அத்திக்கடவு - அவிநாசி திட்டம்: காமராஜர் தொடங்கி ஸ்டாலின் வரை... கோரிக்கை நிறைவேறிய பாதை!

தமிழகத்தின் மேற்கு மண்டலமான கோவை, திருப்பூர், ஈரோடு மாவட்ட விவசாயிகள் மத்தியில் கடந்த அரை நூற்றாண்டுக்காலமாக இருந்துவந்த கோரிக்கையான `அத்திக்கடவு - அவிநாசி’ திட்டம் தற்போது நிறைவேறியிருக்கிறது. காமராஜர் ஆட்சியின்போது தொடங்கிய இந்தத் திட்டத்தின் விதை, தற்போது முதல்வர் ஸ்டாலினின் கையால் தொடங்கப்பட்டிருகிறது. மேற்குத் தொடர்ச்சி மலையில் தோன்றும் பவானி ஆறு கோவை மாவட்டம், மேட்டுப்பாளையத்திலுள்ள பில்லூர் அணைக்குப் பக்கத்திலிருக்கும் அத்திக்கடவுக்குள் நுழைகிறது. இந்த ஆறு ஈரோடு மாவட்டத்திலுள்ள பவானிசாகர் அணையை அடைந்து, பின்னர் 75 கிலோமீட்டர் பயணித்து பவானியருகில் காவிரியில் கலக்கிறது.அத்திக்கடவு - அவிநாசி திட்டம்

காவிரியில் கலக்கும் பவானி ஆற்றின் உபரிநீரை, ஒருங்கிணைந்த கோவை மாவட்ட விவசாயத்துக்குப் பயன்படுத்த வேண்டுமென 1957-ல் அன்றைய முதல்வரான காமராஜரிடம் விவசாயிகள் கோரிக்கைவைத்தனர். பவானி ஆற்றின் உபரிநீரை, திறந்த கால்வாய்கள் மூலம் திசைதிருப்பி, அன்றைய கோவை மாவட்டத்திலுள்ள வறண்ட நீர்நிலைகளில் நிரப்ப வேண்டும் என்பது கோரிக்கையின் மையக் கருத்தாக இருந்தது. இந்தக் கோரிக்கை முதல்வர் காமராஜரால் ஏற்கப்பட்டு, `மேல் பவானி திட்டம்’ என்று முதன்முதலில் பெயரிடப்பட்டது.அத்திக்கடவு-அவிநாசி திட்டம்

இதன் தொடர்ச்சியாக விவசாயிகளுக்கு இடையே எதிர்ப்பு, ஆதரவு, ஆட்சி மாற்றம் போன்றவற்றால் இந்தத் திட்டம் நிறைவேற்றப்படுவது தள்ளிப்போய்கொண்டே வந்தது. 1957-ல் இந்தத் திட்டம் தொடங்கப்பட்டாலும், பெரிதாக முன்னெடுப்புகள் ஏதும் இல்லாமலே இருந்தது. 1972-ல் திட்டத்தைச் செயல்படுத்த அப்போதைய முதல்வராக இருந்த கருணாநிதியால் கொள்கை முடிவெடுக்கப்பட்டதுடன், இந்தத் திட்டத்துக்கு `அத்திக்கடவு - அவிநாசி நிலத்தடி நீர் மறுசேர்ப்பு மற்றும் குடிநீர் வழங்கல் திட்டம்’ என்று பெயர் மாற்றம் செய்யப்பட்டது.போராட்டம் அறிவித்த அண்ணாமலை; விளக்கமளித்த முத்துசாமி.. அத்திக்கடவு - அவிநாசி திட்டத்தின் நிலை என்ன?

1996-ல் தி.மு.க ஆட்சியில் திட்டம் தொடர்பான விரிவான ஆய்வு மேற்கொள்ளப்பட்டது. 2009-ல் திட்டத்தின் செயல்பாடு குறித்து ஆய்வுசெய்ய நீரியல் வல்லுநர் மோகனகிருஷ்ணன் தலைமையில் ஒரு தொழில்நுட்ப நிபுணர்குழு அமைக்கப்பட்டது. வெள்ளப்பெருக்கின்போது 2 டி.எம்.சி அடி நீரை திசைதிருப்ப முடியும் என்று அந்த அறிக்கை தெரிவித்தது. இதன் தொடர்ச்சியாக பொறுப்பேற்ற, ஜெயலலிதா 2014-ல் அத்திக்கடவு - அவிநாசி திட்டத்துக்கு மத்திய அரசு நிதி ஒதுக்கினாலும், ஒதுக்காவிட்டாலும் இந்தத் திட்டம் நிறைவேறும் என்று அறிவித்தார்.

ஜெயலலிதா மறைவுக்குப் பிறகு முதல்வராகப் பொறுப்பேற்ற எடப்பாடி பழனிசாமி, ஏற்கெனவே இருந்த பழைய திட்டத்தை முற்றிலுமாக மாற்றி, பவானி ஆற்றின் கீழுள்ள காளிங்கராயன் அணைக்கட்டிலிருந்து ஆண்டுதோறும் 1.5 டி.எம்.சி தண்ணீரை எடுத்து அத்திக்கடவு - அவிநாசி திட்டம் நிறைவேற்றப்படும் என அறிவித்தார். அத்துடன், ரூ.1,490 கோடி ரூபாய் நிதியும் ஒதுக்கப்பட்டது. விரிவான ஆய்வுப் பணிக்குப் பிறகு 2019-ல் அத்திக்கடவு-அவிநாசி திட்டப் பணிக்கு எடப்பாடி பழனிசாமி அடிக்கல் நாட்டினார்.

34 மாதங்களில் திட்டத்தை நிறைவுசெய்யத் திட்டமிடப்பட்டது. அ.தி.மு.க ஆட்சியில் இந்தத் திட்டத்தின் 80 சதவிகிதப் பணிகள் முடிக்கப்பட்டிருந்தன. அத்திக்கடவு - அவிநாசி திட்டத்தின் மூலம் மூன்று மாவட்டங்களிலுள்ள 32 பொதுப்பணித்துறை குளங்கள், 42 உழவர் குளங்கள், 971 குளங்கள் ஆகியவற்றை நிரப்ப முடியும். தி.மு.க ஆட்சிப் பொறுப்பேற்ற பிறகு, இந்தத் திட்டத்துக்குக் கூடுதல் நிதி ஒதுக்கப்பட்டதுடன், நிலம் கையகப்படுத்துவதில் இருந்த பிரச்னைகளும் பேசி முடிக்கப்பட்டன. 2022-ல் முதல்வர் ஸ்டாலின், திட்டப் பணிகளை நேரில் பார்வையிட்டார். 2023 ஜனவரியில் அத்திக்கடவு - அவிநாசி திட்டத்துக்கான சோதனை ஓட்டம் நடைபெற்றது. தற்போது 1,916 கோடி ரூபாயில் மதிப்பில் இந்தத் திட்டம் நிறைவு செய்யப்பட்டு பயன்பாட்டுக்கு வந்திருக்கிறது.நீரேற்று நிலையம்

திட்டத்தின் செயல்பாடு:

கோவை, திருப்பூர், ஈரோடு ஆகிய மூன்று மாவட்டங்களிலுள்ள 1,045 குளம், குட்டைகளில் நீர் செறிவூட்டுவதற்காக பவானி ஆற்றில் காளிங்கராயன் அணையின் கீழ்புறத்திலிருந்து ஆண்டுக்கு 1.5 டி.எம்.சி நீரை விநாடிக்கு 250 கன அடி வீதம் 70 நாள்களுக்கு நீரேற்று முறை மூலம் தண்ணீர் எடுக்கப்பட்டு, 1,065 கி.மீட்டர் நீளத்துக்கு நிலத்தடியில் குழாய்கள் மூலம் குளங்களுக்குத் தண்ணீர் கொண்டு செல்லப்படுகிறது. ஒவ்வொரு நீரேற்று நிலையத்திலும், 8 மின் மோட்டார்கள் பொருத்தப்பட்டிருக்கின்றன; இவற்றில், ஆறு மோட்டார்கள் இயக்கப்பட்டு, நீரேற்றம் செய்யப்படும்.

எலெக்ட்ரிக்கல் ஆட்டோ மெஷின் மற்றும் குளம், குட்டைகளில் பொருத்தப்பட்டுள்ள ஓ.எம்.எஸ் ஆகியவை இஸ்ரேல் தொழில்நுட்பத்தில் தயாரிக்கப்பட்டவை. உலகின் சிறந்த 'அப்டேட்' தொழில்நுட்ப உபரணங்கள் பொருத்தப்பட்டிருக்கின்றன என்கிறார்கள் அதிகாரிகள். குழாய் பதிக்கப்பட்டிருக்கும் 1,065 கி.மீட்டர் தூரத்தில் ஐந்து இடங்களில் ரயில்வே தண்டவாளத்தைக் கடந்தும், ஐந்து இடங்களில் நெடுஞ்சாலையைக் கடந்தும் குழாய்கள் அமைக்கப்பட்டிருக்கின்றன.

இந்தத் திட்டம் குறித்து அமைச்சர் முத்துசாமி செய்தியாளர்களிடம் பேசுகையில், "கடந்த ஆட்சியில் காளிங்கராயன் அணைக்கட்டு பகுதியிலிருந்து உபரிநீரை பம்ப் செய்ய நிலம் கையகப்படுத்தவில்லை. இதனால், குழாய்களும் பதிக்கப்பட முடியாமல் இருந்தது. திமுக ஆட்சிக்கு வந்ததும் விவசாயிகளுடன் பேச்சுவார்த்தை நடத்தி, மூன்று நீரேற்று நிலையங்களுக்கான இடம் வாங்கப்பட்டது. அதன் பிறகு பணிகள் துரிதப்படுத்தப்பட்டு, கடந்த ஜனவரி 2023-ல் முடிவடைந்தது. ஆனால், பவானி ஆற்றில் உபரிநீர் வரவில்லை. தற்போது பவானி ஆற்றில் உபரிநீர் வருகிறது. தற்போது, தொடங்கப்பட்டிருக்கும் அத்திக்கடவு-அவிநாசி திட்டத்தில் காளிங்கராயன் அணைக்கட்டு பகுதியில் கால்வாயிலிருந்து 1.5 டி.எம்.சி நீர், 6 நீரேற்று நிலையங்கள் மூலம் ஈரோடு, திருப்பூர், கோவை பகுதிகளிலுள்ள 1,045 குளங்களுக்கும் அனுப்பப்படுகிறது. தொடக்க விழா

கீழ்பவானி பாசனக் கால்வாயில் கடந்த 15-ம் தேதி தண்ணீர் திறந்துவிடப்பட்டது. அதிலிருந்து வரும் கசிவுநீர் 10 அல்லது 15 நாள்களுக்குள் காளிங்கராயன் அணைக்கட்டுப் பகுதிக்கு வந்துவிடும். இது தவிர பவானி ஆற்றில் பெய்த மழையால் தற்போது அணைக்கட்டு பகுதிக்கு உபரிநீர் வந்துகொண்டிருக்கிறது. அதனடிப்படையில் தற்போது இங்கிருந்து நீர் 1,045 குளங்களுக்கும் அனுப்பப்படுகிறது. மொத்தமுள்ள 1,045 குளங்களில் 1,020 குளங்களுக்கு நீர் சென்றுவிடும். ஒருசில இடங்களில் பைப்லைனில் பழுது இருப்பதால் அங்கு தண்ணீர் செல்லவில்லை. அதுவும் விரைவில் சரிசெய்யப்பட்டும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/TC2HD2

Read More

`உயிர்காத்த உடல் சிதைக்கப்பட்டதுக்கு நீதி வேண்டும்’ - கொல்கத்தா மருத்துவர் கொலை;சென்னையில் போராட்டம்

மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்மருத்துவர்கள் போராட்டம்


http://dlvr.it/TC21vH

Read More

எச்சரிக்கை விடுத்த முதல்வர்... கலக்கத்தில் மாவட்டச் செயலாளர்கள்..! - திகு திகு திமுக கூட்டம்

`திமுக மாவட்டச் செயலாளர்கள் கூட்டம்’

திமுக தலைவரும் தமிழக முதல்வருமான மு.க.ஸ்டாலின் முதலீடுகளை ஈர்ப்பதற்காக வரும் 27-ம் தேதி அமெரிக்கா செல்லவிருக்கிறார். அவர் வெளிநாடு செல்வதற்கு முன்பாக அமைச்சரவை கூட்டமும் நடந்து முடிந்திருக்கிறது. அந்த கூட்டத்திலேயே, `அமைச்சர்கள் அனைவரும் சரியாக அவரவர் பணிகளைச் செய்யவேண்டும். யார் என்ன செய்கிறார்கள் என்பதை நான் கவனித்துக்கொண்டேதான் இருக்கிறேன்’ என்று எச்சரிக்கும் தொனியில் பேசியிருந்தார்.திமுக மா.செ கூட்டம் / புத்தக வெளியீடு

இந்த சூழலில் திமுக மாவட்டச் செயலாளர்கள் கூட்டம் நேற்று(16-08-2024) அறிவாலயத்தில் நடந்து முடிந்திருக்கிறது. இந்த கூட்டத்தில், முதல்வர் ஸ்டாலின் எழுதிய `தென் திசையின் தீர்ப்பு’ புத்தகம் வெளியிடப்பட்டது. புத்தக வெளியிட்டு விழா முடிந்தும் மூன்று தீர்மானங்கள் நிறைவேற்றப்பட்டன. அதில், தொடர்ந்து தேர்தலில் வெற்றிக்கு நன்றி தொடங்கி, முப்பெரும் விழா கூட்டம், முத்தமிழறிஞருக்கு நாணயம் வெளியிடத்துக்கு மத்திய அரசுக்கு நன்றி, நிதி பகிர்வில் தமிழகத்துக்கு வஞ்சனை காட்டிய மத்திய அரசுக்குக் கண்டனம் ஆகிய தீர்மானங்கள் நிறைவேற்றப்பட்டன.

எச்சரிக்கை விடுத்த முதல்வர்!

இதனைத் தொடர்ந்து, முதல்வர் ஸ்டாலின் பேசும்போது தேர்தலில் தொடர்ந்து பணியாற்றும் நிர்வாகிகளுக்கும், வாக்காளர்களுக்கு நன்றி தெரிவித்தார். மேலும், ``அடுத்ததாக, 200 தொகுதிகளில் வெற்றி பெறுவதுதான் நமது இலக்கு அதனை நோக்கிச் செயல்படவேண்டும். மக்களுக்கு நாம் செய்திருக்கும் நலத் திட்டங்களை வாக்குகளாக மற்ற அனைவரும் பணியாற்றவேண்டும். கழகத்தில் உள்ள சார்பு அணிகளைப் பயன்படுத்திக்கொள்ளுங்கள். பூத் கமிட்டியை வலுப்படுத்த வேண்டும்.திமுக மா.செ கூட்டம்

அனைத்து அமைப்புகளும் செப்டம்பர் 15-ம் தேதிக்குள் பொது உறுப்பினர்கள் கூட்டம் நடத்தி அறிக்கையைக் கழகத்துக்கு அனுப்பிவைக்க வேண்டும். நான் அமெரிக்காவுக்குச் சென்றாலும் கழகத்தையும், அரசையும் கவனித்துக்கொண்டேதான் இருப்பேன். நடைபெறவுள்ள கலைஞர் 100 நாணயம் வெளியிட்டு விழாவில் கலந்துகொள்ள வேண்டும். அடுத்த தலைமுறைக்கு நமது கழகத்தைக் கொண்டு செல்லும் வகையும் அனைவரும் பணியாற்ற வேண்டும்" என்று பேசினார்.

கலக்கத்தில் மா.செ!

இடையில் முதல்வர் பேசும்போது, "இங்குள்ள சில மாவட்டச் செயலாளர்கள் மீது புகார்கள் வந்திருக்கிறது. அதேபோல, நிர்வாகிகள் குறித்தும் தலைமை கழகத்துக்குப் புகார்கள் வந்திருக்கின்றன. அந்த புகார்கள் குறித்து விசாரிக்கப்படும். உழைப்புக்கு ஏற்ற உயர்வு அனைவர்க்கும் இருக்கும். நிர்வாகிகளை அரவணைத்துச் செல்பவர்களே மாவட்டச் செயலாளர்களாக இருப்பார்கள். தவறு செய்தவர்கள் யாராக இருந்தாலும் அவர்கள் மீது நடவடிக்கை எடுக்கப்படும். தவறு செய்யும் கவுன்சிலர்கள் மீது பதவி பறிப்பு உள்ளிட்ட நடவடிக்கைகளை மாவட்டச் செயலாளர்கள் உடனடியாக நடவடிக்கை எடுக்கவேண்டும்" என்று பேசியிருந்தார். மேலும் முதல்வர் புகார் அதிகம் வந்த மாவட்டச் செயலாளர்களைக் கேள்வி எழுப்பி ஒழுங்காகச் செயல்படவேண்டும் என்று எச்சரிக்கையும் விடுத்திருந்தார்.திமுக மா.செ கூட்டத்தில் ஸ்டாலின்

அதனைத் தொடர்ந்து அமைப்பு ஒருங்கிணைப்புக் குழு செயல்பாடுகள் குறித்துப் பேசினார். பொதுச்செயலாளர் துரைமுருகன் பேசும்போது, "நீங்கள் மகிழ்ச்சியாக அமெரிக்காவுக்குச் சென்று திரும்புங்கள். கட்சியை நாங்கள் பார்த்துக்கொள்கிறோம்" என்று பேசியிருந்தார்.

கூட்டத்தில் அமைச்சரவை மாற்றம் குறித்தும், மாவட்டச் செயலாளர்கள் எண்ணிக்கை அதிகரிப்பு குறித்தும் எதுவும் பேசப்படவில்லை. அதேசமயத்தில், திமுகவில் மாவட்டச் செயலாளர்கள் மாற்றம் நடைபெறும் என்று பேசப்பட்டிருக்கும் நிலையில் முதல்வர் ஸ்டாலின் செயல்படாத மாவட்டச் செயலாளர்கள் மீது நடவடிக்கை எடுக்கப்படும் என்று பேசியிருப்பது பல மா.செ-களுக்கு கலகத்தை ஏற்படுத்தியிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88உதயநிதிக்குத் துணை முதல்வர்: `பழுக்கவில்லை..!’ ஸ்டாலினின் சூசக பதிலுக்குப் பின்னால்?!


http://dlvr.it/TC1Zgz

Read More

``ஒரே நாடு, ஒரே தேர்தல் திட்டம் வாய்ப்பில்லை..!" - சொல்கிறார் செல்வபெருந்தகை

விருதுநகரில் உள்ள தனியார் மண்டபத்தில் காங்கிரஸ் கட்சி செயல்வீரர்கள் கூட்டம் நடைபெற்றது. இந்த கூட்டத்திற்கு மாணிக்கம் தாகூர் எம்.பி., தலைமை வகித்தார். சிறப்பு விருந்தினராக தமிழக காங்கிரஸ் கமிட்டியின் தலைவர் செல்வபெருந்தகை கலந்துக்கொண்டு பேசினார். கூட்டத்தில் அவர் பேசுகையில், "இந்திய மக்கள் மத்தியில் காங்கிரஸ் கட்சி பற்றி பெரிய தாக்கம் ஏற்பட்டுள்ளது. தமிழகத்திலும் அந்த தாக்கம் படர்கிறது. 1967-க்கு முன்பு இந்தியாவிற்கும், தமிழகத்திற்கும், எப்படி காங்கிரஸ் கட்சி வழிகாட்டியதோ, அதேபோல் இனி வரும் காலங்களிலும் வழிகாட்ட வேண்டும். தமிழகத்தில் திருப்புமுனை ஏற்படுத்த வேண்டும். விருதுநகரில் இருந்து புறப்பட்ட தீ தான் இந்தியா முழுவதும் பரவியது.செல்வபெருந்தகை

காங்கிரஸ், மக்கள் இயக்கமாக மாற விருதுநகரில் காமராஜர் செய்த பணி அளப்பரியது. அவர் தலைவராக இருந்தபோது கட்சி கட்டமைப்பில் அவர் செலுத்திய கவனம், செயல்பாடுதான் இன்று காங்கிரஸ் கட்சியை ஆலமரம் போன்று கம்பீரமாக நிற்க செய்கிறது. கட்சியை வலுப்படுத்துவதற்கு விருதுநகர் வழிகாட்டட்டும். இங்குள்ள எம்.பி., அந்த பொறுப்பை எடுத்து கொள்ளவேண்டும். கட்சியை எப்படி வலுவாக்க வேண்டும் என்பதை செயல்படுத்தி காட்டி எல்லா மாவட்டங்களுக்கும் முன்னோடியாக இருக்க வேண்டும் என உரிமையோடு கேட்கிறேன். நான் தலைவராக அறிவிக்கப்பட்டபோது, நீங்கள் கடினமாக உழைக்க வேண்டும் என ராகுல் கூறினார்.

எல்லோரும் இந்நாட்டு மன்னர்கள். இந்த கட்சியில் உள்ள எல்லோரும் தலைவர்கள் தான். நான் வகிப்பது வெறும் பொறுப்புதான். லோக்சபாவில் எதிர்க்கட்சி தலைவர் ராகுல் எவ்வித சமரசமும் இன்றி பேசுகிறார். இந்த நுாற்றாண்டில் மிகச்சிறந்த அரசியல் தலைவர். திருநெல்வேலிக்கும், கோவைக்கும் வரும்போது என்னிடம் பேசினார். தமிழக மக்கள் மீது நம்பிக்கையோடு இருப்பதாக என்னிடம் கூறினார். வரும் காலத்தில் தமிழகத்தில் காங்கிரஸ் கட்சிக்கு நல்ல வளர்ச்சி உள்ளது. மக்கள் இக்கட்சியை நம்புவார்கள். கட்சியில், இளைஞர்களை அதிகம் சேர்க்க வேண்டும்" என்றார்.காங்கிரஸ்

முன்னதாக விருதுநகரில் உள்ள காமராஜர் இல்லத்திற்கு வருகை வந்த அவர், காமராஜரின் சிலைக்கு மாலை அணிவித்து மரியாதை செலுத்தினார். தொடர்ந்து அவர், செய்தியாளர்களிடம் பேசுகையில், "மண்ணில் மனிதர்கள் உள்ள வரை மறக்க முடியாத மாமனிதர் காமராஜர். அவருடைய வழியில் கட்சியை வலுப்படுத்தவும், கட்டமைப்பை மேம்படுத்தவும் உறுதி ஏற்கிறேன். ஒரே நாடு, ஒரே தேர்தல் என்ற திட்டம் வாய்ப்பில்லாத ஒன்று" எனக் கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88"பாஜக செய்த அனைத்து ஊழல் குறித்தும் காங்கிரஸ் விசாரிக்கும்"- தகவல் தொடர்பு ஒருங்கிணைப்பாளர் பவ்யா


http://dlvr.it/TC1PSQ

Read More

மகாராஷ்டிரா: `எதிர்க்கட்சி கூட்டணி அறிவிக்கும் முதல்வர் வேட்பாளருக்கு ஆதரவு!' - உத்தவ் தாக்கரே

மகாராஷ்டிராவில் நடக்க இருக்கும் சட்டமன்ற தேர்தலில் எதிர்க்கட்சிகளின் மகாவிகாஷ் அகாடியில் முதல்வர் வேட்பாளராக யாரை நிறுத்து என்பது தொடர்பாக குழப்பம் நிலவி வருகிறது. உத்தவ் தாக்கரே தன்னை முதல்வர் வேட்பாளராக அறிவிக்க வேண்டும் என்று நிர்ப்பந்தம் செய்து வருகிறார். இதற்காக சமீபத்தில் உத்தவ் தாக்கரே டெல்லி சென்று காங்கிரஸ் தலைவர்கள் ராகுல் காந்தி, சோனியா காந்தியை சந்தித்துவிட்டு வந்தார். அப்படி இருந்தும் உத்தவ் தாக்கரேயை முதல்வர் வேட்பாளராக அறிவிக்க காங்கிரஸ் தயக்கம் காட்டி வருகிறது. இந்நிலையில் மகாவிகாஷ் அகாடி தலைவர்கள் உத்தவ் தாக்கரே, சரத் பவார் மற்றும் காங்கிரஸ் முன்னாள் முதல்வர் பிருத்விராஜ் சவான் ஆகியோர் கூட்டணி குறித்து முக்கிய ஆலோசனை நடத்தினர். இந்த ஆலோசனை கூட்டத்திற்குப் பிறகு மூவரும் சேர்ந்து கூட்டாக பேட்டியளித்தனர். உத்தவ் - ராகுல்

இதில் பேசிய உத்தவ் தாக்கரே, ``மகாவிகாஷ் அகாடி முதல்வர் வேட்பாளராக யாரை அறிவித்தாலும் அவருக்கு நாங்கள் ஆதரவு கொடுப்போம். முதல்வர் வேட்பாளரை முடிவு செய்யுங்கள். நாம் மகாராஷ்டிரா நலனுக்காகப் பாடுபடுகிறோம். நான் எனக்காகப் போராடவில்லை. தற்போது கோடிகளை வாங்கிக்கொண்டு ஆட்சி நடத்துபவர்களுக்கு தக்க பதிலடி கொடுக்கவேண்டும். மகாராஷ்டிராவின் மதிப்பையும், மரியாதையையும் காக்க மகாவிகாஷ் அகாடி தொண்டர்கள் சுயமரியாதையை வளர்த்துக்கொள்ள வேண்டும். கூட்டணி தலைவர்களுடன் உத்தவ்

மகாராஷ்டிரா சட்டமன்றத் தேர்தல், மகாராஷ்டிராவின் சுயமரியாதையை பாதுகாக்கும் தேர்தலாகும். பா.ஜ.க-வுடனான அனுபவத்திற்குப் பிறகு அதிக எம்.எல்.ஏ-க்கள் இருக்கும் கட்சிக்கு முதல்வர் பதவி என்ற கொள்கையில் எனக்கு நம்பிக்கை இல்லை. இதற்கு முன்பு நடந்த பல தேர்தல்களில் பா.ஜ.க குறைவாக இடங்களில் வெற்றி பெறும் கட்சி வேட்பாளரை மேலே வரவிடாமல் தடுத்ததைப் பார்த்திருக்கிறேன். எனவே அதிக எம்.எல்.ஏ-க்கள் உள்ள கட்சிக்கு முதல்வர் பதவி என்ற கொள்கையில் எனக்கு உடன்பாடு இல்லை'' என்றார். மும்பை மாநகராட்சி தேர்தல் நடத்தப்படாமல் இருப்பது குறித்து பேசிய உத்தவ் தாக்கரே, ``மாநகராட்சி தேர்தலை நடத்த மறுக்கிறார்கள். சட்டமன்றத் தேர்தல் தேதி குறித்து முடிவு செய்யாமல் இருக்கிறார்கள்'' என்றும் விமர்சித்தார்.

மக்களவைத் தேர்தலில் மகாராஷ்டிராவில் காங்கிரஸ் அதிக இடங்களில் வெற்றி பெற்றது. எனவே சட்டமன்றத் தேர்தலிலும் அக்கட்சிக்கு அதிக இடங்கள் கிடைக்கக்கூடும் என்ற அச்சம் உத்தவ் தாக்கரேயை பிடித்துள்ளது. எனவேதான் அதிக எம்.எல்.ஏ. இருக்கும் கட்சிக்கு முதல்வர் என்ற கொள்கையில் தனக்கு உடன்பாடு இல்லை என்று தெரிவித்துள்ளார். உத்தவ் தாக்கரே தொடர்ந்து நெருக்கடி கொடுத்து வருவதால், அவரை மகாவிகாஷ் அகாடியின் பிரசார கமிட்டி தலைவராக நியமிக்க சரத் பவார் பரிசீலித்து வருகிறார்.திடீரென எதிரில் தொங்கிய மின் கம்பி; பயணிகளை காப்பாற்றிய அரசு பேருந்து ஓட்டுநருக்கு நேர்ந்த சோகம்!


http://dlvr.it/TC0Kwg

Read More

சுதந்திர தின விழா: பின்வரிசைக்குத் தள்ளப்பட்ட எதிர்க்கட்சித் தலைவர் ராகுல்; சாடும் காங்கிரஸ்!

இந்தியாவின் 78-வது சுதந்திர தின விழா டெல்லி செங்கோட்டையில் நேற்று வெகு விமரிசையாக நடைபெற்றது. தொடர்ச்சியாக 11-வது ஆண்டாக நேற்று செங்கோட்டையில் மூவர்ணக் கொடி ஏற்றி உரையாற்றிய பிரதமர் மோடி, ``பொது சிவில் சட்டம் காலத்தின் தேவை. அப்போதுதான் மதத்தின் அடிப்படையில் பாகுபாடு இல்லாமல் இருக்க முடியும்.பிரதமர் மோடி

பெண்களுக்கு எதிராக நடக்கும் கொடுமைகளைப் பற்றி நாம் தீவிரமாக சிந்திக்க வேண்டும். இதற்கு எதிராக நாட்டு மக்களிடம் கடும் சீற்றம் இருக்கிறது. இந்தக் கொடூரமான செயல்களைச் செய்பவர்களுக்கு கடுமையான தண்டனை வழங்கப்பட வேண்டும்" என பல்வேறு விஷயங்களைப் பற்றி பேசினார். மேலும், 2036-ம் ஆண்டு ஒலிம்பிக் போட்டிகளை நடத்துவது இந்தியாவின் கனவென்பதாகவும், அதற்கான ஏற்பாடுகள் நடப்பதாகவும் மோடி தெரிவித்தார்.

இவ்வாறிருக்க, செங்கோட்டையில் நடைபெற்ற சுதந்திர தின விழா நிகழ்ச்சியில் மக்களவை ஏதிர்க்கட்சித் தலைவர் ராகுல் காந்தியை பின்வரிசையில் அமரவைத்த நிகழ்வு காங்கிரஸ் தரப்பிலிருந்து விவாதத்தைக் கிளப்பியிருக்கிறது. குறிப்பாக, முன்வரிசையில் இந்திய தலைமை நீதிபதி சந்திரசூட், மத்திய அமைச்சர்கள் நிர்மலா சீதாராமன், சிவராஜ் சிங் சவுகான், அமித் ஷா, ஜெய்சங்கர் ஆகியோர் அமர்ந்திருக்க, அவர்களுக்குப் பின்னால் அடுத்த மூன்று வரிசை ஒலிம்பிக்கில் பதக்கம் வென்றவர்களுக்கு ஒதுக்கப்பட்டு, ஐந்தாவது வரிசையில் ராகுல் காந்தி அமரவைக்கப்பட்டிருந்தார்.ராகுல் காந்தி

இதற்கு மத்திய பாதுகாப்புத்துறை அமைச்சக வட்டாரம், ``இந்த ஆண்டு, ஒலிம்பிக்கில் பதக்கம் வென்றவர்களைக் கவுரவிக்க முடிவு செய்யப்பட்டது. அதன்படி, ஒலிம்பிக்கில் பதக்கம் வென்றவர்களுக்குப் பின்னால் சில மத்திய அமைச்சர்களும் அமர்ந்திருந்தனர்" என்று விளக்கமளித்தது.

இருப்பினும், காங்கிரஸ் பொதுச் செயலாளர் கே.சி.வேணுகோபால், ``ஜூன் 4-ம் தேதிக்கு பிறகான புதிய எதார்த்தத்தை மோடி புரிந்துகொள்ள வேண்டும். ஆனால், மக்களவை எதிர்க்கட்சித் தலைவர் ராகுல் காந்தியை கடைசி வரிசைக்கு தள்ளிய உங்களின் திமிர், நீங்கள் இன்னும் எந்தப் பாடமும் கற்கவில்லை என்பதைக் காட்டுகிறது. ஒலிம்பிக்கில் பதக்கம் வென்றவர்கள் மரியாதைக்கு தகுதியானவர்கள் என்றாலும், அமித் ஷா, நிர்மலா சீதாராமன் போன்ற கேபினட் அமைச்சர்கள் எப்படி முன்வரிசை இருக்கைகளைப் பெறுகிறார்கள் என்பது எனக்கு ஆச்சரியமாக இருக்கிறது. நெறிமுறையின்படி, இரு அவைகளின் எதிர்க்கட்சித் தலைவர்களும் முன் வரிசையில் இருக்க வேண்டும். ஆனால், ராகுல் காந்தி மற்றும் மல்லிகார்ஜுன கார்கே இருக்கைகள் 5-வது வரிசையில் இருந்தது. இது எதிர்க்கட்சித் தலைவர் பதவி மற்றும் ராகுல் காந்திக்கு ஏற்படுத்தப்பட்ட அவமதிப்பு மட்டுமல்ல, இந்திய மக்களுக்குமான அவமானம்" என்று ட்வீட் செய்திருந்தார்.

Disappointed to see the MoD seat Opposition Leader Rahul Gandhi ji in the fourth row during #Independence Day celebrations. Opposition leaders like Advani ji and Swaraj ji were shown due respect in the past until 2014.

Why is Modiji stooping so low, ⁦@rajnathsingh⁩ ji? pic.twitter.com/uKpz8wm2C5— Manickam Tagore .Bமாணிக்கம் தாகூர்.ப (@manickamtagore) August 15, 2024

மேலும், காங்கிரஸ் செய்தித் தொடர்பாளர் சுப்ரியா ஷிரினேட், ``ஒலிம்பிக்கில் பதக்கம் வென்றவர்களைக் கவுரவிக்க இவ்வாறு செய்யப்பட்டது என்ற முட்டாள்தனமான அறிக்கை பாதுகாப்பு அமைச்சகத்திடமிருந்து வந்திருக்கிறது. வினேஷ் போகத் உட்பட அவர்கள் அனைவரும் கவுரவிக்கப்பட வேண்டும்தான். ஆனால், அமித் ஷா, ஜே.பி.நட்டா, ஜெய்சங்கர், நிர்மலா சீதாராமன் ஆகியோர் அவர்களுக்கு மரியாதை விரும்பவில்லையா?" என்று கேள்வியெழுப்பினார்.

அதேபோல், காங்கிரஸ் எம்.பி மாணிக்கம் தாகூர், ``கடந்த 2014-ம் ஆண்டு வரை எதிர்க்கட்சி தலைவர்களான அத்வானி, சுஷ்மா ஸ்வராஜ் ஆகியோருக்கு உரிய மரியாதை அளிக்கப்பட்டது. ஆனால், மோடி ஏன் இவ்வளவு கீழ்த்தரமாக இருக்கிறார் ராஜ்நாத் சிங்?" என்று ட்வீட் மூலம் விமர்சித்தார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88சுதந்திர தினத்தில் 24 இடங்களில் வெடிகுண்டு... தொழில்நுட்ப கோளாறால் தப்பிய அஸ்ஸாம்?! - நடந்தது என்ன?


http://dlvr.it/TBzdqB

Read More

கோவை சூலூர் விமானப்படைக்கு எதிராக கிராம சபையில் தீர்மானம்! - காரணம் என்ன?

கோவை மாவட்டம் சூலூர் பகுதியில் பாதுகாப்புத்துறையின் சூலூர் விமானப்படை தளம் இயங்கி வருகிறது. சமீபத்தில், சூலூர் விமானப்படை தளத்தைச் சுற்றி 4 கி.மீ தொலைவுக்கு கட்டுமானங்கள் கட்ட வேண்டும் என்றால் விமானப்படை தளத்தில் தடையில்லா சான்று பெற வேண்டும் என்று சூலூர் விமானப்படை தள நிர்வாகம் கூறியிருந்தது.சூலூர் விமானப்படை

இதற்கு அந்தப் பகுதி மக்கள் கடும் எதிர்ப்பு தெரிவித்தனர். சுதந்திர தினத்தை முன்னிட்டு நேற்று நாடு முழுவதும் கிராமசபை கூட்டங்கள் நடந்தன.

அதேபோல சூலூர் காடம்பாடி ஊராட்சியிலும் கிராமசபை கூட்டம் நடந்தது. அப்போது, கட்டுமானங்கள் கட்ட தடையில்லா சான்றிதழ் பெற வேண்டும் என்ற விமானப்படை தளத்தில் உத்தரவை திரும்பப் பெற வேண்டும் என்று கிராமசபை கூட்டத்தில் தீர்மானம் நிறைவேற்றப்பட்டது.காடம்பாடி கிராம சபை கூட்டம்

இதுகுறித்து காடம்பாடி கிராமத்தைச் சேர்ந்த தங்கராஜ் கூறுகையில், “எங்கள் கிராமத்தில் சுமார் 22,000 மக்கள் வசிக்கின்றனர்.  ஏற்கெனவே விமானப்படை தளம் எல்லையை ஒட்டியுள்ள 100 மீ தொலைவுக்கு கட்டுமானங்கள் கட்ட தடை உள்ளது.

அப்படியிருக்கும்போது விமானப்படை தளம் 4 கி.மீ சுற்றுவட்டாரத்தில் கட்டுமானம் அமைக்க தடையில்லா சான்று வாங்க வேண்டும் என்று கூறியுள்ளனர். இதில் நடைமுறை சிக்கல்கள் உள்ளன. இதற்கு பல நடைமுறைகளை பின்பற்ற வேண்டும் என்பதால் மக்கள் கடும் சிரமத்துக்கு உள்ளாவார்கள். சூலூர் விமானப்படை

அதனால் விமானப்படையின் இந்த உத்தரவை திரும்பப் பெற வேண்டும். இல்லையென்றால் நான்கு கிராம மக்களை ஒன்றிணைத்து போராட்டத்தில் ஈடுபடுவோம்.” என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/TBzN9G

Read More