சட்டமன்றத் தேர்தல்களை குறிவைத்தே வக்பு வாரிய சட்டத்திருத்தத்தை கொண்டு வருகிறதா மத்திய அரசு?

ஜி.கே.நாகராஜ்

ஜி.கே.நாகராஜ், மாநில விவசாய அணித் தலைவர், பா.ஜ.க

“நாட்டு மக்களுக்காக ஒரு நல்ல திருத்தத்தைக் கொண்டுவரும்போது அதை எதிர்ப்பதே எதிர்க்கட்சிகளுக்கு வேலையாகிவிட்டது. ஏற்கெனவே, முத்தலாக் தடைச் சட்டத்தை கொண்டுவந்தபோதும் இவர்கள் கடுமையாக எதிர்த்தனர். ஆனால், பா.ஜ.க கொண்டுவந்த முத்தலாக் தடைச் சட்டத்தை இஸ்லாமியப் பெண்கள் கொண்டாடி வருவதை நாம் கண்கூடாகப் பார்க்கிறோம். அதேபோலவே, இந்த வக்பு வாரிய சட்டத் திருத்தமும், இஸ்லாமிய மக்களுக்குப் பெருமளவில் பலனளிக்கும். தமிழகத்தில் எப்படி அறநிலையத்துறையின் மூலம் இந்துக்கள் பயன்பெறாமல், ஆளுங்கட்சியினர் மட்டும் பயன்பெறு கிறார்களோ... அதேபோல, வக்பு சொத்துகள் மூலம் ஒரு தரப்பினர் மட்டுமே பயன்பெறுகிறார்கள். அந்த நிலையை மாற்றி, அனைத்து இஸ்லாமிய மக்களுக்கும் பலன் கிடைக்கும் வகையில் சட்டத் திருத்தம் கொண்டுவரப் பட்டிருக்கிறது. ‘சிறுபான்மையினரின் பாதுகாவலர்’ வேடம் போடும் காங்கிரஸ், வக்பு வாரிய சட்டத்தில் திருத்தம் செய்திருந்தாலும் அதை நடைமுறைப்படுத்தவில்லை. முத்தலாக் முறைக்குத் தடையும் கொண்டுவர முன்வரவில்லை. அவர்களுக்குத் தேவை சிறுபான்மையினரின் வாக்குகள் மட்டுமே. பா.ஜ.க ஒருபோதும் வாக்கு அரசியல் செய்யாது. இந்தச் சட்டத் திருத்தத்தை எதிர்ப்பதன் மூலம் எதிர்க்கட்சிகள்தான் இஸ்லாமிய மக்களுக்குத் துரோகம் செய்கின்றன என்றுதான் அர்த்தம்.”ஹசீனா சையத்

ஹசீனா சையத், தமிழக மகிளா காங்கிரஸ் தலைவர்

“பா.ஜ.க-வின் சுயநல அரசியலைச் சரியாகச் சுட்டிக்காட்டியிருக்கிறார் கே.சி.வேணுகோபால். மக்களின் உணர்ச்சியைத் தூண்டுவதற்காக ஒவ்வொரு தேர்தலுக்கும், பா.ஜ.க ஒவ்வொரு மாதிரியான யுத்தியைக் கையிலெடுக்கும். 2019 நாடாளுமன்றத் தேர்தலுக்காக புல்வாமா தாக்குதல், 2024 தேர்தலுக்காக ராமர் கோயில்போல, வரப்போகும் மகாராஷ்டிரா, ஹரியானா தேர்தலை மனதில் வைத்துக்கொண்டே வக்பு வாரிய சட்டத்தில் திருத்தத்தைக் கொண்டுவந்திருக்கிறார்கள். ‘இஸ்லாமியர்களுக்குச் சொந்தமான ஒரு வாரியத்தில் மாற்று மதத்தினரும் உறுப்பினர் ஆகலாம்’ என்று திருத்தம் கொண்டுவந்ததிலிருந்தே பா.ஜ.க-வின் அயோக்கியத்தனத்தைப் புரிந்துகொள்ள முடியும். இதேபோல, ‘ராமர் கோயில் நிர்வாகத்தில் மாற்று மதத்தினரை அனுமதிக்க வேண்டும்’ என்ற கோரிக்கையைச் சிறுபான்மையினர் யாராவது முன்வைத்திருந்தால், இந்நேரம் அதை மதக்கலவரமாகவே மாற்றியிருப்பார்கள் பா.ஜ.க-வினர். தங்கள் அமைச்சரவையில் ஓர் இஸ்லாமியருக்குக்கூட வாய்ப்பு கொடுக்காத பா.ஜ.க-வுக்கு, சிறுபான்மையினரைக் கரித்துக்கொட்டுவதையே வழக்கமாக வைத்திருக்கும் பா.ஜ.க-வுக்கு இஸ்லாமிய மக்கள்மீது ஏன் இந்த திடீர் அக்கறை... நாட்டின் ஒற்றுமையைச் சிதைக்கவும், பிரிவினையைத் தூண்டவும் பா.ஜ.க அரசு கொண்டுவரும் எந்தச் சட்டத்தையும், சட்டத் திருத்தத்தையும் நிறைவேற்ற அனுமதிக்க மாட்டோம்.”


http://dlvr.it/TBtbCF

Read More

மீண்டும் மீண்டும் கொட்டப்படும் கட்டடக் கழிவுகள்... சவால் விடும் முதலமைச்சர்... சமாளிக்குமா சென்னை?

"எவ்வளவு மழை வந்தாலும் சமாளிப்போம்" என்று மீண்டும் சவால் விட்டிருக்கிறார் தமிழக முதலமைச்சர் மு.க.ஸ்டாலின். 2021-ம் ஆண்டு ஆட்சிக்கு வந்ததிலிருந்தே ஒவ்வொரு பருவமழைக்கு முன்பாகவும், இப்படி முழங்குவதை வாடிக்கையாகவே வைத்திருக்கிறார் ஸ்டாலின். அதேபோல, சென்னை மூழ்குவதும் வாடிக்கையாகவே இருக்கிறது என்பதுதான் கொடுமை.கூவம் ஆற்றில் கட்டடக் கழிவுகள்

'வாய்புளித்ததோ... மாங்காய் புளித்ததோ' என்று சொல்லவில்லை. கடந்த ஆண்டின் டிசம்பரில் வரலாறு காணாத அளவுக்கு சென்னையே மூழ்கிப் போனதை யாராவது மறுக்க முடியுமா? பல ஆயிரம் கோடிகளை நிவாரணப் பணிக்காக செலவிட்டதை மறுக்க முடியுமா? பற்பல ஆயிரம் கோடிகளைக் கேட்டும் மத்திய அரசு கொடுக்காமல் இருப்பதையும் மறக்க முடியுமா? வெள்ளாத்தல் பல உயிர்கள் பலியாகின. வீடுகள், வாகனங்கள், உடமைகள் என்று எல்லாவற்றையும் இழந்து வீதிக்கு வந்தனர் மக்கள். இதையெல்லாம் மறக்கமுடியுமா?
தி.மு.க ஆட்சியைப் பிடித்த 2021-ம் ஆண்டிலிருந்து கோடி கோடியாகக் கொட்டி மழைநீர் கால்வாய்களைச் சரி செய்துகொண்டே இருக்கிறார்கள். இந்த முறையும்கூட செப்டம்பருக்குள் முடித்துவிடுவோம் என்று வாக்குறுதிக் கொடுத்தார், கமிஷனராக இருந்த ராதாகிருஷ்ணன் (கடைசியில், அவரையே வேறு இடத்துக்கு மாற்றிவிட்டது தனிக்கதை). இதிலிருந்தே தெரிந்துகொள்ளலாம், இந்த தி.மு.க அரசின் ஆமைவேக செயல்பாடுகளை.

இந்த லட்சணத்தில்தான், 'எவ்வளவு பெரிய மழை வந்தாலும் சமாளிப்போம்' என்று சவால் விடுகிறார் மு.க.ஸ்டாலின். மழைநீர் கால்வாய்களை சீரமைப்பது ஒருபக்கம் இருக்கட்டும். ஓரளவுக்கு சென்னையைக் காப்பாற்றிக் கொண்டிருக்கும் கூவத்தில் கல், மண் என்று கொட்டி மூடிக் கொண்டிருப்பதை முதலில் தடுத்து நிறுத்தவேண்டும். இல்லையென்றால்... 'இதுவரை வரலாற்றில் இல்லாத அளவுக்கு சென்னை வெள்ளக்காடாக மாறியது' என்று மீண்டும் வரலாறு படைக்கும் என்பதில் சந்தேகமே இல்லை.
பருவமழை நெருங்கிக் கொண்டிருக்கிறது. ‘எது எப்படி போனா எனக்கென்ன...’ என்று கூவம் ஆற்றில் மதுரவாயல்- துறைமுகம் ஈரடுக்கு நெடுஞ்சாலைக்கான பணிகளுக்காக மண்ணை கொட்டி சாலை அமைக்கும் பணிகள் தொடர்ந்து கொண்டிருக்கின்றன. கூவம் ஆற்றில் கட்டடக் கழிவுகள்மூடப்படும் கூவம்... காத்திருக்கும் பெருமழை வெள்ளம்... சென்னையை காப்பாற்றப்போவது யார்?

சமீபத்தில் பருவழை முன்னேற்பாடு குறித்தான ஆய்வுக் கூட்டம் நகராட்சி நிர்வாகத் துறை அமைச்சர் கே.என்.நேரு தலைமையில் நடைபெற்றது. அப்போது பருவ மழைக்குள் கூவம் ஆற்றில் கொட்டப்பட்டுள்ள கல் மற்றும் மண் அகற்றப்படும் என்று தெரிவித்திருந்தார். ஆனால், இதுவரை எந்தப் பணிகளும் தொடங்கப்படவில்லை. மாறாக, பறக்கும் சாலைக்கான பணிகள் தொடர்கின்றன. சொல்லப்போனால், கூடுதலாக கட்டடக்கழிவுகளைக் கொண்டுவந்து கொட்டி மேற்கொண்டும் கூவத்தை மேடாக்கிக் கொண்டுள்ளனர்.
வயநாடு சம்பவம் பெரிய அதிர்வலைகளை ஏற்படுத்தியிருப்பதால் சென்னை, பருவமழைக்கு இப்போதே நீரியல் வல்லுநர்கள் எச்சரிக்கை விடுத்திருக்கின்றனர். ஆனால், கூவம் ஆற்றுக்குள்ளேயே சாலைப் பணிகள் மேற்கொண்டு வருகிறார்கள்.

இதுகுறித்து, கடந்த மே மாதமே விகடன் இணையதளத்தில் கட்டுரைகளும், பசுமை விகடன் சமூக வலைதளத்தில் வீடியோக்களும் வெளியிட்டிருந்தோம். கட்டுரையை வெளியிட்ட கையோடு, சம்பந்தப்பட்ட துறைகளின் (1. முதன்மைச் செயலாளர், பொதுப்பணித்துறை, 2. சென்னை பெருநகர வளர்ச்சி ஆணையம் (சிஎம்டிஏ), 3. தமிழ்நாடு மாசுக்கட்டுப்பாட்டு வாரியம், 4. பெருநகர சென்னை மாநகராட்சி, 5. தமிழ்நாடு நீர்வள பாதுகாப்பு மற்றும் ஆறுகள் சீரமைப்புத்துறை, 6. சென்னை மாவட்ட ஆட்சியர், 7. தலைமைப் பொறியாளர் (நீர் வள அமைப்பு) மற்றும் தலைமைப் பொறியாளர் (பொது), பொதுப்பணித்துறை.) அதிகாரிகளுக்கெல்லாம் விரிவான கடிதங்களையும் அனுப்பி வைத்தோம்.கூவம் ஆற்றில் கட்டுமான பணிகள்``செப்டம்பர் மாதத்துக்குள் கூவம் ஆற்றில் உள்ள கட்டடக் கழிவுகள் அகற்றப்படும்...'' - அமைச்சர் நேரு

இதைத் தொடர்ந்து, செய்தியாளர்களை கூட்டிய நீர்வளத்துறை தலைமைப் பொறியாளர் அசோகன், 'மதுரவாயல் - துறைமுகம் பறக்கும் சாலை திட்டப் பணி தொடர்பாக எங்களிடம் எந்த அனுமதியும் பெறவில்லை. எனவே, கூவம் ஆற்றில் திட்டத்தை நிறைவேற்றுவது தொடர்பாக தேசிய நெடுஞ்சாலைத் துறை சில உறுதிமொழிகளை இரண்டு நாள்களில் கையெழுத்திட்டுக் கொடுக்கவுள்ளனர். என்றாலும், அத்துமீறி பணிகளை மேற்கொண்டது தொடர்பாக சம்பந்தப்பட்ட பகுதிகளில் உள்ள காவல்நிலையங்களில் தேசிய நெடுஞ்சாலைத் துறை மீது புகார் கொடுத்துள்ளோம். அதற்காகத் தற்போது பணிகள் நிறுத்தி வைத்துள்ளனர்’ என்று சொன்னார்.

இதுதொடர்பாக துறையின் கீழ்மட்ட அதிகாரிகளுக்கு, 'கூவம் ஆற்றில் கொட்டப்படும் கட்டடக்கழிவுகளை உடனடியாக அகற்றவேண்டும். இதை உறுதிப்படுத்த வேண்டும்' என்று கடிதங்களை அனுப்பினார்கள். அவற்றின் நகல்களை நமக்கும் அனுப்பினார்கள். ஆனால், அதற்குப் பிறகுதான் பணிகள் இன்னும் வேகமெடுத்துள்ளன. முன்பு சின்ன வண்டிகளில் வந்து கொட்டியவர்கள், தற்போது பெரிய வண்டிகளில் கொண்டு வந்து கொட்டுகிறார்கள். கூடவே, 16 சக்கரங்கள் கொண்ட பெரிய லாரிகளில் பெரியபெரிய இரும்பு கட்டுமான அமைப்புகளையும் கூவத்துக்குள் கொண்டு வந்து குவிக்க ஆரம்பித்துள்ளனர். ஆகக்கூடி, தமிழ நீர்வளத்துறை சொன்னபடி எதுவுவே நடக்கவில்லை.கூவம் ஆற்றில் கட்டடக் கழிவுகள் அதன்மீது பணிகள்

கட்டட கழிவுகளைக் கொட்டினால் ஆற்றின் நீரோட்டம் பாதிக்கும் என்பதுகூட தெரியாதவர்கள்தான் பொதுப்பணித்துறை மற்றும் நீர்வளத்துறையில் அதிகாரிகளாக நியமிக்கப்பட்டுள்ளார்களா... அல்லது பறக்கும் சாலையை அமைத்துக் கொண்டிருக்கும் கட்டுமான நிறுவனத்தின் 'கவனிப்பு'கள் காரணமாக கண், வாய் மூடிக்கிடக்கிறார்களா? என்றுதான் கேட்கத்தோன்றுகிறது!


http://dlvr.it/TBsrJf

Read More

Hindenburg-ன் எக்ஸ் பதிவு... `தலைவலி மேல் தலைவலி’ - சிக்கலில் SEBI தலைவர் மாதபி புச்?!

மீண்டுமொரு ஆய்வறிக்கையை வெளியிட்டு, இந்திய அரசியலில் புயலைக் கிளப்பியிருக்கிறது ஹிண்டன்பர்க் நிறுவனம். கடந்த முறை அதானி நிறுவனத்தை மட்டும் குறிவைத்துக் குற்றம்சாட்டிய ஹிண்டன்பெர்க், இந்த முறை இந்தியப் பங்குச் சந்தையின் அஸ்திவாரமாக இருக்கும் செபி அமைப்பின் (இந்தியப் பங்குகள் மற்றும் பரிவர்த்தனை ஆணையம்) தலைவர் மீதே குற்றச்சாட்டுகளை அடுக்கியிருக்கிறது!

அமெரிக்காவைச் சேர்ந்த ஹிண்டன்பர்க் நிறுவனம் கடந்த ஆண்டு வெளியிட்ட ஆய்வறிக்கையில், இந்தியத் தொழிலதிபர் கெளதம் அதானி பங்குச் சந்தையில் முறைகேடு செய்திருப்பதாகக் கூறப்பட்டிருந்தது. கெளதம் அதானியின் சகோதரர் வினோத் அதானி, பெர்முடா, மொரிஷியஸ் போன்ற நாடுகளில் முறைகேடாக சில நிறுவனங்களில் பங்குகளை வைத்திருந்ததாகவும், இந்தியப் பங்குச் சந்தையில் அதானி குழுமப் பங்குகளின் விலையை மறைமுகமாக உயர்த்தி முறைகேடு செய்ததாகவும் முதல் அறிக்கை குற்றம்சாட்டியிருந்தது ஹிண்டன்பர்க்.அதானி - adani

இந்தக் குற்றச்சாட்டுகளைத் தீவிரமாகக் கையிலெடுத்த எதிர்க்கட்சிகள், நாடாளுமன்றத்தில் போர்க்கொடி தூக்கின. நாடாளுமன்றக் கூட்டுக்குழு விசாரணை வேண்டும் எனக் கோரிக்கை வைத்தன. ஆனால், மோடி அரசு எந்தவொரு நடவடிக்கையும் எடுக்கவில்லை. இந்த நிலையில், உச்ச நீதிமன்றத்தின் உத்தரவின் பேரில், அதானி குழுமத்தின் மீதான ஹிண்டன்பர்க்கின் குற்றச்சாட்டுகளைச் செபி அமைப்பு விசாரிக்கத் தொடங்கியது. அந்த விசாரணை நடைபெற்றுக் கொண்டிருக்கும் வேளையில், செபி-ன் தலைவர் மாதபி புச் மீதே குற்றஞ்சுமத்தி அறிக்கை வெளியிட்டிருக்கிறது ஹிண்டன்பர்க்.

தற்போதைய அறிக்கையில், `அதானி குழுமம் மீதான குற்றச்சாட்டுகளில் செபி அமைப்பு சரியான நடவடிக்கைகளை எடுக்காத நிலையில், செபி தலைவர் மாதபி புச்சுக்கும், அதானி குழுமத்துக்கும் இடையே நெருங்கிய தொடர்பிருக்கலாம் என்று ஏற்கெனவே சொல்லியிருந்தோம். எங்கள் கணிப்பு சரியானதே.

வினோத் அதானி பெர்முடா, மொரிஷியஸிலுள்ள மர்மமான நிறுவனங்களில் முறைகேடாக முதலீடு செய்திருக்கிறார் என முன்னரே குற்றம்சாட்டியிருந்தோம். அதே மர்மமான நிறுவனங்களில், செபி தலைவர் மாதபி புச், அவரின் கணவர் தவால் புச் ஆகியோரும் கணக்கில் வராத முதலீடுகளை மேற்கொண்டிருக்கின்றனர்' எனக் குற்றம்சாட்டியிருக்கிறது. இது தொடர்பாக மின்னஞ்சல்கள் உள்பட சில ஆதாரங்களையும் தனது ஆய்வறிக்கையில் இணைத்திருக்கிறது ஹிண்டன்பர்க் நிறுவனம்.

இந்த நிலையில், `இது அடிப்படை ஆதாரமற்ற குற்றச்சாட்டு' என மறுத்திருக்கிறது அதானி குழுமம். மாதபி, தவால் தம்பதியினரும் இந்தக் குற்றச்சாட்டுகளை மறுத்து கூட்டறிக்கை ஒன்றை வெளியிட்டிருக்கின்றனர். அதில், ``எங்கள் வாழ்க்கையும் முதலீடுகளும் திறந்த புத்தகம் போன்றது. செபியின் முழு நேர உறுப்பினனாவதற்கு இரண்டு ஆண்டுகளுக்கு முன்பாகவே, அதாவது, 2015-ம் ஆண்டு ஜூன் மாதத்தில், நாங்கள் சில முதலீடுகளைச் செய்தோம். ஆனால், அந்த முதலீடுகளுக்கு அதானி குழுமத்துக்கும் எந்தத் தொடர்புமில்லை'' என்று கூறியிருக்கின்றனர்.

மேலும், தவாலின் பள்ளிக் கால நண்பர் அனில் அஹூஜா நிறுவனத்தில்தான் முதலீடு செய்ததாகவும் தங்களது மறுப்பு அறிக்கையில் புச் தம்பதி பதிவு செய்திருந்தனர். இதைப் பிடித்துக்கொண்ட ஹிண்டன்பர்க் நிறுவனம், தற்போது மேலும் சில விஷயங்களை எக்ஸ் தளத்தில் பகிர்ந்திருக்கிறது.ஹிண்டன்பர்க்

அதில், `தவாலின் நண்பர் அனில் அஹூஜாவின் நிறுவனத்தில் முதலீடு செய்ததாக மாதபி ஒப்புக்கொண்டிருப்பதே, நாங்கள் வைத்த குற்றச்சாட்டுகளை நிரூபணமாக்குகிறது. அனில் அஹூஜா அந்தச் சமயத்தில், அதானி குழுமத்தின் இயக்குநர்களில் ஒருவராக இருந்தார்' என்று குறிப்பிட்டிருக்கிறது ஹிண்டன்பர்க்.

பா.ஜ.க தலைவர் ரவி சங்கர் பிரசாத்தோ, ``ஹிண்டன்பர்க் நிறுவனத்துக்குக் காங்கிரஸுக்கும் தொடர்பிருக்கிறது. காங்கிரஸின் மோடி வெறுப்பு, தற்போது இந்திய வெறுப்பாக மாறியிருக்கிறது. இந்தியப் பங்குச் சந்தையைச் சீர்குலைத்து, இந்தியாவுக்கு வரும் முதலீடுகளை இவர்கள் தடுக்க நினைக்கின்றனர்'' என்று குறிப்பிட்டிருக்கிறார். செபி தலைவர் மாதபி பூரி புச்

`ஹிண்டன்பர்க்கின் முதல் அறிக்கை தொடர்பாக விசாரித்து வருகிறது செபி. அந்த விவகாரத்தில் ஹிண்டன்பர்க் நிறுவனத்துக்கு நோட்டீஸ் அனுப்பப்பட்டுள்ளது. அதற்குப் பதில் சொல்ல முடியாமல், இப்போது செபிமீது பொய்க் குற்றச்சாட்டுகளை அடுக்கிறது' என பா.ஜ.க-வினர் தெரிவிக்கின்றனர்.

அதே நேரத்தில் எதிர்க்கட்சிகளோ, ``இந்த விவகாரத்தில் சாமானியர்களின் கோடிக்கணக்கான பணம் சம்பந்தப்பட்டிருக்கிறது. அதனால், உடனடியாக விசாரணை நடத்தி உண்மையை வெளிக்கொண்டு வர வேண்டும். செபி தலைவர் மாதபி புச் உடனடியாக பதவி நீக்கம் செய்யப்படவேண்டும். இந்த விவகாரத்தில், நாடாளுமன்றக் கூட்டுக் குழு விசாரணை தேவை'' என்கின்றன. ஆனால், நாடாளுமன்றக் கூட்டுக் குழு விசாரணைக்கு உத்தரவிட பா.ஜ.க அரசு மறுத்துவிட்டது.

இதையடுத்து காங்கிரஸ் கட்சியின் பொதுச்செயலாளர் கே.சி.வேணுகோபால், ``நாடாளுமன்றக் கூட்டுக் குழு விசாரணைக்கு உத்தரவிட மத்திய அரசு ஏன் அஞ்சுகிறது... இந்த விவகாரத்தில் எதையும் மறைக்கப் பார்க்கிறதா?'' எனக் கேள்வியெழுப்பியிருக்கிறார். ``எதிர்க்கட்சிகளின் இந்தக் கோரிக்கைகள் பா.ஜ.க-வுக்குப் பிரச்னையோ இல்லையோ... நிச்சயம் செபி தலைவர் மாதபி புச்சுக்கு தலைவலிதான்.'' என்கிறார்கள் தேசிய அரசியல் பார்வையாளர்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/TBs4r2

Read More

`இந்தியாவில் ஷேக் ஹசீனா... இந்தியா - வங்கதேச உறவை பாதிக்குமா?' - என்ன சொல்கிறது வங்கதேசம்?

சர்ச்சைக்குரிய இடஒதுக்கீடு விவகாரம் தொடர்பாக, தன் பிரதமர் பதவியை ராஜினாமா செய்த வங்கதேசப் பிரதமர் ஷேக் ஹசீனா, ராணுவ ஹெலிகாப்டர் மூலம் இந்தியாவில் தஞ்சமடைந்தார். இதற்கிடையில், அவர் இங்கிலாந்தில் குடியேறவிருப்பதாக தகவல் வெளியானது. ஆனால், இது தொடர்பாக உறுதிப்படுத்தப்பட்ட செய்தி எதுவுமில்லை.

அதைத் தொடர்ந்து, ஷேக் ஹசீனாவின் மகன் சஜீப் வசேத், `ஷேக் ஹசீனாவின் உயிரை பாதுகாக்கும் விதமாக இந்தியாவின் விரைவான நடவடிக்கைகளுக்காக, இந்தியப் பிரதமர் மோடிக்கு நன்றி" எனத் தெரிவித்திருந்தார்.ஷேக் ஹசீனா, பிரதமர் மோடி

இந்த நிலையில், வங்கதேச தலைநகர் டாக்காவில், வங்கதேசத்தின் வெளிநாட்டு தூதர்களுடனான சந்திப்பு நடந்தது. அதைத் தொடர்ந்து, தற்போதைய வங்கதேச அரசின் வெளியுறவு ஆலோசகர் முஹம்மது தௌஹித் ஹுசைன் செய்தியாளர்களை சந்தித்துப் பேசினார். அப்போது, ``ஹசீனா இந்தியாவில் தஞ்சமடைந்ததாக ஆரம்பத்தில் புரிந்து கொள்ளப்பட்டது. இதனால் இரு நாடுகளின் உறவும் மிகப்பெரிய பிரச்னையாக மாறும் எனக் கூறப்பட்டது. ஆனால், உண்மையான நட்பு என்பது பரஸ்பர ஆர்வத்தை அடிப்படையாகக் கொண்டது.

நாங்கள் எப்பொழுதும் இந்தியாவுடன் எங்களின் நல்லுறவை பேண பாடுபடுவோம். யாரேனும் ஒருவர் ஒரு நாட்டில் தங்குவதால், அந்தக் குறிப்பிட்ட நாட்டுடனான உறவுகள் ஏன் பாதிக்கப்பட வேண்டும்...." எனக் கேள்வி எழுப்பியிருக்கிறார்.

இந்திய வெளியுறவு அமைச்சகத்தின் செய்தித் தொடர்பாளர் ரந்தீர் ஜெய்ஸ்வால், `` இந்தியாவில் தங்குவது குறித்த ஷேக் ஹசீனாவின் திட்டங்களுக்கும் மத்திய அரசுக்கும் எந்த தொடர்பும் இல்லை. அவருடைய திட்டங்களைப் பற்றிய எந்த அறிவிப்பு எங்களிடம் இல்லை. ஷேக் ஹசீனாதான் இது தொடர்பான விவரங்களை வெளியிட்டு, விஷயங்களை முன்னோக்கி எடுத்துச் செல்ல வேண்டும்" எனக் குறிப்பிட்டிருக்கிறார்.ரந்தீர் ஜெய்ஸ்வால்

வெளிநாட்டு ஆலோசகருடன் நடந்த கூட்டத்தில் கலந்து கொண்டவர்களில் சீன தூதர் யாவ் வென்னும் இருந்தார். கூட்டத்துக்குப் பிறகு செய்தியாளர்களிடம் பேசிய அவர், ``அரசியல் மாற்றம் என்பது வங்கதேசத்தின் உள்விவகாரம். எந்த நாட்டின் விவகாரங்களிலும் தலையிடுவது சீனாவின் கொள்கையல்ல. எனவே, இருநாடுகளின் மூலோபாய உறவின் நோக்கத்தை விரிவுபடுத்துவதில் கவனம் செலுத்துவோம்" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88GST Refund: 500 போலி நிறுவனங்கள்; ரூ.54 கோடி நூதன மோசடி - ஜிஎஸ்டி அதிகாரி கைது!


http://dlvr.it/TBrjGx

Read More

Musk - Trump Interview: ``பைடன் தேர்தலிலிருந்து விலக்கப்பட்டது ஒரு சதி..!" - டொனால்ட் ட்ரம்ப்

அமெரிக்காவில், நவம்பர் மாதம் அதிபர் தேர்தல் நடைபெறவிருக்கும் நிலையில், அதிபர் வேட்பாளாராக குடியரசுக் கட்சி சார்பில் டொனால்ட் ட்ரம்பும், ஜனநாயக கட்சி சார்பில் கமலா ஹாரிஸும் போட்டியிடுகின்றனர். ஜோ பைடன் வேட்பாளராக இருந்தபோது, ட்ரம்புக்கு ஆதரவு பெருகிய நிலையில், கமலா ஹாரிஸ் வேட்பாளாராக களம் இறங்கியபிறகு போட்டி சூடுபிடித்திருகிறது. இதற்கிடையில், ட்ரம்புக்கு ஆதரவை வெளிப்படுத்திய ஸ்பேஸ் எக்ஸ் தளத்தின் சிஇஓ எலான் மஸ்க், தன் எக்ஸ் பக்கத்தில் ட்ரம்பை நேர்காணல் செய்திருக்கிறார். இந்திய நேரப்படி இன்று காலை 5:30 மணியளவில் தொடங்கிய இந்த நேர்காணலை சுமார் 1.2 பில்லியன் மக்கள் கேட்டுவருகின்றனர்.எலான் மஸ்க்

இதில், அவரிடம் அமெரிக்க பொருளாதாரம், நிர்வாகம் தொடர்பாக பல்வேறு கேள்விகள் கேட்கப்பட்டுவருகிறது. இந்த விவாதத்தின்போது ட்ரம்ப், ``மிக முக்கியமான விவாத நிகழ்ச்சியில், ஜோ பைடனுடனான விவாதத்தில் நான் அவரை மோசமாக தோற்கடித்தேன். அதனால்தான், சதி செய்யப்பட்டு அவர் தேர்தலிலிருந்து வெளியேற்றப்பட்டார். என்னை நோக்கி வந்த தோட்டாவை எனக்கு நன்கு தெரியும்... அப்படியிருந்தும் நான் உயிர்பிழைத்திருக்கிறேன். கடவுளை நம்பாதவர்கள் இனி இது குறித்து சிந்திக்க வேண்டும்.

அமெரிக்க பொருளாதாரம் பணவீக்கத்தால் ஒரு பேரழிவில் இருக்கிறது. நான்கு ஆண்டுகளுக்கு முன்பு, மக்கள் நிறைய பணத்தை சேமித்தனர். இன்று அவர்கள் தங்கள் பணத்தை சேமிக்க முடியாமல் முழுவதுமாக பயன்படுத்தி, கடன் வாங்கி செலவழிக்கும் சூழலுக்கு தள்ளப்பட்டிருக்கின்றனர். தொடர்ந்து கமலா ஹாரிஸ் வெற்றிப்பெற்றால், நாட்டின் பொருளாதாரம் அதளபாதாளத்துக்கு சென்றுவிடும். நாம் இஸ்ரேலிடம் இருப்பதை போன்ற பாதுகாப்பு அம்சமான தாக்குதல்களை தடுக்கும் டோமை உருவாக்க வேண்டும்.டொனால்ட் ட்ரம்ப்

உலகிலேயே மிகச் சிறந்த அயர்ன் டோம்-ஐ நாம் வைத்திருக்கப் போகிறோம். நாட்டு மக்களின் பாதுகாப்பு முக்கியம். நான் அதிபராக இருந்தபோது, ​​ஈரான் உடைந்திருந்தது. அவர்களிடம் தீவிரவாதத்திற்கான பணம் இல்லை. அந்த நிலை தொடர்ந்திருந்தால் இஸ்ரேல் ஒருபோதும் தாக்கப்பட்டிருக்காது. தற்போது நம்மிடம் ஒரு குறைபாடுள்ள அரசு இருக்கிறது. ஒரு மாதத்தில் மில்லியன் கணக்கான அகதிகள் நாட்டுக்குள் வருகிறார்கள். இதை தடுக்க நடவடிக்கை எடுக்கப்போவதாக கமலா ஹாரிஸ் நடிக்க முயற்சிக்கிறார். ஆனால், அவர்கள்தான் தொடர்ந்து மூன்றரை ஆண்டுகள் ஆட்சியில் இருந்தனர். இன்னும் ஐந்து மாதங்கள் மீதமுள்ளன. ஆனால் அவர்கள் எதையும் செய்ய மாட்டார்கள்.” என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88Trump: `டொனால்ட் ட்ரம்பைக் கொல்ல இரான் சதி?' - உளவுத்துறைக்கு கிடைத்த தகவல்... அமெரிக்கா விளக்கம்!


http://dlvr.it/TBrRHv

Read More

'அசன் மௌலானா MLA-வை தகுதிநீக்கம் செய்ய வேண்டும்' - சபாநாயகரிடம் கொடுங்கையூர் மக்கள் புகாரின் பின்னணி

சென்னை, வேளச்சேரி தொகுதி காங்கிரஸ் எம்.எல்.ஏ அசன் மௌலானா. இவர் கொடுங்கையூரிலுள்ள கிருஷ்ண மூர்த்தி நகர்ப் பகுதியில் மாநகராட்சிக்குச் சொந்தமான பொது வழிப்பாதையை ஆக்கிரமித்து சுவர் எழுப்பியிருக்கிறார் என்பது அப்பகுதி மக்கள் வைக்கும் குற்றச்சாட்டு. இதுகுறித்து பகுதிவாசிகள் அளித்த புகாரின் அடிப்படையில் மாநகராட்சி அதிகாரிகள் ஆக்கிரமிப்பை அகற்றச் சென்றிருக்கிறார்கள். அப்போது தன்னுடைய ஆதரவாளர்களுடன் சம்பந்தப்பட்ட இடத்துக்கு வந்த அசன் மௌலானா, அனைவரையும் விரட்டியடித்திருக்கிறார்.அப்பாவு

இந்த விவகாரம் பெரும் சர்ச்சையைக் கிளப்பியது. இதுகுறித்து 11.8.2024 தேதியிட்ட ஜூனியர் விகடன் இதழில் "பொதுப்பாதையை ஆக்கிரமித்த எம்.எல்.ஏ, மீட்கச் சென்றவர்களைத் தாக்கினார்!"- கதறும் கொடுங்கையூர் மக்கள்! என்கிற தலைப்பில் விரிவான கட்டுரை எழுதியிருந்தோம். இந்த சூழலில் எம்.எல்.ஏ அசன் மௌலானாவை சட்டமன்ற உறுப்பினர் பொறுப்பிலிருந்த்து தகுதி நீக்கம் செய்ய வேண்டும் என கொடுங்கையூர் பகுதி பக்கம் சபாநாயர் அப்பாவுவிடம் புகார் அளித்திருக்கிறார்கள்.“பொதுப்பாதையை ஆக்கிரமித்த எம்.எல்.ஏ, மீட்கச் சென்றவர்களைத் தாக்கினார்!”- கதறும் கொடுங்கையூர் மக்கள்!

இதுகுறித்து தலைநகர் சென்னை மக்கள் இயக்கத்தின் ஒருங்கிணைப்பாளர் இளங்கோ, தமிழ்நாடு சட்டப்பேரவை தலைவர் அப்பாவுக்கு கொடுத்துள்ள கடிதத்தில், "பெரம்பூர் சட்டமன்ற தொகுதிக்குட்பட்ட கிருஷ்ணமூர்த்தி நகரில் ராமகிருஷ்ணன் தெரு, சன்னதி தெரு இருக்கிறது. இதற்கு இடையில் இருக்கும் கணபதி தெருவை தமிழ்நாடு சட்டமன்றப் பேரவை காங்கிரஸ் கட்சி கொறடாவும், வேளச்சேரி எம்.எல்.ஏ-வுமான அசன் மெளலானா உள்ளிட்ட அவரது குடும்பத்தினர் ஆக்கிரமித்துள்ளனர். 1971-ம் ஆண்டு இப்பகுதியில் மனைப்பிரிவு உருவாக்கப்பட்ட காலத்திலேயே வரைப்படத்தில் கணபதி தெரு உள்ளது.மக்கள் அளித்துள்ள புகார் கடிதம்

1994-ம் ஆண்டில் தான் அசன் மௌலானா குடும்பத்தினர் இத்தெருவுக்கு அருகிலுள்ள இடத்தை வாங்கியுள்ளனர். கணபதி தெருவின் இருபக்கங்களிலும் இவர்களின் மனைகள் உள்ளதால் கணபதி தெருவை ஆக்கிரமித்து சுற்றுச்சுவர் அமைத்துள்ளனர். இதனைக் கண்டித்து பகுதி மக்கள் மற்றும் குடியிருப்போர் நலச் சங்கத்தினர் சட்டப் போராட்டம் நடத்தி சென்னை உயர் நீதிமன்றத்தில் உரிய ஆவணங்களை காட்டி அசன் மௌலானா குடும்பத்தினரின் ஆக்கிரமிப்புக்கு எதிராக தீர்ப்பு பெற்றுள்ளனர். 2023-ம் ஆண்டே தீர்ப்பு பெற்றும், இதுவரை அதனை முழுமையாக நடைமுறைப்படுத்தவில்லை.

இந்நிலையில் பகுதி மக்களின் மற்று குடியிருப்போர் சங்கத்தின் தொடர் முயற்சியின் விளைவாகத 21.05.2024 அன்று மாநகராட்சி அதிகாரிகள் காவல்துறையினருடன் சென்று சுற்றுச்சுவரை இடித்துள்ளனர். அப்போது அசன் மௌலானா 50 க்கும் பேற்பட்ட அடியாட்களுடன் நிகழ்விடம் வந்து ஆக்கிரமிப்புக்கு எதிராக போராடிய பகுதி மக்களுக்கும், குடியிருப்போர் நலச்சங்கத் தலைவர் 88 வயது நிரம்பிய மூத்த சமூக செயல்பாட்டாளர் ராமச்சந்திர ராவ் மற்றும் உடனிருந்த நிர்வாகிகளுக்கும் கொலை மிரட்டல் விடுத்துள்ளார். இதனால், மாநகராட்சி அதிகாரிகள் அங்கிருந்து சென்றுவிட்டனர். அவர்களைத் தொடர்ந்து காவல்துறையினரும் போய்விட, அதன் பின்னர் ஆக்கிரமித்துள்ள இடத்தில் லாரிகளில் கட்டட கழிவுகளை கொண்டு வந்து கொட்டி மாநகராட்சியினர் தொடர்ச்சியாக பணிகளை செய்ய இயலாதவாறு தடைகளை ஏற்படுத்தியுள்ளார்.இளங்கோ

பெருநகர சென்னை மாநகராட்சிக்கு சொந்தமான இடம் என்பதை அரசிள் பல்வேறு துறைகளும் உறுதி செய்துள்ள நிலையில், சென்னை உயர் நீதிமன்றமும் ஆக்கிரமிப்புக்கு எதிராக தீர்ப்பு வழங்கியுள்ளது. ஆனால் அவற்றையெல்லாம் பொருட்படுத்தாமல் தொடர்ந்து கணபதி தெருவை ஆக்கிரமித்துள்ளதோடு, போராடும் பகுதி மக்களுக்கு அசன் மௌலானா கொலை மிரட்டல் விடுத்துள்ளார். பேரவையில் உறுப்பினராக பொறுப்பேற்ற போது தான் ஏற்றுக்கொண்ட உறுதிமொழிக்கு எதிராக செயல்பட்டு வருகிறார். இதனால் அவர் சட்டமன்ற உறுப்பினர் பொறுப்புக்கு தகுதியற்றவராகிறார். எனவே பேரவை தலைவர் அசன் மௌலானாவின் மக்கள் நலனுக்கு எதிரான செயல்பாடுகளை ஆய்வு செய்து அவரை சட்டமன்ற உறுப்பினர் பொறுப்பிலிருந்த்து தகுதி நீக்கம் செய்ய நடவடிக்கை எடுக்க வேண்டும்" என்ற தெரிவிக்கப்பட்டுள்ள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88“பொதுப்பாதையை ஆக்கிரமித்த எம்.எல்.ஏ, மீட்கச் சென்றவர்களைத் தாக்கினார்!”- கதறும் கொடுங்கையூர் மக்கள்!


http://dlvr.it/TBrF1P

Read More

வேலூர்: கட்டுமானப் பணியின்போதே கனமழையில் அடித்துச் செல்லப்பட்ட பாலம்; கோரிக்கை முன்வைக்கும் மக்கள்!

வேலூர் மாவட்டம், ஒடுகத்தூர் பகுதியிலிருந்து தொடங்குகிறது உத்திர காவிரி ஆறு. இந்த ஆற்றின் மூலம் 500 ஏக்கருக்கு மேல் விவசாய நிலங்கள் நீர் பாசன வசதி பெறுகின்றன. இந்த ஆறு ஒடுகத்தூர் பகுதியிலிருந்து தொடங்கி, பாலாற்றில் கலக்கிறது. அணைக்கட்டு அடுத்த குருவராஜபாளையம் கிராமத்திலிருந்து பாலப்பாடி கிராமத்திற்குச் செல்ல உத்திர காவிரி ஆற்றின் குறுக்கே ரூ.4.13 கோடி மதிப்பீட்டில் பாலம் கட்டப்பட்டு வருகிறது.

இத்தகைய சூழலில், வேலூர் மாவட்டத்தில் கடந்த சில தினங்களாகப் பெய்த கனமழையின் காரணமாக, உத்திர காவிரி ஆற்றில் திடீர் வெள்ளப்பெருக்கு ஏற்பட்டது. இதனால் கட்டப்பட்டு வந்த இந்தப் பாலம், ஆற்றில் அடித்துச் செல்லப்பட்டு, சேதமடைந்தது. இதனால் குருவராஜபாளையம் அடுத்த பாலப்பாடி, ஆர்ஜாதி உள்ளிட்ட கிராம மக்கள் பாதிப்புக்கு உள்ளாகினர்.

அந்தப் பகுதிகளைச் சேர்ந்த மாணவர்கள் பள்ளிக்குச் செல்ல 6 கிலோமீட்டர் தொலைவில் இருக்கும் அகரம் பாலத்தின் வழியாக குருவராஜபாளையம் ஊராட்சிப் பள்ளிக்குச் செல்லும் நிலை ஏற்பட்டிருக்கிறது. பாலப்பாடி, ஆர்ஜாதி உள்ளிட்ட கிராமங்களில் 150-க்கும் மேற்பட்ட வீடுகள் உள்ளன. இந்த கிராமங்களைச் சேர்ந்த பொதுமக்களின் போக்குவரத்து வசதிக்காக தற்போது தற்காலிகப் பாதை அமைக்கப்பட்டு வருகிறது. 2023-ம் ஆண்டு செப்டம்பர் மாதம் முதல் இந்தப் பாலம் கட்டப்பட்டு வருகிறது. இருப்பினும், இரண்டு முறை கனமழை காரணமாக அந்தப் பாலம் ஆற்றில் அடித்துச் செல்லப்பட்டது. பொதுமக்கள் தங்கள் பகுதிகளுக்குச் சென்று வரத் தற்காலிகப் பாதை அமைக்கப்பட்டு இருந்தது. அதுவும் தற்போது திடீர் வெள்ளத்தால் அடித்துச் செல்லப்பட்டது. இதனால் அந்தப் பகுதிகளைச் சேர்ந்த மக்கள், இதற்கு நிரந்தர தீர்வான பாலத்தை விரைந்து கட்டி முடிக்க வேண்டும் எனக் கோரிக்கை வைத்துள்ளனர். கட்டப்பட்டு வரும் தற்காலிகப் பாதை

இது குறித்து அணைக்கட்டு வட்டார வளர்ச்சி அலுவலரிடம் தொலைபேசியில் தொடர்பு கொண்டு கேட்டபோது, “குருவராஜபாளையம், பாலப்பாடி பாலம் கட்ட தொடங்கியதிலிருந்து கனமழை காரணமாக பணிகளை விரைந்து முடிக்க முடியவில்லை. அந்த ஆற்றிற்கு ஒரு கிலோமீட்டருக்கு முன்பு இரண்டு ஆறுகள் கூடுவதால், அதிக வெள்ளப்பெருக்கு ஏற்படுகிறது. இதனால் பாலம் கட்டும் பணி இரண்டு முறை தாமதமானது. இது குறித்து மாவட்ட ஆட்சியர் மூன்று மாதங்களுக்கு முன்பு ஆய்வு மேற்கொண்டார். இந்த பாலத்தைக் கூடிய விரைவில் கட்டி முடிக்க நடவடிக்கை எடுக்கிறோம்” என்று கூறினார்.

பருவமழைக் காலம் தொடங்குவதற்கு முன்பே இந்தப் பாலம் கட்டும் பணிகளை விரைந்து முடித்தால், பயனுள்ளதாக இருக்கும் என்பது பொதுமக்களின் கருத்தாக உள்ளது. Peacock curry: YouTube வியூஸுக்காக `மயில் கறி கிரேவி’ - வழக்கு பதிவு செய்த தெலங்கானா வனத்துறை!


http://dlvr.it/TBqVjn

Read More