இடமாற்றம் செய்யப்பட்ட அலுவலக கண்காணிப்பாளர்; சர்ச்சையில் கோட்டாறு அரசு ஆயுர்வேத மருத்துவக் கல்லூரி!

தமிழ்நாட்டின் ஒரேயொரு அரசு ஆயுர்வேத மருத்துவக் கல்லூரி மருத்துவமனை நாகர்கோவில் கோட்டாரில் அமைந்துள்ளது. மண்டைக்காடு பகுதியைச் சேர்ந்த நோயாளி ஒருவர் இங்கு உள் நோயாளியாக தங்கி சிகிச்சைப் பெற்று வந்த நிலையில்,  டி.என்.பி.எஸ்.சி தேர்வு எழுதச் சென்றுள்ளார். பின்னர் அவரை மருத்துவமனையில் தொடர் சிகிச்சைக்கு அனுமதிக்கவில்லை என்ற புகார் எழுந்தது. அந்த புகாரின் அடிப்படையில் மருத்துவமனை பொறுப்பு ஆர்.எம்.ஓ சுப்ரஜா சஸ்பெண்ட் செய்யப்பட்டிருந்தார். பின்னர் சென்னையில் இருந்து உயர் அதிகாரிகள் நடத்திய விசாரணையில் சம்பவம் நடந்த அன்று ஆர்.எம்.ஓ விடுமுறையில் இருந்தது தெரியவந்துள்ளது. மேலும், இந்த விவகாரத்தில் பிரச்னை பெரிதாக்கப்பட்டுள்ளது எனவும் தெரியவந்துள்ளது. இதையடுத்து பொறுப்பு ஆர்.எம்.ஓ சுப்ரஜா-வின் சஸ்பெண்ட் நடவடிக்கை ரத்து செய்யப்பட்டது. மீண்டும் அவர் பணியில் இணைந்தார். இந்த நிலையில் கோட்டாறு அரசு ஆயுர்வேத மருத்துவமனை அலுவலக கண்காணிப்பாளரான கிஷோர் என்பவர் மீது சில புகார்கள் சென்றதை அடுத்து, அவர் தூத்துக்குடி சித்த மருத்துவ அலுவலகத்துக்கு இடமாற்றம் செய்யப்பட்டுள்ளார். ஆனால், இந்திய மருத்துவம் மற்றும் ஓமியோபதி துறை ஆணையரின் இடமாற்ற உத்தரவை பொருட்படுத்தாமல் அவர் தொடர்ந்து கோட்டாறு ஆயுர்வேத மருத்துவமனையிலேயே பணிபுரிந்துவருவதாக கூறப்படுகிறது.கோட்டாறு அரசு ஆயுர்வேத மருத்துவக் கல்லூரி மருத்துவமனை

இதுகுறித்து மருத்துவர்கள் தரப்பில் கூறுகையில், "இடமாற்றம் செய்யப்பட்டுள்ள அலுவலக கண்காணிப்பாளர் மீது இதற்கு முன்பும் சில மோசமான குற்றச்சாட்டுகள் எழுந்து, நடவடிக்கைகளுக்கு ஆளாகி உள்ளார். சில புகாரின் அடிப்படையில் திருச்சிக்கு இடமாற்றம் செய்யப்பட்டவர், சிலரை பிடித்து கோட்டாறு அரசு ஆயுர்வேத மருத்துவமனைக்கு பணிக்கு வந்துள்ளார். மருத்துவமனையில் சில பிரச்னைகளுக்கு அவரும் காரணமாக இருந்ததால், விசாரணையின் அடிப்படையில் இந்திய மருத்துவம் மற்றும் ஓமியோபதி துறை ஆணையரால் தூத்துக்குடிக்கு இடமாற்றம் செய்யப்பட்டார். ஆனாலும், அந்த ஆணையை மதிக்காமல் தொடர்ந்து கோட்டாரில் பணி செய்கிறார். அதற்கு என்ன காரணம், அவர் பின்னணியில் யார் இருக்கிறார்கள் என்பது தெரியவில்லை" என்றனர்.ஆயுர்வேத மருத்துவ கல்லூரி

இது குறித்து அலுவலக கண்காணிப்பாளர் கிஷோர் கூறுகையில், "நான் இங்கு வந்து 2 ஆண்டுகள்தான் ஆகிறது. இங்கு பனிப்போர் நடக்கிறது. ஏற்கெனவே ஆர்.எம்.ஓ ஒருவர் சஸ்பெண்ட் செய்யப்பட்ட நடவடிக்கையின் பழிவாங்கும் விதமாக என்னை பணியிட மாற்றம் செய்துள்ளனர். நிர்வாக காரணம் என பணியிட மாற்றத்தில் கூறியுள்ளனர். பணியிட மாற்றம் செய்த ஆணையர் ஓய்வுபெற்றுவிட்டார். இனி புதிய ஆணையர் பதவியேற்ற பின்னர் எந்தமாதிரியான முடிவு எடுக்கிறார் என்பதற்காக கோட்டாரிலேயே பணியை தொடர்கிறேன். என்மீது ஏற்கெனவே எடுக்கப்பட்ட நடவடிக்கை கோர்ட்டில் ஸ்டேயில் கிடக்கிறது. அதற்கும் இந்த பணியிட மாற்றத்துக்கும் எந்த சம்பந்தமும் இல்லை" என்றார்.ஆம்ஸ்ட்ராங் கொலை: `அரசியல் பின்புலம் இருக்கிறது; இது திராவிட மாடலா... கொலை மாடலா?' - தமிழிசை காட்டம்


http://dlvr.it/T9Gqxs

Read More

ஆம்ஸ்ட்ராங் கொலை: `அரசியல் பின்புலம் இருக்கிறது; இது திராவிட மாடலா... கொலை மாடலா?' - தமிழிசை காட்டம்

பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் வெட்டி படுகொலை செய்யப்பட்ட சம்பவம், பெரும் அதிர்வலைகளை ஏற்படுத்தியிருக்கிறது. அவரது உடலுக்கு உறவினர்கள், நண்பர்கள், அரசியல் கட்சித் தலைவர்கள் எனப் பலரும் இறுதி அஞ்சலி செலுத்தினர். அவரது உடலுக்கு பா.ஜ.க நிர்வாகியும், முன்னாள் ஆளுநருமான தமிழிசை சௌந்தரராஜன் அஞ்சலி செலுத்தினார்.ஆம்ஸ்ட்ராங் கொலை வழக்கில் கைதனவர்கள்

அதைத் தொடர்ந்து செய்தியாளர்களிடம் பேசியவர், ``இந்த இழப்பு நிரப்ப முடியாத வெற்றிடத்தை ஏற்படுத்தியிருக்கிறது. மிகுந்த மானவேதனையாக இருக்கிறது. தமிழ்நாட்டில் என்னதான் நடந்துகொண்டிருக்கிறது... இந்த வடசென்னையில், கூலிப்படையை வைத்து நடக்கும் அரசியல் கொலைகள் அதிகரித்துவிட்டன. இதில் அரசியல் பின்புலம் இல்லை என இப்போதே அதிகாரிகள் கூறத் தொடங்கிவிட்டனர். இதை யார் தீர்மானம் செய்து தீர்ப்பு கூறுவது... தமிழ்நாட்டில் போலி சரக்குகளும், போலி சரண்டர்களும் அதிகரித்துவிட்டன. இன்னும் இந்த கொலையில் சம்பந்தப்பட்ட உண்மையான குற்றவாளிகள் பிடிபடவில்லை.

மிகவும் பலம்வாய்ந்த குற்றவாளிகள், சிறையிலிருந்தே குற்றத்தை செய்துகொண்டிருக்கிறார்கள். இதை அரசு ஊக்கப்படுத்திக் கொண்டிருக்கிறது. இது திராவிட மாடலா.. தினம் ஒரு கொலை மாடலா என்று எனக்கு தெரியவில்லை. நியாயம் கிடைக்க வேண்டும். இது மிகவும் தீவிரமாக எடுத்துக்கொள்ளப்பட வேண்டிய ஒன்று. சிபிஐ விசாரணை தேவை. திருநெல்வேலியில், கூட்டணிக் கட்சியை சேர்ந்தவர் கொலை செய்யப்பட்டார். அந்தக் குற்றவாளிகளையே இன்னும் கண்டுபிடிக்க முடியவில்லை. நேற்று முன்தினம் அ.தி.மு.க-வை சேர்ந்தவர், நேற்று வி.சி.க-வை சேர்ந்தவர், இன்று பா.ம.க-வை சேர்ந்தவர் வெட்டப்பட்டிருக்கிறார்தமிழிசை

அரசியல் கொலைகள் அதிகரித்திருக்கிறது. ஆம்ஸ்ட்ராங்க் அவர்களின் இறுதி உரையை கேட்டால், அதில் ஆளும் கட்சியையும், முதல்வரையும், முதல்வரின் மகனையும் கடுமையாக சாடியிருக்கிறார். 'நம்மை அந்தக் கட்சியில் சேர்க்க வேண்டும் எனத் திட்டமிடுகிறார்கள். நாம் அதில் சேரக் கூடாது' எனப் பேசுகிறார். எனவே, இந்தக் கொலையில் அரசியல் பின்புலம் இருக்கிறது. முதலமைச்சரின் தொகுதியும் இந்த வட சென்னையில்தான் இருக்கிறது.

ஆனால் இந்த வடசென்னை, பல ஆராஜகத்துக்கு புகழிடமாக இருக்கிறது. இனியும் முதல்வர் தூங்குவதில் அர்த்தமில்லை. கள்ளக்குறிச்சிக்கு செல்லாதவர், இங்கு வராதவர்தான் இப்போதைய முதல்வர். இனி தீவிர நடவடிக்கை எடுக்க வேண்டும். இதுதான் அரசியல் கொலையில் இறுதியானதாக இருக்க வேண்டும்." எனக் குறிப்பிட்டிருக்கிறார்.ஆம்ஸ்ட்ராங் கொலை: `தமிழ்நாட்டில் சட்ட ஒழுங்கு இல்லை... சிபிஐ விசாரணை வேண்டும்' - மாயாவதி


http://dlvr.it/T9GqkW

Read More

Armstrong: `திருவள்ளூர் மாவட்டம், பொத்துரில் ஆம்ஸ்ட்ராங் உடலை அடக்கம் செய்துகொள்ளலாம்!' - நீதிமன்றம் | Live Updates

`திருவள்ளூர் மாவட்டம், பொத்துரில் ஆம்ஸ்ட்ராங் உடலை அடக்கம் செய்துகொள்ளலாம்!' - நீதிமன்றம்



``திருவள்ளூர் மாவட்டம், செங்குன்றம் அருகிலுள்ள பொத்துரில் ஆம்ஸ்ட்ராங் குடும்பத்துக்குச் சொந்தமான இடத்தில, அவரின் உடலை அடக்கம் செய்துகொள்ளலாம். அதேபோல பெரம்பூரில் பகுஜன் சமாஜ் கட்சி அலுவலக இடத்தில், அரசு அனுமதியுடன் நினைவு மண்டபம் கட்டிக் கொள்ளலாம். அதில் எந்தப் பிரச்னையும் இல்லை." - ஆம்ஸ்ட்ராங்கின் உடலை பெரம்பூரில் உள்ள கட்சி அலுவலகத்தில் அடக்கம் செய்யக் கோரி அவரது மனைவி பொற்கொடி தாக்கல் செய்த மனுவின் விசாரணையில், நீதிபதி பவானி சுப்பராயன்!ஆம்ஸ்ட்ராங்: மாயாவதி, திருமா `டு' பா.ரஞ்சித், வெற்றிமாறன்.. அஞ்சலி செலுத்திய தலைவர்கள் & தொண்டர்கள்!

`பட்டியலின தலைவர்களுக்கு தமிழ்நாடு அரசு பாதுகாப்பை உறுதி செய்ய வேண்டும்.' - திருமாவளவன்



`ஆம்ஸ்டராங் கொலை சகித்துகொள்ள முடியாதது. இது ஒரு கோழைத்தனம். பட்டப்பகலில், ஒரு கட்சியின் தலைவர் கொலை செய்யப்பட்டிருக்கிறார். தேசியக் கட்சித் தலைவர்கள் ராகுல் காந்தி, பா.ஜ.க தலைவர்கள் கண்டனம் தெரிவித்திருக்கிறார்கள். 17 ஆண்டுகள் பகுஜன் சமாஜ் கட்சிகாக சேவையாற்றியிருறார். மாயாவதியின் நம்பிக்கைக்கு பாத்திரமானவர். சமூக நல்லிணக்கத்துக்கு முக்கியதுவம் கொடுத்தவர். பௌத்தம் தான் மாற்று அரசியல் வழி என்பதை வலியுறுத்தியவர். இவருடைய இழப்பு தலித் அரசியலுக்கு பெரும் இழப்பு. தொடர்பே இல்லாத ஒரு வழக்கில் தொடர்புபடுத்தி, தற்போது அவரை கொலை செய்திருக்கிறார்கள். இன்னும் உண்மையான குற்றவாளிகள் கைது செய்யப்படவில்லை. தமிழ்நாட்டில் இதுபோன்ற தலித் தலைவர்கள் தொடர்ந்து கொலை செய்யப்படுவது கவலையளிக்கிறது. தமிழ்நாடு அரசு உண்மையான குற்றவாளிகளை, கூலிப்படை தலைவர்களை, அவர்களை இயக்கியவர்களை கண்டுபிடித்து தண்டிக்க வேண்டும். ஆம்ஸ்டராங் இழப்பு ஈடுசெய்ய முடியாதது. பட்டியலின தலைவர்களுக்கு தமிழ்நாடு அரசு பாதுகாப்பை உறுதி செய்ய வேண்டும்.' - திருமாவளவன்

``உண்மையான குற்றவாளிகள் யார் என்பதை விரைந்து தமிழ்நாடு அரசு கண்டுபிடிக்க வேண்டும். இந்த வழக்கில் உடனடியாக சிபிஐ விசாரணை வேண்டும். மிகுந்த அர்ப்பணிப்புடன் தமிழ்நாட்டில் பகுஜன் சமாஜ் கட்சியை வளர்த்தவர். எனவே தமிழ்நாடு அரசு எங்களுக்கு நியாயம் வழங்க வேண்டும். சட்டத்தை யாரும் கையில் எடுக்க வேண்டாம். பட்டியலின மக்களுக்கு தமிழ்நாடு அரசு பாதுகாப்பு வழங்க வேண்டும். ஆம்ஸ்டராங் குடும்பத்துக்கு பகுஜன் சமாஜ் கட்சி எப்போதும் உறுதுணையாக இருக்கும்." - மாயாவதி

Armstrong: `ஆம்ஸ்ட்ராங் கொலையில் உண்மைக் குற்றவாளிகள் இன்னும் கைதாகவில்லை!' - மாயாவதி



``தமிழகத்தில் சட்டம் ஒழுங்கு இல்லை. ஆம்ஸ்டராங் கொலையில் தொடர்புடைய உண்மையான குற்றவாளிகள் இன்னும் கைதுசெய்யப்படவில்லை, அரசு தீவிரமாக செயல்பட்டிருந்தால், உண்மையான குற்றவாளிகளை கண்டுபிடித்திருக்கலாம்." - மாயாவதி

`புத்தர் காட்டிய வழியில் வாழ்ந்தவர் ஆம்ஸ்ட்ராங்!' - மாயாவதி



``ஆம்ஸ்டராங் மறைவு செய்தி கேட்டு, மிகுந்த மன வேதனை அடைந்தேன். புத்தர் காட்டிய மனிதாபிமான வழியில் வாழ்ந்தவர் ஆம்ஸ்டராங்!" - மாயாவதி

ஆம்ஸ்ட்ராங் மனைவிக்கு ஆறுதல் தெரிவித்த மாயாவதி!

Armstrong: ஆம்ஸ்ட்ராங் - மாயாவதி

பெரம்பூர் பந்தர் கார்டன் பள்ளியில் இருக்கும் ஆம்ஸ்டராங் உடலுக்கு பகுஜன் சமாஜ் கட்சித் தலைவர் மாயாவதி அஞ்சலி செலுத்தினார். அதைத் தொடர்ந்து, ஆம்ஸ்ட்ராங் மனைவிக்கு ஆறுதல் தெரிவித்தவர், தற்போது தொண்டர்களிடையே உரையாற்றி வருகிறார்!

ஆம்ஸ்ட்ராங் உடலுக்கு மாயாவதி நேரில் அஞ்சலி!



ஆம்ஸ்ட்ராங் உடல் அடக்கம் செய்யப்படுவது எங்கே? - நீதிமன்றத்தில் வாதம்!



ஆம்ஸ்ட்ராங் உடல், செம்பியம் பகுதியில் உள்ள பந்தர் கார்டன் மாநகராட்சி பள்ளியில் அஞ்சலிக்காக வைக்கப்பட்டுள்ளது.

இந்நிலையில், ஆம்ஸ்ட்ராங்கின் உடலை பெரம்பூரில் உள்ள கட்சி அலுவலகத்தில் அடக்கம் செய்யக் கோரி அவரது மனைவி பொற்கொடி உயர் நீதிமன்றத்தில் மனுத்தாக்கல் செய்துள்ளார். இந்த மனு நீதிபதி பவானி சுப்பராயன் முன்பு இன்று 9 மணிக்கு விசாரணைக்கு வந்தது. அப்போது, ஆம்ஸ்டிராங்கை அடக்கம் செய்ய வேறு நல்ல இடத்தை கூறுங்கள் என வழக்கு விசாரணையை 10.30 மணிக்கு ஒத்திவைத்தார் நீதிபதி பவானி சுப்பராயன், 12 மணிக்கு பதிலளிப்பதாக ஆர்ம்ஸ்ட்ராங் மனைவி பொற்கொடி தரப்பு முறையீடு செய்தது. இதற்கிடையில், `கட்சி அலுவலகம் குடியிருப்பு நிறைந்த பகுதி. வீட்டில் இருந்து 1.5 கிமீ தூரத்தில் 2000 சதுர அடியில் மாநகராட்சி ஒரு இடத்தை தேர்வு செய்துள்ளது. அங்கு அடக்கம் செய்யலாம்' என அரசுத் தரப்பு வாதம் செய்தது.

Armstrong: ஆம்ஸ்ட்ராங் - உடலுக்கு அஞ்சலி செலுத்தும் பொதுமக்கள்!



Armstrong: ஆம்ஸ்ட்ராங் - உடலுக்கு அஞ்சலி செலுத்தும் பொதுமக்கள்!



ஆம்ஸ்ட்ராங்கின் உடலை கட்சி அலுவலகத்தில் அடக்கம் செய்யக் கோரி மனு; 9 மணிக்கு விசாரிக்கும் நீதிபதி!



சென்னை பெரம்பூரில் வெட்டிப் படுகொலை செய்யப்பட்ட பகுஜன் சமாஜ் மாநிலத் தலைவர் ஆம்ஸ்ட்ராங் உடல், செம்பியம் பகுதியில் உள்ள பந்தர் கார்டன் மாநகராட்சி பள்ளியில் அஞ்சலிக்காக வைக்கப்பட்டுள்ளது.

இந்நிலையில், ஆம்ஸ்ட்ராங்கின் உடலை பெரம்பூரில் உள்ள கட்சி அலுவலகத்தில் அடக்கம் செய்யக் கோரி அவரது மனைவி பொற்கொடி உயர் நீதிமன்றத்தில் மனுத்தாக்கல் செய்துள்ளார். இந்த மனு நீதிபதி பவானி சுப்பராயன் முன்பு இன்று 9 மணிக்கு விசாரணைக்கு வருகிறது.

Armstrong: ஆம்ஸ்ட்ராங் - நேற்றைய தினம் சென்னை ராஜீவ் காந்தி அரசு மருத்துவமனைக்கு வந்திருந்த அரசியல் தலைவர்கள்!



Armstrong: ஆம்ஸ்ட்ராங் உடலுக்கு அரசியல் தலைவர்கள், பொதுமக்கள் அஞ்சலி; இன்று சென்னை வருகிறார் மாயாவதி! | Live



பகுஜன் சமாஜ் கட்சியின் தமிழ்நாடு தலைவர் ஆம்ஸ்ட்ராங் கடந்த வெள்ளிக்கிழமை மாலை, பெரம்பூரில் பைக்கில் வந்த மர்ம நபர்களால் வெட்டி சாய்க்கப்பட்டார். பின்னர் உடனடியாக மீட்கப்பட்ட அவர், கிரீம்ஸ் சாலையில் உள்ள தனியார் மருத்துவமனையில் அனுமதிக்கப்பட்டார். ஆனால், அங்குச் சிகிச்சை பலனின்றி அவர் உயிரிழந்துவிட்டார். அதைத் தொடர்ந்து ஆம்ஸ்ட்ராங்கின் உடல் பிரேத பரிசோதனைக்காக ராஜீவ் காந்தி அரசு பொது மருத்துவமனைக்குக் கொண்டு செல்லப்பட்டது. அங்கு பிரேத பரிசோதனை முடிந்து, நேற்றைய தினம் அவருடைய உறவினர்களிடம் ஆம்ஸ்ட்ராங்கின் உடல் ஒப்படைக்கப்பட்டது.ஆம்ஸ்ட்ராங்க் கொலை

அதையடுத்து, அவருடைய அயனாவரம் இல்லத்தில் நேற்றைய தினம் உடல் வைக்கப்பட்டிருந்த நிலையில், தற்போது பெரம்பூர் பந்தர் கார்டன் பள்ளியில் அரசியல் தலைவர்கள், பொதுமக்கள் ஆகியோரின் அஞ்சலிக்காக வைக்கப்பட்டிருக்கிறது. பல்வேறு அரசியல் கட்சித் தலைவர்கள் ஆம்ஸ்ட்ராங்கின் உடலுக்கு நேரில் அஞ்சலி செலுத்தி வருகின்றனர். பகுஜன் சமாஜ் கட்சியின் தேசிய தலைவர் மாயாவதி இன்று ஆம்ஸ்ட்ராங்கின் உடலுக்கு அஞ்சலி செலுத்துவதற்காகச் சென்னைக்கு வருகிறார். பெரம்பூரில் போலீஸார் குவிக்கப்பட்டு, பாதுகாப்பு ஏற்பாடுகள் மேற்கொள்ளப்பட்டிருக்கின்றன.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb`ஆம்ஸ்ட்ராங் கொலையில் யாரும் சரணடையவில்லை; போலீஸார்தான் கைதுசெய்தனர்.!' - காவல் ஆணையர்


http://dlvr.it/T9GbhP

Read More

ஜூலை 23-ம் தேதி மத்திய பட்ஜெட் தாக்கல்... எகிறும் எதிர்பார்ப்புகள்..!

நாடாளுமன்ற தேர்தல் முடிவுகள் வெளியாகி புதிய அரசு பதவியேற்றுள்ள நிலையில், மத்திய பட்ஜெட் எப்போது தாக்கல் செய்யப்படும் என்ற எதிர்பார்ப்பு இருந்தது. தேர்தல் ஆண்டு என்பதால் கடந்த பிப்ரவரி மாதமே இடைக்கால பட்ஜெட் தாக்கல் செய்யப்பட்டது.

இந்த நிலையில், முழு பட்ஜெட் தாக்கல் செய்யப்படுவதற்கான அறிவிப்பு வெளியாகியுள்ளது. இதன்படி, வரும் ஜூலை 23-ம் தேதி மத்திய பட்ஜெட் அறிக்கையை நிதி அமைச்சர் நிர்மலா சீதாராமன் தாக்கல் செய்ய இருக்கிறார்.வருமான வரி முறை

நாடாளுமன்ற பட்ஜெட் கூட்டத்தொடர் ஜூலை 22-ம் தேதி தொடங்கி ஆகஸ்ட் 12-ம் தேதி முடிவடையும் என மத்திய அமைச்சர் கிரண் ரிஜுஜு அறிவித்துள்ளார். பட்ஜெட்டுக்காக நாடாளுமன்றத்தின் இரு அவைகளையும் கூட்டுவதற்கு குடியரசு தலைவர் திரௌபதி முர்மு ஒப்புதல் அளித்துள்ளார்.

மோடியின் மூன்றாவது ஆட்சியின் முதல் பட்ஜெட் என்பதால் அதிக எதிர்பார்ப்புகள் இருக்கின்றன். குறிப்பாக இந்த பட்ஜெட்டில் வருமான வரி சலுகைகள் உள்ளிட்ட பல்வேறு முக்கிய அறிவிப்புகள் வெளியாகும் என எதிர்பார்க்கப்படுகிறது.

பட்ஜெட்டுக்கான அறிவிப்பு அதிகாரப்பூர்வமாக வெளியாகியுள்ள நிலையில், அதற்கான பணிகளில் நிதியமைச்சக அதிகாரிகள் தீவிரமாக இறங்கியுள்ளனர்.அங்கக வேளாண் மையம், மக்காச்சோள ஆராய்ச்சி மையம்... மறைந்த சி.ராமசாமி ஆற்றிய வேளாண் பணிகள்..!


http://dlvr.it/T9GbYk

Read More

Tamil News Live Today: கரூர்: எம்.ஆர்.விஜயபாஸ்கர் தொடர்புடைய இடங்களில் சிபிசிஐடி ரெய்டு!

கும்மிடிப்பூண்டி: வீட்டை இடிக்க மறுப்பு தெரிவித்து தீக்குளித்த இளைஞர் உயிரிழப்பு!

தீக்குளித்த ராஜ்குமார்

கும்மிடிப்பூண்டியில் பட்டா நிலத்திலுள்ள தனது வீட்டை இடிக்கக் கூடாது என மறுப்பு தெரிவித்து தீக்குளித்த ராஜ்குமார் என்ற இளைஞர், இன்று அதிகாலை 4 மணியளவில் சிகிச்சை பலனின்றி உயிரிழந்தார்.

கரூர்: எம்.ஆர்.விஜயபாஸ்கர் தொடர்புடைய இடங்களில் சிபிசிஐடி ரெய்டு!

எம்.ஆர்.விஜயபாஸ்கர்

ரூ.100 கோடி நில மோசடி புகார் தொடர்பாக அதிமுக முன்னாள் அமைச்சர் எம்.ஆர்.விஜயபாஸ்கர் மீது போலீஸார், கொலை மிரட்டல் உட்பட 6 பிரிவுகளில் வழக்கு பதிவுசெய்திருக்கின்றனர். தற்போது விஜயபாஸ்கர் போலீஸாரால் தேடப்பட்டு வருகிறார். அவர் தரப்பில் தாக்கல் செய்யப்பட்ட முன்ஜாமீன் மனுவை, கரூர் மாவட்ட முதன்மை அமர்வு நீதிமன்ற நீதிபதி சண்முகசுந்தரம் தள்ளுபடி செய்து உத்தரவிட்டிருக்கிறார். இந்த நிலையில், கரூரில் எம்.ஆர்.விஜயபாஸ்கர் வீடு, நிறுவனங்கள் என அவர் தொடர்புடைய 10-க்கும் மேற்பட்ட இடங்களில் சிபிசிஐடி அதிகாரிகள் சோதனை மேற்கொண்டு வருகின்றனர். ஏற்கெனவே அவருடைய ஆதரவாளர்கள் தொடர்புடைய இடங்களில் சோதனை நடைபெற்றது குறிப்பிடத்தக்கது.


http://dlvr.it/T9GbPz

Read More

Kanchanjunga Express Collide: `ரயில்வே அமைச்சகத்துக்கு பயணிகள் பற்றி கவலையில்லை!' - மம்தா காட்டம்

மேற்கு வங்கத்தில் இன்று காலை கஞ்சன்ஜங்கா எக்ஸ்பிரஸ் பயணிகள் ரயில்மீது, சரக்கு ரயில் மோதி விபத்தை ஏற்படுத்தியது. இந்த சம்பவத்தில், சரக்கு ரயிலின் லோகோ பைலட், பயணிகள் ரயிலின் காவலர் மற்றும் பயணிகள் என 15 பேர் உயிரிழந்திருக்கின்றனர். 50-க்கும் மேற்பட்டோர் காயமடைந்திருக்கின்றனர்.Kanchanjunga Express Collide

இதில், அரசு ஒருபக்கம் பாதிக்கப்பட்டவர்களுக்கு நிவாரணத்தொகை அறிவிக்க, மறுபக்கம் இந்த விபத்துக்கு மோடி அரசே காரணம் என காங்கிரஸ் உள்ளிட்ட எதிர்க்கட்சிகள் குற்றம்சாட்டிவருகின்றன. இந்த நிலையில், பயணிகள் பற்றி ரயில்வே அமைச்சகத்துக்கு கவலையில்லை என மேற்கு வங்க முதல்வர் மம்தா பானர்ஜி விமர்சித்திருக்கிறார்.

விபத்து தொடர்பாக தனியார் ஊடகத்திடம் பேசிய மம்தா பானர்ஜி, ``ரயில்வே அமைச்சகத்துக்கு பயணிகள் பற்றி கவலையில்லை. ஏன்... ரயில்வே அதிகாரிகள், ரயில்வே பொறியாளர்கள், ரயில்வே தொழில்நுட்ப பணியாளர்கள், தொழிலாளர்கள் பற்றிகூட அவர்கள் கவலைப்படுவதில்லை. அவர்களும் சிக்கலில் இருக்கின்றனர். அவர்களுக்கான பழைய ஓய்வூதியமும் ரத்து செய்யப்பட்டிருக்கிறது.மம்தா பானர்ஜி

எனவே நான் முழுக்க முழுக்க ரயில்வே ஊழியர்கள் மற்றும் ரயில்வே அதிகாரிகள் பக்கம் நிற்கிறேன். அவர்கள் தங்களால் இயன்றவரை முயற்சி செய்கிறார்கள். ஆனால், இந்த அரசு தேர்தலைப் பற்றி மட்டுமே கவலைப்படுகிறது. எப்படி ஹேக் செய்வது, எப்படி சூழ்ச்சி செய்வது, தேர்தலில் எப்படி தில்லு முள்ளு செய்வது என்று மட்டுமே யோசிக்கிறது'' என்று கூறினார்.ராகுல் காந்தி

இன்னொருபக்கம், இந்த விபத்தில் உயிரிழந்தவர்களுக்கு இரங்கல் தெரிவித்த காங்கிரஸ் எம்.பி ராகுல் காந்தி, ``கடந்த 10 ஆண்டுகளில் அதிகரித்துள்ள ரயில்வே விபத்துகள், மோடி அரசின் தவறான நிர்வாகம் மற்றும் அலட்சியப்போக்கின் நேரடி விளைவு. இதனால் நாள்தோறும் பயணிகளின் உயிர் மற்றும் உடைமைகள் பறிபோகிறது. இதற்கு இன்றைய விபத்து மற்றுமொரு உதாரணம். பொறுப்புள்ள எதிர்க்கட்சியாக, இந்த அப்பட்டமான அலட்சியத்தை நாங்கள் தொடர்ந்து கேள்வி எழுப்புவோம் மற்றும் இந்த விபத்துகளுக்கு மோடி அரசைப் பொறுப்பேற்கச் செய்வோம்" என்று ட்வீட் செய்திருக்கிறார்.Kanchanjunga Express Collide: பயணிகள் ரயில்மீது மோதிய சரக்கு ரயில்.. பலியான 15 பேர்! - என்ன நடந்தது?


http://dlvr.it/T8Nyqt

Read More

விக்கிரவாண்டி இடைத்தேர்தல்: ரேஸிலிருந்து பின்வாங்கிய அதிமுக - பின்னணி என்ன?!

விக்கிரவாண்டி சட்டமன்றத் தொகுதியின் தி.மு.க எம்.எல்.ஏ புகழேந்தி உடல்நலக் குறைவு காரணமாக உயிரிழந்ததால், ஜுலை 10-ம் தேதி அங்கு இடைத்தேர்தல் அறிவிக்கப்பட்டிருக்கிறது. தி.மு.க சார்பில் மாநில விவசாயத் தொழிலாளர் அணியின் செயலாளர் அன்னியூர் சிவா களமிறக்கப்பட்டிருக்கிறார். `இடைத்தேர்தல்கள் நேரம், காலம் மற்றும் பொருள்களை விரயமாக்கும் செயல்’ என்று 13 ஆண்டுகளாக கூறி வந்த பா.ம.க, இந்த தேர்தலில் தேசிய ஜனநாயகக் கூட்டணி சார்பில் வன்னியர் சங்கத்தின் துணைத் தலைவர் சி.அன்புமணியை வேட்பாளராக அறிவித்திருக்கிறது. அதேபோல மாநிலக் கட்சி என்ற அங்கீகாரத்திற்குப் பின், இங்கு முதல் தேர்தலைச் சந்திக்கிறது நாம் தமிழர் கட்சி.எடப்பாடி பழனிசாமி

ஆனால் எதிர்பாராத திருப்பமாக, அ.தி.மு.க மற்றும் தே.மு.தி.க இந்த தேர்தலைப் புறக்கணிப்பதாக அறிவிக்க, அங்கு மும்முனைப் போட்டி ஏற்பட்டிருக்கிறது. தொடர் தோல்விகளால் ஏற்பட்டிருக்கும் மன உளைச்சல் என்றும், பா.ம.க-வுக்கு மறைமுக ஆதரவளித்து தி.மு.க-வுக்கு அழுத்தம் கொடுப்பதன் மூலம், 2026-ல் பா.ம.க-வை கூட்டணிக்குள் கொண்டு வரும் முயற்சி என்றும், அ.தி.மு.க-வின் தேர்தல் புறக்கணிப்புக்கு பல்வேறு காரணங்கள் இருக்கின்றன. நேற்றைய தினம் செய்தியாளர்களிடம் இது தொடர்பாகப் பேசிய எடப்பாடி பழனிச்சாமி, ``இந்தத் தேர்தலை அ.தி.மு.க புறக்கணிப்பதற்கு காரணம் இருக்கிறது. இவர்கள் ஈரோடு இடைத்தேர்தலை எப்படி நடத்தினார்கள் என்பது அனைவருக்கும் தெரியும். பணத்தையும், அதிகாரத்தையும் பயன்படுத்தி மக்களைப் பட்டிகளில் அடைத்து வைத்துக் கொடுமைப்படுத்தினர். எனவே இந்தத் தேர்தலில் என்ன நடக்கும் என்பது தெரிந்ததுதான். அதனால்தான், விக்கிரவாண்டி இடைத்தேர்தலை நாங்கள் புறக்கணிக்கிறோம்" என்றார்.

ஆனால், மேற்கூறிய காரணங்களைத் தாண்டி, இன்னொரு முக்கிய காரணமும் இந்த தேர்தல் புறக்கணிப்பு அறிவிப்புக்குப் பின்னணியில் இருக்கிறது என்கின்றனர், அ.தி.மு.க-வினர். அது குறித்து நம்மிடம் பேசிய அக்கட்சியின் சீனியர் லீடர் ஒருவர், ``2021 சட்டமன்றத் தேர்தலின் படுதோல்விக்குப் பிறகு எடப்பாடி பழனிசாமியிடம், மூத்த தலைவர்களுக்கு மனக்கசப்பு ஏற்பட்டுவிட்டது.அதிமுக தலைமை அலுவலகம்

அதன் எதிரொலியாக, நாடாளுமன்றத் தேர்தலுக்கான செலவுகளை யார் ஏற்பது என்பதில் எடப்பாடிக்கும், எங்கள் கட்சியின் மூத்த நிர்வாகிகளுக்கும் பிரச்னை ஏற்பட்டது. மாவட்டச் செயலாளர்கள்தான் செலவுகளைப் பார்க்க வேண்டும் என்று எடப்பாடி தரப்பும், முதல்வராக இருந்தவர்தான் செலவை ஏற்க வேண்டும் என்று மாவட்டச் செயலாளர்கள் தரப்பும் போட்டிப் போட்டதால்தான், பல தொகுதிகளில் நாங்கள் வெற்றி வாய்ப்பை இழந்தோம். விக்கிரவாண்டி இடைத்தேர்தலிலும் அதுதான் நடந்தது. அது தொடர்பாக ராயப்பேட்டை தலைமை அலுவலகத்தில் நடைபெற்ற ஆலோசனைக் கூட்டத்தில், `தேர்தல்களில் தொடர்ச்சியாக தோல்விகளைச் சந்திப்பது கட்சிக்கு நல்லது கிடையாது. அதனால் அம்மா வழியில் இந்த முறை விக்கிரவாண்டி இடைத்தேர்தலைப் புறக்கணித்துவிடலாம்’ என்றார் எடப்பாடி.விக்கிரவாண்டி இடைத்தேர்தல்

ஆனால் அதற்கு ஒப்புக்கொள்ளாத அந்த மாவட்டத்தின் மாஜி அமைச்சர், `இந்த தேர்தலில் நாம் போட்டியிட்டே ஆக வேண்டும்' என்றார். உடனே, `வேட்பாளர் யார் என்பதை மாவட்டச் செயலாளரே கூறட்டும்’ என்றார் எடப்பாடி. அதற்கு, `வேட்பாளர் யார் என்பதை கூறுவதில் பிரச்னை இல்லை. ஆனால் தேர்தல் செலவுகளை யார் பார்ப்பது?’ என்று கேள்வி எழுப்பினார், மாஜி அமைச்சர். அப்போது, `மாவட்டச் செயலாளர்கள்தான் தேர்தல் செலவுகளை பார்த்துக் கொள்ள வேண்டும்’ என்று கூற, அதற்கு மறுப்பு தெரிவித்துவிட்டார் அந்த மாஜி. தொடர்ந்து, `முதல்வர், பொதுச்செயலாளர் பதவிகளுக்கு மட்டும் நீங்கள். செலவு செய்வதற்கு மட்டும் நாங்களா?’ என்று மற்ற மாவட்டச் செயலாளர்களும் அந்த மாஜி அமைச்சருக்கு ஆதரவாக வாக்குவாதத்தில் ஈடுபட்டனர். அதுதான் நாங்கள் தேர்தலைப் புறக்கணிக்க காரணம்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbவிக்கிரவாண்டி இடைத்தேர்தலை புறக்கணித்த அதிமுக - எடப்பாடி கூறும் காரணமென்ன?!


http://dlvr.it/T8NyWN

Read More