`Southern States will be a Big Surprise’ - மோடி சொல்லும் `தென்னிந்திய’ கணக்குதான் என்ன?

பிரதமர் நரேந்திர மோடி, தனியார் தொலைக்காட்சி ஒன்றுக்கு சமீபத்தில் சிறப்பு நேர்காணல் அளித்திருக்கிறார். அதில், “தற்போது நடைபெற்றுவரும் மக்களவைத் தேர்தலில், தென் மாநிலங்களின் தேர்தல் முடிவுகளில் பா.ஜ.க மிகப்பெரிய ஆச்சர்யத்தைக் கொடுக்கப்போகிறது” என்று மோடி கூறியிருக்கிறர். மோடி

குறிப்பாக, “ஆந்திராவிலும், தெலங்கானாவிலும் மிகப்பெரிய வெற்றியை பா.ஜ.க பெறும். தெலங்கானாவில் க்ளீன் ஸ்வீப்..” என்றும் மோடி நம்பிக்கையாக கூறியிருக்கிறார்.

அதே நேர்காணலில், “இந்தி பேசும் மாநிலங்களில் மட்டுமே பா.ஜ.க செல்வாக்குடன் இருக்கிறதா?” என்ற கேள்வி கேட்கப்பட்டது. அதற்கு, “கோவா, குஜராத், மகாராஷ்டிரா, அஸ்ஸாம், மேற்கு வங்கம், கர்நாடகா ஆகிய மாநிலங்கள் எல்லாம் இந்தி பேசும் மாநிலங்களா? நாடு முழுவதும் பா.ஜ.க இருக்கிறது. நாடு முழுவதும் பா.ஜ.க ‘ஹாட்ரிக்’ வெற்றியைப் பெறப்போகிறது. அமித் ஷா

இதை மோடி சொல்லவில்லை. நாட்டு மக்களே முடிவுசெய்துவிட்டார்கள். 400 இடங்களில் தேசிய ஜனநாயகக் கூட்டணி வெற்றிபெறும். பா.ஜ.க-வும், தேசிய ஜனநாயகக் கூட்டணியும் இதற்கு முந்தைய சாதனைகளை எல்லாம் முறியடிக்கும்” என்று மோடி பதில் சொல்லியிருக்கிறார்.

தென் மாநிலங்கள் குறித்த கேள்விக்கு பதிலளித்த மோடி, “தென் மாநிலங்களின் தேர்தல் முடிவுகளில் மிகப்பெரிய ஆச்சர்யத்தை பா.ஜக அளிக்கும். கேரளா, தமிழ்நாடு, புதுச்சேரி, கர்நாடகா, ஆந்திரா, தெலங்கானா ஆகிய மாநிலங்களில் வரலாற்று ரீதியிலான மாற்றங்களைக் காணப்போகிறீர்கள். பா.ஜ.க-வும், தேசிய ஜனநாயகக் கூட்டணியும் மிகப்பெரிய சாதனையை நிகழ்த்தும். தெலங்கானாவில், ‘க்ளீன் ஸ்வீப்’ ” என்றார் மோடி.பிரதமர் மோடி

தென் மாநிலங்களில் மிகப்பெரிய வெற்றியை பா.ஜ.க பெறும் என்று சொன்ன பிரதமர் மோடி, அதற்கான அடிப்படைக் காரணங்கள் என்ன என்பதைக் குறிப்பிடவில்லை.

ஆனால், south surprise என்று பிரதமர் மோடி பயன்படுத்தியிருக்கும் சொல்லாடலைப் போல, ‘The best ever showing in southern states’ என்ற சொல்லாடை மத்திய உள்துறை அமைச்சர் பயன்படுத்தியிருக்கிறார். சொல்லாடல் வெவ்வேறாக இருந்தாலும் அர்த்தம் ஒன்றுதான். அதாவது, நடைபெறும் மக்களவைத் தேர்தலில் தென் மாநிலங்களில் பா.ஜ.க மிகப்பெரிய வெற்றியைப் பெறும் என்பதுதான் அதன் அர்த்தம்.அமித் ஷா

கடந்த ஏப்ரல் மாதம் தனியார் தொலைக்காட்சி ஒன்று நேர்காணல் அளித்த அமித் ஷா, “தமிழ்நாடு, கேரளா, ஆந்திரா, கர்நாடகா, தெலங்கானா ஆகிய தென் இந்திய மாநிலங்களில் இதுவரை இல்லாத அளவுக்கு பா.ஜ.க-வுக்கு மிகப்பெரிய வெற்றி கிடைக்கும். இந்த மாநிலங்களில் வலுவான தேர்தல் முடிவுகளை எதிர்பார்க்கிறோம். முதன் முறையாக, பிரதமர் மோடியின் செல்வாக்கு தென் இந்தியாவில் அதிகரித்திருக்கிறது. எனவே, அவரது செல்வாக்கு வாக்குகளாகவும், சீட்டுகளாகவும் மாறும் என்று எதிர்பார்க்கிறோம்” என்றார்.மக்களவைத் தேர்தல் முடிவுகளை எதிரொலிக்கிறதா பங்குச்சந்தை நிலவரம்?!

தற்போது பிரதமர் மோடி குறிப்பிட்டிருக்கும் ‘south will surprise’ என்ற சொல்லாடலை, கடந்த ஜனவரி மாதம் கர்நாடகா முன்னாள் முதல்வர் பசவராஜ் பொம்மை பயன்படுத்தியிருக்கிறார். அதாவது, பெங்களூருவில் செய்தியாளர்களிடம் பேசிய பசவராஜ் பொம்மை, “நாடு முழுவதும் மோடி அலை வீசுகிறது. நரேந்திர மோடியை மீண்டும் பிரதமராகப் பார்ப்பதற்கு ஒட்டுமொத்த நாடும் ஆசைப்படுகிறது. தென் இந்தியாவில் ஆச்சர்யம் தரக்கூடிய தேர்தல் முடிவுகள் வரப்போகின்றன. கர்நாடகா, தமிழ்நாடு, தெலங்கானா, ஆந்திரா ஆகிய மாநிலங்களில் அதிகபட்ச இடங்களை பா.ஜ.க கைப்பற்றும்” என்றிருக்கிறார். கர்நாடக முன்னாள் முதல்வர் பசவராஜ் பொம்மை

மேலும், “காஷ்மீர் முதல் கன்னியாகுமரி வரை மோடிக்கு ஆதரவான அலை வீசுகிறது. கர்நாடகாவில் 25-க்கும் மேற்பட்ட தொகுதிகளில் பா.ஜ.க வெற்றிபெறும்” என்றார் பசவராஜ் பொம்மை. தென் மாநிலங்களில் மொத்தம் 130 மக்களவைத் தொகுதிகள் இருக்கின்றன. 2019 மக்களவைத் தேர்தலில், நாடு முழுவதும் மொத்தம் 303 தொகுதிகளில் ஜெயித்த பா.ஜ.க., தென் மாநிலங்களில் வெறும் 29 தொகுதிகளிலேயே வெற்றிபெற்றது. அதிலும் கர்நாடகாவில் மட்டும் 25 தொகுதிகள் கிடைத்தது. கர்நாடகாவை தவிர்த்து 4 இடங்களில் தான் தென்னிந்தியாவில் பாஜக-வால் வெல்ல முடிந்தது.

400 தொகுதிகளில் தேசிய ஜனநாயகக் கூட்டணி வெற்றிபெறும் என்று பிரதமர் மோடி சொல்லும் கணக்குப்படி பார்த்தால், தென் மாநிலங்களில் 70 தொகுதிகளுக்கு மேலாவது ஜெயிக்க வேண்டும். மோடி சொல்வது சரியான கணிப்பு தானா, அல்லது தேர்தல் கால பேச்சா என்பதெல்லாம் ஜூன் 4-ல் தான் பதில் தெரியும்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6wJgH

Read More

``நான் தாய்லாந்து சென்றதை அமித் ஷா அறிந்து கொண்டது எப்படி என சொல்வாரா?!” - காட்டமான பிரியங்கா காந்தி

கடந்த 2019 நாடாளுமன்றத் தேர்தலில் உத்தரப்பிரதேசத்தில் மொத்தமுள்ள 80 தொகுதிகளில் காங்கிரஸ் ஒரேயொரு தொகுதியில் மட்டுமே வெற்றிபெற்றது. அதுவும் காங்கிரஸ் குடும்பத்தின் கோட்டையாகக் கருதப்படும் ரேபரேலியில் சோனியா காந்தி பெற்ற வெற்றி அது. அதேசமயம், காங்கிரஸ் குடும்பத்தின் மற்றொரு கோட்டையான அமேதியில் ராகுல் காந்தி தோல்வியைத் தழுவினார். அந்தத் தேர்தலில், மாயாவதி-அகிலேஷ் யாதவ் கூட்டணி 15 இடங்களில் வெற்றிபெற, பா.ஜ.க தனியாக 62 தொகுதிகளிலும், அதன் கூட்டணிக் கட்சி இரண்டு தொகுதிகளிலும் வெற்றிபெற்றது.ராகுல் காந்தி - பிரியங்கா காந்தி

இப்படியிருக்க, தற்போது நடைபெற்றுக்கொண்டிருக்கும் நாடாளுமன்றத் தேர்தலில், ரேபரேலியில் ராகுல் காந்தியும், அமேதியில், அந்தத் தொகுதியில் 40 ஆண்டுகளாக கட்சிப்பணி செய்துவரும் காங்கிரஸ் நிர்வாகி கிஷோரி லால் சர்மா என்பவரையும் காங்கிரஸ் களமிறக்கியிருக்கிறது. வேட்பாளர்கள் அறிவிக்கப்பட்ட நாள்முதல் ரேபரேலி, அமேதி என இரு தொகுதிகளிலும் காங்கிரஸ் பொதுச்செயலாளர் பிரியங்கா காந்தி தீவிர பிரசாரம் மேற்கொண்டுவருகிறார். இப்படியிருக்க, காங்கிரஸ் குடும்பம் தேர்தலின்போது மட்டுமே அமேதி மற்றும் ரேபரேலிக்கு வருவதாக பா.ஜ.க விமர்சித்துவருகிறது.

இந்த நிலையில், பா.ஜ.க-வின் விமர்சனங்களுக்கு நேற்று எதிர்வினையாற்றுகையில் அமித் ஷாவையும் சேர்த்து சாடிய பிரியங்கா காந்தி, ``பா.ஜ.க கூறுவதில் துளிகூட உண்மை இல்லை. யார் எப்போது எங்கே செல்கிறார்கள், என்ன செய்கிறார்கள் என்பதைக் கண்காணிப்பதில் பெயர்போனவர் அமித் ஷா, குறிப்பாக பெண்களை. சில நாள்களுக்கு முன்பு நான் என் மகளைப் பார்க்க தாய்லாந்து சென்றிருந்ததைத் தேர்தல் கூட்டமொன்றில் அமித் ஷா கூறியிருந்தார்.பிரியங்கா காந்தி

ஆமாம், நான் தாய்லாந்து சென்றிருந்தேன். ஆனால், இதை எப்படி தான் அறிந்துகொண்டார் என்பதை அமித் ஷா கூறுவாரா... அனைத்து தகவல்களையும் வைத்திருக்கும்போது எதற்காக அவர் இவ்வாறு பொய் சொல்ல வேண்டும்" என்று கேள்வியெழுப்பினார்.அமித் ஷா

கடந்த இரண்டு நாள்களுக்கு முன்புகூட, ரேபரேலிக்கு காங்கிரஸ் எதுவுமே செய்யவில்லை என்று அமித் ஷா விமர்சித்ததற்கு, ``காங்கிரஸ் தான் இங்கு ரயில் பெட்டி தொழிற்சாலை, National Institute of Fashion Technology, ரிங் ரோடு, ஐந்து தேசிய நெடுஞ்சாலைகளை கொண்டு வந்தது. நாங்கள் இங்கு எய்ம்ஸ் கொண்டுவந்தோம், நீங்கள் (பாஜக) அதை மூடினீர்களே தவிர வேறென்ன செய்தீர்கள்" என்று பிரியங்கா காந்தி சாடியிருந்தார் என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbRaebareli: முதல் பெண் பிரதமரை அளித்த ரேபரேலியில் `ராகுல் காந்தி'... வரலாறும், கள நிலவரமும்!


http://dlvr.it/T6vsxF

Read More

``இந்து - முஸ்லிம் எனப் பிரித்து பார்த்தால், நான் பொது வாழ்க்கைக்கு தகுதியற்றவனாகிடுவேன்" - மோடி

நாடாளுமன்றத் தேர்தலில் பிரதமர் மோடி மூன்றாவது முறையாக உத்தரப்பிரதேச மாநிலம் வாரணாசியில் போட்டியிடுகிறார். என்.டி.ஏ கூட்டணிக் கட்சித் தலைவர்கள் புடைசூழ நேற்று வேட்புமனுத் தாக்கல் செய்தார். அதைத் தொடர்ந்து தனியார் செய்தி நிறுவனத்துக்கு அளித்த பேட்டியில்,``நான் இந்து - முஸ்லிம் என்று பிரிக்கவில்லை. உங்களால் எவ்வளவு குழந்தைகளை வளர்க்க முடியுமோ அவ்வளவு குழந்தைகளை பெற்றுக்கொள்ளுங்கள் என்றுதான் கூறியுள்ளேன்.மோடி

ஆனால், அக்குழந்தைகளை அரசு ஆதரித்து வளர்க்க வேண்டிய சூழலை உருவாக்க வேண்டாம் என்கிறேன். நான் ஒரு கிராமத்துக்கு வீடுகளைக் கொடுத்தால், 100 சதவிகிதம் அனைத்து பயனாளிகளுக்கும் கொடுக்கிறேன். அவர்கள் எந்த சமூகம், எந்த சாதி, எந்த மதம் என்றெல்லாம் பார்ப்பது கிடையாது. இதுதான் சமூக நீதி, உண்மையான மதச்சார்பின்மை. மேலும் இதில் ஊழல் நடக்க வாய்ப்பில்லை.

முஸ்லிம்கள் எனக்கு வாக்களிப்பார்களா, அவர்களின் வாக்குகள் தேவையா என்றெல்லாம் கேட்கிறீர்கள், என் நாட்டு மக்கள் எனக்கு வாக்களிப்பார்கள் என்று நான் நம்புகிறேன். நான் இந்து - முஸ்லிம் எனப் பிரித்து பார்க்கும்போது, பொது வாழ்க்கைக்கு தகுதியற்றவனாக மாறிவிடுவேன். மேலும் நான் இந்து-முஸ்லிம் எனப் பிரிவினை செய்ய மாட்டேன். அதுதான் என் உறுதியான முடிவு" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88வேட்புமனுத் தாக்கலுக்கு முன் கங்கையில் நீராடிய பிரதமர் மோடி; கங்கை குறித்த அபூர்வ புராணத் தகவல்கள்!


http://dlvr.it/T6vTh9

Read More

ஒன் பை டூ: “தமிழ்நாட்டின் நிலை ஆந்திராவுக்கு வரக் கூடாது...” என்ற அன்புமணி ராமதாஸின் விமர்சனம்?

பழ.செல்வகுமார், மாநிலத் துணைச் செயலாளர், சுற்றுச்சூழல் அணி, தி.மு.க

“அர்த்தமே இல்லாத கருத்து. ‘ஒன்றிய அரசுடன் இணங்கிப்போனால்தான் திட்டங்கள் கிடைக்கும். எனவே, பா.ஜ.க கூட்டணியிலுள்ள சந்திரபாபு நாயுடுக்கு வாக்களியுங்கள்’ என்ற அர்த்தத்தில், ஆந்திர தேர்தல் களத்தில் அன்புமணி ராமதாஸ் பேசியிருக்கிறார். ஓர் அரசியல் கட்சியைத் தனது சொந்த லாபத்துக்காகப் பயன்படுத்திக்கொள்பவர் அன்புமணி ராமதாஸ். ‘மீண்டும் மோடி பிரதமர் ஆவார். ஒன்றிய அரசில் நமக்கு ஏதாவது பதவி கிடைக்கும்’ என்று மனக்கணக்கு போட்டு இப்படியெல்லாம் பிரசாரம் செய்துகொண்டிருக்கிறார் அவர். எனவே, அன்புமணி சொல்லும் கருத்தையெல்லாம் பெரிதாக எடுத்துக்கொள்ளத் தேவையில்லை. ஒன்றிய பா.ஜ.க அரசைப் பொறுத்தவரையில், ‘மாநில அரசு என்பது பாதம் தாங்கி பழனிசாமியைப் போன்று அடிமையாக இருக்க வேண்டும்’ என்று நினைக்கிறது. ஆனால், தி.மு.க போன்ற சுயமரியாதைக் கட்சியிடம் இவர்களது திட்டம் எடுபடாது. ஒன்றிய பா.ஜ.க அரசு பின்வாசல் வழியாகக் கொண்டுவர நினைக்கும் மக்கள் விரோதச் சட்டங்களை, தி.மு.க அரசு அனுமதிப்பதில்லை.

இப்படி பா.ஜ.க அரசுக்குப் பெரிய தலைவலியாக தி.மு.க அரசு இருப்பதால், நியாயமாக ஒரு மாநில அரசுக்குக் கொடுக்கவேண்டிய வரிப் பகிர்வு, வரி பாக்கி, பேரிடர் நிவாரணம் என எதையும் கொடுக்காமல் கடமையை மீறிவருகிறது ஒன்றிய பா.ஜ.க அரசு.”பழ.செல்வகுமார், திலகபாமா

திலகபாமா, பொருளாளர், பாட்டாளி மக்கள் கட்சி

“நூற்றுக்கு நூறு உண்மை. ஓர் அரசியல் கட்சி, ஆட்சி அமைத்த பிறகு மக்களின் நலனையும், மாநிலத்தின் வளர்ச்சியையும் மட்டுமே குறிக்கோளாகக் கொண்டிருக்க வேண்டும். ஆனால், தி.மு.க அரசோ, மத்திய பா.ஜ.க அரசுடன் அகங்காரத்துடன் மோதல் போக்கைக் கடைப்பிடிக்கிறது. இதனால் பாதிக்கப்படுவது தமிழக மக்கள்தான். இதைத்தான் அன்புமணி ராமதாஸ் சொல்லியிருக்கிறார். இதற்காக அனைத்து விவகாரங்களிலும் மத்திய அரசுடன் ஒத்துப்போக வேண்டும் என்று அர்த்தமில்லை. இணைந்து போகவேண்டிய இடத்தில், அரசியல் விருப்பு வெறுப்புகளைத் தாண்டி ஒன்றிணைந்து செயல்பட வேண்டும் என்றுதான் சொல்கிறோம். நவோதயா பள்ளிகள் போன்ற திட்டத்தை எதிர்ப்பதன் மூலம் பாதிக்கப்படுவது ஏழை மாணவர்கள்தான். மாநிலத்துக்கு நன்மையென்றால், அதைச் செய்ய மாநில அரசு முன்வர வேண்டும். ‘வெற்றிபெறும் கட்சியுடன் கூட்டணி வைத்துக்கொண்டால்தான் மக்களுக்கான திட்டங்களை எளிமையாகக் கொண்டுவர முடியும்’ என்பதற்காகத்தான் இந்தத் தேர்தலில் நாங்கள் பா.ஜ.க-வுடன் கூட்டணி வைத்துக்கொண்டோம். இப்படி மாநிலத்தின் வளர்ச்சிக்காகத் தமிழக அரசும், மத்திய அரசுடன் ஒத்துப்போவதில் எந்தத் தவறும் இல்லை!”


http://dlvr.it/T6v9dr

Read More

சிவகாசி: வெடிக்கும் பட்டாசு ஆலைகள்; மரணிக்கும் உயிர்கள்! - பாதுகாப்புக்கு என்னதான் வழி?

'குட்டி ஜப்பான்' என்றழைக்கப்படும் சிவகாசியில் அடுத்தடுத்து நடக்கும் வெடிவிபத்துகள் நெஞ்சை ரணமாக்குவதாக உள்ளது. விருதுநகர் மாவட்டம், ரெங்கபாளையத்தில் கடந்த அக்டோபர் மாதம் சோதனைக்காக வெடித்த பட்டாசால் ஒரே ஆலையில் 12 பெண்கள், ஒரு ஆண் உள்பட மொத்தம் 13 பேர் பலியானார்கள். இதற்கடுத்து பெரிய விபத்தாக வெம்பக்கோட்டை அருகே பட்டாசு ஆலை வெடிவிபத்து ஏற்பட்டது. இந்த விபத்தில் 6 ஆண்கள், 4 பெண்கள் உள்பட 10 தொழிலாளர்கள் உடல்கருகி உயிரிழந்தனர். இந்த சம்பவங்களின் சுவடுகள் மறையும் முன்னரே மற்றுமொரு கோர விபத்தாக கடந்த சில நாட்களுக்கு முன்பு சிவகாசி செங்கமலபட்டியில் செயல்பட்டு வந்த சுதர்சன் பட்டாசு ஆலையில் வெடிவிபத்து ஏற்பட்டுள்ளது. இந்த சம்பவத்தில் 6 பெண்கள் உள்பட 10 தொழிலாளர்கள் உடல் கருகி உயிரிழந்தனர். வெடிவிபத்தில் உயிரிழந்தவர்களின் குடும்பத்துக்கு ஆளுநர், தமிழக முதல்வர், எதிர்கட்சி தலைவர் உள்பட பல்வேறு தரப்பினரும் ஆறுதல் தெரிவித்ததுடன், தேர்தல் ஆணைய அனுமதியுடன் இழப்பீட்டு தொகையும் அறிவிக்க தயாராகி வருகின்றனர்.வெடிவிபத்து

இந்த நிலையில், அரசு வழங்கும் இந்த இழப்பீட்டு நிதி பாதிக்கப்பட்டவர்களின் குடும்ப மனநிலையை சரி செய்யுமா?, அல்லது இது போன்றதொரு வெடி விபத்தை தடுத்துதான் நிறுத்துமா? என கேள்விகளை எழுப்புகின்றனர் பட்டாசு தொழிலாளர் சங்கத்தினர். இது குறித்து பட்டாசு தொழிலாளர் சங்கத்தின் (சிஐடியு) சார்பில் எம்.சி.பாண்டியன் பேசுகையில், "பட்டாசு உற்பத்திக்கும், மூலப்பொருள் கையிருப்புக்கும் அரசு எவ்வளவுதான் கடுமையான நடவடிக்கைகளை எடுத்தாலும் தொடர்ந்து நிகழும் பட்டாசு ஆலை வெடிவிபத்துகள் விதிமுறைகளை கடைப்பிடிப்பதில் இருக்கும் ஓட்டைகளையே கைக்காட்டுகின்றன. பட்டாசு ஆலை வெடிவிபத்தில் அதிக உயிர்பலிகளுக்கு காரணம், அப்பட்டமான விதிமீறலும், அதிகாரிகளின் மெத்தனப்போக்கும் தான். பட்டாசு உற்பத்தியை பாதுகாப்பாக மேற்கொள்வது குறித்து முறையான பயிற்சி வழங்குவதற்கு சிவகாசியில் பயிற்சி மையம் உள்ளது.தரைமட்டம்

ஆனால், சிவகாசி, வெம்பக்கோட்டை, ராஜபாளையம், ஸ்ரீவில்லிபுத்தூர் தாலுகாக்களை சுற்றி செயல்பட்டு வரும் ஆயிரத்திற்கும் மேற்பட்ட பட்டாசு தொழிற்சாலைகளுக்கும் சேர்த்தே இந்த ஒரேஒரு பயிற்சிமையம்தான் இருக்கிறது. அதுபோல் பட்டாசு உற்பத்தி தொடர்பான கூட்டங்களில் தொழிற்சங்கங்கள் புறக்கணிக்கப்படுகின்றன. பட்டாசு உற்பத்தியாளர்கள் கூட்டமைப்பு, கள அலுவலர்கள், மாவட்ட அதிகாரிகள் கலந்துகொள்ளும் கூட்டத்தில் தொழிற்சங்க பிரதிநிதிகள் பேசுவதற்கும் வாய்ப்பு வழங்கினால்தான் தொழிலாளர்களுக்கு இருக்கும் பிரச்னை, நிர்வாக தரப்பின் தவறுகள், அதிகாரிகளின் தவறுகள் பற்றி பேச முடியும். ஆனால், எங்கே உண்மை வெளிப்பட்டுவிடுமோ என்ற அச்சத்தில் பட்டாசு உற்பத்தி தொடர்பான கூட்டங்களில் தொழிற்சங்கங்கள் தவிர்க்கப்படுகின்றன.ஆய்வு

பட்டாசு வெடி விபத்துகள் தவிர்ப்பது தொடர்பாக பசுமை தீர்ப்பாயம் அமைத்த ஆய்வுக் குழுவினர் சமீபத்தில் சிவகாசியில் நடத்தினர். ஆய்வின்படி, 'பட்டாசு வெடி விபத்துகளை தவிர்ப்பதற்கான போதுமான விதிமுறைகளை கடைபிடிப்பதற்கு போதுமான ஏற்பாடுகள் இல்லை என இந்த ஆய்வுக் குழு தெளிவாக சுட்டிக்காட்டுகிறது. பட்டாசு வெடி விபத்துகளை தவிர்ப்பதற்கும், பட்டாசு ஆலைகளில் செய்யப்பட வேண்டிய முன்னெச்சரிக்கை அம்சங்கள் மற்றும் பாதுகாப்பு தொழில்நுட்ப உபகரணங்கள் குறித்தும் இந்த ஆய்வுக் குழு தெளிவான வழிகாட்டுதல்களை வழங்குகிறது' என ஆய்வறிக்கையில் குறிப்பிட்டிருக்கின்றனர்.சேதம்வெடிவிபத்து

இங்கு, பட்டாசு தொழில் பற்றி போதிய விழிப்புணர்வுள்ளவர்களை ஆய்வு அதிகாரிகளாக மாவட்ட நிர்வாகம் நியமிக்க வேண்டும். ஆய்வுக் குழுவில், பட்டாசு தொழிலாளர் சங்க உறுப்பினர் ஒருவரை பிரதிநிதியாக நியமிக்கவும் நடவடிக்கை எடுக்கவேண்டும். பாதுகாப்பான பட்டாசு உற்பத்தியை வலியுறுத்தும் அரசு, ஒவ்வொரு தாலுகாவிலும் தலா இரண்டு பயிற்சி மையங்களை அமைத்து நிரந்தரமான பயிற்றுநர்களை நியமிக்க வேண்டும். வெடி விபத்தில் உயிரிழந்தவர்களின் குடும்பத்திற்கு இழப்பீடு நிதி வழங்குவதுபோல வெடிவிபத்தில் காயமடைந்து கை, கால்களை இழந்து வாழும் தொழிலாளர்களின் வாழ்வாதாரத்திற்கும் அரசு உறுதியான நடவடிக்கை எடுக்க வேண்டும். பசுமை தீர்ப்பாயம் தனது உத்தரவில் குறிப்பிட்டதுபோல, பட்டாசு விபத்தில் உயிரிழக்கும் தொழிலாளியின் குடும்பத்திற்கு நிர்வாக தரப்பு 10 லட்சமும், தமிழக அரசு 15 லட்சம் ரூபாயும் இழப்பீட்டு நிதி வழங்க வேண்டும்" என்றார்.உயிரிழந்தவர்கள்தீயணைப்பு

காவல்துறை அதிகாரி ஒருவர் பேசுகையில், "விருதுநகர் மாவட்டத்தில் 1,087 பட்டாசு தொழிற்சாலைகள் மற்றும் 2,963 சில்லறை விற்பனை கடைகள் உள்ளன. ஆலைகளில், உரிய பாதுகாப்பு விதிகளை கடைப்பிடிக்காதது, முறையற்ற ரசாயன கலவையால் அதிக விபத்துகள் நடக்கிறது. மாவட்டத்தில் 2019 முதல் தற்போது வரை 70க்கும் மேற்பட்ட பட்டாசு ஆலைகளில் விபத்துகள் நடந்துள்ளன. இதில், 150-க்கும் மேற்பட்ட தொழிலாளர்கள் இறந்துள்ளனர். சுமார் 175 பேர் படுகாயம் அடைந்திருக்கின்றனர். செங்கமலப்பட்டி பட்டாசு ஆலையில், பட்டாசு உற்பத்திக்கான பாதுகாப்பு அம்சங்கள் எதுவும் மேற்கொள்ளப்படவில்லை. ஒரே அறையில் 5-க்கும் மேற்பட்ட தொழிலாளர்கள்‌ பணியில் ஈடுபட்டதே வெடிவிபத்துக்கு காரணம். சம்பவம் தொடர்பாக வழக்குப்பதிவு செய்து ஆலை ஒப்பந்ததாரர் முத்துகிருஷ்ணன், போர்மென் சுரேஷ்குமார் ஆகியோர் கைது செய்யப்பட்டுள்ளனர். உரிமையாளரும் மாற்றுத்திறனாளியுமான சரவணனிடம் இது குறித்து உரிய விசாரணை நடத்திவருகிறோம்" என கூறினர்.உயிரிழந்தவர்கள்

வெடிவிபத்து குறித்து மாவட்ட ஆட்சியர் ஜெயசீலன், "கடந்த பிப்ரவரியில் நடந்த வெடிவிபத்தையொட்டி மாவட்டம் முழுவதும் பட்டாசு ஆலைகளில் நடத்தப்பட்ட ஆய்வின்படி செங்கமலப்பட்டி சுதர்சன் பட்டாசு ஆலை செயல்படவில்லை என்றுதான் அறிக்கையில் குறிப்பிடப்பட்டிருக்கிறது. ஓராண்டாக செயல்படாத நிலையிலிருந்த இந்த ஆலையை, கடந் த மார்ச் மாதம்தான் குத்தகைக்கு எடுத்து பட்டாசு உற்பத்தி பணியை தொடங்கியிருப்பது விசாரணையில் தெரியவந்துள்ளது. பட்டாசு ஆலையை குத்தகை எடுத்து நடத்தியது, விதிமீறல் தொடர்பாக கடந்த 3 மாதங்களில் மட்டும் 82 பட்டாசு ஆலைகளின் உரிமங்களை தற்காலிகமாக ரத்துசெய்துள்ளோம். இருப்பினும் தொடர்ச்சியான பட்டாசு விபத்தில் பெரும் உயிர்சேதத்திற்கு காரணம், போதிய பயிற்சி இல்லாத தொழிலாளர்கள் பணியில் அமர்த்தப்படுவதுதான்.ஆட்சியர் ஜெயசீலன்

பட்டாசு விபத்துகளை தவிர்ப்பதற்கும், உயிர்சேதங்களை குறைப்பதற்கும் கட்டாய 'பயிற்சி' வழங்க உத்தரவிடப்பட்டுள்ளது. பயிற்சியை புறக்கணிக்கும் நிறுவனத்தினருக்கு அபராதத்துடன் பயிற்சி வழங்க அறிவுறுத்தப்பட்டுள்ளது. பட்டாசு தயாரிப்பு பயிற்சி பெற்றவர்களுக்கு மட்டுமே பணி என்ற விதியை பட்டாசு ஆலை உரிமையாளர்கள் கடுமையாக கடைப்பிடிக்க வேண்டும். பட்டாசு உற்பத்தியில் ஈடுபடும் ஒவ்வொரு நிறுவனங்களும் தங்களின் உரிமத்தின் வகை, உரிமம் எண், ஆலையில் பயன்படுத்தப்படும் வேதிப்பொருட்கள், கையிருப்பு, தயாரிக்கப்படும் வெடி ரகங்கள் ஆகியவை குறித்து அடுத்த ஒரு வார கால அவகாசத்திற்குள் அறிவிப்பு பலகை வைக்க வேண்டும் என உத்தரவிட்டிருக்கிறோம். செங்கமலப்பட்டியில் நடைபெற்ற வெடிவிபத்து சம்பவத்தில் கைது செய்யப்பட்டவர்களை குண்டர் சட்டத்தில் சிறையில் அடைக்க உத்தரவு பிறப்பிக்கப்பட்டுள்ளது.வெட்டவெளியில்..

பட்டாசு ஆலைகளை குத்தகையின் பெயரிலோ உள்குத்தகைக்கு எடுத்தோ தொழில் செய்யும் உரிமையாளர்கள் மீதும், சம்பந்தப்பட்ட குத்தகைத்தாரர் மீதும் கடுமையான குற்றவியல் நடவடிக்கை எடுக்கவும், குண்டர் சட்டத்தில் கைது செய்யவும் உத்தரவு வழங்கப்பட்டுள்ளது. அதுபோல், பட்டாசு ஆலை ஆய்வு தொடர்பான விஷயங்களில் அலட்சியமாக செயல்படும் அரசு அலுவலர்கள் மீதும் துறைரீதியான நடவடிக்கை எடுக்க உத்தரவிடப்பட்டுள்ளது. வெடி விபத்தில் உயிரிழந்த தொழிலாளர்களின் குடும்பத்தினருக்கும், படுகாயம் அடைந்து காயம்பட்டவர்களின் வாழ்வாதாரத்திற்கும் உதவிடும் வகையில் பட்டாசு தொழிலாளர் வாரியத்திலிருந்து இழப்பீடு நிதி கிடைப்பதற்கும் நடவடிக்கை எடுத்து வருகிறோம். இதற்கான வரன்முறைகள் தயார்செய்யப்பட்டு அரசின் பரிசீலனைக்கு அனுப்பப்பட்டுள்ளன. இதற்கு, அரசின் ஒப்புதல் கிடைத்ததும் விரைவான நடவடிக்கை மேற்கொள்ளப்படும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbசிவகாசியில் இடைவிடாது ஒலிக்கும் மரண ஓலம்; அதிகரிக்கும் பட்டாசு ஆலை வெடி விபத்துகளுக்கு காரணம் என்ன?


http://dlvr.it/T6t1RB

Read More

`உங்கள் செல்வாக்கை சரியான வழியில் பயன்படுத்துங்கள்!' - பாபா ராம்தேவுக்கு உச்ச நீதிமன்றம் அறிவுரை

பாபா ராம்தேவின் பதஞ்சலி நிறுவனம், அல்லோபதி மருத்துவத்துக்கு எதிராக ஆதாரமாற்ற தகவல்களுடன் தங்களின் ஆயுர்வேத தயாரிப்புகளுக்கு விளம்பரம் செய்தது தொடர்பான வழக்கு, உச்ச நீதிமன்றத்தில் நடைபெற்றுவருகிறது. இதில், பாபா ராம்தேவ் மற்றும் பதஞ்சலி நிறுவனத்தின் இயக்குநர் ஆகியோர் உச்ச நீதிமன்றத்தின் கடுமையான கண்டனங்களுக்குப் பிறகு நேரில் ஆஜராகி மன்னிப்பு கேட்டனர்.பாபா ராம்தேவ்

அப்போதுகூட, `உங்களின் மன்னிப்பு வெறும் உதட்டிலிருந்து மட்டுமே வருகிறது', `நீங்கள் எதுவும் தெரியாத அப்பாவியல்ல', `எங்களுக்கு எதுவும் தெரியாது என நினைக்காதீர்கள்', `உங்களின் மன்னிப்பை ஏற்க முடியாது' என அடுத்தடுத்த விசாரணைகளின்போது உச்ச நீதிமன்றம் கூறியது. பின்னர், நாளிதழ்களில் பதஞ்சலி நிறுவனத்தின் சார்பாக பாபா ராம்தேவ் மன்னிப்பு கேட்டு செய்தி வெளியிட்டார். இன்னொருபக்கம், `மத்திய அரசு கண்ணை மூடிக்கொண்டிருக்கிறது', `இது போன்ற விளம்பரங்களுக்கு எதிராக விளம்பர கவுன்சில் என்ன செய்தது' என அரசையும் உச்ச நீதிமன்றம் கேள்விகேட்டது.

இந்த நிலையில், உச்ச நீதிமன்றத்தில் நீதிபதிகள் ஹிமா கோஹ்லி, அஹ்சானுதீன் அமானுல்லா ஆகியோர் அடங்கிய அமர்வில் பதஞ்சலி விளம்பரம் தொடர்பான வழக்கு இன்று மீண்டும் விசாரணைக்கு வந்தது. அப்போது, பதஞ்சலி நிறுவனம் சார்பில் வாதாடிய மூத்த வழக்கறிஞர் பல்பீர் சிங், பதஞ்சலி விளம்பரங்கள் இன்னும் ஒளிபரப்பப்படும் டிவி சேனல்களுக்கு கடிதம் எழுதியிருப்பதாகவும், கேள்விக்குட்படுத்தப்பட்ட பொருள்களின் விற்பனையை நிறுத்தியிருப்பதாகவும் தெரிவித்தார்.உச்ச நீதிமன்றம்

அதைத் தொடர்ந்து, பதஞ்சலி நிறுவன தயாரிப்புகளின் இருப்பு குறித்து பிரமாணப் பாத்திரம் தாக்கல்செய்யுமாறு உத்தரவிட்ட நீதிமன்ற அமர்வு, ``பாபா ராம்தேவுக்கு அதிக செல்வாக்கு இருக்கிறது. அதை சரியான வழியில் பயன்படுத்துங்கள்" என்று கூறியது. அதையடுத்து சொலிசிட்டர் ஜெனரல் துஷார் மேத்தா, `பாபா ராம்தேவ் யோகாவுக்கு நிறைய செய்திருக்கிறார்' என்று கூறியபோது, ``யோகாவுக்கு அவர் என்ன செய்தாரோ அது நல்லதுதான். ஆனால், பதஞ்சலி தயாரிப்புகள் என்பது அதிலிருந்து வேறு விஷயம்" என்று உச்ச நீதிமன்றம் கூறிவிட்டது. பின்னர், அடுத்த விசாரணை ஜூலை 9-ம் தேதிக்கு ஒத்திவைக்கப்பட்டது.Patanjali: பாபா ராம்தேவின் தவறான விளம்பரம்... மத்திய அரசை சாரமாரியாகக் கேள்வி கேட்ட உச்ச நீதிமன்றம்!


http://dlvr.it/T6sZvG

Read More

`மோடியை அழைத்துவந்து விளையாட்டு விழா நடத்துங்கள் என யார் அழுதது?!’ - திமுகவை சாடும் ஆர்.பி உதயகுமார்

``தி.மு.க ஆட்சியில் கூட்டணி கட்சியின் மாவட்ட தலைவர் மரணித்திருக்கிறார்... இச்சம்பவத்தில் எதிர்க்கட்சி தலைவர் அறிவிக்கை கொடுத்துவிட்டு மெளனமாகிவிட்டாரே.!”

``சட்ட ஒழுங்கு பாதுகாக்கப்பட வேண்டுமென தி.மு.க ஆட்சி பொறுப்பேற்ற முதல் நாளில் இருந்தே சுட்டிக் காட்டுகிறார் எடப்பாடியார். மாறாக சட்டம் ஒழுங்கை சீரழிப்பதில் முதன்மை மாநிலமாக தமிழ்நாட்டை மாற்றிவிட்டது தி.மு.க என்பதற்கு இதனைவிட தகுந்த உதாரணம் சொல்ல முடியாது. தமிழ்நாடு காவல்துறை சுதந்திரமாக செயல்பட்டால் ஒரேநாளில் குற்றவாளியை கண்டுபிடிக்கும் ஆற்றலும் அனுபவம் கொண்டிருக்கிறது. காவல்துறையை சுதந்திரமாக செயல்பட தொடர்ந்து இடையூறுகள் இருந்தால் அடுத்த கட்டம் சி.பி.ஐ வசம் வழக்கு மாற்றப்பட வேண்டும் என கோரிக்கை எழும்.” மாவட்ட காங்கிரஸ் தலைவர் ஜெயக்குமார்

``நாடாளுமன்ற தேர்தலில் இராமநாதபுரம் பொறுப்பாளராக பணியாற்றினீர்கள்... ஓ.பி.எஸ் போட்டியாக மேலும் 5 ஓ.பி.எஸ் பெயர் கொண்டவர்களை வேட்பாளராக நிறுத்தியது நீங்கள்தானே!”

``ஓ.பி.எஸ் பெயர் கொண்டவர் தேர்தல் போட்டியிடுவதற்கும் எனக்கும் என்ன சம்பந்தம்? இந்த குற்றசாட்டி எந்த அடிப்படையும் இல்லை. ஒரே பெயர் கொண்டவர்கள் தேர்தலில் போட்டியிடக் கூடாதென்ற மனுவை தள்ளுபடி செய்திருக்கிறது நீதிமன்றம். ஓ.பி.எஸ் பொறுத்தவரை அவர் ஒரு சுயேட்சை வேட்பாளர். அவர் தோற்கடிக்க நாங்கள் வியூகம் அமைத்தோம் என்பதெல்லாம் பொய்.”

``அதேபோல், டிடிவி தினகரனையும் தோற்றகடிப்பதிலேயே குறியாக இருந்ததாக சொல்லப்படுகிறதே..?”ஒ பன்னீர் செல்வம்

``தினகரன், பன்னீர் இருவருமே சுயேட்சை வேட்பாளர்கள் தானே... அவர்களெல்லாம் எங்களுக்கு ஒரு பொருட்டேயில்லை. தி.மு.க-வுக்கும் அ.தி.மு.க-வுக்கும் தான் போட்டி. இரண்டு தனிநபர்களை குறிப்பிட்டு அப்படி செய்வார்கள் இப்படி செய்வார்கள் எனப் கற்பனையில் வண்டி ஓட்டுவது பற்றி எங்களுக்கு கவலையில்லை.” டிடிவி தினகரன்

``கூட்டணி தர்மத்துக்காக பா.ஜ.க-வின் எல்லாச் சட்டங்களையும் திட்டங்களையும் ஆதரித்து, அண்ணா திமுகவை அமித்ஷா திமுகவாக மாற்றி மாற்றி விட்டு... மாநில உரிமைகள் குறித்து எடப்பாடி பேசுவதாக தி.மு.க-வின் ஆர்.எஸ் பாரதி கேட்கிறாரே!”ஸ்டாலின், மோடி

``மாநில உரிமையை பேசுகிறபோது, கூட்டணி தர்மத்துக்காக உரிய அழுத்தங்களை தரமுடியாத சூழல் கடந்தகாலங்களில் ஏற்பட்டது. மத்தியில் யாரையும் சார்ந்திருக்காதபோது தனித்தன்மையுடன் துணிவுடன் மாநில உரிமைக்காக போராடலாம் என்பதால் இம்முடிவெடுத்தோம், அப்படி கூட்டணியில் இருந்தபோதும் 22 நாள்கள் நாடாளுமன்றத்தை முடக்கி காவிரி ஆணையம் அமைத்தோம். தி.மு.க 38 எம்.பிக்கள் வைத்து செய்த ஒரு காரியத்தை சொல்லுங்களேன். நீட் விலக்கு பெற்றார்களா.. பேரிடர் நிவாரண நிதி 38,000 கோடியை பெற்றுவிட்டார்களா.. இதற்கிடையில் மோடியை அழைத்துவந்து விளையாட்டு விழா நடத்துங்கள் என யார் அழுதது.. புறக்கணித்திருக்க தைரியம் இருந்ததா? மேடையில் மோடியும் ஸ்டாலினும் கொஞ்சிக் குளாவிக் கொண்டிருந்ததை பார்த்தோமே.. வெள்ளைக் கொடையுடன் வரவேற்கிற போது `கோ பேக் மோடி’ என்றெல்லாம் பேசுவதில்லை ஏன்.. அப்படியென்றால் எதிர்க்கட்சியென்றால் எதிர்ப்பது.. ஆட்சிக்கு வந்தால் சிவப்பு கம்பளம் விரிப்பதா.? இதற்கு மத்தியில் எங்களை விமர்சிப்பதெல்லாம் சிரிக்கத்தான் தோன்றுகிறது.!”

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88பூத் ஏஜென்ட்கூட இல்லாத கட்சிதான் தி.மு.க-வுக்கு எதிரியா? - ஆர்.பி.உதயகுமார் கிண்டல்


http://dlvr.it/T6s8Tb

Read More