Hindenburg-ன் எக்ஸ் பதிவு... `தலைவலி மேல் தலைவலி’ - சிக்கலில் SEBI தலைவர் மாதபி புச்?!

மீண்டுமொரு ஆய்வறிக்கையை வெளியிட்டு, இந்திய அரசியலில் புயலைக் கிளப்பியிருக்கிறது ஹிண்டன்பர்க் நிறுவனம். கடந்த முறை அதானி நிறுவனத்தை மட்டும் குறிவைத்துக் குற்றம்சாட்டிய ஹிண்டன்பெர்க், இந்த முறை இந்தியப் பங்குச் சந்தையின் அஸ்திவாரமாக இருக்கும் செபி அமைப்பின் (இந்தியப் பங்குகள் மற்றும் பரிவர்த்தனை ஆணையம்) தலைவர் மீதே குற்றச்சாட்டுகளை அடுக்கியிருக்கிறது!

அமெரிக்காவைச் சேர்ந்த ஹிண்டன்பர்க் நிறுவனம் கடந்த ஆண்டு வெளியிட்ட ஆய்வறிக்கையில், இந்தியத் தொழிலதிபர் கெளதம் அதானி பங்குச் சந்தையில் முறைகேடு செய்திருப்பதாகக் கூறப்பட்டிருந்தது. கெளதம் அதானியின் சகோதரர் வினோத் அதானி, பெர்முடா, மொரிஷியஸ் போன்ற நாடுகளில் முறைகேடாக சில நிறுவனங்களில் பங்குகளை வைத்திருந்ததாகவும், இந்தியப் பங்குச் சந்தையில் அதானி குழுமப் பங்குகளின் விலையை மறைமுகமாக உயர்த்தி முறைகேடு செய்ததாகவும் முதல் அறிக்கை குற்றம்சாட்டியிருந்தது ஹிண்டன்பர்க்.அதானி - adani

இந்தக் குற்றச்சாட்டுகளைத் தீவிரமாகக் கையிலெடுத்த எதிர்க்கட்சிகள், நாடாளுமன்றத்தில் போர்க்கொடி தூக்கின. நாடாளுமன்றக் கூட்டுக்குழு விசாரணை வேண்டும் எனக் கோரிக்கை வைத்தன. ஆனால், மோடி அரசு எந்தவொரு நடவடிக்கையும் எடுக்கவில்லை. இந்த நிலையில், உச்ச நீதிமன்றத்தின் உத்தரவின் பேரில், அதானி குழுமத்தின் மீதான ஹிண்டன்பர்க்கின் குற்றச்சாட்டுகளைச் செபி அமைப்பு விசாரிக்கத் தொடங்கியது. அந்த விசாரணை நடைபெற்றுக் கொண்டிருக்கும் வேளையில், செபி-ன் தலைவர் மாதபி புச் மீதே குற்றஞ்சுமத்தி அறிக்கை வெளியிட்டிருக்கிறது ஹிண்டன்பர்க்.

தற்போதைய அறிக்கையில், `அதானி குழுமம் மீதான குற்றச்சாட்டுகளில் செபி அமைப்பு சரியான நடவடிக்கைகளை எடுக்காத நிலையில், செபி தலைவர் மாதபி புச்சுக்கும், அதானி குழுமத்துக்கும் இடையே நெருங்கிய தொடர்பிருக்கலாம் என்று ஏற்கெனவே சொல்லியிருந்தோம். எங்கள் கணிப்பு சரியானதே.

வினோத் அதானி பெர்முடா, மொரிஷியஸிலுள்ள மர்மமான நிறுவனங்களில் முறைகேடாக முதலீடு செய்திருக்கிறார் என முன்னரே குற்றம்சாட்டியிருந்தோம். அதே மர்மமான நிறுவனங்களில், செபி தலைவர் மாதபி புச், அவரின் கணவர் தவால் புச் ஆகியோரும் கணக்கில் வராத முதலீடுகளை மேற்கொண்டிருக்கின்றனர்' எனக் குற்றம்சாட்டியிருக்கிறது. இது தொடர்பாக மின்னஞ்சல்கள் உள்பட சில ஆதாரங்களையும் தனது ஆய்வறிக்கையில் இணைத்திருக்கிறது ஹிண்டன்பர்க் நிறுவனம்.

இந்த நிலையில், `இது அடிப்படை ஆதாரமற்ற குற்றச்சாட்டு' என மறுத்திருக்கிறது அதானி குழுமம். மாதபி, தவால் தம்பதியினரும் இந்தக் குற்றச்சாட்டுகளை மறுத்து கூட்டறிக்கை ஒன்றை வெளியிட்டிருக்கின்றனர். அதில், ``எங்கள் வாழ்க்கையும் முதலீடுகளும் திறந்த புத்தகம் போன்றது. செபியின் முழு நேர உறுப்பினனாவதற்கு இரண்டு ஆண்டுகளுக்கு முன்பாகவே, அதாவது, 2015-ம் ஆண்டு ஜூன் மாதத்தில், நாங்கள் சில முதலீடுகளைச் செய்தோம். ஆனால், அந்த முதலீடுகளுக்கு அதானி குழுமத்துக்கும் எந்தத் தொடர்புமில்லை'' என்று கூறியிருக்கின்றனர்.

மேலும், தவாலின் பள்ளிக் கால நண்பர் அனில் அஹூஜா நிறுவனத்தில்தான் முதலீடு செய்ததாகவும் தங்களது மறுப்பு அறிக்கையில் புச் தம்பதி பதிவு செய்திருந்தனர். இதைப் பிடித்துக்கொண்ட ஹிண்டன்பர்க் நிறுவனம், தற்போது மேலும் சில விஷயங்களை எக்ஸ் தளத்தில் பகிர்ந்திருக்கிறது.ஹிண்டன்பர்க்

அதில், `தவாலின் நண்பர் அனில் அஹூஜாவின் நிறுவனத்தில் முதலீடு செய்ததாக மாதபி ஒப்புக்கொண்டிருப்பதே, நாங்கள் வைத்த குற்றச்சாட்டுகளை நிரூபணமாக்குகிறது. அனில் அஹூஜா அந்தச் சமயத்தில், அதானி குழுமத்தின் இயக்குநர்களில் ஒருவராக இருந்தார்' என்று குறிப்பிட்டிருக்கிறது ஹிண்டன்பர்க்.

பா.ஜ.க தலைவர் ரவி சங்கர் பிரசாத்தோ, ``ஹிண்டன்பர்க் நிறுவனத்துக்குக் காங்கிரஸுக்கும் தொடர்பிருக்கிறது. காங்கிரஸின் மோடி வெறுப்பு, தற்போது இந்திய வெறுப்பாக மாறியிருக்கிறது. இந்தியப் பங்குச் சந்தையைச் சீர்குலைத்து, இந்தியாவுக்கு வரும் முதலீடுகளை இவர்கள் தடுக்க நினைக்கின்றனர்'' என்று குறிப்பிட்டிருக்கிறார். செபி தலைவர் மாதபி பூரி புச்

`ஹிண்டன்பர்க்கின் முதல் அறிக்கை தொடர்பாக விசாரித்து வருகிறது செபி. அந்த விவகாரத்தில் ஹிண்டன்பர்க் நிறுவனத்துக்கு நோட்டீஸ் அனுப்பப்பட்டுள்ளது. அதற்குப் பதில் சொல்ல முடியாமல், இப்போது செபிமீது பொய்க் குற்றச்சாட்டுகளை அடுக்கிறது' என பா.ஜ.க-வினர் தெரிவிக்கின்றனர்.

அதே நேரத்தில் எதிர்க்கட்சிகளோ, ``இந்த விவகாரத்தில் சாமானியர்களின் கோடிக்கணக்கான பணம் சம்பந்தப்பட்டிருக்கிறது. அதனால், உடனடியாக விசாரணை நடத்தி உண்மையை வெளிக்கொண்டு வர வேண்டும். செபி தலைவர் மாதபி புச் உடனடியாக பதவி நீக்கம் செய்யப்படவேண்டும். இந்த விவகாரத்தில், நாடாளுமன்றக் கூட்டுக் குழு விசாரணை தேவை'' என்கின்றன. ஆனால், நாடாளுமன்றக் கூட்டுக் குழு விசாரணைக்கு உத்தரவிட பா.ஜ.க அரசு மறுத்துவிட்டது.

இதையடுத்து காங்கிரஸ் கட்சியின் பொதுச்செயலாளர் கே.சி.வேணுகோபால், ``நாடாளுமன்றக் கூட்டுக் குழு விசாரணைக்கு உத்தரவிட மத்திய அரசு ஏன் அஞ்சுகிறது... இந்த விவகாரத்தில் எதையும் மறைக்கப் பார்க்கிறதா?'' எனக் கேள்வியெழுப்பியிருக்கிறார். ``எதிர்க்கட்சிகளின் இந்தக் கோரிக்கைகள் பா.ஜ.க-வுக்குப் பிரச்னையோ இல்லையோ... நிச்சயம் செபி தலைவர் மாதபி புச்சுக்கு தலைவலிதான்.'' என்கிறார்கள் தேசிய அரசியல் பார்வையாளர்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/TBs4r2

Read More

`இந்தியாவில் ஷேக் ஹசீனா... இந்தியா - வங்கதேச உறவை பாதிக்குமா?' - என்ன சொல்கிறது வங்கதேசம்?

சர்ச்சைக்குரிய இடஒதுக்கீடு விவகாரம் தொடர்பாக, தன் பிரதமர் பதவியை ராஜினாமா செய்த வங்கதேசப் பிரதமர் ஷேக் ஹசீனா, ராணுவ ஹெலிகாப்டர் மூலம் இந்தியாவில் தஞ்சமடைந்தார். இதற்கிடையில், அவர் இங்கிலாந்தில் குடியேறவிருப்பதாக தகவல் வெளியானது. ஆனால், இது தொடர்பாக உறுதிப்படுத்தப்பட்ட செய்தி எதுவுமில்லை.

அதைத் தொடர்ந்து, ஷேக் ஹசீனாவின் மகன் சஜீப் வசேத், `ஷேக் ஹசீனாவின் உயிரை பாதுகாக்கும் விதமாக இந்தியாவின் விரைவான நடவடிக்கைகளுக்காக, இந்தியப் பிரதமர் மோடிக்கு நன்றி" எனத் தெரிவித்திருந்தார்.ஷேக் ஹசீனா, பிரதமர் மோடி

இந்த நிலையில், வங்கதேச தலைநகர் டாக்காவில், வங்கதேசத்தின் வெளிநாட்டு தூதர்களுடனான சந்திப்பு நடந்தது. அதைத் தொடர்ந்து, தற்போதைய வங்கதேச அரசின் வெளியுறவு ஆலோசகர் முஹம்மது தௌஹித் ஹுசைன் செய்தியாளர்களை சந்தித்துப் பேசினார். அப்போது, ``ஹசீனா இந்தியாவில் தஞ்சமடைந்ததாக ஆரம்பத்தில் புரிந்து கொள்ளப்பட்டது. இதனால் இரு நாடுகளின் உறவும் மிகப்பெரிய பிரச்னையாக மாறும் எனக் கூறப்பட்டது. ஆனால், உண்மையான நட்பு என்பது பரஸ்பர ஆர்வத்தை அடிப்படையாகக் கொண்டது.

நாங்கள் எப்பொழுதும் இந்தியாவுடன் எங்களின் நல்லுறவை பேண பாடுபடுவோம். யாரேனும் ஒருவர் ஒரு நாட்டில் தங்குவதால், அந்தக் குறிப்பிட்ட நாட்டுடனான உறவுகள் ஏன் பாதிக்கப்பட வேண்டும்...." எனக் கேள்வி எழுப்பியிருக்கிறார்.

இந்திய வெளியுறவு அமைச்சகத்தின் செய்தித் தொடர்பாளர் ரந்தீர் ஜெய்ஸ்வால், `` இந்தியாவில் தங்குவது குறித்த ஷேக் ஹசீனாவின் திட்டங்களுக்கும் மத்திய அரசுக்கும் எந்த தொடர்பும் இல்லை. அவருடைய திட்டங்களைப் பற்றிய எந்த அறிவிப்பு எங்களிடம் இல்லை. ஷேக் ஹசீனாதான் இது தொடர்பான விவரங்களை வெளியிட்டு, விஷயங்களை முன்னோக்கி எடுத்துச் செல்ல வேண்டும்" எனக் குறிப்பிட்டிருக்கிறார்.ரந்தீர் ஜெய்ஸ்வால்

வெளிநாட்டு ஆலோசகருடன் நடந்த கூட்டத்தில் கலந்து கொண்டவர்களில் சீன தூதர் யாவ் வென்னும் இருந்தார். கூட்டத்துக்குப் பிறகு செய்தியாளர்களிடம் பேசிய அவர், ``அரசியல் மாற்றம் என்பது வங்கதேசத்தின் உள்விவகாரம். எந்த நாட்டின் விவகாரங்களிலும் தலையிடுவது சீனாவின் கொள்கையல்ல. எனவே, இருநாடுகளின் மூலோபாய உறவின் நோக்கத்தை விரிவுபடுத்துவதில் கவனம் செலுத்துவோம்" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88GST Refund: 500 போலி நிறுவனங்கள்; ரூ.54 கோடி நூதன மோசடி - ஜிஎஸ்டி அதிகாரி கைது!


http://dlvr.it/TBrjGx

Read More

Musk - Trump Interview: ``பைடன் தேர்தலிலிருந்து விலக்கப்பட்டது ஒரு சதி..!" - டொனால்ட் ட்ரம்ப்

அமெரிக்காவில், நவம்பர் மாதம் அதிபர் தேர்தல் நடைபெறவிருக்கும் நிலையில், அதிபர் வேட்பாளாராக குடியரசுக் கட்சி சார்பில் டொனால்ட் ட்ரம்பும், ஜனநாயக கட்சி சார்பில் கமலா ஹாரிஸும் போட்டியிடுகின்றனர். ஜோ பைடன் வேட்பாளராக இருந்தபோது, ட்ரம்புக்கு ஆதரவு பெருகிய நிலையில், கமலா ஹாரிஸ் வேட்பாளாராக களம் இறங்கியபிறகு போட்டி சூடுபிடித்திருகிறது. இதற்கிடையில், ட்ரம்புக்கு ஆதரவை வெளிப்படுத்திய ஸ்பேஸ் எக்ஸ் தளத்தின் சிஇஓ எலான் மஸ்க், தன் எக்ஸ் பக்கத்தில் ட்ரம்பை நேர்காணல் செய்திருக்கிறார். இந்திய நேரப்படி இன்று காலை 5:30 மணியளவில் தொடங்கிய இந்த நேர்காணலை சுமார் 1.2 பில்லியன் மக்கள் கேட்டுவருகின்றனர்.எலான் மஸ்க்

இதில், அவரிடம் அமெரிக்க பொருளாதாரம், நிர்வாகம் தொடர்பாக பல்வேறு கேள்விகள் கேட்கப்பட்டுவருகிறது. இந்த விவாதத்தின்போது ட்ரம்ப், ``மிக முக்கியமான விவாத நிகழ்ச்சியில், ஜோ பைடனுடனான விவாதத்தில் நான் அவரை மோசமாக தோற்கடித்தேன். அதனால்தான், சதி செய்யப்பட்டு அவர் தேர்தலிலிருந்து வெளியேற்றப்பட்டார். என்னை நோக்கி வந்த தோட்டாவை எனக்கு நன்கு தெரியும்... அப்படியிருந்தும் நான் உயிர்பிழைத்திருக்கிறேன். கடவுளை நம்பாதவர்கள் இனி இது குறித்து சிந்திக்க வேண்டும்.

அமெரிக்க பொருளாதாரம் பணவீக்கத்தால் ஒரு பேரழிவில் இருக்கிறது. நான்கு ஆண்டுகளுக்கு முன்பு, மக்கள் நிறைய பணத்தை சேமித்தனர். இன்று அவர்கள் தங்கள் பணத்தை சேமிக்க முடியாமல் முழுவதுமாக பயன்படுத்தி, கடன் வாங்கி செலவழிக்கும் சூழலுக்கு தள்ளப்பட்டிருக்கின்றனர். தொடர்ந்து கமலா ஹாரிஸ் வெற்றிப்பெற்றால், நாட்டின் பொருளாதாரம் அதளபாதாளத்துக்கு சென்றுவிடும். நாம் இஸ்ரேலிடம் இருப்பதை போன்ற பாதுகாப்பு அம்சமான தாக்குதல்களை தடுக்கும் டோமை உருவாக்க வேண்டும்.டொனால்ட் ட்ரம்ப்

உலகிலேயே மிகச் சிறந்த அயர்ன் டோம்-ஐ நாம் வைத்திருக்கப் போகிறோம். நாட்டு மக்களின் பாதுகாப்பு முக்கியம். நான் அதிபராக இருந்தபோது, ​​ஈரான் உடைந்திருந்தது. அவர்களிடம் தீவிரவாதத்திற்கான பணம் இல்லை. அந்த நிலை தொடர்ந்திருந்தால் இஸ்ரேல் ஒருபோதும் தாக்கப்பட்டிருக்காது. தற்போது நம்மிடம் ஒரு குறைபாடுள்ள அரசு இருக்கிறது. ஒரு மாதத்தில் மில்லியன் கணக்கான அகதிகள் நாட்டுக்குள் வருகிறார்கள். இதை தடுக்க நடவடிக்கை எடுக்கப்போவதாக கமலா ஹாரிஸ் நடிக்க முயற்சிக்கிறார். ஆனால், அவர்கள்தான் தொடர்ந்து மூன்றரை ஆண்டுகள் ஆட்சியில் இருந்தனர். இன்னும் ஐந்து மாதங்கள் மீதமுள்ளன. ஆனால் அவர்கள் எதையும் செய்ய மாட்டார்கள்.” என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88Trump: `டொனால்ட் ட்ரம்பைக் கொல்ல இரான் சதி?' - உளவுத்துறைக்கு கிடைத்த தகவல்... அமெரிக்கா விளக்கம்!


http://dlvr.it/TBrRHv

Read More

'அசன் மௌலானா MLA-வை தகுதிநீக்கம் செய்ய வேண்டும்' - சபாநாயகரிடம் கொடுங்கையூர் மக்கள் புகாரின் பின்னணி

சென்னை, வேளச்சேரி தொகுதி காங்கிரஸ் எம்.எல்.ஏ அசன் மௌலானா. இவர் கொடுங்கையூரிலுள்ள கிருஷ்ண மூர்த்தி நகர்ப் பகுதியில் மாநகராட்சிக்குச் சொந்தமான பொது வழிப்பாதையை ஆக்கிரமித்து சுவர் எழுப்பியிருக்கிறார் என்பது அப்பகுதி மக்கள் வைக்கும் குற்றச்சாட்டு. இதுகுறித்து பகுதிவாசிகள் அளித்த புகாரின் அடிப்படையில் மாநகராட்சி அதிகாரிகள் ஆக்கிரமிப்பை அகற்றச் சென்றிருக்கிறார்கள். அப்போது தன்னுடைய ஆதரவாளர்களுடன் சம்பந்தப்பட்ட இடத்துக்கு வந்த அசன் மௌலானா, அனைவரையும் விரட்டியடித்திருக்கிறார்.அப்பாவு

இந்த விவகாரம் பெரும் சர்ச்சையைக் கிளப்பியது. இதுகுறித்து 11.8.2024 தேதியிட்ட ஜூனியர் விகடன் இதழில் "பொதுப்பாதையை ஆக்கிரமித்த எம்.எல்.ஏ, மீட்கச் சென்றவர்களைத் தாக்கினார்!"- கதறும் கொடுங்கையூர் மக்கள்! என்கிற தலைப்பில் விரிவான கட்டுரை எழுதியிருந்தோம். இந்த சூழலில் எம்.எல்.ஏ அசன் மௌலானாவை சட்டமன்ற உறுப்பினர் பொறுப்பிலிருந்த்து தகுதி நீக்கம் செய்ய வேண்டும் என கொடுங்கையூர் பகுதி பக்கம் சபாநாயர் அப்பாவுவிடம் புகார் அளித்திருக்கிறார்கள்.“பொதுப்பாதையை ஆக்கிரமித்த எம்.எல்.ஏ, மீட்கச் சென்றவர்களைத் தாக்கினார்!”- கதறும் கொடுங்கையூர் மக்கள்!

இதுகுறித்து தலைநகர் சென்னை மக்கள் இயக்கத்தின் ஒருங்கிணைப்பாளர் இளங்கோ, தமிழ்நாடு சட்டப்பேரவை தலைவர் அப்பாவுக்கு கொடுத்துள்ள கடிதத்தில், "பெரம்பூர் சட்டமன்ற தொகுதிக்குட்பட்ட கிருஷ்ணமூர்த்தி நகரில் ராமகிருஷ்ணன் தெரு, சன்னதி தெரு இருக்கிறது. இதற்கு இடையில் இருக்கும் கணபதி தெருவை தமிழ்நாடு சட்டமன்றப் பேரவை காங்கிரஸ் கட்சி கொறடாவும், வேளச்சேரி எம்.எல்.ஏ-வுமான அசன் மெளலானா உள்ளிட்ட அவரது குடும்பத்தினர் ஆக்கிரமித்துள்ளனர். 1971-ம் ஆண்டு இப்பகுதியில் மனைப்பிரிவு உருவாக்கப்பட்ட காலத்திலேயே வரைப்படத்தில் கணபதி தெரு உள்ளது.மக்கள் அளித்துள்ள புகார் கடிதம்

1994-ம் ஆண்டில் தான் அசன் மௌலானா குடும்பத்தினர் இத்தெருவுக்கு அருகிலுள்ள இடத்தை வாங்கியுள்ளனர். கணபதி தெருவின் இருபக்கங்களிலும் இவர்களின் மனைகள் உள்ளதால் கணபதி தெருவை ஆக்கிரமித்து சுற்றுச்சுவர் அமைத்துள்ளனர். இதனைக் கண்டித்து பகுதி மக்கள் மற்றும் குடியிருப்போர் நலச் சங்கத்தினர் சட்டப் போராட்டம் நடத்தி சென்னை உயர் நீதிமன்றத்தில் உரிய ஆவணங்களை காட்டி அசன் மௌலானா குடும்பத்தினரின் ஆக்கிரமிப்புக்கு எதிராக தீர்ப்பு பெற்றுள்ளனர். 2023-ம் ஆண்டே தீர்ப்பு பெற்றும், இதுவரை அதனை முழுமையாக நடைமுறைப்படுத்தவில்லை.

இந்நிலையில் பகுதி மக்களின் மற்று குடியிருப்போர் சங்கத்தின் தொடர் முயற்சியின் விளைவாகத 21.05.2024 அன்று மாநகராட்சி அதிகாரிகள் காவல்துறையினருடன் சென்று சுற்றுச்சுவரை இடித்துள்ளனர். அப்போது அசன் மௌலானா 50 க்கும் பேற்பட்ட அடியாட்களுடன் நிகழ்விடம் வந்து ஆக்கிரமிப்புக்கு எதிராக போராடிய பகுதி மக்களுக்கும், குடியிருப்போர் நலச்சங்கத் தலைவர் 88 வயது நிரம்பிய மூத்த சமூக செயல்பாட்டாளர் ராமச்சந்திர ராவ் மற்றும் உடனிருந்த நிர்வாகிகளுக்கும் கொலை மிரட்டல் விடுத்துள்ளார். இதனால், மாநகராட்சி அதிகாரிகள் அங்கிருந்து சென்றுவிட்டனர். அவர்களைத் தொடர்ந்து காவல்துறையினரும் போய்விட, அதன் பின்னர் ஆக்கிரமித்துள்ள இடத்தில் லாரிகளில் கட்டட கழிவுகளை கொண்டு வந்து கொட்டி மாநகராட்சியினர் தொடர்ச்சியாக பணிகளை செய்ய இயலாதவாறு தடைகளை ஏற்படுத்தியுள்ளார்.இளங்கோ

பெருநகர சென்னை மாநகராட்சிக்கு சொந்தமான இடம் என்பதை அரசிள் பல்வேறு துறைகளும் உறுதி செய்துள்ள நிலையில், சென்னை உயர் நீதிமன்றமும் ஆக்கிரமிப்புக்கு எதிராக தீர்ப்பு வழங்கியுள்ளது. ஆனால் அவற்றையெல்லாம் பொருட்படுத்தாமல் தொடர்ந்து கணபதி தெருவை ஆக்கிரமித்துள்ளதோடு, போராடும் பகுதி மக்களுக்கு அசன் மௌலானா கொலை மிரட்டல் விடுத்துள்ளார். பேரவையில் உறுப்பினராக பொறுப்பேற்ற போது தான் ஏற்றுக்கொண்ட உறுதிமொழிக்கு எதிராக செயல்பட்டு வருகிறார். இதனால் அவர் சட்டமன்ற உறுப்பினர் பொறுப்புக்கு தகுதியற்றவராகிறார். எனவே பேரவை தலைவர் அசன் மௌலானாவின் மக்கள் நலனுக்கு எதிரான செயல்பாடுகளை ஆய்வு செய்து அவரை சட்டமன்ற உறுப்பினர் பொறுப்பிலிருந்த்து தகுதி நீக்கம் செய்ய நடவடிக்கை எடுக்க வேண்டும்" என்ற தெரிவிக்கப்பட்டுள்ள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88“பொதுப்பாதையை ஆக்கிரமித்த எம்.எல்.ஏ, மீட்கச் சென்றவர்களைத் தாக்கினார்!”- கதறும் கொடுங்கையூர் மக்கள்!


http://dlvr.it/TBrF1P

Read More

வேலூர்: கட்டுமானப் பணியின்போதே கனமழையில் அடித்துச் செல்லப்பட்ட பாலம்; கோரிக்கை முன்வைக்கும் மக்கள்!

வேலூர் மாவட்டம், ஒடுகத்தூர் பகுதியிலிருந்து தொடங்குகிறது உத்திர காவிரி ஆறு. இந்த ஆற்றின் மூலம் 500 ஏக்கருக்கு மேல் விவசாய நிலங்கள் நீர் பாசன வசதி பெறுகின்றன. இந்த ஆறு ஒடுகத்தூர் பகுதியிலிருந்து தொடங்கி, பாலாற்றில் கலக்கிறது. அணைக்கட்டு அடுத்த குருவராஜபாளையம் கிராமத்திலிருந்து பாலப்பாடி கிராமத்திற்குச் செல்ல உத்திர காவிரி ஆற்றின் குறுக்கே ரூ.4.13 கோடி மதிப்பீட்டில் பாலம் கட்டப்பட்டு வருகிறது.

இத்தகைய சூழலில், வேலூர் மாவட்டத்தில் கடந்த சில தினங்களாகப் பெய்த கனமழையின் காரணமாக, உத்திர காவிரி ஆற்றில் திடீர் வெள்ளப்பெருக்கு ஏற்பட்டது. இதனால் கட்டப்பட்டு வந்த இந்தப் பாலம், ஆற்றில் அடித்துச் செல்லப்பட்டு, சேதமடைந்தது. இதனால் குருவராஜபாளையம் அடுத்த பாலப்பாடி, ஆர்ஜாதி உள்ளிட்ட கிராம மக்கள் பாதிப்புக்கு உள்ளாகினர்.

அந்தப் பகுதிகளைச் சேர்ந்த மாணவர்கள் பள்ளிக்குச் செல்ல 6 கிலோமீட்டர் தொலைவில் இருக்கும் அகரம் பாலத்தின் வழியாக குருவராஜபாளையம் ஊராட்சிப் பள்ளிக்குச் செல்லும் நிலை ஏற்பட்டிருக்கிறது. பாலப்பாடி, ஆர்ஜாதி உள்ளிட்ட கிராமங்களில் 150-க்கும் மேற்பட்ட வீடுகள் உள்ளன. இந்த கிராமங்களைச் சேர்ந்த பொதுமக்களின் போக்குவரத்து வசதிக்காக தற்போது தற்காலிகப் பாதை அமைக்கப்பட்டு வருகிறது. 2023-ம் ஆண்டு செப்டம்பர் மாதம் முதல் இந்தப் பாலம் கட்டப்பட்டு வருகிறது. இருப்பினும், இரண்டு முறை கனமழை காரணமாக அந்தப் பாலம் ஆற்றில் அடித்துச் செல்லப்பட்டது. பொதுமக்கள் தங்கள் பகுதிகளுக்குச் சென்று வரத் தற்காலிகப் பாதை அமைக்கப்பட்டு இருந்தது. அதுவும் தற்போது திடீர் வெள்ளத்தால் அடித்துச் செல்லப்பட்டது. இதனால் அந்தப் பகுதிகளைச் சேர்ந்த மக்கள், இதற்கு நிரந்தர தீர்வான பாலத்தை விரைந்து கட்டி முடிக்க வேண்டும் எனக் கோரிக்கை வைத்துள்ளனர். கட்டப்பட்டு வரும் தற்காலிகப் பாதை

இது குறித்து அணைக்கட்டு வட்டார வளர்ச்சி அலுவலரிடம் தொலைபேசியில் தொடர்பு கொண்டு கேட்டபோது, “குருவராஜபாளையம், பாலப்பாடி பாலம் கட்ட தொடங்கியதிலிருந்து கனமழை காரணமாக பணிகளை விரைந்து முடிக்க முடியவில்லை. அந்த ஆற்றிற்கு ஒரு கிலோமீட்டருக்கு முன்பு இரண்டு ஆறுகள் கூடுவதால், அதிக வெள்ளப்பெருக்கு ஏற்படுகிறது. இதனால் பாலம் கட்டும் பணி இரண்டு முறை தாமதமானது. இது குறித்து மாவட்ட ஆட்சியர் மூன்று மாதங்களுக்கு முன்பு ஆய்வு மேற்கொண்டார். இந்த பாலத்தைக் கூடிய விரைவில் கட்டி முடிக்க நடவடிக்கை எடுக்கிறோம்” என்று கூறினார்.

பருவமழைக் காலம் தொடங்குவதற்கு முன்பே இந்தப் பாலம் கட்டும் பணிகளை விரைந்து முடித்தால், பயனுள்ளதாக இருக்கும் என்பது பொதுமக்களின் கருத்தாக உள்ளது. Peacock curry: YouTube வியூஸுக்காக `மயில் கறி கிரேவி’ - வழக்கு பதிவு செய்த தெலங்கானா வனத்துறை!


http://dlvr.it/TBqVjn

Read More

கடலுக்குத் தாரைவார்க்கப்பட்ட 55 டி.எம்.சி காவிரி நீர்...

காவிரி நீருக்காகப் போராடும் தார்மிக உரிமையை தி.மு.க உள்பட தமிழகத்தில் இருக்கும் அத்தனை கட்சிகளுமே இழந்துவிட்டன. இவர்களுடைய போராட்டமெல்லாம் வெறுமனே தங்களின் இருப்பைப் பறைசாற்றிக் கொள்வதற்காக மட்டுமே. மற்றபடி விவசாயிகளின் நலனில் துளிகூட இவர்களுக்கு அக்கறை கிடையாது என்பதை, தி.மு.க அரசு சமீபத்தில் அரங்கேற்றிய ஓர் அநியாயம், வெட்டவெளிச்சமாக்கியுள்ளது. இதற்கு எதிராக சின்னதாக ஓர் அறிக்கையைக்கூட வெளியிடாத அரசியல் கட்சிகளின் முகமூடிகளும் கிழிந்து தொங்குகின்றன.

ஆண்டுதோறும் ஜூன் 12-ம் தேதி மேட்டூரில் இருந்து டெல்டா பாசனத்துக்காக காவிரியில் தண்ணீர் திறப்பது வழக்கம். உச்ச நீதிமன்ற உத்தரவுப்படி தமிழ்நாட்டுக்குத் திறக்க வேண்டிய நீரை, கர்நாடக மாநில அரசு திறப்பதே இல்லை. எந்தக் கட்சி ஆட்சியில் இருந்தாலும் அரசியலைத் தாண்டி `காவிரி நம்முடையதே' என்பதில் உறுதியாக இருக்கிறார்கள். இதனால், பெருமழை காரணமாக அணைகள் முழுக் கொள்ளளவை எட்டிய பிறகே, நிரம்பி வழியும் நீரை மட்டுமே திறந்துவிடுவதை வழக்கமாக்கிக் கொண்டுவிட்டது கர்நாடகா.

இதே சூழல்தான் இந்த ஆண்டும். ஜூலை கடைசியில்தான் கர்நாடகத்திலிருந்து உபரி நீர் திறக்கப்பட்டது. மேட்டூர் அணை முழுக்கொள்ளவை எட்டிய பிறகு திறக்கப்பட்ட உபரி நீர், முக்கொம்பு அணையை அடைய, அங்கிருந்து சுமார் ஒரு லட்சம் கன அடி நீர் நேரடியாகக் கொள்ளிடத்தில் திறக்கப்பட்டது. அடுத்து, காவிரியில் திறக்கப்பட்ட தண்ணீரும் கல்லணை வந்துசேர, அங்கிருந்தும் கொள்ளிடத்துக்கே அதிகமாகத் திறக்கப்பட்டது. ஆகக்கூடி, கொள்ளிடத்தில் மட்டும் ஒரு லட்சத்து 28,000 கன அடி நீர் அப்படியே கடலுக்குப் பாய்ந்தோட... காவிரி, வெண்ணாறு, கல்லணைக் கால்வாய் ஆகியவற்றில் சில ஆயிரம் கன அடிகளே கசிந்தன.

உண்மையில் அதிகப்படியான பாசன பகுதிகள் இருப்பதே இந்த காவிரி, வெண்ணாறு, கல்லணைக் கால்வாய் ஆகியவற்றை நம்பிதான். இவற்றிலிருந்து பிரியும் சிற்றாறுகள், பெரும் கால்வாய்கள், சிறு கால்வாய்கள் ஆகியவற்றின் வழியாகத்தான் தஞ்சாவூர், திருவாரூர், நாகப்பட்டினம் மற்றும் மயிலாடுதுறை ஆகிய டெல்டா மாவட்ட நிலங்கள் செழிப்படைகின்றன. குளம், குட்டை, ஏரிகள் என நீர்நிலைகள் நிரம்புவதால் நிலத்தடி நீர் பெருகுவதோடு கால்நடைகளுக்கும், மரம் மட்டைகளுக்கும் தேவையான நீர் கிடைக்கிறது.

இதைப் பற்றியெல்லாம் கொஞ்சம்கூட கவலைப்படாமல், மொத்தமாக கடலுக்குப் பாய்ந்த தண்ணீரை அமைச்சர்களும் அதிகாரிகளும் பூதூவி வேடிக்கை பார்த்ததுதான், கொடூரத்தின் உச்சம்.

ஒரு விநாடிக்கு ஒரு லட்சத்து 28,000 கன அடி வீதம், ஜூலை 31 முதல் ஆகஸ்ட் 4 வரையிலான 5 நாள்களுக்கு மொத்தம் 55 டி.எம்.சி நீர், கொள்ளிடம் வழியாக அப்படியே கடலுக்குப் போய்ச் சேர்ந்திருக்கிறது (உச்ச நீதிமன்ற உத்தரவுப்படி, ஆகஸ்ட் மாதத்தில் கர்நாடகா நமக்குத் தரவேண்டிய தண்ணீரின் அளவு, 50 டி.எம்.சி மட்டுமே).

இந்த விஷயம், `பசுமை விகடன்' முகநூல் பக்கத்திலும், இணைய தளத்திலும் விவசாயிகளின் வேதனை மற்றும் கண்டனக் குரலுடன் ஆகஸ்ட் 4-ம் தேதி அன்று பதிவிடப்பட்டது. ஆட்சியாளர்கள் மற்றும் அதிகாரிகளின் முகமூடி கிழிபட்டது. ஆனாலும், கொஞ்சம்கூட குற்ற உணர்ச்சியே இல்லாமல், கை தவறி ஒரு குவளை தண்ணீர் கீழே விழுந்து விட்டது என்பதுபோல, மறுநாள் காவிரி உள்ளிட்ட ஆறுகளில் கூடுதல் தண்ணீரைத் திறந்துவிட்டு, கமிஷன் கணக்குப் பார்க்க போய் விட்டார்கள். ஆம்... காவிரி டெல்டாவே காய்ந்து கிடக்கும்போது, மொத்த நீரையும் இப்படிக் கடலுக்கு அனுப்பியதன் பின்னணியில் மறைந்திருப்பது கமிஷன் கணக்கு மட்டுமே.தலையங்கம்

ஜூன் மாதம் 12-ம் தேதி, மேட்டூர் அணை திறக்கப்படுவது வழக்கம். அதனால், தூர்வாருதல், கரைகள், பாலங்கள் மற்றும் மதகுகள் சீரமைப்பு உள்ளிட்ட பணிகளை முன்கூட்டியே முடித்திருக்க வேண்டும். ஆனால், இந்த ஆண்டு ஜூலை 30 வரையில் கூட பணிகள் முடிக்கப்படவில்லை. பெரும்பாலும் ஆளும் தி.மு.க-வினர்தான் மொத்தமாக கான்ட்ராக்ட் எடுத்து பணம் பண்ணிக் கொண்டுள்ளனர். தண்ணீரைத் திறந்துவிட்டால், இந்த ஆண்டே பில் போட்டு அவர்கள் பணம் பார்க்க முடியாது... அதன் மூலமாக அவர்களிடமிருந்து கமிஷனையும் கறக்க முடியாது. அதேசமயம், கொள்ளிடத்தில் மொத்தமாகத் தண்ணீரைத் திறந்துவிட்டால், அங்கே புதிதாக மணல் சேகரமாகும். அதையும் அள்ளி, பணத்தை மூட்டைக் கட்டலாம் என ஒவ்வொரு துளியிலும் கமிஷன்... கமிஷன்... கமிஷன் மட்டுமே.

இப்படிக் கடலுக்கு தாரைவார்க்க முடிவெடுத்த அகங்காரம் படைத்த அதிகாரிகள் யார், யார்? அவர்களுக்கு உத்தரவிட்ட அநியாயக்கார மக்கள் பிரதிநிதிகள் யார், யார்? இவர்கள் அனைவருக்கும் பண மழை பொழிந்த ஒப்பந்ததாரர்கள், மணல் மாஃபியாக்கள் யார், யார்?

திட்டமிட்டு இதை அரங்கேற்றிய இவர்கள் அத்தனை பேருமே குற்றவாளிகள். அனைவர் மீதும் கட்டாயம் நடவடிக்கை எடுக்கப்பட வேண்டும். ஆனால், ஆட்சியாளர்களுக்கும் இந்த அநியாயத்தில் பங்கிருப்பதால், நீதிமன்றங்கள்தான் தாமாக முன்வந்து அத்தனை பேரையும் கூண்டிலேற்றி... தண்டிக்க வேண்டும்.

இதோ, மேட்டூரில் தண்ணீர் குறைய ஆரம்பித்து விட்டது. நீதிகேட்டு உச்ச நீதிமன்றப் படியேறுதல்... மத்திய அரசுக்கு மனு கொடுத்தல்... காவிரி டெல்டாவில் கடையடைப்பு என்று கரை வேட்டியை உதறிக்கொண்டு கிளம்பிவிடுவார்கள்.

துரோகம், அரசியல் மோசடி, நயவஞ்சகம் என்று பலவற்றையும் உள்ளடக்கியபடி நூற்றாண்டுக்கும் மேலாகத் தொடர்கிறது... காவிரி விவசாயிகளின் துன்பியல் வரலாறு!


http://dlvr.it/TBpmPz

Read More

`திருப்பூர் பிரகடனம்; பாஜக-வின் 500 நாள் திட்டம்..!’ - நிர்வாகிகள் கூட்டத்தில் நடந்தது என்ன?!

பா.ஜ.க. மாநிலத் தலைவர் அண்ணாமலை படிப்பு தொடர்பாக செப்டம்பர் மாதம் லண்டன் செல்லவுள்ள நிலையில், யார் அடுத்த தலைவர் என்ற எதிர்பார்ப்பு இருந்து வருகிறது. இந்நிலையில் திருப்பூரில் அக்கட்சியின் மாநில, மாவட்ட நிர்வாகிகளுடனான ஆலோசனைக் கூட்டம் நடைபெற்றது. இந்தக் கூட்டத்தில் அண்ணாமலை, கட்சியின் மூத்த தலைவர்களான பொன்.ராதாகிருஷ்ணன், ஹெச். ராஜா, நயினார் நாகேந்திரன், வானதி சீனிவாசன், சரத்குமார், மாநிலப் பொறுப்பாளர்கள் அரவிந்த் மேனன், சுதாகர் ரெட்டி ஆகியோர் கலந்துகொண்டனர்.

மாவட்டம், மண்டலம் மற்றும் மாநில நிர்வாகிகள் கூட்டம் என தனித்தனியாக நடத்தப்பட்டு பின்னர் அனைத்து நிர்வாகிகள் பங்கேற்ற கூட்டம் அண்ணாமலை தலைமையில் நடைபெற்றது. இதில், பேசிய அண்ணாமலை, "அடுத்த 500 நாள்கள் நமக்கு மிக முக்கியமான நாள்களாகும். 500 நாள்களுக்கு நாம் என்ன செய்யப் போகிறோம் என்பதை ஆலோசித்து திட்டமிட வேண்டும். இந்த திருப்பூர் கூட்டத்தின் மூலம் "திருப்பூர் பிரகடனம்" அறிவிக்கப்படுகிறது. இந்த திருப்பூர் பிரகடனம் தமிழக அரசியல் வரலாற்றில் ஒரு திருப்புமுனையை ஏற்படுத்தும்." என்றார். அண்ணாமலை

இந்தக் கூட்டத்தில் என்ன முடிவுகள் எடுக்கப்பட்டது என்பது குறித்து பா.ஜ.க.நிர்வாகிகள் சிலரிடம் பேசினோம். "அண்ணாமலைக்குப் பதிலாக யாருக்கு தலைவர் பதவி வழங்கப்படும் என்ற முடிவு எடுக்கப்படலாம் என எதிர்பார்த்தோம். ஆனால், இதுதொடர்பாக பேசிய அண்ணாமலை மாநிலத் தலைவர் பொறுப்பு யாருக்கென்று கட்சியின் தேசியத் தலைமை அறிவிக்கும் என்று முடித்துக் கொண்டார்.

கடந்த மக்களவைத் தேர்தலில் பல மாவட்டத் தலைவர்கள் தங்கள் சொந்த வார்டிலேயே சொல்லிக் கொள்ளும்படியான வாக்குகள் பெறவில்லை. அந்த மாவட்டத் தலைவர்களை மாற்ற வேண்டும் என கோரிக்கை வலுவாக எழுப்பப்பட்டது. தொடர்ந்து பேசிய தலைவர்களும் 2026 சட்டப் பேரவைத் தேர்தலை எவ்வாறு எதிர்கொள்வது, கட்சியை அடிப்படையில் இருந்து பலப்படுத்துவது குறித்தும் விரிவாக பேசினர்.நிர்வாகிகள் கூட்டம்

இதைத் தொடர்ந்து `தமிழகத்தை மீட்போம்; தளராது உழைப்போம்’ என்ற `திருப்பூர் பிரகடனம்’ அறிவிக்கப்பட்டது. அதில், தமிழகத்தில் இருந்து தி.மு.க. ஆட்சியை அகற்றுவதும், பா.ஜ.க. ஆட்சியை அமைப்பதும்தான் முக்கிய இலக்காக கொண்டு செயல்படுவோம். இதை சவாலாக எடுத்துக் கொள்ளாமல் சாதனையாக செய்து முடிப்போம் என ஒவ்வொரு நிர்வாகிகளும் உறுதி எடுத்துக் கொண்டனர். வரும் சட்டப் பேரவைத் தேர்தலை மனதில் வைத்து நிர்வாகிகளை மத்தியில் ஊக்கப்படுத்தும் விதமாகவே அண்ணாமலையின் பேச்சு இருந்தது" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/TBpPCt

Read More