`ஆன்லைனில் பங்கேற்பதா?’ - கொதித்த எடப்பாடி... மீண்டும் வெடிக்கும் காவிரி நீர் பங்கீட்டு அரசியல்!

தமிழகத்திற்கு முறைப்படி வழங்க வேண்டிய தண்ணீரை கொடுக்காமல் கர்நாடக அரசு முரண்டு பிடித்து வருகிறது. இந்த ஆண்டு தமிழகத்தில் பெரும்பாலான அணைகளில் தண்ணீர் இல்லாத போதும் கர்நாடக தனது நடைமுறையை மாறிக்கொள்ளவில்லை. எதிர்பார்த்த அளவுக்கு மழை பெய்யாததால், குறைந்த அளவு தண்ணீர் மட்டுமே எங்களிடம் இருக்கிறது. இதனைக்கொண்டு மாநிலத்தின் தேவையை மட்டுமே பூர்த்தி செய்ய முடியும். தமிழகத்திற்கு வழங்க முடியாது என தெரிவித்தது. இதையடுத்து உச்ச நீதிமன்றத்துக்கு சென்றது தமிழக அரசு. இந்த சூழலில் கடந்த 30-ம் தேதி டெல்லியில் காவிரி ஒழுங்குமுறை குழுவின் 95-வது கூட்டம் நடைபெற்றது. இதில் இரண்டு மாநிலங்களை சேர்ந்த அதிகாரிகளும் கலந்து கொண்டனர்.காவிரி

கூட்டத்தில் பேசிய தமிழக அதிகாரிகள், "ஆணையத்தின் உத்தரவுகளை பின்பற்றாமல் கர்நாடக அரசு செயல்பட்டு வருகிறது. இதனால் மே மாத சுற்றுச்சூழல் நீர் அளவான 2.5 டி.எம்.சி, ஏற்கனவே தர வேண்டிய நீர் அளவான, 5.317 டி.எம்.சியை சேர்த்து வழங்க வேண்டும்" என தெரிவிக்கப்பட்டது. அதற்கு பதிலளித்த கர்நாடக அதிகாரிகள், "கர்நாடக அணைகளின் இருக்கும் நீரை கொண்டு மாநிலத்தின் குடிநீர் தேவையை மட்டுமே பூர்த்தி செய்ய முடியும். எனவே தமிழகத்துக்கு நீர் வழங்க முடியாது" என மறுத்தனர். இதையடுத்து குழுவின் அடுத்த கூட்டம் 16-ம் தேதிக்கு ஒத்திவைக்கப்பட்டது.

அதன்படி நடந்த கூட்டத்தில் பங்கேற்ற தமிழக அதிகாரிகள், "நடப்பு மே மாதத்தில் காவிரியில் இருந்து 10 டிஎம்சி தண்ணீர் திறக்கப்பட வேண்டும். ஆனால், இதுவரை 3.8 டிஎம்சி தண்ணீர் தான் திறக்கப்பட்டுள்ளது என்றும் மீதம் 6.2 டிஎம்சி தண்ணீர் திறக்க வேண்டியுள்ளது. அடுத்த மாதம் 9.17 டிஎம்சி தண்ணீர் திறக்க வேண்டும். அதிலும் கால தாமதம் ஏற்பட்டு விடக்கூடாது. இதேபோல் கர்நாடக அதிகாரிகளும் தங்களது கருத்துக்களை தெரிவித்தார்கள். இரண்டு தரப்பு வாதங்களையும் கேட்ட ஒழுங்காற்று குழு, "2.5 டிஎம்சி தண்ணீரை திறந்துவிட வேண்டும்' என காவிரி மேலாண்மை வாரியத்திற்கு பரிந்துரை செய்யப்பட்டுள்ளது. இதையடுத்து வரும் 21-ம் தேதி நடைபெறும் காவிரி மேலாண்மை வாரிய ஆலோசனை கூட்டத்தில் இந்த பரிந்துரை எற்றுக்கொள்ளப்படும் பட்சத்தில் மீண்டும் கர்நாடக மாநில நீர்வளத்துறை அதிகாரிகளுடன் ஆலோசனை நடத்தப்படும். அதையடுத்து இறுதியாக எடுக்கப்படும் முடிவுகளின் அடிப்படையில் தண்ணீர் திறக்கப்படும்.முதல்வர் ஸ்டாலின் - எடப்பாடி பழனிசாமி

இதற்கிடையில் காவிரி மேலாண்மை ஆணையக் கூட்டங்களில் ஆன்லைன் வாயிலாக அதிகாரிகள் பங்கேற்றது தவறான முடிவு என்று அதிமுக பொதுச் செயலாளர் எடப்பாடி பழனிசாமி தெரிவித்துள்ளார். இதுகுறித்து மேலும் அவர், "கர்நாடகத்தில் தங்களது கூட்டணிக் கட்சியான காங்கிரஸ் ஆட்சியில் இருக்கும் நிலையில்கூட, காவிரியில் தமிழகத்திற்குண்டான உரிமை நீரை கேட்டுப் பெறாமல் கபட நாடகம் ஆடி வருகிறார் பொம்மை முதலமைச்சர் ஸ்டாலின். காவிரி நீர் முறைபடுத்தும் குழுக் கூட்டத்தில், தமிழக நீர்வளத் துறை அதிகாரிகள் நேரடியாகச் சென்று பங்கேற்பதை இந்த விடியா திமுக அரசு தடை விதித்துள்ளதாக வந்துள்ள செய்திகள் அதிர்ச்சி அளிக்கிறது.

தமிழகத்திற்கு ஆண்டுதோறும் காவிரியில் இருந்து 177.25 டி.எம்.சி. தண்ணீரை கர்நாடகம் வழங்க வேண்டும் என்று உச்ச நீதிமன்றம் உத்தரவிட்டது. அதன்படி ஒவ்வொரு மாதமும் முறைப்படி தண்ணீர் வழங்கப்படுகிறதா என்பதை உறுதிப்படுத்த உச்ச நீதிமன்ற உத்தரவுப்படி காவிரி மேலாண்மை ஆணையம் மற்றும் காவிரி நீர் முறைபடுத்தும் குழுவும் அமைக்கப்பட்டுள்ளது. காவிரி மேலாண்மைக்கு தேவையான பரிந்துரைகளை, முறைபடுத்தும் குழு வழங்க வேண்டும். இந்த அமைப்புகளின் கூட்டங்கள் டெல்லியில் நடைபெறுவது வழக்கம்.தமிழக அரசு

இதில் உறுப்பினர்களாக உள்ள தமிழ்நாடு, கேரளா, புதுச்சேரி மற்றும் கர்நாடகா ஆகிய மாநிலங்களைச் சேர்ந்த அதிகாரிகள் டெல்லி சென்று கூட்டத்தில் பங்கேற்று தங்களது மாநிலங்களின் கருத்துகளை வலியுறுத்துவார்கள். தமிழக அரசு அதிகாரிகள் டெல்லி செல்லாமல், ஆன்லைன் வாயிலாக காவிரி மேலாண்மை வாரியக் கூட்டத்தில் பங்கேற்க வேண்டும் என்று நீர்வளத் துறைச் செயலாளர் உத்தரவிட்டுள்ளதாக செய்திகள் வந்துள்ளன. காவிரி மேலாண்மை ஆணையத்தைவிட, காவிரி நீர் முறைபடுத்தும் கூட்டத்தில்தான் திடமான விவாதங்கள் நடத்தி தமிழகத்தின் உரிமையைக் காக்க முடியும். விடியா திமுக அரசு பதவியேற்றதில் இருந்து, நீர்வளத் துறை அதிகாரிகள் இந்தக் கூட்டங்களில் தமிழகத்தின் உரிமைகளைப் பெரிதாக விவாதிப்பதில்லை என்று சக அதிகாரிகளே குற்றம் சாட்டுவதாகச் செய்திகள் வருகின்றன.காவிரி விவகாரம்: `நீங்க வேணும்னா தண்ணீர் குடிக்காம சிக்கனமா இருங்க!’ - துரைமுருகனைச் சாடிய பிரேமலதா

கடந்த முறை டெல்லியில் நடைபெற்ற காவிரி மேலாண்மை ஆணையக் கூட்டத்தில், தமிழகப் பிரதிநிதிகளுக்கு தெரியாமலேயே, மேக்கேதாட்டூ அணை கட்டுமான பிரச்னையை மத்திய நீர்வளத் துறை கவனத்திற்கு கொண்டு செல்ல முடிவு செய்யப்பட்ட அவலமும் அரங்கேறியது. அந்தக் கூட்டத்தில் நேரில் பங்கேற்ற நீர்வளத் துறைச் செயலாளர் ஏமாற்றப்பட்டதாக, நீர்வளத் துறை அமைச்சர் அவர்களே ஒப்புதல் வாக்குமூலம் அளித்திருந்தார். நேரில் பங்கேற்கும்போதே இந்த நிலை என்றால், ஆன்லைன் மூலம் பங்கேற்கும் போது, தமிழகத்தின் உரிமைக் குரல் முழுமையாக ஒலிக்குமா என்று டெல்டா விவசாயிகள் கேள்வி எழுப்புகின்றனர்.கான்ஸ்டன்டைன் ரவீந்திரன்

இந்த நிலையில், மேக்கேதாட்டூ அணை மற்றும் காவிரி நீர் விவகாரங்களில் கவனமுடன் செயல்பட வேண்டிய இந்த ஏமாற்று மாடல் அரசு, இனி காவிரி மேலாண்மை ஆணையக் கூட்டங்களில் ஆன்லைன் வாயிலாக அதிகாரிகள் பங்கேற்பார்கள் என்று எடுத்த முடிவு தவறானது. தமிழகத்தின் உரிமைகளை கர்நாடக காங்கிரஸ் அரசின் கால்களில் அடமானம் வைத்துவிட்டு, தங்களது குடும்பத்தினருடைய தொழில்களை எவ்வித இடையூறும் இல்லாமல் நடத்த நினைக்கும் இந்த கபட நாடக விடியா தி.மு.க அரசை கடுமையாகக் கண்டிக்கிறேன்" என காட்டமாக தெரிவித்துள்ளார். ஏற்கெனவே காவிரி விவகாரத்தில் தி.மு.க மென்மையாக அணுகுகிறது என்கிற குற்றச்சாட்டு நிலவி வரும் சூழலில் ஆன்லைனில் அதிகாரிகள் பங்கேற்ற விவகாரம் சர்ச்சையாகி இருக்கிறது.

இதுகுறித்து தி.மு.க செய்தி தொடர்பாளர் கான்ஸ்டன்டைன் ரவீந்திரனிடம் விளக்கம் கேட்டோம், "கபடி பாடும் விஷயமா இது?. நேரில் சென்றால் மட்டும் பயந்து தண்ணீரை திறந்து விடப்போகிறார்களா?. ஏதற்கு எதை பேசுவது என்பது வேண்டாமா?. அந்த கூட்டத்தில் நேரில் சென்று பங்கேற்கவில்லை. இருப்பினும் ஆன்லைன் மூலமாக நமது நியாயத்தை தெரிவித்தோம். இதையடுத்து தமிழகத்திற்கு எவ்வளவு தண்ணீர் திறக்க வேண்டும் என அவர்கள் ஆணை பிறப்பித்து விட்டார்கள். இது எடப்பாடியின் அறியாமையை காட்டுகிறது. புரியாமல் பேசி கொண்டு இருக்கிறார். அவர்கள்தான் நேரில் வந்தால் வரலாம் இல்லை என்றால் ஆன்லைன் மூலம் பங்கேற்கலாம் என சொல்லி இருக்கிறார்கள். அதன்படிதான் அதிகாரிகள் நடந்து கொண்டார்கள். நேரில் செல்ல வேண்டும் என எடப்பாடி சொல்வது எந்த விதத்திலும் நியாயம் இல்லை" என கடுப்பானார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88காவிரி விவகாரம்: `நீங்க வேணும்னா தண்ணீர் குடிக்காம சிக்கனமா இருங்க!’ - துரைமுருகனைச் சாடிய பிரேமலதா


http://dlvr.it/T71gFC

Read More

`காங்கிரஸ் ஆட்சிக்கு வந்தால் ராமர் கோயிலுக்குள் புல்டோசர் வரும்!' - மோடி பகிரங்க குற்றச்சாட்டு

பாபர் மசூதி இடிப்பு வழக்கில், உச்ச நீதிமன்றம் ராமர் கோயில் கட்ட அனுமதி வழங்கியது. அதன்படி, கடந்த நான்கு ஆண்டுகளாக அயோத்தியில் ராமர் கோயில் கட்டுப்பட்டு வந்தது. இத்தகைய சூழலில் நாடாளுமன்றத் தேர்தல் நடைபெறும் இந்த ஆண்டு (2024) தொடங்கியதும், முழுமையாக கட்டிமுடிக்கப்படாத நிலையிலும் ராமர் கோயிலுக்கு ஜனவரி 22-ல் பிரதமர் மோடி தலைமையில் பிராண பிரதிஷ்டை நடத்தப்பட்டது. அயோத்தி ராமர் கோயில் - மோடி

அப்போதும், இந்தியாவின் முதல் பழங்குடியின குடியரசுத் தலைவரான திரௌபதி முர்முவுக்கு அழைப்பு விடுக்கப்படவில்லை என சர்ச்சை கிளம்பியது. இன்னொருபக்கம், காங்கிரஸ் உட்பட இந்தியா கூட்டணி கட்சிகளும் ராமர் கோயில் பிராண பிரதிஷ்டை அழைப்பைப் புறக்கணித்து நிகழ்ச்சியில் பங்கேற்கவில்லை. காங்கிரஸ் கமிட்டி தலைவர் மல்லிகார்ஜுன கார்கே, அன்று ராமர் கோயில் நிகழ்ச்சிக்கு சென்றால் அவமானப்படுத்தப்படுவோம் எனப் பயந்ததாக சமீபத்தில் விளக்கமளித்திருந்தார். இன்னொருபக்கம், தேர்தலுக்காகவே கட்டிமுடிக்கப்படாத கோயிலுக்கு பா.ஜ.க பிராண பிரதிஷ்டை நடத்தியது என எதிர்க்கட்சிகள் விமர்சித்தன.

அதற்கேற்றவாறே, தற்போது நடைபெற்றுக்கொண்டிருக்கும் நாடாளுமன்றத் தேர்தல் பிரசாரங்களில் அயோத்தியில் நாங்கள்தான் ராமர் கோயிலைக் கொண்டுவந்தோம் என பா.ஜ.க தலைவர்கள் பிரசாரம் செய்துவருகின்றனர். பா.ஜ.க-வைச் சேர்ந்த அஸ்ஸாம் முதல்வர் ஹிமந்தா பிஸ்வா சர்மா ஒருபடி மேலே சென்று, `கடந்த தேர்தலில் 300 இடங்களை வென்று அயோத்தியில் ராமர் கோயிலைக் கொண்டுவந்தோம். எனவே, இந்த முறை 400 இடங்களை வென்றால் மதுராவில் மசூதி இருக்கும் கிருஷ்ணர் ஜென்மபூமியில் கோயிலும், ஞானவாபியில் மசூதி இருக்கும் இடத்தில் விஸ்வநாதர் கோயிலும் எழுப்புவோம்' என மத ரீதியாகப் பிரசாரம் செய்தார்.மோடி

இந்த நிலையில், காங்கிரஸ் மீண்டும் ஆட்சிக்கு வந்தால் ராமர் கோயிலுக்குள் புல்டோசரைக் கொண்டுவருவார்கள் என்று மோடி கூறியிருக்கிறார்.

உத்தரப்பிரதேசத்தின் பாரபங்கியில் இன்று நடைபெற்ற பொதுக்கூட்டத்தில் இதனைத் தெரிவித்த மோடி, ``சமாஜ்வாதியும், காங்கிரஸும் ஆட்சிக்கு வந்தால், ராம் லல்லா மீண்டும் கூடாரத்துக்குச் செல்வார். அவர்கள் ராமர் கோயிகோயிலுக்குள் புல்டோசரைக் கொண்டுவருவார்கள். ஆனால், எங்கு புல்டோசர் கொண்டுவர வேண்டும், எங்கு கொண்டுரக் கூடாது என்பதை யோகி ஆதித்யநாத்திடம் அவர்கள் டியூஷன் எடுக்க வேண்டும்" என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88தீவிரம் காட்டும் மோடி & கோ; கூட்டணி நம்பிக்கையில் `I.N.D.I.A’ - உச்சகட்டத்தில் உ.பி அரசியல் களம்


http://dlvr.it/T71FKr

Read More

I.N.D.I.A: `சிலர் தவறாகப் புரிந்து கொண்டுள்ளனர்..!’ - 24 மணிநேரத்துக்குள் தன் கருத்தை மாற்றிய மம்தா

மேற்கு வங்கத்தில் மே 20-ம் தேதி ஐந்தாவது கட்ட வாக்குப்பதிவு நடைபெறுகிறது. இந்தியா கூட்டணியின் முக்கிய கட்சியான திரிணாமுல் காங்கிரஸ் தலைவர் மம்தா பானர்ஜி, ``இந்தியா கூட்டணி வெற்றி பெற்று மத்தியில் ஆட்சியமைத்தால் திரிணாமுல் காங்கிரஸ் இந்தியா கூட்டணியில் இருக்காது. ஆனால், கூட்டாளியாக வெளியிலிருந்து ஆட்சியமைக்க ஆதரவளிப்போம். மசோதாக்களில் இந்தியா கூட்டணிக்கு வாக்களிப்போம்" எனக் குறிப்பிட்டிருந்தார். மம்தா பானர்ஜியின் இந்த கருத்து இந்தியா கூட்டணியில் சலசலப்பை ஏற்படுத்தியது.மம்தா பானர்ஜியுடன் ராகுல் காந்தி

அதைத் தொடர்ந்து, மேற்கு வங்க காங்கிரஸ் தலைவர் ஆதிர் ரஞ்சன் செளத்ரி,``மேற்கு வங்கத்தில் கூட்டணியை உடைத்த மம்தாவை என்னால் நம்பமுடியவில்லை. அவர் சந்தர்ப்பவாதத் தலைவர். மேற்கு வங்க முதல்வர் ஏற்கனவே என்.டி.ஏ கூட்டணிக்கு ஆதரவளிக்கத் தயாராக இருக்கிறார். ஒருவேளை தேர்தல் முடிவு அவர்களுக்குச் சாதகமாக இருந்தால், அவர் அங்குச் சென்றுவிடுவார். இந்தியா கூட்டணியில் விரிசல் விழ மம்தா பானர்ஜிதான் காரணம்" எனச் சாடியிருந்தார்.

வங்காள சிபிஐ(எம்) மூத்த தலைவர் சுஜன் சக்ரவர்த்தி, ``திரிணாமுல் காங்கிரஸ் கட்சித் தலைவரின் கருத்து இரட்டை நிலைப்பாட்டைக் காட்டுகிறது. அவர் இரண்டு கதவுகளையும் திறந்து வைக்க விரும்புகிறார். ஒருபுறம், அவர் தனது ஆதரவை இந்தியா கூட்டணிக் கட்சிகளுக்கு உறுதியளிக்கிறார். மறுபுறம், பிரதமர் மோடிக்கு 'இந்தியா கூட்டணிக்கு வெளியில் இருந்து மட்டும் தான் ஆதரவை வழங்குவேன்' என்று செய்தி அனுப்புகிறார். இது ஒரு சமநிலைப்படுத்தும் செயல். சூழலுக்கு ஏற்ற முடிவெடுக்கும் உத்தி" எனக் குறிப்பிட்டார்.ஆதிர் ரஞ்சன் சௌத்ரி

இந்த நிலையில், மம்தா பானர்ஜி அவரின் கருத்தை 24 மணி நேரத்தில் திரும்பப் பெற்றிருக்கிறார். இது குறித்து அவர் தம்லுக்கில் நடந்த பிரசாரம் கூட்டத்தில்,``அகில இந்திய அளவில், எனது அறிக்கையைச் சிலர் தவறாகப் புரிந்து கொண்டுள்ளனர். நான் இந்தியக் கூட்டணியில் முக்கிய அங்கம் வகிக்கிறேன். இந்தியக் கூட்டணி எனது சிந்தனையில் உருவானது. நாங்கள் தேசிய அளவில் ஒன்றாக இருக்கிறோம், தொடர்ந்து ஒன்றாக இருப்போம். ஆனால் மாநில கூட்டணிக்கும் தேசிய அளவில் இந்தியக் கூட்டணிக்கும் இடையே வேறுபாடு இருக்கிறது. மேற்குவங்கத்தில் சிபிஐ(எம்), காங்கிரஸ் கட்சிகள் தான் பா.ஜ.க-வுடன் இருக்கிறார்கள்" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88`காங்கிரஸ், சி.பி.எம் கட்சிகளுக்கு வாக்களிப்பது மோடிக்கு சாதகமாகிவிடும்..!' - எச்சரிக்கும் மம்தா


http://dlvr.it/T70st5

Read More

கட்சி மாறி வந்தவர்களில் 106 பேருக்கு சீட் - பாஜக-வின் ‘பலே’ வியூகம் பலன் தருமா?!

இந்தியாவில் அரசியல்வாதிகள் கட்சி மாறுவது வழக்கமான ஒன்றுதான். தேசியக் கட்சிகள், மாநிலக் கட்சிகள் என எல்லா கட்சிகளிலும் கட்சி மாறியவர்கள் உண்டு. ஆனால், கட்சி மாறிவந்தவர்களில் அதிகமானோர் தேர்தலில் வேட்பாளர்களாக நிறுத்தப்பட்டிருக்கிறார்கள் என்ற செய்தி கவனத்துக்குரியதாக மாறியிருக்கிறது. பாஜக

அதுவும், மத்தியில் பத்தாண்டுகளாக ஆட்சியில் இருந்த ஒரு கட்சியின் வேட்பாளர்களில் 25 சதவிகிதம் பேர் வேறு கட்சிகளிலிருந்து மாறிவந்தவர்கள் என்பது கவனத்துக்குரியது.

இந்த மக்களவைத் தேர்தலில், நாடு முழுவதும் பா.ஜ.க சார்பில் மொத்தம் 435 வேட்பாளர்கள் நிறுத்தப்பட்டிருக்கிறார்கள். அவர்களில், 106 வேட்பாளர்கள் வேறு கட்சிகளிலிருந்து மாறிவந்தவர்கள். அவர்கள், பா.ஜ.க-வின் மொத்த வேட்பாளர்களில் 25 சதவிகிதம் பேர் என்பது குறிப்பிடத்தக்கது.பிரசாரத்தில் மோடி

குறிப்பாக, உத்தரப்பிரதேசம், மேற்கு வங்கம், மத்தியப்பிரதேசம், மகாராஷ்டிரா, பஞ்சாப் உள்பட பல மாநிலங்களில் பா.ஜ.க சார்பில் போட்டியிடும் வேட்பாளர்கள் வேறு கட்சிகளிலிருந்து வந்தவர்கள். சில மாநிலங்களில் தகுதிவாய்ந்த வேட்பாளர்கள் இல்லாத காரணத்தால், வேறு கட்சிகளிலிருந்து வந்தவர்கள் வேட்பாளர்களாக நிறுத்தப்பட்டிருக்கிறார்கள்.

மேற்கு வங்கத்தில் பரக்பூர் தொகுதி எம்.பி-யாக இருப்பவர் அர்ஜுன் சிங். இவர், திரிணாமுல் காங்கிரஸிலிருந்து பா.ஜ.க-வில் இணைந்து பரக்பூர் தொகுதியிலிருநது எம்.பி-யாகத் தேர்வுசெய்யப்பட்டவர். இந்த முறை மீண்டும் இதே தொகுதியில் அவர் பா.ஜ.க வேட்பாளராக நிறுத்தப்பட்டிருக்கிறார். திரிணாமுல் காங்கிரஸில் நான்கு முறை எம்.எல்.ஏ-வாக இருந்தவர் தபஸ் ராய். இவர், பா.ஜ.க-வில் இணைந்த பிறகு கொல்கத்தா வடக்கு தொகுதியில் வேட்பாளராக நிறுத்தப்பட்டிருக்கிறார். சுவேந்து அதிகாரி

திரிணாமுல் காங்கிரஸில் இரண்டு முறை எம்.எல்.ஏ-வாக இருந்தவர் சில்பத்ரா தத்தா. இவர் 2021-ம் ஆண்டு பா.ஜ.க-வில் சேர்ந்தார். தற்போது, டம் டம் மக்களவைத் தொகுதியில் பா.ஜ.க வேட்பாளராக நிறுத்தப்பட்டிருக்கிறார். திரிணாமுல் காங்கிரஸில் நகராட்சித் தலைவராக இருந்த சௌமேந்து அதிகாரி, தற்போது பா.ஜ.க வேட்பாளராக கான்தி தொகுதியில் போட்டியிடுகிறார்.

இவர், பா.ஜ.க சட்டமன்ற எதிர்க்கட்சித் தலைவராக சுவேந்து அதிகாரியின் சகோதரர் ஆவார். திரிணாமுல் காங்கிரஸில் ஹவுரா மேயராக இருந்த ரிதின் சக்கரவர்த்தி, தற்போது ஹவுரா மக்களவைத் தொகுதியில் பா.ஜ.க வேட்பாளராகப் போட்டியிடுகிறார்.ஜோதிராதித்யா சிந்தியா

அதேபோல, பஞ்சாப் மாநிலத்தில் பா.ஜ.க சார்பில் போட்டியிடும் சில வேட்பாளர்கள் காங்கிரஸ் உள்ளிட்ட வேறு கட்சிகளிலிருந்து வந்தவர்கள். பா.ஜ.க சார்பில் ஃபெரோஸ்பூர் தொகுதியில் போட்டியிடும் ராணா குர்மித் சிங் சோதி, காங்கிரஸ் ஆட்சியில் அமைச்சராக இருந்தவர்.

அதேபோல, ஹோஷியார்பூர் தொகுதியில் போட்டியிடும் பா.ஜ.க வேட்பாளரான ராஜ்குமார் சப்பேவால் வேறு கட்சியிலிருந்து வந்தவர். மத்தியப்பிரதேச மாநிலம் குணா தொகுதியில் போட்டியிடும் மத்திய அமைச்சர் ஜோதிராதித்யா சிந்தியா, 2019 மக்களவைத் தேர்தலில் இதே குணா தொகுதியில் காங்கிரஸ் வேட்பாளராகப் போட்டியிட்டு தோல்வியடைந்தவர்.`Southern States will be a Big Surprise’ - மோடி சொல்லும் `தென்னிந்திய’ கணக்குதான் என்ன?

ஆந்திராவில் களமிறக்கப்பட்டிருக்கும் ஆறு பா.ஜ.க வேட்பாளர்களில் ஐந்து பேர் வேறு கட்சிகளிலிருந்து வந்தவர்கள். தெலங்கானாவில் பா.ஜ.க-வின் 17 வேட்பாளர்களில் 11 பேர் கட்சி மாறி வந்தவர்கள். இவர்கள் எல்லோருமே கடந்த பத்தாண்டுகளுக்கு முன்பு தொடங்கி, கடந்த மார்ச் மாதம் வரை வேவ்வேறு கட்சிகளிலிருந்து வந்து பா.ஜ.க-வில் இணைந்தவர்கள் என்பது குறிப்பிடத்தக்கது. மோடி

ஆனால், வேறு கட்சியிலிருந்து வந்தவர்களை கணிசமான எண்ணிக்கையில் வேட்பாளராக பா.ஜ.க நிறுத்தியிருப்பதுதான் விமர்சனத்துக்கு உள்ளாகியிருக்கிறது. ஆனால், செல்வாக்கு மிக்க நபர்களை வேட்பாளர்களாக நிறுத்தியிருப்பதாகவும், இது பா.ஜ.க-வின் வெற்றிக்கான உத்திகளில் ஒன்று என்றும் பா.ஜ.க தரப்பில் கூறுகிறார்கள். அதே நேரம் நீண்ட காலம் கட்சியில் பணியாற்றியவர்களுக்கு வாய்ப்பு மறுக்கப்பட்டுள்ளதாக கட்சிக்குள்ளும் சில கலக குரல்கள் எழத் தொடங்கியுள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T70Zpt

Read More

'சிங்கப்பூரின் பிரதமரான லாரன்ஸ் வோங்' - 59 ஆண்டு கால 'லீ' அரசியல் சகாப்தம் முடிவுக்கு வந்தது எப்படி?

கடந்த 1965-ம் ஆண்டு சிங்கப்பூர் சுதந்திரம் பெற்றது. இதையடுத்து மக்கள் செயல் கட்சியை சேர்ந்த லீ குவான் யூ பிரதமரானார். அவர் எடுத்த முன்னெடுப்புகள் அந்த நாட்டை வளர்ச்சி பாதைக்கு அழைத்து சென்றது. இதையடுத்து லீ குவான் யூ நவீன சிங்கப்பூரின் தந்தை என அழைக்கப்பட்டார். பிறகு கடந்த 1984-ம் ஆண்டு வாக்கில் தனது மகன் லீ சியென் லூங்யை பின்வரிசை உறுப்பினராக அரசியலில் கொண்டுவந்தார். படிப்படியாக வளர்ந்து 2004-ம் ஆண்டு தலைமை பொறுப்புக்கு வந்தார். அப்போது, 'லீ குடும்பத்தினர் குடும்ப அரசியல் செய்கிறார்கள்' என்கிற குற்றச்சாட்டு நாடுமுழுவதும் வெடித்தது. அதையெல்லாம் பொருட்படுத்தாமல் நாட்டை முன்னேற்ற பாதைக்கு அழைத்து சென்றார்.லாரன்ஸ் வோங்

முன்னதாக கடந்த வாரம் லீ சியென் லூங் அளித்த பேட்டியில், "இதுநாள் வரை எனக்கு ஆதரவு வழங்கி வந்த சிங்கப்பூர் மக்களுக்கு நன்றியை தெரிவித்து கொள்கிறேன். மற்ற எல்லோரையும் முந்த வேண்டும் என நான் முயற்சிக்கவில்லை. மாறாக அனைவரையும் என்னுடன் சேர்ந்து ஓட வைக்க முயற்சித்தேன். இதன் மூலம் நாங்கள் சில வெற்றிகளைப் பெற்றுள்ளோம். எனது தந்தை, அவருக்கு முன் பிரதமராக இருந்த கோ சோக் டோங்க் ஆகியோரது செயல்முறையிலிருந்து விலகி, எனது பாணியில் காரியங்களை செய்ய முயன்றேன்" என்றார்.

இதுகுறித்து கருத்து தெரிவித்துள்ள அரசியல் நோக்கர்கள், "லீ சியென் லூங் பதவியேற்ற சமையத்தில் அவரை பலரும் குடும்ப அரசியல் செய்வதாக கடுமையாக விமர்சனம் செய்தார்கள். இருப்பினும் 20 ஆண்டுகளுக்கு மேலாக பதவியில் நீடித்து வந்தார். இதற்கு சிங்கப்பூரின் பொருளாதாரத்தை மேம்படுத்துவதற்கு அவர் மேற்கொண்ட முன்னெடுப்புகள் தான் முக்கிய காரணம். இதனால் அந்த நாட்டின் தனிநபர் மொத்த உள்நாட்டு உற்பத்தி இரு மடங்குக்குக் மேல் அதிகரித்துள்ளது. மேலும் சர்வதேச நிதி அதிகார மையமாகவும், சிறந்த சுற்றுலாத் தலமாகவும் சிங்கப்பூர் மாறியது. குறிப்பாக கோவிட் பெருந்தொற்றின் போது உலக நாடுகள் பெரும் பொருளாதார நெருக்கடிக்கு உள்ளாகின. ஆனால் சிங்கப்பூரை பெரிய பிரச்னையில் சிக்கிவிடாமல் லீ பார்த்துக்கொண்டார்.லீ சியென் லூங்

அதேநேரத்தில் இவரது ஆட்சியில் பல்வேறு விமர்சனங்களும் இருக்கின்றன. குறிப்பாக மக்களின் பேச்சு சுதந்திரம் தீவிரமாகக் கட்டுப்படுத்தப்பட்டுள்ளது. இதேபோல் தொழிலாளர் பற்றாக்குறை ஏற்பட்ட சமயங்களில் அதிக எண்ணிக்கையிலான புலம்பெயர்ந்தோரை அனுமதிக்க முடிவு செய்யப்பட்டது. இது சிங்கப்பூர் மக்களை அதிருப்திக்கு உள்ளாகியது. இந்த அதிருப்தியில் காரணமாக லீ மீதான மக்கள் செல்வாக்கு குறைந்தது. இதன் விளைவு கடந்த 2011, 2020-ல் நடந்த தேர்தல்களில் மிகக் குறைந்த வாக்கு சதவீதத்தை மட்டுமே லீ கட்சியால் பெற முடிந்தது. இதேபோல் அந்த நாட்டில் மக்கள் பொது வீட்டுக் கட்டடங்களில் தான் வசித்து வருகிறார்கள். வாங்கும் போது மதிப்பு அதிகமாக இருப்பதும், நாளடைவில் குறைந்து விடுவதும் மக்களிடத்தில் அதிருப்தியை உண்டாக்கி இருக்கிறது.`கமலாலயம்’ இடம் மாறும் விவகாரம் - சக்கரவர்த்தி Vs கரு.நாகராஜன் மோதல்?! - பின்னணி என்ன?

இதற்கும் மேலாக லீ சியென் லூங்கிற்கும் அவரின் சகோதரர்களுக்கும் இடையில் மோதல் நிலவி வந்தது. ஒருகட்டத்தில் தங்களை லீ கடுமையாக துன்புறுத்தி விட்டார். தனது அரசியல் லாபத்துக்காக தந்தையின் செல்வாக்கை பயன்படுத்தி கொண்டார். அதிகாரத்தை துஷ்பிரயோகம் செய்கிறார். அரசின் நிர்வாக அமைப்புகளை குடும்ப உறுப்பினர்களுக்கு எதிராக பயன்படுத்துகிறார்' என்றெல்லாம் கடுமையாக விமர்சனம் செய்ததுடன் வெளிநாடுகளுக்கு சென்று வசித்து வருகிறார்கள். இதை லீ மறுத்தாலும் மக்கள் மனநிலை அவருக்கு எதிராக மாறியது. இதையடுத்துதான் தனது பதவியை லாரன்ஸ் வோங்யிடம் ஒப்படைக்க உள்ளார்" என்றனர்.சிங்கப்பூர்

தொடர்ந்து பேசியவர்கள், "சிங்கப்பூர் மக்களிடத்தில் லீ அதீத செல்வாக்கு மிகுந்தவராக இருந்தார். 45 ஆண்டுகாலமாக லீ குடும்பத்தை சேர்ந்தவர்கள்தான் சிங்கப்பூரை ஆட்சி செய்து வந்தார்கள். ஆனால் குடும்ப பிரச்னை, புலம்பெயர்ந்தோரை அளவுக்கு அதிகமாக அனுமதித்தது போன்றவை தான் சிக்கலை ஏற்படுத்தியது. இதையடுத்து முன்னாள் பொருளாதார நிபுணரும் அரசு ஊழியருமான லாரன்ஸ் வோங்யிடம் தனது பதவியை ஒப்படைத்துள்ளார். வோங் ஒரு காலத்தில் லீயின் முதன்மை தனிச் செயலாளராகப் பணியாற்றி வந்தார். லீ-க்கு பிறகு மூத்த அமைச்சரான ஹெங் ஸ்வீ கீட் தலைமை பொறுப்புக்கு வருவார் என எதிர்பார்க்கப்பட்டது.

ஆனால் வயது முதிர்வு காரணமாக வோங் தலைமை பொறுப்புக்கு வந்து இருக்கிறார். இவர் கோவிட் காலத்தில் சிறப்பாக செயல்பட்டதால் மக்களிடத்தில் நன்கு பரிச்சயமானவர். சாதாரண குடும்பத்தில் பிறந்து வளர்த்தவர். உள்ளூர் பள்ளியில் படித்தவர் என்பதும் அவருக்கு கூடுதல் சிறப்பாக இருக்கிறது. சமீபத்தில் செய்தியாளர்களிடம் பேசிய லாரென்ஸ் வோங், "சிங்கப்பூர் மக்களுக்கு நான் என்றும் உறுதுணையாக இருப்பேன். குறிப்பாக மூத்த குடிமக்கள், ஏழைகளின் வசதிக்கு பாடுபடுவேன். அமெரிக்க-சீனா உறவுமுறையில் தற்போதிருக்கும் நிலையே தொடரும்" என்றார்.சிங்கப்பூர்

இதையடுத்து வோங் சந்திக்க இருக்கும் சவால்கள் குறித்து பேசிய சர்வதேச அரசியல் நோக்கர்கள், "லீ சிங்கப்பூரை சர்வதேச நிதி அதிகார மையமாகவும், சிறந்த சுற்றுலாத் தலமாகவும் மாற்றினார். அதன் தனிநபர் மொத்த உள்நாட்டு உற்பத்தி கடந்த இரண்டு தசாப்தங்களில் இரு மடங்காக அதிகரித்துள்ளது. இது அமெரிக்காவின் தனிநபர் மொத்த உள்நாட்டு உற்பத்தியை விட அதிகமாக உள்ளது. இருப்பினும், சமீபத்திய ஆண்டுகளில், நாட்டிற்கு புதிய சவால்கள் உருவாகியுள்ளன. அதிக வாழ்க்கைச் செலவுகள் குறித்து சிங்கப்பூர் மக்களிடையே அதிருப்தி உள்ளது. சிங்கப்பூர் உலகின் மிக விலையுயர்ந்த நகரங்களில் ஒன்றாகும். நாட்டில் குறைந்தபட்ச ஊதியம் இல்லை. வீட்டுச் செலவுகள் உயர்ந்துள்ளன.

குடியேற்றமும் சர்ச்சைக்குரிய ஒன்றாக மாறியுள்ளது. சிங்கப்பூரின் கிட்டத்தட்ட ஆறு மில்லியன் மக்களில் 40% பேர் அந்நாட்டின் குடிமக்கள் அல்ல. இது இனவெறி மற்றும் மதவெறியின் மிக மோசமான வடிவத்திற்கு வழிவகுத்தது என எண்ணுகிறார்கள். மற்றொரு பிரச்னை கடுமையாக இருக்கும் கருத்துச் சுதந்திரம். அமெரிக்க-சீனா உறவுமுறையில் தற்போதிருக்கும் நிலையே தொடரும் என தெரிவித்து இருந்தாலும் அதில் மிகவும் கவனமாக இருக்க வேண்டிய அவசியம் உள்ளது. சிங்கப்பூரின் மிகப்பெரிய வர்த்தகப் கூட்டாளியாக சீனா இருந்தாலும், சிங்கப்பூரில் உள்ள அனைத்து அந்நிய நேரடி முதலீட்டில் 20%க்கும் அதிகமான பங்கை அமெரிக்கா கொண்டுள்ளது. சிங்கப்பூர் அமெரிக்காவுடன் இராணுவ உறவுகளையும் கொண்டுள்ளது. எனவே இதில் யாருக்கு எதிராக செயல்பட்டாலும் சிக்கல் ஏற்படும்" என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88`கமலாலயம்’ இடம் மாறும் விவகாரம் - சக்கரவர்த்தி Vs கரு.நாகராஜன் மோதல்?! - பின்னணி என்ன?


http://dlvr.it/T70Lfd

Read More

``மகளிருக்கான இலவச பேருந்து... திவாலாக்கும் நடவடிக்கையா?'' L&T சங்கர் ராமன் சொல்வதில் உண்மை என்ன?

மகளிர் நலனை கருத்தில் கொண்டு தமிழ்நாடு, கர்நாடகா, தெலங்கானா போன்ற மாநில அரசுகள் மகளிருக்கு அரசுப் பேருந்துகளில் கட்டணம் இல்லா பயணம் செய்யும் திட்டம் செயல்படுத்தி வருகின்றன. வேலைக்குச் செல்லும் மகளிருக்கு இந்தத் திட்டம் பெரும் பயனுள்ளதாக இருப்பதால் மகளிர் மத்தியிலும் இந்தத் திட்டத்துக்கு நல்ல வரவேற்பு உள்ளது.

இந்நிலையில், தெலங்கானாவில் பெண்களுக்கு கட்டணமில்லா பேருந்து சேவை வழங்குவதால் மெட்ரோ பயணிகளின் எண்ணிக்கை குறைந்துவிட்டதாக, எல்&டி இயக்குநர் சங்கர் ராமன் விமர்சித்துள்ளார். மேலும் 2026-க்கு பிறகு, மெட்ரோ திட்டப் பணிகளில் இருந்து விலக உள்ளதாகவும் தெரிவித்துள்ளார். L&T இயக்குநர் சங்கர் ராமன்விமான சேவை ரத்தானதால் பெண்ணுக்கு நேர்ந்த சோகம்!

ஹைதராபாத் மெட்ரோ ரயில் திட்டத்தைப் பொது-தனியார் கூட்டாண்மை முறையில் லார்சன் அண்ட் டூப்ரோ (எல்&டி) நிறுவனம் கையாண்டு வருகிறது.  இந்த நிலையில், எல் &டி நிறுவனத்தின் இயக்குநர்  சங்கர் ராமன் சமீபத்தில் அளித்த பேட்டி ஒன்றில், ``பெண்கள் மெட்ரோ ரயில்களை பயன்படுத்துவது குறைந்துவிட்டது. இலவச பேருந்துகளில் அதிக எண்ணிக்கையில் செல்கிறார்கள். அதேவேளையில், பஸ்களின் எண்ணிக்கை மற்றும் தரம் உயர்த்தப்படவில்லை. பஸ்களில் பயணம் செய்த ஆண்கள் ரயில்களுக்கு வருகிறார்கள்.

தேர்தல் வாக்குறுதிகளின் அடிப்படையில் எடுக்கப்படும் முடிவுகள் மாநிலத்தின் நிதிநிலைக்கு சாதகமாக அமைவது இல்லை. இந்த விவகாரத்தில் எந்த வேடிக்கையும் இருக்கக் கூடாது. நவீன, பூஜ்ஜிய மாசுபடுத்தாத போக்குவரத்து அமைப்பை உருவாக்க தனியார் முதலீடு பயன்படுத்தப்படுகிறது. ஆனால், அதே நேரத்தில், மாசுபடுத்தும் பேருந்துகளை மக்கள் பயன்படுத்துவதற்கு மாநில அரசு பணம் செலவழிக்கிறது. இது மாநில போக்குவரத்து கழகத்தை திவாலாக்கும் நடவடிக்கை. மெட்ரோ ரயில்சென்னை மெட்ரோ ரயில் திட்டமும் மத்திய அரசின் நிதி ஒதுக்கீடு பாரபட்சமும்! - RTI தகவல் சொல்வதென்ன?

இலவச பேருந்து பயணத் திட்டம் பொது போக்குவரத்தில் பாலின வேறுபாடுகளுக்கு வழிவகுக்கிறது. பெண்கள் பேருந்துகளை இலவசமாகப் பயன்படுத்துகிறார்கள். ஆனால், ஆண்கள் ஒரு பயணத்துக்கு சராசரியாக 35 ரூபாய் செலுத்து கிறார்கள், ஹைதரபாத் மெட்ரோ ரயில் திட்டத்திலிருந்து 2026-க்குப் பிறகு, வெளியேற திட்டமிட்டுள்ளோம்" எனவும் அவர் கூறினார்.

இருப்பினும், இலவச பேருந்து பயணத் திட்டம் அறிமுகப்படுத்தப் படுவதற்கு முன்பே ஹைதராபாத் மெட்ரோ நிதி நெருக்கடியை எதிர்கொண்டது. கடந்த ஜூன் 2021, L&T மெட்ரோ ரயில் அதிகாரிகள், நிதி உதவி கோரி அப்போதைய முதல்வர்  சந்திரசேகர் ராவை சந்தித்தனர். அப்போது பிஆர்எஸ் அரசாங்கத்திடம் சமர்ப்பித்த விவரங்களில், அந்த நிதியாண்டின் முதல் காலாண்டில் மட்டும் நிறுவனம் ரூ.400 கோடி நஷ்டம் ஏற்பட்டதாகத் தெரிவித்திருந்தது. 

மெட்ரோ ரயில்களின் எண்ணிக்கையை அதிகரிக்காதது, கூட்ட நெரிசலைக் கையாளாதது, மெட்ரோவை நீட்டிக்கத் தவறியது போன்றவையே பயணிகளின் எண்ணிக்கை குறையக் காரணமாக இருந்ததாக விமர்சகர்கள் கருத்து தெரிவிக்கின்றனர்.


http://dlvr.it/T6ybpm

Read More

மும்பை ரோடு ஷோ: ``15% பட்ஜெட் நிதியை சிறுபான்மையினருக்கு ஒதுக்க காங்கிரஸ் திட்டம்..!” - மோடி

பிரதமர் நரேந்திர மோடி மகாராஷ்டிராவில் நாசிக், கல்யான் மற்றும் மும்பையில் தேர்தல் பிரசாரம் மேற்கொண்டார். முதலில் நாசிக் மற்றும் கல்யான் போன்ற பகுதியில் நடந்த தேர்தல் பிரசாரக்கூட்டத்தில் கலந்து கொண்டு பேசினார். பின்னர் நேற்று மும்பை காட்கோபர் பகுதியில் நரேந்திர மோடி ரோடு ஷோ நடத்தினார். இதற்காக காட்கோபரில் மெட்ரோ ரயில் சேவை மற்றும் பஸ் சேவை நிறுத்தப்பட்டது.

பிரதான சாலையான எல்.பி.எஸ் மார்க் சாலை பிற்பகல் 2 மணியில் இருந்து மூடப்பட்டது. பிரதமருடன் முதல்வர் ஏக்நாத் ஷிண்டே, துணை முதல்வர் தேவேந்திர பட்னாவிஸ் ஆகியோரும் ரோடுஷோவில் பங்கேற்றனர். சாலையில் இருபுறமும் ஆயிரக்கணக்கான மக்கள் பல மணி நேரம் காத்திருந்து பிரதமர் மோடியை பார்த்தனர். ஆட்டோ மற்றும் பஸ் போக்குவரத்து நிறுத்தப்பட்டதால் பொது மக்கள் எங்கும் செல்ல முடியாத நிலை ஏற்பட்டது.

கல்யாண் பொதுக்கூட்டத்தில் பேசியபோது நரேந்திரமோடி கூறியதாவது, ``காங்கிரஸ் இந்து முஸ்லிம் பிரச்னையை உருவாக்க முயற்சிக்கிறது. மத அடிப்படையில் காங்கிரஸ் நாட்டை பிரிக்க முயற்சி செய்வதை தான் நான் வெளிக்கொண்டு வந்தேன். அவர்களது திட்டத்தை நான் வெளியில் சொல்லக்கூடாதா?. நான் எனது பெயரைப்பற்றி கவலைப்பட்டு இருந்தால் இப்பிரசனை பற்றி பேசி இருக்கமாட்டேன். மத அடிப்படையில் எனது நாடு பிரிய அனுமதிக்க மாட்டேன். அவர்கள் மத அடிப்படையில் ஒரு நாட்டை உருவாக்கினார்கள்.

அப்போது காங்கிரஸ் கட்சியால் எதுவும் செய்ய முடியவில்லை. இப்போது இந்து பட்ஜெட், இதை முஸ்லிம் பட்ஜெட் என்று சொல்வார்கள். நாட்டில் இந்துக்கள், முஸ்லிம்களுக்கு தனி பட்ஜெட் போட முடியுமா? மத அடிப்படையில் பணம் விநியோகம் செய்ய காங்கிரஸ் விருப்பம் தெரிவித்துள்ளது. அதோடு பட்ஜெட்டில் 15 சதவீத தொகையை சிறுபான்மை சமுதாயத்திற்கு செலவிடும்படி காங்கிரஸ் கேட்டுக்கொண்டுள்ளது. மத அடிப்படையில் பட்ஜெட் எவ்வளவு ஆபத்தானது என்று நினைத்து பாருங்கள்.

மன்மோகன் சிங் ஆட்சியில் இதனை கொண்டு வர முயன்றார்கள். பா.ஜ.க எதிர்ப்பு காரணமாக அதனை கைவிட்டார்கள். இப்போது மீண்டும் மத அடிப்படையில் பட்ஜெட் தாக்கல் செய்ய காங்கிரஸ் நினைக்கிறது. அதனை நான் ஒருபோதும் விடமாட்டேன். காங்கிரஸ் கட்சியோடு சேர்ந்திருக்கும் போலி சிவசேனா(உத்தவ்) இவ்விவகாரத்தில் அமைதி காக்கிறது. பாகிஸ்தான் மற்றும் தீவிரவாதிகளுக்கு காங்கிரஸ் நற்சான்று கொடுத்துள்ளது. தேர்தலுக்கு பிறகு போலி சிவசேனா காங்கிரஸ் கட்சியோடு சேர்ந்துவிடும்.

அதன் பிறகு அக்கட்சி இல்லாமல் போய்விடும். தாழ்த்தப்பட்ட மற்றும் பழங்குடியினருக்கான இட ஒதுக்கீட்டை முஸ்லிம்களுக்கு கொடுக்க காங்கிரஸ் திட்டமிட்டுள்ளது. மத அடிப்பையில் இட ஒதுக்கீடு வழங்க அம்பேத்கர் விரும்பவில்லை. தேர்தலில் எதிர்க்கட்சி அந்தஸ்தைக்கூட பெற முடியாத அளவுக்கு காங்கிரஸ் தோல்வி அடையும். இது மகாராஷ்டிராவை சேர்ந்த மூத்த அரசியல் தலைவருக்கு(சரத் பவார்) தெரியும். எனவேதான் சிறிய கட்சிகள் காங்கிரஸ் கட்சியில் இணையவேண்டும் என்று சொல்கிறார். இதன் மூலம் காங்கிரஸ் கட்சிக்கு எதிர்க்கட்சி அந்தஸ்து தான் கிடைக்கும்'' என்று தெரிவித்தார். மும்பையில் வரும் 20ம் தேதி தேர்தல் நடைபெறவுள்ளது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T6yC2C

Read More