காட்டாங்குளத்தூர்: கல்லூரி மாணவர்களிடம் எளிதில் புழங்குகிறதா போதைப்பொருள்? - போலீஸ் ரெய்டின் பின்னணி

தமிழகத்தின் பள்ளி, கல்லூரி மாணவர்களிடம் எளிதில் புழங்கும் பொருளாகவே மாறிவிட்டது கஞ்சா என்ற குற்றச்சாட்டு எழத்தொடங்கி சில காலம் ஆகிவிட்டது. மாநகரங்கள் தொடங்கி கிராமங்கள் வரை அதன் எல்லை விரிவடைந்து சென்றுகொண்டிருக்கிறது. `கஞ்சா வேட்டை' எனும் பெயரில் தமிழ்நாடு காவல்துறை அடுத்தடுத்து அதிரடி நடவடிக்கையில் இறங்கினாலும் ஒரு சில இடங்களில் கஞ்சாவைக் கைப்பற்றதான் முடிகிறதே தவிர, தமிழ்நாட்டின் எல்லைக்குள் வர முடியாதபடி தடுக்கவோ, போதைப்புழக்கத்தை மட்டுப்படுத்தவோ முடியவில்லை.

இந்தநிலையில் தான் அதிர்ச்சியளிக்கும் வகையில் சென்னை அருகே உள்ள ஒரு பிரபல தனியார் கல்லூரி மாணவர்கள் விடுதியிலிருந்து கஞ்சா உள்ளிட்ட போதைப்பொருட்களை கைப்பற்றியிருப்பதோடு, 30-க்கும் மேற்ப்பட்ட மாணவர்கள்மீது வழக்கு பதிவும் செய்திருக்கிறது தமிழ்நாடு காவல்துறை.காட்டாங்குளத்தூர் கல்லூரி மாணவர்களிடம் கஞ்சா

சென்னை அருகே பொத்தேரி-காட்டாங்குளத்தில் செயல்பட்டுவரும் பிரபல தனியார் கல்லூரி மாணவர்களிடையே போதைப்புழக்கும் சர்வசாதாரணமாக நடந்துவருவதாக தாம்பரம் காவல்துறையினருக்கு ரகசியத் தகவல் கிடைத்தது. குறிப்பாக, கல்லூரி மாணவ, மாணவிகள் தங்கியிருக்கும் விடுதிகளிலும், வாடகைக்கு எடுத்து தங்கியிருக்கும் அடுக்குமாடி குடியிருப்புகளிலும் கஞ்சா, போதை சாக்லெட், போதை ஊசிகள், போதை மாத்திரைகள் என பல வகைகளில் மாணவர்கள் போதைக்கு அடிமையாகிவருவதாகக் காவல்துறையினருக்கு கூடுதல் தகவல் கிடைத்தது.

இதையடுத்து, தாம்பரம் மாநகர காவல் ஆணையர் அபின் தினேஷ் மோடக் உத்தரவின் பேரில் சம்மந்தப்பட்ட விடுதிகள், அடுக்குமாடிக் குடியிருப்பில் சுமார் 500-க்கும் மேற்பட்ட காவல்துறையினர் கடந்த ஆகஸ்ட் 31-ம் தேதி அதிகாலையில் அதிரடி சோதனையில் இறங்கினர். இந்த சோதனையில் மாணவ, மாணவிகளின் அறைகளிலிருந்து அரை கிலோ கஞ்சா, 6 கஞ்சா சாக்லேட்டுகள், கஞ்சா ஆயில், போதை பவுடர்கள், பாங், கஞ்சா புகைப்பதற்கான உபரகணங்களான ஸ்மோக்கிங் மெஷின் உள்ளிட்டவை பறிமுதல் செய்யப்பட்டன. இதை வைத்திருந்த பெண் உள்பட 30-க்கும் மேற்பட்ட மாணவர்கள், இளைஞர்களை காவல்துறையினர் விசாரணைக்காக அழைத்துச் சென்றனர். அதில், 21 பேர்மீது வழக்குப்பதிவு செய்த காவல்துறையினர் ஒரு பெண், மூன்று வடமாநிலத்தவர், 11 கல்லூரி மாணவர் என 14 பேரை செங்கல்பட்டு நீதிமன்றத்தில் ஆஜர்படுத்தினர். தாம்பரம் மாநகர காவல் ஆணையர் அபின் தினேஷ் மோடக்

இந்த வழக்கை விசாரித்த நீதிபதி, மாணவர்களின் படிப்பைக் கருதி பெண் உள்பட 11 கல்லூரி மாணவர்களை ஜாமீனில் விடுவித்தார். மேலும், டப்லு, மகேஷ்குமார், சுனில்குமார் ஆகிய மூன்று பேருக்கு 13-ம் தேதி காவல்நீட்டிப்பு செய்து சிறையிலடைக்க உத்தரவிட்டார். இந்த நிலையில், விசாரணைக்குள்ளான மாணவர்கள் அளித்த தகவலின் பேரில், மாணவர்களுக்கு கஞ்சா சப்ளை செய்துவந்த A+ ரெளடியான செல்வமணியை காவல்துறையினர் அதிரடியாக கைதுசெய்திருக்கின்றனர். கூடுவாஞ்சேரி அருகே பதுங்கியிருந்த ரெளடி செல்வமணியைக் கைது செய்த காவல்துறையினர் அவனிடமிருந்து இரண்டரை கிலோ கஞ்சா, பட்டா கத்திகளை கைப்பற்றினர். இதையடுத்து, ரெளடி செல்வமணியிடம் காவல்துறையினர் விசாரணை மேற்கொண்டுவருகின்றனர்.

இதுகுறித்து சம்மந்தப்பட்ட கல்லூரி மாணவர்களிடையே பேசியபோது,``இன்று நேற்று அல்ல... பல ஆண்டுகளாகவே எங்கள் பகுதியில் கல்லூரி மாணவர்களிடையே போதைப்புழக்கம் இருந்துவருகிறது. இங்கு தமிழ்நாட்டைச் சேர்ந்தவர்கள் மட்டுமல்லாமல் வெளிமாநிலங்களிலிருந்தும், வெளிநாடுகளிலிருந்தும்கூட நூற்றுக்கணக்கான மாணவர்கள் படிக்கின்றனர். அதில் பெரும்பாலானோர் வசதிவாய்ந்தவர்கள் என்பதால் இதைப் பெரிதாக யாரும் கண்டுகொள்வதில்லை. இதில் ஆண் பெண் என்ற வித்தியாசம் இல்லாமல் பலரும் போதைப் பழக்கத்துக்கு அடிமையாகியிருக்கின்றனர். எங்கள் கல்லூரி மட்டுமல்லாமல் சென்னையிலுள்ள அனைத்து கல்லூரிகளிலும் இதுதான் நிலைமை. இதேபோல அனைத்து கல்லூரிகளையும் அதன் விடுதிகளையும் காவல்துறையினர் சோதனையிட்டால் இதில் எந்த அளவுக்கு மாணவர்களிடையே போதைப்பொருள்கள் ஊடுவிருக்கிறது என்பதை எளிதாகக் கண்டுபிடிக்கலாம்!" என்றனர். கஞ்சா

இதுகுறித்து கண்டனம் தெரிவித்திருக்கும் அ.தி.மு.க ஐ.டி விங் பொறுப்பாளர் சி.டி. நிர்மல்குமார், ``கடந்த மூன்று வருடத்தில் பள்ளி, கல்லூரி வரை இறங்கி சோதனை செய்யும் அளவிற்கு மோசமான நிலையை தமிழகம் எட்டியிருக்கிறது!" என விமர்சித்திருக்கிறார். அதேபோல, அ.தி.மு.க முன்னாள் எம்.பி. கே.சி. பழனிசாமி, `` சென்னை அருகே பொத்தேரி, காட்டாங்குளத்தூர் பகுதிகளில் ஆண்கள், பெண்கள், தங்கும் விடுதிகளில் 500க்கும் மேற்பட்ட போலீஸார் கஞ்சா சோதனை. தி.மு.க ஆட்சியில் தமிழகத்திற்கு ஏற்பட்ட பரிதாப நிலை...தென்னிந்தியாவில் போதைப் பொருள் தலைநகராக மாறிக்கொண்டுவரும் தமிழகம்..!" என விமர்சித்திருக்கிறார்.

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY />

http://dlvr.it/TClxCG

Read More

Mumbai: 1வது நம்பர் வாகனப் பதிவு எண்ணிற்கு ரூ.18 லட்சம்; வி.ஐ.பி பதிவு எண் கட்டணம் மும்மடங்கு உயர்வு

வாகனங்களுக்கான வி.ஐ.பி நம்பர்களுக்கு எப்போதும் பொதுமக்களிடம் அதிக வரவேற்பு இருக்கும். வி.ஐ.பி நம்பர்களுக்கு அரசியல்வாதிகள் மற்றும் முக்கிய பிரமுகர்கள் எவ்வளவு பணம் வேண்டுமானாலும் கொடுக்க தயாராக இருக்கின்றனர். அதனைப் பயன்படுத்தி அரசும் வி.ஐ.பி நம்பர்களுக்குக் கணிசமான பணத்தை வசூலித்து விடுகிறது.

மகாராஷ்டிரா அரசும் வி.ஐ.பி வாகன நம்பர்களுக்கான கட்டணத்தைப் பல மடங்கு அதிகரித்து இருக்கிறது. இது குறித்து மும்பை போக்குவரத்து பிரிவு அதிகாரிகள் வெளியிட்டுள்ள செய்தியில் கூறியிருப்பதாவது:

1வது நம்பருக்கான பதிவு எண் கட்டணத்தின் விலை 18 லட்சமாக அதிகரித்துள்ளது. முந்தைய கட்டணத்தை விட இப்போது மூன்று மடங்கு அதிகரிக்கப்பட்டுள்ளது. ஒரு ஆடம்பர காரின் விலையே 18 லட்சத்திற்கும் குறைவாகக் கிடைக்கிறது. ஆனால் மும்பையில் வாகனப் பதிவு எண் கட்டணம் 18 லட்சத்திற்குக் கொடுக்கப்படுகிறது.வாகனப் பதிவு எண்

இதே போன்று இரு சக்கர வாகனங்களுக்கு 1வது நம்பர் பதிவு எண் கட்டணம் 50 ஆயிரத்திலிருந்து ஒரு லட்சம் ரூபாயாக அதிகரிக்கப்பட்டுள்ளது. 0009, 0099, 0999, 9999 போன்ற கார்களுக்கான பதிவு எண்கள் விலை 1.5 லட்சத்திலிருந்து 2.5 லட்சமாக அதிகரிக்கப்பட்டுள்ளது.

இது இரு சக்கர வாகனம் மற்றும் மூன்று சக்கர வாகனத்திற்கு 20 ஆயிரத்திலிருந்து 50 ஆயிரமாக அதிகரிக்கப்பட்டுள்ளது. இது தவிர 49 வகையான பதிவு எண்களின் விலை 50 ஆயிரத்திலிருந்து 70 ஆயிரமாக அதிகரிக்கப்பட்டுள்ளது. வி.ஐ.பி நம்பர்கள் ஆர்.டி.ஒ அலுவலக இணையத்தளத்தில் இருக்கும். அதற்கு இணையத்தில் பணம் செலுத்தி நம்பர் பெற்றுக்கொள்ள முடியும். முதலில் வருபவர்களுக்கு முன்னுரிமை என்ற அடிப்படையில் நம்பர்கள் வழங்கப்படும் என்று அதில் குறிப்பிடப்பட்டுள்ளது. அரசியல்வாதிகள், தொழிலதிபர்கள் மற்றும் பணக்காரர்கள் மத்தியில் இது போன்ற வி.ஐ.பி நம்பர்களுக்கு அதிக வரவேற்பு இருக்கிறது. பஞ்சாப்பில் வி.ஐ.பி நம்பர்களைப் பணக்கார விவசாயிகள் ஏலத்தில் எடுக்கின்றனர். அதுவும் ஏ.கே.47 நம்பருக்கு பஞ்சாப்பில் அதிக வரவேற்பு இருக்கிறது என்பது குறிப்பிடத்தக்கது.


http://dlvr.it/TClV5y

Read More

Tamil News Live Today: Kolkata Doctor Case: மருத்துவக் கல்லூரியின் முன்னாள் முதல்வர் கைது; பரபரப்பாகும் கொல்கத்தா வழக்கு

கொல்கத்தா வழக்கு: மருத்துவக் கல்லூரியின் முன்னாள் முதல்வர் கைது

ஆர்.ஜி கர் மருத்துவக் கல்லூரியின் முன்னாள் முதல்வர் சந்தீப் கோஷ்

மேற்கு வங்க மாநில தலைநகர் கொல்கத்தாவிலுள்ள ஆர்.ஜி. கர் மருத்துவக் கல்லூரி மருத்துவமனையில், மருத்துவப் பயிற்சி மாணவி கடந்த மாதம் பாலியல் வன்கொடுமை செய்யப்பட்டு, கொலை செய்யப்பட்டார்.

இதற்கு உரிய நீதி கோரி மருத்துவர்கள், மாணவர்கள் நடத்திய போராட்டத்தால், இந்த வழக்கு இந்தியா முழுவதும் கவனம் பெற்றது. இதற்கிடையில், இந்த வழக்கு சி.பி.ஐ-க்கு மாற்றப்பட்டது. அதில், பல்வேறு அதிர்ச்சி தகவல்கள் வெளியாகிப் பரபரப்பை ஏற்படுத்தின. இந்த நிலையில்தான், ஆர்.ஜி. கர் மருத்துவக் கல்லூரியின் முன்னாள் முதல்வர் சந்தீப் கோஷ் கைது செய்யப்பட்டிருக்கிறார்.


http://dlvr.it/TCl6R3

Read More

H RAJA-வை பாராட்டும் அதிமுக? | Govt Syllabus: Governor Vs Minister? | Stalin | Modi - Imperfect Show

http://dlvr.it/TCjldV

Read More

Bulldozer Justice: புல்டோசர் நீதி... ``இது சரியான அணுகுமுறை அல்ல" - சாட்டை எடுத்த உச்சநீதிமன்றம்!

புல்டோசர் நீதி குறித்து கடுமையான கேள்விகளை எழுப்பியுள்ளது உச்ச நீதிமன்றம். எப்படி ஒரு குற்றவாளிக்குச் சொந்தமானது என்பதற்காக ஒரு வீடு இடிக்கப்படலாம் எனக் கேள்வி எழுப்பியதுடன், நாடு முழுவதும் வீடுகளை இடிப்பதற்கு முன் பின்பற்ற வேண்டிய நடைமுறைகள் அடங்கிய வழிகாட்டுதல்களை உருவாக்கவும் உத்தரவிட்டுள்ளனர்.

மனுதாரர் சார்பாக மூத்த வழக்கறிஞர்கள்,  துஷ்யந்த் டேவ்,  சியு சிங் ``நாடு முழுவதும் புல்டோசர் நீதி பரவாமல் இருக்க நடவடிக்கைத் தேவை" என வாதிட்டனர். உச்ச நீதிமன்ற நீதிபதி பி.ஆர்.கவாய்ம.பி: பாலியல் வன்கொடுமை செய்யப்பட்ட சிறுமி; புல்டோசர் ஆக்‌ஷன் எடுத்த பெண் காவலர்கள்! - நடந்தது என்ன?

நீதிபதி பி.ஆர்.கவாய், கே.வி.விஸ்வநாதன் அமர்வில் வழக்கு விசாரணைக்கு வந்தது. அரசு சார்பில் வாதாடிய சொலிசிட்டர் ஜெனரல் துஷார் மேத்தா, எந்த சொத்தும் ஒருவர் குற்றவாளி என்பதற்காக இடிக்கப்படுவதில்லை, சம்பந்தப்பட்ட கட்டடம் சட்டத்துக்குப் புறம்பானதாக இருந்தால் மட்டுமே இடிக்கப்படும் என வாதாடினார். மேலும் இந்த வழக்கு தவறாகச் சித்தரிக்கப்பட்டதாகவும் கூறியுள்ளார். 

"இதை நீங்கள் ஏற்றுக்கொண்டால், இதன் அடிப்படையில் வழிகாட்டுதல்களை உருவாக்குகிறோம். எப்படி ஒருவர் குற்றவாளி என்பதால் அவரது வீடு இடிக்கப்படலாம்." எனக் கேள்வி எழுப்பினார் நீதிபதி கவாய். 

"கட்டடம் அனுமதியற்றதாக இருந்தால் இடிக்கப்படலாம். ஆனால் அதற்கு நெறிமுறைகள் தேவை. நீங்கள் நகராட்சி விதிமுறைகளை கடைப்பிடிக்கவிட்டால்தான் இடிப்பதாகக் கூறுகிறீர்கள். இப்போது அதற்கான வழிகாட்டுதல்கள் தேவை, ஆவணப்படுத்தப்பட்ட நடைமுறைகளைத்தான் பின்பற்ற வேண்டும்" என நீதிபதிகள் தெரிவித்துள்ளனர். 

"ஒரு கட்டடம் இடிக்கப்படுவதற்கு முன்னர் நோட்டீஸ் அளித்து, அதற்குப் பதிலளிக்க அவகாசம் கொடுங்கள். சட்டப் பூர்வ தீர்வுகளைத் தேட நேரம் கொடுங்கள் அதன்பிறகு இடிக்கலாம்" எனக் காட்டமாகத் தெரிவித்தார் நீதிபதி கே.வி.விஸ்வநாதன். புல்டோசர்

"நாங்கள் சட்டத்தை மீறிய கட்டடங்களைப்  பாதுகாக்கவில்லை, அது கோயிலாக இருந்தாலும் சரி. ஆனால் இடிப்பதற்கு முன் நடைமுறைகளைப் பின்பற்ற வேண்டும்." என நீதிபதிகள் தெரிவித்தனர். 

வழக்கறிஞர் சியு சிங் டெல்லி ஜஹாங்கிர்புரியில் நடந்த சம்பவத்தை மேற்கோள்காட்டினார். வாடகைக்கு இருப்பவர்கள் குற்றத்தில் சம்பந்தப்பட்டிருந்ததால், வீடுகள் இடிக்கப்பட்டன. உரிமையாளரின் மகனுக்குக் குற்றச் சம்பவத்தில் தொடர்பிருந்ததால் 50-60 ஆண்டுகள் பழமையான வீடுகள் இடிக்கப்பட்டன. என வாதாடினார். 

ஒரு மகனின் தவற்றுக்காக வீடு இடிக்கப்படுவது சரியான அணுகுமுறை அல்ல என கே.வி.விஸ்வநாதன் தெரிவித்தார். 

புல்டோசர் நீதி என்பது கிரிமினல் வழக்குகளில் குற்றம் சாட்டப்பட்டவர்களின் வீடுகள் இடிக்கப்படுவது அதிகரித்து வருவதைக் குறிக்கிறது. சில சம்பவங்களில் குற்றச்சாட்டு நிரூபிக்கப்படும் முன்பே புல்டோசர் நடவடிக்கை எடுக்கப்பட்டிருக்கிறது. ஒரு குடும்பத்தில் ஒருவர் செய்யும் தவற்றுக்காக எப்படி மொத்த குடும்பத்தையும் அரசு தண்டிக்க முடியும் எனக் கேள்விகள் எழுகின்றன!புல்டோசர் நீதி!


http://dlvr.it/TCjK3D

Read More

`அண்ணாமலை லண்டன் பயணம்... ஹெச்.ராஜா அண்ட் டீம் நியமனம்' - தமிழக பாஜக ஹேப்பியா?!

தமிழக பா.ஜ.க தலைவர் அண்ணாமலை மேற்படிப்புக்காக வெளிநாடு சென்றிருக்கிறார். இதையடுத்து ஹெச்.ராஜா தலைமையில் ஒருங்கிணைப்புக் குழு ஒன்று அமைக்கப்பட்டுள்ளது. இதுதொடர்பாக தேசிய பொதுச் செயலாளர் அருண் சிங் வெளியிட்ட அறிவிப்பில், "தமிழக பா.ஜ.க தலைவர் அண்ணாமலை இங்கிலாந்தில் 3 மாதங்களுக்கு நடைபெறும் கல்வி பயிற்சியில் கலந்து கொள்கிறார். எனவே, பா.ஜ.க தேசியத்தலைவர் ஜெ.பி.நட்டா வழிகாட்டுதல்படி, மாநில தலைவர் இல்லாதபட்சத்தில் கட்சியின் செயல்பாடுகளை ஒருங்கிணைக்க, தேசிய செயற்குழு உறுப்பினர் ஹெச்.ராஜா தலைமையில் ஒருங்கிணைப்புக் குழு அமைக்கப்படுகிறது.தமிழிசை, அண்ணாமலை

இதில், மாநில துணை தலைவர்கள் எம்.சக்கரவர்த்தி, பி.கனகசபாபதி, பொது செயலாளர்கள் எம்.முருகானந்தம், பேராசிரியர் ராமசீனிவாசன், மாநில பொருளாளர் எஸ்.ஆர்.சேகர் இடம் பெறுவர். இந்த ஒருங்கிணைப்புக் குழு, மாநில மைய குழுவுடன் கலந்துரையாடி, கட்சி நடவடிக்கைகள் குறித்து எந்த முடிவையும் எடுக்கும். ஒருங்கிணைப்புக் குழுவின் ஒவ்வொரு உறுப்பினரும் ஒன்று அல்லது இரண்டு மண்டலங்களின் செயல்பாடுகளைக் கவனிப்பார்கள். இது மாநிலத் தலைவர் மற்றும் ஒருங்கிணைப்புக் குழுவின் ஒருங்கிணைப்பாளரால் முடிவு செய்யப்படும்" என கூறப்பட்டுள்ளது.

இந்த சூழலில் செய்தியாளர்களிடம் பேசிய அ.தி.மு.க முன்னாள் அமைச்சர் ஆர்.பி.உதயகுமார், "அண்ணாமலையை எப்படி அனுப்புவது என பா.ஜ.க தலைமை தவித்துக்கொண்டு இருந்திருக்கும் போல. அவர் லண்டன் சென்ற பிறகு தமிழ்நாடு சற்று அமைதியாக இருப்பது போல தெரிகிறது. தற்போது ஒருங்கிணைப்பாளராக நியமனம் செய்யப்பட்டுள்ள ஹெச்.ராஜா நீண்ட நெடிய அரசியல் அனுபவம் வாய்ந்தவர். அரசியல் பண்பாடு, நாகரீகத்தை முழுமையாக உள்வாங்கியவர். இதன்மூலம் பா.ஜ.க தொண்டர்களுக்கு சுதந்திரம் கிடைத்திருக்கும் என்று சொல்கிறார்கள்" என தெரிவித்துள்ளார்.ஆர்.பி.உதயகுமார்

இதையடுத்து அண்ணாமலை வெளிநாடு சென்றது பா.ஜ.க தொண்டர்களை ஹாப்பியக்கியிருக்கிறதா என்கிற கேள்வியுடன் கமலாலய சீனியர்கள் சிலரிடம் பேசினோம், "அண்ணாமலை மேல்படிப்புக்காக லண்டன் சென்றிருக்கிறார். முன்னதாக இந்த காலக்கட்டத்தில் பொறுப்பு தலைவரை அமைக்க டெல்லி ஆலோசனை செய்தது. அந்த பதவியைப் பிடிக்கத் தமிழிசை உள்ளிட்ட சீனியர்கள் தீவிரமாக முயன்றார்கள். இதில், அண்ணாமலைக்கு துளியும் விருப்பம் இல்லை. பல்வேறு முட்டுக்கட்டைகளை போட்டுவந்தார். இந்தச்சூழலில்தான் பா.ஜ.க-வின் உறுப்பினர் சேர்க்கை குறுக்கிட்டது. கூடவே ஹரியானா, மகாராஷ்டிரா, ஜார்கண்ட், ஜம்மு-காஷ்மீர் ஆகிய மாநிலங்களில் சட்டப் பேரவை தேர்தல் வரவுள்ளது.`தலைவர்களுக்கு மரியாதை': அண்ணாமலை vs தமிழிசை... மீண்டும் மோதலா?!

இதற்கான பணிகளில் அகில இந்தியத் தலைமை தீவிரம் காட்டியது. இதனால் பொறுப்பு தலைவரை நியமிப்பதில் டெல்லி ஆர்வம் காட்டவில்லை. இதில் அண்ணாமலை தரப்பு மகிழ்ச்சி. மற்ற சீனியர் தலைவர்கள் கடும் அப்செட். இந்த சூழலில்தான் மீண்டும் தமிழிசை vs அண்ணாமலை எனும் நிலை ஏற்பட்டது. கடந்த 25-ம் தேதி நடந்த பொதுக்கூட்டத்தில் அண்ணாமலை, "மேடையில் அ.தி.மு.க-வுடன் கூட்டணி வேண்டும் எனச் சொல்லக்கூடிய தலைவர்கள் நிறையப் பேர் இருக்கிறார்கள். 2019 தேர்தலில் தோற்கப்போகும் மோடிக்காக நான் ஏன் வாரணாசிக்கு வர வேண்டும் என்றார். அன்றிலிருந்து மானமுள்ள அண்ணாமலை கூட்டணிக் கட்சித் தலைவராக எடப்பாடியைப் பார்த்தது இல்லை" என தாக்கி பேசியிருந்தார். அதே கூட்டத்தில்தான் எடப்பாடியைத் தற்குறி எனக் கடுமையாக விமர்சனம் செய்திருந்தார்.மோடி, அமித்ஷா

இதையடுத்து அ.தி.மு.க தலைவர்கள் பலரும் தமிழிசையைத் தொடர்பு கொண்டு தங்களது வருத்தத்தைச் சொல்லினார்கள். ஏற்கெனவே கூட்டணி அமையாதது, பொறுப்பு தலைவர் பதவி கிடைக்காதது என பெரும் ஆதங்கத்தில் இருந்த தமிழிசைக்கு இது மேலும் அதிருப்தியை கொடுத்தது. இதையடுத்துதான், "பொது மேடையில் பேசுவதில் அவரவர்களுக்கென ஒரு பாணி இருக்கும். அண்ணாமலை பேசியது அவரது பாணி. ஆனால், என்னைப் பொறுத்தவரைத் தலைவர்களுக்கு என்ன மரியாதை கொடுக்க வேண்டுமோ அதைக் கொடுக்க வேண்டும். அ.தி.மு.க-வுடன் பா.ஜ.க இனி எப்போதும் கூட்டணி கிடையாது என அண்ணாமலை கூறியிருக்கிறார். கூட்டணி குறித்து மேடையில் மட்டுமே முடிவு செய்வது என்பது எனது அரசியல் அனுபவத்தில் சரியா என்பது என் கேள்வி?" எனக் பேசியிருந்தார்.

இதற்கு அண்ணாமலை, "உட்கட்சியாக இருந்தாலும் சரி, வெளிக்கட்சியாக இருந்தாலும் சரி. எனது பாணி மாறாது. கை, கால் பிடித்து பதவிக்கு வந்தேன் என எடப்பாடி பழனிசாமி தெரிவித்தார். இன்று பேசக்கூடிய தலைவர்கள் அன்று எங்குப் போனார்கள்" என மீண்டும் தமிழிசையை விமர்சனம் செய்திருந்தார். பிறகு சமூக வலைத்தளங்களில் அண்ணாமலையின் ஆதரவு ஐடி-விங் நிர்வாகிகள் என கூறப்படும் சிலர், 'கட்சியிலிருந்து ஓய்வு பெற்றுவிடுங்கள். அ.தி.மு.க-வுக்கு செல்லுங்கள். அண்ணாமலைக்கு அறிவுரை சொல்லக்கூடாது" என்றெல்லாம் தமிழிசையைக் கடுமையாக மீண்டும் விமர்சனம் செய்யத் தொடங்கினார்கள்.கமலாலயம்

இதில் அப்செட்டான தமிழிசை டெல்லிக்கு மீண்டும் புகார் அளித்தார். கூடவே சீனியர் தலைவர்கள் பலரும் அண்ணாமலை மீது மீண்டும் புகார் தெரிவித்தார்கள். இதையடுத்து கட்சியில் நீடிக்கும் குழப்பம், புதிய நிர்வாகிகள் சேர்க்கை போன்ற விஷயங்கள் இருப்பதால் ஒருங்கிணைப்பு குழுவை அமைக்கும் முடிவுக்கு டெல்லி வந்தது. அதன் அடிப்படையில்தான் ஹெச்.ராசா தலைமையில் குழு அமைக்கப்பட்டுள்ளது. இதில் நிர்வாகிகளை தேர்வு செய்ததில் அண்ணாமலைதான் முக்கிய பங்கு வகித்திருக்கிறது. அந்த குழுவில் இருப்பவர்களே ஒருவர் மீது ஒருவர் அதிருப்தி கொண்டவர்கள். இந்த விஷயம் டெல்லிக்கு தெரியும்.

எனவேதான் மைய குழுவுடன் கலந்துரையாடி கட்சி நடவடிக்கைகள் குறித்து முடிவெடுக்க வேண்டும் என 'செக்' வைத்திருக்கிறது, டெல்லி. என்னதான் பொதுவெளியில் ஹெச்.ராசா பேட்டி கொடுத்தாலும், முக்கிய முடிவுகளை அவரால் தனியாக எடுக்க முடியாது. அண்ணாமலையின் டீம் என்பதால் மையக்குழுவில் நிர்வாகிகள் முட்டுக்கட்டை போடுவார்கள். அதேநேரத்தில் இந்த குழுவில் பெண்கள், தலித்துக்கள் இல்லை என்கிற சர்ச்சையும் வெடித்திருக்கிறது. மேலும் தமிழிசை, வானதி, நயினார் போன்றவர்கள் பொறுப்பு தலைவர் பதவி கிடைக்கவில்லை என்பதில் அப்செட்டாக இருக்கிறார்கள். ஆகவே இந்த ஒருங்கிணைப்பு குழுவில் இருக்கும் தலைவர்களின் ஆதரவாளர்கள் மட்டுமே ஹாப்பியாக இருக்கிறார்கள். மற்றவர்கள் அப்செட்டாகவே இருக்கிறார்கள்" என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://tinyurl.com/crf99e88 />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://tinyurl.com/crf99e88`தலைவர்களுக்கு மரியாதை': அண்ணாமலை vs தமிழிசை... மீண்டும் மோதலா?!


http://dlvr.it/TCjJfn

Read More

`அக்பர் சிறந்த மன்னர் எனக் கூறும் பாடப்புத்தகங்கள் எரிக்கப்படும்!' - ராஜஸ்தான் கல்வி அமைச்சர் பேச்சு

ராஜஸ்தான் கல்வித்துறை அமைச்சர் மதன் திலாவர், எந்த பாடப்புத்தகம் முகலாய மன்னர் அக்பர் சிறந்தவர் எனக் கூறினாலும் அது எரிக்கப்படும் எனப் பேசியுள்ளார். மேலும், அக்பர் பல ஆண்டுகளுக்கு இந்தியாவைக் கொள்ளையடித்தார் என்றும் அவரை ராஜஸ்தானில் எந்த பாடப்புத்தகமும் 'சிறந்த ஆளுமை' எனக் குறிப்பிடக் கூடாது என்றும் பேசியுள்ளார்.

உதய்பூரில் உள்ள சுகதியா பல்கலைக்கழகத்தில் பேசிய அவர், "நன்றாகச் சோதித்துவிட்டோம் எந்த புத்தகத்திலும் அக்பர் பற்றிய குறிப்புகள் இல்லை. அப்படி இருந்தால் அந்தப் புத்தகம் எரிக்கப்படும்" என்றார்.ராஜஸ்தான் மாநில கல்வியமைச்சர் மதன் திலாவர்

"அக்பர் ஓர் ஆக்கிரமிப்பாளர், அவரைச் சிறந்தவர் எனக் கூறுவது முட்டாள்தனம்" எனவும் அமைச்சர் பேசியுள்ளார்.

ராஜஸ்தானில் உள்ள மேவாரை ஆண்ட மஹரனா பிரதாப் (பிரதாப் சிங் I) குறித்துப் பேசிய அமைச்சர், "மன்னர் பிரதாப்புக்கு உரிய வரலாற்று அங்கீகாரம் கிடைக்கவில்லை" எனக் கூறியுள்ளார்.

அக்பர் குறித்து அமைச்சர் திலாவர் சர்ச்சைக்குரிய விதத்தில் பேசுவது இது முதன்முறை அல்ல. இந்த ஆண்டின் தொடக்கத்தில் அக்பரை `ரேப்பிஸ்ட்' என்று குறிப்பிட்டதுடன், நாடு முழுவதும் உள்ள அனைத்துப் பாடப் புத்தகங்களிலும் மாமன்னர் அக்பர் சிறந்தவர் எனக் குறிப்பிட்டிருப்பதை நீக்க வேண்டும் எனப் பேசியிருந்தார் என்பது குறிப்பிடத்தக்கது.Ebrahim Raisi: `இப்ராஹிம் ரைசி மரணத்துக்கான காரணம் இதுதான்' - விசாரணை அறிக்கை முடிவை அறிவித்த இரான்!


http://dlvr.it/TChsPP

Read More