``அமைச்சர் உதயநிதியவே முதல்வராக அறிவிச்சிடுங்க' - ஆர்.பி.உதயகுமார் எம்.எல்.ஏ சாடல்

மதுரை மாவட்டம் கள்ளிக்குடி அருகே தி.மு.க.சார்பில் நேற்று பொதுக்கூட்டம் நடைபெற்றது. தி.மு.க நிர்வாகி மணிமாறன் ஏற்பாட்டின்பேரில் நடைபெற்ற இந்த நிகழ்ச்சியில் ஆயிரத்துக்கும் மேற்பட்ட பொதுமக்கள் கலந்து கொண்டனர். அந்தசமயத்தில் கூட்டத்தில் கலந்து கொண்டவர்களுக்கு மதிய உணவாக பிரியாணி சமைத்து வழங்கப்பட்டதாக கூறப்படுகிறது. இந்நிலையில் தி.மு.க கூட்டத்தில் கலந்து கொண்டுவிட்டு வீடு திரும்பிய பொதுமக்களுக்கு இரவில் திடீரென வாந்தி, மயக்கம், தலைவலியுடன் கூடிய வயிற்றுப்போக்கு ஏற்பட்டு பாதிக்கப்பட்டனர். ஒரேநேரத்தில் அடுத்தடுத்து பலர் உடல் உபாதைகளால் பாதிக்கப்பட்டதால் கள்ளிக்குடி வட்டமே பரபரப்பானது.நலம் விசாரித்தல்

தொடர்ந்து, உடல்நிலை பாதிக்கப்பட்ட பொதுமக்கள் கள்ளிக்குடி அரசு ஆரம்ப சுகாதார நிலையத்திற்கும், திருமங்கலம் அரசு மருத்துவமனைக்கும், விருதுநகர் அரசு மருத்துவக்கல்லூரி மருத்துவமனைக்கும் சிகிச்சைக்காக அழைத்துச் செல்லப்பட்டனர். பெண்கள், குழந்தைகள், பள்ளி மாணவ-மாணவிகள், ஆண்கள் என நூற்றுக்கும் மேற்பட்டோர் உடல் உபாதைகளால் பாதிக்கப்பட்டு மருத்துவமனைக்கு அழைத்துவரப்பட்டது விருதுநகர் மாவட்டத்தில் நேற்று இரவு பெரும் பரபரப்பை ஏற்படுத்தியது. இதுகுறித்து போலீசிடம் விசாரித்தோம். அப்போது நம்மிடம் பேசியவர்கள், "பொதுக்கூட்டத்தில் கலந்துவிட்டு வீடு திரும்பிய மக்கள், தங்களுக்கு கொடுக்கப்பட்ட உணவுகளை வீட்டிற்கும் பார்சல் எடுத்துச் சென்றதாக கூறப்படுகிறது. தொடர்ந்து அந்த சாப்பாட்டினை வீட்டில் உள்ள பெண்கள், குழந்தைகளுக்கும் உண்ண கொடுத்துள்ளனர். அப்போது, செரிமான பிரச்னை ஏற்பட்டு உணவு ஒவ்வாமை காரணத்தால் வாந்தி, பேதியால் பாதிக்கப்பட்டு சிகிச்சைக்காக மருத்துவமனைக்கு அழைத்து வரப்பட்டுள்ளனர்" என்றனர்.ஆறுதல்

விருதுநகர் அரசு மருத்துவக் கல்லூரி மருத்துவமனையில் ஆண்கள், பெண்கள், குழந்தைகள் மாணவ மாணவிகள் என மொத்தம் 43 பேர் அனுமதிக்கப்பட்டு சிகிச்சை பெற்று வருகின்றனர். இந்தநிலையில் பொதுக்கூட்டத்தில் வழங்கப்பட்ட உணவை சாப்பிட்டு உடல் நலம் பாதிக்கப்பட்டவர்களை திருமங்கலம் தொகுதி எம்.எல்.ஏ.வும், தமிழக சட்டமன்ற எதிர்க்கட்சி துணைத் தலைவருமான ஆர்.பி.உதயகுமார் இன்று காலை சந்தித்து நலம் விசாரித்தார். விருதுநகர் அரசு மருத்துவக்கல்லூரி மருத்துவமனையில் சிகிச்சையில் உள்ளவர்களை சந்தித்து பேசிய அவர், நோயாளிகளுக்கு ஆறுதல் சொன்னதோடு தேவையான மருத்துவ சிகிச்சைகளை உடனுக்குடன் வழங்கவும் மருத்துவர்களை கேட்டுக்கொண்டார்.ஆறுதல்

இதையடுத்து அவர் செய்தியாளர்களிடம் பேசுகையில், "அ.தி.மு.க. ஆட்சியில் கொரோனா காலகட்டத்தில் பல லட்சக்கணக்கான மக்களுக்கு அம்மா உணவகத்தின் மூலமாக கட்டுப்பாடான முறையில், சுத்தமாகவும் சுகாதாரமாகவும், உணவு சமைத்து வழங்கப்பட்டது. ஆனால் நேற்றைய தினம் தி.மு.க.சார்பில் நடைபெற்ற பொதுக்கூட்டத்தில் கலந்துகொண்ட பொதுமக்களுக்கு வழங்கப்பட்ட உணவு அலட்சியப் போக்கில் தயார் செய்யப்பட்டு வழங்கப்பட்டிருக்கிறது. தமிழ்நாட்டு மக்களின் விருப்பத்திற்கு இணங்க வி.சி.க. தலைவர் தொல்.திருமாவளவன் நடத்தும் மது ஒழிப்பு மாநாட்டில் கலந்து கொள்வதற்கு அ.தி.மு.க.விற்கு அழைப்பு விடுத்துள்ளார். அந்த அழைப்பின்பேரில் பதில் கூறவேண்டியது அ.தி.மு.க. பொதுச்செயலாளர் முன்னாள் முதல்வர் எடப்பாடி பழனிசாமிதான். அதைவிடுத்து மதுஒழிப்பு மாநாட்டில் கலந்து கொள்வது குறித்தும் அ.தி.மு.க. என்ன நிலைபாட்டை எடுக்கப்போகிறது என்பது குறித்தும் நாம் தமிழர் கட்சி ஒருங்கிணைப்பாளர் சீமான் பேசுவது தவறானது. தமிழகத்தில் ஆக்டிங் முதல்வராக உதயநிதி ஸ்டாலின் செயல்பட்டு வருகிறார்.

கடந்த சில தினங்களுக்கு முன்பு கூட மதுரையில் நடைபெற்ற தி.மு.க மாநாட்டில் உதயநிதி ஸ்டாலின் கலந்து கொள்வதற்காக இருந்தது. அவரை வரவேற்க விமான நிலையம் முதல் கொடிக்கம்பங்கள் நடப்பட்டிருந்தன. அமைச்சர் உதயநிதி ஸ்டாலின் கலந்துகொள்ளும் நிகழ்ச்சியில் வழங்கப்படும் நலத்திட்ட உதவியின்போதோ, பொதுக்கூட்ட புதிய அறிவிப்புகளின் போதோ அதைச்சார்ந்த துறை அமைச்சர்கள் அழைக்கப்படுவதில்லை. தி.மு.க.வில் உள்ள மூத்த அமைச்சர்களை எல்லாம் புறந்தள்ளிவிட்டு, அமைச்சர் உதயநிதி ஸ்டாலினுக்கு மட்டும் அதிக முக்கியத்துவம் தரவேண்டியது எதற்காக?. தமிழக அரசின் துறைகளில் ஒன்றான விளையாட்டுத்துறை மற்றும் அரசு சிறப்பு திட்ட செயலாக்கத்துறையின் அமைச்சராக உள்ள ஒருவர் மாவட்டம்தோறும் அனைத்துத்துறை அலுவலர்களுடன் ஆலோசனைக் கூட்டம் நடத்துவது மரபு அல்லவே. அனைத்துத்துறை அலுவலர்கள் கூட்டம் நடத்தும் அதிகாரமும், மரபும் முதலமைச்சருக்கே உண்டு.

ஆகவே, முதலமைச்சருக்கு நிகரான அதிகாரப் போக்கில் உதயநிதி ஸ்டாலின் செயல்படுவது வேடிக்கையாக உள்ளது. இதற்கு உதயநிதி ஸ்டாலினையே முதலமைச்சராக அறிவித்துவிட்டால் எந்த பிரச்னையுமே இருக்காது" என விமர்சித்து பேசினார்.‘சாதிச் சான்றிதழுக்காக இன்னும் எத்தனை ஆண்டுகள் காத்திருப்பது?’- குமுறும் தென்மாவட்டப் பழங்குடியினர்!


http://dlvr.it/TDBX9V

Read More

மோடிக்கு எதிராக RSS மோகன் பகவத்தின் பேச்சு உணர்த்துவது என்ன?!

`நீங்கள் கடவுள் இல்லை’ - மோடிக்கு எதிராக வாள் வீசும் ஆர்.எஸ்.எஸ்!

பிரதமர் மோடிக்கு எதிராக ஆர்.எஸ்.எஸ் தலைவர்களின்  அதிருப்தி அதிகரித்திருக்கிறது என்கிறார்கள். இந்த அதிருப்தி 2024 மக்களவைத் தேர்தலுக்கு பல மாதங்களுக்கு முன்னதாகவே தொடங்கிவிட்டது. இந்த அதிருப்திக்கு காரணம் பிரதமர் மோடி என்பது அரசியல் பார்வையாளர்களின் கருத்து. ஆர்.எஸ்.எஸ்-ன் 72 அமைப்புகளில் ஒரு அமைப்பாகத்தான் பாஜகவை அந்த அமைப்பு பார்க்கிறது. தனது அரசியல் அஜெண்டாவை நிறைவேற்றும், கருவியாக மட்டுமே பாஜகவை பார்க்கிறது ஆர்.எஸ்.எஸ். பாஜக தனித்து செயல்படுவதை ஆர்.எஸ்.எஸ் விரும்பவில்லை. மக்களவை தேர்தலின்போது பிரதமர் மோடி, மோகன் பகவத் இடையே ஒரு சந்திப்பு நடக்க இருந்தது. ஆனால், கடைசி நேரத்தில் பிரதமர் மோடி எதிர்பாராத அந்த சம்பவம் நடந்தது. அது என்ன? பிரதமர் மீது ஆர்.எஸ்.எஸ் கோபமாக இருப்பதற்கு என்ன காரணம்? இந்த மோதலின் விளைவு என்னவாக இருக்கும்? விரிவாக அலசுகிறது இந்த காணொளி..!


http://dlvr.it/TD9t3W

Read More

நிர்மலா சீதாராமனுடன் சந்திப்பு; கை கூப்பி மன்னிப்பு கேட்டாரா அன்னபூர்ணா உரிமையாளர் - நடந்தது என்ன?

கோவை வந்திருந்த மத்திய நிதி அமைச்சர் நிர்மலா சீதாராமன் தொழில்துறையினரைச் சந்தித்து உரையாடினார். அப்போது கோவையின் பிரபல அன்னபூர்ணா ஹோட்டல் நிர்வாக இயக்குநர் சீனிவாசன் ஜிஎஸ்டி வரியில் உள்ள சட்ட சிக்கல் குறித்து நிர்மலா சீதாராமனிடம் சில கோரிக்கைகளை முன்வைத்தார்.அன்னபூர்ணா சீனிவாசன்

” இனிப்புக்கும், காரத்துக்கும் வேறு வேறு ஜிஎஸ்டி உள்ளது. பன்னுக்கு வரி இல்லை. ஆனால், அதில் க்ரீம் கலந்தால் 18 சதவிகிதம் ஜிஎஸ் டி ஆகிவிடுகிறது. இதனால் கம்ப்யூட்டரே திணறுகிறது.” என்று கூறியிருந்தார்.

இந்த வீடியோ சமூகவலைதளங்களில் வைரலானது. இதற்கு விளக்கமளித்த நிர்மலா சீதாராமன், “ஹோட்டல் உரிமையாளர் தங்களின் பிரச்னையை ஜனரஞ்சகமாக பேசியிருந்தார். அதில் தவறில்லை. அவர் தன்னுடைய ஸ்டைலில் பேசியிருக்கிறார். நிர்மலா சீதாராமன்

ஒவ்வொரு உணவுக்கும், எவ்வளவு வரி நிர்ணயிக்க வேண்டும் என்பதற்கு ஜிஎஸ்டி கவுன்சில் விரிவாக ஆய்வு மேற்கொண்டுள்ளது. அவர்களின் பரிந்துரையை ஆலோசித்து நடவடிக்கை எடுக்கப்படும். விமர்சனங்களைப் பற்றி கவலை இல்லை. “ என்று கூறியிருந்தார்.

இந்நிலையில் அன்னபூர்ணா ஹோட்டல் நிர்வாக இயக்குநர் சீனிவாசன், நிதி அமைச்சர் நிர்மலா சீதாராமனை சந்தித்ததாக ஒரு வீடியோ  சமூக வலைதளங்களில் வைரலாகி வருகிறது. இந்த சந்திப்பில் நிர்மலா சீதாராமன், வானதி சீனிவாசன் மற்றும் அன்னபூர்ணா சீனிவாசன் மட்டும் உள்ளனர். கோவை ஹோட்டல் உரிமையாளர், நிர்மலா சீதாராமன் சந்திப்பு

அப்போது சீனிவாசன், ” நான் எந்தக் கட்சியையும் சேர்ந்தவன் இல்லை. தயவு செய்து மன்னித்துக் கொள்ளுங்கள்.” என்று எழுந்து நின்று கை கூப்புவது போன்ற வீடியோ வைரலாகி வருகிறது.

ஆனால் அந்த வீடியோவில் ஆடியோ சரியாக கேட்கவில்லை. இதுகுறித்து பாஜக தரப்பிலோ அல்லது அன்னபூர்ணா உணவகம் தரப்பிலோ அதிகாரபூர்வாக எந்த அறிவிப்பும்  கொடுக்கவில்லை. அதனால் இதன் முழு விபரம் தெரியவில்லை.அன்னபூர்ணா

இதுகுறித்து உண்மைநிலை அறிய கோவை அன்னபூர்ணா ஹோட்டல் நிர்வாகம் மற்றும் சீனிவாசன் ஆகியோரின் கருத்துகளை அறிய முயற்சி செய்தோம். இருப்பினும் பதில் கிடைக்கவில்லை. அவர்கள் தரப்பிலிருந்து பதில் வரும் பட்சத்தில் அதையும் வெளியிடுகிறோம்.


http://dlvr.it/TD91VD

Read More

மது ஒழிப்பு மாநாடு: முதல்வர் MK STALIN-ன் விருப்பம் இதுதான்! | Sitaram Yechury | CJI Imperfect Show

இன்றைய இம்பர்ஃபெக்ட் ஷோ ஃவில், 

* Thiruvallur : தலைக்கேறிய போதையில் வராண்டாவில் படுத்து உறங்கிய அரசு மருத்துவர்? 

* "மாநாட்டை அரசியலுடன் முடிச்சுப்போட வேண்டாம்" - திருமா

* "மதுவுக்கு எதிராக யார் போராடினாலும் வரவேற்போம்" - அன்புமணி 

* TTV Dinakaran: `தேனிக்கு மாறும் தலைமை அலுவலகம்?

 * Samsung யின் தமிழ்நாடு தொழிற்சாலையில் தொடர் போராட்டம்.... காரணம் என்ன? 

* தொழிலாளர்களின் கோரிக்கையை நிறைவேற்ற வேண்டும் - கம்யூனிஸ்ட் பாலகிருஷ்ணன் 

* "இளைஞர்களுக்கு வழி விடுங்கள். அவர்கள்தான் கட்சியின் வருங்கால பலம்" - துரைமுருகன்

* அதிரடி காட்டிய அமைச்சர் உதயநிதி..! மதுரையில் அதிகாரிகள் தூக்கியடிக்கப்பட்ட பின்னணி என்ன? 

* கபடி விளையாடித் தொடங்கி வைத்து கபடி விளையாடிய அமைச்சர் பொன்முடி! 

* தள்ளிப்போகிறதா தமிழக வெற்றிக் கழகத்தின் முதக் மாநாடு? 

* ``ஒவ்வொரு உணவுக்கும் ஒரு GST; கணினியே திணறுது" -நிர்மலா சீதாராமனிடம் ஹோட்டல் உரிமையாளர் புகார் 

* அமித் ஷா & நட்டாவை சந்தித்த ஹெச்.ராஜா... ஏன்?

* பாஜக-வில் அதிக உறுப்பினர்களைச் சேர்ப்பவர்களுக்குப் பரிசு? - தமிழிசை அடடே யோசனை 

* மாணவனின் பையில் அரிவாள்... மற்றொரு பள்ளியில் மாணவனுக்குப் பாலியல் தொல்லை - நெல்லை அதிர்ச்சி!

* விநாயகர் சதுர்த்தி: தலைமை நீதிபதி சந்திரசூட் வீட்டில் பிரதமர் மோடி; என்ன சொல்கிறது பிரதமர் அலுவலகம்? 

* மணிப்பூர் ஆளுநர் திடீர் அசாம் பயணம்... ஏன்?

* மோடி கூட்டத்தில் குண்டு வைத்த வழக்கு: குற்றவாளிக்கு என்ன தண்டனை தெரியுமா?

* Oct 2: தமிழகம்  வரும்  மோடி... ஏன் தெரியுமா?

* 70 வயதான அனைவருக்கும் இலவச காப்பீடு - மோடி அறிவிப்பின் பின்னணி என்ன?

* அதானிக்கு எதிராகக் கென்யாவில் போராட்டம்... ஏன்? 

* நீரவ் மோடியின் 29 கோடி சொத்து முடக்கம் ஏன்?

* பி.டி.உஷா-வை சாடும் வினேஷ் போகத்.

* அமெரிக்க அதிபர் தேர்தல் Taylor Swift குறித்து சர்ச்சை கருத்து தெரிவித்த Elon Musk!

 முழுமையாக வீடியோவில் காண லிங்கை கிளிக் செய்யவும். 


http://dlvr.it/TD8gV1

Read More

BJP: ஜம்மு-காஷ்மீரில் 19 இடங்களில் மட்டுமே போட்டியிடும் பா.ஜ.க; பின்வாங்குகிறதா? பதுங்கி பாய்கிறதா?

ஜம்மு காஷ்மீருக்கான சிறப்பு அந்தஸ்து நீக்கப்பட்டு, அந்த மாநிலம் இரண்டு யூனியன் பிரதேசங்களாகப் பிரிக்கப்பட்டது. அதன்பிறகு, முதன்முறையாக அங்குச் சட்டமன்றத் தேர்தல் நடைபெறவிருக்கிறது. இந்த மாதம் 18, 25, அக்டோபர் 1 ஆகிய தேதிகளில் மூன்று கட்டங்களாகத் தேர்தல் நடைபெறும். அக்டோபர் 4-ம் தேதி தேர்தல் முடிவுகள் வெளியாகும் எனத் தேர்தல் ஆணையம் அறிவித்திருந்தது.ஜம்மு காஷ்மீர் தேர்தல்

ஃப்ரூக் அப்துல்லா தலைமையிலான தேசிய மாநாட்டுக் கட்சி, காங்கிரஸ், மார்க்சிஸ்ட் கம்யூனிஸ்ட் கட்சி ஆகியவை கூட்டணி சேர்ந்து தேர்தலை எதிர்கொள்ளப்போவதாக அறிவித்திருக்கும் நிலையில், இந்தியக் கூட்டணியில் இருக்கும் மெஹபூபா முஃப்தி தலைமையிலான மக்கள் ஜனநாயகக் கட்சி தனித்துத் தேர்தலை எதிர்கொள்கிறது. இதற்கிடையில், நடந்து முடிந்த நாடாளுமன்றத் தேர்தலில், ஜம்மு - காஷ்மீரின் ஐந்து மக்களவைத் தொகுதிகளில், இரண்டில் மட்டுமே பா.ஜ.க போட்டியிட்டது.

அதைத் தொடர்ந்து, சமீபத்தில் காஷ்மீர் சென்ற மத்திய உள்துறை அமைச்சர் அமித் ஷா, "நாடாளுமன்றத் தேர்தலில் 5 இடங்களிலும் பா.ஜ.க போட்டியிட்டிருக்க வேண்டும். போட்டியிட்ட இரண்டு தொகுதிகளில் வென்ற நமக்கு மற்ற மூன்று தொகுதி மக்களின் ஆதரவும் கிடைத்திருக்கும். இந்த முறை அதைத் தவறவிடக்கூடாது. ஜம்மு - காஷ்மீரின் 90 சட்டமன்றத் தொகுதிகளிலும் பா.ஜ.க போட்டியிடும்." என அறிவித்திருந்த நிலையில், இன்று காஷ்மீரின் வேட்பாளர் பட்டியலை பா.ஜ.க வெளியிட்டிருக்கிறது.அமித் ஷா

பா.ஜ.க பலமாக இருப்பதாக நம்பப்படும் காஷ்மீர் பள்ளத்தாக்கில் 47 தொகுதிகள் இருக்கின்றன. இதில் 19 தொகுதியில் மட்டுமே பா.ஜ.க போட்டியிடப் போவதாக அறிவித்திருக்கிறது. அதில், தெற்கு காஷ்மீரில் உள்ள 16 சட்டமன்றத் தொகுதிகளில் 8 தொகுதிகளிலும், மத்திய காஷ்மீரில் உள்ள 15 தொகுதிகளில் 6 தொகுதிகளிலும், வடக்கு காஷ்மீரில் உள்ள 16 தொகுதிகளில் 5 தொகுதிகளிலும் மட்டுமே போட்டியிட முடிவு செய்திருக்கிறது. இந்த முடிவுக்கான அதிகாரப்பூர்வ காரணம் எதுவும் இன்னும் வெளியாகவில்லை. இதற்கிடையில், பா.ஜ.க தலைமையின் இந்த முடிவால், காஷ்மீரில் இருக்கும் மூத்த பா.ஜ.க தலைவர் அதிருப்தியில் இருக்கின்றனர்.

இது தொடர்பாக ஸ்ரீநகரில் ஒரு மூத்த பா.ஜ.க தலைவர் பேசும்போது, "எங்களின் தியாகம் புறக்கணிக்கப்பட்டதற்கு ஏற்கனவே புண்பட்டு கோபமாக இருக்கிறோம். எங்கள் வாழ்வை பா.ஜ.க-வுக்கு வழங்கியிருக்கிறோம். யாரும் ஆதரிக்காத நிலையில்கூட நாங்கள் பா.ஜ.க-வுடன்தான் நின்றோம். அதற்காக எங்களுக்கு வெகுமதி அளிக்க வேண்டிய நேரம் வந்திருக்கும்போதும், ​​​​கட்சி எங்களை நம்பவில்லை. போட்டியிடுவதைத் தவிர்த்திருக்கிறார்கள். போட்டியிடும் இடத்தில் கூட புதிய வேட்பாளர்களைத்தான் நிறுத்தியிருக்கிறார்கள்." எனத் தெரிவித்திருக்கிறார். ஆனால் பா.ஜ.க-வின் இந்த முடிவு தந்திரமான திட்டம் என இந்த முடிவை ஆதரிக்கும் பா.ஜ.க தலைவர்கள் தெரிவிக்கின்றனர்.ஜம்மு காஷ்மீர் தேர்தல்

இது தொடர்பாக மற்றொரு பா.ஜ.க தலைவர், "பா.ஜ.க தலைமையின் இந்த முடிவால் சுயேச்சை வேட்பாளர்களின் எண்ணிக்கை அதிகமாகும். ஏனென்றால், ஸ்ரீநகர் தொகுதியைத் தவிர, காஷ்மீர் பள்ளத்தாக்கில் பா.ஜ.க-வுக்கு வெற்றி வாய்ப்பு அதிகம் இல்லை என்பது எங்கள் தலைமைக்குத் தெரியும். எனவே நிறுத்தப்பட்டுள்ள அனைத்து வேட்பாளர்களும் போலி வேட்பாளர்கள்தான்... கட்சியின் கவனம் சுயேச்சைகள் மற்றும் ஆட்சிக்கு வர உதவும் சில அரசியல் கட்சிகள் மீது தான் உள்ளது. வாரிசு அரசியல் கட்சிகளின் வேட்பாளர்களை எதிர்க்கும் திறன் கொண்ட வேட்பாளர்களை ஆதரிக்க பா.ஜ.க திட்டமிட்டிருக்கிறது." என உறுதியாகத் தெரிவிக்கிறார்.Taylor Swift - Elon Musk: ``உன் பூனைக்கு காவலனாய் நான் வருவேன்" - சர்ச்சையான எலான் மஸ்க் பதிவு!


http://dlvr.it/TD8HS6

Read More

``திமுக-வின் நிலைப்பாடும் மதுவை ஒழிப்பதுதான்!" - திருமாவளவன் சொல்வதென்ன?

கள்ளச்சாராயம் குடித்து உயிரிழந்தவர்களில் 11 பேரின் குடும்பத்தினருக்கு நிதியுதவி வழங்குவதற்காக, விடுதலைச் சிறுத்தைகள் கட்சியின் தலைவரும், நாடாளுமன்ற உறுப்பினருமான திருமாவளவன் கள்ளக்குறிச்சி கருணாபுரத்திற்கு நேற்று வந்திருந்தார். 11 பேரின் குடும்பத்தினருக்கும் தலா ரூ.10,000 நிதியுதவி வழங்கியவர், பாதிக்கப்பட்ட குடும்பத்தினர்களை தங்களுடைய தற்போதைய வாழ்வாதாரம் குறித்தும், மதுவினால் ஏற்படும் பாதிப்பு குறித்தும் பேசவைத்தார். அதையடுத்துப் பேசிய திருமாவளவன், ``மது ஒழிப்பின் அவசியம் என்ன என்பதை கருணாபுரத்தில் பாதிக்கப்பட்டவர்களின் அழுகுரல் உணர்த்துகிறது. எனவே தென் மாவட்டம் மற்றும் வடமாவட்டங்களில் இருந்து வருபவர்கள், எளிதாக கலந்து கொள்ளும் வகையில் மது ஒழிப்பு மாநாட்டை நடத்த திட்டமிட்டிருக்கிறோம். அதன்படி அக்டோபர் 2-ம் தேதி கள்ளக்குறிச்சி மாவட்டம் உளுந்தூர்பேட்டையில் மாநாடு நடைபெறும். ஸ்டாலின் - திருமாவளவன் - எடப்பாடி பழனிசாமி``அரசியல் எவ்வளவு கடினமானது என்பது நடைமுறையில் சந்திக்கும்போது விஜய்க்கு தெரியும்..!" - திருமாவளவன்

தற்போது இங்கு பேசிய பலரின் அழுகுரல் கண்கலங்கச் செய்கிறது. பள்ளிக்குச் செல்லும் 12 வயது சிறுவன் முதல் அனைவரும் மது அருந்துவதாக இங்கு வந்திருந்த தாய்மார்கள் கண்ணீர் மல்க கூறினர். இதனால் இளைஞர்களின் சக்தியை இந்தியா இழக்கிறது.

இங்கு பேசிய பலரும் மதுக்கடைகளை மூட வேண்டும் என்கின்றனர். எனவே தான் விடுதலைச் சிறுத்தைகள் கட்சி மது ஒழிப்பு மாநாட்டை கள்ளக்குறிச்சி மாவட்டத்தில் முன்னெடுக்கிறது. இந்த மாநாட்டில் கருணாபுரத்தைச் சேர்ந்த பாதிக்கப்பட்டவர்கள் பெருந்திரளாகக் கலந்துகொள்ளவேண்டும். இதன் மூலம் அரசியல் ஆதாயம் தேடவில்லை. தேர்தல் காலத்தில்தான் தேர்தல் குறித்து முடிவெடுக்க வேண்டும். கூட்டணி என்பது வேறு, அரசியல் என்பது வேறு. விடுதலைச் சிறுத்தைகள் கட்சியின் அரசியல் நிலைப்பாட்டை பல்வேறு தரப்பினரும் கூட்டணியோடு முடிச்சு போடுகிறார்கள். விவாதிக்கிறார்கள்.ரமதாஸ், திருமாவளவன், விஜய்``கூட்டணியிலிருந்து வெளியேற திருமாவளவன் காத்திருக்கிறார்!" - எல்.முருகன் சொல்வதென்ன?

தேர்தல் நேரத்தில்தான் கூட்டணி குறித்து பேசவேண்டும். தற்போது மக்களுக்கான பிரச்னை எனும்போது, அதற்காக குரல் கொடுக்கிறோம்.  அரசியலமைப்புச் சட்டத்தில் 47-வது ஷரத்தில் மதுவிலக்கு குறித்து அம்பேத்கர் தெளிவாகக் குறிப்பிட்டுள்ளார். இது தேசிய அளவிலான பிரச்னை. எனவே தேசிய அளவில் மதுவிலக்கை அமல்படுத்தவேண்டும் என்பதை மத்திய பா.ஜ.க அரசுக்கும் வலியுறுத்துகிறோம். இந்த மாநாடு ஜனநாயக சக்திகள் ஒன்றிணைந்து குரல் கொடுக்கும் கோரிக்கை மாநாடு. எனவே இந்த மாநாட்டில் கூட்டணிக்குத் தலைமை வகிக்கும் தி.மு.க, மது விலக்கில் எங்கள் நிலைப்பாடு கொண்ட அ.தி.மு.க-வும் பங்கேற்கலாம்” என்றார்.

அதையடுத்து `ஜனநாயக சக்திகள் அனைவரும் மது விலக்கு ஒழிப்பு மாநாட்டில் பங்கேற்கலாம் என தெரிவித்தீர்கள். அந்த வகையில், மது விலக்கு ஒழிப்பில் தீவிரம் காட்டும் பா.ம.க-விற்கும் நீங்கள் அழைப்பு விடுத்திருப்பதாக கருதலாமா?’ என்று செய்தியாளர்கள் கேள்வி எழுப்பினர்.திருமாவளவன்

அதற்கு பதிலளித்த திருமாவளவன், ``பா.ம.க-வும், பா.ஜ.க-வும் மதவாத சக்திகளாக இருப்பதால் அவர்களுக்கு அழைப்பில்லை. தி.மு.க, அ.தி.மு.க, காங்கிரஸ், கம்யூனிஸ்ட் போன்ற கட்சிகள் பங்கேற்கலாம்” என்றார்.

முன்னதாக விழுப்புரத்தில் பேசிய அவர், ``கட்சி என்பது வேறு. அரசியல் என்பது வேறு. 24 மணி நேரமும் கட்சி அரசியல் சார்ந்து இருக்க முடியாது. தேர்தல் நேரத்தில் மட்டும் அரசியலைப் பார்த்து, மற்ற நேரங்களில் மக்களின் நலன்களை பார்த்துக் கொண்டிருக்கிறோம். தி.மு.க-வின் நிலைப்பாடும் மதுவை ஒழிக்க வேண்டும் என்பதுதான். அ.தி.மு.க மற்றும் இடதுசாரிகளுக்கும் அதே நிலைப்பாடுதான். நாங்களும் அதைத்தான் விரும்புகிறோம். 2026 சட்டமன்றத் தேர்தலுக்கும், இதற்கும் முடிச்சிப் போட தேவையில்லை. மது விலக்கை அமல்படுத்துவோம் என்று 2016 தேர்தல் அறிக்கையில் தி.மு.க வெளிப்படையாக வாக்குறுதி கொடுத்திருக்கிறது. தற்போது அதை நினைவூட்டுகிறோம். மற்றபடி கூட்டணியை விட்டு நாங்கள் தாவவில்லை. தமிழக வெற்றிக் கழகத்தை துவங்கியிருக்கும் நடிகர் விஜய்யும் மது ஒழிப்பு மாநாட்டில் கலந்து கொள்ளலாம்” என்றார்.விசிக: மது ஒழிப்பு மாநாடு; `அதிமுக'விற்கு அழைப்பு விடுத்த திருமாவளவன்! உதயநிதி ஸ்டாலின் கருத்து!


http://dlvr.it/TD7wJX

Read More

`நீ திமுக-வா?': கணவரை இழந்த பெண்ணுக்கு இழப்பீடு தருவதில் இழுத்தடிப்பா? அமைச்சர் விளக்கம்!

தஞ்சாவூர் பர்மா காலனியைச் சேர்ந்தவர் ஜூலி (வயது 45). இவருக்கு கல்லூரி படிக்கும் பாஸ்டின் நெல்சன் என்ற மகனும், தேவி என்ற மகளும் உள்ளனர். கட்டடத் தொழிலாளியாக இருந்த இவரது கணவர் கண்ணன், கடந்த 2020-ல் நாகப்பட்டினத்தில் புதிய மருத்துவக் கல்லூரி கட்டுமான பணியில் ஈடுபட்டிருந்த போது இறந்துவிட்டார். கணவரின் இறப்புக்கு பிறகு டெய்லர் வேலை செய்து பிள்ளைகளோடு கஷ்ட ஜீவனம் நடத்தி வருகிறார் ஜூலி.கணவரை இழந்த ஜூலி அதிரடி காட்டிய அமைச்சர் உதயநிதி..! மதுரையில் அதிகாரிகள் தூக்கியடிக்கப்பட்ட பின்னணி என்ன?

இந்த நிலையில், கணவர் இறப்புக்கு நிவாரணம் கேட்டு நான்கு ஆண்டுகளாக போராடி வரும் ஜூலியை, அமைச்சர் முதல் அதிகாரிகள் வரை தொடர்ந்து அலைக்கழிப்பதாக புகார் எழுந்துள்ளது.

இது குறித்து நம்மிடம் பேசிய ஜூலி, ''நாகையில் மருத்துவக் கல்லூரி கட்டப்பட்ட இடத்திலேயே தங்கி கட்டடம் கட்டும் வேலை செய்து வந்தார் என் கணவர். திடீரென ‘வேலை செய்து கொண்டிருந்தபோது என் கணவர் இறந்துவிட்டதாக’ தகவல் வந்தது. எல்லோரும் பதறியடித்துக் கொண்டு ஓடினோம்.

கணவருடன் வேலை செய்தவர்கள், ‘அவர் மின்சாரம் தாக்கி இறந்துவிட்டார்’ என்றனர். கட்டுமானப் பணியை ஒப்பந்தம் எடுத்திருந்த ஈரோட்டைச் சேர்ந்த ஆர்.ஆர்.துளசி பில்டர்ஸ் நிறுவனத்தினர், ‘நெஞ்சு வலியால் இறந்துவிட்டதாக’ சொன்னார்கள். இதெல்லாம் எனக்கு அவரது இறப்பில் சந்தேகத்தை ஏற்படுத்தியது. படிக்கும் வயதில் இரண்டு பிள்ளைகளை வைத்துக்கொண்டு, ஒரு வருடம் அலைந்து போராடிய பின்னரே இறப்பு சான்றிதழை வாங்க முடிந்தது.கலெக்டர் தினேஷ் பொன்ராஜ் ஆலிவர்விசிக: மது ஒழிப்பு மாநாடு; `அதிமுக'விற்கு அழைப்பு விடுத்த திருமாவளவன்! உதயநிதி ஸ்டாலின் கருத்து!

2021-ல் ‘என் கணவர் மரணத்தில் சந்தேகம் இருப்பதாக’க் கூறி, அப்போதைய தஞ்சாவூர் கலெக்டர் தினேஷ் பொன்ராஜ் ஆலிவரிடம் மனு கொடுத்தேன். 'உன் கணவர் இறப்பிற்கு நிவாரணம் கிடைக்க ஏற்பாடு செய்கிறேன்ம்மா...' என கலெக்டரும் நம்பிக்கை தந்தார். பின்னர் திருச்சியில் உள்ள தொழிலாளர் நல இணை ஆணையர் கவனத்துக்கும் என் குடும்ப நிலையைக் கொண்டுசென்றார். தொழிலாளர் நீதிமன்றமும் எனக்கு நிவாரணம் கிடைப்பதற்காக, என் கணவர் இறப்புக்கான வழக்கை தாமாக முன்வந்து எடுத்து விசாரித்தது.

இரண்டு வருடங்கள் விசாரணை நடந்தது. இதில் எதிர்தரப்பினரான கட்டுமான நிறுவனத்தினர் ஆஜர் ஆகவில்லை. இதைத் தொடர்ந்து 2023-ல் எனக்கு ரூ.13 லட்சம் நிவாரணம் கொடுக்க நீதிமன்றம் உத்தரவிட்டது. ஆனால், மாதங்கள்தான் கடந்தது... பணம் என் கைக்கு வரவில்லை. மீண்டும் தொழிலாளர் நல இணை ஆணையரிடம் முறையிட்டேன். ஒப்பந்ததாரரிடம் வசூல் செய்து தருவதாக தெரிவித்தார். இதற்கிடையே என்ன நடந்தது என்று தெரியவில்லை, ஒரு வருடத்திற்கு பிறகு எனக்கு வழங்கிய தீர்ப்புக்கு தடை கேட்டு, ஸ்டே ஆர்டர்’ வாங்கிவிட்டனர் சம்பந்தப்பட்ட கட்டுமான நிறுவனத்தினர்.கண்ணன்``விஜயை கண்டு திமுக அஞ்சவில்லை; எங்களுக்கு போட்டி தேவை" - சொல்கிறார் அமைச்சர் ரகுபதி!

இந்தச் சூழலில், என் பிள்ளைகள் படிப்பு தடைபடாமல் இருக்க படாதபாடு பட்டேன். தொடர்ந்து நீதி கேட்டு, விக்கிரவாண்டி இடைத்தேர்தல் பிரசாரத்தில் இருந்த தொழிலாளர் நலத்துறை அமைச்சர் சி.வி.கணேசனை பார்த்து மனு கொடுத்தேன். அவர் என்னிடம், 'நீ எந்த கட்சிம்மா, தி.மு.க-வா, உறுப்பினர் கார்டு வச்சிருக்கியா?' என்றார். ‘இல்லை சார்’னு என்னோட நிலையை சொன்னதும், 'நான் பிரசாரத்தில் பிஸியா இருக்கேன். இடைத்தேர்தல் முடியட்டும்' என்றார். அதன் பின்னர் அமைச்சரின் செல் நம்பருக்கு போன் செய்து கேட்டேன். ‘இடைத்தேர்தல் வெற்றி விழாவில் இருக்கேன்’ என்று பதில் சொன்னார்.

ஒரு வாரத்திற்கு பிறகு மீண்டும் அமைச்சருக்கு போன் செய்தேன். எடுத்ததும் அவர், 'ஏம்மா என் உயிரை வாங்குற... நான் உனக்கு மட்டும் அமைச்சர் இல்லை, தமிழ்நாட்டுக்கு அமைச்சர், தஞ்சாவூர் கலெக்டர் கிட்ட பேசுறேன்' என சொல்லிவிட்டு ‘டக்’ என போனை வைத்து விட்டார். நான் சொல்ல வந்ததைக்கூட அவர் கேட்கவில்லை.

இப்போது என் மகன் கல்லூரி முடித்துவிட்டான். பீஸ் கட்டாததால் இதுவரை கல்லூரி நிர்வாகம் அவனுக்கு சர்டிஃபிகேட் தரவில்லை. அவன் மேல் படிப்பு படிக்க ஆசைப்படுகிறான். என் மகள் மூன்றாம் ஆண்டு படிக்கிறாள். அவளுக்கும் பீஸ் கட்ட வேண்டும். படிப்பிற்காக வாங்கிய கடன் வேறு என் கழுத்தை நெறிக்கிறது. கஞ்சிக்கு வழியில்லாத சூழலில் நான் தவித்து நிற்கிறேன்” என தழுதழுத்தார்.அமைச்சர் சி.வி.கணேசன்

இதுகுறித்து அமைச்சர் சி.வி.கணேசனிடம் பேசினோம். ''கட்டுமான நிறுவன நல வாரியத்தின் சார்பாக ஜூலிக்கு கடந்த 2022-ல் ரூ. 5 லட்சம் நிவாரணம் வழங்கப்பட்டுள்ளது. இடைத்தேர்தல் சமயத்தில் என்னை சந்தித்ததால், ‘தி.மு.க-வை சேர்ந்தவரா’னு கேட்டேன். அதை அவர் தவறாகப் புரிந்து கொண்டுள்ளார். இது அனைவருக்குமான அரசு. லேபர் கோர்ட் உத்தரவிட்ட ரூ.13 லட்சம் வட்டியுடன் இரண்டு மாதத்திற்குள் பெற்றுத் தருவதற்கு நடவடிக்கை எடுக்கப்படும். அதுவரை ஜூலியின் குடும்பத்துக்கு என்ன தேவையோ அவை அரசு சார்பிலும், தனிப்பட்ட முறையிலும் நிறைவேற்றி தரப்படும். நிச்சயம் அவரது கண்ணீர் துடைக்கப்படும்'' என்றார்.``கொள்கையை விட்டுக்கொடுத்து, ஒன்றிய அரசிடம் நிதியைப் பெறத் தேவையில்லை" -அமைச்சர் அன்பில் மகேஷ்


http://dlvr.it/TD7NMf

Read More