`நடிகர் விஜய், எம்.ஜி.ஆர் போல; சம்பாதித்ததை மக்களுக்குச் செலவு செய்ய நினைக்கிறார்!' - செல்லூர் ராஜூ

மதுரை மாநகர அதிமுக அலுவலகத்தில் எடப்பாடி பழனிசாமியின் 70-வது பிறந்தநாள் விழாவை முன்னாள் அமைச்சர் செல்லூர் ராஜூ தலைமையில் பட்டாசு வெடித்து 70 கிலோ கேக் வெட்டி, பொதுமக்களுக்கு நீர் மோர் வழங்கி கட்சியினர் கொண்டாடினார்கள்.செல்லூர் ராஜூ

பின்பு செய்தியாளர்களிடம் பேசிய செல்லூர் ராஜூ, "திமுக-வின் மூன்றாண்டு சாதனையை திமுக தலைவர்கள்தான் கொண்டாடுகின்றனர், திமுக-வினர் கொண்டாடவில்லை, மக்களும் கொண்டாடவில்லை. திமுக-வின் மூன்றாண்டு காலம் மக்களுக்கு கேடு காலம்தான்.

தமிழகத்தில் காவல்துறை உதவியோடுதான் கஞ்சா உள்ளிட்ட போதைப்பொருள் விற்கப்படுகிறது. பஞ்சுமிட்டாய், ஜவ்வு மிட்டாய் போல போதை மிட்டாய்கள் வந்துவிட்டதாக பொதுவெளியில் கூறுகிறார்கள். விளம்பரம் தேடினார்களே தவிர மக்களுக்கு எதையும் செய்யவில்லை. உதவியையும், பணத்தையும் தகுதி பார்த்து கொடுக்கிறார்கள். இந்த ஆட்சியில் சொல்லும்படியாக ஒன்றும் இல்லை, திமுக ஆட்சிக்கு வந்தாலே எல்லா துறைகளையும் கைப்பற்றுவார்கள். அந்தவகையில் சினிமாத்துறையையும் கைப்பற்றி உள்ளனர். திமுக ஆட்சியை எதிர்த்து பேசினால் அடக்குமுறைகளால் அடக்க பார்க்கின்றனர். பிரபல ஏவிஎம் நிறுவனமே தங்கள் புரொடக்க்ஷனை நிறுத்துவதாக தெரிவித்தனர். விளையாட்டுத்துறை அமைச்சரின் ரெட் ஜெயன்ட் நிறுவனம் மூலம் திரையரங்குகளை அதிகளவில் கைப்பற்றி உள்ளனர். அவர்கள் நினைத்தால்தான் படம் ரீலிஸ் ஆகும்.

சிவாஜி படத்தின் ரைட்ஸ் கொடுக்காததால் அன்றைக்கு ரஜினியும் பாதிக்கப்பட்டார்." என்றார்.

"எடப்பாடி பழனிசாமிக்கு அண்ணாமலை பிறந்தநாள் வாழ்த்து கூறியுள்ளாரே.." என்ற கேள்விக்கு,

"தமிழகத்தில் இது நல்ல பண்பு, யார் வாழ்த்து சொன்னாலும் எங்களுக்கு மகிழ்ச்சி. அனைவரும் வாழ்த்து சொல்லும் அளவிற்கு தகுதி படைத்தவர் எடப்பாடி பழனிசாமி" என்றார்.செல்லூர் ராஜூ

"தேர்தல் ஆணையம் பாஜக-விற்கு ஆதரவாக செயல்படுகிறது என அரசியல் கட்சிகள் குற்றச்சாட்டுகிறதே..." என்ற கேள்விக்கு

"விமர்சனங்களுக்கு அப்பாற்பட்டு தேர்தல் ஆணையம் செயல்பட வேண்டும்."

"நடிகர் விஜய் எடப்பாடி பழனிசாமிக்கு வாழ்த்து தெரிவித்ததுள்ளாரே.." என்ற கேள்விக்கு,

"நடிகர் விஜய் நன்றாக செயல்படக்கூடியவர். அவர் அரசியல் கட்சி தொடங்கியது மகிழ்ச்சி. எம்.ஜி.ஆரைப்போல சம்பாதித்த பணத்தை மக்களுக்கு செலவழிக்க நினைக்கிறார். எடப்பாடி பழனிசாமியை வாழ்த்துவது அவருக்கும் பெருமை, எங்களுக்கும் பெருமை" என்றவர், தொடர்ந்து பேசும்போது, "அதிமுக-வில் பிளவு என்பதே இல்லை. எல்லோரும் ஒற்றுமையாக உள்ளோம், ஒன்றிரண்டு பேர் செல்வார்கள். ஆலமரத்தில் வெயில் காலத்தில் இலைகள் உதிரும், பின்பு துளிர்க்கும்.நடிகர் விஜய்

அதுபோல சில இலைகள் உதிர்ந்துள்ளது, பல இலைகள் புதிதாக துளிர்க்கும், அதனால் சிலர் போவார்கள், நிறையப்பேர் வருவார்கள். அதிமுக வேப்பமரம் போல பட்டு போய்விடும் என நினைத்தார்கள். ஆனால், வீரத்தால், விவேகத்தால், செயல்பட்டு கட்சியை நிமிர்த்திக் காட்டியவர் எடப்பாடி பழனிசாமி. அதிமுக அழிவதுபோல தெரியும், ஆனால் பீனிக்ஸ் பறவைபோல வீறுகொண்டு எழும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbஅரூர்: `உங்களுக்கெல்லாம் முடிவெட்ட முடியாது’ - சலூன் கடையிலும் சாதிய தீண்டாமையா? - போலீஸ் விசாரணை!


http://dlvr.it/T6mg1G

Read More

CPCL: நாகை; சிபிசில் நிறுவனத்திற்கு எதிராக 11 நாள்கள் நடைபெற்ற போராட்டம்; பேச்சு வார்த்தையில் வாபஸ்!

நாகப்பட்டினம் மாவட்டம், திருமருகல் அருகே உள்ள பனங்குடியில் மத்திய அரசின் பொதுத்துறை நிறுவனமான சிபிசிஎல் நிறுவனம் செயல்பட்டு வருகிறது. வெளிநாடுகளில் இருந்து வருகின்ற குரூடு ஆயிலை பெட்ரோல், டீசலாக பிரிக்கும் பணி இங்கு நடைபெற்று வருகிறது. இந்நிலையில் சிபிசிஎல்லை விரிவாக்கம் செய்யும் பணி நடைபெற்று வருகிறது. இதற்காக பனங்குடியை சுற்றியுள்ள கிராமங்களில் விவசாய நிலங்கள் கையகப்படுத்தும் பணி நடைபெற்றது. இதைதொடர்ந்து மறுவாழ்வு மற்றும் மீள் குடியமர்வு சட்டத்தின் படி கையகப்படுத்தபட்ட நிலங்களுக்கு இழப்பீட்டு தொகை வழங்காததை கண்டித்து கடந்த 1ம் தேதி போராட்டுக்குழு சிபிசிஎல் நிறுவனத்திற்கு எதிராக தொடர் உண்ணாவிரத போராட்டத்தை தொடங்கினர். விவசாயிகள், பெண்கள் போராட்டம்

குறிப்பாக பெண்கள் இந்த போராட்டத்தில் பெருமளவில் கலந்து கொண்டனர். கடந்த பத்து தினங்களாக நடைபெற்று வந்த இந்த போராட்டம் தீவிரமடைந்து கவனம் ஈர்க்கின்ற வகையில் நடைபெற்றது. இதனால் பனங்குடி பகுதி பெரும் பரபரப்புடன் காணப்பட்டது. நான்கு மாவட்ட எஸ்.பிக்களின் ஆலோசனையில் 11 டி.எஸ்.பிக்கள், 24 இன்ஸ்பெக்டர்கள் சுமார் 800 போலீஸார் பாதுகாப்பு பணியில் ஈடுபட்டிருந்தனர். இந்நிலையில் நிலம் கையப்படுத்தப்பட்டு ஊன்றப்பட்ட எல்லை கற்களை பெண்கள் பிடுங்கி எரிந்தனர்.

இதைதொடர்ந்து 20க்கும் மேற்பட்ட பெண்களை போலீஸார் இழுத்து சென்று கைது செய்தனர். இதனால் பெரும் பரபரப்பு ஏற்பட்டது. இது குறித்து நாகூர் வி.எஸ்.ஏ. தஸ்லீம் என்பவரிடம் பேசினோம், "சிபிசிஎல் நிறுவனம் சுமார் 30 வருடங்களுக்கு முன்பு பனங்குடியில் தொடங்கப்பட்டது. இந்த நிறுவனத்திற்காக அப்பகுதியினரின் விவசாய நிலங்கள் கையகப்படுத்தப்பட்டது. இதற்கு நிவாரணமாக வீட்டுக்கு ஒருவருக்கு வேலை, நிலத்திற்காக உரிய இழப்பீடு உள்ளிட்ட பலவற்றை செய்து தருவதாக அந்த சமயத்தில் சிபிசிஎல் நிறுவனத்தின் சார்பில் தெரிவிக்கப்பட்டது. சிபிசிஎல் நிறுவனத்தை கண்டித்து போராட்டம்

ஆனால் கொடுத்த வாக்குறுதிகளை இதுவரை முறையாக நிறைவேற்றி தரவில்லை. இழப்பீட்டு தொகை உள்ளிட்டவற்றை நிறைவேற்றி தரக்கோரி அவ்வப்போது போராட்டம் நடத்துவோம். இந்நிலையில் சில வருடங்களுக்கு முன்பு சிபிசிஎல் நிறுவனத்தை விரிவாக்கம் செய்வதற்காக மத்திய அரசு ரூ.36,000 கோடி நிதி ஒதுக்கியது. இதைதொடர்ந்து பனங்குடி, நரிமணம், கோபுராஜபுரம் உள்ளிட்ட ஊராட்சிகளில் விவசாய நிலம் கையப்படுத்தும் பணி தொடங்கப்பட்டது.

சிபிசிஎல் நிறுவனத்தினர் விவசாய நிலங்களை அளவீடு செய்து கையகப்படுத்தி எல்லை கற்கள் பதித்தனர். இந்நிலையில் ஏற்கனவே கையகப்படுத்திய நிலங்களுக்கு உரிய இழப்பீடு வழங்கவில்லை, அப்போது நிறைவேற்றி தருவதாக சொன்ன வாக்குறுதிகள் இது வரை முழுமையாக நிறைவேற்றவில்லை, உரிய நிவாரணம் வழங்க வலியுறுத்தி தற்போது நிலத்தை கையகப்படுத்தி செய்யப்படுகின்ற விரிவாக்க பணிகளுக்கும், நிலத்தை கையகப்படுத்துவதற்கும் எதிர்ப்பு தெரிவித்து மூன்று ஊராட்சிகளை சேர்ந்த விவசாயிகள், விவசாய கூலிகள், பொதுமக்கள் உள்ளிட்ட பலரும் ஒருங்கிணைந்து தொடர் உண்ணாவிரத போராட்டத்தை நடத்தி வந்தோம். வி.எஸ்.ஏ.தஸ்லீம்

இதைத்தொடர்ந்து, மாவட்ட ஆட்சியர் அலுவலகத்தில், மாவட்ட ஆட்சியர் ஜான் டாம் வர்கீஸ் தலைமையில் நடைபெற்ற பேச்சு வார்த்தை தோல்வியில் முடிந்தது. இந்நிலையில் எல்லை கற்களை பிடிங்கி எரிந்து போராட்டம் நடத்திய பெண்களை இழுத்து சென்று கைது செய்தது கொந்தளிக்க வைத்தது. போராட்டத்தில் ஈடுப்பட்டவர்களில் நூறு பேர் கைது செய்யப்பட்டனர். இதைதொடர்ந்து எங்கள் போராட்டத்திற்கு பல்வேறு அரசியல் கட்சிகளும் ஆதரவு தெரிவித்தன. சிபிசிஎல் நிறுவனம் முறையாக நிலத்திற்கான இழப்பீட்டு தொகையை வழங்க வேண்டும், கொடுத்த வாக்குறுதிகளை நிறைவேற்றி தர வேண்டும் என்பது எங்களுடைய நியாமான கோரிக்கை.

இந்நிலையில் அதிகாரிகள் முன்னிலையில் நேற்று இரவு நடைபெற்ற பேச்சு வார்த்தையில் வரும் ஆகஸ்ட் 30ம் தேதிக்குள் கையகப்படுத்தப்பட்ட நிலத்திற்கு கணக்கெடுப்பு பணிகள் முடித்து உரிய இழப்பீடு வழங்கப்படும். போராட்டத்தில் ஈடுபட்டவர்கள் மீது பதியப்பட்ட வழக்குகள் படிப்படியாக நீக்கப்படும். கைது செய்யப்பட்ட அனைவரும் விடுவிக்கப்படுவார்கள் என வாக்குறுதி அளித்தனர். இதையடுத்து 11 நாட்களாக நடத்திய தொடர் போராட்டத்தை வாபஸ் பெற்றுள்ளோம்" என்றனர்.


http://dlvr.it/T6mMcw

Read More

``எங்கள் இருப்புக்கு அச்சுறுத்தல் ஏற்பட்டால்.." - இஸ்ரேலுக்கு அணுகுண்டு எச்சரிக்கை விடுத்த இரான்!

இஸ்ரேல் - ஹமாஸ் இடையே நடந்த தாக்குதலில் இரான் ராணுவம் பாலஸ்தீனத்துக்கு ஆதரவளித்து வந்தது. இதனால் சிரியா தலைநகர் டமாஸ்கஸில் உள்ள இரான் தூதரக வளாகத்தில் இரான் ராணுவ அதிகாரிகள் தங்கியிருந்த கட்டிடத்தின் மீது இஸ்ரேல் ஏவுகணை தாக்குதல் நடத்தியது. இதில் இரான் ராணுவ உயர் அதிகாரிகள் 2 பேர் உட்பட 16 பேர் இறந்தனர். இதற்கு பதிலடி கொடுக்கப்படும் என இரான் கூறியிருந்தது. அதன்படி கடந்த ஏப்ரல் மாதம் இஸ்ரேல் மீது இரான் தாக்குதல் நடத்தியது. இரு நாடுகளும் மாறி மாறி தாக்கிக் கொண்டது சர்வதேச அளவில் பதற்றத்தை அதிகரித்தது. இதற்கிடையே இரான் தலைவர் அயதுல்லா அலி கமேனியின் ஆலோசகர், கமல் கர்ராசி, செய்தியாளர்களை சந்தித்து பேசினார்.இஸ்ரேலின் தாக்குதலுக்குள்ளான இரான் தூதரகம், சிரியா

அப்போது,``அணுக்குண்டை உருவாக்கும் திட்டம் எதுவும் இப்போது எங்களிடம் இல்லை.. ஆனால் இரானின் இருப்புக்கு ஒருவேளை அச்சுறுத்தல் ஏற்பட்டால், அணு ஆயுத விவகாரத்தில் எங்கள் நிலைப்பாட்டை மாற்றுவதைத் தவிர வேறு வழியில்லை. இஸ்ரேலால் நாட்டிற்கு ஆபத்து ஏற்படும் என்றால்.. யார் மீதும் தாக்குதல் நடத்தக்கூடாது என்ற இரானின் அணு ஆயுத நிலைப்பாட்டை மாற்ற வேண்டி இருக்கும்." என இஸ்ரேலை எச்சரித்திருக்கிறார். இது பதற்றத்தை இன்னும் அதிகரித்திருக்கிறது.இஸ்ரேல் - இரான் மோதல்... மூன்றாம் உலகப் போர் வெடிக்குமா?


http://dlvr.it/T6mMSd

Read More

Debate: `மோடியுடன் விவாதிக்க நீங்கள் யார்?'- விவாதத்துக்கு ஓகே சொன்ன ராகுல்.. கேள்வியெழுப்பும் பாஜக!

இந்தியா முழுவதும் நாடாளுமன்ற தேர்தல் நடைபெற்று வரும் நிலையில், பா.ஜ.க தலைமையில் போட்டியிடும் என்.டி.ஏ கூட்டணியும், காங்கிரஸ் தலைமையில் போட்டியிடும் இந்தியா கூட்டணியும் ஒருவரை ஒருவர் பரஸ்பரம் குற்றம்சாட்டி வருகின்றன. இந்த நிலையில், முன்னாள் நீதிபதிகள் மதன் பி.லோகுர், அஜித் பி.ஷா, மூத்த பத்திரிகையாளர் என்.ராம் ஆகியோர் நாடாளுமன்ற தேர்தல் குறித்த பொது விவாதத்திற்கு பிரதமர் மோடி மற்றும் காங்கிரஸ் தலைவர் ராகுல் காந்திக்கு அழைப்பு விடுத்து கடிதம் எழுதினர்.ராகுல் காந்தி

அதில், ``இரு தரப்பினரும் ஒருவரையொருவர் எதிர்த்து குற்றச்சாட்டுகள் மற்றும் சவால்களை முன்வைப்பதை மட்டுமே கேட்டமுடிகிறது. அதற்கான அர்த்தமுள்ள பதில்கள் கிடைக்கவே இல்லை. அதனால் பொதுமக்கள் கவலையடைந்திருக்கிறார்கள். எனவே, ஒரு பொது விவாதத்தில் இரு தரப்பினரும் ஒருவருக்கொருவர் தங்கள் அறிக்கைகள் மற்றும் சமூக நீதியின் அரசியலமைப்பு ரீதியாக பாதுகாக்கப்பட்ட திட்டம் குறித்த தங்கள் நிலைப்பாடு குறித்து விவாதிக்கலாம்" எனக்குறிப்பிடப்பட்டிருந்தது.

இந்தக் கடிதத்துக்கு ராகுல் காந்தி பதிலளித்திருக்கிறார். அதில், ``ஆரோக்கியமான ஜனநாயகத்திற்கான முக்கிய கட்சிகள் தங்கள் பார்வையை ஒரு தளத்திலிருந்து நாட்டுக்கு முன்வைப்பது ஒரு நேர்மறையான முயற்சி. மேலும் இது போன்ற விவாதம் நம்முடைய பார்வையைப் புரிந்துகொள்வதற்கும், தகவலறிந்து, யாரை தேர்வு செய்ய வேண்டும் என்ற தெளிவு கிடைக்க மக்களுக்கு உதவும். அந்தந்த கட்சிகள் மீது கூறப்படும் ஆதாரமற்ற குற்றச்சாட்டுகளுக்கு முற்றுப்புள்ளி வைப்பது மிகவும் முக்கியமானது.ராகுல் காந்தி - மோடி

இந்த அழைப்பு குறித்து மல்லிகார்ஜுன கார்கேவுடன் கலந்தாலோசித்தேன். பொதுமக்கள் தங்கள் தலைவர்களிடம் நேரடியாக கேள்வி கேட்க தகுதியுடையவர்கள். ஒரு ஆக்கப்பூர்வமான மற்றும் வரலாற்று சிறப்புமிக்க இந்த விவாதத்தில் பங்கேற்க ஆவலுடன் இருக்கிறோம். பிரதமர் எப்போது பங்கேற்க ஒப்புக்கொள்கிறார் என்பதை எங்களுக்குத் தெரியப்படுத்தவும், அதைத் தொடர்ந்து விவாதத்தின் விவரங்கள் மற்றும் அதன் வரைமுறை பற்றி முடிவெடுக்கலாம்." எனக் குறிப்பிட்டிருக்கிறார்.

இதற்கிடையே லக்னோவில் நடைபெற்ற பிரசாரத்தில், ``மோடியை விவாதத்தில் எதிர்கொள்ள 100 சதவீதம் தயாராக இருக்கிறேன். ஆனால் பிரதமர் மோடி அதற்கு ஒப்புக்கொள்ள மாட்டார் என்றும் எனக்குத் தெரியும்" எனப் பேசினார். இந்த விவாதத்தில் பங்கேற்க ஒப்புக்கொண்ட ராகுல் காந்தியின் பதிலுக்கு பா.ஜ.க எம்.பி தேஜஸ்வி சூர்யா, ``பிரதமர் மோடியுடன் விவாதம் செய்ய ராகுல் காந்தி யார்... இந்தியக் கூட்டணி ஒருபுறம் இருக்கட்டும், காங்கிரஸ் கட்சியின் பிரதமர் வேட்பாளராகக்கூட இல்லை.மோடி

அவரை முதலில் காங்கிரஸின் பிரதமர் வேட்பாளராக அறிவிக்கட்டும். அவர் தனது கட்சியின் தோல்விக்கு பொறுப்பேற்பார் என்று கூறிவிட்டு, பின்னர் பிரதமரை விவாதத்திற்கு அழைக்கவும். அதுவரை விவாதத்தில் கலந்து கொள்ள எங்கள் செய்தித் தொடர்பாளர்களை நியமிக்க நாங்கள் தயாராக இருக்கிறோம்." எனக் குறிப்பிட்டிருக்கிறார். பா.ஜ.க தேசிய செய்தித் தொடர்பாளர் ஜெய்வீர் ஷெர்கில், ``பாராளுமன்றத்தில் ராகுல் காந்தியின் சாதனை: வருகை: 51%, தேசிய சராசரி: 79%. கலந்துகொண்ட விவாதங்களின் எண்ணிக்கை: 8, தேசிய சராசரி: 46.7%

அங்கு எழுப்பப்பட்ட கேள்விகளின் எண்ணிக்கை: 99, தேசிய சராசரி: 210. அதாவது, பாராளுமன்றத்தை விட்டு ஓடி, அமேதியில் இருந்து ஓடி, கட்சித் தலைவர் பதவியை விட்டு ஓடிவிட்டு, இன்னும் பிரதமர் மோடியுடன் விவாதம் செய்ய உரிமை இருப்பதாக உணர்கிறீர்களா? ஓடிப்போன பொழுதுபோக்கு அரசியல்வாதிகளுடன் விவாதிப்பது மோடியின் நேரத்திற்கு மதிப்பில்லாமல் ஆக்கிவிடும். தகுதியானவர்கள் ஆசைப்பட வேண்டும் என்ற அடிப்படை விதியை ராகுல் காந்திக்கு யாரும் கற்பிக்கவில்லை என்பது தெளிவாகிறது" எனப் பதிவிட்டிருக்கிறார்.மோடி, அமித் ஷா

பா.ஜ.க தகவல் தொழில்நுட்ப பிரிவு தலைவர் அமித் மாளவியா, ``விவாதம் நல்லது. ஆனால், பதவியில் இருக்கும் பிரதமர், ராகுல் காந்தியுடன் ஏன் விவாதிக்க வேண்டும்? அவர் I.N.D.I.A கூட்டணியின் காங்கிரஸ் தலைவருமல்ல, பிரதமர் வேட்பாளருமல்ல. ராகுல் காந்தி தனது அரசியல் பயணத்தை மீண்டும் தொடங்க மோடி என்ற பிராண்டைப் பயன்படுத்துவதை காங்கிரஸ் நிறுத்த வேண்டும்" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb`YSR காங்கிரஸை கூட்டணிக் கட்சியாக நினைத்ததில்லை; ஆனால் நாடாளுமன்றத்தில்..!' - மோடி கூறுவதென்ன?


http://dlvr.it/T6m75g

Read More

`காங்கிரஸ் எனக்கு துரோகம் செய்துவிட்டது' - தலைமறைவாக இருந்த சூரத் காங்கிரஸ் வேட்பாளர் குற்றச்சாட்டு!

குஜராத் மாநிலம், சூரத் மக்களவைத் தொகுதியில் காங்கிரஸ் சார்பாக வேட்பு மனுதாக்கல் செய்திருந்தவர், நிலேஷ் கும்பானி. இவரது வேட்பு மனுவை முன்மொழிந்து கையெழுத்து போட்டவர்கள் கடைசி நேரத்தில் `அக்கையெழுத்தை நாங்கள் போடவில்லை' என்று கூறியதால், கடந்த மாதம் 21-ம் தேதி நிலேஷ் வேட்பு மனு தள்ளுபடி செய்யப்பட்டது. அவருக்கு பதில் மாற்று வேட்பாளராக வேட்பு மனுதாக்கல் செய்திருந்தவரது வேட்பு மனுவிலும் கையெழுத்து குளறுபடி இருந்தது. எனவே அவரது வேட்பு மனுவும் தள்ளுபடி செய்யப்பட்டது.

இது தவிர பகுஜன் சமாஜ் உட்பட சுயேச்சை வேட்பாளர்களும் தங்களது வேட்பு மனுவை திரும்பப் பெற்றுகொண்டனர். இதனால் பா.ஜ.க வேட்பாளர் போட்டியின்றி தேர்ந்தெடுக்கப்பட்டார். இச்சம்பவத்திற்கு பிறகு திடீரென நிலேஷ் தலைமறைவாகிவிட்டார். இதனால் அவர் பா.ஜ.க-விடம் பணம் வாங்கிவிட்டதாக காங்கிரஸ் குற்றம்சாட்டியது. வேட்பு மனுவில் நிலேஷ் நெருங்கிய உறவினர்கள்தான் கையெழுத்திட்டு இருந்தனர்.

எனவே அவர்கள் கையெழுத்து போட்டதை மறுக்கவேண்டிய அவசியமும் இல்லை. அதோடு பா.ஜ.க நிலேஷ் வேட்பு மனுவில் இருக்கும் கையெழுத்து குறித்து சந்தேகம் எழுப்பியதிலும் சந்தேகம் எழுந்தது. அனைத்துமே திட்டமிட்டு நடந்ததாக தெரிந்தது.

கடந்த 20 நாள்களாக தலைமறைவாக இருந்த காங்கிரஸ் வேட்பாளர் நிலேஷ், திடீரென நேற்று வெளிப்பட்டார். அவர் அளித்த பேட்டியில், ''கடந்த சில நாள்களாக மாநில காங்கிரஸ் தலைவர் சக்தி சிங் மற்றும் ராஜ்கோட் காங்கிரஸ் வேட்பாளர் பரேஷ் ஆகியோருக்கு மதிப்பளித்து அமைதியாக இருந்தேன். காங்கிரஸ் தலைவர்கள்தான் எனக்கு துரோகம் செய்தனர். 2017 சட்டமன்றத் தேர்தலில் கடைசி நேரத்தில் என்னை வேட்பாளர் பொறுப்பில் இருந்து நீக்கி விட்டனர். எனவே முதலில் தவறு செய்தது காங்கிரஸ் கட்சிதான்.

நான் முதலில் தவறு செய்யவில்லை. காங்கிரஸ்தான் எனக்கு துரோகம் செய்துவிட்டது. வேலையும் செய்யாமல், அடுத்தவர்களையும் வேலை செய்ய விடாத 5 பேர்தான் சூரத்தில் கட்சியை நடத்துகின்றனர்'' என்றார். `2017-ம் ஆண்டு தேர்தலில் போட்டியிட கடைசி நேரத்தில் வாய்ப்பு கொடுக்காததால், அதற்கு இப்போது பழிவாங்கினீர்களா?' என்று கேட்டதற்கு, நேரடியாக பதிலளிக்க மறுத்துவிட்டார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbபாஜக ஆட்சிக்கு வந்தால், அமித் ஷா பிரதமரா? - கெஜ்ரிவால் பேச்சுக்கு அமித் ஷாவின் ரியாக்சன் என்ன?


http://dlvr.it/T6lwM9

Read More

`YSR காங்கிரஸை கூட்டணிக் கட்சியாக நினைத்ததில்லை; ஆனால் நாடாளுமன்றத்தில்..!' - மோடி கூறுவதென்ன?

நாடாளுமன்றத் தேர்தலின் 4-ம் கட்ட வாக்குப்பதிவு மே 13-ம் தேதி நடைபெறவிருக்கிறது. ஆந்திரா உட்பட 10 மாநிலங்கள் மற்றும் ஜம்மு காஷ்மீரில் ஒரு தொகுதி என மொத்தம் 96 மக்களவைத் தொகுதிகளில் 4-ம் கட்ட வாக்குப்பதிவு நடக்கவிருக்கிறது. இதே நாளில் ஆந்திராவில் சட்டமன்றத் தேர்தலும் நடக்கவிருக்கிறது.ஜெகன்மோகன் ரெட்டி

ஆந்திராவைப் பொறுத்தவரை சட்டமன்ற மற்றும் நாடாளுமன்றத் தேர்தல் என இரண்டிலும் முதல்வர் ஜெகன்மோகன் ரெட்டியின் ஒய்.எஸ்.ஆர் காங்கிரஸ், சந்திரபாபு நாயுடுவின் தெலுங்கு தேசம் கட்சி-பாஜக-ஜனசேனா கட்சி மற்றும் காங்கிரஸ் என மும்முனைப் போட்டி நிலவுகிறது. கடந்த தேர்தல்களின்போது பா.ஜ.க, காங்கிரஸ் என இரண்டையும் ஒய்.எஸ்.ஆர் காங்கிரஸ் எதிர்த்தாலும், நாடாளுமன்றத்தில் சி.ஏ.ஏ, டெல்லி சேவை மசோதா போன்றவற்றை எதிர்க்கட்சிகள் எதிர்த்தபோது பா.ஜ.க-வுக்கு ஆதரவாக வாக்களித்தது.

ஆனால், தேர்தல் அறிவிப்புக்கு முன் மத்திய அரசு அமல்படுத்திய சி.ஏ.ஏ விதிகளை மறுப்பதாக ஒய்.எஸ்.ஆர் காங்கிரஸ் அறிவித்தது. அதன்தொடர்ச்சியாக, இந்த நாடாளுமன்றத் தேர்தல் பிரசாரங்களில் பா.ஜ.க, காங்கிரஸ் என இரண்டையும் விமர்சித்து வாக்கு சேகரித்து வருகிறது. இந்த நிலையில், ஒய்.எஸ்.ஆர் காங்கிரஸை ஒருபோதும் கூட்டணி கட்சியாக நினைத்ததில்லை எனவும், நாடாளுமன்றத்தில் சில சமயங்களில் தங்களுக்கு ஆதரவளித்திருப்பதாகவும் பிரதமர் மோடி தெரிவித்திருக்கிறார்.மோடி

தெலுங்கு ஊடக சேனலுடனான உரையாடலில் இதனைத் தெரிவித்த மோடி, ``ஆந்திராவில் தற்போதிருக்கும் அரசே மீண்டும் வரும் என்பதை என்பதை நான் நம்பவில்லை. மாநிலத்தின் பொருளாதாரம் தற்போது மோசமான நிலையில் இருக்கிறது. அதோடு, ஜெகன்மோகன் ரெட்டியை ஒரு சாத்தியமான கூட்டணி தலைவராக ஒருபோதும் நினைத்ததில்லை. ஆனால், நாடாளுமன்றத்தில் சில முக்கியமான பிரச்னைகளில் ஒய்.எஸ்.ஆர் காங்கிரஸ் எம்.பி-க்கள் எங்களுக்கு ஆதரவளித்திருக்கின்றனர். முன்பும் நாங்கள் தேர்தலில் எதிராளிகளாகவே இருந்தோம். ஒருபோதும் கூட்டணி கட்சிகளாகத் தேர்தல்களுக்குச் செல்லவில்லை. எப்போதும் அரசியலில் எதிரெதிர் முனைகளில்தான் இருந்தோம். யார் ஆட்சியில் இருந்தாலும், அனைத்து மாநிலங்களையும் வலிமையாக்க வேண்டும் என்பதே எனது அடிப்படை. மற்ற மாநிலங்களுக்கு நான் எவ்வளவு அர்ப்பணிப்புடன் இருக்கிறேனோ அதே அளவு ஆந்திராவின் வளர்ச்சிக்கும் நான் அர்ப்பணிப்புடன் இருக்கிறேன்" என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbAndhra: `4% முஸ்லிம் இட ஒதுக்கீடு அப்படியே நீடிக்கும்!' - ஆந்திர முதல்வர் ஜெகன்மோகன் ரெட்டி உறுதி


http://dlvr.it/T6krDN

Read More

Tamil News Live Today: மீண்டுமொரு பட்டாசு ஆலையில் வெடிவிபத்து - சிவகாசியில் அதிர்ச்சி!

மீண்டுமொரு பட்டாசு ஆலையில் வெடிவிபத்து - சிவகாசியில் அதிர்ச்சி!



விருதுநகர் மாவட்டம், சிவகாசியை அடுத்த நாராயணமாள்புரம் அருகே செயல்பட்டு வரும் மகேஸ்வரி ஃபயர் ஒர்க்ஸ் பட்டாசு ஆலையில் வெடிவிபத்து ஏற்பட்டிருக்கிறது.சிவகாசி

ஆலையின் கெமிக்கல் ரூமில் ஏற்பட்ட உராய்வு காரணமாக 3 அறைகள் வெடித்து சேதமடைந்திருக்கின்றன. இன்றைய பணிக்காக ஆலையைத் திறக்கும் முன்பே வெடிவிபத்து ஏற்பட்டதால், அதிர்ஷடவசமாக உயிர் சேதம் தவிர்க்கப்பட்டிருக்கிறது.


http://dlvr.it/T6k51g

Read More