அக்னிவீரர் திட்டத்தைக் கைவிட வைப்பதில் பிடிவாதம் காட்டும் நிதிஷ் - பின்னணி என்ன?

மத்தியில் அமையும் தேசிய ஜனநாயகக் கூட்டணி ஆட்சியில் இடம்பெறும் பீகார் முதல்வர் நிதிஷ் குமார் தலைமையிலான ஐக்கிய ஜனதா தளம், அக்னிவீரர் திட்டத்துக்கு கடும் எதிர்ப்பு தெரிவித்திருக்கிறது. ராணுவ வீரர்கள்

மோடி அரசு கொண்டுவந்த அக்னிவீரர் திட்டத்துக்கு இளைஞர்கள் மத்தியில் கடும் எதிர்ப்பு நிலவிய சூழலில்தான், 2024 மக்களவைத் தேர்தலில் உத்தரப்பிரதேசம் உள்ளிட்ட மாநிலங்களில் பா.ஜ.க படுதோல்வியடைந்திருக்கிறது.

இந்தியாவில் ராணுவம், விமானப்படை, கப்பற்படை போன்ற ஆயுதப்படைகளுக்கு புதிய முறையில் ஆள்சேர்க்கும் விதமாக, `அக்னிபத்' எனும் புதிய திட்டத்தை 2022-ம் ஆண்டு பா.ஜ.க அரசு கொண்டுவந்தது. பிரதமர் மோடி தலைமையிலான அமைச்சரவை ஒப்புதல் வழங்கிய அக்னிவீரர் திட்டத்தில், பெண்கள் உள்பட தேர்தெடுக்கப்படும் இளைஞர்கள், ஆறு மாத காலம் ஆயுதப்படைப் பயிற்சியுடன் சுமார் நான்கு ஆண்டுக்காலம் பணியாற்றுவார்கள். மோடி

அக்னிவீரர் திட்டத்தின் கீழ் பணியாற்றுபவர்களுக்கு நான்காண்டு காலம் மாதம் ரூ. 40,000 வரை சம்பளம் வழங்கப்படுகிறது. அவர்கள், `அக்னி வீரர்கள்' என்று என்றழைக்கப்படுவார்கள். நான்காண்டுகாலப் பணி முடிந்த பிறகு, அதிலிருந்து 25 சதவிகிதம் பேர் மட்டும் திறமையின் அடிப்படையில் நேரடியாக இந்திய ஆயுதப்படையில் சேர்த்துக்கொள்ளப்படுவார்கள்.

நீண்டகாலப் பணி, ஓய்வூதியம், பழைய தேர்வு முறையில் இருந்த சலுகைகள், உரிமைகள் உள்ளிட்ட பல நலத் திட்டங்கள் எதுவும் அக்னி வீரர் திட்டத்தில் கிடையாது. இந்தத் திட்டம் நாடாளுமன்றத்திலோ, பாதுகாப்புக்கான நாடாளுமன்ற நிலைக்குழுவிலோ விவாதிக்கப்படவில்லை. இந்தத் திட்டம் பற்றிய எந்தத் தகவலும் அதன் அறிவிப்புக்கு முன்பு பொதுமக்களுக்கு வழங்கப்படவில்லை. ராகுல் காந்தி

இந்தத் திட்டத்தை நிறுத்தி வைக்க வேண்டும், இந்தத் திட்டம் குறித்து நாடாளுமன்றத்தில் விவாதிக்க வேண்டும் என்று எதிர்க்கட்சிகள் அப்போதே வலியுறுத்தின. இந்தத் திட்டம் நாட்டு நலனுக்காகவோ, நாட்டின் பாதுகாப்புக்காகவோ கொண்டுவரப்படவில்லை என்று காங்கிரஸ் விமர்சித்தது. எதிர்க்கட்சிகள் மத்தியிலும், இளைஞர்கள் மத்தியிலும் கடும் எதிர்ப்பு கிளம்பியும்கூட, அக்னிவீரர் திட்டத்தை பா.ஜ.க அரசு வாபஸ் பெறவில்லை.

அக்னிவீரர் திட்டத்துக்கு எதிராக பீகாரிலும் பெரும் போராட்டம் நடைபெற்றது. அக்னிவீரர் திட்டத்தால் பாதிக்கப்பட்டிருந்த இளைஞர்கள், மக்களவைத் தேர்தலில் தங்கள் கோபத்தை வெளிப்படுத்தியிருக்கிறார்கள். குறிப்பாக, உத்தரப்பிரதேசம், பஞ்சாப், அரியானா ஆகிய மாநிலங்களில் பா.ஜ.க தோல்வியடைந்ததற்கு அக்னிவீரர் திட்டமும் ஒரு முக்கியக் காரணமாக இருந்திருக்கிறது. சந்திரபாபு நாயுடு - நிதிஷ் குமார்

இந்த நிலையில்தான், அக்னிவீரர் திட்டத்துக்கு நிதிஷ் குமார் தற்போது எதிர்ப்பு தெரிவித்திருக்கிறார். நிதிஷ் குமாரின் ஐக்கிய ஜனதா தளத்தின் தயவில்தான் மோடி ஆட்சி 3.0 செல்ல வேண்டும் என்ற நிலை இருப்பதால், நிதிஷ் குமாரின் இந்தக் கோரிக்கையை பரிசீலிக்க வேண்டிய கட்டாயத்தில் பா.ஜ.க இருக்கிறது.

அக்னி வீரர்கள் திட்டத்தை நிதிஷ் குமார் ஏன் எதிர்க்கிறார்? ‘அக்னிவீரர்கள் திட்டம் கொண்டுவரப்பட்டபோது, ராணுவத்தினர் மத்தியிலேயே இதற்கு எதிர்ப்பு கிளம்பியது. அவர்களின் குடும்பத்தினர் தேர்தலில் தங்கள் எதிர்ப்பை காண்பித்திருக்கிறார்கள். எனவே, இது குறித்து பரிசீலிக்க வேண்டிய அவசியம் இருக்கிறது’ என்கிறார் ஐக்கிய ஜனதா தளத்தின் முக்கியத் தலைவர்களில் ஒருவரான கே.சி.தியாகி. பிரதமர் மோடி - நிதிஷ் குமார்

பீகாரில் அடுத்த ஆண்டு சட்டமன்றத் தேர்தல் நடைபெறவிருப்பதால், அதில் அக்னிவீரர்கள் திட்டம் தாக்கத்தை ஏற்படுத்தலாம் என்ற அச்சம் நிதிஷ் குமாருக்கு இருக்கிறது. தற்போது இந்தத் திட்டத்துக்கு அவர் எதிர்ப்பு தெரிவிப்பதற்கு இது ஒரு முக்கியக் காரணம். நெருக்கடி கொடுக்கும் இடத்தில் நிதிஷ் குமார் இருக்கிறார். அவரது கோரிக்கையை நிறைவேற்ற வேண்டிய இடத்தில் பிரதமர் மோடி இருக்கிறார்.

இந்த நிலையில், கடந்த ஆட்சியில் மோடி அரசு இந்த திட்டத்தை கொண்டு வர காட்டிய தீவிரம், இந்த மோடி 3.O-விலும் நீடிக்குமா என்பது சந்தேகம் தான்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T80wXw

Read More

`என் வாழ்வின் ஒவ்வொரு கணமும் அர்பணிக்கப்பட்டிருக்கிறது!' - அரசியலமைப்பை தலையில் தொட்டு வணங்கிய மோடி

பாஜக தலைமையிலான தேசிய ஜனநாயக கூட்டணி தற்போது நடந்து முடிந்த நாடாளுமன்றத் தேர்தலில் 292 இடங்களில் வெற்றிபெற்று ஆட்சியைத் தக்க வைத்திருக்கிறது. அதைத் தொடர்ந்து, தேசிய ஜனநாயக கூட்டணியின் தலைவராக மீண்டும் தேர்ந்தெடுக்கப்பட்ட மோடி, தனக்கு ஆதரவளிக்கும் எம்.பி-க்களின் பட்டியலுடன் குடியரசுத் தலைவர் முர்முவை சந்தித்து ஆட்சியமைக்க உரிமை கோரினார். அதன்படி ஜூன் 9-ம் தேதி மாலை 6 மணியளவில் மோடி (Modi) தொடர்ச்சியாக மூன்றாவது முறையாகப் பிரதமராகவிருக்கிறார்.மோடி

இதற்கிடையில், புதிய நாடாளுமன்றத்தில் என்.டி.ஏ கூட்டணி எம்.பி-க்கள், கட்சித் தலைவர்கள் கலந்துகொண்ட கூட்டம் நடைபெற்றது. இதில், கலந்துகொண்ட மோடி, இந்திய அரசியலமைப்பு புத்தகத்தை தலையில் தொட்டு வணங்கினார். இது தொடர்பான புகைப்படங்கள் சமுக வலைதளங்களிலும் பரவின.

Modi: `கோடிக்கணக்கான மக்களுக்கு நம்பிக்கை அளிக்கிறது!' - மோடி



இந்த நிலையில், பிரதமர் மோடி (Modi) தனது X சமூக வலைதளப் பக்கத்தில் அரசியலமைப்பு புத்தகத்தை தான் தலையில் தொட்டு வணங்கும் படத்தைப் பதிவிட்டு, ``டாக்டர் பாபாசாகேப் அம்பேத்கர் நமக்கு வழங்கிய இந்திய அரசியலமைப்புச் சட்டத்தில் பொதிந்துள்ள உன்னத விழுமியங்களை நிலைநிறுத்துவதற்காக எனது வாழ்வின் ஒவ்வொரு கணமும் அர்ப்பணிக்கப்பட்டிருக்கிறது.அரசியலமைப்பு

என்னைப் போன்ற ஏழ்மை மற்றும் பின்தங்கிய குடும்பத்தில் பிறந்த ஒருவர் இந்த நாட்டுக்கு சேவைசெய்ய முடியுமென்றால் அதற்கு இந்த அரசியலமைப்பு சட்டம்தான் காரணம். இது நாட்டின் கோடிக்கணக்கான மக்களுக்கு நம்பிக்கையையும், வலிமையையும், கண்ணியத்தையும் அளிக்கிறது" என்று ட்வீட் செய்திருக்கிறார்.அமித் ஷா - மோடி

முன்னதாக கடந்த ஆட்சியில் 303 இடங்களுடன் தனிப்பெரும்பான்மையாக இருந்த பாஜக அரசு, கடந்த டிசம்பரில் நடந்த நாடாளுமன்ற கூட்டத்தொடரில், இந்திய தண்டனைச் சட்டத்தின் (IPC - Indian Penal Code) பெயரை பாரதிய நியாய சன்ஹித' எனவும், இந்திய குற்றவியல் நடைமுறைச் சட்டத்தின் (CrPC - Criminal Procedure Code) பெயரை `பாரதிய நகரிக் சுரக்‌ஷா சன்ஹித' எனவும், இந்திய சாட்சிகள் சட்டத்தின் (IEA - Indian Evidence Act) பெயரை `பாரதிய சக்‌ஷய' எனவும் இந்தியில் பெயர் மாற்றம் செய்வதற்கான மசோதாவை நிறைவேற்றி, குடியரசுத் தலைவரிடம் ஒப்புதலும் பெற்றது. இது ஜூலை 1-ம் தேதி முதல் நடைமுறைக்கு வருகிறது என்பது குறிப்பிடத்தக்கது.அகங்காரம், அராஜகம், அத்துமீறல்; பஞ்சாப், ஹரியானா, உ.பி-யில் மோடி அலையை புஷ்வாணமாக்கிய விவசாயிகள்!


http://dlvr.it/T80fR9

Read More

Stock Market: ரூ.30 லட்சம் கோடி இழப்பு; மோடி, அமித் ஷாவைக் குற்றம்சாட்டும் காங்கிரஸ் - பின்னணி என்ன?

இந்தியப் பங்குச்சந்தையில் ரூ.30 லட்சம் கோடி அளவுக்கு இழப்பு ஏற்பட்ட விவகாரம் தேசிய அரசியலில் பெரும் சர்ச்சையாகியிருக்கிறது. இந்த நிலையில், ‘ஜூன் 4-ம் தேதியன்று இந்தியப் பங்குச்சந்தையில் சாமானிய மக்கள் ரூ.30 லட்சம் கோடியை இழந்திருக்கிறார்கள். இது மிகப்பெரிய ஊழல்’ என்று காங்கிரஸ் தலைவர் ராகுல் காந்தி கூறியிருக்கிறார். மோடி

மக்களவைத் தேர்தல் முடிவுகள் வெளியான ஜூன் 4-ம் தேதி இந்தியப் பங்குச்சந்தை வரலாறு காணாத வீழ்ச்சியைச் சந்தித்து. அதாவது, கொரோனா பெருந்தொற்று காலத்தில் ஏற்பட்ட வீழ்ச்சிக்குப் பிறகு, மிகப்பெரிய வீழ்ச்சியை இப்போது இந்தியப் பங்குச்சந்தை சந்தித்தது.

மக்களவைத் தேர்தலில் பா.ஜ.க 370 இடங்களிலும், தேசிய ஜனநாயகக் கூட்டணி 400 இடங்களிலும் வெற்றிபெறும் என்று பிரதமர் கூறியதைத் தொடர்ந்து, பா.ஜ.க தலைவர்கள் அனைவரும் அந்தப் பிரசாரத்தை பெரியளவுக்கு முன்னெடுத்தனர். அதைத் தொடர்ந்து, ‘மக்களவைத் தேர்தலில் பா.ஜ.க மிகப்பெரிய வெற்றியைப் பெற்று மூன்றாவது முறையாக ஆட்சியமைக்கும்’ என்று தேர்தல் கருத்துக்கணிப்புகள் வெளியாகின. அமித் ஷா

Stock Market - பங்குச்சந்தை திடீர் ஏற்றமும்... கடும் வீழ்ச்சியும்!



ஏழாம் கட்டத் தேர்தல் நடைபெற்ற ஜூன் 1-ம் தேதி வெளியான தேர்தலுக்குப் பிந்தைய கருத்துக்கணிப்புகள், ‘தேசிய ஜனநாயகக் கூட்டணிக்கு 350 இடங்கள் முதல் 401 இடங்கள் வரை கிடைக்கும்’ என்று குறிப்பிட்டன. உடனே, இந்தியப் பங்குச்சந்தை மிகப்பெரிய அளவுக்கு ஏற்றம் கண்டது. பா.ஜ.க மிகப்பெரிய வெற்றியைப் பெறும் என்ற பிம்பம் கட்டமைக்கப்பட்டிருந்த நிலையில், அதற்கு நேர்மாறாக தேர்தல் முடிவுகள் இருந்தன. வாரணாசி தொகுதியில் பிரதமர் மோடிக்கு பின்னடைவு என்ற செய்தி பா.ஜ.க-வினருக்கு கலக்கத்தை ஏற்படுத்தியது.

மேலும், கருத்துக்கணிப்புகளில் சொல்லப்பட்டது போல பா.ஜ.க-வுக்கு வெற்றி இல்லை என்பது வெளிப்பட்ட நிலையில், பங்குச்சந்தை சரியத் தொடங்கியது. மும்பை பங்குச்சந்தையின் சென்செக்ஸ், தேசியப் பங்குச் சந்தையின் நிப்டி கடும் சரிவுகளைச் சந்திக்க வர்த்தகம் தொடங்கிய 15 நிமிடங்களிலேயே முதலீட்டாளர்களுக்கு ரூ.9 லட்சம் கோடி இழப்பு ஏற்பட்டதாக செய்திகள் வெளியாகின. கடைசியில் ரூ.30 லட்சம் கோடி அளவுக்கு பங்குச்சந்தையில் இழப்பு ஏற்பட்டது.மக்களவைத் தேர்தல் - பங்குச்சந்தை

இதற்கு முன்பு பங்குச்சந்தை இறக்கத்துக்கு எத்தனையோ காரணங்கள் இருந்திருக்கின்றன. ஆனால், இந்த முறை ஏற்பட்ட இழப்புக்கு நேரடியான அரசியல் காரணங்கள் இருப்பதுதான் தற்போது சர்ச்சையாகியிருக்கிறது. பிரதமர் மோடியும், உள்துறை அமைச்சர் அமித் ஷாவும், மக்களவைத் தேர்தல் பிரசாரத்தில் பங்குச்சந்தையைக் குறிப்பிட்டுப் பேசினார்கள்.

ஐந்தாம் கட்டத் தேர்தலுக்கான பிரசாரத்தில் ஈடுபட்டிருந்த நேரத்தில் ஒரு தொலைக்காட்சிக்குப் பேட்டியளித்த பிரதமர் மோடி, ‘தேர்தல் முடிவுகள் குறித்து தலால் தெருவில் இருக்கும் பதற்றத்தைக் குறைத்து ஜூன் 4-ம் தேதி அனைத்து சாதனைகளையும் இந்திய பங்குச்சந்தை முறியடிக்கும்’ என்றார். பிரதமரின் கருத்தை எதிரொலிக்கும் வகையில் உள்துறை அமைச்சர் அமித் ஷாவும் பேசினார். ஆனால், ஜூன் 4-ம் தேதி இந்தியப் பங்குச்சந்தை கடும் வீழ்ச்சியைச் சந்தித்தது. ராகுல் காந்தி

தனிப்பெரும்பான்மையுடன் ஆட்சியமைப்பதற்கான பலம் இல்லாத நிலையில், தெலுங்கு தேசம், ஐக்கிய ஜனதா தளம் ஆகியவற்றுடன் ஆதரவுடன் மோடி 3.0 ஆட்சி அமையவிருக்கிறது. சந்திரபாபு நாயுடுவும், நிதிஷ் குமாரும் மத்திய அமைச்சரவையில் தங்களுக்கு முக்கியமான துறைகளைத் தர வேண்டும் என்று பா.ஜ.க-வுக்கு நெருக்கடி கொடுத்துவருகின்றன.

இந்த நிலையில், ஜூன் 6-ம் தேதி செய்தியாளர்களைச் சந்தித்த காங்கிரஸ் தலைவர் ராகுல் காந்தி, ‘பங்குச்சந்தை மிகப்பெரிய அளவுக்கு ஏற்றம் காணப்போகிறது என்று பிரதமர் மோடி தேர்தல் பிரசாரத்தில் குறிப்பிட்டார். பங்குச்சந்தையின் மதிப்பு ஜூன் 4-ம் தேதி மிகப்பெரிய அளவுக்கு ஏற்றம் பெறப்போகிறது என்று உள்துறை அமைச்சர் அமித் ஷாவும் கூறினார். நிதியமைச்சர் நிர்மலா சீதாராமனும் அதே கருத்தை முன்வைத்தார். அதன் தொடர்ச்சியாக, ஜூன் 3-ம் தேதி வரலாறு காணாத அளவுக்கு பங்குச்சந்தை ஏற்றம் கண்டது. அடுத்த நாளான ஜூன் 4-ம் தேதி நினைத்துப்பார்க்க முடியாத அளவுக்கு பெரும் வீழ்ச்சியை பங்குச்சந்தைச் சந்தித்தது. அமித் ஷா, மோடி

Stock Market - மோடி, அமித் ஷாவைக் குற்றம்சாட்டும் காங்கிரஸ்!



வாக்கு எண்ணிக்கைக்கு இரண்டு நாள்களுக்கு முன்பு, பா.ஜ.க வெற்றியை பூதாகரமாகக் காண்பித்தது ஏன்? தேர்தல் முடிவுகள் வெளியான நாளில் பங்குச்சந்தையில் முதலீடு செய்த சிறு முதலீட்டாளர்கள் ஏமாற்றப்பட்டனர். ரூ.38 லட்சம் கோடி அளவுக்கு முதலீட்டாளர்களுக்கு இழப்பு ஏற்பட்டிருக்கிறது. இந்த விவகாரம் குறித்து நாடாளுமன்ற கூட்டுக்குழு விசாரணை நடத்த வேண்டும்’ என்று ராகுல் காந்தி வலியுறுத்தியிருக்கிறார்.பாஜக-வுக்கு நிபந்தனையா? - சந்திரபாபு நாயுடு, நிதிஷ்குமார் வைக்கும் கோரிக்கைகள் என்னென்ன?!

இது குறித்து காங்கிரஸ் ஊடகப்பிரிவு தலைவரும், பொருளாதார நிபுணருமான ஆனந்த் சீனிவாசனிடம் பேசியபோது, ‘தேர்தலுக்குப் பிந்தைய கருத்துக்கணிப்புகளுக்கும், பங்குச்சந்தை விவகாரத்துக்கும் நெருங்கிய தொடர்பு இருக்கிறது. பிரதமர் மோடியும், அமித் ஷாவும் பா.ஜ.க மிகப்பெரிய வெற்றியைப் பெறும் என்று பிரசாரம் செய்ததுடன், பங்குச்சந்தை மிகப்பெரிய ஏற்றம் பெறப்போகிறது என்று பொய்யான நம்பிக்கையையும் அளித்ததுதான் பங்குச்சந்தை பெரும் வீழ்ச்சியைச் சந்தித்ததற்கு முக்கியக் காரணம். ஆனந்த் சீனிவாசன்

ஆகவே, இவ்வளவு பெரிய இழப்புக்கு பிரதமர் மோடியும், அமித் ஷாவும் அளித்த பொய்யான நம்பிக்கையும் ஒரு காரணம் என்ற குற்றச்சாட்டை மறுப்பதற்கில்லை. எனவேதான், இது மிகப்பெரிய ஊழல் என்பதை எங்கள் தலைவர் ராகுல் காந்தி கூறியிருக்கிறார். அவர் வலியுறுத்தியிருப்பதைப்போல, இந்த விவகாரம் குறித்து நாடாளுமன்ற கூட்டுக்குழு விசாரிக்க வேண்டும்” என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb`இந்த முறை தவறவிட்டால் இனி எப்போதும் இழக்க நேரிடும்!' - NDA கூட்டத்தில் சந்திரபாபு நாயுடு


http://dlvr.it/T7ys8r

Read More

Lok Sabha Election 2024: மோடிக்கு வாழ்த்து தெரிவித்த தைவான்; உடனே எதிர்வினையாற்றிய சீனா!

நடந்து முடிந்த நாடாளுமன்றத் தேர்தலில் (Lok Sabha Election 2024), பா.ஜ.க தலைமையிலான என்.டி.ஏ கூட்டணி மூன்றாவது முறையாக வென்றிருக்கிறது. எனவே, மோடி மூன்றாவது முறையாக இந்தியாவின் பிரதமராகவிருக்கிறார். இந்த நிலையில், பிரதமர் மோடிக்கு பல்வேறு நாடுகளின் அரசியல் கட்சித் தலைவர்கள் வாழ்த்து தெரிவித்தனர். அதில், சீனாவிடமிருந்து தனித்து இயங்க முயலும் தைவான் அதிபர் லாய் சிங்-தேவும் ஒருவர்.மோடி - சீனா வரைபடம்

அவரின் எக்ஸ் பக்கத்தில், ``வேகமாக வளர்ந்து வரும் தைவான்-இந்தியா கூட்டாண்மையை மேம்படுத்தவும், வர்த்தகம், தொழில்நுட்பம் மற்றும் பிற துறைகளில் எங்கள் ஒத்துழைப்பை விரிவுபடுத்தவும், இந்தோ பசிபிக் அமைதி மற்றும் செழிப்புக்கு பங்களிக்கவும் நாங்கள் தயாராக இருக்கிறோம். இந்தியப் பிரதமர் மோடிக்கு வாழ்த்துகள்" எனக் குறிப்பிட்டிருந்தார். இதற்கு பதிலளித்த பிரதமர் மோடி,``அருமையான செய்திக்கு நன்றி. பரஸ்பர நன்மை பயக்கும் பொருளாதார மற்றும் தொழில்நுட்ப கூட்டாண்மையை நோக்கி நாம் பணியாற்றும்போது நெருக்கமான உறவுகளை எதிர்பார்க்கிறேன்" எனக் குறிப்பிட்டிருந்தார்.

இதற்கிடையில், சீனா அதிபர் ஜீ ஜிங்பிங் இன்னும் பிரதமர் மோடிக்கு வாழ்த்து தெரிவிக்காத நிலையில், இந்தியாவில் இருக்கும் சீன தூதரக அலுவலக செய்தித் தொடர்பாளர் மாவோ நிங், பிரதமர் மோடிக்கு வாழ்த்து தெரிவித்திருந்தார். அதில், ``மக்களவைத் தேர்தலில் (Lok Sabha Election 2024) வெற்றி பெற்ற பிரதமர் நரேந்திர மோடி, பா.ஜ.க மற்றும் பா.ஜ.க தலைமையிலான தேசிய ஜனநாயகக் கூட்டணிக்கு வாழ்த்துகள். சீனாவுடன் ராஜதந்திர உறவுகளைக் கொண்ட நாடுகள், தைவானுடனான உத்தியோகபூர்வ தொடர்பு கொண்டிருப்பதை சீனா எப்போதும் உறுதியாக எதிர்க்கிறது.சீனா அதிபர் - பிரதமர் மோடி

உலகில் ஒரே ஒரு சீனா மட்டுமே இருக்கிறது. ஒரே சீனா கொள்கையில் இந்தியா தீவிர அரசியல் ஈடுபாடுகளை கொண்டிருக்கிறது. தைவான் அதிகாரிகளின் அரசியல் திட்டங்களுக்கு எதிராக விழிப்புடன் இருக்க வேண்டும். ஒரே சீனா கொள்கையை மீறும் செயல்களில் இருந்து விலகி இருக்க வேண்டும். சீனக் குடியரசு என்று அதிகாரபூர்வமாக அறியப்படும் தைவான், கம்யூனிஸ்ட் சீனாவால் அங்கீகரிக்கப்பட்ட நாடு அல்ல." எனக் குறிப்பிட்டிருக்கிறார்.அகங்காரம், அராஜகம், அத்துமீறல்; பஞ்சாப், ஹரியானா, உ.பி-யில் மோடி அலையை புஷ்வாணமாக்கிய விவசாயிகள்!


http://dlvr.it/T7yTHs

Read More

பாஜக: `மத்திய அரசுடன் இணக்கமாக இல்லாத ஸ்டாலின் மக்களுக்கு துரோகம் செய்துவிட்டார்!' - தமிழிசை

நாடாளுமன்றத் தேர்தலில் தென் சென்னையில் போட்டியிட்ட தமிழிசை சௌந்தரராஜன் தோல்வியைத் தழுவினார். இந்த நிலையில், நேற்று சென்னையில் செய்தியாளர்களைச் சந்தித்த அவர், ``25 ஆண்டுகளாக அரசியல் செய்துகொண்டிருக்கிறேன். என் அனுபவத்தில், ஆளும் அரசு என் பக்கத்தில்கூட வரமுடியாது. தென் சென்னை மக்கள் என்னை தேர்ந்தெடுக்காமல், ஒரு நல்ல வேட்பாளரை தவறவிட்டுவிட்டார்கள் என்பதுதான் என் கருத்து.அண்ணாமலை

`திமுக அடக்கிவைக்கா விட்டால், எனக்கு கெட்டக் கோபம் வரும்!' - தமிழிசை, பாஜக 



தி.மு.க தன் ஐ.டி விங்கை அடக்கி வைக்க வேண்டும் என ஸ்டாலினிடம் கூறிக்கொள்கிறேன். தோல்வி எல்லோருக்கும் வரும். அதற்காக கிண்டல் செய்வதா... மீண்டும் என்னைப் பரட்டை என விமர்சிக்கத் தொடங்கிவிட்டார்கள். என் முடி பரட்டையானாலும் உண்மையானது. எனவே, தி.மு.க தன் இணையதளவாசிகளை அடக்கி வைக்காவிட்டால் எனக்கு கெட்டக் கோபம் வரும்.

40 எம்.பி-க்கள் நாடாளுமன்றம் சென்று என்ன செய்யப்போகிறீர்கள். வெளிநடப்புதான் செய்வீர்கள். மத்திய அரசுடன் இணக்கமாக இல்லாத ஸ்டாலின் தமிழ்நாட்டு மக்களுக்கு துரோகம் செய்துவிட்டார். ஆளுநராக அல்ல, பா.ஜ.க-வின் முன்னாள் தலைவராக உங்களுக்கு முன்னால் இருக்கிறேன். இனி எங்களின் அரசியலைப் பார்ப்பீர்கள். தென் சென்னை மக்களுடன் எப்போதும் நிற்பேன். மக்களுக்கு சேவை செய்வதில் தீவிரமாக இருப்பேன். எங்களை மீறி சேவை செய்துபாருங்கள். இதை சவாலாகவே சொல்கிறேன்.தமிழிசை

அ.தி.மு.க - பா.ஜ.க பிரிந்ததற்கு அண்ணாமலைதான் காரணம் என வேலுமணி அவருடைய கருத்தை கூறியிருக்கிறார். அ.தி.மு.க-வுடன் நாங்கள் கூட்டணி வைத்திருந்தால், இன்றைக்கு தி.மு.க-வுக்கு இத்தனை இடங்கள் கிடைத்திருக்காது என்பது யதார்த்தமான உண்மை. கூட்டணி என்பது ஓர் அரசியல் வியூகம். அந்த வியூகத்தை தி.மு.க-வினர், தமிழகத்திலும், அகில இந்திய அளவிலும் பயன்படுத்தியிருக்கின்றனர். இந்த யதார்த்தமான உண்மையை ஒப்புக்கொண்டுதான் ஆக வேண்டும்.

நாங்கள் இரண்டாவதாக வரக்கூடியவர்கள் கிடையாது. வெற்றிப்பெறக்கூடியவர்கள். எல்லாக் கூட்டணிக் கட்சிகளின் வாக்குகளை ஒன்றுசேர்த்தால், தி.மு.க வெற்றிப்பெற்றிருக்க வாய்ப்பே இல்லை என்பது என் உறுதி. ஆனால், கூட்டணி வைப்பதே கட்சியை கீழே கொண்டுபோவது என்பதை ஒப்புக்கொள்ளமாட்டேன். நாங்கள் கூட்டணி வியூகத்தை அமைத்தோம். ஆனால், அண்ணாமலைக்கு அதில் விருப்பம் இல்லை. தமிழிசை சௌந்தரராஜன்

மாநிலத் தலைவருக்கு என்ன மரியாதை கொடுக்க வேண்டுமோ அதைக் கொடுப்பேன். நானும் மாநிலத் தலைவராக இருந்தவள்தான். அதே நேரம் எனக்கு என்ன கருத்து இருக்கிறதோ அதை சொல்வதற்கும் நான் தயங்கமாட்டேன். கட்சியில் அதற்கான ஜனநாயகம் இருக்கிறது. கூட்டணி அமைத்திருந்தால் வென்றிருப்போம் என அண்ணாமலையும், அ.தி.மு.க-வினரும் கூட கூறுகிறார்கள்.

தமிழ்நாட்டில் பா.ஜ.க வெற்றிபெற கடுமையாக உழைக்க வேண்டும். நிச்சயம் 2026-ல் தி.மு.க அரசு கீழே இறக்கப்படும். ஏற்கெனவே 7 சதவிகித வாக்குகளை தி.மு.க இழந்திருக்கிறது. நாங்களெல்லாம் வெற்றிப்பெற்றிருக்கவேண்டியவர்கள். 2026-ல் அ.தி.மு.க-வுடன் கூட்டணி இருக்குமா இல்லையா என்பது குறித்து விவாதிக்க இன்னும் கால அவகாசம் இருக்கிறது." எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbBJP: ``மக்களவை தேர்தலில் பாஜக சரிவை சந்தித்ததற்கு காரணம் என்ன?" - விகடன் கருத்துக்கணிப்பு முடிவுகள்!


http://dlvr.it/T7yT4J

Read More

Mumbai: சட்டவிரோத குடிசைகளை அகற்ற முயன்ற போலீஸ்மீது கல்வீச்சு; 20 போலீஸார் உட்பட 30 பேர் காயம்!

மும்பையில் 40 சதவீதத்திற்கும் அதிகமான மக்கள், குடிசைகளில் வசிக்கின்றனர். இன்னும் குடிசைகளின் எண்ணிக்கை அதிகரித்துக்கொண்டேதான் வருகிறது. இதற்கு போலீஸாரும், மாநகராட்சி ஊழியர்களும் துணை போகின்றனர். 2007ம் ஆண்டு பவாய் என்ற இடத்தில் தொழிலாளர்களுக்காக 500 தற்காலிக குடிசைகள் அமைக்கப்பட்டது. அக்குடிசைகள் கடந்த சில ஆண்டுகளில் அதிகரித்து இப்போது 1,000 குடிசைகளாகிவிட்டது. இதில் சட்டவிரோத குடிசைகள் மீது நடவடிக்கை எடுக்கும்படி மாநகராட்சி நிர்வாகத்திற்கு மனித உரிமை கமிஷன் நோட்டீஸ் அனுப்பியது. இதையடுத்து சட்டவிரோத குடிசைகளை அகற்றும்படி மாநகராட்சி நிர்வாகம் குடிசைவாசிகளுக்கு பல முறை நோட்டீஸ் அனுப்பியது. ஆனாலும் யாரும் குடிசைகளை இடிக்கவில்லை. மும்பை உயர் நீதிமன்றமும் குடிசைகளை இடிக்க சாதகமாக தீர்ப்பு வழங்கியது. இதையடுத்து மாநகராட்சி நிர்வாகத்தினர் பலத்த போலீஸ் பாதுகாப்புடன் அக்குடிசைகளை இடிக்க வந்தனர். உடனே பொதுமக்கள் குடிசைகளில் இருக்கும் தங்களது உடமைகளை எடுத்துக்கொள்ள வீட்டிற்குள் செல்ல அனுமதிக்கவேண்டும் என்று கேட்டுக்கொண்டனர்.

ஆனால் போலீஸார் அனுமதிக்கவில்லை. இதனால் இரு தரப்பினருக்கும் இடையே ஏற்பட்ட வாக்குவாதத்தில் ஆத்திரம் அடைந்த குடிசைவாசிகள், போலீஸார் மற்றும் மாநகராட்சி ஊழியர்கள்மீது கல்வீசித் தாக்கினர். போலீஸாரும் அவர்கள் மீது தடியடி நடத்தினர். இரு தரப்பினருக்கும் இடையே 30 நிமிடத்திற்கும் மேல் மோதல் நடந்தது. சம்பவ இடத்திற்கு கூடுதலாக ரிசர்வ் போலீஸார் 500 பேர் வரவழைக்கப்பட்டனர். இத்தாக்குதலில் உதவி போலீஸ் கமிஷனர் பரத் சூரியவன்சி உட்பட 20 போலீஸார், 10 மாநகராட்சி ஊழியர்கள் என மொத்தம் 30 பேர் காயம் அடைந்தனர். அரசு ஊழியர்களை பணி செய்யவிடாமல் தடுத்தாக 200 பேர் மீது வழக்கு பதிவு செய்யப்பட்டுள்ளதாக துணை போலீஸ் கமிஷனர் பரத் சூர்யவன்சி தெரிவித்தார்.

கல்வீசித் தாக்கிய 20 குடிசைவாசிகள் கைது செய்யப்பட்டுள்ளனர். போலீஸாரும், குடிசைவாசிகளும் மோதிக்கொண்ட வீடியோ சோஷியல் மீடியாவில் வைரலாக பரவி இருக்கிறது. இது குறித்து அக்குடிசைப்பகுதியில் வசிக்கும் கவிதா தோரட் என்ற பெண் கூறுகையில், ``எனது 18 வயது மகள் வீட்டில் இருந்து வெளியில் வர மறுத்ததால் அவளை பிடித்துச்சென்றுள்ளனர்'' என்றார். மற்றொரு பெண் ஆர்த்தி இது குறித்து கூறுகையில், ''மழை காலம் நெருங்குகிறது. இந்த நேரத்தில் நாங்கள் எங்கே செல்ல முடியும்'' என்று கேள்வி எழுப்பினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbசேலம்: தவறான சிகிச்சையால் உயிரிழந்த பள்ளி மாணவன் - மெடிக்கல் கடை உரிமையாளர் கைது!


http://dlvr.it/T7ySht

Read More

BJP: ``மக்களவை தேர்தலில் பாஜக சரிவை சந்தித்ததற்கு காரணம் என்ன?" - விகடன் கருத்துக்கணிப்பு முடிவுகள்!

2014-ல் 282 தொகுதிகளில் வெற்றி பெற்று ஆட்சிக்கு வந்த பிரதமர் மோடி, 2019 தேர்தலில் 303 இடங்களில் வெற்றி பெற்று ஆட்சியைத் தக்கவைத்துகொண்டார். இந்த நிலையில், மூன்றாவது முறையாக '2024 - மீண்டும் மோடி வேண்டும் மோடி' என்ற முழக்கத்துடன் தேர்தலை எதிர்கொண்ட பாஜக (BJP) மோடி, தேர்தல் தேதி அறிவிப்புக்கு முன்னரே பல்வேறு மாநிலங்களுக்கு இரண்டு முறைக்கும் மேலாகச் சென்று, அரசு திட்டங்களை தொடங்கி வைத்து தேர்தல் பிரசாரத்தை தொடங்கினார்.மோடி

`நான் மனிதப் பிறவியல்ல... என்னை பரமாத்மாதன் தேர்ந்தெடுத்து அனுப்பினார்!' - மோடி பிரசாரம்



இதற்கிடையில், காங்கிரஸ் தலைமையில் இந்தியா கூட்டணி உருவாகி, இந்திய அரசியலில் அதிர்வலைகளை ஏற்படுத்தியது. தேர்தல் பிரசாரத்துக்கான 76 நாள்களில், 200-க்கும் மேற்பட்ட பொதுக்கூட்டங்கள், 80 முறை ஊடங்கங்களுக்கு பேட்டி எனத் தீவிரமாகச் செயல்பட்ட பிரதமர் மோடி, 'காங்கிரஸ் வெற்றிபெற்றால் தீவிரவாதிகளுக்குப் பிரதமர் இல்லத்தில் விருந்து நடக்கும், சி.ஏ.ஏ சட்டத்தைத் திரும்பப் பெறும், சட்டப்பிரிவு 370 ஜம்மு காஷ்மீரில் மீண்டும் கொண்டுவரப்படும், ராமர் கோயில் புல்டோசர் வைத்து இடிக்கப்படும்.

முஸ்லிம்களுக்கு இட ஒதுக்கீடு வழங்கப்படுகிறது, காங்கிரஸ் இந்துகளின் சொத்துகளை முஸ்லிம்களுக்கு பிடுங்கி கொடுக்க முயற்சிக்கிறது, அதானி, அம்பானியிடம் காங்கிரஸ் பணம் வாங்கிவிட்டது, நான் மனிதப் பிறவியல்ல. என்னை பரமாத்மாதன் தேர்ந்தெடுத்து அனுப்பினார், நான் கப், பாத்திரம் கழுவித்தான் வளர்ந்தேன்' எனப் பல்வேறு வகையில் பேசி, பிரசாரத்தை நடத்தி முடித்து, கன்னியாகுமரி தியானத்துக்குப் பயணமானார். இந்த நிலையில்தான் நாடாளுமன்றத் தேர்தல் முடிவுகள் வெளியாகின.விகடன் கருத்துக்கணிப்பு

தகர்ந்துபோன பாஜக -வின் பெரும்பான்மை கனவு!



அதில் பிரதமர் மோடி தலைமையிலான பா.ஜ.க 240 தொகுதிகளில் மட்டுமே வெற்றிப் பெற்றிருக்கிறது. கடந்த இரண்டு நாடாளுமன்றத் தேர்தலைவிட பா.ஜ.க-வின் வாக்கு சதவிகிதம் கடுமையாக வீழ்ச்சியை சந்தித்திருக்கிறது. பல முக்கிய பிரபலமான அமைச்சர்கள் தங்கள் பதவியை இழந்திருக்கிறார்கள். ராமர் கோயில் இருக்கும் ஃபைசாபாத் தொகுதியில்கூட பா.ஜ.க தோற்றிருக்கிறது. கடந்த தேர்தலில் 60-க்கும் மேற்பட்ட தொகுதிகளை கைப்பற்றி பா.ஜ.க கோட்டையாக இருந்த உத்தரப்பிரதேசத்தில் 40-க்கும் குறைவான இடங்களில்தான் வென்றிருக்கிறது.

எனவே, இவ்வளவு மெனக்கெட்டும் 'மக்களவைத் தேர்தலில் பிரதமர் மோடி தலைமையிலான பா.ஜ.க சரிவைச் சந்தித்திருப்பதற்கு காரணம் என்ன?' என்ற கேள்வியோடு, விகடன் வலைதளப் பக்கத்தில் கருத்துக்கணிப்பு நடத்தினோம். அதில், மதவாத வெறுப்பு அரசியல், மக்கள் மாற்றத்தை விரும்பினர், மோசமான நிர்வாக செயல்பாடு, எதிர்க்கட்சிகளின் ஒற்றுமை என 4 விருப்பத் தேர்வுகளையும் கொடுத்திருந்தோம்.விகடன் கருத்துக்கணிப்பு

இந்தக் கருத்துக்கணிப்பின் முடிவில், மக்களவைத் தேர்தலில் பா.ஜ.க சரிவை சந்தித்திருப்பதற்கு காரணம், மதவாத வெறுப்பு அரசியல் என 62 சதவிகித வாசகர்களும், மக்கள் மாற்றத்தை விரும்பினர் என 11 சதவிகித வாசகர்களும், மோசமான நிர்வாக செயல்பாடு என 11 சதவிகித வாசகர்களும், எதிர்க்கட்சிகளின் ஒற்றுமை என 16 சதவிகித வாசகர்களும் கருத்து தெரிவித்திருக்கின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbNDA: `உள்துறை, நிதி, பாதுகாப்புத்துறை கிடையாது' - கூட்டணியினரிடம் கறார்.. 4-1 கணக்கு போடுகிறதா பாஜக?


http://dlvr.it/T7ySSR

Read More