Election 2024: ரூ.89,080 கோடியை ரொக்கமாக செலவளித்த கட்சிகள்; 22% அதிகரித்த தேர்தல் செலவு- RBI தகவல்!

இந்தியாவை அடுத்த யார் ஆளப்போகிறார்கள் என்கின்ற பலரின் மிகப்பெரிய எதிர்பார்ப்புகளுக்கு மத்தியில் இந்திய தலைமை தேர்தல் ஆணையம் 7 கட்டங்களாக மக்களவைத் தேர்தல் நடைபெறும் என அறிவித்தது. அதன்படி தேர்தலும் நடந்து முடிந்து, கூட்டணிக் கட்சிகளின் ஆதரவுடன் பா.ஜ.க மூன்றாவது முறையாக ஆட்சியமைத்தது.

இச்சூழலில் தேசியக் கட்சிகள், பல்வேறு மாநிலக் கட்சிகள், தேர்தல் ஆணையத்தால் அங்கீகரிக்கப்படாத சிறு சிறு கட்சிகள் என அனைவரும் தீவிரமாக வாக்கு வேட்டையில் ஈடுபட்டனர். தேர்தல் நடந்து முடிந்த இத்தகு சூழலில், இந்திய ரிசர்வ் வங்கி தற்போது நடந்து முடிவடைந்த நாடாளுமன்றத் தேர்தல் தொடர்பான புள்ளிவிவர அறிக்கை ஒன்றை வெளியிட்டுள்ளது. அதன்படி இம்மக்களவைத் தேர்தலில் பல்வேறு அரசியல் கட்சிகள் செலவிட்ட ரொக்கத் தொகையை 2019 நாடாளுமன்றத் தேர்தலோடு ஒப்பீடு செய்யும்போது, அது 22 சதவிகிதம் அதிகரித்திருப்பதாகக் குறிப்பிடப்பட்டிருக்கிறது.நாடாளுமன்றத் தேர்தல் 2024

2019 நாடாளுமன்றத் தேர்தல் காலகட்டத்தில் ரூ.72,680 கோடி அளவுக்குப் ரொக்கம் செலவிடப்பட்டு, கணக்கில் பதிவாகியிருந்தது. இந்த நிலையில், இந்த ஆண்டு நாடாளுமன்றத் தேர்தல் அறிவிப்பை மார்ச் மாதம் தேர்தல் ஆணையம் வெளியிட்டது முதல், தேர்தல் நடத்தை விதிகள் ஜூன் 7-ம் தேதி வரை அமலில் இருந்ததுவரை 89,080 ரூபாய் கணக்கில் பதிவாகியிருக்கிறது. இந்தத் தொகை கடந்த 2019 தேர்தலோடு ஒப்பீடு செய்யும்போது 22 சதவிகிதம் அதிகம். 

கொரோனா பெருந்தொற்றால் ஏற்பட்ட இடையூறுகளின் தாக்கங்களினாலும், பொருளாதார சமநிலையின்மை மற்றும் பொருள்களின் விலையேற்றம் உள்ளிட்ட அடிப்படை காரணிகளினாலும், அத்தோடு இந்த இடைப்பட்ட ஐந்தாண்டுகளில் பணவீக்கம் அதிகரித்ததின் விளைவாகவும் செலவுகள் அதிகரித்து இருக்கலாம் எனக் கூறப்படுகிறது.

இந்திய ரிசர்வ் வங்கி 12.06.2024 புதன்கிழமை வெளியிட்ட தரவுகளின்படி, ஜூன் 07, 2024 நிலவரப்படி, புழக்கத்தில் உள்ள ரூபாய் நோட்டுகளின் மதிப்பு ரூ.35.87 லட்சம் கோடியாக இருந்தது. நடைமுறை சிக்கல்கள் காரணமாக மத்திய அரசு மே 2023-ல் ரூ.2,000 நோட்டுகளை திரும்பப் பெற்றுக்கொண்டபோதிலும், புழக்கத்தில் உள்ள நாணயத்தின் மதிப்பு சற்றே குறைந்திருப்பது குறிப்பிடத்தக்கது. 75.1 விழுக்காடு புழக்கத்திலுள்ள பணத்தின் வளர்ச்சி, ரூ.2,000 ரூபாய் நோட்டுகள் திரும்பப் பெறப்பட்டதால், 2023-2024-ல் 7.8 சதவிகிதத்தில் இருந்து 4.1 சதவிகிதமாகக் குறைந்துள்ளதாக சமீபத்திய அறிக்கைகள் கூறுகின்றன.ரிசர்வ் பேங்க் - RBI

தற்போது வெளியாகியுள்ள ரிசர்வ் வங்கியின் அறிக்கையின்படி செலவுக்கும், புழக்கத்தில் உள்ள ரூபாய் மதிப்பிற்குமிடையே மிக நேர்த்தியான தொடர்பைக் காட்டுகின்றது. ஆனால் தற்சமயம் டிஜிட்டல் பரிவர்த்தனைகள் அதிகரித்து வருவதால், இந்த சமநிலையின்மை ஏற்படுவதாகவும், இதனால் செலவிற்கும் இருப்பிற்கும் இடையேயான இணைப்பு வலுவிழந்து வருவதாகவும் குறிப்பிடப்பட்டிருக்கிறது. 

தொற்றுநோய், நிச்சயமற்ற தன்மை, பணமதிப்பிழப்பு, பொருளாதார மந்தநிலை மற்றும் ஏற்ற இறக்க செயல்முறைகள் மற்றும் அதிகரித்து வரும் டிஜிட்டல் பரிவர்த்தனைகள் ஆகியவற்றால் GDP விகிதம் சீராக இருப்பதாக ரிசர்வ் வங்கி தனது சமீபத்திய ஆய்வறிக்கையில் தெரிவித்துள்ளது. அத்தோடு "முந்தைய சில தேர்தல்களுடன் ஒப்பிடுகையில் தற்போது பணவீக்கம் வேகமாக அதிகரித்துள்ளதால், புரொமோசன் செலவுகள், விளம்பரங்கள், இன்ன பிற செலவுகள் என இத்தேர்தலுக்கு செய்யும் செலவின் தொகை, கடந்த தேர்தலைக் காட்டிலும் 22 விழுக்காடு அதிகரித்துள்ளது" என ரிசர்வ் வங்கியின் பொருளாதார நிபுணர்கள் கூறுகின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbDarshan Thoogudeepa Case: `யாரும் சட்டத்துக்கு அப்பாற்பட்டவர்கள் இல்லை' - நடிகை திவ்யா ஸ்பந்தனா


http://dlvr.it/T8H5WG

Read More

TVK: `வாழ்த்து’ செய்தி மூலம் ஹின்ட்(?) - நாம் தமிழர், விசிக-வை அரவணைக்கும் முயற்சியா?!

2024 நாடாளுமன்ற தேர்தல் முடிவுகளின் மூலம் மாநில கட்சி அங்கீகாரம் பெற்ற விடுதலை சிறுத்தைகள் கட்சிக்கும், நாம் தமிழர் கட்சிக்கும் வாழ்த்து செல்லியிருந்தார் நடிகரும் த.வெ.க தலைவருமான விஜய். நடிகர் விஜய், இந்த வாழ்த்தின் மூலம் நா.த.க, வி.சி.க-வை தன்னோடு அரவணைக்க முயற்சி செய்கிறாரா என்ற விவாதம் துளிர்விட்டிருக்கிறது. இதுகுறித்து விசாரித்தோம். விஜய் - சீமான்

நம்மிடம் பேசிய அரசியல் நோக்கர்கள் சிலர், ``வி.சி.க மற்றும் நா.த.க-வை வாழ்த்திய விஜய், மத்தியில் மீண்டும் ஆட்சியமைக்கும் பா.ஜ.க-வையோ, தமிழ்நாடு, புதுச்சேரி என 40 தொகுதிகளை வென்றெடுத்த தி.மு.க கூட்டணியின் பெயரையோ குறிப்பிடவில்லை. இதன்பின்னே நுட்பமான அரசியல் இருக்கலாம்” எனக் கூறினர். தொடர்ந்து பேசியவர்கள், ``2026 சட்டமன்ற தேர்தலை இலக்காக கொண்டிருக்கும் விஜய், முதல் தேர்தலிலேயே பெரும் தாக்கம் ஏற்படுத்த கூட்டணி அமைத்தும் தேர்தலை சந்திக்கவும் தயார் ஆகிவிட்டார். இதுகுறித்து நன்மதிப்பு கொண்ட பிற கட்சிகளின் முக்கிய புள்ளிகளுடன் நேரடியாக விவாதிக்கவும் ஆரம்பித்திருக்கிறார். கூட்டணி அஸ்திரங்களை கையிலெடுப்பதால்தான் வி.சி.க மற்றும் நா.த.க-வுக்கு வாழ்த்து தெரிவித்து நட்பு சக்திகளை அடையாளம் காட்டியிருக்கிறார் என்ற முணுமுணுப்பு த.வெ.க-வில் எழுந்திருக்கிறது. அதேசமயம் அ.தி.மு.க, தி.மு.க மற்றும் தேசியக் கட்சிகளுக்கு எதிரான பாதையில் விஜய் பயணிப்பார் என்பது உறுதியாகிவிட்டது. தமிழ்நாட்டில் தனியாக அரசியல் செய்ய இரு திராவிட கட்சிகளையும் எதிர்ப்பதை தவிர வேறு வழியும் கிடையாது” என்றனர்.

இவ்விவகாரம் குறித்து பேசிவரும் சீமான், ``நான் யாருடனும் கூட்டணி வைக்க முடியாது, ஆனால் தம்பி விஜய் போன்றவர்கள் வரும்போது கூட்டணி வைக்கலாம், கறை படியாத கரங்களுடன் நான் இருக்கிறேன், விஜய்யும் அப்படித்தான் இருக்கிறார். எனவே நாங்கள் இருவரும் சேருவது தப்பில்லை” என்றிருக்கிறார்.

இதுவரை சீமான் மட்டுமே விஜய் குறித்து பேசிவந்த நிலையில், முதல்முறையாக நா.த.க-க்கு விஜய் வாழ்த்து தெரிவித்திருப்பதை மகிழ்ச்சியுடன் ஏற்றுக்கொள்கிறார்கள் நா.த.க-வினர். விஜய் வாழ்த்தும் அதேவேளையில், மற்ற பிரதான கட்சிகள் நாம் தமிழர் கட்சி பெயரைக் கூட பெரும்பாலும் குறிப்பிடுவதில்லை என்பது கவனிக்கதக்கது. சீமான்

நம்மிடம் பேசிய தமிழக வெற்றிக் கழக நிர்வாகிகள் சில, ``நாங்கள் கூட்டணி அமைத்தாலும் அது உறுதியாக தி.மு.க, அ.தி.மு.க மற்றும் காங்கிரஸ், பா.ஜ.க-வுடன் இருக்காது. மற்றபடி நீங்கள் குறிப்பிடுகிற விடுதலை சிறுத்தைகள் கட்சி மற்றும் நாம் தமிழர் கட்சியெல்லாம் எங்கள் எதிரியே கிடையாது. சீமான் மற்றும் திருமாவளவன் ஆகியோர் எங்கள் தலைவரின் `குட் புக்`கில்தான் இருக்கிறார்கள். அவர்களுக்கு வெளிப்படையாக வாழ்த்து தெரிவிப்பதெல்லாம் ஒரு ஹின்ட்தான்” என்றனர்.விஜய்

ஆனால் வி.சி.க-வினரோ, ``விஜய் அரசியலை வரவேற்கிறோம். வாழ்த்தியமைக்கு நன்றி தெரிவிக்கிறோம். இப்படியான நகர்வுகளை வைத்து கூட்டணி அமைப்பீர்கள் எனக் கேட்பது உகந்ததல்ல.இப்போது தி.மு.க கூட்டணியிலும், இந்தியா கூட்டணியிலும் முக்கிய அங்கமாக இருக்கிறோம். பா.ஜ.க எதிர்ப்பில் மிக உறுதியாக இருக்கும் வி.சி.க, தற்போதைய நிலைப்பாட்டு விட்டுவிட்டு விஜய்யோடு அணி சேருவதற்கான வாய்ப்புகள் குறைவுதான்.அதேசமயம் சட்டமன்ற தேர்தலுக்கு இன்னும் 23 மாதங்கள் இருக்கும்போது இப்போதே அடுத்த தேர்தல்கள் குறித்து பேசுவதும் சரியாக இருக்காது” என்றனர்.திருமாவளவன்

தேர்தல் வியூக வகுப்பாளர்கள் சிலர், ``நடிகர் விஜய் வாழ்த்து தெரிவிப்பதை வைத்து கூட்டணி அமையும் என பேசுவது சிறுபிள்ளைதனமாக இருக்கிறது. ஆனால் சீமான் இவ்வளவு அழுத்தமாக விஜய்யுடன் கூட்டணி அமைப்பது குறித்து பொதுவெளியில் பேசுவதையும் எளிதாக புறந்தள்ள முடியாது. எனவே விஜய்யின் அடுத்த கட்ட நகர்வுகளை பொறுத்தே எதையும் சொல்ல முடியும். தமிழ்தேசியத்தை விஜய் ஏற்பாரா.. விஜய் தலைமையை சீமான் ஏற்பாரா.. சீமான் - விஜய் அணி உருவாகினால் அதனை விடுதலை சிறுத்தைகள் எப்படி அணுகும் என்பதையெல்லாம் இப்போதே கணிக்க முடியாது” என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88கூட்டணிக்கு சீமான் சிக்னல்? மெளனம் காக்கும் விஜய் - 2026-ல் இணைவார்களா?!


http://dlvr.it/T8Gd3p

Read More

``ஆணவம் கொண்டவர்களை ராமர் 241 தொகுதிகளோடு தடுத்துவிட்டார்" - மீண்டும் பாஜகவை விமர்சித்த ஆர்.எஸ்.எஸ்

2014-ல் 282 தொகுதிகளில் வெற்றி பெற்று ஆட்சி அமைத்து, 2019 தேர்தலில் 303 இடங்களில் வெற்றி பெற்று ஆட்சியைத் தக்கவைத்துகொண்ட பிரதமர் மோடி தலைமையிலான பா.ஜ.க, நடந்து முடிந்த நாடாளுமன்றத் தேர்தலில் 241 தொகுதிகளில் மட்டுமே வெற்றிப் பெற்றது. கடந்த இரண்டு நாடாளுமன்றத் தேர்தலைவிட பா.ஜ.க-வின் வாக்கு சதவிகிதமும் கடுமையாக வீழ்ச்சியை சந்தித்திருக்கிறது. பல முக்கிய அமைச்சர்கள் தங்கள் பதவியை இழந்திருக்கிறார்கள்.பிரதமர் மோடி, மோகன் பகவத்

ராமர் கோயில் இருக்கும் ஃபைசாபாத் தொகுதியில்கூட பா.ஜ.க தோற்றிருக்கிறது. கடந்த தேர்தலில் 60-க்கும் மேற்பட்ட தொகுதிகளை கைப்பற்றி பா.ஜ.க கோட்டையாக இருந்த உத்தரப்பிரதேசத்தில் 40-க்கும் குறைவான இடங்களில்தான் வென்றது. இந்த நிலையில், நாக்பூரில் பேசிய ஆர்.எஸ்.எஸ் தேசிய தலைவர் மோகன் பாகவத், ``தேர்தல் கொண்டாட்டங்களிலிருந்து வெளிவந்து, நாடு எதிர்கொள்ளும் பிரச்னைகளைப் பற்றி சிந்திக்க வேண்டும். எதிர்க்கட்சிகளை எதிரியாகப் பார்க்கக்கூடாது.

அவர்களின் கருத்தும் வெளிச்சத்துக்கு வரவேண்டும். உலகம் முழுவதும் சமூகம் மாறிவிட்டது. அதன் விளைவாக முறையான மாற்றங்களும் ஏற்பட்டிருக்கிறது. அந்த மாற்றம்தான் ஜனநாயகத்தின் சாராம்சம்." என மறைமுகமாக பா.ஜ.க-வை விமர்சித்திருந்தார்.

அதைத் தொடர்ந்து, ராஜஸ்தான் மாநிலம் ஜெய்ப்பூர் அருகே கனோட்டாவில் நடைபெற்ற 'ராமரத் அயோத்தி யாத்ரா தர்ஷன் பூஜான் சமரோ' நிகழ்ச்சி நேற்று நடைபெற்றது. இந்த நிகழ்ச்சியில் கலந்து கொண்ட ஆர்.எஸ்.எஸ் தலைவர் இந்திரேஷ் குமார், ``ராம ராஜ்ஜியத்தில் இருக்கும் ஜனநாயகத்தை பாருங்கள். ராமர் மீது நம்பிக்கை வைத்திருந்தவர்கள் ஆணவம் பிடித்தவர்களாக மாறினார்கள்.இந்திரேஷ் குமார்

அதனால் ராமர் அவர்களை 241 இடங்களை கொடுத்து அவர்களின் ஆணவத்தை நிறுத்தியிருக்கிறார். அதே நேரம் அவர்களின் நம்பிக்கைக்காக அவர்களை பெரிய கட்சியாக உருவாக்கியிருக்கிறார். ராமரை நம்ப மறுத்தவர்களுக்கும் 234 இடங்களை கொடுத்தும் தோற்கடித்திருக்கிறார். ராமருக்கு எதிராக செயல்பட்டவர்களுக்கு ஆட்சியை கொடுக்கவில்லை. ராமரின் ஆட்சி நீதியானது. ராமரின் பக்தர்கள் பணிவுடன் இருக்க வேண்டும். ராமரை எதிர்ப்பவர்களை எதிர்த்து ராமரே சமாளித்துக்கொள்வார். ராமர் மக்களையும் காப்பாற்றி, ராவணனுக்கும் உதவியவர் என்பதை மறக்க கூடாது" எனப் பேசியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88கழுகார் பதில்கள்: மோடியின் ராமர் கோயில் அரசியல் எடுபடவில்லைதானே?


http://dlvr.it/T8GFH3

Read More

Sikkim: பதவியேற்ற மறுநாளே ராஜினாமா... மனைவியின் முடிவுக்கு விளக்கம் சொன்ன சிக்கிம் முதல்வர்!

சிக்கிம் மாநில சட்டசபை தேர்தல், நாடாளுமன்றத் தேர்தலுடன் நடத்தி முடிக்கப்பட்டது. சிக்கிம் மாநிலத்தின் சிக்கிம் கிராந்திக்காரி மோர்ச்சா அமோக வெற்றிப் பெற்று ஆட்சியமைத்துள்ளது. முதல்வராக பிரேம்சிங் தமாங்(Prem Singh Tamang) பதவியேற்றார். இவருடைய மனைவி கிருஷ்ணகுமாரி ராய், நாம்ச்சி சிங்கிதாங் தொகுதியில் போட்டியிட்டு, சிக்கிம் ஜனநாயக முன்னணி (SDF) வேட்பாளர் பிமல் ராயை தோற்கடித்து வென்றார். அதைத் தொடர்ந்து கடந்த புதன் கிழமை புதிய எம்.எல்.ஏ.வாக பதவியேற்றார்.கிருஷ்ணகுமாரி ராய்

இந்த நிலையில், பதவியேற்ற அடுத்த நாளே பதவியை ராஜினாமா செய்வதாக அதிகாரபூர்வமாக அறிவித்திருக்கிறார். அவருடைய ராஜினாமா கடிதத்தை சபாநாயகர் எம்.என் ஷெர்பா ஏற்றுக்கொண்டதாக சட்டசபை செயலாளர் லலித் குமார் குருங் உறுதி செய்திருக்கிறார். இந்த நிலையில், அருணாச்சலப் பிரதேசத்தின் முதல்வராக பெமா காண்டு பதவியேற்கும் விழாவுக்கு சென்ற சிக்கிம் முதல்வர் பிரேம்சிங் தமாங், அங்கு உரையாற்றினார்.

அப்போது, தன் மனைவியின் ராஜினாமா குறித்து, ``கட்சியின் நலன், நல்ல நோக்கங்களுக்கு முன்னுரிமையளித்து, கட்சியின் ஏகோபித்த முடிவுக்கு இணங்க என் மனைவி ராஜினாமா செய்திருக்கிறார் என்பதை சிக்கிமின் அன்பான மற்றும் மரியாதைக்குரிய மக்களுக்குத் தெரிவிக்க விரும்புகிறேன். எஸ்.கே.எம் கட்சியின் நாடாளுமன்றக் குழுவின் வேண்டுகோளின்படி, அவர் எங்கள் கட்சியின் நலனுக்காக தேர்தலில் போட்டியிட்டார்.சிக்கிம் முதல்வர் பிரேம்சிங் தமாங்

எங்கள் கட்சியின் சார்பில், தலைவராக , அவருடைய அர்ப்பணிப்பு மற்றும் அசைக்க முடியாத ஆதரவிற்கு எனது மனமார்ந்த நன்றியைத் தெரிவித்துக் கொள்கிறேன். நானும் என் மனைவி கிருஷ்ணா ராய் உங்களின் தேவைகளை நிவர்த்தி செய்வதில் ஆழ்ந்த ஈடுபாடுடன் இருப்போம். விரைவில் புதிய வேட்பாளரை தேர்ந்தெடுத்து தொகுதி பயனடைவதை உறுதிசெய்வோம்" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88`அரசு ஊழியர்களுக்கு ஒரு வருட மகப்பேறு விடுப்பு!' - சிக்கிம் முதல்வரின் அறிவிப்புக்கு காரணம் என்ன?


http://dlvr.it/T8FxdQ

Read More

NEET: `நாட்டின் எதிர்காலத்துடன் காங்கிரஸ் விளையாடுகிறது!' - மத்திய கல்வியமைச்சர் தாக்கு

தேசிய தேர்வு முகவாண்மையால் (NTA) மருத்துவ படிப்புகளுக்கு நடத்தப்படும் நுழைவுத்தேர்வான நீட் (NEET) தேர்வு முடிவுகள் ஜூன் 4-ம் தேதி வெளியானது. இதில், எப்போதும் இல்லாத அளவுக்கு முதல்முறையாக 67 மாணவர்கள் முதலிடம் பிடித்ததும், பல மாணவர்களுக்கு 720-க்கு 719, 718 மதிப்பெண்கள் அழைக்கப்பட்டதும் பல்வேறு சந்தேகங்களை தேர்வு எழுதியவர்கள் மத்தியில் கிளப்பியது. வினாத்தாள் கசிவு, கருணை மதிப்பெண் வழங்கியதில் மோசடி என பல்வேறு குற்றச்சாட்டுகள் முன்வைக்கப்பட்டது. நீட் தேர்வு வேண்டாம் என தொடர்ச்சியாகத் தமிழ்நாட்டுடன் தற்போது மகாராஷ்டிரா மாநிலங்களும் நீட் வேண்டாம் என்ற குரல்கொடுத்திருக்கிறது.Neet Exam

இதற்கிடையில் NTA, நீட் தேர்வு நடத்தியதில், முடிவுகள் வெளியிட்டதிலும் எந்த மோசடியும் நடைபெறவில்லையென்றும், தேர்வு மையத்தால் நேரம் தவறியமைக்காக 1,563 பேருக்கு கருணை மதிப்பெண் வழங்கியதில் எந்த குளறுபடியும் நடக்கவில்லை என்றும் விளக்கமளித்தது. இருப்பினும், இதுதொடர்பான மனுவை விசாரித்து வந்த உச்ச நீதிமன்றம், கருணை மதிப்பெண் வழங்கப்பட்ட 1,563 மாணவர்களுக்கு மட்டும் மறுதேர்வு நடத்துமாறு உத்தரவிட, NTA ஜூன் 23-ம் தேதி மறுதேர்வு நடத்துவதாக அறிக்கை வெளியிட்டிருக்கிறது.

இந்த நிலையில், நீட் விவகாரத்தில் எதிர்க்கட்சிகளைப் பொய்களைப் பரப்புவதாகவும், நாட்டின் எதிர்காலத்தோடு காங்கிரஸ் விளையாடுவதாகவும் மத்திய கல்வியமைச்சர் தர்மேந்திரா பிரதான் விமர்சித்திருக்கிறார்.

முன்னதாக, மாநிலங்களவை எதிர்க்கட்சித் தலைவர் மல்லிகார்ஜுன கார்கே, ``நீட் தேர்வில் முடிவுகளில் கருணை மதிப்பெண் வழங்கப்பட்டதால் மட்டும் பிரச்னை இல்லை. வினாத்தாள் கசிவு போன்ற மோசடி நடந்திருக்கிறது. மோடி அரசின் நடவடிக்கையால் நீட் தேர்வில் பங்கேற்கும் 24 லட்சம் மாணவர்களின் எதிர்காலம் கேள்விக்குறியாகியுள்ளது.மல்லிகார்ஜுன கார்கே

தேர்வு மையம் மற்றும் பயிற்சி மையம் என்ற இணைப்பை உருவாகி, 'பணம் செலுத்துங்கள், வினாத்தாள் பெறுங்கள்' என்ற விளையாட்டு விளையாடப்படுகிறது. மோடி அரசு தனது பொறுப்பை NTA மீது இறக்கிவைத்துவிட்டு தனது பொறுப்பிலிருந்து தப்ப முடியாது. இதில், உச்ச நீதிமன்றத்தின் பார்வையில் நியாயமான விசாரணை நடத்தப்பட வேண்டும். விசாரணைக்குப் பிறகு, குற்றவாளிகளுக்குக் கடுமையான தண்டனை வழங்கப்பட வேண்டும். லட்சக்கணக்கான மாணவர்களுக்கு இழப்பீடு வழங்கப்பட வேண்டும். அவர்களின் ஆண்டு வீணாகாமல் இருக்க வேண்டும். கடந்த 10 ஆண்டுகளில் வினாத்தாள் கசிவு, மோசடி மூலம் கோடிக்கணக்கான இளைஞர்களின் எதிர்காலத்தை மோடி அரசு சீரழித்துள்ளது" என்று இன்று மாலை ட்வீட் செய்திருந்தார்.

இதற்கு எதிர்வினையாற்றியிருக்கும் மத்திய கல்வியமைச்சர் தர்மேந்திரா பிரதான், ``உச்ச நீதிமன்றத்தின் அறிவுறுத்தலின்படி, 1,563 மாணவர்களுக்கு மறுதேர்வு நடத்தப்படும். நீட் தேர்வில் இதுவரை எந்தவிதமான முறைகேடு, ஊழல், வினாத்தாள் கசிவு போன்ற குற்றச்சாட்டுகளுக்கு உறுதியான ஆதாரங்கள் இல்லை. இது தொடர்பான அனைத்து உண்மைகளும் உச்ச நீதிமன்றத்தில் பரிசீலனையில் உள்ளது. வினாத்தாள் கசிவைத் தடுக்கவும், முறைகேடு இல்லாத தேர்வை நடத்தவும், மத்திய அரசு இந்த ஆண்டு பொதுத் தேர்வு (நியாயமற்ற வழிமுறைகள் தடுப்பு) சட்டத்தை நிறைவேற்றியுள்ளது.மத்திய அமைச்சர் தர்மேந்திர பிரதான்

அதில், பல கடுமையான விதிகள் உள்ளன. அப்படி ஏதாவது முறைகேடுகள் தொடர்பிருந்தால், அதற்கு எதிராக எந்த நடவடிக்கையும் எடுக்கப்படாது என்ற தவறான எண்ணத்தில் காங்கிரஸ் இருக்கக் கூடாது. இந்த சட்டத்தின் விதிகள் மிகவும் கவனமாகச் செயல்படுத்தப்படும். இந்த விவகாரத்தில் அரசியல் செய்வது குழப்பத்தை ஏற்படுத்தும் முயற்சியாகவே உள்ளதுடன், மாணவர்களின் மன அமைதியையும் பாதிக்கிறது. இதுபோன்ற பிரச்னையில் எதிர்க்கட்சிகள் உண்மைகளை அறியாமல் பொய்களைப் பரப்புகின்றன. காங்கிரஸ் தனது அற்ப அரசியலுக்காக நாட்டின் எதிர்காலத்துடன் விளையாடுகிறது" என்று ட்வீட் செய்திருக்கிறார்.NEET: அன்று தமிழ்நாடு மட்டும், இன்று நாடு முழுவதும் வெடித்த எதிர்ப்பு - நீட் தேர்வும் குளறுபடிகளும்!


http://dlvr.it/T8FGkL

Read More

திமுக நாடாளுமன்றக் குழுத் தலைவர் பதவி; கனிமொழியை டெல்லியில் அமரவைத்த ஸ்டாலின்!

`நாடும் நமதே நாற்பதும் நமதே' என்ற முழக்கத்தை முன்வைத்து 2024 நாடாளுமன்றத் தேர்தலை எதிர்கொண்ட தி.மு.க, சொன்னதைப்போல நாற்பது தொகுதிகளிலும் வெற்றிபெற்றுள்ளது. இருபது ஆண்டுகளுக்குப் பிறகு, அதுவும் ஆளும் அரசு நாற்பது தொகுதிகளையும் கைப்பற்றியிருப்பது இதுவே முதன்முறை, தேர்தல் வெற்றிக்குப் பிறகு வேட்பாளர்களைச் சந்தித்து வாழ்த்திய தி.மு.க தலைமை, நாடாளுமன்ற எம்.பி-க்கள் கூட்டத்தையும் கூட்டியது. அப்போது, நாடாளுமன்றக் குழுத் தலைவராக இந்த முறை கனிமொழியைக் கொண்டுவரும் எண்ணத்தில் “நாடாளுமன்றக் குழுத் தலைவர் பதவிக்கு யாரை கொண்டுவரலாம்..?” என எம்.பி-க்களிடம் கேட்டிருக்கிறார். கனிமொழி

அப்போது பலரும் “புதியவர் வந்தால் நன்றாக இருக்கும்” எனப் பதில் சொன்னதாகக் கூட்டத்தில் கலந்துகொண்ட எம்.பி-க்கள் சிலர் தெரிவித்தார்கள். இதற்கு முன்பே நாடாளுமன்றக் குழுத் தலைவராக கனிமொழியை நியமிக்கும் முடிவில் தலைமை இருப்பதைத் தெரிந்துகொண்ட டி.ஆர்.பாலு அன்று மாலையே சி.ஐ.டி காலனியில் உள்ள கனிமொழியின் வீட்டுக்கே சென்று பேசிவிட்டு வந்ததாகச் சொல்லப்பட்டது.

ஆனால், நாடாளுமன்ற இரு அவைகளுக்கும் தலைவராக தி.மு.க துணைப் பொதுச்செயலாளர் கனிமொழி கருணாநிதி, மக்களைவைக் குழுத் தலைவராக டி.ஆர்.பாலு நியமிக்கப்படுவதாக தி.மு.க தலைமை அறிவித்தது. இதன்மூலம் கனிமொழிக்கு தி.மு.க தலைமை பதவி உயர்வு கொடுத்திருப்பதாகச் சொல்லப்படுகிறது. உள்ளபடியே இந்த விஷயத்தில் கனிமொழி தரப்புக்கு மகிழ்ச்சியே என்கிறார்கள். ஆனால், மற்றொரு புறம், தமிழ்நாடு அரசியலிலிருந்து கனிமொழியை ஒதுக்கி வைக்கவே இப்படிப் பதவி கொடுத்திருக்கிறது தி.மு.க தலைமை எனவும் சொல்கிறார்கள். கனிமொழி, டி.ஆர்.பாலு, ஸ்டாலின்

எது எப்படியோ உண்மையில் நாடாளுமன்றக் குழுத் தலைவர் என்பது மிகப்பெரிய பொறுப்பு... “நாடாளுமன்றத்தில் அரசியல் சாசனம், சமூகநீதியை காப்பாற்றுவோம்” எனச் சொன்ன கனிமொழி, அதை எப்படிச் செயல்படுத்தப் போகிறார் என்பதைப் பொறுத்திருந்து பார்ப்போம்...

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbவிக்கிரவாண்டி இடைத்தேர்தல்: அதிமுக, பாஜக-வின் திட்டம்தான் என்ன?!


http://dlvr.it/T8DYKm

Read More

கழுகார்: வார் ரூமுக்கு எதிராக பொங்கியெழுந்த பெண் நிர்வாகி முதல் இரண்டு மாங்காய் அடித்த பொன்முடி வரை

பொங்கியெழுந்த பெண் நிர்வாகி!அவதூறு பரப்பிய வார் ரூம்...

கொங்குத் தொகுதியில், `அந்தத் தலைவர் தோற்றதுக்குக் காரணம் கட்சியின் சீனியர் பெண் நிர்வாகிதான்’ என வதந்தியைப் பரப்பியிருக்கிறார்கள் வார் ரூம் நிர்வாகிகள். “அண்ணன் ஜெயிக்கிறது அவங்களுக்குப் பிடிக்கலை. அதனாலதான், தேர்தல்ல எந்த வேலையும் செய்யாம அவர் தரப்பு ஒதுங்கிடுச்சு” என அந்தப் பெண் நிர்வாகி பற்றிச் சகட்டுமேனிக்கு சமூக வலைதளங்களில் விமர்சித்திருக்கிறார்கள். பொங்கி எழுந்த அந்தப் பெண் நிர்வாகி, `அந்த நாடாளுமன்றத் தொகுதிக்கு உட்பட்ட ஆறு சட்டமன்றத் தொகுதிகளில், தனது தொகுதியில்தான் அவருக்கு அதிக வாக்குகள் கிடைத்திருக்கின்றன’ என்ற புள்ளிவிவரத்தை எடுத்து, அதில் தன்மீது பரப்பப்பட்ட அவதூறு தகவல்களையும் இணைத்து டெல்லிக்கு புகாராக அனுப்பியிருக்கிறாராம். அந்தப் புகாரில், ‘தமிழ்நாட்டில் பா.ஜ.க-வுக்கு இருந்த கொஞ்ச நஞ்ச வெற்றி வாய்ப்பையும் தன் வாயால் கெடுத்துவிட்டார் அவர்’ என்ற தகவலையும் அடிக்கோடிட்டுக் காட்டியிருக்கிறாராம். “ஏற்கெனவே முன்னாள் பெண் தலைவர், சீனியர் பெண் அமைச்சர் ஆகியோரைப் பகைத்துக்கொண்ட இவர், இப்போது இந்தப் பெண் நிர்வாகியோடும் வம்பு வளர்க்கிறாரே?” எனப் பொங்குகிறார்கள் கமலாலய சீனியர்கள்.தலைமையை `ஓகே’ சொல்லவைத்த அமைச்சர்!கொங்கு மண்டலத்தில் வெற்றி விழா...

முன்னாள் முதல்வர் கருணாநிதியின் நூற்றாண்டு விழா, 40 தொகுதிகளில் வெற்றிபெறச் செய்த தமிழ்நாடு மக்களுக்கு நன்றி தெரிவிக்கும் விழா, தி.மு.க தலைவருக்குப் பாராட்டு விழா ஆகிய மூன்று நிகழ்ச்சிகளையும் சேர்த்து முப்பெரும் விழாவாகக் கோவையில் நடத்தத் திட்டமிட்டிருக்கிறது தி.மு.க. முதலில் இந்த முப்பெரும் விழாவை, சென்னையில் நடத்தத்தான் தி.மு.க முடிவுசெய்திருந்ததாம். ஆனால், “எதிர்க்கட்சிகளின் சுயதம்பட்டத்தை மீறி, இந்த முறை கொங்கு மண்டலத்தில் எல்லாத் தொகுதிகளிலும் நல்ல வித்தியாசத்தில் வெற்றிபெற்றிருக்கிறோம். அமைச்சர் முத்துசாமி

இந்தச் சூட்டோடு சூடாக ஒரு பெரிய விழாவையும் நடத்திவிட்டால், கொங்கு மண்டலத்தில் நமக்கு மேலும் செல்வாக்கு அதிகரிக்கும். எனவே, கோவையில் அந்த விழாவை நடத்தலாம்” என யோசனை சொல்லியிருக்கிறார் அமைச்சர் முத்துசாமி. கூடவே, அதற்கான பொறுப்பையும் தானே ஏற்றுக்கொள்வதாகச் சொல்லியிருக்கிறார். ``அதற்கு `ஓகே’ சொன்ன தலைமை, முப்பெரும் விழாவைக் கோவையில் நடத்துவதாக அறிவிப்பு வெளியிட்டிருக்கிறது’’ என்கிறார்கள் அறிவாலய சீனியர்கள்.இரண்டு மாங்காய் அடித்த பொன்முடி!மா.செ பதவியை இழந்த மஸ்தான்...

அமைச்சர் மஸ்தானை விழுப்புரம் வடக்கு மாவட்டச் செயலாளர் பொறுப்பிலிருந்து தூக்கிவிட்டு, அந்த மாவட்ட அவைத்தலைவர் டாக்டர் ப.சேகரை மாவட்டப் பொறுப்பாளராக நியமித்திருக்கிறது தி.மு.க தலைமை. இதன் பின்னணியை விசாரித்தால், “விழுப்புரம் மக்களவைத் தொகுதியைப் பொறுத்தவரையில் விக்கிரவாண்டி சட்டமன்றத் தொகுதியில்தான் தி.மு.க கூட்டணி வேட்பாளர் ரவிக்குமார் (வி.சி.க) குறைந்த வாக்குகளைப் பெற்றிருக்கிறார். அங்கே வாக்கு வித்தியாசம் வெறும் 6,823-தான். `இதற்கு மஸ்தான் தரப்பு சரியாகத் தேர்தல் வேலை செய்யாததே காரணம்’ என்று தலைமைக்குப் புகார்கள் பறந்திருக்கின்றன. பொன்முடி

இதைச் சாக்காகவைத்து அமைச்சர் பொன்முடியும் மஸ்தானுக்கு எதிராகக் காய்நகர்த்த, அதற்குக் கைமேல் பலன் கிடைத்திருக்கிறது. மஸ்தானின் பதவியைப் பறித்தது, மறைந்த எம்.எல்.ஏ புகழேந்தி வகித்த விழுப்புரம் தெற்கு மாவட்டப் பொறுப்பாளர் பதவிக்குத் தன் மகன் கெளதம சிகாமணியைக் கொண்டுவந்தது என்று ஒரே கல்லில் இரண்டு மாங்காய் அடித்திருக்கிறார் பொன்முடி” என்கிறார்கள் உள்விவகாரங்களை அறிந்தவர்கள்.தலையில் அடித்துக்கொள்ளும் சீனியர்கள்!மீண்டும் தி.மு.க-வைச் சீண்டிய பெருந்தகை...

நாடாளுமன்றத் தேர்தல் வெற்றியைத் தொடர்ந்து சென்னையிலுள்ள காமராஜர் அரங்கத்தில் தமிழக காங்கிரஸ் கட்சியின் பொதுக்குழுக் கூட்டம் நடைபெற்றது. அதில் பேசிய செல்வப்பெருந்தகை, “தமிழகத்தில் எத்தனை காலம் பிறரைச் சார்ந்திருக்கப்போகிறோம்... சுயமாக நாம் வளர வேண்டாமா... பிற கட்சிகளைச் சாராத நிலை வேண்டுமென்றால் அதற்குத் தொண்டர்கள்தான் பதிலளிக்க வேண்டும். அனைத்து மக்களையும் அரவணைக்கும் ஒரே கட்சி காங்கிரஸ்தான். எந்தத் திசையில் செல்லப்போகிறோம் என்பதைத் தொண்டர்கள்தான் தீர்மானிக்க வேண்டும்” என்றிருக்கிறார். தமிழக காங்கிரஸ் கட்சியின் பொதுக்குழுக் கூட்டம்

``தமிழ்நாட்டில் காங்கிரஸின் உற்ற தோழனாக தி.மு.க இருக்கிறது. தேர்தல் வரை எதுவும் பேசாமல் இருந்துவிட்டு, தேர்தல் முடிந்த பிறகு தொடர்ந்து தி.மு.க-வுக்கு எதிராகப் பேசுவது நல்லதல்ல. பா.ஜ.க-வில் இப்படிப் பேசிப் பேசித்தான் ஒருவர் கூட்டணியை உடைத்தார். அதே வேலையை இவர் பார்க்காமலிருந்தால் சரி” என்று சீனியர் நிர்வாகிகள் சிலர் தலையில் அடித்துக்கொண்டார்களாம்.கூட்டணியிலிருந்து விலகுவாரா ரங்கசாமி?தொடர்ந்து அவமதிக்கும் பா.ஜ.க...

நீண்டகாலமாக தேசிய ஜனநாயகக் கூட்டணியில் இருந்தும், தன்னை பிரதமர் மோடியின் பதவியேற்பு விழாவுக்கு அழைக்கவில்லையென்ற கடுப்பில் இருக்கிறாராம் புதுச்சேரி முதல்வர் ரங்கசாமி. அதுமட்டுமல்ல, தேசிய ஜனநாயகக் கூட்டணித் தலைவர்கள் ஆலோசனைக் கூட்டத்துக்கும் அவரை அழைக்கவில்லை. “புதுச்சேரி அரசுக்கும் கூட்டணிக் கட்சியாக எந்த ஒத்துழைப்பும் தராமல், அரசுக்கு எதிரான அரசியலையே முன்னெடுக்கிறார்கள். முதல்வர் ரங்கசாமி

தொடர்ந்து அவமதிக்கிறார்கள்... பேசாமல் கூட்டணியிலிருந்தே விலகிவிடலாமா?” எனத் தனக்கு நெருக்கமானவர்களிடம் ஆலோசனை கேட்டிருக்கிறார் ரங்கசாமி. அவர்களோ, “மத்தியில் இப்போதும் அவர்கள்தான் ஆட்சியில் இருக்கிறார்கள். எனவே, கூட்டணியிலிருந்து விலகி அவர்களின் எதிர்ப்பைச் சம்பாதித்துக்கொள்ள வேண்டாம். கொஞ்சம் பொறுத்திருந்து பார்ப்போம்” என அவரை அமைதிப்படுத்தினார்களாம். `இப்போதைக்கு அவர் சமாதானமாகிவிட்டார்... ஆனால், எப்போது வேண்டுமானாலும் அவர் பொங்கியெழலாம்’ என்கிறார்கள் அவரை அறிந்தவர்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88மிஸ்டர் கழுகு: பதவிக்காக முட்டிமோதிய பாலு; வதந்தி பரப்பிய அண்ணாமலை!


http://dlvr.it/T8Clv1

Read More