"wait and see... 40 எம்.பிக்கள் உங்கள் ஆணவங்களை அடக்குவார்கள்" - திமுக முப்பெரும் விழா ஹைலைட்ஸ்

திமுக முப்பெரும் விழாவில் முதல்வர் மு.க. ஸ்டாலின்



"இது சாதாரண வெற்றி அல்ல. வரலாற்றுச் சிறப்புமிக்க வெற்றி. நம் அரசின் மீது நம்பிக்கை வைத்து வாக்களித்துள்ள, மக்களுக்குக் கிடைத்த வெற்றி. இந்திய அரசியலமைப்பு சட்டத்தை மாற்ற நினைத்தவர்கள், அம்பேத்கரின் அரசியல் சாசனம் முன்பு தலைகுனிந்து நிற்கின்றனர். இந்த மேடையில் உள்ள தலைவர்களிடையே அரசியல் உறவு இல்லை. இது கொள்கை உறவு. தேர்தல் அறிவித்த பிறகும் பாஜக விதிகளை மீறி வெறுப்பு பிரசாரத்தில் ஈடுபட்டது. திமுக முப்பெரும் விழா

ஒடிசாவிலும், பீகாரிலும் தமிழர்கள் குறித்து தவறான தகவல்களைப் பரப்பினர். நாடாளுமன்றத்தில் 234 உறுப்பினர்கள் பாஜகவுக்கு எதிரே உட்கார்ந்து கொண்டிருக்கிறார்கள். 40 எம்பிக்கள் நாடாளுமன்றம் கேன்டீன் சென்று, வடை சாப்பிடுவார்கள் என சில அதிமேதாவிகள் கூறுகிறார்கள். வாயால் வடை சுடுவது உங்கள் வேலை. எங்கள் எம்பிக்கள் கருத்துகளால் உங்கள் ஆணவங்களை அடக்குவார்கள். wait and see.

பலம் பொருந்திய எம்பிக்கள் இணைந்து, பலம் இல்லாத மைனாரிட்டி பாஜகவின் பாசிச செயல்களைத் தடுத்து நிறுத்தங்கள். இந்திய அரசியலமைப்பு சட்டத்தை மாற்ற நினைக்கும் பாஜகவைத் தடுத்து, அரசியலமைப்பு சட்டத்தைப் பாதுகாக்கும் அரணாக 40 எம்பிக்கள் இருப்பார்கள்.திமுக முப்பெரும் விழா

சட்டமன்ற தேர்தல் வரும்போது, அதிமுக வசமுள்ள தொகுதிகளையும் கைப்பற்றுவோம் எனச் சிதம்பரம் கூட்டத்தில் பேசினேன். தமிழக மக்கள் மீது நம்பிக்கை வைத்துப் பேசினேன். தமிழக மக்களின் நம்பிக்கை வீண் போகாது. தமிழகத்தில் இனி எப்போதும் திராவிட மாடல் ஆட்சிதான் என்ற நிலை உருவாக உழைப்போம்."

விடுதலை சிறுத்தைகள் கட்சித் தலைவர் திருமாவளவன்..!



"தென்னிந்தியாவில் பாஜகவால் காலூன்ற முடியாத ஒரே மண் தமிழ்நாடு மட்டும்தான். எத்தனை குட்டிக்கரணம் போட்டாலும் வெல்ல முடியாது என்பதை மீண்டும் நிரூபித்துள்ளார் முதல்வர் ஸ்டாலின். அவருக்கு இந்த பாராட்டு விழா போதாது. அகில இந்தியத் தலைவர்கள் கூடி அவருக்குப் பாராட்டு விழா நடத்த வேண்டும். தேர்தல் காலத்தில் கூட்டணி அமையும். பிறகு சிதறிவிடும். அது அடுத்த தேர்தலில் தொடராது. பாஜக - அதிமுக கூட்டணி அப்படித்தான். ஆனால் இது மக்கள் நலனுக்காக உருவான கூட்டணி. 4 தேர்தல்களைக் கூட்டணி சந்தித்து வென்றுவிட்டது. திமுக 5 லட்சம் வாக்குகளில் வென்ற திண்டுக்கல்லைக் கம்யூனிஸ்ட்களுக்கு கொடுத்தவிட்டு, கோவையில் திமுக நேரடியாக இறங்கி ரிஸ்க் எடுத்தது. திமுக முப்பெரும் விழா

இதுதான் அவரின் ஆளுமை. இங்கே மழைக்கால தவளை போல, 'தாமரை மலரப் போகிறது.' எனக் கத்திக் கொண்டிருந்தவரை நாங்கள் பார்த்துக் கொள்கிறோம் என ரிஸ்க் எடுத்தனர். திருமாவளவனை விசிக வேட்பாளர் என பார்க்காமல் திமுக வேட்பாளராகப் பார்த்து வெற்றி பெற வைத்தார். ஒரு மணி நேரத்துக்கு ஒருமுறை அமைச்சர்களிடம் நிலவரத்தை விசாரித்தார். காங்கிரஸ் காரர்களே, அடுத்த பிரதமர் யார் என்று சொல்லாத நிலையில் ராகுல் காந்தியை அடுத்த பிரதமர் என முன்னிறுத்தியவர் ஸ்டாலின். அகில இந்தியளவு பாஜவை வீழ்த்த மிக முக்கியமான ஒருங்கிணைப்புகளை முன்னெடுத்தார்."

இந்திய கம்யூனிஸ்ட் மாநில செயலாளர் முத்தரசன்:



"தமிழ்நாட்டில் இந்தியா கூட்டணி மாபெரும் வெற்றியைப் பெற முதல்வர் ஸ்டாலினின் ஒருங்கிணைப்பு முக்கியமானது. சில மாநிலங்களில் நம் கூட்டணியினர் பெரியண்ணன் மனநிலையில் நடந்துகொண்டதால் அங்கு பாஜக வெற்றி பெற்றுள்ளது. பாஜகவுடன் ஒட்டும் இல்லை, உறவும் இல்லை எனச் சொல்லிக்கொண்டிருந்த அதிமுக, இப்போது விக்கிரவாண்டி இடைத்தேர்தலைப் புறக்கணித்து யாருக்கு உதவுகிறார்கள்.திமுக முப்பெரும் விழா

இதன்மூலம் அவர்கள் அடுத்து எங்கு செல்லப் போகிறார்கள் எனத் தெரிகிறது. நம் கூட்டணி கட்சியினர் ஒருங்கிணைப்புடன் பணியாற்றி விக்கிரவாண்டியில் வெற்றி பெற வேண்டும்."

மார்க்சிஸ்ட் கம்யூனிஸ்ட் மாநில செயலாளர் பாலகிருஷ்ணன்



"நம்முடைய முதலமைச்சர் கைகாட்டுபவர் பிரதமராகும் காலம் விரைவில் உருவாகும். மோடியால் கூட்டணி ஆட்சி நடத்த முடியாது. மோடியால் நாடாளுமன்றத்தில் வாலாட்ட முடியாது. விரைவில் பாஜக ஆட்சி கவிழும். தேர்தல் ஆணையம் சரியாகச் செயல்பட்டிருந்தால் இந்தியா கூட்டணி ஆட்சி அமைத்திருக்கும். கோவையில் நாங்கள் வெற்றி பெற்றதால், இந்தத் தொகுதியைக் கேட்டோம். ஆனால் முதல்வர் எங்களை திண்டுக்கல்லில் போட்டியிடச் சொன்னார். திமுக முப்பெரும் விழா

நாங்கள் தயங்கினோம். கோவையில் அண்ணாமலை என்ற அருவருக்கத்தக்கச் சக்தியை வீழ்த்த திமுக இங்கு நேரடியாகக் களமிறங்கிவிட்டு, அவர்கள் வெற்றி பெற்ற திண்டுக்கல் தொகுதியை எங்களுக்குக் கொடுத்து, தமிழ்நாட்டிலேயே மூன்றாவது பெரிய வாக்கு வித்தியாசத்தில் வெற்றி பெற வைத்தார். விக்கிரவாண்டி இடைத்தேர்தலைப் புறக்கணிப்பதாக அதிமுக எடப்பாடி அறிவித்துள்ளார். அவரை மக்கள் எப்போதோ புறக்கணித்துவிட்டனர்."முப்பெரும் விழா: ``இனி தமிழ்நாட்டில் நிரந்தரமாக ஆட்சிசெய்யப்போவது திமுக-தான்" - முதல்வர் ஸ்டாலின்


http://dlvr.it/T8LDlb

Read More

விக்கிரவாண்டி இடைத்தேர்தலை புறக்கணித்த அதிமுக - எடப்பாடி கூறும் காரணமென்ன?!

விக்கிரவாண்டி தொகுதியின் தி.மு.க எம்.எல்.ஏ புகழேந்தி உயிரிழந்ததையடுத்து, அங்கு ஜூலை 10-ம் தேதி இடைத்தேர்தலை அறிவித்தது தேர்தல் ஆணையம். தி.மு.க சார்பில் மாநில விவசாய தொழிலாளர் அணி செயலாளர் அன்னியூர் சிவாவும், தேசிய ஜனநாயக கூட்டணி வேட்பாளராக பா.ம.க மாநில துணைத் தலைவர் சி.அன்புமணியும் அறிவிக்கப்பட்டுவிட்ட நிலையில், அ.தி.மு.க வேட்பாளர் யார் என்ற எதிர்பார்ப்பு நிலவி வந்தது. இந்த சூழலில் சென்னை ராயப்பேட்டையிலுள்ள அ.தி.மு.க தலைமை அலுவலகத்தில் அக்கட்சியின் பொதுச் செயலாளர் எடப்பாடி பழனிச்சாமி தலைமையில் விக்கிரவாண்டி இடைத்தேர்தல் குறித்து ஆலோசனை கூட்டம் நடைபெற்றது.

அந்த கூட்டத்திற்குப் பின் எடப்பாடி பழனிச்சாமி வெளியிட்டிருக்கும் அறிக்கையில், ``பொதுவாக தேர்தல் என்ற உடனேயே, முதலாவதாகக் களத்தில் இறங்குவது அனைத்திந்திய அண்ணா திராவிட முன்னேற்றக் கழகம் தான். தேர்தலைக் கண்டு அஞ்சுகின்ற, பயப்படுகின்ற, அச்சப்படுகின்ற இயக்கம் அனைத்திந்திய அண்ணா திராவிட முன்னேற்றக் கழகம் அல்ல என்பதை அனைவரும் நன்கு அறிவர்.அதிமுக தலைமை அலுவலகம்

தமிழகத்தில் அலங்கோல ஆட்சியை நடத்தி வரும் திமுக-வினர், ஆளும் கட்சி என்ற அதிகாரத் தோரணையோடு அரசு எந்திரங்களை முழுமையாகப் பயன்படுத்தி, நடந்து முடிந்த நாடாளுமன்ற மக்களவைப் பொதுத் தேர்தலில் பல்வேறு அராஜகங்களையும், தில்லுமுல்லுகளையும் செய்து பெற்றுள்ள வெற்றி என்பதும், மக்களின் ஏகோபித்த எண்ணங்களை முழுமையாக பிரதிபலிக்கும் முடிவு அல்ல என்பதையும் நான் ஏற்கெனவே தெரிவித்திருந்தேன். அராஜகம் என்றால் தி.மு.க... தி.மு.க என்றால் அராஜகம். திமுக-வினர் வன்முறை மற்றும் அராஜகங்களை நிகழ்த்துவதில் கைதேர்ந்தவர்கள்.

அவ்வாறாக, கடந்த காலங்களில் பல்வேறு அராஜகங்களை நிகழ்த்தியதன் காரணமாக, 18.8.2009 அன்று நடைபெற்ற இளையான்குடி, கம்பம், தொண்டாமுத்தூர், பர்கூர், ஸ்ரீவைகுண்டம் ஆகிய 5 சட்டமன்றத் தொகுதிகளுக்கான இடைத் தேர்தலையும், 27.2.2009 அன்று நடைபெற்ற உள்ளாட்சி அமைப்புகளுக்கான இடைத் தேர்தல் உட்பட தி.மு.க ஆட்சியில் நடைபெற்ற இடைத் தேர்தல்களையும் புரட்சித் தலைவி அம்மா அவர்கள் புறக்கணித்தார்கள்.

தி.மு.க எப்போதெல்லாம் ஆட்சிக்கு வருகின்றதோ, அப்போதெல்லாம் இதுபோன்ற வன்முறைச் சம்பவங்கள் தொடர்கதையாக நடைபெறுவதை மக்கள் பார்த்துக்கொண்டுதான் இருக்கின்றார்கள். 2006-ல், மைனாரிட்டி தி.மு.க ஆட்சியில் சென்னை மாநகராட்சிக்கு நடைபெற்ற தேர்தலில், தி.மு.க-வினரால் வெளிப்படையாக நடத்தப்பட்ட வன்முறைகள், அராஜகங்கள், தமிழகமெங்கும் நடைபெற்ற உள்ளாட்சித் தேர்தலில் வேட்பாளர்கள் கடத்தப்பட்டது, தேர்தல் அதிகாரிகள் கடத்திச் செல்லப்பட்டது, அ.தி.மு.க வெற்றி பெற்ற இடங்களில் தேர்தல் அதிகாரியை அச்சுறுத்தி, மிரட்டி, தி.மு.க வெற்றி பெற்றதாக அறிவிக்கச் செய்ததை மக்கள் அனைவரும் நன்கு அறிவர்.

அதே போல், 19.2.2022 அன்று நடைபெற்ற நகர்ப்புற உள்ளாட்சித் தேர்தலில் திமுக-வினர் பணபலம், படைபலத்துடன் பல்வேறு அதிகார துஷ்பிரயோகங்களையும், வன்முறைகளையும், அராஜகங்களையும் கட்டவிழ்த்துவிட்டு வெற்றி பெற்றதாக அறிவிக்கப்பட்டனர். இந்தத் தேர்தலும் ஜனநாயக முறைப்படி நடைபெறவில்லை. அதனைத் தொடர்ந்து விடியா தி.மு.க ஆட்சியில், ஈரோடு (கிழக்கு) சட்டமன்றத் தொகுதிக்கான இடைத் தேர்தல் அறிவிக்கப்பட்ட முதல் நாள் தொடங்கி, மக்கள் பெரும் அதிருப்தியை ஆளும் திமுக கூட்டணி மீது வெளிப்படுத்தினார்கள்.இடைத்தேர்தல்

இதனால் தோல்வி உறுதி என்று தெரிந்த தி.மு.க, ஈவு இரக்கமற்ற வகையில் ஜனநாயகத்தின் குரல் வளையை நெறித்தது. 'திருமங்கலம் பார்முலா' என்கிற பெயரில் மக்கள் வாக்குகளை விலைபேசியதைப் போல, 'ஈரோடு கிழக்கு பார்முலா' என்ற ஒன்றை உருவாக்கி, ஆடு மாடுகளை பட்டியில் அடைப்பதைப் போல், வாக்காளர்களை அடைத்து அருவருக்கத்தக்க ஜனநாயகப் படுகொலையை அரங்கேற்றியது. எதிர்க்கட்சியின் பரப்புரைகள் மக்கள் காதுகளிலேயே விழாத அளவிற்கு அவர்கள் சிறைபிடிக்கப்பட்டார்கள்.

`மக்களை அடைத்து வைத்தால், மக்கள் அடைக்கப்பட்டிருக்கின்ற இடத்திற்கே சென்று மக்களை சந்திப்பேன்’ என நான் எச்சரித்த பிறகு, பேருந்துகளில் மக்களை அடைத்து சுற்றுலா அழைத்துச் செல்லும் புது பார்முலாவை அறிமுகப்படுத்தியது திமுக. அள்ளி இறைக்கப்பட்ட பணம், மது, கொலுசு, குக்கர், தங்கக் காசு உள்ளிட்ட பரிசுப் பொருட்கள் என, இவை எல்லாவற்றையும் தாண்டி, தி.மு.க-வின் மிரட்டல் அப்பாவி மக்களைப் பெருமளவில் அச்சுறுத்தியது. தி.மு.க-வின் 'மக்கள் அடைப்பு முகாம்கள்' ஈரோடு (கிழக்கு) தொகுதி முழுவதும் பரவலாக முளைத்திருந்தன. அந்த இடத்திற்கு வர மறுத்த அப்பாவி மக்கள் திமுக-வினரால் மிரட்டப்பட்டார்கள்.

அவ்வாறு அடைத்து வைக்கப்பட்டடிருந்த மக்களுக்கு காலை மற்றும் மதிய உணவும், வீட்டுக்குச் செல்லும் போது வீட்டில் உள்ள அனைவருக்கும் இரவு உணவு மற்றும் பல்வேறு பரிசுப் பொருட்களும் வழங்கி ஜனநாயகப் படுகொலை நடந்தேறியது. தி.மு.க-வினர் அழைக்கும் இடத்திற்கு வந்து காலை முதல் இரவு வரை உட்கார்ந்து இருக்கவில்லையென்றால், முதியோர் உதவித் தொகையோ, வேறு எந்த அரசு நலத் திட்டங்களோ வழங்கப்படமாட்டாது என்கிற மிரட்டலுக்கு பயந்து, மக்கள் சொந்த மண்ணில் அகதிகளைப் போல நடத்தப்பட்ட விதத்தை நினைத்தாலே நெஞ்சம் பதறுகிறது.

தி.மு.க-வினர் செய்யும் அனைத்து அராஜகங்களையும் ஈரோடு மாவட்ட தேர்தல் அதிகாரியிடமும் (மாவட்ட ஆட்சித் தலைவர்), சென்னை தலைமைச் செயலகத்தில் உள்ள மாநில இந்தியத் தேர்தல் ஆணையத்திடமும் பலமுறை நேரில் உரிய ஆதாரங்களுடன் புகார் அளித்தும், ஆளும் கட்சிக்கு எதிராக எந்தவிதமான நடவடிக்கையும் எடுக்காமல், ஈரோடு கிழக்கு சட்டமன்றத் தொகுதியில் ஜனநாயகப் படுகொலை அரங்கேறியது. அந்த வகையில் விடியா தி.மு.க ஆட்சியில், விக்கிரவாண்டி சட்டமன்றத் தொகுதிக்கான இடைத் தேர்தல் ஜனநாயக முறைப்படி சுதந்திரமாக நடைபெறுமா என்ற சந்தேகமும், கேள்வியும் எழுந்துள்ளது. விடியா அரசின் அமைச்சர்களும், தி.மு.க-வினரும் ஆட்சி அதிகாரத்தை தவறாகப் பயன்படுத்துவதோடு, பணபலம், படைபலத்துடன் பல்வேறு அராஜகங்கள் மற்றும் வன்முறைகளை கட்டவிழ்த்துவிடுவார்கள்.ஸ்டாலின்

மேலும் மக்களை சுதந்திரமாக வாக்களிக்க விடமாட்டார்கள் என்பதாலும், தேர்தல் சுதந்திரமாகவும், நியாயமாகவும் நடைபெறாது என்பதாலும், 10.7.2024 அன்று நடைபெற உள்ள விக்கிரவாண்டி சட்டமன்றத் தொகுதிக்கான இடைத் தேர்தலை அனைத்திந்திய அண்ணா திராவிட முன்னேற்றக் கழகம் புறக்கணிக்கிறது என்பதைத் தெரிவித்துக்கொள்கிறேன். ஒரு குடும்பம் மட்டும் அசுர வளர்ச்சி பெற வேண்டும் என்ற நோக்கத்தில், அதிகார துஷ்பிரயோகங்கள், அச்சுறுத்தல்கள், வன்முறை மற்றும் சட்டம்-ஒழுங்கை சீர்கெடுப்பது, வெற்று வாக்குறுதிகளை அளிப்பது, விளம்பரங்கள் செய்வது முதலான செயல்களில் தொடர்ந்து ஈடுபட்டு வரும் தி.மு.க-வினரின் முகத்திரையைக் கிழித்து, விடியா தி.மு.க ஆட்சியின் பல்வேறு மக்கள் விரோதச் செயல்களை நாட்டு மக்களுக்கு எடுத்துரைத்து, எதிர்வரும் 2026, சட்டமன்றப் பொதுத் தேர்தலில் புரட்சித் தலைவர் எம்.ஜி.ஆர். புரட்சித் தலைவி அம்மா ஆகியோரின் நல்லாசியோடும், தமிழக மக்களின் பேராதரவோடும், மக்கள் நலன் ஒன்றை மட்டுமே குறிக்கோளாகக் கொண்டு செயல்பட்டு அ.தி.மு.க-வின் மக்கள் ஆட்சி மீண்டும் மலர்வது உறுதி என்பதை மட்டும் இந்த நேரத்தில் தெரிவித்துக்கொள்கிறேன்.” எனக் குறிப்பிட்டுள்ளார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88விக்கிரவாண்டி இடைத்தேர்தல்: அதிமுக, பாஜக-வின் திட்டம்தான் என்ன?!


http://dlvr.it/T8KDCt

Read More

Modi: `ஹலோ ஃப்ரம் தி Melodi டீம்!’ - இத்தாலிய பிரதமர் மெலோனி வெளியிட்ட செல்ஃபி வீடியோ

இத்தாலியின் அபுலியா மாகாணத்தில், கடந்த வெள்ளிக்கிழமை ஜி7 உச்சிமாநாடு தொடங்கி நடைபெற்று. இந்த மாநாட்டில் அதிபா் ஜோ பைடன், பிரான்ஸ் பிரதமா் இமானுவல் மேக்ரான், ஜப்பான் பிரதமா் ஃபுமியோ கிஷிடா, கனடா பிரதமா் ஜஸ்டின் ட்ரூடோ உள்ளிட்ட பல்வேறு நாடுகளின் தலைவர்கள் பங்கேற்றனர். இந்தியாவின் சார்பில் பிரதமர் மோடி கலந்துகொண்டார். இந்த ஜி7 உச்சி மாநாட்டில் பிரதமர் மோடியும், இத்தாலிய பிரதமர் ஜியோர்ஜியா மெலோனியும் எடுத்துக்கொண்ட செல்ஃபி-களும் வீடியோகளும் சமூக வலைதளங்களில் வைரலாகிவருகின்றன.

குறிப்பாக அபுலியாவில் நேற்று உச்சிமாநாடு தொடங்குவதற்கு முன்பு எடுத்த செல்ஃபியும், மற்றொரு செல்ஃபி வீடியோவில், ``Hello from the Melodi Team" என்று மெலோனியுடன் சிரித்துக்கொண்டே கேமராவை நோக்கி கை அசைக்கும் பிரதமர் மோடியின் வீடியோவும் வைரலாகிவருகின்றன. கடந்த ஆண்டு இத்தாலிய பிரதமர் மெலோனியும் பிரதமர் மோடியும் அரசுமுறையாக சந்தித்துக்கொண்டதற்குப் பிறகு, மெலோடி என்ற வார்த்தை சமூக ஊடகங்களில் வைரலானது குறிப்பிடத்தக்கது.

Hi friends, from #Melodi pic.twitter.com/OslCnWlB86— Giorgia Meloni (@GiorgiaMeloni) June 15, 2024




கடந்த ஆண்டு கூட, துபாயில் நடந்த COP28 காலநிலை உச்சிமாநாட்டின் போது இரு தலைவர்களும் எடுத்த செல்ஃபி இணையத்தில் பரவலாகப் பகிரப்பட்டது. பிரதமர் மோடி மூன்றாவது முறையாக பதவியேற்றதற்கு வாழ்த்து தெரிவித்திருந்தார் மெலோனி என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88400 நாள்களாக பற்றி எரியும் மணிப்பூர்... ஆர்.எஸ்.எஸ்-ஸின் பேச்சைக் கேட்பாரா மோடி?


http://dlvr.it/T8JvBr

Read More

அனல் பறக்கும் மக்களவை சபாநாயகர் ரேஸ்... இந்தியா கூட்டணி பிளான் என்ன?!

18-வது மக்களவையின் முதல் கூட்டத்தொடர் ஜூன் 24-ம் தேதி தொடங்கி ஜூலை 3-ம் தேதிவரை நடைபெறவிருக்கிறது. இந்தக் கூட்டத்தொடரில், மக்களவை சபாநாயகர் தேர்வு ஜூன் 26-ம் தேதி நடைபெறும் என்று செய்திகள் வெளியாகியிருக்கின்றன. இந்த நிலையில், மக்களவை சபாநாயகர் நாற்காலியில் அமரப்போவது யார் என்ற எதிர்பார்ப்பு மேலோங்கியிருக்கிறது.மோடி

சபாநாயகர் தேர்வுசெய்யப்படும்வரை, தற்காலிக சபாநாயகர் அவையை நடத்துவார். ஆளும் தேசிய ஜனநாயகக் கூட்டணியில் அங்கம் வகிக்கும் தெலுங்கு தேசம் கட்சியும், ஐக்கிய ஜனதா தளமும் மக்களவை சபாநாயகர் பதவி தங்களுக்கு வேண்டுமென்று கேட்டுவருகின்றன. ஆனால், சபாநாயகர் பதவியை விட்டுத்தர பா.ஜ.க தயாராக இல்லை.

மக்களவையின் முதல் கூட்டத்தொடர் தொடங்கியதும் எவ்வளவு விரைவில் முடியுமோ அவ்வளவு விரைவாக சபாநாயகர், துணை சபாநாயகர் ஆகிய இருவரும் தேர்வுசெய்யப்பட வேண்டும் என்று அரசியலமைப்பு சட்டம் பிரிவு 93 கூறுகிறது. ஆனாலும், அதற்கான காலவரையறை எதுவும் குறிப்பிடப்படவில்லை. சந்திரபாபு நாயுடு


சபாநாயகர் பதவியை தெலுங்கு தேசம், ஜே.டி.யூ ஆகிய இரண்டு கூட்டணிக் கட்சிகளும் குறிவைப்பதற்கு காரணம் இருக்கிறது. அந்தப் பதவியை விட்டுத்தர முடியாது என்று ஆளும் பா.ஜ.க அடம்பிடிப்பதற்கும் ஒரு காரணம் இருக்கிறது. நாடாளுமன்ற மக்களவை நடவடிக்கைகளின் போக்கைத் தீர்மானிப்பது உள்பட பல விவகாரங்களில் முடிவெடுக்கும் அதிகாரம் சபாநாயருக்கு உண்டு. பல வகைகளில், அரசியல் ரீதியாக மிகுந்த முக்கியத்துவம் வாய்ந்த பதவியாகவும் இது இருக்கிறது.

மக்களவை நடவடிக்கைகளில் இறுதி முடிவு எடுக்கும் அதிகாரம் சபாநாயகருக்கு இருக்கிறது. அவையில் கேள்வி எழுப்பவும், எந்தவொரு பிரச்னை குறித்து விவாதிக்கவும் உறுப்பினர்கள் சபாநாயகரிடம் முன்அனுமதி பெற வேண்டும். ஆட்சியாளர்களை விமர்சிக்கும் உறுப்பினர்களின் பேச்சுகளை முழுமையாகவோ , பகுதியாகவோ நீக்கும் அதிகாரமும் சபாநாயகருக்கே உண்டு. தொழிலதிபர் கெளதம அதானிக்கும் பிரதமர் மோடிக்குமான தொடர்பு குறித்து காங்கிரஸ் தலைவர் ராகுல் காந்தி பேசிய கருத்துகள் பிரதமர் மோடிக்கும், பா.ஜ.க அரசுக்கும் கடும் நெருக்கடியை ஏற்படுத்தியது. அந்தச் சூழலில், ராகுல் காந்தியின் அந்தப் பேச்சின் பெரும்பாலான பகுதிகள் சபாநாயகரால் அவைக்குறிப்பிலிருந்து நீக்கப்பட்டன என்பது குறிப்பிடத்தக்கது.ஏக்நாத் ஷிண்டே

ஒரு கட்சியிலிருந்து இன்னொரு கட்சிக்கு எம்.எல்.ஏ-க்கள், எம்.பி-க்கள் தாவும் நடவடிக்கை மூலமாக சட்டமன்றத்திலும், நாடாளுமன்றத்திலும் உறுப்பினர்களின் எண்ணிக்கையை மாற்றியமைக்க முடியும். அது, அரசின் வீழ்ச்சிக்கு வழிவகுக்கும். ஆகவே, இந்தியாவின் பல கட்சி ஜனநாயகத்தைப் பாதுககாப்பதற்கான கருவியாக அரசிலமைப்புச் சட்டத்தின் பத்தாவது அட்டவணை (கட்சித் தாவல் தடை) அறிமுகப்படுத்தப்பட்டது.Ajit Doval: மீண்டும் அஜித் தோவல், பி.கே.மிஸ்ரா... பிரதமர் மோடிக்கு பக்கபலமாக நீடிப்பதன் பின்னணி!

அதாவது, சட்டமன்ற உறுப்பினர்கள், நாடாளுமன்ற உறுப்பினர்கள் ஒரு கட்சியிலிருந்து இன்னொரு கட்சிக்குத் தாவுவதைத் தடுப்பதற்காக 1985-ம் ஆண்டு கட்சித்தாவல் தடைச்சட்டம் கொண்டுவரப்பட்டது. அதில், ஒரு கட்சியைச் சேர்ந்த மூன்றில் இரண்டு பங்கு உறுப்பினர்கள் வேறொரு கட்சிக்கு மாறினால், இந்தச் சட்டத்தின்படி அவர்களைத் தகுதிநீக்கம் செய்ய முடியாது. தகுதிநீக்கம் தொடர்பான விவகாரத்தில் சபாநாயகரின் முடிவே இறுதியானது.ஓம் பிர்லா

இவ்வளவு அதிகாரங்கள் சபாநாயகருக்கு இருக்கும் நிலையில், சபாநாயகர் பதவியில் இருப்பவர்கள், ஆட்சியாளர்களுக்கு ஆதரவாகவும், பாரபட்சமாகவும் செயல்படுகிறார்கள் என்ற விமர்சனமும் இருக்கிறது. மகாராஷ்டிராவில் அரசியல் நெருக்கடி ஏற்பட்டபோது, தற்போதைய முதல்வர் ஏக்நாத் ஷிண்டேவும், சிவசேனா எம்.எல்.ஏ-க்கள் பலரும் முதல்வர் உத்தவ் தாக்கரேவுக்கு எதிராக நின்றனர். அதைத் தொடர்ந்து, சிவசேனா, காங்கிரஸ், தேசியவாத காங்கிரஸ் ஆகிய கட்சிகளை உள்ளடக்கிய மகா விகாஸ் அகாடி அரசு வீழ்த்தப்பட்டது.

சிவசேனாவுடன் நீண்டகாலம் கூட்டணியில் இருந்த பா.ஜ.க-தான், சிவசேனாவை உடைத்து, உத்தவ் தாக்கரே தலைமையிலான ஆட்யைக் கவிழ்த்து, ஏக்நாத் ஷிண்டே தலைமையில் புதிய அரசு அமைவதற்கு காரணாமக இருந்தது என்று விமர்சனம் எழுந்தது. இதைக் குறிப்பிட்டு தனது எக்ஸ் தளத்தில் சமீபத்தில் கருத்து ஒன்றைப் பதிவிட்ட சிவசேனா (உத்தவ்) தலைவர் ஆதித்யா தாக்கரே, பா.ஜ.க அதிகாரத்துக்கு வந்தவுடன், கூட்டணிக் கட்சிகளை பலவீனப்படுத்தும் வேலைகளைச் செய்யும் என்று குறிப்பிட்டிக்கிறார். மேலும், தெலுங்கு தேசமும், ஐக்கிய ஜனதா தளமும் மக்களவை சபாநாயகர் பதவியைப் பெற வேண்டும் என்றும் அவர் கூறியிருக்கிறார். நிதிஷ் குமார்

வழக்கமாக, மக்களவை சபாநாயகர் பதவிக்கு ஆளுங்கட்சியைச் சேர்ந்தவர்தான் தேர்வுசெய்யப்படுவார் என்றாலும், கூட்டணியில் ஆட்சியில் வேறு கட்சிகளைச் சேர்ந்தவர்கள் மக்களவையில் சபாநாயகர்களாக இருந்திருக்கிறார்கள். அந்த வகையில், தெலுங்கு தேசம் கட்சியைச் சேர்ந்த ஜி.எம்.சி.பாலயோகி, மார்க்சிஸ்ட் கம்யூனிஸ்ட் கட்சியைச் சேர்ந்த சோம்நாத் சாட்டர்ஜி மக்களவை சபாநாயகர்களாக இருந்திருக்கிறார்கள். ஆனால், இன்றைய அரசியல் சூழலே வேறு. அதனால், மக்களவை சபாநாயகர் பதவியை அவ்வளவு எளிதாக கூட்டணிக் கட்சிகளுக்கு பா.ஜ.க விட்டுக்கொடுத்துவிடாது என்கிறார்கள் அரசியல் பார்வையாளர்கள்.!

இது ஆளும் கூட்டணி நிலை... மறுபக்கம் இந்தியா கூட்டணி சபாநாயகர் தேர்வில் ஒரே கருத்துடன் இருக்கிறார்களா என்பது குறித்தும் விவாதங்கள் கிளம்பியுள்ளது. தற்போது வரை எதிர்க்கட்சிகள் சபாநாயகர் ரேஸ் குறித்து எதுவும் பேசவில்லை. நாடாளுமன்றத்தில் தற்போது இந்தியா கூட்டணி வலுவான எதிர் கூட்டணியாக இருப்பதால், அவர்களும் தங்களின் தரப்பில் பொது வேட்பாளர் ஒருவரை நிறுத்த வாய்ப்பு இருக்கிறது என்கிறார்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T8JdPb

Read More

வயநாடு எம்.பி பதவியை ராகுல் ராஜினாமா செய்தால், பிரியங்கா காந்தியை களமிறக்க முடிவா?!

காங்கிரஸ் கட்சியின் முன்னாள் தலைவர் ராகுல் காந்தி, நடந்து முடிந்த தேர்தலில் கேரளாவின் வயநாடு மற்றும் உத்தரபிரதேசத்தின் ரேபரேலி ஆகிய 2 தொகுதிகளில் போட்டியிட்டு வெற்றி பெற்றுள்ளார். கடந்த 2019 நாடாளுமன்ற தேர்தலில் காங்கிரஸின் பாரம்பர்ய தொகுதியான அமேதி தொகுதியிலும், வயநாட்டிலும் ராகுல் காந்தி போட்டியிட்ட நிலையில், வயநாட்டில் மட்டுமே வெற்றிபெற்றார். இதையடுத்து கடந்த 5 ஆண்டுகளாக வயநாடு தொகுதி எம்.பி-யாக இருந்தார் ராகுல் காந்தி. இந்த தேர்தலில் அவர் போட்டியிட்ட 2 தொகுதிகளிலும் வெற்றி பெற்றுள்ளார். இதன் மூலம், நேரு குடும்பத்துக்கு நெருக்கமான ரேபரேலி தொகுதியில் எம்.பி-யாக நீடிப்பாரா, அல்லது கடந்த முறை கைகொடுத்த வயநாட்டில் எம்.பி-யாக நீடிப்பாரா என்ற கேள்வி எழுந்துள்ளது.வயநாடு நன்றி தெரிவிக்கும் பொதுக்கூட்டத்தில் ராகுல் காந்தி

இதற்கிடையே கடந்த 12-ம் தேதி வயநாடு தொகுதி வாக்காளர்களுக்கு நன்றி தெரிவிக்கும் விதமாக நடந்த பொதுக்கூட்டத்தில் பேசிய ராகுல் காந்தி, ``எந்த தொகுதியில் எம்.பி-யாக நீடிக்க வேண்டும் என்பதை மக்கள்தான் தீர்மானிக்க வேண்டும்” எனக்கூறியிருந்தார். அந்த பொதுக்கூட்டத்தில் பேசிய கேரளா மாநில காங்கிரஸ் தலைவர் கே.சுதாகரன், 'ராகுல் காந்தி வயநாட்டை விட்டு செல்வது வருத்தமாக உள்ளது' என கூறியிருந்தார். எனவே ராகுல் காந்தி வயநாடு எம்.பி பதவியை ராஜினாமா செய்ய வாய்ப்பு அதிகம் என தெரிய வந்துள்ளது.

இதற்கிடையே ராகுல் காந்தி ராஜினாமா செய்யும் தொகுதியில் நடைபெறும் இடைத்தேர்தலில் அவரின் சகோதரி பிரியங்கா காந்தியை போட்டியிட வைக்கும் திட்டம் இருப்பதாக தகவல் வெளியாகி உள்ளது. எனவே வயநாடு தொகுதியில் பிரியங்கா காந்தி போட்டியிட வாய்ப்பு உள்ளதாக கேரளா மாநில காங்கிரஸ் நிர்வாகிகள் மத்தியில் பேச்சு ஓடுகிறது. மக்களவைத் தேர்தலிலே பிரியங்கா காந்தி அமேதி தொகுதியில் களமிறங்குவார் என பேச்சுகள் கிளம்பியது. ஆனால் அவர் அனைத்து தொகுதிகளுக்கும் பிரசாரத்துக்கு செய்ய வேண்டி இருப்பதால், போட்டியிட மாட்டார் என அறிவிக்கப்பட்டது.

இந்த நிலையில் வயநாட்டில் அவர் களமிறங்குவாரா என்பதை பொறுத்திருந்து தான் பார்க்க வேண்டும்.! ராகுல் காந்தி, பிரியங்கா காந்தி

ராகுல் காந்தி எந்த தொகுதியின் எம்.பி பதவியை ராஜிநாமா செய்வார் என்பதன் இறுதி முடிவு இன்று (ஜூன் 15) காலையில் தெரியவரும் என காங்கிரஸ் வட்டாரத்தில் கூறப்படுகிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T8JPhN

Read More

“இந்த அரசு நிற்காது; அடுத்த மார்ச்சுக்குள் தேர்தல் வரும்” என்ற சுப்பிரமணியன் சுவாமியின் விமர்சனம்?

கரு.நாகராஜன்

கரு.நாகராஜன், மாநிலத் துணைத் தலைவர், பா.ஜ.க

“சுப்பிரமணியன் சுவாமி சொல்லியிருக்கும் இந்தக் கருத்து வாக்களித்த மக்களை அவமதிப்பதுபோல இருக்கிறது. பெரும்பான்மையான மக்கள், தங்களுக்கு நல்லது செய்யும் பா.ஜ.க கூட்டணிக்கு 293 இடங்களில் வாய்ப்பளித்திருக்கிறார்கள். அதன் மூலமாகவே, பா.ஜ.க ஆட்சி அமைத்திருக்கிறது. மக்களின் ஆசையில் மண்ணை அள்ளிப்போடுவதுபோல இருக்கிறது அவரின் கருத்து. அரசியலில் தனது இருப்பைக் காட்டிக்கொள்ள இப்படிப் பரபரப்பாக எதையாவது சொல்வது சுப்பிரமணியன் சுவாமியின் வழக்கம். அவரும் ஒருகாலத்தில், ‘பெரும்பான்மை இல்லாத அரசில்’ மத்திய அமைச்சராக இருந்தவர்தான் என்பதை மறந்துவிடக் கூடாது. அவர் அமைச்சராக இருந்தபோது, ஒரு பெரிய கட்சி ஆதரவைத் திரும்பப் பெற்றதால் அந்த ஆட்சி கவிழ்ந்தது. ஆனால், தற்போது ஒரு வலுவான கூட்டணியுடன் பா.ஜ.க ஆட்சியமைத்திருக்கிறது. அந்தப் பொறாமையில்தான் இப்படியெல்லாம் பேசிக் கொண்டிருக்கிறார். கண்டிப்பாக இந்த அரசு ஐந்தாண்டு ஆட்சியை முழுமையாக நிறைவு செய்யும். நாட்டின் வளர்ச்சிக்குப் பிரதமர் மோடி பாடுபடுவார். அதற்குக் கூட்டணிக் கட்சித் தலைவர்கள் முழு ஆதரவு கொடுப்பார்கள். சுவாமி சொல்வதையெல்லாம் யாரும் பெரிதாக எடுத்துக்கொள்ள மாட்டார்கள்.”இனியன் ராபர்ட்

இனியன் ராபர்ட், மாநிலச் செய்தித் தொடர்பாளர், காங்கிரஸ்

“அவர் சொல்லியிருப்பது முழுக்க முழுக்க உண்மை. பா.ஜ.க-வின் கூட்டணியில் அங்கம் வகிக்கும் கட்சிகள் பலவும் பா.ஜ.க-வின் கொள்கையில் முரண்பாடுகொண்ட கட்சிகளே. இப்போது அவர்கள் அமைத்திருக்கும் கூட்டணியும் கொள்கைப் பிடிப்பில் அமைந்த கூட்டணி அல்ல... தேவையின் அடிப்படையில் அமைந்த கூட்டணி. `ஆந்திராவுக்குச் சிறப்பு அந்தஸ்து கொடுக்கவில்லை’ என்று முன்பு பா.ஜ.க கூட்டணியிலிருந்து வெளியேறிய சந்திரபாபு நாயுடு, இந்த முறையும் அதே கோரிக்கையை முன்வைக்க வாய்ப்பு இருக்கிறது. அதேபோல, `நாடு முழுவதும் சாதிவாரி கணக்கெடுப்பு நடத்த வேண்டும்’ என்று நிதிஷ் வலியுறுத்துவார். இந்த இரண்டையும் செய்வதற்கு பா.ஜ.க முன்வருவது சந்தேகம்தான். தெலுங்கு தேசம் கட்சிக்கு ஆந்திராவில் ஆட்சி நடத்த பா.ஜ.க-வின் துணை துளியும் தேவையில்லை. அதேபோல, ஷிண்டே, நிதிஷ் இருவரும் இன்னும் சில மாதங்களில் மகாராஷ்டிர மாநிலத் தேர்தலைச் சந்திக்கவிருக்கிறார்கள். அதில் கிடைக்கும் வெற்றி, தோல்வியைப் பொறுத்து மத்தியில் கூட்டணியை மாற்றிக்கொள்ள அவர்களும் யோசிக்க மாட்டார்கள் என்பது பா.ஜ.க-வுக்கு நன்றாகத் தெரியும். இவ்வளவு சிக்கல் நிறைந்த இந்த மைனாரிட்டி அரசு ஒன்றரை ஆண்டைத் தாண்டினாலே பெரிய விஷயம்தான்.”


http://dlvr.it/T8JPXw

Read More

Election 2024: ரூ.89,080 கோடியை ரொக்கமாக செலவளித்த கட்சிகள்; 22% அதிகரித்த தேர்தல் செலவு- RBI தகவல்!

இந்தியாவை அடுத்த யார் ஆளப்போகிறார்கள் என்கின்ற பலரின் மிகப்பெரிய எதிர்பார்ப்புகளுக்கு மத்தியில் இந்திய தலைமை தேர்தல் ஆணையம் 7 கட்டங்களாக மக்களவைத் தேர்தல் நடைபெறும் என அறிவித்தது. அதன்படி தேர்தலும் நடந்து முடிந்து, கூட்டணிக் கட்சிகளின் ஆதரவுடன் பா.ஜ.க மூன்றாவது முறையாக ஆட்சியமைத்தது.

இச்சூழலில் தேசியக் கட்சிகள், பல்வேறு மாநிலக் கட்சிகள், தேர்தல் ஆணையத்தால் அங்கீகரிக்கப்படாத சிறு சிறு கட்சிகள் என அனைவரும் தீவிரமாக வாக்கு வேட்டையில் ஈடுபட்டனர். தேர்தல் நடந்து முடிந்த இத்தகு சூழலில், இந்திய ரிசர்வ் வங்கி தற்போது நடந்து முடிவடைந்த நாடாளுமன்றத் தேர்தல் தொடர்பான புள்ளிவிவர அறிக்கை ஒன்றை வெளியிட்டுள்ளது. அதன்படி இம்மக்களவைத் தேர்தலில் பல்வேறு அரசியல் கட்சிகள் செலவிட்ட ரொக்கத் தொகையை 2019 நாடாளுமன்றத் தேர்தலோடு ஒப்பீடு செய்யும்போது, அது 22 சதவிகிதம் அதிகரித்திருப்பதாகக் குறிப்பிடப்பட்டிருக்கிறது.நாடாளுமன்றத் தேர்தல் 2024

2019 நாடாளுமன்றத் தேர்தல் காலகட்டத்தில் ரூ.72,680 கோடி அளவுக்குப் ரொக்கம் செலவிடப்பட்டு, கணக்கில் பதிவாகியிருந்தது. இந்த நிலையில், இந்த ஆண்டு நாடாளுமன்றத் தேர்தல் அறிவிப்பை மார்ச் மாதம் தேர்தல் ஆணையம் வெளியிட்டது முதல், தேர்தல் நடத்தை விதிகள் ஜூன் 7-ம் தேதி வரை அமலில் இருந்ததுவரை 89,080 ரூபாய் கணக்கில் பதிவாகியிருக்கிறது. இந்தத் தொகை கடந்த 2019 தேர்தலோடு ஒப்பீடு செய்யும்போது 22 சதவிகிதம் அதிகம். 

கொரோனா பெருந்தொற்றால் ஏற்பட்ட இடையூறுகளின் தாக்கங்களினாலும், பொருளாதார சமநிலையின்மை மற்றும் பொருள்களின் விலையேற்றம் உள்ளிட்ட அடிப்படை காரணிகளினாலும், அத்தோடு இந்த இடைப்பட்ட ஐந்தாண்டுகளில் பணவீக்கம் அதிகரித்ததின் விளைவாகவும் செலவுகள் அதிகரித்து இருக்கலாம் எனக் கூறப்படுகிறது.

இந்திய ரிசர்வ் வங்கி 12.06.2024 புதன்கிழமை வெளியிட்ட தரவுகளின்படி, ஜூன் 07, 2024 நிலவரப்படி, புழக்கத்தில் உள்ள ரூபாய் நோட்டுகளின் மதிப்பு ரூ.35.87 லட்சம் கோடியாக இருந்தது. நடைமுறை சிக்கல்கள் காரணமாக மத்திய அரசு மே 2023-ல் ரூ.2,000 நோட்டுகளை திரும்பப் பெற்றுக்கொண்டபோதிலும், புழக்கத்தில் உள்ள நாணயத்தின் மதிப்பு சற்றே குறைந்திருப்பது குறிப்பிடத்தக்கது. 75.1 விழுக்காடு புழக்கத்திலுள்ள பணத்தின் வளர்ச்சி, ரூ.2,000 ரூபாய் நோட்டுகள் திரும்பப் பெறப்பட்டதால், 2023-2024-ல் 7.8 சதவிகிதத்தில் இருந்து 4.1 சதவிகிதமாகக் குறைந்துள்ளதாக சமீபத்திய அறிக்கைகள் கூறுகின்றன.ரிசர்வ் பேங்க் - RBI

தற்போது வெளியாகியுள்ள ரிசர்வ் வங்கியின் அறிக்கையின்படி செலவுக்கும், புழக்கத்தில் உள்ள ரூபாய் மதிப்பிற்குமிடையே மிக நேர்த்தியான தொடர்பைக் காட்டுகின்றது. ஆனால் தற்சமயம் டிஜிட்டல் பரிவர்த்தனைகள் அதிகரித்து வருவதால், இந்த சமநிலையின்மை ஏற்படுவதாகவும், இதனால் செலவிற்கும் இருப்பிற்கும் இடையேயான இணைப்பு வலுவிழந்து வருவதாகவும் குறிப்பிடப்பட்டிருக்கிறது. 

தொற்றுநோய், நிச்சயமற்ற தன்மை, பணமதிப்பிழப்பு, பொருளாதார மந்தநிலை மற்றும் ஏற்ற இறக்க செயல்முறைகள் மற்றும் அதிகரித்து வரும் டிஜிட்டல் பரிவர்த்தனைகள் ஆகியவற்றால் GDP விகிதம் சீராக இருப்பதாக ரிசர்வ் வங்கி தனது சமீபத்திய ஆய்வறிக்கையில் தெரிவித்துள்ளது. அத்தோடு "முந்தைய சில தேர்தல்களுடன் ஒப்பிடுகையில் தற்போது பணவீக்கம் வேகமாக அதிகரித்துள்ளதால், புரொமோசன் செலவுகள், விளம்பரங்கள், இன்ன பிற செலவுகள் என இத்தேர்தலுக்கு செய்யும் செலவின் தொகை, கடந்த தேர்தலைக் காட்டிலும் 22 விழுக்காடு அதிகரித்துள்ளது" என ரிசர்வ் வங்கியின் பொருளாதார நிபுணர்கள் கூறுகின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbDarshan Thoogudeepa Case: `யாரும் சட்டத்துக்கு அப்பாற்பட்டவர்கள் இல்லை' - நடிகை திவ்யா ஸ்பந்தனா


http://dlvr.it/T8H5WG

Read More