Saturday 7 September 2024
Kissflow Suresh Sambandam : உங்ககிட்ட START-UP IDEA இருக்கா? இதை முதலில் பண்ணுங்க - வாவ் ஐடியா
http://dlvr.it/TCy10R
Vinesh Phogat: `வினேஷ் ஏமாற்றினார்... கடவுள் தண்டித்தார்' - பிரிஜ் பூஷன் குற்றச்சாட்டு!
மேலும், கடவுள் வினேஷ் போகத்தை தண்டித்ததால்தான் அவரால் ஒலிம்பிக்கில் தங்க பதக்கம் வெல்ல முடியவில்லை எனவும் கூறியுள்ளார்.
பிரிஜ் பூஷனுக்கு எதிராக கடந்த ஆண்டு டெல்லி சாலைகளில் போராடினார் வினேஷ் போகத். இதனால் பிரிஜ் பூஷனுக்குச் சிக்கல் ஏற்பட்டது.வினேஷ் போகத்
ஒலிம்பிக்கில் கலந்துகொண்ட வினேஷ் போகத் தங்க பதக்கத்துக்கான இறுதிப்போட்டிக்கு முன் உடல் எடை அதிகரிப்பால் தகுதிநீக்கம் செய்யப்பட்டார்.
எனினும் அவர் வெள்ளி வென்றதற்கான மரியாதையை வழங்கியது ஹரியானா அரசு. மக்களும் அவரை தங்கள் மகளாக கொண்டாடித் தீர்த்தனர்.
சில நாள்களுக்கு முன்பு ஹரியானா எல்லையில் நடக்கும் விவசாயிகள் போராட்டத்தில் கலந்துகொண்டு உரையாற்றினார் வினேஷ் போகத். அதைத் தொடர்ந்து நேற்றைய தினம் காங்கிரஸில் இணைந்தார். சில மணிநேரங்களிலேயே காங்கிரஸ் வேட்பாளராகவும் அறிவிக்கப்பட்டார்.வினேஷ் போகத் - கார்கே - பஜ்ரங் புனியா - கே.சி.வேணுகோபால்
இந்த நிலையில், வினேஷ் போகத் குறித்து பிரிஜ் பூஷன், "ஒரு வீரர் ஒரே நாளில் இரண்டு எடை பிரிவுகளில் சோதனைகளை வழங்க முடியுமா என்று நான் வினேஷ் போகத்திடம் கேட்க விரும்புகிறேன்? எடைபோட்ட பிறகு ஐந்து மணி நேரம் சோதனைகளை நிறுத்த முடியுமா? நீங்கள் மல்யுத்தத்தில் வெற்றி பெறவில்லை; ஏமாற்றி அங்கு சென்றீர்கள். அதற்காக கடவுள் உங்களை தண்டித்துள்ளார்" எனக் குற்றம்சாட்டியுள்ளார்.
வினேஷ் போகத்துடன் போராட்டத்தில் ஈடுபட்ட மல்யுத்த வீரர் பஜ்ரங் புனியாவும் சோதனைப் போட்டிகள் இல்லாமல் ஆசியப் போட்டிகளில் விளையாடியதாக பிரிஜ் பூஷன் குற்றம்சாட்டியுள்ளார்.
பிரிஜ் பூஷன் சரண் சிங்
மேலும், நாட்டின் மகள்களை அவமானப்படுத்திய குற்ற உணர்வு தனக்கு இல்லை எனவும் தெரிவித்துள்ளார். "நாட்டின் மகள்களை அவமானப்படுத்தியதாக வருத்தப்பட வேண்டியது வினேஷும், புனியாவும்தான். அவர்களுக்கு திரைக்கதை எழுதிக்கொடுத்த பூபேந்தர் ஹூடாவும்." என்றார் பிரிஜ் பூஷன்.
மேலும் அவர் ஹரியானா தேர்தலில் தன்னை பிரசாரம் செய்ய பா.ஜ.க அழைத்தால் பிரசாரம் செய்யத் தயார் என்றும் தெரிவித்துள்ளார்.Vinesh Phogat: வினேஷ் போகத் மல்யுத்த வீராங்கனை டு காங்கிரஸ் வேட்பாளர்!
http://dlvr.it/TCxlLW
இந்தியர்கள் உணவுக்கு எவ்வளவு செலவு செய்கின்றனர்?
ஆனால், சுதந்திரத்துக்குப் பிந்தைய வரலாற்றில் முதல்முறையாக, இந்தியக் குடும்பங்கள் மொத்த செலவில் பாதிக்கும் குறைவான தொகையை உணவுக்கு செலவிட்டுள்ளதாக பிரதமருக்கான பொருளாதார ஆலோசனை கவுன்சில் வெளியிட்டுள்ள ஆய்வறிக்கை கூறுகிறது. மேலும், இந்திய மக்களின் உணவு நுகரும் வழக்கத்திலேயே மாற்றங்கள் வந்திருப்பதாகவும் இந்த ரிப்போர்ட் கூறுகிறது.
அனைத்து மாநிலங்கள் மற்றும் யூனியன் பிரதேசங்களிலும் குடும்பங்கள் உணவுக்கு செலவு செய்யும் தொகை கணிசமாகக் குறைந்திருக்கிறது. கிராமப்புறங்கள் முதல் நகரங்கள் வரை எல்லா இடங்களிலும் இதே நிலைதான்.செலவு - பணவீக்கம் - expenditure - expenses - spending - inflationவேகமாக வளரும் உணவு சேவைத் துறை... போனுக்கு அதிகம் செலவழிக்கும் மக்கள்!
பிரதமருக்கான பொருளாதார ஆலோசனை கவுன்சில் வெளியிட்டுள்ள ரிப்போர்ட்டில், “நவீன இந்தியாவில் (சுதந்திரத்துக்குப் பின்) முதல்முறையாக குடும்பங்களின் ஒட்டுமொத்த மாதாந்திர செலவில் பாதிக்கு கீழே உணவுக்கு செலவு செய்கின்றனர். ஒட்டுமொத்தமாக அனைத்து மாநிலங்களிலும் கிராமப்புறங்கள் மற்றும் நகர்ப்புறங்களில் குடும்பங்களின் சராசரி தனிநபர் மாதாந்திர செலவு அதிகரித்துள்ளது. ஆனால், மாநிலத்துக்கு மாநிலம் வளர்ச்சியில் வேறுபாடு இருக்கிறது.
உதாரணமாக, 2011-12 ஆண்டு முதல் 2022-23 ஆண்டு வரை கிராமப்புறங்களை எடுத்துக்கொண்டால், மேற்கு வங்க குடும்பங்களின் செலவு 151 சதவிகிதம் அதிகரித்துள்ளது. தமிழ்நாட்டிலோ 214 சதவிகிதம் அதிகரித்துள்ளது. அதிகபட்சமாக சிக்கீம் மாநிலத்தில் 394 சதவிகிதம் அதிகரித்துள்ளது. ஒட்டுமொத்தமாகவே நகரங்களை விட கிராமப்புறங்களில் செலவு வளர்ச்சி அதிகமாக இருக்கிறது.ரேஷன் கடை
உணவுப் பொருள்களிலும் பிரித்துப் பார்த்தால், தானியங்களுக்கு மக்கள் செலவு செய்வது கணிசமாக குறைந்துள்ளது. மக்களுக்கு ரேஷன் வழியில் உணவுப் பொருள்களை வழங்குவதே இந்த மாற்றத்துக்கான காரணம் என்கிறது பிரதமருக்கான பொருளாதார ஆலோசனை கவுன்சில்.
இதுபோக, பதப்படுத்தப்பட்ட மற்றும் பேக்கேஜ் செய்யப்பட்ட உணவுப் பொருள்களை மக்கள் நுகருவதும் அதிகரித்திருப்பதாக இந்த ரிப்போர்ட் கூறுகிறது. உணவுப் பதப்படுத்துதல் துறை நிறைய வேலைவாய்ப்புகளை உருவாக்கி வளர்ச்சிக்கான துறையாக இருக்கிறது. ஆனால், இந்த உணவுகளை நுகருவதால் சுகாதாரக் கேடுகள் ஏற்படும் என்பதையும் பிரதமருக்கான பொருளாதார ஆலோசனை கவுன்சில் குறிப்பிட்டுள்ளது.அரை வயிறு உணவு; கால் வயிறு தண்ணீர்; கால் வயிறு காலி:
சிக்கல் இல்லாத வாழ்க்கைக்கு சிம்பிள் ஃபார்முலா!
http://dlvr.it/TCxFzr
`திமுக, அதிமுக இரண்டுமே முதலீடுகள் பற்றி வெள்ளை அறிக்கை வெளியிட வேண்டும்!' - கார்த்தி சிதம்பரம்
.jpg?rect=0%2C0%2C1600%2C840&w=1200&ar=40%3A21&auto=format%2Ccompress&ogImage=true&mode=crop&enlarge=true&overlay=false&overlay_position=bottom&overlay_width=100)
செய்தியாளர்களிடம் எடப்பாடி பழனிசாமியின் வெள்ளை அறிக்கை கோரிக்கை குறித்துப் பேசிய கார்த்தி சிதம்பரம், ``ஜெயலலிதா முதல்வராக இருந்தபோதும், எடப்பாடி பழனிசாமி முதல்வராக இருந்தபோதும் முதலீட்டுக்கான மாநாடு நடத்தினார்கள். அந்த மாநாட்டின்போது, எவ்வளவு முதலீடு வந்தது, அதனால் எத்தனை தொழிற்சாலைகள் ஆரம்பிக்கப்பட்டது, எத்தனை பேருக்கு வேலை கிடைத்தது என்பதை அவர் (எடப்பாடி பழனிசாமி) வெளியிட்டுவிட்டு இந்தக் கேள்வியைக் கேட்டால் நியாயமாக இருக்கும்.
அதோடு, அ.தி.மு.க ஆட்சியில் எவ்வளவு முதலீடுகள் கொண்டுவந்தார்கள் என்பது பற்றிய வெள்ளை அறிக்கையை அவர்கள் கொடுக்கட்டும், தி.மு.க ஆட்சியில் எவ்வளவு முதலீடு கொண்டுவந்தார்கள் என்பது பற்றிய வெள்ளை அறிக்கையை இவர்கள் கொடுக்கட்டும். இதை நடுவராக நான் பார்த்துக்கொள்கிறேன்" என்று கூறினார்.கார்த்தி சிதம்பரம்
மேலும், இதே செய்தியாளர் சந்திப்பில் தேசிய கல்விக் கொள்கை விவகாரம் பற்றி பேசிய கார்த்தி சிதம்பரம், ``தேசிய கல்விக் கொள்கையில் மும்மொழிக் கொள்கை கொண்டுவருகிறார்கள் என்பது மட்டுமே விவாதத்துக்கு வருகிறது. ஆனால், விஷமமான கருத்துகள், பிற்போக்கு சிந்தனையான கருத்துகளை மத்திய பா.ஜ.க முன்வைக்கிறார்கள் என்பது விவாதத்துக்கு வரவில்லை. அது விவாதப்பொருளாக வேண்டும். என்னைப் பொறுத்தவரை, புதிய கல்விக் கொள்கையை தமிழ்நாடு ஏற்காததை நான் வரவேற்கிறேன். ஏற்றுக்கொள்ளவும் கூடாது" என்றார்.`சுரண்டப்படும் நதி' கூவம் குறித்து வெள்ளை அறிக்கை கேட்ட கார்த்தி சிதம்பரம்; மேயர் பிரியா சொல்வதென்ன?
http://dlvr.it/TCwPXL
Friday 6 September 2024
TVK : `55,000 பேருக்கு இருக்கை; சிறப்பு விருந்தினர்கள் யாரும் இல்லை' - போலீஸில் விஜய் தரப்பு பதில்!
முதலில் திருச்சி அதைத் தொடர்ந்து சேலம், ஈரோடு என பல இடங்களில் மாநாடு நடத்த இடம் தேடினர் விஜய் தரப்பு. எல்லா பக்கமும் எதோ ஒரு பிரச்னை ஏற்பட, கடைசியாகத்தான் விக்கிரவாண்டியை லாக் செய்தார்கள். விக்கிரவாண்டி வி.சாலை பகுதியில் கிட்டத்தட்ட 85 ஏக்கர் பரப்பளவு கொண்ட இடத்தில் மாநாட்டை நடத்தத் திட்டமிட்டார்கள். அதற்காகத்தான் கடந்த 28-ம் தேதி த.வெ.க தரப்பில் அனுமதி கேட்டு விழுப்புரம் ஏ.டி.எஸ்.பி-யிடம் மனு கொடுத்தார்கள்.
மனுவில் மாநாடு நடத்தப்போகும் தேதி மற்றும் ஒன்றரை லட்சம் பேர் மட்டுமே கலந்துகொள்வார்கள் என்கிற தகவல் மட்டுமே இருந்தது. கூடுதலாக எங்கெல்லாம் பார்க்கிங் வசதி செய்திருந்தார்கள் என்பது மட்டும்தான் இருந்தது. மற்றபடி விரிவான தகவல்கள் எதுவுமே இல்லை. அதனால்தான்விஜய்காவல்துறை தரப்பில் மாநாடு எப்போது தொடங்கும்?, மாநாட்டில் சிறப்பு விருந்தினர்களாக யாரெல்லாம் வருகிறார்கள்? எந்தெந்த பகுதிகளில் இருந்தெல்லாம் தொண்டர்கள் வருகிறார்கள்? பெண்கள், குழந்தைகளுக்கு தனி ஏற்பாடு செய்யப்படுமா? போன்ற 21 கேள்விகளை கொண்ட நோட்டீஸை த.வெ.க-வுக்கு காவல்துறை வழங்கியது.TVK Vijay: தவெக மாநாட்டுக்கு அனுமதி கிடைப்பதில் தாமதம்... காரணம் தான் என்ன?!
கடந்த திங்கள்கிழமை இந்த நோட்டீஸ் வழங்கப்பட்டு 5 நாள்கள் அவகாசம் கொடுக்கப்பட்டது. காவல்துறை வழங்கிய கால அவகாசம் இன்றோடு முடிய இருந்த நிலையில், இன்று பிற்பகலில் த.வெ.க தரப்பில் புஸ்ஸி ஆனந்த அந்த கேள்விகளுக்கு பதில் அடங்கிய மனுவை விழுப்புரம் காவல்துறையிடம் வழங்கினார்.
இன்னும் அந்த பதில் மனுவில் உள்ள முழுமையான தகவல்கள் வெளியாகவில்லை. ஆனால், நமக்கு கிடைத்த தகவல்படி விஜய்மாநாட்டில் விஜய்யை தவிர சிறப்பு விருந்தினர்கள் யாரும் பங்கேற்கவில்லை என த.வெ.க சொல்லப்பட்டிருப்பதாகத் தெரிகிறது. மேலும், மாநாட்டில் தொண்டர்கள் அமர 55,000 இருக்கைகள் போடப்படவிருப்பதாகவும், குழந்தைகள் மற்றும் பெண்களுக்கு தனி இடம் ஒதுக்கியிருப்பதாகவும் சொல்லியிருக்கிறார்கள்.
தொண்டர்கள் வந்து செல்ல 14 முதல் 16 வழிகளும்... தலைவர்கள் வந்து செல்ல 4 வழிகளும் ஏற்பாடு செய்திருப்பதாகச் சொல்கிறார்கள். மாநாட்டில் கலந்துகொள்பவர்களுக்கு அங்கேயே உணவு சமைத்து பார்சலாக வழங்கவும் ஏற்பாடு செய்திருக்கிறார்களாம். மாநாடுக்கு மதியம் 12 மணியிலிருந்து இரவு 10 மணி வரை அனுமதி கேட்டிருக்கிறார்கள். கண்காட்சி திறப்பு, கொடியேற்றுதல், தீர்மானங்கள், தலைவர் உரை என நிகழ்ச்சி நிரலையும் வழங்கியிருக்கிறார்கள்.
`காவல்துறை தரப்பில் இன்னும் இரண்டு மூன்று நாள்களில் அனுமதி கொடுப்பார்கள் என எதிர்பார்க்கிறோம்' என்று புஸ்ஸி ஆனந்த் கூறியிருக்கிறார். காவல்துறையின் அனுமதி கிடைத்தாலும் 15 நாள்களில் பெரிய மாநாட்டை நடத்தி முடிப்பது இமாலயச் சவாலான விஷயம் என்கிறார்கள் விஷயமறிந்தவர்கள். இதற்கிடையே விஜய் மாநாட்டுக்கு அனுமதி வழங்க ஏன் தாமதப்படுத்துகிறீர்கள் என தமிழிசை சௌந்தரராஜன், பிரேமலதா விஜயகாந்த் போன்றோர் அரசுக்கு கேள்வியும் எழுப்பியிருக்கின்றனர். இதுதொடர்பாக த.வெ.க நிர்வாகிகள் தரப்பில் விசாரித்தோம். 'எங்கள் தரப்பில் மாநாடு நடத்த முழு வீச்சில் தயாராக இருக்கிறோம். நாளைக்குள் காவல்துறையினர் நல்ல தகவலோடு அழைப்பார்கள் என எதிர்பார்க்கிறோம். நேரம் குறைவாக இருந்தாலும் மாநாட்டை சிறப்பாக நடத்தி முடிக்க சரியான திட்டமிடலுடன் தயாராகவே இருக்கிறோம்.' என்கின்றனர். காவல்துறை என்ன செய்யப்போகிறது? த.வ.க தரப்பு என்ன செய்யப்போகிறது? என்பதைப் பொறுத்திருந்து பார்ப்போம். TVK Vijay: மாநாட்டு ஏற்பாடுகளை தடுக்கிறதா ஆளும் தரப்பு? - பின்னணி என்ன?
http://dlvr.it/TCw3M9
சாதி மறுப்புத் திருமணம்; ஊரை விட்டு ஒதுக்கி வைப்பதா? - விசாரணையில் இறங்கிய கலெக்டர்
.jpg?rect=66%2C0%2C992%2C521&w=1200&ar=40%3A21&auto=format%2Ccompress&ogImage=true&mode=crop&enlarge=true&overlay=false&overlay_position=bottom&overlay_width=100)
இதுகுறித்து நம்மிடம் பேசிய கோணப்பட்டியைச் சேர்ந்த வினோத், "எங்கள் ஊரில் ஒரு குறிப்பிட்ட சமூகத்தைச் சேர்ந்த 300 குடும்பங்கள் உள்ளன. ஊர் கோயில் திருவிழா நடத்துவது உள்ளிட்டவற்றுக்காக ஊர் கமிட்டி செயல்பட்டு வருகிறது. இந்த கமிட்டிக்கு தலைவர், செயலாளர், பொருளாளர் உள்ளிட்ட பதவிகள் 3 ஆண்டுகளுக்கு ஒருமுறை மாற்றப்பட்டு வருகிறது. இந்த கமிட்டியை வழிநடத்த ஊர் நாட்டாமை இருக்கிறார். இவர்கள் மூலம் ஊர் கட்டுப்பாடு என்ற பெயரில் பல்வேறு அராஜகங்கள் நடந்து வருகிறது. வினோத்
நான் 5 ஆண்டுகளுக்கு முன் காரைக்குடியைச் சேர்ந்த பெண்ணை காதலித்து திருமணம் செய்தேன். பிற சாதியைச் சேர்ந்த பெண்ணை திருமணம் செய்துவிட்டதாகக் கூறி, என்னை ஊரைவிட்டு ஒதுக்கி வைத்துவிட்டனர். என்னைப் போலச் சாதி மறுப்புத் திருமணம் செய்த 23 பேரை ஊரை விட்டு ஒதுக்கியுள்ளனர்.
எங்களை ஊர் திருவிழா உள்ளிட்ட எந்த நிகழ்ச்சிகளிலும் கலந்து கொள்ளவிடுவது இல்லை. எங்கள் குடும்ப நிகழ்ச்சிகளிலும் யாரும் கலந்து கொள்ளக் கூடாது என உத்தரவிட்டுள்ளனர்.கோணப்பட்டி ஊர் கோயில்
ஒரே சமூகத்தைச் சேர்ந்தவர்களும் காதலித்து திருமணம் செய்தால், அவர்களுக்கும் தண்டனை உண்டு. அதாவது காதலித்தவர்களின் பெற்றோர், உறவினர் யாரேனும் இறந்துவிட்டால், அவர்களின் இறுதிச் சடங்கில்கூட கலந்துகொள்ள விடாமல் தடுக்கிறார்கள். சாதி மறுப்புத் திருமணம் செய்தவர்களின் பெற்றோர் இறந்துவிட்டால், அவர்களை அந்த ஊர் மயானத்தில்கூட அடக்கம் செய்யவிடுவது இல்லை.
இதுதவிர, கிராமக் கூட்டங்களில் கலந்து கொள்ளக் கூடாது; பொதுகுழாயில் தண்ணீர் பிடிக்கக் கூடாது; ஊராருடன் பேசக் கூடாது; சாதி மறுப்புத் திருமணம் செய்தவர்களின் நிலங்களில் விவசாயப் பணிகளுக்கு யாரும் செல்லக் கூடாது எனப் பல கட்டுப்பாடுகளை விதித்துள்ளனர்." என்றார் குமுறலாக.சந்தோஷ்குமார்
தொடர்ந்து பேசிய சந்தோஷ்குமார், "இந்த நடைமுறை ஆண்டாண்டு காலமாகத் தொடர்ந்து வருகிறது. ஆனால், கடந்த சில ஆண்டுகளாகக் கட்டுப்பாடு என்ற பெயரில் அராஜகம் அதிகமாகி வருகிறது. நான் காதல் திருமணம் செய்துகொண்டேன் என்பதற்காக என் தாத்தா, பாட்டி இறப்பு இறுதிச்சடங்கில்கூட என்னைப் பங்கேற்க விடாமல் செய்துவிட்டனர். என் அக்கா மகளுக்குச் சீர் செய்யவிடாமல் தடுத்தனர். இந்தக் கொடுமைகள் குறித்து சாணார்பட்டி காவல்துறை, வட்டாட்சியர், ஆர்.டி.ஓ., மாவட்ட ஆட்சியரிடம் புகார் மனுக்கள் அளித்தோம். ஆனால், எவ்வித நடவடிக்கையும் எடுக்கவில்லை." என்றார்.
கிராம கமிட்டி செயலாளர் சேதுராமனிடம் பேசினோம். ''எங்கள் முன்னோர்கள் கிராம கட்டுப்பாடுகளைப் பின்பற்றி வந்தனர். தற்போது எவ்வித கட்டுப்பாடும் இல்லை. காதல் திருமணம் செய்தவர்கள் சிலரால் எங்கள் ஊரில் பிரச்னை ஏற்பட வாய்ப்பிருக்கிறது. இருப்பினும் காதல் திருமணம் செய்தவர்களிடம் கோயில் நன்கொடை வாங்கிக் கொள்கிறோம். அவர்களின் இறப்பு வீடுகளுக்கு விருப்பப்பட்டவர்கள் செல்லலாம். அதில் நாங்கள் கட்டுப்பாடு எதுவும் விதிக்கவில்லை." என்றார்.கலெக்டர் பூங்கொடி
திண்டுக்கல் மாவட்ட மாவட்ட ஆட்சியர் பூங்கொடியிடம் இவ்விவகாரம் குறித்துப் பேசியபோது, ''இதுகுறித்து ஆர்.டி.ஓ விசாரணைக்கு உத்தரவிட்டிருக்கிறேன். விசாரித்து உரிய நடவடிக்கை எடுக்கப்படும்." என்றார்.
http://dlvr.it/TCvgKD
Posts
