Debate: `மோடியுடன் விவாதிக்க நீங்கள் யார்?'- விவாதத்துக்கு ஓகே சொன்ன ராகுல்.. கேள்வியெழுப்பும் பாஜக!

இந்தியா முழுவதும் நாடாளுமன்ற தேர்தல் நடைபெற்று வரும் நிலையில், பா.ஜ.க தலைமையில் போட்டியிடும் என்.டி.ஏ கூட்டணியும், காங்கிரஸ் தலைமையில் போட்டியிடும் இந்தியா கூட்டணியும் ஒருவரை ஒருவர் பரஸ்பரம் குற்றம்சாட்டி வருகின்றன. இந்த நிலையில், முன்னாள் நீதிபதிகள் மதன் பி.லோகுர், அஜித் பி.ஷா, மூத்த பத்திரிகையாளர் என்.ராம் ஆகியோர் நாடாளுமன்ற தேர்தல் குறித்த பொது விவாதத்திற்கு பிரதமர் மோடி மற்றும் காங்கிரஸ் தலைவர் ராகுல் காந்திக்கு அழைப்பு விடுத்து கடிதம் எழுதினர்.ராகுல் காந்தி

அதில், ``இரு தரப்பினரும் ஒருவரையொருவர் எதிர்த்து குற்றச்சாட்டுகள் மற்றும் சவால்களை முன்வைப்பதை மட்டுமே கேட்டமுடிகிறது. அதற்கான அர்த்தமுள்ள பதில்கள் கிடைக்கவே இல்லை. அதனால் பொதுமக்கள் கவலையடைந்திருக்கிறார்கள். எனவே, ஒரு பொது விவாதத்தில் இரு தரப்பினரும் ஒருவருக்கொருவர் தங்கள் அறிக்கைகள் மற்றும் சமூக நீதியின் அரசியலமைப்பு ரீதியாக பாதுகாக்கப்பட்ட திட்டம் குறித்த தங்கள் நிலைப்பாடு குறித்து விவாதிக்கலாம்" எனக்குறிப்பிடப்பட்டிருந்தது.

இந்தக் கடிதத்துக்கு ராகுல் காந்தி பதிலளித்திருக்கிறார். அதில், ``ஆரோக்கியமான ஜனநாயகத்திற்கான முக்கிய கட்சிகள் தங்கள் பார்வையை ஒரு தளத்திலிருந்து நாட்டுக்கு முன்வைப்பது ஒரு நேர்மறையான முயற்சி. மேலும் இது போன்ற விவாதம் நம்முடைய பார்வையைப் புரிந்துகொள்வதற்கும், தகவலறிந்து, யாரை தேர்வு செய்ய வேண்டும் என்ற தெளிவு கிடைக்க மக்களுக்கு உதவும். அந்தந்த கட்சிகள் மீது கூறப்படும் ஆதாரமற்ற குற்றச்சாட்டுகளுக்கு முற்றுப்புள்ளி வைப்பது மிகவும் முக்கியமானது.ராகுல் காந்தி - மோடி

இந்த அழைப்பு குறித்து மல்லிகார்ஜுன கார்கேவுடன் கலந்தாலோசித்தேன். பொதுமக்கள் தங்கள் தலைவர்களிடம் நேரடியாக கேள்வி கேட்க தகுதியுடையவர்கள். ஒரு ஆக்கப்பூர்வமான மற்றும் வரலாற்று சிறப்புமிக்க இந்த விவாதத்தில் பங்கேற்க ஆவலுடன் இருக்கிறோம். பிரதமர் எப்போது பங்கேற்க ஒப்புக்கொள்கிறார் என்பதை எங்களுக்குத் தெரியப்படுத்தவும், அதைத் தொடர்ந்து விவாதத்தின் விவரங்கள் மற்றும் அதன் வரைமுறை பற்றி முடிவெடுக்கலாம்." எனக் குறிப்பிட்டிருக்கிறார்.

இதற்கிடையே லக்னோவில் நடைபெற்ற பிரசாரத்தில், ``மோடியை விவாதத்தில் எதிர்கொள்ள 100 சதவீதம் தயாராக இருக்கிறேன். ஆனால் பிரதமர் மோடி அதற்கு ஒப்புக்கொள்ள மாட்டார் என்றும் எனக்குத் தெரியும்" எனப் பேசினார். இந்த விவாதத்தில் பங்கேற்க ஒப்புக்கொண்ட ராகுல் காந்தியின் பதிலுக்கு பா.ஜ.க எம்.பி தேஜஸ்வி சூர்யா, ``பிரதமர் மோடியுடன் விவாதம் செய்ய ராகுல் காந்தி யார்... இந்தியக் கூட்டணி ஒருபுறம் இருக்கட்டும், காங்கிரஸ் கட்சியின் பிரதமர் வேட்பாளராகக்கூட இல்லை.மோடி

அவரை முதலில் காங்கிரஸின் பிரதமர் வேட்பாளராக அறிவிக்கட்டும். அவர் தனது கட்சியின் தோல்விக்கு பொறுப்பேற்பார் என்று கூறிவிட்டு, பின்னர் பிரதமரை விவாதத்திற்கு அழைக்கவும். அதுவரை விவாதத்தில் கலந்து கொள்ள எங்கள் செய்தித் தொடர்பாளர்களை நியமிக்க நாங்கள் தயாராக இருக்கிறோம்." எனக் குறிப்பிட்டிருக்கிறார். பா.ஜ.க தேசிய செய்தித் தொடர்பாளர் ஜெய்வீர் ஷெர்கில், ``பாராளுமன்றத்தில் ராகுல் காந்தியின் சாதனை: வருகை: 51%, தேசிய சராசரி: 79%. கலந்துகொண்ட விவாதங்களின் எண்ணிக்கை: 8, தேசிய சராசரி: 46.7%

அங்கு எழுப்பப்பட்ட கேள்விகளின் எண்ணிக்கை: 99, தேசிய சராசரி: 210. அதாவது, பாராளுமன்றத்தை விட்டு ஓடி, அமேதியில் இருந்து ஓடி, கட்சித் தலைவர் பதவியை விட்டு ஓடிவிட்டு, இன்னும் பிரதமர் மோடியுடன் விவாதம் செய்ய உரிமை இருப்பதாக உணர்கிறீர்களா? ஓடிப்போன பொழுதுபோக்கு அரசியல்வாதிகளுடன் விவாதிப்பது மோடியின் நேரத்திற்கு மதிப்பில்லாமல் ஆக்கிவிடும். தகுதியானவர்கள் ஆசைப்பட வேண்டும் என்ற அடிப்படை விதியை ராகுல் காந்திக்கு யாரும் கற்பிக்கவில்லை என்பது தெளிவாகிறது" எனப் பதிவிட்டிருக்கிறார்.மோடி, அமித் ஷா

பா.ஜ.க தகவல் தொழில்நுட்ப பிரிவு தலைவர் அமித் மாளவியா, ``விவாதம் நல்லது. ஆனால், பதவியில் இருக்கும் பிரதமர், ராகுல் காந்தியுடன் ஏன் விவாதிக்க வேண்டும்? அவர் I.N.D.I.A கூட்டணியின் காங்கிரஸ் தலைவருமல்ல, பிரதமர் வேட்பாளருமல்ல. ராகுல் காந்தி தனது அரசியல் பயணத்தை மீண்டும் தொடங்க மோடி என்ற பிராண்டைப் பயன்படுத்துவதை காங்கிரஸ் நிறுத்த வேண்டும்" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb`YSR காங்கிரஸை கூட்டணிக் கட்சியாக நினைத்ததில்லை; ஆனால் நாடாளுமன்றத்தில்..!' - மோடி கூறுவதென்ன?


http://dlvr.it/T6m75g

Read More

`காங்கிரஸ் எனக்கு துரோகம் செய்துவிட்டது' - தலைமறைவாக இருந்த சூரத் காங்கிரஸ் வேட்பாளர் குற்றச்சாட்டு!

குஜராத் மாநிலம், சூரத் மக்களவைத் தொகுதியில் காங்கிரஸ் சார்பாக வேட்பு மனுதாக்கல் செய்திருந்தவர், நிலேஷ் கும்பானி. இவரது வேட்பு மனுவை முன்மொழிந்து கையெழுத்து போட்டவர்கள் கடைசி நேரத்தில் `அக்கையெழுத்தை நாங்கள் போடவில்லை' என்று கூறியதால், கடந்த மாதம் 21-ம் தேதி நிலேஷ் வேட்பு மனு தள்ளுபடி செய்யப்பட்டது. அவருக்கு பதில் மாற்று வேட்பாளராக வேட்பு மனுதாக்கல் செய்திருந்தவரது வேட்பு மனுவிலும் கையெழுத்து குளறுபடி இருந்தது. எனவே அவரது வேட்பு மனுவும் தள்ளுபடி செய்யப்பட்டது.

இது தவிர பகுஜன் சமாஜ் உட்பட சுயேச்சை வேட்பாளர்களும் தங்களது வேட்பு மனுவை திரும்பப் பெற்றுகொண்டனர். இதனால் பா.ஜ.க வேட்பாளர் போட்டியின்றி தேர்ந்தெடுக்கப்பட்டார். இச்சம்பவத்திற்கு பிறகு திடீரென நிலேஷ் தலைமறைவாகிவிட்டார். இதனால் அவர் பா.ஜ.க-விடம் பணம் வாங்கிவிட்டதாக காங்கிரஸ் குற்றம்சாட்டியது. வேட்பு மனுவில் நிலேஷ் நெருங்கிய உறவினர்கள்தான் கையெழுத்திட்டு இருந்தனர்.

எனவே அவர்கள் கையெழுத்து போட்டதை மறுக்கவேண்டிய அவசியமும் இல்லை. அதோடு பா.ஜ.க நிலேஷ் வேட்பு மனுவில் இருக்கும் கையெழுத்து குறித்து சந்தேகம் எழுப்பியதிலும் சந்தேகம் எழுந்தது. அனைத்துமே திட்டமிட்டு நடந்ததாக தெரிந்தது.

கடந்த 20 நாள்களாக தலைமறைவாக இருந்த காங்கிரஸ் வேட்பாளர் நிலேஷ், திடீரென நேற்று வெளிப்பட்டார். அவர் அளித்த பேட்டியில், ''கடந்த சில நாள்களாக மாநில காங்கிரஸ் தலைவர் சக்தி சிங் மற்றும் ராஜ்கோட் காங்கிரஸ் வேட்பாளர் பரேஷ் ஆகியோருக்கு மதிப்பளித்து அமைதியாக இருந்தேன். காங்கிரஸ் தலைவர்கள்தான் எனக்கு துரோகம் செய்தனர். 2017 சட்டமன்றத் தேர்தலில் கடைசி நேரத்தில் என்னை வேட்பாளர் பொறுப்பில் இருந்து நீக்கி விட்டனர். எனவே முதலில் தவறு செய்தது காங்கிரஸ் கட்சிதான்.

நான் முதலில் தவறு செய்யவில்லை. காங்கிரஸ்தான் எனக்கு துரோகம் செய்துவிட்டது. வேலையும் செய்யாமல், அடுத்தவர்களையும் வேலை செய்ய விடாத 5 பேர்தான் சூரத்தில் கட்சியை நடத்துகின்றனர்'' என்றார். `2017-ம் ஆண்டு தேர்தலில் போட்டியிட கடைசி நேரத்தில் வாய்ப்பு கொடுக்காததால், அதற்கு இப்போது பழிவாங்கினீர்களா?' என்று கேட்டதற்கு, நேரடியாக பதிலளிக்க மறுத்துவிட்டார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbபாஜக ஆட்சிக்கு வந்தால், அமித் ஷா பிரதமரா? - கெஜ்ரிவால் பேச்சுக்கு அமித் ஷாவின் ரியாக்சன் என்ன?


http://dlvr.it/T6lwM9

Read More

`YSR காங்கிரஸை கூட்டணிக் கட்சியாக நினைத்ததில்லை; ஆனால் நாடாளுமன்றத்தில்..!' - மோடி கூறுவதென்ன?

நாடாளுமன்றத் தேர்தலின் 4-ம் கட்ட வாக்குப்பதிவு மே 13-ம் தேதி நடைபெறவிருக்கிறது. ஆந்திரா உட்பட 10 மாநிலங்கள் மற்றும் ஜம்மு காஷ்மீரில் ஒரு தொகுதி என மொத்தம் 96 மக்களவைத் தொகுதிகளில் 4-ம் கட்ட வாக்குப்பதிவு நடக்கவிருக்கிறது. இதே நாளில் ஆந்திராவில் சட்டமன்றத் தேர்தலும் நடக்கவிருக்கிறது.ஜெகன்மோகன் ரெட்டி

ஆந்திராவைப் பொறுத்தவரை சட்டமன்ற மற்றும் நாடாளுமன்றத் தேர்தல் என இரண்டிலும் முதல்வர் ஜெகன்மோகன் ரெட்டியின் ஒய்.எஸ்.ஆர் காங்கிரஸ், சந்திரபாபு நாயுடுவின் தெலுங்கு தேசம் கட்சி-பாஜக-ஜனசேனா கட்சி மற்றும் காங்கிரஸ் என மும்முனைப் போட்டி நிலவுகிறது. கடந்த தேர்தல்களின்போது பா.ஜ.க, காங்கிரஸ் என இரண்டையும் ஒய்.எஸ்.ஆர் காங்கிரஸ் எதிர்த்தாலும், நாடாளுமன்றத்தில் சி.ஏ.ஏ, டெல்லி சேவை மசோதா போன்றவற்றை எதிர்க்கட்சிகள் எதிர்த்தபோது பா.ஜ.க-வுக்கு ஆதரவாக வாக்களித்தது.

ஆனால், தேர்தல் அறிவிப்புக்கு முன் மத்திய அரசு அமல்படுத்திய சி.ஏ.ஏ விதிகளை மறுப்பதாக ஒய்.எஸ்.ஆர் காங்கிரஸ் அறிவித்தது. அதன்தொடர்ச்சியாக, இந்த நாடாளுமன்றத் தேர்தல் பிரசாரங்களில் பா.ஜ.க, காங்கிரஸ் என இரண்டையும் விமர்சித்து வாக்கு சேகரித்து வருகிறது. இந்த நிலையில், ஒய்.எஸ்.ஆர் காங்கிரஸை ஒருபோதும் கூட்டணி கட்சியாக நினைத்ததில்லை எனவும், நாடாளுமன்றத்தில் சில சமயங்களில் தங்களுக்கு ஆதரவளித்திருப்பதாகவும் பிரதமர் மோடி தெரிவித்திருக்கிறார்.மோடி

தெலுங்கு ஊடக சேனலுடனான உரையாடலில் இதனைத் தெரிவித்த மோடி, ``ஆந்திராவில் தற்போதிருக்கும் அரசே மீண்டும் வரும் என்பதை என்பதை நான் நம்பவில்லை. மாநிலத்தின் பொருளாதாரம் தற்போது மோசமான நிலையில் இருக்கிறது. அதோடு, ஜெகன்மோகன் ரெட்டியை ஒரு சாத்தியமான கூட்டணி தலைவராக ஒருபோதும் நினைத்ததில்லை. ஆனால், நாடாளுமன்றத்தில் சில முக்கியமான பிரச்னைகளில் ஒய்.எஸ்.ஆர் காங்கிரஸ் எம்.பி-க்கள் எங்களுக்கு ஆதரவளித்திருக்கின்றனர். முன்பும் நாங்கள் தேர்தலில் எதிராளிகளாகவே இருந்தோம். ஒருபோதும் கூட்டணி கட்சிகளாகத் தேர்தல்களுக்குச் செல்லவில்லை. எப்போதும் அரசியலில் எதிரெதிர் முனைகளில்தான் இருந்தோம். யார் ஆட்சியில் இருந்தாலும், அனைத்து மாநிலங்களையும் வலிமையாக்க வேண்டும் என்பதே எனது அடிப்படை. மற்ற மாநிலங்களுக்கு நான் எவ்வளவு அர்ப்பணிப்புடன் இருக்கிறேனோ அதே அளவு ஆந்திராவின் வளர்ச்சிக்கும் நான் அர்ப்பணிப்புடன் இருக்கிறேன்" என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbAndhra: `4% முஸ்லிம் இட ஒதுக்கீடு அப்படியே நீடிக்கும்!' - ஆந்திர முதல்வர் ஜெகன்மோகன் ரெட்டி உறுதி


http://dlvr.it/T6krDN

Read More

Tamil News Live Today: மீண்டுமொரு பட்டாசு ஆலையில் வெடிவிபத்து - சிவகாசியில் அதிர்ச்சி!

மீண்டுமொரு பட்டாசு ஆலையில் வெடிவிபத்து - சிவகாசியில் அதிர்ச்சி!



விருதுநகர் மாவட்டம், சிவகாசியை அடுத்த நாராயணமாள்புரம் அருகே செயல்பட்டு வரும் மகேஸ்வரி ஃபயர் ஒர்க்ஸ் பட்டாசு ஆலையில் வெடிவிபத்து ஏற்பட்டிருக்கிறது.சிவகாசி

ஆலையின் கெமிக்கல் ரூமில் ஏற்பட்ட உராய்வு காரணமாக 3 அறைகள் வெடித்து சேதமடைந்திருக்கின்றன. இன்றைய பணிக்காக ஆலையைத் திறக்கும் முன்பே வெடிவிபத்து ஏற்பட்டதால், அதிர்ஷடவசமாக உயிர் சேதம் தவிர்க்கப்பட்டிருக்கிறது.


http://dlvr.it/T6k51g

Read More

'மோடியின் அட்டாக்; ராகுலின் வீடியோ எதிர்வினைகள்’ - அரசியல் களத்தில் தாக்கத்தை ஏற்படுத்துமா?!

தெலங்கானா தேர்தல் பிரசாரப் பொதுக் கூட்டத்தில் பேசிய பிரதமர் மோடி, "பல ஆண்டுகளாக காங்கிரஸ் இளவரசர் 5 தொழிலதிபர்களைப் பற்றி பேசினார். பின்னர் அம்பானி, அதானி பற்றி மட்டும் அவர் பேசத் தொடங்கினார். இப்போது அவர்கள் பற்றியும் பேசாமல் திடீர் மெளனம் காத்து வருகிறார். தேர்தல் தேதி அறிவிக்கப்பட்ட நாளில் இருந்து அம்பானி மற்றும் அதானி பற்றி அவதூறு பேசுவதை ராகுல் காந்தி உள்ளிட்ட காங்கிரஸ் தலைவர்கள் நிறுத்தி விட்டனர். ஏன்?. நான் காங்கிரஸ் இளவரசரிடம் ஒரு கேள்வி கேட்க விரும்புகிறேன். அம்பானி, அதானியிடமிருந்து நீங்கள் எவ்வளவு பணம் பெற்றீர்கள்? நடைபெறும் தேர்தலுக்காக அவர்களிடமிருந்து காங்கிரஸ் கட்சி எவ்வளவு நிதி பெற்றது?. எத்தனை வாகனங்களில் பணத்தைப் பெற்றது? ஏதோ ஒன்று நடந்திருப்பதாக நான் உணர்கிறேன். இதுகுறித்து காங்கிரஸ் கட்சி தேசத்துக்கு விளக்கம் அளிக்க வேண்டும்" என கொதித்தார்.கெளதம் அதானி, முகேஷ் அம்பானி!

இதில் கடுப்பான காங்கிரஸ் மூத்த தலைவர் ராகுல் காந்தி, முதலில் ஒரு வீடியோவை வெளியிட்டார், அதில், "மோடி ஜி, பயப்படுகிறீர்களா?. பொதுவாக பூட்டிய அறைகளில்தான் அதானி மற்றும் அம்பானியைப் பற்றி பேசுவீர்கள். பொதுவெளியில் அதானி மற்றும் அம்பானி பற்றி நீங்கள் பேசுவது இதுவே முதல்முறை. அவர்கள் இருவரும் காங்கிரஸுக்கு டெம்போக்களில் பணம் தருகிறார்கள் என்பது உங்களுக்கு எப்படித் தெரியும். இதில் உங்களுக்கு தனிப்பட்ட அனுபவம் எதுவும் இருக்கிறதா?. ஒரு காரியம் செய்யுங்கள். அதானியும், அம்பானியும் காங்கிரஸுக்கு டெம்போவில் பணம் அனுப்பினார்களா என்பதை அறிய சிபிஐ அல்லது அமலாக்கத் துறையை சோதனை நடத்துங்கள். பயப்பட வேண்டாம், மோடி ஜி" என வெடித்திருந்தார்.'சர்ச்சைப் பேச்சு... கொதித்த மோடி... அப்செட்டில் காங்கிரஸ்' - சாம் பிட்ரோடா விலகல் பின்னணி!

பின்னர் வெளியிட்ட மற்றொரு வீடியோவில், "தேர்தல் வெற்றி தன்னிடமிருந்து கைநழுவிப் போனதை உணர்ந்திருக்கும் பிரதமர் மோடி நமது கவனத்தை திசை திருப்ப முயற்சி செய்யக்கூடும். அடுத்து அவர் பிரதமராக வர மாட்டார். அதனால் இன்னும் 4-5 நாட்களுக்கு அவர் நமது கவனத்தை திசைத் திருப்ப முடிவெடுத்திருக்கலாம். அவர், சில நாடகங்களையோ வேறு சில வேலைகளையோ செய்யலாம். ஆனாலும் உங்கள் கவனம் சிதறி விடக் கூடாது. வேலைவாய்ப்பின்மை மிகவும் முக்கியான பிரச்னை. 2 கோடி வேலைகள் வழங்குவேன் என்று பிரதமர் தெரிவித்திருந்தார். ஆனால், அது பொய். அவர் பணமதிப்பிழப்பு, தவறான ஜி.எஸ்.டி போன்றவற்றையே கொடுத்தார். மேலும், அதானி போன்றவர்களுக்கு சேவை செய்தார். நாங்கள் ‘பாரதி பரோசா திட்டத்தை’ கொண்டு வர இருக்கிறோம். இண்டியா கூட்டணி ஜூன் 4-ம் தேதி ஆட்சி அமைக்கும். அதனைத் தொடர்ந்து ஆகஸ்ட் 15ம் தேதியில் இருந்து 30 லட்சம் பணியிடங்களை நிரப்பும் வேலையைத் தொடங்கும்" என தெரிவித்துள்ளார். ராகுலின் இந்த வீடியோ எதிர்வினைகள் தேர்தல் களத்தில் ரீச் ஆகிறது. எனினும் தேர்தல் முடிவுகளில் தாக்கத்தை ஏற்படுத்துமா என்பதை ஜூன் 4-ம் தேதி வரை பொறுத்திருந்துதான் பார்க்க வேண்டும். நாடாளுமன்றத் தேர்தல் 2024

இது குறித்து நம்மிடம் பேசிய மூத்த பத்திரிகையாளர் ப்ரியன், "முதல் கட்ட தேர்தல் முடிந்ததுமே பிரதமர் மோடிக்கு தோல்வி பயம் வந்துவிட்டது. அதன் பிறகு பரப்புரைகளுக்கு பதிலாக பொய்யுரைகளை மேற்கொண்டு வருகிறார். அதன் ஒருபகுதியாக காங்கிரஸ் தேர்தல் வாக்குறுதிகளில் இல்லாத விஷயங்களை பேசினார். அதாவது உங்களிடம் இரண்டு எருமைகள் இருந்தால் ஒன்றை பிடுங்கி கொள்வார்கள். காங்கிரஸ் ஆட்சிக்கு வந்தால் இரண்டு கிட்னியில், ஒரு கிட்னியை எடுத்துவிடுவார்கள் என்ற தொனியில் பேசி வருகிறார். கேவலமான, கீழ்த்தரமான பிரசாரம் மேற்கொண்டு வருகிறார். சொத்துகளை அனைவருக்கும் சமமாக கொண்டு செல்வோம் என்றுதான் காங்கிரஸ் சொல்கிறது. நில உத்தரவு சட்டத்தின் கீழ் வறுமை கோட்டுக்கு கீழ் இருக்கும் விளிம்புநிலை மக்களுக்கு கொடுப்போம் என்கிறார்கள். முஸ்லிம் என்கிற வார்த்தையே இல்லை.

ஆனால் முஸ்லிம் மக்களுக்கு கொடுத்துவிடுவார்கள் என பேசினார்கள். அதன் தொடர்ச்சியாகவே அம்பானி, அதானி விஷயத்தை மோடி கையில் எடுத்துள்ளார். மூன்றாம் கட்ட தேர்தல் பாஜக-வுக்கு சாதகமாக இல்லை. குஜராத்தில் இரண்டு, மூன்று தொகுதிகளில் தோல்வியை சந்திப்பார்கள். கர்நாடக, மகாராஷ்டிரா, பீகாரில் மோடிக்கு பின்னடைவுதான். இதையடுத்து அம்பானி, அதானி காங்கிரஸூக்கு பணம் அனுப்புகிறார்கள் எனக் கூறி, ராகுல் காந்தியை வம்பில் மாட்டி விடுவதாக நினைத்து அம்பானி, அதானியை மாட்டி விட்டுவிட்டார். இது அவர்கள் இருவரிடமும் சொல்லிவிட்டு பிரதமர் விளையாடும் விளையாட்டாக கூட இருக்கலாம். நான் இதுபோல் பேசுவேன். நீங்கள் கண்டுகொள்ளாதீர்கள். ஆட்சிக்கு வந்ததும் நட்பை தொடருவோம் என சொல்லி இருப்பார்.மோடி - ராகுல் காந்தி

ஒருவேளை அவர்களுக்கு தெரியாமல் சொல்லி இருந்தால் காங்கிரஸூக்கு சென்ற பணத்தை கண்டுபிடிக்காமல் இருந்தது, உங்களுடைய தவறுதானே. அமலாக்கத்துறை, வருமான வரித்துறை எல்லாம் தூங்கி கொண்டு இருக்கிறதா?. தேர்தல் பத்திரம் மூலம் காங்கிரஸூக்கு நிதி வழங்கிய நிறுவனங்கள் மீது நீங்கள் சோதனை நடத்தி இருக்கிறீர்களே. அம்பானி, அதானி சேர்ந்து போடும் நாடகம். பிரதமர் மோடி அதானி விமானத்தில்தான் பயணம் மேற்கொள்கிறார். அவர்கள் சேர்ந்து செய்யும் டிராமா. நாட்டில் இருக்கும் சிறு குழந்தைகூட பிரதமர் மோடியின் பேச்சை நம்பாது" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88'சர்ச்சைப் பேச்சு... கொதித்த மோடி... அப்செட்டில் காங்கிரஸ்' - சாம் பிட்ரோடா விலகல் பின்னணி!


http://dlvr.it/T6k4sB

Read More

``நான் திரும்பி வந்துட்டேன்; சர்வாதிகாரத்துக்கு எதிராக போராடுகிறேன்" - அரவிந்த் கெஜ்ரிவால்

டெல்லி மதுபான கொள்கை வழக்கில், கைதான டெல்லி முதல்வர் அரவிந்த் கெஜ்ரிவால் தாக்கல் செய்த ஜாமீன் மனு மீதான விசாரணை இன்று நடைபெற்றது. அப்போது, உச்ச நீதிமன்ற நீதிபதி கண்ணா,``2022-ம் ஆண்டு ஆகஸ்ட் மாதம் அரவிந்த் கெஜ்ரிவால் மீது அமலாக்கத்துறை வழக்குப்பதிவு செய்திருக்கிறது. ஒன்றரை ஆண்டுகளாக ஏன் அவரை கைது செய்யவில்லை? தேர்தலுக்கு முன்போ அல்லது தேர்தல் முடிந்த பிறகு கூட கைது செய்திருக்கலாம். தேர்தல் நேரத்தில் கைது செய்ததால் என்ன மாற்றம் வந்துவிடப் போகிறது? எனவே ஜூன் 1-ம் தேதி வரை இடைக்கால ஜாமீன் வழங்குகிறோம்" என தெரிவித்து ஜாமீன் வழங்கப்பட்டிருக்கிறது.அரவிந்த் கெஜ்ரிவால்

திகார் சிறையிலிருந்து வெளியே வந்த டெல்லி முதல்வர் அரவிந்த் கெஜ்ரிவாலை வரவேற்க பஞ்சாப் முதல்வர் பகவந்த் மான், கெஜ்ரிவாலின் மனைவி சுனிதா உள்ளிட்ட தலைவர்கள் மற்றும் கட்சித் தொண்டர்கள் உள்ளிட்டோர் சிறைக்கு வெளியே திரண்டிருந்தனர். அப்போது கூட்டத்தில் உரையாற்றிய கெஜ்ரிவால்,``நான் விரைவில் வருவேன் என்று உங்களிடம் கூறினேன் அல்லவா... நான் திரும்பி வந்துவிட்டேன். என்னிடம் உள்ள அனைத்தையும் கொண்டு நான் சர்வாதிகாரத்திற்கு எதிராக போராடுகிறேன்.

இப்போது நம்மில் 140 கோடி பேர் அதை செய்ய வேண்டும். இந்த தீர்ப்பை வழங்கிய உச்ச நீதிமன்ற நீதிபதிகளுக்கு நன்றி. நாளை காலை 11 மணிக்கு, நாம் அனைவரும் கன்னாட் பிளேஸில் உள்ள ஹனுமான் மந்திருக்குச் செல்வோம். பின்னர் மதியம் 1 மணிக்கு கட்சி அலுவலகத்தில் செய்தியாளர் சந்திப்பு இருக்கும். உங்கள் அனைவரையும் ஹனுமான் மந்திருக்கு வருமாறு கேட்டுக்கொள்கிறேன்." எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88Arvind Kejriwal: `3 புத்தகங்கள்!' கெஜ்ரிவால் சிறையில் படிப்பதற்காக அனுமதி கேட்டது இதற்காகத்தான்!


http://dlvr.it/T6j5mD

Read More

``எழுதி வைத்துக்கொள்ளுங்கள்; இந்த தேர்தலுக்குப் பிறகு மோடியால் பிரதமராக முடியாது!" - ராகுல் காந்தி

உத்தரப்பிரதேச மாநிலம் கன்னோஜில், சமாஜ்வாடி கட்சி (SP) தலைவர் அகிலேஷ் யாதவை ஆதரித்து இந்திய கூட்டணியின் பொதுக்கூட்டம் நடைபெற்றது. அதில் உரையாற்றிய ராகுல் காந்தி,``நானும், அகிலேஷ் யாதவும், இந்திய கூட்டணியும் கடந்த இரண்டு ஆண்டுகளில் செய்ய வேண்டிய அனைத்தையும் செய்திருக்கிறோம்.  எனவே நீங்கள் எழுதி வைத்துக்கொள்ளுங்கள், இந்த நாடாளுமன்றத் தேர்தலுக்குப்  பிறகு மோடி நாட்டின் பிரதமராக முடியாது.பிரசாரத்தின் போது ராகுல் காந்தி

கன்னோஜ் மக்களவைத் தொகுதியில் அகிலேஷ் யாதவின்  வெற்றியை உறுதி செய்ய காங்கிரஸ்,  சமாஜ்வாடி  மற்றும் இந்தியா கூட்டணியின் பிற கட்சிகளின் தொண்டர்கள் ஒன்றிணைந்து செயல்பட வேண்டும். உத்தரப்பிரதேசத்தில் பா.ஜ.க மிகப்பெரிய இழப்புக்களைச் சந்திக்கும். ஏனெனில் மக்கள் ஒரு மாற்றத்திற்கு முடிவு செய்து தங்கள் மனதை உருவாக்கியுள்ளனர்.

பிரதமர் மோடி கடந்த 10 ஆண்டுகளில் ஆயிரக்கணக்கான உரைகளை நிகழ்த்தியிருக்கிறார். அப்போதெல்லாம் அதானி, அம்பானி குறித்துப் பேசவில்லை. நம்மில் யாராவது பயப்படும்போது, ​​அவரவரின் நம்பிக்கையின்படி, அவரைக் காப்பாற்றக்கூடிய நபரின் பெயரைக் கூறுவோம். அப்படிதான் மோடி தனது இரண்டு நண்பர்களின் பெயர்களை எடுத்துக் கொண்டார்.ராகுல் - மோடி, Adani, Ambani

அவரை மீட்க வருமாறு வேண்டுகோள் விடுத்திருக்கிறார். மோடி தலைமையிலான அரசு 22 தனிநபர்களின் ரூ.16 லட்சம் கோடி கடன்களைத் தள்ளுபடி செய்திருக்கிறது. அவர் 22 கோடீஸ்வரர்களை உருவாக்கினால், நாங்கள் கோடிக்கணக்கான லட்சபதிகளை உருவாக்குவோம் எனக் காங்கிரஸும் இந்தியக் கூட்டணியும் முடிவு செய்திருக்கிறது" எனக் குறிப்பிட்டிருக்கிறார். 

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88``வெள்ளை சட்டை மட்டும் அணிவது ஏன்..?" - ராகுல் காந்தி விளக்கம்


http://dlvr.it/T6hjGF

Read More