Ram Mohan Naidu : 36 வயதில் நாட்டின் இளம் மத்திய அமைச்சர் - யார் இந்த ராம் மோகன் நாயுடு?

3-வது முறையாக நாட்டின் பிரதமராக, இன்று பதவியேற்றிருக்கிறார் மோடி. அவருடன் 71 பேர் அமைச்சர்களாகப் பதவி ஏற்றுக் கொண்டனர்.

இந்த அமைச்சரவையில் தெலுங்கு தேசம் கட்சியின் கிஞ்சராபு ராம் மோகன் நாயுடு (36), அமைச்சராகப் பதவி ஏற்றிருக்கிறார். மோடி தலைமையிலான மத்திய அமைச்சரவையில் 36 வயதில் ஒருவரை அமைச்சராக நியமிப்பது இதுவே முதன்முறை. ராம் மோகன் நாயுடு குடும்பத்துடன்

யார் இந்த ராம் மோகன் நாயுடு?



பர்டூ பல்கலைக்கழகத்தில் மின் பொறியியலில் பட்டம் பெற்ற ராம் மோகன் நாயுடு, லாங் ஐலேண்ட் பல்கலைக்கழகத்தில் வணிக நிர்வாகத்தில் முதுகலைப் பட்டமும் பெற்றிருக்கிறார். ராம் மோகன் நாயுடுவின் தந்தை, முன்னாள் எம்.எல்.ஏ மற்றும் எம்.பி-யான மறைந்த கே யர்ரான் நாயுடு. இவர் 1996,1998 க்கு இடையில் ஐக்கிய முற்போக்கு கூட்டணி அரசில் மத்திய அமைச்சராக இருந்தார். இவரின் மாமா கே அட்சேன் நாயுடு தெக்கலி எம்.எல்.ஏ-வாகவும், தெலுங்கு தேசம் கட்சியின் மாநிலத் தலைவராகவும் இருக்கிறார்.

ராம் மோகன் நாயுடு படிப்பு முடித்து, சிங்கப்பூரில் தொழிலதிபராக இயங்கினார். ஆனால் 2012- ல் முன்னாள் மத்திய அமைச்சர் கே.யெர்ரன் நாயுடு சாலை விபத்தில் இறந்ததால், ராம் மோகன் நாயுடு இந்தியா வரவேண்டிய சூழல் ஏற்பட்டது. அதைத் தொடந்து, ராம் மோகன் நாயுடு அரசியலில் தீவிரமாக ஈடுபட்டு, இரண்டே ஆண்டுகளில், அதாவது 2014-ல் ஸ்ரீகாகுளத்திலிருந்து, 16-வது மக்களவையில் இரண்டாவது இளம் எம்.பியாக தேர்வு செய்யப்பட்டார். அப்போது அவருக்கு வயது 26.ராம் மோகன் நாயுடு

தெலுங்கு தேசம் கட்சியின் தலைவர் சந்திரபாபு நாயுடு உடனான நெருங்கிய தொடர்பு ராம் மோகன் நாயுடுவின் அரசியலில் பெரியளவில் உதவியது. அதனால், ராம் மோகன் நாயுடு, தெலுங்கு தேசம் கட்சியின் தேசிய பொதுச்செயலாளராகப் பணிபுரிந்தார். சந்திரபாபு நாயுடு கைது செய்யப்பட்டபோது, ​​டெல்லியில் நாரா லோகேஷ் உடன் இணைந்து முக்கிய தலைவர்களின் ஆதரவை கோரி தீவிரமாக செயல்பட்டார். பல்வேறு நாடாளுமன்ற நிலைக்குழுக்களில் முன்மாதிரியான செயல்பாட்டிற்காக 2020-ம் ஆண்டு சன்சத் ரத்னா விருது வழங்கி கௌரவிக்கப்பட்டார் என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbPM Modi Oath Ceremony : `நரேந்திர தாமோதர தாஸ் மோடி ஆகிய நான்...' - 3-வது முறையாக பிரதமரானார் மோடி - Modi Sworn In | Live


http://dlvr.it/T82xw4

Read More

`அண்ணாமலை கவுன்சிலருக்குப் போட்டியிட்டால்கூட வெற்றி பெற முடியாது!' - ஈ.வி.கே.எஸ்.இளங்கோவன்

இன்று மதுரை வந்த காங்கிரஸ் மூத்த தலைவர் ஈ.வி.கே.எஸ். இளங்கோவன் செய்தியாளர்களிடம் பேசும்போது, "பிரதமர் மோடி தனது போக்கை மாற்றிக் கொள்ளவில்லை, ஒரு நாடக நடிகரைப்போல செயல்படுகிறார். தேர்தல் பிரசாரத்தின் கடைசி 10 நாள்கள் நிதானமின்றி பேசினார்.ஈவிகேஎஸ்

பிரதமர் மோடி திருந்துவதற்கு வழியே இல்லை, செயல்பாடுகளில் மாற்றம் இருக்காது, விரைவில் நிதிஷ் குமாரும், சந்திரபாபு நாயுடுவும் பிரிந்து செல்வார்கள். நான்தான் எல்லாமே என மோடி செயல்பாட்டால் வீழ்த்தப்படுவார்.

தமிழிசை சௌந்தரராஜனின் தோல்வி, அரசனை நம்பி புருஷனை கைவிட்ட கதையாகி உள்ளது. மயிலாப்பூர் வங்கி மோசடி விவகாரத்தில் தமிழிசை சௌந்தரராஜன் குரல் கொடுக்கவில்லை. அண்ணாமலை கவுன்சிலருக்கு போட்டியிட்டால்கூட வெற்றி பெற முடியாது. கோவையில் நின்று தோல்வியைத் தழுவியுள்ளார். எந்த காலத்திலும் தமிழகத்தில் பாஜக காலூன்ற முடியாது.

வட மாவட்டங்களில் பா.ம.க-வின் வாக்குகள் பா.ஜ.க-விற்கு கிடைத்ததால்தான் பா.ஜ.க-வின் வாக்கு வங்கி உயர்ந்துள்ளது, தமிழகம் முழுவதும் கூட்டணிக் கட்சிகளினால் தமிழகத்தில் பா.ஜ.க-விற்கு வாக்கு உயர்ந்துள்ளது.

பா.ஜ.க தமிழகத்தில் எதிர்க்கட்சிகளாக நினைப்பது தன்னுடன் கூட்டணியில் உள்ள கட்சிகளைத்தான். கூட்டணிக் கட்சிகளை ஒன்றும் இல்லாமல் செய்வதற்காக பா.ஜ.க செயல்படுகிறது, நாணயமான கட்சியாக செயல்படவில்லை,ஈ.வி.கே.எஸ்.இளங்கோவன்

மோடியின் இழுபறியான வெற்றியின் காரணமாக மின்னணு வாக்குப்பதிவு இயந்திரங்கள்மீது எனக்கு நம்பிக்கை வந்துள்ளது, கடந்தகால வெற்றிகளை ஒப்பிடும்போது பா.ஜ.க தற்போதைய வெற்றியை தோல்வியாக எடுத்துக்கொள்ள வேண்டும்.

நாடாளுமன்றத் தேர்தலின் வெற்றி முதலமைச்சர் மு.க.ஸ்டாலின் உழைப்பிற்கு கிடைத்த வெற்றியாகும், மோடி, நிதிஷ் குமார், சந்திரபாபு நாயுடு ஆகியோர் கூட்டணி முரண்பாடான கூட்டணி. பணத்தை பங்கீடு செய்வதில் மூவருக்கும் முரண்பாடு வராது.

இந்தியா கூட்டணிக்குள் தொகுதி தொடர்பாக சிறு சிறு பிரச்னை இருந்தாலும் அடிப்படைக் கொள்கையான மதச்சார்பின்மையில் தெளிவாக உள்ளோம்,

தமிழிசை, எல்.முருகன் மாநில தலைவராக இருந்த காலகட்டத்தை விட  பா.ஜ.க தற்போது வலுவிழந்துள்ளது. காமராஜர் ஆட்சிபோல மு.க.ஸ்டாலின் நல்ல ஆட்சியை தந்து கொண்டிருக்கிறார், மலைக்குச் சென்று வந்த பின்னர் ரஜினிகாந்த்திற்கு தெளிவு ஏற்பட்டிருக்கிறது. பிரதமர் மோடி மூன்றாம் முறையாக பதவி ஏற்பது இந்திய மக்களுக்கு ஏற்பட்ட வேதனை" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbசிறையில் தந்தை; வெளிவந்த தலைமை பண்பு... TDP மீண்டெழ காரணமான சந்திரபாபு மகன் - யார் இந்த நாரா லோகேஷ்?


http://dlvr.it/T82gdW

Read More

Modi: `மோடியின் செங்கோல் நாடகம் முடிவுக்கு வந்திருக்கிறது' - ஜெய்ராம் ரமேஷ் தாக்கு!

மூன்றாவது முறை பிரதமராக, என்.டி.ஏ கூட்டணி மோடியை தேர்வு செய்திருக்கிறது. இன்று மாலை பிரதமராக மோடி பதிவியேற்கவிருக்கிறார். இந்த நிலையில், காங்கிரஸ் கட்சியின் பொதுச்செயலாளர் ஜெய்ராம் ரமேஷ் தனது எக்ஸ் பக்கத்தில், ``இந்தியாவில் உள்ள பிரதமர்களில் ஜவஹர்லால் நேருவுக்குப் பிறகு, தொடர்ந்து 3-வது முறையாக மோடி பிரதமராக பதவியேற்கப் போவதாக தவறான தகவல் பரப்பப்பட்டு வருகிறது. ஒரு கட்சியை வழிநடத்தி 240 இடங்களில் வெற்றிபெறச் செய்வது மட்டும், ஒரு பிரதமரின் வேலையல்ல.நேரு தன் மகள் இந்திரா காந்தியுடன்...

அதே நேரத்தில் முன்னாள் பிரதமர் ஜவஹர்லால் நேரு தொடர்ச்சியாக 1952-ம் ஆண்டில் 364 இடங்களிலும், 1957-ம் ஆண்டு 371 இடங்களிலும், 1962-ம் ஆண்டில் 361 இடங்களிலும் வெற்றிபெற்றார். போட்டியிட்ட அனைத்து முறையும் மூன்றில் இரண்டு பங்கு தனிப் பெரும்பான்மையுடன் மத்தியில் ஆட்சி அமைத்தார். ஆயினும் அவர் தன்னை ஒரு ஜனநாயகவாதியாகவும், நாடாளுமன்றத்தை மிகவும் கவனமாக, நிலையான இருப்பில் வைத்திருப்பவராகவும் இருந்தார்.

நேருவுக்குப் பிறகு தொடர்ச்சியாக மூன்று முறை பிரதமாக பதவியேற்கப் போகும் ஒரே மனிதர் மோடி மட்டுமல்ல. நேருவைத் தொடந்து இந்திரா காந்தி, 1966, 1967, 1971 மற்றும் 1980 ஆகிய ஆண்டுகளில் 4 முறை பிரதமராகவும், அடல் பிஹாரி வாஜ்பாய், 1996, 1998 , 1999 ஆகிய ஆண்டுகளில் மூன்று முறை பிரதமராகவும் பதவியேற்றனர். பிரதமர் மோடியின் இந்த பரிதாபகரமான தேர்தல் நிலையை நியாயப்படுத்த என்ன வேண்டுமானலும் சொல்லி அவர்கள் தம்பட்டம் அடித்துக்கொள்ளவார்கள்” எனக் குறிப்பிட்டிருந்தார்.பிரதமர் மோடி

அதைத் தொடர்ந்து இன்று, ``மே 28, 2023 நினைவிருக்கிறதா? செங்கோலுடன் மோடி புதிய நாடாளுமன்றக் கட்டடத்திற்குள் நுழைந்த நாள் - மோடி ஒரு பேரரசர் என்று நியாயப்படுத்துவதற்கு மட்டுமல்லாமல், தமிழ் வாக்காளர்களை ஈர்க்கவும், 15 ஆகஸ்ட் 1947-ம் ஆண்டு வரலாறு திரிக்கப்பட்டது.

அந்த நாடகத்தின் முடிவு இப்போது எல்லோருக்கும் தெரியும். செங்கோல் என்பது தமிழர் வரலாற்றின் மதிப்பிற்குரிய அடையாளமாக உள்ளது. ஆனால் தமிழ் வாக்காளர்களும் உண்மையில் இந்தியாவின் வாக்காளர்களும் மோடியின் பாசாங்குகளை நிராகரித்துள்ளனர். கடந்த பத்தாண்டுகளில் அவர் அத்துமீறிய அரசியலமைப்புச் சட்டத்திற்கு அடிபணிய வேண்டிய நிலைக்கு இன்று தள்ளப்பட்டுள்ளார்." என விமர்சித்திருக்கிறார்.PM Modi Oath Ceremony : மூன்றாவது முறையாக பிரதமராகும் மோடி - இன்று பதவியேற்பு விழா! - Modi Sworn In | Live Updates


http://dlvr.it/T82Pcg

Read More

Modi : `இந்த அரசு 15 நாள்கள் நீடிக்குமா என்பது யாருக்குத் தெரியும்?' - மம்தா பானர்ஜி தாக்கு

நாடாளுமன்றத் தேர்தல் முடிவுகள் வெளியாகி, பா.ஜ.க கூட்டணி ஆட்சியமைக்கவிருக்கிறது. இந்த நிலையில் மேற்கு வங்க முதல்வர் மம்தா பானர்ஜி தலைமையிலான திரிணாமுல் காங்கிரஸ் கட்சியின் எம்.பி-க்களின் கூட்டம், கொல்கத்தாவில் நடைபெற்றது. இதில் திரிணாமுல் காங்கிரஸ் கட்சியின் நாடாளுமன்ற கட்சித் தலைவராக மேற்கு வங்க முதலமைச்சர் மம்தா பானர்ஜி தேர்வு செய்யப்பட்டார்.தேசிய ஜனநாயக கூட்டணி கூட்ட,ம்

மக்களவைக் குழுத் தலைவர் சுதீப் பந்த்யோபாத்யாவும், மக்களவை துணைத் தலைவராக ககோலி கோஸ் தஸ்திதாரும், மாநிலங்களவைக் குழுத் தலைவராக டெரெக் ஓ பிரையன், மாநிலங்களவை துணைத் தலைவராக சகரிகா கோஸும் தேர்வு செய்யப்பட்டனர். அதைத் தொடர்ந்து பேசிய, மம்தா பானர்ஜி, ``பா.ஜ.க அரசியலமைப்பு சட்டத்திற்குப் புறம்பாக, சட்ட விரோதமாக ஆட்சி அமைக்க முயல்கிறது. அதற்கு என்னால் வாழ்த்து சொல்ல முடியாது.

பெரும்பான்மையான மக்கள் பா.ஜ.க-வை நிராகரித்திருக்கிறார்கள். அதேநேரம் எனது வாழ்த்துகள் நாட்டுக்காக இருக்கும். இப்போது தேர்வான அனைத்து எம்.பி-க்களும் அவர்கள் கட்சிகளை வலுப்படுத்துவார்கள். பா.ஜ.க மீண்டும் கட்சிகளை உடைக்க முயலும். பா.ஜ.க-வை நாங்கள் உடைக்க வேண்டிய அவசியம் இல்லை. ஆனால் அவர்கள் கட்சிக்குள்ளேயே பிளவுகள் ஏற்படும்... அது ஏற்கெனவே ஆரம்பித்துவிட்டது என்றே தெரிகிறது... பா.ஜ.க-வில் உள்ளவர்கள் மகிழ்ச்சியாக இல்லை என்பது நாட்டு மக்கள் அனைவருக்கும் தெரிகிறது.இந்தியா கூட்டணி

கடந்த இரண்டு நாடாளுமன்ற தேர்தல்களிலும் பா.ஜ.க 300-க்கும் மேற்பட்ட இடங்களில் வென்று ஆட்சியைப் பிடித்திருந்த நிலையில், இந்த முறை 400 இடங்களில் வெல்வோம் என்றார்கள். ஆனால் தனிப்பெரும்பான்மையைக்கூட பெற முடியவில்லை. 240 சீட்களில் வென்ற பா.ஜ.க, கூட்டணிக் கட்சிகளின் ஆதரவுடன் ஆட்சியை அமைக்கிறது. மோடியின் பதவியேற்பு விழாவில் கலந்துகொள்ள அழைப்பு வரவில்லை... எனவே நான் போக மாட்டேன்.

இந்தியா கூட்டணி இப்போது ஆட்சியமைக்க உரிமை கோரவில்லை என்பதற்காக, அது நடக்காது என்று பொருளல்ல. நமது நாட்டில் ஓரிரு நாள்கள் மட்டுமே நீடித்த அரசுகள்கூட இருக்கின்றன என்பதை மறந்துவிட வேண்டாம். இந்த அரசு 15 நாள்கள் நீடிக்குமா... இல்லை அதற்குள் கவிழுமா என்பது யாருக்குத் தெரியும்... என்ன நடக்கிறது என்பதை உன்னிப்பாகக் கவனித்து வருகிறோம். நேரம் வரும்போது இந்தியா கூட்டணி ஆட்சி அமைக்கும். குடியுரிமை திருத்தச் சட்டம் (சிஏஏ) உட்பட முரட்டுத்தனத்தைப் பயன்படுத்தி இயற்றப்பட்ட சட்டங்கள் ரத்து செய்யப்பட வேண்டும்" எனக் கடுமையாகச் சாடியிருக்கிறார்.PM Modi Oath Ceremony : மூன்றாவது முறையாக பிரதமராகும் மோடி - இன்று பதவியேற்பு விழா! - Modi Sworn In | Live Updates


http://dlvr.it/T81wkX

Read More

PM Modi Oath Ceremony : மூன்றாவது முறையாக பிரதமராகும் மோடி - இன்று பதவியேற்பு விழா! - Modi Sworn In | Live Updates

PM Modi Oath Ceremony - மோடி பதவியேற்பு விழாவில் கலந்துகொள்ளும் வெளிநாட்டுத் தலைவர்களின் லிஸ்ட்!



மூன்றாவது முறை பிரதமராகப் பதவியேற்கவிருக்கும் மோடியின் பதவியேற்பு விழா, இன்று இரவு 7:15 மணிக்கு ராஷ்டிரபதி பவனில் நடக்கிறது. இந்த விழாவில் கலந்து கொள்ளுமாறு அண்டை நாடுகளின் பல தலைவர்களுக்கு இந்தியா அழைப்பு விடுத்துள்ளது. இந்த அழைப்பை ஏற்று பல தலைவர்கள் இந்தியா வந்திருப்பதாக வெளியுறவு அமைச்சகம் தெரிவித்துள்ளது.மோடி

இந்த விழாவில் கலந்துகொள்வதாக உறுதி செய்த தலைவர்கள்!

இலங்கை ஜனாதிபதி ரணில் விக்கிரமசிங்க

மாலத்தீவு அதிபர் டாக்டர் முகமது முய்சு

சீஷெல்ஸின் துணைத் தலைவர் அகமது அஃபிஃப்

பங்களாதேஷ் பிரதமர் ஷேக் ஹசீனா

மொரீஷியஸ் பிரதமர் பிரவிந்த் குமார் ஜக்நாத்

நேபாள பிரதமர் புஷ்ப கமல் தஹல் ‘பிரசந்தா’

பூடான் பிரதமர் ஷெரிங் டோப்கே

PM Modi Oath Ceremony (மோடி) - முதல் வெளிநாட்டு விருந்தினராக இந்தியாவுக்கு வந்த வங்க தேச பிரதமர்!

வங்கதேச பிரதமர் ஷேக் ஹசீனா

பிரதமர் மோடியின் பதவியேற்பு விழாவுக்கு பல்வேறு அண்டை நாடுகளின் தலைவர்களுக்கு அழைப்பு விடுக்கப்பட்டிருக்கிறது. இன்று மாலை பதவியேற்பு விழா நடைபெறவிருக்கும் நிலையில், வெளிநாட்டு தலைவர்கள் டெல்லிக்கு வருகை தர தொடங்கியிருக்கின்றனர். அந்த வகையில் வங்கதேச பிரதமர் ஷேக் ஹசீனா முதல் சிறப்பு விருந்தினராக நேற்றைய தினமே டெல்லிக்கு வந்துவிட்டார். அவருக்குச் சிறப்பான வரவேற்பு அளிக்கப்பட்டது.

PM Modi Oath Ceremony - 1000-க்கும் மேற்பட்ட போக்குவரத்து போலீஸார் பணியில் ஈடுபடுத்தப்பட்டிருக்கின்றனர்!



டெல்லியில் இன்று மாலை மோடி தலைமையிலான மத்திய அரசு, ஆட்சியமைக்கவிருக்கிறது. இந்தப் பெரும் விழாவை முன்னிட்டு, டெல்லியில் ஆயிரத்துக்கும் மேற்பட்ட போலீஸார் போக்குவரத்து பணியில் ஈடுபடுத்தப்பட்டிருக்கின்றனர். இன்று மதியம் 2 மணிக்கு, ராஷ்ட்ரபதி பவன் அமைந்திருக்கும் பகுதியில் பொதுமக்களுக்கு அனுமதி மறுக்கப்பட்டு, போக்குவரத்து முடக்கப்படும் என போலீஸ் உயரதிகாரிகள் தெரிவித்திருக்கின்றனர்.

PM Modi Oath Ceremony - ராஜ்காட்டில் உள்ள காந்தியின் நினைவிடத்தில் மோடி மரியாதை!



மோடி, இன்று மாலை மூன்றாவது முறையாகப் பிரதமராகப் பதவியேற்கவிருக்கும் நிலையில், டெல்லி ராஜ்காட்டில் அமைந்துள்ள மகாத்மா காந்தியின் நினைவிடத்துக்குச் சென்று, மரியாதை செலுத்தினார்.

மத்தியில் தனிப்பெரும்பான்மையுடன் கடந்த 10 ஆண்டுகளாக ஆட்சி செய்துவந்த பாஜக, இந்தமுறை தனிப்பெரும்பான்மை கிடைக்காமல் போகவே, தெலுகு தேசம் மற்றும் நிதிஷின் ஐக்கிய ஜனதா தளம் உள்ளிட்ட என்.டி.ஏ கூட்டணிக் கட்சிகளின் ஆதரவுடன் ஆட்சியமைக்கவிருக்கிறது. இந்த தேர்தலில் 543 தொகுதிகளில் போட்டியிட்ட பா.ஜ.க, 240 இடங்களில் வெற்றிபெற்றது. அதேபோல அந்தக் கட்சியின் தலைமையிலான கூட்டணி 293 இடங்களில் வெற்றிபெற்றது.

Modi (மோடி) - மத்தியில் அமையும் கூட்டணி ஆட்சி!



அதைத் தொடர்ந்து கூட்டணி ஆட்சி அமைப்பதற்கான வேலைகள் என்.டி.ஏ தரப்பில் மும்முரம் காட்டப்பட்டது. மூன்றாவது முறையாக மோடியே மீண்டும் பிரதமராகப் பதவியேற்கவிருக்கிறார். அதேபோல என்.டி.ஏ கூட்டணியின் தலைவராக மோடி தேர்வு செய்யப்பட்டிருக்கிறார். NDA - மோடி

ஆனால், அமைச்சரவையைப் பொறுத்தவரையில் இந்த முறை பலத்த மாற்றங்கள் இருக்கும் எனக் கூறப்படுகிறது. மேலும், பா.ஜ.க ஆட்சி அரியணையில் அமர்வதற்கு, முக்கியப் பங்காற்றிய டி.டி.பி, ஜே.டி.யூ மற்றும் இதர கூட்டணிக் கட்சிகளுக்கும் அமைச்சரவையில் துறைகளை ஒதுக்க வேண்டிய கட்டாயத்தில் பா.ஜ.க இருக்கிறது. எனவே, முக்கியமான சில துறைகளை தங்களிடத்தில் வைத்துக்கொண்டு, `4 எம்.பி-க்களுக்கு 1 அமைச்சர் பதவி' என்ற கணக்கில் கூட்டணிக் கட்சியினருக்கு அமைச்சர் பதவிகளை வழங்கவிருப்பதாகவும் தகவல் வெளியாகியிருக்கிறது. இந்த பதவி ஒதுக்கீடு பணிகள் திரை மறைவில் நடந்துகொண்டிருக்க, மறுபக்கம் ஆதரவு எம்.பி-க்களின் பட்டியலுடன் குடியரசுத் தலைவரைச் சந்தித்து ஆட்சியமைக்க கடந்த வெள்ளிக்கிழமை உரிமை கோரினார், மோடி. குடியரசுத் தலைவரும் அவருடைய கோரிக்கையை ஏற்றுக்கொண்டு, ஆட்சியமைக்குமாறு மோடிக்கு அழைப்பு விடுத்தார்.

PM Modi Oath Ceremony (மோடி) : புதிய அரசின் அமைச்சரவையில் 30 பேர்?

மோடி (Modi)

இன்று மாலை 7:15 மணிக்கு குடியரசுத் தலைவர் திரௌபதி முர்மு, மோடிக்கு பதவிப் பிரமாணமும், ரகசிய காப்பும் செய்து வைக்கிறார். மோடியைத் தொடர்ந்து அமைச்சரவையில் இடம்பெறும் பிறரும் பதவி ஏற்பார்கள். அமைச்சரவையில் மொத்தம் 30 பேர் இடம்பெறுவார்கள் எனச் சொல்லப்படும் நிலையில், யார் யாருக்கு எந்தெந்த துறைகள் ஒதுக்கீடு செய்வதென்ற ஆலோசனை தொடர்ந்து நீடித்து வருவதாக, டெல்லி வட்டாரங்கள் தகவல் தெரிவிக்கின்றன.`என் வாழ்வின் ஒவ்வொரு கணமும் அர்பணிக்கப்பட்டிருக்கிறது!' - அரசியலமைப்பை தலையில் தொட்டு வணங்கிய மோடி


http://dlvr.it/T81wcn

Read More

`மோடி மீது மக்களுக்கு கோபம் இருக்கிறது என்று முன்பே கூறியிருந்தேன்!' - சமாளிக்கும் பிரசாந்த் கிஷோர்

ஜூன் 4-ம் தேதி வெளியான நாடாளுமன்றத் தேர்தல் முடிவுகள், பா.ஜ.க தலைமையிலான தேசிய ஜனநாயக கூட்டணி 370 இடங்களுக்கு மேல் பெறும் என்று ஜூன் 1-ம் தேதி வெளியான கருத்துக்கணிப்புகளை முற்றிலும் பொய்யாகியது. தேர்தல் வாக்கு எண்ணிக்கை முடிவில், பா.ஜ.க கடந்த இரு தேர்தல்களில் பெற்ற தனிப்பெரும்பான்மையைக் கூட பெறாமல் 240 இடங்களை மட்டுமே பெற்றது. இருப்பினும், என்.டி.ஏ கூட்டணி 293 இடங்களை பெற்று மீண்டும் ஆட்சியைத் தக்கவைத்திருக்கிறது. அதேபோல், இந்தியா கூட்டணி 234 இடங்களையும், அதில் காங்கிரஸ் 99 இடங்களையும் பெற்றது.மோடி

இதற்கிடையில் தேர்தல் நடைபெற்றுக் கொண்டிருக்கும்போதே, பா.ஜ.க கடந்த முறையைப் போல 303 இடங்கள் அல்லது அதற்கும் சற்று அதிகமான இடங்களைத் தனிப்பெரும்பான்மையைப் பெறும் என்று பிரசாந்த் கிஷோர் கூறியிருந்தார். மேலும், கருத்துக்கணிப்பு முடிவுகள் வெளியான அன்று, `அடுத்த தேர்தலில் தேவையற்ற பேச்சுகளில் நேரத்தை வீணாக்காதீர்கள்' என்றும் பிரசாந்த் கிஷோர் கூறியிருந்தார்.

இந்த நிலையில், தன்னுடைய கணிப்பு தவறிவிட்டதை ஒப்புக்கொண்ட பிரசாந்த் கிஷோர், மோடி மீது மக்களுக்கு கோபம் இருக்கிறது என முன்பே கூறியிருந்ததாகத் தெரிவித்திருக்கிறார். தனியார் ஊடகத்திடம் தேர்தல் முடிவுகள் குறித்து பேசிய பிரசாந்த் கிஷோர், ``நானும் என்னைப் போன்ற கருத்துக்கணிப்பாளர்களும் தவறாகப் புரிந்து கொண்டோம். இனிவரும் தேர்தலில் இந்த எண்ணிக்கை விளையாட்டுகளில் வரமாட்டேன். என்னுடைய கணிப்பை நான் முன்வைத்தேன்.பிரசாந்த் கிஷோர்

ஆனால், என்னுடைய கணிப்பு 20 சதவிகிதம் தவறாகிவிட்டது. இதை நான் ஒப்புக்கொள்ள வேண்டும். பா.ஜ.க 300-ஐ நெருங்கும் என்று கூறியிருந்தேன். ஆனால், அவர்கள் 240 தான் பெற்றார்கள். இருப்பினும், மோடி மீது மக்களுக்கு கோபம் இருக்கிறது, ஆனால் அது பரவலான அதிருப்தியாக இல்லை என்று முன்பே கூறியிருந்தேன். கடந்த இரண்டு ஆண்டுகளில்தான் எண்ணிக்கை கணிப்புகளில் தவறு செய்திருக்கிறேன். அந்த எண்களை நீங்கள் நீக்கிவிட்டால் நான் கூறியது அனைத்தும் சரியாக இருக்கும் '' என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88மண்ணைக் கவ்விய மத்திய அமைச்சர்கள்!


http://dlvr.it/T80wkf

Read More

அக்னிவீரர் திட்டத்தைக் கைவிட வைப்பதில் பிடிவாதம் காட்டும் நிதிஷ் - பின்னணி என்ன?

மத்தியில் அமையும் தேசிய ஜனநாயகக் கூட்டணி ஆட்சியில் இடம்பெறும் பீகார் முதல்வர் நிதிஷ் குமார் தலைமையிலான ஐக்கிய ஜனதா தளம், அக்னிவீரர் திட்டத்துக்கு கடும் எதிர்ப்பு தெரிவித்திருக்கிறது. ராணுவ வீரர்கள்

மோடி அரசு கொண்டுவந்த அக்னிவீரர் திட்டத்துக்கு இளைஞர்கள் மத்தியில் கடும் எதிர்ப்பு நிலவிய சூழலில்தான், 2024 மக்களவைத் தேர்தலில் உத்தரப்பிரதேசம் உள்ளிட்ட மாநிலங்களில் பா.ஜ.க படுதோல்வியடைந்திருக்கிறது.

இந்தியாவில் ராணுவம், விமானப்படை, கப்பற்படை போன்ற ஆயுதப்படைகளுக்கு புதிய முறையில் ஆள்சேர்க்கும் விதமாக, `அக்னிபத்' எனும் புதிய திட்டத்தை 2022-ம் ஆண்டு பா.ஜ.க அரசு கொண்டுவந்தது. பிரதமர் மோடி தலைமையிலான அமைச்சரவை ஒப்புதல் வழங்கிய அக்னிவீரர் திட்டத்தில், பெண்கள் உள்பட தேர்தெடுக்கப்படும் இளைஞர்கள், ஆறு மாத காலம் ஆயுதப்படைப் பயிற்சியுடன் சுமார் நான்கு ஆண்டுக்காலம் பணியாற்றுவார்கள். மோடி

அக்னிவீரர் திட்டத்தின் கீழ் பணியாற்றுபவர்களுக்கு நான்காண்டு காலம் மாதம் ரூ. 40,000 வரை சம்பளம் வழங்கப்படுகிறது. அவர்கள், `அக்னி வீரர்கள்' என்று என்றழைக்கப்படுவார்கள். நான்காண்டுகாலப் பணி முடிந்த பிறகு, அதிலிருந்து 25 சதவிகிதம் பேர் மட்டும் திறமையின் அடிப்படையில் நேரடியாக இந்திய ஆயுதப்படையில் சேர்த்துக்கொள்ளப்படுவார்கள்.

நீண்டகாலப் பணி, ஓய்வூதியம், பழைய தேர்வு முறையில் இருந்த சலுகைகள், உரிமைகள் உள்ளிட்ட பல நலத் திட்டங்கள் எதுவும் அக்னி வீரர் திட்டத்தில் கிடையாது. இந்தத் திட்டம் நாடாளுமன்றத்திலோ, பாதுகாப்புக்கான நாடாளுமன்ற நிலைக்குழுவிலோ விவாதிக்கப்படவில்லை. இந்தத் திட்டம் பற்றிய எந்தத் தகவலும் அதன் அறிவிப்புக்கு முன்பு பொதுமக்களுக்கு வழங்கப்படவில்லை. ராகுல் காந்தி

இந்தத் திட்டத்தை நிறுத்தி வைக்க வேண்டும், இந்தத் திட்டம் குறித்து நாடாளுமன்றத்தில் விவாதிக்க வேண்டும் என்று எதிர்க்கட்சிகள் அப்போதே வலியுறுத்தின. இந்தத் திட்டம் நாட்டு நலனுக்காகவோ, நாட்டின் பாதுகாப்புக்காகவோ கொண்டுவரப்படவில்லை என்று காங்கிரஸ் விமர்சித்தது. எதிர்க்கட்சிகள் மத்தியிலும், இளைஞர்கள் மத்தியிலும் கடும் எதிர்ப்பு கிளம்பியும்கூட, அக்னிவீரர் திட்டத்தை பா.ஜ.க அரசு வாபஸ் பெறவில்லை.

அக்னிவீரர் திட்டத்துக்கு எதிராக பீகாரிலும் பெரும் போராட்டம் நடைபெற்றது. அக்னிவீரர் திட்டத்தால் பாதிக்கப்பட்டிருந்த இளைஞர்கள், மக்களவைத் தேர்தலில் தங்கள் கோபத்தை வெளிப்படுத்தியிருக்கிறார்கள். குறிப்பாக, உத்தரப்பிரதேசம், பஞ்சாப், அரியானா ஆகிய மாநிலங்களில் பா.ஜ.க தோல்வியடைந்ததற்கு அக்னிவீரர் திட்டமும் ஒரு முக்கியக் காரணமாக இருந்திருக்கிறது. சந்திரபாபு நாயுடு - நிதிஷ் குமார்

இந்த நிலையில்தான், அக்னிவீரர் திட்டத்துக்கு நிதிஷ் குமார் தற்போது எதிர்ப்பு தெரிவித்திருக்கிறார். நிதிஷ் குமாரின் ஐக்கிய ஜனதா தளத்தின் தயவில்தான் மோடி ஆட்சி 3.0 செல்ல வேண்டும் என்ற நிலை இருப்பதால், நிதிஷ் குமாரின் இந்தக் கோரிக்கையை பரிசீலிக்க வேண்டிய கட்டாயத்தில் பா.ஜ.க இருக்கிறது.

அக்னி வீரர்கள் திட்டத்தை நிதிஷ் குமார் ஏன் எதிர்க்கிறார்? ‘அக்னிவீரர்கள் திட்டம் கொண்டுவரப்பட்டபோது, ராணுவத்தினர் மத்தியிலேயே இதற்கு எதிர்ப்பு கிளம்பியது. அவர்களின் குடும்பத்தினர் தேர்தலில் தங்கள் எதிர்ப்பை காண்பித்திருக்கிறார்கள். எனவே, இது குறித்து பரிசீலிக்க வேண்டிய அவசியம் இருக்கிறது’ என்கிறார் ஐக்கிய ஜனதா தளத்தின் முக்கியத் தலைவர்களில் ஒருவரான கே.சி.தியாகி. பிரதமர் மோடி - நிதிஷ் குமார்

பீகாரில் அடுத்த ஆண்டு சட்டமன்றத் தேர்தல் நடைபெறவிருப்பதால், அதில் அக்னிவீரர்கள் திட்டம் தாக்கத்தை ஏற்படுத்தலாம் என்ற அச்சம் நிதிஷ் குமாருக்கு இருக்கிறது. தற்போது இந்தத் திட்டத்துக்கு அவர் எதிர்ப்பு தெரிவிப்பதற்கு இது ஒரு முக்கியக் காரணம். நெருக்கடி கொடுக்கும் இடத்தில் நிதிஷ் குமார் இருக்கிறார். அவரது கோரிக்கையை நிறைவேற்ற வேண்டிய இடத்தில் பிரதமர் மோடி இருக்கிறார்.

இந்த நிலையில், கடந்த ஆட்சியில் மோடி அரசு இந்த திட்டத்தை கொண்டு வர காட்டிய தீவிரம், இந்த மோடி 3.O-விலும் நீடிக்குமா என்பது சந்தேகம் தான்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T80wXw

Read More