர்தல் முடிந்தபின்னர், சென்னைக்கு 22-ம் தேதி வந்தார் இ.பி.எஸ். மறுநாள்... சித்திரை பவுர்ணமி என்பதால், அன்று தலைமை அலுவலகத்துக்கு சென்றால் நல்லது என்று அவருக்கு நெருக்கமான தரப்பில் சொல்லி இருக்கிறார்கள் போல. அதனால், அவசர அவசரமாக 22-ம் தேதி இரவு, திருவள்ளூர், காஞ்சிபுரம், வடசென்னை, தென்சென்னை, மத்திய சென்னையின் மாவட்ட செயலாளர்கள், தொகுதி பொறுப்பாளர்களை தலைமை அலுவலகத்துக்கு வர சொன்னார்கள்.

இந்த தேர்தல் தொண்டர்கள் மத்தியில் இருந்த உணர்வை வெளிக் கொண்டு வந்திருந்தது. ஆனால், சித்தரை பவுர்ணமிக்கு தலைமை அலுவலகத்துக்கு வரவேண்டும் என்பதற்காகவே, ஒரே சம்பிரதாய மீட்டிங் ஏற்பாடு செய்யப்பட்டதாலேயே, அன்று தலைமை அலுவலகம் கூட்டம் இல்லாமல் கலையிழந்து இருந்தது.

அந்த கூட்டத்தில் எந்த ஒரு ஆக்கப்பூர்வமான விவகாரமும் நடக்கவில்லை. தலைமையே இப்படி இருந்ததால், தேர்தலுக்கு பிந்தைய விவகாரங்களை மேற்கொள்ள மாவட்ட நிர்வாகிகளுக்கும் ஆர்வம் இல்லாமல்போய்விட்டது.குடும்பத்தோடு எடப்பாடி

அம்மா இருக்கும்போது, தேர்தல் முடிந்தபிறகு மீட்டிங் என்றாலே நிர்வாகிகள் கதி கலங்கிவிடுவார்கள். அதேபோல, தேர்தல் முடிந்ததும் புகார்களை விசாரிக்க குழு ஒன்றும் அமைக்கப்படும். ஆனால், இ.பி.எஸ் அப்படி ஒரு விஷயத்தையும் மேற்கொள்ளவில்லை. சென்னை மற்றும் புறநகர் தொகுதிகளுக்கு நடந்ததைபோல, பிற தொகுதி பொறுப்பாளர்கள், நிர்வாகிகளை அழைத்து சம்பிரதாய கூட்டத்தையாவது நடத்துவார் என்று எதிர்பார்த்தோம். ஆனால், அதுவும் நடக்கவில்லை.

குடும்பத்தாரோடு கேரளாவுக்கு சென்ற எடப்பாடி, ஒருவாரம் ஓய்வில் இருந்தார். அங்கிருந்து திரும்பியவர் தற்போது சேலம் வீட்டிலேயே ஓய்வில் இருக்கிறார்.

ஜூன் 4 தேர்தல் முடிவு வெளியான பின்னர்தான், ஆக்டிவ் அரசியலில் ஈடுபடும் முடியும் என்பது எல்லாருக்கும் தெரிந்ததுதான். ஆனால், கட்சியின் தற்போதைய நிலைமையை தெரிந்து கொள்ள, இந்த கால இடைவெளியை இ.பி.எஸ் ஆக்கபூர்வமாக பயன்படுத்தி கொள்ளவில்லை. நாடாளுமன்றத் தேர்தல் முடிந்து மூன்று வாரங்கள் ஆகியும், கட்சியின் நிலைமை குறித்து தலைமை கவலைப்பட்டதாகவே தெரியவில்லை. தேர்தல் முடிவு வந்தபின்னர், கட்சி ஆலோசனை கூட்டங்களை நடத்தலாம் என்ற முடிவில் இ.பி.எஸ் இருக்கிறார். ஆனால் இது தொண்டர்களை சோர்வடைய செய்துவிடும்.எம்.ஜி.ஆர் மாளிகை

குறிப்பாக, இந்த தேர்தலில் சீனியர்கள் முதல் ஜூனியர்கள் வரை உள்ளடி வேலை பார்த்து இருக்கிறார்கள். அவர்கள் குறித்து தலைமைக்கு ஏற்கனவே புகார் வந்திருக்கிறது. ஆனால், எப்போதும்போல, இப்போதும், கட்சியினர் மீது நடவடிக்கை எடுக்கவில்லை என்றால், கட்சிக்கு மிகப்பெரிய பின்னடைவு ஏற்பட்டுவிடும். " என்றனர் விரக்தியுடன்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6dm0W

Read More