காங்கிரஸ் எம்.பியிடம் நிதி கேட்ட திமுக எம்.எல்.ஏ; ஒரே மேடையில் நடந்த விவாதம்...

கும்பகோணத்தில் அமைச்சர்கள் முன்னிலையில் விழா மேடையிலேயே காங்கிரஸ் கட்சி எம்.பியிடம் நிதி கேட்டு திமுக எம்பி, எம்.எல்.ஏ வாக்கு வாதம் செய்ததது இருகட்சியினரிடமும் விவாதத்தை கிளப்பியிருக்கிறது.

கும்பகோணம் அரசு தலைமை மருத்துவமனையில் ரூ.4.71 கோடி மதிப்பில் கட்டப்பட்ட புதிய கட்டடம் திறப்பு விழாவும், ரூ.5.40 கோடி மதிப்பில் புதிய கட்டடம் கட்டுவதற்கான அடிக்கல் நாட்டும் நிகழ்ச்சி நேற்று நடைபெற்றது. இதில் மக்கள் நல்வாழ்வுத்துறை அமைச்சர் மா.சுப்பிரமணியன், பள்ளிக் கல்வித்துறை அமைச்சர் அன்பில் மகேஷ், எம்.பிக்கள் கல்யாணசுந்தரம், சுதா, எம்.எல்.ஏ சாக்கோட்டை அன்பழகன் உள்ளிட்ட பலர் கலந்து கொண்டனர். கும்பகோணம் அரசு மருத்துவமனையில் நடைபெற்ற நிகழ்ச்சி

இதில் பேசிய சாக்கோட்டை அன்பழகன், ``மயிலாடுதுறை எம்.பி சுதா புதிதாக தேர்ந்தெடுக்கப்பட்டவர். நாம் கடுமையாக உழைத்து அவரை வெற்றி பெற வைத்திருக்கிறோம். கஷ்டமே இல்லாமல் அவர் வெற்றி பெற்றிருக்கிறார். அவர் முதன் முதலில் அடிக்கல் நாட்டும் போது அமைச்சர்கள் இரண்டு பேரும், முதல் செங்கல்லை சுதாவை வைக்கச் சொல்ல அவரும் கல்லை வைத்தார். புதிதாக கட்டப்பட உள்ள கட்டடத்தின் மொத்த தொகையில் ரூ.2 கோடியை அவர் தொகுதி மேம்பாட்டு நிதியிலிருந்து தர வேண்டும் தருவார் என நினைக்கிறேன்.

நம் வெற்றியில் தான் சுதா எம்.பியாக இருக்கிறார். உங்களிடம் ஒன்று கொடுத்து விட்டு ஒன்றை கேட்கிறோம். உங்கள் வெற்றிக்கு நாங்கள் பங்களித்து விட்டு கேட்கிறோம். எம்.பி பெரிய மனது வைத்து நிதி தருவார் என கருதுகிறேன்" என்றார்.

இதைதொடர்ந்து பேசிய காங்கிரஸ் கட்சியைச் சேர்ந்த எம்.பி சுதா, "எம்.பி நிதியிலிருந்து மருத்துவத்திற்கான நிதியை ஒதுக்க வேண்டும் என சாக்கோட்டை அன்பழகன் கோரிக்கை வைத்துள்ளார். அவருக்கு என்னுடைய பணிவான வேண்டுகோள். கொடுப்பது என்பது என்னுடைய பணத்தை கொடுப்பது அல்ல, மக்களின் பணத்தை மக்களுக்காக கொடுப்பது தான். மயிலாடுதுறை காங்கிரஸ் கட்சி எம்.பி சுதாBulldozer ராஜ்ஜியம் முடிவுக்கு வருகிறதா? | சீமானுக்கு செக் வைக்கும் திமுக? - The Imperfect Show

ஆனால், எனக்கென்று, என் மக்களுக்கு செய்ய வேண்டிய கனவு ஒன்று இருக்கிறது. மருத்துவக் கட்டடங்கள் கட்டி விடலாம் ஆனால் அங்கு வேலை செய்வதற்கு, சேவை செய்வதற்கு கல்வி அறிவுள்ள மருத்துவர்களும், செவிலியர்களும் தேவை. அதற்கு அடிப்படை கல்வி என்பது ரொம்ப முக்கியம். தரமான கல்வி கிடைத்தால் தான் நாடு முன்னேறும் என்பதை நான் உறுதியாக நம்புகிறேன். கல்வித்துறைக்கான தேவையை என்னுடைய நாடாளுமன்ற நிதியிலிருந்து பூர்த்தி செய்ய வேண்டும் என ஆசைப்படுகிறேன். அதற்கு அனைவரும் ஒத்துழைக்க வேண்டும்" என்றார்.

அதன் பின்னர் மீண்டும் மைக் பிடித்த, சாக்கோட்டை அன்பழகன், "உங்கள் கனவு நிறைவேறட்டும், அதற்கு நாங்கள் வாழ்த்துகிறோம். அந்த கனவோடு சேர்ந்து மிச்சம் இருந்தால் மருத்துவமனை கட்டுவதற்கும் நிதி கொடுங்கள் என கேட்கிறோம்" என்றார். அன்பில் மகேஷ்

இதையடுத்து பேசிய அமைச்சர் அன்பில் மகேஷ், "நிதி கொடுக்கும் விஷயத்தில் உங்களுக்குள் பேசி நீங்கள் ஒரு முடிவுக்கு வாருங்கள், எது எப்படியாக இருந்தாலும் பள்ளி கல்வித்துறைக்கு வரும் பணத்தை நான் ஏன் விடப்போகிறேன். கொடுங்கள் பிள்ளைகளை படிக்க வைக்கிறோம்" என்றார்.

பின்னர் பேசிய எம்.பி கல்யாணசுந்தரம், "எம்.பி சுதா வெற்றிக்கு அதிகமான வாக்குகளை பெற்றுக் கொடுத்த தஞ்சாவூர் மாவட்டத்திற்கு அவர் கடமைப்பட்டவர். இந்நிகழ்ச்சியில் நிதி வழங்குவதை அவர் அறிவிப்பார் என எதிர்பார்த்தேன் அறிவிக்கவில்லை. நாடாளுமன்ற மேம்பாட்டு நிதி ரூ.5 கோடி இதில் ரூ.2 கோடியை மருத்துவமனைக்கு கொடுங்கள் என்று தான் கேட்கிறோம்" என்றார்.மோடியின் புருனே பயணம் இந்தியாவுக்கு எப்படி பலனளிக்கும்?


http://dlvr.it/TCp9hY

Read More

“பா.ஜ.க வளர்ந்துவிடக் கூடாது என்பதற்காகத்தான் தி.மு.க கூட்டணியில் தொடர்கிறேன்!”

பா.ஜ.க-வுடன் தி.மு.க காட்டிவரும் இணக்கம், சர்ச்சையான முருகன் மாநாடு, தி.மு.க கூட்டணிக்குள் ஏற்பட்டிருக்கும் முரண்பாடு உள்ளிட்ட கேள்விகளுடன் தமிழக வாழ்வுரிமைக் கட்சித் தலைவர் தி.வேல்முருகனைச் சந்தித்தேன்...

``எல்லோரும் முருகன் மாநாட்டின் தீர்மானங்களை விமர்சித்துக்கொண்டிருக்கும்போது, நீங்களோ ‘மாநாடு நடத்தியதே தவறு’ என்கிறீர்களே ஏன்?!”

``மதச்சார்பற்ற கொள்கையைப் பேசி, அனைத்து மதத்தினரின் வாக்குகளையும் பெற்று ஆட்சி அமைத்த தி.மு.க அரசு, இப்போது முருகருக்கு மாநாடு நடத்தியதை நான் எதிர்க்கிறேன். மதச்சார்பற்ற அரசின் இந்து சமய அறநிலையத்துறை அமைச்சரின் தலைமையில் இப்படியான நிகழ்வுகளை நடத்தலாமா... அதிலும், ‘ஆன்மிகப் பாடல்களை பள்ளிப் பாடத்தில் கொண்டுவருவோம்’ என்றெல்லாம் நிறைவேற்றப்பட்ட தீர்மானங்கள் மதச்சார்பின்மைக்கு முற்றிலும் விரோதமானவை!”

`` ‘திராவிட மாடல் அரசு எல்லோருக்குமானது’ என்கிறபோது, ஆன்மிக உணர்வாளர்களுக்கான ஒரு நிகழ்வாகத்தானே மாநாட்டைப் பார்க்க வேண்டும்?”

``அப்படியென்றால், இஸ்லாமியர்களுக்கும் கிறிஸ்துவர்களுக்குமான விழாவை இப்படி அரசே எடுத்து நடத்தி அவர்கள் விரும்பும் தீர்மானத்தை அரசு முன்னெடுக்குமா... முதலில், அறநிலையத்துறை கட்டுப்பாட்டிலுள்ள அனைத்துக் கோயில்களிலும் தேவாரம், திருவாசகங்களைப் பாட தமிழ் ஓதுவார்களுக்கு அனுமதியில்லாத சூழலில், இப்படி வரலாற்றில் இல்லாத வகையில் கடவுளுக்கு மாநாடு நடத்தி, தீர்மானங்கள் நிறைவேற்றுவது பெரும்பான்மை மதத்தினரை ஆதரவாக்கும் முயற்சிகளில் ஈடுபடுகிறார்கள் என்ற குற்றச்சாட்டுக்குத்தானே ஆளாக்கும்!”தி.வேல்முருகன்

`` ‘ஆளுநரின் தேநீர் விருந்து, கலைஞர் நினைவு நாணயம் வெளியீட்டு விழா இவை இரண்டும் அரசுத் தரப்பு நிகழ்ச்சிகள்’ என தி.மு.க விளக்கமளித்துவிட்ட பிறகும்கூட விமர்சித்துக்கொண்டேயிருக்கிறீர்களே?”

``தி.மு.க அரசு தயாரித்த உரையைத்தான் சட்டமன்றத்தில் வாசிக்க மறுத்தார் ஆளுநர். மேலும், உயர்கல்வித்துறை அமைச்சர் பொன்முடிக்கு எதிராகவும் செயல்பட்டார். இப்படி அரசுக்கு எதிராக ஆர்.எஸ்.எஸ் அமைப்பின் குரலாகச் செயல்படுபவரின் நிகழ்ச்சியில், ‘அரசுத் தரப்பில் பங்கேற்றோம்’ எனச் சொல்வதும், ‘தி.மு.க அரசுக்கும் கட்சிக்கும் வெவ்வேறு நிலைப்பாடுகள் உண்டு’ என்பதிலும் எந்த லாஜிக்கும் இல்லையே! ஒன்றிய அரசின் பிரதிநிதி இல்லாமல் எம்.ஜி.ஆருக்கு எடப்பாடி பழனிசாமி நாணயம் வெளியிடும்போது, கலைஞரின் நினைவு நாணயத்தை ஆசிரியர் கி.வீரமணி போன்ற முன்னோடிகளைவைத்து வெளியிடாமல், தி.மு.க ஆட்சியைக் கலைக்க மனு கொடுத்த ராஜ்நாத் சிங்கை ஏன் அழைக்க வேண்டும்?”

``தி.மு.க ஆட்சியில் அதிகாரிகள்தான் தவறு செய்கிறார்கள் என முன்பு சொல்லிவந்த நீங்கள், இப்போது ஆட்சியாளர்கள்மீதே குற்றம்சாட்டுகிறீர்களே… இரண்டில் எது உண்மை?”

``சாதிவாரி கணக்கெடுப்பு, வன்னியர்களுக்கான இட ஒதுக்கீடு, நில வளம் சார்ந்த மக்கள் போராட்டம் உள்ளிட்ட பல கோரிக்கைகள் நிறைவேற்றப்படவில்லை என்பதில் அரசின் மீதும், முதலமைச்சர் மீதும் ஆதங்கம் இருப்பது உண்மைதான். அதேசமயம் ஆர்.எஸ்.எஸ்., பா.ஜ.க மனப்பான்மையில் செயல்பட்டு, இட ஒதுக்கீடு கோரிக்கைகளுக்கு முட்டுக்கட்டை போடுகிறார்கள் சில அதிகாரிகள். ஆளுநர் மற்றும் மத்திய உள்துறை கட்டுப்பாட்டில் இருக்கும் அதிகாரிகளும், வடநாட்டு அதிகாரிகளும் தமிழர்களை உயர் பொறுப்புகளுக்கு வரவிடாமல், தங்களுக்கு வேண்டியவர்களை நியமித்துக்கொள்கிறார்கள். தி.மு.க ஆட்சி என்றில்லை, இரு திராவிட ஆட்சிகளிலுமே அமைச்சர்களும் முதலமைச்சர்களும் அதிகாரத்தைக் கைவசம் வைத்திருக்காமல், இப்படி அதிகாரிகளை ஆளவிட்டால் சமூக நீதி எங்கிருந்து வரும்?”

``சரி... இப்படி உங்கள் கோரிக்கைகளெல்லாம் அலட்சியப்படுத்தப்படும் கூட்டணியில் ஏன் தொடர்கிறீர்கள்?”

``தமிழ்நாட்டு மக்களுக்காக உரிமைக்குரல் எழுப்புவதற்கு எம்.எல்.ஏ-வாக வேண்டும்... அதற்கு திராவிடக் கட்சிகளோடுதான் கூட்டணி வைக்கவேண்டியிருக்கிறது. எனக்கான வாய்ப்பைப் பயன்படுத்திக்கொண்டு மண்ணுக்கும் மக்களுக்கும் தீர்வு கண்டிருக்கிறேன். தி.மு.க ஆட்சியிலும் பிரச்னைகளைச் சுட்டிக்காட்டி தீர்வு காண முயல்கிறேன்... அதற்கான சூழலை முதலமைச்சரே ஏற்படுத்திக் கொடுத்தாலும் அதிகார வர்க்கம் இடையில் புகுந்து தடுக்கிறது.”

``பா.ம.க-வுடன் தமிழக வாழ்வுரிமைக் கட்சி நெருக்கம் காட்டுவதன் பின்னணி என்ன... ராமதாஸை ரகசியமாக சந்தித்தீர்களாமே?”

``பா.ம.க நிறுவனர் ராமதாஸை ரகசியமாகச் சந்திக்கவேண்டிய அவசியம் எனக்கில்லை. அனைத்து மக்களாலும் ஏற்றுக்கொள்ளப்படுகிற பொதுத் தலைவராக வளர்ந்துவரும் நான், மீண்டும் பா.ம.க-வோடு இணையப்போவதில்லை. சமூக நீதி போராட்டக் களத்துக்கு ராமதாஸ் அழைத்தால் அதைப் பரிசீலிப்பேன் என்றுதான் சொல்லிவருகிறேன்.”

``கொடி அறிமுகம் செய்து மாநாட்டுக்குத் தயாராகும் விஜய் கட்சியின் பெயரும், `TVK’ என்றே அடையாளப் படுத்தப்படுகிறதே?”

``பல ஆண்டுகளாகவே பத்திரிகை ஊடகங்களில் எங்கள் கட்சியும் `TVK’ என அடையாளப்பட்டிருக்கிறது. எனவே, விஜய் தன் கட்சியின் பெயரை மறுபரிசீலனை செய்ய வேண்டும் எனப் பொதுவெளியில் கோரிக்கை விடுக்கிறேன். இது தொடர்பாக தேர்தல் ஆணையத்துக்கும் முறையாகக் கடிதம் எழுதியிருக்கிறேன். மற்றபடி அரசியலுக்கு வரும் விஜய்யை வரவேற்கிறேன். மத்திய, மாநில அரசுகளில் தமிழர்களின் பிரதிநிதித்துவம், தத்தளிக்கும் தமிழ்ச் சமூகத்தின் பிரச்னைகள் குறித்தும், தமிழீழம் பற்றியும் சரியான நிலைப்பாட்டை எடுத்தால் அவரைப் பாராட்டவும் செய்வேன்!”

``அப்படியென்றால், தமிழக வாழ்வுரிமைக் கட்சியின் கூட்டணி நிலைப்பாட்டில் விரைவிலேயே மாற்றத்தை எதிர்பார்க்கலாமா?”

``தி.மு.க-வுடன் பல்வேறு பிரச்னைகளும், அவர்கள்மீது கோபமும் இருந்தாலும் மனிதகுல விரோத பா.ஜ.க தமிழ்நாட்டில் வளர்ந்துவிடக் கூடாது என்பதற்காகத்தான் அத்தனையையும் பொறுத்துக்கொண்டு தி.மு.க கூட்டணியில் தொடர்கிறேன். இதுதான் எங்களது இப்போதைய நிலைப்பாடு!”


http://dlvr.it/TCnpkh

Read More

Aparajita Bill: பாலியல் வன்கொடுமைக்கெதிராக மம்தா நிறைவேற்றிய மசோதாவும்... அதன் அம்சங்களும்!

கொல்கத்தாவில் பெண் மருத்துவர் பாலியல் வன்கொடுமை செய்யப்பட்டு கொல்லப்பட்ட சம்பவத்தோடு நாளும் அரங்கேறிக் கொண்டிருக்கும் பாலியல் துன்புறுத்தல்களும், வன்கொடுமைகளும், பெண்களுக்கு எங்குதான் பாதுகாப்பு இருக்கிறது என்ற கேள்வியை எழுப்பி... அனைவரையும் உலுக்கிக்கொண்டிருக்கிறது. இவ்வாறிருக்க, பாலியல் வன்கொடுமையில் ஈடுபடும் குற்றவாளிகளுக்கு வழங்கப்படும் தண்டனை மீண்டும் இதே குற்றத்தில் ஈடுபடும் குற்றவாளிகளுக்கு முன்னுதாரணமாக இருக்கும் வகையில் கடுமையான சட்டம் கொண்டுவர வேண்டும் என பிரதமர் மோடிக்கு இரண்டு முறை கடிதம் எழுதினார் மேற்கு வங்க முதல்வர் மம்தா.கொல்கத்தா பெண் மருத்துவர் பாலியல் படுகொலை - மருத்துவர்கள் போராட்டம்

ஆனால், நேரடியாக மோடியிடமிருந்து பதில் எதுவும் அவருக்குச் சேரவில்லை. அதேமயம், பாலியல் வன்கொடுமை குற்றங்களுக்கு, பாரதிய நியாய சன்ஹிதா (BNS) பிரிவு 64-ஆனது, 10 ஆண்டுகள் முதல் ஆயுள் வரை சிறைத் தண்டனை விதிக்கிறது. மேலும், BNS-ன் பிரிவு 66-ஆனது பாலியல் வன்கொடுமை, அதனுடன் கொலை, பாதிக்கப்பட்டவர்கள் vegetative நிலைக்குச் செல்லுதல் ஆகியவற்றில் குற்றவாளிகளுக்கு மரண தண்டனை விதிக்கிறது.நரேந்திர மோடி

ஆனால், இதே பிரிவு 20 ஆண்டுகள் சிறை அல்லது ஆயுள் தண்டனையையும் விதிக்கிறது. இவற்றோடு, 18 வயதுக்குட்பட்டவர்களிடம் பாலியல் துன்புறுத்தல், பாலியல் வன்கொடுமை ஆகிய குற்றங்களில் ஈடுபடும் குற்றவாளிகளுக்கு போக்சோ சட்டத்தின் தண்டனைகளும் இருக்கின்றன.

இப்படியான சூழலில், பாலியல் வன்கொடுமைகளில் ஈடுபடும் குற்றவாளிகளுக்கு பத்தே நாள்களில் மரண தண்டனை விதிக்கும் வகையில் மசோதா நிறைவேற்றப்போவதாகக் கடந்த வாரம் மம்தா அறிவித்தார். அதை மெய்ப்பிக்கும் வகையில், மேற்கு வங்கத்தில் தற்போது கூட்டப்பட்டிருக்கும் இரண்டு நாள் சட்டமன்ற சிறப்புக் கூட்டத்தொடரில், `அபரஜிதா பெண்கள் மற்றும் குழந்தைகள் (மேற்கு வங்க குற்றவியல் சட்டங்கள் திருத்தம்) மசோதா 2024' இன்று தாக்கல்செய்யப்பட்டு நிறைவேற்றப்பட்டிருக்கிறது.மம்தா பானர்ஜி - Aparajita Bill

இந்த மசோதாவானது, மேற்குறிப்பிட்ட சட்டங்களில் திருத்தம் மேற்கொள்ளவும் முன்மொழிகிறது. இந்த அபரஜிதா மசோதா நிறைவேற்றப்படுகையில் உரையாற்றிய மம்தா, ``பாலியல் வன்கொடுமை தற்போது தேசிய அவமானம். அதைத் தடுக்கத் தேவையான சமூக சீர்திருத்தத்துக்காக ஒன்றிணைவோம்" என்றார்.அபரஜிதா மசோதா கூறுவதென்ன?

இந்த மசோதாவானது பாலியல் வன்கொடுமை எதிர்ப்பு மசோதா (Anti-Rape Bill) என்றும் அழைக்கப்படுகிறது.

பாலியல் வன்கொடுமையில் பாதிக்கப்பட்ட பெண் உயிரிழந்தாலோ அல்லது vegetative நிலைக்குச் சென்றாலோ குற்றவாளிகளுக்கு மரண தண்டனை விதிக்கப்படும்.

பாலியல் வன்கொடுமை மற்றும் கூட்டுப் பாலியல் வன்கொடுமைகளில் ஈடுபடுபவர்கள் வாழ்நாள் முழுவதும் சிறைத் தண்டனை அனுபவிக்கும் வகையில் ஆயுள் தண்டனை விதிக்கப்படும்.தண்டனை

இத்தகைய குற்றங்களில் மீண்டும் மீண்டும் ஈடுபடுபவர்களுக்கு ஆயுள் தண்டனை அல்லது மரண தண்டனை விதிக்கப்படும்.

பாதிக்கப்பட்டவரின் மருத்துவ செலவுகளை குற்றவாளிகள் அல்லது அவர்களின் குடும்பங்கள் ஏற்க வேண்டும். ஒருவேளை அதை அவர்கள் செலுத்தத் தவறினால், அவர்களிடமிருந்து சட்டப்பூர்வ வழிகளில் பெறப்படும்.

இந்தக் குற்றங்கள் தொடர்புடைய வழக்குகள் மீதான விசாரணையின் முதற்கட்ட அறிக்கை 21 நாள்களுக்குள் சமர்ப்பிக்கப்பட வேண்டும்.

இந்த மசோதாவின் கீழ் இத்தகைய குற்றங்களை விசாரிக்க, துணைக் காவல் கண்காணிப்பாளர் தலைமையில் `அபரஜிதா பணிப் படை' என்ற பெயரில் மாவட்ட அளவிலான சிறப்புப் படை அமைக்கப்படும்.தீர்ப்பு

இந்த வழக்குகளில் விரைந்து விசாரணை நடத்த பிரத்யேகமாக சிறப்பு நீதிமன்றங்கள் மற்றும் சிறப்பு விசாரணைக் குழுக்கள் அமைக்கப்படும்.

பாதிக்கப்பட்டவர்களின் தனியுரிமை மற்றும் கண்ணியத்தைக் காக்கும் நடவடிக்கையாக, முன் அனுமதியின்றி நீதிமன்ற நடவடிக்கைகள் தொடர்பான விஷயங்களை வெளியிடுபவர்களுக்கு அபராதத்துடன் கூடிய மூன்று முதல் ஐந்து ஆண்டுகள் சிறைத் தண்டனை விதிக்கப்படும்.சட்டம்

மேலும், இந்த மசோதாவானது பாலியல் வன்கொடுமை, பாலியல் வன்கொடுமையுடன் கூடிய கொலை, கூட்டு பாலியல் வன்கொடுமை, பாதிக்கப்பட்டவர்களின் அடையாளங்களை வெளியிடுதல், ஆசிட் வீச்சு போன்ற குற்றங்களுக்கு தண்டனை வழங்கும் BNS-ன் பிரிவுகள் 64, 66, 70(1), 71, 72(1), 73, 124(1), 124(2) திருத்தங்களை முன்மொழிகிறது. அதோடு, இத்தகைய குற்றங்களில் குற்றவாளிகளின் வயதைப் பொறுத்து தண்டனை வழங்கும் BNS-ன் பிரிவுகள் 65(1), 65(2), 70(2) ஆகியவற்றைத் தவிர்க்கவும் இந்த மசோதா வலியுறுத்துகிறது.பாலியல் வன்கொடுமை - கொடூர கொலைகளும்... மம்தா - முர்முவின் அரசியல் கணக்குகளும்!


http://dlvr.it/TCmPHD

Read More

மதுரை: மூர்த்தி தொகுதியில் கிருஷ்ண ஜெயந்தி விழா எடுத்த பெரியகருப்பனின் சம்பந்தி - பின்னணி என்ன?

அமைச்சர் பெரியகருப்பனின் சம்பந்தி கேபிஎஸ் கண்ணன் நேரடி அரசியலில் இறங்குகிறார் என்பது அரசல் புரசல் பேச்சாக இருந்த நிலையில், சமீபத்தில் அவர் நடத்திய கிருஷ்ண ஜெயந்தி நிகழ்ச்சி அதை உறுதிப்படுத்தியது.கேபிஎஸ் கண்ணன்

தொழிலதிபராகவும், யாதவர் சமுதாயப் பிரமுகராகவும் உள்ள கேபிஎஸ் கண்ணன், கிருஷ்ண ஜெயந்தி அன்று மதுரை கிழக்கு சட்டமன்றத் தொகுதியிலுள்ள 30-க்கும் மேற்பட்ட இடங்களில் சமுதாயக் கொடியை ஏற்றி விழாக்களை அவர் நடத்தியது அனைவராலும் கவனிக்கப்பட காரணம், அது அமைச்சர் மூர்த்தியின் தொகுதி என்பதுதான்.

ஏற்கனவே கேபிஎஸ் கண்ணனுக்கும், அமைச்சர் ராஜகண்ணப்பனின் ஆதரவாளர்களுக்கும் இடையே யாதவர் கல்லூரி நிர்வாகம் சம்பந்தமாக பிரச்னை ஏற்பட்டு நீதிமன்றம் வரை சென்ற நிலையில் தற்போது கிருஷ்ண ஜெயந்தி விழா கிழக்குத் தொகுதியில் பரபரப்பை ஏற்படுத்த என்ன காரணம் என்று  கேபிஎஸ் கண்ணனிடமே கேட்டேன், "கிருஷ்ண ஜெயந்தி விழாவை கிழக்குத் தொகுதியில்  கொடியேற்றி கொண்டாடியதை  சமுதாய ரீதியாக நடந்தது  சொல்ல முடியாது. அனைத்து சாதி, மதத்தினரும் கலந்துகொண்டு சிறப்பித்த விழா என்றுதான் சொல்ல வேண்டும். அந்தளவுக்கு மக்கள் மகிழ்ச்சியை வெளிப்படுத்தினார்கள்.பி.மூர்த்தி-பெரியகருப்பன்

கிழக்குத் தொகுதியில் உள்ள யாதவர் சமூக மக்கள் இந்தாண்டு சிறப்பாக கொண்டாட வேண்டுமென்று முடிவெடுத்ததால் அத்தொகுதிக்குள் அமைந்துள்ள யாதவர் கல்லூரியில் தொடங்கி வரிசையாக ஒவ்வொரு ஊர்களிலும் யாதவர் குலக்க்கொடியை ஏற்றுவது என முடிவு செய்தோம். அதை சிறப்பாக செய்து முடித்தோம். மற்றபடி இதில் அரசியல் எல்லாம் இல்லை. காவல்துறை முதலில் அனுமதி தரவில்லை, அவரவர் சொந்த இடங்களில்தான் கொடியேற்றும் நிகழ்ச்சி என்பதால் அனுமதித்தார்கள். இது முழுக்க கண்ணனின் புகழ்பாடும், கீதை போதித்த நல்லொழுக்கத்தை மக்களிடம் கொண்டு சேர்க்கவும் நடத்திய விழாதான்.

இதற்கும் அரசியலுக்கும் சம்பந்தமில்லை, எனக்கு அனைத்து சமூகத்திலும் நண்பர்கள் உள்ளனர். அனைத்து சமூகத்தினருக்கும் சம வாய்ப்பு கிடைக்க வேண்டும் என்று விரும்புகிறோம், அந்த அடிப்படையில் இத்தொகுதியில் யாதவர் சமூகத்தினர் மெஜாரிட்டியாக இருந்தாலும், ஒவ்வொரு தேர்தலின்போதும் யாதவ சமுதாயத்தினருக்கு வாய்ப்பு மறுக்கப்பட்டு வருகிறது. அதனால் வருகின்ற சட்டமன்றத் தேர்தலில் யாதவரை திமுக நிறுத்த வேண்டும் என்பதில் சமுதாய மக்கள் உறுதியாக உள்ளார்கள். அந்த கோரிக்கையை வலியுறுத்தும் வகையில்தான் சமூக ரீதியாக மக்கள் ஒருங்கிணைந்து வருகிறார்கள்." என்றவரிடம்,கொடியேற்று விழா

"நீங்கள் இந்த தொகுதியில் போட்டியிட திட்டமிட்டுள்ளீர்களா?" என்றோம்.

"யாதவருக்கு இத்தொகுதியை ஒதுக்க வேண்டுமென்பதுதான் எங்கள் முதல் கோரிக்கை. அப்படியே நான் போட்டியிட நினைத்தாலும் வேறு கட்சி சார்பில் போட்டியிட முடியாது, என் சம்பந்திக்காக திமுக சார்பில்தான் போட்டியிட வேண்டும்.." என்றார்.

உதயநிதி நிகழ்ச்சிக்கான ஏற்பாட்டில் தீவிரம் காட்டி வருவதால் தன் தொகுதியில் சக அமைச்சர் பெரியகருப்பனின் சம்பந்தி நடத்திய நிகழ்ச்சி குறித்து அமைச்சர் பி.மூர்த்தி தரப்பு கண்டுகொள்ளவில்லை.

இந்த நிலையில், இவர் நடத்திய நிகழ்ச்சிக்கு போட்டியாக, மற்றொரு குழுவினர் அமைச்சர் ராஜகண்ணப்பனின் மகன் பிரபு ராஜகண்ணப்பனை அழைத்து வந்து கிருஷ்ண ஜெயந்தி விழாவை கொண்டாடியதாக சொல்லப்பட்டது. இது குறித்து ராஜகண்ணப்பன் தரப்பில் கேட்டோம், "சமுதாயத்தின் பெயரை சொல்லிக்கொண்டு யாரோ நடத்திய கிருஷ்ண ஜெயந்தி விழா பற்றியெல்லாம் எங்களுக்குத் தெரியாது. எங்கள் அமைச்சரின் மகன் நீண்டகாலமாக மதுரையில் நடைபெறும் கிருஷ்ண ஜெயந்தி விழாக்களில் அமைதியாக கலந்துகொண்டு அமைதியாக திரும்பி விடுவார். அப்படியிருக்கும்போது யாருக்கும் போட்டியாக விழா நடத்துவது எங்கள் வழக்கமில்லை" என்றனர். Loading…

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY />

http://dlvr.it/TClxfh

Read More

காட்டாங்குளத்தூர்: கல்லூரி மாணவர்களிடம் எளிதில் புழங்குகிறதா போதைப்பொருள்? - போலீஸ் ரெய்டின் பின்னணி

தமிழகத்தின் பள்ளி, கல்லூரி மாணவர்களிடம் எளிதில் புழங்கும் பொருளாகவே மாறிவிட்டது கஞ்சா என்ற குற்றச்சாட்டு எழத்தொடங்கி சில காலம் ஆகிவிட்டது. மாநகரங்கள் தொடங்கி கிராமங்கள் வரை அதன் எல்லை விரிவடைந்து சென்றுகொண்டிருக்கிறது. `கஞ்சா வேட்டை' எனும் பெயரில் தமிழ்நாடு காவல்துறை அடுத்தடுத்து அதிரடி நடவடிக்கையில் இறங்கினாலும் ஒரு சில இடங்களில் கஞ்சாவைக் கைப்பற்றதான் முடிகிறதே தவிர, தமிழ்நாட்டின் எல்லைக்குள் வர முடியாதபடி தடுக்கவோ, போதைப்புழக்கத்தை மட்டுப்படுத்தவோ முடியவில்லை.

இந்தநிலையில் தான் அதிர்ச்சியளிக்கும் வகையில் சென்னை அருகே உள்ள ஒரு பிரபல தனியார் கல்லூரி மாணவர்கள் விடுதியிலிருந்து கஞ்சா உள்ளிட்ட போதைப்பொருட்களை கைப்பற்றியிருப்பதோடு, 30-க்கும் மேற்ப்பட்ட மாணவர்கள்மீது வழக்கு பதிவும் செய்திருக்கிறது தமிழ்நாடு காவல்துறை.காட்டாங்குளத்தூர் கல்லூரி மாணவர்களிடம் கஞ்சா

சென்னை அருகே பொத்தேரி-காட்டாங்குளத்தில் செயல்பட்டுவரும் பிரபல தனியார் கல்லூரி மாணவர்களிடையே போதைப்புழக்கும் சர்வசாதாரணமாக நடந்துவருவதாக தாம்பரம் காவல்துறையினருக்கு ரகசியத் தகவல் கிடைத்தது. குறிப்பாக, கல்லூரி மாணவ, மாணவிகள் தங்கியிருக்கும் விடுதிகளிலும், வாடகைக்கு எடுத்து தங்கியிருக்கும் அடுக்குமாடி குடியிருப்புகளிலும் கஞ்சா, போதை சாக்லெட், போதை ஊசிகள், போதை மாத்திரைகள் என பல வகைகளில் மாணவர்கள் போதைக்கு அடிமையாகிவருவதாகக் காவல்துறையினருக்கு கூடுதல் தகவல் கிடைத்தது.

இதையடுத்து, தாம்பரம் மாநகர காவல் ஆணையர் அபின் தினேஷ் மோடக் உத்தரவின் பேரில் சம்மந்தப்பட்ட விடுதிகள், அடுக்குமாடிக் குடியிருப்பில் சுமார் 500-க்கும் மேற்பட்ட காவல்துறையினர் கடந்த ஆகஸ்ட் 31-ம் தேதி அதிகாலையில் அதிரடி சோதனையில் இறங்கினர். இந்த சோதனையில் மாணவ, மாணவிகளின் அறைகளிலிருந்து அரை கிலோ கஞ்சா, 6 கஞ்சா சாக்லேட்டுகள், கஞ்சா ஆயில், போதை பவுடர்கள், பாங், கஞ்சா புகைப்பதற்கான உபரகணங்களான ஸ்மோக்கிங் மெஷின் உள்ளிட்டவை பறிமுதல் செய்யப்பட்டன. இதை வைத்திருந்த பெண் உள்பட 30-க்கும் மேற்பட்ட மாணவர்கள், இளைஞர்களை காவல்துறையினர் விசாரணைக்காக அழைத்துச் சென்றனர். அதில், 21 பேர்மீது வழக்குப்பதிவு செய்த காவல்துறையினர் ஒரு பெண், மூன்று வடமாநிலத்தவர், 11 கல்லூரி மாணவர் என 14 பேரை செங்கல்பட்டு நீதிமன்றத்தில் ஆஜர்படுத்தினர். தாம்பரம் மாநகர காவல் ஆணையர் அபின் தினேஷ் மோடக்

இந்த வழக்கை விசாரித்த நீதிபதி, மாணவர்களின் படிப்பைக் கருதி பெண் உள்பட 11 கல்லூரி மாணவர்களை ஜாமீனில் விடுவித்தார். மேலும், டப்லு, மகேஷ்குமார், சுனில்குமார் ஆகிய மூன்று பேருக்கு 13-ம் தேதி காவல்நீட்டிப்பு செய்து சிறையிலடைக்க உத்தரவிட்டார். இந்த நிலையில், விசாரணைக்குள்ளான மாணவர்கள் அளித்த தகவலின் பேரில், மாணவர்களுக்கு கஞ்சா சப்ளை செய்துவந்த A+ ரெளடியான செல்வமணியை காவல்துறையினர் அதிரடியாக கைதுசெய்திருக்கின்றனர். கூடுவாஞ்சேரி அருகே பதுங்கியிருந்த ரெளடி செல்வமணியைக் கைது செய்த காவல்துறையினர் அவனிடமிருந்து இரண்டரை கிலோ கஞ்சா, பட்டா கத்திகளை கைப்பற்றினர். இதையடுத்து, ரெளடி செல்வமணியிடம் காவல்துறையினர் விசாரணை மேற்கொண்டுவருகின்றனர்.

இதுகுறித்து சம்மந்தப்பட்ட கல்லூரி மாணவர்களிடையே பேசியபோது,``இன்று நேற்று அல்ல... பல ஆண்டுகளாகவே எங்கள் பகுதியில் கல்லூரி மாணவர்களிடையே போதைப்புழக்கம் இருந்துவருகிறது. இங்கு தமிழ்நாட்டைச் சேர்ந்தவர்கள் மட்டுமல்லாமல் வெளிமாநிலங்களிலிருந்தும், வெளிநாடுகளிலிருந்தும்கூட நூற்றுக்கணக்கான மாணவர்கள் படிக்கின்றனர். அதில் பெரும்பாலானோர் வசதிவாய்ந்தவர்கள் என்பதால் இதைப் பெரிதாக யாரும் கண்டுகொள்வதில்லை. இதில் ஆண் பெண் என்ற வித்தியாசம் இல்லாமல் பலரும் போதைப் பழக்கத்துக்கு அடிமையாகியிருக்கின்றனர். எங்கள் கல்லூரி மட்டுமல்லாமல் சென்னையிலுள்ள அனைத்து கல்லூரிகளிலும் இதுதான் நிலைமை. இதேபோல அனைத்து கல்லூரிகளையும் அதன் விடுதிகளையும் காவல்துறையினர் சோதனையிட்டால் இதில் எந்த அளவுக்கு மாணவர்களிடையே போதைப்பொருள்கள் ஊடுவிருக்கிறது என்பதை எளிதாகக் கண்டுபிடிக்கலாம்!" என்றனர். கஞ்சா

இதுகுறித்து கண்டனம் தெரிவித்திருக்கும் அ.தி.மு.க ஐ.டி விங் பொறுப்பாளர் சி.டி. நிர்மல்குமார், ``கடந்த மூன்று வருடத்தில் பள்ளி, கல்லூரி வரை இறங்கி சோதனை செய்யும் அளவிற்கு மோசமான நிலையை தமிழகம் எட்டியிருக்கிறது!" என விமர்சித்திருக்கிறார். அதேபோல, அ.தி.மு.க முன்னாள் எம்.பி. கே.சி. பழனிசாமி, `` சென்னை அருகே பொத்தேரி, காட்டாங்குளத்தூர் பகுதிகளில் ஆண்கள், பெண்கள், தங்கும் விடுதிகளில் 500க்கும் மேற்பட்ட போலீஸார் கஞ்சா சோதனை. தி.மு.க ஆட்சியில் தமிழகத்திற்கு ஏற்பட்ட பரிதாப நிலை...தென்னிந்தியாவில் போதைப் பொருள் தலைநகராக மாறிக்கொண்டுவரும் தமிழகம்..!" என விமர்சித்திருக்கிறார்.

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY />

http://dlvr.it/TClxCG

Read More

Mumbai: 1வது நம்பர் வாகனப் பதிவு எண்ணிற்கு ரூ.18 லட்சம்; வி.ஐ.பி பதிவு எண் கட்டணம் மும்மடங்கு உயர்வு

வாகனங்களுக்கான வி.ஐ.பி நம்பர்களுக்கு எப்போதும் பொதுமக்களிடம் அதிக வரவேற்பு இருக்கும். வி.ஐ.பி நம்பர்களுக்கு அரசியல்வாதிகள் மற்றும் முக்கிய பிரமுகர்கள் எவ்வளவு பணம் வேண்டுமானாலும் கொடுக்க தயாராக இருக்கின்றனர். அதனைப் பயன்படுத்தி அரசும் வி.ஐ.பி நம்பர்களுக்குக் கணிசமான பணத்தை வசூலித்து விடுகிறது.

மகாராஷ்டிரா அரசும் வி.ஐ.பி வாகன நம்பர்களுக்கான கட்டணத்தைப் பல மடங்கு அதிகரித்து இருக்கிறது. இது குறித்து மும்பை போக்குவரத்து பிரிவு அதிகாரிகள் வெளியிட்டுள்ள செய்தியில் கூறியிருப்பதாவது:

1வது நம்பருக்கான பதிவு எண் கட்டணத்தின் விலை 18 லட்சமாக அதிகரித்துள்ளது. முந்தைய கட்டணத்தை விட இப்போது மூன்று மடங்கு அதிகரிக்கப்பட்டுள்ளது. ஒரு ஆடம்பர காரின் விலையே 18 லட்சத்திற்கும் குறைவாகக் கிடைக்கிறது. ஆனால் மும்பையில் வாகனப் பதிவு எண் கட்டணம் 18 லட்சத்திற்குக் கொடுக்கப்படுகிறது.வாகனப் பதிவு எண்

இதே போன்று இரு சக்கர வாகனங்களுக்கு 1வது நம்பர் பதிவு எண் கட்டணம் 50 ஆயிரத்திலிருந்து ஒரு லட்சம் ரூபாயாக அதிகரிக்கப்பட்டுள்ளது. 0009, 0099, 0999, 9999 போன்ற கார்களுக்கான பதிவு எண்கள் விலை 1.5 லட்சத்திலிருந்து 2.5 லட்சமாக அதிகரிக்கப்பட்டுள்ளது.

இது இரு சக்கர வாகனம் மற்றும் மூன்று சக்கர வாகனத்திற்கு 20 ஆயிரத்திலிருந்து 50 ஆயிரமாக அதிகரிக்கப்பட்டுள்ளது. இது தவிர 49 வகையான பதிவு எண்களின் விலை 50 ஆயிரத்திலிருந்து 70 ஆயிரமாக அதிகரிக்கப்பட்டுள்ளது. வி.ஐ.பி நம்பர்கள் ஆர்.டி.ஒ அலுவலக இணையத்தளத்தில் இருக்கும். அதற்கு இணையத்தில் பணம் செலுத்தி நம்பர் பெற்றுக்கொள்ள முடியும். முதலில் வருபவர்களுக்கு முன்னுரிமை என்ற அடிப்படையில் நம்பர்கள் வழங்கப்படும் என்று அதில் குறிப்பிடப்பட்டுள்ளது. அரசியல்வாதிகள், தொழிலதிபர்கள் மற்றும் பணக்காரர்கள் மத்தியில் இது போன்ற வி.ஐ.பி நம்பர்களுக்கு அதிக வரவேற்பு இருக்கிறது. பஞ்சாப்பில் வி.ஐ.பி நம்பர்களைப் பணக்கார விவசாயிகள் ஏலத்தில் எடுக்கின்றனர். அதுவும் ஏ.கே.47 நம்பருக்கு பஞ்சாப்பில் அதிக வரவேற்பு இருக்கிறது என்பது குறிப்பிடத்தக்கது.


http://dlvr.it/TClV5y

Read More

Tamil News Live Today: Kolkata Doctor Case: மருத்துவக் கல்லூரியின் முன்னாள் முதல்வர் கைது; பரபரப்பாகும் கொல்கத்தா வழக்கு

கொல்கத்தா வழக்கு: மருத்துவக் கல்லூரியின் முன்னாள் முதல்வர் கைது

ஆர்.ஜி கர் மருத்துவக் கல்லூரியின் முன்னாள் முதல்வர் சந்தீப் கோஷ்

மேற்கு வங்க மாநில தலைநகர் கொல்கத்தாவிலுள்ள ஆர்.ஜி. கர் மருத்துவக் கல்லூரி மருத்துவமனையில், மருத்துவப் பயிற்சி மாணவி கடந்த மாதம் பாலியல் வன்கொடுமை செய்யப்பட்டு, கொலை செய்யப்பட்டார்.

இதற்கு உரிய நீதி கோரி மருத்துவர்கள், மாணவர்கள் நடத்திய போராட்டத்தால், இந்த வழக்கு இந்தியா முழுவதும் கவனம் பெற்றது. இதற்கிடையில், இந்த வழக்கு சி.பி.ஐ-க்கு மாற்றப்பட்டது. அதில், பல்வேறு அதிர்ச்சி தகவல்கள் வெளியாகிப் பரபரப்பை ஏற்படுத்தின. இந்த நிலையில்தான், ஆர்.ஜி. கர் மருத்துவக் கல்லூரியின் முன்னாள் முதல்வர் சந்தீப் கோஷ் கைது செய்யப்பட்டிருக்கிறார்.


http://dlvr.it/TCl6R3

Read More