கர்நாடகா: தனியாரில் குரூப் C, D வேலைகள் 100% கன்னடர்களுக்கா? - கிளம்பிய எதிர்ப்பும், விளக்கமும்!

கர்நாடகாவில் தனியார் நிறுவனங்களில் குரூப் சி, டி கிரேடு வேலைகளில் கன்னடர்களுக்கு 100 சதவிகித இட ஒதுக்கீடு வழங்க மாநில அரசு மசோதா கொண்டுவந்திருப்பதாக முதல்வர் சித்தராமையா அறிவித்திருப்பது பெரும் விவாதப்பொருளாக மாறியிருக்கிறது. இதற்கெதிராக தொழில் நிறுவனங்கள் தரப்பில் எதிர்ப்புகள் கிளம்பிய நிலையில் அமைச்சர்கள் இது குறித்து விளக்கமளித்துவருகின்றனர்.சித்தராமையா

முன்னதாக, சித்தராமையா இது தொடர்பாக நேற்று தனது X சமூக வலைதளப் பக்கத்தில், `மாநிலத்திலுள்ள அனைத்து தனியார் தொழில் நிறுவனங்களிலும் 'சி மற்றும் டி' கிரேடு பணிகளுக்கு 100 சதவிகித கன்னடர்களை ஆள்சேர்ப்பு செய்வதைக் கட்டாயமாக்கும் மசோதாவுக்குத் திங்களன்று நடைபெற்ற அமைச்சரவைக் கூட்டம் ஒப்புதல் அளித்துள்ளது. இந்த அரசு கன்னடர்களுக்கு ஆதரவான அரசு. கன்னடர்களின் நலனைக் கவனிப்பதே எங்களின் முன்னுரிமை' என்று ட்வீட் செய்திருந்தார்.தொழில்நிறுவனங்களின் எதிர்ப்புகள்!

சித்தராமையாவின் இந்த அறிவிப்புக்கு தொழில் நிறுவனங்கள் மத்தியில் ஆதரவைக் காட்டிலும் எதிர்ப்புகள் அதிகம் கிளம்பியது. அந்த வரிசையில், மணிப்பால் குளோபல் எஜுகேஷன் சர்வீசஸ் சேர்மேன் (Chairman of Manipal Global Education Services) மோகன்தாஸ் பாய், `இந்த மசோதா பாரபட்சமானது மற்றும் பிற்போக்குத்தனமானது. இது 'அனிமல் ஃபார்ம் (Animal Farm)' (ஜார்ஜ் ஆர்வெல் நாவல்) போன்ற ஒரு பாசிச மசோதா' என்று ட்வீட் செய்து விமர்சித்தார்.கிரண் மஜும்தார்-ஷா, மோகன்தாஸ் பாய்

அதேபோல், பயோகான் (Biocon) நிர்வாகத் தலைவர் கிரண் மஜும்தார்-ஷா, ``தொழில்நுட்ப மையமாக எங்களுக்குத் திறமையானவர்கள் தேவை, அதே நேரத்தில் உள்ளூர் மக்களுக்கு வேலை வழங்குவதே இதன் நோக்கமாகும். இந்த நடவடிக்கை, தொழில்நுட்பத்தில் நமது மாநிலத்தின் முன்னணி நிலையில் பாதிப்பை ஏற்படுத்தக் கூடாது. இதில் எச்சரிக்கை வேண்டும்' என்று தெரிவித்தார்.ஆர்.கே.மிஸ்ரா - ASSOCHAM

மேலும், அசோசெம் (ASSOCHAM) நிறுவனத்தின் கர்நாடக பிரிவு இணைத் தலைவர் ஆர்.கே.மிஸ்ரா, ``கர்நாடக அரசின் மற்றுமொரு அதிமேதாவித்தன மசோதா. உள்ளூர்வாசிகளுக்கு இட ஒதுக்கீட்டைக் கட்டாயமாக்குவதுடன், அதைக் கண்காணிக்க ஒவ்வொரு நிறுவனத்திலும் அரசு அதிகாரியை நியமிக்க வேண்டும். இந்தக் குறுகிய பார்வை நிறுவனங்களை அச்சுறுத்தக்கூடும்" என்று எச்சரித்திருக்கிறார். இவற்றுக்கு மத்தியில், முதல்வர் சித்தராமையா தன்னுடைய X சமூக வலைதளப் பதிவை நீக்கிவிட்டார்.அமைச்சர்களின் விளக்கங்கள்!

இந்தக் குழப்பங்களுக்கு விளக்கமளித்த மாநில தகவல் தொழில்நுட்பத்துறை அமைச்சர் பிரியங்க் கார்கே, ``இதில் பதட்டப்படவேண்டிய அவசியமில்லை. உள்ளூர்வாசிகளுக்கு வேலைகளை வழங்குவதும் அதே நேரத்தில் முதலீடுகளைக் கொண்டுவருவதும் மாநில அரசின் நோக்கமாகும். இந்த மசோதா தொழிலாளர் துறையின் பரிந்துரை. தொழில்துறை அல்லது தகவல் தொழில்நுட்பத் துறையுடன் இதில் எந்த விவாதமும் இல்லை.சந்தோஷ் லாட், பிரியங்க் கார்கே

அதனால், எங்கள் துறைசார்ந்த தலைவர்களுடன் விரிவான ஆலோசனையை நடத்துமாறு முதலமைச்சரிடம் கோரிக்கை விடுத்துள்ளோம். அதன்பிறகு, உள்ளூர் மக்களுக்கு வேலை வழங்குவதை எவ்வாறு உறுதிப்படுத்துவது என்பதைப் பார்க்க ஒரு பொதுவான நிலைக்கு வருவோம்" என்றார்.

இவரைத்தொடர்ந்து, மாநில தொழிலாளர் நலத்துறை அமைச்சர் சந்தோஷ் லாட், தனியார் நிறுவனங்களின் நிர்வாகப் பதவிகளில் 50 சதவிகிதமும், நிர்வாகம் சாராத பதவிகளில் 70 சதவிகிதமும் கன்னடர்களுக்கு இட ஒதுக்கீடு அளிக்கப்படும் என்று தெரிவித்திருக்கிறார்.

அதேபோல், வர்த்தகம் மற்றும் தொழில்துறை அமைச்சர் எம்.பி.பாட்டீல், ``பலருக்கு அச்சங்கள் இருப்பதை நான் கவனித்தேன். இந்த குழப்பத்தை நாங்கள் தீர்ப்போம். இதனால் எந்த பாதகமான விளைவும் ஏற்படாது. இந்தியா ஒரு உற்பத்தி மற்றும் தொழில்துறை புரட்சியைச் சந்தித்து வருகிறது. இந்தப் போட்டி யுகத்தில், கர்நாடகா, மகாராஷ்டிரா, தமிழ்நாடு, தெலங்கானா போன்ற மாநிலங்கள் சிறந்த நிலையில் இருக்க முயற்சி செய்கின்றன.எம்.பி.பாட்டீல்

அனைத்து மாநிலங்களும் போட்டியின் உச்சத்தில் இருப்பது மிகவும் முக்கியமானது. நூற்றாண்டுக்கு ஒருமுறை நடக்கும் தொழில்மயமாதல் போட்டியைக் கர்நாடகா இழக்க முடியாது" என்றார்.

`கர்நாடகா மாநிலத் தொழில்கள், தொழிற்சாலைகள் மற்றும் பிற நிறுவனங்களில் உள்ளூர் வேட்பாளர்களுக்கான வேலைவாய்ப்பு மசோதா, 2024' நாளை (ஜூலை 18) சட்டமன்றத்தில் தாக்கல் செய்யப்படவிருப்பதாகத் தகவல்கள் வெளியாகிவருகிறது.கதவை மூடும் தனியார் பால் நிறுவனங்கள்... கலக்கத்தில் பால் விவசாயிகள்!


http://dlvr.it/T9jdDF

Read More

``பெண்ணிடம் செல்போன் எண் கேட்பது பாலியல் குற்றமாகாது..." - குஜராத் உயர் நீதிமன்றம் கருத்து!

குஜராத் மாநிலத்தின் தலைநகர் காந்திநகர் காவல் துறையில் பெண் ஒருவர் புகார் அளித்தார். அந்தப் புகாரில், சமீர் ராய் என்பவர் தன்னிடம் தன் பெயரையும், செல்போன் எண்ணையும், முகவரியையும் கேட்டார். எனவே அவர் மீது நடவடிக்கை எடுக்க வேண்டும் எனக் குறிப்பிட்டிருந்தார். அதன் அடிப்படையில் காந்திநகர் காவல்துறை சமீர் ராய் மீது கடந்த ஏப்ரல் 26 அன்று ஐ.பி.சி சட்டத்தின் பிரிவு 354-A கீழ் எஃப்.ஐ.ஆர் பதிவு செய்தது. மேலும், சமீர் ராயை கைது செய்து சிறையில் அடைத்தது. அதைத் தொடர்ந்து சமீர் ராய் குஜராத் உயர் நீதிமன்றத்தில் வழக்கு தொடர்ந்தார்.காவல்துறை

அந்த வழக்கு, நீதிபதி நிர்சார் தேசாய் முன்னிலையில் விசாரணைக்கு வந்தது. சமீர் ராய் தரப்பில் ஆஜரான வக்கீல், ``காவல்துறை அதிகாரிகள் பெண்ணிடம் செல்போன் எண்ணை கேட்டதற்காக பாலியல் வழக்கு பதிவு செய்திருக்கின்றனர். மேலும், சமீரின் செல்போனை பிடிங்கி சில தகவல்களையும் அழித்திருக்கின்றனர். இது தொடர்பாக கேள்வி கேட்டதால் சமீர் ராயையும் கடுமையாக தாக்கியிருக்கின்றனர்" எனக் குறிப்பிட்டார்.

இரு தரப்பு வாதங்களையும் கேட்ட நீதிபதி நிர்சார் தேசாய், ``யாராவது உங்கள் செல்போன் எண் என்ன எனக் கேட்டால் அது உங்களைப் புண்படுத்தலாமே தவிர, அதற்காக எஃப்.ஐ.ஆர் போடும் அளவிற்கான குற்றமல்ல அது. நிச்சயமாக, இது அந்த இளைஞரின் பொருத்தமற்ற செயல், ஆனால் ஐ.பி.சி-யின் பிரிவு 354-ன் படி பார்த்தால், பாலியல் துன்புறுத்தல் தொடர்பான குற்றச்சாட்டில் வழக்கு தொடரும் அளவிற்கான குற்றமாகாது. எஃப்.ஐ.ஆர் உண்மை என்று நம்பப்பட்டாலும், அறியாத பெண் ஒருவரிடம் பெயர், முகவரி போன்றவற்றைக் கேட்பது பொருத்தமற்ற செயல். அது பாலியல் துன்புறுத்தலாகாது." எனக் குறிப்பிட்டிருக்கிறார்.


http://dlvr.it/T9j9SM

Read More

விகடனின் ஆடிக் கொண்டாட்டம்; அசத்தல் சலுகையில் டிஜிட்டல் சந்தா !

விகடன் நூலகத்தில் உள்ள புத்தகங்களை படிக்கும்போது, நிச்சயம் அதில் மூழ்கிப் போகாமல் வாசகரால் இருக்க முடியாது அப்படி வாசிப்பின் எதிர்ப்பார்ப்பை கூட்டி பரவசம் அடைய செய்யும் விகடனின் 7 இதழ்களும் உங்கள் வாழ்வியலை மேம்படுத்தி உங்களின் நம்பிக்கைக்குரிய உற்ற தோழனாக உங்கள் ஞானத் தேடலில் விறுவிறுப்பு தீராமல் தகவல்களை அள்ளித்தருகின்றன.

சந்தா பலன்கள்:

⚡️ 8 பிரீமியம் டிஜிட்டல் இதழ்கள் !

⚡️ ஆன்லைனில் வாங்கும் விகடன் பிரசுர புத்தகங்களுக்கு 25% தள்ளுபடி !

⚡️ இதழின் பிரீமியம் கட்டுரைகளை ஆடியோவாகவும் கேட்கும் அனுபவம் !

⚡️ App மற்றும் Website (Dekstop) இரண்டிலும் புத்தக வடிவில் வாசிக்கும் (PDF) வசதி !

⚡️ விளம்பர இடையூரற்ற வாசிப்பனுபவம் !

உங்களுக்கான மூன்று சிறப்புச் சலுகைகள்:

* Save ₹800> ₹1749 மதிப்புள்ள 1 வருட விகடன் டிஜிட்டல் சப்ஸ்கிரிப்ஷனை ₹949 ரூபாய்க்கு பெறுங்கள்.மேலும் 2 மாத சந்தா இலவசம் !

* Save ₹1,199> ₹2998 மதிப்புள்ள 2 வருட விகடன் டிஜிட்டல் சப்ஸ்கிரிப்ஷனை ₹1799 ரூபாய்க்கு பெறுங்கள். மேலும் 2 மாத சந்தா + 100 மதிப்புள்ள அமேசான் கூப்பன் இலவசம் !

* Save ₹11,000 > ரூபாய் ₹19,999 மதிப்பிலான டிஜிட்டல் ஆயுள் சந்தா வெறும் ₹ 8,999 ரூபாய்க்குப் பெறுங்கள்! ! மேலும் 250 மதிப்புள்ள அமேசான் கூப்பன் இலவசம் ! No Cost EMI வசதியும் உண்டு.


http://dlvr.it/T9hplm

Read More

உயர்த்தப்பட்ட மின்கட்டணம்... `விக்கிரவாண்டி தேர்தல் பரிசு’ - கொதிக்கும் எதிர்க்கட்சிகள்!

தி.மு.க ஆட்சிக்கு வந்தது முதல் 2022 செப்டம்பரில், 2023 ஜூலையில் என மின்கட்டணம் தொடர்ந்து உயர்த்தப்பட்டு வருகிறது. இந்த சூழலில்தான் தற்போது 4.83 சதவீத அளவில் மின் கட்டணம் உயர்த்தப்பட்டுள்ளது. இதன்படி 400 யூனிட் வரை மின்சாரம் பயன்படுத்துவோருக்கு யூனிட் ஒன்றுக்கு ரூ.4.60 காசுகள் வசூலிக்கப்பட்டு வந்த நிலையில், தற்போது ரூ.4.80 காசுகளாக உயர்த்தப்பட்டுள்ளது. 1000 யூனிட்டுக்கு மேல் வீடுகளுக்கான மின் கட்டணம் ரூ.11.25 காசுகளில் இருந்து ரூ.11.80 காசுகளாகவும், அடுக்குமாடி குடியிருப்புகளுக்கான மின் கட்டணம் யூனிட் ஒன்றுக்கு ரூ.8.15 காசுகளில் இருந்து ரூ.8.55 காசுகளாக உயர்த்தப்பட்டுள்ளது.மின்கட்டணம் 

வணிக பயன்பாட்டை பொறுத்தவரையில் 50 யூனிட்டுக்கு மேல் பயன்படுத்துவோருக்கு ஒரு யூனிட் ரூ. 9.70 காசுகளில் இருந்து ரூ.10.15 காசுகளாகவும், குடிசை, குறு நிறுவன மின் கட்டணம் 500 கிலோ வாட்டுக்கு மேல் யூனிட் ஒன்றுக்கு ரூ.6.95 காசுகளாக உயர்த்தப்பட்டுள்ளது. விசைத்தறிகளுக்கு 500 கிலோ வாட்டுக்கு மேல் யூனிட் ஒன்றுக்கு ரூ.7.65 காசுகளில் இருந்து ரூ.8 ஆக உயர்த்தப்பட்டுள்ளது. மின்கட்டணம்

இதற்கு தமிழக மின்வாரியம் வெளியிட்டுள்ள அறிக்கையில், "கடந்த 2011-12 ஆண்டில் ரூ.18,957 கோடியாக இருந்த தமிழ்நாடு மின் உற்பத்தி மற்றும் பகிர்மான கழகத்தின் ஒட்டு மொத்த நிதி இழப்பானது, கடந்த 10 ஆண்டுகளில், ரூ.96,712 கோடி மேலும் அதிகரித்து, 31.03.2021 வரை ரூ.1,13,266 கோடியாக உயர்ந்தது. தமிழ்நாடு மின் உற்பத்தி மற்றும் பகிர்மான கழகத்தின் நிதி இழப்பினை 2021-22 ஆம் ஆண்டிலிருந்து 100% முழுமையாக அரசே ஏற்றுக் கொள்ளும் என்ற தற்போதைய தமிழக அரசின் உறுதிப்பாட்டை போல, முந்தைய காலத்தில் எவ்வித உறுதிப்பாடும் வழங்காத காரணத்தினால், தமிழ்நாடு மின் உற்பத்தி மற்றும் பகிர்மான கழகமானது நிதி நிறுவனங்கள் மற்றும் வங்கிகளிடமிருந்து கடன் வாங்க வேண்டிய கட்டாயத்திற்கு தள்ளப்பட்டது.

இதன் விளைவாக, 2011-12ம் ஆண்டில் தமிழ்நாடு மின் உற்பத்தி மற்றும் பகிர்மான கழகம் மற்றும் மின் தொடரமைப்பு கழகத்திற்கு ரூ.43,493 கோடியாக இருந்த கடன் தொகையானது கடந்த 10 ஆண்டுகளில் 3 மடங்கு அதிகரித்து (2021-22) வரை ரூ.1,59,823 கோடியாக மாறியது. இதன் விளைவாக, கடந்த 2011-12-ம் ஆண்டில் ரூ.4,588 கோடியாக இருந்த கடன்களின் மீதான வட்டியானது 259% அதிகரித்து 2020-21-ம் ஆண்டில் ரூ.16,511 கோடியாக அதிகரித்தது. இவ்வாறு அதிகரித்துவரும் நிதி இழப்பை ஈடு செய்ய அப்போதைய மின் கட்டணத்தை உயர்த்த வேண்டிய நிர்பந்தம் ஏற்பட்டது. இதன் பின்னார், அதிகமான மின்கட்டண உயர்வினால் மின் நுகர்வோருக்கு ஏற்படக் கூடிய சுமையினை கருத்தில் கொண்டு, இந்த அரசானது நுகர்வோருக்கு பெரும் பாதிப்பு ஏற்படாத வகையில் ஆண்டு தோறும் சிறிய அளவில் மின் கட்டண உயர்வை அமுல்படுத்தி வருகிறது.ஸ்டாலின்

ஒன்றிய அரசின் மின் அமைச்சகத்தின் வழி காட்டுதல்களின் படி, விநியோக முறையை வலுப்படுத்தும் (RDSS) திட்டத்தின் கீழ், ஒன்றிய அரசின் நிதியை பெறுவதற்காக, ஆண்டுதோறும் மின் கட்டணம் திருத்தம் செய்வது முன் நிபந்தனையாகும். இந்த வகையில், 2022-23 நிதி ஆண்டிற்கான மின் கட்டண உயர்வானது. 01.04.2022 க்கு மாறாக 10.09.2022 முதல் சுமார் 7 மாதத்திற்கு மட்டுமே உயர்த்தப்பட்டது. மேலும், தமிழ்நாடு மின்சார ஒழுங்குமுறை ஆணையத்தின் பல்லாண்டு மின் கட்டண வீத ஆணையின் படி கடந்த 01.07.2023 முதல் நுகர்வோர் விலை குறியீடு எண் அடிப்படையில், அனைத்து இணைப்புகளுக்கும் உயர்த்தப்பட்ட வேண்டிய 4.7 சதவீத மின் கட்டண உயர்வுக்கு எதிராக, மின் நுகர்வோரின் நலனை கருத்தில் கொண்டு 2.18 சதவீதம் மட்டுமே உயர்த்தப்பட்டது.ஆம்ஸ்ட்ராங் கொலை: கைதான ரௌடி திருவேங்கடம் என்கவுன்ட்டர்; `சந்தேகம்' கிளப்பும் கட்சிகள்!

வீடுகளுக்கான இந்த 2.18 சதவீத உயர்வும் முழுவதுமாக இந்த அரசே மின் மானியம் மூலம் ஏற்றுள்ளது என்பது குறிப்பிடத்தக்கது. தமிழ்நாடு மின்சார ஒழுங்குமுறை ஆணையத்தின் விதிகளின்படி, 6 சதவீதம் வரை மின் கட்டணம் உயர்த்த வழி இருந்தும், சென்ற ஆண்டு 2.18 சதவீதம் மட்டுமே மின் கட்டணம் உயர்த்தப்பட்டது. மேலும், இந்த ஆண்டு 2024 ஜூலை மாதத்தைப் பொறுத்த வரையில், 2023 ஏப்ரல் மாதத்தின் விலை குறியீட்டு எண் 178.1 மற்றும் 2024 ஏப்ரல் மாதத்தின் விலை குறியீட்டு எண் 186.7 ஆகியவற்றின் நுகர்வோர் விலைக் குறியீட்டு எண்களின் படி கணக்கிட்டால், 4.83 சதவீதம் மின்கட்டணம் உயர்த்தப்பட வேண்டும். இதன்படி, தமிழக மின்சார ஒழுங்குமுறை ஆணையம் கட்டணத்தை மறுசீரமைப்பதினால் பொதுமக்களுக்கும். தொழில் முனைவோருக்கும் சிறிய அளவே மின் கட்டணம் உயர்த்தபட்டுள்ளது" என தெரிவிக்கப்பட்டுள்ளது.எடப்பாடி பழனிசாமி

இந்நிலையில் மின்கட்டண உயர்வுக்கு எதிர்க்கட்சிகள் கடும் கண்டனம் தெரிவித்துள்ளனர். அ.தி.மு.க பொதுச் செயலாளர் எடப்பாடி பழனிசாமி, "மாதம் ஒருமுறை மின் கட்டணம் உள்ளிட்ட சொன்ன வாக்குறுதி எதையும் செய்த பாடில்லை, சொல்லாத மின் கட்டண உயர்வை மட்டும் செய்துகொண்டே இருக்கிறீர்கள். உங்கள் நிர்வாகத் திறமையின்மையின் சுமையை மக்கள் தலைகளில் திணிப்பது அநியாயம்" என கொதித்துள்ளார்.

அன்புமணி ராமதாஸ், ``மின்சாரக் கட்டணத்தை உயர்த்தும் முடிவு தமிழ்நாடு ஒழுங்குமுறை ஆணையத்தால் எடுக்கப்பட்டது, என்று கூறி தமிழக அரசு தப்பித்து விட முடியாது. ஒழுங்குமுறை ஆணையம் என்பது பொம்மை அமைப்பு. தமிழ்நாடு அரசின் கண்ணசைவுக்கு ஏற்ற வகையில் செயல்படும் அமைப்பாகும்.

ஜூலை 1ம் தேதி முதல் செயல்படுத்தப்படும் இந்த மின்கட்டண உயர்வை விக்கிரவாண்டி தேர்தல் முடிவடைந்த பிறகு ஜூலை 15-ம் நாள் அறிவித்திருப்பதிலிருந்தே இதை உணரலாம். விக்கிரவாண்டி இடைத்தேர்தல் முடிவடைந்த பிறகு இப்போது மின்சாரக் கட்டணத்தை உயர்த்தியிருப்பதன் மூலம் மக்களை முட்டாள்களாக்கி அவர்களின் முதுகில் குத்தியிருக்கிறது. விக்கிரவாண்டி வெற்றிக்காக மக்களுக்கு தி.மு.க அளித்துள்ள பரிசு தான் இந்த கட்டண உயர்வு. மின்சாரக் கட்டண உயர்வை தமிழக அரசு உடனடியாக திரும்பப் பெற வேண்டும். இல்லாவிட்டால் பா.ம.க போராட்டம் நடத்தும்" என தெரிவித்துள்ளார்.அன்புமணி

இதேபோல் பா.ஜ.க மாநிலத் தலைவர் அண்ணாமலை, "கடந்த 2023 – 2024 ஒரு நிதி ஆண்டில் மட்டுமே, ரூ.65,000 கோடிக்கு, மின்சாரம் வாங்கியிருக்கிறது. நாடு முழுவதும், சூரிய ஒளி மின்சார உற்பத்தியைப் பெருக்கப் பல மாநிலங்கள் நடவடிக்கைகள் மேற்கொண்டிருக்கையில், மாதம் சுமார் ரூ.5,400 கோடி நிதியை, மின்சாரம் வாங்கச் செலவு செய்திருக்கிறது தி.மு.க" என சாடியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88ஆம்ஸ்ட்ராங் கொலை: கைதான ரௌடி திருவேங்கடம் என்கவுன்ட்டர்; `சந்தேகம்' கிளப்பும் கட்சிகள்!


http://dlvr.it/T9hX5h

Read More

ஸ்ரீவில்லிபுத்தூர்: `பாலியல் குற்றத்துக்கு 20 ஆண்டு; பண மோசடிக்கு 26 ஆண்டு' - பரபரத்த நீதிமன்றங்கள்!

பண மோசடி வழக்கில் தனியார் வேலைவாய்ப்பு நிறுவனத்தை சேர்ந்த இரண்டு பேருக்கு தலா 26 ஆண்டுகள் சிறை தண்டனை விதித்து விருதுநகர் நீதிமன்றம் தீர்ப்பளித்துள்ளது. இந்த பரபரப்பு தீர்ப்பு குறித்து போலீஸிடம் விசாரித்தோம். அப்போது நம்மிடம் பேசியவர்கள், "கடந்த 2018ம் ஆண்டு, விருதுநகர் பி.எஸ்.என்.எல். அலுவலகம் அருகே, வெளிநாட்டு வேலைவாய்ப்பு ஏஜென்சி நடத்திவந்தவர் சேது என்ற சேதுராமன் (50). இவரிடம், கற்பகம் எனும் பெண் வேலை பார்த்துவந்தார். இந்த நிலையில், வெளிநாட்டில் வேலைசெய்ய விரும்பும் படித்த இளைஞர் மற்றும் இளம்பெண்களுக்கு உடனடி வேலைவாய்ப்பு எனும் பெயரில் விளம்பரம் செய்துள்ளார்.

இதை நம்பி விருதுநகரை சேர்ந்த கிருஷ்ணமூர்த்தி என்பவர், சேதுராமனை அவரின் அலுவலகத்துக்கு சென்று சந்தித்துள்ளார். அப்போது, பேசிய சேதுராமன், 'உங்கள் விருப்பப்படியே வெளிநாட்டில் வேலைவாங்கி தருகிறோம். ஆனால் விசா, நேர்முகத்தேர்வு போன்ற அடுத்தடுத்த முயற்சிகளுக்கு முன்பணம் கட்டவேண்டும்' எனக் கூறியுள்ளார். சேதுராமனின் நயமான பேச்சை நம்பிய கிருஷ்ணமூர்த்தியும், அவர் கேட்டபடி முன்பணம் கொடுத்துள்ளார். இதேப்போல விருதுநகர் சுற்றுவட்டார பகுதியைச் சேர்ந்த 13 நபர்களிடம் வெளிநாட்டு வேலை ஆசைக்காகட்டி அவரவர் சக்திக்கு ஏற்றார்போல 20,000 முதல் ஒரு லட்சம் ரூபாய் வரை பல லட்சங்களை சேதுராமன் முன்பணமாக பெற்றுள்ளார். ஆனால், தான் உறுதி அளித்தபடி யாருக்கும் எந்த வெளிநாட்டு வேலைவாய்ப்புகளை அவர் பெற்றுத்தரவில்லை.நீதிமன்றம்

சொன்னபடி வேலை பெற்றுத்தராமல் சேதுராமன் தொடர்ந்து காலம் தாழ்த்தி வந்ததால் சந்தேகம் அடைந்த நபர்கள், அவரை சந்தித்து தாங்கள் கொடுத்த பணத்தை திருப்பி தரும்படி கேட்டுள்ளனர். அப்போது அவர்களை சமாதானம் செய்து அனுப்பிவைத்த சேதுராமன், அதன்பிறகு தலைமறைவானார். இதையடுத்தே தாங்கள் ஏமாற்றப்பட்டதை உணர்ந்த பாதிக்கப்பட்டவர்கள், விருதுநகர் மேற்கு காவல் நிலையத்தில் சேதுராமன் பணமோசடி செய்தது குறித்து புகார் அளித்தனர். இந்தபுகாரின் பேரில் போலீஸார் வழக்குப்பதிவு செய்து விசாரணை நடத்தி சேதுராமனையும், அவரின் அலுவலகத்தில் பணிபுரிந்த கற்பகம் என்ற பெண்ணையும் கைது செய்தனர்.

இதுதொடர்பான வழக்கு விருதுநகர் 1-வது ஜூடிசியல் மாஜிஸ்திரேட் நீதிமன்றத்தில் நடைபெற்றுவந்தது. பரபரப்பை ஏற்படுத்திய இந்த வழக்கில் இன்று தீர்ப்பு கூறப்பட்டது. அதன்படி வழக்கில் குற்றம்சாட்டப்பட்ட சேதுராமன், கற்பகம் ஆகிய இருவருக்கும் தலா 26 ஆண்டுகள் சிறைத் தண்டனையும், அபராதமும் விதித்து நீதிபதி கவிதா தீர்ப்பளித்தார். இந்த வழக்கில் அரசு தரப்பில் வழக்கறிஞர் குமார் ஆஜராகி வாதாடினார்" என்றனர்.விஜி

இதுபோல, ஸ்ரீவில்லிப்புத்தூரில் செயல்பட்டு வரும் மாவட்ட ஒருங்கிணைந்த நீதிமன்ற விரைவு மகிளா கோர்ட்டில் பாலியல் வழக்கு குற்றவாளிக்கு 20 ஆண்டு கடுங்காவல் தண்டனை விதித்து தீர்ப்பு வழங்கப்பட்டது. இது குறித்து போலீஸிடம் விசாரித்தோம். அப்போது நம்மிடம் பேசியவர்கள், "விருதுநகர் மாவட்டம் அருப்புக்கோட்டை அருகே உள்ள புல்லூர் காரியாப்பட்டி பகுதியை சேர்ந்தவர் விஜய் என்ற விஜி (26). இவர் கடந்த 2022ம் ஆண்டில், 17 வயது சிறுமியை கடத்தி சென்று பாலியல் வன்கொடுமை செய்தார். இது குறித்து சிறுமியின் தாய், காரியாபட்டி காவல் நிலையத்தில் அளித்த புகாரின்பேரில், விஜி கைதுசெய்யப்பட்டார்.

இது தொடர்பான வழக்கு விசாரணை ஸ்ரீவில்லிபுத்தூரில் உள்ள மாவட்ட விரைவு மகிளா நீதிமன்றத்தில் நடைபெற்று வந்தது. இந்தநிலையில், சிறுமி பாலியல் வன்கொடுமை செய்யப்பட்ட வழக்கில் இன்று தீர்ப்பு கூறப்பட்டது. அதன்படி, வழக்கில் குற்றம்சாட்டப்பட்ட விஜய் என்ற விஜியைக் குற்றவாளி என அறிவித்த நீதிமன்றம், அவருக்கு 20 ஆண்டுகள் கடுங்காவல் சிறைத் தண்டனை, 20 ஆயிரம் அபராதம் விதித்து நீதிபதி பகவதி அம்மாள் உத்தரவிட்டார். இந்த வழக்கில் அரசுத்தரப்பில் வழக்கறிஞர் ஜான்சி ஆஜராகி வாதாடினார்" என்றனர்.நிர்மலா தேவி: `மாணவிகளைத் தவறாக வழிநடத்த முயன்ற வழக்கில் 10 ஆண்டுகள் சிறை' - நீதிமன்றம் தீர்ப்பு!


http://dlvr.it/T9gXSg

Read More

`இதென்ன தமிழ்நாடா, இல்லை உத்தரப்பிரதேசமா?' - நா.த.க நிர்வாகி படுகொலையில் சீமான் கேள்வி!

நாம் தமிழர் கட்சியின் மதுரை வடக்கு தொகுதி துணைச் செயலாளர் பாலசுப்பிரமணியன் இன்று காலை வல்லபாய் சாலை பகுதியில் வாக்கிங் சென்றபோது மர்ம நபர்களால் வெட்டிக் கொலைசெய்யப்பட்ட சம்பவம், மதுரையில் அதிர்ச்சியை ஏற்படுத்தியிருக்கிறது. இந்த சம்பவம் தொடர்பாக, மதுரை தல்லாகுளம் போலீஸார் விசாரணை நடத்தி வருகிறார்கள்.பாலசுப்பிரமணியன் - நாம் தமிழர் கட்சி

இந்த நிலையில், தனது கட்சி நிர்வாகியின் மரணத்துக்கு இரங்கல் தெரிவித்திருக்கும் நா.த.க ஒருங்கிணைப்பாளர் சீமான், இது தமிழ்நாடா, உத்தரப்பிரதேசமா என கேள்வியெழுப்பியிருக்கிறார்.

இது தொடர்பாக அறிக்கை வெளியிட்டிருக்கும் சீமான், ``நாம் தமிழர் கட்சியின் மதுரை வடக்குத் தொகுதி துணைச்செயலாளர் பாலசுப்பிரமணியன் வெட்டிப் படுகொலை செய்யப்பட்ட செய்தியறிந்து பேரதிர்ச்சியடைந்தேன். ஈவிரக்கமற்ற இக்கொடுஞ்செயலை நிகழ்த்திட்டவர்களை வன்மையாகக் கண்டிக்கிறேன். ஈடுசெய்ய முடியாதப் பேரிழப்பைச் சந்தித்திருக்கும் தம்பியின் குடும்பத்தாரை எவ்வாறு ஆற்றுப்படுத்துவதென்று தெரியாது கலங்கி நிற்கிறேன். இப்போது நினைத்தாலும் நெஞ்சம் பதறுகிறது, மனது கனக்கிறது.

தமிழ்நாட்டின் சட்டம் ஒழுங்கு எந்தளவுக்கு சீர்கெட்டுள்ளது என்பதற்கு பாலசுப்ரமணியனின் படுகொலையும் ஒரு கொடும் சாட்சியாகும். எவரையும் கூலிப்படையினரைக் கொண்டு எளிதாக வெட்டிச் சாய்த்து விடலாமென்றால், எங்கு இருக்கிறது சட்டம் ஒழுங்கு... என்ன செய்கிறது காவல்துறையும், உளவுத்துறையும்... இதுதான் மாநிலத்தைக் கட்டிக் காக்கும் லட்சணமா... இன்னும் எத்தனை உயிர்களைப் பலிகொடுக்கப் போகிறோம்... இறந்தவர்களின் உடலுக்குப் பூ போடுவதற்கா காவல்துறை.சீமான்

அரசியல் கட்சிகளின் தலைவர்களுக்கும், நிர்வாகிகளுக்குமே பாதுகாப்பு இல்லையென்றால், எளிய மக்களுக்கு என்ன பாதுகாப்பு இருக்கப்போகிறது... இதென்ன தமிழ்நாடா, இல்லை உத்தரப்பிரதேசமா... எங்குப் பார்த்தாலும் வன்முறைத் தாக்குதல்கள், கொலைகள், சாதிய மோதல்கள், போதைப்பொருள்களின் புழக்கம், ரௌடிகளின் அட்டூழியம், கூலிப்படை கலாசாரம், கள்ளச்சாராய விற்பனை என தமிழ்நாட்டின் நிலை மிக மிக மோசமாக இருக்கிறது.

குற்றங்கள் நடந்தேறியப் பிறகு, கண்துடைப்பு நடவடிக்கைகளை எடுப்பதும், இறந்தவர்களின் குடும்பத்துக்கு இழப்பீட்டுத்தொகை வழங்குவதுமா அரசின் வேலை? குற்றங்களே நிகழாத ஒரு சமூகத்தைப் படைத்து, சட்டத்தின் ஆட்சியை முழுமையாக நிலைநிறுத்துவதுதானே அரசின் தலையாயக் கடமையும், பொறுப்பும். அதனைச் செய்ய தவறிய அரசு, இருந்தாலென்ன? இல்லாவிட்டாலென்ன? ஏற்கனவே, கன்னியாகுமரியில் சேவியர்குமாரை இதேபோல ஒரு படுகொலையால் இழந்தேன். இப்போது பாலசுப்ரமணியனையும் இழந்து நிற்கிறேன்.சீமான் - ஸ்டாலின்

பாலசுப்ரமணியனைப் படுகொலை செய்திட்ட கொலையாளிகளையும், அதன் பின்புலத்தில் இருந்து இயக்கியவர்களையுமென மொத்தக் குற்றவாளிகளையும் அவரது உடல் நல்லடக்கம் செய்யப்படுவதற்கு முன்பாகவே, விரைந்து கைதுசெய்ய வேண்டும். கைதுசெய்து, கொலையாளிகளுக்குக் கடும் தண்டனை கிடைப்பதை உறுதிசெய்ய வேண்டும் என தமிழ்நாடு அரசுக்கு வலியுறுத்துகிறேன். அதனைச் செய்யத் தவறினால், மாநிலம் முழுமைக்கும் போராட்டம் வெடிக்குமென எச்சரிக்கிறேன்" என்று தெரிவித்திருக்கிறார்.சட்டம் - ஒழுங்கு பிரச்னைகளின் போதெல்லாம், அதிகாரிகள் மாற்றம்தான் திமுக அரசின் ஒற்றைத் தீர்வா?!


http://dlvr.it/T9g78G

Read More

நெல்லை: ரூ.55 லட்சம் பினாயில் முறைகேடு - விடுப்பில் சென்ற அதிகாரி; பொறுப்பு அதிகாரி கொடுத்த ஷாக்!

நெல்லை மாநகராட்சி நகர் நல அலுவலராகப் பணியாற்றும் சரோஜா, உடல் நலக்குறைவு காரணமாக ஜனவரி முதல் மார்ச் வரை விடுப்பில் சென்றிருந்தார். அப்போது பொறுப்பு அதிகாரியாக செயல்பட்ட பெண் அதிகாரி சுகாதாரப் பணிகளுக்காக சுண்ணாம்பு, பிளீச்சிங் பவுடர், பினாயில் கொள்முதல் செய்துள்ளார். அதில் முறைகேடு நடந்திருப்பது அம்பலமாகியுள்ளது.நெல்லை மாநகராட்சி அலுவலகம்

கடந்த மார்ச் மாதம் பினாயில் வாங்கியதற்காக 55 லட்சம் ரூபாய் பில் வந்துள்ளது. ஏப்ரல் மாதத்தில் பணியில் சேர்ந்த சரோஜா அதைப் பார்த்து அதிர்ச்சியடைந்துள்ளார். ஒரு மாதத்துக்கான பினாயில் வாங்கியதற்கு அதிகமான தொகை போடப்பட்டதைக் கண்ட அவர், இது தொடர்பாக மாநகராட்சி ஆணையர் தாக்கரே சுபம் ஞானதேவ் ராவிடம் புகார் அளித்தார். அதைத் தொடர்ந்து இந்த முறைகேடு குறித்து தணிக்கை செய்ய அதிகாரிகளுக்கு ஆணையர் உத்தரவிட்டார்.

இந்த நிலையில் நெல்லை மாநகராட்சி கூட்டம் நேற்று நடைபெற்றது. மேயராக இருந்த சரவணன் ராஜினாமா செய்த பின்னர் நடக்கும் முதல் கூட்டம் என்பதால் மிகுந்த எதிர்பார்ப்பு நிலவியது. பொறுப்பு மேயரான கே.ஆர்.ராஜூ தலைமையில் நடந்த கூட்டத்தில் முன்னாள் மேயர் சரவணனைத் தவிர பெரும்பாலான கவுன்சிலர்கள் கலந்துகொண்டனர். மாநகராட்சி கூட்டம்

கடந்த ஐந்து மாதங்களாக மாநகராட்சிக் கூட்டத்தை நடத்துவதில் சிக்கல் நிலவிய நிலையில் இந்தக் கூட்டம் சுமுகமாக நடைபெற்றது. கவுன்சிலர்கள் பலரும் ஆர்வத்துடன் தங்களது வார்டு குறைகளை எடுத்துச் சொல்லி அவற்றுகான தீர்வு கிடைக்கக் கோரினார்கள். ஆணையர் உள்ளிட்ட அதிகாரிகளும் அவற்றுக்கு பொறுப்புடன் பதில் அளித்தனர். கூட்டத்தில் 193 தீர்மானங்கள் வைக்கப்பட்டதில் அவற்றின் மீது விவாதம் நடத்தப்பட்டு ஒரு தீர்மானத்தைத் தவிர அனைத்தும் ஏற்றுக் கொள்ளப்பட்டன.

கூட்டத்தில் பேசிய கவுன்சிலர்கள் சிலர், மாநகராட்சியில் பினாயில் கொள்முதல் செய்ததில் நடைபெற்றுள்ள முறைகேடு குறித்து அதிகாரிகள் விளக்கம் அளிக்க வேண்டும் என வலியுறுத்தினார்கள். மாநகராட்சிக்கு 55கோடி ரூபாய் இழப்பு ஏற்பட்ட விவகாரத்தில் இதுவரை எடுக்கப்பட்ட நடவடிக்கை என்ன என்று கேள்வி எழுப்பினார்கள்.தீர்மானங்கள் குறித்த விவாதம்

அதற்கு பதிலளித்த மாநகராட்சி ஆணையர் தாக்கரே சுபம் ஞானதேவ் ராவ், ``மாமன்றக் கூட்டத்தின் அனுமதி இல்லாமல் ஆணையர் ஒப்புதலுடன் கொள்முதல் செய்ய முடியும். ஆனாலும் இந்த விவகாரத்தில் சர்ச்சை ஏற்பட்டுள்ளதால் தணிக்கை செய்ய உத்தரவிடப்பட்டது. அதன் தொடர்ச்சியாக அப்போது பொறுப்பு அலுவலராக இருந்த பெண் அதிகாரி மீது துறைரீதியாக 17 ஏ பிரிவில் கீழ் நடவடிக்கை எடுக்க நோட்டீஸ் அனுப்பப்பட்டுள்ளது” என்றார்.

நெல்லை மாவட்ட தி.மு.க-வில் நிலவும் கோஷ்டி பூசல் காரணமாக நீண்ட காலமாக நெல்லை மாநகராட்சி கூட்டங்களை நடத்த இயலவில்லை. தற்போது கட்சித் தலைமை தலையிட்டு மேயர் ராஜினாமா செய்துவிட்டதால் சுமுக நிலை திரும்பியுள்ளதாக கவுன்சிலர்கள் மகிழ்ச்சி தெரிவித்தனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/T9fKV5

Read More