மிஸ்ஸாகும் குற்றவாளிகள்... Velumani-க்கு உதவுகிறதா DMK?! | Elangovan Explains

உதயநிதி ஸ்டாலின் துணை முதலமைச்சராவது தள்ளிப்போக 7 முட்டுக்கட்டைகள் காரணமாக உள்ளது.

இன்னொரு பக்கம், எஸ்.பி வேலுமணி மீது புதிய வழக்கு போடப்பட்டுள்ளது. அதே நேரத்தில் மிஸ்ஸாகும் குற்றவாளிகள். இந்த வழக்கில் பெரிதாக ஆர்வம் காட்டாத ஆளும் தி.மு.க.

'ஒரே நாடு ஒரே தேர்தல்' திட்டத்தை நிறைவேற்ற, பா.ஜ.க-வுக்கு பலம் இருக்கிறதா? இன்னொரு பக்கம்,தமிழர் புகழ் பரப்பும் சிந்துவெளி பண்பாடு. இதன் முழுமையான பின்னணிகள்!


http://dlvr.it/TDVXG3

Read More

ONOE: ”ஒரே நாடு, ஒரே தேர்தல் மூலமாக மாநில உரிமைகளைப் பறிக்கிறது பாஜக" - கனிமொழி கண்டனம்

தஞ்சாவூரில் ‘கலைஞர் 100 வினாடி – வினா’ போட்டி நடைபெற்றது. அந்நிகழ்ச்சியில் கனிமொழி எம்.பி., கலந்துகொண்டார். அதற்குப் பிறகுச் செய்தியாளர்களிடம் பேசியவர், "ஒரே நாடு, ஒரே ரேஷன், ஒரே மொழி இப்படியாக எல்லாவற்றையும் மாற்றிக்கொண்டு வருகிறார்கள். அதன் மூலமாக மாநிலங்களுக்கான உரிமையைக் கொஞ்சம் கொஞ்சமாகப் பறிக்க வேண்டும் என பா.ஜ.க., அரசு செயல்படுகிறது.கனிமொழி

தற்போது, ஒரே நாடு ஒரே தேர்தலால், மக்களுக்கு என்ன பயன்?, மக்களால் தேர்ந்தெடுக்கப்பட்ட ஒரு ஆட்சியானது அதன் பதவிக்காலம் முடிவு பெறாத நிலையிலிருந்தால் என்ன செய்வது என்று யோசிக்காமல், தங்களுக்கு லாபம் தரக்கூடிய ஒன்றைச் செயல்படுத்த பா.ஜ.க., நினைக்கிறது. மேலும், தங்களின் கருத்துக்களை நாடு முழுவதும் திணிக்க வேண்டும் என்ற எண்ணத்தோடு பா.ஜ.க.,வினர் செயல்படுகிறார்கள்.

ஆனால், முதல்வர் ஸ்டாலினும், தி.மு.க.,-வும் இதை எதிர்க்கிறது. நாட்டின் ஜனநாயகத்திற்கும், மாநில உரிமைகளுக்கும் எதிராக இருப்பதை தி.மு.க., ஏற்றுக்கொள்ளது. தூத்துக்குடி துப்பாக்கிச் சூட்டிற்கு உத்தரவிட்ட அதிகாரிக்குப் பதிவு உயர் வழங்கப் பட்டுள்ளது தொடர்பாக, விசாரணை நடத்தித் தீர்வு காணப்படும்." என்றார்.


http://dlvr.it/TDTrpj

Read More

Tollgate கொள்ளை... ரூ.1 லட்சம் கோடி டார்கெட்... நேரடி Live Report

டோல்கேட்டுகள் இந்திய மக்களுக்கு நன்மையா ...சுமையா?

டோல்கேட்டுகள், இன்றைக்கு வழிப்பறி கொள்ளையாக மாறி இருக்கிறது என்ற மக்களின் வேதனை குரல்களை கேட்க முடிகிறது. மோசமான சாலைகள் ஆனாலும் மாறாத கட்டண கொள்ளை... இந்தாண்டு மட்டும் கிட்டத்தட்ட ரூ 64 ஆயிரம் கோடி வசூலாகியுள்ளது. ரூ 1,30,000 கோடியை டார்கெட்டாக வைத்துள்ளனர். டோல்கேட்டுகளின் முழுமையான உண்மைத்தன்மையை அறிந்துக் கொள்ள, கார் பயணம் மேற்கொண்டோம். ஒவ்வொரு Tollgate-களும் பகீர் கிளப்பின. அதன் முழுமையான Shock Live Report!


இந்த சர்வேயில் கலந்து கொள்ளுங்கள்... உங்களின் மொபைல் எண் அல்லது இமெயில் ஐடிக்கு  books.vikatan.com-ன் தள்ளுபடி கூப்பன் கோடு அனுப்பப்படும்.Loading…


http://dlvr.it/TDT7j4

Read More

ஆம்ஸ்ட்ராங் கொலை: செல்வப்பெருந்தகைக்கு தொடர்பு? - பகுஜன் சமாஜ் போர்க்கொடியால் நெருக்கடி?

பகுஜன் சமாஜ் கட்சியின் மாநிலத் தலைவராக இருந்தவர், ஆம்ஸ்ட்ராங். அவரை கடந்த ஜூலையில் ஒரு கும்பல் வெட்டி படுகொலை செய்தது. அதுதொடர்பாக பலரை கைது செய்து போலீஸார் விசாரித்து வருகிறார்கள். இந்த சூழலில்தான் ஆம்ஸ்ட்ராங் கொலை வழக்கில் தமிழக காங்கிரஸ் கமிட்டி தலைவர் செல்வப்பெருந்தகைக்கும் தொடர்பு இருப்பதாகவும், அவரைக் கட்சியிலிருந்து நீக்க வேண்டும்' என தமிழக பகுஜன் சமாஜ் போர்க்கொடி தூக்கியிருக்கிறது. செல்வப்பெருந்தகை

இதுகுறித்து அகில இந்திய காங்கிரஸ் மூத்த தலைவர் ராகுல் காந்திக்கு பகுஜன் சமாஜ் கட்சியின் மாநில பொதுச்செயலாளர் ஜெய்சங்கர் எழுதியிருக்கும் கடிதத்தில், "செல்வப்பெருந்தகை 2008 முதல் 2010 வரை பகுஜன் சமாஜ் கட்சியின் மாநில தலைவராக இருந்தார். மேலும் அவர் புரட்சி பாரதம், புதிய தமிழகம் கட்சி, விடுதலை சிறுத்தைகள் கட்சி ஆகிய அரசியல் கட்சிகளிலும் இருந்திருக்கிறார். ஆடிட்டர் பாண்டியன் கொலை வழக்கு உள்ளிட்ட பல வழக்குகளில் இவர்மீது குற்றம்சாட்டப்பட்டிருக்கிறது. மேலும், இவர் வட தமிழகத்தில் ரியல் எஸ்டேட் பிசினஸ் உள்ளிட்டவற்றில் ரெளடி கும்பல்களை பயன்படுத்தியிருக்கிறார்.

ரெளடி கும்பல் தலைவர் நாகேந்திரன் ஆயுள் தண்டனையில் வேலூர் சிறையில் இருக்கிறார். அவரின் மகன் அஸ்வத்தாமன் தான் தமிழக இளைஞர் காங்கிரஸின் முதன்மைச் செயலாளர். இவர், நாகேந்திரனுக்கும், செல்வப்பெருந்தகைக்கும் நிறைய வேலைசெய்திருக்கிறார். அஸ்வந்த்தாமனுக்கு பதவி கொடுத்தது செல்வப்பெருந்தகைதான். மேலும் இவர் கொலை மிரட்டல் விடுவது, தொழிலதிபர்களிடம் பணம் கேட்டு மிரட்டுவது என பல செயல்களில் ஈடுபட்டிருக்கிறார். அதில் வரும் பணத்தை செல்வப்பெருந்தகையுடன் ஷேர் செய்திருக்கிறார். இதுபோன்ற கும்பலின் உதவியுடன் செல்வப்பெருந்தகை இந்தக் கொலை சம்பவத்துக்குத் திட்டம் தீட்டியிருக்கிறார்.ஆம்ஸ்ட்ராங்

தற்போது தமிழக மக்கள் மற்றும் சமூக வலைதளங்களில் பலரின் கேள்வி, ஆம்ஸ்ட்ராங் கொலை வழக்கில் செல்வப்பெருந்தகை ஏன் இன்னும் கைதுசெய்யப்படவில்லை?. ஏனெனில், ஆளும் திமுக கூட்டணியில் அங்கம் வகிக்கும் காங்கிரஸ் கட்சியின் மாநில தலைவர் என்பதால் காவல்துறை தயக்கம் காட்டுகிறது. எனவே, செல்வப்பெருந்தகையை கட்சிப் பொறுப்பிலிருந்து நீக்குமாறு கேட்டுக்கொள்கிறேன். அப்படி நீக்கினால்தான் தமிழக மக்கள் மத்தியில் காங்கிரஸின் மதிப்பு நீடிக்கும்" என தெரிவித்துள்ளார். இந்த கடிதம் தமிழக அரசியலில் பெரும் பரபரப்பை ஏற்படுத்தியிருக்கிறது. இந்த சூழலில் கடிதம் தொடர்பாக கருத்து தெரிவித்துள்ள செல்வப்பெருந்தகை, "ஆம்ஸ்ட்ராங் கொலை வழக்கிற்கும் எனக்கும் எந்த சம்பந்தமும் இல்லை. அதற்கு நான் பதில் அளிக்க விரும்பவில்லை" என தெரிவித்துள்ளார்.

இந்த விவகாரத்தில் செல்வபெருந்தகை கருத்து சொல்வதை தவிர்த்து இருந்தாலும், அரசியல் ரீதியாக இந்த குற்றச்சாட்டு தற்போது அவருக்கு நெருக்கடியை ஏற்படுத்தி உள்ளது. இந்த விவகாரம் குறித்து பகுஜன் சமாஜ் கட்சியின் மாநில நிர்வாகி நேரடியாக ராகுல் காந்திக்கும் காங்கிரஸ் தலைவர் மல்லிகார்ஜுன் கார்க்கே வுக்கும் கடிதம் அனுப்பி உள்ளதால், அங்கு செல்வப்பெருந்தகை பதில் சொல்ல வேண்டிய அவசியம் ஏற்பட்டுள்ளது. இதனால் அரசியல் ரீதியாக செல்வப் பெருந்தகைக்கு இந்த விவகாரம் நெருக்கடியை ஏற்படுத்தி உள்ளது என்பது அரசியல் நோக்கர்களின் கருத்தாக உள்ளது.மைத்ரேயன் வழியில் நயினார்? - இன்னொரு கட்சித் தாவல் சர்ச்சை!


http://dlvr.it/TDT7R1

Read More

Gurpatwant: குர்பத்வந்த் சிங்கை கொல்ல இந்தியா சதி? - சம்மன் அனுப்பிய அமெரிக்கா.. இந்தியா கூறுவதென்ன?

இந்தியாவில் தடைசெய்யப்பட்ட காலிஸ்தான் அமைப்பான நீதிக்கான சீக்கியர் (Sikhs for Justice) அமைப்பின் தலைவர் குர்பத்வந்த் சிங் பன்னுன் கொலை முயற்சி வழக்கில், அமெரிக்க நீதிமன்றம் இந்திய அரசாங்கம் மற்றும் உயர் மட்ட அதிகாரிகளுக்கு சம்மன் விடுத்துள்ளது.

தேசிய பாதுகாப்பு ஆலோசகர் அஜித் தோவல் மற்றும் முன்னாள் ஆராய்ச்சி மற்றும் பகுப்பாய்வு பிரிவு (Research and Analysis Wing - RAW) தலைவர் சமந்த் கோயல் உள்ளிட்ட அதிகாரிகளுக்கு சம்மன் அனுப்பப்பட்டுள்ளது.

இந்திய அரசின் மீது வைக்கப்படும் சதிதிட்டக் குற்றச்சாட்டுகள் அடிப்படை ஆதாரமற்றவை எனக் கூறியுள்ளார், வெளியுறவு செயலாளர் விக்ரம் மிஸ்ரி.Vikram misri

"இது முற்றிலும் ஆதாரமற்றது. இந்தக் குறிப்பிட்ட வழக்கு பதிவுசெய்யப்பட்டுள்ளதனால் அடிப்படை விஷயங்களைப் பற்றி எங்கள் பார்வை மாறாது. நான் உங்கள் கவனத்தை இந்த வழக்கின் பின்னணியில் இருக்கும் நபரின் பக்கமே திருப்புகிறேன், அவருடைய முன்னோடிகள் யார் என அனைவருக்கும் தெரியும்.

அந்த நபர் பிரதிநிதித்துவம் செய்யும் அமைப்பு, சட்டத்துக்குப் புறம்பானது. இந்தியாவின் இறையாண்மை மற்றும் பிராந்திய ஒருமைப்பாட்டை சீர்குலைக்கும் நோக்கில் தேசவிரோத மற்றும் நாசகார நடவடிக்கைகளில் ஈடுபட்டதன் காரணமாக சட்டத்துக்குப் புறம்பான நவடிக்கைகள் தடுப்புச் சட்டம் 1967ன் (Unlawful Activities Prevention Act of 1967) கீழ் சட்டத்துக்குப் புறம்பான அமைப்பாக அறிவிக்கப்பட்டுள்ளது." எனக் குறிப்பிட்டிருக்கிறார்.

அமெரிக்க அரசு, கொலை வழக்கில் குற்றம்சாட்டப்பட்ட நிகில் குப்தா மற்றும் விக்ரம் யாதவ் ஆகிய 2 பேருக்கும் சம்மன் அனுப்பியிருக்கிறது.

இதில் நிகில் குப்தா கடந்த ஆண்டே செக் குடியரசில் கைது செய்யப்பட்டு அமெரிக்க அரசின் கோரிக்கையின்படி அமெரிக்காவுக்கு அழைத்துச் செல்லப்பட்டு சிறையில் அடைக்கப்பட்டுள்ளார்.

மற்றொருவரான விக்ரம் யாதவ், ரா (RAW) அதிகாரி. இவர் பன்னுன் கொலை முயற்சியின் பின்னணியில் செயல்பட்டதாகவும், இதற்கு அப்போதைய RAW தலைவர் சமந்த் கோயல் அனுமதியளித்ததாகவும் வாஷிங்டன் போஸ்ட் பத்திரிகைத் தெரிவிக்கிறது.

பன்னுனைக் கொல்லும் சதித்திட்டத்தில் இந்திய முகவர்கள் ஈடுபட்டதாகக் கூறுவது தேவையற்ற மற்றும் ஆதாரமற்ற குற்றச்சாட்டு எனக் கூறி இந்திய அரசு இதனை நிராகரித்துள்ளது.

குர்பத்வந்த் சிங் பன்னுன் அமெரிக்கா மற்றும் கனடா ஆகிய நாடுகளில் குடியுரிமைப் பெற்றுள்ளார். இந்தியாவில் தீவிரவாத நடவடிக்கைகளுக்காக தேடப்படும் நபராக இருக்கிறார்.Manipur: மீண்டும் வன்முறை, ஊரடங்கு; ராக்கெட், ட்ரோன் மூலம் தாக்குதல் - மணிப்பூரில் என்ன நடக்கிறது?


http://dlvr.it/TDSnm1

Read More

”கூட்டணியில் எந்த நேரத்தில் என்ன பேச வேண்டும் என்பது எங்களுக்கு தெரியும்” - சொல்கிறார் திருமாவளவன்!

கும்பகோணம் பகுதியில் பல்வேறு நிகழ்ச்சிகளில் கலந்துகொள்ள வந்த வி.சி.க தலைவர் திருமாவளவன் செய்தியாளர்களைச் சந்தித்து கூறியதாவது, ``தி.மு.க., கூட்டணிக்குள் இருக்கின்ற ஒவ்வொரு கட்சியும், பல ஆண்டுகள் அனுபவம் பெற்றவை. வி.சி.க தேர்தல் அரசியலுக்கு வந்து கால் நுாற்றாண்டு கடந்து விட்டது. எனவே, கூட்டணியில், எந்த நேரத்தில் என்ன பேச வேண்டும், என்ன கோரிக்கை வைக்க வேண்டும் என்பது எங்களுக்குத் தெரியும். தேர்தல் அரசியலில் அடியெடுத்து வைத்தபோது, ஆட்சியில் பங்கு, அதிகாரத்திலும் பங்கு என்று தான் முழக்கமிட்டோம். எனவே, விழிப்புணர்வு இல்லாத கட்சி அல்ல நாங்கள். திருமாவளவன்

இது பல ஆண்டுகளைக் கண்ட காங்கிரஸ், கம்யூனிஸ்ட் கட்சிகளுக்கும் தெரியாதது இல்லை. தி.மு.க கூட்டணிக்குள் இருப்பவர்கள் அரசியல் பேசுவதை, கூட்டணிக்கு வெளியில் இருப்பவர்கள் அரசியலாக்குவது ஏற்புடையதல்ல. அது சூது, சூழ்ச்சி நிறைந்த அரசியலாகும். டில்லியில், இருப்பதைப் போல ஒரு கூட்டணி ஆட்சி, தமிழகத்தில் உருவாக வேண்டும் என்றால், தமிழகத்தை ஆண்ட, ஆளுங்கட்சியாக இருக்கின்ற தி.மு.க, அ.தி.மு.க இன்னும் தனித்து ஆட்சி செய்யக்கூடிய, அதிகாரத்தை பகிர்ந்தளிக்க இயலாத நிலையில் மக்கள் ஆதரவை பெற்று இருக்கிறார்கள் என பொருள்.

தமிழகத்தில் பா.ஜ.க-வால் அரசியல் செய்ய முடியவில்லை. தனித்து அவர்களால் குறிப்பிட்ட வாக்கு வங்கியை உருவாக்க முடியவில்லை. தி.மு.க அல்லது அ.தி.மு.க-வோடு ஆட்சி அதிகாரத்தை பகிர்ந்து கொள்ள முடியவில்லை என்ற வயிற்று எரிச்சலால், ஹெச்.ராஜா புலம்பி வருகிறார். இந்த ஆட்சியின் மீது மக்கள் வைத்திருக்கும் நம்பிக்கையை சீர்குலைக்க வேண்டும் என்பது தான் ஆளுநரின் திட்டம்.

இந்தியாவிலேயே மிகச் சிறப்பான கல்வித் திட்டத்தையும், உயர் கல்வி படிப்பதற்கான அனைத்து கட்டமைப்பு வசதிகளையும் கொண்ட ஒரே மாநிலம் தமிழகம். வட மாநிலங்களில், இருந்து மருத்துவம், பொறியியல் போன்ற கல்விக்கு ஏராளமானவர்கள் தமிழகத்திற்கு வருகிறார்கள். தமிழகத்தின் கல்வி தரம் தாழ்ந்து போய்விட்டது என ஆளுநர் அரசியலுக்காக விமர்சனம் செய்கிறார். அவர் அரசியல்வாதியாகத்தான் இருக்கிறாரே தவிர, தான் ஒரு ஆளுநர் என்பதையே மறந்துவிட்டார்" என்றார்.


http://dlvr.it/TDSJ0B

Read More

Exclusive: Jayalalitha Helicopter-ஐ இறக்க மறுத்த Pilot பதறிய சசிகலா! - Rabi Bernard Interview

தொலைக்காட்சி பேட்டியின் முன்னோடியாகத் திகழ்ந்தவர் ரபி பெர்னார்ட். இவர் பல்வேறு அரசியல் தலைவர்கள் முதல் பலரையும் `நேருக்கு நேராக' பேட்டி கண்டிருக்கிறார். அதிமுக ஆட்சிக் காலத்தில் முன்னாள் முதல்வர் ஜெயலலிதாவுக்கு அறிக்கை எழுதுவது, அவருடன் தேர்தல் சுற்றுப்பயணம் மேற்கொள்வது போன்ற பணிகளிலும் இருந்திருக்கிறார். அதிமுக ஆட்சியின்போது நாடாளுமன்ற உறுப்பினராகவும் தேர்ந்தெடுக்கப்பட்டார். அவர் விகடனுக்காகக் கொடுத்த ஸ்பெஷல் பேட்டியில், அதிமுக-வின் எதிர்காலம், ஜெயலலிதாவுடன் பயணித்த அனுபவம், அப்பலோ நாட்கள் என அனைத்தும் மனம் திறந்து பேசியுள்ளார் ரவி பெர்னார்ட்.

முழுமையாக அவரது பேச்சைக் காண லிங்கை கிளிக் செய்யவும்.


http://dlvr.it/TDRY0k

Read More