விக்கிரவாண்டி இடைத்தேர்தல்: ரேஸிலிருந்து பின்வாங்கிய அதிமுக - பின்னணி என்ன?!

விக்கிரவாண்டி சட்டமன்றத் தொகுதியின் தி.மு.க எம்.எல்.ஏ புகழேந்தி உடல்நலக் குறைவு காரணமாக உயிரிழந்ததால், ஜுலை 10-ம் தேதி அங்கு இடைத்தேர்தல் அறிவிக்கப்பட்டிருக்கிறது. தி.மு.க சார்பில் மாநில விவசாயத் தொழிலாளர் அணியின் செயலாளர் அன்னியூர் சிவா களமிறக்கப்பட்டிருக்கிறார். `இடைத்தேர்தல்கள் நேரம், காலம் மற்றும் பொருள்களை விரயமாக்கும் செயல்’ என்று 13 ஆண்டுகளாக கூறி வந்த பா.ம.க, இந்த தேர்தலில் தேசிய ஜனநாயகக் கூட்டணி சார்பில் வன்னியர் சங்கத்தின் துணைத் தலைவர் சி.அன்புமணியை வேட்பாளராக அறிவித்திருக்கிறது. அதேபோல மாநிலக் கட்சி என்ற அங்கீகாரத்திற்குப் பின், இங்கு முதல் தேர்தலைச் சந்திக்கிறது நாம் தமிழர் கட்சி.எடப்பாடி பழனிசாமி

ஆனால் எதிர்பாராத திருப்பமாக, அ.தி.மு.க மற்றும் தே.மு.தி.க இந்த தேர்தலைப் புறக்கணிப்பதாக அறிவிக்க, அங்கு மும்முனைப் போட்டி ஏற்பட்டிருக்கிறது. தொடர் தோல்விகளால் ஏற்பட்டிருக்கும் மன உளைச்சல் என்றும், பா.ம.க-வுக்கு மறைமுக ஆதரவளித்து தி.மு.க-வுக்கு அழுத்தம் கொடுப்பதன் மூலம், 2026-ல் பா.ம.க-வை கூட்டணிக்குள் கொண்டு வரும் முயற்சி என்றும், அ.தி.மு.க-வின் தேர்தல் புறக்கணிப்புக்கு பல்வேறு காரணங்கள் இருக்கின்றன. நேற்றைய தினம் செய்தியாளர்களிடம் இது தொடர்பாகப் பேசிய எடப்பாடி பழனிச்சாமி, ``இந்தத் தேர்தலை அ.தி.மு.க புறக்கணிப்பதற்கு காரணம் இருக்கிறது. இவர்கள் ஈரோடு இடைத்தேர்தலை எப்படி நடத்தினார்கள் என்பது அனைவருக்கும் தெரியும். பணத்தையும், அதிகாரத்தையும் பயன்படுத்தி மக்களைப் பட்டிகளில் அடைத்து வைத்துக் கொடுமைப்படுத்தினர். எனவே இந்தத் தேர்தலில் என்ன நடக்கும் என்பது தெரிந்ததுதான். அதனால்தான், விக்கிரவாண்டி இடைத்தேர்தலை நாங்கள் புறக்கணிக்கிறோம்" என்றார்.

ஆனால், மேற்கூறிய காரணங்களைத் தாண்டி, இன்னொரு முக்கிய காரணமும் இந்த தேர்தல் புறக்கணிப்பு அறிவிப்புக்குப் பின்னணியில் இருக்கிறது என்கின்றனர், அ.தி.மு.க-வினர். அது குறித்து நம்மிடம் பேசிய அக்கட்சியின் சீனியர் லீடர் ஒருவர், ``2021 சட்டமன்றத் தேர்தலின் படுதோல்விக்குப் பிறகு எடப்பாடி பழனிசாமியிடம், மூத்த தலைவர்களுக்கு மனக்கசப்பு ஏற்பட்டுவிட்டது.அதிமுக தலைமை அலுவலகம்

அதன் எதிரொலியாக, நாடாளுமன்றத் தேர்தலுக்கான செலவுகளை யார் ஏற்பது என்பதில் எடப்பாடிக்கும், எங்கள் கட்சியின் மூத்த நிர்வாகிகளுக்கும் பிரச்னை ஏற்பட்டது. மாவட்டச் செயலாளர்கள்தான் செலவுகளைப் பார்க்க வேண்டும் என்று எடப்பாடி தரப்பும், முதல்வராக இருந்தவர்தான் செலவை ஏற்க வேண்டும் என்று மாவட்டச் செயலாளர்கள் தரப்பும் போட்டிப் போட்டதால்தான், பல தொகுதிகளில் நாங்கள் வெற்றி வாய்ப்பை இழந்தோம். விக்கிரவாண்டி இடைத்தேர்தலிலும் அதுதான் நடந்தது. அது தொடர்பாக ராயப்பேட்டை தலைமை அலுவலகத்தில் நடைபெற்ற ஆலோசனைக் கூட்டத்தில், `தேர்தல்களில் தொடர்ச்சியாக தோல்விகளைச் சந்திப்பது கட்சிக்கு நல்லது கிடையாது. அதனால் அம்மா வழியில் இந்த முறை விக்கிரவாண்டி இடைத்தேர்தலைப் புறக்கணித்துவிடலாம்’ என்றார் எடப்பாடி.விக்கிரவாண்டி இடைத்தேர்தல்

ஆனால் அதற்கு ஒப்புக்கொள்ளாத அந்த மாவட்டத்தின் மாஜி அமைச்சர், `இந்த தேர்தலில் நாம் போட்டியிட்டே ஆக வேண்டும்' என்றார். உடனே, `வேட்பாளர் யார் என்பதை மாவட்டச் செயலாளரே கூறட்டும்’ என்றார் எடப்பாடி. அதற்கு, `வேட்பாளர் யார் என்பதை கூறுவதில் பிரச்னை இல்லை. ஆனால் தேர்தல் செலவுகளை யார் பார்ப்பது?’ என்று கேள்வி எழுப்பினார், மாஜி அமைச்சர். அப்போது, `மாவட்டச் செயலாளர்கள்தான் தேர்தல் செலவுகளை பார்த்துக் கொள்ள வேண்டும்’ என்று கூற, அதற்கு மறுப்பு தெரிவித்துவிட்டார் அந்த மாஜி. தொடர்ந்து, `முதல்வர், பொதுச்செயலாளர் பதவிகளுக்கு மட்டும் நீங்கள். செலவு செய்வதற்கு மட்டும் நாங்களா?’ என்று மற்ற மாவட்டச் செயலாளர்களும் அந்த மாஜி அமைச்சருக்கு ஆதரவாக வாக்குவாதத்தில் ஈடுபட்டனர். அதுதான் நாங்கள் தேர்தலைப் புறக்கணிக்க காரணம்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbவிக்கிரவாண்டி இடைத்தேர்தலை புறக்கணித்த அதிமுக - எடப்பாடி கூறும் காரணமென்ன?!


http://dlvr.it/T8NyWN

Read More

இன்ஸ்டா நட்பு; நம்பி சென்ற பெண்; மயக்க மருந்து கொடுத்து வன்கொடுமை செய்த இருவர் - உ.பி அதிர்ச்சி

உத்தரபிரதேச மாநிலம்  மீரட்டைச் சேர்ந்த பெண் ஒருவர் இன்ஸ்டாகிராமில்  வங்கியில் வேலை செய்து வருவதாக கூறிய ஒருவருடன் நட்பாக பழகி வந்திருக்கிறார். அவரிடம் தனக்கு வேலையில்லாததையும், தன் குடும்ப சூழ்நிலையையும் கூறி தனக்கு வேலை வாங்கித் தரும்படி  கோரிக்கை வைத்திருக்கிறார். அவரும் நிச்சயம் உனக்கும் வங்கி ஒன்றில் வேலை வாங்கித் தருகிறேன். வேலையில் சேர்வது தொடர்பாக  நீ டேராடூன் வரை வரவேண்டி இருக்கும். என் நண்பன் உன்னை டேராடூன் அழைத்து வருவான் என, தனது நண்பர் ஒருவரை அறிமுகப்படுத்தி  இருக்கிறார். பாலியல் வன்கொடுமை

அந்த பெண்ணும் வங்கியில் வேலை கிடைத்து விடும் என்ற நம்பிக்கையில் டேராடூன் வருவதாக ஒப்புக் கொண்டுள்ளார். இருவரும் இணைந்து டேராடூன் சென்றுள்ளனர். ஆனால் அந்த நபர் சில காரணங்களை கூறி டேராடூனில் தற்பொழுது சந்திக்க இயலாது. மீண்டும் உத்திரபிரதேசத்திற்கு  திரும்பி வரும்படி கூறியிருக்கிறார்.  உத்திரபிரதேசம் திரும்பிய அவர்கள், ஷாம்லி நகரில் உள்ள தனியார் ஓட்டல் ஒன்றில் சந்தித்து பேசி இருக்கின்றனர். அப்பொழுது மயக்க மருந்து கலந்த கூல்ட்ரிங்க்ஸ் -ஐ அந்தப் பெண்ணுக்கு கொடுத்து இருக்கின்றனர். அந்த பெண் மயங்கியதும்  ஓட்டலுக்கு அழைத்து சென்று நண்பர்கள் இருவரும் கூட்டு பாலியல் வன்கொடுமை செய்திருக்கின்றனர்.

மயக்கம் தெளிந்ததும் , தனக்கு நடந்த கொடுமைகளை அறிந்த அப்பெண் உத்திரப்பிரதேச காவல் நிலையத்தில் அது குறித்து புகார் அளித்திருக்கிறார்.  பெண் அளித்த புகாரின் பேரில் காவல்துறையினர் வழக்கு பதிவு செய்து விசாரணை செய்து வருகின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T8NZPb

Read More

Tamil News Live Today: மேற்கு வங்கத்தில் பயணிகள் ரயிலும் சரக்கு ரயிலும் மோதி விபத்து!

மேற்கு வங்கத்தில் பயணிகள் ரயிலும் சரக்கு ரயிலும் மோதி விபத்து!



#WATCH | Goods train rams into Kanchenjunga Express train in Darjeeling district in West Bengal, several feared injured

Details awaited. pic.twitter.com/8rPyHxccN0— ANI (@ANI) June 17, 2024




மேற்கு வங்கம் மாநிலம் டார்ஜிலிங் மாவட்டத்தில் கஞ்சன்ஜங்ஜா விரைவு ரயிலும் சரக்கு ரயிலும் மோதி விபத்துக்குள்ளானது. இந்த விபத்தில் சில பெட்டிகள் தடம் புரண்டுள்ளது. இந்த விபத்தில் பலர் காயம் அடைந்திருக்கலாம் என்று சொல்லப்படுகிறது.

இது குறித்து மேற்கு வங்க முதல்வர் மம்தா பானர்ஜி, ``டார்ஜிலிங் மாவட்டத்தில் உள்ள ஃபன்சிடேவா பகுதியில் நடந்த பயங்கர ரயில் விபத்து குறித்து அறிந்து அதிர்ச்சி அடைந்தேன். கஞ்சன்ஜங்கா எக்ஸ்பிரஸ் சரக்கு ரயிலில் மோதியதாக கூறப்படுகிறது. மீட்பு, மீட்பு மற்றும் மருத்துவ உதவிக்காக டிஎம், எஸ்பி, மருத்துவர்கள், ஆம்புலன்ஸ்கள் மற்றும் பேரிடர் குழுக்கள் சம்பவ இடத்திற்கு விரைந்துள்ளன. போர்க்கால அடிப்படையில் நடவடிக்கை தொடங்கப்பட்டுள்ளது.” எனத் தெரிவித்துள்ளார்.


http://dlvr.it/T8NDyZ

Read More

கார்ட்டூன்

http://dlvr.it/T8Md6J

Read More

`அரசியலமைப்பு சட்டத்தை முத்தமிட வேண்டிய இக்கட்டில் பிரதமர் மோடி; ஸ்டாலினே அதற்கு காரணம்!' - ஆ.ராசா

நடந்து முடிந்த நாடாளுமன்றத் தேர்தலில் நீலகிரி தனி தொகுதியில் தி.மு.க சார்பில் மூன்றாவது முறையாக எம்.பி-யாகத் தேர்வாகியிருக்கிறார்‌ ஆ.ராசா. இவர், தன்னை எதிர்த்துப் போட்டியிட்ட பா.ஜ.க வேட்பாளர் எல்.முருகனை தோற்கடித்து, 2.4 லட்சம் வாக்குகள் வித்தியாசத்தில் வெற்றி பெற்றார். ஆ.ராசா

வெற்றிபெறச் செய்த மக்களுக்கு நன்றி தெரிவிக்கும் விதமாக நீலகிரி மாவட்டத்தின் குன்னூர், ஊட்டி, கூடலூர் ஆகிய பகுதிகளில் கட்சி நிர்வாகிளைச் சந்தித்து வாழ்த்துப் பெற்றும் , பொது இடங்களில் உரை நிகழ்த்தியும் வருகிறார், ஆ.ராசா.

இன்று மதியம் ஊட்டி சேரிங்கிராஸ் காந்தி சிலை பகுதிக்கு வருகைத் தந்த ஆ.ராசாவிற்கு, தொண்டர்கள் வரவேற்பு அளித்தனர். அதைத் தொடர்ந்து பேசிய எம்‌.பி ஆ.ராசா, "நாற்பதுக்கு நாற்பது என்ற நமது இலக்கை தமிழ்நாட்டில் மக்கள் சாத்தியப்படுத்திக் கொடுத்திருக்கிறார்கள். இந்தியாவில் வேறு எந்த மாநிலத்திலும் இல்லாத வெற்றி இது. மற்ற மாநிலங்களில் ஒரு இடத்தையாவது மற்றவர்கள் பிடித்திருக்கிறார்கள். பெரியார், அண்ணா, கலைஞர் உருவெடுத்த திராவிட தத்துவ மண் என்பதை மக்கள் புரிய வைத்திருக்கிறார்கள். இந்த வெற்றி முதல்வர் ஸ்டாலினுக்கும் திராவிட மாடல் ஆட்சிக்கும் கிடைத்த வெற்றி. ஆ.ராசா

இந்த தேர்தலில் இந்தியா கூட்டணி வெற்றி பெற வேண்டும் என விரும்பினோம். ஆனால், கொஞ்சம் தள்ளிப்போயிருக்கிறது. பா.ஜ.க-வின் சர்வாதிகாரத்தை தடுக்கும் வலிமையோடு எதிர் அணியில் இருக்கிறோம். மோடியின் பிம்பம் உடைக்கப்பட்டிருக்கிறது. மதிக்க மாட்டோம் என சொல்லிக் கொண்டிருந்த இந்திய அரசியலமைப்புச் சட்டத்தை முத்தமிட வேண்டிய இக்கட்டிற்கு மோடியை தள்ளிய பெருமை தி.மு.க தலைவரும் தமிழ்நாடு முதலமைச்சருமான ஸ்டாலினையேச் சேரும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbEVM: ``மின்னணு வாக்குப்பதிவு இயந்திரம் ஒரு `கருப்பு பெட்டி' " - Elon Musk கருத்துக்கு ராகுல் ஆதரவு!


http://dlvr.it/T8Lgmd

Read More

`வெற்றி, தோல்வி என்பது மாறி மாறித்தான் வரும்..!' - எடப்பாடி பழனிசாமி

"ஈரோடு கிழக்கு போலவே விக்கிரவாண்டி இடைத்தேர்தலும் நடைபெறும் என்பதால், அதிமுக விக்கிரவாண்டி இடைத்தேர்தலில் போட்டியிடவில்லை..." என்று அந்தக் கட்சியின் பொதுச்செயலாளர் எடப்பாடி பழனிசாமி மீண்டும் தெரிவித்துள்ளார்.எடப்பாடி பழனிசாமி | விக்கிரவாண்டி இடைத்தேர்தல்

அகில இந்திய ஃபார்வர்டு பிளாக் கட்சியின் மாநிலத் தலைவர் பி.வி.கதிரவன் இல்ல திருமண விழாவில் கலந்துகொண்ட அதிமுக பொதுச்செயலாளர் எடப்பாடி பழனிசாமி, பின்னர் செய்தியாளர்களிடம் பேசும்போது, ``அதிமுக எழுச்சியோடு வலிமையோடு உள்ளதை இந்நேரத்தில் சுட்டிக்காட்டுகிறேன்.." என்றவரிடம்,

"விக்கிரவாண்டி தேர்தல் புறக்கணிப்பு என்பது பாஜக-வுக்கு ஆதரவாக எடுத்த முடிவு என்று ப.சிதம்பரம் கூறியுள்ளாரே?" என்றதற்கு,எடப்பாடி பழனிசாமி

``விக்கிரவாண்டி இடைத்தேர்தலில் போட்டியிடாதது அதிமுக எடுத்திருக்கும் முடிவு, அதிமுக-வுக்கும் ப.சிதம்பரத்திற்கும் என்ன சம்பந்தம்... அவருடைய கட்சியில் எடுக்கப்பட்ட முடிவல்ல.

திமுக ஆட்சிக்கு வந்தவுடன் ஈரோடு கிழக்கு சட்டமன்ற இடைத்தேர்தலில் நடந்தவை உங்களுக்கெல்லாம் தெரியும். ஈரோடு கிழக்கு இடைத்தேர்தலில் ஜனநாயக படுகொலை நடைபெற்றது. வாக்காளர்களை ஆடு, மாடுகளை போல் அடைத்து வைத்து திமுக கொடுமைப்படுத்தியது. தேர்தல் ஆணையம், காவல்துறை, அரசு அதிகாரிகள் கண்டுகொள்ளாமல் மாநில அரசுக்கு துணை போனார்கள். இடைத்தேர்தலில் அமைச்சர்கள் முகாமிட்டு ஆட்சி அதிகாரம், பண பலத்தை பயன்படுத்தி அதிகமான பரிசு பொருள் கொடுத்து தேர்தலில் தில்லுமுல்லு செய்தனர்.

ஈரோடு கிழக்கு போலவே விக்கிரவாண்டி இடைத்தேர்தலும் நடைபெறும் என்பதால், அதிமுக போட்டியிடவில்லை.

விழுப்புரம் நாடாளுமன்ற தொகுதிக்குட்பட்ட விக்கிரவாண்டியில் அதிமுக-வுக்கு 6,000 வாக்குகள்தான் குறைவாக கிடைத்தது. விக்கிரவாண்டியில் அதிக வாக்குகள் பெற திமுக-வினர் ஆட்சி அதிகாரத்தை பயன்படுத்தி பணத்தை வாரி இரைப்பார்கள், பூத் வாரியாக அமைச்சர்கள் நியமிக்கப்பட்டு பணத்தை கொடுப்பார்கள், விக்கிரவாண்டியில் ஜனநாயக படுகொலை நடைபெறும், சுதந்திரமாக மக்கள் வாக்களிக்க முடியாது, ஆகவேதான் விக்கிரவாண்டி தேர்தலை அதிமுக புறக்கணித்துள்ளது.டாக்டர் சரவணன் இல்லத்தில்

விக்கிரவாண்டி இடைத்தேர்தல் புறக்கணிப்புக்கு வேறு எந்த காரணமும் இல்லை, ஈரோடு கிழக்கில் கூட்டணி கட்சிக்காக 36 அமைச்சர்கள், பட்டியில் அடைத்து வைத்ததுபோல வாக்காளர்களை அடைத்து வைத்திருந்தனர். வாக்காளர்களை விடுவிக்கவில்லை என்றால், நானே நேரில் வருவேன் என சொன்ன பிறகு வாக்காளர்களை ஊர் ஊராக அழைத்துச் சென்றனர்.

2019-ல் நடைபெற்ற நாடாளுமன்றத் தேர்தலில் திமுக 38 இடங்களைப் பிடித்தது, 2021-ல் நடைபெற்ற சட்டமன்றத் தேர்தலில் திமுக 200 இடங்களை பிடிக்கும் எனக் கூறினார்கள். ஆனால், அந்த தேர்தலில் அதிமுக 75 இடங்களை பிடித்தது, ஆகவே சட்டமன்றத் தேர்தல் வேறு, நாடாளுமன்றத் தேர்தல் வேறு என தேர்தல்களை பிரித்து பார்த்துதான் மக்கள் வாக்களிக்கிறார்கள்.

2019 நாடாளுமன்றத் தேர்தலில் திமுக வெற்றி பெற்றாலும் நிலக்கோட்டையில் நடைபெற்ற இடைத்தேர்தலில் அதிமுக வெற்றி பெற்றது. தமிழ்நாட்டு மக்களைப் பொறுத்தவரை மத்தியில் யார் ஆட்சிக்கு வர வேண்டும், மாநிலத்தில் யார் ஆட்சிக்கு வர வேண்டும் என பிரித்துப் பார்த்து சிந்தித்துப் பார்த்துதான் வாக்களிக்கிறார்கள்.

2014-ல் நடைபெற்ற நாடாளுமன்றத் தேர்தலில் திமுக மிகக் குறைவான இடங்களில் வெற்றி பெற்றது. ஆனால், அடுத்தடுத்த தேர்தலில் வெற்றி பெற்று ஆட்சிக்கு வரவில்லை, அதுபோலத்தான் மாறி மாறி வெற்றி தோல்விகள் கிடைக்கும், அரசியல் கட்சிகளை பொறுத்த அளவுக்கு எல்லா தேர்தலிலும் வெற்றி பெற்றதாக சரித்திரம் கிடையாது, வெற்றி, தோல்வி என்பது மாறி மாறித்தான் வரும்,

2026-ல் அதிமுக தலைமையிலான கூட்டணி அதிக இடங்களில் வெற்றி பெற்று தனி பெரும்பான்மையுடன் ஆட்சி அமைக்கும்" என்றார்.

பின்பு, மதுரை டாக்டர் சரவணனின் தாயார் மறைவுக்கு ஆறுதல் கூற அவர் வீட்டுக்குச் சென்றார் எடப்பாடி பழனிசாமி.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbஇபிஎஸ்-க்கு ஸ்டாலின் சவால்; பாலு, கனிமொழி... வணக்கம் மிஸ்ஸிங் - கோவை திமுக முப்பெரும் விழா ஹைலைட்ஸ்!


http://dlvr.it/T8LgXr

Read More

Wait & Watch: MODI-யிடம் வேலையைக் காட்டத் தயாராகும் நிதிஷ் குமார் & சந்திரபாபு நாயுடு? - IPS PODCAST

http://dlvr.it/T8LRSG

Read More