விசிக: மது ஒழிப்பு மாநாடு; `அதிமுக'விற்கு அழைப்பு விடுத்த திருமாவளவன்! உதயநிதி ஸ்டாலின் கருத்து!

கள்ளக்குறிச்சியில் அக்டோபர் 2 ஆம் தேதி மகளிர் சார்பில் மது ஒழிப்பு மாநாட்டை நடத்துவதாக விடுதலை சிறுத்தைகள் கட்சியினர் அறிவித்திருக்கின்றனர்.

இம்மாநாட்டில் பங்கேற்க `அதிமுக' விற்கு அழைப்பு விடுத்திருகிறார் விசிக தலைவர் திருமாவளவன். இது 'விசிக'வின் தேர்தல் அரசியலுக்கான யுக்தியா? மக்களுக்கான நலனா? என்பது அரசியல் களத்தில் விவாதப் பொருளாகியிருக்கிறது.திருமாவளவன்

இதுகுறித்து பேசியிருக்கும் 'விசிக' தலைவர் திருமாவளவன், "இந்த மது ஒழிப்பு மாநாடு தேர்தலை குறிவைக்கும் யுக்தியல்ல. இது தேர்தலுக்கான மாநாடு அல்ல, மக்களுக்கான மாநாடு. அதிமுக இந்த மாநாட்டில் தாராளமாகப் பங்கேற்கலாம். மதவாத - சாதியவாத சக்திகளைத் தவிர மற்ற அனைத்துக் கட்சிகளும் எங்களுக்குத் துணை நின்று இந்த மாநாட்டில் பங்கேற்க அழைப்பு விடுத்திருக்கிறோம். காரணம்; மது போதையை விடக் கொடியது மதவாத, சாதிய போதை.

மதவாத - சாதியக் கட்சியைத் தவிர, மற்ற எல்லா ஜனநாயகக் கட்சிகளும் மதுவை ஒழிக்க ஒரே மேடையில் கைகோர்த்து நிற்கவேண்டும். தேர்தல் அரசியல் வேறு, மக்களுக்கான அரசியல் வேறு. மக்களுக்காக எல்லோரும் ஒன்றாக நிற்க வேண்டும், தேர்தல் களத்தில் யாருடன் நிற்க வேண்டும் என்பதை தேர்தல் சமயத்தில்தான் முடிவெடுக்க வேண்டும்" என்று பேசியிருக்கிறார்.உதயநிதி ஸ்டாலின்

இதுகுறித்துப் பலரும் கருத்துத் தெரிவித்து வருகின்றனர். 'அதிமுக' வின் அமைச்சர்கள் இதுகுறித்து தலைமைதான் முடிவெடுக்க வேண்டும் என்று கூறி வருகின்றனர். அமைச்சர் உதயநிதி ஸ்டாலின், "அதிமுக-வை அழைப்பது, எந்தக் கட்சியையும் அழைப்பது என்பது 'விசிக' வின் முடிவு. அழைப்பை ஏற்றுச் செல்ல வேண்டுமா என்பதை அந்தந்தக் கட்சியினர் முடிவெடுப்பார்கள். அதில் வேறு யாரும் கருத்துச் சொல்ல முடியாது" என்று கூறியிருக்கிறார். தேசிய கல்விக் கொள்கையில் நீளும் விவாதம்; ஸ்டாலினிடம் மத்திய கல்வியமைச்சர் முன்வைக்கும் 4 கேள்விகள்


http://dlvr.it/TD3DdB

Read More

தேசிய கல்விக் கொள்கையில் நீளும் விவாதம்; ஸ்டாலினிடம் மத்திய கல்வியமைச்சர் முன்வைக்கும் 4 கேள்விகள்

மாநில அரசு vs மத்திய அரசுதேசிய கல்விக் கொள்கை

தேசிய கல்விக் கொள்கையை ஏற்காததால், சமக்ரா சிக்ஷா ஒருங்கிணைந்த கல்வித் திட்டத்தின்கீழ் தமிழ்நாட்டுக்கு வர வேண்டிய நிதியை மத்திய பா.ஜ.க அரசு தர மறுப்பதாக திமுக அரசு முன்வைக்கும் குற்றச்சாட்டைத் தொடர்ந்து, தேசிய கல்விக் கொள்கை குறித்த வாதம் மீண்டும் நீள்கிறது.

முன்னதாக, அண்ணாமலை லண்டன் செல்வதற்கு முன்பாக, `பி.எம் ஸ்ரீ பள்ளித் திட்டத்துக்கு மத்திய அரசுடன் ஒப்பந்தத்தில் கையெழுத்திட்ட திமுக அரசு, அரசியல் லாபத்துக்காக `அந்தத் திட்டத்தில் மும்மொழிக் கொள்கை இருக்கிறது. அதனால் ஏற்க மாட்டோம்' என்று இப்போது கூறிவருகிறது. மத்திய அரசு கல்விக்கு நிதி ஒதுக்கிக் கொண்டுதான் இருக்கிறது' என்று கூறியிருந்தார்.தேசிய கல்விக் கொள்கை - 2020

அதைத்தொடர்ந்து, முதல்வர் ஸ்டாலின் பிரதமர் மோடிக்கு, `2024-25 ஆம் ஆண்டில், தமிழ்நாட்டுக்கு ரூ.3,586 கோடி கல்விக்கு ஒதுக்கீடு செய்யப்பட்டது. இதில், ஒன்றிய அரசின் பங்கு ரூ.2,152 கோடி (60 விழுக்காடு). இதற்கான முன்மொழிவுகள் கடந்த ஏப்ரலிலேயே சமர்ப்பிக்கப்பட்ட போதிலும், முதல் தவணையான ரூ.573 கோடி விடுவிப்பதில் தாமதம் ஏற்பட்டுள்ளது. முந்தைய ஆண்டுக்கான ரூ.249 கோடியை ஒன்றிய அரசு இன்னும் விடுவிக்கவில்லை. விவாதங்கள் தேவைப்படும் தேசிய கல்விக் கொள்கையினை, கல்விக்கான நிதி வழங்கிடும் விஷயத்துடன் பொருத்திடக் கூடாது' என்று குறிப்பிட்டு நிதியை ஒதுக்க நடவடிக்குமாறு கடிதம் எழுதியிருந்தார்.

`சிறப்பாகச் செயல்படும் மாநிலங்களுக்கு நிதியை மறுப்பதா?’



அதன்பின்னர், தொடர்ச்சியாகத் தேசிய கல்விக் கொள்கையும், அதனுள் இருக்கும் மும்மொழிக்கொள்கையும் பா.ஜ.க, தி.மு.க இடையே பெரும் விவாதத்தைக் கிளப்பியிருக்கிறது. அந்த வரிசையில், ஸ்டாலின் எக்ஸ் தளத்தில் `தி இந்து' ஆங்கில இதழின் தரவுகளைப் பதிவிட்டு, ``தேசிய கல்விக் கொள்கைக்கு அடிபணிய மறுத்ததற்காக, சிறப்பாகச் செயல்படும் மாநிலங்களுக்கு நிதியை மறுப்பதும், அதே நேரம் இலக்குகளை நிறைவேற்றாத மாநிலங்களுக்கு நிதியை வாரி வழங்குவதும்தான், தரமான கல்வி மற்றும் சமத்துவத்தை மேம்படுத்தும் மத்திய பா.ஜ.க அரசின் இந்த திட்டமா?" என்று ட்வீட் செய்திருந்தார்.ஸ்டாலின் - மோடி கல்வியமைச்சர் தர்மேந்திர பிரதான் காட்டம்

இதற்குத் தற்போது எதிர்வினையாற்றியிருக்கும் மத்திய கல்வியமைச்சர் தர்மேந்திர பிரதான், ஸ்டாலினிடம் நான்கு கேள்விகளை முன்வைத்திருக்கிறார். அதில், ``ஜனநாயகத்தில் மாநிலங்களுக்கு இடையே ஆரோக்கியமான போட்டி எப்போதும் வரவேற்கத்தக்கது. இருப்பினும், ஒரு கருத்தை முன்வைப்பதற்காக மாநிலங்களை ஒன்றுக்கொன்று எதிராக நிறுத்துவது, அரசியலமைப்பு மற்றும் ஒருங்கிணைந்த இந்தியாவுக்கு எதிரானது. தேசிய கல்விக் கொள்கை - 2020, பரந்த அளவிலான ஆலோசனைகள் மூலம் உருவாக்கப்பட்டது. எனவே, தேசிய கல்விக் கொள்கைக்கு எதிரான உங்களின் கொள்கையை ரீதியான எதிர்ப்பில், உங்களிடம் சில கேள்விகளை முன்வைக்க விரும்புகிறேன்.

> தமிழ் உட்பட தாய்மொழியில் கல்வி கற்பதை எதிர்க்கிறீர்களா?

> தமிழ் உள்ளிட்ட இந்திய மொழிகளில் தேர்வு நடத்துவதை எதிர்க்கிறீர்களா?

> தமிழ் உள்ளிட்ட இந்திய மொழிகளில் பாடப்புத்தகங்கள் மற்றும் உள்ளடக்கம் உருவாக்கப்படுவதை எதிர்க்கிறீர்களா?

> தேசிய கல்விக் கொள்கையின் முழுமையான, ஒழுங்கமைப்பான, சமமான, எதிர்காலத்துக்கான உள்ளடக்கம் சார்ந்த கட்டமைப்பை எதிர்கிறீர்களா?மத்திய கல்வியமைச்சர் தர்மேந்திர பிரதான்

அப்படி எதுவும் இல்லை என்றால், உங்களின் அரசியல் ஆதாயங்களை விட தமிழக மாணவர்களின் நலன்களுக்கு முன்னுரிமை கொடுத்து தேசிய கல்விக் கொள்கையை அமல்படுத்துமாறு கேட்டுக்கொள்கிறேன்" என்று தர்மேந்திர பிரதான தெரிவித்திருக்கிறார்.

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiYNEP 2020: புதிய கல்விக் கொள்கையின் சாதக பாதகங்கள் என்னென்ன? | The Imperfect Show 30/7/2020


http://dlvr.it/TD2wPR

Read More

"அந்த பயம் இருக்கணும் அண்ணாமலை..." - Piyush Manush சொல்வதென்ன?!

 சமூக செயற்பாட்டாளர் பியூஷ் மனுஷ் அண்ணாமலை மீது வெறுப்பு பேச்சு தொடர்பாக வழக்கு தொடந்திருக்கிறார். அந்த வழக்கு  உச்ச நீதிமன்றத்தில் இன்றக்கு விசாரணைக்கு வந்திருக்கும் நிலையில் அது தொடர்பாக நம்மிடம் பேசியிருக்கிறார். அந்த வழக்கு பற்றியும், அந்த தொடர்பாக உள்ள அரசியல் பற்றியும் நம்மிடம் விரிவாக பேசுகிறார் பியூஷ் மனுஷ். முழுமையான வீடியோ ...


http://dlvr.it/TD2hNq

Read More

`மகா.,’ அரசியல்: கூட்டணியில் குழப்பமோ குழப்பம்; ஷிண்டே, அஜித் பவாருடன் பஞ்சாயத்து பேசும் அமித் ஷா?

`பெரியண்ணா’ பாஜக



மகாராஷ்டிராவில் கடந்த 2022-ம் ஆண்டு ஆட்சிக்கு வந்த பா.ஜ.க கூட்டணி அரசு, நடந்து முடிந்த மக்களவைத் தேர்தலில் எதிர்பார்த்த வெற்றியை பெறவில்லை. தேசியவாத காங்கிரஸ் மற்றும் சிவசேனா கட்சிகளில் பிளவை ஏற்படுத்திய பிறகே பா.ஜ.கவால் ஆட்சியமைக்க முடிந்தது. அதுவும் முதல்வர் பதவியை கூட அதிருப்தி சிவசேனா தலைவர் ஏக்நாத் ஷிண்டேவிற்கு பா.ஜ.க கொடுத்தது. தற்போது வரும் நவம்பர் மாதம் சட்டமன்ற தேர்தல் நடைபெற இருக்கிறது. இத்தேர்தலில் மகாயுதி எனப்படும் பா.ஜ.க தலைமையிலான கூட்டணி, கூட்டணி அமைத்து போட்டியிட இருக்கிறது. இதில் கடந்த முறை 150க்கும் அதிகமான தொகுதியில் போட்டியிட்ட பா.ஜ.க இம்முறையும் பெரியண்ணாவாக இருந்து அதிக தொகுதியில் போட்டியிட விரும்புகிறது.மகனுடன் அஜித்பவார்

ஏற்கனவே இதற்காக தொகுதி பங்கீடு குறித்து பா.ஜ.க தலைவர்கள் இரு கூட்டணி கட்சி தலைவர்களிடம் பேசியுள்ளனர். துணை முதல்வர் அஜித்பவார் நாக்பூர் சென்று பா.ஜ.க துணை முதல்வர் தேவேந்திர பட்னாவிஸுடன் பேச்சுவார்த்தை நடத்திவிட்டு வந்திருக்கிறார். அதற்குள் சிவசேனா(ஷிண்டே) அமைச்சர்கள் தானாஜி சாவந்த், குலாப்ராவ் ஆகியோர் துணை முதல்வர் அஜித்பவாருக்கு எதிராக பேசியிருப்பது பேசியிருப்பது கூட்டணியில் குழப்பத்தை ஏற்படுத்தி இருக்கிறது. இதனால் தேசியவாத காங்கிரஸ் மற்றும் சிவசேனா தலைவர்கள் முறைத்துக்கொண்டிருக்கிறார்கள்.

அதோடு அஜித்பவார் கட்சி அமைச்சர்கள் அனுப்பும் பைல்களில் முதல்வர் ஏக்நாத் ஷிண்டே கையெழுத்திட மறுத்து வருகிறார் என்கிற குற்றச்சாட்டும் கிளம்பியுள்ளது. மற்றொரு புறம் சிவசேனா அமைச்சர்கள் அனுப்பும் பைல்களில் அஜித்பவார் கையெழுத்து போட மறுத்து வருகிறார் என்கிறார்கள்.

முதல்வர் வேட்பாளர் யார்?



மேலும் முதல்வர் பதவிக்கான வேட்பாளராக யாரை முன்னிறுத்துவது என்பதிலும் கூட்டணியில் குழப்பம் ஏற்பட்டுள்ளது. தன்னை மீண்டும் முதல்வருக்கான வேட்பாளராக நிறுத்த வேண்டும் என்று ஏக்நாத் ஷிண்டே கூறி வருகிறார். ஆனால் பா.ஜ.க அதற்கு தயாராக இல்லை. தேர்தல் முடிவுகள் வந்த பிறகு பார்த்துக்கொள்ளலாம் என்று கூறிவிட்டது. இதனால் ஏக்நாத் ஷிண்டே அதிருப்தியில் இருக்கிறார். மும்பையில் விநாயகர் சதுர்த்தியை முன்னிட்டு பா.ஜ.க தலைவர்கள் பலர் தங்களது வீடுகளில் விநாயகர் சிலைகளை பிரதிஷ்டை செய்து இருக்கின்றனர். எனவே அவர்களது வீட்டிற்கு செல்வதற்காக மத்திய அமைச்சர் அமித் ஷா நேற்று மும்பை வந்திருந்தார். அவர் மும்பையில் இன்று லால்பாக் ராஜா கணபதியை தரிசனம் செய்தார். அவருடன் துணைமுதல்வர் தேவேந்திர பட்னாவிஸ், முதல்வர் ஏக்நாத் ஷிண்டே மற்றும் பா.ஜ.க தலைவர்கள் வந்திருந்தனர். அமித் ஷா

ஆனால் மற்றொரு துணை முதல்வர் அஜித்பவார் அவர்களுடன் வரவில்லை. முதல்வர் ஷிண்டேயுடன் நிகழ்ச்சியில் பங்கேற்பதை அஜித்பவார் தவிர்த்து வருகிறார். அதோடு டெல்லியில் நடைபெற்ற ஜி.எஸ்.டி.கவுன்சில் கூட்டத்திற்கு கூட அஜித்பவார் செல்வதை தவிர்த்துவிட்டார். நேற்று அஜித்பவார், பட்னாவிஸ் மற்றும் ஏக்நாத் ஷிண்டே ஆகியோர் அமித்ஷாவை சந்தித்து பேசுவதாக இருந்தது. ஆனால் அப்பேச்சுவார்த்தை நடக்கவில்லை. அஜித் பவார் மும்பையில் தான் இருக்கிறார். அதோடு அடிக்கடி, `சரத்பவாரிடமிருந்து பிரிந்து வந்து தவறு செய்துவிட்டேன் ’என்று சொல்லிக்கொண்டிருக்கிறார்.

இன்று அமித் ஷா டெல்லிக்கு செல்வதற்கு முன்பு மூன்று தலைவர்களையும் ஒன்றாக அமரவைத்து அவர்களுக்குள் இருக்கும் கருத்து வேறுபாட்டை கலைந்துவிட்டு செல்லவேண்டும் என்பதில் உறுதியாக இருக்கிறார். அமித் ஷா அனைத்து விநாயர் சிலைகளையும் தரிசனம் செய்துவிட்டு விமான நிலையம் செல்லும்போது அங்கு வைத்து மூன்று தலைவர்களையும் சந்தித்து பேச முடிவு செய்துள்ளார். இதில் கருத்து வேறுபாடுகள் மட்டுமல்லாது தொகுதி பங்கீடு குறித்தும் பேசுகின்றனர். பா.ஜ.க 130 தொகுதியிலும், அஜித்பவாரின் தேசியவாத காங்கிரஸ் 65 தொகுதியிலும், சிவசேனா 85 தொகுதியிலும் போட்டியிட பேச்சுவார்த்தை நடந்து வருகிறது என்கிறார்கள் அரசியல் பார்வையாளர்கள்.

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY />

http://dlvr.it/TD2Jjs

Read More

NEP: ``தலைவணங்க மறுப்பதால் கல்வி நிதியை நிறுத்தி வைப்பதா?" - மத்திய அரசை சாடும் முதல்வர் ஸ்டாலின்

மத்திய அரசு 2018-ம் ஆண்டு சமக்ரா சிக்‌ஷா அபியான் (எஸ்.எஸ்.ஏ) எனும் pre.kg முதல் 12-ம் வகுப்புவரையிலான ஒருங்கிணைந்த பள்ளிக்கல்வித் திட்டத்தை அறிமுகப்படுத்தியது. இந்த திட்டத்தின் கீழ் தமிழ்நாட்டுக்கு 2024 - 2025-ம் கல்வி ஆண்டிற்கான தொகையாக ரூ.3,586 கோடி ஒதுக்கப்பட்டது. இதில், மாநில அரசின் பங்கு ரூ.1,434 கோடி போக, மீதமிருக்கும் ரூ.2,152 கோடியை மத்திய அரசு நான்கு தவணைகளில் விடுவிக்க வேண்டும். முதல் தவணை ஜூன் மாதத்தில் தமிழ்நாட்டுக்கு வந்துசேர்ந்திருக்க வேண்டும். ஆனால் மத்திய அரசு, முதல் தவணைத் தொகையை விடுவிக்கவில்லை.பிரதமர் மோடி

அதனால், தமிழ்நாடு முதல்வர் ஸ்டாலின், "'சமக்ரா சிக்ஷா அபியான்' என்கிற ஒருங்கிணைந்த கல்வித் திட்டத்தின்கீழ் தமிழ்நாட்டிற்கு வழங்கவேண்டிய முதல் தவணையான ரூ.573 கோடியை மத்திய அரசு விடுவிக்க வேண்டும்" என பிரதமர் மோடிக்கு கடிதம் எழுதியிருந்தார்.

அதே நேரம் தமிழக காங்கிரஸ், ``மத்திய அரசின் புதிய கல்விக் கொள்கையை ஏற்றுக் கொள்ளாத மாநிலங்களுக்கு சமக்ரா சிக்ஷா அபியான் திட்டத்தின் கீழ் நிதி வழங்க மத்திய அரசு மறுத்து வருகிறது" எனக் குற்றம்சாட்டியது.

பா.ம.க தலைவர் அன்புமணியும், தன் எக்ஸ் பக்கத்தில், ``புதிய கல்விக் கொள்கையை ஏற்காததற்காக தமிழகத்திற்கான நிதி ரூ.573 கோடியை நிறுத்திவைப்பதா? உடனடியாக நிதி வழங்க வேண்டும்'' எனப் பதிவிட்டிருந்தார்.

இது குறித்து பள்ளிக்கல்வித் துறை அமைச்சர் அன்பில் மகேஸ் செய்தியாளர்களைச் சந்தித்த போது, ``தேசியக் கல்விக் கொள்கையை ஏற்காததால், இந்த ஆண்டின் தொகை மட்டுமல்லாமல் கடந்த ஆண்டின் கடைசி தவணையான ரூ.249 கோடியையும் மத்திய அரசு பிடித்து வைத்துள்ளது." எனக் குறிப்பிட்டார். நான்கு நாள்களுக்கு முன்புகூட இது தொடர்பாக அதிகாரிகளுடன் ஆலோசனைக் கூட்டம் நடத்தினார்.திமுக - முதல்வர் ஸ்டாலின்

இந்த நிலையில், முதல்வர் ஸ்டாலின் தன் எக்ஸ் பக்கத்தில் "மத்திய அரசு, தேசிய கல்விக்கொள்கையை ஏற்காத தமிழ்நாடு, கேரளா, பஞ்சாப், மேற்கு வங்கம், டெல்லி ஆகிய எதிர்க்கட்சிகள் ஆளும் மாநிலங்களுக்கு எஸ்.எஸ்.ஏ திட்ட நிதியை நிறுத்தி வைத்திருக்கிறது" என்ற தகவல் பொதிந்த ஒரு செய்தியின் பகுதியை பகிர்ந்திருக்கிறார்.

அதைத் தொடர்ந்து, ``தேசிய கல்வி கொள்கைக்கு தலைவணங்க மறுத்ததற்காக, சிறப்பாகச் செயல்படும் மாநிலங்களுக்கு நிதியை மறுப்பதும், அதே நேரம், இலக்குகளை நிறைவேற்றாத மாநிலங்களுக்கு நிதியை அள்ளி வழங்குவதும்தான் தரமான கல்வி மற்றும் சமத்துவத்தை மேம்படுத்தும் மத்திய பா.ஜ.க அரசின் இந்த திட்டமா?

இது குறித்து முடிவெடுக்க நம் மக்களின் அறிவுக்கே விட்டுவிடுகிறேன்!" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY``ஓசியில் படம் பார்க்க, ரோட்டுக்கடைகளில் சாப்பிட..." - இளைஞரின் நூதன ட்ரிக்! - சிக்கியது எப்படி?


http://dlvr.it/TD0dld

Read More

``இந்தியாவில் வாழ்ந்த தாத்தா பாட்டியின் குணம் இன்றும் என்னுள் வாழ்கிறது..."- கமலா ஹாரிஸ்!

நவம்பர் மாதம் நடைபெறவிருக்கும் அமெரிக்க அதிபர் தேர்தலுக்கான பிரசாரமும், அதற்கான ஆயத்தப்பணிகளும் தீவிரமாக நடந்து வருகிறது. தற்போது அமெரிக்காவின் துணை அதிபராக இருக்கும் கமலா ஹாரிஸ், ஜனநாயகக் கட்சியின் அதிபர் வேட்பாளராக களம் கண்டுவருகிறார். இவரை எதிர்த்துப் போட்டியிடும் குடியரசுக் கட்சியின் அதிபர் வேட்பாளர் டொனால்ட் ட்ரம்பும் தீவிரப் பிரசாரத்தின் மூலம் கமலா ஹாரிஸுக்கு பெரும் சவாலாகவே முன்நகர்கிறார்.கமலா ஹாரிஸ்

இந்த நிலையில், கமலா ஹாரிஸ் வாய்ப்பு கிடைக்கும்பொதெல்லாம் தான் வளர்ந்த விதம் குறித்தும், தன்னைச் சுற்றி நிகழ்ந்த அரசியல் குறித்தும் பிரசாரக் களத்தில் பேசிவருகிறார். அதன் ஒரு பகுதியாக, நேற்று தேசிய தாத்தா பாட்டிகள் தினம் பல்வேறுநாடுகளில் கொண்டாடப்பட்டது. தன் தாத்தா பாட்டியுடனான தன் சிறுவயது நினைவுகளை கமலா ஹாரிஸ் எக்ஸ் பக்கத்தில் பகிர்ந்திருக்கிறார்.

அதில், ``நான் சிறுமியாக இருந்தபோது, இந்தியாவில் இருந்த என் தாத்தா பாட்டியை காணச் சென்றிருக்கிறேன். இந்திய சுதந்திரப்போருக்கான இயக்கத்தில் ஒரு அங்கமாக இருந்து செயல்பட்ட ஓய்வு பெற்ற அரசு அதிகாரியான என் தாத்தா, என்னை காலை நடைப்பயிற்சிக்கு அழைத்துச் செல்வார். அப்போதெல்லாம் சமத்துவம், ஊழலுக்கு எதிராக போராடுதல் குறித்தெல்லாம் பேசுவார்.கமலா ஹாரிஸ் தன் தாத்தா பாட்டியுடன்

மக்கள் தொகைக் கட்டுப்பாடு குறித்து பெண்களிடம் பேசுவதற்காக, என் பாட்டி, கையில் ஒலிபெருக்கியுடன் இந்தியா முழுவதும் பயணம் செய்தவர். அவர்களின் பொது சேவைக்கான அர்ப்பணிப்பும், சிறந்த எதிர்காலத்திற்காக போராடும் குணமும் இன்றும் என்னுள் வாழ்கிறது. அடுத்த தலைமுறையை வடிவமைக்கவும், அவர்களை ஊக்குவிக்கவும் உதவும் அனைத்து தாத்தா பாட்டிகளுக்கும் தேசிய தாத்தா பாட்டி தின வாழ்த்துக்கள்." எனக் குறிப்பிட்டிருக்கிறார்.Rohini: `பாலியல் புகாருக்கு உள்ளானவர்கள் 5 ஆண்டுகள் சினிமாவில் நடிக்க தடை' - நடிகை ரோகிணி


http://dlvr.it/TD0N3z

Read More

Bajrang Punia: "காங்கிரஸை விட்டு விலகிடுங்க; இல்லன்னா..." - பஜ்ரங் புனியாவுக்கு வந்த கொலை மிரட்டல்

காங்கிரஸில் இணைந்த பஜ்ரங் புனியாவுக்கு கொலை மிரட்டல் வருவதாக காவல் நிலையத்தில் புகார் அளித்திருக்கிறார்.

சமீபத்தில் நடந்த ஒலிம்பிக் போட்டியில் இறுதிச்சுற்றுவரை சென்ற இந்திய மல்யுத்த வீராங்கனை வினேஷ் போகத், கடைசி நேரத்தில் உடல் எடை காரணமாக போட்டியில் இருந்து தகுதி நீக்கம் செய்யப்பட்டார். அவர் பதக்கம் பெறுவார் என்று அனைவரும் நினைத்துக்கொண்டிருந்த நிலையில் போட்டியில் இருந்து தகுதி நீக்கம் செய்யப்பட்டார். இது இந்தியர்கள் அனைவருக்கும் அதிர்ச்சியை ஏற்படுத்தி இருந்தது. வினேஷ் போகத் ஒலிம்பிக் போட்டியில் இருந்து நாடு திரும்பிய போது ஹரியானா காங்கிரஸ் எம்.பி.தீபேந்தர் வரவேற்றார்.

அதிலிருந்து அவர் காங்கிரஸ் கட்சியில் இணைந்து தேர்தலில் போட்டியிடுவார் என்று செய்திகள் வெளியாகிக்கொண்டிருந்த நிலையில் காங்கிரஸின் அழைப்பின் பேரில், வினேஷ் போகத்தும், பஜ்ரங் புனியாவும் அதிகாரப்பூர்வமாக காங்கிரஸில் இணைந்தனர். இதையடுத்து, அகில இந்திய கிசான் காங்கிரசின் செயல் தலைவராக பஜ்ரங் புனியாவிற்கு புதிய பொறுப்பு கொடுக்கப்பட்டது. வினேஷ் போகத் தற்போது ஹரியானாவில் நடைபெறவுள்ள சட்டமன்ற தேர்தலில் போட்டியிடுகிறார்.

இந்நிலையில் காங்கிரஸில் இணைந்த மலியுத்த வீரர் பஜ்ரங் புனியாவுக்கு கொலை மிரட்டல் வருவதாக காவல் நிலையத்தில் புகார் அளித்திருக்கிறார். அடையாளம் தெரியாத நபர் ஒருவரிடமிருந்து கொலை மிரட்டல்வந்துள்ளதாகவும், வெளிநாட்டு தொலைபேசி எண்ணிலிருந்து அவருக்கு வாட்ஸ் அப்பில் கொலை மிரட்டல் செய்தி அனுப்பப்பட்டு வருவதாகவும் தெரிவித்திருக்கிறார். அந்த கொலை மிரட்டல் செய்தியில், ``காங்கிரஸை விட்டு விலகி விடுங்கள்.

இல்லையென்றால் நீங்களும் உங்கள் குடும்பத்தினரும் எங்களை எதிர்கொள்ள நேரிடும். இது எங்களின் இறுதிச் செய்தி. நாங்கள் எவ்வளவு சக்தி வாய்ந்தவர்கள் என்பதை ஹரியானா சட்டசபை தேர்தலுக்கு முன் உங்களுக்குக் காண்பிப்போம். நீங்கள் எங்கு வேண்டுமானாலும் புகார் செய்யலாம், ஆனால் இது எங்களின் முதல் மற்றும் கடைசி எச்சரிக்கை" அதில் கூறப்பட்டிருக்கிறது.

இது தொடர்பாக, பஜ்ரங் புனியா போலீசாரிடம் புகார் அளித்திருக்கிறார். இதுதொடர்பாக விசாரணை நடந்து வருகிறது என்று காவல்துறை தரப்பில் இருந்து தெரிவிக்கப்பட்டிருக்கிறது.

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY />

http://dlvr.it/TD0Ms2

Read More