New Criminal Laws: புதிய குற்றவியல் சட்டங்களுக்கு எதிராக போராட்டம்; வழக்கறிஞர்கள் கூறும் காரணமென்ன?!

இந்தியாவில் நடைமுறையில் இருந்துவந்த மூன்று குற்றவியல் சட்டங்கள் மாற்றப்பட்டு, புதிய குற்றவியல் சட்டங்கள் ஜூலை 1-ம் தேதி முதல் அமலுக்கு வந்துவிட்டன. புதிய குற்றவியல் சட்டங்களால் பல குழப்பங்களும் பாதிப்புகளும் ஏற்படும் என்று குற்றம்சாட்டும் வழக்கறிஞர்கள், பல மாநிலங்களில் போராட்டத்தில் ஈடுபட்டிருக்கிறார்கள். தமிழ்நாட்டிலும் சென்னை, திருச்சி, மதுரை, திண்டுக்கல், சிவகங்கை, ராமநாதபுரம் உட்பட பல்வேறு மாவட்டங்களில் வழக்கறிஞர்கள் போராட்டம் நடத்துகிறார்கள்.நாடாளுமன்றம்

இந்திய தண்டனைச் சட்டம், குற்றவியல் நடைமுறைச் சட்டம், இந்திய சாட்சிய சட்டம் ஆகிய மூன்று குற்றவியல் சட்டங்களுக்கு பதிலாக, பாரதிய நியாய சன்ஹிதா (BNS) 2023, பாரதிய நகரிக் சுராக்ஷா சன்ஹிதா 2023, பாரதிய சாக்சியா அபினியம் 2023 என்ற புதிய சட்டங்களை மத்திய பா.ஜ.க அரசு கொண்டுவந்திருக்கிறது. புதிய குற்றவியல் சட்டத்தில், ‘பூஜ்ஜிய முதல் தகவல் அறிக்கை’ என்ற அம்சம் இருக்கிறது.

அதன்படி, குற்றம் நிகழ்ந்த இடத்தின் எல்லைக்கு உட்பட்ட காவல் நிலையத்தில் மட்டுமன்றி, எந்தவொரு காவல் நிலையத்திலும் வழக்குப்பதிவு செய்ய முடியும். காவல் நிலையத்துக்கு நேரில் செல்லாமல் ஆன்லைனிலேயே புகார் அளிக்கலாம் என்பன உள்ளிட்ட வரவேற்கத்தக்க அம்சங்கள் புதிய குற்றவியல் சட்டங்களில் இருக்கின்றன என்று வழக்கறிஞர்கள் கூறுகிறார்கள்.

அதே நேரத்தில், புதிய குற்றவியல் சட்டங்கள் கடுமையாக விமர்சிக்கப்படுகின்றன. இதற்கு எதிராக சென்னை உயர் நீதிமன்ற வளாகம் அருகில் வழக்கறிஞர்கள் போராட்டம் நடத்தியிருக்கிறார்கள். அதில் பங்கேற்ற அகில இந்திய வழக்கறிஞர்கள் சங்கத்தின் மாநில பொதுச்செயலாளரான வழக்கறிஞர் சிவக்குமாரிடம் பேசினோம். “இந்தச் சட்டங்களை நாங்கள் எதிர்ப்பதற்கு பல காரணங்கள் இருக்கின்றன. முதலில், நாடாளுமன்றத்தில் 140-க்கும் மேற்பட்ட எதிர்க்கட்சி எம்.பி-க்களை இடைநீக்கம் செய்து அவையிலிருந்து வெளியேற்றிவிட்டுத்தான் இந்தச் சட்டங்கள் கொண்டுவரப்பட்டன. இது, ஜனநாயக விரோதமானது.வழக்கறிஞர் ச.சிவக்குமார்

இந்தச் சட்டங்களுக்கு சம்ஸ்கிருதத்தில் ஏன் பெயர் வைத்திருக்கிறார்கள் என்பது பெரும்பான்மையான தமிழக வழக்கறிஞர்களின் கேள்வியாக இருக்கிறது. மேலும், இந்தச் சட்டங்கள் பொதுப்பட்டியலில் இருப்பதால், இந்த மாற்றம் குறித்து மாநில அரசுகளுடன் மத்திய அரசு கலந்து பேசியிருக்க வேண்டும். ஆனால், மாநிலங்களுடன் கலந்து ஆலோசிக்கவில்லை. இது கூட்டாட்சித் தத்துவத்துக்கு எதிரானது.

உச்ச நீதிமன்றம் முதல் கீழமை நீதமின்றங்கள் வரை, இந்தியாவில் மொத்தம் சுமார் 28,000 நீதிமன்றங்கள் இருக்கின்றன. அதேபோல, இந்தியாவில் 20,000-க்கும் மேற்பட்ட காவல் நிலையங்கள் இருக்கின்றன. புதிய சட்டங்கள் தொடர்பாக நீதித்துறையினருக்கும், காவல்துறையினருக்கும் போதிய பயிற்சி வழங்கப்படவில்லை. தற்போது, நாட்டில் ஐந்தரை கோடி வழக்குகள் நிலுவையில் இருக்கின்றன. இவற்றில், நாலரை கோடி வழக்குகள் கீழமை நீதிமன்றங்களில் இருக்கின்றன. இந்த நிலையில், புதிய குற்றவியல் சட்டங்களால் நிறைய குழப்பங்கள் ஏற்படும். அந்த குழப்பங்கள் காரணமாக, நீதி வழங்குவதில் கடுமையான தாமதம் ஏற்படும். இதனால், சாதாரண பொதுமக்கள் பாதிக்கப்படுவார்கள்.வழக்கறிஞர்கள் போராட்டம்

பொதுவாக, முன்னாள் நீதிபதிகள், தேர்வுசெய்யப்பட்ட வழக்கறிஞர்கள், சட்ட ஆசிரியர்கள் ஆகியோர் கொண்ட சட்ட ஆணையத்தின் மூலமாகத்தான் சட்டத்திருத்தங்கள் கொண்டுவரப்படுவது வழக்கம். ஆனால், சில தனிநபர்களை நியமித்து குற்றவியல் சட்டங்களைக் கொண்டுவந்திருக்கிறார்கள். இது, ஜனநாயக விரோதம். எனவேதான், இந்தச் சட்டங்களை எதிர்க்கிறோம்” என்கிறார் வழக்கறிஞர் ச.சிவக்குமார்.

புதிய குற்றவியல் சட்டங்கள் குறித்து மூத்த பத்திரிகையாளரும், வழக்கறிஞருமான தராசு ஷ்யாமிடம் பேசினோம். “புதிய குற்றவியல் சட்டங்கள் கடந்த ஆண்டு நிறைவேற்றப்பட்டன. ஆறு மாத கால இடைவெளியில் ஒட்டுமொத்த குற்றவியல் நடைமுறையும் அவசரமாக மாற்றப்படுகிறது. இதில், பல சிக்கல்கள் இருக்கின்றன. சட்டப் பாடத்திட்டத்துக்குள் புதிய சட்டங்களை மொழிபெயர்த்துக் கொண்டுவர நீண்ட காலம் தேவைப்படும். சட்டம் படித்து முடித்தவர்கள், இனி சட்டம் படிக்கப்போகிறவர்கள் என எல்லோருக்கும் பாதிப்புகள் வரும். பழைய குற்றவியல் சட்டங்களின் படியும் வழக்குகள் நடத்த வேண்டும், புதிய குற்றவியல் சட்டங்களின்படியும் வழக்குகள் நடத்த வேண்டும்.

நீதிமன்றங்களில் இருக்கும் வழக்குகளில் பெரும்பாலானவை சிவில் வழக்குகள். ஆனால், சிவில் சட்டம் மாற்றப்படவில்லை. சாட்சிய சட்டத்தை மாற்றியதால், சிவில் சட்டம் பாதிக்கப்படுகிறது. காரணம், சாட்சிகள் சட்டத்தை வைத்துத்தான் சிவில் வழக்குகளை நடத்த வேண்டும். எனவே, வழக்குகள் முடிவதற்கு பல ஆண்டுகள் பிடிக்கும்.தராசு ஷ்யாம்

எங்கிருந்து வேண்டுமானாலும் வழக்குப் பதிவு செய்யலாம்... ஆன்லைனில் எப்.ஐ.ஆர் பதிவு செய்யலாம் என்ற சிறப்பு அம்சங்கள் புதிய குற்றவியல் சட்டத்தில் இருக்கின்றன. ஆனால், இதை மட்டுமே பெருமையாகப் பேசுகிறார்கள். சாதாரண அடிதடி போன்ற விவகாரங்களில் எஃப்.ஐ.ஆர் போடாமல் சமாதானமாகப் பேசி முடிப்பது வழக்கமாக இருக்கிறது. கொலை, கொள்ளை, வன்குற்றங்கள், பாலியல் குற்றங்கள் என்று குறைந்தபட்சம் ஓர் ஆண்டு தண்டனைக்குரிய குற்றங்கள் என்றால்தான் காவல் நிலையத்துக்கு போகும் வழக்கம் இருக்கிறது. அந்த வழக்குகளில எஃப்.ஐ.ஆர் பதியப்படும். ஆனால், அதன் சதவிகிதம் குறைவு.

ஆன்லைன் வசதி என்று வந்த பிறகு சிறிய தகராறு அனைத்துக்கும் ஆன்லைனில் புகார் செய்யப்பட்டு எஃப்.ஐ.ஆர் பதியப்படும். வழக்குகளின் எண்ணிக்கை பல மடங்கு அதிகரிக்கும். அதை சமாளிக்கவே முடியாது. சிறு சிறு வழக்குகளெல்லாம் நீதிமன்றம் போகும். இதனால், ஒட்டுமொத்த சிஸ்டமும் ஸ்தம்பித்துவிடும்’‘ என்கிறார் தராசு ஷ்யாம்.சித்தராமையா vs டி.கே சிவக்குமார்... கர்நாடக காங்கிரஸ் மோதல் போக்கும் எதிர்காலமும்?!

இந்த விவகாரம் குறித்து ஓய்வுபெற்ற காவல்துறை கண்காணிப்பாளர் எம்.கருணாநிதியிடம் பேசினோம். “இந்திய குற்றவியல் நடைமுறைச் சட்டம், இந்திய தண்டனைச் சட்டம் ஆகியவற்றின் பிரிவுகள் அப்படியே நினைவில் இருக்கின்றன. இந்த நிலையில், புதிய சட்டங்களில் பிரிவுகளின் எண்களை மாற்றியிருப்பதால் குழப்பங்கள் ஏற்படும். நீதிமன்றத்தில் வழக்கு விசாரணையின்போது புதிய சட்டப்பிரிவுகள், பழைய சட்டப்பிரிவுகள் தொடர்பான விளக்கங்களை ஒவ்வொரு முறையும் கொடுக்க வேண்டியிருக்கும்.

ஏற்கெனவே, நீதிமன்றத்தில் வழக்குகள் தேங்கிக்கிடக்கின்றன. புதிய குற்றவியல் சட்டங்களால் நிலுவையில் இருக்கும் வழக்குகளின் எண்ணிக்கை அதிகரிக்கும் என்ற அச்சம் ஏற்பட்டிருக்கிறது. இப்போது, காவல்துறையினருக்கு சட்டங்கள் குறித்து பயிற்சி அளிக்க வருபவர்கள் ஐ.பி.சி., சி.ஆர்.பி.சி ஆகிய சட்டங்களைப் படித்திருப்பதுடன் அனுபவ ரீதியாகவும் வகுப்பெடுப்பார்கள். இனி, புதிய சட்டங்கள் குறித்து வகுப்பெடுக்க வருபவர்களும் மாணவர்களைப் போலத்தான் வருவார்கள். அதாவது, ஆசிரியரும் மாணவர்களும ஒரே நிலையில் இருக்கப்போகிறார்கள். இது மிகவும் சிரமம்.எம்.கருணாநிதி

மாற்றங்கள் அவசியம் என்று சொல்கிறார்கள். ஆனால், இவ்வளவு அவசரப்பட்டு மாற்றங்களைக் கொண்டுவந்திருக்க வேண்டாம். அன்றாடம் பயன்படுத்தும் விஷயம் என்பதால், போகப் போக சரியாகிவிடும் என்றும் சொல்லிவிட முடியாது. கொஞ்சம் கொஞ்சமாக சரியாகும் நேரத்தில், பிரச்னைகளும் அதிகரிக்கும். இது நமக்கு ஒரு சோதனை காலம்தான்” என்கிறார் கருணாநிதி.

புதிய குற்றவியல் சட்டங்களால் பிரச்னைகள் அதிகரிக்கும்போது, அதற்கு எதிராக மற்ற மாநிலங்களிலும் போராட்டங்கள் தொடங்கும் என்கிறார்கள் வழக்கறிஞர்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbModi In Russia: `வெடிகுண்டுகளுக்கு மத்தியில் அமைதிப் பேச்சுவார்த்தை வெற்றியடையாது!' - புதினிடம் மோடி


http://dlvr.it/T9N2NV

Read More

`ராகுலை நாடாளுமன்றத்துக்குள் பூட்டிவைத்து அறைய வேண்டும்!' - கர்நாடக பாஜக எம்.எல்.ஏ சர்ச்சை பேச்சு

நாடாளுமன்றத் தேர்தலில் பா.ஜ.க தனிப்பெரும்பான்மையை இழந்தபோதிலும், தேசிய ஜனநாயக கூட்டணியாக தொடர்ந்து மூன்றாவது முறையாக ஆட்சியமைத்திருக்கிறது. மறுபக்கம், 2019-ல் பெற்ற இடங்களை விட கிட்டத்தட்ட இரு மடங்காக 99 இடங்களைப் பெற்ற காங்கிரஸ், மக்களவையில் கடந்த 10 ஆண்டுகளாக காலியாக இருந்த அதிகாரப்பூர்வ எதிர்க்கட்சி அந்தஸ்தைப் பெற்றிருக்கிறது. கூடவே, காங்கிரஸ் எம்.பி ராகுல் காந்தி எதிர்க்கட்சித் தலைவராகவும் உயர்ந்திருக்கிறார்.மக்களவை எதிர்க்கட்சித் தலைவர் ராகுல் காந்தி

மக்களவையில் கடந்த ஒரு வாரத்துக்கு முன்பு எதிர்க்கட்சித் தலைவராக ராகுல் காந்தி தனது முதல் உரையில், `தங்களை இந்துக்கள் என்று சொல்லிக்கொள்பவர்கள் எப்போதும் வன்முறை, வெறுப்பு ஆகியவற்றையே பேசுகிறார்கள்' என்று பா.ஜ.க-வைத் தாக்கினார். கூடவே, சிவனின் படத்தைக் காட்டி, `இதிலிருப்பது அபயமுத்ரா. இது அச்சமின்மை, உறுதி, பாதுகாப்பின் சைகை. இதுதான் காங்கிரஸின் சின்னம்' என்றும் ராகுல் காந்தி கூறினார்.பிரதமர் மோடி

இதற்கு உடனடியாக எதிர்வினையாற்றிய பிரதமர் மோடி, `ஒட்டுமொத்த இந்துக்கள் மீதான தாக்குதல்' என ராகுல் காந்திக்கு கண்டனம் தெரிவித்தார். ஆனால், அடுத்த கணமே ராகுல் காந்தி, `மோடியோ, பா.ஜ.க-வோ, ஆர்.எஸ்.எஸ்ஸோ ஒட்டுமொத்த இந்துக்களின் பிரதிநிதிகள் அல்ல' என்றார்.

இந்த விவகாரத்தை பா.ஜ.க நாடாளுமன்றத்துக்கு வெளியேயும், ராகுலும், காங்கிரஸும் இந்துக்களுக்கு எதிராகச் செயல்படுகிறார்கள் என்று கூறின. இவ்வாறிருக்க, கர்நாடக பா.ஜ.க எம்.எல்.ஏ ஒருவர் இந்த விவகாரத்தில், ராகுல் காந்தியை நாடாளுமன்றத்துக்குள் பூட்டிவைத்து அறைய வேண்டும் என்று சர்ச்சையைக் கிளப்பியிருக்கிறார்.பா.ஜ.க எம்.எல்.ஏ பாரத் ஷெட்டி

நேற்று இதைத் தெரிவித்த மங்களூர் வடக்கு சட்டமன்றத் தொகுதி எம்.எல்.ஏ பாரத் ஷெட்டி, ``இவ்வாறு செய்வது ஏழு முதல் எட்டு எஃப்.ஐ.ஆர்-கள் பதிவு செய்ய வழிவகுக்கும். எதிர்க்கட்சித் தலைவர் ராகுல் காந்தி மங்களூருக்கு வந்தால் இதை அவருக்கு ஏற்பாடு செய்வோம். சிவன் தன்னுடைய மூன்றாவது கண்ணைத் திறந்தால், அவர் சாம்பலாகிவிடுவார். இந்துக்களைப் பற்றி என்ன சொன்னாலும் இந்துக்கள் அமைதியாகக் கேட்பார்கள் என்று அவர் நினைக்கிறார். இந்துக்களுக்கு எதிரான கொள்கையை அவர்கள் கடைப்பிடிக்கின்றனர். நாடாளுமன்றத்தில் அவர் குரைத்தால் உள்ளூர் தலைவர்கள் இங்கு வாலை ஆட்டத் தொடங்குவார்கள்.ராகுல் காந்தி - Constitution of India

இந்துக்களும், இந்துத்துவாவும் வேறு வேறு என்று காங்கிரஸ் கூற ஆரம்பித்துவிட்டது. இத்தகைய தலைவர்களால் இந்துக்கள் எதிர்காலத்தில் ஆபத்தைச் சந்திக்க நேரும். இந்துக்கள் வீட்டை விட்டு வெளியே வராத சூழ்நிலையை அவர்கள் உருவாக்குவார்கள். சிவாஜியும் மகாராணா பிரதாப்பும் இந்து சமூகத்தில் பிறந்தவர்கள்தான். தேவைப்படும்போது நாங்கள் ஆயுதங்களை எடுப்போம். ஆயுதங்களை வணங்கிவிட்டு எப்படி பதிலடி கொடுக்க வேண்டும் என்பது எங்களுக்கு நன்றாகவே தெரியும். எனவே, நாடாளுமன்றத்தில் பலமான அறைக்குப் பிறகு ராகுல் காந்தி சரியாகிவிடுவார்" என்று கூறினார்.

பா.ஜ.க எம்.எல்.ஏ-வின் இத்தகைய பேச்சைத் தொடர்ந்து, அவரைக் கைதுசெய்யுமாறு மங்களூரு காவல் ஆணையரிடம் காங்கிரஸ் புகாரளித்திருக்கிறது.`இந்து மதம் வன்முறையை நிராகரிக்கிறது என்றுதான் கூறினார்' - ராகுல் பேச்சுக்கு சங்கராச்சாரியார் ஆதரவு!


http://dlvr.it/T9Mdt1

Read More

`குற்றவாளிகள் சட்டத்தின் முன் நிறுத்தப்படுவார்கள்' - ஆம்ஸ்ட்ராங் குடும்பத்தினருக்கு ஸ்டாலின் ஆறுதல்!

பகுஜன் சமாஜ் கட்சியின் தமிழ்நாடு மாநிலத் தலைவர் ஆம்ஸ்ட்ராங் கடந்த வெள்ளிக்கிழமை (ஜூலை 5) இரவு பெரம்பூரில் அவரது வீட்டருகே ஆறு பேரால் வெட்டிக் கொலைசெய்யப்பட்டார். இந்தச் சம்பவம் பெரும் அதிர்ச்சியை ஏற்படுத்தவே, தமிழ்நாட்டில் சட்டம் ஒழுங்கு மிக மோசமாகிவிட்டதாக தி.மு.க அரசை எதிர்க்கட்சிகள் சாடின.Armstrong: ஆம்ஸ்ட்ராங் - மாயாவதி

அதைத் தொடர்ந்து, நேற்று முன்தினம் பெரம்பூரில் ஒரு பள்ளியில் ஆம்ஸ்ட்ராங் உடலுக்கு இறுதியஞ்சலி செலுத்தப்பட்டது. இதில், பகுஜன் சமாஜ் கட்சியின் தேசிய தலைவர் மாயாவதி, வி.சி.க தலைவர் தொல்.திருமாவளவன் உட்பட பலர் கலந்துகொண்டு தங்களின் இறுதியஞ்சலி செலுத்தினர்.

பின்னர், ஆம்ஸ்ட்ராங் உடலை கட்சி அலுவலக இடத்தில் நல்லடக்கம் செய்ய அவரின் குடும்பத்தினர் கோரிக்கை விடுத்தபோதும் அரசு தரப்பிலிருந்து அனுமதி வழங்கப்படாததால், பொத்தூரில் அவர்களின் உறவினருக்கு சொந்தமான இடத்தில புத்த மத முறைப்படி ஆம்ஸ்ட்ராங்கின் உடல் நல்லடக்கம் செய்யப்பட்டது.

இன்னொருபக்கம், சென்னை காவல் ஆணையராக இருந்த சந்தீப் ராய் ராத்தோரை பணியிடம் மாற்றி, சட்டம் ஒழுங்கு கூடுதல் டிஜிபி-யாக இருந்த அருண் என்பவரை சென்னை காவல் ஆணையராக மாநில உள்துறை நியமித்தது.

இந்த நிலையில், படுகொலை செய்யப்பட்ட ஆம்ஸ்ட்ராங்கின் வீட்டுக்கு முதல்வர் ஸ்டாலின் இன்று நேரில் சென்றிருக்கிறார். அதோடு, ஆம்ஸ்ட்ராங்கின் படத்துக்கு மலர் தூவி, அவரின் மனைவி மற்றும் குடும்பத்தாருக்கு ஆறுதல் தெரிவித்திருக்கிறார். மேலும், இந்த வழக்கில் தீவிர விசாரணை மேற்கொண்டு, குற்றாவளிகள் கைதுசெய்யப்பட்டு, சட்டத்தின் முன் நிறுத்தப்படுவார்கள் என்று ஸ்டாலின் உறுதியளித்திருக்கிறார். Pa Ranjith: ஆம்ஸ்ட்ராங் கொலை; தமிழ்நாடு அரசுக்கு பா.ரஞ்சித் எழுப்பும் `6' கேள்விகள்!


http://dlvr.it/T9MFKL

Read More

PM Modi in Russia: புதினுடன் விருந்து, பேச்சுவார்த்தை `டு' இந்தியர்களைச் சந்தித்த மோடி! | Modi

http://dlvr.it/T9MF3W

Read More

சுட்டிக்காட்டிய ஜூ.வி; பள்ளி மாணவர்களின் பிரச்னைக்கு உடனடி தீர்வு கண்ட சேலம் மாவட்ட ஆட்சியர்!

சேலம் மாவட்டம், சங்ககிரி அருகே வடுகப்பட்டி கிராமம் உள்ளது. இங்கு பொன்னி அம்மாள் அரசு உயர்நிலைப்பள்ளி இயங்கி வருகிறது. இப்பள்ளியில் சுற்றுவட்டாரப் பகுதியைச் சேர்ந்த விவசாய மற்றும் கூலித்தொழிலாளர்களின் குழந்தைகள் சுமார் 250 பேர் படித்து வருகின்றனர். இந்த நிலையில் கடந்த இரண்டு ஆண்டுகளாக இ.புதுப்பாளையம், துத்திப்பாளையம், நாயக்கன் வலவு, மயில்புறாகாடு, தாதவராயன்குட்டை, காஞ்சாம்புதூர், மாவெளிபாளையம், ஒழுகுபாறை, சங்ககிரி கெமிக்கல் பிரிவு போன்ற பகுதிகளிலிருந்து பள்ளிக்கு வரக்கூடிய மாணவர்களுக்கு நேரத்திற்குப் பேருந்து இல்லாமலும், அதேபோல கடந்த 2 ஆண்டுகளாக பஸ் பாஸ் வழங்காமலும் இருந்தது.

இது தொடர்பாக மாவட்ட ஆட்சியரின் கவனத்திற்கு ஜூ.வி தகவலைக் கொண்டு சென்றது.பிருந்தா தேவி

அதைத் தொடர்ந்து மாவட்ட ஆட்சியர் பிருந்தாதேவி உடனடியாக சம்பந்தப்பட்ட போக்குவரத்துத்துறை அதிகாரிகளிடம் பேசி, பள்ளிக்குழந்தைகளுக்கு உடனடியாக போக்குவரத்து வசதி ஏற்படுத்திக் கொடுக்க உத்தரவிட்டார்.

அது தொடர்பாக, விகடன் இணைய தளத்தில் ‘சேலம்: 2 ஆண்டுகளாகச் சிரமப்பட்ட அரசுப்பள்ளி மாணவர்கள்; பேருந்து வசதி ஏற்படுத்திக்கொடுத்த மாவட்ட ஆட்சியர்’ என்கிற தலைப்பில் செய்தி வெளியிட்டிருந்தோம்.

இந்த நிலையில் போக்குவரத்துத்துறை அதிகாரிகள் ஆய்வு மேற்கொண்டு, உரிய நேரத்திற்குப் பேருந்து அனுப்புவது குறித்து ஆலோசித்து, நேற்று காலை துத்துப்பாளையம், நாயக்கன் வலவு, இ.புதுப்பாளையம், மயில்புறாகாடு பகுதிக்குப் பேருந்து போக்குவரத்தைத் தொடங்கி வைத்தனர். அதன்மூலம் சுமார் 50-க்கும் மேற்பட்ட மாணவர்கள் பேருந்தில் பயணம் செய்தனர்.சேலம்: 2 ஆண்டுகளாகச் சிரமப்பட்ட அரசுப் பள்ளி மாணவர்கள்; பேருந்து வசதி ஏற்படுத்திக் கொடுத்த ஆட்சியர்!


http://dlvr.it/T9MDr0

Read More

NEET: `வினாத்தாள் கசிந்திருக்கிறது'- NTA, மத்திய அரசுக்கு உச்ச நீதிமன்றத்தின் கேள்விகளும், உத்தரவும்

மருத்துவ இளநிலை படிப்புகளுக்கு நடத்தப்பட்ட நீட் (NEET) தேர்வு முடிவுகள் ஜூன் 4-ம் தேதி வெளியானது. 23 லட்சம் பேர் எழுதிய இந்த நீட் தேர்வில், இதுவரையிலும் இல்லாத அளவுக்கு 67 பேர் முழு மதிப்பெண்கள் பெற்றிருந்தனர். நிறைய பேர் 719, 718, 717 மதிப்பெண்களைப் பெற்றிருந்தனர். இதனால், வினாத்தாள் கசிவு நடந்திருப்பதாக நாடு முழுவதும் குற்றச்சாட்டுகள் எழ, அவ்வாறு எதுவும் நிகழவில்லை என்றும், தேர்வு நடத்திய மையங்கள் நேரம் தவறியமைக்காக 1,500-க்கும் மேற்பட்ட மாணவர்களுக்கு கருணை மதிப்பெண் வழங்கப்பட்டதாக நீட் தேர்வு நடத்தும் தேசிய தேர்வு முகமை (NTA) கூறியது.NEET

இருப்பினும், நீட் தேர்வில் முறைகேடுகள் நடந்திருப்பதாக உச்ச நீதிமன்றத்தில் மனுக்கள் குவிந்தன. அதை விசாரித்த உச்ச நீதிமன்றம், கருணை மதிப்பெண்கள் வழங்கப்பட்ட மாணவர்களுக்கு மட்டும் மறுதேர்வு நடத்துமாறும், இந்த மறுதேர்வில் பங்கேற்காதவர்களுக்குக் கருணை மதிப்பெண் போக அவர்கள் பெற்ற மதிப்பெண்ணை இறுதி மதிப்பெண்ணாக வழங்குமாறும் NTA-க்கு உத்தரவிட்டது.

அதன்படி, நடத்தப்பட்ட மறுதேர்வில் பாதிக்கும் மேற்பட்டோர் தேர்வெழுத வரவில்லை. இதனால், இந்தாண்டு நடத்தப்பட்ட நீட் தேர்வை முழுமையாக ரத்து செய்துவிட்டு மறுதேர்வு நடத்துமாறு உச்ச நீதிமன்றத்தில் 33 மனுக்கள் தாக்கல்செய்யப்பட்டன. இந்த மனுக்கள் மீதான விசாரணை உச்ச நீதிமன்ற தலைமை நீதிபதி சந்திரசூட், நீதிபதிகள் ஜே.பி.பார்திவாலா, மானுஜ் மிஸ்ரா ஆகியோர் அமர்வில் இன்று விசாரணைக்கு வந்தது.நீட் தேர்வு

அப்போது, மறுதேர்வு நடத்துவதற்கான கோரிக்கையை எதிர்த்த தேசிய தேர்வு முகமை, `இந்தியா முழுவதும் நடத்தப்பட்ட தேர்வில் முறைகேடு நடந்திருப்பதாக ஆதாரம் எதுவும் இல்லாத நிலையில், மறுதேர்வு நடத்தக் கோருவது சரியல்ல. அவ்வாறு செய்வது, தேர்வெழுதிய லட்சக்கணக்கான மாணவர்களைப் பாதிக்கும்' என்று தெரிவித்தது. இன்னொருபக்கம், மறுதேர்வு நடத்தக் கோரிய மனுக்களின் தரப்பு வழக்கறிஞர், தேர்வுக்கு ஒருநாள் முன்பு வினாத்தாளும், அதற்கான விடைகளும் டெலிகிராம் குழுக்களில் பரப்பப்பட்டிருப்பதாகவும், இதுதொடர்பாக பாட்னாவில் எஃப்.ஐ.ஆர் பதிவுசெய்யப்பட்டிருப்பதாகவும் வாதிட்டார்.

அதைத் தொடர்ந்து பேசிய தலைமை நீதிபதி சந்திரசூட், ``வினாத்தாள் கசிவு நடந்திருக்கிறது என்பது தெளிவாகத் தெரிகிறது. தேர்வின் புனிதத்தன்மை மீறப்பட்டிருக்கிறது என்பது அப்பாற்பட்டது. ஆனால், வினாத்தாள் கசிவு எந்த அளவுக்கு பரவலாக நடந்திருக்கிறது என்பதே இங்கு கேள்வி. வாட்ஸ்அப், டெலிகிராமில் வினாத்தாள் கசிந்திருந்தால் அது காட்டுத்தீ போல பரவியிருக்கும். 23 லட்சம் மாணவர்களுக்கும் மறுதேர்வு நடத்த உத்தரவிடுவது கடினமான பணி. அதற்குமுன், வினாத்தாள் கசிவின் தன்மை என்ன என்பதை நாம் புரிந்து கொள்ள வேண்டும்.உச்ச நீதிமன்றம்

வினாத்தாள் கசிவு முழு தேர்வு செயல்முறையையும் பாதித்திருந்தால், அதனால் பலனடைந்தவர்களைக் கண்டறிய முடியாது. அப்போது, மறுதேர்வு நடத்துவது அவசியமாகும். அதேசமயம், வினாத்தாள் கசிவால் பலனடைந்தவர்களைக் கண்டறியமுடியுமென்றால், அனைவருக்கும் மறுதேர்வு நடத்துவது பொருத்தமாக இருக்காது. எனவே, வினாத்தாள் கசிவு எப்போது நடந்தது, எவ்வகையில் அது பரவியது, கசிவுக்கும் தேர்வுக்கும் இடையிலான கால அளவு என்ன என்பது குறித்த முழு தகவலை தேசிய தேர்வு முகமை சமர்ப்பிக்க வேண்டும்.உயர் நீதிமன்றம் உத்தரவு

அதோடு, வினாத்தாள் எப்போது இறுதி செய்யப்படுகிறது, அது எப்போது அச்சுக்கு அனுப்பப்படுகிறது, எப்போது அச்சிடப்படுகிறது, அவை எப்போது தேர்வு மையத்துக்கு அனுப்பி வைக்கப்படுகிறது என்பதைத் தேதி வாரியாக சமர்ப்பிக்க வேண்டும். 720-க்கு 720 மதிப்பெண்கள் பெற்ற மாணவர்களின் எண்ணிக்கை வரலாறு காணாத அளவில் இருக்கிறது. இவர்களில் எத்தனை பேர் கருணை மதிப்பெண்களால் பயனடைந்துள்ளனர்... இவை தொடர்பான பிரமாண பத்திரங்களை, ஜூலை 10-ம் தேதி மாலை ஐந்து மணிக்குள் தேசிய தேர்வு முகமை, மத்திய அரசு சமர்ப்பிக்க வேண்டும். அதேபோல், வினாத்தாள் கசிவு எஃப்.ஐ.ஆர் தொடர்பான விசாரணைகளின் அறிக்கையை சிபிஐ ஜூலை 10-க்குள் சமர்ப்பிக்க வேண்டும்" என்று உத்தரவிட்டு, வழக்கை ஜூலை 11-ம் தேதிக்கு ஒத்திவைத்தார்.சத்தீஸ்கர்: `காய்கறிகள் வரவில்லை... மஞ்சப்பொடி சாதம்தான் சத்துணவு!' - அரசுப் பள்ளியில் அதிர்ச்சி


http://dlvr.it/T9KVfg

Read More

`நாங்க முன்னாடி போறோம், நீங்க பின்னாடி வாங்க' - அதிமுக-வில் இணைந்த வைத்திலிங்கம் ஆதரவாளர்கள்!

தஞ்சாவூரைச் சேர்ந்த அறிவுடைநம்பி, கடந்த சட்டமன்றத் தேர்தலில் அ.தி.மு.க சார்பில் தஞ்சாவூர் தொகுதியில் போட்டியிட்டவர். ஆரம்பத்திலிருந்தே அ.தி.மு.க-வில் இருந்த அறிவுடைநம்பி, வைத்திலிங்கத்தின் நம்பிக்கையைப் பெற்று அவரது தீவிர ஆதவாளராக மாறினார். கும்பகோணத்தைச் சேர்ந்தவர் ”ரதிமீனா” சேகர். இவர் மனைவி ரத்னா சேகர் கும்பகோணம் நகராட்சியின் முன்னாள் நகர்மன்றத் தலைவர். ரதிமீனா சேகரும் வைத்திலிங்கத்தின் ஆதரவாளராக வலம் வந்தவர். இந்நிலையில் எடப்பாடி பழனிசாமிக்கு எதிராக அ.தி.மு.க தொண்டர்கள் உரிமை மீட்புக் குழு என தனி அணியாக செயல்பட்டு வரும் ஓ.பன்னீர்செல்வம் அணியில் வைத்திலிங்கம் தலைமையில் அறிவுடைநம்பி, ரதிமீனா சேகர் ஆகியோர் இருந்தனர். அதிமுக-வில் இணைந்த அறிவுடைநம்பி, ரதிமீனா சேகர்

கடந்த சில மாதங்களாகவே வைத்திலிங்கத்தின் செயல்பாடுகளால் இருவரும் அதிருப்தியில் இருந்து வந்ததாகச் சொல்லப்படுகிறது. இந்த நிலையில் அறிவுடைநம்பி, ரதிமீனா சேகர் உள்ளிட்ட முக்கிய நிர்வாகிகள் 500-க்கும் மேற்பட்டோருடன் சேலத்தில் இன்று எடப்பாடி பழனிசாமியைச் சந்தித்து அ.தி.மு.க-வில் இணைந்தனர். இதற்கான ஏற்பாட்டை அ.தி.மு.க முன்னாள் அமைச்சர்களான ஆர்.காமராஜ், ஓ.எஸ்.மணியன் இருவரும் செய்திருந்தனர். தன் ஆதரவாளர்கள் ஓ.பி.எஸ் அணியிலிருந்து விலகி, அ.தி.மு.க-வில் இணைந்தது வைத்திலிங்கம் தரப்பை அப்செட் ஆக்கியுள்ளது.

இது குறித்து அ.தி.மு.க-வைச் சேர்ந்த சிலரிடம் பேசினோம். ``அறிவுடைநம்பி, ரதிமீனா சேகர், ரத்னா சேகர், பொன்.த.மனோகரன், பசுபதிகோயில் முத்து உள்ளிட்ட தஞ்சாவூர் மாவட்டத்தை சேர்ந்த 500க்கும் மேற்பட்டவர்கள் சேலத்தில் எடப்பாடி பழனிசாமி முன்னிலையில் அ.தி.மு.க-வில் இணைந்தனர். அறிவுடைநம்பி, ரதிமீனா சேகர் செல்வதை எப்படியாவது தடுத்து நிறுத்த வேண்டும் என வைத்திலிங்கம் மெனக்கெட்டார். அவர்களிடத்தில் `யாரும் இப்போதைக்கு போகாதீங்க, இன்னும் கொஞ்சம் வெயிட் பண்ணுங்க... நல்ல சேதி வரும்' என்றுள்ளார்.அதிமுக-வில் இணைந்த வைத்திலிங்கம் ஆதரவாளர்கள்

ஆனால் அவர்கள் வைத்திலிங்கம் பேச்சை கேட்கவில்லை. அப்போதும் விடாமல் பேசிய வைத்திலிங்கம், `ஏன் அவசர படுகிறீர்கள் எல்லோரும் ஒன்றாக போய் சேர்ந்தால், பலனடையலாம்' என்றும் சிலரிடத்தில் பேசியுள்ளார். அதற்கு, `நாங்க தி.மு.க போன்ற மாற்றுக்கட்சிக்கு செல்லவில்லை, தாய் கழகத்திற்குத்தான் செல்கிறோம், நாங்க முன்னாடி போறோம், நீங்க பின்னாடி வாங்க'ணு சொன்னதாக பரவலாக பேசப்பட்டது. என்ன சொல்லியும் வைத்திலிங்கத்தால் இணைப்பை தடுக்க முடியவில்லை. இதைத் தொடர்ந்து அறிவுடைநம்பியின் ஆதரவாளரான தாஸிடம், `நான் உன்னை பகுதி கழக செயலாளராக ஆக்குகிறேன், நீ போயிடாதே'னு வைத்திலிங்கம் பேசியதாக தகவல் பரவியது.

இதையறிந்த அறிவுடைநம்பி, `எத்தனை வருடங்கள் வைத்திலிங்கம் கூட நான் உண்மையாக இருந்தேன், ஆனால் எனக்கே துரோகம் செய்கிறாரே'னு வருத்தப்பட்டாராம். இந்நிலையில் 4 மற்றும் 5-ம் தேதிகளில் இணைய இருப்பதாக சொல்லப்பட்ட நிலையில், சில காரணங்களால் அது தள்ளிப்போனது. பின்னர், இன்று சேலத்தில் எடப்பாடி பழனிசாமி முன்னிலையில் அ.தி.மு.க-வில் இணைந்தனர். ஆர்.காமராஜ், ஓ.எஸ்.மணியன் உள்ளிட்ட நிர்வாகிகள் இதற்கான ஏற்பாட்டை செய்தனர். வைத்திலிங்கத்திடம் இருந்த மிக முக்கிய நிர்வாகிகளான அறிவுடைநம்பி, ரதிமீனா சேகர் அ.தி.மு.க-வில் இணைந்திருப்பது, வைத்திலிங்கம் தரப்பை சோர்வடைய செய்திருக்கிறது" என்று தெரிவித்தனர்.

வைத்திலிங்கம் ஆதரவாளர்கள் தரப்பில் பேசினோம், ``அறிவுடைநம்பி உள்ளிட்ட யாரையும் வைத்திலிங்கம் தடுக்கவில்லை. இரண்டு மாதங்களில் கட்சி சேரப்போகிறது அதற்குள் சென்று என்ன பலனடைய போகிறார்கள்... போகட்டும் என விட்டுவிட்டார். வைத்திலிங்கத்தால் ஆளானவர்கள், அவரால் பயனடந்தவர்கள் விசுவாசம் இல்லாமல் செல்கின்றனர். இதனால் அவர்களுக்குத்தான் பின்னடைவே தவிர வைத்திலிங்கத்துக்கு ஒரு போதும் இல்லை" என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppbசென்னை காவல் ஆணையர் மாற்றம்! - ஆம்ஸ்ட்ராங் படுகொலை எதிரொலியா?


http://dlvr.it/T9K3h9

Read More