Scratch Card Scam: ரூ.15 லட்சத்துக்காக ரூ.18 லட்சத்தை இழந்த பெண் - மக்களே உஷார்..!

ஸ்கிராட்ச் கார்டு (scartch card) என்றால் என்ன?

ஸ்கிராட்ச் கார்டு என்பது ஒன்றும் புதிய விசயமல்ல. இது 1990-களிலேயே மக்களுக்கு அறிமுகமானதுதான். சிறு குழந்தைகளுக்கு பல்வேறு பரிசுப் பொருள்களுடன் தொங்கவிடப்பட்டுள்ள அட்டையில் பல்வேறு சிறு ஸ்கிராட்ச் கார்டுகள் இணைக்கப்பட்டிருக்கும். அந்த ஸ்கிராட்ச் கார்டை சுரண்டி, அதில் உள்ள எண்ணைத் தெரிவித்தால், கடைக்காரர் அந்த எண்ணுக்குள்ள பரிசுப் பொருளை குழந்தைகளுக்கு வழங்குவார்.

இது நாளடைவில், லாட்டரிச் சீட்டில் பரிணாம வளர்ச்சியடைந்து, லாட்டரிச் சீட்டைச் சுரண்டி அதில் உள்ள எண்ணுக்கு பரிசு விழுந்தால், பணம் பெற்றுக் கொள்ளலாம் என இருந்தது. ஆனால் பெரும்பாலான கூலித் தொழிலாளர்கள் தங்களின் வருமானத்தை முழுவதுமாக லாட்டரியிலேயே இழந்து விட்டு வருவதால் குடும்பங்கள் வறுமையில் தவித்தன. இதனால் தமிழ்நாடு உள்பட பல்வேறு மாநிலங்கள் லாட்டரிச் சீட்டுகளுக்குத் தடை விதித்தன. லாட்டரி

இந்நிலையில், G-Pay உள்ளிட்ட பல ஆன்லைன் நிறுவனங்களும் வாடிக்கையாளர்களைக் கவர இந்த ஸ்கிராட்ச் கார்டு முறையை அறிமுகம் செய்தன.

இந்த முறையைப் பயன்படுத்தி, ஆன்லைன் மூலம் வர்த்தகம் செய்யும் அனைத்து இணைய வர்த்தகத் தளங்களும், தங்களின் வாடிக்கையாளர்களுக்கு இதேபோன்ற பணப் பரிசு அல்லது பொருள்களை பரிசாக வழங்க ஸ்கிராட்ச் கார்டு முறையைப் பயன்படுத்தத் தொடங்கின. தற்போது ஸ்கிராட்ச் கார்டு முறையைப் பயன்படுத்தாத இ-காமர்ஸ் தளமே இல்லையெனச் சொல்லலாம்.

ஸ்கிராட்ச் கார்டு பண மோசடி:

தற்போது, பல்வேறு ஆன்லைன் வர்த்தகச் செயலிகள் தங்களின் வாடிக்கையாளர்களுக்கு வழங்கும் இந்த ஸ்கிராட்ச் கார்டுகளைப் போலவே, மோசடிப் பேர்வழிகள் ஸ்கிராட்ச் கார்டுகளை உருவாக்கி, பொதுமக்களுக்கு பரிசு விழுந்திருப்பதாகத் தெரிவித்து, அவர்களை நம்ப வைத்து, புது முறையில் பண மோசடியில் ஈடுபட்டு வருகின்றனர்.

ரூ. 15 லட்சம் பெற ரூ. 18 லட்சத்தை இழந்த பெண்:

பெங்களூரு, அன்னப்பூரணிஸ்வரி நகரைச் சேர்ந்த 45 வயது பெண்ணுக்கு கடந்த ஜனவரி மாதம் 28ம் தேதி, பிரபல ஆன்லைன் தளத்தின் பெயரில் ஒரு ஸ்கிராட்ச் கார்டு வந்துள்ளது. இவர் அதனை தேய்த்து பார்த்தபோது, அவருக்கு ரூ. 15.51 லட்சம் பரிசு கிடைத்திருப்பது தெரியவந்துள்ளது. இதையடுத்து அப்பெண், அதில் தெரிவிக்கப்பட்டிருந்த செல்போன் எண்ணைத் தொடர்பு கொண்டுள்ளார்.மோசடி

அப்போது மறுமுனையில் பேசிய நபர், அந்த ஸ்கிராட்ச் கார்டின் புகைப்படம், அப்பெண்ணின் தனிநபர் ஆதாரங்கள் போன்ற பல்வேறு ஆவணங்களை கேட்டுப் பெற்றுள்ளார். தொடர்ந்து, தற்போது கர்நாடகத்தில் லாட்டரிச் சீட்டுகளுக்குத் தடை விதிக்கப்பட்டுள்ளதால், இந்தத் தொகையை உடனே வழங்குவதில் சிக்கல் உள்ளதாகத் தெரிவித்துள்ளார். எனவே முதலில் 4% செயலாக்கக் கட்டணத்தை மட்டும் செலுத்துமாறு தெரிவித்துள்ளார். இதையடுத்து அப்பெண்ணும் பணத்தை கட்டியுள்ளார். தொடர்ந்து, அரசுக்குச் செலுத்த வேண்டிய 30 சதவீத வரியை உடனடியாக கட்டுமாறு தெரிவித்துள்ளார். இவ்வாறு பிப்ரவரி, மார்ச், ஏப்ரல் என கடந்த 3 மாதங்களில் மட்டும், இவ்வாறு அந்த மோசடிக் கும்பல் கேட்கும்போதெல்லாம் பல்வேறு தவணைகளில் ரூ. 18,40,168 லட்சம் வரை அப்பெண், அம்மோசடிக் கும்பலுக்கு ஆன்லைன் முறையில் பணம் செலுத்தியுள்ளார். மோசடி

இந்நிலையில் திடீரென எதிர்முனையில் செல்போன் ஆப் செய்யப்பட்டு விட, பதறிப் போன பெண், போலீஸாரைத் தொடர்பு கொள்ள, அப்போதுதான் அப்பெண் ஏமாற்றப்பட்ட விவரம் தெரியவந்துள்ளது.

இதையடுத்து, சம்பவம் குறித்து தகவல் தொழில்நுட்பச் சட்டம் பிரிவு 66சி, 66டி, இந்திய தண்டனைச் சட்டம் 419, 420 ஆக வழக்குப் பதிவு செய்த போலீஸார், இதுகுறித்து விசாரணை நடத்தி வருகின்றனர். மேலும், பொதுமக்கள் இதுபோன்று வரும் ஸ்கிராட்ச் கார்டுகளைப் பயன்படுத்தும்போது, அது அதிகாரப்பூர்வமான நிறுவனத்தில் இருந்துதான் வழங்கப்பட்டுள்ளதா எனப் பரிசோதித்து பயன்படுத்துமாறும் போலீஸார் பொதுமக்களுக்கு அறிவுரை வழங்கியுள்ளனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6rmzd

Read More

சென்னை மெட்ரோ ரயில் திட்டமும் மத்திய அரசின் நிதி ஒதுக்கீடு பாரபட்சமும்! - RTI தகவல் சொல்வதென்ன?

சென்னையோடு சேர்த்து அறிவிக்கப்பட்ட நாக்பூர், பெங்களூரு, கொச்சி மெட்ரோ ரயில் திட்டங்களுக்கு நிதி ஒதுக்கீடு செய்திருக்கும் மத்திய அரசு தமிழ்நாட்டு மட்டும் நிதி ஒதுக்காமல் சென்னை மெட்ரோவை புறக்கணித்திருப்பது பெரும் விவாதத்தை ஏற்படுத்தியிருக்கிறது.

சென்னை மெட்ரோ ரயில் சேவை பலதரப்பட்ட மக்களுக்கும் பயனுள்ள வகையில் செயல்பட்டுக்கொண்டிருக்கிறது. தமிழ்நாடு அரசு மற்றும் மத்திய அரசின் கூட்டு நிறுவனமாக சமமான பங்குகளை வைத்திருக்கும் `சென்னை மெட்ரோ ரயில் லிமிடெட்' சென்னைக்கான மெட்ரோ சேவையைத் தொடர்ந்து வழங்கி வருகிறது. முதல்கட்டமாக, வண்ணாரப்பேட்டை - விமான நிலையம் வரையிலும் (23.085 கிமீ), சென்ட்ரல் - செயின்ட் தாமஸ் மவுண்ட் வரையிலும் (21.961 கிமீ) மொத்தம் 45.046 கி.மீ. நீளத்திற்கு இரண்டு வழித்தடங்களில் மெட்ரோ ரயில் திட்டம் செயல்பாட்டுக்கு கொண்டுவரப்பட்டது. அதைத்தொடர்ந்து படிப்படியாக, இரண்டு வழித்தடங்களின் எல்லையும் படிப்படியாக நீட்டிக்கப்பட்டன. சென்னை மெட்ரோ ரயில்

இந்த நிலையில், சென்னை புறநகர் உள்ளிட்ட மற்ற நகரங்களையும் இணைக்கும் விதமாக இரண்டாம் கட்ட மெட்ரோ ரயில் திட்டம் அறிவிக்கப்பட்டது. இரண்டாம் கட்ட மெட்ரோ ரயில் விரிவாக்க திட்டத்தில், மாதவரம் - சிறுசேரி சிப்காட் ஐடி பூங்கா(45.8 கி.மீ), கலங்கரை விளக்கம் - பூந்தமல்லி பைபாஸ் (26.1 கி.மீ), மாதவரம் - சோழிங்கநல்லூர் (47 கி.மீ) என மொத்தம் 118.9 கி.மீ நீளத்திற்கு கூடுதலாக மூன்று மெட்ரோ ரயில் வழித்தடங்கள் இடம்பெற்றன. இந்த திட்டத்துக்கான மொத்த பட்ஜெட் ரூ.63,246 கோடி என மதிப்பிடப்பட்டன. அந்த நிலையில், கடந்த 2021-2022 நிதியாண்டுக்கான மத்திய பட்ஜெட்டில், மத்திய பா.ஜ.க அரசு, சுமார் 118.9 கிலோமீட்டர் நீளம் கொண்ட சென்னை மெட்ரோ ரயில் இரண்டாம் கட்டப் பணிகளுக்காக நிதி ஒதுக்கப்படும் என அறிவித்தது. அதோடு சேர்த்து, பெங்களூரு மெட்ரோ ரயில் திட்டத்துக்காக ரூ.14,788 கோடியும், கொச்சி மெட்ரோ ரயில் திட்டத்துக்காக ரூ.1,957 கோடியும், நாக்பூர் மெட்ரோ ரயில் திட்டத்துக்காக ரூ.5,976 கோடியும் நிதி ஒதுக்கீடு செய்யப்படும் என்று மத்திய அரசு பட்ஜெட்டில் அறிவித்தது

ஆனால், மூன்று ஆண்டுகளாகியும் சென்னையின் இரண்டாம் கட்ட மெட்ரோ ரயில் திட்டத்துக்காக ஒரு ரூபாய் நிதியைக்கூட வழங்காமல் மத்திய அரசு இழுத்தடித்து வந்தது. தமிழக அரசு சார்பில் பலமுறை கடிதம் எழுதியும் மத்திய அரசு அதைக் கண்டும்காணாமல் இருந்துவரும் போக்கே நீடித்தது. இருப்பினும், சென்னை மெட்ரோ திட்டத்துக்கான மத்திய, மாநில அரசுகளின் நிதி பங்கீடு 50-50 என்றிருப்பதால் மாநில நிதியைக்கொண்டு இரண்டாம் கட்ட மெட்ரோ பணிகளை தமிழ்நாடு அரசு தொடங்கியிருக்கிறது. ஆனாலும் மத்திய அரசின் நிதி இல்லாமல் இந்தப் பணிகளை முழுமையாக முடிக்க முடியாது என்பதால், தொடர்ந்து மத்திய அரசுக்கு தமிழ்நாடு அரசு அழுத்தம் கொடுத்து வந்தது.மெட்ரோ ரயில் பணிக்காக சென்னை கலங்கரை விளக்கம் முதல் மைலாப்பூர் வரை சுரங்கப்பாதை தோண்டும் பணி.

இந்தநிலையில், மெட்ரோ ரயில் நிதி பங்கீடு தொடர்பாக சமீபத்தில் வெளியாகியிருக்கும் ஆர்.டி.ஐ தகவல் ஒன்று பெரும் அதிர்வலைகளை ஏற்படுத்தியிருக்கிறது. அதாவது, மத்திய பட்ஜெட்டில் சென்னையோடு சேர்த்து அறிவிக்கப்பட்ட நாக்பூர், கொச்சி, பெங்களூரு உள்ளிட்ட மற்ற மூன்று நகரங்களின் மெட்ரோ ரயில் திட்டங்களுக்கும் மத்திய அரசு நிதி விடுவித்திருக்கிறது. அதேசமயம், சென்னைக்கு மட்டும் நிதியை விடுவிக்காமல் புறக்கணித்திருப்பது ஆர்.டி.ஐ தகவலில் அம்பலமாகியிருக்கிறது. மோடி

குறிப்பாக, கடந்த 2022 நவம்பர் மாதத்தில் கொச்சி மெட்ரோ திட்டப் பணிகளுக்காகவும், 2022 டிசம்பர் மாதத்தில், நாக்பூர் மெட்ரோ பணிகளுக்காகவும் அதையடுத்து பெங்களூரு மெட்ரோ ரயில் திட்டத்துக்காகவும் சேர்த்து மொத்தம் ரூ.18,978 கோடியை மத்திய அரசு அறிவித்தபடியே வழங்கியிருக்கிறது. ஆனால், சென்னை இரண்டாம் கட்ட மெட்ரோ ரயில் திட்டத்துக்காக அறிவிக்கப்பட்ட நிதியில் ஒரு பகுதி அளவைக்கூடத் தராமல் முற்றிலுமாகப் புறக்கணித்திருப்பது ஆர்.டி.ஐ தகவலில் அம்பலமாகியிருக்கிறது. இது சென்னை உள்ளிட்ட தமிழக மக்களிடையே பெரும் அதிர்ச்சியை ஏற்படுத்தியிருக்கிறது. மூன்றாண்டுகளாக நிதி வழங்காததால் சென்னை இரண்டாம் கட்ட மெட்ரோ ரயில் திட்டப் பணிகள் பாதியில் முடங்கும் அபாயம் ஏற்பட்டியிருக்கிறது.

இதுகுறித்து ட்விட்டரில் பதிவிட்டிருக்கும் தமிழ்நாடு காங்கிரஸ் கமிட்டி, ``சென்னையோடு சேர்த்து அறிவிக்கப்பட்ட மெட்ரோ ரயில் திட்டங்களுக்கு நிதி ஒதுக்கீடு.. தமிழ்நாட்டை மட்டும் மீண்டும் வஞ்சித்த மோடி தலைமையிலான ஒன்றிய அரசு! இதற்கு தமிழ்நாடு பா.ஜ.க தலைவர் அண்ணாமலை பதில் சொல்வாரா?" எனக் கேள்வி எழுப்பியிருக்கிறது.ஸ்டாலின்

மத்திய அரசின் நிதி ஒதுக்கீடுகள் தொடர்பாக ஏற்கெனவே அறிக்கை வெளியிட்டு விமர்சித்திருக்கும் தமிழ்நாடு முதலமைச்சர் ஸ்டாலின், ``இன்னும் ஒற்றைச் செங்கல் கூட எடுத்து வைக்கப்படாத மதுரை எய்ம்ஸ்க்கு 1,960 கோடி; ஒரு ரூபாய் கூட நிதி விடுவிக்கப்படாத சென்னை மெட்ரோ ரயில் 2ம் கட்டப் பணிகளுக்கு 63,246 கோடி; சாகர்மாலா திட்டத்திற்கு ரூ.2 லட்சம் கோடி என ஒட்டுமொத்தத் தமிழ் மக்களையும் ஏமாற்ற பார்க்கிறது பாஜக; இவற்றுக்கெல்லாம் மேலாக... தமிழ்நாட்டின் சிறுதொழில் முனைவோர்கள் வங்கிகளில் வாங்கி, திருப்பிச் செலுத்த வேண்டிய ரூ.2.5 லட்சம் கோடி கடன்கள் அனைத்தையும் தாராளமாக நிதி வழங்கியது போல மத்திய பாஜக அரசு கூறிக்கொள்கிறது; எத்தனை பொய்களைத்தான் நாடு தாங்கும்?எங்கள் காதுகள் பாவமில்லையா!?" எனக் கேள்வி கேட்டிருந்தது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6rTW0

Read More

`முதல்வர் ஸ்டாலின் தலைமையிலான 3 ஆண்டுக்கால ஆட்சி எப்படி இருந்தது?' - விகடன் கருத்துக்கணிப்பு

தமிழ்நாட்டில் கடந்த 2021 சட்டமன்றத் தேர்தலில் வெற்றிபெற்றதன் மூலம் 10 ஆண்டுகளுக்குப் பிறகு மீண்டும் தி.மு.க ஆட்சியமைத்தது. அதைத் தொடர்ந்து, முதன்முறையாக முதல்வராகப் பொறுப்பேற்ற ஸ்டாலின் தலைமையில் செயல்படத் தொடங்கிய தி.மு.க அரசு, கடந்த மே 7-ம் தேதியோடு மூன்றாண்டுகால ஆட்சியை நிறைவுசெய்து நான்காம் ஆண்டில் அடியெடுத்துவைத்தது.விகடன் கருத்துக்கணிப்பு

முதல்வர் ஸ்டாலின்கூட, `மூன்றாண்டுகளில் என்ன செய்தேன் என்பதற்கு, மக்களின் புன்னகையே சாட்சி' என்று வீடியோ ஒன்றை வெளியிட்டிருந்தார். அதேசமயம், ஸ்டாலின் தலைமையிலான தி.மு.க ஆட்சி குறித்து கலவையான விமர்சனங்களும் வந்தன.

அதனால், தி.மு.க-வின் கடந்த மூன்றாண்டுகால ஆட்சி குறித்து விகடன் வலைதளப்பக்கத்தில் கருத்துக்கணிப்பு நடத்தப்பட்டது. அதில், `முதல்வர் ஸ்டாலின் தலைமையிலான தி.மு.க ஆட்சியில் மூன்றாண்டுகால செயல்பாடு எப்படி இருந்தது?' என்று கேள்வி கொடுக்கப்பட்டு, `சிறப்பு, பரவாயில்லை, மோசம்' என மூன்று விருப்பங்களும் தரப்பட்டிருந்தது.விகடன் கருத்துக்கணிப்பு

இந்த நிலையில், கருத்துக்கணிப்பு முடிவுகளின்படி அதிகபட்சமாக, `41 சதவிகிதம் பேர் ஸ்டாலின் தலைமையிலான தி.மு.க ஆட்சியில் மூன்றாண்டுகால செயல்பாடு மோசம்' என்று தெரிவித்திருக்கின்றனர். அதற்கடுத்தபடியாக, 30 சதவிகிதம் பேர் சிறப்பு என்றும், 29 சதவிகிதம் பேர் பரவாயில்லை என்றும் தெரிவித்திருக்கின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb3 ஆண்டுகள்... கொண்டுவந்ததும்... கோட்டைவிட்டதும்!


http://dlvr.it/T6qKFn

Read More

`அண்ணாமலை மீதான வழக்கு தொடர்பாக எந்த உத்தரவும் பிறப்பிக்கவில்லை' - ஆளுநர் மளிகை விளக்கம்

தமிழ்நாடு பா.ஜ.க தலைவர் அண்ணாமலை கடந்த ஆண்டு செப்டம்பர் மாதம், 1956-ல் மதுரை மீனாட்சி அம்மன் கோயிலில் நடைபெற்ற நிகழ்ச்சியில் பேரறிஞர் அண்ணா பேசிய பேச்சுக்கு முத்துராமலிங்க தேவர் கடும் எதிர்ப்பு தெரிவித்து எச்சரித்ததாகவும், பின்னர் அண்ணா பயந்து மன்னிப்பு கேட்டதாகவும் பேசியிருந்தார். இதற்கு தி.மு.க, அ.தி.மு.க உள்ளிட்ட கட்சிகளிடமிருந்து ஒருபக்கம் எதிர்ப்புகள் வர, மறுபக்கம் அண்ணாமலை கூறியதுபோல 1956-ல் எதுவும் நடக்கவில்லை என ஊடகங்கள் உண்மை சரிபார்ப்பு செய்திகளை ஆதாரங்களுடன் வெளியிட்டன.அண்ணாமலை

அதைத்தொடர்ந்து, சமூக ஆர்வலர் பியூஷ் மனுஷ் என்பவர், அண்ணாமலை தொடர்ச்சியாகப் பொய்யான தகவலைப் பரப்பி வெறுப்புணர்வு மற்றும் மோதலைத் தூண்டும் வகையில் பேசிவருவதாகவும், அவர்மீது கடுமையான நடவடிக்கை எடுக்குமாறும் கூறி, அதற்கான ஆதாரங்களோடு சேலம் நீதிமன்றத்தில் வழக்கு தொடுத்தார்.

இப்படியிருக்க, அண்ணாமலை மீது வழக்கு பதிவுசெய்ய ஆளுநர் ஒப்புதல் அளித்திருப்பதாகவும், அதன்படி அவர்மீது வழக்கு பதிவுசெய்ய தமிழ்நாடு அரசு அனுமதி அளித்திருப்பதாகவும் பொதுத்துறை செயலாளர் நந்தகுமார் பெயரில் கடந்த சில நாள்களுக்கு முன்பு 25.04.2024 தேதியிட்ட அறிக்கை வெளியாகியிருந்தது.

In the last 3 years, the draconian DMK Govt has filed plenty of cases against me & our BJP Karyakarthas for speaking the truth & has recently issued a sanction to prosecute me yet again.

Issue sanctions to prosecute for recalling an event in the past & awarding plum party… pic.twitter.com/jfuDHXSdXH— K.Annamalai (மோடியின் குடும்பம்) (@annamalai_k) May 12, 2024

அதைத்தொடர்ந்து அண்ணாமலை நேற்று தனது X சமூக வலைதளப் பக்கத்தில், அந்த அறிக்கையை ஷேர் செய்து, உண்மையைப் பேசியதற்காக வழக்கு போடுகிறார்கள் என்றும், எத்தனை வழக்குகள் போட்டாலும் தான் பேசுவதை யாராலும் தடுக்க முடியாது என்றும் ட்வீட் செய்திருந்தார். இந்த நிலையில், அண்ணாமலை வழக்கு தொடர்பாக எந்த உத்தரவும் பிறப்பிக்கவில்லை என ஆளுநர் மாளிகை மறுப்பு தெரிவித்து அறிக்கை வெளியிட்டிருக்கிறது.ஆளுநர் மாளிகை விளக்கம்

அந்த அறிக்கையில், ``அண்ணாமலை மீது கிரிமினல் வழக்கில் வழக்கு பதிவுசெய்ய ஆளுநர் அனுமதி அளித்திருப்பதாகப் பரவிவரும் செய்தி குறித்து ஆளுநர் மாளிகைக்கு கடந்த இரண்டு நாள்களாகப் பொதுமக்களிடமிருந்து பரபரப்பு கேள்விகள் எழுப்பப்பட்டு வருகிறது. அண்ணாமலைக்கு எதிரான கிரிமினல் வழக்கு குறித்து ஆளுநர் மாளிகை எந்தவொரு தகவலும் அறிந்திருக்கவில்லை. மேலும், அதுதொடர்பான அனுமதி உத்தரவு எதுவும் பிறப்பிக்கவில்லை'' என்று குறிப்பிடப்பட்டிருக்கிறது.`பாஜக வென்றால் அமித் ஷாதான் பிரதமர்..!' - கொளுத்திப்போட்ட கெஜ்ரிவால்; சலசலப்பில் பாஜக முகாம்


http://dlvr.it/T6ptvV

Read More

பாட்னா சாஹிப் குருத்வாரா: தன் கையால் சப்பாத்தி சுட்டு, பக்தர்களுக்குப் பரிமாறிய பிரதமர் மோடி!

குருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடிகுருத்வாராவில் பிரதமர் மோடி


http://dlvr.it/T6pSbw

Read More

``கெஜ்ரிவால் வீட்டில் அவரின் பி.ஏ-வால் தாக்கப்பட்டேன்..!" - ஆம் ஆத்மி எம்.பி ஸ்வாதி மாலிவால் புகார்

டெல்லி மகளிர் ஆணையத்தின் முன்னாள் தலைவரும், ஆம் ஆத்மி கட்சியின் எம்.பி-யுமான ஸ்வாதி மாலிவால், முதல்வர் அரவிந்த் கெஜ்ரிவாலின் வீட்டில் அவரின் உதவியாளர் பிபவ் குமாரால் தாக்கப்பட்டதாக குற்றம் சாட்டியிருக்கிறார். இன்று காலை 10 மணியளவில், எம்.பி ஸ்வாதி மாலிவால் காவல்துறையை தொடர்புகொண்டு, ``முதல்வர் இல்லத்தில் அரவிந்த் கெஜ்ரிவாலின் தனிப்பட்ட பி.ஏ-வால் தாக்கப்பட்டேன்" எனப் புகார் தெரிவித்திருக்கிறார். அதைத் தொடர்ந்து, காவல்துறை டெல்லி முதல்வர் கெஜ்ரிவாலின் இல்லத்தை அடைந்தது. அப்போது, எம்.பி ஸ்வாதி மலிவால் முதல்வர் வீட்டில் இல்லை. இது தொடர்பாக காவல்துறை விசாரித்து வருகிறது.கபில் மிஸ்ரா

எம்.பி ஸ்வாதி மாலிவாலின் குற்றச்சாட்டை தொடர்ந்து, பா.ஜ.க தலைவர் கபில் மிஸ்ரா தன் எக்ஸ் பக்கத்தில்,`` எம்.பி. ஸ்வாதி மலிவால் தாக்கப்பட்டதற்கு ஆம் ஆத்மி கட்சி பதில் சொல்லியாக வேண்டும். கெஜ்ரிவாலின் பி.ஏ பிபவ், சுவாதி மாலிவாலை அடித்தாரா? முதல்வர் அலுவலகம் விளக்கம் அளிக்குமா? முதல்வர் வீட்டில் ராஜ்யசபா பெண் எம்.பி.யை தாக்கியதாக வெளியான செய்தி பொய்யானது என மாற இறைவன் அருள்புரிவானாக" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88டெல்லி வன்முறை: கபில் மிஸ்ரா மீதான குற்றச்சாட்டும் அரசியல் பின்னணியும்!


http://dlvr.it/T6p537

Read More

மூடப்படும் கூவம்... காத்திருக்கும் பெருமழை வெள்ளம்... சென்னையை காப்பாற்றப்போவது யார்?

‘`என்ன... நீங்க பாட்டுக்கு உள்ள போறீங்க... உள்ள பிரேக்கர் ஓடிக்கிட்டு இருக்கு. உங்கமேல கல்லு பட்டுச்சுன்னா, எங்க பேருதானே கெட்டுப்போகும்?’'

- சென்னையில் ஓடிக்கொண்டிருக்கும் கூவம் நதிக்குள், எழும்பூர் அருகே நுழைந்த நம்மை மேற்கொண்டு கால் எடுத்து வைக்க விடாமல் இப்படிச் சொல்லித் தடுத்தார் ஒருவர்.

உண்மையில், அங்கு நடக்கும் கொடுமைகளைத் தடுக்காவிட்டால், சென்னையே மூழ்கிப்போகும் என்கிற பெருங்கவலையுடன்தான் அங்கே அடியெடுத்துவைத்தோம். ஆனால், அவர்களுக்கோ `பேரு கெட்டுப்போகு'மாம்.

‘`உள்ள என்ன நடக்குதுன்னு பார்த்துட்டு வந்துடுறோம்' என்று நாம் சொல்ல, ‘`இது 6,000 கோடி ரூபாய் புராஜெக்ட். அப்படியெல்லாம் விட்டுட முடியாது'’ என்று கறாராகச் சொல்லி தடுத்தவர், ``வேற ஏதாவது கேக்கணும்னா... அங்க போங்க’' என்று ஒரு கன்டெய்னரைக் கைகாட்டினார். அங்கே சென்றால், ``ஒன்லி ஹிந்தி'’ என்றபடி எதிர்கொண்டவருக்கு, நாம் எப்படியோ புரியவைக்க... ஒருவருக்கு போன் செய்து நம் கையில் தந்தார். நம்மை அறிமுகம் செய்துகொண்ட பிறகு, ‘`இன்னிக்கு மதுரவாயல்ல இருக்கேன். நாளைக்கு வாங்க'' என்ற போன் குரல் பெயர், போன் நம்பர் எதையும் தரத் தயாராக இல்லை.சென்னை

ஏன் இந்த விசிட்?

எழும்பூர், எத்திராஜ் சாலைப் பகுதியில் ஓடி வரும் கூவம் நதியில், கடந்த சில நாள்களாக லாரி லாரியாகக் கட்டடக்கழிவுகளை ஏற்றி வந்து கொட்டி, கூவத்தை மூடிக்கொண்டிருந்தது நம் கண்களில்பட்டது. கூடவே, மதுரவாயல் - துறைமுகம் பறக்கும் சாலைக்காக, கூவத்துக்குள் கட்டப்பட்டு முழுமை பெறாமல் பத்தாண்டுகளுக்கும் மேலாக நின்றுகொண்டிருக்கும் தூண்களை இடித்து அகற்றும் பணியும் நடக்கிறது. ஆனால், `கான்கிரீட் கழிவுகளை நதியிலிருந்து அகற்றுவதுதானே நியாயம்... அதுவும், நீர்நிலையான கூவத்துக்குள் இப்படியெல்லாம் தூண்களைக் கட்டுவதே தவறாயிற்றே?' என்று யோசிக்க ஆரம்பித்தோம்.

இப்படித்தான், எம்.ஆர்.டி.எஸ் எனும் பறக்கும் ரயில் திட்டத்துக்காக சிந்தாதிரிப்பேட்டை தொடங்கி, வேளச்சேரி வரை பக்கிங்காம் கால்வாய்க்குள் பெரிய பெரிய தூண்களைக் கட்டினார்கள். அதன் பிறகுதான் சென்னையின் வெள்ள பாதிப்பு இரண்டு, மூன்று மடங்கு அதிகரித்தது. அப்படியிருக்க, மீண்டும் மீண்டும் நீர்நிலைகளை இப்படி அரசாங்கமே ஆக்கிரமிப்பது அநியாயம்தானே?

ஏற்கெனவே, கூவத்துக்குள் இருக்கும் தூண்களை இடித்து, அந்தக் கட்டடக் கழிவுகளை அங்கேயே போட்டு மேடாக்குவதோடு, மேற்கொண்டும் எங்கிருந்தோ லாரி லாரியாகக் கொண்டு வந்து கொட்டுகிறார்கள் என்பது பதைபதைக்கவைத்தது.

எதற்காக இப்படிக் கூவத்தை மூடுகிறார்கள்?

மதுரவாயல் - துறைமுகம் பறக்கும் சாலைத் திட்டம் தி.மு.க ஆட்சியில் ஒப்புதல் கொடுக்கப்பட்டு, தேசிய நெடுஞ்சாலைத்துறையால் ஆரம்பிக்கப்பட்டது. அடுத்து, அ.தி.மு.க ஆட்சிக்கு வரவே, அன்றைய முதல்வர் ஜெயலலிதா சுற்றுச்சூழலைக் காரணம் காட்டித்தான் இந்தத் திட்டத்தை எதிர்த்தார். அப்போது நிறுத்தப்பட்ட திட்டப் பணிகள், எடப்பாடி முதல்வரான பிறகு, `ஈரடுக்கு பறக்கும் சாலை’ என்கிற பெயரில் மீண்டும் உருவெடுத்தது.

2021-ல் தி.மு.க ஆட்சியைப் பிடித்து, மு.க.ஸ்டாலின் முதல்வரான பிறகு, மத்திய சாலைப் போக்குவரத்துத்துறை அமைச்சர் நிதின் கட்கரியின் முயற்சியால், மீண்டும் பணிகள் ஆரம்பமாகியிருக்கின்றன.

ஈரடுக்கு பாலமாகக் கட்டத் திட்டமிட்டிருப்பதால், ஏற்கெனவே மதுரவாயலிலிருந்து சாலையின் நடுவே கட்டப்பட்ட தூண்களும், கூவத்தில் கட்டப்பட்ட தூண்களும் அடித்து உடைக்கப்படுகின்றன. அதாவது, 1,468 கோடி ரூபாய் மதிப்பீட்டில் ஆரம்பிக்கப்பட்டு, 200 கோடிகள் செலவழிக்கப்பட்ட நிலையில், திட்டத்தையே மொத்தமாகக் கைவிட்டிருக்கின்றனர். இதற்காகக் கொட்டப்பட்ட மக்கள் பணம்... கமிஷனாகக் கறக்கப்பட்ட பணம் எல்லாம் காந்தி கணக்குதான்.

இப்போது மீண்டும் `ஈரடுக்கு மேம்பாலம்’ என்கிற பெயரில் முதல் புரோட்டாவிலிருந்து ஆரம்பிக்கிறார்கள். இதற்கான திட்ட மதிப்பீடு, 5,800 கோடி ரூபாய். மத்தியில் இருப்பவர்களுக்கும், மாநிலத்தில் இருப்பவர்களுக்கும் கமிஷன் எத்தனை கோடிகளோ..?சென்னை

சரி, அந்தக் கொள்ளைகள் ஒருபக்கம் இருக்கட்டும். வெள்ள காலங்களில் மக்களையும் மாநகரையும் காப்பாற்றும் கூவம் நதிக்குள் இப்படி கும்மி அடிப்பது எந்த அளவுக்குச் சரி என்பதுதான் இப்போதைக்கு நாம் எழுப்பும் கேள்வி.

எழும்பூர், ஆயிரம் விளக்கு ஆகிய பகுதிகளில் கூவத்துக்குள் இருக்கும் 17 தூண்கள் இடிக்கப்படவிருக்கின்றன. அதேசமயம், புதிதாகக் கட்டப்படவிருக்கும் ஈரடுக்கு பறக்கும் சாலைக்காக 605 தூண்கள் அமைக்கப்படவிருக்கின்றன. இதற்காகத் தான் கூவம் நதியில் ஏற்கெனவே கட்டிய தூண்கள் இடிக்கப்பட்டும், லாரியில் கொண்டு வந்து கட்டடக் கழிவுகள் கொட்டப்பட்டும் வருகின்றன. கட்டடக் கழிவுகளைக் கொட்டி செயற்கையாக உருவாக்கப்படும் இந்த மேடு, கூவம் நதியின் தற்போதைய நீரோட்டத்தை 80% அளவுக்கு இப்போதே ஆக்கிரமித்துவிட்டது.

இதனால் என்ன பிரச்னை?

அடிக்கடி பெருமழை மற்றும் வெள்ளப் பாதிப்புகளைச் சந்தித்தபடியே இருக்கிறது சென்னை. காலநிலை மாற்றத்தின் காரணமாக, இந்த பாதிப்பு அதிகரிக்கவே செய்யும் என்று எச்சரிக்கிறார்கள், சூழல் ஆர்வலர்கள்.

கடந்த பத்தாண்டுக்கால அ.தி.மு.க ஆட்சியில், சுமார் 8,820 கோடி ரூபாய்; தற்போதைய தி.மு.க ஆட்சியில் 4,000 கோடி ரூபாய் எனப் பணத்தை அள்ளி அள்ளிக் கொட்டி, மழைநீர் வடிகால் திட்டம் மேற்கொள்ளப்பட்டது. ஆனாலும், வெள்ள பாதிப்பு என்பது கூடுதலாகிக் கொண்டேதான் இருக்கிறதே தவிர, குறைந்தபாடில்லை. அதற்கு, கடந்த 2023-ம் ஆண்டு, டிசம்பர் பெருமழையே சாட்சி.

கூவம், அடையாறு, கொசஸ்தலை ஆறு ஆகியவைதான் ஓரளவுக்கு சென்னை மக்களைக் காப்பாற்றிக்கொண்டிருக்கின்றன. அதற்கும் வேட்டு வைப்பதுபோல இந்த மூன்று ஆறுகளுமே ஆக்கிரமிப்பின் பிடியில்தான் இருக்கின்றன.

தியேட்டர்கள், மால்கள், பெரிய பெரிய வணிக வளாகங்கள், அடுக்குமாடிக் குடியிருப்புகள் எனப் பற்பல ஆக்கிரமிப்புகள் இந்த ஆறுகளைக் கபளீகரம் செய்துகொண்டிருக்கின்றன. இந்த நிலையில், மிச்சமிருக்கும் ஆறுகளையும் அரசாங்கமே கபளீகரம் செய்ய ஆரம்பித்திருக்கிறது. ‘ரோடு போடுறோம்... தூண் எழுப்புறோம்‘ என்று கட்டடக் கழிவுகளைக் கொட்டி நதிகளை அழித்தால், ஒட்டுமொத்தமாக சென்னை நீரில் மூழ்குவதை யாராலும் தடுக்கவே முடியாது. அந்த பாதிப்பு, 2023 டிசம்பரை விட பல மடங்கு அதிகமாகவே இருக்கும் என்பதே உண்மை.

சரி, இதெல்லாம் நம்முடைய பயம். இதற்கான தீர்வைச் சொல்லவேண்டியது அரசாங்கம்தானே?

``நாளைக்கு வாருங்கள்'' என்றீர்களே... என்றபடி மீண்டும் நேரில் சென்றோம். முந்தைய நாள் நம்முடன் போனில் பேசிய நபரும், அவருக்கு மேலதிகாரி என்று சொல்லப்பட்ட நபரும் அங்கே இருந்தார்கள்.

‘`இப்படி ஆத்துல கட்டடக் கழிவுகளை கொட்டுறீங்களே... அடுத்தடுத்த மாசங்கள்ல மழை வந்துடுமே... மழைத் தண்ணி தேங்க ஆரம்பிச்சா என்ன ஆகும்னு யோசிச்சுப் பாருங்க?’' என்ற நம் கேள்விக்கு,

“புதுசா பாலம் கட்டப்போறோம். புதுசா தூண் கட்டுறதுக்காக லாரியில கொண்டுவந்து கொட்டுறோம். தூண் கட்டினதும், அடுத்த மாசமே கழிவுகளை எடுத்துடுவோம்'' என்று பதில் தந்தனர்.

‘`கட்டடக் கழிவுகளை கொட்டுறது நதியோட நீரோட்டத்தையும், அதோட தன்மையையும் பாதிக்காதா?’' என்ற நம் கேள்விக்கு, `‘அதெல்லாம் எங்ககிட்ட கேக்காதீங்க. நீர்வளத்துறை, தேசிய நெடுஞ்சாலைத்துறைகிட்ட கேளுங்க. அவங்க அனுமதியோடதான் எல்லாம் செய்யறோம்” என்றார்கள்.

‘`இந்த ஈரடுக்கு பறக்கும் சாலைத் திட்டம், 30 மாதகாலத் திட்டம். தேசிய நெடுஞ்சாலைத் துறை வலைதளத்தில் மேல் விவரங்களைத் தேடிக்கொள்ளுங்கள்'’ என்பது அவர்கள் கொடுத்த கூடுதல் தகவல். ஆனால், தங்களது பெயர், பதவி, தொடர்பு எண் என எதையும் கூற மறுத்துவிட்டனர். இவர்கள், புதிதாகக் கான்ட்ராக்டைப் பெற்றிருக்கும் மகாராஷ்டிராவைச் சேர்ந்த ஜே.குமார் எனும் கட்டுமான நிறுவனத்தைச் சேர்ந்தவர்கள் என்பது மட்டும் தெரிகிறது, அவர்கள் அங்கே வைத்திருக்கும் போர்டு மூலமாக.சென்னை

எப்படி முடியும்?

30 மாதகாலத் திட்டம் என்கிறார்கள். பொதுவாக அரசாங்கம் ஒரு திட்டத்துக்கு நாள் குறித்தால், அதிலிருந்து குறைந்தபட்சம் இரண்டு ஆண்டுகளையாவது கூடுதலாகச் சேர்த்துக்கொள்ளலாம். அப்படிப் பார்த்தால், இது 54 மாதகாலத் திட்டமே. சரி, 30 மாதங்களுக்குள் முடித்துவிடுவார்கள் என்றே வைத்துக்கொண்டாலும், இப்போதுதான் இடிக்கவே ஆரம்பித்தி ருக்கிறார்கள். அடுத்த ஒரு மாத காலத்துக்குள் அதாவது, மழை வருவதற்குள் தூண்களையே கட்டி முடித்து, கூவத்தில் கொட்டப்பட்ட கட்டடக் கழிவுகளையும் அகற்றி விடுவார்களா?

மெயில் பண்ணுங்க!

கூவம் நதி, மாநில பொதுப்பணித்துறையின் கட்டுப்பாட்டில்தான் வரும் என்பதால், `இந்தக் கொடுமையைத் தடுத்து நிறுத்துங்கள்’ என்றபடி அந்தத் துறைக்கு போன் செய்தோம். ‘என்னது... சிவாஜி செத்துட்டாரா?' என்கிற ரேஞ்சுக்கு, `என்னது கூவத்துல கட்டடக் கழிவுகளைக் கொட்டுறாங்களா... போட்டோவோட தகவலை மெயில் பண்ணுங்க. உடனே நடவடிக்கை எடுக்குறோம்' என்று பதில் கொடுத்தனர்.

ம்ம், பொதுப்பணித்துறையிடம் எந்த அனுமதியும் வாங்காமல்தான் இப்படிக் கொட்டி, கூவத்தையே மூடிக்கொண்டிருக்கிறார்கள் என்று நாம் நம்ப வேண்டும். ஆயிரமிருந்தாலும், அவர்கள் கேட்ட தகவல்களையும் போட்டோக்களையும் உடனே அவர்கள் கொடுத்த மெயில் முகவரிக்கு அனுப்பிவைத்திருக்கிறோம்.

ஆக மக்களே... கண்டிப்பாக வீட்டுக்கு ஒரு படகு வாங்கி வைத்துக்கொள்வதுதான் ஒரே வழிபோல!

`இந்தக் கொடுமையைத் தடுத்து நிறுத்துங்கள்!'

கீழ்க்காணும் அனைவருக்கும் தபால் மூலம் புகைப்படங்களுடன் இந்தப் பிரச்னை குறித்து வேண்டுகோள் கடிதத்தை அனுப்பி வைத்திருக்கிறோம்.

1. பொதுப்பணித்துறை.

2. சென்னை பெருநகர வளர்ச்சி ஆணையம்.

3. தமிழ்நாடு மாசு கட்டுப்பாடு வாரியம்.

4. சென்னை மாநகராட்சி,

5. தமிழ்நாடு நீர்வளப் பாதுகாப்பு மற்றும் ஆறுகள்

மறுசீரமைப்பு நிறுவனம்.

6. மாவட்ட ஆட்சியர் சென்னை.


http://dlvr.it/T6nnlk

Read More