Hindenburg Report: `தனிப்பட்ட லாபத்துக்காகச் சுமத்தப்பட்ட குற்றச்சாட்டு!' - அதானி குழுமம்

அதானி குழுமத்திற்கு எதிராக ஹிண்டன்பர்க் கடந்த ஆண்டு வெளியிட்ட ஆய்வறிக்கையில், ``அதானி குழுமம் பல்வேறு முறைகேடுகளில் ஈடுபட்டிருக்கிறது" எனக் குற்றம்சாட்டியது. இந்த விவகாரம் நடந்து முடிந்த நாடாளுமன்றத் தேர்தலிலும் விவாதிக்கப்பட்டது. இது தொடர்பாக செபி விசாரித்து வந்த நிலையில், செபியின் விசாரணை நேர்மையாக இல்லை என உச்ச நீதிமன்றத்தில், வழக்கு தொடரப்பட்டது. இந்த வழக்கின் தீர்ப்பும் வெளியானது.அதானி - Adani

அதில், `` செபியின் அதிகார வரம்பில் ஓரளவுக்கு மேல் உச்ச நீதிமன்றம் தலையிட முடியாது. தவிர, ஒரு வழக்கை சிறப்பு விசாரணை குழுவுக்கு மாற்ற வலுவான நியாயங்கள் தேவை. அந்த வகையில் இவ்வழக்கு தொடர்பான விசாரணையை சிறப்பு விசாரணைக் குழுவுக்கு மாற்றுவதற்கு எந்தமுகாந்திரமும் இல்லை. இந்தவழக்கை செபியே தொடர்ந்து விசாரிக்கும்” எனக் குறிப்பிட்டிருந்தது.

இந்த நிலையில்தான், இந்திய பங்குகள் மற்றும் பரிவர்த்தனை வாரியத்தின் (செபி) தலைவர் மாதபி பூரி புச் மற்றும் அவருடைய கணவர் ஆகியோர், அதானி நிறுவனத்துக்குத் தொடர்புடைய நிறுவனங்களில் பங்குகள் வைத்திருந்ததாகக் குற்றம்சாட்டியிருக்கிறது.

இதை மாதபி பூரி புச்சும், அவருடைய கணவரும் மறுத்திருக்கின்றனர். இந்த விவகாரம் தொடர்பாக அதானி குழுமம் வெளியிட்டுள்ள அறிக்கையில், "ஹிண்டன்பர்க்கின் குற்றச்சாட்டுகள் உள்நோக்கம் கொண்டவை. அதானி குழுமத்துக்கு எதிரான இந்தக் குற்றச்சாட்டுகளை நாங்கள் முற்றிலுமாக நிராகரிக்கிறோம். SEBI தலைவர் மதாபி பூரி புச்

பொதுவில் கிடைக்கக்கூடிய தகவல்களை கொண்டு, உண்மைகளையும் சட்டத்தையும் அலட்சியம் செய்து, தனிப்பட்ட லாபம் ஈட்டுவதற்காக இது போன்று குற்றச்சாட்டுகள் முன்வைக்கப்படுகின்றன. ஏற்கெனவே ஹிண்டன்பர்க் தெரிவித்த குற்றச்சாட்டுகள் அடிப்படை ஆதாரமற்றவை என உச்ச நீதிமன்றம் நிராகரித்துள்ளது. எங்களின் வெளிநாட்டு முதலீடுகள் வெளிப்படையானது. அதானி குழுமத்துக்கு தனிநபர்களுடன் வணிக உறவுகள் எதுவும் இல்லை" என்று தெரிவிக்கப்பட்டுள்ளது.Hindenburg Report: `அடிப்படை ஆதரமற்றவை...' - ஹிண்டன்பர்க் குற்றச்சாட்டும், SEBI தலைவர் மறுப்பும்!


http://dlvr.it/TBn9YS

Read More

``80,000 முதியோருக்கு ஓய்வூதியம் எப்போது... காற்றோடு போனதா திமுக-வின் அறிவிப்பு?" - அன்புமணி ராமதாஸ்

தமிழ்நாட்டில் பல ஆண்டுகளாக காத்திருக்கும் 80,000 முதியோருக்கு ஓய்வூதியம் எப்போது கிடைக்கும் என்று பா.ம.க தலைவர் அன்புமணி ராமதாஸ் கேள்வி எழுப்பியுள்ளார். இது தொடர்பாக அவர் வெளியிட்டிருக்கும் அறிக்கையில், ``பல ஆண்டுகளாக காத்திருக்கும் 80 ஆயிரம் பேருக்கு முதியோர் ஓய்வூதியம் எப்போது? காற்றோடு போனதா திமுக அரசின் அறிவிப்பு? தமிழ்நாட்டில் மத்திய, மாநில அரசுகள் இணைந்து வழங்கும் முதியோர் ஓய்வூதியத் திட்டம், கைம்பெண்கள் ஓய்வூதியத் திட்டம் உள்ளிட்ட பல்வேறு சமூகப் பாதுகாப்புத் திட்டத்தின் கீழ், நடப்பாண்டில் கூடுதலாக 80 ஆயிரம் பேருக்கு ஓய்வூதியம் வழங்கப்படும் என்று தமிழக அரசு அறிவித்து பல மாதங்கள் ஆகும் நிலையில், இதுவரை அந்த அறிவிப்பு செயல்படுத்தப்படவில்லை.

மக்களுக்கு சமூகப் பாதுகாப்பு வழங்குவதில் தமிழக அரசு செய்யும் தாமதம் கண்டிக்கத்தக்கது. தமிழ்நாட்டில் வயது முதிர்ந்தவர்கள், கணவனை இழந்த கைம்பெண்கள் என ஒரு லட்சத்திற்கும் கூடுதலானவர்கள் இந்தத் திட்டங்களின் கீழ் பயனடைய விண்ணப்பித்து, தகுதி பெற்று உதவித்தொகை கிடைக்காமல் காத்துக் கிடக்கின்றனர். அவர்களின் நிலையறிந்து உடனடியாக உதவ வேண்டிய தமிழக அரசு வெற்று அறிவிப்புகளை மட்டுமே வெளியிட்டுக் கொண்டிருக்கிறது.

தமிழக அரசு சார்பில் செய்யப்படும் தாமதத்தால் 80 ஆயிரம் பேருக்கு கூடுதலாக உதவித் தொகை வழங்கப்படுமா? அல்லது இந்த அறிவிப்பு காற்றோடு போய்விடுமா? என்ற கவலை ஏற்பட்டிருக்கிறது. இதை அரசு உணர்ந்து கொள்ள வேண்டும். சமூகப் பாதுகாப்புத் திட்டங்களை செயல்படுத்துவதில் ஆந்திர மாநில அரசைப் பார்த்தாவது தமிழக அரசு கற்றுக் கொள்ள வேண்டும். தமிழ்நாட்டில் முதியோர் ஓய்வூதியமாக ரூ.1200 மட்டுமே வழங்கப்படுகிறது.அன்புமணி ராமதாஸ்

ஆனால் ஆந்திரத்தில் ஜெகன்மோகன் ரெட்டி ஆட்சிக் காலத்தில் மாதம் ரூ.3,000 வழங்கப்பட்டு வந்த நிலையில், இப்போது சந்திரபாபு நாயுடு ஆட்சிக்காலத்தில் அது ரூ.4,000 ஆக உயர்த்தப்பட்டுள்ளது. தமிழ்நாட்டில் 9 வகையான உதவித் திட்டங்கள் வெறும் 34.90 லட்சம் பேருக்கு மட்டுமே வழங்கப்படும் நிலையில், ஆந்திரத்தில் மொத்தம் 66.34 லட்சம் பேருக்கு ஓய்வூதியம் வழங்கப்படுகிறது. முதியோர் ஓய்வூதியம் உள்ளிட்ட சமூகப் பாதுகாப்புத் திட்டங்களுக்காக நடப்பாண்டில் தமிழக அரசு செலவழிக்கும் தொகை ரூ.5,337 கோடி மட்டும் தான்.

ஆனால், இந்தத் திட்டங்களுக்காக ஆந்திரத்தில் நடப்பாண்டில் ஒதுக்கப்பட்டுள்ள தொகை ரூ.33,100 கோடி ஆகும். தமிழ்நாட்டை விட ஆந்திரத்தில் மக்கள்தொகை குறைவு என்றாலும், தமிழ்நாட்டைவிட  6 மடங்கு தொகையை ஆந்திரம் சமூகப் பாதுகாப்பு நிதியாக வழங்குகிறது. ஆந்திரத்தின் இந்த செயல் பாராட்டத்தக்கது. தமிழக அரசு இனியும் தாமதிக்காமல், முதியோர் ஓய்வூதியத் திட்டம், கைம்பெண்கள் ஓய்வூதியத் திட்டம்  உள்ளிட்ட திட்டங்களின் பயனாளிகள் எண்ணிக்கையை 80 ஆயிரம் அதிகரிக்க வேண்டும். அதேபோல், முதியோர் ஓய்வூதியம் உள்ளிட்ட பல்வேறு திட்டங்களுக்கான ஓய்வூதியத்தின் அளவை ரூ.4,000 ஆக உயர்த்த தமிழக அரசு நடவடிக்கை எடுக்க வேண்டும்." எனக் குறிப்பிட்டிருக்கிறார்.மேற்கு வங்கத்தை உலுக்கிய மருத்துவ மாணவி கொலை வழக்கு; புளூடூத் ஹெட்போன் மூலம் சிக்கிய குற்றவாளி!


http://dlvr.it/TBmwZL

Read More

உத்தவ் தாக்கரே கார்மீது தேங்காய், மாட்டு சாணத்தை வீசிய ராஜ் தாக்கரே கட்சியினர்- மும்பையில் பரபரப்பு!

மகாராஷ்டிரா முன்னாள் முதல்வர் உத்தவ் தாக்கரே மும்பையையொட்டி இருக்கும் தானேயில் நடந்த நிகழ்ச்சி ஒன்றில் பங்கேற்பதற்காக, தனது காரில் சென்று கொண்டிருந்தார். அவரது கார் தானேயில் ஒரு குறிப்பிட்ட இடத்தில் வந்தபோது ராஜ் தாக்கரே தலைமையிலான மகாராஷ்டிரா நவநிர்மாண் சேனாவைச் சேர்ந்த தொண்டர்கள் உத்தவ் தாக்கரே கார்மீது தேங்காய் மற்றும் மாட்டுச்சாணத்தை வீசித் தாக்கிவிட்டு, சம்பவ இடத்தில் இருந்து தப்பி ஓடிவிட்டனர். இது தொடர்பான வீடியோ சோசியல் மீடியாவில் அதிகம் பரவி இருக்கிறது. இது தொடர்பாக போலீஸார் வழக்கு பதிவுசெய்து 20 பேரை கைது செய்துள்ளனர். உத்தவ் கார் மீது தாக்குதல்

இது குறித்து தானே சிவசேனா (உத்தவ்) மாவட்ட தலைவர் ஆனந்த் துபே கூறுகையில், ''ராஜ் தாக்கரேயை கூலிப்படையின் தலைவர் என்று ஏன் கூறுகின்றனர் என்பதை இப்போது புரிந்து கொண்டுள்ளோம். இசட் பிரிவு பாதுகாப்பு இருக்கும் பால் தாக்கரே மகனுக்கு பாதுகாப்பு இல்லை என்றால், சாமானிய மக்களுக்கு இந்த அரசு எப்படி பாதுகாப்பு கொடுக்கும். மாநிலத்தில் சட்டம் ஒழுங்கு முற்றிலும் சீர்குலைந்துவிட்டது. எனவே துணை முதல்வர் தேவேந்திர பட்னாவிஸ் தனது பதவியை ராஜினாமா செய்யவேண்டும்'' என்றார். உத்தவ் தாக்கரே தானேயில் நடந்த நிகழ்ச்சியில் கலந்து பேசுகையில், ``அனைத்து முக்கிய தொழில் திட்டங்களையும் அண்டை மாநிலத்திற்கு கொடுத்துவிட்டு இப்போது ஓட்டுகளை விலைக்கு வாங்க பெண்களுக்கு 1,500 ரூபாய் கொடுக்கின்றனர். எனது வாகனத்தின்மீது தாக்குதல் நடத்தப்படுவதால், நான் பயப்படமாட்டேன்'' என்றார். உத்தவ் தாக்கரே

முன்னதாக ராஜ் தாக்கரே மத்திய மகாராஷ்டிராவின் பீட் நகரில் சுற்றுப்பயணம் மேற்கொண்டபோது, அவரது வாகனத்தின்மீது பாக்கு கொட்டைகளை உத்தவ் தாக்கரே கட்சியினர் வீசினர். அதற்கு பழிவாங்கும் விதமாக இப்போது உத்தவ் தாக்கரே மீது தாக்குதல் நடத்தப்பட்டுள்ளதாக போலீஸார் தெரிவித்தனர். ராஜ் தாக்கரேயும் உத்தவ் தாக்கரேயும் சித்தப்பா - பெரியப்பா மகன்கள் ஆவர். ராஜ் தாக்கரே வரும் சட்டமன்ற தேர்தலில் பா.ஜ.க-வுடன் கூட்டணி அமைத்து போட்டியிட முயன்றார். ஆனால் பா.ஜ.க கைவிரித்துவிட்டதால், 250 தொகுதிகளில் தனித்துப் போட்டியிட ராஜ் தாக்கரே முடிவு செய்துள்ளார். வெறும் 50 கிராம் ரூ.850 கோடி; பீகாரில் மிகவும் அபூர்வமான கதிரியக்க கல் பறிமுதல்! - பின்னணி என்ன?


http://dlvr.it/TBmTcy

Read More

பஞ்சாயத்து கணக்கு வழக்கு கேட்ட திமுக பிரமுகருக்கு கத்திக்குத்து; சொந்தக்கட்சி நிர்வாகி வெறிச்செயல்!

தென்காசி அருகே பஞ்சாயத்து கணக்கு வழக்குகளை கேட்ட விவகாரத்தில், கவுன்சிலரின் கணவருக்கு கத்திக்குத்து விழுந்த சம்பவம், பெரும் பரபரப்பை ஏற்படுத்தியுள்ளது. இது குறித்து போலீஸிடம் விசாரித்தோம். அப்போது நம்மிடம் பேசியவர்கள், "தென்காசியை‌ அடுத்த மேலகரம் டவுன் பஞ்சாயத்தில் தி.மு.க. பேரூர் கழகச் செயலாளராக பணியாற்றுபவர் சுடலை. இவரின் உறவினர்தான் மேலகரம் டவுன் பஞ்சாயத்து தலைவராக உள்ளார். அதே ஊரைச் சேர்ந்த 3-வது வார்டு தி.மு.க.கவுன்சிலர் பூமாவின் கணவர் சண்முகம். இவர் தி.மு.க-வில் மாவட்ட பிரதிநிதியாக உள்ளார். பஞ்சாயத்து விவகாரம் தொடர்பாக சுடலைக்கும்- சண்முகத்துக்கும் இடையே அடிக்கடி தகராறு ஏற்பட்டு வந்துள்ளது.திமுக பிரமுகர்

இந்த நிலையில், பஞ்சாயத்தில் வரவைக் காட்டிலும், செலவு அதிகமாக இருப்பதை அறிந்த சண்முகம், அதைச் சுட்டிக்காட்டி சேர்மனிடம் விளக்கம் கேட்டிருக்கிறார். இது பிடிக்காத சுடலை, 'உன்னிடம் பேச வேண்டும்' எனக் கூறி சண்முகத்தை பஞ்சாயத்து அலுவலகத்திற்கு அழைத்திருக்கிறார். அதன்பேரில் பஞ்சாயத்து அலுவலகம் சென்ற சண்முகத்திற்கு முறையான பதில் அளிக்கவில்லை என கூறப்படுகிறது. இதனால் ஏமாற்றமடைந்து சண்முகம் ஸ்கூட்டரில் வீடு திரும்பினார்.‌ அவர் மேலகரம் பஜாரில் நின்று கொண்டிருக்கும்போது அங்கு வந்த சுடலை, தன்னுடைய டூவீலரில் மறைத்து வைத்திருந்த கத்தியை எடுத்து சண்முகத்தின் கழுத்து மற்றும் இடுப்பு பகுதியில் சரமாரியாக குத்தியதாக கூறப்படுகிறது.மருத்துவமனை

இந்த சம்பவத்தில் பலத்த காயமடைந்த சண்முகம் உடனடியாக மேலகரம் அரசு மருத்துவமனையில் சிகிச்சைக்காக அனுமதிக்கப்பட்டார். அதைத் தொடர்ந்து தென்காசி மாவட்ட அரசு தலைமை மருத்துவமனையில் மேல் சிகிச்சைக்காக அனுமதிக்கப்பட்டார். இந்தச் சம்பவம் தொடர்பான புகாரின் பேரில் போலீஸார் விசாரித்து வருகின்றனர்" எனக் கூறினர். பஞ்சாயத்து கணக்கு வழக்கு பிரச்னைக்காக, தி.மு.க. பிரமுகரை சொந்தக் கட்சியை சேர்ந்தவரே கத்தியால் குத்திய சம்பவம், தென்காசி மாவட்டத்தில் பெரும் பரபரப்பை ஏற்படுத்தியுள்ளது.ஸ்ரீவில்லிப்புத்தூர்: வாத்து மேய்ப்பதில் முன்விரோதம்; அண்ணனை கத்தியால் குத்திக் கொன்ற தம்பி!


http://dlvr.it/TBmTX2

Read More

Hindenberg: `SEBI தலைவர், அதானி தொடர்புடைய நிறுவனங்களில் பங்கு வைத்திருந்தார்..! - ஹிண்டன்பர்க்

இந்தியாவில் நடந்துமுடிந்த 2024 பொதுத் தேர்தலில், பாஜக கூட்டணிக் கட்சிகளின் ஆதரவுடன் மூன்றாவது முறையாக ஆட்சி அமைத்தது. பிரதமராக நரேந்திர மோடியே தொடர்கிறார்... இந்தத் தேர்தலில் பா.ஜ.க-வுக்கு நெருக்கடி ஏற்படும் வகையிலான பல விஷயங்கள் நடந்தேறின. அதில் எதிர்க்கட்சிகள் கையிலெடுத்த மிக முக்கிய விவகாரங்களுள் ஒன்று, `ஹிண்டன்பர்க்' அறிக்கை எனச் சொன்னால், நிச்சயம் மிகையல்ல...

கடந்த 2023-ம் ஆண்டு, இந்திய அரசியல் வட்டாரத்தில் மட்டுமல்ல, பொருளாதார ரீதியாகவும் பெரும் புயலைக் கிளப்பியிருந்தது `ஹிண்டன்பர்க்' அறிக்கை. அதானி குழுமம் மீது பல்வேறு முறைகேடு குற்றச்சாட்டுகளை முன்வைத்து, அமெரிக்க ஷார்ட் செல்லிங் நிறுவனமான ஹிண்டன்பர்க் கடந்த ஆண்டு ஜனவரி மாத சமயத்தில் அறிக்கை வெளியிட்டது. பெரும் சலசலப்பை ஏற்படுத்திய இந்தக் குற்றச்சாட்டுகளைத் தொடர்ந்து, அதானி குழுமப் பங்குகள் கடுமையாகச் சரிந்து பல லட்சம் கோடி ரூபாய் அளவுக்கு மதிப்பை இழந்தன. அதானி குழுமத்துக்குப் பொதுத்துறை வங்கிகள் கடன் வழங்கியிருப்பதாலும், பொதுத்துறை நிறுவனங்கள் பல அதானி குழுமப் பங்குகளில் முதலீடு செய்திருப்பதாலும் அதானி குழுமம் மீதான முறைகேடு குற்றச்சாட்டுகள் அரசியல் ரீதியாகவும் விஸ்வரூபம் எடுத்தது. அதானி - ஹிண்டன்பர்க் - Hindenberg

குஜராத் முதல்வராக மோடி இருந்த காலத்திலிருந்தே கௌதம் அதானிக்கும் மோடிக்கும் நெருங்கிய நட்பு இருந்து வந்தது. மோடியின் மூலம் தொழில்ரீதியான ஆதாயங்களை கௌதம் அதானி அடைந்திருப்பதாக, காங்கிரஸ் உள்ளிட்ட எதிர்க்கட்சிகள் இந்த விவகாரத்தை மிகத் தீவிரமாகக் கையாண்டன.

காங்கிரஸ் உள்ளிட்ட எதிர்க்கட்சிகள் அதானி-ஹிண்டன்பர்க் விவகாரத்தில் நாடாளுமன்றக் கூட்டுக் குழு விசாரணை வேண்டுமென கோரிக்கை வைத்தன. தொடர்ச்சியாக இது குறித்து நாடாளுமன்றத்தில் பேசியும், அவ்வப்போது போராட்டங்களும் நடத்தினர்.

இந்த விவகாரம் தொடர்பாக உச்ச நீதிமன்றத்தில் வழக்கு தொடரப்பட்டு விசாரணை நடைபெற்றது. பங்குச் சந்தை ஒழுங்குமுறை ஆணையமான செபியும் இது தொடர்பாக விசாரணை நடத்தி வந்தது. இடையில் செபி குறித்தும் ஹிண்டன்பர்க் நிறுவனம் காட்டமான விமர்சனங்களை முன்வைத்தது.

இந்த நிலையில், மீண்டும் `ஹிண்டன்பர்க்' என்ற வார்த்தை இந்திய அரசியலில் தற்போது மையம் கொண்டிருக்கிறது. ஹிண்டன்பர்க் அண்மையில் வெளியிட்டிருக்கும் கட்டுரை ஒன்றுதான், பெரும் பேசுபொருளாக மாறியிருக்கிறது. அதில் பல அதிர்ச்சியூட்டும் குற்றச்சாட்டுகளை அந்த நிறுவனம் முன்வைத்திருப்பது, பரபரப்பைக் கூட்டியிருக்கிறது. அதானி நிறுவனம் வெளிநாடுகளில் உருவாக்கிய போலி நிறுவனம் ஒன்றில், செபியின் தலைவர் மாதபி பூரி புச் பல்லாயிரக்கணக்கான பங்குகளை வைத்திருந்ததாக, ஹிண்டன்பர்க் நேற்றைய தினம் (10-08-2024) வெளியிட்டிருந்த கட்டுரையில் குறிப்பிட்டிருக்கிறது.ஹிண்டன்பர்க்

மேலும், ``அதானி குழுமத்தின் சந்தேகத்திற்குரிய கடல்சார் பங்குதாரர்களுக்கு எதிராக தக்க நடவடிக்கைகளை எடுக்க செபி விரும்பவில்லை... அதற்கு செபியின் தலைவர் மாதபி பூரி புச், கெளதம் அதானியின் சகோதரர் வினோத் அதானி பயன்படுத்திய அதே நிதியைப் பயன்படுத்துவதில் உடந்தையாக இருப்பது, காரணமாக இருக்கலாம். செபியின் தலைவர் மாதபி பூரி புச், அதானி நிறுவனத்தின் தெளிவற்ற கடல்சார் வெளிநாட்டு நிறுவனங்களில் பங்கு வைத்திருந்தது, தெரியவந்திருக்கிறது. அதன் காரணமாகவே அதானி தொடர்புடைய பங்குதாரர்களுக்கு எதிராக செபி இன்றுவரை எந்த வித நடவடிக்கையும் எடுக்கவில்லை." என ஹிண்டர்பர்க் குறிப்பிட்டிருக்கிறது.

ஹிண்டன்பர்க் இத்தகைய தகவலை வெளியிட்டதைத் தொடர்ந்து, எதிர்க்கட்சிகள் இந்த விவகாரத்தைக் கையிலெடுத்திருக்கின்றன. `அதானி மெகா ஊழலின் முழு வீச்சையும் விசாரிக்க, நாடாளுமன்ற கூட்டுக் குழுவை அமைக்க வேண்டும்' என்ற கோரிக்கையை மீண்டும் வலியுறுத்துவதாக, காங்கிரஸ் தெரிவித்திருக்கிறது.

இது தொடர்பாக ஜெய்ராம் ரமேஷ், ``2022-ல் மாதபி பச் செபியின் தலைவராகப் பொறுப்பேற்றவுடன், கௌதம் அதானியைச் சந்தித்துப் பேசியிருப்பது பல சந்தேகங்களைக் கிளப்புகிறது. அந்த நேரத்தில், அதானி பரிவர்த்தனைகளை செபி விசாரித்ததாகக் கூறப்பட்டது என்பதை நினைவில் கொள்ளவேண்டும் ” தெரிவித்திருக்கிறார்.

அதேபோல திரிணாமுல் காங்கிரஸ், "செபி தலைவர் உடனடியாக இடைநீக்கம் செய்யப்பட வேண்டும். மேலும் அவரும், அவருடைய கணவரும் நாட்டை விட்டு வெளியேறுவதைத் தடுக்க, அனைத்து விமான நிலையங்களுக்கும் இன்டர்போலுக்கும் நோட்டீஸ் அனுப்பப்பட வேண்டும்" என்று தெரிவித்திருக்கிறது.மாதபி

இந்த நிலையில் ஹிண்டன்பர்க் குற்றச்சாட்டுகள் குறித்து, மாதபியும் அவரின் கணவரும், ``கடந்த பல ஆண்டுகளாக எங்கள் தொடர்பான அனைத்து விஷயங்களையும், செபியிடம் வழங்கியிருக்கிறோம். நாங்கள் தனிப்பட்ட குடிமக்களாக இருந்த காலகட்டம் உட்பட அனைத்து நிதி ஆவணங்களையும், வெளிப்படுத்துவதில் எங்களுக்கு எந்தவித தயக்கமும் இல்லை. முழுமையான வெளிப்படைத்தன்மையின் நலன் கருதி, உரிய நேரத்தில் விரிவான அறிக்கையை வெளியிடுவோம். செபி அமலாக்க நடவடிக்கை எடுத்து, ஷோ காஸ் நோட்டீஸ் வழங்கியிருக்கும் ஹிண்டன்பர்க் ரிசர்ச், தற்போது இத்தகைய முயற்சியில் இறங்கியிருப்பது, துரதிஷ்டவசமானது” என்று தங்கள் அறிக்கையில் குறிப்பிட்டிருக்கின்றனர். அதானி விவகாரம்: செபிக்கு ஹிண்டன்பர்க் அளித்த காட்டமான பதில்... புதிதாக சிக்கிய இந்தியத் தொழிலதிபர்!


http://dlvr.it/TBmKCm

Read More

`பாஜக-வுக்கு நன்கொடை அளிக்காத தொழிலதிபர்களை சிறையிலடைக்கிறார்கள்!' - ஜாமீனில் வந்த மணீஷ் சிசோடியா

டெல்லி மதுபான கொள்கை ஊழல் வழக்கில் சிறையிலடைக்கப்பட்ட ஆம் ஆத்மி கட்சியின் முன்னாள் துணை முதல்வர் மணீஷ் சிசோடியா நேற்று ஜாமீனில் வெளியில் வந்தார். குறிப்பாக உச்ச நீதிமன்றம், 17 மாதங்களாக எந்தவொரு விசாரணையுமின்றி சிறையில் அடைத்துவைத்திருப்பதும், ஜாமீன் மனுக்களை நிராகரிப்பதும் அவரின் அடிப்படை உரிமைகளை மீறுவதாகும் என்று கூறி ஜாமீன் வழங்கியிருக்கிறது.மணீஷ் சிசோடியா , அரவிந்த் கெஜ்ரிவால்

இந்த நிலையில், பா.ஜ.க-வுக்கு நன்கொடை அளிக்காத தொழிலதிபர்கள் சிறையிலடைப்பட்டிருப்பதாக மணீஷ் சிசோடியா குற்றம்சாட்டியிருக்கிறார். ஜாமீனில் சிறையிலிருந்து வெளிவந்த மறுநாளான இன்று ஆம் ஆத்மி கட்சித் தலைமையகத்தில் தொண்டர்கள் மத்தியில் மணீஷ் சிசோடியா உரையாற்றினார்.

அப்போது மணீஷ் சிசோடியா, ``அரசியலமைப்பை விடவும் அவர்கள் (பா.ஜ.க) சக்திவாய்ந்தவர்கள் அல்ல. எதிர்க்கட்சித் தலைவர்களை சிறையிலடைப்பது மட்டுமல்லாமல், நாட்டின் குடிமக்களையும் துன்புறுத்தும் இந்த சர்வாதிகாரத்துக்கு எதிராக ஒவ்வொரு நபரும் போராட வேண்டும். நான் சிறையிலிருந்தபோது ஜாமீன் பெறுவதைப் பற்றி கவலைப்படவில்லை. ஆனால், பா.ஜ.க-வுக்கு நன்கொடை அளிக்காததால் போலி வழக்குகளில் தொழிலதிபர்கள் சிறையிலடைக்கப்படுவதைப் பார்த்து வேதனையடைந்தேன்.மணீஷ் சிசோடியா

இதுபோன்ற சர்வாதிகாரத்தை மிதிக்கும் வகையில்தான், அரசியலமைப்பின் அதிகாரத்தை உச்ச நீதிமன்றம் பயன்படுத்தியிருக்கிறது. அதேசமயம், ஏழிலிருந்து எட்டு மாதங்களுக்குள் நீதி கிடைக்கும் என்று நம்பினேன். ஆனால், அதற்கு 17 மாதங்கள் ஆகிவிட்டது. இருப்பினும், இறுதியில் உண்மை வென்றிருக்கிறது. எனவே, சர்வாதிகாரத்துக்கு எதிராக எதிர்க்கட்சிகள் ஒன்றிணைந்தால், கெஜ்ரிவால் வெறும் 24 மணி நேரத்தில் சிறையிலிருந்து வெளியே வருவார்" என்று கூறினார்.

மேலும், மல்யுத்த விவகாரத்தில் பெயர் எதுவும் குறிப்பிடாமல் பா.ஜ.க-வை தாக்கிய மணீஷ் சிசோடியா, ``ஒரு வீராங்கனை தனது தலைவருக்கு எதிராக எதிர்ப்பு தெரிவித்தார். இப்போது, அவருக்கு ஒலிம்பிக்கில் என்ன நடந்தது என்பதை மக்கள் பார்த்தனர்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88வினேஷ் போகத் தகுதி நீக்கம், `பின்னணியில் பிரிஜ்பூஷன்?' மத்திய அரசுக்கு மஞ்சூரியா வீரரின் கடிதம்!


http://dlvr.it/TBlTsx

Read More

சென்னை மெட்ரோ திட்டம்... கைவிரித்த மத்திய அரசு(?) | பின்னணி என்ன?

நாடாளுமன்றத்தில் மத்திய சென்னை எம்.பி தயாநிதி மாறன் எழுப்பிய கேள்வியில், "சென்னை மெட்ரோ ரயில் இரண்டாம் கட்ட திட்டத்துக்காக அளிக்கப்பட்ட அனுமதி மற்றும் நிதி ஒதுக்கீட்டின் நிலை என்ன?. அந்த நிதியை ஒதுக்குவதில் கடந்த மூன்று ஆண்டுகளில் ஏற்பட்ட தாமதத்துக்கான காரணம் என்ன?, இந்த விஷயங்களில் தமிழக அரசின் வேண்டுகோள்களுக்கு மத்திய அரசின் பதில், பிற மாநிலங்களில் செயல்படுத்தப்படும் மெட்ரோ ரயில் திட்டங்களுக்கு கடந்த ஐந்து ஆண்டுகளில் ஒதுக்கிய நிதி எவ்வளவு என்கிற விவரங்களை தெரிவிக்க வேண்டும்" என தெரிவித்திருந்தார்.மெட்ரோ ரயில்

இதற்கு மத்திய வீட்டுவசதி மற்றும் நகர்ப்புற விவகாரங்கள் துறை அமைச்சர் தோகன் சாஹூ அளித்துள்ள எழுத்துபூர்வமான பதிலில், "118.9 கி.மீ. நீளம் கொண்ட சென்னை மெட்ரோ ரயில் இரண்டாம் கட்டத் திட்டத்தை ரூ.63,246 கோடி மதிப்பீட்டில் செயல்படுத்த தமிழக அரசு முன்மொழிந்திருந்தது. இதற்கு மிகவும் ஆழமான சாத்தியக்கூறு ஆய்வு, வளங்களின் இருப்பு போன்றவை அடிப்படையில்தான் ஒப்புதல் தர முடியும். தற்போது இந்த திட்டம் மாநில துறை திட்டமாக நடக்கிறது. எனவே அதன் செயலாக்கத்துக்கான செலவினத்தை தமிழக அரசே ஏற்கிறது என்று ஏற்கெனவே ஒரு கேள்விக்கு மத்திய அரசு பதில் அளித்துள்ளது.

நிதி ஒதுக்கீட்டைப் பொருத்தவரை கடந்த ஐந்து ஆண்டுகளில் டெல்லி, பெங்களூரு, பாட்னா, மும்பை, ஆமதாபாத், கான்பூர், ஆக்ரா ஆகிய நகரங்களில் மெட்ரோ திட்டங்களை செயல்படுத்த 2019 முதல் ஒவ்வொரு ஆண்டும் மத்திய அரசு நிதி ஒதுக்கியுள்ளது. ஆனால் தமிழகத்தில் சென்னையில் திட்டத்தை செயல்படுத்த 2022-23, 2024 ஆகிய நிதியாண்டுகளில் எந்த தொகையும் மத்திய அரசு ஒதுக்கவில்லை. 2019-ல் ரூ.1,380.4 கோடி, 2020-21-இல் ரூ.51 கோடி, 2021-22ல் ரூ.935.78 கோடியை மத்திய அரசு ஒதுக்கியுள்ளது" என சொல்லப்பட்டுள்ளது.ராதாகிருஷ்ணன்

இதுகுறித்து நம்மிடம் பேசிய அறப்போர் இயக்கத்தை சேர்ந்த ராதாகிருஷ்ணன், "இதன் மூலம் மாற்றான் தாய் மனப்பான்மையுடன்தான் தமிழகத்தை மத்திய அரசு பார்க்கிறது என்பது தெளிவாகிறது. தேர்தல் நேரத்தில் மட்டும் பலமுறை தமிழகத்துக்கு மோடி வந்தார். ஆனால் ஓட்டு கிடைக்கவில்லை என்றதும் நிதி ஒதுக்கீடு செய்யாமல் கையை விரித்து விட்டார்கள். இரண்டு ஆண்டுகளாக நிதி ஒதுக்கீடு செய்யவில்லை. சென்னை, பெங்களூரு, ஹைதராபாத் ஆகிய நகரங்களில்தான் மென்பொருள் நிறுவனங்கள் அதிகமாக உள்ளன.`கார்த்தி சிதம்பரத்துக்கு எதிராக திரண்ட சிவகங்கை கதர்கள்..!' - திகுதிகு சத்தியமூர்த்தி பவன்

ஆனால் மற்ற இரண்டு மாநிலங்களுக்கு ஒதுக்கப்பட்ட தொகையில் கொஞ்சம் கூட தமிழகத்திற்கு ஒதுக்கவில்லை என்பதை ஏற்றுக்கொள்ள முடியாது. நீங்கள் எங்களை வெற்றிபெற வைக்கவில்லை. அதனால் நிதி ஒதுக்கவில்லை என சொல்கிறார்கள். மக்கள் நெருக்கம், பொருளாதார ரீதியான தேவைகள், வேலைவாய்ப்பு இவையனைத்தும் சென்னையை சுற்றி நடக்கிறது என்பது மத்திய அரசுக்கு தெரியும். ஆகவே மெட்ரோ திட்டத்தை வாக்கு அரசியலாக பார்க்காமல் உரிய நிதியை ஒதுக்கீடு செய்ய வேண்டும்" என்றார்.கவிஞர் சல்மா

தொடர்ந்து பேசிய தி.மு.க செய்தி தொடர்பாளர் கவிஞர் சல்மா, "தமிழகத்திற்கு இரண்டு ஆண்டுகளில் எந்த நிதியும் ஒதுக்கீடு செய்யவில்லை. மக்கள் வாக்களிக்கவில்லை என்பதால் மாநில அரசை பழிவாங்குவதாக நினைத்து மக்களின் வரிப்பணத்தை திரும்பி வழங்காமல் இருக்கிறார்கள். இதன் மூலம் தமிழக மக்களுக்கு ஒன்றிய அரசு துரோகம் செய்து வருகிறது. அனைவருக்கும் பொதுவானதுதான் ஒன்றிய அரசு. ஆனால் தமிழகத்தின் வளர்ச்சியில் பங்கெடுத்துக்கொள்ள மறுப்பது மிகப்பெரிய துரோகம், அநீதியாகவே நாங்கள் பார்க்கிறோம்.

இதேபோல்தான் எய்ம்ஸ் விவகாரத்திலும் செய்கிறார்கள். இதன் மூலம் மக்களின் நலனுக்காக அவர்கள் ஆட்சி செய்யவில்லை என்பது தெளிவாகிறது. இரண்டு ஆண்டுகளுக்கு முன்பு தமிழகம் வந்த அமித் ஷா சம்பந்தப்பட்ட திட்டத்துக்கு நிதி ஒதுக்குவதாக தெரிவித்தார். ஆனாலும் வாக்கு கிடைக்கவில்லை என்பதால் மாறிவிட்டார்கள்" என்றார்.நாராயணன் திருப்பதி

இறுதியாக பா.ஜ.க துணைத் தலைவர் நாராயணன் திருப்பதி, "இந்த திட்டத்திற்கு மத்திய அரசு இதுவரை அனுமதி தரவில்லை. ஒப்புதல் அளிக்காத திட்டத்திற்கு ஏன் பணம் ஒதுக்கீடு செய்யவில்லை என இவர்கள் எப்படி கேட்கிறார்கள். ஏன் ஒப்புதல் கிடைக்கவில்லை என்பதை தமிழக அரசு தெரிவிக்க வேண்டும். மாநில அரசின் திட்டமாகவே செயல்படுத்திக் கொண்டு இருக்கிறார்கள். ஒருவேளை மத்திய அரசு திட்டத்திற்கு ஒப்புதல் கொடுத்து, பணம் ஒதுக்கீடு செய்யவில்லை என்றால் கேட்கலாம். மத்திய அரசு கூறியுள்ள காரணத்தை சரிசெய்து ஒப்புதல் பெற முதலில் முயற்சி செய்ய வேண்டும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88`கார்த்தி சிதம்பரத்துக்கு எதிராக திரண்ட சிவகங்கை கதர்கள்..!' - திகுதிகு சத்தியமூர்த்தி பவன்


http://dlvr.it/TBlDDX

Read More