Darshan: நடிகர் தர்ஷன் வழக்கு; `ஊடகங்களுக்குத் தடை' கர்நாடக உயர் நீதிமன்ற உத்தரவும், பின்னணியும்!

ரசிகரை கொடூரமாக கொலை செய்த வழக்கில் பிரபல கன்னட நடிகர் தர்ஷன் உள்ளிட்ட 17 பேர் கைது செய்யப்பட்டு, பெங்களூரு பரப்பன அக்ரஹார சிறையில் அடைக்கப்பட்டிருக்கின்றனர். கர்நாடக உயர் நீதிமன்றத்தில் நடந்து வரும் இந்த வழக்கு தொடர்பாக, கடந்த 4-ம் தேதி நடிகர் தர்ஷன், நடிகை பவித்ரா கவுடா உள்ளிட்ட 17 பேர் மீது ரேணுகாசுவாமி கொலை வழக்கின் 3991 பக்க குற்றப்பத்திரிக்கை தாக்கல் செய்யப்பட்டது.

இந்த நிலையில், நடிகர் தர்ஷன் தரப்பு நீதிமன்றத்தில், 'குற்றப்பத்திரிக்கையில் இருக்கும் தகவல்களை ஊடகங்களில் வெளியிட தடை விதிக்க வேண்டும்' என மனு தாக்கல் செய்தது. இந்த வழக்கு கர்நாடக உயர் நீதிமன்ற நீதிபதி, ஹேமந்த் சந்தங்கவுடர் முன்னிலையில் விசாரணைக்கு வந்தது.நடிகர் தர்ஷன் - ரேணுகா சுவாமிActor Darshan Case: ``அந்தரங்க உறுப்பில் ஷாக்...'' - நடிகர் தர்ஷன் மீதான குற்றப்பத்திரிக்கை தாக்கல்!

அப்போது, தர்ஷன் தரப்பில் ஆஜரான மூத்த வழக்கறிஞர் பிரபுலிங் கே நவதாகி, ``மனுதாரரின் மனைவி ஏற்கெனவே, டிவி சேனல்களில் இந்த வழக்கு தொடர்பான செய்திகளை ஒளிபரப்ப தடை கோரி மனுத்தாக்கல் செய்திருக்கிறார். சிவில் நீதிமன்றத்தில் நடந்த அந்த வழக்கின் விசாரணைக்குப் பிறகு, ஆகஸ்ட் 27 அன்று, ஊடக சேனல்கள் எந்த அறிக்கையையும், வாக்குமூலம், விவாதங்கள், இது தொடர்பான நேர்காணல்கள் ஆகியவற்றை ஒளிபரப்பவும், அச்சிடவும், வெளியிடவும் தடை விதித்து இடைக்கால உத்தரவை பிறப்பித்தது. இருந்தபோதிலும், குற்றப்பத்திரிகையில் உள்ள ரகசியத் தகவல்களை ஊடக சேனல்கள் ஒளிபரப்பி, அச்சிட்டு, வெளியிட்டு, பரப்பி வந்தன" என வாதிட்டார்.

அதைத் தொடர்ந்து, நீதிபதி, ``மனுதாரரின் கோரிக்கையை ஏற்று, ஊடகங்கள், குற்றப்பத்திரிக்கையில் இருக்கும் தகவல்களை ஒளிபரப்பினாலோ, அச்சிட்டாலோ, வெளியிட்டாலோ, அவர்கள் மீது, கேபிள் டெலிவிஷன் நெட்வொர்க் விதிகள், 1994-ஐ மீறும் அடிப்படையில், தகவல் மற்றும் ஒலிபரப்பு அமைச்சகம் உரிய நடவடிக்கை எடுக்க வேண்டும்." என இடைக்கால உத்தரவைப் பிறப்பித்தார்.

இதற்கு அமைச்சகம் சார்பில் ஆஜரான கூடுதல் சொலிசிட்டர் ஜெனரல் அரவிந்த் காமத், ``விதிமீறல்கள் குறித்து புகார் அளிக்கப்பட்டால் சட்டப்படி உரிய நடவடிக்கை எடுக்கப்படும்" என்று தெரிவித்திருக்கிறார்.கர்நாடக உயர் நீதிமன்றம்கொலை வழக்கில் கைதான நடிகர் தர்ஷன்: பரப்பன அக்ரஹார சிறையில் சிறப்பு கவனிப்பா?! - வைரலாகும் புகைப்படம்

இந்த உத்தரவு தொடர்பாக கர்நாடக உள்துறை அமைச்சர் பரமேஸ்வரா, `` குற்றம் சாட்டப்பட்டவர்கள் சார்பில் ஆஜரான வழக்கறிஞர்களுக்கு, குற்றப்பத்திரிகை வழங்கப்படுகிறது. அதனால் அது ரகசிய ஆவணமல்ல. அதில் இருக்கும் தகவல்கள் பொது களத்தில் வெளிவரும். அதை யாராலும் தடுக்க முடியாது. அதே நேரம் பொது விவாதத்தின் அடிப்படையில் நீதிமன்ற நடவடிக்கைகள் பாதிக்கப்படக் கூடாது." எனக் குறிப்பிட்டிருக்கிறார்.கேரள பாடத்தில் `மும்பை ஃபேமஸ் டப்பாவாலாக்கள்': 130 ஆண்டுகள் தொடரும் பாரம்பரியம்


http://dlvr.it/TD5HYQ

Read More

`பாவ புண்ணியம்..' - சர்ச்சையில் சிக்கிய DMK அமைச்சர்! | Manipur Issue | Modi | BJP - Imperfect Show

http://dlvr.it/TD4dtL

Read More

Vijay: தாமதமாகும் அறிவிப்பு... திட்டமிட்ட தேதியில் நடக்குமா த.வெ.க-வின் முதல் மாநாடு?!

`காத்திருங்கள்'

நடிகர் விஜய்யின் தமிழக வெற்றிக் கழகத்தின் முதல் மாநாட்டை செப்டம்பர் 23-ம் தேதி நடத்திக் கொள்ள நிபந்தனையுடன் காவல்துறை அனுமதி கொடுத்தபோதிலும், கட்சி பதிவு ஏற்கப்பட்டது தொடர்பான அறிக்கையில் மாநாடு குறித்து அதிகாரப்பூர்வ அறிவிப்பை வெளியிடாமல் `காத்திருங்கள்` என்றிருக்கிறார் விஜய். அதனால் திட்டமிட்ட தேதியிலேயே முதல் நடக்குமா.. அல்லது மாநாடு தள்ளிப் போகுமா.. என்ற பேச்சு கட்சிக்குள் கிளம்பியிருப்பதாக சொல்கிறார்கள் விவரமறிந்தவர்கள்.விஜய் அறிக்கை

செப்டம்பர் 23-ம் தேதி விக்கிரவாண்டி அருகே மாநாடு நடத்த விழுப்புரம் காவல்துறையிடம் கடந்த ஆகஸ்ட் 28-ம் தேதி அனுமதி பெற விண்ணப்பித்தார் அக்கட்சியின் பொதுச் செயலாளர் ஆனந்த். தொடர்ந்து மாநாடு குறித்த 21 கேள்விகளை எழுப்பினார் விழுப்புரம் எஸ்.பி. அதற்கு த.வெ.க தரப்பில் பதிலளித்தவுடன் 33 நிபந்தனைகளுடன் அனுமதி வழங்கப்பட்டுள்ளது. ``காவல்துறையின் நிபந்தனைகள் விஜய் தரப்புக்கு சற்று அதிர்ச்சி கொடுத்திருப்பதோடு, இத்தனை நெருக்கடியா எனச் சமூக வலைதளங்களில் கொதிக்கிறார்கள் தமிழக வெற்றிக் கழகத்தினர்.

ஆனால், ``போலீஸார் கொடுத்த நிபந்தனைகளால் விஜய் மாநாட்டுக்கு எந்த நெருக்கடியும் வராது” எனப் பேச ஆரம்பித்த மூத்த பத்திரிகையாளர் ப்ரியன், ``ஏ.ஆர் ரகுமான் நடத்திய இசை நிகழ்ச்சி சர்ச்சையானது. அண்மையில்கூட உத்திர பிரதேசத்தில் சாமியாரின் நிகழ்வு ஒன்றில் பெரும் அசம்பாவிதங்கள் நிகழ்ந்திருக்கின்றன. எனவே இதுபோன்ற பெருங்கூட்டத்தை மிக கவனமாகவே கையாளுகிறது காவல்துறை. 50 ஆயிரம் பேருக்கு மேல் வந்தால் காவல்துறை தடுக்கப் போவதுமில்லை, 1.30 மணிக்கு பிறகு வருவோரையும் அனுமதிக்கத்தான் போகிறார்கள். கொடி, அலங்கார வளைவுகள் விருப்பபடி வைத்தாலும் போலீஸ் அகற்றவும் செய்யாது. கெடு வாய்ப்பாக விபத்து ஏற்பட்டால் அதற்கு காவல்துறையே பொறுப்பு என வந்துவிடும் என்பதால் முன்பே அறிவுறுத்துகிறார்கள் அவ்வளவுதான்” என்கிறார். விஜய் - புஸ்ஸி ஆனந்த்

`மாநாடு குறித்து அதிகாரப்பூர்வ அறிவிப்பு வராதது ஏன்?` என்ற கேள்வியுடன் த.வெ.க-வின் முக்கியப்புள்ளிகளுடன் பேசினோம் ``த.வெ.க-வின் தேர்தல் ஆணைய பதிவு ஏற்கப்பட்ட தகவல் மூன்று நாள்களுக்கு முன்பே கிடைத்துவிட்டபோதிலும் மாநாட்டு தேதியையும் ஒன்றாக அறிவிக்கவே திட்டமிட்டோம்.

ஆனால் மாநாட்டுக்கு 10 நாள்களே இருக்கும் சூழலில் கட்சியின் கொள்கை விளக்க குறிப்பு, மாநாட்டு கூட்டத்தை ஒருங்கிணைக்கும் பணிகள், திடலை தயார் செய்து பந்தல் அமைக்கும் பணிகள் ஆகியவை ஆரம்பகட்டத்திலேயே உள்ளதால் திட்டமிட்ட செப்டம்பர் 23-ம் தேதியே நடத்த முடியுமா.. அல்லது தள்ளிப்போட்டுவிடலாமா.. என தலைமை கழகத்தினர் விவாதித்து வருகிறார்கள்” என்றனர். விஜய்

தொடர்ந்து பேசியவர்கள் ``செப்டம்பரிலேயே மாநாடு நடத்தி முடித்துவிட்டால் அதனால் வரும் `பொலிட்டிக்கல் மைலேஜ்` என்னவென்றும் அலசப்படுகிறது. உதாரணமாக, செப்டம்பர் 23-ல் மாநாடு நடந்தால், அதன்பிறகு தலைவர் விஜய் ஷூட்டிங் செல்வதால் கட்சியின் எந்த முக்கிய பணிகள் நடக்காமால் போனால் மாநாடுக்கான சுவடே இல்லாமல் போகும். எனவே இதுவே ஜனவரியில் மாநாட்டை நடத்தி கட்சி ஆக்டிவ்வாக மாற்றி ஏப்ரலில் இன்னொரு மாநாடு நடத்தினால் கட்சிக்கு நல்ல ஓப்பனிங் இருக்குமென விஜய்க்கு ஆலோசனை வழங்கப்படுகிறது. ஆனால் தலைவர் விஜய் திட்டமிட்ட தேதியில் மாநாடு நடத்த விரும்பினாலும் கட்சியின் இதர சூழல் அவருக்கு சாதமாக அமையுமா என்பது ஓரிரு நாள்களில் தெரிந்துவிடும்” என்றனர்.

செப்டம்பர் 23-ம் தேதி மாநாடு நடத்த த.வெ.க அனுமதி பெற்றுவிட்ட போதிலும் அதிகாரப்பூர்வமாக அறிவிக்காமல் இருப்பது பல்வேறு சந்தேகங்களை கிளப்பியுள்ளது. என்ன நடக்கப் போகிறதென பொறுத்திருந்து பார்ப்போம்.!

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiYTVK - NTK: விஜய்யுடன் கூட்டணி; சீமான் முயற்சி வீணானதா?! பின்னணி என்ன?


http://dlvr.it/TD3bgl

Read More

விசிக: மது ஒழிப்பு மாநாடு; `அதிமுக'விற்கு அழைப்பு விடுத்த திருமாவளவன்! உதயநிதி ஸ்டாலின் கருத்து!

கள்ளக்குறிச்சியில் அக்டோபர் 2 ஆம் தேதி மகளிர் சார்பில் மது ஒழிப்பு மாநாட்டை நடத்துவதாக விடுதலை சிறுத்தைகள் கட்சியினர் அறிவித்திருக்கின்றனர்.

இம்மாநாட்டில் பங்கேற்க `அதிமுக' விற்கு அழைப்பு விடுத்திருகிறார் விசிக தலைவர் திருமாவளவன். இது 'விசிக'வின் தேர்தல் அரசியலுக்கான யுக்தியா? மக்களுக்கான நலனா? என்பது அரசியல் களத்தில் விவாதப் பொருளாகியிருக்கிறது.திருமாவளவன்

இதுகுறித்து பேசியிருக்கும் 'விசிக' தலைவர் திருமாவளவன், "இந்த மது ஒழிப்பு மாநாடு தேர்தலை குறிவைக்கும் யுக்தியல்ல. இது தேர்தலுக்கான மாநாடு அல்ல, மக்களுக்கான மாநாடு. அதிமுக இந்த மாநாட்டில் தாராளமாகப் பங்கேற்கலாம். மதவாத - சாதியவாத சக்திகளைத் தவிர மற்ற அனைத்துக் கட்சிகளும் எங்களுக்குத் துணை நின்று இந்த மாநாட்டில் பங்கேற்க அழைப்பு விடுத்திருக்கிறோம். காரணம்; மது போதையை விடக் கொடியது மதவாத, சாதிய போதை.

மதவாத - சாதியக் கட்சியைத் தவிர, மற்ற எல்லா ஜனநாயகக் கட்சிகளும் மதுவை ஒழிக்க ஒரே மேடையில் கைகோர்த்து நிற்கவேண்டும். தேர்தல் அரசியல் வேறு, மக்களுக்கான அரசியல் வேறு. மக்களுக்காக எல்லோரும் ஒன்றாக நிற்க வேண்டும், தேர்தல் களத்தில் யாருடன் நிற்க வேண்டும் என்பதை தேர்தல் சமயத்தில்தான் முடிவெடுக்க வேண்டும்" என்று பேசியிருக்கிறார்.உதயநிதி ஸ்டாலின்

இதுகுறித்துப் பலரும் கருத்துத் தெரிவித்து வருகின்றனர். 'அதிமுக' வின் அமைச்சர்கள் இதுகுறித்து தலைமைதான் முடிவெடுக்க வேண்டும் என்று கூறி வருகின்றனர். அமைச்சர் உதயநிதி ஸ்டாலின், "அதிமுக-வை அழைப்பது, எந்தக் கட்சியையும் அழைப்பது என்பது 'விசிக' வின் முடிவு. அழைப்பை ஏற்றுச் செல்ல வேண்டுமா என்பதை அந்தந்தக் கட்சியினர் முடிவெடுப்பார்கள். அதில் வேறு யாரும் கருத்துச் சொல்ல முடியாது" என்று கூறியிருக்கிறார். தேசிய கல்விக் கொள்கையில் நீளும் விவாதம்; ஸ்டாலினிடம் மத்திய கல்வியமைச்சர் முன்வைக்கும் 4 கேள்விகள்


http://dlvr.it/TD3DdB

Read More

தேசிய கல்விக் கொள்கையில் நீளும் விவாதம்; ஸ்டாலினிடம் மத்திய கல்வியமைச்சர் முன்வைக்கும் 4 கேள்விகள்

மாநில அரசு vs மத்திய அரசுதேசிய கல்விக் கொள்கை

தேசிய கல்விக் கொள்கையை ஏற்காததால், சமக்ரா சிக்ஷா ஒருங்கிணைந்த கல்வித் திட்டத்தின்கீழ் தமிழ்நாட்டுக்கு வர வேண்டிய நிதியை மத்திய பா.ஜ.க அரசு தர மறுப்பதாக திமுக அரசு முன்வைக்கும் குற்றச்சாட்டைத் தொடர்ந்து, தேசிய கல்விக் கொள்கை குறித்த வாதம் மீண்டும் நீள்கிறது.

முன்னதாக, அண்ணாமலை லண்டன் செல்வதற்கு முன்பாக, `பி.எம் ஸ்ரீ பள்ளித் திட்டத்துக்கு மத்திய அரசுடன் ஒப்பந்தத்தில் கையெழுத்திட்ட திமுக அரசு, அரசியல் லாபத்துக்காக `அந்தத் திட்டத்தில் மும்மொழிக் கொள்கை இருக்கிறது. அதனால் ஏற்க மாட்டோம்' என்று இப்போது கூறிவருகிறது. மத்திய அரசு கல்விக்கு நிதி ஒதுக்கிக் கொண்டுதான் இருக்கிறது' என்று கூறியிருந்தார்.தேசிய கல்விக் கொள்கை - 2020

அதைத்தொடர்ந்து, முதல்வர் ஸ்டாலின் பிரதமர் மோடிக்கு, `2024-25 ஆம் ஆண்டில், தமிழ்நாட்டுக்கு ரூ.3,586 கோடி கல்விக்கு ஒதுக்கீடு செய்யப்பட்டது. இதில், ஒன்றிய அரசின் பங்கு ரூ.2,152 கோடி (60 விழுக்காடு). இதற்கான முன்மொழிவுகள் கடந்த ஏப்ரலிலேயே சமர்ப்பிக்கப்பட்ட போதிலும், முதல் தவணையான ரூ.573 கோடி விடுவிப்பதில் தாமதம் ஏற்பட்டுள்ளது. முந்தைய ஆண்டுக்கான ரூ.249 கோடியை ஒன்றிய அரசு இன்னும் விடுவிக்கவில்லை. விவாதங்கள் தேவைப்படும் தேசிய கல்விக் கொள்கையினை, கல்விக்கான நிதி வழங்கிடும் விஷயத்துடன் பொருத்திடக் கூடாது' என்று குறிப்பிட்டு நிதியை ஒதுக்க நடவடிக்குமாறு கடிதம் எழுதியிருந்தார்.

`சிறப்பாகச் செயல்படும் மாநிலங்களுக்கு நிதியை மறுப்பதா?’



அதன்பின்னர், தொடர்ச்சியாகத் தேசிய கல்விக் கொள்கையும், அதனுள் இருக்கும் மும்மொழிக்கொள்கையும் பா.ஜ.க, தி.மு.க இடையே பெரும் விவாதத்தைக் கிளப்பியிருக்கிறது. அந்த வரிசையில், ஸ்டாலின் எக்ஸ் தளத்தில் `தி இந்து' ஆங்கில இதழின் தரவுகளைப் பதிவிட்டு, ``தேசிய கல்விக் கொள்கைக்கு அடிபணிய மறுத்ததற்காக, சிறப்பாகச் செயல்படும் மாநிலங்களுக்கு நிதியை மறுப்பதும், அதே நேரம் இலக்குகளை நிறைவேற்றாத மாநிலங்களுக்கு நிதியை வாரி வழங்குவதும்தான், தரமான கல்வி மற்றும் சமத்துவத்தை மேம்படுத்தும் மத்திய பா.ஜ.க அரசின் இந்த திட்டமா?" என்று ட்வீட் செய்திருந்தார்.ஸ்டாலின் - மோடி கல்வியமைச்சர் தர்மேந்திர பிரதான் காட்டம்

இதற்குத் தற்போது எதிர்வினையாற்றியிருக்கும் மத்திய கல்வியமைச்சர் தர்மேந்திர பிரதான், ஸ்டாலினிடம் நான்கு கேள்விகளை முன்வைத்திருக்கிறார். அதில், ``ஜனநாயகத்தில் மாநிலங்களுக்கு இடையே ஆரோக்கியமான போட்டி எப்போதும் வரவேற்கத்தக்கது. இருப்பினும், ஒரு கருத்தை முன்வைப்பதற்காக மாநிலங்களை ஒன்றுக்கொன்று எதிராக நிறுத்துவது, அரசியலமைப்பு மற்றும் ஒருங்கிணைந்த இந்தியாவுக்கு எதிரானது. தேசிய கல்விக் கொள்கை - 2020, பரந்த அளவிலான ஆலோசனைகள் மூலம் உருவாக்கப்பட்டது. எனவே, தேசிய கல்விக் கொள்கைக்கு எதிரான உங்களின் கொள்கையை ரீதியான எதிர்ப்பில், உங்களிடம் சில கேள்விகளை முன்வைக்க விரும்புகிறேன்.

> தமிழ் உட்பட தாய்மொழியில் கல்வி கற்பதை எதிர்க்கிறீர்களா?

> தமிழ் உள்ளிட்ட இந்திய மொழிகளில் தேர்வு நடத்துவதை எதிர்க்கிறீர்களா?

> தமிழ் உள்ளிட்ட இந்திய மொழிகளில் பாடப்புத்தகங்கள் மற்றும் உள்ளடக்கம் உருவாக்கப்படுவதை எதிர்க்கிறீர்களா?

> தேசிய கல்விக் கொள்கையின் முழுமையான, ஒழுங்கமைப்பான, சமமான, எதிர்காலத்துக்கான உள்ளடக்கம் சார்ந்த கட்டமைப்பை எதிர்கிறீர்களா?மத்திய கல்வியமைச்சர் தர்மேந்திர பிரதான்

அப்படி எதுவும் இல்லை என்றால், உங்களின் அரசியல் ஆதாயங்களை விட தமிழக மாணவர்களின் நலன்களுக்கு முன்னுரிமை கொடுத்து தேசிய கல்விக் கொள்கையை அமல்படுத்துமாறு கேட்டுக்கொள்கிறேன்" என்று தர்மேந்திர பிரதான தெரிவித்திருக்கிறார்.

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiYNEP 2020: புதிய கல்விக் கொள்கையின் சாதக பாதகங்கள் என்னென்ன? | The Imperfect Show 30/7/2020


http://dlvr.it/TD2wPR

Read More

"அந்த பயம் இருக்கணும் அண்ணாமலை..." - Piyush Manush சொல்வதென்ன?!

 சமூக செயற்பாட்டாளர் பியூஷ் மனுஷ் அண்ணாமலை மீது வெறுப்பு பேச்சு தொடர்பாக வழக்கு தொடந்திருக்கிறார். அந்த வழக்கு  உச்ச நீதிமன்றத்தில் இன்றக்கு விசாரணைக்கு வந்திருக்கும் நிலையில் அது தொடர்பாக நம்மிடம் பேசியிருக்கிறார். அந்த வழக்கு பற்றியும், அந்த தொடர்பாக உள்ள அரசியல் பற்றியும் நம்மிடம் விரிவாக பேசுகிறார் பியூஷ் மனுஷ். முழுமையான வீடியோ ...


http://dlvr.it/TD2hNq

Read More

`மகா.,’ அரசியல்: கூட்டணியில் குழப்பமோ குழப்பம்; ஷிண்டே, அஜித் பவாருடன் பஞ்சாயத்து பேசும் அமித் ஷா?

`பெரியண்ணா’ பாஜக



மகாராஷ்டிராவில் கடந்த 2022-ம் ஆண்டு ஆட்சிக்கு வந்த பா.ஜ.க கூட்டணி அரசு, நடந்து முடிந்த மக்களவைத் தேர்தலில் எதிர்பார்த்த வெற்றியை பெறவில்லை. தேசியவாத காங்கிரஸ் மற்றும் சிவசேனா கட்சிகளில் பிளவை ஏற்படுத்திய பிறகே பா.ஜ.கவால் ஆட்சியமைக்க முடிந்தது. அதுவும் முதல்வர் பதவியை கூட அதிருப்தி சிவசேனா தலைவர் ஏக்நாத் ஷிண்டேவிற்கு பா.ஜ.க கொடுத்தது. தற்போது வரும் நவம்பர் மாதம் சட்டமன்ற தேர்தல் நடைபெற இருக்கிறது. இத்தேர்தலில் மகாயுதி எனப்படும் பா.ஜ.க தலைமையிலான கூட்டணி, கூட்டணி அமைத்து போட்டியிட இருக்கிறது. இதில் கடந்த முறை 150க்கும் அதிகமான தொகுதியில் போட்டியிட்ட பா.ஜ.க இம்முறையும் பெரியண்ணாவாக இருந்து அதிக தொகுதியில் போட்டியிட விரும்புகிறது.மகனுடன் அஜித்பவார்

ஏற்கனவே இதற்காக தொகுதி பங்கீடு குறித்து பா.ஜ.க தலைவர்கள் இரு கூட்டணி கட்சி தலைவர்களிடம் பேசியுள்ளனர். துணை முதல்வர் அஜித்பவார் நாக்பூர் சென்று பா.ஜ.க துணை முதல்வர் தேவேந்திர பட்னாவிஸுடன் பேச்சுவார்த்தை நடத்திவிட்டு வந்திருக்கிறார். அதற்குள் சிவசேனா(ஷிண்டே) அமைச்சர்கள் தானாஜி சாவந்த், குலாப்ராவ் ஆகியோர் துணை முதல்வர் அஜித்பவாருக்கு எதிராக பேசியிருப்பது பேசியிருப்பது கூட்டணியில் குழப்பத்தை ஏற்படுத்தி இருக்கிறது. இதனால் தேசியவாத காங்கிரஸ் மற்றும் சிவசேனா தலைவர்கள் முறைத்துக்கொண்டிருக்கிறார்கள்.

அதோடு அஜித்பவார் கட்சி அமைச்சர்கள் அனுப்பும் பைல்களில் முதல்வர் ஏக்நாத் ஷிண்டே கையெழுத்திட மறுத்து வருகிறார் என்கிற குற்றச்சாட்டும் கிளம்பியுள்ளது. மற்றொரு புறம் சிவசேனா அமைச்சர்கள் அனுப்பும் பைல்களில் அஜித்பவார் கையெழுத்து போட மறுத்து வருகிறார் என்கிறார்கள்.

முதல்வர் வேட்பாளர் யார்?



மேலும் முதல்வர் பதவிக்கான வேட்பாளராக யாரை முன்னிறுத்துவது என்பதிலும் கூட்டணியில் குழப்பம் ஏற்பட்டுள்ளது. தன்னை மீண்டும் முதல்வருக்கான வேட்பாளராக நிறுத்த வேண்டும் என்று ஏக்நாத் ஷிண்டே கூறி வருகிறார். ஆனால் பா.ஜ.க அதற்கு தயாராக இல்லை. தேர்தல் முடிவுகள் வந்த பிறகு பார்த்துக்கொள்ளலாம் என்று கூறிவிட்டது. இதனால் ஏக்நாத் ஷிண்டே அதிருப்தியில் இருக்கிறார். மும்பையில் விநாயகர் சதுர்த்தியை முன்னிட்டு பா.ஜ.க தலைவர்கள் பலர் தங்களது வீடுகளில் விநாயகர் சிலைகளை பிரதிஷ்டை செய்து இருக்கின்றனர். எனவே அவர்களது வீட்டிற்கு செல்வதற்காக மத்திய அமைச்சர் அமித் ஷா நேற்று மும்பை வந்திருந்தார். அவர் மும்பையில் இன்று லால்பாக் ராஜா கணபதியை தரிசனம் செய்தார். அவருடன் துணைமுதல்வர் தேவேந்திர பட்னாவிஸ், முதல்வர் ஏக்நாத் ஷிண்டே மற்றும் பா.ஜ.க தலைவர்கள் வந்திருந்தனர். அமித் ஷா

ஆனால் மற்றொரு துணை முதல்வர் அஜித்பவார் அவர்களுடன் வரவில்லை. முதல்வர் ஷிண்டேயுடன் நிகழ்ச்சியில் பங்கேற்பதை அஜித்பவார் தவிர்த்து வருகிறார். அதோடு டெல்லியில் நடைபெற்ற ஜி.எஸ்.டி.கவுன்சில் கூட்டத்திற்கு கூட அஜித்பவார் செல்வதை தவிர்த்துவிட்டார். நேற்று அஜித்பவார், பட்னாவிஸ் மற்றும் ஏக்நாத் ஷிண்டே ஆகியோர் அமித்ஷாவை சந்தித்து பேசுவதாக இருந்தது. ஆனால் அப்பேச்சுவார்த்தை நடக்கவில்லை. அஜித் பவார் மும்பையில் தான் இருக்கிறார். அதோடு அடிக்கடி, `சரத்பவாரிடமிருந்து பிரிந்து வந்து தவறு செய்துவிட்டேன் ’என்று சொல்லிக்கொண்டிருக்கிறார்.

இன்று அமித் ஷா டெல்லிக்கு செல்வதற்கு முன்பு மூன்று தலைவர்களையும் ஒன்றாக அமரவைத்து அவர்களுக்குள் இருக்கும் கருத்து வேறுபாட்டை கலைந்துவிட்டு செல்லவேண்டும் என்பதில் உறுதியாக இருக்கிறார். அமித் ஷா அனைத்து விநாயர் சிலைகளையும் தரிசனம் செய்துவிட்டு விமான நிலையம் செல்லும்போது அங்கு வைத்து மூன்று தலைவர்களையும் சந்தித்து பேச முடிவு செய்துள்ளார். இதில் கருத்து வேறுபாடுகள் மட்டுமல்லாது தொகுதி பங்கீடு குறித்தும் பேசுகின்றனர். பா.ஜ.க 130 தொகுதியிலும், அஜித்பவாரின் தேசியவாத காங்கிரஸ் 65 தொகுதியிலும், சிவசேனா 85 தொகுதியிலும் போட்டியிட பேச்சுவார்த்தை நடந்து வருகிறது என்கிறார்கள் அரசியல் பார்வையாளர்கள்.

Junior Vikatan-ன் பிரத்யேக Whatsapp Group...



இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY />

http://dlvr.it/TD2Jjs

Read More