3 சிறுமிகள் கொலை... கலவரமாய் வெடித்த பெரும் போராட்டம் - இங்கிலாந்தில் நடப்பது என்ன?!

பிரிட்டனில் மூன்று சிறுமிகள் கத்தியால் குத்தி கொலை செய்யப்பட்ட சம்பவத்துக்கு கண்டனம் தெரிவித்து, இங்கிலாந்தின் பல பகுதிகளில் போராட்டங்கள் நடைபெற்றுவருகின்றன. இந்தப் போராட்டம் வன்முறையாகவும் மாறியிருக்கிறது. இதனால், இந்தியர்கள் கவனத்துடன் இருக்குமாறு லண்டனில் இருக்கும் இந்தியத் தூதரகம் அறிவுறுத்தியிருக்கிறது. பிரிட்டன் வன்முறை

பிரிட்டனின் சவுத்போர்ட் நகரில் நடைபெற்ற யோகா, நடனப் பயிலரங்கில் கலந்துகொண்ட மூன்று சிறுமிகள் கடந்த ஜூலை 29-ம் தேதி கொலை செய்யப்பட்டனர். அந்த கொலைவெறித் தாக்குதலில் 11 பேர் காயமடைந்தனர். இது தொடர்பாக, வேல்ஸை சேர்ந்த 17 வயதான ஆக்செல் ருடகுபனா என்பவர் கைது செய்யப்பட்டதாக பிரிட்டன் போலீஸார் தெரிவித்தனர்.

ஆனால், தாக்குதல் நடத்தியவர் 2023-ம் ஆண்டு படகு மூலமாக பிரிட்டனுக்கு வந்த அகதி என்றும், அவர் ஒரு இஸ்லாமியர் என்றும் சமூக ஊடகங்களில் வதந்தி பரவியது. அதைத் தொடர்ந்து, தீவிர வலதுசாரிகளான ‘இங்கிலீஷ் டிஃபன்ஸ் லீக்’ என்ற அமைப்பினர் போராட்டத்தில் இறங்கினர். இஸ்லாமியர்களுக்கும், புலம்பெயர்ந்தவர்களுக்கும் எதிராக தொடங்கப்பட்ட அந்தப் போராட்டம் வன்முறையாக மாறியது. பிரதமர் கியெர் ஸ்டார்மர்

பிரிட்டனின் பல்வேறு நகரங்களிலும், வடக்கு அயர்லாந்திலும் இஸ்லாமியர்களையும், மசூதிகளையும் குறிவைத்து தாக்குதல்கள் நடைபெறுகின்றன. காவல்துறையினர் மீதும் தாக்குதல் நடைபெறுகிறது. இதனால், சிறுபான்மையினர், புலம்பெயர்ந்தவர்கள் அச்சத்துக்கு ஆளாகியிருக்கிறார்கள். கடந்த 13 ஆண்டுகளில் இல்லாத அளவுக்கு அங்கு வன்முறை சம்பவங்கள் நிகழ்வதாக செய்திகள் தெரிவிக்கின்றன.

பிரிட்டனின் சௌத்போர்ட் மசூதிக்கு வெளியில் நடைபெற்ற மோதலைத் தடுக்கச் சென்ற போலீஸார் மீது கற்களையும், பாட்டில்களையும் கொண்டு போராட்டக்காரர்கள் தாக்குதல் நடத்தினர். அதில், 50-க்கும் மேற்பட்டோர் காயடைந்தனர். இந்த வன்முறை சம்பவத்தில் 500-க்கும் மேற்பட்டோர் காவல்துறையால் கைது செய்யப்பட்டிருக்கிறார்கள். பிரிட்டன் வன்முறை

இந்த நிலையில், ‘இது போராட்டம் அல்ல. குண்டர்களால் திட்டமிடப்பட்ட கலவரம். இதற்கு பிரிட்டனில் இடம் கிடையாது’ என்று எச்சரித்திருக்கிறார் பிரதமர் கியெர் ஸ்டார்மர். மேலும் அவர், ‘வன்முறையில் ஈடுபடுபவர்கள் கைது செய்யப்பட்டு சிறையில் அடைக்கப்பட்டுவருகிறார்கள். அவர்களுக்கு தண்டனை பெற்றுத்தரப்படும்.

இஸ்லாமியர்களையும், மசூதிகளையும் குறிவைத்துத் தாக்குகிறார்கள். அவர்களை வலதுசாரி குண்டர்கள் என்று அழைப்பதற்கு நான் வெட்கப்பட மாட்டேன். தோல் நிறத்தை வைத்து ஒருவர் குறிவைக்கப்படுவது எவ்வளவு அச்சுறுத்தலானது என்பது எனக்குத் தெரியும். இந்த வன்முறை கும்பல் நம் நாட்டை பிரதிநிதித்துவப்படுத்தவில்லை. இந்தச் சூழலை அரசு சமாளிக்கும்’ என்று கூறியிருக்கிறார்.

அங்கு வன்முறை நிறைந்த சூழல் நிலவுவதால், அங்கு இருக்கும் தங்கள் நாட்டினர் மிகுந்த எச்சரிக்கையுடன் இருக்குமாறு இந்தியா உள்ளிட்ட நாடுகள் அறிவுறுத்தியிருக்கின்றன. தற்போது பாதுகாப்பாற்ற சூழலில் பிரிட்டனில் நிலவுவதால், அங்கு செல்வதைத் தவிர்க்குமாறு ஐக்கிய அரபு அமீரகம், நைஜீரியா, மலேசியா, இந்தோனேசியா, ஆஸ்திரேலியா ஆகிய நாடுகள் தங்கள் நாட்டினரைக் கேட்டுக்கொண்டிருக்கின்றன. பிரிட்டன் வன்முறை

‘பிரிட்டனின் சில பகுதிகளில் கலவரம் ஏற்பட்டிருப்பதை இந்திய பயணிகள் நன்கு அறிவீர்கள். பிரிட்டனின் நிலவரத்தை தூதரகம் உன்னிப்பாக கவனித்து வருகிறது. இந்தியாவிலிருந்து பிரிட்டன் வரும் பயணிகள், சூழ்நிலையை அறிவித்து மிகவும் கவனமாக இருக்க வேண்டும். உள்ளூர் செய்திகள், உள்ளூர் அதிகாரிகளின் அறிவுறுத்தலைப் பின்பற்ற வேண்டும். போராட்டம் நடைபெறும் பகுதிகளுக்குச் செல்வதைத் தவிர்க்க வேண்டும்’ என்று லண்டனில் இருக்கும் இந்திய தூதரகம் அறிவுறுத்தியிருக்கிறது. Sheikh Hasina: வங்கதேசத்தில் நீண்ட காலம் ஆட்சி செய்தவரை துரத்திய போராட்டம் - இனி என்ன?!

வன்முறையைக் கட்டுப்படுத்த அரசு தீவிர நடவடிக்கைகளை எடுத்துவருகிறது. பிரிட்டனில் 2011-ம் ஆண்டு நிகழ்ந்த கலவரங்களைக் கட்டுப்படுத்துவதற்கு பின்பற்றப்பட்ட உத்திகளை இப்போது பின்பற்றப்படும் என்று பிரதமர் கூறியிருக்கிறார். 2011-ம் ஆண்டு, பிரிட்டனில் கலவரங்கள் வெடித்தபோது பொது வழக்குகள் பிரிவின் இயக்குநராக தற்போதைய பிரதமர் கியெர் ஸ்டார்மர் இருந்தார்.

‘சட்ட அமலாக்கத்துக்கு உறுதியான தீர்வுகள் எங்களிடம் இருக்கின்றன. அதனால் நாங்கள் கைது நடவடிக்கைகளையும், குற்றவாளிகளுக்கான தண்டனைகளை மிக விரைவாக பெற்றுத்தருவதையும் உறுதி செய்ய முடியும்’ என்று அவர் கூறியிருக்கிறார்.. கியர் ஸ்டார்மர்

மேலும், ‘2011-ம் ஆண்டு, பொது வழக்குகளின் இயக்குநராக இருந்தபோது, அந்தச் செயல்பாடுகளின் ஓர் அங்கமாக நான் இருந்திருக்கிறேன். வன்முறையில் ஈடுபடும் குண்டர்களை விரைவில் சட்டத்தின் முன்பு நிறுத்துவதற்கு என்ன வேண்டுமானாலும் செய்யலாம் என்பதில் உறுதியாக இருக்கிறேன்’ என்றும் ஸ்டார்மர் கூறியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/TBcGjQ

Read More

ட்ரம்பை கொல்ல சதி: ``த்ரில்லர் படம் போல விரிவான சதித்திட்டம்..!" - பாகிஸ்தானைச் சேர்ந்தவர் கைது

அமெரிக்காவில் நவம்பர் மாதம் அதிபர் தேர்தல் நடைபெறவிருக்கிறது. இதில், ஜனநாயகக் கட்சி சார்பில் கமலா ஹாரிஸும், குடியரசுக் கட்சி சார்பில் டொனால்ட் ட்ரம்பும் தேர்தலை எதிர்கொள்கின்றனர். இந்த நிலையில், டொனால்ட் ட்ரம்ப் தேர்தல் பிரசாரத்தில் ஈடுபட்டபோது, அவர்மீது துப்பாக்கிச் சூடு நடத்தப்பட்டது. அதில் அதிஷ்டவசமாக அவர் உயிர்தப்பினார். கொலை முயற்சியில் ஈடுபட்ட தாமஸ் மேத்யூ க்ரூக்ஸ் என்ற இளைஞர் அந்த இடத்திலேயே சுட்டுக்கொல்லப்பட்டார்.டொனால்ட் ட்ரம்ப் (Donald Trump)

இது தொடர்பாக குடியரசுக் கட்சி,`டொனால்ட் ட்ரம்புக்கு உரிய பாதுகாப்பு வழங்குவதில் மெத்தனம் காட்டுகிறது' எனக் குற்றம்சாட்டியது. ஆனால் அமெரிக்க அரசு, ``ட்ரம்ப்பின் உயிருக்கு ஈரானால் அச்சுறுத்தல் இருப்பது குறித்து அமெரிக்க ரகசிய அமைப்பு தகவலளித்தது. அதனடிப்படையில், ட்ரம்ப்புக்கு எதிர் தாக்குதல் நடத்தும் பாதுகாப்பு பணியாளர்கள், ட்ரோன் கண்காணிப்பு, ரோபோ நாய்கள் ஆகியவை மூலம் பாதுகாப்பு அதிகரிக்கப்பட்டது. தொடர்ந்து புதிய அச்சுறுத்தல் தகவல்களால், தேவையான ஆதாரங்களை திரட்டி தேவையான நடவடிக்கைகளையும் எடுத்து வருகிறோம்" எனக் குறிப்பிட்டிருந்தது.

இந்த நிலையில்தான், டொனால்ட் ட்ரம்பை கொலை செய்ய சதி திட்டம் தீட்டியதாக பாகிஸ்தானைச் சேர்ந்த ஆசிஃப் மெர்ச்சண்ட் என்பவரை அமெரிக்க ஃபெடரல் பீரோ ஆஃப் இன்வெஸ்டிகேஷன் (எஃப்.பி.ஐ) அமைப்பு கைது செய்திருக்கிறது. இது தொடர்பாக எஃப்.பி.ஐ தலைவர் கிறிஸ்டோபர் வ்ரே, ``குடியரசுக் கட்சியின் அதிபர் வேட்பாளரான டொனால்ட் ட்ரம்பைக் கொல்ல உளவுத் திரில்லர் திரைப்படத்தைப் போன்ற விரிவான சதித்திட்டத்தில் ஒருவர் ஈடுபட்டிருக்கிறார்.ஆசிஃப் மெர்ச்சண்ட்

தற்போது அம்பலப்படுத்தப்பட்ட இந்த கொலை சதி, ஈரானுடன் நெருங்கிய தொடர்புகளைக் கொண்ட ஒரு பாகிஸ்தானியரால் திட்டமிடப்பட்டது. 2020-ம் ஆண்டு ஈராக்கில், ஈரான் குட்ஸ் படையின் தளபதி காசிம் சுலைமானியை ட்ரோன் தாக்குதல் மூலம் படுகொலை செய்ய, அப்போதைய அதிபராக இருந்த ட்ரம்ப் உத்தரவிட்டதிலிருந்து, அமெரிக்கவின் அதிகாரிகளை கொன்று பதிலடி கொடுக்க வேண்டும் என ஈரான் திட்டமிட்டு வருகிறது. ஈரானின் இந்த இடைவிடாத முயற்சிகளை தீவிர நடவடிக்கைகள் மூலம் தடுக்கப்பட்டு வருகிறது. இதற்கு முன் நடந்த கொலை முயற்சிக்கும் இவருக்கும் தொடர்பு இருப்பதாக எந்த தகவலும் இதுவரை கிடைக்கவில்லை." எனத் தெரிவித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88Yahya Sinwar: இஸ்மாயில் ஹனியே மரணம்; ஹமாஸின் புதிய தலைவராக யாஹ்யா சின்வார் தேர்வு!


http://dlvr.it/TBcGVV

Read More

"இந்தியாவிலேயே தமிழ்நாடுதான் அமைதி பூங்காவாக உள்ளது!" - சொல்கிறார் அமைச்சர் ரகுபதி

புதுக்கோட்டை மாவட்டம், கடையக்குடி ஊராட்சிக்கு உட்பட்ட பெருங்குடியில் பெரியார் சமத்துவபுரத்திற்கு அடிக்கல் நாட்டு விழா நடைபெற்றது. இதில், தமிழ்நாடு சட்டத்துறை அமைச்சர் ரகுபதி கலந்து கொண்டு அடிக்கல் நாட்டினார். அப்போது, செய்தியாளர்களை சந்தித்த அவர்,

"ஒரு ஆட்சியின் மீது குறை சொல்ல வேண்டும் என்று நினைப்பவர்கள் அந்த ஆட்சியில் சட்டம், ஒழுங்கு கெட்டுவிட்டது என்று சொல்வது எதிர்க்கட்சிகளுக்கு வாடிக்கையான ஒன்றுதான். அரசாங்கத்தால் ஏற்பட்ட எந்த ஒரு பிரச்னையும் கிடையாது. முன்விரோதம், மற்ற பிரச்னை காரணமாக சில அசம்பாவிதங்கள், படுகொலைகள் நடைபெற்றுள்ளது. இதற்கு அரசு எந்த வகையிலும் பொறுப்பாகாது என்றாலும் அதை தடுக்க வேண்டியது எங்களின் கடமை. அதனால், முன்னெச்சரிக்கை நடவடிக்கையாக யார் யாரெல்லாம் குற்றச் செயலில் ஈடுபடுவார்களோ அவர்களை முன்னெச்சரிக்கையாக கைது செய்திருக்கின்றோம். அதைத்தான் நாங்கள் செய்ய முடியுமே தவிர, ஒவ்வொருவர் இதயத்திலும் என்ன இருக்கின்றது என்பதை ஊடுருவி சென்று பார்க்க முடியாது. இவர் இவரை கொலை செய்யப் போகிறாரா என்பதை எல்லாம் பார்க்க முடியாது. வஞ்சம் தீர்க்கின்ற செயலில் ஈடுபடுபவர்கள் கொலை செய்வது என்று திட்டம் தீட்டி செயல்பட்டதால் தான் இது மாதிரியான கொலைகள் நடந்துள்ளது. அதை இரும்பு கரம் கொண்டு தமிழ்நாடு முதலமைச்சர் அடக்கியிருக்கிறார். ரகுபதி


இந்தியாவிலேயே தமிழ்நாடு தான் அமைதி பூங்காவாக திகழ்கிறது என்று கூறியதற்கு பத்திரிகைகளில் சில விமர்சனங்களும் செய்திருக்கின்றனர். இந்தியாவிலேயே தமிழ்நாட்டைத் தவிர எந்த மாநிலத்திலும் எல்லா சம்பவங்களும் அதிகம் தான். தமிழ்நாட்டில் தான் குறைவு. குறைவாக இருக்கின்ற மாநிலம் தமிழ்நாடு அதை அமைதி பூங்கா என்று சொல்வதிலே எந்த தவறும் கிடையாது. ஆகஸ்ட் மாதத்தில் நிறைய தொழிற்சாலைகளுக்கான கால்கோள் ஊன்று விழா தமிழ்நாட்டில் நடைபெற இருக்கிறது. தமிழ்நாடு முதலமைச்சர் அந்த தொழிற்சாலைக்கு எல்லாம் அடிக்கல் நாட்ட இருக்கிறார். அப்படி இருக்கிற சூழ்நிலையில் அமைதி பூங்காவாக இருக்கின்ற காரணத்தினால் எந்த பிரச்னையும் ஏற்படாது என்று எண்ணி தொழிலதிபர்கள் தொழில்களை தொடங்க வருகிறார்கள் என்பதை எடுத்துக்காட்டுகிறது. தமிழ்நாடு அமைதி பூங்கா என்பதில் மறு பேச்சே கிடையாது. சிலருக்குள் கோஷ்டி மோதல் இருந்து வருகிறது. அந்த கோஷ்டி மோதல்களை தடுத்து நிறுத்துகின்ற செயலை காவல்துறை தீவிரமாக செய்து வருகிறது" என்றார்.


http://dlvr.it/TBcGFn

Read More

Yahya Sinwar: இஸ்மாயில் ஹனியே மரணம்; ஹமாஸின் புதிய தலைவராக யாஹ்யா சின்வார் தேர்வு!

இஸ்ரேல் ஹமாஸ் இடையே நடந்துவரும் போரில் 39,000-க்கும் மேற்பட்ட குடிமக்கள் கொல்லப்பட்டிருக்கின்றனர். கடந்த அக்டோபர் மாதம் தொடங்கிய போருக்கு உலக நாடுகள் இன்னமும் தீர்வுகாணவில்லை. தற்போதுவரை போர் முடிவுக்கான எந்த நடவடிக்கையும் மேற்கொள்ளப்பட்டதாக அதிகாரபூர்வ தகவல்கள் இல்லை. உலக நாடுகளின் எச்சரிக்கையை தொடர்ந்தும், ஐ.நா சபையின் கண்டிப்புக்குப் பிறகும், தொடர்ந்து காஸா மீது இஸ்ரேல் தாக்குதலை தொடர்ந்து வருகிறது. இதற்கு பதிலடி என ஹமாஸ் அமைப்பும், லெபனானில் இருக்கும் ஹிஸ்புல்லா அமைப்பும் எதிர்த்தாக்குதலை நடத்தின.இஸ்மாயில் ஹனியே

கடந்த வாரம் இஸ்ரேல் நடத்திய தாக்குதலில் ஹிஸ்புல்லா அமைப்பின் ராணுவத் தளபதி ஃபுஆத் சுக்ர் கொல்லப்பட்டதாக இஸ்ரேல் அறிவித்தது. அதைத் தொடர்ந்து, ஹமாஸ் அமைப்பின் அரசியல் பிரிவுத் தலைவர் இஸ்மாயில் ஹனியேவும் கொல்லப்பட்டார். இந்த கொலைக்கும் இஸ்ரேல்தான் காரணம் என ஹமாஸ் அமைப்பு தெரிவித்திருந்தது. ஆனால், இது தொடர்பாக இஸ்ரேல் இதுவரை எதுவும் தெரிவிக்கவில்லை.

இந்த நிலையில், ஹமாஸ் அமைப்பின் அரசியல் பிரிவுத் தலைவர் இஸ்மாயில் ஹனியேயின் மரணத்துக்குப் பிறகு, புதிய தலைவராக யாஹ்யா சின்வார் தேர்வு செய்யப்பட்டிருப்பதாக தகவல் வெளியாகியிருக்கிறது.

இது தொடர்பாக ஹமாஸ் அமைப்பின் அறிக்கையில், ``ஹமாஸ் இயக்கத்தின் படுகொலை செய்யப்பட்ட தியாகி, தளபதி இஸ்மாயில் ஹனியேவுக்குப் பிறகு, இயக்கத்தின் அரசியல் பணியகத்தின் தலைவராக தளபதி யாஹ்யா சின்வார் தேர்ந்தெடுக்கப்பட்டிருக்கிறார்" எனக் குறிப்பிட்டிருக்கிறது.

தெற்கு காஸா நகரமான கான் யூனிஸில் உள்ள அகதிகள் முகாமில் பிறந்த யாஹ்யா சின்வார்(61), 2017-ம் ஆண்டில் காஸாவில் ஹமாஸ் தலைவராக தேர்ந்தெடுக்கப்பட்டார்.இஸ்மாயில் ஹனியே - யாஹ்யா சின்வார்

அதைத் தொடர்ந்து, இஸ்ரேலின் ஒரு தவிர்க்கமுடியாத எதிரி என ஹமாஸ் அமைப்பால் குறிப்பிடப்பட்டார். ஹமாஸ் அமைப்பில் இணைவதற்கு முன்பு அல் மஜ்த் எனும் பாதுகாப்பு அமைப்பின் தலைவராக இருந்த இவர், அப்போதே, இஸ்ரேலுக்கு ஆதரவாக, ரகசிய சேவையில் ஈடுபட்டதாக குற்றம்சாட்டப்பட்ட பாலஸ்தீனியர்களை கண்காணித்து அவர்களை கொலை செய்ததாக குற்றம்சாட்டப்பட்டார். அற்காக சிறையிலும் அடைக்கப்பட்டார் என்பது குறிப்பித்தக்கது.24 ஆண்டுகள் சிறை; Hamas-ன் முக்கியப்புள்ளி; இஸ்ரேல் டார்கெட் செய்யும் Yahya Sinwar! - யார் இவர்?


http://dlvr.it/TBcFw9

Read More

'அம்மா வழியில் மக்கள் பயணம்' - தென் மாவட்டத்தில் சுற்றுப்பயணத்தை தொடங்கினார் சசிகலா

சமீபத்தில் நடந்து முடிந்த நாடாளுமன்ற தேர்தல் முடிவுகளையடுத்து, `பிளவுபட்டுகிடக்கும் தொண்டர்களை ஒருங்கிணைக்கும் விதமாக மாநிலம் முழுவதும் சுற்றுப்பயணம் மேற்கொள்வேன்’ என அ.தி.மு.க.முன்னாள் பொதுச்செயலாளர் சசிகலா அறிவித்திருந்தார். அதன்படி, அ.தி.மு.க. முன்னாள் பொதுச்செயலாளர் வி.கே. சசிகலா, தொண்டர்கள் மற்றும் நிர்வாகிகளை ஒருங்கிணைக்கும் விதமாக 'அம்மாவின் வழியில் மக்கள் பயணம்' எனும் பெயரில் தென் மாவட்டங்களில் தனது சுற்றுப்பயணத்தை நேற்று தொடங்கினார். சசிகலா

தென்காசி மாவட்டம் காசிமேஜர்புரத்தை அடுத்த அகஸ்தியர் பாதத்தில் வழிபாடு முடித்துவிட்டு தனது சுற்றுப்பயணத்தை வி.கே.சசிகலா தொடங்கினார். முதல் நிகழ்ச்சியாக, காசிமேஜர்புரத்தில் மக்களை சந்தித்தார். அப்போது அவருக்கு, பூரண கும்ப மரியாதையுடன் மேளதாளம் முழங்க ராட்சத கிரேன் மூலமாக மாலை அணிவித்து சிறப்பான வரவேற்பு அளிக்கப்பட்டது.

தென்காசி, புதிய பேருந்து நிலையம், கீழப்புலியூர், சுந்தரபாண்டிபுரம், மேலப்பாவூர், கீழப்பாவூர், பாவூர்சத்திரம், சுரண்டை உள்ளிட்ட பகுதிகளில் முதற்கட்ட சுற்றுப்பயணம் மேற்கொண்டு தொண்டர்களை சந்தித்து உரையாடினார். முன்னதாக சுந்தரபாண்டியபுரம் அருகே உள்ள திருச்சிற்றம்பலம் அம்பேத்கர் நகர் பகுதியில் பெண் தொண்டர் வேண்டுகோளுக்கு இணங்க அவரின் வீட்டுக்கு சென்றபோது, வி.கே.சசிகலாவுக்கு, அவர் முத்தம் கொடுத்து வரவேற்றார். வரவேற்பு

சுற்றுப்பயணத்தின் தொடக்கத்தில், கூட்டத்தை பயன்படுத்திய மர்மநபர்கள் சிலர், கூட்டத்தில் கலந்துகொண்டவர்களின் பர்ஸ், செல்போன் மற்றும் வெள்ளிப் பொருட்களை திருடிச்சென்றனர். இதனால் கூட்டத்தில் சிறிது பரபரப்பு ஏற்பட்டது.

அ.தி.மு.க.வில் இருந்து நீக்கம் செய்யப்பட்ட வி.கே.சசிகலா, தனது சுற்றுப்பயணத்தில் அ.தி.மு.க. கொடி, சின்னம் ஆகியவற்றை பயன்படுத்தக்கூடாது என அ.தி.மு.க.வினர்‌ கடும் எதிர்ப்பு தெரிவித்திருந்தனர். ஆனால், அ.தி.மு.க.வினரின் எதிர்ப்புகளை மீறி, வழிநெடுக இரட்டைஇலை சின்னத்துடன் அ.தி.மு.க. கொடிகள் வரவேற்புக்காக கட்டப்பட்டிருந்தது.முத்தம்

வி.கே.சசிகலாவின் பிரசார வாகனத்தை பின்தொடர்ந்து சென்ற வண்டிகளிலும் அ.தி.மு.க.கொடிகளே கட்டப்பட்டிருந்தது குறிப்பிடத்தக்கது. இந்தநிலையில், இன்று, செங்கோட்டை, பண்பொழி, அச்சன்புதூர், இலத்தூர், கொடிக்குறிச்சி, கடையநல்லூர், சொக்கம்பட்டி உள்ளிட்ட பகுதிகளில் தொண்டர்களை சந்திக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88'முதல்வர் கைகாட்டும் நபர் பிரதமராக வர, இந்தியா கூட்டணிக்கு வாக்களிக்க வேண்டும்!' - உதயநிதி ஸ்டாலின்


http://dlvr.it/T9l0ZS

Read More

`அஜித் பவார் மீண்டும் உங்களிடம் வந்தால் ஏற்றுக்கொள்வீர்களா...' - சரத் பவார் அளித்த பதில் என்ன?

தேசியவாத காங்கிரஸ் கட்சி கடந்த ஆண்டு இரண்டாக உடைந்தபோது 40 எம்.எல்.ஏ-க்கள் அஜித் பவார் தலைமையிலான அணிக்கு சென்றனர். இதனால் அஜித் பவார் தலைமையிலான தேசியவாத காங்கிரஸ் கட்சியை தேர்தல் கமிஷன் உண்மையான தேசியவாத காங்கிரஸ் கட்சியாக அங்கீகரித்துள்ளது. எனவே கட்சியின் நிறுவனர் சரத் பவார் வேறு கட்சி மற்றும் சின்னத்தை தேர்வு செய்ய வேண்டிய நிலைக்கு தள்ளப்பட்டார். புதிய சின்னத்துடன் சரத் பவார் தலைமையிலான தேசியவாத காங்கிரஸ் நடந்து முடிந்த மக்களவை தேர்தலில் போட்டியிட்டு அமோக வெற்றி பெற்றது. இந்த வெற்றியால் அஜித் பவார் தலைமையிலான தேசியவாத காங்கிரஸ் கட்சியில் இருப்பவர்கள் சரத் பவார் அணிக்கு வர ஆரம்பித்துள்ளனர். புனே பிம்ப்ரி-சிஞ்ச்வாட் பகுதியை சேர்ந்த அஜித் பவார் தலைமையிலான தேசியவாத காங்கிரஸ் தலைவர்கள் நான்கு பேர் மற்றும் முன்னாள் கவுன்சிலர்கள் 20 பேர் சரத் பவார் அணியில் இன்று சேர்ந்தனர். அவர்களில் இரு முன்னாள் மேயர்கள் ஆவர்.

அவர்களை சரத் பவார் கட்சிக்கு வரவேற்றார். இந்நிகழ்ச்சியில் பேசிய சரத் பவாரிடம் அஜித் பவார் மீண்டும் உங்களிடம் வந்தால் ஏற்றுக்கொள்வீர்களா என்று பத்திரிகையாளர்கள் கேட்டனர். அதற்கு பதிலளித்த சரத் பவார், ''அனைவருக்கும் வீட்டில் இடமுண்டு. ஆனால் கட்சியை பொறுத்தவரை நான் தனிப்பட்ட முறையில் முடிவு எடுக்க முடியாது. என்னுடன் இருப்பவர்களிடம் கலந்து ஆலோசித்த பிறகுதான் முடிவு எடுக்கப்படும்''என்று தெரிவித்தார். சட்டமன்ற தேர்தலுக்கு இன்னும் சில மாதங்களே இருக்கும் நிலையில் அஜித் பவார் ஆதரவாளர்கள் அணி மாறி இருப்பது அவருக்கு பெரும் பின்னடைவாக கருதப்படுகிறது. புனேயில் தான் அஜித் பவாருக்கு அதிக செல்வாக்கு இருப்பதாக கருதினார். ஆனால் அதற்கு பின்னடைவு ஏற்பட்டுள்ளது. கடந்த மாதம் சரத் பவார் அளித்திருந்த பேட்டியில், ''கட்சியை பலவீனப்படுத்தவேண்டும் என்று நினைப்பவர்களை மீண்டும் கட்சிக்கு எடுத்துக்கொள்ள மாட்டோம். ஆனால் கட்சியின் நற்பெயருக்கு களங்கத்தை ஏற்படுத்தாத தலைவர்களை ஏற்றுக்கொள்வோம்'' என்று குறிப்பிட்டு இருந்தார்.முதல்வர் யோகியுடன் கருத்து வேறுபாடு? - பாஜக தலைவர் நட்டாவைச் சந்தித்த உ.பி துணை முதல்வர்!


http://dlvr.it/T9k1vY

Read More

கர்நாடகா: தனியாரில் குரூப் C, D வேலைகள் 100% கன்னடர்களுக்கா? - கிளம்பிய எதிர்ப்பும், விளக்கமும்!

கர்நாடகாவில் தனியார் நிறுவனங்களில் குரூப் சி, டி கிரேடு வேலைகளில் கன்னடர்களுக்கு 100 சதவிகித இட ஒதுக்கீடு வழங்க மாநில அரசு மசோதா கொண்டுவந்திருப்பதாக முதல்வர் சித்தராமையா அறிவித்திருப்பது பெரும் விவாதப்பொருளாக மாறியிருக்கிறது. இதற்கெதிராக தொழில் நிறுவனங்கள் தரப்பில் எதிர்ப்புகள் கிளம்பிய நிலையில் அமைச்சர்கள் இது குறித்து விளக்கமளித்துவருகின்றனர்.சித்தராமையா

முன்னதாக, சித்தராமையா இது தொடர்பாக நேற்று தனது X சமூக வலைதளப் பக்கத்தில், `மாநிலத்திலுள்ள அனைத்து தனியார் தொழில் நிறுவனங்களிலும் 'சி மற்றும் டி' கிரேடு பணிகளுக்கு 100 சதவிகித கன்னடர்களை ஆள்சேர்ப்பு செய்வதைக் கட்டாயமாக்கும் மசோதாவுக்குத் திங்களன்று நடைபெற்ற அமைச்சரவைக் கூட்டம் ஒப்புதல் அளித்துள்ளது. இந்த அரசு கன்னடர்களுக்கு ஆதரவான அரசு. கன்னடர்களின் நலனைக் கவனிப்பதே எங்களின் முன்னுரிமை' என்று ட்வீட் செய்திருந்தார்.தொழில்நிறுவனங்களின் எதிர்ப்புகள்!

சித்தராமையாவின் இந்த அறிவிப்புக்கு தொழில் நிறுவனங்கள் மத்தியில் ஆதரவைக் காட்டிலும் எதிர்ப்புகள் அதிகம் கிளம்பியது. அந்த வரிசையில், மணிப்பால் குளோபல் எஜுகேஷன் சர்வீசஸ் சேர்மேன் (Chairman of Manipal Global Education Services) மோகன்தாஸ் பாய், `இந்த மசோதா பாரபட்சமானது மற்றும் பிற்போக்குத்தனமானது. இது 'அனிமல் ஃபார்ம் (Animal Farm)' (ஜார்ஜ் ஆர்வெல் நாவல்) போன்ற ஒரு பாசிச மசோதா' என்று ட்வீட் செய்து விமர்சித்தார்.கிரண் மஜும்தார்-ஷா, மோகன்தாஸ் பாய்

அதேபோல், பயோகான் (Biocon) நிர்வாகத் தலைவர் கிரண் மஜும்தார்-ஷா, ``தொழில்நுட்ப மையமாக எங்களுக்குத் திறமையானவர்கள் தேவை, அதே நேரத்தில் உள்ளூர் மக்களுக்கு வேலை வழங்குவதே இதன் நோக்கமாகும். இந்த நடவடிக்கை, தொழில்நுட்பத்தில் நமது மாநிலத்தின் முன்னணி நிலையில் பாதிப்பை ஏற்படுத்தக் கூடாது. இதில் எச்சரிக்கை வேண்டும்' என்று தெரிவித்தார்.ஆர்.கே.மிஸ்ரா - ASSOCHAM

மேலும், அசோசெம் (ASSOCHAM) நிறுவனத்தின் கர்நாடக பிரிவு இணைத் தலைவர் ஆர்.கே.மிஸ்ரா, ``கர்நாடக அரசின் மற்றுமொரு அதிமேதாவித்தன மசோதா. உள்ளூர்வாசிகளுக்கு இட ஒதுக்கீட்டைக் கட்டாயமாக்குவதுடன், அதைக் கண்காணிக்க ஒவ்வொரு நிறுவனத்திலும் அரசு அதிகாரியை நியமிக்க வேண்டும். இந்தக் குறுகிய பார்வை நிறுவனங்களை அச்சுறுத்தக்கூடும்" என்று எச்சரித்திருக்கிறார். இவற்றுக்கு மத்தியில், முதல்வர் சித்தராமையா தன்னுடைய X சமூக வலைதளப் பதிவை நீக்கிவிட்டார்.அமைச்சர்களின் விளக்கங்கள்!

இந்தக் குழப்பங்களுக்கு விளக்கமளித்த மாநில தகவல் தொழில்நுட்பத்துறை அமைச்சர் பிரியங்க் கார்கே, ``இதில் பதட்டப்படவேண்டிய அவசியமில்லை. உள்ளூர்வாசிகளுக்கு வேலைகளை வழங்குவதும் அதே நேரத்தில் முதலீடுகளைக் கொண்டுவருவதும் மாநில அரசின் நோக்கமாகும். இந்த மசோதா தொழிலாளர் துறையின் பரிந்துரை. தொழில்துறை அல்லது தகவல் தொழில்நுட்பத் துறையுடன் இதில் எந்த விவாதமும் இல்லை.சந்தோஷ் லாட், பிரியங்க் கார்கே

அதனால், எங்கள் துறைசார்ந்த தலைவர்களுடன் விரிவான ஆலோசனையை நடத்துமாறு முதலமைச்சரிடம் கோரிக்கை விடுத்துள்ளோம். அதன்பிறகு, உள்ளூர் மக்களுக்கு வேலை வழங்குவதை எவ்வாறு உறுதிப்படுத்துவது என்பதைப் பார்க்க ஒரு பொதுவான நிலைக்கு வருவோம்" என்றார்.

இவரைத்தொடர்ந்து, மாநில தொழிலாளர் நலத்துறை அமைச்சர் சந்தோஷ் லாட், தனியார் நிறுவனங்களின் நிர்வாகப் பதவிகளில் 50 சதவிகிதமும், நிர்வாகம் சாராத பதவிகளில் 70 சதவிகிதமும் கன்னடர்களுக்கு இட ஒதுக்கீடு அளிக்கப்படும் என்று தெரிவித்திருக்கிறார்.

அதேபோல், வர்த்தகம் மற்றும் தொழில்துறை அமைச்சர் எம்.பி.பாட்டீல், ``பலருக்கு அச்சங்கள் இருப்பதை நான் கவனித்தேன். இந்த குழப்பத்தை நாங்கள் தீர்ப்போம். இதனால் எந்த பாதகமான விளைவும் ஏற்படாது. இந்தியா ஒரு உற்பத்தி மற்றும் தொழில்துறை புரட்சியைச் சந்தித்து வருகிறது. இந்தப் போட்டி யுகத்தில், கர்நாடகா, மகாராஷ்டிரா, தமிழ்நாடு, தெலங்கானா போன்ற மாநிலங்கள் சிறந்த நிலையில் இருக்க முயற்சி செய்கின்றன.எம்.பி.பாட்டீல்

அனைத்து மாநிலங்களும் போட்டியின் உச்சத்தில் இருப்பது மிகவும் முக்கியமானது. நூற்றாண்டுக்கு ஒருமுறை நடக்கும் தொழில்மயமாதல் போட்டியைக் கர்நாடகா இழக்க முடியாது" என்றார்.

`கர்நாடகா மாநிலத் தொழில்கள், தொழிற்சாலைகள் மற்றும் பிற நிறுவனங்களில் உள்ளூர் வேட்பாளர்களுக்கான வேலைவாய்ப்பு மசோதா, 2024' நாளை (ஜூலை 18) சட்டமன்றத்தில் தாக்கல் செய்யப்படவிருப்பதாகத் தகவல்கள் வெளியாகிவருகிறது.கதவை மூடும் தனியார் பால் நிறுவனங்கள்... கலக்கத்தில் பால் விவசாயிகள்!


http://dlvr.it/T9jdDF

Read More