பஞ்சாயத்து கணக்கு வழக்கு கேட்ட திமுக பிரமுகருக்கு கத்திக்குத்து; சொந்தக்கட்சி நிர்வாகி வெறிச்செயல்!

தென்காசி அருகே பஞ்சாயத்து கணக்கு வழக்குகளை கேட்ட விவகாரத்தில், கவுன்சிலரின் கணவருக்கு கத்திக்குத்து விழுந்த சம்பவம், பெரும் பரபரப்பை ஏற்படுத்தியுள்ளது. இது குறித்து போலீஸிடம் விசாரித்தோம். அப்போது நம்மிடம் பேசியவர்கள், "தென்காசியை‌ அடுத்த மேலகரம் டவுன் பஞ்சாயத்தில் தி.மு.க. பேரூர் கழகச் செயலாளராக பணியாற்றுபவர் சுடலை. இவரின் உறவினர்தான் மேலகரம் டவுன் பஞ்சாயத்து தலைவராக உள்ளார். அதே ஊரைச் சேர்ந்த 3-வது வார்டு தி.மு.க.கவுன்சிலர் பூமாவின் கணவர் சண்முகம். இவர் தி.மு.க-வில் மாவட்ட பிரதிநிதியாக உள்ளார். பஞ்சாயத்து விவகாரம் தொடர்பாக சுடலைக்கும்- சண்முகத்துக்கும் இடையே அடிக்கடி தகராறு ஏற்பட்டு வந்துள்ளது.திமுக பிரமுகர்

இந்த நிலையில், பஞ்சாயத்தில் வரவைக் காட்டிலும், செலவு அதிகமாக இருப்பதை அறிந்த சண்முகம், அதைச் சுட்டிக்காட்டி சேர்மனிடம் விளக்கம் கேட்டிருக்கிறார். இது பிடிக்காத சுடலை, 'உன்னிடம் பேச வேண்டும்' எனக் கூறி சண்முகத்தை பஞ்சாயத்து அலுவலகத்திற்கு அழைத்திருக்கிறார். அதன்பேரில் பஞ்சாயத்து அலுவலகம் சென்ற சண்முகத்திற்கு முறையான பதில் அளிக்கவில்லை என கூறப்படுகிறது. இதனால் ஏமாற்றமடைந்து சண்முகம் ஸ்கூட்டரில் வீடு திரும்பினார்.‌ அவர் மேலகரம் பஜாரில் நின்று கொண்டிருக்கும்போது அங்கு வந்த சுடலை, தன்னுடைய டூவீலரில் மறைத்து வைத்திருந்த கத்தியை எடுத்து சண்முகத்தின் கழுத்து மற்றும் இடுப்பு பகுதியில் சரமாரியாக குத்தியதாக கூறப்படுகிறது.மருத்துவமனை

இந்த சம்பவத்தில் பலத்த காயமடைந்த சண்முகம் உடனடியாக மேலகரம் அரசு மருத்துவமனையில் சிகிச்சைக்காக அனுமதிக்கப்பட்டார். அதைத் தொடர்ந்து தென்காசி மாவட்ட அரசு தலைமை மருத்துவமனையில் மேல் சிகிச்சைக்காக அனுமதிக்கப்பட்டார். இந்தச் சம்பவம் தொடர்பான புகாரின் பேரில் போலீஸார் விசாரித்து வருகின்றனர்" எனக் கூறினர். பஞ்சாயத்து கணக்கு வழக்கு பிரச்னைக்காக, தி.மு.க. பிரமுகரை சொந்தக் கட்சியை சேர்ந்தவரே கத்தியால் குத்திய சம்பவம், தென்காசி மாவட்டத்தில் பெரும் பரபரப்பை ஏற்படுத்தியுள்ளது.ஸ்ரீவில்லிப்புத்தூர்: வாத்து மேய்ப்பதில் முன்விரோதம்; அண்ணனை கத்தியால் குத்திக் கொன்ற தம்பி!


http://dlvr.it/TBmTX2

Read More

Hindenberg: `SEBI தலைவர், அதானி தொடர்புடைய நிறுவனங்களில் பங்கு வைத்திருந்தார்..! - ஹிண்டன்பர்க்

இந்தியாவில் நடந்துமுடிந்த 2024 பொதுத் தேர்தலில், பாஜக கூட்டணிக் கட்சிகளின் ஆதரவுடன் மூன்றாவது முறையாக ஆட்சி அமைத்தது. பிரதமராக நரேந்திர மோடியே தொடர்கிறார்... இந்தத் தேர்தலில் பா.ஜ.க-வுக்கு நெருக்கடி ஏற்படும் வகையிலான பல விஷயங்கள் நடந்தேறின. அதில் எதிர்க்கட்சிகள் கையிலெடுத்த மிக முக்கிய விவகாரங்களுள் ஒன்று, `ஹிண்டன்பர்க்' அறிக்கை எனச் சொன்னால், நிச்சயம் மிகையல்ல...

கடந்த 2023-ம் ஆண்டு, இந்திய அரசியல் வட்டாரத்தில் மட்டுமல்ல, பொருளாதார ரீதியாகவும் பெரும் புயலைக் கிளப்பியிருந்தது `ஹிண்டன்பர்க்' அறிக்கை. அதானி குழுமம் மீது பல்வேறு முறைகேடு குற்றச்சாட்டுகளை முன்வைத்து, அமெரிக்க ஷார்ட் செல்லிங் நிறுவனமான ஹிண்டன்பர்க் கடந்த ஆண்டு ஜனவரி மாத சமயத்தில் அறிக்கை வெளியிட்டது. பெரும் சலசலப்பை ஏற்படுத்திய இந்தக் குற்றச்சாட்டுகளைத் தொடர்ந்து, அதானி குழுமப் பங்குகள் கடுமையாகச் சரிந்து பல லட்சம் கோடி ரூபாய் அளவுக்கு மதிப்பை இழந்தன. அதானி குழுமத்துக்குப் பொதுத்துறை வங்கிகள் கடன் வழங்கியிருப்பதாலும், பொதுத்துறை நிறுவனங்கள் பல அதானி குழுமப் பங்குகளில் முதலீடு செய்திருப்பதாலும் அதானி குழுமம் மீதான முறைகேடு குற்றச்சாட்டுகள் அரசியல் ரீதியாகவும் விஸ்வரூபம் எடுத்தது. அதானி - ஹிண்டன்பர்க் - Hindenberg

குஜராத் முதல்வராக மோடி இருந்த காலத்திலிருந்தே கௌதம் அதானிக்கும் மோடிக்கும் நெருங்கிய நட்பு இருந்து வந்தது. மோடியின் மூலம் தொழில்ரீதியான ஆதாயங்களை கௌதம் அதானி அடைந்திருப்பதாக, காங்கிரஸ் உள்ளிட்ட எதிர்க்கட்சிகள் இந்த விவகாரத்தை மிகத் தீவிரமாகக் கையாண்டன.

காங்கிரஸ் உள்ளிட்ட எதிர்க்கட்சிகள் அதானி-ஹிண்டன்பர்க் விவகாரத்தில் நாடாளுமன்றக் கூட்டுக் குழு விசாரணை வேண்டுமென கோரிக்கை வைத்தன. தொடர்ச்சியாக இது குறித்து நாடாளுமன்றத்தில் பேசியும், அவ்வப்போது போராட்டங்களும் நடத்தினர்.

இந்த விவகாரம் தொடர்பாக உச்ச நீதிமன்றத்தில் வழக்கு தொடரப்பட்டு விசாரணை நடைபெற்றது. பங்குச் சந்தை ஒழுங்குமுறை ஆணையமான செபியும் இது தொடர்பாக விசாரணை நடத்தி வந்தது. இடையில் செபி குறித்தும் ஹிண்டன்பர்க் நிறுவனம் காட்டமான விமர்சனங்களை முன்வைத்தது.

இந்த நிலையில், மீண்டும் `ஹிண்டன்பர்க்' என்ற வார்த்தை இந்திய அரசியலில் தற்போது மையம் கொண்டிருக்கிறது. ஹிண்டன்பர்க் அண்மையில் வெளியிட்டிருக்கும் கட்டுரை ஒன்றுதான், பெரும் பேசுபொருளாக மாறியிருக்கிறது. அதில் பல அதிர்ச்சியூட்டும் குற்றச்சாட்டுகளை அந்த நிறுவனம் முன்வைத்திருப்பது, பரபரப்பைக் கூட்டியிருக்கிறது. அதானி நிறுவனம் வெளிநாடுகளில் உருவாக்கிய போலி நிறுவனம் ஒன்றில், செபியின் தலைவர் மாதபி பூரி புச் பல்லாயிரக்கணக்கான பங்குகளை வைத்திருந்ததாக, ஹிண்டன்பர்க் நேற்றைய தினம் (10-08-2024) வெளியிட்டிருந்த கட்டுரையில் குறிப்பிட்டிருக்கிறது.ஹிண்டன்பர்க்

மேலும், ``அதானி குழுமத்தின் சந்தேகத்திற்குரிய கடல்சார் பங்குதாரர்களுக்கு எதிராக தக்க நடவடிக்கைகளை எடுக்க செபி விரும்பவில்லை... அதற்கு செபியின் தலைவர் மாதபி பூரி புச், கெளதம் அதானியின் சகோதரர் வினோத் அதானி பயன்படுத்திய அதே நிதியைப் பயன்படுத்துவதில் உடந்தையாக இருப்பது, காரணமாக இருக்கலாம். செபியின் தலைவர் மாதபி பூரி புச், அதானி நிறுவனத்தின் தெளிவற்ற கடல்சார் வெளிநாட்டு நிறுவனங்களில் பங்கு வைத்திருந்தது, தெரியவந்திருக்கிறது. அதன் காரணமாகவே அதானி தொடர்புடைய பங்குதாரர்களுக்கு எதிராக செபி இன்றுவரை எந்த வித நடவடிக்கையும் எடுக்கவில்லை." என ஹிண்டர்பர்க் குறிப்பிட்டிருக்கிறது.

ஹிண்டன்பர்க் இத்தகைய தகவலை வெளியிட்டதைத் தொடர்ந்து, எதிர்க்கட்சிகள் இந்த விவகாரத்தைக் கையிலெடுத்திருக்கின்றன. `அதானி மெகா ஊழலின் முழு வீச்சையும் விசாரிக்க, நாடாளுமன்ற கூட்டுக் குழுவை அமைக்க வேண்டும்' என்ற கோரிக்கையை மீண்டும் வலியுறுத்துவதாக, காங்கிரஸ் தெரிவித்திருக்கிறது.

இது தொடர்பாக ஜெய்ராம் ரமேஷ், ``2022-ல் மாதபி பச் செபியின் தலைவராகப் பொறுப்பேற்றவுடன், கௌதம் அதானியைச் சந்தித்துப் பேசியிருப்பது பல சந்தேகங்களைக் கிளப்புகிறது. அந்த நேரத்தில், அதானி பரிவர்த்தனைகளை செபி விசாரித்ததாகக் கூறப்பட்டது என்பதை நினைவில் கொள்ளவேண்டும் ” தெரிவித்திருக்கிறார்.

அதேபோல திரிணாமுல் காங்கிரஸ், "செபி தலைவர் உடனடியாக இடைநீக்கம் செய்யப்பட வேண்டும். மேலும் அவரும், அவருடைய கணவரும் நாட்டை விட்டு வெளியேறுவதைத் தடுக்க, அனைத்து விமான நிலையங்களுக்கும் இன்டர்போலுக்கும் நோட்டீஸ் அனுப்பப்பட வேண்டும்" என்று தெரிவித்திருக்கிறது.மாதபி

இந்த நிலையில் ஹிண்டன்பர்க் குற்றச்சாட்டுகள் குறித்து, மாதபியும் அவரின் கணவரும், ``கடந்த பல ஆண்டுகளாக எங்கள் தொடர்பான அனைத்து விஷயங்களையும், செபியிடம் வழங்கியிருக்கிறோம். நாங்கள் தனிப்பட்ட குடிமக்களாக இருந்த காலகட்டம் உட்பட அனைத்து நிதி ஆவணங்களையும், வெளிப்படுத்துவதில் எங்களுக்கு எந்தவித தயக்கமும் இல்லை. முழுமையான வெளிப்படைத்தன்மையின் நலன் கருதி, உரிய நேரத்தில் விரிவான அறிக்கையை வெளியிடுவோம். செபி அமலாக்க நடவடிக்கை எடுத்து, ஷோ காஸ் நோட்டீஸ் வழங்கியிருக்கும் ஹிண்டன்பர்க் ரிசர்ச், தற்போது இத்தகைய முயற்சியில் இறங்கியிருப்பது, துரதிஷ்டவசமானது” என்று தங்கள் அறிக்கையில் குறிப்பிட்டிருக்கின்றனர். அதானி விவகாரம்: செபிக்கு ஹிண்டன்பர்க் அளித்த காட்டமான பதில்... புதிதாக சிக்கிய இந்தியத் தொழிலதிபர்!


http://dlvr.it/TBmKCm

Read More

`பாஜக-வுக்கு நன்கொடை அளிக்காத தொழிலதிபர்களை சிறையிலடைக்கிறார்கள்!' - ஜாமீனில் வந்த மணீஷ் சிசோடியா

டெல்லி மதுபான கொள்கை ஊழல் வழக்கில் சிறையிலடைக்கப்பட்ட ஆம் ஆத்மி கட்சியின் முன்னாள் துணை முதல்வர் மணீஷ் சிசோடியா நேற்று ஜாமீனில் வெளியில் வந்தார். குறிப்பாக உச்ச நீதிமன்றம், 17 மாதங்களாக எந்தவொரு விசாரணையுமின்றி சிறையில் அடைத்துவைத்திருப்பதும், ஜாமீன் மனுக்களை நிராகரிப்பதும் அவரின் அடிப்படை உரிமைகளை மீறுவதாகும் என்று கூறி ஜாமீன் வழங்கியிருக்கிறது.மணீஷ் சிசோடியா , அரவிந்த் கெஜ்ரிவால்

இந்த நிலையில், பா.ஜ.க-வுக்கு நன்கொடை அளிக்காத தொழிலதிபர்கள் சிறையிலடைப்பட்டிருப்பதாக மணீஷ் சிசோடியா குற்றம்சாட்டியிருக்கிறார். ஜாமீனில் சிறையிலிருந்து வெளிவந்த மறுநாளான இன்று ஆம் ஆத்மி கட்சித் தலைமையகத்தில் தொண்டர்கள் மத்தியில் மணீஷ் சிசோடியா உரையாற்றினார்.

அப்போது மணீஷ் சிசோடியா, ``அரசியலமைப்பை விடவும் அவர்கள் (பா.ஜ.க) சக்திவாய்ந்தவர்கள் அல்ல. எதிர்க்கட்சித் தலைவர்களை சிறையிலடைப்பது மட்டுமல்லாமல், நாட்டின் குடிமக்களையும் துன்புறுத்தும் இந்த சர்வாதிகாரத்துக்கு எதிராக ஒவ்வொரு நபரும் போராட வேண்டும். நான் சிறையிலிருந்தபோது ஜாமீன் பெறுவதைப் பற்றி கவலைப்படவில்லை. ஆனால், பா.ஜ.க-வுக்கு நன்கொடை அளிக்காததால் போலி வழக்குகளில் தொழிலதிபர்கள் சிறையிலடைக்கப்படுவதைப் பார்த்து வேதனையடைந்தேன்.மணீஷ் சிசோடியா

இதுபோன்ற சர்வாதிகாரத்தை மிதிக்கும் வகையில்தான், அரசியலமைப்பின் அதிகாரத்தை உச்ச நீதிமன்றம் பயன்படுத்தியிருக்கிறது. அதேசமயம், ஏழிலிருந்து எட்டு மாதங்களுக்குள் நீதி கிடைக்கும் என்று நம்பினேன். ஆனால், அதற்கு 17 மாதங்கள் ஆகிவிட்டது. இருப்பினும், இறுதியில் உண்மை வென்றிருக்கிறது. எனவே, சர்வாதிகாரத்துக்கு எதிராக எதிர்க்கட்சிகள் ஒன்றிணைந்தால், கெஜ்ரிவால் வெறும் 24 மணி நேரத்தில் சிறையிலிருந்து வெளியே வருவார்" என்று கூறினார்.

மேலும், மல்யுத்த விவகாரத்தில் பெயர் எதுவும் குறிப்பிடாமல் பா.ஜ.க-வை தாக்கிய மணீஷ் சிசோடியா, ``ஒரு வீராங்கனை தனது தலைவருக்கு எதிராக எதிர்ப்பு தெரிவித்தார். இப்போது, அவருக்கு ஒலிம்பிக்கில் என்ன நடந்தது என்பதை மக்கள் பார்த்தனர்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88வினேஷ் போகத் தகுதி நீக்கம், `பின்னணியில் பிரிஜ்பூஷன்?' மத்திய அரசுக்கு மஞ்சூரியா வீரரின் கடிதம்!


http://dlvr.it/TBlTsx

Read More

சென்னை மெட்ரோ திட்டம்... கைவிரித்த மத்திய அரசு(?) | பின்னணி என்ன?

நாடாளுமன்றத்தில் மத்திய சென்னை எம்.பி தயாநிதி மாறன் எழுப்பிய கேள்வியில், "சென்னை மெட்ரோ ரயில் இரண்டாம் கட்ட திட்டத்துக்காக அளிக்கப்பட்ட அனுமதி மற்றும் நிதி ஒதுக்கீட்டின் நிலை என்ன?. அந்த நிதியை ஒதுக்குவதில் கடந்த மூன்று ஆண்டுகளில் ஏற்பட்ட தாமதத்துக்கான காரணம் என்ன?, இந்த விஷயங்களில் தமிழக அரசின் வேண்டுகோள்களுக்கு மத்திய அரசின் பதில், பிற மாநிலங்களில் செயல்படுத்தப்படும் மெட்ரோ ரயில் திட்டங்களுக்கு கடந்த ஐந்து ஆண்டுகளில் ஒதுக்கிய நிதி எவ்வளவு என்கிற விவரங்களை தெரிவிக்க வேண்டும்" என தெரிவித்திருந்தார்.மெட்ரோ ரயில்

இதற்கு மத்திய வீட்டுவசதி மற்றும் நகர்ப்புற விவகாரங்கள் துறை அமைச்சர் தோகன் சாஹூ அளித்துள்ள எழுத்துபூர்வமான பதிலில், "118.9 கி.மீ. நீளம் கொண்ட சென்னை மெட்ரோ ரயில் இரண்டாம் கட்டத் திட்டத்தை ரூ.63,246 கோடி மதிப்பீட்டில் செயல்படுத்த தமிழக அரசு முன்மொழிந்திருந்தது. இதற்கு மிகவும் ஆழமான சாத்தியக்கூறு ஆய்வு, வளங்களின் இருப்பு போன்றவை அடிப்படையில்தான் ஒப்புதல் தர முடியும். தற்போது இந்த திட்டம் மாநில துறை திட்டமாக நடக்கிறது. எனவே அதன் செயலாக்கத்துக்கான செலவினத்தை தமிழக அரசே ஏற்கிறது என்று ஏற்கெனவே ஒரு கேள்விக்கு மத்திய அரசு பதில் அளித்துள்ளது.

நிதி ஒதுக்கீட்டைப் பொருத்தவரை கடந்த ஐந்து ஆண்டுகளில் டெல்லி, பெங்களூரு, பாட்னா, மும்பை, ஆமதாபாத், கான்பூர், ஆக்ரா ஆகிய நகரங்களில் மெட்ரோ திட்டங்களை செயல்படுத்த 2019 முதல் ஒவ்வொரு ஆண்டும் மத்திய அரசு நிதி ஒதுக்கியுள்ளது. ஆனால் தமிழகத்தில் சென்னையில் திட்டத்தை செயல்படுத்த 2022-23, 2024 ஆகிய நிதியாண்டுகளில் எந்த தொகையும் மத்திய அரசு ஒதுக்கவில்லை. 2019-ல் ரூ.1,380.4 கோடி, 2020-21-இல் ரூ.51 கோடி, 2021-22ல் ரூ.935.78 கோடியை மத்திய அரசு ஒதுக்கியுள்ளது" என சொல்லப்பட்டுள்ளது.ராதாகிருஷ்ணன்

இதுகுறித்து நம்மிடம் பேசிய அறப்போர் இயக்கத்தை சேர்ந்த ராதாகிருஷ்ணன், "இதன் மூலம் மாற்றான் தாய் மனப்பான்மையுடன்தான் தமிழகத்தை மத்திய அரசு பார்க்கிறது என்பது தெளிவாகிறது. தேர்தல் நேரத்தில் மட்டும் பலமுறை தமிழகத்துக்கு மோடி வந்தார். ஆனால் ஓட்டு கிடைக்கவில்லை என்றதும் நிதி ஒதுக்கீடு செய்யாமல் கையை விரித்து விட்டார்கள். இரண்டு ஆண்டுகளாக நிதி ஒதுக்கீடு செய்யவில்லை. சென்னை, பெங்களூரு, ஹைதராபாத் ஆகிய நகரங்களில்தான் மென்பொருள் நிறுவனங்கள் அதிகமாக உள்ளன.`கார்த்தி சிதம்பரத்துக்கு எதிராக திரண்ட சிவகங்கை கதர்கள்..!' - திகுதிகு சத்தியமூர்த்தி பவன்

ஆனால் மற்ற இரண்டு மாநிலங்களுக்கு ஒதுக்கப்பட்ட தொகையில் கொஞ்சம் கூட தமிழகத்திற்கு ஒதுக்கவில்லை என்பதை ஏற்றுக்கொள்ள முடியாது. நீங்கள் எங்களை வெற்றிபெற வைக்கவில்லை. அதனால் நிதி ஒதுக்கவில்லை என சொல்கிறார்கள். மக்கள் நெருக்கம், பொருளாதார ரீதியான தேவைகள், வேலைவாய்ப்பு இவையனைத்தும் சென்னையை சுற்றி நடக்கிறது என்பது மத்திய அரசுக்கு தெரியும். ஆகவே மெட்ரோ திட்டத்தை வாக்கு அரசியலாக பார்க்காமல் உரிய நிதியை ஒதுக்கீடு செய்ய வேண்டும்" என்றார்.கவிஞர் சல்மா

தொடர்ந்து பேசிய தி.மு.க செய்தி தொடர்பாளர் கவிஞர் சல்மா, "தமிழகத்திற்கு இரண்டு ஆண்டுகளில் எந்த நிதியும் ஒதுக்கீடு செய்யவில்லை. மக்கள் வாக்களிக்கவில்லை என்பதால் மாநில அரசை பழிவாங்குவதாக நினைத்து மக்களின் வரிப்பணத்தை திரும்பி வழங்காமல் இருக்கிறார்கள். இதன் மூலம் தமிழக மக்களுக்கு ஒன்றிய அரசு துரோகம் செய்து வருகிறது. அனைவருக்கும் பொதுவானதுதான் ஒன்றிய அரசு. ஆனால் தமிழகத்தின் வளர்ச்சியில் பங்கெடுத்துக்கொள்ள மறுப்பது மிகப்பெரிய துரோகம், அநீதியாகவே நாங்கள் பார்க்கிறோம்.

இதேபோல்தான் எய்ம்ஸ் விவகாரத்திலும் செய்கிறார்கள். இதன் மூலம் மக்களின் நலனுக்காக அவர்கள் ஆட்சி செய்யவில்லை என்பது தெளிவாகிறது. இரண்டு ஆண்டுகளுக்கு முன்பு தமிழகம் வந்த அமித் ஷா சம்பந்தப்பட்ட திட்டத்துக்கு நிதி ஒதுக்குவதாக தெரிவித்தார். ஆனாலும் வாக்கு கிடைக்கவில்லை என்பதால் மாறிவிட்டார்கள்" என்றார்.நாராயணன் திருப்பதி

இறுதியாக பா.ஜ.க துணைத் தலைவர் நாராயணன் திருப்பதி, "இந்த திட்டத்திற்கு மத்திய அரசு இதுவரை அனுமதி தரவில்லை. ஒப்புதல் அளிக்காத திட்டத்திற்கு ஏன் பணம் ஒதுக்கீடு செய்யவில்லை என இவர்கள் எப்படி கேட்கிறார்கள். ஏன் ஒப்புதல் கிடைக்கவில்லை என்பதை தமிழக அரசு தெரிவிக்க வேண்டும். மாநில அரசின் திட்டமாகவே செயல்படுத்திக் கொண்டு இருக்கிறார்கள். ஒருவேளை மத்திய அரசு திட்டத்திற்கு ஒப்புதல் கொடுத்து, பணம் ஒதுக்கீடு செய்யவில்லை என்றால் கேட்கலாம். மத்திய அரசு கூறியுள்ள காரணத்தை சரிசெய்து ஒப்புதல் பெற முதலில் முயற்சி செய்ய வேண்டும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88`கார்த்தி சிதம்பரத்துக்கு எதிராக திரண்ட சிவகங்கை கதர்கள்..!' - திகுதிகு சத்தியமூர்த்தி பவன்


http://dlvr.it/TBlDDX

Read More

“மீனவர்களைக் காக்க தமிழக அரசு எதுவும் செய்யவில்லை” என்ற ஜெயக்குமாரின் விமர்சனம்? - ஒன் பை டூ

சி.டி.ஆர்.நிர்மல்குமார்

சி.டி.ஆர்.நிர்மல்குமார், ஐடி பிரிவு இணைச் செயலாளர், அ.தி.மு.க

“உண்மையைச் சொல்லியிருக்கிறார். தி.மு.க அரசு ஆட்சிக்கு வந்து மூன்று ஆண்டுகள் முடிந்துவிட்டன. நீட் தேர்வு விவகாரம் தொடங்கி அவர்கள் சொன்ன எல்லா விஷயங்களிலும் உருப்படியாக எதையாவது செய்திருக்கிறார்களா... கச்சத்தீவைத் தாரை வார்த்த தி.மு.க-வுக்கு, மத்தியில் வி.பி சிங் அரசு அமைந்தபோது அதை மீட்கும் வாய்ப்பு கிடைத்தது. 1997-ல் கச்சத்தீவு அருகே தமிழக மீனவர்கள் மீன்பிடி உரிமையைப் பெற்றுக் கொடுக்கவும் வாய்ப்பு கிடைத்தது. ஆனால், அந்த இரண்டு வாய்ப்புகளையும் உள்நோக்கத்துடன் பயன்படுத்தத் தவறியது தி.மு.க. இப்போது அதனால் பெரும் இன்னலைத் தமிழக மீனவர்கள் அனுபவித்துக்கொண்டிருக்கிறார்கள். கடந்த ஒரு வருடத்தில் மட்டும் 300-க்கும் மேற்பட்ட தமிழக மீனவர்கள் இலங்கை அரசால் கைது செய்யப்பட்டிருக்கிறார்கள். அவர்களின் படகுகள், வலைகளைப் பறித்துவைத்துக்கொண்டு அட்டூழியம் செய்கிறது இலங்கை கடற்படை. இந்த நிலையில் தி.மு.க-வின் பெரும் புள்ளிகள் பலரும் இலங்கையில் பெரும் முதலீடுகளைச் செய்திருப்பதாகச் சொல்லப்படுகிறது. ‘அதனாலோ என்னவோ... மத்திய அரசுக்கு வெறுமனே கடிதம் மட்டும் எழுதிவிட்டு, எந்த அழுத்தமும் கொடுக்காமலிருக்கிறார் முதல்வர்’ என்ற விமர்சனங்கள் இருக்கின்றன. தங்களின் சுயநலத்துக்காக மீனவர்களைப் பலிகடாவாக்கும் தி.மு.க-வை மீனவச் சமூகம் ஒருபோதும் மன்னிக்காது!”ஜி.மனோகரன்

ஜி.மனோகரன், மாநில மீனவரணித் துணைச் செயலாளர், தி.மு.க

“பொய் பேசிக்கொண்டிருக்கிறார் ஜெயக்குமார். கச்சத்தீவு விவகாரம் கலைஞரையும் தாண்டி நடந்த ஒன்று. அன்று தொட்டு இன்றுவரை கச்சத்தீவை மீட்க தி.மு.க போராடுவது உலகறிந்தது. அதில் கட்டுக்கதைகளைக் கிளப்பிவிட்டு, அரசியல் ஆதாயம் அடைய ஆசைப்படுகிறது அ.தி.மு.க. கடந்த பத்தாண்டு கால அ.தி.மு.க ஆட்சியில் இலங்கையால் கைதுசெய்யப்பட்ட மீனவர்கள் மிகவும் தாமதமாகவே மீட்கப்பட்டார்கள். அதேநேரத்தில், பிடிபட்ட படகுகளை மீட்க அ.தி.மு.க அரசு எந்த முயற்சியும் எடுக்கவில்லை. அப்படி மீட்க முடியாத, சேதமடைந்த படகுகளுக்கு 5 லட்ச ரூபாய் வரை நிவாரணத் தொகை வழங்கி, மீனவர்களின் துயர் துடைத்தார் தமிழக முதல்வர் ஸ்டாலின். அதுமட்டுமல்ல, கழக ஆட்சி அமைந்த பிறகு, பாதிக்கப்பட்ட மீனவக் குடும்பங்களுக்கான நிவாரணத் தொகை 6 லட்சமாகவும், சிறையில் சிக்கித்தவிக்கும் மீனவர்களின் குடும்பங்களுக்கு தினசரி நிவாரணத் தொகை ரூ.350-ஆகவும் உயர்த்தி வழங்கப்படுகிறது. தி.மு.க ஆட்சியில், மீனவர்களின் நலன் காக்கப் பல்வேறு திட்டங்களைச் செயல்படுத்தியிருப்பது வரலாற்று உண்மை. ஒரு மாநில முதல்வராக ஒன்றிய அரசுக்கு அழுத்தங்களை உருவாக்கியிருக்கிறார் முதல்வர். ஆனால், மத்திய பா.ஜ.க அரசுடன் கள்ளக்கூட்டு வைத்திருக்கும் அ.தி.மு.க., ஒரு முறைகூட மத்திய அரசைக் கேள்வி கேட்கவில்லை. தங்களின் பத்தாண்டுக்கால ஆட்சியில் மீனவர் நலனுக்காக எதையுமே செய்யாமல் பொய்யான கட்டுக்கதைகளைப் பேசிவருகிறது அ.தி.மு.க!”


http://dlvr.it/TBkNjw

Read More

ஜக்தீப் தன்கர் Vs ஜெயா பச்சன்: நாடாளுமன்றத்தில் வெடித்த வார்த்தை போர்... வெளியேறிய எதிர்க்கட்சிகள்!

நாடாளுமன்ற மாநிலங்களவையில், எதிர்க்கட்சியினர் தன்னுடைய நாற்காலிக்கான உரிய மரியாதையை அளிக்கவில்லையென சபாநாயகர் ஜக்தீப் தன்கர் நேற்று அவையிலிருந்து வெளிநடப்பு செய்த நிலையில், இன்றைய கூட்டத்தில் இவருக்கும், சமாஜ்வாதி எம்.பி ஜெயா பச்சனுக்கும் வார்த்தைப் போர் வெடித்திருக்கிறது. முன்னதாக ஜூலை 31-ம் தேதி மாநிலங்களவையில் நடைபெற்ற கூட்டத்தில், பா.ஜ.க எம்.பி கன்ஷ்யாம் திவாரி தன்னை அவமதிக்கும் வகையில் பேசியதாகவும், அதை அவைக் குறிப்பிலிருந்து நீக்க வேண்டும் என்றும் ஜக்தீப் தன்கரிடம் எதிர்க்கட்சித் தலைவர் மல்லிகார்ஜுன கார்கே கோரிக்கை விடுத்திருந்தார்.ஜக்தீப் தன்கர் - மல்லிகர்ஜுன கார்கே

இவ்வாறிருக்க இன்றைய கூட்டத்தில், காங்கிரஸ் எம்.பி ஜெய்ராம் ரமேஷ், கன்ஷ்யாம் திவாரி - கார்கே விவகாரம் எப்படி கையாளப்பட்டது என்பது குறித்து ஜக்தீப் தன்கரிடம் விளக்கம் கேட்டார். அதற்கு, ``இருவரிடமும் பேசினோம், அதில் கார்கேவை கன்ஷ்யாம் திவாரி சமஸ்கிருதத்தில் புகழ்ந்ததை நாங்கள் கண்டறிந்தோம். மாறாக, கார்கேவை அவமதிக்கும் வகையில் எதுவும் இல்லை" என்றார். இதனைக் கேட்ட எதிர்க்கட்சி எம்.பி-க்கள், பாஜக எம்.பி-க்கு ஆதரவாகச் சபாநாயகர் பேசுவதாக அமளியில் ஈடுபட்டனர். மேலும், இந்த விஷயத்தில் பா.ஜ.க எம்.பி மன்னிப்பு கேட்க வேண்டுமென காங்கிரஸ் வலியுறுத்தவே, இந்தப் பிரச்னை சம்பந்தப்பட்ட இருவரிடமும் பேசித் தீர்க்கப்பட்டதாகக் ஜக்தீப் தன்கர் கூறினார்.

அதையடுத்து, இந்த விவகாரத்தில் பேசும் கடைசி நபராக பேச ஜெயா பச்சனை அழைத்தார். அப்போது எழுந்த ஜெயா பச்சன், ``நான் ஒரு கலைஞர். ஒருவரின் உடல்மொழி மற்றும் உணர்வு வெளிப்பாடுகளை நான் புரிந்துகொள்வேன். ஆனால், உங்களின் தொனி சரியானதாக இல்லை. நீங்கள் நாற்காலியில் அமர்ந்திருக்கலாம். ஆனால், நான் பள்ளிக்குச் சென்றது எனக்கு நினைவிருக்கிறது" என்று கூறினார். பின்னர், உடனடியாக ஜெயா ஜி அமருங்கள் என்று ஜக்தீப் தன்கர் கூற, அவையில் எதிர்க்கட்சியினரின் சத்தம் அதிகரித்தது.ஜக்தீப் தன்கர்

அதைத் தொடர்ந்து, அனைவரையும் அமரச்சொல்லி ஜெயா பச்சனை நோக்கி பேசிய ஜக்தீப் தன்கர் , ``ஜெயா ஜி நீங்கள் மிகப்பெரிய நன்மதிப்பைப் பெற்றிருக்கிறீர்கள். அதேசமயம், ஒரு நடிகர் இயக்குநருக்கு உட்பட்டவர் என்று உங்களுக்குத் தெரியும். ஆனால், நான் யார் என்பதை எல்லா நாளும் வெளிப்படுத்த நான் விரும்பவில்லை. எல்லா நாளும் பாடம் கற்க நான் விரும்பவில்லை. நீங்கள் என்னுடைய தொனியைப் பற்றி பேசுகிறீர்கள், போதும். நீங்கள் பிரபலமானவராக இருக்கலாம், ஆனால் பேச்சை நீங்கள் புரிந்துகொள்ள வேண்டும்" என்று கூறினார்.

அதைத்தொடர்ந்து, ஜெயா பச்சன் பிரபலமானவர், அவையில் மூத்த உறுப்பினர் என்று எதிர்க்கட்சி கூற, ``இந்த அவையில் நடக்கும் சூழலைக் கவனித்து எதிர்வினையாற்றும் வகையில் நான் இருக்க வேண்டும். எனக்கும் மிக உயர்ந்த மரியாதை இருக்கிறது. என்னுடைய பேச்சு, தொனி, கோபம் என எதுவும் மற்றவர்களின் ஸ்க்ரிப்ட் படி நடப்பதில்லை. நான் நானாகவே நடந்துகொள்கிறேன். வேறு யாராலும் நான் இயக்கப்படவில்லை" என்று ஜக்தீப் தன்கர் கூறினார்.ஜக்தீப் தன்கர்

அப்போது, காங்கிரஸ் எம்.பி சோனியா காந்தி தலைமையில் எதிர்க்கட்சி எம்.பி-க்கள் அவையிலிருந்து வெளிநடப்பு செய்யவே, “நீங்கள் முழு தேசத்தையும் சீர்குலைக்க விரும்புகிறீர்கள் என்பது எனக்குத் தெரியும். நீங்கள் சபையில் குழப்பத்தை ஏற்படுத்தவே கிளம்பினீர்கள். உங்கள் கடமைகளிலிருந்து நீங்கள் விலகிச் செல்கிறீர்கள்" என்றார் ஜக்தீப் தன்கர். இவரைத்தொடர்ந்து பா.ஜ.க அமைச்சர் ஜே.பி.நட்டா, ``அரசியலில் அவர்களின் தரம் வீழ்ச்சியடைந்திருக்கிறது என்பது தெளிவாகிறது... ஒரு கட்சி மற்றும் தனிநபரை எதிர்ப்பதிலிருந்து, இப்போது நாட்டை அவர்கள் எதிர்க்கிறார்கள். இந்த அநாகரிகமான நடத்தைக்கு மன்னிப்பு கேட்க வேண்டும்" என்றார். இதோடு, அவையும் மறுதேதி குறிப்பிடாமல் ஒத்திவைக்கப்பட்டது.அவைத்தலைவரின் அந்த வார்த்தை: `பெண்கள் கணவர் பெயரால் அறியப்பட வேண்டியதில்லை' - ஆவேசமான ஜெயா பச்சன்!


http://dlvr.it/TBjrpw

Read More

Palestine - Israel: சூழும் போர் மேகங்கள்; பாலஸ்தீன - இஸ்ரேல் வரலாறு! | Imperfect Show Podcast

http://dlvr.it/TBjVSn

Read More