Kerala: சுத்தம்செய்ய கழிவுநீர் ஓடையில் இறங்கிய தொழிலாளி மரணம்; மோதிக்கொள்ளும் ரயில்வே, மாநகராட்சி!

கேரள மாநில தலைநகரான திருவனந்தபுரத்தில் ஆமை இழஞ்சான் தோடு என அழைக்கப்படும் கழிவுநீர் ஓடை அமைந்துள்ளது. சுமார் 13 கிலோ மீட்டர் நீளத்தில் அமைந்துள்ள இந்த கழிவுநீர் ஓடையில் சுமார் 6 கிலோ மீட்டர் பகுதி திருவனந்தபுரம் மாநகராட்சி எல்லைக்குள் வருகிறது. அதில் சுமார் 100 மீட்டர் பகுதி திருவனந்தபுரம் சென்ட்ரல் ரயில் நிலைய பகுதியில் அமைந்துள்ளது. திருவனந்தபுரம் பகுதியில் உள்ள கழிவுநீர் ஓடையை தூய்மைப்படுத்தும் பணியில் தூய்மைப்பணியாளர்கள் நான்கு பேர் நேற்று முன் தினம் ஈடுபட்டிருந்தனர். மூவர் கரையில் நின்றுகொண்டிருந்த நிலையில், ஓடையை சுத்தம் செய்ய ஜோய் (42) என்பவர் கழிவுநீரில் இறங்கியுள்ளார். அப்போது திடீரென கழிநீர் பெருக்கெடுத்து ஓடியதில் ஜோய் அடித்துச் செல்லப்பட்டார். உடனிருந்த தொழிலாளர்கள் அளித்த தகவலின் அடிப்படையில் ஓடையில் மாயமான ஜோய்யை தேடும் பணியில் தீயணைப்புத்துறையினர் மற்றும் மாநகராட்சி ஊழியர்கள் ஈடுபட்டனர். ஜோய்யைக் கண்டுபிடிக்க முடியாத நிலையில் தேசிய பேரிடர் மீட்புப் படை வீரர்களும் தேடுதல் பணியில் இறங்கினர். கழிவுநீருடன் டன் கணக்கில் பிளாஸ்டிக் உள்ளிட்ட திடக்கழிவுகளும் தேங்கி கிடந்ததால் மீட்புப் படையினரின் தேடுதல் பணியில் தாமதம் ஏற்பட்டது. இதையடுத்து இன்று நடந்த தேடுதல் வேட்டையில் இந்திய கடற்படை வீரர்களும் ஈடுபட்டனர். அப்போது தொழிலாளி மாயமான பகுதியில் இருந்து சுமார் ஒரு கிலோமீட்டர் தொலைவில் தகரப்பறம்பு வஞ்சியூர் ஓடையில் ஜோயின் உடன் கிடப்பதாக போலீஸாருக்கு தகவல் கிடைத்துள்ளது. இதையடுத்து போலீஸார் அந்த உடலை மீட்டு பிரேத பரிசோதனைக்காக திருவனந்தபுரம் அரசு மருத்துவக் கல்லூரி மருத்துவமனைக்கு அனுப்பிவைத்தனர். இதையடுத்து சுமார் 46 மணிநேர தேடுதல் பணி முடிவுக்கு வந்தது.மரணமடைந்த தொழிலாளி ஜோய்

திருமணம் செய்துகொள்ளாமல் தாய் மெல்ஹி-யுடன் வசித்துவந்துள்ளார், தொழிலாளி ஜோய். அவர் வசிக்கும் மிகவும் மோசமான நிலையில் உள்ள வீட்டுக்குச் செல்ல பாதை இல்லை என்பதால், தனது அண்ணனின் வீட்டில் வசித்துவந்துள்ளார். வேலைக்காக யார் அழைத்தாலும் செல்வார். வேலை இல்லாத நாட்களில் பழைய பொருட்களை சேகரித்து ஆக்கர் கடையில் விற்றுவந்துள்ளார் ஜோய். ஆமை இழஞ்சான் ஓடையை சுத்தம் செய்யும் பணியை ஒப்பந்ததாரர் ஒருவர் எடுத்துள்ளார். அந்த ஒப்பந்ததாரர் அழைத்ததன் அடிப்படையில்தான் ஜோய் பணிக்குச் சென்றுள்ளார். ஜோய் மரணத்தைத் தொடர்ந்து அவரது தாய்க்கு 10 லட்சம் ரூபாய் இழப்பீட்டுடன், வீடு கட்டிக்கொடுக்கப்படும் என அரசு அறிவித்துள்ளது. அத்துடன் அந்த வீட்டுக்கு பாதை ஏற்படுத்தப்படும் எனவும் அறிவிக்கப்பட்டுள்ளது. இதற்கிடையே ஆமை இழஞ்சான் ஓடையில் உள்ள அனைத்து குப்பை கழிவுகளையும் அகற்ற நடவடிக்கை எடுக்க வேண்டும் என கேரளா ஐகோர்ட் கூறியுள்ளது.

தூய்மை தொழிலாளி ஜோய் மரணத்துக்கு ரயில்வே துறைதான் காரணம் எனவும், ரயில் நிலையத்தில் இருந்து அதிகப்படியான கழிவுகள் ஆமை இழஞ்சான் ஓடையில் விடப்படுவதாகவும் திருவனந்தபுரம் மாநகராட்சி மேயர் ஆர்யா ராஜேந்திரன் கூறியிருந்தார்.

அதேபோல ரயில்வே தரப்பில், ``சம்பந்தப்பட்ட பகுதியில் ரயில்வேக்குச் சொந்தமான இடம் என்றால், வெறும் 100 மீட்டர் தூரம்தான். அதனால் எங்களால் அங்கு பெரிய அளவில் பணிகளை மேற்கொள்ள முடியாமல் போனது. இருப்பினும் இத்தகைய சம்பவத்துக்கு மாநகராட்சி அதிகாரிகளின் கவனக்குறைவே காரணம்" எனக் குற்றம்சாட்டப்படுகிறது.

அதே சமயம், ``மழைக்காலத்துக்கு முன் ஓடைகளை சுத்தம்செய்ய தவறியது மாநகராட்சி நிர்வாகம். ஜோய் மரணத்துக்கு காரணமான மாநகராட்சி மேயர் ஆர்யா ராஜேந்திரன் மீது வழக்கு பதிவு செய்யவேண்டும்" என பா.ஜ.க மாநில தலைவர் கே.சுரேந்திரன் தெரிவித்துள்ளார். ஜோய் மரணம் குறித்து முதல்வர் பினராயி விஜயன் வெளியிட்டுள்ள அறிக்கையில், "ஜோய் மரணம் மிகவும் துக்ககரமானது. ஜோய் மரணத்துக்கு ஆழ்ந்த இரங்கலை தெரிவித்துக்கொள்கிறேன். குடும்ப உறுப்பினர்களின் துக்கத்தில் பங்கெடுத்துக்கொள்கிறேன். ஜோய்யை மீட்க 46 மணிநேரம் பல்வேறு துறைகள் இணைந்து மீட்புப் பணியில் ஈடுபட்டன. மனித சக்தியால் முடிந்த அனைத்து நடவடிக்கைகளும் மேற்கொள்ளப்பட்டன. போலீஸ், தீயணைப்புத்துறை முதல் கப்பற்படை வரை கை மெய் மறந்து பணிசெய்த அனைவருக்கும் நன்றி" என்றார்.ஆம்ஸ்ட்ராங் கொலை: கைதான ரௌடி திருவேங்கடம் என்கவுன்ட்டர்; `சந்தேகம்' கிளப்பும் கட்சிகள்!


http://dlvr.it/T9d1xq

Read More

முரண்டு பிடிக்கும் கர்நாடக காங்கிரஸ் அரசு... காவிரி பிரச்னையில் திமுக-வுக்கு பின்னடைவா?!

காவிரியிலிருந்து தமிழ்நாட்டுக்கு நாள்தோறும் 1 டி.எம்.சி தண்ணீர் திறந்துவிட வேண்டும் என காவிரி நீர் ஒழுங்காற்று குழு உத்தரவிட்டிருக்கும் நிலையில், `8000 கன அடி நீர் மட்டுமே திறந்துவிட முடியும். உத்தரவிட்டபடி கொடுக்கமுடியாது' என கர்நாடக காங்கிரஸ் முதலமைச்சர் சித்தராமையா முரண்டு பிடித்திருக்கிறார். இதையடுத்து தமிழ்நாடு முதலமைச்சர் ஸ்டாலின் அனைத்துக் கட்சிக் கூட்டத்துக்கு அழைப்பு விடுத்திருக்கிறார். அனைத்துக்கட்சிகள் கூட்டத்தில் டி.கே.சிவக்குமார், சித்தராமையா

தமிழ்நாட்டுக்குரிய காவிரி நீரை திறந்துவிடாமல் தொடர்ந்து குடைச்சல் கொடுத்துக்கொண்டிருக்கிறது கர்நாடக அரசு. கர்நாடகாவில் பா.ஜ.க ஆட்சியிருந்தாலும் சரி, தி.மு.க கூட்டணியிலிருக்கும் காங்கிரஸ் ஆட்சியிருந்தாலும் சரி `தமிழ்நாடு கேட்கின்ற காவிரி நீர் இல்லை' என்ற ஒற்றை பதிலில் அந்த மாநில அரசு உறுதியாக இருக்கிறது. அந்தவகையில், தமிழ்நாடு எதிர்க்கும் மேக்கேதாட்டு அணை காவிரியின் குறுக்கே கட்டப்பட்டேதீரும் என வேகம்காட்டிவரும் கர்நாடக அரசு, வழக்கமாக தமிழ்நாட்டுக்கு கொடுக்கவேண்டிய நீரையும் கொடுக்காமல் அணைகளின் கதவுகளை அடைத்துவைத்திருக்கிறது. குறிப்பாக, தென்மேற்குப் பருவமழைக் காலம் தொடங்கியிருக்கும் நிலையில், கர்நாடகாவிலுள்ள ஹாரங்கி அணையில் 73%, ஹேமாவதி அணையில் 55 %, கிருஷ்ணராஜ சாகர் அணையில் 54%, கபினியில் 96% நீர் நிரம்பியிருக்கும் நிலையிலும், தங்கள் மாநிலத்தில் தண்ணீர்பற்றாக்குறை இருப்பதாகக் கூறி தமிழ்நாட்டுக்கான காவிரி நீரை திறந்துவிட மறுக்கிறது.

இந்தநிலையில், கர்நாடக அணைகளில் உள்ள நீர்வரத்தை கணக்கில்கொண்ட காவிரி நீர் ஒழுங்காற்று குழு, ``தமிழ்நாட்டுக்கு வரும் ஜூலை 12-ம் தேதி முதல் ஜூலை 31-ம் தேதி வரை வினாடிக்கு 11,500 கன அடிநீர் வீதம் நாளொன்றுக்கு 1 டி.எம்.சி நீரை விடுவிக்க வேண்டும்" எனக்கூறி அதிரடியாக உத்தரவிட்டது. அதைத்தொடர்ந்து, அவசர அவசரமாக அமைச்சரவைக் கூட்டத்தைக் கூட்டிய கர்நாடகா முதலமைச்சர் சித்தராமையா, தமிழ்நாட்டுக்கு காவிரிநீர் திறந்துவிட முடியாது என்று அறிவித்தார். அதன்பின்னர் நேற்று ஜூலை 14-ம் தேதி நடந்த கர்நாடக மாநில அனைத்துக்கட்சிக் கூட்டத்தில், முதலமைச்சர் சித்தராமையா, துணை முதலவரும் நீர்வளத்துறை அமைச்சருமான டி.கே. சிவக்குமார், கர்நாடகாவைச் சேர்ந்த மத்திய அமைச்சர்கள், விவசாய அமைப்பினர்கள் உள்ளிட்ட பல்வேறு தரப்பினரும் கலந்துகொண்டனர். பல்வேறு விவாதங்கள் எதிர்ப்புகளுக்கிடையே ஆலோசனைக் கூட்டத்தை இறுதிசெய்த முதலமைச்சர் சித்தராமையா, ``தமிழ்நாட்டுக்கு 1 டி.எம்.சிக்கு பதிலாக தினமும் 8,000 கன அடி காவிரி நீர் திறந்துவிடலாம் என அனைத்துக்கட்சிக் கூட்டத்தில் முடிவெடுக்கப்பட்டிருக்கிறது'' எனத் தெரிவித்தார். காவிரி

இது தமிழக மக்கள் மற்றும் விவசாயிகளிடையே பெரும் ஏமாற்றத்தையும் கொந்தளிப்பையும் ஏற்படுத்தியிருக்கிறது. கர்நாடகாவின் முடிவுக்கு தமிழ்நாடு விவசாயிகள் கடுமையாக எதிர்ப்பு தெரிவித்துவருகின்றனர். அதேபோல, `ஒரே கூட்டணியில் இருக்கும் கர்நாடக காங்கிரஸிடமிருந்து தி.மு.கவால் தண்ணீர் பெற்றுத்தர முடியவில்லை' என அ.தி.மு,க., பா.ம.க, பா.ஜ.க போன்ற தமிழக எதிர்கட்சிகளும் கடுமையாக விமர்சித்துவருகின்றன.

குறிப்பாக, அ.தி.மு.க பொதுச்செயலாளர் எடப்பாடி பழனிசாமி, ``விளம்பர போட்டோ ஷூட்டில் மட்டுமே கவனம் செலுத்தும் விடியா திமுக முதல்வர், காங்கிரசின் தயவிற்காக தமிழ்நாட்டின் ஜீவாதார உரிமையை விட்டுக்கொடுப்பது அவரின் தொடர் செயலற்றத்தன்மை மூலம் தெளிவாகத் தெரிகிறது. மேடையில் மட்டும் மாநில உரிமை பற்றி வாய் கிழிய பேசும் விடியா திமுக அரசின் முதல்வர் தன்னுடைய செயலற்ற தன்மையால், தமிழக மக்களின் வாழ்வோடு விளையாடி வருவது கடும் கண்டனத்திற்குரியது!" என விமர்சித்திருக்கிறார். ஸ்டாலின், எடப்பாடி பழனிசாமி

அதேபோல பா.ம.க நிறுவனர் ராமதாஸ், ``கர்நாடக அணைகளில் 77 டி.எம்.சி தண்ணீர் உள்ளது. தினமும் 3.15 டி.எம்.சி வீதம் தண்ணீர் வந்து கொண்டிருக்கிறது. ஆனாலும், தமிழ்நாட்டிற்கு தண்ணீர் வழங்க கர்நாடக அரசு மறுக்கிறது. இதைக் கண்டிக்க வேண்டும் என்ற குறைந்தபட்ச அக்கறை கூட இல்லாமல் தமிழக அரசு வேடிக்கைப் பார்த்துக் கொண்டிருக்கிறது. காவிரியில் தமிழ்நாட்டிற்கு உரிய உரிமைகளை திமுக அரசு எந்த அளவுக்கு தாரை வார்த்துக் கொண்டிருக்கிறது என்பதற்கு இது தான் வருந்தத்தக்க எடுத்துக்காட்டு ஆகும். கர்நாடகத்தின் அநீதியை தமிழக அரசு இனியும் கைகட்டி வேடிக்கைப் பார்த்துக் கொண்டிருக்கக் கூடாது" என கொந்தளித்திருக்கிறார்.

மேலும், தமிழக பா.ஜ.க துணைத்தலைவர் கரு.நாகராஜன், ``தமிழகத்திற்கு தண்ணீர் திறந்து விட மறுக்கும் கர்நாடக காங்கிரஸ் அரசை கண்டிப்போம்! வேடிக்கை பார்க்கும் திமுக அரசையும் கண்டிப்போம்! காவிரி பிரச்னையில் தமிழகத்தை வஞ்சிக்கும் காங்கிரஸை எதிர்த்து இண்டி கூட்டணியில் இருந்து தி.மு.க விலகுமா? அரசியல் லாபத்திற்காக தமிழக மக்களின் உரிமையை இழக்கலாமா?" எனக் கேள்வி எழுப்பியிருக்கிறார். இதையடுத்து, முதலமைச்சர் மு.க. ஸ்டாலின் அனைத்துக்கட்சிக் கூட்டத்தைக் கூட்டவேண்டும் என தி.மு.க கூட்டணி கட்சிகளான வி.சி.க, கம்யூனிஸ்ட் கட்சிகள் கோரிக்கை விடுத்திருக்கின்றன. ராமதாஸ் - முதல்வர் ஸ்டாலின்

இதுகுறித்துப் பேசிய தமிழ்நாடு நீர்வளத்துறை அமைச்சர் துரைமுருகன், ``கூட்டணி என்பது வேறு; அவரவர் பிரச்னைகள் என்பது வேறு. காவிரி ஒழுங்காற்றுக்குழு 1 டி.எம்.சி நீரை தமிழகத்துக்கு வழங்கவேண்டும் என்று கூறியது. கர்நாடக அணைகளிலும் போதிய நீர் இருப்பு உள்ளது. ஆனால் 1 டி.எம்.சி நீரை தமிழகத்துக்கு வழங்க கர்நாடக அரசு மறுக்கிறது. 8,000 கன அடி நீர் மட்டுமே தரமுடியும் என்கிறது. கர்நாடகா இப்போது `கொடுக்க மாட்டேன்' என்று சொன்னாலும் மழை பெய்தால் நாம் `வேண்டாம்' என்று சொன்னாலும் கொடுத்துவிடும். கர்நாடகாவில் உச்ச நீதிமன்ற தீர்ப்பை மதிக்காமல் இருக்கிறார்கள். அவர்கள் உரிமையை அவர்கள் கேட்கிறார்கள்; நமது உரிமையை நாம் கேட்போம். காவிரி பிரச்னை தொடர்பாக அனைத்துக் கட்சி கூட்டம் நடத்துவதா, இல்லை கர்நாடக முதலமைச்சருக்கு கடிதம் எழுதுவதா? என முதலமைச்சர் ஸ்டாலின்தான் முடிவெடுப்பார்!" எனத் தெரிவித்தார்.

இந்த நிலையில், கர்நாடக அரசின் முடிவை எதிர்த்து தமிழ்நாடு முதலமைச்சர் மு.க. ஸ்டாலின் கண்டன அறிக்கை வெளியிட்டிருக்கிறார். அந்த அறிக்கையில், ``காவிரி நடுவர் மன்றம் 05.02.2007 அன்று அளித்த இறுதி ஆணையினையும், உச்ச நீதிமன்றத்தின் 16.02.2018 தேதியிட்ட தீர்ப்பினையும், செயல்படுத்த, காவிரி நீர் ஒழுங்காற்று குழு (CWRC) மற்றும் காவிரி நீர் மேலாண்மை ஆணையம் (CWMA) ஆகிய அமைப்புகளை அமைக்க உச்ச நீதிமன்றம் உத்தரவிட்டது. இதன்படி, 2018-ம் ஆண்டு ஜூன் முதல் இவ்வமைப்புகள் செயல்பட்டு வருகின்றன. இந்த தீர்ப்புகளின் படி தமிழகத்துக்கு கிடைக்க வேண்டிய நீரை சென்ற ஆண்டில் கர்நாடக அரசு விடுவிக்காததால், வேளாண் பெருமக்களுக்கு கடும் பாதிப்பு ஏற்பட்டது. இதுகுறித்து தமிழக அரசு உச்ச நீதிமன்றத்தை நாடி நீரைப் பெற்றது. தற்போதைய தென்மேற்குப் பருவமழைக் காலத்தில், கர்நாடக அணைகளின் நீர்வரத்தை கணக்கில் கொண்டு காவிரி நீர் ஒழுங்காற்று குழு மற்றும் காவிரி நீர் மேலாண்மை ஆணையம் ஆகிய அமைப்புகள் தமிழகத்துக்கு பில்லிகுண்டுலுவில் கிடைக்க வேண்டிய நீரினை கணக்கிட்டு 12.07.2024 முதல் 31.07.2024 வரை நாளொன்றுக்கு ஒரு டிஎம்சி நீரை விடுவிக்க வேண்டும் என்று காவிரி நீர் ஒழுங்காற்று குழு ஆணையிட்டுள்ளது.அமைச்சர் துரைமுருகன்

இந்த நிலையில், இந்த ஆணைப்படி தமிழகத்துக்கு விடுவிக்க வேண்டிய நீரை விடுவிக்க இயலாது என்று கர்நாடக அரசு தெரிவித்து இருப்பது மிகுந்த அதிர்ச்சியை அளிக்கிறது. இந்த ஆணையை உடனடியாக செயல்படுத்திட தமிழக அரசு காவிரி நீர் மேலாண்மை ஆணையத்துக்கு கடிதம் எழுதியுள்ளது. இவ்வாறு ஒழுங்கற்று குழு ஆணையின்படி நீரை விடுவிக்காத கர்நாடகத்தின் செயல் உச்ச நீதிமன்றத்தின் ஆணையை மீறுவதாகும். இன்றைய அளவில் (15.07.2024) கர்நாடகாவின் 4 முக்கிய அணைகளின் நீர் இருப்பு 75.586 டி.எம்.சி. ஆகும். மேலும், IMD-யின் அறிக்கையின்படி மழை சரியான அளவில் பெய்ய வாய்ப்புள்ளது. மேட்டூர் அணையில் வெறும் 13.808 டிஎம்சி அளவிற்கு மட்டுமே நீர் உள்ளது. இந்தச் சூழலில், ஒழுங்காற்று குழு ஆணையின்படி வரையறுக்கப்பட்டுள்ள நீரை கர்நாடகா நீர் தர மறுப்பது தமிழக விவசாயிகளை வஞ்சிக்கும் செயலாகும். தி.மு.க | மு.க. ஸ்டாலின்

இவ்வாறு, தமிழகத்துக்கு நீர் வழங்க முடியாது என்று கர்நாடக அரசு கூறுவது வன்மையாக கண்டிக்கத்தக்கது. தமிழக விவசாயிகளின் நலனை பாதிக்கக்கூடிய இத்தகைய செயல்களை தமிழக அரசு ஒருபோதும் ஏற்று கொள்ளாது. காவிரி நீரைப் பெறுவதற்கு தேவையான நடவடிக்கைகளை மேற்கொள்வது குறித்து நீர்வளத்துறை அமைச்சர் துரைமுருகன் தலைமையில் அனைத்து சட்டமன்ற கட்சி தலைவர்களின் கூட்டத்தை நாளை (16.07.2024) காலை 11.00 மணிக்கு தலைமைச் செயலகத்தில் கூட்டிட ஆணையிட்டுள்ளேன். இக்கூட்டத்தில் அனைவரையும் கலந்தாலோசித்து, சட்ட வல்லுநர்களின் கருத்துக்களைப் பெற்று, தமிழக அரசு மேற்கொள்ள வேண்டிய அடுத்தகட்ட நடவடிக்கைகள் குறித்து முடிவு செய்யப்படும்!" எனத் தெரிவித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T9cdjv

Read More

`வேடிக்கை பார்க்க முடியாது' அண்ணாமலை படத்தோடு ஆடு வெட்டிய வழக்கில் தமிழக அரசுக்கு குட்டு..!

நடந்து முடிந்த நாடாளுமன்றத் தேர்தல் முடிவுகளை ஒட்டி தமிழகம் மற்றும் புதுச்சேரியில் தி.மு.க கூட்டணி கட்சிகள் 40 தொகுதிகளையும் கைப்பற்றியது. இதையொட்டி நடைபெற்ற வெற்றிக் கொண்டாடத்தில் தி.மு.கவை சேர்ந்தவர்கள் கிருஷ்ணகிரியில் ஆட்டின் கழுத்தில் தமிழக பா.ஜ கட்சியின் மாநிலத் தலைவர் அண்ணாமலையின் புகைப்படத்தை மாட்டி, அந்த ஆட்டை நடுரோட்டில் வெட்டினர். இதை வீடியோவாகவும் புகைப்படமாகவும் எடுத்து சமூக வலைதளங்கள், வாட்ஸ் அப்பில் பரப்பினர். ஆடு வெட்டப்படுதல்

இந்த வீடியோ வேகமாக பரவிய நிலையில் ஒரு சிலர் மட்டுமே இதை கண்டித்திருந்தனர். இந்த அநாகரிக செயலை எதிர்த்து விகடன் இணையதளத்தில் 'வெட்டி வீழ்த்தப்பட்டிருப்பது ஆட்டின் தலை அல்ல... அரசியல் நாகரிகத்தின் தலை!' என்று கண்டித்ததோடு வெ(ற்)றிக் கொண்டாட்டம்; வெட்டப்பட்ட ஆடுகள்... முதல்வர் ஸ்டாலின் அவர்களே! இதுதானா உங்கள் முற்போக்கு? என்ற தலைப்பில் நீண்டதொரு கட்டுரையை வெளியிட்டோம்.

அதன்பிறகு பா.ஜ.க பிரமுகரும் வழக்கறிஞருமான மோகன்தாஸ் என்பவர் சென்னை உயர் நீதிமன்றத்தில் வழக்குத் தொடர்ந்தார்.

அவர் தாக்கல் செய்த மனுவில், "பொது இடத்தில் ஆடு வெட்டியது குறித்து காவல் நிலையத்தில் வழக்கு தொடுத்தும் தமிழக அரசு எந்த நடிவடிக்கையும் எடுக்கவில்லை" என்று குறிப்பிட்டிருந்தார். மனுதாரர் தரப்பில் ஆஜரான வழக்கறிஞர் ஜி.எஸ்.மணி, "இதுபோன்ற சம்பவங்கள் கிரிமினல் குற்றம் மட்டுமல்லாது, இது விலங்குகள் வன்கொடுமை தடுப்பு சட்டத்தின்படி குற்றமாகும். இதுபோன்ற சம்பவங்கள் தவறான முன்னுதாரணத்தை ஏற்படுத்திவிடும். அரசியல் தலைவர்களின் புகைப்படத்தை அணிவித்து மக்கள் மத்தியில் விலங்குகளை வெட்டுவது உடனடியாக தடுக்க வேண்டும்" என்று வாதிட்டார். உயர் நீதிமன்றம்

இந்த வழக்கை விசாரித்த பொறுப்பு தலைமை நீதிபதி மகாதேவன் தலைமையிலான அமர்வு, சாலையில் ஆட்டின் கழுத்தில் அண்ணாமலையின் புகைப்படத்தை மாட்டி வெட்டியதை வேடிக்கை பார்த்துக் கொண்டிருக்க முடியாது என்று கண்டித்ததோடு, இந்த செயலுக்கு அதிருப்தியும் தெரிவித்துள்ளது. இதுகுறித்து பதிலளிக்க தமிழக அரசுக்கு உத்தரவிட்டுள்ளது. வழக்கு விசாரணையை தேதி குறிப்பிடாமல் ஒத்தி வைத்துள்ளது.

விகடன் வெளியிட்ட கட்டுரையை படிக்க இந்த லிங்க்கை க்ளிக் செய்யவும்.வெ(ற்)றிக் கொண்டாட்டம்; வெட்டப்பட்ட ஆடுகள்...
முதல்வர் ஸ்டாலின் அவர்களே! இதுதானா உங்கள் முற்போக்கு?


http://dlvr.it/T9bvPy

Read More

Tamil News Live Today: காலை உணவுத் திட்டம் விரிவாக்கம்... இன்று தொடங்கிவைக்கிறார் முதல்வர் ஸ்டாலின்!

இன்று முதல் காலை உணவு திட்டம் விரிவாக்கம்!



திமுக அரசு 2021-ம் ஆட்சி அமைத்தப் பின்னர், 2022-ம் ஆண்டில் செப்டம்பர் 15-ம் தேதி, தமிழ்நாட்டில் உள்ள அரசு தொடக்கப் பள்ளிகளில் ஒன்று முதல் ஐந்தாம் வகுப்பு வரை படிக்கும் குழந்தைகளுக்கு காலை உணவுத் திட்டம் தொடங்கப்பட்டது. பின்னர், 2023-ம் ஆண்டு ஆஇந்தத் திட்டம் பல அரசுப் பள்ளிகளுக்கு விரிவுபடுத்தப்பட்டது. தற்போது இந்த திட்டம் மேலும் விரிவுப்படுத்தப்படவுள்ளது. காமராஜர் பிறந்த நாளான இன்று, அரசு உதவி பெறும் தொடக்கப் பள்ளிகளில் பயிலும் மாணவர்களுக்கும் காலை உணவு வழங்கும் திட்டம் தொடங்கப்படுகிறது. திருவள்ளூர் மாவட்டம் கீழச்சேரி கிராமத்தில் உள்ள புனித அன்னாள் அரசு உதவி பெறும் தொடக்கப் பள்ளியில் முதலமைச்சர் ஸ்டாலின் இதை தொடக்கி வைக்கிறார். 


Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T9bcSQ

Read More

கார்ட்டூன் - இனி சலங்கை கட்டி ஆடுவோம்..!

இனி சலங்கை கட்டி ஆடுவோம்..!


http://dlvr.it/T9bQVx

Read More

`4 ஆண்டுகளில் 8 கோடி வேலைவாய்ப்புகள் உருவாக்கப்பட்டதா?' - மோடியிடம் கார்கே முன்வைக்கும் 3 கேள்விகள்!

காங்கிரஸ் உள்ளிட்ட எதிர்க்கட்சிகள், நடந்து முடிந்த நாடாளுமன்றத் தேர்தலில் பா.ஜ.க அரசைக் குற்றம்சாட்டி மக்களிடம் முன்வைத்த நாட்டின் முக்கிய பிரச்னைகளில் ஒன்று `வேலைவாய்ப்பின்மை'. தொடர்ச்சியாக 25 ஆண்டுகளுக்கு மேலாக பா.ஜ.க ஆட்சி நடைபெற்றுவரும் குஜராத்தில் கடந்த வாரம்கூட, தனியார் நிறுவனத்தில் சொற்ப இடங்களுக்கான இன்டெர்வியூக்காக சுமார் ஆயிரக்கணக்கில் இளைஞர்கள் முண்டியடித்துக்கொண்ட காட்சிகள் சமூக வலைதளங்களில் வைரலாகியது.Job opportunities | வேலைவாய்ப்புகள்

இவ்வாறிருக்க, மும்பையில் நேற்று நடைபெற்ற நிகழ்ச்சியொன்றில் பேசிய பிரதமர் மோடி, `சமீபத்தில் வேலைவாய்ப்பு குறித்த விரிவான அறிக்கையை ரிசர்வ் வங்கி வெளியிட்டது. அந்த அறிக்கையின்படி, கடந்த 3, 4 ஆண்டுகளில் சுமார் 8 கோடி புதிய வேலைவாய்ப்புகள் உருவாக்கப்பட்டிருக்கின்றன. இந்த எண்ணிக்கை வேலைவாய்ப்புகள் குறித்த போலிக் கதைகளைப் பரப்புபவர்களை மௌனமாக்கியிருக்கிறது' என்று கூறியிருந்தார்.

இந்த நிலையில், காங்கிரஸ் கமிட்டி தலைவரும், மாநிலங்களவை எதிர்க்கட்சித் தலைவருமான கார்கே மோடியிடம் இது தொடர்பாக மூன்று கேள்விகளை எழுப்பியிருக்கிறார்.

இதுகுறித்து கார்கே தனது X சமூக வலைதளப் பக்கத்தில், ``மும்பையில் நேற்று நீங்கள் (மோடி) வேலைவாய்ப்புகள் பற்றி பொய் பரப்பிக்கொண்டிருந்தீர்கள். எனவே, National Recruitment Agency (NRA)-ஐ அறிவிக்கும் போது நீங்கள் கூறியதை இந்த நேரத்தில் மீண்டும் உங்களுக்கு நினைவுபடுத்த விரும்புகிறேன்.மல்லிகார்ஜுன கார்கே

`கோடிக்கணக்கான இளைஞர்களுக்கு NRA ஒரு வரப்பிரசாதமாக இருக்கும். இந்தப் பொதுவான தகுதித் தேர்வின் மூலம், பல தேர்வுகள் நீக்கப்பட்டு பொன்னான நேரம் மிச்சப்படுத்தப்படும். மேலும், இது வெளிப்படைத்தன்மைக்கும் மிகுந்த ஊக்கமளிக்கும்' என்று 2020 ஆகஸ்டில் நீங்கள் கூறியிருந்தீர்கள். இப்போது, உங்களுக்கு என்னுடைய மூன்று கேள்விகள்... `(1) கடந்த நான்கு ஆண்டுகளாக NRA ஒரு தேர்வைக்கூட நடத்தாது ஏன்? (2) கடந்த நான்கு ஆண்டுகளில் NRA-க்கு ரூ.1,517.57 கோடி நிதி வழங்கப்பட்டும், இதுவரை ரூ.58 கோடி மட்டுமே செலவிடப்பட்டது ஏன்?பிரதமர் மோடி

(3) அரசுப் பணிகளுக்கான ஆள்சேர்ப்புக்காக NRA உருவாக்கப்பட்டது. அதில், SC, ST, OBC மற்றும் EWS இளைஞர்களின் இட ஒதுக்கீடு உரிமைகள் பறிக்கப்பட வேண்டுமென்பதற்காக வேண்டுமென்றே NRA செயலிழக்கச் செய்யப்பட்டதா?'. வினாத்தாள் கசிவு போன்ற மோசடி தேசிய தேர்வு முகமையால் செய்யப்பட்டது. மறுபக்கம், NRA ஒரு தேர்வைக் கூட நடத்தவில்லை. கல்வி முறையைச் சீரழித்து இளைஞர்களின் எதிர்காலத்தை அழிக்கும் பணியை பா.ஜ.க, ஆர்.எஸ்.எஸ் கையிலெடுத்திருக்கிறது. NRA பிரச்னையை நாங்கள் முன்பே எழுப்பியிருந்தோம். ஆனாலும், மோடி அரசு இதில் மௌனம் சாதிக்கிறது" என்று பதிவிட்டிருக்கிறார்.அரசே செய்யும் வேலைவாய்ப்பு மோசடி!


http://dlvr.it/T9ZbVX

Read More

`மாநில சிறப்பு அந்தஸ்து கிடையாது!' - நிதிஷ், சந்திரபாபு கோரிக்கைக்கு மத்தியில் மத்திய அமைச்சர்

தற்போது நடந்து முடிந்த நாடாளுமன்றத் தேர்தலில் பாஜக தலைமையிலான தேசிய ஜனநாயக கூட்டணி 293 இடங்களில் வெற்றிபெற்று ஆட்சியைப் பிடித்திருக்கிறது. இதில், தனியாக 370 இடங்களுக்கும் மேற்பட்ட இடங்களை இலக்கு வைத்த பாஜக, தனிப்பெரும்பான்மையைக் கூட பெற முடியாமல் 240 இடங்களோடு சுருங்கியது.மோடி, சந்திரபாபு நாயுடு, நிதிஷ்குமார்

இருப்பினும், கூட்டணியில் இருக்கும் தெலுங்கு தேசம் கட்சி மற்றும் ஐக்கிய ஜனதா தளம் ஆகியவை 16, 12 இடங்கள் முறையே வென்றதன் மூலம் பாஜக கூட்டணி ஆட்சியைத் தக்கவைத்திருக்கிறது. இதனாலேயே, கூட்டணியில் பா.ஜ.க-வுக்கு அடுத்தபடியாக தெலுங்கு தேசம் கட்சி, ஐக்கிய ஜனதா தளம் மிக முக்கிய கட்சிகளாகக் கவனிக்கப்படுகிறது.

அதற்கேற்றவாறு, இந்த இருகட்சிகளின் தலைவர்களான சந்திரபாபு நாயுடு, நிதிஷ் குமார் ஆகியோர் தங்களின் மாநிலங்களுக்கு சிறப்பு அந்தஸ்து வேண்டும் என கோரிக்கை விடுத்து வருகின்றனர். இந்த நிலையில், பிரதமர் மோடியின் கேபினட்டில் அங்கம் வகிக்கும் பீகாரின் முன்னாள் முதலமைச்சரும், தற்போது மத்திய அமைச்சருமான ஜிதன் ராம் மஞ்சி, எந்த மாநிலத்துக்கும் சிறப்பு அந்தஸ்து கிடையாது எனத் தெரிவித்திருக்கிறார்.மத்திய அமைச்சர் ஜிதன் ராம் மஞ்சி

ஹாஜிபூரில் செய்தியாளர்களிடம் பேசுகையில் இதனைத் தெரிவித்த ஹிந்துஸ்தானி அவாம் மோர்ச்சா கட்சியின் ஒரே எம்.பி ஜிதன் ராம் மஞ்சி, ``நாட்டில் எந்த மாநிலத்துக்கும் சிறப்பு அந்தஸ்து வழங்குவதை நிதி ஆயோக் தெளிவாக மறுத்திருக்கிறது. எனவே, பல்வேறு அரசியல் கட்சிகளைச் சேர்ந்தவர்கள் என்ன வேண்டுமானாலும் செய்யலாம். ஆனால், எந்த மாநிலத்துக்கும் சிறப்பு அந்தஸ்து வழங்கப்படாது. அதேசமயம், வளர்ச்சிக்கு எவ்வளவு பணம் தேவைப்பட்டாலும், அதை மத்திய அரசும், பிரதமர் மோடியும் வழங்குவார்கள்" என்று தெரிவித்தார்.

மத்திய அமைச்சரின் இத்தகைய கூற்றால் சந்திரபாபு நாயுடு, நிதிஷ் குமார் ஆகியோரிடமிருந்து எத்தகைய எதிர்வினை வரும் என்பதைப் பொறுத்திருந்துப் பார்க்க வேண்டும்.2 ஆண்டுகளுக்குப் பின் விசாரணைக்கு வரும் வழக்கு... காஷ்மீரின் சிறப்பு அந்தஸ்து மீளுமா?


http://dlvr.it/T9ZL8W

Read More