`திமுக, அதிமுக இரண்டுமே முதலீடுகள் பற்றி வெள்ளை அறிக்கை வெளியிட வேண்டும்!' - கார்த்தி சிதம்பரம்

தமிழ்நாடு முதல்வர் ஸ்டாலின், தொழில் முதலீடுகளை ஈர்ப்பதாக அமெரிக்கா சென்றிருக்கிறார். இருப்பினும், இதுவரை எவ்வளவு முதலீடுகள் தி.மு.க கொண்டுவந்திருக்கிறது என்பது குறித்து வெள்ளை அறிக்கை வெளியிடுமாறு சட்டமன்ற எதிர்க்கட்சித் தலைவர் எடப்பாடி பழனிசாமி, பா.ம.க தலைவர் அன்புமணி ஆகியோர் வலியுறுத்திவருகின்றனர். இந்த நிலையில், அ.தி.மு.க, தி.மு.க என இரண்டுமே பெறப்பட்ட முதலீடுகள் குறித்து வெள்ளை அறிக்கை வெளியிட வேண்டுமெனவும், அதற்கு தான் நடுவராக இருந்து செயல்படுவதாகவும் காங்கிரஸ் எம்.பி கார்த்தி சிதம்பரம் கூறியிருக்கிறார்.ஸ்டாலின் - அமெரிக்கா

செய்தியாளர்களிடம் எடப்பாடி பழனிசாமியின் வெள்ளை அறிக்கை கோரிக்கை குறித்துப் பேசிய கார்த்தி சிதம்பரம், ``ஜெயலலிதா முதல்வராக இருந்தபோதும், எடப்பாடி பழனிசாமி முதல்வராக இருந்தபோதும் முதலீட்டுக்கான மாநாடு நடத்தினார்கள். அந்த மாநாட்டின்போது, எவ்வளவு முதலீடு வந்தது, அதனால் எத்தனை தொழிற்சாலைகள் ஆரம்பிக்கப்பட்டது, எத்தனை பேருக்கு வேலை கிடைத்தது என்பதை அவர் (எடப்பாடி பழனிசாமி) வெளியிட்டுவிட்டு இந்தக் கேள்வியைக் கேட்டால் நியாயமாக இருக்கும்.

அதோடு, அ.தி.மு.க ஆட்சியில் எவ்வளவு முதலீடுகள் கொண்டுவந்தார்கள் என்பது பற்றிய வெள்ளை அறிக்கையை அவர்கள் கொடுக்கட்டும், தி.மு.க ஆட்சியில் எவ்வளவு முதலீடு கொண்டுவந்தார்கள் என்பது பற்றிய வெள்ளை அறிக்கையை இவர்கள் கொடுக்கட்டும். இதை நடுவராக நான் பார்த்துக்கொள்கிறேன்" என்று கூறினார்.கார்த்தி சிதம்பரம்

மேலும், இதே செய்தியாளர் சந்திப்பில் தேசிய கல்விக் கொள்கை விவகாரம் பற்றி பேசிய கார்த்தி சிதம்பரம், ``தேசிய கல்விக் கொள்கையில் மும்மொழிக் கொள்கை கொண்டுவருகிறார்கள் என்பது மட்டுமே விவாதத்துக்கு வருகிறது. ஆனால், விஷமமான கருத்துகள், பிற்போக்கு சிந்தனையான கருத்துகளை மத்திய பா.ஜ.க முன்வைக்கிறார்கள் என்பது விவாதத்துக்கு வரவில்லை. அது விவாதப்பொருளாக வேண்டும். என்னைப் பொறுத்தவரை, புதிய கல்விக் கொள்கையை தமிழ்நாடு ஏற்காததை நான் வரவேற்கிறேன். ஏற்றுக்கொள்ளவும் கூடாது" என்றார்.`சுரண்டப்படும் நதி' கூவம் குறித்து வெள்ளை அறிக்கை கேட்ட கார்த்தி சிதம்பரம்; மேயர் பிரியா சொல்வதென்ன?


http://dlvr.it/TCwPXL

Read More

TVK : `55,000 பேருக்கு இருக்கை; சிறப்பு விருந்தினர்கள் யாரும் இல்லை' - போலீஸில் விஜய் தரப்பு பதில்!

தமிழக வெற்றிக் கழகத்தின் மாநாட்டை செப்டம்பர் 23-ம் தேதி நடத்த வேண்டி கடந்த ஆகஸ்ட் 28-ம் தேதி அந்தக் கட்சியின் பொதுச்செயலாளர் புஸ்ஸி ஆனந்த் விழுப்புரம் ஏ.டி.எஸ்.பியிடம் மனு ஒன்றை அளித்திருந்தார். பதிலுக்கு 21 கேள்விகளைக் கேட்டு காவல்துறை நோட்டீஸ் அனுப்பியிருந்தது. அந்த கேள்விகளுக்கு இப்போது த.வெ.க சார்பில் பதிலளிக்கப்பட்டிருக்கிறது.விஜய்

முதலில் திருச்சி அதைத் தொடர்ந்து சேலம், ஈரோடு என பல இடங்களில் மாநாடு நடத்த இடம் தேடினர் விஜய் தரப்பு. எல்லா பக்கமும் எதோ ஒரு பிரச்னை ஏற்பட, கடைசியாகத்தான் விக்கிரவாண்டியை லாக் செய்தார்கள். விக்கிரவாண்டி வி.சாலை பகுதியில் கிட்டத்தட்ட 85 ஏக்கர் பரப்பளவு கொண்ட இடத்தில் மாநாட்டை நடத்தத் திட்டமிட்டார்கள். அதற்காகத்தான் கடந்த 28-ம் தேதி த.வெ.க தரப்பில் அனுமதி கேட்டு விழுப்புரம் ஏ.டி.எஸ்.பி-யிடம் மனு கொடுத்தார்கள்.

மனுவில் மாநாடு நடத்தப்போகும் தேதி மற்றும் ஒன்றரை லட்சம் பேர் மட்டுமே கலந்துகொள்வார்கள் என்கிற தகவல் மட்டுமே இருந்தது. கூடுதலாக எங்கெல்லாம் பார்க்கிங் வசதி செய்திருந்தார்கள் என்பது மட்டும்தான் இருந்தது. மற்றபடி விரிவான தகவல்கள் எதுவுமே இல்லை. அதனால்தான்விஜய்காவல்துறை தரப்பில் மாநாடு எப்போது தொடங்கும்?, மாநாட்டில் சிறப்பு விருந்தினர்களாக யாரெல்லாம் வருகிறார்கள்? எந்தெந்த பகுதிகளில் இருந்தெல்லாம் தொண்டர்கள் வருகிறார்கள்? பெண்கள், குழந்தைகளுக்கு தனி ஏற்பாடு செய்யப்படுமா? போன்ற 21 கேள்விகளை கொண்ட நோட்டீஸை த.வெ.க-வுக்கு காவல்துறை வழங்கியது.TVK Vijay: தவெக மாநாட்டுக்கு அனுமதி கிடைப்பதில் தாமதம்... காரணம் தான் என்ன?!

கடந்த திங்கள்கிழமை இந்த நோட்டீஸ் வழங்கப்பட்டு 5 நாள்கள் அவகாசம் கொடுக்கப்பட்டது. காவல்துறை வழங்கிய கால அவகாசம் இன்றோடு முடிய இருந்த நிலையில், இன்று பிற்பகலில் த.வெ.க தரப்பில் புஸ்ஸி ஆனந்த அந்த கேள்விகளுக்கு பதில் அடங்கிய மனுவை விழுப்புரம் காவல்துறையிடம் வழங்கினார்.

இன்னும் அந்த பதில் மனுவில் உள்ள முழுமையான தகவல்கள் வெளியாகவில்லை. ஆனால், நமக்கு கிடைத்த தகவல்படி விஜய்மாநாட்டில் விஜய்யை தவிர சிறப்பு விருந்தினர்கள் யாரும் பங்கேற்கவில்லை என த.வெ.க சொல்லப்பட்டிருப்பதாகத் தெரிகிறது. மேலும், மாநாட்டில் தொண்டர்கள் அமர 55,000 இருக்கைகள் போடப்படவிருப்பதாகவும், குழந்தைகள் மற்றும் பெண்களுக்கு தனி இடம் ஒதுக்கியிருப்பதாகவும் சொல்லியிருக்கிறார்கள்.

தொண்டர்கள் வந்து செல்ல 14 முதல் 16 வழிகளும்... தலைவர்கள் வந்து செல்ல 4 வழிகளும் ஏற்பாடு செய்திருப்பதாகச் சொல்கிறார்கள். மாநாட்டில் கலந்துகொள்பவர்களுக்கு அங்கேயே உணவு சமைத்து பார்சலாக வழங்கவும் ஏற்பாடு செய்திருக்கிறார்களாம். மாநாடுக்கு மதியம் 12 மணியிலிருந்து இரவு 10 மணி வரை அனுமதி கேட்டிருக்கிறார்கள். கண்காட்சி திறப்பு, கொடியேற்றுதல், தீர்மானங்கள், தலைவர் உரை என நிகழ்ச்சி நிரலையும் வழங்கியிருக்கிறார்கள்.

`காவல்துறை தரப்பில் இன்னும் இரண்டு மூன்று நாள்களில் அனுமதி கொடுப்பார்கள் என எதிர்பார்க்கிறோம்' என்று புஸ்ஸி ஆனந்த் கூறியிருக்கிறார். காவல்துறையின் அனுமதி கிடைத்தாலும் 15 நாள்களில் பெரிய மாநாட்டை நடத்தி முடிப்பது இமாலயச் சவாலான விஷயம் என்கிறார்கள் விஷயமறிந்தவர்கள். இதற்கிடையே விஜய் மாநாட்டுக்கு அனுமதி வழங்க ஏன் தாமதப்படுத்துகிறீர்கள் என தமிழிசை சௌந்தரராஜன், பிரேமலதா விஜயகாந்த் போன்றோர் அரசுக்கு கேள்வியும் எழுப்பியிருக்கின்றனர். இதுதொடர்பாக த.வெ.க நிர்வாகிகள் தரப்பில் விசாரித்தோம். 'எங்கள் தரப்பில் மாநாடு நடத்த முழு வீச்சில் தயாராக இருக்கிறோம். நாளைக்குள் காவல்துறையினர் நல்ல தகவலோடு அழைப்பார்கள் என எதிர்பார்க்கிறோம். நேரம் குறைவாக இருந்தாலும் மாநாட்டை சிறப்பாக நடத்தி முடிக்க சரியான திட்டமிடலுடன் தயாராகவே இருக்கிறோம்.' என்கின்றனர். காவல்துறை என்ன செய்யப்போகிறது? த.வ.க தரப்பு என்ன செய்யப்போகிறது? என்பதைப் பொறுத்திருந்து பார்ப்போம். TVK Vijay: மாநாட்டு ஏற்பாடுகளை தடுக்கிறதா ஆளும் தரப்பு? - பின்னணி என்ன?


http://dlvr.it/TCw3M9

Read More

சாதி மறுப்புத் திருமணம்; ஊரை விட்டு ஒதுக்கி வைப்பதா? - விசாரணையில் இறங்கிய கலெக்டர்

திண்டுக்கல் மாவட்டம், சாணார்பட்டி ஊராட்சிக்கு உள்பட்ட கிராமம், கோணப்பட்டி. இந்த கிராமத்தில் சாதி மறுப்புத் திருமணம் செய்வோரை ஊரை விட்டு ஒதுக்கிவைக்கும் அவலம் பல ஆண்டுகளாக நடந்து வருவதாகக் குற்றம்சாட்டுகின்றனர் ஊர் பொதுமக்கள்.

இதுகுறித்து நம்மிடம் பேசிய கோணப்பட்டியைச் சேர்ந்த வினோத், "எங்கள் ஊரில் ஒரு குறிப்பிட்ட சமூகத்தைச் சேர்ந்த 300 குடும்பங்கள் உள்ளன. ஊர் கோயில் திருவிழா நடத்துவது உள்ளிட்டவற்றுக்காக ஊர் கமிட்டி செயல்பட்டு வருகிறது. இந்த கமிட்டிக்கு தலைவர், செயலாளர், பொருளாளர் உள்ளிட்ட பதவிகள் 3 ஆண்டுகளுக்கு ஒருமுறை மாற்றப்பட்டு வருகிறது. இந்த கமிட்டியை வழிநடத்த ஊர் நாட்டாமை இருக்கிறார். இவர்கள் மூலம் ஊர் கட்டுப்பாடு என்ற பெயரில் பல்வேறு அராஜகங்கள் நடந்து வருகிறது. வினோத்

நான் 5 ஆண்டுகளுக்கு முன் காரைக்குடியைச் சேர்ந்த பெண்ணை காதலித்து திருமணம் செய்தேன். பிற சாதியைச் சேர்ந்த பெண்ணை திருமணம் செய்துவிட்டதாகக் கூறி, என்னை ஊரைவிட்டு ஒதுக்கி வைத்துவிட்டனர். என்னைப் போலச் சாதி மறுப்புத் திருமணம் செய்த 23 பேரை ஊரை விட்டு ஒதுக்கியுள்ளனர்.

எங்களை ஊர் திருவிழா உள்ளிட்ட எந்த நிகழ்ச்சிகளிலும் கலந்து கொள்ளவிடுவது இல்லை. எங்கள் குடும்ப நிகழ்ச்சிகளிலும் யாரும் கலந்து கொள்ளக் கூடாது என உத்தரவிட்டுள்ளனர்.கோணப்பட்டி ஊர் கோயில்

ஒரே சமூகத்தைச் சேர்ந்தவர்களும் காதலித்து திருமணம் செய்தால், அவர்களுக்கும் தண்டனை உண்டு. அதாவது காதலித்தவர்களின் பெற்றோர், உறவினர் யாரேனும் இறந்துவிட்டால், அவர்களின் இறுதிச் சடங்கில்கூட கலந்துகொள்ள விடாமல் தடுக்கிறார்கள். சாதி மறுப்புத் திருமணம் செய்தவர்களின் பெற்றோர் இறந்துவிட்டால், அவர்களை அந்த ஊர் மயானத்தில்கூட அடக்கம் செய்யவிடுவது இல்லை.

இதுதவிர, கிராமக் கூட்டங்களில் கலந்து கொள்ளக் கூடாது; பொதுகுழாயில் தண்ணீர் பிடிக்கக் கூடாது; ஊராருடன் பேசக் கூடாது; சாதி மறுப்புத் திருமணம் செய்தவர்களின் நிலங்களில் விவசாயப் பணிகளுக்கு யாரும் செல்லக் கூடாது எனப் பல கட்டுப்பாடுகளை விதித்துள்ளனர்." என்றார் குமுறலாக.சந்தோஷ்குமார்

தொடர்ந்து பேசிய சந்தோஷ்குமார், "இந்த நடைமுறை ஆண்டாண்டு காலமாகத் தொடர்ந்து வருகிறது. ஆனால், கடந்த சில ஆண்டுகளாகக் கட்டுப்பாடு என்ற பெயரில் அராஜகம் அதிகமாகி வருகிறது. நான் காதல் திருமணம் செய்துகொண்டேன் என்பதற்காக என் தாத்தா, பாட்டி இறப்பு இறுதிச்சடங்கில்கூட என்னைப் பங்கேற்க விடாமல் செய்துவிட்டனர். என் அக்கா மகளுக்குச் சீர் செய்யவிடாமல் தடுத்தனர். இந்தக் கொடுமைகள் குறித்து சாணார்பட்டி காவல்துறை, வட்டாட்சியர், ஆர்.டி.ஓ., மாவட்ட ஆட்சியரிடம் புகார் மனுக்கள் அளித்தோம். ஆனால், எவ்வித நடவடிக்கையும் எடுக்கவில்லை." என்றார்.

கிராம கமிட்டி செயலாளர் சேதுராமனிடம் பேசினோம். ''எங்கள் முன்னோர்கள் கிராம கட்டுப்பாடுகளைப் பின்பற்றி வந்தனர். தற்போது எவ்வித கட்டுப்பாடும் இல்லை. காதல் திருமணம் செய்தவர்கள் சிலரால் எங்கள் ஊரில் பிரச்னை ஏற்பட வாய்ப்பிருக்கிறது. இருப்பினும் காதல் திருமணம் செய்தவர்களிடம் கோயில் நன்கொடை வாங்கிக் கொள்கிறோம். அவர்களின் இறப்பு வீடுகளுக்கு விருப்பப்பட்டவர்கள் செல்லலாம். அதில் நாங்கள் கட்டுப்பாடு எதுவும் விதிக்கவில்லை." என்றார்.கலெக்டர் பூங்கொடி

திண்டுக்கல் மாவட்ட மாவட்ட ஆட்சியர் பூங்கொடியிடம் இவ்விவகாரம் குறித்துப் பேசியபோது, ''இதுகுறித்து ஆர்.டி.ஓ விசாரணைக்கு உத்தரவிட்டிருக்கிறேன். விசாரித்து உரிய நடவடிக்கை எடுக்கப்படும்." என்றார்.


http://dlvr.it/TCvgKD

Read More

நாம் தமிழர் கட்சியிலிருந்து காளியம்மாள் வெளியேறுகிறாரா..? சர்ச்சையும் விளக்கமும்!

நாம் தமிழர் கட்சியின் முக்கிய நிர்வாகி காளியம்மாள் அ.தி.மு.க-விலோ விஜய் கட்சியிலோ சேருவதற்கு பேச்சுவார்த்தை நடத்திக் கொண்டிருப்பதாக சமூக வலைதளங்களில் தகவல் பரவுகின்றன. காளியம்மாளை சுற்றும் சர்ச்சைகள் குறித்து விசாரித்து அவரிடமே விளக்கம் கேட்டோம்.

நா.த.க தலைமை ஒருங்கிணைப்பாளர் சீமான் பேசுவதாக வெளியான ஆடியோவில் காளியம்மாளை கட்சியைவிட்டு நீக்க வேண்மென்றும், அவரை அவமதித்து பேசுவதாகவுமாக சீமானின் உரையாடல் இடம்பெற்றிருந்தது. இது போலியாக உருவாக்கப்பட்ட ஆடியோ என நா.த.க-வினர் ஆரம்பத்தில் சமாளித்தாலும் அது உண்மைதான் என ஆகஸ்ட் 4-ம் தேதி நடந்த பொதுக்கூட்ட மேடை ஒன்றில் போட்டுடைத்தார் சீமான். கட்சியே காளியம்மாளை நீக்கும் எண்ணத்தில் இருக்கும்போது `இனியும் நா.த.க-வில் தொடர்வாரா காளியம்மாள்’ என்ற சர்ச்சை கிளம்பியது. சீமான்என்னை நம்பியிருப்பது என் குடும்பம் மட்டுமல்ல... பல ஆயிரம் குடும்பங்கள்! - காளியம்மாள்

இதுகுறித்து நம்மிடம் பேசிய விவரமறிந்தவர்கள் ``இந்த விவகாரத்தில் காளியம்மாள் அப்செட்டானது உண்மைதான். இப்படியெல்லாம் பேசியிருக்கிறாரே என்ற வருத்தத்தில் கட்சி நிகழ்ச்சிகளை தவிர்த்தார் அவர். மேலும் சீமான் பங்கேற்கும் நிகழ்வுகளை புறக்கணித்து வந்தார். அந்த சமயத்தில் அ.தி.மு.க-வில் இணைவதற்கான பேச்சுவார்த்தை நடத்துகிறார் என்ற கருத்து நிலவிய நிலையில் தற்போது நடிகர் விஜய்யின் கட்சியில் சேரப்போகிறார் என்ற தகவலும் பரவுகிறது” என்றனர்.

நா.த.க மாநிலச் செயலாளர்கள் சிலரோ ``வளரும் அரசியல் கட்சியில் உட்கட்சி முரண் வந்துபோவது இயல்புதான். ஓரிரு ஆண்டுகளுக்கு முன்பு தனிப்பட்ட முறையில் பேசிய ஆடியோவை அரசியலாக்குவது நாகரிகமல்ல. காளியம்மாள் விவகாரத்தை பொறுத்தவரை ஆரம்பத்தில் சில நிகழ்ச்சிகளில் அவரால் பங்கேற்க முடியவில்லை என்றாலும் ஆகஸ்ட் 27-ம் தேதி சீமான் பங்கேற்ற தஞ்சாவூர் பொதுக்கூட்டத்தில் பேசினார் காளியம்மாள். தஞ்சை மண்டல கலந்தாய்வு கூட்டங்களில் ஆகஸ்ட் 26-ம் தேதி பங்கேற்று சர்ச்சைகளுக்கு முற்றுப்புள்ளி வைத்த பிறகு நடிகர் விஜய் கட்சியில் அவர் இணைகிறார் என்பது தி.மு.க-வினரின் அவதூறு பிரசாரம்” என்றனர்காளியம்மாள்

சர்ச்சைகளுகெல்லாம் விளக்கம்கேட்க காளியம்மாளை தொடர்புகொண்டோம் ``இந்தக் கட்சியிலிருந்து அந்தக் கட்சிக்குப் போனால், பதவியும் பணமும் கிடைக்கும் எனக் கணக்கு போடுகிற சராசரி அரசியல்வாதி அல்ல நான் என விளக்கமளித்திருக்கிறேன். இன விடுதலையை நோக்கமாக கொண்டு நாம் தமிழர் கட்சியிலேயே தொடர்ந்து பயணிக்கிறேன். கட்சி மாறுவதற்குப் பேச்சுவார்த்தை நடத்துகிறேன் என்பதில் துளியும் உண்மையில்லை!” என்று மறுப்பு தெரிவித்தார்.யாராக இருந்தாலும் பெண்களை இழித்து பேசுவது தவறு! - கண்டிக்கும் காளியம்மாள்


http://dlvr.it/TCvg2J

Read More

New Tollgates: `கார், லாரி ஓட்டுறவங்க கவனத்துக்கு' தமிழகத்தில் புதிய 3 டோல்கேட்கள் இங்க வந்துருக்கு

லேட்டஸ்ட்டாக ஒரு நியூஸ் கேள்விப்பட்டிருப்பீர்கள்! குஜராத்தில் மோர்பி என்ற இடத்தில் போலி டோல்கேட் உருவாக்கி, ஒன்றரை ஆண்டுகளாகக் கட்டணம் வசூலித்து கோடிக்கணக்கில் ஏமாற்றிய சம்பவம் உங்களுக்குத் தெரியும்தானே! அதன் பிறகு டோல்கேட்களைப் பார்த்தாலே கொஞ்சம் டர் அடிக்கத்தான் செய்கிறது. 

இப்போது புதிய செய்தி. தமிழ்நாட்டில் எக்ஸ்ட்ராவாக 3 டோல்கேட்களைத் திறந்துள்ளது மத்திய நெடுஞ்சாலைத் துறை அமைச்சகம். விழுப்புரம், திருவண்ணாமலை, கிருஷ்ணகிரி மாவட்டம் வழியாகப் பயணம் செய்பவர்களுக்கு இந்தச் செய்தி. 

விழுப்புரம் மாவட்டத்தில் நங்கிளிகொண்டான் என்ற இடத்திலும், திருவண்ணாமலை மாவட்டத்தில் கரியமங்கலம் பகுதியிலும், கிருஷ்ணகிரி மாவட்டத்தில் நாகம்பட்டி எனும் ஏரியாவிலும் இந்த டோல்கேட்கள் புதிதாக முளைத்துள்ளன. 

கட்டணம் எவ்வளவு என்பதையும் நிர்ணயித்திருக்கிறார்கள். நங்கிளிகொண்டான் சுங்கச்சாவடியில் ஒருமுறை சென்று வருவதற்கான ஒன்வே கட்டணமாக கார்களுக்கு ரூ.60 முதல் ஹெவி வெஹிக்கிள்களுக்கு ரூ.400 வரையும் நிர்ணயம் செய்யப்பட்டுள்ளது. இதுவே ஒரே நாளில் திரும்பி வரும் கட்டணம் என்றால், ரூ.95 முதல் 600 ரூபாய் வரை கட்டணம். Tollgate

இதுவே கரியமங்கலம் டோல்கேட்டில், ஒருமுறை சென்று வர ரூ.55 முதல் ரூ.370 வரை கட்டணம். ஒரே நாளில் திரும்பி வருவதென்றால், ரூ.85 முதல் ரூ.555 வரை கட்டணம் செலுத்த வேண்டும். அடுத்து கிருஷ்ணகிரி மாவட்டம் நாகம்பட்டியில் ரூ.60 முதல் ரூ.400 வரை கட்டணம்.

லேட்டஸ்ட்டாகத்தான் ஜூன் மாதம் முதல் தமிழ்நாட்டில் 36 சுங்கச்சாவடிகளுக்குக் கட்டண உயர்வை அறிவித்திருந்தார்கள்.

அதைத் தொடர்ந்து ஆகஸ்ட் 31-ம் தேதி நள்ளிரவு முதல் 5% முதல் 7% வரை கட்டணம் உயர்த்தியிருந்தார்கள். ஏற்கெனவே தமிழ்நாட்டில் சுமார் 67 சுங்கச்சாவடிகள் இயங்கிவரும் நிலையில், இப்போது 70 ஆக உயர்ந்திருக்கிறது. Tollgateபோன நிதியாண்டில் சுமார் 4,221 கோடி ரூபாய் வசூல் செய்து, சுங்கச்சாவடி வசூலில் தமிழ்நாடு, தேசிய அளவில் 5-வது இடத்தில் இருந்தது. அடுத்த நிதியாண்டில் முதல் இடத்தில் இருக்கும் உத்திரப்பிரதேசத்தைக் கீழே தள்ளிடுமோ நம்ம ஊரு?

இந்த புதிய டோல்கேட் குறித்த உங்கள் கருத்துகளைக் கமென்ட்டில் பதவிடுங்கள்!


http://dlvr.it/TCtxh0

Read More

ஹரியானா பாஜக-வில் கிளம்பிய உட்கட்சிப்பூசல்; தேர்தலில் சீட் கொடுக்காததால் வெளியேறிய அமைச்சர், MLA!

ஹரியானாவில் நடக்கவிருக்கும் சட்டமன்றத் தேர்தலை முன்னிட்டு, முதற்கட்ட வேட்பாளர் பட்டியலை பா.ஜ.க வெளியிட்ட மறுநாளே, தங்களுக்கு சீட் மறுக்கப்பட்டதாக அமைச்சர், எம்.எல்.ஏ மற்றும் முன்னாள் அமைச்சர் ஆகியோர் கட்சியிலிருந்து வெளியேறிய சம்பவங்கள் கட்சிக்குள் நிலவும் உட்கட்சி பூசலை வெளிச்சம் போட்டுக்காட்டியிருக்கிறது. 2014 முதல் பா.ஜ.க தலைமையிலான ஆட்சி நடைபெற்றுவரும் ஹரியானாவில் அக்டோபர் 5-ம் தேதி, மொத்தமுள்ள 90 சட்டமன்றத் தொகுதிகளுக்கும் ஒரே கட்டமாக வாக்குப் பதிவு நடக்கவிருக்கிறது.ஹரியானா பாஜக முதல்வர் நயாப் சிங் சைனி

இதனை முன்னிட்டு, பா.ஜ.க முதற்கட்டமாக 67 பேர் கொண்ட வேட்பாளர் பட்டியலை நேற்று வெளியிட்டது. இந்த நிலையில், முதற்கட்ட வேட்பாளர் பட்டியலில் ராணியா தொகுதிக்கு தனது பெயர் அறிவிக்கப்படாததைக் கண்டு அதிருப்தியடைந்த, முன்னாள் துணைப் பிரதமர் தேவி லாலின் மகனும், மாநில எரிசக்தி மற்றும் சிறைத்துறை அமைச்சருமான ரஞ்சித் சிங் சவுதாலா, அமைச்சர் பதவியை ராஜினாமா செய்துவிட்டு கட்சியிலிருந்து விலகியிருக்கிறார்.

இது குறித்து பேசியிருக்கும் ரஞ்சித் சிங் சவுதாலா, ``பா.ஜ.க-வுடன் எனக்கு நல்ல உறவு இருந்தது. ஆனால், அவர்கள் யாருடைய பேச்சைக் கேட்டு இத்தகைய முடிவெடுத்தார்கள் என்று தெரியவில்லை. ஆனால், இத்தகைய ஆலோசனையை வழங்கியவர்கள் கட்சிக்குப் பாதிப்பை ஏற்படுத்தியிருக்கிறார்கள் என்று நான் சொல்வேன். சௌத்ரி தேவி லாலின் மகன் நான். எனக்கும் கொஞ்சம் செல்வாக்கு இருக்கிறது. எனவே, நான் சுயேச்சையாகப் போட்டியிட முடிவு செய்திருக்கிறேன்" என்று தெரிவித்திருக்கிறார்.ரஞ்சித் சிங் சவுதாலா

இவரைத் தொடர்ந்து, பா.ஜ.க எம்.எல்.ஏ லக்ஷ்மண் தாஸ் நாபாவும் தனக்கு சீட் கிடைக்காத விரக்தியில் கட்சியிலிருந்து விலகியிருக்கிறார். அதோடு, இன்று நேராக டெல்லிக்குச் சென்று ஹரியானா முன்னாள் முதல்வர் பூபிந்தர் சிங் ஹூடாவை நேரில் சந்தித்து, தனது ஆதரவாளர்களுடன் காங்கிரஸில் சேரப்போவதாகவும் கூறியிருக்கிறார். இவர்களைப் போலவே, முன்னாள் அமைச்சரும், பா.ஜ.க ஓ.பி.சி மோர்ச்சா பிரிவின் மாநில தலைவருமான கரண் தேவ் கம்போஜ், சீட் மறுக்கப்பட்ட காரணத்தால் கட்சியின் அனைத்து பொறுப்புகளிலிருந்தும் பதவியை ராஜினாமா செய்திருக்கிறார். குறிப்பாக, `பா.ஜ.க-வுக்கு இனி விசுவாசிகள் யாரும் தேவையில்லை போல' என கரண் தேவ் கம்போஜ் தனது அதிருப்தியை வெளிப்படுத்தியிருக்கிறார்.பாஜக

இவர்கள் மட்டுமல்லாது, முதற்கட்ட வேட்பாளர் பட்டியலில் இடம் பெறாத அமைச்சர் சஞ்சய் சிங், முன்னாள் அமைச்சர் சந்தீப் சிங் உட்பட சில சிட்டிங் எம்.எல்.ஏ-க்களும் அதிருப்தியில் இருப்பதாகக் கூறப்படுகிறது. கூடவே, கட்சியில் நீண்ட காலமாகப் பணியாற்றியவர்களை விடவும், சமீபத்தில் கட்சிக்குள் நுழைந்தவர்களுக்கு முக்கியத்துவம் கொடுத்து சீட் கொடுத்ததால் இத்தகைய உட்கட்சி பூசல் கிளம்பியிருப்பதாகப் பேச்சுகள் அடிபடுகிறது. மறுபக்கம், பாஜக எம்.பி பிரிஜ் பூஷன் மீது பாலியல் குற்றச்சாட்டை முன்வைத்து வீதியில் போராடியவரும், ஒலிம்பிக்கில் மல்யுத்தத்தில் 100 கிராம் உடல் எடை அதிகமாக இருப்பதாக இறுதிப்போட்டியிருந்து தகுதிநீக்கம் செய்யப்பட்டவருமான வினேஷ் போகத் காங்கிரஸில் இணைந்திருக்கிறார் என்பது குறிப்பிடத்தக்கது.Ravindra Jadeja: ஜடேஜாவின் அரசியல் பிரவேசம்; பா.ஜ.கவில் இணைந்த ரவீந்திர ஜடேஜா


http://dlvr.it/TCsb9m

Read More

விநாயகர் சதுர்த்தி சிறப்பு சலுகை! 2 வருட சந்தா @ ரூ1799! + 2 மாத சந்தா + ரூ100 அமேசான் கூப்பன் Free!

விகடன் நூலகத்தில் உள்ள புத்தகங்களை படிக்கும்போது, நிச்சயம் அதில் மூழ்கிப் போகாமல் வாசகரால் இருக்க முடியாது அப்படி வாசிப்பின் எதிர்ப்பார்ப்பை கூட்டி பரவசம் அடைய செய்யும் விகடனின் 7 இதழ்களும் உங்கள் வாழ்வியலை மேம்படுத்தி உங்களின் நம்பிக்கைக்குரிய உற்ற தோழனாக உங்கள் ஞானத் தேடலில் விறுவிறுப்பு தீராமல் தகவல்களை அள்ளித்தருகின்றன.

உங்கள் ரசனைக்கேற்ற படைப்புகளையும், விறுவிறுப்பான கட்டுரைகளையும் அள்ளித்தரும் விகடனின் ஏழு இதழ்களுடன், 2006 முதல் இன்று வரையிலான 17 ஆண்டுக் கால பொக்கிஷங்களையும் நீங்கள் படித்திடும் வகையில் விகடன் தரும் உங்களுக்கான சிறப்பு சலுகையை ( offer ஐ ) பயன்படுத்திக் கொள்ளுங்கள்..!

வாசிப்பின் எதிர்ப்பார்ப்பை கூட்டி பரவசம் அடைய செய்யும் விகடனின் அனைத்து படைப்புகளும் உங்கள் வாழ்வியலை மேம்படுத்தி, உங்களின் நம்பிக்கைக்குரிய உற்ற தோழனாக, உங்கள் ஞானத் தேடலில் விறுவிறுப்பு தீராமல் தகவல்களை அள்ளித்தருகின்றன.

இதோ உங்களுக்காக மூன்று சிறப்புச் சலுகைகள்:

* Save ரூ.800 > ரூ.1,749 மதிப்புள்ள 1 வருட விகடன் டிஜிட்டல் சப்ஸ்கிரிப்ஷனை ரூ.949 ரூபாய்க்குப் பெறுங்கள்.மேலும் 2 மாத சந்தா இலவசமாக பெறுங்கள்!

* Save ரூ.1199 > ரூ.2,998 மதிப்புள்ள 2 வருட விகடன் டிஜிட்டல் சப்ஸ்கிரிப்ஷனை ரூ.1,799 ரூபாய்க்குப் பெறுங்கள். மேலும் 2 மாத சந்தா + Rs 100 மதிப்புள்ள Amazon Coupon இலவசமாக பெறுங்கள்!

* Save ரூ.11,000 > ரூ.19,999 மதிப்பிலான டிஜிட்டல் ஆயுள் சந்தா வெறும் ரூ.8,999 ரூபாய்க்குப் பெறுங்கள்! மேலும் Rs 250 மதிப்புள்ள Amazon Coupon இலவசமாக பெறுங்கள்!"NO COST EMI" available


http://dlvr.it/TCsZt6

Read More