France: பிரான்ஸ் தேர்தல் முடிவுகளில் இழுபறி; முடிவெடுப்பதில் நிலவும் சிக்கல்கள் - அடுத்தது என்ன?!

பிரான்ஸ் நாடாளுமன்றத் தேர்தல் நடைபெற்று முடிவுகள் அறிவிக்கப்பட்டுவிட்டன. ஆனால், எந்தக் கட்சிக்கும் பெரும்பான்மை கிடைக்காததால், தொங்கு நாடாளுமன்றம் உருவாகும் நிலை ஏற்பட்டிருக்கிறது.பிரான்ஸ் தேர்தல்

பிரான்ஸ் நாடாளுமன்றத்துக்கு ஜூன் 30-ம் தேதி, ஜூலை 7-ம் தேதி என இரண்டு கட்டங்களாகத் தேர்தல் நடைபெற்றது. இது, ஐரோப்பாவில் நடைபெறும் முக்கியமான தேர்தல் என்பது குறிப்பிடத்தக்கது. அதிபர் இமானுவல் மேக்ரன் தலைமையிலான மையவாதக் கூட்டணி, வலதுசாரிக் கூட்டணியான தேசியப் பேரணி கூட்டணி, இடதுசாரிக் கூட்டணியான புதிய மக்கள் முன்னணி ஆகியவை தேர்தலில் போட்டியிட்டன.

வலதுசாரிக் கூட்டணியான தேசியப் பேரணியே ஆட்சியமைக்கும் என்ற எதிர்பார்ப்பு நிலவியது. ஆனால், தேசியப் பேரணிக்கு கட்சிக்கு இனவெறி கொண்ட கட்சி, வெளிநாட்டினர் மீதான வெறுப்புணர்வு கொண்ட கட்சி என்ற இமேஜ் உண்டு. ஆகவே, அந்தக் கட்சி பிரான்ஸில் ஆட்சியமைத்தால், அது ஐரோப்பிய அளவிலும் சர்வதேச அளவிலும் பெரும் தாக்கத்தை ஏற்படுத்தும் என்று அச்சம் பலரால் தெரிவிக்கப்பட்டது. இந்த நிலையில், வலதுசாரிக் கூட்டணி 3-ம் இடத்துக்குத் தள்ளப்பட்டிருக்கிறது.இமானுவல் மேக்ரான்

பிரான்ஸ் தேர்தல் முடிவுகளின்படி, இடதுசாரி கட்சிகள் தலைமையிலான புதிய மக்கள் கூட்டணி 182 இடங்களில் வெற்றிபெற்றிருக்கிறது. அதிபர் இமானுவல் மேக்ரானின் மையவாதக் கட்சி 168 இடங்களிலும், வலதுசாரிக் கட்சி 143 இடங்களிலும் வெற்றிபெற்றிருக்கின்றன.

2017-ல் நடைபெற்ற தேர்தலில் 57 தொகுதிகளில் வென்ற இடதுசாரிகள், அடுத்து 2022-ல் நடைபெற்ற தேர்தலில் 131 இடங்களில் வெற்றிபெற்றனர். தற்போது 182 இடங்களை இடதுசாரிகள் பெற்றிருக்கிறார்கள். தீவிர வலதுசாரிகளின் பிடிக்கு பிரான்ஸ் போய்விட்டதாகச் சொல்லப்பட்டுவந்த நிலையில், இந்தத் தேர்தலில் பெரும் மாற்றம் நிகழ்ந்திருக்கிறது. தேசிய பேரணி கூட்டணித் தலைவர் மரைன் லு பென்

அதே நேரம், ஆட்சியமைப்பதில் சிக்கல் நிலவுகிறது. நாடாளுமன்ற மேலவையான செனட் சபையில் மையவாதக் கட்சிக்கு பெரும்பான்மை இருக்கிறது. ஆனால், அங்கு நிறைவேற்றப்படும் சட்டங்களுக்கு கீழவைதான் இறுதி ஒப்புதல் வழங்க வேண்டும். ஆகவே, எந்தக் கட்சிக்கும் பெரும்பான்மை இல்லாததது பிரான்ஸ் நாட்டில் அரசியல் குழப்பதை ஏற்படுதியிருக்கிறது. ரஷ்யாவில் மோடி... மணிப்பூருக்கு அழைக்கும் ராகுல் காந்தி..! - காரணம் என்ன?

இந்த குழப்பமான சூழலில், அடுத்த அதிபர் யார் என்பது தெரியவில்லை. தொங்கு நாடாளுமன்றம் போன்ற ஒரு சூழலை பிரான்ஸ் நாடு சந்திப்பது இதுவே முதன்முறை.பிரான்ஸ் அரசியலில் நிச்சயமற்ற சூழல் நிலவுவதால், பல இடங்களில் வன்முறை சம்பவங்கள் நிகழ்ந்திருக்கின்றன. பாரீஸ், நான்டெஸ், லியோன் உள்பட பல இடங்களில் வன்முறைகள் நிகழ்ந்ததாக செய்திகள் தெரிவிக்கின்றன.பிரான்ஸ் தேர்தல்

கூட்டணி ஆட்சி அமைப்பதற்கான முயற்சிகள் விரைவில் தொடங்கும் என்றும், அது தொடர்பான ஆலோசனைகள் தற்போது நடைபெற்றுவருவதாகவும் செய்திகள் தெரிவிக்கின்றன. ஏற்கெனவே, தீவிர இடதுசாரி கட்சியுடன் கூட்டணி கிடையாது என்று அதிபர் மேக்ரான் அறிவித்திருக்கிறார். எனவே, மிதவாத இடதுசாரி கட்சிகளைக் கூட்டணிக்கு அவர் அழைக்கலாம் என்று செய்திகள் தெரிவிக்கின்றன.

அதே நேரம், மிதவாத இடதுசாரி கட்சிகளுடன் அவர் கூட்டணி அமைத்தாலும், கொள்கை முடிவுகளை எடுப்பதில் அந்தக் கட்சிகளின் கருத்துக்களுடன் இணைந்தே முடிவுகளை எடுக்க வேண்டியிருக்கும். எனவே, கூட்டணி அரசு குறித்து அதிபர் மேக்ரான் ஆலோசனையில் ஈடுபட்டிருக்கிறார் என்றும் செய்திகள் கூறுகின்றன. ஆக, பிரான்ஸில் புதிய அரசு அமைவதற்கு இன்னும் சில காலதாமதங்கள் ஏற்படும் என்றே தெரிகிறது.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T9TpDW

Read More

2014-ல் இருந்து தொடரும் ‘பங்கு’ பிரச்னைக்கு தீர்வு காண்பார்களா ஆந்திர, தெலங்கானா முதல்வர்கள்?

ஒன்றுபட்ட ஆந்திராவிலிருந்து பிரித்து, 2014-ம் ஆண்டு தெலங்கானா மாநிலம் உருவாக்கப்பட்டது. இரு மாநிலங்களாகப் பிரிந்த பிறகு, பல பிரச்னைகளுக்கு தீர்காணப்படவில்லை. இந்த நிலையில், ஆந்திரா முதல்வர் சந்திரபாபு நாயுடுவும், தெலங்கானா முதல்வர் ரேவந்த் ரெட்டியும் ஹைதராபாத்தில் ஜூலை 6-ம் தேதி சந்தித்தனர். அப்போது, இரு மாநிலங்களையும் சேர்ந்த அமைச்சர்கள், உயர் அதிகாரிகள் கொண்ட உயர்மட்டக் குழுக்களின் ஆலோசனைக் கூட்டம் நடைபெற்றது.ரேவந்த் ரெட்டி

ஆந்திரா முதல்வர் சந்திரபாபு நாயுடு தலைமையில் அமைச்சர்கள் சத்ய பிரசாத், ஜனார்த்தன் ரெட்டி, கண்டுல துர்கேஷ், தலைமைச்செயலாளர் நீரப் குமார் பிரசாத் உள்ளிட்டோர் பங்கேற்றனர். தெலங்கானா முதல்வர் ரேவந்த் ரெட்டி தலைமையில் துணை முதல்வர் மல்லு பட்டி விக்ரமார்கா, அமைச்சர்கள், ஸ்ரீதர் பாபு, பொன்னம் பிரபாகர், தலைமைச் செயலாளர் சாந்தி குமாரி ஆகியோர் பங்கேற்றனர்.

இரு மாநிலங்களுக்கு இடையே இருக்கும் அரசு கட்டடங்கள், நிலங்கள் குறித்த சொத்துப் பிரச்னைகள், துறை ரீதியான பிரச்னைகள், ஆந்திர மாநில பைனான்ஸ் கார்ப்பரேஷன் குறித்த நடவடிக்கை, நிலுவையில் இருக்கும் மின்சார கட்டண பாக்கிகள் என்று பல பிரச்னைகள் தொடர்பாக பேச்சுவார்த்தை நடைபெற்றது.மோடி - சந்திரபாபு நாயுடு

வெளிநாட்டு நிதியின் கீழ் இரு மாநிலங்களிலும் 15 அணைகள் கட்டப்பட்டன. அவற்றுக்கான கடன் பங்கீடு, கூட்டுத் துறைகளின் செலவுகள், ஹைதராபாத்தில் இருக்கும் மூன்று முக்கிய கட்டடங்களை ஆந்திராவுக்கு வழங்குவது, திருமலை திருப்பதி தேவஸ்தானத்தில் அறங்காவலர் குழுவில் அங்கம் வகிப்பது, ஆந்திர அமைச்சர்கள், எம்.பி., எம்.எல்.ஏ-க்களுக்கு வழங்கப்படுவதைப் போல, தெலங்கானா அமைச்சர்கள், எம்பி., எம்.எல்.ஏ-க்களுக்கும் திருப்பதி தரிசனத்தில் உரிமை வழங்குவது, அரசு ஊழியர்கள், அதிகாரிகள் பங்கீட்டில் நிலவும் பிரச்னைகளைத் தீர்ப்பது, கிருஷ்ணா நதிநீர் பங்கீடு விவகாரம் என்று 10 அம்சங்கள் குறித்து பேச்சுவார்த்தை நடைபெற்றது.

இரண்டு மாநிலங்களுக்கு இடையே ஏற்பட்ட உடன்பாடுகள் குறித்து மத்திய அரசிடம் பேசி செயல்படுத்துவது, இரு மாநிலங்களையும் சேர்ந்த அதிகாரிகளைக் கொண்ட குழுக்களை அமைப்பது, தீர்வுகாணப்படாத பிரச்னைகளை அமைச்சர்கள் ரீதியிலான குழுக்களுக்கு கொண்டுசெல்வது, சில பிரச்னைகளை முதல்வர்களைக் கொண்ட உயர் மட்டக்குழுவுக்கு அனுப்புவது என்றும் கூட்டத்தில் முடிவெடுக்கப்பட்டது.மோடி, ரேவந்த் ரெட்டி

இரு மாநிலங்களாகப் பிரிக்கப்பட்ட காரணத்தால், சுமார் 70 பிரச்னைகள் தீர்க்கப்பட வேண்டி இருப்பதாகவும், அவற்றில் சுமார் 50 பிரச்னைகள் அதிகாரிகள் மட்டத்திலேயே தீர்க்கப்படக்கூடியவை என்றும் ஆந்திர மாநில அரசு அதிகாரிகள் வட்டாரம் தெரிவித்தது. அரசியல் உறுதி இல்லாத காரணத்தினாலேயே கடந்த பத்தாண்டு காலமாக இந்தப் பிரச்னைகள் தீர்க்கப்படவில்லை என்றும் அதிகாரிகள் தரப்பில் சொல்லப்படுகிறது. கடந்த பத்தாண்டுகளில் பல்வேறு கட்டங்களில் கூட்டங்கள் நடைபெற்றும் பிரச்னை தீர்க்கப்படவில்லை.

இந்த நிலையில்தான், ஆந்திராவின் முதல்வராக பதவியேற்ற சந்திரபாபு நாயுடு, இரு மாநிலங்களிடையே தீர்க்கப்படாமல் இருக்கும் பிரச்னைகள் குறித்து பேச்சுவார்த்தை நடத்துவது சம்பந்தமாக தெலங்கானா முதல்வருக்கு ஜூலை 1-ம் தேதி கடிதம் எழுதியிருக்கிறார். அதற்கு ரேவந்த் ரெட்டி உடனடியாக பதில் எழுதினார். சந்திரபாபு நாயுடு

அதில், ‘இரு தரப்பினருக்கும் இடையிலான பரஸ்பர ஒத்துழைப்புக்கும், நல்லுறவுக்கும் நேரில் சந்தித்துப் பேசுவது அவசியமானது’ என்று ரேவந்த் ரெட்டி கூறியிருந்தார். அதையடுத்து ஹைதாராபாத்தில் இரு மாநில முதல்வர்கள் தலைமையிலான கூட்டம் நடைபெற்றது. New Criminal Laws: புதிய குற்றவியல் சட்டங்களுக்கு எதிராக போராட்டம்; வழக்கறிஞர்கள் கூறும் காரணமென்ன?!

இரு மாநிலங்களுக்கு இடையிலான பிரச்னைகள் சந்திரபாபு, ரேவந்த் ரெட்டி ஆட்சிக் காலத்தில் தீர்க்கப்பட அதிக வாய்ப்புகள் இருப்பதாக அரசியல் நோக்கர்கள் கூறுகிறார்கள். ஏனெனில், உயர் நீதிமன்றம், ஆளுநர் மாளிகை உள்பட 142 சொத்துகள் குறித்து முடிவெடுக்கப்பட ஓய்வுபெற்ற ஐ.ஏ.எஸ் அதிகாரி ஒருவர் தலைமையில் மத்திய அரசு குழுவை அமைத்தது. 142 சொத்துகளைப் பிரித்துக்கொள்வது தொடர்பாக தனது அறிக்கையை அந்தக் குழு அளித்தது. அந்த அறிக்கையை தெலங்கானா அரசு ஏற்றுக்கொள்ளவில்லை என்று செய்திகள் வெளியாகின.ரேவந்த் ரெட்டி

இப்படியாக பல சிக்கல்கள் இதில் இருக்கின்றன. ஆனாலும், இரு மாநில முதல்வர்களிடையே சுமூக உறவு இருப்பதாலும், இந்தப் பிரச்னைகளைத் தீர்க்க வேண்டுமென்ற ஆர்வம் இருவருக்கும் இருப்பதாலும் இவர்களின் ஆட்சிக் காலத்திலேயே பிரச்னைகள் தீர்க்கப்படும் என்று அரசியல் நோக்கர்கள் நம்பிக்கை தெரிவிக்கிறார்கள்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T9Tp37

Read More

`விஷச்சாராய பாதிப்புக்கு ரூ.10 லட்சம் வழங்கும்போது இவருக்கு ஏன் வழங்கக்கூடாது?’ - நீதிபதி

திருச்சி மாவட்டம் மரவனூர் ஆரம்ப சுகாதார நிலையத்தில் கொசு ஒழிப்பு பணியாளராக பணிபுரிந்தவர் கலையரசன். கடந்த ஆண்டு மணப்பாறை அரசு மருத்துவமனையில் மருத்துவ கழிவுகளை சுத்தம் செய்யும் பணிக்கு அனுப்பி வைக்கப்பட்டார். மருத்துவ கழிவுகளை சேகரித்து தீ வைக்கும்போது கலையரசன் மீது தீ்ப்பிடித்ததில் பலத்த காயமடைந்தவர் சிகிச்சை பலனளிக்காமல் உயிரிழந்தார். மதுரை உயர் நீதிமன்றம்

கலையரசன் இறப்புக்கு ரூ. 25 லட்சம் இழப்பீடு கோரி அவரது தந்தை அர்ஜூனன் உயர் நீதிமன்ற மதுரைக் கிளையில் மனு தாக்கல் செய்தார்.

 இந்த மனுவை விசாரித்து நீதிபதி ஜி.ஆர்.சுவாமிநாதன், "மனுதாரர் மகன் மரண வாக்குமூலத்தில், குப்பைகளை தீ வைத்து எரிக்க அதிகாரிகள் கூறியதாக தெரிவித்துள்ளார்.
மரவனூர் ஆரம்ப சுகாதார நிலைய கொசு மருந்து அடிக்கும் பணியாளரான அவரை, மருத்துவக்கழிவுகளை சுத்தம் செய்யும் பணிக்கு அனுப்பியது ஏன் என்ற கேள்விக்கு அதிகாரிகள் விளக்கம் அளிக்கவில்லை. மருத்துவக் கழிவுகளை அழிக்க அரசு தனியார் நிறுவனத்துடன் ஒப்பந்தம் போட்டுள்ளபோது, காலாவதியான மருத்துவக் கழிவுகள் பாதுகாப்பற்ற முறையில் அழிக்கப்பட்டுள்ளது.


மருத்துவக் கழிவுகளில் எளிதில் தீப்பிடிக்கும் பொருட்களும் இருந்துள்ளது. இதனால் மனுதாரரின் மகனின் உடலில் தீ பிடித்துள்ளது. இதற்கு இழப்பீடு வழங்க வேண்டும். உயர்நீதிமன்றம் உத்தரவு

சமீபத்தில் கள்ளக்குறிச்சியில் விஷச்சாராயம் குடித்து பலர் உயிரிழந்தனர். அவர்களின் குடும்பத்துக்கு அரசு ரூ. 10 லட்சம் இழப்பீடு வழங்கியது. தெரிந்தே சாராயம் குடித்து இறந்தவர்களுக்கு ரூ. 10 லட்சம் இழப்பீடு வழங்கும்போது, அப்பாவி மனுதாரரின் மகன் இறப்புக்காக ரூ. 10 லட்சம் இழப்பீடு வழங்குவதால் அரசுக்கு எந்த பாதிப்பும் ஏற்படாது. எனவே, மனுதாரருக்கு அரசு ரூ.10 லட்சம் இழப்பீடு வழங்க வேண்டும்" என்று நீதிபதி உத்தரவிட்டுள்ளார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T9TbYZ

Read More

`நீங்கள் பேசினால் கருத்துரிமை, நாங்கள் பேசினால் அவமதிப்பா?'- சாட்டை துரைமுருகன் கைதில் சீமான் கேள்வி

விக்கிரவாண்டி சட்டமன்றத் தொகுதி இடைத்தேர்தலுக்கான பிரசாரங்கள் ஜூலை 8-ம் தேதியோடு நிறைவடைந்த நிலையில், நேற்று வாக்குப்பதிவு நடைபெற்று முடிந்தது. இதில், நாம் தமிழர் கட்சியின் நிர்வாகியும், யூடியூபருமான சாட்டை துரைமுருகன், தனது கட்சியின் வேட்பாளர் அபிநயாவை ஆதரித்து பிரசாரம் மேற்கொள்கையில், மறைந்த முன்னாள் முதல்வர் கருணாநிதி உட்பட தி.மு.க தலைவர்களை சர்ச்சைக்குரிய வகையில் பேசியதாக தி.மு.க தரப்பிலிருந்து போலீஸில் புகார் அளிக்கப்பட்டிருக்கிறது.துரைமுருகன்

இந்தப் புகாரில் வழக்கு பதிவுசெய்து விசாரணை மேற்கொண்டுவந்த திருச்சி சைபர் க்ரைம் போலீஸார், சாட்டை துரைமுருகனைத் தென்காசி மாவட்டம், குற்றாலம் அருகே இன்று கைதுசெய்தனர். இந்த நிலையில், தி.மு.க பேசினால் கருத்துரிமை நாங்கள் பேசினால் அவமதிப்பா என நாம் தமிழர் கட்சியின் ஒருங்கிணைப்பாளர் சீமான் கேள்வியெழுப்பியிருக்கிறார்.

மறைந்த சுதந்திரப் போராட்ட வீரர் அழகு முத்துகோன் பிறந்தநாளை முன்னிட்டு சென்னையில் அவரின் சிலைக்கு மாலை அணிவித்த பின்னர் செய்தியாளர்களிடம் பேசிய சீமான், ``கொலைகாரர்கள், சாராய ஆலை அதிபர்கள் கையில் ஆட்சியைக் கொடுத்தால் கொலையை எப்படித் தடுப்பீர்கள், சாராயத்தை எப்படி ஒழிப்பீர்கள். அவர்கள்மீது பாயாத சட்டம், துரைமுருகனை மேடையில் பேசியதும் எதற்காக இந்த அரசு கைதுசெய்கிறது.சீமான்

என்னைவிடவா துரைமுருகன் பேசிவிட்டார்... என்னைக் கைதுசெய்யுங்கள் பார்க்கலாம்... என்னைச் சுற்றியிருப்பவர்களைக் கைதுசெய்து எனக்கு நெருக்கடி கொடுப்பது. இது ஒரு ஆட்சிமுறை. எதற்காக இந்த கைது, `கள்ளத்தனம் செய்த காதகன் கருணாநிதி, சதிகாரன் கருணாநிதி, சண்டாளன் கருணாநிதி' என்பது பாடல். எழுதியவர், பாடியவரை விட்டுவிட்டு அதை எடுத்துப் பாடியவரைக் கைதுசெய்கிறீர்கள். நான் பாடுகிறேன் என்னைக் கைதுசெய்யுங்கள் பார்க்கலாம்.ஸ்டாலின் - திமுக

அதிகாரம் வந்ததும் தன் அப்பாவுக்குப் புனிதர் பட்டம் கட்டுகிறார் (முதல்வர் ஸ்டாலின்). இங்கு அரசியல் வரலாற்றில் தீய ஆட்சியின் தொடக்கம் கருணாநிதி வந்தபிறகுதான் தொடங்கியது. பேரறிஞர் அண்ணா வரை அரசியல் வரலாற்றைப் பாருங்கள் எவ்வளவு நாகரிகம், கண்ணியம். அதற்குப் பிறகுதான் ஊழல், லஞ்சம், கொலை, கொலை, அவதூறு பேச்சுகள், சாராயம். முன்னாள் முதல்வரைப் பற்றி பேசவே கூடாதா... நீங்கள் பேசினால் கருத்துரிமை, நாங்கள் பேசினால் அவமதிப்பா... நாங்கள் பேசவே கூடாதா?" என்று கேள்வியெழுப்பினார்.“சீமான், இளைஞர்களை விஜய்க்கு பின்னால் கொண்டு நிறுத்துவதில் எனக்கு உடன்பாடில்லை!”


http://dlvr.it/T9ST9g

Read More

Tamil News Live Today: விக்கிரவாண்டி பிரசாரத்தில் திமுக தலைவர்கள் குறித்து அவதூறு; நா.த.க சாட்டை துரைமுருகன் கைது!

விக்கிரவாண்டி பிரசாரத்தில் திமுக தலைவர்கள் குறித்து அவதூறு; நா.த.க சாட்டை துரைமுருகன் கைது!



நாம் தமிழர் கட்சியின் நிர்வாகியும், யூடியூபருமான சாட்டை துரைமுருகன், விக்கிரவாண்டி இடைத்தேர்தலில் நாம் தமிழர் கட்சியின் வேட்பாளர் அபிநயாவை ஆதரித்து பிரசாரம் மேற்கொண்டார். பிரசாரத்தின்போது சாட்டை துரைமுருகன், திமுக தலைவர்கள் குறித்தும், முன்னாள் முதல்வர் கருணாநிதி குறித்தும் சர்ச்சைக்குரிய வகையில் பேசியதாகக் கூறப்படுகிறது. சாட்டை துரைமுருகன்

அது தொடர்பாக திமுக தரப்பில் புகார் அளிக்கப்பட்டது. இந்த நிலையில், சாட்டை துரைமுருகன் மீது திருச்சி மாவட்ட சைபர் க்ரைம் போலீஸார் வழக்கு பதிவுசெய்து, விசாரணை மேற்கொண்டு வந்தனர். இந்த நிலையில், இன்று காலை சாட்டை துரைமுருகனைத் தனிப்படை போலீஸார், தென்காசி மாவட்டம் குற்றாலம் அருகில் வைத்துக் கைதுசெய்திருக்கின்றனர். அவரை திருச்சிக்கு அழைத்துவந்த விசாரணை மேற்கொள்ளவிருப்பதாகச் சொல்லப்படுகிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/2b963ppb">
https://tinyurl.com/2b963ppb />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/2b963ppb">
https://tinyurl.com/2b963ppb />

http://dlvr.it/T9S4m4

Read More

கார்ட்டூன்: ஓடவும் முடியாது... ஒளியவும் முடியாது..!

கார்ட்டூன்: ஓடவும் முடியாது... ஒளியவும் முடியாது..!


http://dlvr.it/T9QmJH

Read More

Nitish: `காலில்கூட விழுகிறேன்'- சாலை பணி தொடர்பாக தனியார் அதிகாரியிடம் நிதிஷ்; விமர்சிக்கும் தேஜஸ்வி

எதிர்க்கட்சிகளின் இந்தியா கூட்டணி உருவாக அடித்தளமிட்டு, கூட்டணி உருவான பிறகு அதிலிருந்து பாதியிலேயே வெளியேறி, பின்னர் செத்தாலும் கூட்டணி கிடையாது என்று கூறிய பா.ஜ.க-விடமே மீண்டும் கூட்டணியமைத்து, இறுதியில் தேர்தலில் பா.ஜ.க தனிப்பெரும்பான்மை இழந்தபோதும் கூட்டணியாட்சி அமைக்க உதவியதன் மூலம் ஊடக வெளிச்சம் பெற்றார் பீகார் முதல்வர் நிதிஷ் குமார். அதைத் தொடர்ந்து, பீகாரில் மூன்று வாரங்களில் 13 பாலங்கள் இடிந்துவிழுந்ததன் காரணமாக கடந்த சில நாள்களாக மீண்டும் கவனம் பெற்றிருக்கிறார். இந்த நிலையில், சாலைத் திட்டத்தைக் குறிப்பிட்ட நேரத்தில் முடிக்குமாறு, தனியார் நிறுவன அதிகாரியிடம் காலில்கூட விழுகிறேன் என கோபமாக நிதிஷ் குமார் கூறியிருப்பது, எதிர்க்கட்சித் தலைவரிடமிருந்து விமர்சனத்தைப் பெற்றிருக்கிறது.நிதிஷ் குமார்

முன்னதாக, ஜே.பி கங்கா பாதை சாலைத் திட்டப்பணி தொடர்பாக பாட்னாவில் இன்று நிகழ்ச்சி நடைபெற்றது. இந்த நிகழ்ச்சியில், துணை முதல்வர்கள் சாம்ராட் சௌத்ரி, விஜய் குமார் சின்ஹா ​​மற்றும் உள்ளூர் எம்.பி ரவிசங்கர் பிரசாத் ஆகியோர் கலந்துகொண்டனர். அப்போது, ஐ.ஏ.எஸ் அதிகாரி ஒருவர் நிதிஷ் குமாரிடம், ஜே.பி கங்கா பாதையை பாட்னாவிலுள்ள கங்கன் காட் வரை விரிவுபடுத்துவதை விரைவுபடுத்துமாறு கூறினார்.

அப்போது, ``உங்கள் காலில்கூட விழுகிறேன், தயவுசெய்து குறிப்பிட்ட நேரத்தில் வேலையை முடியுங்கள்" என நிதிஷ் குமார் தனியார் நிறுவன அதிகாரியிடம் கோபமாகக் கூறி அவரை நோக்கிச் சென்றார். இதனால் பதறிய அந்த அதிகாரி, `ஐயா, தயவுசெய்து இப்படியெல்லாம் செய்யாதீர்கள்' என்றார்.

Watch: Bihar CM Nitish Kumar urged an IAS officer to expedite the extension of JP Ganga Path up to Kangan Ghat in Patna, says "I touch your feet; please complete the work on time" pic.twitter.com/bAkFU6aAOK— IANS (@ians_india) July 10, 2024

நிதிஷ் குமார் கடந்த நாள்களுக்கு முன்பும் இதேபோல, நில பிரச்னைகளில் விரிவான ஆய்வுகளை மேற்கொண்டு விரைவாகத் தீர்க்க வேண்டும் என ஐ.ஏ.எஸ் அதிகாரியிடம் கூறி அவரின் பாதங்களைத் தொட முயன்றார்.

இவ்வாறிருக்க நிதிஷ் குமாரின் இத்தகைய செயல்களைத் தொடர்ந்து மாநில எதிர்க்கட்சித் தலைவர் தேஜஸ்வி யாதவ், ``முதல்வர் பலமற்றவராக இருக்கிறார். ஏனென்றால், அரசு அதிகாரியாக இருந்தாலும், தனியார் நிறுவன அதிகாரியாக இருந்தாலும் அனைவரின் காலிலும் விழ எப்போதும் தயாராக இருக்கிறார்'' என்று விமர்சித்திருக்கிறார்.Bihar: `எந்தப் பாலம் எப்போது விழும் எனத் தெரியவில்லை' - JD(U) கூட்டணியில் இருக்கும் பாஜக விமர்சனம்!


http://dlvr.it/T9QS5Q

Read More