Jharkhand: காவலர் உடற்தகுதித் தேர்வில் 11 பேர் மரணம் - மருத்துவர்கள் சொல்வதென்ன?

ஜார்கண்ட் மாநிலத்தில் நடந்த காவலர் உடற்தகுதித் தேர்வில் பங்கேற்ற 11 போட்டியாளர்கள் மரணித்துள்ள சம்பவம் சோகத்தை ஏற்படுத்தியிருக்கிறது. உடற்தகுதித் தேர்வில் 10 கிலோ மீட்டர் தூரம் உச்சி வெயிலில் ஓடிய 100க்கும் மேற்பட்ட இளைஞர்கள் மயங்கி விழுந்துள்ளனர். பணியிலிருந்து காவலர்கள் அவர்களை மருத்துவமனையில் சேர்த்துள்ளனர்.

ஜார்கண்ட் முழுவதும் ஆகஸ்ட் 30ம் தேதி, 7 மையங்களில் காவலர் உடற்தகுதித் தேர்வு நடந்துள்ளது. இதில் 1,27,772 இளைஞர்கள் கலந்துகொண்டுள்ளனர். அதில், 21,582 பெண்கள் உட்பட 78,023 பேர் தேர்ச்சி பெற்றுள்ளனர். ஆகஸ்ட் 22ல் தொடங்கிய ஆட்சேர்ப்பு செயல்முறை பல கட்டங்களாகச் செப்டம்பர் 3ம் தேதி வரை நடைபெற இருக்கிறது.

உடற்தகுதித் தேர்வில் இறந்தவர்கள், ஊக்க மருந்து பயன்படுத்தியிருக்கலாம் அல்லது தேர்வுக்கு முன்பாக எனர்ஜி ட்ரிங்குகளை குடித்திருக்கலாம் என மருத்துவர்கள் சந்தேகிக்கின்றனர். நீண்ட நேரம் வரிசையில் நின்றதும், சுட்டெரிக்கும் வெயிலும் கூட மரணத்துக்கு வழிவகைச் செய்திருக்கலாம் எனவும் தெரிவிக்கின்றனர்.ஹேமந்த் சோரன்

"துரதிர்ஷ்டவசமாக இறந்த 11 பேர் குறித்தும் இயற்கைக்கு மாறான மரணம் (unnatural death) என வழக்குப் பதியப்பட்டுள்ளது. அவர்கள் மரணத்துக்கான காரணம் உறுதி செய்யப்படவில்லை. உண்மையான காரணத்தைக் கண்டறிய முயற்சிகள் மேற்கொள்ளப்பட்டு வருகிறது." என்று காவல்துறை சார்பில் தெரிவிக்கப்பட்டுள்ளது.

இதற்கிடையில் அம்மாநில முதலமைச்சர் ஹேமந்த் சோரன், அனைத்து மையங்களிலும் மருத்துவக் குழுக்கள், மருந்துகள், ஆம்புலன்ஸ்கள், குடிநீர் வசதி இருப்பதை உறுதி செய்ய அறிவுறுத்தியிருக்கிறார். பிற்பகலில் நடைபெறும் ஓட்டம் முதலான உடற்தகுதித் தேர்வுகளை மாலை 4:30 மணிக்கு மாற்றவும் உத்தரவு பிறப்பிக்கப்பட்டுள்ளது.

ஹேமந்த் சோரன் அரசு இளைஞர்களுக்கு வேலை வாய்ப்பு வழங்குகிறதா அல்லது மரணத்தையா வழங்குகிறதா என எதிர்க்கட்சியான பா.ஜ.க கேள்வி எழுப்பியிருக்கிறது.பாபுலால் மராண்டி

"ஹேமந்த் சோரன் அரசின் நிர்வாகம் மற்றும் பிடிவாதத்தால் உடற்தகுதித் தேர்வு ஓட்டம், 'மரணத்துக்கான பந்தயமாக' மாறியுள்ளது." என்று பா.ஜ.க-வின் ஜார்கண்ட் மாநிலத் தலைவர் பாபுலால் மராண்டி எக்ஸ் தளத்தில் விமர்சித்துள்ளார்.

மேலும், உடற்தகுதித் தேர்வுக்கு வந்த இளைஞர்கள் நள்ளிரவு முதல் வரிசையில் நிற்கவைக்கப்பட்டுள்ளனர் என்றும் ஆட்சேர்ப்பு மையங்களில் போதுமான சுகாதார வசதிகள் செய்யப்படவில்லை என்பதையும் சுட்டிக்காட்டியுள்ளார். இறந்தவர்களின் குடும்பத்தினருக்கு இழப்பீடும் அரசு வேலை வழங்க வேண்டும் என்றும் முறையான நீதி விசாரணை நடத்தப்பட வேண்டும் என்றும் அவர் வலியுறுத்தியிருக்கிறார்.


http://dlvr.it/TChSGQ

Read More

சிவாஜி சிலை உடைந்த விவகாரம்: `பிரதமர் மோடி மன்னிப்பு கேட்டதில், ஆணவம் தெரிகிறது!' - உத்தவ் தாக்கு

மகாராஷ்டிரா மாநிலம், சிந்துதுர்க் மாவட்டத்தில் உள்ள மால்வான் என்ற இடத்தில் கடந்த சில நாள்களுக்கு முன்பு 35 அடி உயர சத்ரபதி சிவாஜியின் சிலை உடைந்து விழுந்தது. இந்த சிலையை பிரதமர் நரேந்திர மோடிதான் கடந்த டிசம்பர் மாதம் திறந்து வைத்தார். இச்சிலை உடைந்து விழுந்ததற்கு எதிர்க்கட்சிகள் கடும் கண்டனம் தெரிவித்துள்ளன. மும்பையில் நிகழ்ச்சி ஒன்றில் கலந்து கொள்வதற்காக வந்திருந்த பிரதமர் நரேந்திர மோடி, சத்ரபதி சிவாஜி சிலை உடைந்து விழுந்ததற்காக மன்னிப்பு கேட்டுக்கொள்வதாக குறிப்பிட்டார். அதே சமயம் இச்சம்பவத்திற்கு எதிர்ப்பு தெரிவித்து, எதிர்க்கட்சிகள் அழைப்பு விடுத்திருந்தன. இப்போராட்டம் மும்பை கேட்வே ஆஃப் இந்தியாவில் நடந்தது. இதில் தேசியவாத காங்கிரஸ் நிறுவனர் சரத் பவார், முன்னாள் முதல்வர் உத்தவ் தாக்கரே, மாநில காங்கிரஸ் தலைவர் நானா பட்டோலே உட்பட மூன்று கட்சிகளின் நிர்வாகிகள் மற்றும் தொண்டர்கள் கலந்து கொண்டனர்.

இதில் உத்தவ் தாக்கரே பேசும் போதும், புதிய பாராளுமன்ற கட்டடம், அயோத்தி ராமர் கோயிலில் மழை காரணமாக தண்ணீர் கசிவு ஏற்பட்டதை சத்ரபதி சிவாஜி சிலை உடைந்து விழுந்ததுடன் ஒப்பிட்டு தரம் குறைவாக கட்டியிருப்பதாக குற்றம் சாட்டினார். உத்தவ் தாக்கரே மேலும் பேசுகையில், ``சிலை உடைந்ததற்கு பிரதமர் நரேந்திர மோடி மன்னிப்பு கேட்கையில் அவரது ஆவணத்தை கவனித்தீர்களா? 8 மாதத்திற்கு முன்பு திறந்து வைத்த சிலை உடைந்து விழுந்ததற்கு என்ன மன்னிப்பு வேண்டியிருக்கிறது. சிலை கட்டுவதில் நடந்த ஊழலுக்காக மன்னிப்பு கேட்டாரா? சத்ரபதி சிவாஜியை அவமதித்தவர்களை மகாவிகாஷ் அகாடி (எதிர்க்கட்சி கூட்டணி) ஒன்றிணைந்து தோற்கடிக்கவேண்டும். சத்ரபதி சிவாஜி மன்னர் மட்டும் கிடையாது... அவர் இன்றைக்கு எங்களுக்கு கடவுள்.

நாங்கள் சிலை உடைந்ததை அரசியலாக்குவதாக பா.ஜ.க கூறுகிறது. சிலை உடைந்த தவறை மன்னிக்க முடியாது. நாட்டின் நுழைவு வாயிலாக கருதப்படும் கேட்வே ஆஃப் இந்தியாவில் நின்று கொண்டு சொல்கிறோம். இந்த சட்டவிரோத அரசு வெளியேற வேண்டும். நாங்கள் மாநிலத்தின் பெருமைக்காக போராடுகிறோம். மகாயுதி அரசு வெளியேறவேண்டும் என்று சொல்வதற்காக இங்கு வந்திருக்கிறோம். சத்ரபதி சிவாஜி சிலை உடைந்து விழுந்தது ஊழலுக்கு எடுத்துக்காட்டாகும். சத்ரபதி சிவாஜியின் ஆதரவாளர்களை இது அவமதிக்கும் செயலாகும்'' என்றார்.

இதில் பேசிய நானா பட்டோலே, ``சிவாஜிக்கு துரோகம் செய்யக்கூடிய இந்த அரசை கொண்டு வந்ததற்காக சத்ரபதி சிவாஜியிடம் மன்னிப்பு கேட்டுக்கொள்கிறோம். இது போன்று இனி நடக்காது என்று நாங்கள் உறுதியளிக்கிறோம்" என்றார். முன்னதாக எதிர்க்கட்சி தலைவர்கள் ஹுதாத்மா சோக்கில் இருந்து கேட்வே ஆஃப் இந்தியாவிற்கு பேரணியாக வந்தனர். எதிர்க்கட்சிகளின் போராட்டம் குறித்து கருத்து தெரிவித்த துணை முதல்வர் தேவேந்திர பட்னாவிஸ், ''எதிர்க்கட்சிகள் இந்த பிரச்னையை அரசியலாக்குகின்றன. கடந்த 50 ஆண்டுகளாக காங்கிரஸ் மற்றும் தேசியவாத காங்கிரஸ் கட்சிகள் சத்ரபதி சிவாஜியை அவமதித்தனர். மறைந்த முன்னாள் பிரதமர் இந்திரா காந்தி செங்கோட்டையில் இருந்து ஒரு முறை கூட சத்ரபதி சிவாஜியின் பெயரை உச்சரிக்கவில்லை. இதற்காக காங்கிரஸ் மன்னிப்பு கேட்குமா? பிரதமர் மோடி மன்னிப்பு கேட்டார். ஆனால் எதிர்க்கட்சிகள் இதனை அரசியலாக்குகின்றன'' என்றார்.

இது குறித்து கருத்து தெரிவித்த முதல்வர் ஏக்நாத் ஷிண்டே, ''சத்ரபதி சிவாஜி சிலை உடைந்து விழுந்தது, அரசியல் பிரச்னை கிடையாது. நடந்தது துரதிஷ்டவசமானது. ஆனால் இதனை எதிர்க்கட்சிகள் அரசியலாக்குகின்றன. கர்நாடகாவில் இரண்டு ஜே.சி.பி மெஷின் கொண்டு வரப்பட்டு சத்ரபதி சிவாஜி சிலை உடைக்கப்பட்டு அடியோடு அகற்றப்பட்டது. ஆனால் எதிர்க்கட்சிகள் இங்கு போராடிக்கொண்டிருக்கின்றன. மகாராஷ்டிரா மக்கள் பார்த்துக்கொண்டுதான் இருக்கின்றனர். தேர்தலில் மக்கள் அவர்களை காலணியால் அடிப்பார்கள்" என்று தெரிவித்தார்.வேலூர்: இன்ஸ்பெக்டர், 2 எஸ்.ஐ-க்கள் ஆயுதப்படைக்கு மாற்றம் - எஸ்.பி நடவடிக்கையும், பின்னணியும்!


http://dlvr.it/TCfVCF

Read More

Haryana: மாட்டிறைச்சி சாப்பிட்டதாக இஸ்லாமியர் கொலை; `யாரால் தடுக்க முடியும்?'- முதல்வர் கருத்து!

உலக அளவில் மாட்டிறைச்சி அதிகம் ஏற்றுமதி செய்யும் நாடுகளின் பட்டியலில் முதல் ஐந்து இடங்களுக்குள் இருக்கும் இந்தியாவில், மாட்டிறைச்சி சாப்பிட்டதாக, வைத்திருந்ததாகக் குறிப்பிட்ட கும்பலால் அடித்துக்கொல்லப்படுவது வாடிக்கையாக இருக்கிறது. இப்படியான சூழலில், பா.ஜ.க தலைமையிலான கூட்டணி ஆட்சி நடைபெற்றுவரும் மகாராஷ்டிராவில், ரயிலில் தனது மகள் வீட்டுக்குச் சென்றுகொண்டிருந்த ஹாஜி அஷ்ரஃப் முனீர் என்ற முதியவர், மாட்டிறைச்சி வைத்திருந்ததாகக் கும்பலால் அடித்துக் கொல்லப்பட்டார்.மாட்டிறைச்சி

அதேபோலவே, பா.ஜ.க ஆட்சி நடைபெற்றுவரும் ஹரியானாவில், மாட்டிறைச்சி சாப்பிட்டதாக மேற்கு வங்கத்தைச் சேர்ந்த சபீர் மாலிக் எனும் புலம்பெயர் தொழிலாளி அடித்துக் கொல்லப்பட்டார். சர்க்கி தாத்ரி மாவட்டத்தில் பிளாஸ்டிக் பொருள்கள் போன்றவற்றைச் சேகரித்து விற்றுப் பிழைப்பு நடத்திவரும் இவரை, பசுக் காவலர்கள் என்று கூறப்படும் குழுவைச் சேர்ந்த சிலர், பிளாஸ்டிக் பாட்டில்களை வாங்க வருமாறு அழைத்துச் சென்று அடித்தே கொன்றிருக்கின்றனர்.

பின்னர், இந்த சம்பவம் தொடர்பாக, இரண்டு சிறுவர்கள் உட்பட மொத்தம் ஏழு பேரை போலீஸார் கைதுசெய்து வழக்கு பதிவுசெய்தனர். இந்த நிலையில், இதுபோன்ற செயல்களில் ஈடுபடுபவர்களை எப்படித் தடுக்க முடியும் என ஹரியானா முதல்வர் நயாப் சிங் சைனி கைவிரித்திருக்கிறார்.ஹரியானா முதல்வர் நயாப் சிங் சைனி

இந்தச் சம்பவம் குறித்து பேசுகையில் இதனைத் தெரிவித்த முதல்வர் நயாப் சிங் சைனி, ``பசு பாதுகாப்புக்காக சட்டசபையில் கடுமையான சட்டம் இயற்றப்பட்டுள்ளது. அப்படியிருக்கும்போது இதனைக் கும்பல் படுகொலை என்று கூறுவது சரியல்ல. மேலும், இதில் எந்த சமரசமும் கிடையாது. பசுக்கள் மீது கிராம மக்கள் மிகுந்த மரியாதை வைத்திருக்கின்றனர். அப்படியிருக்கும்போது, இத்தகைய விஷயங்களைப் பற்றி அவர்களுக்குத் தெரிவித்தால், அதை யார் தடுக்க முடியும்? இருப்பினும், இதுபோன்ற சம்பவங்கள் நடக்கக் கூடாது என்றும், இந்த சம்பவங்கள் துரதிஷ்டவசமானது என்றும் நான் கூற விரும்புகிறேன்" என்று கூறியிருக்கிறார்.``நானும் இந்துதான், விரும்பினால் மாட்டிறைச்சி சாப்பிடுவேன்; கேள்வி கேட்க நீ யார்?” - சித்தராமையா


http://dlvr.it/TCf6Th

Read More

`அதிமுக ஆட்சிக்கு வரும்போது அனைத்து பெண்களுக்கும் மாதம் ரூ.2,500 வழங்கப்படும்' - ராஜன் செல்லப்பா

மதுரை புறநகர் கிழக்கு மாவட்டம், திருப்பரங்குன்றம் பகுதியில் அ.தி.மு.க சார்பில் நடந்த உறுப்பினர் அட்டை வழங்கும் நிகழ்ச்சியில் கலந்துகொண்டு பேசிய மாவட்டச் செயலாளரும், திருப்பரங்குன்றம் எம்.எல்.ஏ-வுமான ராஜன் செல்லப்பா, "அ.தி.மு.க ஆட்சியில் செயல்பட்ட தாலிக்குத் தங்கம், மடிக்கணினி வழங்குவது, அம்மா கிளினிக் உள்ளிட்ட பல்வேறு நலத்திட்டங்கள் தி.மு.க ஆட்சி வந்த பின்பு நிறுத்தப்பட்டது.
உரிமைத் தொகை

அதே நேரம் மின்கட்டண உயர்வு, சொத்து வரி உயர்வு, அத்தியாவசிய பொருள்களின் விலையேற்றம் என மக்களை பாதிக்கும் வகையில் தி.மு.க அரசு செயல்பட்டு வருகிறது.ராஜன் செல்லப்பா

தி.மு.க ஆட்சிக்கு வந்த பின்பு 500-க்கும் மேற்பட்ட கொலைகள் நடந்துள்ளன. மாணவர்களும், இளைஞர்களும் போதைப்பொருள் பழக்கத்துக்கு அடிமையாகும் நிலை உருவாகியுள்ளது. எடப்பாடி பழனிசாமி முதல்வராக இருந்தபோது அரசுப் பள்ளி மாணவர்களுக்கு மருத்துவக் கல்லூரியில் சேர இட ஒதுக்கீடு கொண்டு வந்ததால் கிராமப்புற, ஏழை எளிய மாணவர்கள் இன்று மருத்துவர்களாகி உள்ளனர்.

தி.மு.க அரசு வாக்குறுதி அளித்ததுபோல் அனைத்துப் பெண்களுக்கும் உரிமைத் தொகை வழங்கவில்லை. எடப்பாடி பழனிசாமி தலைமையில் அ.தி.மு.க மீண்டும் ஆட்சிக்கு வரும்போது அனைத்து பெண்களுக்கும் மாதம்தோறும் 2,500 ரூபாய் வழங்கப்படும். தி.மு.க மக்களின் நம்பிக்கையை இழந்துவிட்டது. அ.தி.மு.க-வுக்கு வாக்களிக்க மக்கள் தயாராகிவிட்டார்கள்" என்றார்.`பதவி கிடைக்காத ஆதங்கத்தில் அப்படிப் பேசுகிறார்' - விஜயதரணி குற்றச்சாட்டு குறித்து ராஜேஷ்குமார்!


http://dlvr.it/TCf5LY

Read More

``ரஜினி அன்று சொன்னதை மீண்டும் மீண்டும் ஏன் கிளப்பி விடுகிறீர்கள்?" - தங்க தமிழ்ச்செல்வன் கேள்வி

மதுரை மாவட்டம் உசிலம்பட்டி வட்டாரத்தில் தேர்தலில் வெற்றி பெற வைத்த மக்களுக்கு நன்றி தெரிவிக்கும் நிகழ்ச்சியை தொட்டப்பநாயக்கணூரில் தொடங்கிய தங்கதமிழ்ச் செல்வன் செய்தியாளர்களிடம் பேசும்போது, "தமிழ்நாடு விளையாட்டுத்துறையில் சிறந்த மாநிலமாக விளங்கி வருகிறது. அதை பெருமைப்படுத்தும் விதமாக உலக அளவில் வீரர்களை வரவழைத்து மிகப்பெரிய கார் பந்தயம் இன்றும் நாளையும் நடைபெறுகிறது. நிச்சயமாக இந்த கார் பந்தயத்தை சிறப்பு மிக்க பந்தயம் என்றே சொல்ல வேண்டும்.கார் பந்தயம்

நீதிமன்றம் கூட பொதுமக்களுக்கு இடையூறு இல்லாமல் நடத்த சொல்லியுள்ளது. உதயநிதி ஸ்டாலினும் பொதுமக்களுக்கு இடையூறு இல்லாமல்தான் இந்த இரண்டு நாள் நிகழ்ச்சிகளை நடத்துகிறார்.

தமிழ்நாட்டின் பெருமையை உலக அளவிற்கு தெரியப் படுத்தும் இந்த கார் பந்தய நிகழ்ச்சியை நடத்தும் உதயநிதி ஸ்டாலினை பாராட்ட வேண்டுமே தவிர காழ்ப்புணர்ச்சி படக்கூடாது.

ரஜினிகாந்த் பேசிய சீனியர்- ஜூனியர் விவகாரம் குறித்து முதல்வரும், ரஜினிகாந்தும், துரைமுருகனும் பதில் சொல்லி விட்டார்கள். அதிமுகவினர் ஏன் மீண்டும் மீண்டும் இதை கிளப்பி விடுகிறீர்கள் என புரியவில்லை. எங்களுக்குள் சமரசம் ஆகிவிட்டது. தங்க தமிழ்ச்செல்வன்

சீனியர்கள் நிறைய இருக்கிற கட்சி திமுக, மிகப்பெரிய பாரம்பரியம் இருக்கு என்ற பொதுவான கருத்தை தான் ரஜினி சொன்னார். சீனியர்களை விலகச் சொல்லவில்லை. சீனியர்கள் அதிகமாக உள்ள கட்சியை கொண்டு செல்ல பெரிய திறமை வேண்டும், அதற்கு முதல்வருக்கு நன்றி சொன்னார் இது சந்தோசமான செய்தி தானே..." என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/TCdS9h

Read More

Mollywood விவகாரம்: `குறைந்தபட்சம் கேரளா இதற்காக குரல் எழுப்பியிருக்கிறது’ - சசி தரூர் சொல்வதென்ன?!

கேரள அரசு வெளியிட்ட ஹேமா கமிட்டி அறிக்கை மலையாள சினிமாவில் #MeeToo அலையை எழுப்பியுள்ளது. தேசிய மகளிர் ஆணையம் ஹேமா கமிட்டி அறிக்கையை முழுமையாக வெளியிட வேண்டும் எனக் கேட்டுள்ளதால் பெரும் பூகம்பம் வெடிக்கக் காத்திருக்கும் நிலை உருவாகியிருக்கிறது.

இந்த நேரத்தில் தனியார் தொலைக்காட்சிக்குப் பேட்டியளித்த திருவனந்தபுரம் நாடாளுமன்ற உறுப்பினர் சசி தரூர், "இந்தியச் சமூகத்தின் மனப்பான்மையில் மாற்றம் கொண்டுவரப்பட வேண்டும்" எனப் பேசியுள்ளார்.

மலையாள திரையுலகில் எழுந்துள்ள #MeeToo பிரச்னையால் மூத்த உறுப்பினர்கள் அம்பலப்படுவதையும், காவல்துறையில் வழக்குள் பதியப்படுவதையும் வரவேற்ற சசி தரூர், பாலியல் சமத்துவ பிரச்னை தீர வேண்டுமென்றால் சமூகத்தில் பெரிய அளவிலான மாற்றம் தேவை எனப் பேசியுள்ளார்.

"நம் சமூகத்தின் திரைமறைவிலிருந்த பல விஷயங்கள் வெளியில் வருகின்றன... பெண்களுக்கு எதிரான குற்றங்களை எடுத்துக்கொள்வோம். இது பல ஆண்டுகாலமாக நடந்து வருகிறது. நாம் இப்போது பேசத் தொடங்கியுள்ளோம். 2012-ல் நிர்பயா வழக்கு முதல் 2024ல் கொல்கத்தா மருத்துவர் வன்புணர்வு மற்றும் கொலை வழக்கு வரை... ஒரு டஜன் ஆண்டுகள் கடந்துவிட்டன. ஆனால், எதுவும் மாறவில்லை." என்றார் சசி தரூர்.பெண்களுக்கு எதிரான பாலியல் குற்றங்கள்

மேலும் பேசிய காங்கிரஸ் எம்.பி, "நான் ஒவ்வொரு நாள் செய்தித்தாளைப் புரட்டும்போதும் ஒரு சம்பவம் நடந்திருக்கிறது. அது ஒரு குழந்தையாக இருக்கலாம், கல்லூரி பெண் அல்லது நடுத்தர வயது பெண்மணியாக இருக்கலாம். இந்தப் பிரச்னைகளை நம்மால் தீர்க்க முடியாவிட்டால் இந்திய ஆண்களிடம் ஏதோ பிரச்னை இருக்கிறது என்பதுதான் அர்த்தம்." என்றார்.

அத்துடன், "சிறுவயதில் பள்ளி மாணவர்களுக்குப் பாலின உணர்திறன் (Gender Sensitivity) கல்வியை வழங்கவேண்டும். அப்படி எதாவது நடவடிக்கை எடுக்க முடியும் என நம்புகிறேன். நாம் தொடர்ந்து சோகமான நிகழ்வுகளைப் பார்த்துக்கொண்டிருக்க முடியாது. இதுபோன்ற சம்பவங்கள் நிகழும்போது நாம் அதிர்ச்சியடைகிறோம், கோபம்கொள்கிறோம் பின்னர் அடுத்த நிகழ்வுக்குக் கடந்து செல்கிறோம். இது வேலைக்கு ஆகாது. நமது அமைப்பில் முறையான மாற்றம் தேவை". என்றார்.

மீண்டும் கேரளாவின் நிலை குறித்துப் பேசத் தொடங்கிய சசி தரூர், "இந்தியாவில் முதல் மாநிலமாக எங்கள் மாநிலம் இந்த பிரச்னையை கையாள்வதில் பெருமைகொள்கிறேன். எல்லா திரைத்துறையிலும் என்ன நடக்கிறது என வெளிச்சத்துக்கு வந்துள்ளது. குறைந்தபட்சம் கேரளாவாவது இதற்காக குரல் எழுப்பியிருக்கிறது." என்றார்.நீதிபதி ஹேமா ஆய்வறிக்கையை கேரள அரசியிடம் சமர்பித்தார்

கேரளாவின் சிபிஐஎம் கட்சியை விமர்சித்த அவர், "இந்த அறிக்கையை 5 ஆண்டுகள் கிடப்பில் போட்டதை ஏற்றுக்கொள்ள முடியாது. அறிக்கை வந்த உடனேயே வெளியிட்டிருக்க வேண்டும்.” என்றார்.

மோகன்லால் உள்ளிட்ட AMMA அமைப்பின் நிர்வாகிகள் பதவி விலகியது குறித்துப் பேசிய அவர், "தார்மீக பொறுப்பேற்று பதவி விலகியது சரிதான். ஆனால், இந்த குற்றங்கள் எல்லாம் நடக்க அனுமதித்த அமைப்புக்கு அவர்கள் தலைமை தாங்கியிருக்கின்றனர் என்பதே உண்மை!" எனக் கூறியுள்ளார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88போதை, பாலியல் அத்துமீறல்; மாஃபியா பிடியில் மலையாள சினிமா - ஹேமா கமிஷன் அறிக்கையால் அரசியல் அதிர்வலை


http://dlvr.it/TCdHP5

Read More

அத்திக்கடவு - அவிநாசி திட்டம்: காமராஜர் தொடங்கி ஸ்டாலின் வரை... கோரிக்கை நிறைவேறிய பாதை!

தமிழகத்தின் மேற்கு மண்டலமான கோவை, திருப்பூர், ஈரோடு மாவட்ட விவசாயிகள் மத்தியில் கடந்த அரை நூற்றாண்டுக்காலமாக இருந்துவந்த கோரிக்கையான `அத்திக்கடவு - அவிநாசி’ திட்டம் தற்போது நிறைவேறியிருக்கிறது. காமராஜர் ஆட்சியின்போது தொடங்கிய இந்தத் திட்டத்தின் விதை, தற்போது முதல்வர் ஸ்டாலினின் கையால் தொடங்கப்பட்டிருகிறது. மேற்குத் தொடர்ச்சி மலையில் தோன்றும் பவானி ஆறு கோவை மாவட்டம், மேட்டுப்பாளையத்திலுள்ள பில்லூர் அணைக்குப் பக்கத்திலிருக்கும் அத்திக்கடவுக்குள் நுழைகிறது. இந்த ஆறு ஈரோடு மாவட்டத்திலுள்ள பவானிசாகர் அணையை அடைந்து, பின்னர் 75 கிலோமீட்டர் பயணித்து பவானியருகில் காவிரியில் கலக்கிறது.அத்திக்கடவு - அவிநாசி திட்டம்

காவிரியில் கலக்கும் பவானி ஆற்றின் உபரிநீரை, ஒருங்கிணைந்த கோவை மாவட்ட விவசாயத்துக்குப் பயன்படுத்த வேண்டுமென 1957-ல் அன்றைய முதல்வரான காமராஜரிடம் விவசாயிகள் கோரிக்கைவைத்தனர். பவானி ஆற்றின் உபரிநீரை, திறந்த கால்வாய்கள் மூலம் திசைதிருப்பி, அன்றைய கோவை மாவட்டத்திலுள்ள வறண்ட நீர்நிலைகளில் நிரப்ப வேண்டும் என்பது கோரிக்கையின் மையக் கருத்தாக இருந்தது. இந்தக் கோரிக்கை முதல்வர் காமராஜரால் ஏற்கப்பட்டு, `மேல் பவானி திட்டம்’ என்று முதன்முதலில் பெயரிடப்பட்டது.அத்திக்கடவு-அவிநாசி திட்டம்

இதன் தொடர்ச்சியாக விவசாயிகளுக்கு இடையே எதிர்ப்பு, ஆதரவு, ஆட்சி மாற்றம் போன்றவற்றால் இந்தத் திட்டம் நிறைவேற்றப்படுவது தள்ளிப்போய்கொண்டே வந்தது. 1957-ல் இந்தத் திட்டம் தொடங்கப்பட்டாலும், பெரிதாக முன்னெடுப்புகள் ஏதும் இல்லாமலே இருந்தது. 1972-ல் திட்டத்தைச் செயல்படுத்த அப்போதைய முதல்வராக இருந்த கருணாநிதியால் கொள்கை முடிவெடுக்கப்பட்டதுடன், இந்தத் திட்டத்துக்கு `அத்திக்கடவு - அவிநாசி நிலத்தடி நீர் மறுசேர்ப்பு மற்றும் குடிநீர் வழங்கல் திட்டம்’ என்று பெயர் மாற்றம் செய்யப்பட்டது.போராட்டம் அறிவித்த அண்ணாமலை; விளக்கமளித்த முத்துசாமி.. அத்திக்கடவு - அவிநாசி திட்டத்தின் நிலை என்ன?

1996-ல் தி.மு.க ஆட்சியில் திட்டம் தொடர்பான விரிவான ஆய்வு மேற்கொள்ளப்பட்டது. 2009-ல் திட்டத்தின் செயல்பாடு குறித்து ஆய்வுசெய்ய நீரியல் வல்லுநர் மோகனகிருஷ்ணன் தலைமையில் ஒரு தொழில்நுட்ப நிபுணர்குழு அமைக்கப்பட்டது. வெள்ளப்பெருக்கின்போது 2 டி.எம்.சி அடி நீரை திசைதிருப்ப முடியும் என்று அந்த அறிக்கை தெரிவித்தது. இதன் தொடர்ச்சியாக பொறுப்பேற்ற, ஜெயலலிதா 2014-ல் அத்திக்கடவு - அவிநாசி திட்டத்துக்கு மத்திய அரசு நிதி ஒதுக்கினாலும், ஒதுக்காவிட்டாலும் இந்தத் திட்டம் நிறைவேறும் என்று அறிவித்தார்.

ஜெயலலிதா மறைவுக்குப் பிறகு முதல்வராகப் பொறுப்பேற்ற எடப்பாடி பழனிசாமி, ஏற்கெனவே இருந்த பழைய திட்டத்தை முற்றிலுமாக மாற்றி, பவானி ஆற்றின் கீழுள்ள காளிங்கராயன் அணைக்கட்டிலிருந்து ஆண்டுதோறும் 1.5 டி.எம்.சி தண்ணீரை எடுத்து அத்திக்கடவு - அவிநாசி திட்டம் நிறைவேற்றப்படும் என அறிவித்தார். அத்துடன், ரூ.1,490 கோடி ரூபாய் நிதியும் ஒதுக்கப்பட்டது. விரிவான ஆய்வுப் பணிக்குப் பிறகு 2019-ல் அத்திக்கடவு-அவிநாசி திட்டப் பணிக்கு எடப்பாடி பழனிசாமி அடிக்கல் நாட்டினார்.

34 மாதங்களில் திட்டத்தை நிறைவுசெய்யத் திட்டமிடப்பட்டது. அ.தி.மு.க ஆட்சியில் இந்தத் திட்டத்தின் 80 சதவிகிதப் பணிகள் முடிக்கப்பட்டிருந்தன. அத்திக்கடவு - அவிநாசி திட்டத்தின் மூலம் மூன்று மாவட்டங்களிலுள்ள 32 பொதுப்பணித்துறை குளங்கள், 42 உழவர் குளங்கள், 971 குளங்கள் ஆகியவற்றை நிரப்ப முடியும். தி.மு.க ஆட்சிப் பொறுப்பேற்ற பிறகு, இந்தத் திட்டத்துக்குக் கூடுதல் நிதி ஒதுக்கப்பட்டதுடன், நிலம் கையகப்படுத்துவதில் இருந்த பிரச்னைகளும் பேசி முடிக்கப்பட்டன. 2022-ல் முதல்வர் ஸ்டாலின், திட்டப் பணிகளை நேரில் பார்வையிட்டார். 2023 ஜனவரியில் அத்திக்கடவு - அவிநாசி திட்டத்துக்கான சோதனை ஓட்டம் நடைபெற்றது. தற்போது 1,916 கோடி ரூபாயில் மதிப்பில் இந்தத் திட்டம் நிறைவு செய்யப்பட்டு பயன்பாட்டுக்கு வந்திருக்கிறது.நீரேற்று நிலையம்

திட்டத்தின் செயல்பாடு:

கோவை, திருப்பூர், ஈரோடு ஆகிய மூன்று மாவட்டங்களிலுள்ள 1,045 குளம், குட்டைகளில் நீர் செறிவூட்டுவதற்காக பவானி ஆற்றில் காளிங்கராயன் அணையின் கீழ்புறத்திலிருந்து ஆண்டுக்கு 1.5 டி.எம்.சி நீரை விநாடிக்கு 250 கன அடி வீதம் 70 நாள்களுக்கு நீரேற்று முறை மூலம் தண்ணீர் எடுக்கப்பட்டு, 1,065 கி.மீட்டர் நீளத்துக்கு நிலத்தடியில் குழாய்கள் மூலம் குளங்களுக்குத் தண்ணீர் கொண்டு செல்லப்படுகிறது. ஒவ்வொரு நீரேற்று நிலையத்திலும், 8 மின் மோட்டார்கள் பொருத்தப்பட்டிருக்கின்றன; இவற்றில், ஆறு மோட்டார்கள் இயக்கப்பட்டு, நீரேற்றம் செய்யப்படும்.

எலெக்ட்ரிக்கல் ஆட்டோ மெஷின் மற்றும் குளம், குட்டைகளில் பொருத்தப்பட்டுள்ள ஓ.எம்.எஸ் ஆகியவை இஸ்ரேல் தொழில்நுட்பத்தில் தயாரிக்கப்பட்டவை. உலகின் சிறந்த 'அப்டேட்' தொழில்நுட்ப உபரணங்கள் பொருத்தப்பட்டிருக்கின்றன என்கிறார்கள் அதிகாரிகள். குழாய் பதிக்கப்பட்டிருக்கும் 1,065 கி.மீட்டர் தூரத்தில் ஐந்து இடங்களில் ரயில்வே தண்டவாளத்தைக் கடந்தும், ஐந்து இடங்களில் நெடுஞ்சாலையைக் கடந்தும் குழாய்கள் அமைக்கப்பட்டிருக்கின்றன.

இந்தத் திட்டம் குறித்து அமைச்சர் முத்துசாமி செய்தியாளர்களிடம் பேசுகையில், "கடந்த ஆட்சியில் காளிங்கராயன் அணைக்கட்டு பகுதியிலிருந்து உபரிநீரை பம்ப் செய்ய நிலம் கையகப்படுத்தவில்லை. இதனால், குழாய்களும் பதிக்கப்பட முடியாமல் இருந்தது. திமுக ஆட்சிக்கு வந்ததும் விவசாயிகளுடன் பேச்சுவார்த்தை நடத்தி, மூன்று நீரேற்று நிலையங்களுக்கான இடம் வாங்கப்பட்டது. அதன் பிறகு பணிகள் துரிதப்படுத்தப்பட்டு, கடந்த ஜனவரி 2023-ல் முடிவடைந்தது. ஆனால், பவானி ஆற்றில் உபரிநீர் வரவில்லை. தற்போது பவானி ஆற்றில் உபரிநீர் வருகிறது. தற்போது, தொடங்கப்பட்டிருக்கும் அத்திக்கடவு-அவிநாசி திட்டத்தில் காளிங்கராயன் அணைக்கட்டு பகுதியில் கால்வாயிலிருந்து 1.5 டி.எம்.சி நீர், 6 நீரேற்று நிலையங்கள் மூலம் ஈரோடு, திருப்பூர், கோவை பகுதிகளிலுள்ள 1,045 குளங்களுக்கும் அனுப்பப்படுகிறது. தொடக்க விழா

கீழ்பவானி பாசனக் கால்வாயில் கடந்த 15-ம் தேதி தண்ணீர் திறந்துவிடப்பட்டது. அதிலிருந்து வரும் கசிவுநீர் 10 அல்லது 15 நாள்களுக்குள் காளிங்கராயன் அணைக்கட்டுப் பகுதிக்கு வந்துவிடும். இது தவிர பவானி ஆற்றில் பெய்த மழையால் தற்போது அணைக்கட்டு பகுதிக்கு உபரிநீர் வந்துகொண்டிருக்கிறது. அதனடிப்படையில் தற்போது இங்கிருந்து நீர் 1,045 குளங்களுக்கும் அனுப்பப்படுகிறது. மொத்தமுள்ள 1,045 குளங்களில் 1,020 குளங்களுக்கு நீர் சென்றுவிடும். ஒருசில இடங்களில் பைப்லைனில் பழுது இருப்பதால் அங்கு தண்ணீர் செல்லவில்லை. அதுவும் விரைவில் சரிசெய்யப்பட்டும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88">
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88">
https://tinyurl.com/crf99e88 />

http://dlvr.it/TC2HD2

Read More