உதயநிதி வீட்டிலிருந்தவருக்கு வந்த போன் கால்... பறிக்கப்பட்ட மஸ்தானின் மா.செ பதவி! - பின்னணி என்ன?!

விழுப்புரம் தெற்கு மாவட்டப் பொறுப்பாளராக அமைச்சர் பொன்முடியின் மகன் கௌதம சிகாமணி அறிவிக்கப்பட்டுள்ளார். அதேபோல விழுப்புரம் வடக்கு மாவட்டச் செயலாளராக இருந்த செஞ்சி கே.எஸ்.மஸ்தான் நீக்கப்பட்டு, அவருக்கு பதிலாக டாக்டர் சேகர் புதிய மாவட்டச் செயலாளராக நியமிக்கப்பட்டிருப்பதாகத் தலைமை அறிவித்துள்ளது. நிர்வாக ரீதியில் விழுப்புரம் மாவட்டத்தையே ஒட்டுமொத்தமாக மாற்றி அமைத்திருக்கிறது தி.மு.க தலைமை.

இதன் பின்னணியை விசாரித்தோம். “விழுப்புரம் தெற்கு மாவட்டச் செயலாளர் புகழேந்தி உயிரிழந்ததை அடுத்து, அவரது மாவட்டச் செயலாளர் பதவியும் விக்கிரவாண்டி சட்டமன்றத் தலைவர் பதவியும் காலியாக இருந்தன. இந்த இடத்தைப் பிடிக்க பலரும் போட்டியிட்ட நிலையில் அமைச்சர் பொன்முடியின் மகன் கௌதம சிகாமணியை மாவட்டப் பொறுப்பாளராக அறிவித்திருக்கிறது தலைமை. பொன்முடியும் தன் மகனுக்காக விக்கிரவாண்டி இடைத்தேர்தலில் போட்டியிட வாய்ப்பு கேட்ட நிலையில் அவருக்கு மாவட்டப் பொறுப்பைக் கொடுத்திருக்கிறது தலைமை. செஞ்சி மஸ்தான்

மற்றொரு நிர்வாக மாவட்டமான விழுப்புரம் வடக்கு மாவட்டத்தின் செயலாளராக இருந்த அமைச்சர் மஸ்தானை நீக்கிவிட்டு விழுப்புரம் வடக்கு மாவட்ட அவைத்தலைவர் டாக்டர் ப.சேகரை அந்த மாவட்டத்தின் பொறுப்பாளராக நியமித்திருக்கிறது. தேர்தலில் சரியாக வேலை செய்யவில்லையென்றால் அவர்களின் பதவி தப்பாது என முதல்வர் விடுத்த எச்சரிக்கையின் முதற்கட்ட நடவடிக்கை தான் இது என்கிறார்கள் கட்சி விவகாரம் அறிந்தவர்கள்.

விழுப்புரம் மாவட்டத்தில் கூட்டணி சார்பில் போட்டியிட்ட ரவிக்குமார் வெற்றிபெற்றுவிட்டார் என்றாலும், அமைச்சர் மஸ்தான் பொறுப்பிலிருந்த விக்கிரவாண்டி தொகுதியில் வி.சி.க மற்றும் அ.தி.மு.க வேட்பாளர்கள் இடையே 6,823 வாக்குகள்தான் வித்தியாசம். அதுமட்டுமல்ல, தேர்தலில் தொடர்ந்து சரியாக வேலை செய்யவில்லை எனவும் மஸ்தான்மீது புகார்கள் அடுக்கப்பட்டன. இதோடு பொன்முடியும் தனக்கும் மஸ்தானுக்கும் இருந்த முரண் பகையை இதன்மூலம் தீர்த்துக்கொண்டார் என்கிறார்கள்.

வருமான வரித்துறை வழக்கில் பதவியை இழந்து மீண்டும் பதவியைப் பெற்ற `சிம்பத்தி’ பொன்முடிக்கு வெகுவாக இந்த விவகாரத்தில் உதவியிருப்பதாகச் சொல்கிறார்கள் விவரமறிந்தவர்கள். மாவட்டச் செயலாளர் பதவியை மட்டுமே பறித்திருக்கிறது தலைமை. அமைச்சராக மஸ்தான் தொடர்வார் எனவும் சீனியர் அமைச்சர்கள் சொல்கிறார்கள். பொன்முடி, ஸ்டாலின்

கட்சி விவகாரம் அறிந்தவர்கள், “பெரிய காரணம் எதுவும் இல்லை. விழுப்புரம் வன்னியர், உடையார் சமூகம் அதிகமுள்ள மாவட்டம். அங்கே ஒரு வன்னியர் மற்றொரு மாவட்டத்தை வன்னியர் அல்லாதவருக்குக் கொடுக்க வேண்டும் என்பதுதான் தலைமையின் எண்ணம். எனவே, தெற்கு மாவட்டத்தை உடையார் சமூகத்தைச் சேர்ந்த கௌதம சிகாமணிக்குக் கொடுத்த தலைமை மற்றொரு மாவட்டமான வடக்கை, வன்னியரான டாக்டர் சேகரிடம் ஒப்படைத்திருக்கிறது. விக்கிரவாண்டி இடைத்தேர்தலையும் மனதில் வைத்தே இந்த மாற்றத்தைத் தலைமை செய்திருக்கிறது.” என்கிறார்கள்.

“அறிவிப்பு வெளியான சமயம், ஆரணி நாடாளுமன்றத் தொகுதி வேட்பாளர் தரணி வேந்தனுடன் உதயநிதியின் முகாம் அலுவலகமான குறிஞ்சியில் இருந்திருக்கிறார் அமைச்சர் மஸ்தான். காலை 11 மணி வரை அங்கே காத்திருந்திருந்தவருக்கு எங்கிருந்தோ ஒரு போன்கால் வர பதற்றமான அமைச்சர் மஸ்தான் உடனடியாக அங்கிருந்து கிளம்பிவிட்டார். செஞ்சி மஸ்தான்

கிட்டத்தட்ட நூற்றுக்கும் மேற்பட்டவர்களோடு உதயநிதியைப் பார்க்க வந்த அமைச்சர் மஸ்தான் ஏன் எனத் திடீரென கிளம்பிச்சென்றார் என்ற குழப்பத்தில் இருந்தவர்களுக்கு அறிவிப்பு வெளியான பிறகுதான் மாவட்டச் செயலாளர் பதவி பறிக்கப்பட்டதே தெரியும்” என்கிறார்கள் மஸ்தானுக்கு நெருக்கமானவர்கள்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T8736c

Read More

`பழைய நண்பர்களை பாஜக சாதாரணமாக எடுத்துகொள்கிறது’ - கேபினட் விவகாரத்தில் சிவசேனா, என்.சி.பி அதிருப்தி

பிரதமர் நரேந்திர மோடி தலைமையிலான அமைச்சரவை இரண்டு நாள்களுக்கு முன்பு பதவியேற்றுள்ளது. அமைச்சரவையில் மகாராஷ்டிராவை சேர்ந்த பா.ஜ.க தலைவர்களுக்கு பா.ஜ.க முக்கியத்துவம் கொடுத்துள்ள போதிலும், அதன் கூட்டணி கட்சிகளுக்கு அமைச்சரவையில் உரிய முக்கியத்துவம் கொடுக்கவில்லை. 7 எம்.பி.க்களை கொண்ட சிவசேனா (ஷிண்டே) தரப்பு ஒரு இணையமைச்சர் பதவி மட்டும் கொடுக்கப்பட்டுள்ளது. ஆரம்பத்தில் இரண்டு பேருக்கு வாய்ப்பு கிடைக்கும் என்று முதல்வர் ஏக்நாத் ஷிண்டே எதிர்பார்த்தார். இதற்காக இரண்டு பேரை தேர்வு செய்து வைத்திருந்தார். ஆனால் எதிர்பார்த்தது போல் இருவருக்கு கிடைக்காததால் தொடர்ந்து 4வது முறையாக எம்.பியாகி இருக்கும் பிரதாப் ராவ் ஜாதவ் என்பவருக்கு மட்டும் தனிப்பொறுப்புடன் கூடிய இணையமைச்சர் பதவி கொடுக்கப்பட்டு இருக்கிறது. அமைச்சர் பதவி கிடைக்கும் என்று மிகவும் எதிர்பார்ப்புடன் இருந்த ஶ்ரீரங்க் பர்னே அமைச்சர் பதவி கிடைக்காததால் தனது அதிருப்தியை வெளிப்படுத்தி இருக்கிறார். ஶ்ரீரங்க் பர்னே

இது தொடர்பாக அவர் அளித்துள்ள பேட்டியில், ''அமைச்சர் பதவிக்கு எங்களது கட்சி தகுதியானதுதான். எங்களது கட்சியை விட குறைவான எம்.பி.க்களை கொண்ட கூட்டணி கட்சிகளுக்கெல்லாம் அமைச்சரவையில் இடம் கொடுக்கப்பட்டு இருக்கிறது. ஆனால் எங்களுக்கு போதிய பிரதிநிதித்துவம் கொடுக்கப்படவில்லை. வெறும் 2 உறுப்பினர்களை கொண்ட மதசார்பற்ற ஜனதா தளத்தை சேர்ந்த குமாரசாமி, ஐந்து எம்.பி.க்களை கொண்ட சிராக் பஸ்வானுக்கு கேபினட் அந்தஸ்துள்ள அமைச்சர் பதவி கொடுக்கப்பட்டுள்ளது. ஆனால் 7 இடங்களில் வெற்றி பெற்றுள்ள சிவசேனாவிற்கு இணையமைச்சர் பதவி மட்டும் கொடுத்து அநீதி இழைத்துள்ளனர். அதுவும் சிறிய கட்சிகளெல்லாம் பதவியேற்ற பிறகு 35வது நபராக பதவியேற்கவைத்துள்ளனர்.

பழைய நண்பர்கள் எந்த சூழ்நிலையிலும் கூட்டணியில் இருப்பார்கள் என்று கருதி பா.ஜ.க தனது பழைய நண்பர்களை மிகவும் சாதாரணமாக நடத்துகிறது. மகாராஷ்டிராவில் பா.ஜ.கவை விட நாங்கள் சிறப்பாகத்தான் வெற்றி பெற்றோம். நாங்கள் 15 தொகுதியில் போட்டியிட்டு 7 தொகுதியில் வெற்றி பெற்றோம். ஆனால் பா.ஜ.க 28 தொகுதியில் போட்டியிட்டு வெறும் 9 தொகுதியில் மட்டுமே வெற்றி பெற்றுள்ளது'' என்று தெரிவித்தார். அமித் ஷாவுடன் ஷிண்டே மற்றும் அஜித் பவார்

துணை முதல்வர் அஜித் பவார் தலைமையிலான தேசியவாத காங்கிரஸ் கட்சியும் அமைச்சர் கொடுக்கப்பட்ட விவகாரத்தில் மிகவும் அதிருப்தியுடன் இருக்கிறது. தேசியவாத காங்கிரஸ் கட்சிக்கு இணையமைச்சர் பதவி கொடுப்பதாக பா.ஜ.க தரப்பில் சொல்லப்பட்டது.

ஆனால் அதனை தேசியவாத காங்கிரஸ் நிராகரித்துவிட்டது. இது தொடர்பாக அக்கட்சியின் எம்.எல்.ஏ.அன்னா பன்சோடே கூறுகையில், ''எங்களது கட்சி உறுப்பினர் அமைச்சரவையில் இல்லாமல் இருப்பதால் கட்சினர் அதிருப்தியில் இருக்கின்றனர். வர இருக்கும் சட்டமன்ற தேர்தலை கவனத்தில் கொண்டு அமைச்சரவையில் வாய்ப்பு கொடுத்திருக்கவேண்டும்''என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T86KKT

Read More

Tamil News Live Today: வீடுகளில் கழிவறை மூலமாக வெளியேறிய விஷவாயு - புதுச்சேரியில் பெண்கள் பலியான சோகம்

வீடுகளில் கழிவறை மூலமாக வெளியேறிய விஷவாயு! - பெண்கள் பலியான சோகம்



புதுச்சேரி ரெட்டியார்பாளையம் புது நகர் பகுதியில் உள்ள கழிவுநீர் வடிக்காலில் இருந்து கசிந்த விஷவாயு வீடுகளில் உள்ள கழிவறை மூலமாக வெளியேறியதால், இரண்டு பெண்கள் உயிரிழந்த நிலையில் அப்பகுதியில் வசிக்கும் மக்களை உடனடியாக வீட்டிலிருந்து வெளியேறுமாறு காவல்துறையினர் அறிவுறுத்தி வருகின்றனர். தொடர்ந்து அப்பகுதிக்கு நகராட்சி ஊழியர்கள் அந்த கழிவு நீர் வாடிக்காலை சரி செயயும் பணியில் ஈடுப்பட்டு வருகின்றனர்.

திருச்சி விமான நிலைய புதிய முனையம் பயன்பாட்டுக்கு வந்தது!



திருச்சி பன்னாட்டு விமான நிலையத்தின் 2ஆவது புதிய முனையம் இன்று முதல் பயன்பாட்டுக்கு வந்தது.

ஏற்கெனவே இருந்த முனையம் மூடப்பட்ட நிலையில் 2ஆவது புதிய முனையம் செயல்படத் தொடங்கியது.


http://dlvr.it/T86KBR

Read More

மணிப்பூர்: முதல்வர் கான்வாய்மீது துப்பாக்கிச்சூடு; ஒருவர் காயம்- கண்டனம் தெரிவித்த முதல்வர்| Manipur

மணிப்பூரில் பழங்குடியல்லாத மைதேயி சமூகத்தினரையும் பழங்குடி பட்டியலில் சேர்ப்பதற்கு எதிர்ப்பு தெரிவித்து பழங்குடி குக்கி சமூகத்தினர் கடந்த ஆண்டு மே மாதம் முன்னெடுத்த போராட்டம், இரு சமூகத்தினருக்கிடையேயான வன்முறையாக வெடித்தது. ஓராண்டுக்கும் மேலாக நடந்துகொண்டிருக்கும் இந்த மோதல் நீடித்துக்கொண்டிருக்கிறது.மணிப்பூர்

மத்தியிலும், மாநிலத்திலும் ஆட்சியிலிருக்கும் பா.ஜ.க இன்னும் இதைக் கட்டுப்படுத்தாததே வன்முறை நீடிப்பதற்கு காரணம் என்று எதிர்க்கட்சியினர் விமர்சித்து வருகின்றனர். இந்த நிலையில், இன்று காலை காங்போக்பி மாவட்டத்தில் முதல்வர் பிரேன் சிங் பாதுகாப்பு வாகனத்தின்மீது கலவரக்காரர்கள் பதுங்கியிருந்து துப்பாக்கிச்சூடு தாக்குதல் நடத்திய சம்பவம், பரபரப்பை ஏற்படுத்தியிருக்கிறது.

இதுகுறித்து பேசிய போலீஸ் அதிகாரியொருவர், காலை 10:30 மணியளவில் ஜிரிபாம் பகுதியில் இந்தத் தாக்குதல் நடந்ததாகவும், இதில் பாதுகாப்பு அதிகாரி ஒருவருக்கு தோள்பட்டையில் புல்லட் பயந்து காயம் ஏற்பட்டிருப்பதாகவும் தெரிவித்திருக்கிறார். மேலும், காயமடைந்த அதிகாரி இம்பால் மருத்துவமனையில் சிகிச்சை பெற்றுவருவதாகவும், துப்பாக்கிச்சூடு நடத்தியவர்களைக் கண்டுபிடிக்க தேடுதல் தொடங்கியிருப்பதாகவும் போலீஸ் தரப்பில் தெரிவிக்கப்பட்டிருக்கிறது.மணிப்பூர் முதல்வர் பிரேன் சிங்

Manipur : `முதல்வர்மீதான தாக்குதல்... மக்களின்மீதான நேரடி தாக்குதல்!' - மணிப்பூர் முதல்வர்



இந்த நிலையில், முதல்வர் பிரேன் சிங் இந்தத் தாக்குதலுக்கு கண்டனம் தெரிவித்திருக்கிறார். இதுகுறித்து பிரேன் சிங் தனது X சமூக வலைதள பக்கத்தில், ``நாட்டுக்கு இரவு பகலாக சேவையாற்றிவரும் பாதுகாப்பு படையினர்மீது நடத்தப்படும் கொடூரத் தாக்குதல்களை நான் வன்மையாகக் கண்டிக்கிறேன். தாக்கியவர்கள் நீதியின் முன் நிறுத்தப்படுவார்கள்" என்று பதிவிட்டிருக்கிறார். மேலும், காயமடைந்த அதிகாரியை மருத்துவமனையில் பார்த்துவிட்டு திரும்புகையில், முதல்வர்மீது தாக்குதல் நடத்துவது நேரடியாக மக்களின்மீது தாக்குதல் நடத்தப்படுவதற்கு சமம் என்றும் இதுதொடர்பாக நடவடிக்கை எடுக்கப்படும் என்றும் பிரேன் சிங் தெரிவித்தார்.பா.ஜ.க-வை விரட்டியடித்த மணிப்பூர் மக்கள்!


http://dlvr.it/T85J92

Read More

Suresh Gopi: `நான் மத்திய இணை அமைச்சர் பதவியிலிருந்து விலகுகிறேனா?' - சுரேஷ் கோபி விளக்கம்!

கேரள மாநிலத்தில் பா.ஜ.க காலூன்ற காரணமான திருச்சூர் எம்.பி நடிகர் சுரேஷ்கோபி, மத்திய இணை அமைச்சராக நேற்று பதவி ஏற்றார். அதன் பிறகு நேற்று இரவு செய்தியாளர்களை சந்தித்த சுரேஷ் கோபி, "ஒரு எம்.பி-யாகவே செயல்பட முடிவுசெய்துள்ளேன். நான் டெல்லி தலைமையில் எதுவுமே கேட்கவில்லை. எனக்கு அமைச்சர் பதவி வேண்டாம் என்றுதான் கூறியிருந்தேன். அமைச்சரவையில் இருந்து என்னை விரைவில் விடுவிப்பார்கள் எனத் தோன்றுகிறது. தாமதப்படுத்தாமல் என்னை விடுவிப்பார்கள். திருச்சூர் மக்களுக்கு எம்.பி என்ற நிலையில் சிறப்பான செயல்பாட்டை காட்டுவேன். நான் சினிமாவில் நடித்தே தீருவேன். மற்ற விஷயங்கள் குறித்து தலைமை தீர்மானிக்கட்டும்" எனக் கூறினார். கேபினெட் அமைச்சர் பதவி வழங்காத அதிருப்தியில் சுரேஷ் கோபி இவ்வாறு கூறுவதாக விமர்சனம் எழுந்தது. மேலும், கேரளாவைச் சேர்ந்த பா.ஜ.க தேசிய செயற்குழு உறுப்பினர் கிருஷ்ணதாஸ் உள்ளிட்ட நிர்வாகிகள் டெல்லியில் சுரேஷ் கோபியிடம் பேச்சுவார்த்தை நடத்தினர். சுரேஷ் கோபி-யின் முகநூல் பதிவு

மத்திய இணை அமைச்சராக பொறுப்பேற்ற மறுநாளே பதவியை துறக்க தயாரான சுரேஷ் கோபியின் நடவடிக்கை விவாதத்தை ஏற்படுத்தியது. இதையடுத்து மத்திய இணை அமைச்சராக பொறுப்பேற்றுள்ள கேரளாவைச் சேர்ந்த ஜார்ஜ் குரியன் கூறுகையில், "சுரேஷ் கோபி மத்திய அமைச்சர் பதவியில்தொடர வேண்டும். அவர் கேரளாவில் பா.ஜ.க-வின் கணக்கை தொடங்கியதால்தான் இரண்டு இணை அமைச்சர்கள் பதவி வழங்கப்பட்டுள்ளது. எனவே சுரேஷ் கோபி மத்திய அமைச்சர் பதவியில் தொடர வேண்டும் என நான் விரும்புகிறேன்" என்றார்.பிரதமர் மோடியுடன் சுரேஷ்கோபி

பா.ஜ.க தலைவர்கள் பேச்சுவார்த்தையின் முடிவில் மத்திய இணை அமைச்சர் பதவியில் தொடர்வதாக சுரேஷ் கோபி அறிவித்துள்ளார். இது குறித்து சுரேஷ் கோபி தனது ஃபேஸ்புக் பக்கத்தில், "மோடி அரசின் அமைச்சரவையில் இருந்து நான் விலகபோவதாக சில ஊடகங்கள் தவறான தகவல்களை பரப்பி வருகின்றன. அது முற்றிலும் தவறானது. மோடி அமைச்சரவையில் இடம்பெற்றிருப்பதும், கேரள மக்களை பிரதிநிதித்துவப்படுத்துவதும் எனக்குப் பெருமையாக உள்ளது. பிரதமர் நரேந்திர மோடி தலைமையில் கேரளாவின் வளர்ச்சிக்கு நாங்கள் உறுதிபூண்டுள்ளோம்" எனக் குறிப்பிட்டுள்ளார். இதன் மூலம் கடந்த 2 நாள்களாக நடந்த விவாதம் முடிவுக்கு வந்துள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbSuresh Gopi: `சினிமாவில் நடித்தே தீருவேன்' - கேபினெட் பதவி கிடைக்காததால் சுரேஷ் கோபி அதிருப்தியா?


http://dlvr.it/T84vN7

Read More

Suresh Gopi: `சினிமாவில் நடித்தே தீருவேன்' - கேபினெட் பதவி கிடைக்காததால் சுரேஷ் கோபி அதிருப்தியா?

நடந்து முடிந்த நாடாளுமன்ற தேர்தலில் திருச்சூர் தொகுதியில் நடிகர் சுரேஷ் கோபி வென்றதை அடுத்து, கேரளாவில் கால் பதித்துள்ளது பா.ஜ.க. இந்தியாவே திருச்சூர் தொகுதியை உற்று நோக்கும் அளவுக்கு அரசியலில் முக்கியத்துவம் பெற்றார் சுரேஷ் கோபி. இதையடுத்து சுரேஷ் கோபிக்கு மத்திய அமைச்சர் பதவி வழங்க டெல்லி தலைமை முடிவு செய்தது. பிரதமர் அலுவலகத்தில் இருந்து சுரேஷ் கோபிக்கு அழைப்பு வந்ததை அடுத்து, அவர் டெல்லி சென்று மத்திய இணை அமைச்சராக பதவிப்பிரமாணம் எடுத்துக்கொண்டார். கேரளாவில் இருந்து டெல்லி புறப்படும் முன்பு செய்தியாளர்களை சந்தித்த சுரேஷ் கோபி, "கேரளாவையும் தமிழ்நாட்டையும் கவனித்துக் கொள்ளும் முக்கிய எம்.பி ஆக நான் செயல்படுவேன். 10 முக்கிய துறைகளை செயல்படுத்தும் வகையில் எனக்கு பொறுப்பு கிடைத்தால் வளர்ச்சியை கொண்டுவருவேன்" என்ற ரீதியில் பேசினார். இந்த நிலையில் கேரளா மாநிலத்தில் சுரேஷ் கோபி மற்றும் ஜார்ஜ் குரியன் ஆகியோர் நேற்று மத்திய இணை அமைச்சர்களாக பதவிப் பிரமாணம் செய்துகொண்டனர்.திருச்சூர் பா.ஜ.க எம்.பி சுரேஷ் கோபி

இந்த நிலையில் திடீரென அமைச்சர் பதவியில் இருந்து தன்னை விடுவிக்கும்படி சுரேஷ் கோபி தலைமைக்கு வேண்டுகோள் விடுத்துள்ளார். சுரேஷ் கோபி செய்தியாளர்களிடம் கூறுகையில், "ஒரு எம்.பி-யாகவே செயல்பட முடிவுசெய்துள்ளேன். நான் டெல்லி தலைமையில் எதுவுமே கேட்கவில்லை. எனக்கு அமைச்சர் பதவி வேண்டாம் என்றுதான் கூறியிருந்தேன். அமைச்சரவையில் இருந்து என்னை விரைவில் விடுவிப்பார்கள் எனத்தோன்றுகிறது. தாமதப்படுத்தாமல் என்னை விடுவிப்பார்கள். திருச்சூர் மக்களுக்கு எம்.பி என்ற நிலையில் சிறப்பான செயல்பாட்டை காட்டுவேன். நான் சினிமாவில் நடித்தே தீருவேன். இதுபற்றி தலைமை தீர்மானிக்கட்டும்" என்றார்.பிரதமர் மோடியுடன் சுரேஷ்கோபி

இதுகுறித்து கேரளா அரசியல் விவரப்புள்ளிகள் கூறுகையில், "2019 நாடாளுமன்ற தேர்தலில் திருச்சூர் தொகுதியில் போட்டியிட்டு தோல்வியடைந்த சுரேஷ் கோபிக்கு ராஜ்யசபா எம்.பி பதவி வழங்கப்பட்டது. இந்த நிலையில் கேரளாவில் கால்பதித்த பா.ஜ.க-வின் முதல் எம்.பி என்ற வகையில் மத்திய கேபினெட் அமைச்சர் பதவி கிடைக்கும் என சுரேஷ் கோபி எதிர்பார்த்துள்ளார். இணை அமைச்சர் பதவி வழங்கப்பட்டதால் சுரேஷ் கோபி அதிருப்தியில் உள்ளர். டெல்லியில் இருந்து அழைப்பு வந்ததும் பதவி பிரமாணம் செய்துகொள்ள விரைந்து சென்றார் சுரேஷ் கோபி. ஆனால், இணை அமைச்சர் பதவி என்றதும் அதை கவுரவ குறைச்சலாக எண்ணி பின்வாங்குகிறார். சினிமாவில் நடிப்பதுதான் முக்கியம் என்றால் அமைச்சராக வேண்டும் என டெல்லி அழைத்த உடனேயே தனது கருத்தை கூறி பதவி ஏற்புக்கு செல்லாமல் இருந்திருக்கலாமே. கேபினெட் அமைச்சர் பதவி வேண்டும் என்பதற்காக சுரேஷ் கோபி இப்படி நடந்துகொள்கிறார்" என்றனர். இதற்கிடையே சுரேஷ் கோபிக்கு சினிமாவில் நடிக்க அனுமதி வழங்கப்படும் எனவும், அவர் மத்திய அமைச்சராக தொடருவார் எனவும் கேரளா மாநில பா.ஜ.க-வினர் கூறிவருகின்றனர். சுரேஷ் கோபியை சமாதானப்படுத்த பா.ஜ.க தலைவர்களில் ஒருவரான பி.கே.கிருஷ்ணகுமார் தலைமையில் குழு ஏற்படுத்தப்பட்டுள்ளதாக தகவல் வெளியாகி உள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbSuresh Gobi: `எனக்கு அமைச்சர் பதவியில் விருப்பமில்லை' - பதவியேற்ற மறுநாளே விலக சுரேஷ் கோபி விருப்பம்


http://dlvr.it/T84Tdt

Read More

`வேற்றுமையில் ஒற்றுமை' - மோடிக்கு பாடம் சொன்ன இந்தியா அல்லது பாரதம்!

சர்வதேச நாடுகள் பலவும் உற்றுநோக்கிய உலகின் மிகப்பெரிய ஜனநாயகத் திருவிழா முடிந்திருக்கிறது. இத்திருவிழாவின் வெற்றிச்செல்வர்்கள்... வேறு யார்? இந்திய மக்கள்தான். இது, காலங்காலமாக சொல்லப்படுவதுதான். என்றாலும், ஒவ்வொரு கால கட்டத்திலும் அதைச் சொல்லும்போது அழுத்தமான கூடுதல் காரணங்கள் இருக்கும். இம்முறையும் அப்படியே!

கடந்த பத்தாண்டுகள் இந்தியாவின் பிரதமராக இருந்த மோடி, மூன்றாவது முறையாக பிரதமர் ஆகியிருக்கிறார். தனிப்பெரும்பான்மை இல்லாவிட்டாலும், தனிப்பெரும் கட்சியாக... கூட்டாகப் போட்டியிட்ட கட்சிகளுடைய வெற்றியையும் சேர்த்து, அவருக்குத்தான் வாய்ப்பை வழங்கியிருக்கிறார்கள், மக்கள். இந்த வெற்றிக்கு ஊடாக ஓர் அழுத்தமான செய்தியை வெளிப்படையாகவும் விளக்கமாகவும் உலகத்துக்கே புரியும் வகையிலும் சேர்த்துச் சொல்லியிருக்கிறார்கள். அது, ‘ஒன்றாக இருப்போம்... நன்றாக இருப்போம்' என்பதுதான்!

பா.ஜ.க-வுடன் கைகோத்திருக்கும் கூட்டணிக் கட்சிகள் மட்டும் இணைந்திருப்பதற்கு பெயர், `ஒன்றாக இருப்போம்' அல்ல. பதவி ஏற்புக்கு முன்பாக, `140 கோடி மக்களுக்கும் ஆட்சி நடத்தத் தீர்மானித்திருக்கிறோம்' என்று மோடியைத் திருப்பிச் சொல்ல வைத்தார்கள் அல்லவா மக்கள்... அதற்குப் பெயர்தான் ஒன்றாக இருப்போம்.

‘மூன்றாவது முறையாக நேருவைப் போல பிரதமர் பதவி ஏற்று இருக்கிறார்’ என்று வரலாற்றுப் பெருமை கொள்வதோடு... ‘வேற்றுமையில் ஒற்றுமை’ என்று அதே நேரு சொன்னதையும் சேர்த்தே உளமாரச் சொல்லி பெருமைப்பட்டுக் கொண்டால்... நிச்சயமாக அனைவருமே ஒன்றாக இருப்போம்... நன்றாகவும் இருப்போம். அதுவே, மாற்றத்துக்கான முதல் விதையாகவும் இருக்கும். பா.ஜ.க மாற்றிக்கொள்ள வேண்டிய விஷயங்கள் இங்கே நிறையவே இருக்கின்றன.

முதலில் மாநில உரிமைகள்... ‘ஒரே தேசம்... ஒரே கலாசாரம்’ என்ற கருத்துருவாக்கத்தை பா.ஜ.க அனைத்துவிதங்களிலும் முன்னிறுத்தியது. ஒரே தேசமாக இருப்பது வேறு. தேசத்தில் இருக்கும் ஒவ்வொரு மாநிலங்களுக்குமான தனிப்பட்ட மற்றும் கலாசாரம் சார்ந்த நலன்கள் தொடர்புடைய விஷயங்கள் வேறு.

ஜி.எஸ்.டி பங்கீடு, வெள்ள நிவாரணம், கல்வி, விவசாயம், மொழி எனப் பல விஷயங்களில் மாநில உரிமைகளில் கை வைத்ததுதான் பிரச்னையே.

அடுத்து மதவாதம்... தேர்தல் பரப்புரையில் மோடியும் அவர் கட்சி வேட்பாளர்களும் வெளிப்படையாக அதிகம் பேசியது மதவாதம் பற்றிதான். ராமர் கோயிலை முன்வைத்து, சிறுபான்மையினரை மிரட்டவே செய்தார்கள். ஆனால், ராமருக்குக் கோயில் கட்டிய அதே அயோத்தி (பைசாபாத்) தொகுதியிலேயே பா.ஜ.க-வுக்குத் தோல்வி. இந்துக்களின் அடையாள பூமிகளில் ஒன்றான வாரணாசி தொகுதியில் முதல் சில சுற்றுகள் மோடியே பின்னடைவைத்தான் சந்தித்தார்.

மதம் தனிப்பட்டவர்களின் பட்டியலில் இருக்கவேண்டிய விஷயம். மனிதம்... பொதுப் பட்டியலில் முதல் இடத்தில் இருக்கவேண்டிய விஷயம். இதைத்தான் பட்டவர்த்தனமாக உணர்த்தியிருக்கிறது, அயோத்தித் தோல்வி.

கடந்த ஐந்தாண்டுகளில் எதிர்க்கட்சிகள் நாடாளுமன்றத்தில் இருந்தாலும் அவர்களின் குரல் முக்கிய நேரத்தில் ஒலிக்க முடியாத அளவுக்கு பா.ஜ.க-வுக்கு மிருகபலம் இருந்தது. நினைத்த சட்டங்களை நினைத்த நேரத்தில் நினைத்தபடியெல்லாம் மாற்ற முடிந்தது. அதற்குக் கடிவாளம் போட்டிருக்கிறார்கள் மக்கள். 234 பேரை எதிரில் உட்கார வைத்துள்ளனர்.

இனி, எதிர்த்தரப்பின் குரலும் சமமாக ஒலிக்கும். நிதானமாகத்தான் போக முடியும். இதையும் மனம் மாறி... மனமுவந்து ஏற்றுக்கொள்வதில்தான் இருக்கிறது அரசியல் பக்குவம்.

நாட்டில் எது முக்கியமான பிரச்னை என்பதற்குத்தான் எப்போதுமே முன்னுரிமை கொடுக்கப்பட வேண்டும். `மதுராவிலிருக்கும் மசூதிக்குக் கீழேதான் எங்கள் கிருஷ்ணர் வாழ்ந்தார்' என்றெல்லாம் சொல்லிக்கொண்டு மீண்டும் கடப்பாரைத் தூக்கினால், வெற்றி என்று பழையபடி கிளப்பிவிடாதீர்கள். `புல்டோசர் புகழ் யோகி ஆதித்யநாத்' என்று மோடியே புளகாங்கிதமடைந்த அளவுக்கு அத்துமீறிய அத்தனை புல்டோசர்களுக்கும் பூட்டுப் போடுங்கள்.

பங்குச்சந்தையில் உச்சங்களைத் தொட்டுக்கொண்டே இருக்கிறோம். இதனால், தேசம் மொத்தமும் வளர்ந்துவிட்டதா? பொருளாதாரத்தில் உலக அளவில் ஐந்தாம் இடம். ஆனால், 125 நாடுகள் கொண்ட பட்டினி குறியீடு பட்டியலில் 111-வது இடம், பாரதத்துக்கு. நாட்டு மக்களின் பசியைக்கூட போக்க முடியாத வளர்ச்சி, என்ன வளர்ச்சி?

கோடிக்கணக்கான மக்கள் வேலையின்றி உழன்றுகிடக்கிறார்கள். உங்களை நம்பி, தொடர்ந்து உங்களை வாழவைத்துக் கொண்டிருக்கும் வட இந்திய மற்றும் வடகிழக்கு சகோதரக் கூட்டம், வேலை தேடி தென்னகத்துக்கும் படையெடுக்கிறார்கள்... கூலிகளாக!

`தேனாறும் பாலாறும் ஓடும்' என்று காங்கிரஸ் ஆட்சிக் காலத்திலிருந்தே சொல்லப்படுவது வாய் வார்த்தைகளாக மட்டுமே இருக்கின்றன. அன்று தொடங்கி, இன்று வரையிலும் மாறிமாறி ஆட்சியைப் பிடிக்கும் உங்களைப் போன்றவர்களின் குடும்பங்களிலும்... உங்களைப் போன்றவர்களுக்கு அனுசரணையாக இருக்கும் குடும்பங்களிலும்... உங்களைப் போன்றோருக்கு சேவை செய்யும் அதிகார வர்க்கக் குடும்பங்களிலும் மட்டும்தான் ஓடிக்கொண்டிருக்கிறது, தேனாறும் பாலாறும். மற்றபடி கோடானுகோடி மக்களின் வீட்டில் குடிப்பதற்குத் தண்ணீர்கூட இல்லை என்பதே நிதர்சனம்.

கூட்டணிக் கூட்டத்தில் இந்திய அரசமைப்புச் சட்டப் புத்தகத்தை வணங்கியபின் பேசிய மோடி, `அம்பேத்கர் இயற்றிய அரசியலமைப்பிலிருந்து வழுவாமல் நடைபோடுவதே என் பணி' என்று புதுக் குரலில் பேசி இருக்கிறார். `தேர்தல் முடிவுகளுக்கு முன்பு பேசிய மோடியா இது?' என்று நாடே கிள்ளிப் பார்த்துக் கொண்டது.

`மக்கள்தான் வெற்றிச்செல்வர்கள் எனச் சொன்னது இப்போது புரிகிறதா? இதுதான் இந்திய அல்லது பாரத மக்களாட்சியின் சிறப்பு. இந்தக் கூட்டு மனசாட்சியைப் புறந்தள்ளுபவர்களும் புரிந்து கொள்ளாதவர்களும் இந்த மக்களை இனி ஆள முடியாது. இப்போது ஆளப்போகும் மோடியும் சரி... எதிர்காலத்தில் ஆள்வதற்காக வரவிருக்கும் எவரும் சரி... இதையெல்லாம் உணர்ந்து தங்களை மாற்றிக்கொண்டே ஆக வேண்டும்.

வீழ்வது யாராயினும்... வாழ்வது நாடாகட்டும்!


http://dlvr.it/T83mjl

Read More