`நாங்க முன்னாடி போறோம், நீங்க பின்னாடி வாங்க' - அதிமுக-வில் இணைந்த வைத்திலிங்கம் ஆதரவாளர்கள்!

தஞ்சாவூரைச் சேர்ந்த அறிவுடைநம்பி, கடந்த சட்டமன்றத் தேர்தலில் அ.தி.மு.க சார்பில் தஞ்சாவூர் தொகுதியில் போட்டியிட்டவர். ஆரம்பத்திலிருந்தே அ.தி.மு.க-வில் இருந்த அறிவுடைநம்பி, வைத்திலிங்கத்தின் நம்பிக்கையைப் பெற்று அவரது தீவிர ஆதவாளராக மாறினார். கும்பகோணத்தைச் சேர்ந்தவர் ”ரதிமீனா” சேகர். இவர் மனைவி ரத்னா சேகர் கும்பகோணம் நகராட்சியின் முன்னாள் நகர்மன்றத் தலைவர். ரதிமீனா சேகரும் வைத்திலிங்கத்தின் ஆதரவாளராக வலம் வந்தவர். இந்நிலையில் எடப்பாடி பழனிசாமிக்கு எதிராக அ.தி.மு.க தொண்டர்கள் உரிமை மீட்புக் குழு என தனி அணியாக செயல்பட்டு வரும் ஓ.பன்னீர்செல்வம் அணியில் வைத்திலிங்கம் தலைமையில் அறிவுடைநம்பி, ரதிமீனா சேகர் ஆகியோர் இருந்தனர். அதிமுக-வில் இணைந்த அறிவுடைநம்பி, ரதிமீனா சேகர்

கடந்த சில மாதங்களாகவே வைத்திலிங்கத்தின் செயல்பாடுகளால் இருவரும் அதிருப்தியில் இருந்து வந்ததாகச் சொல்லப்படுகிறது. இந்த நிலையில் அறிவுடைநம்பி, ரதிமீனா சேகர் உள்ளிட்ட முக்கிய நிர்வாகிகள் 500-க்கும் மேற்பட்டோருடன் சேலத்தில் இன்று எடப்பாடி பழனிசாமியைச் சந்தித்து அ.தி.மு.க-வில் இணைந்தனர். இதற்கான ஏற்பாட்டை அ.தி.மு.க முன்னாள் அமைச்சர்களான ஆர்.காமராஜ், ஓ.எஸ்.மணியன் இருவரும் செய்திருந்தனர். தன் ஆதரவாளர்கள் ஓ.பி.எஸ் அணியிலிருந்து விலகி, அ.தி.மு.க-வில் இணைந்தது வைத்திலிங்கம் தரப்பை அப்செட் ஆக்கியுள்ளது.

இது குறித்து அ.தி.மு.க-வைச் சேர்ந்த சிலரிடம் பேசினோம். ``அறிவுடைநம்பி, ரதிமீனா சேகர், ரத்னா சேகர், பொன்.த.மனோகரன், பசுபதிகோயில் முத்து உள்ளிட்ட தஞ்சாவூர் மாவட்டத்தை சேர்ந்த 500க்கும் மேற்பட்டவர்கள் சேலத்தில் எடப்பாடி பழனிசாமி முன்னிலையில் அ.தி.மு.க-வில் இணைந்தனர். அறிவுடைநம்பி, ரதிமீனா சேகர் செல்வதை எப்படியாவது தடுத்து நிறுத்த வேண்டும் என வைத்திலிங்கம் மெனக்கெட்டார். அவர்களிடத்தில் `யாரும் இப்போதைக்கு போகாதீங்க, இன்னும் கொஞ்சம் வெயிட் பண்ணுங்க... நல்ல சேதி வரும்' என்றுள்ளார்.அதிமுக-வில் இணைந்த வைத்திலிங்கம் ஆதரவாளர்கள்

ஆனால் அவர்கள் வைத்திலிங்கம் பேச்சை கேட்கவில்லை. அப்போதும் விடாமல் பேசிய வைத்திலிங்கம், `ஏன் அவசர படுகிறீர்கள் எல்லோரும் ஒன்றாக போய் சேர்ந்தால், பலனடையலாம்' என்றும் சிலரிடத்தில் பேசியுள்ளார். அதற்கு, `நாங்க தி.மு.க போன்ற மாற்றுக்கட்சிக்கு செல்லவில்லை, தாய் கழகத்திற்குத்தான் செல்கிறோம், நாங்க முன்னாடி போறோம், நீங்க பின்னாடி வாங்க'ணு சொன்னதாக பரவலாக பேசப்பட்டது. என்ன சொல்லியும் வைத்திலிங்கத்தால் இணைப்பை தடுக்க முடியவில்லை. இதைத் தொடர்ந்து அறிவுடைநம்பியின் ஆதரவாளரான தாஸிடம், `நான் உன்னை பகுதி கழக செயலாளராக ஆக்குகிறேன், நீ போயிடாதே'னு வைத்திலிங்கம் பேசியதாக தகவல் பரவியது.

இதையறிந்த அறிவுடைநம்பி, `எத்தனை வருடங்கள் வைத்திலிங்கம் கூட நான் உண்மையாக இருந்தேன், ஆனால் எனக்கே துரோகம் செய்கிறாரே'னு வருத்தப்பட்டாராம். இந்நிலையில் 4 மற்றும் 5-ம் தேதிகளில் இணைய இருப்பதாக சொல்லப்பட்ட நிலையில், சில காரணங்களால் அது தள்ளிப்போனது. பின்னர், இன்று சேலத்தில் எடப்பாடி பழனிசாமி முன்னிலையில் அ.தி.மு.க-வில் இணைந்தனர். ஆர்.காமராஜ், ஓ.எஸ்.மணியன் உள்ளிட்ட நிர்வாகிகள் இதற்கான ஏற்பாட்டை செய்தனர். வைத்திலிங்கத்திடம் இருந்த மிக முக்கிய நிர்வாகிகளான அறிவுடைநம்பி, ரதிமீனா சேகர் அ.தி.மு.க-வில் இணைந்திருப்பது, வைத்திலிங்கம் தரப்பை சோர்வடைய செய்திருக்கிறது" என்று தெரிவித்தனர்.

வைத்திலிங்கம் ஆதரவாளர்கள் தரப்பில் பேசினோம், ``அறிவுடைநம்பி உள்ளிட்ட யாரையும் வைத்திலிங்கம் தடுக்கவில்லை. இரண்டு மாதங்களில் கட்சி சேரப்போகிறது அதற்குள் சென்று என்ன பலனடைய போகிறார்கள்... போகட்டும் என விட்டுவிட்டார். வைத்திலிங்கத்தால் ஆளானவர்கள், அவரால் பயனடந்தவர்கள் விசுவாசம் இல்லாமல் செல்கின்றனர். இதனால் அவர்களுக்குத்தான் பின்னடைவே தவிர வைத்திலிங்கத்துக்கு ஒரு போதும் இல்லை" என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbசென்னை காவல் ஆணையர் மாற்றம்! - ஆம்ஸ்ட்ராங் படுகொலை எதிரொலியா?


http://dlvr.it/T9K3h9

Read More

விறுவிறு விக்கிரவாண்டி இடைத்தேர்தல்; களைகட்டிய பிரசாரம் - Spot Visit Album!

http://dlvr.it/T9Jh8b

Read More

பட்டா, சிட்டா பதிவிறக்கம் ரொம்ப ஈஸி... நிலம் தொடர்பான சேவைகளை பெற உதவும் அரசின் இணையதளங்கள்!

நிலம் தொடர்பான ஆவணங்களான பட்டா, சிட்டா உள்ளிட்டவற்றை நீங்கள் எங்கிருந்தும், எப்போது வேண்டுமானாலும் பதிவிறக்கம் செய்து கொள்ள முடியும். இதற்கான பிரத்யேக இணையதள சேவைகளை தமிழக அரசு ஏற்படுத்தியுள்ளது.

கணினி மயமாக்கப்பட்ட அரசு சேவைகள்



முன்பெல்லாம் அரசு சேவைகளை அணுகுவது மிகவும் கடினமான ஒன்றாக இருந்தது. அரசு அலுவலகம் செல்ல வேண்டும்; விண்ணப்பம் எழுதித்தர வேண்டும். பின்னர் அவர்கள் வரச்சொல்லும் மற்றொரு நாளில் போய்ப் பார்க்க வேண்டும். அப்போதும் வேலை எளிதாக நடந்துவிடாது . ஒரு வேலைக்காக, பல நாட்கள் விடுப்பு எடுத்து அலைந்து திரிந்தாலும் வேலை ஆகாது. சில நேரங்களில் பணத்தை நீட்டினால்தான் நமக்கான கோப்பு நகரும் என்ற நிலையெல்லாம் முன்பு இருந்தது.

ஆனால், முறைகேடுகள் மற்றும் காலதாமதம் போன்றவற்றை போக்கும் வகையில், கால வளர்ச்சிக்கேற்ப அரசின் சேவைகளும் கணினி மயமாக்கப்பட்டன. இதனால், குடும்ப அட்டை மாற்றம் போன்ற அத்தியாவசிய சேவைகளை சில நிமிடங்களில் விண்ணப்பித்து, அடுத்த ஓரிரு தினங்களில் பணி முடிந்துவிடுகிறது. இணையதளம் மூலம் இனி பட்டா மாறுதல்2.75 லட்சம் ஹெக்டேரில் இயற்கை விவசாயம்... வெற்றிநடை போடும் குஜராத் விவசாயிகள்..!

பட்டா, சிட்டா பெறுவது எளிது



இந்த நிலையில், நிலம் தொடர்பான மிக முக்கிய ஆவணங்களான பட்டா, சிட்டாக்களை எங்கிருந்தும், எப்போது வேண்டுமானாலும் பதிவிறக்கும் செய்யும் வசதியை தமிழக அரசு அறிமுகம் செய்துள்ளது. பொதுமக்கள் இந்த வசதியை பயன்படுத்திக் கொள்ளுமாறு தமிழக அரசின் நில அளவை மற்றும் நிலவரித்திட்ட இயக்குனர் கேட்டுக் கொண்டுள்ளார்.

இது தொடர்பாக வெளியிட்டுள்ள செய்திக்குறிப்பில், "பல்வேறு வகையான நில ஆவணங்கள் கணினிமயமாக்கப்பட்டு இணையவழியில் பராமரிக்கப்பட்டு வருகின்றன. நில உரிமைதாரர்கள் பயனடையும் வகையில் பல்வேறு இணையவழிச் சேவைகளை நிலஅளவை மற்றும் நிலவரித் திட்டத்துறை வழங்கி வருகிறது.

பட்டா மாற்றம் செய்ய வேண்டுமா?



அதன்படி, கிராமப்புறம், நகர்ப்புறம் மற்றும் நத்தம் ஆகிய பகுதிகளுக்கான பட்டா மாற்றம் மேற்கொள்ள
https://tamilnilam.tn.gov.in/citizen/">
https://tamilnilam.tn.gov.in/citizen/ என்ற இணையதளத்தில், அதில் கூறப்பட்டுள்ள வழிமுறைகளை பின்பற்றி பொதுமக்கள் விண்ணப்பம் செய்து பலனடையலாம்.

அதேபோல், நில உரிமைதாரர்கள் தங்களது புல எல்லைகளை அளந்து பார்க்க வேண்டும் என்றால் அதற்கும் விண்ணப்பிக்கலாம். புல எல்லைகளை அளந்து காட்டக்கோருவதற்கு
https://tamilnilam.tn.gov.in/citizen/">
https://tamilnilam.tn.gov.in/citizen/ என்ற இணையதளத்தில் விண்ணப்பிக்கலாம்.

கிராமப்புற மற்றும் நத்தம் நில ஆவணங்களின் பட்டா / சிட்டா, 'அ' பதிவேடு மற்றும் புலப்படம் ஆகியவற்றையும், நகர்ப்புற நிலஅளவைப் பதிவேட்டின் நகல், நகர நிலஅளவை வரைபடம் மற்றும் புல எல்லை வரைபடம் / அறிக்கை ஆகியவற்றையும் பதிவிறக்கம் செய்து கொள்ள,
https://eservices.tn.gov.in என்ற இணையத்தை பயன்படுத்தி, கொள்ளலாம். இதன் மூலம் பட்டா மாற்றத்திற்கு அளித்த விண்ணப்பத்தின் நிலையை பயனாளி அறிந்து கொள்ளலாம்.survey website

பொதுச்சேவை மையங்களையும் அணுகலாம்!



கிராம வரைபடங்கள் மற்றும் பழைய நிலஅளவை எண்களுக்கான புதிய நில அளவை எண்களின் ஒப்புமை விளக்கப்பட்டியல் போன்றவற்றை
https://tnlandsurvey.tn.gov.in எனும் இணையதளம் வாயிலாக பொதுமக்கள் பதிவிறக்கம் செய்து கொள்ளலாம்.

இதில், முதலிரண்டு இணையவழிச் சேவைகளை அருகாமையில் இருக்கும் பொதுச்சேவை மையங்கள் மூலமாகவும் பொதுமக்கள் பயன்படுத்திக் கொள்ளலாம்" என்று செய்திக்குறிப்பில் தெரிவிக்கப்பட்டுள்ளது.ஏக்கருக்கு ரூ.56,000 மானியம்... சொட்டுநீர் பாசனம் அமைப்பது எப்படி? யாரை அணுக வேண்டும்?


http://dlvr.it/T9JgrP

Read More

சென்னை காவல் ஆணையர் மாற்றம்! - ஆம்ஸ்ட்ராங் படுகொலை எதிரொலியா?

பகுஜன் சமாஜ் கட்சியின் தமிழ்நாடு மாநிலத் தலைவர் ஆம்ஸ்ட்ராங், ஜூலை 5-ம் தேதி இரவு பெரம்பூரில் அவரது வீட்டருகே மர்ம நபர்களால் அரிவாளால் வெட்டிக் கொல்லப்பட்டார். இந்தச் சம்பவம் பெரும் அதிர்ச்சியையும், பரபரப்பையும் ஏற்படுத்தவே ஒரு தேசிய கட்சியின் மாநில தலைவருக்கே பாதுகாப்பு இல்லையென்றால், பொதுமக்கள் எப்படி பாதுகாப்பாக வாழ்வார்கள் என எதிர்க்கட்சிகள், தி.மு.க அரசைச் சாடின.ஆம்ஸ்ட்ராங் படுகொலை

அதோடு, தமிழ்நாட்டில் சட்டம் ஒழுங்கு சீர்குலைந்து வருவதாகவும், காவல்துறையைத் தனது கட்டுப்பாட்டில் வைத்திருக்கும் முதல்வர் ஸ்டாலினே இதற்குப் பொறுப்பேற்க வேண்டும் எனவும் எதிர்க்கட்சிகள் வலியுறுத்தின. இன்னொருபக்கம், இந்தச் சம்பவத்தில் போலீஸாரால் கைதுசெய்யப்பட்டிருக்கும் 8 பேர் உண்மையான குற்றவாளிகள் அல்ல என்றும் குற்றச்சாட்டுகள் எழுந்தன.

இந்த நிலையில் மாநில உள்துறை முதன்மைச் செயலாளர் அமுதா, சென்னை மாநகர காவல் ஆணையராக செயல்பட்டுவந்த சந்தீப் ராய் ரத்தோரை பணியிட மாற்றம் செய்து உத்தரவு பிறப்பித்திருக்கிறார்.மாநில உள்துறை முதன்மைச் செயலாளர் உத்தரவு.

உத்தரவின்படி, காவலர் பயிற்சி கல்லூரியின் டி.ஜி.பி-யாக சந்தீப் ராய் ரத்தோர் இடமாற்றம் செய்யப்பட்டிருக்கிறார். அதோடு, தமிழ்நாடு போலீஸ் அகாடமியின் இயக்குநராக கூடுதல் பொறுப்பும் சந்தீப் ராய் ரத்தோருக்கு அளிக்கப்பட்டிருக்கிறது.சந்தீப் ராய் ரத்தோர் - அருண்

அதேசமயம், சட்டம் ஒழுங்கு ஏ.டி.ஜி.பி-யாக செயல்பட்டுவந்த அருண், சென்னை மாநகர காவல் ஆணையராக நியமிக்கப்பட்டிருக்கிறார். மேலும், சட்டம் ஒழுங்கு ஏ.டி.ஜி.பி-யாக டேவிட்சன் ஆசீர்வாதம் நியமனம் செய்யப்பட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbஜெயக்குமார் முதல் ஆம்ஸ்ட்ராங் படுகொலை வரை - காவல்துறையின் தோல்விதான் காரணமா?!


http://dlvr.it/T9JgbR

Read More

இடமாற்றம் செய்யப்பட்ட அலுவலக கண்காணிப்பாளர்; சர்ச்சையில் கோட்டாறு அரசு ஆயுர்வேத மருத்துவக் கல்லூரி!

தமிழ்நாட்டின் ஒரேயொரு அரசு ஆயுர்வேத மருத்துவக் கல்லூரி மருத்துவமனை நாகர்கோவில் கோட்டாரில் அமைந்துள்ளது. மண்டைக்காடு பகுதியைச் சேர்ந்த நோயாளி ஒருவர் இங்கு உள் நோயாளியாக தங்கி சிகிச்சைப் பெற்று வந்த நிலையில்,  டி.என்.பி.எஸ்.சி தேர்வு எழுதச் சென்றுள்ளார். பின்னர் அவரை மருத்துவமனையில் தொடர் சிகிச்சைக்கு அனுமதிக்கவில்லை என்ற புகார் எழுந்தது. அந்த புகாரின் அடிப்படையில் மருத்துவமனை பொறுப்பு ஆர்.எம்.ஓ சுப்ரஜா சஸ்பெண்ட் செய்யப்பட்டிருந்தார். பின்னர் சென்னையில் இருந்து உயர் அதிகாரிகள் நடத்திய விசாரணையில் சம்பவம் நடந்த அன்று ஆர்.எம்.ஓ விடுமுறையில் இருந்தது தெரியவந்துள்ளது. மேலும், இந்த விவகாரத்தில் பிரச்னை பெரிதாக்கப்பட்டுள்ளது எனவும் தெரியவந்துள்ளது. இதையடுத்து பொறுப்பு ஆர்.எம்.ஓ சுப்ரஜா-வின் சஸ்பெண்ட் நடவடிக்கை ரத்து செய்யப்பட்டது. மீண்டும் அவர் பணியில் இணைந்தார். இந்த நிலையில் கோட்டாறு அரசு ஆயுர்வேத மருத்துவமனை அலுவலக கண்காணிப்பாளரான கிஷோர் என்பவர் மீது சில புகார்கள் சென்றதை அடுத்து, அவர் தூத்துக்குடி சித்த மருத்துவ அலுவலகத்துக்கு இடமாற்றம் செய்யப்பட்டுள்ளார். ஆனால், இந்திய மருத்துவம் மற்றும் ஓமியோபதி துறை ஆணையரின் இடமாற்ற உத்தரவை பொருட்படுத்தாமல் அவர் தொடர்ந்து கோட்டாறு ஆயுர்வேத மருத்துவமனையிலேயே பணிபுரிந்துவருவதாக கூறப்படுகிறது.கோட்டாறு அரசு ஆயுர்வேத மருத்துவக் கல்லூரி மருத்துவமனை

இதுகுறித்து மருத்துவர்கள் தரப்பில் கூறுகையில், "இடமாற்றம் செய்யப்பட்டுள்ள அலுவலக கண்காணிப்பாளர் மீது இதற்கு முன்பும் சில மோசமான குற்றச்சாட்டுகள் எழுந்து, நடவடிக்கைகளுக்கு ஆளாகி உள்ளார். சில புகாரின் அடிப்படையில் திருச்சிக்கு இடமாற்றம் செய்யப்பட்டவர், சிலரை பிடித்து கோட்டாறு அரசு ஆயுர்வேத மருத்துவமனைக்கு பணிக்கு வந்துள்ளார். மருத்துவமனையில் சில பிரச்னைகளுக்கு அவரும் காரணமாக இருந்ததால், விசாரணையின் அடிப்படையில் இந்திய மருத்துவம் மற்றும் ஓமியோபதி துறை ஆணையரால் தூத்துக்குடிக்கு இடமாற்றம் செய்யப்பட்டார். ஆனாலும், அந்த ஆணையை மதிக்காமல் தொடர்ந்து கோட்டாரில் பணி செய்கிறார். அதற்கு என்ன காரணம், அவர் பின்னணியில் யார் இருக்கிறார்கள் என்பது தெரியவில்லை" என்றனர்.ஆயுர்வேத மருத்துவ கல்லூரி

இது குறித்து அலுவலக கண்காணிப்பாளர் கிஷோர் கூறுகையில், "நான் இங்கு வந்து 2 ஆண்டுகள்தான் ஆகிறது. இங்கு பனிப்போர் நடக்கிறது. ஏற்கெனவே ஆர்.எம்.ஓ ஒருவர் சஸ்பெண்ட் செய்யப்பட்ட நடவடிக்கையின் பழிவாங்கும் விதமாக என்னை பணியிட மாற்றம் செய்துள்ளனர். நிர்வாக காரணம் என பணியிட மாற்றத்தில் கூறியுள்ளனர். பணியிட மாற்றம் செய்த ஆணையர் ஓய்வுபெற்றுவிட்டார். இனி புதிய ஆணையர் பதவியேற்ற பின்னர் எந்தமாதிரியான முடிவு எடுக்கிறார் என்பதற்காக கோட்டாரிலேயே பணியை தொடர்கிறேன். என்மீது ஏற்கெனவே எடுக்கப்பட்ட நடவடிக்கை கோர்ட்டில் ஸ்டேயில் கிடக்கிறது. அதற்கும் இந்த பணியிட மாற்றத்துக்கும் எந்த சம்பந்தமும் இல்லை" என்றார்.ஆம்ஸ்ட்ராங் கொலை: `அரசியல் பின்புலம் இருக்கிறது; இது திராவிட மாடலா... கொலை மாடலா?' - தமிழிசை காட்டம்


http://dlvr.it/T9Gqxs

Read More

ஆம்ஸ்ட்ராங் கொலை: `அரசியல் பின்புலம் இருக்கிறது; இது திராவிட மாடலா... கொலை மாடலா?' - தமிழிசை காட்டம்

பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் வெட்டி படுகொலை செய்யப்பட்ட சம்பவம், பெரும் அதிர்வலைகளை ஏற்படுத்தியிருக்கிறது. அவரது உடலுக்கு உறவினர்கள், நண்பர்கள், அரசியல் கட்சித் தலைவர்கள் எனப் பலரும் இறுதி அஞ்சலி செலுத்தினர். அவரது உடலுக்கு பா.ஜ.க நிர்வாகியும், முன்னாள் ஆளுநருமான தமிழிசை சௌந்தரராஜன் அஞ்சலி செலுத்தினார்.ஆம்ஸ்ட்ராங் கொலை வழக்கில் கைதனவர்கள்

அதைத் தொடர்ந்து செய்தியாளர்களிடம் பேசியவர், ``இந்த இழப்பு நிரப்ப முடியாத வெற்றிடத்தை ஏற்படுத்தியிருக்கிறது. மிகுந்த மானவேதனையாக இருக்கிறது. தமிழ்நாட்டில் என்னதான் நடந்துகொண்டிருக்கிறது... இந்த வடசென்னையில், கூலிப்படையை வைத்து நடக்கும் அரசியல் கொலைகள் அதிகரித்துவிட்டன. இதில் அரசியல் பின்புலம் இல்லை என இப்போதே அதிகாரிகள் கூறத் தொடங்கிவிட்டனர். இதை யார் தீர்மானம் செய்து தீர்ப்பு கூறுவது... தமிழ்நாட்டில் போலி சரக்குகளும், போலி சரண்டர்களும் அதிகரித்துவிட்டன. இன்னும் இந்த கொலையில் சம்பந்தப்பட்ட உண்மையான குற்றவாளிகள் பிடிபடவில்லை.

மிகவும் பலம்வாய்ந்த குற்றவாளிகள், சிறையிலிருந்தே குற்றத்தை செய்துகொண்டிருக்கிறார்கள். இதை அரசு ஊக்கப்படுத்திக் கொண்டிருக்கிறது. இது திராவிட மாடலா.. தினம் ஒரு கொலை மாடலா என்று எனக்கு தெரியவில்லை. நியாயம் கிடைக்க வேண்டும். இது மிகவும் தீவிரமாக எடுத்துக்கொள்ளப்பட வேண்டிய ஒன்று. சிபிஐ விசாரணை தேவை. திருநெல்வேலியில், கூட்டணிக் கட்சியை சேர்ந்தவர் கொலை செய்யப்பட்டார். அந்தக் குற்றவாளிகளையே இன்னும் கண்டுபிடிக்க முடியவில்லை. நேற்று முன்தினம் அ.தி.மு.க-வை சேர்ந்தவர், நேற்று வி.சி.க-வை சேர்ந்தவர், இன்று பா.ம.க-வை சேர்ந்தவர் வெட்டப்பட்டிருக்கிறார்தமிழிசை

அரசியல் கொலைகள் அதிகரித்திருக்கிறது. ஆம்ஸ்ட்ராங்க் அவர்களின் இறுதி உரையை கேட்டால், அதில் ஆளும் கட்சியையும், முதல்வரையும், முதல்வரின் மகனையும் கடுமையாக சாடியிருக்கிறார். 'நம்மை அந்தக் கட்சியில் சேர்க்க வேண்டும் எனத் திட்டமிடுகிறார்கள். நாம் அதில் சேரக் கூடாது' எனப் பேசுகிறார். எனவே, இந்தக் கொலையில் அரசியல் பின்புலம் இருக்கிறது. முதலமைச்சரின் தொகுதியும் இந்த வட சென்னையில்தான் இருக்கிறது.

ஆனால் இந்த வடசென்னை, பல ஆராஜகத்துக்கு புகழிடமாக இருக்கிறது. இனியும் முதல்வர் தூங்குவதில் அர்த்தமில்லை. கள்ளக்குறிச்சிக்கு செல்லாதவர், இங்கு வராதவர்தான் இப்போதைய முதல்வர். இனி தீவிர நடவடிக்கை எடுக்க வேண்டும். இதுதான் அரசியல் கொலையில் இறுதியானதாக இருக்க வேண்டும்." எனக் குறிப்பிட்டிருக்கிறார்.ஆம்ஸ்ட்ராங் கொலை: `தமிழ்நாட்டில் சட்ட ஒழுங்கு இல்லை... சிபிஐ விசாரணை வேண்டும்' - மாயாவதி


http://dlvr.it/T9GqkW

Read More

Armstrong: `திருவள்ளூர் மாவட்டம், பொத்துரில் ஆம்ஸ்ட்ராங் உடலை அடக்கம் செய்துகொள்ளலாம்!' - நீதிமன்றம் | Live Updates

`திருவள்ளூர் மாவட்டம், பொத்துரில் ஆம்ஸ்ட்ராங் உடலை அடக்கம் செய்துகொள்ளலாம்!' - நீதிமன்றம்



``திருவள்ளூர் மாவட்டம், செங்குன்றம் அருகிலுள்ள பொத்துரில் ஆம்ஸ்ட்ராங் குடும்பத்துக்குச் சொந்தமான இடத்தில, அவரின் உடலை அடக்கம் செய்துகொள்ளலாம். அதேபோல பெரம்பூரில் பகுஜன் சமாஜ் கட்சி அலுவலக இடத்தில், அரசு அனுமதியுடன் நினைவு மண்டபம் கட்டிக் கொள்ளலாம். அதில் எந்தப் பிரச்னையும் இல்லை." - ஆம்ஸ்ட்ராங்கின் உடலை பெரம்பூரில் உள்ள கட்சி அலுவலகத்தில் அடக்கம் செய்யக் கோரி அவரது மனைவி பொற்கொடி தாக்கல் செய்த மனுவின் விசாரணையில், நீதிபதி பவானி சுப்பராயன்!ஆம்ஸ்ட்ராங்: மாயாவதி, திருமா `டு' பா.ரஞ்சித், வெற்றிமாறன்.. அஞ்சலி செலுத்திய தலைவர்கள் & தொண்டர்கள்!

`பட்டியலின தலைவர்களுக்கு தமிழ்நாடு அரசு பாதுகாப்பை உறுதி செய்ய வேண்டும்.' - திருமாவளவன்



`ஆம்ஸ்டராங் கொலை சகித்துகொள்ள முடியாதது. இது ஒரு கோழைத்தனம். பட்டப்பகலில், ஒரு கட்சியின் தலைவர் கொலை செய்யப்பட்டிருக்கிறார். தேசியக் கட்சித் தலைவர்கள் ராகுல் காந்தி, பா.ஜ.க தலைவர்கள் கண்டனம் தெரிவித்திருக்கிறார்கள். 17 ஆண்டுகள் பகுஜன் சமாஜ் கட்சிகாக சேவையாற்றியிருறார். மாயாவதியின் நம்பிக்கைக்கு பாத்திரமானவர். சமூக நல்லிணக்கத்துக்கு முக்கியதுவம் கொடுத்தவர். பௌத்தம் தான் மாற்று அரசியல் வழி என்பதை வலியுறுத்தியவர். இவருடைய இழப்பு தலித் அரசியலுக்கு பெரும் இழப்பு. தொடர்பே இல்லாத ஒரு வழக்கில் தொடர்புபடுத்தி, தற்போது அவரை கொலை செய்திருக்கிறார்கள். இன்னும் உண்மையான குற்றவாளிகள் கைது செய்யப்படவில்லை. தமிழ்நாட்டில் இதுபோன்ற தலித் தலைவர்கள் தொடர்ந்து கொலை செய்யப்படுவது கவலையளிக்கிறது. தமிழ்நாடு அரசு உண்மையான குற்றவாளிகளை, கூலிப்படை தலைவர்களை, அவர்களை இயக்கியவர்களை கண்டுபிடித்து தண்டிக்க வேண்டும். ஆம்ஸ்டராங் இழப்பு ஈடுசெய்ய முடியாதது. பட்டியலின தலைவர்களுக்கு தமிழ்நாடு அரசு பாதுகாப்பை உறுதி செய்ய வேண்டும்.' - திருமாவளவன்

``உண்மையான குற்றவாளிகள் யார் என்பதை விரைந்து தமிழ்நாடு அரசு கண்டுபிடிக்க வேண்டும். இந்த வழக்கில் உடனடியாக சிபிஐ விசாரணை வேண்டும். மிகுந்த அர்ப்பணிப்புடன் தமிழ்நாட்டில் பகுஜன் சமாஜ் கட்சியை வளர்த்தவர். எனவே தமிழ்நாடு அரசு எங்களுக்கு நியாயம் வழங்க வேண்டும். சட்டத்தை யாரும் கையில் எடுக்க வேண்டாம். பட்டியலின மக்களுக்கு தமிழ்நாடு அரசு பாதுகாப்பு வழங்க வேண்டும். ஆம்ஸ்டராங் குடும்பத்துக்கு பகுஜன் சமாஜ் கட்சி எப்போதும் உறுதுணையாக இருக்கும்." - மாயாவதி

Armstrong: `ஆம்ஸ்ட்ராங் கொலையில் உண்மைக் குற்றவாளிகள் இன்னும் கைதாகவில்லை!' - மாயாவதி



``தமிழகத்தில் சட்டம் ஒழுங்கு இல்லை. ஆம்ஸ்டராங் கொலையில் தொடர்புடைய உண்மையான குற்றவாளிகள் இன்னும் கைதுசெய்யப்படவில்லை, அரசு தீவிரமாக செயல்பட்டிருந்தால், உண்மையான குற்றவாளிகளை கண்டுபிடித்திருக்கலாம்." - மாயாவதி

`புத்தர் காட்டிய வழியில் வாழ்ந்தவர் ஆம்ஸ்ட்ராங்!' - மாயாவதி



``ஆம்ஸ்டராங் மறைவு செய்தி கேட்டு, மிகுந்த மன வேதனை அடைந்தேன். புத்தர் காட்டிய மனிதாபிமான வழியில் வாழ்ந்தவர் ஆம்ஸ்டராங்!" - மாயாவதி

ஆம்ஸ்ட்ராங் மனைவிக்கு ஆறுதல் தெரிவித்த மாயாவதி!

Armstrong: ஆம்ஸ்ட்ராங் - மாயாவதி

பெரம்பூர் பந்தர் கார்டன் பள்ளியில் இருக்கும் ஆம்ஸ்டராங் உடலுக்கு பகுஜன் சமாஜ் கட்சித் தலைவர் மாயாவதி அஞ்சலி செலுத்தினார். அதைத் தொடர்ந்து, ஆம்ஸ்ட்ராங் மனைவிக்கு ஆறுதல் தெரிவித்தவர், தற்போது தொண்டர்களிடையே உரையாற்றி வருகிறார்!

ஆம்ஸ்ட்ராங் உடலுக்கு மாயாவதி நேரில் அஞ்சலி!



ஆம்ஸ்ட்ராங் உடல் அடக்கம் செய்யப்படுவது எங்கே? - நீதிமன்றத்தில் வாதம்!



ஆம்ஸ்ட்ராங் உடல், செம்பியம் பகுதியில் உள்ள பந்தர் கார்டன் மாநகராட்சி பள்ளியில் அஞ்சலிக்காக வைக்கப்பட்டுள்ளது.

இந்நிலையில், ஆம்ஸ்ட்ராங்கின் உடலை பெரம்பூரில் உள்ள கட்சி அலுவலகத்தில் அடக்கம் செய்யக் கோரி அவரது மனைவி பொற்கொடி உயர் நீதிமன்றத்தில் மனுத்தாக்கல் செய்துள்ளார். இந்த மனு நீதிபதி பவானி சுப்பராயன் முன்பு இன்று 9 மணிக்கு விசாரணைக்கு வந்தது. அப்போது, ஆம்ஸ்டிராங்கை அடக்கம் செய்ய வேறு நல்ல இடத்தை கூறுங்கள் என வழக்கு விசாரணையை 10.30 மணிக்கு ஒத்திவைத்தார் நீதிபதி பவானி சுப்பராயன், 12 மணிக்கு பதிலளிப்பதாக ஆர்ம்ஸ்ட்ராங் மனைவி பொற்கொடி தரப்பு முறையீடு செய்தது. இதற்கிடையில், `கட்சி அலுவலகம் குடியிருப்பு நிறைந்த பகுதி. வீட்டில் இருந்து 1.5 கிமீ தூரத்தில் 2000 சதுர அடியில் மாநகராட்சி ஒரு இடத்தை தேர்வு செய்துள்ளது. அங்கு அடக்கம் செய்யலாம்' என அரசுத் தரப்பு வாதம் செய்தது.

Armstrong: ஆம்ஸ்ட்ராங் - உடலுக்கு அஞ்சலி செலுத்தும் பொதுமக்கள்!



Armstrong: ஆம்ஸ்ட்ராங் - உடலுக்கு அஞ்சலி செலுத்தும் பொதுமக்கள்!



ஆம்ஸ்ட்ராங்கின் உடலை கட்சி அலுவலகத்தில் அடக்கம் செய்யக் கோரி மனு; 9 மணிக்கு விசாரிக்கும் நீதிபதி!



சென்னை பெரம்பூரில் வெட்டிப் படுகொலை செய்யப்பட்ட பகுஜன் சமாஜ் மாநிலத் தலைவர் ஆம்ஸ்ட்ராங் உடல், செம்பியம் பகுதியில் உள்ள பந்தர் கார்டன் மாநகராட்சி பள்ளியில் அஞ்சலிக்காக வைக்கப்பட்டுள்ளது.

இந்நிலையில், ஆம்ஸ்ட்ராங்கின் உடலை பெரம்பூரில் உள்ள கட்சி அலுவலகத்தில் அடக்கம் செய்யக் கோரி அவரது மனைவி பொற்கொடி உயர் நீதிமன்றத்தில் மனுத்தாக்கல் செய்துள்ளார். இந்த மனு நீதிபதி பவானி சுப்பராயன் முன்பு இன்று 9 மணிக்கு விசாரணைக்கு வருகிறது.

Armstrong: ஆம்ஸ்ட்ராங் - நேற்றைய தினம் சென்னை ராஜீவ் காந்தி அரசு மருத்துவமனைக்கு வந்திருந்த அரசியல் தலைவர்கள்!



Armstrong: ஆம்ஸ்ட்ராங் உடலுக்கு அரசியல் தலைவர்கள், பொதுமக்கள் அஞ்சலி; இன்று சென்னை வருகிறார் மாயாவதி! | Live



பகுஜன் சமாஜ் கட்சியின் தமிழ்நாடு தலைவர் ஆம்ஸ்ட்ராங் கடந்த வெள்ளிக்கிழமை மாலை, பெரம்பூரில் பைக்கில் வந்த மர்ம நபர்களால் வெட்டி சாய்க்கப்பட்டார். பின்னர் உடனடியாக மீட்கப்பட்ட அவர், கிரீம்ஸ் சாலையில் உள்ள தனியார் மருத்துவமனையில் அனுமதிக்கப்பட்டார். ஆனால், அங்குச் சிகிச்சை பலனின்றி அவர் உயிரிழந்துவிட்டார். அதைத் தொடர்ந்து ஆம்ஸ்ட்ராங்கின் உடல் பிரேத பரிசோதனைக்காக ராஜீவ் காந்தி அரசு பொது மருத்துவமனைக்குக் கொண்டு செல்லப்பட்டது. அங்கு பிரேத பரிசோதனை முடிந்து, நேற்றைய தினம் அவருடைய உறவினர்களிடம் ஆம்ஸ்ட்ராங்கின் உடல் ஒப்படைக்கப்பட்டது.ஆம்ஸ்ட்ராங்க் கொலை

அதையடுத்து, அவருடைய அயனாவரம் இல்லத்தில் நேற்றைய தினம் உடல் வைக்கப்பட்டிருந்த நிலையில், தற்போது பெரம்பூர் பந்தர் கார்டன் பள்ளியில் அரசியல் தலைவர்கள், பொதுமக்கள் ஆகியோரின் அஞ்சலிக்காக வைக்கப்பட்டிருக்கிறது. பல்வேறு அரசியல் கட்சித் தலைவர்கள் ஆம்ஸ்ட்ராங்கின் உடலுக்கு நேரில் அஞ்சலி செலுத்தி வருகின்றனர். பகுஜன் சமாஜ் கட்சியின் தேசிய தலைவர் மாயாவதி இன்று ஆம்ஸ்ட்ராங்கின் உடலுக்கு அஞ்சலி செலுத்துவதற்காகச் சென்னைக்கு வருகிறார். பெரம்பூரில் போலீஸார் குவிக்கப்பட்டு, பாதுகாப்பு ஏற்பாடுகள் மேற்கொள்ளப்பட்டிருக்கின்றன.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb`ஆம்ஸ்ட்ராங் கொலையில் யாரும் சரணடையவில்லை; போலீஸார்தான் கைதுசெய்தனர்.!' - காவல் ஆணையர்


http://dlvr.it/T9GbhP

Read More