Russia-Ukraine War: `உக்ரைனுடன் பேச்சுவார்த்தைக்குத் தயார், ஆனால்...' - புதின் சொல்வதென்ன?

கிட்டத்தட்ட இரண்டு ஆண்டுகளாக ரஷ்யா-உக்ரைன் போர் நடந்துவரும் நிலையில், 'உக்ரைனுடன் பேச்சுவார்த்தை நடத்த தயார்' என ரஷ்ய அதிபர் புதின் பேசியுள்ளார்.

கடந்த 2022-ம் ஆண்டு பிப்ரவரி மாதம், 'உக்ரைன், நேட்டோ நாடுகளின் கூட்டமைப்பில் சேர விரும்புகிறது. இது ரஷ்யாவின் பாதுகாப்பிற்கு அச்சுறுத்தலாக அமையும்' என ரஷ்ய அதிபர் புதின், உக்ரைன் மீதான போரை தொடங்கினார். பல நாட்டு தலைவர்கள் 'போரை நிறுத்த வேண்டும். இது பிற உலக நாடுகளையும் பாதிக்கும்' என்று கூறியும், ரஷ்ய அதிபர் புதின் போரை நிறுத்தவில்லை. Putin - புதின்

இந்த நிலையில், 'உக்ரைனுடன் பேச்சுவார்த்தை நடத்த தயார்' எனக் கூறியுள்ளது, அனைத்து தரப்பினருக்கும் நிச்சயம் ஆச்சர்யமான விஷயம்தான். ரஷ்யா, விளாதிவசுத்தோக்கில் (Vladivostok) நடந்த ஈஸ்டர்ன் எக்கனாமிக் ஃபோரமின் (Eastern Economic Forum) கேள்வி-பதில் நிகழ்ச்சியில் கலந்துகொண்டு ரஷ்ய அதிபர் புதின் இன்று பேசியுள்ளார்.

அதில், "ரஷ்யா பேச்சுவார்த்தைக்கு தயார்தான். 2022-ம் ஆண்டு போர் தொடங்கிய ஆரம்ப வாரங்களில், இஸ்தான்புல்லில் ரஷ்யா-உக்ரைன் இரு நாடுகளுக்கும் பேச்சுவார்த்தை நடந்தது. அப்போது போடப்பட்ட எந்த ஒப்பந்தமுமே நடைமுறைப்படுத்தப் படவில்லை. அதுவே தற்போது நடக்கவிருக்கும் பேச்சுவார்த்தைக்கு அடிப்படையாக அமையும்.

ரஷ்யா எப்போதுமே பேச்சுவார்த்தைக்கு மறுப்பு சொன்னதே கிடையாது. ஆனால், இந்தப் பேச்சுவார்த்தை 'அது...இது' என தற்காலிக கோரிக்கைகளுக்காக நடக்காமல், இஸ்தான்புல்லில் நடந்த ஒப்பந்தந்தின்போது பேசப்பட்ட ஆவணங்களால்தான் நடக்க வேண்டும்.

அந்த பேச்சுவார்த்தையின்போது கிட்டத்தட்ட ஒரு ஒப்பந்தத்திற்கு வந்துவிட்டோம். உக்ரைன் சார்பாக பேச்சுவார்த்தைக்கு வந்த தலைவரும் அந்த ஒப்பந்தத்திற்கு உடன்பட்டுவிட்டார். பின்னர் அவருக்கு வந்த ஆணையால் அந்த ஒப்பந்தம் அமலுக்கு வரவில்லை. இதற்கு ரஷ்யாவின் தோல்வியை விரும்பும் அமெரிக்கா மற்றும் பிற ஐரோப்ப நாடுகள்தான் முக்கிய காரணம்" என்று பேசியுள்ளார்.

மேலும் இந்த பேச்சுவார்த்தை இந்தியா, சீனா, பிரேசில் நாடுகள் முன்னிலையில் நடக்க வேண்டும் என்றும் கூறியுள்ளார். வீடியோ காலில் சேட்டை.. முகம் சுளித்த நீதிபதி! `ஹேமா கமிட்டி' அறிக்கைக்குப் பிறகான முதல் தீர்ப்பு?


http://dlvr.it/TCs9Hs

Read More

ஆம்புலன்ஸ் வசதி குறைபாடு; இறந்த மகன்களின் உடலை 15 கி.மீ சுமந்து சென்ற பெற்றோர் - மகாராஷ்டிரா அவலம்!

மகாராஷ்டிராவில் கட்சிரோலி மாவட்டத்தில் பழங்குடியின மக்கள் மற்றும் நக்சலைட்கள் அதிகமாக இருக்கின்றனர். மாவட்டத்தின் பெரும்பாலான பகுதி அடர்ந்த வனப்பகுதியாகும் ஆகும். இந்த காடுகளில் வசிக்கும் பழங்குடியின மக்களுக்கு அடிப்படை வசதிகள் எதுவும் இல்லை. குறிப்பாக சாலை மற்றும் மருத்துவ வசதி கிடையாது. கட்சிரோலி மாவட்டத்தில் உள்ள பட்டிகாவ் என்ற இடத்தில் வசிக்கும் தம்பதியின் இரண்டு மகன்களுக்கு உடல்நலம் பாதிக்கப்பட்டது. அந்த மகன்களை பெற்றோர் 15 கிலோமீட்டர் தூரத்தில் உள்ள ஆரம்ப சுகாதார மையத்தில் சிகிச்சைக்காக சேர்த்தனர். ஆனால் சிகிச்சை பலனலிக்காமல் இரண்டு மகன்களும் இறந்துவிட்டனர். இதனால் மகன்களின் உடல்களை சொந்த ஊருக்கு கொண்டு செல்ல திட்டமிட்டனர்.

ஆனால் அங்கு ஆம்புலன்ஸ் வசதியோ அல்லது டாக்ஸியில் எடுத்துச் செல்ல பண வசதியோ இல்லை. இதனால் கணவன் மனைவி இருவரும் தங்களது மகன்களை தோளில் சுமந்து கொண்டு தங்களது சொந்த ஊருக்கு நடந்தே செல்ல ஆரம்பித்தனர். துணை முதல்வர் தேவேந்திர பட்னாவிஸ் பொறுப்பு மாவட்டமான கட்சிரோலியில் தம்பதிகள் 15 கிலோமீட்டர் நடந்தே தங்களது சொந்த ஊருக்கு மகன்களின் உடல்களைக் கொண்டு சென்றனர். அவர்கள் மகன்களின் உடல்களை தோளில் சுமந்து செல்லும் வீடியோ சோசியல் மீடியாவில் வேகமாகப் பரவி, அதிர்ச்சியை ஏற்படுத்தியிருக்கிறது. அவர்களது ஊர் வனப்பகுதியில் இருக்கிறது. விஜய்

மழை காலம் என்பதால் ஊருக்கு செல்லும் பாதை சேறும், சகதியுமாக இருந்தது. அடிக்கடி மழையும் பெய்தது. அதனை பொருட்படுத்தாமல் மகன்களின் உடல்களை சொந்த ஊருக்கு கொண்டு சென்றனர். அவர்கள் மகன்களின் உடல்களை சுமந்து சென்ற வீடியோவை எதிர்க்கட்சித் தலைவர் விஜய் தனது சோசியல் மீடியா பக்கத்தில் பகிர்ந்துள்ளார். அதில், ''சகோதரர்கள் இருவரும் காய்ச்சலால் பாதிக்கப்பட்டனர். அவர்களுக்கு சரியான நேரத்தில் சிகிச்சை கிடைக்கவில்லை. இரண்டு மணி நேரத்தில் அவர்களது உடல்நிலை மோசம் அடைந்தது. அடுத்த ஒரு மணி நேரத்தில் அவர்கள் இருவரும் இறந்துவிட்டனர். சிறார்களின் உடலை சொந்த ஊருக்கு பெற்றோர் எடுத்துச் செல்ல ஆம்புலன்ஸ்கூட இல்லை.

15 கிலோமீட்டர் தூரம் மகன்களின் உடலோடு நடந்து செல்லவேண்டிய நிலைக்கு பெற்றோர் தள்ளப்பட்டனர். கட்சிரோலியின் சுகாதார அமைப்பு மோசமானது என்ற உண்மை மீண்டும் வெளிச்சத்திற்கு வந்துள்ளது. கட்சிரோலி மாவட்ட பொறுப்பு அமைச்சர் தேவேந்திர பட்னாவிஸ், தேசியவாத காங்கிரஸ் அமைச்சர் தர்மராவ் ஆகிய இருவரும் மாநிலம் முழுவதும் சுற்றுப்பயணம் செய்து மாநிலத்தை எப்படி மேம்படுத்தப்போகிறோம் என்று சொல்லிக்கொண்டிருக்கிறார்கள்.

கட்சிரோலிக்கு சென்று உண்மையான கள நிலவரத்தை பார்க்கவேண்டும். ஒரு வாரத்தில் விதர்பாவில் இது இரண்டாவது சம்பவம் ஆகும். கடந்த ஒன்றாம் தேதி அமராவதி மாவட்டத்தில் உள்ள தகேந்திரி என்ற கிராமத்தில் கவிதா என்ற பழங்குடியினப் பெண்ணிற்கு பிரசவ வலி ஏற்பட்டது. உடனே அரசு ஆம்புலன்ஸுக்கு தகவல் கொடுத்து வரும்படி கேட்டுக்கொண்டனர். ஆனால் ஆம்புலன்ஸ் வர 4 மணி நேரம் ஆகும் என்று சொல்லி இருக்கிறார்கள். இதனால் வீட்டிலேயே பிரசவம் பார்த்தனர்.

இதில் அப்பெண்ணிற்கு குறைபிரசவம் ஏற்பட்டது. அப்பெண்ணின் உடல்நிலை மோசம் அடைந்தது. கவிதா அருகில் உள்ள ஆரம்ப சுகாதார மையத்திற்கு கொண்டு செல்லப்பட்டார். ஆனால் அங்கிருந்து அமராவதி கொண்டு செல்லும்படி கேட்டுக்கொண்டனர். இதனால் இருவரும் அங்கு கொண்டு செல்லப்பட்டனர். ஆனால் துரதிஷ்டவசமாக தாய், குழந்தை என இரண்டு பேரும் இறந்துவிட்டனர். மோசமாசன சுகாதார வசதி காரணமாக இது போன்ற நிலை ஏற்பட்டது. அரசு 1,500 ரூபாய் கொடுத்து ஓட்டுக் கேட்டுக்கொண்டிருக்கிறது. ஆனால் இங்கு ஆம்புலன்ஸ் இல்லை'' என்று குறிப்பிட்டுள்ளார்.Insurance Arrest: `முன்கூட்டிய கைது நடவடிக்கை'- நீதிமன்றத்தில், சிபிஐ மீது குற்றம்சாட்டிய கெஜ்ரிவால்


http://dlvr.it/TCs8sN

Read More

கோபத்தில் கூட்டணி கட்சிகள்... சரிகட்டும் STALIN | போட்டுக் கொடுத்த RAVI | Elangovan Explains

http://dlvr.it/TCrPgJ

Read More

`சுரண்டப்படும் நதி' கூவம் குறித்து வெள்ளை அறிக்கை கேட்ட கார்த்தி சிதம்பரம்; மேயர் பிரியா சொல்வதென்ன?

``கூவம் நதி மறுசீரமைப்பு திட்டம் தொடர்பான அனைத்து தகவல்களையும் வெள்ளை அறிக்கையாக வெளியிட வேண்டும்!" என காங்கிரஸ் எம்.பி. கார்த்திக் சிதம்பரம் சென்னை மாநகராட்சி மேயர் பிரியாவுக்கு கடிதம் எழுதியிருப்பதோடு, அதை பொதுவெளியில் வெளியிட்டிருப்பது, பெரும் பரபரப்பை ஏற்படுத்தியிருக்கிறது.

இது தொடர்பான கடிதத்தை தனது எக்ஸ் தளத்தில் பதிவிட்டிருக்கும் காங்கிரஸ் எம்.பி கார்த்திக் சிதம்பரம், அந்தப் பதிவில் சென்னை மாநகராட்சி, மேயர் பிரியாவின் அக்கவுன்ட்களையும் டேக் செய்திருக்கிறார்.கார்த்தி சிதம்பரம்

அந்தக் கடிதத்தில், ``கூவம் நதி பத்தாண்டுகளுக்கும் மேலாகவே மாசுபட்டுக் கிடக்கிறது. கடந்தகால அறிக்கைகள் கூவம் நதியின் பரிதாபமான நிலையை வெளிக்காட்டுகின்றன. இந்த நிலையில், கூவம் நதியை மறுசீரமைக்க மாநில அரசு ரூ.750 கோடி ஒதுக்கீடு செய்திருக்கிறது. அதில், ஏற்கெனவே ரூ.529 கோடி செலவழிக்கப்பட்டிருக்கிறது. சமீபத்தில் நடந்த மாநகராட்சி கூட்டத்தில் மண்டலக் குழு தலைவருக்கு நீங்கள் அளித்த பதிலில், அமெரிக்க அதிகாரிகளிடம் தொழில்நுட்ப உதவிகள், நிதிகள் தொடர்பாக ஆலோசனை நடைபெற்றதையும் குறிப்பிட்டிருக்கிறீர்கள். ஆனாலும், அந்த பதில் தெளிவில்லாமல் இருக்கிறது. எனவே, சென்னை நதிகள் மறுசீரமைப்பு அறக்கட்டளை சார்பில், கூவம் நதி மறுசீரமைப்புக்காக இதுவரை மேற்கொள்ளப்பட்ட அனைத்து திட்டங்கள் குறித்தும் விரிவான பதிலை வெள்ளை அறிக்கையாக வெளியிட வேண்டும்.

அதில் அனைத்து மறுசீரமைப்பு திட்டங்களின் சுருக்கம் (A summary of all restoration schemes), தற்போதைய நிலை மற்றும் சவால்கள் (Current Status and Challenges), செலவழிக்கப்பட்ட நிதிகளின் மதிப்பீடு (Assessment of Funds Utilized), எதிர்காலத் திட்டம் மற்றும் அர்ப்பணிப்பு (Future Plan and commitment), பொதுமக்கள் ஈடுபாடு மற்றும் கருத்துக்கேட்பு முறை (Public Engagement and feedback Mechanism) என அனைத்து விவரங்களையும் `வெள்ளை அறிக்கை'யாக வெளியிட வேண்டும்" எனக் கேட்டுக் கொண்டிருக்கிறார்.

`நதிகள் சுரண்டப்படுகின்றன!' - கார்த்தி சிதம்பரம்

கார்த்தி சிதம்பரம் கடிதம்

மேலும், ``தற்போதைய நிலையில் 30 சதவிகித சுத்திகரிக்கப்படாத கழிவுநீர் நாள்தோறும் கூவம் ஆற்றில் கலக்கப்பட்டு வருகிறது. அதில், தமிழ்நாடு அரசின் சென்னை பெருநகர குடிநீர் வழங்கல் மற்றும் கழிவுநீரகற்று வாரியத்தின் கழிவுநீரும் அடங்கியிருக்கிறது. அதேபோல, பக்கிங்காம் கால்வாயில் 60 சதவிகிதம் சுத்திகரிக்கப்படாத கழிவுநீர் கலக்கிறது. மற்றவை அடையாறில் கலக்கிறது. இப்படியாக சென்னை மாநகரத்தின் கழிவுநீர் கொசஸ்தலையாறு, கூவம், அடையாறு வழியாக வங்காள விரிகுடாவில் கலக்கிறது. இப்படியாக நதிகள் சுரண்டப்படுகின்றன. எனவே நான் இந்த நதிகள் தொடர்பான மறுசீரமைப்புத் திட்டங்களை தெரிந்துகொள்வதற்காக ஆர்வமுடன் இருக்கிறேன்.கார்த்தி சிதம்பரம் கடிதம்

அதற்காக, அடையாறு சிற்றோடையின் சுற்றுச்சூழல் மறுசீரமைப்பு (58 ஏக்கர்) (Eco-Restoration of Adyar Creek), அடையாறு சிற்றோடை மற்றும் முகத்துவாரத்தின் சுற்றுச்சூழல் மறுசீரமைப்பு (300 ஏக்கர்) (Eco-Restoration of Adyar Creek And Estuary), ஒருங்கிணைந்த கூவம் நதி சுற்றுச்சூழல் மறுசீரமைப்பு திட்டம் (Integrated Cooum River Eco Restoration Plan)ஆகியவற்றின் தற்போதைய நிலையையும் வெள்ளை அறிக்கையாக வெளியிடவேண்டும்!" என கடிதம் வாயிலாக கேட்டுக் கொண்டிருக்கிறார்.

இந்த நிலையில், இந்தியா கூட்டணிக் கட்சியில் இருக்கும் தி.மு.க-வின் சென்னை மாநகராட்சி மேயருக்கு, மாநகராட்சி மேற்கொண்டுவரும் திட்டம் குறித்து சந்தேகம் தெரிவித்து வெள்ளை அறிக்கை வேண்டும் என காங்கிரஸ் எம்.பி கார்த்தி சிதம்பரம் தன்னிச்சையாக கடிதம் எழுதி கேட்டிருப்பது கூட்டணிக்குள் சலசலப்பை ஏற்படுத்தியிருக்கிறது. தி.மு.க-வின் ஐ.டி விங்கைச் சேர்ந்த பலரும் கார்த்தி சிதம்பரத்தின் கருத்தை சமூக வலைதளங்களில் கடுமையாக விமர்சித்து வருகின்றனர். மேயர் பிரியா

இந்த நிலையில், கார்த்தி சிதம்பரத்தின் கடிதம் குறித்து பத்திரிகையாளர்கள் கேட்ட கேள்விக்கு பதிலளித்திருக்கும் சென்னை மாநகராட்சி மேயர் பிரியா, ``கார்த்தி சிதம்பரத்தின் ட்வீட்டைப் பார்த்துதான் அவர் கடிதம் எழுதியிருப்பதை நான் தெரிந்துகொண்டேன். கூவம் நதியின் மறுசீரமைப்பு பணிகளைப் பொறுத்தவரையில், பல்வேறு துறைகளுடன் இணைந்துதான் செயல்படுத்தப்பட்டு வருகிறது. குறிப்பாக, சென்னை மாநகராட்சி, நீர்வளத்துறை, மெட்ரோ வாட்டர் மற்றும் கழிவுநீரகற்று வாரியம், சென்னை நதிகள் மறுசீரமைப்பு அறக்கட்டளை உள்ளிட்ட துறைகள் இணைந்து மறுசீரமைப்பு பணிகளில் ஈடுபட்டு வருகின்றன. விரைவில் இதற்கான பதிலை நான் தருவேன்!" என்றிருக்கிறார்.`மேல்தட்டு மக்களுக்காக ஃபார்முலா கார் பந்தயம்; அதில் எங்கு பார்த்தாலும் மது விளம்பரம்' - சீமான்


http://dlvr.it/TCq2vg

Read More

`மேல்தட்டு மக்களுக்காக ஃபார்முலா கார் பந்தயம்; அதில் எங்கு பார்த்தாலும் மது விளம்பரம்' - சீமான்

தூத்துக்குடிக்கு வருகை தந்த நாம் தமிழர் கட்சியின் ஒருங்கிணைப்பாளர் சீமான், தூத்துக்குடி விமான நிலையத்தில் செய்தியாளர்களைச் சந்தித்தார். அப்போது பேசிய அவர், ``பைபிள், கந்த சஷ்டிக் கவசம் உள்ளிட்ட பல்வேறு நூல்களில் ’அந்த வார்த்தை’ இடம்பெற்றுள்ளது. இந்த வார்த்தையை கூறியதற்காக என்மீது வழக்கு தொடுக்கப்பட்டுள்ளது, அநியாயம். நானே ஒரு தாழ்த்தப்பட்டவன், என்மீது ஏன் வழக்கு தொடுத்துள்ளனர்? சீமான்

என்னுடைய அரசியலை சமாளிக்க முடியாத காரணத்தால் என் மீது ஏதாவது ஒரு வழக்கை தொடுத்து வருகின்றனர். விளையாட்டில் ஆர்வம் இருந்தும் விளையாட வாய்ப்பு இல்லாத சிற்றூர்கள் மற்றும் கிராமங்களைச் சார்ந்த குழந்தைகளுக்கு கைப்பந்து, கால்பந்து போன்ற பயிற்சிகள் கொடுத்து  உரிய போட்டிகளை நடத்த வேண்டும். ஆனால், மேல்தட்டு மக்களுக்காக ஃபார்முலா கார் பந்தயம் என்பது தேவையற்றது.

சென்னையில் போக்குவரத்து நெரிசலை ஏற்படுத்தும் இந்த கார் பந்தயத்தில் எங்கு பார்த்தாலும் மது விளம்பரங்கள் இடம் பெற்றுள்ளது. இது அநியாயம். சிதிலமடைந்த ஆயிரக்கணக்காண பள்ளிக்கூடங்கள், மேற்கூரைகள் இல்லாமல் மாணவர்கள் மரத்தடியில் படித்து வருகின்றனர். 300 பெண்கள் படிக்கக்கூடிய பள்ளியில் இரண்டு கழிப்பறைகள் மட்டுமே உள்ளது, இதையெல்லாம் சீரமைக்க வேண்டும்.  சீமான்

தமிழகத்தில் போதைப்பொருள்கள் நடமாட்டம் அதிகரிப்பதுதான் பாலியல் சீண்டலுக்குக் காரணமாக அமைகிறது. மாத்திரை, ஊசி உள்ளிட்ட பல்வேறு போதைப்பொருள்கள் நடமாட்டம் அதிகரித்துள்ளதன் காரணமாக பாலியல் சீன்டல்களும் அதிகமாக நடைபெறுகிறது. போதைப்பொருள்களை ஒழிக்க அரசு நடவடிக்கை எடுக்க வேண்டும்” என்றார்.`ஆராய்ச்சி படிப்பை விட, நாகரிகமாக பேசுவது குறித்து அண்ணாமலை படித்தால்...' - கடம்பூர் ராஜூ அட்வைஸ்


http://dlvr.it/TCq2Zs

Read More

Sylendra Babu: `என்னை விடத் திறமையான பலர், கான்ஸ்டபிளா இருக்காங்க!' - சைலேந்திர பாபு | kathaippoma

விகடன் 'கதைப்போமா' தொடரில், பேச்சாளர் பர்வீன் சுல்தானுடன், சைலேந்திர பாபு ஐ.பி.எஸ் தன்னுடைய அனுபவங்களை மனம் திறந்து பேசும்போது, 

`நான் ஒரு கான்ஸ்டபிளா இருந்தாக்கூட எங்க அப்பா அம்மா சந்தோசப்பட்டிருப்பாங்க. என்னை விட திறமையான பலர் கான்ஸ்டபிளா இருக்காங்க. எனக்கு குறிப்பிட்ட ஸ்டேஜுக்கு அப்புறம் நல்லா படிக்கனும்'னு ஆர்வம் வந்து, ஓரளவுக்கு நல்ல மார்க் எடுக்க ஆரம்பிச்சிட்டேன். எங்க ஸ்கூல்ல நான்தான் முதல் மார்க். எனக்கு மருத்துவத்துறைல ஆர்வம் இருந்தது. ஆனா, அதுல படிக்க வாய்ப்பு கிடைக்கல. சினிமால ஆர்வம் வந்து ஒரு படத்துல நடிக்கிறதுக்கு புக் ஆனேன். அந்த வாய்ப்பினையும் வேற ஒருத்தருக்கு கொடுத்துட்டாங்க. என்னோட வாழ்க்கையில ஒரு திருப்புமுனைங்கிறதே நான் ஒரு பட்டப்படிப்பு படிச்சதுதான்.' என, தன்னைப் பற்றி பல சுவராஸ்யமான தகவல்களைப் பகிர்ந்து கொண்டிருக்கிறார்.

முழுமையாகக் காண, கீழே உள்ள லிங்க்கை க்ளிக் செய்யவும்! “கையை இழந்தேன்... நம்பிக்கையை இழக்கவில்லை!’’ ஓர் இளைஞரின் வெற்றிக் கதை...


http://dlvr.it/TCpbZG

Read More

காங்கிரஸ் எம்.பியிடம் நிதி கேட்ட திமுக எம்.எல்.ஏ; ஒரே மேடையில் நடந்த விவாதம்...

கும்பகோணத்தில் அமைச்சர்கள் முன்னிலையில் விழா மேடையிலேயே காங்கிரஸ் கட்சி எம்.பியிடம் நிதி கேட்டு திமுக எம்பி, எம்.எல்.ஏ வாக்கு வாதம் செய்ததது இருகட்சியினரிடமும் விவாதத்தை கிளப்பியிருக்கிறது.

கும்பகோணம் அரசு தலைமை மருத்துவமனையில் ரூ.4.71 கோடி மதிப்பில் கட்டப்பட்ட புதிய கட்டடம் திறப்பு விழாவும், ரூ.5.40 கோடி மதிப்பில் புதிய கட்டடம் கட்டுவதற்கான அடிக்கல் நாட்டும் நிகழ்ச்சி நேற்று நடைபெற்றது. இதில் மக்கள் நல்வாழ்வுத்துறை அமைச்சர் மா.சுப்பிரமணியன், பள்ளிக் கல்வித்துறை அமைச்சர் அன்பில் மகேஷ், எம்.பிக்கள் கல்யாணசுந்தரம், சுதா, எம்.எல்.ஏ சாக்கோட்டை அன்பழகன் உள்ளிட்ட பலர் கலந்து கொண்டனர். கும்பகோணம் அரசு மருத்துவமனையில் நடைபெற்ற நிகழ்ச்சி

இதில் பேசிய சாக்கோட்டை அன்பழகன், ``மயிலாடுதுறை எம்.பி சுதா புதிதாக தேர்ந்தெடுக்கப்பட்டவர். நாம் கடுமையாக உழைத்து அவரை வெற்றி பெற வைத்திருக்கிறோம். கஷ்டமே இல்லாமல் அவர் வெற்றி பெற்றிருக்கிறார். அவர் முதன் முதலில் அடிக்கல் நாட்டும் போது அமைச்சர்கள் இரண்டு பேரும், முதல் செங்கல்லை சுதாவை வைக்கச் சொல்ல அவரும் கல்லை வைத்தார். புதிதாக கட்டப்பட உள்ள கட்டடத்தின் மொத்த தொகையில் ரூ.2 கோடியை அவர் தொகுதி மேம்பாட்டு நிதியிலிருந்து தர வேண்டும் தருவார் என நினைக்கிறேன்.

நம் வெற்றியில் தான் சுதா எம்.பியாக இருக்கிறார். உங்களிடம் ஒன்று கொடுத்து விட்டு ஒன்றை கேட்கிறோம். உங்கள் வெற்றிக்கு நாங்கள் பங்களித்து விட்டு கேட்கிறோம். எம்.பி பெரிய மனது வைத்து நிதி தருவார் என கருதுகிறேன்" என்றார்.

இதைதொடர்ந்து பேசிய காங்கிரஸ் கட்சியைச் சேர்ந்த எம்.பி சுதா, "எம்.பி நிதியிலிருந்து மருத்துவத்திற்கான நிதியை ஒதுக்க வேண்டும் என சாக்கோட்டை அன்பழகன் கோரிக்கை வைத்துள்ளார். அவருக்கு என்னுடைய பணிவான வேண்டுகோள். கொடுப்பது என்பது என்னுடைய பணத்தை கொடுப்பது அல்ல, மக்களின் பணத்தை மக்களுக்காக கொடுப்பது தான். மயிலாடுதுறை காங்கிரஸ் கட்சி எம்.பி சுதாBulldozer ராஜ்ஜியம் முடிவுக்கு வருகிறதா? | சீமானுக்கு செக் வைக்கும் திமுக? - The Imperfect Show

ஆனால், எனக்கென்று, என் மக்களுக்கு செய்ய வேண்டிய கனவு ஒன்று இருக்கிறது. மருத்துவக் கட்டடங்கள் கட்டி விடலாம் ஆனால் அங்கு வேலை செய்வதற்கு, சேவை செய்வதற்கு கல்வி அறிவுள்ள மருத்துவர்களும், செவிலியர்களும் தேவை. அதற்கு அடிப்படை கல்வி என்பது ரொம்ப முக்கியம். தரமான கல்வி கிடைத்தால் தான் நாடு முன்னேறும் என்பதை நான் உறுதியாக நம்புகிறேன். கல்வித்துறைக்கான தேவையை என்னுடைய நாடாளுமன்ற நிதியிலிருந்து பூர்த்தி செய்ய வேண்டும் என ஆசைப்படுகிறேன். அதற்கு அனைவரும் ஒத்துழைக்க வேண்டும்" என்றார்.

அதன் பின்னர் மீண்டும் மைக் பிடித்த, சாக்கோட்டை அன்பழகன், "உங்கள் கனவு நிறைவேறட்டும், அதற்கு நாங்கள் வாழ்த்துகிறோம். அந்த கனவோடு சேர்ந்து மிச்சம் இருந்தால் மருத்துவமனை கட்டுவதற்கும் நிதி கொடுங்கள் என கேட்கிறோம்" என்றார். அன்பில் மகேஷ்

இதையடுத்து பேசிய அமைச்சர் அன்பில் மகேஷ், "நிதி கொடுக்கும் விஷயத்தில் உங்களுக்குள் பேசி நீங்கள் ஒரு முடிவுக்கு வாருங்கள், எது எப்படியாக இருந்தாலும் பள்ளி கல்வித்துறைக்கு வரும் பணத்தை நான் ஏன் விடப்போகிறேன். கொடுங்கள் பிள்ளைகளை படிக்க வைக்கிறோம்" என்றார்.

பின்னர் பேசிய எம்.பி கல்யாணசுந்தரம், "எம்.பி சுதா வெற்றிக்கு அதிகமான வாக்குகளை பெற்றுக் கொடுத்த தஞ்சாவூர் மாவட்டத்திற்கு அவர் கடமைப்பட்டவர். இந்நிகழ்ச்சியில் நிதி வழங்குவதை அவர் அறிவிப்பார் என எதிர்பார்த்தேன் அறிவிக்கவில்லை. நாடாளுமன்ற மேம்பாட்டு நிதி ரூ.5 கோடி இதில் ரூ.2 கோடியை மருத்துவமனைக்கு கொடுங்கள் என்று தான் கேட்கிறோம்" என்றார்.மோடியின் புருனே பயணம் இந்தியாவுக்கு எப்படி பலனளிக்கும்?


http://dlvr.it/TCp9hY

Read More