Thursday 13 June 2024
Wednesday 12 June 2024
Rahul Gandhi: `நான் உயிரியல் மனிதன்... இந்தியாவின் ஏழைகளே என் கடவுள்!' - ராகுல் காந்தி
இந்த நிலையில், தான் ஒரு உயிரியல் மனிதன் எனவும், மக்கள்தான் தன்னுடைய கடவுள் எனவும் காங்கிரஸ் எம்.பி ராகுல் காந்தி கூறியிருக்கிறார்.
தான் வெற்றிபெற்ற வயநாடு மக்களுக்கு நன்றி தெரிவிக்கும் கூட்டத்தில் இன்று பேசிய ராகுல் காந்தி, ``துரதிஷ்டவசமாக மோடியைப் போல நான் பரமாத்மாவால் அனுப்பிவைக்கப்படவில்லை. நான் உயிரியல் மனிதன். 400 இடங்கள் என்று மோடி கூறியதையும், அது எப்படி 300 இடங்களாகக் குறைந்தது என்பதையும் நீங்கள் பார்த்தீர்கள். அதன் பிறகு அவர், நான் உயிரியல் மனிதன் அல்ல.
பரமாத்மா என்னை அனுப்பினார். அவர்தான் அனைத்து முடிவுகளையும் எடுக்கிறார் என்கிறார். அவரின் விசித்திரமான பரமாத்மா அவரை, அம்பானி மற்றும் அதானிக்கு ஆதரவாக அனைத்து முடிவுகளையும் எடுக்க வைக்கிறது. மும்பை விமான நிலையம், லக்னோ விமான நிலையம், முன் உற்பத்தி நிலையங்கள் போன்றவற்றை அதானிக்கு கொடுக்குமாறும், அக்னிவீர் போன்ற திட்டங்களுக்கு செயல்படுத்துமாறும் மோடியிடம் அது சொல்கிறது.வயநாட்டில் ராகுல் காந்தி
துரதிஷ்டவசமாக அவரைப்போல பரமாத்மாவிடமிருந்து அறிவுரை பெறும் வசதி எனக்கு இல்லை. என்னைப் பொறுத்தவரை இந்தியாவின் ஏழைகள்தான் என் கடவுள். அவர்களிடம் சென்று நான் பேசுகிறேன். அதன்பின்னர் என்ன செய்யவேண்டும் என்று என் கடவுள் என்னிடம் பேசுகிறது. இப்போது நான் வயநாடு எம்.பி-யாக இருப்பேனா அல்லது ரேபரேலி எம்.பி-யாக இருப்பேனா என்ற குழப்பம் எனக்கு முன் இருக்கிறது. இந்தக் கேள்விக்கான பதில் என்னைத் தவிர அனைவருக்கும் தெரியும். ஆனால், கவலைப்பட வேண்டாம் வயநாடு மற்றும் ரேபரேலி மக்கள் எனது முடிவில் மகிழ்ச்சியடைவார்கள்" என்று கூறினார்.ராகுல் காந்தி
மேலும் ராகுல் காந்தி, ``தேர்தலுக்கு முன்பு, பா.ஜ.க தலைவர்கள் அரசியல் சட்டத்தை அழிப்போம், மாற்றுவோம், குப்பைத் தொட்டியில் வீசுவோம் என்று தெளிவாகக் கூறிவந்தனர். அவர்களின், 400 இடங்கள் இலக்கு என்பதன் நோக்கமே அரசியலமைப்பை மாற்றுவதுதான். இந்தியா கூட்டணியும், காங்கிரஸும் மோடியின் இந்த நோக்கத்தை முற்றிலுமாக அழித்துவிட்டது. தேர்தல் முடிவுகளுக்குப் பிறகு அரசியல் சாசனத்தை மோடி தலையில் வைத்து வணங்கியிருக்கிறார். இன்று நீங்கள் பார்க்கும் மோடி, தேர்தலுக்கு முன்பிருந்த மோடியிலிருந்து முற்றிலும் மாறுபட்டிருக்கிறார்" என்றார்.BJP - RSS: `ஆர்கனைசர்’ கட்டுரையும் பாஜக மீதான ஆர்எஸ்எஸின் அதிருப்தியும் - பின்னணி அரசியல் என்ன?!
http://dlvr.it/T8B3H3
Odisha: ஒடிசாவில் மலர்ந்த தாமரை; புதிய முதல்வருக்குப் புது வீடு பார்க்கும் அதிகாரிகள் - காரணம் என்ன?
ஒடிசாவில் சட்டசபை தேர்தல் முடிவுகள், அம்மாநில அரசியல் களத்தையே புரட்டிப்போட்டுள்ளது. கடந்த 24 ஆண்டுகளாக யாராலும் அசைக்க முடியாத முதல்வராய், தனிப்பெரும்பான்மையோடு இருந்த நவீன் பட்நாயக் ஆட்சி அங்கே அகற்றப்பட்டு, பா.ஜ.க முதன்முறையாக அம்மாநிலத்தில் ஆட்சி அமைக்க உள்ளது.நவீன் பட்நாயக்
மதச்சார்பின்மை, மத நல்லிணக்கம் போன்ற கொள்கைகளை முன்வைத்து அரசியல் செய்து வந்த மாநிலத்தில், வலதுசாரி அரசியல் வலுவாகக் காலூன்றியுள்ளது. அயோத்தி ராமரை வைத்து அரசியல் செய்த பாஜக, அங்கே பூரி ஜெகன்நாதரை முன்வைத்து அரியணையில் ஏறியுள்ளது என்கின்றனர் அரசியல் நோக்கர்கள்.V K Pandian - வி.கே.பாண்டியனுடன் நவீன் பட்நாயக்
பா.ஜ.க-வின் தேர்தல் பிரசாரத்தில் தமிழரான வி.கே.பாண்டியன் டார்கெட் செய்யப்பட்டார். 'ஒரு தமிழர் ஒடிசாவை ஆட்சி செய்வதா?' என்று பா.ஜ.க முன்வைத்த கோஷம் மக்கள் மனதில் மாபெரும் மாற்றத்தை ஏற்படுத்தியுள்ளது. தேர்தல் முடிவுகளுக்குப் பிறகு வி.கே.பாண்டியன் முழுநேர அரசியலிலிருந்து விலகுவதாக அறிவித்துள்ளார்.
இத்தகு சூழலில் ஒடிசாவின் புதிய முதல்வராக மோகன் சரண் மஜி தேர்வு செய்யப்பட்டுள்ளார். அத்தோடு புதிதாக பொறுப்பேற்கவுள்ள முதல்வர் தங்குவதற்காக புதிய இல்லம் ஒன்றை தேடும் பணியில் ஒடிசா அரசு இறங்கியுள்ளது. 2024-ம் ஆண்டு சட்டமன்ற தேர்தலில் தோல்வியடைந்ததால் பதவி விலகும் முதல்வர் நவீன் பட்நாயக், தனது 24 ஆண்டுக்கால பதவிக் காலத்தில், தனது சொந்த இல்லமான "நவீன் நிவாஸில்" இருந்து செயல்பட்டார். இது முதலமைச்சரின் இல்லமாக திறம்பட செயல்பட்டது.
நவீன் பட்நாயக், கடந்த 2000-ம் ஆண்டு முதலமைச்சராக பதவியேற்ற பிறகு, அரசாங்கத்தால் ஒதுக்கப்பட்ட வீட்டை விட தனது சொந்த வீட்டிலிருந்தே தம்முடைய அரசாங்க அலுவல்களை கவனித்து வந்தார். இந்த முடிவு மாநில அரசியல் வரலாற்றில் ஒரு தனித்துவமான முன்னுதாரணமாக பார்க்கப்பட்டது. ஏறக்குறைய கால் நூற்றாண்டு காலமாக, மாநில அரசின் அனைத்து விதமான அலுவல், நிர்வாகப் பணிகள் மற்றும் தொண்டர்களை சந்திப்பது, மாநில அரசியலில் முக்கிய முடிவுகள் எடுப்பது என எல்லாமே "நவீன் நிவாஸில்" இருந்து நடத்தப்பட்டன. இது அவரது தந்தையும் முன்னாள் முதல்வருமான பிஜு பட்நாயக்கால் கட்டப்பட்டது என்பது குறிப்பிடத்தக்கது.Mohan Charan Majhi - மோகன் சரண் மஜி
மிக நீண்ட கால முதல்வர் என்ற சாதனையை படைக்க இன்னும் ஒரு மாத கால இடைவெளி இருந்த நிலையில், நவீன் பட்நாயக் நடந்து முடிந்த சட்டமன்ற தேர்தலில் பா.ஜ.க-விடம் படுதோல்வியடைந்தார்.
இச்சூழலில் பதவியேற்பு விழா இன்று 12.06.2024 நடைபெற உள்ள நிலையில், முதல்வர் தங்குவதற்கு ஏதுவான இல்லத்தை தேடுவதற்கான முயற்சிகளை மாநில நிர்வாகம் தீவிரப்படுத்தியுள்ளது. தற்போதைய முதலமைச்சரின் குறைதீர்க்கும் பிரிவு உட்பட காலியாக உள்ள பல அரசு குடியிருப்புகள் பரிசீலனையில் உள்ளதாக மூத்த அரசு அதிகாரிகள் தெரிவித்துள்ளனர். இருப்பினும், மாற்றம் உடனடியாக நடைபெறாது எனவும், சகல வசதிகளுமுடைய ஓர் இடத்தைத் தேர்வு செய்து, அதற்கு தேவையான புனரமைப்பு மற்றும் உட்கட்டமைப்பு வசதிகளை செய்த பின்னரே முதல்வர் தங்க பரிந்துரைக்கப்படும் என தெரிவித்துள்ளனர். மோகன் சரண் மஜி
இதற்கிடையில், புதிய முதலமைச்சருக்கு தற்காலிக தங்குமிடமாக மாநில அரசின் விருந்தினர் மாளிகையில் இடத்தை தயார் செய்ய மாநில நிர்வாகம் திட்டமிட்டுள்ளது. முன்னதாக, ஹேமானந்தா பிஸ்வால் மற்றும் ஜானகி பல்லப் பட்நாயக் உள்ளிட்ட முன்னாள் முதல்வர்கள், தலைநகரில் உள்ள ஏஜி சதுக்கத்தும் சாலையில் புவனேஸ்வர் கிளப் அருகே அமைந்துள்ள ஒற்றை மாடி கட்டடத்தில் இருந்து செயல்பட்டு வந்தனர். பின்பு 1995-ல் ஜே.பி.பட்நாயக் மீண்டும் தேர்ந்தெடுக்கப்பட்ட பிறகு, முதல்வர் அலுவலகம் இரண்டு மாடிக் கட்டடத்திற்கு மாற்றப்பட்டது, அதுவே தற்போதைய முதலமைச்சரின் குறைதீர்க்கும் பிரிவு ஆகும். இந்த அமைப்பு கிரிதர் கமங்கின் அதிகாரபூர்வ இல்லமாகவும் பயன்படுத்தப்பட்டது.
பட்நாயக் குடும்பத்தின் அசல் பங்களா கட்டாக்கில் உள்ளது, அங்கு பிஜு பட்நாயக்கின் மூன்று குழந்தைகள் - பிரேம், கீதா மற்றும் நவீன் ஆகியோர் பிறந்தனர். கடந்த ஐந்து தசாப்தங்களாக, ஆனந்த் பவன் பங்களா பராமரிப்பாளர்களால் நிர்வகிக்கப்படுகிறது. பிஜு பட்நாயக் புதிய தலைநகரில் நவீன் நிவாஸைக் கட்டிய பிறகு, புவனேஸ்வருக்குச் சென்றபோது இந்த ஏற்பாடுகள் செய்யப்பட்டது. தற்போது இந்த பங்களா அருங்காட்சியகமாக செயல்பட்டுவருகிறது. பிஜு பட்நாயக்குக்கு டெல்லியில் உள்ள அவுரங்கசீப் சாலையில் ஒரு சொந்த வீடு இருப்பதாகவும், அதனை அவரின் குடும்பத்தின் நிர்வகித்து வருவதாகவும் கூறப்படுகிறது. Mohan Charan Majhi: பஞ்சாயத்துத் தலைவர் `டு' ஒடிசா முதல்வர் - யார் இந்த மோகன் சரண் மஜி?!
http://dlvr.it/T89dQS
Driving License: 40 வயசுக்கு மேல ஆச்சா? லைசென்ஸ் எடுக்க/புதுப்பிக்க இனி இம்புட்டு வேலை பார்க்கணும்!
டிரைவிங் லைசென்ஸ் சம்பந்தமாகப் புதுப்புதுச் சட்டங்களை இறக்கிக் கொண்டிருக்கிறது அரசு. ஓட்டுநர் உரிமம் எடுக்க ஆர்டிஓ அலுவலகம் செல்லத் தேவையில்லை; அரசு அங்கீகாரம் பெற்ற டிரைவிங் ஸ்கூல்கள் மூலமே லைசென்ஸ் விண்ணப்பிக்கலாம்; வாங்கிக் கொள்ளலாம் என்றொரு சட்டம் வரவேற்கத்தக்கதாகவே இருந்தது. அதாவது - ஓட்டுநர் பயிற்சிப் பள்ளியில் நடத்தப்படும் பயிற்சியில் நீங்கள் பாஸ் ஆனால், ஒரு சான்றிதழ் தருவார்கள். அந்த சர்ட்டிஃபிகேட்டை பரிவாஹன் ஆப்பில் ஏற்றி, ஓட்டுநர் உரிமம் பெற்றுக் கொள்ளலாம் எனும் சட்டம் கொண்டு வந்தார்கள். இது மக்களுக்கு எளிதுதான்; ஆனால், இதற்கு டிரைவிங் பயிற்சிப் பள்ளிகளுக்கு 1 முதல் 2 ஏக்கர் வரை நிலம் சொந்தமாக இருக்க வேண்டும் எனும் விதிமுறை டிரைவிங் ஸ்கூல் ஓனர்களுக்குக் கொஞ்சம் கதிகலங்கவே செய்கிறது. Driving School
இப்போது, டிரைவிங் லைசென்ஸ் சம்பந்தமாக இன்னும் ஒரு சட்டத்தைக் கொண்டு வந்திருக்கிறது அரசு. அதாவது 40 வயதுக்கு மேற்பட்டவர்கள் லைசென்ஸ் எடுக்க வேண்டும் என்றால், அவர்களுக்கு மருத்துவச் சான்றிதழ் அவசியம். அப்படியிருந்தால் மட்டுமே லைசென்ஸ் கிடைக்கும். அதுவும் தமிழ்நாடு மருத்துவக் கவுன்சிலில் பதிவு பெற்ற மருத்துவரிடம் சான்றிதழ் வாங்க வேண்டும். இது புதிதாக எடுப்பவர்களுக்கு மட்டுமில்லை; டிரைவிங் லைசென்ஸைப் புதுப்பிப்பவர்களுக்கும் இந்தப் புதிய திருத்தப்பட்ட மோட்டார் வாகனச் சட்டம் பொருந்தும். அதைத்தான் நான் ஜஸ்ட் மிஸ் என்று சொன்னேன். பரிவாஹன் வலைதளத்தில் இதற்கென Form 1A என்கிற விண்ணப்பத்தைப் பதிவிறக்கம் செய்து, சப்மிட் செய்ய வேண்டும். 40 வயதுக்கு உட்பட்டவர்களுக்கு Form 1.
எதற்கு இந்தப் புதுப் புதுச் சட்டங்கள்? அண்மையில் சில பகுதிகளில் புதிய ஓட்டுநர் உரிமம் கோரி விண்ணப்பிக்கும் நபர்கள், போலியான சான்றிதழைப் பதிவேற்றம் செய்து வருகிறார்கள் என்று கூறப்படுகிறது. இந்தப் போலி ஆவணங்கள் பதிவேற்றம் செய்வதைத் தடுக்கும் பொருட்டுதான் இந்தப் புதுச் சட்டம் என்கிறார்கள். RTO
அதன்படி, ஓட்டுநர் உரிமம் கோரி ஒருவர் விண்ணப்பிக்க சாரதி மென்பொருள் வழியாகப் பதிவேற்றம் செய்யும்போது, அவர்கள் தமிழ்நாடு மருத்துவக் கவுன்சிலில் பதிவு செய்த மருத்துவரிடம் பெறப்பட்ட முறையான மருத்துவச் சான்றுகளை மட்டும்தான் பதிவேற்றம் செய்ய முடியும்படி சில அப்டேட்களைச் செய்திருக்கிறது அரசு. அப்படியென்றால், மருத்துவர்களுக்கும் இதில் கொஞ்சம் வேலை இருக்கிறது. தமிழகத்தில் உள்ள மருத்துவர்கள், தங்கள் பெயர்களை மருத்துவக் கவுன்சிலில் பதிவு செய்து, அந்தப் பதிவு எண்ணை சாரதி மென்பொருளில் பதிவு செய்து கொள்ள வேண்டும். பதிவு செய்த மருத்துவர்களின் லிஸ்ட் சாரதி ஆன்லைன் போர்ட்டலில் வெளியிடப்படும். இப்படிப் பதிவு செய்த மருத்துவர்களிடம் சான்றிதழ் வாங்கினால் மட்டும்தான், உங்களுக்கு டிரைவிங் லைசென்ஸ் கிடைக்கும்.
நீங்கள் ஓட்டுநர் உரிமத்துக்கு விண்ணப்பம் செய்திருப்பீர்கள்தானே! அந்த விண்ணப்பப் பதிவு எண்ணை, மருத்துவரிடம் சமர்ப்பித்து, அவரிடம் ஒரு பாடி செக்அப் செய்து கொள்ள வேண்டும். அவராகப் பார்த்து, ‛வண்டி ஓட்டுவதற்கு உங்க பாடி ஓகே’ எனும் ரீதியில் உங்களுக்குச் சான்றிதழ் வழங்கிப் பதிவேற்றம் செய்தால்தான் உங்களுக்கு டிரைவிங் லைசென்ஸ் கிடைக்கும்! mParivahanஎல்லாம் ஓகேதான்! ஆர்டிஓ ஆபீஸ்ல லஞ்சம் குறைஞ்சுடும்; போக்குவரத்து அதிகாரிகள் போய், மருத்துவர்களிடம் லஞ்சம் பரவாமல் இருக்க வேண்டுமே!
http://dlvr.it/T89CgC
ஒன் பை டூ: `நீட் தேர்வு உடனடியாக ரத்துசெய்யப்பட வேண்டும்' என்ற மகாராஷ்டிர அமைச்சரின் கருத்து?
கலை கதிரவன், மருத்துவரணி மாநிலத் துணைச் செயலாளர், தி.மு.க
“நீட் தேர்வு, சமூக நீதிக்கு எதிரானது. இதைத்தான் அன்று முதல் இன்றுவரை நாங்கள் சொல்லிக்கொண்டேயிருக்கிறோம். வினாத்தாள் கசிவு, குறிப்பிட்ட சில தேர்வு மையத்திலிருந்து மட்டும் அதிக மாணவர்கள் அதிக மதிப்பெண் பெறுவது, கருணை மதிப்பெண் என்று சொல்வது உட்பட நீட் தேர்வு தொடர்பாகச் சமீபத்தில் வெளியாகிவரும் செய்திகள் பல குழப்பங்களையும் சந்தேகங்களையும் ஏற்படுத்தியிருக்கின்றன. ஒரு முறை தமிழ் வினாத்தாளில் 49 கேள்விகள் தவறாக இருந்ததால், கருணை மதிப்பெண் கோரப்பட்டது. ஆனால், அப்போது தேசிய தேர்வாணையம் ‘இவ்வாறு மதிப்பெண் அளித்தால் தரவரிசைப் பட்டியலில் குழப்பம் ஏற்படும்’ என்று சொல்லி, தமிழ் மாணவர்களின் கனவைச் சிதைத்தது. ஆனால், இப்போது கருணை மதிப்பெண் வழங்குகிறது. இதன் மூலம், நீட் தேர்வு சமூக நீதிக்கு எதிரானது என்பது உறுதிசெய்யப்பட்டிருக்கிறது. தி.மு.க ஆட்சி அமைத்த நாள் முதலாக சட்ட மசோதா நிறைவேற்றி, தொடர்ந்து நீட் தேர்வுக்கு எதிராகச் சட்டப் போராட்டம் நடத்திவருகிறது. `தமிழகத்துக்கு நீட் தேர்வு வேண்டவே வேண்டாம்’ என்ற கொள்கையில் நாங்கள் எப்போதும் உறுதியாக நிற்கிறோம். இதை இப்போது மற்ற மாநிலங்களும் உணர ஆரம்பித்துவிட்டன. பா.ஜ.க அங்கம் வகிக்கும் மகாராஷ்டிரா அரசே நீட் தேர்வுக்கு எதிராகக் குரல் கொடுத்திருப்பதன் மூலம் இது தெரியவருகிறது. இனி மற்ற மாநிலங்களிலும் நீட்டுக்கு எதிரான குரல்கள் வலுவாக எழும். எங்கள் கழகத் தலைவர் சொன்னதுபோல், நீட் மற்றும் பிற தேசிய நுழைவுத் தேர்வுகள் ஏழை மாணவர்களுக்கு எதிரானவை. அவை கூட்டாட்சியியலைச் சிறுமைப்படுத்துபவை. சமூக நீதிக்கு எதிரானவை. நீட் தேர்வை ஒழித்துக்கட்டும் நாள் வெகு தொலைவில் இல்லை.”நாராயணன் திருப்பதி
நாராயணன் திருப்பதி, மாநிலத் துணைத் தலைவர், பா.ஜ.க
“மகாராஷ்டிர அமைச்சர் சொன்ன கருத்து ஏற்புடையதல்ல. அதற்கு தேசிய தேர்வு முகமை விரிவான விளக்கம் கொடுத்திருக்கிறது. அதேபோல தமிழகத்தில் தி.மு.க அரசு, ‘மாநில மொழியில் தேர்வு வினாத்தாள் இல்லை. அதனால் அரசு, கிராமப்புற மாணவர்கள் நீட் தேர்வில் வெற்றிபெற முடியவில்லை. தனியார் பயிற்சி மையங்கள் அதிக கட்டணம் வசூல் செய்கின்றன, இட ஒதுக்கீட்டுக்கு பாதிப்பு ஏற்படுகிறது’ என்று இல்லாத எத்தனையோ காரணங்களைச் சொல்லிக்கொண்டிருந்தது. இவர்கள் சொன்னது பொய்யான குற்றச்சாட்டுகள் என்பதால், நீட் தேர்வைத் தொடர அனுமதியளித்து தீர்ப்பளித்தது நீதிமன்றம். இப்போது சொல்வதற்கு எதுவும் இல்லாததால், வினாத்தாள் கசிவு, கருணை மதிப்பெண், தேர்வில் முறைகேடு என்று மீண்டும் பொய்யான குற்றச்சாட்டுகள் முன்வைக்கப்படுகின்றன. தேர்வில் முறைகேடு நடந்ததற்கு எந்தவோர் ஆதாரமும் இல்லை. ‘தாங்கள் பாதிக்கப்பட்டதாக’ சம்பந்தப்பட்ட மையங்களில் தேர்வெழுதிய எந்த மாணவரும் இதுவரை புகார் சொல்லவில்லை. தேசிய தேர்வு மையம் ‘வினாத்தாள் கசியவில்லை’ என்று ஆதாரபூர்வமாக விளக்கம் சொல்லியிருக்கிறது. கருணை மதிப்பெண், நீதிமன்ற வழிகாட்டுதல்படியே வழங்கப்பட்டிருப்பதையும் தெளிவுபடுத்தியிருக்கிறார்கள். இருந்தபோதிலும், மகாராஷ்டிர அமைச்சர் இப்படிக் குற்றச்சாட்டை வைப்பது ஏற்புடையதல்ல. நீட் தேர்வு என்பது ஏழை மாணவர்களுக்கு மிகவும் பயனுடையது என்பதே உண்மை. நீட் தேர்வு எதிர்ப்பு என்று சொல்லி மக்களை ஏமாற்றிக்கொண்டிருக்கிறது தி.மு.க!”
http://dlvr.it/T88vsN
"காங்கிரஸ் வென்றதில் அல்ல, பாஜக வென்றதுதான் வேதனையாக உள்ளது!" - பினராயி விஜயன் ஓப்பன் டாக்
2019 தேர்தலில் காங்கிரஸ் கூட்டணி பெரும் வெற்றிபெற்றது. அதன்பின்னர் நடந்த சட்டசபை தேர்தலில் சி.பி.எம் கூட்டணி வென்றது. அது உங்களுக்கு நினைவிருக்கலாம். என்ன அடிப்படையில் முதல்வர் ராஜினாமா செய்ய வேண்டும் எனக்கூறுகிறீர்கள். காங்கிரஸ் முதல்வர் ஏ.கே.ஆண்டனி 2004-ல் ராஜினாமா செய்தது தேர்தலில் சீட் குறைந்ததால் அல்ல. காங்கிரஸில் அமைப்பு ரீதியாக ஏற்பட்ட பிரச்னைதான் காரணம் என உங்கள் அனைவருக்கும் நன்றாக தெரியும். சி.பி.எம் கூட்டணிக்கு எதிராக மக்கள் செயல்பட்டதாக நினைக்க வேண்டாம். மோடியை மாற்ற வேண்டும் என கேரள மக்கள் நினைத்தனர். அதற்காக காங்கிரஸ் கூட்டணியை மாற்றாக மக்கள் நினைத்தனர். இடது ஜனநாயக முன்னணி-க்கு எதிரனது என நீங்கள் கருதக்கூடாது. நான் கூறியதில் உண்மை உள்ளதா என்பதைமட்டும் ஆராய்ந்து பாருங்கள்.
நீங்கள் (காங்கிரஸ்) வாக்கு வாங்கியதிலோ, நீங்கள் தற்காலிகமாக வெற்றிபெற்றதிலோ எங்களுக்கு எந்த வேதனையும் இல்லை. அதில் எங்களுக்கு எந்த நஷ்டமும் இல்லை. ஆனால் பா.ஜ.க வென்றதுதான் வேதனையாக உள்ளது. நாங்களும், நீங்களும் சிந்திக்க வேண்டிய விஷயம் பா.ஜ.க ஒரு தொகுதியில் வென்றது எப்படி என்பதைப்பற்றிதான். பெரிய வெற்றியை அடைந்த காங்கிரஸ் கூட்டணியான யு.டி.எஃப்-க்கு வாக்கு சதவிகிதம் குறைந்தது எப்படி என ஆராய்ந்துபாருங்கள். வெற்றி கிடைத்துவிட்டது என அதிக அகங்காரம் கொள்ள வேண்டாம். பல இடங்களிலும் உங்களுக்கு ஆதரவளித்த சக்திகள் (சிறுபான்மையினர்) திருச்சூரில் உங்களுடன் நிற்கவில்லை.பினராயி விஜயன்
தோல்விக்கான காரணம் குறித்து விசாரணை நடத்தப்படும். நாங்கள் எப்போதும் மக்களுடன் இருப்போம். இது இறுதி தோல்வி அல்ல" என்றார். இந்த விவாதத்தில் பேசிய எதிர்க்கட்சி தலைவர் வி.டி.சதீசன், "எங்களுக்கு வாக்குகள் குறைந்தது பற்றி விசாரிப்போம். கல்யாசேரியிலும், மட்டனூரிலும் வாக்குகள் குறைந்ததும், திருச்சூரில் அந்திக்காடு உள்ளிட்ட பகுதிகளில் சி.பி.எம் வாக்குகள் பா.ஜ.க-வுக்கு சென்றது குறித்தும் முதல்வர் விசாரணை நடத்த வேண்டும்" என்றார் பதிலுக்கு.!
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://tinyurl.com/crf99e88
https://tinyurl.com/crf99e88
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88
https://tinyurl.com/crf99e88
http://dlvr.it/T88hkV
Tuesday 11 June 2024
செல்வப்பெருந்தகை Vs ஈ.வி.கே.எஸ்.இளங்கோவன்- மேடையிலேயே வெடித்த மோதல்; `திகுதிகு' சத்தியமூர்த்தி பவன்!
பிறகு, "மக்களவை தேர்தலில் மகத்தான வெற்றி பெற கூட்டணிக்கு தலைமையேற்று கடுமையாக உழைத்து பரப்புரை மேற்கொண்ட தி.மு.க தலைவர் மு.க.ஸ்டாலின் உள்ளிட்ட இந்தியா கூட்டணி தலைவர்களுக்கும், தொண்டர்களுக்கும், வாக்களித்த வாக்காளப் பெருமக்களுக்கும் நன்றியை தெரிவித்துக் கொள்கிறோம். மக்களவை தேர்தலில் காங்கிரஸ் கட்சி தனது எண்ணிக்கையை இருமடங்காக கூட்டி இன்றைக்கு 102 இடங்களை பெற்றுள்ளது. இத்தகைய மகத்தான வெற்றி பெற்றதற்காக தீவிரமான பரப்புரை மேற்கொண்ட அகில இந்திய காங்கிரஸ் தலைவர் மல்லிகார்ஜுன் கார்கே, அன்னை சோனியா காந்தி, ராகுல் காந்தி, பொதுச்செயலாளர் பிரியங்கா காந்தி ஆகியோருக்கு பாராட்டுகளை தெரிவித்துக் கொள்கிறோம்.
நடைபெற்ற மக்களவை தேர்தல் ஜனநாயகமா ? சர்வாதிகாரமா ? என்ற அடிப்படையில் நடந்தது. இறுதியாக ஜனநாயகம் வெற்றி பெற்றது. சர்வாதிகாரம் வீழ்த்தப்பட்டது. தற்போது அமைந்திருப்பது தேசிய ஜனநாயக கூட்டணி ஆட்சியே தவிர, எதேச்சதிகார மோடி ஆட்சி அல்ல. இதன்மூலம் நரேந்திர மோடியின் சர்வாதிகார பாசிச அரசியலுக்கு மக்கள் தேர்தல் தீர்ப்பின் மூலம் முடிவு கட்டியிருக்கிறார்கள். இத்தகைய தீர்ப்பை வழங்கிய இந்திய வாக்காளப் பெருமக்களுக்கு நன்றியை தெரிவித்துக் கொள்கிறோம். நீட் தேர்வு குறித்து மாநில அரசுகளே முடிவு செய்கிற உரிமையை மத்திய அரசு வழங்க வேண்டும்.
செல்வப்பெருந்தகை காங்கிரஸ் கட்சியை அடிமட்டத்திலிருந்து வலிமைப்படுத்துவதற்கு எத்தகைய வியூகத்தை வகுக்கிறாரோ, அதனை அனைவரும் ஏற்றுக்கொண்டு அவரது முயற்சிகள் வெற்றி பெற அனைவரும் ஒத்துழைக்க வேண்டும். கேரளா புதிய அணை கட்டுகிற முயற்சியை தடுக்கிற வகையில், தமிழக அரசு நீதிமன்றத்தின் மூலம் உரிய நடவடிக்கைகளை எடுக்க வேண்டும். ராகுல் காந்தியை நாடாளுமன்ற மக்களவை காங்கிரஸ் கட்சித் தலைவராக ஒருமனதாக தேர்ந்தெடுக்கப்பட வேண்டும்" என தீர்மானம் நிறைவேற்றப்பட்டது. “அ.தி.மு.க-வினர் நிலையான புத்தி இல்லாதவர்கள்!” - தாக்கும் ஈ.வி.கே.எஸ்.இளங்கோவன்
இதையடுத்து மைக் பிடித்த செல்வப்பெருந்தகை, "நாம் பிறரை சார்ந்து இருக்கப் போகிறோமா.. அல்லது சுயமாக இருக்கப் போகிறோமா.. எத்தனை காலம் பிறரை சார்ந்திருக்கப் போகிறோம்.. காங்கிரஸ் பெரியக்கத்துக்கு என்று வரலாறு இருக்கிறது. நம்முடைய நாடாளுமன்ற உறுப்பினர்கள் 99 பேர் வெற்றிபெற்று இருக்கிறார்கள். இரண்டு பேர் தாமாக முன்வந்து காங்கிரஸ் பக்கம் இணைந்துள்ளார்கள். ஆகவே நம்முடைய கணக்கு 101. இது இன்னும் ஏறப்போகிறது. என்.டி.ஏ கூட்டணியில் அமைச்சர்களாக இருப்பவர்களும், நம்முடைய காங்கிரஸ் பேரியக்கத்துக்கு வந்தால் ஆச்சர்யப்படுவதற்கு இல்லை. எனவே தோழமை என்பது வேறு. தோழமையுடன் இருப்பதில் நமக்கு நிகரானவர்கள் யாரும் இல்லை. ஆனால் எவ்வளவு காலம் சார்ந்து இருக்கப் போகிறோம் என்கிற கேள்வி எழுகிறது. அதற்கு விடை உங்களிடம் எதிர்பார்க்கிறேன்" என்றார்.
தொடர்ந்து பேசிய ஈ.வி.கே.எஸ்.இளங்கோவன், "இன்று 40 இடங்களில் வெற்றிபெற்று இருக்கிறோம். அதற்கு தி.மு.க-வும், ஸ்டாலினும்தான் காரணம். நாம் தனித்து நின்றபோது சிவகங்கை, கன்னியாகுமரியில் மட்டும் ஒரு லட்சம் வாக்குகளை பெற்று தோற்றோம். பிற இடங்களில் டெபாசிட்கூட பெற முடியவில்லை. யாருக்கு ஆசை இல்லை. ஆனால் நமது எதிரியை முதலில் வீழ்த்த வேண்டும். அதற்கான பாதைகளை நாம் தேர்ந்தெடுத்து போக வேண்டும். நான்தான் வெல்வேன்.. நான்தான் தனியாக நிற்பேன்.. நான்தான் தோற்பேன் என்றால் அது உங்கள் இஷ்டம். தேர்தலில் நின்ற அனைவரும் வெற்றிபெற்றிருக்கிறார்கள் என்றால் அதற்கு தி.மு.க-வும், ஸ்டாலினும்தான் காரணம். ஆசை இருக்கலாம். ஆனால் அது பேராசையாக மாறி கடைசியில் ஒன்றும் இல்லாமல் போய்விடக் கூடாது" என்றார். இவ்வாறு தமிழ்நாடு காங்கிரஸ் கமிட்டியில் முன்னாள், இந்நாள் தலைவர்களுக்கு இடையேயான தொடர் மோதலால் அதகளமாகியிருக்கிறது, கதர் வட்டாரம்.
இதன் பின்னணி குறித்து நம்மிடம் பேசிய சத்திய மூர்த்தி பவன் சீனியர்கள், "ஈரோடு கிழக்கு இடைத்தேர்தலில் ஈ.வி.கே.எஸ்.இளங்கோவன் வெற்றிபெற்றார். அந்தநேரத்தில் சட்டமன்றக் கட்சித் தலைவர் பதவி அவருக்கு அளிக்கப்படுமென எதிர்பார்ப்பு எழுந்தது. இதற்கு இளங்கோவன்தான் சீனியர். அவர் ஆக்டிவ் பாலிடிக்ஸ் செய்த காலத்தில் சட்டசபைக்குள் வந்தாலே என்ன பேசப்போகிறார் என்கிற பரபரப்பு தொற்றிக்கொள்ளும். ஆனால் தேசிய தலைவர் மல்லிகார்ஜுன கார்கேவின் ஆசியும், தி.மு.க-வின் சிபாரிசும் இருந்ததால் அந்த பதவியை செல்வப்பெருந்தகை கைப்பற்றினார். தற்போது மாநில தலைவராகவும் ஆகிவிட்டார். மேலும் சட்டப்பேரவை காங்கிரஸ் தலைவர் பதவி ராஜேஷ்குமாருக்கு சென்றது.
இந்தச் சூழலில்தான், `தமிழகத்தில் காமராஜர் ஆட்சியை அமைப்போம்' என செல்வப்பெருந்தகை பேசி வருகிறார். இதற்கு, `காமராஜர் ஆட்சியை ஸ்டாலின் தருகிறார்' என இளங்கோவன் பதிலடி கொடுக்கிறார். இதன் மூலம் எந்த தி.மு.க செல்வாக்கை வைத்து பதவிகளை பிடித்தாரோ, அவர்களுக்கு எதிராக செல்வப்பெருந்தகையை திருப்பிவிட முயற்சிக்கிறார் இளங்கோவன். இதன் மூலம் தனது அரசியல் ஆட்டத்தை தொடங்கியிருக்கிறார். வரும் காலங்களில் இந்த மோதல் அடுத்த கட்டத்தை எட்டும். அப்போது இன்னும் என்னவெல்லாம் நடக்கபோகிறதோ தெரியவில்லை?" என்றனர்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://tinyurl.com/2b963ppb
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb“அ.தி.மு.க-வினர் நிலையான புத்தி இல்லாதவர்கள்!” - தாக்கும் ஈ.வி.கே.எஸ்.இளங்கோவன்
http://dlvr.it/T87TNr
Posts
