Modi : `இந்த அரசு 15 நாள்கள் நீடிக்குமா என்பது யாருக்குத் தெரியும்?' - மம்தா பானர்ஜி தாக்கு

நாடாளுமன்றத் தேர்தல் முடிவுகள் வெளியாகி, பா.ஜ.க கூட்டணி ஆட்சியமைக்கவிருக்கிறது. இந்த நிலையில் மேற்கு வங்க முதல்வர் மம்தா பானர்ஜி தலைமையிலான திரிணாமுல் காங்கிரஸ் கட்சியின் எம்.பி-க்களின் கூட்டம், கொல்கத்தாவில் நடைபெற்றது. இதில் திரிணாமுல் காங்கிரஸ் கட்சியின் நாடாளுமன்ற கட்சித் தலைவராக மேற்கு வங்க முதலமைச்சர் மம்தா பானர்ஜி தேர்வு செய்யப்பட்டார்.தேசிய ஜனநாயக கூட்டணி கூட்ட,ம்

மக்களவைக் குழுத் தலைவர் சுதீப் பந்த்யோபாத்யாவும், மக்களவை துணைத் தலைவராக ககோலி கோஸ் தஸ்திதாரும், மாநிலங்களவைக் குழுத் தலைவராக டெரெக் ஓ பிரையன், மாநிலங்களவை துணைத் தலைவராக சகரிகா கோஸும் தேர்வு செய்யப்பட்டனர். அதைத் தொடர்ந்து பேசிய, மம்தா பானர்ஜி, ``பா.ஜ.க அரசியலமைப்பு சட்டத்திற்குப் புறம்பாக, சட்ட விரோதமாக ஆட்சி அமைக்க முயல்கிறது. அதற்கு என்னால் வாழ்த்து சொல்ல முடியாது.

பெரும்பான்மையான மக்கள் பா.ஜ.க-வை நிராகரித்திருக்கிறார்கள். அதேநேரம் எனது வாழ்த்துகள் நாட்டுக்காக இருக்கும். இப்போது தேர்வான அனைத்து எம்.பி-க்களும் அவர்கள் கட்சிகளை வலுப்படுத்துவார்கள். பா.ஜ.க மீண்டும் கட்சிகளை உடைக்க முயலும். பா.ஜ.க-வை நாங்கள் உடைக்க வேண்டிய அவசியம் இல்லை. ஆனால் அவர்கள் கட்சிக்குள்ளேயே பிளவுகள் ஏற்படும்... அது ஏற்கெனவே ஆரம்பித்துவிட்டது என்றே தெரிகிறது... பா.ஜ.க-வில் உள்ளவர்கள் மகிழ்ச்சியாக இல்லை என்பது நாட்டு மக்கள் அனைவருக்கும் தெரிகிறது.இந்தியா கூட்டணி

கடந்த இரண்டு நாடாளுமன்ற தேர்தல்களிலும் பா.ஜ.க 300-க்கும் மேற்பட்ட இடங்களில் வென்று ஆட்சியைப் பிடித்திருந்த நிலையில், இந்த முறை 400 இடங்களில் வெல்வோம் என்றார்கள். ஆனால் தனிப்பெரும்பான்மையைக்கூட பெற முடியவில்லை. 240 சீட்களில் வென்ற பா.ஜ.க, கூட்டணிக் கட்சிகளின் ஆதரவுடன் ஆட்சியை அமைக்கிறது. மோடியின் பதவியேற்பு விழாவில் கலந்துகொள்ள அழைப்பு வரவில்லை... எனவே நான் போக மாட்டேன்.

இந்தியா கூட்டணி இப்போது ஆட்சியமைக்க உரிமை கோரவில்லை என்பதற்காக, அது நடக்காது என்று பொருளல்ல. நமது நாட்டில் ஓரிரு நாள்கள் மட்டுமே நீடித்த அரசுகள்கூட இருக்கின்றன என்பதை மறந்துவிட வேண்டாம். இந்த அரசு 15 நாள்கள் நீடிக்குமா... இல்லை அதற்குள் கவிழுமா என்பது யாருக்குத் தெரியும்... என்ன நடக்கிறது என்பதை உன்னிப்பாகக் கவனித்து வருகிறோம். நேரம் வரும்போது இந்தியா கூட்டணி ஆட்சி அமைக்கும். குடியுரிமை திருத்தச் சட்டம் (சிஏஏ) உட்பட முரட்டுத்தனத்தைப் பயன்படுத்தி இயற்றப்பட்ட சட்டங்கள் ரத்து செய்யப்பட வேண்டும்" எனக் கடுமையாகச் சாடியிருக்கிறார்.PM Modi Oath Ceremony : மூன்றாவது முறையாக பிரதமராகும் மோடி - இன்று பதவியேற்பு விழா! - Modi Sworn In | Live Updates


http://dlvr.it/T81wkX

Read More

PM Modi Oath Ceremony : மூன்றாவது முறையாக பிரதமராகும் மோடி - இன்று பதவியேற்பு விழா! - Modi Sworn In | Live Updates

PM Modi Oath Ceremony - மோடி பதவியேற்பு விழாவில் கலந்துகொள்ளும் வெளிநாட்டுத் தலைவர்களின் லிஸ்ட்!



மூன்றாவது முறை பிரதமராகப் பதவியேற்கவிருக்கும் மோடியின் பதவியேற்பு விழா, இன்று இரவு 7:15 மணிக்கு ராஷ்டிரபதி பவனில் நடக்கிறது. இந்த விழாவில் கலந்து கொள்ளுமாறு அண்டை நாடுகளின் பல தலைவர்களுக்கு இந்தியா அழைப்பு விடுத்துள்ளது. இந்த அழைப்பை ஏற்று பல தலைவர்கள் இந்தியா வந்திருப்பதாக வெளியுறவு அமைச்சகம் தெரிவித்துள்ளது.மோடி

இந்த விழாவில் கலந்துகொள்வதாக உறுதி செய்த தலைவர்கள்!

இலங்கை ஜனாதிபதி ரணில் விக்கிரமசிங்க

மாலத்தீவு அதிபர் டாக்டர் முகமது முய்சு

சீஷெல்ஸின் துணைத் தலைவர் அகமது அஃபிஃப்

பங்களாதேஷ் பிரதமர் ஷேக் ஹசீனா

மொரீஷியஸ் பிரதமர் பிரவிந்த் குமார் ஜக்நாத்

நேபாள பிரதமர் புஷ்ப கமல் தஹல் ‘பிரசந்தா’

பூடான் பிரதமர் ஷெரிங் டோப்கே

PM Modi Oath Ceremony (மோடி) - முதல் வெளிநாட்டு விருந்தினராக இந்தியாவுக்கு வந்த வங்க தேச பிரதமர்!

வங்கதேச பிரதமர் ஷேக் ஹசீனா

பிரதமர் மோடியின் பதவியேற்பு விழாவுக்கு பல்வேறு அண்டை நாடுகளின் தலைவர்களுக்கு அழைப்பு விடுக்கப்பட்டிருக்கிறது. இன்று மாலை பதவியேற்பு விழா நடைபெறவிருக்கும் நிலையில், வெளிநாட்டு தலைவர்கள் டெல்லிக்கு வருகை தர தொடங்கியிருக்கின்றனர். அந்த வகையில் வங்கதேச பிரதமர் ஷேக் ஹசீனா முதல் சிறப்பு விருந்தினராக நேற்றைய தினமே டெல்லிக்கு வந்துவிட்டார். அவருக்குச் சிறப்பான வரவேற்பு அளிக்கப்பட்டது.

PM Modi Oath Ceremony - 1000-க்கும் மேற்பட்ட போக்குவரத்து போலீஸார் பணியில் ஈடுபடுத்தப்பட்டிருக்கின்றனர்!



டெல்லியில் இன்று மாலை மோடி தலைமையிலான மத்திய அரசு, ஆட்சியமைக்கவிருக்கிறது. இந்தப் பெரும் விழாவை முன்னிட்டு, டெல்லியில் ஆயிரத்துக்கும் மேற்பட்ட போலீஸார் போக்குவரத்து பணியில் ஈடுபடுத்தப்பட்டிருக்கின்றனர். இன்று மதியம் 2 மணிக்கு, ராஷ்ட்ரபதி பவன் அமைந்திருக்கும் பகுதியில் பொதுமக்களுக்கு அனுமதி மறுக்கப்பட்டு, போக்குவரத்து முடக்கப்படும் என போலீஸ் உயரதிகாரிகள் தெரிவித்திருக்கின்றனர்.

PM Modi Oath Ceremony - ராஜ்காட்டில் உள்ள காந்தியின் நினைவிடத்தில் மோடி மரியாதை!



மோடி, இன்று மாலை மூன்றாவது முறையாகப் பிரதமராகப் பதவியேற்கவிருக்கும் நிலையில், டெல்லி ராஜ்காட்டில் அமைந்துள்ள மகாத்மா காந்தியின் நினைவிடத்துக்குச் சென்று, மரியாதை செலுத்தினார்.

மத்தியில் தனிப்பெரும்பான்மையுடன் கடந்த 10 ஆண்டுகளாக ஆட்சி செய்துவந்த பாஜக, இந்தமுறை தனிப்பெரும்பான்மை கிடைக்காமல் போகவே, தெலுகு தேசம் மற்றும் நிதிஷின் ஐக்கிய ஜனதா தளம் உள்ளிட்ட என்.டி.ஏ கூட்டணிக் கட்சிகளின் ஆதரவுடன் ஆட்சியமைக்கவிருக்கிறது. இந்த தேர்தலில் 543 தொகுதிகளில் போட்டியிட்ட பா.ஜ.க, 240 இடங்களில் வெற்றிபெற்றது. அதேபோல அந்தக் கட்சியின் தலைமையிலான கூட்டணி 293 இடங்களில் வெற்றிபெற்றது.

Modi (மோடி) - மத்தியில் அமையும் கூட்டணி ஆட்சி!



அதைத் தொடர்ந்து கூட்டணி ஆட்சி அமைப்பதற்கான வேலைகள் என்.டி.ஏ தரப்பில் மும்முரம் காட்டப்பட்டது. மூன்றாவது முறையாக மோடியே மீண்டும் பிரதமராகப் பதவியேற்கவிருக்கிறார். அதேபோல என்.டி.ஏ கூட்டணியின் தலைவராக மோடி தேர்வு செய்யப்பட்டிருக்கிறார். NDA - மோடி

ஆனால், அமைச்சரவையைப் பொறுத்தவரையில் இந்த முறை பலத்த மாற்றங்கள் இருக்கும் எனக் கூறப்படுகிறது. மேலும், பா.ஜ.க ஆட்சி அரியணையில் அமர்வதற்கு, முக்கியப் பங்காற்றிய டி.டி.பி, ஜே.டி.யூ மற்றும் இதர கூட்டணிக் கட்சிகளுக்கும் அமைச்சரவையில் துறைகளை ஒதுக்க வேண்டிய கட்டாயத்தில் பா.ஜ.க இருக்கிறது. எனவே, முக்கியமான சில துறைகளை தங்களிடத்தில் வைத்துக்கொண்டு, `4 எம்.பி-க்களுக்கு 1 அமைச்சர் பதவி' என்ற கணக்கில் கூட்டணிக் கட்சியினருக்கு அமைச்சர் பதவிகளை வழங்கவிருப்பதாகவும் தகவல் வெளியாகியிருக்கிறது. இந்த பதவி ஒதுக்கீடு பணிகள் திரை மறைவில் நடந்துகொண்டிருக்க, மறுபக்கம் ஆதரவு எம்.பி-க்களின் பட்டியலுடன் குடியரசுத் தலைவரைச் சந்தித்து ஆட்சியமைக்க கடந்த வெள்ளிக்கிழமை உரிமை கோரினார், மோடி. குடியரசுத் தலைவரும் அவருடைய கோரிக்கையை ஏற்றுக்கொண்டு, ஆட்சியமைக்குமாறு மோடிக்கு அழைப்பு விடுத்தார்.

PM Modi Oath Ceremony (மோடி) : புதிய அரசின் அமைச்சரவையில் 30 பேர்?

மோடி (Modi)

இன்று மாலை 7:15 மணிக்கு குடியரசுத் தலைவர் திரௌபதி முர்மு, மோடிக்கு பதவிப் பிரமாணமும், ரகசிய காப்பும் செய்து வைக்கிறார். மோடியைத் தொடர்ந்து அமைச்சரவையில் இடம்பெறும் பிறரும் பதவி ஏற்பார்கள். அமைச்சரவையில் மொத்தம் 30 பேர் இடம்பெறுவார்கள் எனச் சொல்லப்படும் நிலையில், யார் யாருக்கு எந்தெந்த துறைகள் ஒதுக்கீடு செய்வதென்ற ஆலோசனை தொடர்ந்து நீடித்து வருவதாக, டெல்லி வட்டாரங்கள் தகவல் தெரிவிக்கின்றன.`என் வாழ்வின் ஒவ்வொரு கணமும் அர்பணிக்கப்பட்டிருக்கிறது!' - அரசியலமைப்பை தலையில் தொட்டு வணங்கிய மோடி


http://dlvr.it/T81wcn

Read More

`மோடி மீது மக்களுக்கு கோபம் இருக்கிறது என்று முன்பே கூறியிருந்தேன்!' - சமாளிக்கும் பிரசாந்த் கிஷோர்

ஜூன் 4-ம் தேதி வெளியான நாடாளுமன்றத் தேர்தல் முடிவுகள், பா.ஜ.க தலைமையிலான தேசிய ஜனநாயக கூட்டணி 370 இடங்களுக்கு மேல் பெறும் என்று ஜூன் 1-ம் தேதி வெளியான கருத்துக்கணிப்புகளை முற்றிலும் பொய்யாகியது. தேர்தல் வாக்கு எண்ணிக்கை முடிவில், பா.ஜ.க கடந்த இரு தேர்தல்களில் பெற்ற தனிப்பெரும்பான்மையைக் கூட பெறாமல் 240 இடங்களை மட்டுமே பெற்றது. இருப்பினும், என்.டி.ஏ கூட்டணி 293 இடங்களை பெற்று மீண்டும் ஆட்சியைத் தக்கவைத்திருக்கிறது. அதேபோல், இந்தியா கூட்டணி 234 இடங்களையும், அதில் காங்கிரஸ் 99 இடங்களையும் பெற்றது.மோடி

இதற்கிடையில் தேர்தல் நடைபெற்றுக் கொண்டிருக்கும்போதே, பா.ஜ.க கடந்த முறையைப் போல 303 இடங்கள் அல்லது அதற்கும் சற்று அதிகமான இடங்களைத் தனிப்பெரும்பான்மையைப் பெறும் என்று பிரசாந்த் கிஷோர் கூறியிருந்தார். மேலும், கருத்துக்கணிப்பு முடிவுகள் வெளியான அன்று, `அடுத்த தேர்தலில் தேவையற்ற பேச்சுகளில் நேரத்தை வீணாக்காதீர்கள்' என்றும் பிரசாந்த் கிஷோர் கூறியிருந்தார்.

இந்த நிலையில், தன்னுடைய கணிப்பு தவறிவிட்டதை ஒப்புக்கொண்ட பிரசாந்த் கிஷோர், மோடி மீது மக்களுக்கு கோபம் இருக்கிறது என முன்பே கூறியிருந்ததாகத் தெரிவித்திருக்கிறார். தனியார் ஊடகத்திடம் தேர்தல் முடிவுகள் குறித்து பேசிய பிரசாந்த் கிஷோர், ``நானும் என்னைப் போன்ற கருத்துக்கணிப்பாளர்களும் தவறாகப் புரிந்து கொண்டோம். இனிவரும் தேர்தலில் இந்த எண்ணிக்கை விளையாட்டுகளில் வரமாட்டேன். என்னுடைய கணிப்பை நான் முன்வைத்தேன்.பிரசாந்த் கிஷோர்

ஆனால், என்னுடைய கணிப்பு 20 சதவிகிதம் தவறாகிவிட்டது. இதை நான் ஒப்புக்கொள்ள வேண்டும். பா.ஜ.க 300-ஐ நெருங்கும் என்று கூறியிருந்தேன். ஆனால், அவர்கள் 240 தான் பெற்றார்கள். இருப்பினும், மோடி மீது மக்களுக்கு கோபம் இருக்கிறது, ஆனால் அது பரவலான அதிருப்தியாக இல்லை என்று முன்பே கூறியிருந்தேன். கடந்த இரண்டு ஆண்டுகளில்தான் எண்ணிக்கை கணிப்புகளில் தவறு செய்திருக்கிறேன். அந்த எண்களை நீங்கள் நீக்கிவிட்டால் நான் கூறியது அனைத்தும் சரியாக இருக்கும் '' என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88மண்ணைக் கவ்விய மத்திய அமைச்சர்கள்!


http://dlvr.it/T80wkf

Read More

அக்னிவீரர் திட்டத்தைக் கைவிட வைப்பதில் பிடிவாதம் காட்டும் நிதிஷ் - பின்னணி என்ன?

மத்தியில் அமையும் தேசிய ஜனநாயகக் கூட்டணி ஆட்சியில் இடம்பெறும் பீகார் முதல்வர் நிதிஷ் குமார் தலைமையிலான ஐக்கிய ஜனதா தளம், அக்னிவீரர் திட்டத்துக்கு கடும் எதிர்ப்பு தெரிவித்திருக்கிறது. ராணுவ வீரர்கள்

மோடி அரசு கொண்டுவந்த அக்னிவீரர் திட்டத்துக்கு இளைஞர்கள் மத்தியில் கடும் எதிர்ப்பு நிலவிய சூழலில்தான், 2024 மக்களவைத் தேர்தலில் உத்தரப்பிரதேசம் உள்ளிட்ட மாநிலங்களில் பா.ஜ.க படுதோல்வியடைந்திருக்கிறது.

இந்தியாவில் ராணுவம், விமானப்படை, கப்பற்படை போன்ற ஆயுதப்படைகளுக்கு புதிய முறையில் ஆள்சேர்க்கும் விதமாக, `அக்னிபத்' எனும் புதிய திட்டத்தை 2022-ம் ஆண்டு பா.ஜ.க அரசு கொண்டுவந்தது. பிரதமர் மோடி தலைமையிலான அமைச்சரவை ஒப்புதல் வழங்கிய அக்னிவீரர் திட்டத்தில், பெண்கள் உள்பட தேர்தெடுக்கப்படும் இளைஞர்கள், ஆறு மாத காலம் ஆயுதப்படைப் பயிற்சியுடன் சுமார் நான்கு ஆண்டுக்காலம் பணியாற்றுவார்கள். மோடி

அக்னிவீரர் திட்டத்தின் கீழ் பணியாற்றுபவர்களுக்கு நான்காண்டு காலம் மாதம் ரூ. 40,000 வரை சம்பளம் வழங்கப்படுகிறது. அவர்கள், `அக்னி வீரர்கள்' என்று என்றழைக்கப்படுவார்கள். நான்காண்டுகாலப் பணி முடிந்த பிறகு, அதிலிருந்து 25 சதவிகிதம் பேர் மட்டும் திறமையின் அடிப்படையில் நேரடியாக இந்திய ஆயுதப்படையில் சேர்த்துக்கொள்ளப்படுவார்கள்.

நீண்டகாலப் பணி, ஓய்வூதியம், பழைய தேர்வு முறையில் இருந்த சலுகைகள், உரிமைகள் உள்ளிட்ட பல நலத் திட்டங்கள் எதுவும் அக்னி வீரர் திட்டத்தில் கிடையாது. இந்தத் திட்டம் நாடாளுமன்றத்திலோ, பாதுகாப்புக்கான நாடாளுமன்ற நிலைக்குழுவிலோ விவாதிக்கப்படவில்லை. இந்தத் திட்டம் பற்றிய எந்தத் தகவலும் அதன் அறிவிப்புக்கு முன்பு பொதுமக்களுக்கு வழங்கப்படவில்லை. ராகுல் காந்தி

இந்தத் திட்டத்தை நிறுத்தி வைக்க வேண்டும், இந்தத் திட்டம் குறித்து நாடாளுமன்றத்தில் விவாதிக்க வேண்டும் என்று எதிர்க்கட்சிகள் அப்போதே வலியுறுத்தின. இந்தத் திட்டம் நாட்டு நலனுக்காகவோ, நாட்டின் பாதுகாப்புக்காகவோ கொண்டுவரப்படவில்லை என்று காங்கிரஸ் விமர்சித்தது. எதிர்க்கட்சிகள் மத்தியிலும், இளைஞர்கள் மத்தியிலும் கடும் எதிர்ப்பு கிளம்பியும்கூட, அக்னிவீரர் திட்டத்தை பா.ஜ.க அரசு வாபஸ் பெறவில்லை.

அக்னிவீரர் திட்டத்துக்கு எதிராக பீகாரிலும் பெரும் போராட்டம் நடைபெற்றது. அக்னிவீரர் திட்டத்தால் பாதிக்கப்பட்டிருந்த இளைஞர்கள், மக்களவைத் தேர்தலில் தங்கள் கோபத்தை வெளிப்படுத்தியிருக்கிறார்கள். குறிப்பாக, உத்தரப்பிரதேசம், பஞ்சாப், அரியானா ஆகிய மாநிலங்களில் பா.ஜ.க தோல்வியடைந்ததற்கு அக்னிவீரர் திட்டமும் ஒரு முக்கியக் காரணமாக இருந்திருக்கிறது. சந்திரபாபு நாயுடு - நிதிஷ் குமார்

இந்த நிலையில்தான், அக்னிவீரர் திட்டத்துக்கு நிதிஷ் குமார் தற்போது எதிர்ப்பு தெரிவித்திருக்கிறார். நிதிஷ் குமாரின் ஐக்கிய ஜனதா தளத்தின் தயவில்தான் மோடி ஆட்சி 3.0 செல்ல வேண்டும் என்ற நிலை இருப்பதால், நிதிஷ் குமாரின் இந்தக் கோரிக்கையை பரிசீலிக்க வேண்டிய கட்டாயத்தில் பா.ஜ.க இருக்கிறது.

அக்னி வீரர்கள் திட்டத்தை நிதிஷ் குமார் ஏன் எதிர்க்கிறார்? ‘அக்னிவீரர்கள் திட்டம் கொண்டுவரப்பட்டபோது, ராணுவத்தினர் மத்தியிலேயே இதற்கு எதிர்ப்பு கிளம்பியது. அவர்களின் குடும்பத்தினர் தேர்தலில் தங்கள் எதிர்ப்பை காண்பித்திருக்கிறார்கள். எனவே, இது குறித்து பரிசீலிக்க வேண்டிய அவசியம் இருக்கிறது’ என்கிறார் ஐக்கிய ஜனதா தளத்தின் முக்கியத் தலைவர்களில் ஒருவரான கே.சி.தியாகி. பிரதமர் மோடி - நிதிஷ் குமார்

பீகாரில் அடுத்த ஆண்டு சட்டமன்றத் தேர்தல் நடைபெறவிருப்பதால், அதில் அக்னிவீரர்கள் திட்டம் தாக்கத்தை ஏற்படுத்தலாம் என்ற அச்சம் நிதிஷ் குமாருக்கு இருக்கிறது. தற்போது இந்தத் திட்டத்துக்கு அவர் எதிர்ப்பு தெரிவிப்பதற்கு இது ஒரு முக்கியக் காரணம். நெருக்கடி கொடுக்கும் இடத்தில் நிதிஷ் குமார் இருக்கிறார். அவரது கோரிக்கையை நிறைவேற்ற வேண்டிய இடத்தில் பிரதமர் மோடி இருக்கிறார்.

இந்த நிலையில், கடந்த ஆட்சியில் மோடி அரசு இந்த திட்டத்தை கொண்டு வர காட்டிய தீவிரம், இந்த மோடி 3.O-விலும் நீடிக்குமா என்பது சந்தேகம் தான்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T80wXw

Read More

`என் வாழ்வின் ஒவ்வொரு கணமும் அர்பணிக்கப்பட்டிருக்கிறது!' - அரசியலமைப்பை தலையில் தொட்டு வணங்கிய மோடி

பாஜக தலைமையிலான தேசிய ஜனநாயக கூட்டணி தற்போது நடந்து முடிந்த நாடாளுமன்றத் தேர்தலில் 292 இடங்களில் வெற்றிபெற்று ஆட்சியைத் தக்க வைத்திருக்கிறது. அதைத் தொடர்ந்து, தேசிய ஜனநாயக கூட்டணியின் தலைவராக மீண்டும் தேர்ந்தெடுக்கப்பட்ட மோடி, தனக்கு ஆதரவளிக்கும் எம்.பி-க்களின் பட்டியலுடன் குடியரசுத் தலைவர் முர்முவை சந்தித்து ஆட்சியமைக்க உரிமை கோரினார். அதன்படி ஜூன் 9-ம் தேதி மாலை 6 மணியளவில் மோடி (Modi) தொடர்ச்சியாக மூன்றாவது முறையாகப் பிரதமராகவிருக்கிறார்.மோடி

இதற்கிடையில், புதிய நாடாளுமன்றத்தில் என்.டி.ஏ கூட்டணி எம்.பி-க்கள், கட்சித் தலைவர்கள் கலந்துகொண்ட கூட்டம் நடைபெற்றது. இதில், கலந்துகொண்ட மோடி, இந்திய அரசியலமைப்பு புத்தகத்தை தலையில் தொட்டு வணங்கினார். இது தொடர்பான புகைப்படங்கள் சமுக வலைதளங்களிலும் பரவின.

Modi: `கோடிக்கணக்கான மக்களுக்கு நம்பிக்கை அளிக்கிறது!' - மோடி



இந்த நிலையில், பிரதமர் மோடி (Modi) தனது X சமூக வலைதளப் பக்கத்தில் அரசியலமைப்பு புத்தகத்தை தான் தலையில் தொட்டு வணங்கும் படத்தைப் பதிவிட்டு, ``டாக்டர் பாபாசாகேப் அம்பேத்கர் நமக்கு வழங்கிய இந்திய அரசியலமைப்புச் சட்டத்தில் பொதிந்துள்ள உன்னத விழுமியங்களை நிலைநிறுத்துவதற்காக எனது வாழ்வின் ஒவ்வொரு கணமும் அர்ப்பணிக்கப்பட்டிருக்கிறது.அரசியலமைப்பு

என்னைப் போன்ற ஏழ்மை மற்றும் பின்தங்கிய குடும்பத்தில் பிறந்த ஒருவர் இந்த நாட்டுக்கு சேவைசெய்ய முடியுமென்றால் அதற்கு இந்த அரசியலமைப்பு சட்டம்தான் காரணம். இது நாட்டின் கோடிக்கணக்கான மக்களுக்கு நம்பிக்கையையும், வலிமையையும், கண்ணியத்தையும் அளிக்கிறது" என்று ட்வீட் செய்திருக்கிறார்.அமித் ஷா - மோடி

முன்னதாக கடந்த ஆட்சியில் 303 இடங்களுடன் தனிப்பெரும்பான்மையாக இருந்த பாஜக அரசு, கடந்த டிசம்பரில் நடந்த நாடாளுமன்ற கூட்டத்தொடரில், இந்திய தண்டனைச் சட்டத்தின் (IPC - Indian Penal Code) பெயரை பாரதிய நியாய சன்ஹித' எனவும், இந்திய குற்றவியல் நடைமுறைச் சட்டத்தின் (CrPC - Criminal Procedure Code) பெயரை `பாரதிய நகரிக் சுரக்‌ஷா சன்ஹித' எனவும், இந்திய சாட்சிகள் சட்டத்தின் (IEA - Indian Evidence Act) பெயரை `பாரதிய சக்‌ஷய' எனவும் இந்தியில் பெயர் மாற்றம் செய்வதற்கான மசோதாவை நிறைவேற்றி, குடியரசுத் தலைவரிடம் ஒப்புதலும் பெற்றது. இது ஜூலை 1-ம் தேதி முதல் நடைமுறைக்கு வருகிறது என்பது குறிப்பிடத்தக்கது.அகங்காரம், அராஜகம், அத்துமீறல்; பஞ்சாப், ஹரியானா, உ.பி-யில் மோடி அலையை புஷ்வாணமாக்கிய விவசாயிகள்!


http://dlvr.it/T80fR9

Read More

Stock Market: ரூ.30 லட்சம் கோடி இழப்பு; மோடி, அமித் ஷாவைக் குற்றம்சாட்டும் காங்கிரஸ் - பின்னணி என்ன?

இந்தியப் பங்குச்சந்தையில் ரூ.30 லட்சம் கோடி அளவுக்கு இழப்பு ஏற்பட்ட விவகாரம் தேசிய அரசியலில் பெரும் சர்ச்சையாகியிருக்கிறது. இந்த நிலையில், ‘ஜூன் 4-ம் தேதியன்று இந்தியப் பங்குச்சந்தையில் சாமானிய மக்கள் ரூ.30 லட்சம் கோடியை இழந்திருக்கிறார்கள். இது மிகப்பெரிய ஊழல்’ என்று காங்கிரஸ் தலைவர் ராகுல் காந்தி கூறியிருக்கிறார். மோடி

மக்களவைத் தேர்தல் முடிவுகள் வெளியான ஜூன் 4-ம் தேதி இந்தியப் பங்குச்சந்தை வரலாறு காணாத வீழ்ச்சியைச் சந்தித்து. அதாவது, கொரோனா பெருந்தொற்று காலத்தில் ஏற்பட்ட வீழ்ச்சிக்குப் பிறகு, மிகப்பெரிய வீழ்ச்சியை இப்போது இந்தியப் பங்குச்சந்தை சந்தித்தது.

மக்களவைத் தேர்தலில் பா.ஜ.க 370 இடங்களிலும், தேசிய ஜனநாயகக் கூட்டணி 400 இடங்களிலும் வெற்றிபெறும் என்று பிரதமர் கூறியதைத் தொடர்ந்து, பா.ஜ.க தலைவர்கள் அனைவரும் அந்தப் பிரசாரத்தை பெரியளவுக்கு முன்னெடுத்தனர். அதைத் தொடர்ந்து, ‘மக்களவைத் தேர்தலில் பா.ஜ.க மிகப்பெரிய வெற்றியைப் பெற்று மூன்றாவது முறையாக ஆட்சியமைக்கும்’ என்று தேர்தல் கருத்துக்கணிப்புகள் வெளியாகின. அமித் ஷா

Stock Market - பங்குச்சந்தை திடீர் ஏற்றமும்... கடும் வீழ்ச்சியும்!



ஏழாம் கட்டத் தேர்தல் நடைபெற்ற ஜூன் 1-ம் தேதி வெளியான தேர்தலுக்குப் பிந்தைய கருத்துக்கணிப்புகள், ‘தேசிய ஜனநாயகக் கூட்டணிக்கு 350 இடங்கள் முதல் 401 இடங்கள் வரை கிடைக்கும்’ என்று குறிப்பிட்டன. உடனே, இந்தியப் பங்குச்சந்தை மிகப்பெரிய அளவுக்கு ஏற்றம் கண்டது. பா.ஜ.க மிகப்பெரிய வெற்றியைப் பெறும் என்ற பிம்பம் கட்டமைக்கப்பட்டிருந்த நிலையில், அதற்கு நேர்மாறாக தேர்தல் முடிவுகள் இருந்தன. வாரணாசி தொகுதியில் பிரதமர் மோடிக்கு பின்னடைவு என்ற செய்தி பா.ஜ.க-வினருக்கு கலக்கத்தை ஏற்படுத்தியது.

மேலும், கருத்துக்கணிப்புகளில் சொல்லப்பட்டது போல பா.ஜ.க-வுக்கு வெற்றி இல்லை என்பது வெளிப்பட்ட நிலையில், பங்குச்சந்தை சரியத் தொடங்கியது. மும்பை பங்குச்சந்தையின் சென்செக்ஸ், தேசியப் பங்குச் சந்தையின் நிப்டி கடும் சரிவுகளைச் சந்திக்க வர்த்தகம் தொடங்கிய 15 நிமிடங்களிலேயே முதலீட்டாளர்களுக்கு ரூ.9 லட்சம் கோடி இழப்பு ஏற்பட்டதாக செய்திகள் வெளியாகின. கடைசியில் ரூ.30 லட்சம் கோடி அளவுக்கு பங்குச்சந்தையில் இழப்பு ஏற்பட்டது.மக்களவைத் தேர்தல் - பங்குச்சந்தை

இதற்கு முன்பு பங்குச்சந்தை இறக்கத்துக்கு எத்தனையோ காரணங்கள் இருந்திருக்கின்றன. ஆனால், இந்த முறை ஏற்பட்ட இழப்புக்கு நேரடியான அரசியல் காரணங்கள் இருப்பதுதான் தற்போது சர்ச்சையாகியிருக்கிறது. பிரதமர் மோடியும், உள்துறை அமைச்சர் அமித் ஷாவும், மக்களவைத் தேர்தல் பிரசாரத்தில் பங்குச்சந்தையைக் குறிப்பிட்டுப் பேசினார்கள்.

ஐந்தாம் கட்டத் தேர்தலுக்கான பிரசாரத்தில் ஈடுபட்டிருந்த நேரத்தில் ஒரு தொலைக்காட்சிக்குப் பேட்டியளித்த பிரதமர் மோடி, ‘தேர்தல் முடிவுகள் குறித்து தலால் தெருவில் இருக்கும் பதற்றத்தைக் குறைத்து ஜூன் 4-ம் தேதி அனைத்து சாதனைகளையும் இந்திய பங்குச்சந்தை முறியடிக்கும்’ என்றார். பிரதமரின் கருத்தை எதிரொலிக்கும் வகையில் உள்துறை அமைச்சர் அமித் ஷாவும் பேசினார். ஆனால், ஜூன் 4-ம் தேதி இந்தியப் பங்குச்சந்தை கடும் வீழ்ச்சியைச் சந்தித்தது. ராகுல் காந்தி

தனிப்பெரும்பான்மையுடன் ஆட்சியமைப்பதற்கான பலம் இல்லாத நிலையில், தெலுங்கு தேசம், ஐக்கிய ஜனதா தளம் ஆகியவற்றுடன் ஆதரவுடன் மோடி 3.0 ஆட்சி அமையவிருக்கிறது. சந்திரபாபு நாயுடுவும், நிதிஷ் குமாரும் மத்திய அமைச்சரவையில் தங்களுக்கு முக்கியமான துறைகளைத் தர வேண்டும் என்று பா.ஜ.க-வுக்கு நெருக்கடி கொடுத்துவருகின்றன.

இந்த நிலையில், ஜூன் 6-ம் தேதி செய்தியாளர்களைச் சந்தித்த காங்கிரஸ் தலைவர் ராகுல் காந்தி, ‘பங்குச்சந்தை மிகப்பெரிய அளவுக்கு ஏற்றம் காணப்போகிறது என்று பிரதமர் மோடி தேர்தல் பிரசாரத்தில் குறிப்பிட்டார். பங்குச்சந்தையின் மதிப்பு ஜூன் 4-ம் தேதி மிகப்பெரிய அளவுக்கு ஏற்றம் பெறப்போகிறது என்று உள்துறை அமைச்சர் அமித் ஷாவும் கூறினார். நிதியமைச்சர் நிர்மலா சீதாராமனும் அதே கருத்தை முன்வைத்தார். அதன் தொடர்ச்சியாக, ஜூன் 3-ம் தேதி வரலாறு காணாத அளவுக்கு பங்குச்சந்தை ஏற்றம் கண்டது. அடுத்த நாளான ஜூன் 4-ம் தேதி நினைத்துப்பார்க்க முடியாத அளவுக்கு பெரும் வீழ்ச்சியை பங்குச்சந்தைச் சந்தித்தது. அமித் ஷா, மோடி

Stock Market - மோடி, அமித் ஷாவைக் குற்றம்சாட்டும் காங்கிரஸ்!



வாக்கு எண்ணிக்கைக்கு இரண்டு நாள்களுக்கு முன்பு, பா.ஜ.க வெற்றியை பூதாகரமாகக் காண்பித்தது ஏன்? தேர்தல் முடிவுகள் வெளியான நாளில் பங்குச்சந்தையில் முதலீடு செய்த சிறு முதலீட்டாளர்கள் ஏமாற்றப்பட்டனர். ரூ.38 லட்சம் கோடி அளவுக்கு முதலீட்டாளர்களுக்கு இழப்பு ஏற்பட்டிருக்கிறது. இந்த விவகாரம் குறித்து நாடாளுமன்ற கூட்டுக்குழு விசாரணை நடத்த வேண்டும்’ என்று ராகுல் காந்தி வலியுறுத்தியிருக்கிறார்.பாஜக-வுக்கு நிபந்தனையா? - சந்திரபாபு நாயுடு, நிதிஷ்குமார் வைக்கும் கோரிக்கைகள் என்னென்ன?!

இது குறித்து காங்கிரஸ் ஊடகப்பிரிவு தலைவரும், பொருளாதார நிபுணருமான ஆனந்த் சீனிவாசனிடம் பேசியபோது, ‘தேர்தலுக்குப் பிந்தைய கருத்துக்கணிப்புகளுக்கும், பங்குச்சந்தை விவகாரத்துக்கும் நெருங்கிய தொடர்பு இருக்கிறது. பிரதமர் மோடியும், அமித் ஷாவும் பா.ஜ.க மிகப்பெரிய வெற்றியைப் பெறும் என்று பிரசாரம் செய்ததுடன், பங்குச்சந்தை மிகப்பெரிய ஏற்றம் பெறப்போகிறது என்று பொய்யான நம்பிக்கையையும் அளித்ததுதான் பங்குச்சந்தை பெரும் வீழ்ச்சியைச் சந்தித்ததற்கு முக்கியக் காரணம். ஆனந்த் சீனிவாசன்

ஆகவே, இவ்வளவு பெரிய இழப்புக்கு பிரதமர் மோடியும், அமித் ஷாவும் அளித்த பொய்யான நம்பிக்கையும் ஒரு காரணம் என்ற குற்றச்சாட்டை மறுப்பதற்கில்லை. எனவேதான், இது மிகப்பெரிய ஊழல் என்பதை எங்கள் தலைவர் ராகுல் காந்தி கூறியிருக்கிறார். அவர் வலியுறுத்தியிருப்பதைப்போல, இந்த விவகாரம் குறித்து நாடாளுமன்ற கூட்டுக்குழு விசாரிக்க வேண்டும்” என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb`இந்த முறை தவறவிட்டால் இனி எப்போதும் இழக்க நேரிடும்!' - NDA கூட்டத்தில் சந்திரபாபு நாயுடு


http://dlvr.it/T7ys8r

Read More

Lok Sabha Election 2024: மோடிக்கு வாழ்த்து தெரிவித்த தைவான்; உடனே எதிர்வினையாற்றிய சீனா!

நடந்து முடிந்த நாடாளுமன்றத் தேர்தலில் (Lok Sabha Election 2024), பா.ஜ.க தலைமையிலான என்.டி.ஏ கூட்டணி மூன்றாவது முறையாக வென்றிருக்கிறது. எனவே, மோடி மூன்றாவது முறையாக இந்தியாவின் பிரதமராகவிருக்கிறார். இந்த நிலையில், பிரதமர் மோடிக்கு பல்வேறு நாடுகளின் அரசியல் கட்சித் தலைவர்கள் வாழ்த்து தெரிவித்தனர். அதில், சீனாவிடமிருந்து தனித்து இயங்க முயலும் தைவான் அதிபர் லாய் சிங்-தேவும் ஒருவர்.மோடி - சீனா வரைபடம்

அவரின் எக்ஸ் பக்கத்தில், ``வேகமாக வளர்ந்து வரும் தைவான்-இந்தியா கூட்டாண்மையை மேம்படுத்தவும், வர்த்தகம், தொழில்நுட்பம் மற்றும் பிற துறைகளில் எங்கள் ஒத்துழைப்பை விரிவுபடுத்தவும், இந்தோ பசிபிக் அமைதி மற்றும் செழிப்புக்கு பங்களிக்கவும் நாங்கள் தயாராக இருக்கிறோம். இந்தியப் பிரதமர் மோடிக்கு வாழ்த்துகள்" எனக் குறிப்பிட்டிருந்தார். இதற்கு பதிலளித்த பிரதமர் மோடி,``அருமையான செய்திக்கு நன்றி. பரஸ்பர நன்மை பயக்கும் பொருளாதார மற்றும் தொழில்நுட்ப கூட்டாண்மையை நோக்கி நாம் பணியாற்றும்போது நெருக்கமான உறவுகளை எதிர்பார்க்கிறேன்" எனக் குறிப்பிட்டிருந்தார்.

இதற்கிடையில், சீனா அதிபர் ஜீ ஜிங்பிங் இன்னும் பிரதமர் மோடிக்கு வாழ்த்து தெரிவிக்காத நிலையில், இந்தியாவில் இருக்கும் சீன தூதரக அலுவலக செய்தித் தொடர்பாளர் மாவோ நிங், பிரதமர் மோடிக்கு வாழ்த்து தெரிவித்திருந்தார். அதில், ``மக்களவைத் தேர்தலில் (Lok Sabha Election 2024) வெற்றி பெற்ற பிரதமர் நரேந்திர மோடி, பா.ஜ.க மற்றும் பா.ஜ.க தலைமையிலான தேசிய ஜனநாயகக் கூட்டணிக்கு வாழ்த்துகள். சீனாவுடன் ராஜதந்திர உறவுகளைக் கொண்ட நாடுகள், தைவானுடனான உத்தியோகபூர்வ தொடர்பு கொண்டிருப்பதை சீனா எப்போதும் உறுதியாக எதிர்க்கிறது.சீனா அதிபர் - பிரதமர் மோடி

உலகில் ஒரே ஒரு சீனா மட்டுமே இருக்கிறது. ஒரே சீனா கொள்கையில் இந்தியா தீவிர அரசியல் ஈடுபாடுகளை கொண்டிருக்கிறது. தைவான் அதிகாரிகளின் அரசியல் திட்டங்களுக்கு எதிராக விழிப்புடன் இருக்க வேண்டும். ஒரே சீனா கொள்கையை மீறும் செயல்களில் இருந்து விலகி இருக்க வேண்டும். சீனக் குடியரசு என்று அதிகாரபூர்வமாக அறியப்படும் தைவான், கம்யூனிஸ்ட் சீனாவால் அங்கீகரிக்கப்பட்ட நாடு அல்ல." எனக் குறிப்பிட்டிருக்கிறார்.அகங்காரம், அராஜகம், அத்துமீறல்; பஞ்சாப், ஹரியானா, உ.பி-யில் மோடி அலையை புஷ்வாணமாக்கிய விவசாயிகள்!


http://dlvr.it/T7yTHs

Read More