``மகளிருக்கான இலவச பேருந்து... திவாலாக்கும் நடவடிக்கையா?'' L&T சங்கர் ராமன் சொல்வதில் உண்மை என்ன?

மகளிர் நலனை கருத்தில் கொண்டு தமிழ்நாடு, கர்நாடகா, தெலங்கானா போன்ற மாநில அரசுகள் மகளிருக்கு அரசுப் பேருந்துகளில் கட்டணம் இல்லா பயணம் செய்யும் திட்டம் செயல்படுத்தி வருகின்றன. வேலைக்குச் செல்லும் மகளிருக்கு இந்தத் திட்டம் பெரும் பயனுள்ளதாக இருப்பதால் மகளிர் மத்தியிலும் இந்தத் திட்டத்துக்கு நல்ல வரவேற்பு உள்ளது.

இந்நிலையில், தெலங்கானாவில் பெண்களுக்கு கட்டணமில்லா பேருந்து சேவை வழங்குவதால் மெட்ரோ பயணிகளின் எண்ணிக்கை குறைந்துவிட்டதாக, எல்&டி இயக்குநர் சங்கர் ராமன் விமர்சித்துள்ளார். மேலும் 2026-க்கு பிறகு, மெட்ரோ திட்டப் பணிகளில் இருந்து விலக உள்ளதாகவும் தெரிவித்துள்ளார். L&T இயக்குநர் சங்கர் ராமன்விமான சேவை ரத்தானதால் பெண்ணுக்கு நேர்ந்த சோகம்!

ஹைதராபாத் மெட்ரோ ரயில் திட்டத்தைப் பொது-தனியார் கூட்டாண்மை முறையில் லார்சன் அண்ட் டூப்ரோ (எல்&டி) நிறுவனம் கையாண்டு வருகிறது.  இந்த நிலையில், எல் &டி நிறுவனத்தின் இயக்குநர்  சங்கர் ராமன் சமீபத்தில் அளித்த பேட்டி ஒன்றில், ``பெண்கள் மெட்ரோ ரயில்களை பயன்படுத்துவது குறைந்துவிட்டது. இலவச பேருந்துகளில் அதிக எண்ணிக்கையில் செல்கிறார்கள். அதேவேளையில், பஸ்களின் எண்ணிக்கை மற்றும் தரம் உயர்த்தப்படவில்லை. பஸ்களில் பயணம் செய்த ஆண்கள் ரயில்களுக்கு வருகிறார்கள்.

தேர்தல் வாக்குறுதிகளின் அடிப்படையில் எடுக்கப்படும் முடிவுகள் மாநிலத்தின் நிதிநிலைக்கு சாதகமாக அமைவது இல்லை. இந்த விவகாரத்தில் எந்த வேடிக்கையும் இருக்கக் கூடாது. நவீன, பூஜ்ஜிய மாசுபடுத்தாத போக்குவரத்து அமைப்பை உருவாக்க தனியார் முதலீடு பயன்படுத்தப்படுகிறது. ஆனால், அதே நேரத்தில், மாசுபடுத்தும் பேருந்துகளை மக்கள் பயன்படுத்துவதற்கு மாநில அரசு பணம் செலவழிக்கிறது. இது மாநில போக்குவரத்து கழகத்தை திவாலாக்கும் நடவடிக்கை. மெட்ரோ ரயில்சென்னை மெட்ரோ ரயில் திட்டமும் மத்திய அரசின் நிதி ஒதுக்கீடு பாரபட்சமும்! - RTI தகவல் சொல்வதென்ன?

இலவச பேருந்து பயணத் திட்டம் பொது போக்குவரத்தில் பாலின வேறுபாடுகளுக்கு வழிவகுக்கிறது. பெண்கள் பேருந்துகளை இலவசமாகப் பயன்படுத்துகிறார்கள். ஆனால், ஆண்கள் ஒரு பயணத்துக்கு சராசரியாக 35 ரூபாய் செலுத்து கிறார்கள், ஹைதரபாத் மெட்ரோ ரயில் திட்டத்திலிருந்து 2026-க்குப் பிறகு, வெளியேற திட்டமிட்டுள்ளோம்" எனவும் அவர் கூறினார்.

இருப்பினும், இலவச பேருந்து பயணத் திட்டம் அறிமுகப்படுத்தப் படுவதற்கு முன்பே ஹைதராபாத் மெட்ரோ நிதி நெருக்கடியை எதிர்கொண்டது. கடந்த ஜூன் 2021, L&T மெட்ரோ ரயில் அதிகாரிகள், நிதி உதவி கோரி அப்போதைய முதல்வர்  சந்திரசேகர் ராவை சந்தித்தனர். அப்போது பிஆர்எஸ் அரசாங்கத்திடம் சமர்ப்பித்த விவரங்களில், அந்த நிதியாண்டின் முதல் காலாண்டில் மட்டும் நிறுவனம் ரூ.400 கோடி நஷ்டம் ஏற்பட்டதாகத் தெரிவித்திருந்தது. 

மெட்ரோ ரயில்களின் எண்ணிக்கையை அதிகரிக்காதது, கூட்ட நெரிசலைக் கையாளாதது, மெட்ரோவை நீட்டிக்கத் தவறியது போன்றவையே பயணிகளின் எண்ணிக்கை குறையக் காரணமாக இருந்ததாக விமர்சகர்கள் கருத்து தெரிவிக்கின்றனர்.


http://dlvr.it/T6ybpm

Read More

மும்பை ரோடு ஷோ: ``15% பட்ஜெட் நிதியை சிறுபான்மையினருக்கு ஒதுக்க காங்கிரஸ் திட்டம்..!” - மோடி

பிரதமர் நரேந்திர மோடி மகாராஷ்டிராவில் நாசிக், கல்யான் மற்றும் மும்பையில் தேர்தல் பிரசாரம் மேற்கொண்டார். முதலில் நாசிக் மற்றும் கல்யான் போன்ற பகுதியில் நடந்த தேர்தல் பிரசாரக்கூட்டத்தில் கலந்து கொண்டு பேசினார். பின்னர் நேற்று மும்பை காட்கோபர் பகுதியில் நரேந்திர மோடி ரோடு ஷோ நடத்தினார். இதற்காக காட்கோபரில் மெட்ரோ ரயில் சேவை மற்றும் பஸ் சேவை நிறுத்தப்பட்டது.

பிரதான சாலையான எல்.பி.எஸ் மார்க் சாலை பிற்பகல் 2 மணியில் இருந்து மூடப்பட்டது. பிரதமருடன் முதல்வர் ஏக்நாத் ஷிண்டே, துணை முதல்வர் தேவேந்திர பட்னாவிஸ் ஆகியோரும் ரோடுஷோவில் பங்கேற்றனர். சாலையில் இருபுறமும் ஆயிரக்கணக்கான மக்கள் பல மணி நேரம் காத்திருந்து பிரதமர் மோடியை பார்த்தனர். ஆட்டோ மற்றும் பஸ் போக்குவரத்து நிறுத்தப்பட்டதால் பொது மக்கள் எங்கும் செல்ல முடியாத நிலை ஏற்பட்டது.

கல்யாண் பொதுக்கூட்டத்தில் பேசியபோது நரேந்திரமோடி கூறியதாவது, ``காங்கிரஸ் இந்து முஸ்லிம் பிரச்னையை உருவாக்க முயற்சிக்கிறது. மத அடிப்படையில் காங்கிரஸ் நாட்டை பிரிக்க முயற்சி செய்வதை தான் நான் வெளிக்கொண்டு வந்தேன். அவர்களது திட்டத்தை நான் வெளியில் சொல்லக்கூடாதா?. நான் எனது பெயரைப்பற்றி கவலைப்பட்டு இருந்தால் இப்பிரசனை பற்றி பேசி இருக்கமாட்டேன். மத அடிப்படையில் எனது நாடு பிரிய அனுமதிக்க மாட்டேன். அவர்கள் மத அடிப்படையில் ஒரு நாட்டை உருவாக்கினார்கள்.

அப்போது காங்கிரஸ் கட்சியால் எதுவும் செய்ய முடியவில்லை. இப்போது இந்து பட்ஜெட், இதை முஸ்லிம் பட்ஜெட் என்று சொல்வார்கள். நாட்டில் இந்துக்கள், முஸ்லிம்களுக்கு தனி பட்ஜெட் போட முடியுமா? மத அடிப்படையில் பணம் விநியோகம் செய்ய காங்கிரஸ் விருப்பம் தெரிவித்துள்ளது. அதோடு பட்ஜெட்டில் 15 சதவீத தொகையை சிறுபான்மை சமுதாயத்திற்கு செலவிடும்படி காங்கிரஸ் கேட்டுக்கொண்டுள்ளது. மத அடிப்படையில் பட்ஜெட் எவ்வளவு ஆபத்தானது என்று நினைத்து பாருங்கள்.

மன்மோகன் சிங் ஆட்சியில் இதனை கொண்டு வர முயன்றார்கள். பா.ஜ.க எதிர்ப்பு காரணமாக அதனை கைவிட்டார்கள். இப்போது மீண்டும் மத அடிப்படையில் பட்ஜெட் தாக்கல் செய்ய காங்கிரஸ் நினைக்கிறது. அதனை நான் ஒருபோதும் விடமாட்டேன். காங்கிரஸ் கட்சியோடு சேர்ந்திருக்கும் போலி சிவசேனா(உத்தவ்) இவ்விவகாரத்தில் அமைதி காக்கிறது. பாகிஸ்தான் மற்றும் தீவிரவாதிகளுக்கு காங்கிரஸ் நற்சான்று கொடுத்துள்ளது. தேர்தலுக்கு பிறகு போலி சிவசேனா காங்கிரஸ் கட்சியோடு சேர்ந்துவிடும்.

அதன் பிறகு அக்கட்சி இல்லாமல் போய்விடும். தாழ்த்தப்பட்ட மற்றும் பழங்குடியினருக்கான இட ஒதுக்கீட்டை முஸ்லிம்களுக்கு கொடுக்க காங்கிரஸ் திட்டமிட்டுள்ளது. மத அடிப்பையில் இட ஒதுக்கீடு வழங்க அம்பேத்கர் விரும்பவில்லை. தேர்தலில் எதிர்க்கட்சி அந்தஸ்தைக்கூட பெற முடியாத அளவுக்கு காங்கிரஸ் தோல்வி அடையும். இது மகாராஷ்டிராவை சேர்ந்த மூத்த அரசியல் தலைவருக்கு(சரத் பவார்) தெரியும். எனவேதான் சிறிய கட்சிகள் காங்கிரஸ் கட்சியில் இணையவேண்டும் என்று சொல்கிறார். இதன் மூலம் காங்கிரஸ் கட்சிக்கு எதிர்க்கட்சி அந்தஸ்து தான் கிடைக்கும்'' என்று தெரிவித்தார். மும்பையில் வரும் 20ம் தேதி தேர்தல் நடைபெறவுள்ளது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6yC2C

Read More

"தாலி கட்டிய பிறகு மாப்பிள்ளை பார்க்கப் போவது போல உள்ளது..!" - திமுக அரசை சாடிய ஆர்.பி.உதயகுமார்

மதுரை மாவட்டம் செல்லம்பட்டி வட்டாரத்தில் எடப்பாடி பழனிசாமியின் பிறந்த நாள் விழாவில் கலந்துகொண்ட ஆர்.பி. உதயகுமார் செய்தியாளர்களிடம் பேசும்போது, "கட்டுமான நிறுவனங்களுக்கு  அரசு விடுத்திருக்கிற புதிய கட்டுப்பாடுகளை பார்த்து தமிழ்நாட்டு மக்களுக்கு  அழுவதா, சிரிப்பதா என்று தெரியவில்லைஆர்.பி.உதயகுமார்

தமிழகத்தில் வெயிலின் உக்கிரம் உச்சத்தில் இருந்த நாள்களில் கும்பகர்ண தூக்கத்தைவிட அதிகமாக ஆழ்ந்த நித்திரையில் இருந்த திமுக அரசு, அப்போது எந்த நடவடிக்கையும் எடுக்காமல், தற்போது தூங்கியெழுந்து புதிய அறிவிப்பு வெளியிட்டுள்ளதை பார்க்கும்போது சிரிப்புதான் வருகிறது.

இந்த ஆண்டுக்கான தென்மேற்கு பருவமழை வழக்கத்தைவிட முன்னதாகவே, அதாவது மே 19-ஆம் தேதி தொடங்க வாய்ப்பு உள்ளதாக வானிலை ஆய்வு மையம் அறிவித்திருக்கிறது. தமிழகத்தின் மேற்கு மாவட்டங்களிலும், கேரளா, கர்நாடகா, ஆந்திரா போன்ற மாநிலங்களில் தென்மேற்கு பருவமழை பொழிகிறபோது, நம் மாநிலத்தில் அனைத்து அணைகளும் நிறையக்கூடிய வாய்ப்பு உள்ளது.கட்டுமானப் பணி

கடந்த ஆண்டு எதிர்பார்த்த மழைப்பொழிவு இல்லாததால் தமிழக அணைகளில் போதிய நீர் கிடைக்கவில்லை, இந்த சூழலில் பொதுவாக ஜூன் மாதத்தில் தொடங்க வேண்டிய தென்மேற்கு பருவமழை மே மாதம் கடைசியில் அல்லது ஜூன் மாதம் முதல் வாரத்தில் தொடங்குகிறது.

இன்றைக்கு குமரிக்கடல் மற்றும் அதை ஒட்டிய பகுதியில் வளிமண்டல சுழற்சி காணப்படுகிற காரணத்தினால் திண்டுக்கல், தேனி , தென்காசி, திருநெல்வேலி, கன்னியாகுமரி, தூத்துக்குடி, விருதுநகர், ராமநாதபுரம் ஆகிய எட்டு மாவட்டங்களில்  கனமழை பெய்ய வாய்ப்புள்ளது என்றும் சென்னையிலும் சில இடங்களில் இடியுடன் கூடிய மழை பெய்யும் என்று வானிலை ஆய்வு மையம் கூறியுள்ளது

தமிழகத்தில் வெப்பச் சலனம் அதிகரித்து முடிந்து தற்போது கோடை மழை பெய்கிறது. ஆனால் அரசின் அறிவிப்போ தாலி கட்டிய பிறகு மாப்பிள்ளை பார்க்கப் போகிறோம் என்பது போல முட்டாள்தனமாக இருக்கிறது. ஆழ்ந்த தூக்கத்திலிருந்தவர்கள் இப்போதுதான் எழுந்திருக்கிறார்கள் என்று எடுத்துக் கொள்வதா?

 சுட்டெரித்த வெயில் காரணமாக ஹீட் ஸ்ட்ரோக் என்று தொழிலாளர்கள் உயிரை பறிகொடுத்தபோதெல்லாம் தூங்கிக் கொண்டிருந்த இந்த அரசு, கோடைமழை பொழிந்து தென்மேற்கு பருவமழை தொடங்குகிற அறிவிப்பு வந்த பிறகு கட்டுமான வேலைகளுக்கு கட்டுப்பாடு விதித்ததை பார்க்கிறபோது திமுக அரசுக்கும், மக்களுக்கும் மிகப்பெரிய இடைவெளி ஏற்பட்டிருக்கிறது என்பதை இந்த அறிவிப்பு நமக்கு சுட்டிக் காட்டுகிறது. ஆர்.பி. உதயகுமார்

முதலமைச்சர் மக்கள் மீது உண்மையிலேயே அக்கறையோடு இருக்கிறாரா? மக்கள் நலன் சார்ந்த திட்டங்களின் விவரங்களை கேட்டு அறிந்து கொள்கிறாரா? அல்லது ஒரு பொம்மை முதலமைச்சராக செயல்படுகிறாரா?

தேர்தல் அறிக்கையிலே 10,000 கோடியில் ஏரி குளங்கள் பாதுகாப்பு சிறப்பு திட்டம் அறிமுகப்படுத்தப்படும் என்று சொன்னார்கள். மூன்று  ஆண்டுகளுக்கு மேல் ஆகியும் திட்டம் இன்னும் செயல்படுத்தப்படவில்லை. அதேபோல ரூ.2,000 கோடியில் 200 தடுப்பணைகள் கட்டப்படும் என்று சொன்னார்கள், அதையும் செய்யவில்லை. அது கூட பரவாயில்லை, ஆனால் விவசாயிகள் பயன்பெற்ற குடிமராமத்து திட்டத்தை அரசியல் காழ்ப்புணர்ச்சியால் குழிதோண்டி புதைத்திருக்கிறார்கள்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6xv66

Read More

`கெஜ்ரிவால் பேசியது உச்ச நீதிமன்றத்தின்மீதான அப்பட்டமான அவமதிப்பு!' - அமித் ஷா

டெல்லி மதுபானக் கொள்கை ஊழல் வழக்கில் முதல்வர் அரவிந்த் கெஜ்ரிவாலை கடந்த மார்ச் மாதம் அமலாக்கத்துறை கைதுசெய்தது. அதைத் தொடர்ந்து, உச்ச நீதிமன்றத்தில் கெஜ்ரிவாலின் மேல்முறையீட்டு மனுமீதான விசாரணையின்போது அவருக்கு இடைக்கால ஜாமீன் வழங்கலாமா, வேண்டாமா என்ற விவாதம் கிளம்பியது. அப்போது, `தேர்தலைக் காரணம் காட்டி பிரசாரத்துக்காக கெஜ்ரிவாலுக்கு இடைக்கால ஜாமீன் வழங்குவது சட்டத்தின்படி நடக்கும் சாதாரண மக்களுக்கு தவறான முன்னுதாரணமாக அமைந்துவிடும்' என அமலாக்கத்துறை எதிர்த்தது.உச்ச நீதிமன்றம் - அமலாக்கத்துறை - கெஜ்ரிவால்

இருப்பினும், கடந்த வெள்ளிக்கிழமையன்று உச்ச நீதிமன்றம், ஜூன் 1-ம் தேதிவரை கெஜ்ரிவாலுக்கு இடைக்கால ஜாமீன் வழங்கி உத்தரவிட்டது. அதோடு, `2022 ஆகஸ்ட்டில் கெஜ்ரிவால் மீது வழக்கு பதிவுசெய்யப்பட்டிருக்கிறது. ஆனால், ஒன்றரை ஆண்டுகளாக அவரை கைதுசெய்யாமல் தேர்தல் நேரத்தில் கைதுசெய்தது ஏன்?' என அமலாக்கத்துறைக்கு உச்ச நீதிமன்றம் கேள்வியும் எழுப்பியது.

அதைத்தொடர்ந்து வெளியே வந்து பிரசாரங்களில் ஈடுபட்ட கெஜ்ரிவால், `சர்வாதிகாரத்துக்கு எதிராகப் போராடுகிறேன். பா.ஜ.க மீண்டும் ஆட்சியமையத்தால் அமித் ஷா பிரதமராக்கப்படுவார். ஆம் ஆத்மியை நீங்கள் வெற்றிபெறவைத்தால் நான் மீண்டும் சிறையிலடைக்கப்படாமலிருப்பேன்' என்று கூறிவந்தார்.அரவிந்த் கெஜ்ரிவால்

இந்த நிலையில், உச்ச நீதிமன்றத்தை கெஜ்ரிவால் அவமதித்திருப்பதாகவும், அவருக்கு ஜாமீன் வழங்கப்பட்டிருப்பது வழக்கமான தீர்ப்பு இல்லை என்றும் மத்திய உள்துறை அமைச்சர் அமித் ஷா கூறியிருக்கிறார்.அமித் ஷா

தனியார் ஊடகத்துடனான நிகழ்ச்சியில், வெற்றிபெறவைத்தால் மீண்டும் சிறையிலடைக்கப்படாமலிருப்பேன் என்று கெஜ்ரிவால் கூறியது குறித்து எழுப்பப்பட்ட கேள்விக்குப் பதிலளித்த அமித் ஷா, ``இது உச்ச நீதிமன்றத்தின் மீதான அப்பட்டமான அவமதிப்பு. ஒருவர் வெற்றி பெற்றால், அவர் குற்றவாளியாக இருந்தாலும், உச்ச நீதிமன்றம் அவரை சிறைக்கு அனுப்பாது என்று இதன்மூலம் அவர் கூற முயல்கிறார். அவருக்கு ஜாமீன் வழங்கிய நீதிபதிகள், தங்களின் தீர்ப்பு எப்படி தவறாகப் பயன்படுத்தப்படுகிறது என்பதைச் சிந்திக்க வேண்டும். மேலும், இதில் இடைக்கால ஜாமீன் வழங்கப்பட்ட தீர்ப்பு வழக்கமான தீர்ப்பு அல்ல என்று நான் நம்புகிறேன். நாட்டில் பலரும் இவருக்கு மட்டும் ஸ்பெஷல் தீர்ப்பு என்றே நினைக்கின்றனர்" என்று கூறினார்.`பாஜக வென்றால் அமித் ஷாதான் பிரதமர்..!' - கொளுத்திப்போட்ட கெஜ்ரிவால்; சலசலப்பில் பாஜக முகாம்


http://dlvr.it/T6wlZt

Read More

`Southern States will be a Big Surprise’ - மோடி சொல்லும் `தென்னிந்திய’ கணக்குதான் என்ன?

பிரதமர் நரேந்திர மோடி, தனியார் தொலைக்காட்சி ஒன்றுக்கு சமீபத்தில் சிறப்பு நேர்காணல் அளித்திருக்கிறார். அதில், “தற்போது நடைபெற்றுவரும் மக்களவைத் தேர்தலில், தென் மாநிலங்களின் தேர்தல் முடிவுகளில் பா.ஜ.க மிகப்பெரிய ஆச்சர்யத்தைக் கொடுக்கப்போகிறது” என்று மோடி கூறியிருக்கிறர். மோடி

குறிப்பாக, “ஆந்திராவிலும், தெலங்கானாவிலும் மிகப்பெரிய வெற்றியை பா.ஜ.க பெறும். தெலங்கானாவில் க்ளீன் ஸ்வீப்..” என்றும் மோடி நம்பிக்கையாக கூறியிருக்கிறார்.

அதே நேர்காணலில், “இந்தி பேசும் மாநிலங்களில் மட்டுமே பா.ஜ.க செல்வாக்குடன் இருக்கிறதா?” என்ற கேள்வி கேட்கப்பட்டது. அதற்கு, “கோவா, குஜராத், மகாராஷ்டிரா, அஸ்ஸாம், மேற்கு வங்கம், கர்நாடகா ஆகிய மாநிலங்கள் எல்லாம் இந்தி பேசும் மாநிலங்களா? நாடு முழுவதும் பா.ஜ.க இருக்கிறது. நாடு முழுவதும் பா.ஜ.க ‘ஹாட்ரிக்’ வெற்றியைப் பெறப்போகிறது. அமித் ஷா

இதை மோடி சொல்லவில்லை. நாட்டு மக்களே முடிவுசெய்துவிட்டார்கள். 400 இடங்களில் தேசிய ஜனநாயகக் கூட்டணி வெற்றிபெறும். பா.ஜ.க-வும், தேசிய ஜனநாயகக் கூட்டணியும் இதற்கு முந்தைய சாதனைகளை எல்லாம் முறியடிக்கும்” என்று மோடி பதில் சொல்லியிருக்கிறார்.

தென் மாநிலங்கள் குறித்த கேள்விக்கு பதிலளித்த மோடி, “தென் மாநிலங்களின் தேர்தல் முடிவுகளில் மிகப்பெரிய ஆச்சர்யத்தை பா.ஜக அளிக்கும். கேரளா, தமிழ்நாடு, புதுச்சேரி, கர்நாடகா, ஆந்திரா, தெலங்கானா ஆகிய மாநிலங்களில் வரலாற்று ரீதியிலான மாற்றங்களைக் காணப்போகிறீர்கள். பா.ஜ.க-வும், தேசிய ஜனநாயகக் கூட்டணியும் மிகப்பெரிய சாதனையை நிகழ்த்தும். தெலங்கானாவில், ‘க்ளீன் ஸ்வீப்’ ” என்றார் மோடி.பிரதமர் மோடி

தென் மாநிலங்களில் மிகப்பெரிய வெற்றியை பா.ஜ.க பெறும் என்று சொன்ன பிரதமர் மோடி, அதற்கான அடிப்படைக் காரணங்கள் என்ன என்பதைக் குறிப்பிடவில்லை.

ஆனால், south surprise என்று பிரதமர் மோடி பயன்படுத்தியிருக்கும் சொல்லாடலைப் போல, ‘The best ever showing in southern states’ என்ற சொல்லாடை மத்திய உள்துறை அமைச்சர் பயன்படுத்தியிருக்கிறார். சொல்லாடல் வெவ்வேறாக இருந்தாலும் அர்த்தம் ஒன்றுதான். அதாவது, நடைபெறும் மக்களவைத் தேர்தலில் தென் மாநிலங்களில் பா.ஜ.க மிகப்பெரிய வெற்றியைப் பெறும் என்பதுதான் அதன் அர்த்தம்.அமித் ஷா

கடந்த ஏப்ரல் மாதம் தனியார் தொலைக்காட்சி ஒன்று நேர்காணல் அளித்த அமித் ஷா, “தமிழ்நாடு, கேரளா, ஆந்திரா, கர்நாடகா, தெலங்கானா ஆகிய தென் இந்திய மாநிலங்களில் இதுவரை இல்லாத அளவுக்கு பா.ஜ.க-வுக்கு மிகப்பெரிய வெற்றி கிடைக்கும். இந்த மாநிலங்களில் வலுவான தேர்தல் முடிவுகளை எதிர்பார்க்கிறோம். முதன் முறையாக, பிரதமர் மோடியின் செல்வாக்கு தென் இந்தியாவில் அதிகரித்திருக்கிறது. எனவே, அவரது செல்வாக்கு வாக்குகளாகவும், சீட்டுகளாகவும் மாறும் என்று எதிர்பார்க்கிறோம்” என்றார்.மக்களவைத் தேர்தல் முடிவுகளை எதிரொலிக்கிறதா பங்குச்சந்தை நிலவரம்?!

தற்போது பிரதமர் மோடி குறிப்பிட்டிருக்கும் ‘south will surprise’ என்ற சொல்லாடலை, கடந்த ஜனவரி மாதம் கர்நாடகா முன்னாள் முதல்வர் பசவராஜ் பொம்மை பயன்படுத்தியிருக்கிறார். அதாவது, பெங்களூருவில் செய்தியாளர்களிடம் பேசிய பசவராஜ் பொம்மை, “நாடு முழுவதும் மோடி அலை வீசுகிறது. நரேந்திர மோடியை மீண்டும் பிரதமராகப் பார்ப்பதற்கு ஒட்டுமொத்த நாடும் ஆசைப்படுகிறது. தென் இந்தியாவில் ஆச்சர்யம் தரக்கூடிய தேர்தல் முடிவுகள் வரப்போகின்றன. கர்நாடகா, தமிழ்நாடு, தெலங்கானா, ஆந்திரா ஆகிய மாநிலங்களில் அதிகபட்ச இடங்களை பா.ஜ.க கைப்பற்றும்” என்றிருக்கிறார். கர்நாடக முன்னாள் முதல்வர் பசவராஜ் பொம்மை

மேலும், “காஷ்மீர் முதல் கன்னியாகுமரி வரை மோடிக்கு ஆதரவான அலை வீசுகிறது. கர்நாடகாவில் 25-க்கும் மேற்பட்ட தொகுதிகளில் பா.ஜ.க வெற்றிபெறும்” என்றார் பசவராஜ் பொம்மை. தென் மாநிலங்களில் மொத்தம் 130 மக்களவைத் தொகுதிகள் இருக்கின்றன. 2019 மக்களவைத் தேர்தலில், நாடு முழுவதும் மொத்தம் 303 தொகுதிகளில் ஜெயித்த பா.ஜ.க., தென் மாநிலங்களில் வெறும் 29 தொகுதிகளிலேயே வெற்றிபெற்றது. அதிலும் கர்நாடகாவில் மட்டும் 25 தொகுதிகள் கிடைத்தது. கர்நாடகாவை தவிர்த்து 4 இடங்களில் தான் தென்னிந்தியாவில் பாஜக-வால் வெல்ல முடிந்தது.

400 தொகுதிகளில் தேசிய ஜனநாயகக் கூட்டணி வெற்றிபெறும் என்று பிரதமர் மோடி சொல்லும் கணக்குப்படி பார்த்தால், தென் மாநிலங்களில் 70 தொகுதிகளுக்கு மேலாவது ஜெயிக்க வேண்டும். மோடி சொல்வது சரியான கணிப்பு தானா, அல்லது தேர்தல் கால பேச்சா என்பதெல்லாம் ஜூன் 4-ல் தான் பதில் தெரியும்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6wJgH

Read More

``நான் தாய்லாந்து சென்றதை அமித் ஷா அறிந்து கொண்டது எப்படி என சொல்வாரா?!” - காட்டமான பிரியங்கா காந்தி

கடந்த 2019 நாடாளுமன்றத் தேர்தலில் உத்தரப்பிரதேசத்தில் மொத்தமுள்ள 80 தொகுதிகளில் காங்கிரஸ் ஒரேயொரு தொகுதியில் மட்டுமே வெற்றிபெற்றது. அதுவும் காங்கிரஸ் குடும்பத்தின் கோட்டையாகக் கருதப்படும் ரேபரேலியில் சோனியா காந்தி பெற்ற வெற்றி அது. அதேசமயம், காங்கிரஸ் குடும்பத்தின் மற்றொரு கோட்டையான அமேதியில் ராகுல் காந்தி தோல்வியைத் தழுவினார். அந்தத் தேர்தலில், மாயாவதி-அகிலேஷ் யாதவ் கூட்டணி 15 இடங்களில் வெற்றிபெற, பா.ஜ.க தனியாக 62 தொகுதிகளிலும், அதன் கூட்டணிக் கட்சி இரண்டு தொகுதிகளிலும் வெற்றிபெற்றது.ராகுல் காந்தி - பிரியங்கா காந்தி

இப்படியிருக்க, தற்போது நடைபெற்றுக்கொண்டிருக்கும் நாடாளுமன்றத் தேர்தலில், ரேபரேலியில் ராகுல் காந்தியும், அமேதியில், அந்தத் தொகுதியில் 40 ஆண்டுகளாக கட்சிப்பணி செய்துவரும் காங்கிரஸ் நிர்வாகி கிஷோரி லால் சர்மா என்பவரையும் காங்கிரஸ் களமிறக்கியிருக்கிறது. வேட்பாளர்கள் அறிவிக்கப்பட்ட நாள்முதல் ரேபரேலி, அமேதி என இரு தொகுதிகளிலும் காங்கிரஸ் பொதுச்செயலாளர் பிரியங்கா காந்தி தீவிர பிரசாரம் மேற்கொண்டுவருகிறார். இப்படியிருக்க, காங்கிரஸ் குடும்பம் தேர்தலின்போது மட்டுமே அமேதி மற்றும் ரேபரேலிக்கு வருவதாக பா.ஜ.க விமர்சித்துவருகிறது.

இந்த நிலையில், பா.ஜ.க-வின் விமர்சனங்களுக்கு நேற்று எதிர்வினையாற்றுகையில் அமித் ஷாவையும் சேர்த்து சாடிய பிரியங்கா காந்தி, ``பா.ஜ.க கூறுவதில் துளிகூட உண்மை இல்லை. யார் எப்போது எங்கே செல்கிறார்கள், என்ன செய்கிறார்கள் என்பதைக் கண்காணிப்பதில் பெயர்போனவர் அமித் ஷா, குறிப்பாக பெண்களை. சில நாள்களுக்கு முன்பு நான் என் மகளைப் பார்க்க தாய்லாந்து சென்றிருந்ததைத் தேர்தல் கூட்டமொன்றில் அமித் ஷா கூறியிருந்தார்.பிரியங்கா காந்தி

ஆமாம், நான் தாய்லாந்து சென்றிருந்தேன். ஆனால், இதை எப்படி தான் அறிந்துகொண்டார் என்பதை அமித் ஷா கூறுவாரா... அனைத்து தகவல்களையும் வைத்திருக்கும்போது எதற்காக அவர் இவ்வாறு பொய் சொல்ல வேண்டும்" என்று கேள்வியெழுப்பினார்.அமித் ஷா

கடந்த இரண்டு நாள்களுக்கு முன்புகூட, ரேபரேலிக்கு காங்கிரஸ் எதுவுமே செய்யவில்லை என்று அமித் ஷா விமர்சித்ததற்கு, ``காங்கிரஸ் தான் இங்கு ரயில் பெட்டி தொழிற்சாலை, National Institute of Fashion Technology, ரிங் ரோடு, ஐந்து தேசிய நெடுஞ்சாலைகளை கொண்டு வந்தது. நாங்கள் இங்கு எய்ம்ஸ் கொண்டுவந்தோம், நீங்கள் (பாஜக) அதை மூடினீர்களே தவிர வேறென்ன செய்தீர்கள்" என்று பிரியங்கா காந்தி சாடியிருந்தார் என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbRaebareli: முதல் பெண் பிரதமரை அளித்த ரேபரேலியில் `ராகுல் காந்தி'... வரலாறும், கள நிலவரமும்!


http://dlvr.it/T6vsxF

Read More

``இந்து - முஸ்லிம் எனப் பிரித்து பார்த்தால், நான் பொது வாழ்க்கைக்கு தகுதியற்றவனாகிடுவேன்" - மோடி

நாடாளுமன்றத் தேர்தலில் பிரதமர் மோடி மூன்றாவது முறையாக உத்தரப்பிரதேச மாநிலம் வாரணாசியில் போட்டியிடுகிறார். என்.டி.ஏ கூட்டணிக் கட்சித் தலைவர்கள் புடைசூழ நேற்று வேட்புமனுத் தாக்கல் செய்தார். அதைத் தொடர்ந்து தனியார் செய்தி நிறுவனத்துக்கு அளித்த பேட்டியில்,``நான் இந்து - முஸ்லிம் என்று பிரிக்கவில்லை. உங்களால் எவ்வளவு குழந்தைகளை வளர்க்க முடியுமோ அவ்வளவு குழந்தைகளை பெற்றுக்கொள்ளுங்கள் என்றுதான் கூறியுள்ளேன்.மோடி

ஆனால், அக்குழந்தைகளை அரசு ஆதரித்து வளர்க்க வேண்டிய சூழலை உருவாக்க வேண்டாம் என்கிறேன். நான் ஒரு கிராமத்துக்கு வீடுகளைக் கொடுத்தால், 100 சதவிகிதம் அனைத்து பயனாளிகளுக்கும் கொடுக்கிறேன். அவர்கள் எந்த சமூகம், எந்த சாதி, எந்த மதம் என்றெல்லாம் பார்ப்பது கிடையாது. இதுதான் சமூக நீதி, உண்மையான மதச்சார்பின்மை. மேலும் இதில் ஊழல் நடக்க வாய்ப்பில்லை.

முஸ்லிம்கள் எனக்கு வாக்களிப்பார்களா, அவர்களின் வாக்குகள் தேவையா என்றெல்லாம் கேட்கிறீர்கள், என் நாட்டு மக்கள் எனக்கு வாக்களிப்பார்கள் என்று நான் நம்புகிறேன். நான் இந்து - முஸ்லிம் எனப் பிரித்து பார்க்கும்போது, பொது வாழ்க்கைக்கு தகுதியற்றவனாக மாறிவிடுவேன். மேலும் நான் இந்து-முஸ்லிம் எனப் பிரிவினை செய்ய மாட்டேன். அதுதான் என் உறுதியான முடிவு" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88வேட்புமனுத் தாக்கலுக்கு முன் கங்கையில் நீராடிய பிரதமர் மோடி; கங்கை குறித்த அபூர்வ புராணத் தகவல்கள்!


http://dlvr.it/T6vTh9

Read More