அண்ணா: `வெள்ளித்திரையில் சாமானியனின் குரல்' - தமிழ் சினிமாவின் நவீன முகத்துக்கு முன்னோடி

மக்களிடம் செல்லுங்கள். அவர்களுடன் வாழுங்கள். அவர்களிடமிருந்து கற்றுக்கொள்ளுங்கள். அவர்களை நேசியுங்கள். அவர்களுக்கு என்ன தெரியுமோ அதில் இருந்து தொடங்குங்கள். அவர்களிடம் இருப்பதைக் கொண்டு உருவாக்குங்கள். ஆனால் சிறந்தவற்றுடன் தலைவர்களே !

என்று Lao Tzu (லாவோ ஸு) சொன்னது இந்த மனிதருக்கு நிச்சயம் பொருந்தும் எனலாம்.அறிஞர் அண்ணா

இங்கே ”மும்மொழி கொள்கை என இந்தியென்ற வார்த்தை மீண்டும் வரும் போதும். தமிழ்நாட்டை தமிழகம் என்று அழைக்கலாம் எனச் சலசலப்பு ஏற்பட்ட போதும் ஒரே ஒரு பெயரின் மேற்கோள் காட்டி அந்த சத்ததிற்கெல்லாம் பதிலெழுதபட்டிருக்கும். “நான் கொண்டு வந்தவற்றை எல்லாம் மாற்ற வேண்டும் என்று எண்ணும் போதே! மக்கள் வெகுண்டு எழுவார்களே! என்ற அச்ச எண்ணமும் கூடவே சேர்ந்து வரும் இல்லையா? அந்த பயம் இருக்கிற வரையில் இங்கே யார் ஆண்டாலும் அண்ணாதுரை தான் இந்த நாட்டை ஆள்கிறான் என்று பொருள்.” என முழங்கிய பேரறிஞர் அண்ணாவின் பெயர்தான் அது. அவர் ஆண்ட 2 ஆண்டுகளில்இங்கே செக்ரட்டரியேட் 'தலைமைச் செயலகம்' ஆனது. அரசு ஏடுகளில் ஸ்ரீ மறைந்து திரு பிறந்தது. மெட்ராஸ் ஸ்டேட் மறைந்து  'தமிழ்நாடு' பிறந்தது.

இப்படி அரசியலில் தவிர்க்க முடியாத சிம்மசொப்பனமாக இருந்த அண்ணா இலக்கியத்திலும் திரையுலகிலும் மாற்றங்களைச் செய்திருக்கிறார். கலை கலைக்கானதா ? கலை மக்களுக்கானதா? என்ற கேள்வி இன்றும் எழுகிறது. இதற்கு அண்ணா “கலை வழியாக மக்கள் அறிவைப் பெருக்கலாம்; அரசியல் விழிப்பை உருவாக்கலாம்: சமூக சீர்திருத்தம் செய்யலாம். நாட்டின் மேம்பாட்டிற்கு, வருங்காலத்தில் கலை, வலிமை மிக்க சாதனமாக அமையப் போகிறது.” என்று அன்றே பதில் கூறியிருக்கிறார். "Yes.. I represent the man in the street " நான் சாலையோரத்து சாரசரி மனிதனின் பிரதிநிதி" என்று பாராளுமன்றத்தில் ஓங்கி ஒலித்த அவரது குரல் செல்லுலாய்டின் மரபையும் மாற்றி எழுதியது.

சித்திரத்தில் நிழல் பார்த்த தமிழ் சமூகம் நிஜம் பார்க்க ஆரம்பித்தது. திரையில் முதன் முதலாக மனிதர்கள் அசைய அறிவியலின் உன்னதம் கண்டு பிரம்மித்த காலக்கட்டம் அது. அதுநாள்வரை கோயிலில் கண்ட சிலைகளை. புராண இதிகாச கதைகளை திரையில் பார்க்க வர கைத்தட்டி ஆர்ப்பரித்து வந்தனர். அப்போது பாரதிதாசன் அச்சூழலை பார்த்துக் கவிதை எழுதுகிறார்.அண்ணாபாரதிதாசன்"எனது தமிழர் படம் எழுதுகிறார்கள் ஒன்று பத்தாக நூறாக வெளிவந்து கொண்டிருக்கிறது. ஆனால் அதில் நம் அழகுத் தமிழ் தான் குறைவாக உள்ளது. தெலுங்கு கீர்த்தனங்கள், வடமொழி சொற்கள் அதிகமாக உள்ளது. உடைகள் கூட நமது உடைகள் அல்ல. ஒன்று கூட எனது தமிழ் அருமை பேசவில்லை. வீழ்ந்தவர் பக்கம் நிற்கவில்லை. ஏழைகளின் ரத்தத்தை உறிஞ்சும் முதலாளி கூட்டம் பக்கம் நிற்கிறது. எப்போது எம் ஏழைகளின் கதைகளை இந்த திரைக் காட்டும்?" என்று காட்டமாக கவிதை ஒன்றை எழுதி குமறுகிறார்.

அண்ணா அக்காலத்தில் தான் இலக்கியத்தில் தீவிரமாக இயங்கிக் கொண்டு இருந்தார். மதுரை பல்கலைக்கழகம் ஒரு ஆய்வுக் கட்டுரையில் அவரது எழுத்துக்களில் பொதிந்துள்ள திராவிட, பொதுவுடைமை சித்தாந்த கருத்துக்களுக்காக அவர் `பிளாக் கம்யூனிஸ்ட்' என்று அழைக்கப்பட்டதாக கூறுவார்கள். அப்படி இருந்தவர் நாடகத்தின் பக்கமும் தன் கலை பார்வையைத் திருப்பி இருந்தார். அந்த நாடகத்தின் பொறி சினிமாவின் திரை சீலை மீதும் பட “தீ பரவியது”. அவரது கதைக்களம் வீழ்ந்து கொண்டிருக்கிற பாமர மக்களின் வாழ்வைச் சொல்ல, வசன வீச்சு அடுக்குமொழிகளில் செந்தமிழ் மொழியில் அடிமைத்தனத்தை விரட்ட குமுறிய பாரதிதாசனின் ஏக்கம் தீர ஆரம்பித்தது.

பெரியார் மீது மிகவும் பற்று கொண்ட அண்ணாவின் கருத்தமைப்புகளில் பெரியாரை ஈர்த்த மேற்கத்திய எழுத்துக்களை எழுதிய பெர்னாட்ஷா, இப்சன் ஆகியோரின் அறிவுசார் தரவுகள் வெளிப்பட்டன. புராண உலகத்தை மட்டுமே கண்ட ரசிகர்கள் தங்களைப் போன்ற மனிதர்களை திரையில் பார்க்க ஆரம்பித்தார்கள். சுருங்கக் கூறினால் காட்டை பற்றிய கதையில், இதுநாள் வரையிலும் வேடர்களை மட்டும் காண்பித்த வெள்ளித்திரை வரிப்புலிகளின் கதைகளையும் காட்டத் தொடங்கியது.

முதன் முதலில் அண்ணா பற்ற வைத்த நெருப்பு, இயக்க மேடைகளில் வெற்றிகரமாக நிகழ்ந்துவந்த `வேலைக்காரி' நாடகத்தைத் திரைப் பிரவேசம் செய்தது. ஜுபிடர் மூவிஸ் தயாரிக்க அண்ணா இதற்கு திரைக்கதை அமைத்து வசனம் எழுதினார். தமிழ்த்திரை ஒரு புதிய பாணி துள்ளு தமிழ்ப் பேச்சுக்குக் களமானது. அதில் ஆனந்தன் என்னும் முதன்மைப் பாத்திரம் காளிமாதாவைக் கேள்வி கேட்கிறான். திரையரங்கம் முதன்முறையாக பகுத்தறிவு வாதத்திற்கு செவிமடுக்கிறது. தெய்வங்கள் பேசக் கேட்ட ரசிகக் கூட்டம், பாமரன் பேச தெய்வம் கேட்பதைக் கண்டு ஆச்சர்யப்படுகிறது.

இந்த வெற்றியை கண்ட பணமுதலாளிகள் அண்ணாவை படத்திற்கு எழுத அணுக அவர்கள் செல்வத்தை தம் கருத்தியல் பிரசாரத்துக்கு மாற்றிக் கொண்டார். அவர்கள் எவ்வளவு முயற்சித்தும் தமது கருத்தியலுக்கு எதிரான கதைகளை படமாக்க அவர் பங்களிப்பு செய்ததில்லை. அண்ணாவின்  'நல்லதம்பி' திரைப்படம் மக்களுக்காக சிறை சென்று வந்த கலைவாணர் என்.எஸ்.கே. அவர்களுக்காக எழுதப்பட்டது. அதில் ஜமீன்தாரி முறையை எதிர்த்து கூட்டுபண்ணை எனும் சமதர்மத்தை பேசி இருப்பார் பேரறிஞர்.நல்லதம்பி

அடுத்ததாக “ஓர் இரவு” தொடங்கி பல படங்களுக்கு கதைகளையும் சில படங்களுக்கு வசனங்களையும், திரைக்கதையையும் எழுதித் தந்தார் அண்ணாத்துரை. அவரது கதைகள் யாவும் “யாருக்கும் தாழாமலும், யாரையும் தாழ்த்தாமலும், யாருக்கும் அடிமையாகாமலும், யாரையும் அடிமைப்படுத்தாமலும் நல்வாழ்வு வாழ வேண்டும்” என்கிற அவருடைய லட்சிய வாக்குப்படியே இருந்தது. அவரில் தொடங்கிய பயணம் அவரது தம்பி கருணாநிதி, எம்.ஆர்.ராதா என அடுத்தடுத்து மக்கள் படைப்புகளுக்கு வழிவிட்டது. ஒருபுறம் இது பிரசாரப்படம் என்ற விமர்சனமும் எழுந்திருக்கிறது. ஆனால் மக்கள் இந்தப் படங்களைத் தொடர்ந்து வெற்றி பெற வைத்தாகக் கூறுகிறது வரலாற்று விமர்சனங்கள்.

அண்ணா தனது தம்பிகளுக்கு இவ்வாறு கடிதம் எழுதுகிறார், “ படம் எடுப்பதைவிட சமுதாயத்தில் நடைபெறும் சங்கடமான கோணல்களின் பக்கம் 'காமிரா'வைக் கொண்டு செல்ல வேண்டும். தன்னைச் சுற்றி வளர்ந்து கிடக்கும் சமுதாயக் கேடுகளைக் கண்டு மனிதன் நகைக்கிறான்! துடிக்கிறான்! 'ச்சு, ச்சு' என்று பரிதாபப்படுகிறான்! ஆக அவனே, அந்த சமுதாயக் கேடுகளுக்கு ஆட்பட்டவனாக இருக்கலாம் அல்லது பலரை ஆட்படுத்தியவனாக இருக்கலாம். அவனே அந்தக் காட்சிகளைக் கண்முன் காணும்போது, அதில் ஏதோ ஒரு விசித்திரம் இருப்பதாக அவன் உள்ளத்தில் தைக்கும் சூழ்நிலை இருக்கிறதே அதுதான் , புதுமை காண விரும்பும் சமுதாயத்தின் விடிவெள்ளி” என்கிறார். அண்ணா, கருணாநிதி

இன்றைய தமிழ் சினிமா சூழலில் ஒடுக்கப்பட்ட மக்களின் அரசியலை பேசியே ஆக வேண்டும் என்கிற ஒரு கட்டாயம் இருக்கிறது. எளிய மக்களை கேலி செய்யக்கூடாதென்ற பொறுப்புணர்வு திரைக்கதையில் வரத் தொடங்கியிருக்கிறது. சற்று சிந்தித்துப் பார்த்தால் அது வேறொன்றுமில்லை அண்ணா தன் தம்பிகளுக்கு செல்லுலாய்டின் வழி விட்டுச்சென்ற விடிவெள்ளியின் வெளிச்சம் என்றே தோன்றுகிறது!

பிறந்தநாள் வாழ்த்துக்கள் சி.என்.அண்ணாதுரை!


http://dlvr.it/TDFgKm

Read More

``விதிமீறல்... அனைத்து துறை அலுவலர்கள் கூட்டத்தை உதயநிதி நடத்த முடியுமா?" - ஆர்.பி.உதயகுமார்

"விஜய் மாநாடு நடத்தக் கூடாது என்பதற்காகவே பல்வேறு நிபந்தனைகளை விதிக்கின்றனர், புதியவர்களை வரவேற்க வேண்டும்..." என்று சட்டமன்ற எதிர்க்கட்சித் துணைத் தலைவர் ஆர்.பி.உதயகுமார் தெரிவித்துள்ளார்.

டாக்டர் ராதாகிருஷ்ணன் விருது பெற்ற ஆசிரியர்களுக்கு 'வித்யா சேவா ரத்னா விருது' வழங்கும் விழாவில் முன்னாள் அமைச்சர் ஆர்.பி உதயகுமார் கலந்து கொண்டார். நிகழ்ச்சிக்குப் பின்னர் செய்தியாளர்களிடம் பேசும்போது,ஆர்.பி.உதயகுமார்விசிக: மது ஒழிப்பு மாநாடு; `அதிமுக'விற்கு அழைப்பு விடுத்த திருமாவளவன்! உதயநிதி ஸ்டாலின் கருத்து!

முதல்வரின் வெளிநாட்டு முதலீடு



"அமெரிக்க பயணத்தை முடித்து விட்டு தமிழகம் வந்துள்ள முதல்வரால் புரிந்துணர்வு ஒப்பந்தங்கள் மிக குறைவாகவே பெறப்பட்டுள்ளது அரசு வெளியிட்டுள்ள அறிக்கை மூலம் தெரிகிறது. மகாராஷ்டிரா, தெலுங்கானா முதலமைச்சர்கள் ஈர்த்து வந்த வெளிநாட்டு முதலீடுகளை ஒப்பிடும்போது தமிழகம் குறைவாகவே பெற்றுள்ளது. ஏற்கனவே இங்கே இருக்கிற கம்பெனிக்கு முதலீடை பெற்றுள்ளீர்கள். தமிழக முதல்வரின் வெளிநாட்டு பயணம் தோல்வியில் முடிந்துள்ளது. எடப்பாடி பழனிசாமி இதுகுறித்து வெள்ளை அறிக்கை கேட்டால் நக்கல் நையாண்டி செய்கிறார். எடப்பாடி பழனிசாமி முதலமைச்சராக இருந்தபோது வெளிநாட்டு முதலீடுகளை கொரோனா காலத்திலும் கொண்டு வந்தார். ஸ்டாலின் எதிர்க்கட்சித் தலைவராக இருந்தபோது எடப்பாடி பழனிசாமியிடம் வெள்ளை அறிக்கை கேட்டார். அதைத்தான் நாங்களும் கேட்கிறோம். மக்களுக்கு தெளிவுபடுத்தும் பணியை எதிர்க்கட்சிகள்தான் செய்யும்.

விதி, மரபுகளை மீறிய உதயநிதி



விளையாட்டு மற்றும் சிறப்பு திட்ட செயலாக்கத் துறை அமைச்சர் அனைத்து துறை அலுவலர்கள் பங்கேற்கும் கூட்டத்தை நடத்த முடியுமா? முதலமைச்சருக்குத்தான் அந்த உரிமை உள்ளது. சிறப்பு திட்ட செயலாக்கத் துறையை ஜெயலலிதாதான் உருவாக்கினார். கிரைண்டர், மிக்சி வழங்கும் சிறப்புத் திட்டங்களை செயல்படுத்ததான் இந்த துறை உருவாக்கப்பட்டது. அந்த துறைக்கு அமைச்சராக இருந்துகொண்டு அனைத்து துறைகளையும் கேள்வி கேட்க முடியாது. அமைச்சர் உதயநிதி ஸ்டாலின்அதிரடி காட்டிய அமைச்சர் உதயநிதி..! மதுரையில் அதிகாரிகள் தூக்கியடிக்கப்பட்ட பின்னணி என்ன?

அதிகாரிகள் மீது சம்பந்தப்பட்ட அமைச்சரை வைத்து நடவடிக்கை எடுக்கலாம். ஆனால், அப்படி எங்கும் நடக்கவில்லை. விதிகளையும், மரபுகளையும் மீறி உதயநிதியை முன்னிறுத்த என்ன காரணம் என்று தெரியவில்லை. இதை அவர்கள்தான் சொல்ல வேண்டும். கட்சியில் அவரை முன்னிலைப்படுத்துவதை யாரும் குறை சொல்ல மாட்டார்கள், அதற்கு மக்கள் தீர்ப்பளிப்பார்கள். ஆனால், அரசில் முன்னிலை படுத்துவது தவறான முன்னுதாரணத்தை ஏற்படுத்திவிடும். முதல்வரின் மகன் என்றால் அனைத்து துறைகளையம் ஆய்வு செய்யலாம் என்ற தவறான மரபை ஏற்படுத்திவிடக் கூடாது என்று நல்லெண்னத்தில் கூறுகிறோம்.

ஆட்சியில் பங்கு..



ஆட்சியில் பங்கு வேண்டும் என்று திருமாவளவன் வீடியோ பதிவிட்டதற்கும் பின்பு அதை நீக்கியது குறித்தும் அண்ணன் திருமாவளவன் விளக்கம் கூறியுள்ளார். ஆட்சியில் பங்கு வேண்டும் என்று கேட்பது அவர்களின் உரிமை. எல்லோரும் கட்சி நடத்துவதே ஆட்சியிலும் அதிகாரத்திலும் இருக்க வேண்டும் என்ற காரணத்தால்தான்.ஆர்.பி.உதயகுமார் - திருமாவளவன்`அரசாங்கத்தில் பங்கு வேண்டும் என நினைத்திருந்தால்...’ - திருமா பதிவும் மதுரை கொடி கம்ப விவகாரமும்

இந்த கூட்டணி என்பதையே பேரறிஞர் அண்ணாதான் உருவாக்கினார். பிரிந்து கிடக்கும் சக்திகளை ஒன்றாக்கி அனைவரது பங்கேற்பையும் பயன்படுத்திக்கொள்ள வேண்டும் என்று அந்த காலத்திலேயே ஒரு மாநிலக் கட்சி தலைமையில் மெகா கூட்டணியை உருவாக்கினார். கூட்டணியில் உள்ளர்வர்களுக்கு கருத்து சொல்ல சுதந்திரமும், உரிமையும் உள்ளது.

அன்னபூர்னா உணவக விவகாரம் குறித்து எங்கள் கட்சியின் மூத்த தலைவர் ஜெயக்குமார் அதிகாரப்பூர்வமாக அறிவித்துள்ளார். அதைத்தான் நானும் வழிமொழிகிறேன்.

வருகின்ற சட்டமன்றத் தேர்தலில் அதிமுகவின் கடந்த கால சாதனையை சொல்லி எடப்பாடி பழனிசாமியை முதல்வராக்க மக்களை சந்திப்போம். அப்போது யார் யாரெல்லாம் அவர் கரத்தை வலுப்படுத்த ஆதரவு தருகிறார்களோ அது திருமாவளவன் உள்ளிட்ட யாராக இருந்தாலும், இணைத்துக்கொள்ள எடப்பாடி பழனிசாமிதான் முடிவெடுப்பார்.

விஜய் மாநாட்டுக்கு இவ்வளவு நிபந்தனைகள்...



புதிய கட்சிகள் தங்கள் பலத்தை காட்ட மாநாடு நடத்துவது வழக்கமான விஷயம்தான். ஆனால், விஜய் மாநாட்டுக்கு இவ்வளவு நிபந்தனைகள் விதிப்பது இதுவரை கேள்விப்படாத ஒன்று. பாதுகாப்பாக மாநாடு நடக்க வேண்டும் என்பதற்காக நிபந்தனைகள் விதிப்பது வழக்கம்தான், ஆனால், மாநாடு நடக்கவே கூடாது என்பதற்காக நிபந்தனைகள் விதிக்கின்றனர். விஜய், சமுதாயத்துக்கு சேவை செய்ய வேண்டுமென்று முன் வருகிறார். அதை வரவேற்கத்தானே வேண்டும். திமுக அமைச்சர்கள் விஜய்யை விமர்சிக்க அவர்களின் தலைமைதான் காரணம். தலைமையின் கருத்தைத்தான் அவர்கள் வெளிப்படுத்துகிறார்கள்.நடிகர் விஜய்

சமீபத்தில் திருமங்கலம் பகுதியில் திமுக நடத்திய கூட்டத்தில் வழங்கப்பட்ட உணவு கெட்டுப்போயுள்ளது. கட்சி கூட்டங்களில் உணவுகள் வழங்கப்படும்போது கவனமாக இருக்க வேண்டும், பசிக்கு உணவு வழங்கும் போது உயிருக்கே ஆபத்தாகிவிடக் கூடாது, எடப்பாடியாரின் உத்தரவின் பேரில் பாதிக்கப்பட்டவர்களை சென்று பார்த்தேன்" என்றார்.


http://dlvr.it/TDFW38

Read More

VCK - DMK கூட்டணியில் விரிசல் அதிகரிக்கிறதா?| Thirumavalavan | Imperfect Show

இன்றைய இம்பர்ஃபெக்ட் ஷோவில்,

அமெரிக்காவிலிருந்து முதல்வர் ஸ்டாலின் ஈர்த்து வந்த நிதி எவ்வளவு?

Coimbatore annapoorna விவகாரம் - பாஜகவுக்குள் ஏற்படுத்திய புகைச்சல்

தமிழ்நாடு ஏன் மாற்றாந்தாய் பிள்ளையாக நடத்தப்படுகிறது? - நிதியமைச்சர் தங்கம் தென்னரசு

ஜாமீனில் வெளிவந்தார் அரவிந்த் கெஜ்ரிவால்

-

PORT BLAIR இனி விஜயபுரம்?

காணொலியை முழுமையாக காண லிங்கை கிளிக் செய்யவும்


http://dlvr.it/TDDmhW

Read More

`ஆட்சி, அதிகாரத்தில் பங்கு’ - முதல்வர் ரிட்டர்ன் நேரத்தில் திருமா செய்த சம்பவம் | பின்னணி என்ன?

மதுவிலக்கு கோரிக்கைகான மாநாட்டை அறிவித்திருக்கும் வி.சி.க, `ஆட்சியிலும் பங்கு அதிகாரத்திலும் பங்கு` என்ற கோரிக்கையையும் முன்வைக்கவுள்ளதாக வரும் தகவலால் தி.மு.க கூட்டணியில் புகைச்சல் அதிகரித்துள்ளது என்கிறார்கள் விவரம் அறிந்த சிலர்.

திமுக கூட்டணியில் அங்கம் வகிக்கும் விசிக மது ஒழிப்பு மாநாட்டை நடத்த திட்டமிட்டுள்ளது அனைவரும் அறிந்ததே. அதில் அதிமுக உள்ளிட்ட கட்சிகளும் கலந்து கொள்ளலாம் என சொல்லியது திமுக கூட்டணிக்குள் சலசலப்பை ஏற்படுத்தியது. இந்நிலையில் தனது ட்விட்டர் பக்கத்தில், "ஆட்சியிலும் பங்கு அதிகாரத்திலும் பங்கு என்ற கோரிக்கையை 1999 ஆம் ஆண்டே முன்வைத்த கட்சி விசிக" என முன்னர் திருமாவாளவன் பேசிய வீடியோவை இப்போது பகிர்ந்து பரபரப்பை பற்றவைத்துள்ளார். முதல்வர் சென்னை திரும்பிய தருணத்தில் அந்த வீடியோவை அவர் பதிவிட்டது குறிப்பிடத்தக்கது. எனினும் அந்த வீடியோ வை டெலீட் செய்த திருமா, பின்னர் மீண்டும் பதிவிட்டு மீண்டும் டெலீட் செய்திருக்கிறார்.

நம்மிடம் பேசிய திமுக கூட்டணியை சேர்ந்த சிலர், ``ஆக்டோபர் 2-ம் தேதி வி.சி.க நடத்தும் போதை மற்றும் மதுஒழிப்பு மகளிர் மாநாட்டுக்கு அ.தி.மு.க-வையும் அழைத்திருந்தார் திருமாவளவன். இதனால் தி.மு.க கூட்டணியில் பிளவா.. புதிய கூட்டணிக்கு அச்சாரமிடுகிறதா விடுதலை சிறுத்தைகள் கட்சி என்ற விவாதம் ஓடிக் கொண்டிருக்கும்போதே, `ஆட்சியிலும் அதிகாரத்திலும் பங்கு வேண்டும் என்பதை 1999-ம் ஆண்டே வலியுறுத்திய கட்சி விடுதலை சிறுத்தைகள் கட்சி’ என திருமா பேசும் பழைய வீடியோ அவரின் அதிகாரப்பூர்வ எக்ஸ் தள பக்கத்தில் வெளியிட்டு, சிறிது நேரத்திலேயே டெலீட் செய்யப்பட்டிருப்பது தி.மு.க கூட்டணியில் அனலை கூட்டியிருக்கிறது” என்றனர்

தொடர்ந்து பேசியவர்கள், ``திருமா பேசும் அந்த பழைய வீடியோ வைரலாகவே, அந்த பதிவை டெலீட் செய்திருக்கிறார். ஆனால் அந்த கோரிக்கையை வி.சி.க உறுதியாக முன்னெடுக்கப் போவதாகவும் இக்கோரிக்கை குறித்து உரிய காரணங்களுடன் திருமா வரும் காலத்தில் பேசயிருப்பதால் இப்போதைக்கு பழைய காணொளி கொண்ட பதிவை நீக்கியிருக்கிறார்கள்” என்றனர்.முதல்வர் ஸ்டாலின் - விசிக தலைவர் திருமாவளவன்

புதிய கூட்டணிக்கு ஆச்சாரமிடவில்லை என பேச தொடங்கிய வி.சி.க மாநில பொறுப்பாளர்கள் சிலர், ``அ.தி.மு.க பா.ஜ.க கூட்டணி முறிவும் விஜய்யின் அரசியல் வருகையும் எங்களுக்கான வாய்ப்பையும் சுதந்திரத்தையும் அதிகப்படுத்தியுள்ளது. 2026 சட்டமன்ற தேர்தலை முன்னிறுத்தி கட்சி ரீதியாக பல்வேறு செயல் திட்டங்களை தயார் நிலையில் வைத்திருக்கிறோம். மாவட்டச் செயலாளர்களின் எண்ணிக்கையை 234 ஆக உயர்த்தி அனைத்து மாவட்டங்களிலும் கிளை கட்டமைப்பை வலுப்படுத்துவதோடு மகளிர் மற்றும் ஓ.பி.சி சமூக மக்களையும் சேர்த்து கட்சியை வளர்க்க விரும்புகிறார் தலைவர் திருமா. ஆனால் தேர்தல் வரும்போது வழக்கமாக குறைந்த அளவில் சீட் கொடுத்து தி.மு.க அமுக்கிவிட்டால் எங்கள் உழைப்பே விரையமாகிவிடும் என்பதால் இப்போதே விழித்துக் கொண்டது வி.சி.க. திருமாவளவன்

200 தொகுதிகளை டார்கெட்டாக நிர்ணையத்திருக்கும் தி.மு.க பா.ஜ.க வளர்ந்துவிடுமென பூச்சாண்டி காட்டி 2021-ல் தந்த 6 தொகுதிகளைபோல ஒற்றை எண்ணிக்கையை தந்துவிட்டால் `கதைக்கு ஆகாது`. ஆகையால் தொகுதி எண்ணிக்கை உட்பட எங்களின் நீண்ட கால கோரிக்கைகளை குறைந்தபட்ச செயல்திட்டமாக கொடுப்பதும், `ஆட்சியிலும் பங்கு அதிகாரத்திலும் பங்கு` என்ற கோரிக்கை நிறைவேற்றிக் கொள்ளும் நிர்பந்தங்களையும் முன்வைக்க விரும்புகிறோம். அதற்கு ஏதுவானத்தான் `ஆட்சியில் பங்கு கொடுப்பதுதானே உண்மையான சமத்துவம்’ `திருமா ஏன் துணை முதல்வராகக் கூடாது’ போன்ற ஸ்டேட்மெண்டுகளை இப்போதே முன்வைக்க ஆரம்பித்திருக்கிறார்கள்” என்றனர்.

தேர்தலுக்கு இன்னும் ஓராண்டுக்கு மேல் இருப்பதால் எதுவும் நடக்கலாம். பொறுத்திருந்து பார்ப்போம்! Loading…``திருமாவளவன் எதிர்காலத்தில் ஏன் துணை முதலமைச்சராக உருவாக கூடாது?!” - கேட்கிறார் விசிக ஆதவ் அர்ஜூனா


http://dlvr.it/TDDWyD

Read More

Hindenburg : `உள்நோக்கம் கொண்ட அவதூறுகள்...' - `3' விளக்கங்களுடன் களமிறங்கிய செபி தலைவர்!

கடந்த ஆண்டு அதானி குழுமத்திற்கு எதிராக ஹிண்டன்பர்க் ஆய்வறிக்கை ஒன்றை வெளியிட்டது. அதில் அதானி குழுமம் பல்வேறு முறைகேடுகளில் ஈடுபட்டதாக குற்றம்சாட்டியது. இந்த விவகாரம் அப்போது பெரும் விவாதப் பொருளானது. ஆனால், அந்தக் குற்றசாட்டுகளை முழுவதுமாக மறுத்தது அதானி குழுமம். இந்தக் குற்றச்சாட்டுகளை இந்திய பங்குகள் மற்றும் பரிவர்த்தனை வாரிய (செபி) விசாரிக்க உச்ச நீதிமன்றம் உத்தரவிட்டிருந்தது.

இந்த நிலையில், ஹிண்டன்பர்க் சமீபத்தில் வெளியிட்ட மற்றொரு ஆய்வறிக்கையில், இந்திய பங்குகள் மற்றும் பரிவர்த்தனை வாரியத்தின் (செபி) தலைவர் மாதபி பூரி புச்சும், அவருடைய கணவர் தவால் புச்சும், அதானி நிறுவனத்துக்குத் தொடர்புடைய நிறுவனங்களில் பங்குகள் வைத்திருந்ததாகக் குற்றம்சாட்டியிருக்கிறது.அதானி செபி

இதை மாதபி பூரி புச்சும், அவருடைய கணவர் தவால் புச்சும், அதானி குழுமமும் மறுத்தன. இந்த விவகாரம் தொடர்பாக நாடாளுமன்ற கூட்டுக்குழு விசாரணை வேண்டும் என காங்கிரஸ் தொடர்ந்து வலியுறுத்தி வருகிறது. மேலும், `நடுநிலை இழந்த செபி தலைவர் மாதபி பூரி புச் ராஜினாமா செய்யவேண்டும்' என்ற குரல்களும் எழுந்தன.

இந்த நிலையில்தான், மாதபி பூரி புச்சும், அவரது கணவர் தவால் புச்சும் இணைந்து நேற்று மற்றொரு கூட்டறிக்கை ஒன்றை வெளியிட்டிருக்கின்றனர். அதில், மூன்று முக்கிய விளக்கங்களை குறிப்பிட்டிருக்கின்றனர்.விளக்கம் -1

மஹிந்திரா & மஹிந்திரா, பிடிலைட், டாக்டர் ரெட்டிஸ், அல்வாரெஸ் & மார்சல் போன்ற நிறுவனங்களுக்கு தவால் புச் ஆலோசகராக இருந்தது குறித்து காங்கிரஸ் குற்றம்சாட்டியிருக்கிறது. அவர் மேற்கொண்ட அந்த ஆலோசனைப் பணிகள், தாவல் புச்-சின் நிபுணத்துவம் மற்றும் அவர் ஹிந்துஸ்தான் யூனிலீவரில் செயல் இயக்குநராக பணியாற்றிய 35 ஆண்டுக்கால தொழில்முறையை அடிப்படையாகக் கொண்டது.

மாதபி செபி தலைவராவதற்கு மூன்று ஆண்டுகளுக்கு முன்பே, அதாவது, 2016-2017-ம் ஆண்டு மாதபி புச் செபியில் சேர்வதற்கு முன்பே, தவால் புச் தனது ஓய்வுக்குப் பிறகு அகோரா அட்வைசரி நிறுவனத்தை தொடங்கினார். 2019-ம் ஆண்டு மஹிந்திரா & மஹிந்திரா இந்த அகோரா அட்வைசரியில் 94% பங்களிப்பை வழங்கியது. இது, தவால் புச்சுக்கு இருக்கும் நிபுணத்துவத்துக்காக வழங்கப்பட்டது. மாதபி புச்

மேலும், தவால் புச்சின் அட்வைசரி பணிக்கும், செபி விசாரணைக்கும் எந்தத் தொடர்பும் இல்லை என்பதை பிடிலைட், டாக்டர் ரெட்டிஸ் நிறுவனமும் உறுதிப்படுத்தியிருக்கிறது. அவர் பணியாற்றிய அந்த வாய்ப்புகள் எல்லாம், அவரது தொழில்முறை பின்னணியின் அடிப்படையில் பெறப்பட்டது என்பதை இரு நிறுவனங்களும் தெளிவுபடுத்தியுள்ளன.

அதேபோல, அகோரா அட்வைசரி நிறுவனத்தின் மூலம் அனைத்து ஆலோசனை வருமானமும் வெளிப்படையாக அறிவிக்கப்பட்டிருக்கிறது.

எனவே மாதபி புச் செபியில் இணைந்தப் பிறகு அகோரா அட்வைசரி தொடங்கப்பட்டது என்ற குற்றச்சாட்டு உண்மையில்லை. இந்த குற்றச்சாட்டுகள் அனைத்தும், தவால் புச்சின் திறமையை மட்டுமல்லாமல் அவர் பணியாற்றிய நிறுவனங்களுக்கும் அவப்பெயரை ஏற்படுத்துகிறது.விளக்கம் -2

2017-ம் ஆண்டில் மாதபி புச் முதன்முதலில் செபி-யில் முழு நேர உறுப்பினராக சேர்ந்தபோது, அவரின் சொத்து, அதன் வருமானம் பற்றிய முழுத் தகவல்கள் வழங்கப்பட்டிருக்கிறது. இந்த நிலையில், செபி-யின் விசாரணை வளையத்தில் இருக்கும் வொக்கார்ட் எனும் மருந்து நிறுவனத்துக்கு, மாதபி புச்சுக்கு சொந்தமான கட்டடம் வாடகைக்கு விடப்பட்டிருக்கிறது. அதனால் விசாரணை சரியான முறையில் நடக்காது எனக் குற்றம்சாட்டப்பட்டிருக்கிறது. வொக்கார்ட் நிறுவனம் தொடர்பான விசாரணைகளில் மாதபி புச்சுக்கு எந்த தொடர்பும் இல்லை.ராகுல் காந்தி - காங்கிரஸ்

வொக்கார்ட் நிறுவனம் தொடர்பான விசாரணைக் கோப்புகள் மாதபி புச்சுக்கு சென்றடையாமல் இருப்பதை உறுதிசெய்யும் வகையில், கடுமையான அதிகாரப் பிரதிநிதித்துவ அமைப்பின் கீழ், இந்த விசாரணை நடக்கிறது. மேலும், அந்த நிறுவனத்துடனான வாடகை ஒப்பந்தம் சந்தை நடைமுறைகளுக்கு ஏற்பவே இருக்கிறது. வரிகளும் அதற்கு ஏற்றபடி செலுத்தப்பட்டு வருகிறது.விளக்கம் -3

மாதபி புச்சின், ஐ.சி.ஐ.சி.ஐ வங்கியின் பணியாளர் பங்கு விருப்பங்கள் (EPOP), ஓய்வூதியம் அனைத்தும் சட்டப்பூர்வமானதா... எனக் கேள்வி எழுப்பி குற்றம்சாட்டப்பட்டிருக்கிறது. ஐ.சி.ஐ.சி.ஐ வங்கியிலிருந்து மாதபி புச், வங்கி விதிகளின் படி பணி ஓய்வு பெற்றார். வங்கியின் விதிகளின்படி, ஓய்வுபெற்ற ஊழியர்கள் பத்து வருட காலத்திற்கு தங்கள் பணியாளர் பங்கு விருப்பங்களை (EPOP) பயன்படுத்தலாம். பணியிலிருந்து ராஜினாமா செய்தவர்களுக்குதான், 'மூன்று மாதங்களுக்குள் விருப்பத்தேர்வுகளைப் பயன்படுத்த வேண்டும்' என்ற நிபந்தனை இருக்கிறது.Hindenburg - SEBI தலைவர் மாதபி

அதேபோல, சீரற்ற ஓய்வூதியம் வழங்கப்படுவதாக குற்றச்சாட்டுகள் முன்வைக்கப்படுகிறது. ஐ.சி.ஐ.சி.ஐ ஓய்வூதியம் என்பது ஐ.சி.ஐ.சி.ஐ ப்ருடென்ஷியலின் பங்கின் வருடாந்திரத் திட்டத்தின் ஒரு பகுதி. அன்றைய சந்தை விலையைப் பொறுத்தும், வெவ்வேறு நிலைகளில் பணியாளர் பங்கு விருப்பங்கள் (ESOP) செயல்பாட்டின் காரணமாகவும் ஓய்வூதியம் மாறுபடும்.

எனவே, நாங்கள் நேர்மையான தொழில் வல்லுநர்கள். எங்கள் தொழில்முறை வாழ்க்கையை வெளிப்படைத்தன்மையுடனும், கண்ணியத்துடனும் நடத்தி, கறைபடாதவர்கள் என்ற சாதனையை சம்பாதித்துள்ளோம்.

உண்மைகளை சிதைப்பதற்கும், திரிப்பதற்கும், எங்கள் மீது அவதூறு வீசுவதற்கும் பலர் முயற்சிப்பதை பார்க்கிறோம். அது அனைத்தையும் தகர்க்க முடியும் என்பதில் நாங்களும் உறுதியாக இருக்கிறோம். இதுவரை, ஒவ்வொரு முறையும் புதிய பொய்களுடன் குற்றச்சாட்டுகள் முன்வைக்கப்படுகின்றன. உண்மைகளைத் திரித்து, மீண்டும் மீண்டும் பொய்யான கதைகளை உருவாக்குவது மட்டுமே அவர்களின் நோக்கம் என்பதை இதன் மூலம் தெளிவுபடுத்துகிறோம்" எனக் குறிப்பிடப்பட்டிருக்கிறது.மோசடி: நடிகை கைது; திரைப்பிரபலங்களையும் விடாத `அதிக லாபம்' என்ற ஆசை வார்த்தை - என்ன நடந்தது?


http://dlvr.it/TDD4cC

Read More

`சிறப்பாகச் செயல்படும் மாநிலங்களின் நிதியை மத்திய அரசு நிறுத்திவைக்கிறது' என்ற முதல்வரின் விமர்சனம்?

பழ.செல்வகுமார், மாநில துணைச் செயலாளர், சுற்றுச்சூழல் அணி, தி.மு.க

“பா.ஜ.க அரசின் காழ்ப்புணர்ச்சி அரசியலைத் தோலுரித்திருக்கிறார் முதல்வர். மாநிலங்களிலிருந்து வசூலிக்கப்படும் நிதியை, எப்படி மீண்டும் மாநிலங்களுக்குப் பகிர்ந்தளிக்க வேண்டும் என்பது தொடர்பான நிதி ஆணையத்தின் பரிந்துரைகளைப் புறந்தள்ளிவிட்டு, இந்த ஆண்டும் பா.ஜ.க மற்றும் அதன் கூட்டணிக் கட்சிகள் ஆளும் மாநிலங்களுக்குப் பல சிறப்புத் திட்டங்களையும், கூடுதல் நிதியையும் வாரி வழங்கியிருக்கிறது ஒன்றிய அரசு. கூடவே, அரசுத் திட்டங்களைச் சிறப்பாக செயல்படுத்தும் மாநிலங்களுக்குச் சொற்பமான நிதியை ஒதுக்கி வஞ்சித்திருக்கிறது. தமிழ்நாட்டில், இரண்டாம் கட்ட மெட்ரோ ரயில் திட்டத்துக்கான நிதியைக்கூட அறிவிக்கவில்லை. அதேபோல புதிய கல்விக் கொள்கையை ஏற்காத தமிழ்நாடு, பஞ்சாப், கேரளா உள்ளிட்ட மாநிலங்களுக்குக் கல்வி நிதியை ஒதுக்காமல் அடாவடி செய்கிறது மோடி அரசு. கடந்த ஆண்டு ஏற்பட்ட வெள்ளப் பேரிடர் இழப்புகளைச் சீரமைக்க தமிழ்நாடு கேட்ட நிதியைக்கூட இன்னமும் தரவில்லை. `தமிழக மக்களின் வரிப்பணம் மட்டும் வேண்டும்... ஆனால், திரும்பத் தர மாட்டோம்’ என்பது காலனியாதிக்க மனநிலை. தங்கள் வெறுப்பு அரசியலால் சாதிக்க முடியாததை, இப்படியான நெருக்கடிகள் மூலமாகச் சாதிக்கத் துடிக்கிறார்கள். இவர்களின் பகல் கனவுகளைத் தகர்த்து, மறுக்கப்படும் மாநில உரிமைகள் அனைத்தையும் சட்டப் போராட்டத்தின் மூலம் பெற்றே தீரும் நமது திராவிட மாடல் அரசு!” பழ.செல்வகுமார், ஏ.பி.முருகானந்தம்

ஏ.பி.முருகானந்தம், மாநில பொதுச்செயலாளர், பா.ஜ.க

“முதல்வரின் கருத்தில் உண்மை இல்லை. மத்திய பா.ஜ.க அரசு, நாட்டிலுள்ள அனைத்து மாநிலங்களையும் ஒரே மாதிரிதான் பார்க்கிறது. எதிர்க்கட்சியினர்தான் அரசியலுக்காக இல்லாத கதைகளையெல்லாம் சொல்லி மக்களை ஏமாற்றிக் கொண்டிருக்கிறார்கள். மத்திய அரசின் பிரதமரின் வீட்டு வசதித் திட்டத்தின்கீழ் தமிழக கிராமப்புறப் பகுதியில் மட்டும் 6.8 லட்சம் வீடுகள் கட்டிக்கொடுக்கப்பட்டிருக்கின்றன. `தூய்மை இந்தியா’ திட்டத்தின்கீழ் 58 லட்சம் கழிவறைகள், `முத்ரா’ திட்டத்தின்கீழ் 2.67 லட்சம் கோடி ரூபாய் உத்தரவாதமில்லாத கடன் எனப் பல திட்டங்கள் கிடைத்திருக்கின்றன. தற்போது வரை நிதி ஆணையத்தின் பரிந்துரையின்படி, தமிழகத்துக்கு 6.99 லட்சம் கோடி ரூபாய் நிதி ஒதுக்கப்பட்டிருக்கிறது. அதேபோல தேசிய நெடுஞ்சாலைத் திட்டத்துக்கு 37,965 கோடி, அனைவருக்கும் கல்வித் திட்டத்துக்கு ரூ.11,116 கோடி, வீட்டு வசதித் திட்டத்துக்கு 4,739 கோடி என மத்திய பா.ஜ.க அரசு தமிழகத்துக்கு நிதி ஒதுக்காத திட்டங்களே கிடையாது. இவை தவிர, விவசாயிகள் உதவித்தொகை, வீடுதோறும் குடிநீர் இணைப்பு, வந்தே பாரத் ரயில்கள், மக்கள் மருந்தகம் போன்ற பல திட்டங்களையும் மத்திய அரசு செயல்படுத்திவருகிறது. இதையெல்லாம் மறைத்துவிட்டு, தமிழகத்துக்கு ஒரு ரூபாய்கூட மத்திய அரசு நிதி கொடுப்பதில்லை என்பது போன்ற ஒரு பிம்பத்தை ஏற்படுத்தப் பார்க்கிறார்கள். அதையெல்லாம் மக்கள் புறந்தள்ள வேண்டும்.”


http://dlvr.it/TDCWdt

Read More

புது பஞ்சாயத்து... Udhayanidhi-யிடம் குமுறிய Anbil? & EPS-ன் டார்கெட்?! | Elangovan Explains

பள்ளிக்கல்வித்துறையை சுற்றி வெடித்திருக்கிற விவகாரங்களை, தனி ரிப்போர்ட்டாக சிஎம் டேபிளுக்கு அனுப்பி இருக்காங்க சில ஐஏஎஸ் அதிகாரிகள். 'வான்டடாக தன்னை டார்கெட் பண்றாங்க' என்று, அப்செட்டில் இருக்கிறார் அன்பில். தன்னுடைய மனக்குமுறல்களை உதயநிதி கிட்ட பகிர்ந்து இருக்கிறார். அதற்கு உதயநிதி என்ன சொன்னார் தெரியுமா?! எடப்பாடி போடுகின்ற சென்னை ஆக்சன் பிளான். இங்கேயும் சீனியர்கள் புகைச்சல். குறிப்பா வருத்தத்தில் இருக்கிற ராஜேந்திர பாலாஜி.

திருமா பற்ற வைத்த அரசியல் வெடி சமாதான முயற்சியில் ஸ்டாலின்...

நிறைய பின்னணிகள் நிறைந்த காணொலி...

 காணொலியை முழுமையாக காண லிங்கை கிளிக் செய்யவும். 


http://dlvr.it/TDCFYG

Read More