கொடைக்கானல்: பல அடி தூரத்திற்கு ஏற்பட்ட நிலப்பிளவால் மக்கள் அச்சம்; மாவட்ட நிர்வாகம் விளக்கம்

தமிழகத்தின் முக்கிய சுற்றுலா தளங்களில் ஒன்றான கொடைக்கானல் மலையில் விதியை மீறி மரங்களை அழித்து அதிக கட்டங்கள் கட்டப்படுகின்றன. கனரக இயந்திரங்களை வைத்து மலைகள் வெட்டப்பட்டுத் தங்கும் விடுதிகளுக்கான கட்டுமான பணிகள் நடத்தப்படுகின்றன.கொடைக்கானல்

இதற்கிடையே வயநாட்டில் ஏற்பட்ட நிலச்சரிவைத் தொடர்ந்து கொடைக்கானலைச் சேர்ந்த சமூக ஆர்வலர்கள் கொடைக்கானலில் நிலச்சரிவு அபாயம் உள்ளதாகவும், அதைத் தடுக்க முன்னெச்சரிக்கை நடவடிக்கை தேவை எனவும் வலியுறுத்தி வருகின்றனர். இந்நிலையில் கொடைக்கானல் கிளாவரைக் கிராமத்தில் பெரிய அளவில் நிலத்தில் பிளவு ஏற்பட்டுள்ளது. இதனால் அப்பகுதி மக்கள் நிலச்சரிவு அபாயம் ஏற்படுமோ என்ற அச்சத்தில் உள்ளனர்.

திண்டுக்கல் மாவட்டம் கொடைக்கானல் மேல்மலை கிராமங்களில் கடைசி கிராமமாகக் கிளாவரை உள்ளது. இக்கிராமத்தின் ஒரு பகுதி கீழ் கிளாவரை என அழைக்கப்படுகிறது. கீழ் கிளாவரைப் பகுதியில் செருப்பன ஓடை உள்ளது. கடந்த மூன்று நாட்களுக்கு மேலாகத் தண்ணீர் வராததால் குழப்பம் அடைந்த கீழ் கிளாவரை மக்கள் செருப்பன ஓடை பகுதிக்குச் செல்லும் வழியில் ஏதேனும் அடைப்பு ஏற்பட்டுள்ளதா எனப் பார்க்கச் சென்றனர்.நிலப்பிளவு

அப்போது கீழ் கிளாவரை வரை பகுதியிலிருந்து வனப்பகுதி வழியாகவே செல்லும் போது கூனிப்பட்டி என்ற வனப்பகுதியில் 300 அடி நீளத்திற்கு மிகப்பெரிய பிளவு நிலத்தில் ஏற்பட்டுள்ளதைக் கண்டு அதிர்ச்சி அடைந்துள்ளனர். மேலும் நிலத்தில் பிளவு ஏற்பட்டிருந்தாலும் அதனுடைய ஆழம் இதுவரை தெரியவில்லை நிலத்தில் பிளவு ஏற்பட்டதற்கான காரணம் என்ன என்பது புரியாமல் குழப்பத்தில் கிராம மக்கள் இருந்த நிலையில், இது குறித்த வீடியோ காட்சிகள் சமூக வலைத்தளங்களில் வைரல் ஆனது.

இந்த காட்சிகளில் தாங்கள் இதுவரை இதுபோன்ற ஒரு நிலப்பிளவை பார்த்ததில்லை என்றும் இதனால்தான் தண்ணீர் வரவில்லை என்றும் அப்பகுதி மக்கள் கூறுகின்றனர். நிலப் பிளவு ஏற்பட்டதற்குக் காரணம் நில அதிர்வா அல்லது ஏதேனும் காரணங்கள் உள்ளதா என்று ஆய்வுகள் மேற்கொள்ள வேண்டும் என்று கிராம மக்கள் வலியுறுத்தியுள்ளனர். கொடைக்கானல்

இதையடுத்து மாவட்ட நிர்வாகம் சார்பில், "கொடைக்கானல் மக்கள் அச்சம் கொள்ளத் தேவையில்லை. முதற்கட்ட ஆய்வில் கொடைக்கானலில் நில அதிர்வு ஏற்படவில்லை என்பது தெரியவந்துள்ளது. இருப்பினும் முழுமையாக ஆய்வுகள் மேற்கொள்ள ஏற்பாடுகள் செய்யப்பட்டுள்ளன." எனத் தெரிவிக்கப்பட்டுள்ளது.


http://dlvr.it/TDWdNp

Read More

Srilanka Election: மும்முனை போட்டி; தமிழ் கட்சிகளின் நிலைப்பாடு - பத்திரிகையாளர் சிவராமசாமி பேட்டி

இலங்கையில் ஜனாதிபதி தேர்தலுக்கான வாக்கு எண்ணிக்கை தொடங்கியிருக்கிறது. இந்த சூழ்நிலையில் மக்கள் யாரை ஆதரிக்கிறார்கள், தேர்தல் பிரச்சாரங்கள் எவ்வாறு இருந்தது, மும்முனைப் போட்டிதான் நிலவுகிறதா, தேர்தல் முறையாக நடக்குமா போன்றவற்றைப் பற்றி தெரிந்து கொள்ள 'தமிழர்' பத்திரிகையின் ஆசிரியர் திரு. சிவராமசாமி அவர்களைக் களத்தில் விகடன் சார்பாகச் சந்தித்து பேட்டி எடுத்தோம்.

மக்கள் ஆர்வமாக வாக்கு செலுத்த வாக்கு சாவடிக்குச் செல்கின்றனர்? இலங்கைக்கு இந்த தேர்தல் எவ்வளவு முக்கியம்?

இன்றைய நாளைப் பொறுத்தவரை உலகமே பார்த்துக் கொண்டிருக்கிறது. இலங்கையைப் பொறுத்தவரை இது பொருளாதார நெருக்கடியில் இருந்து மீள்வதற்கான ஒரு தேர்தல். ஏற்கனவே கோத்தபய ராஜபக்சே ஆட்சியில் ஏற்பட்ட பொருளாதார நெருக்கடியில் பாதியை ரணில் சரி செய்துவிட்டார். பாராளுமன்றத்தால் தெரிவு செய்யப்பட்டுதான் ரணில் ஜனாதிபதியாக இருந்தார். தற்பொழுது அவர் மக்களிடம் சென்று கேட்கிறார், தனக்கு அடுத்த ஐந்தாண்டு காலப்பகுதியைத் தாருங்கள் நான் இதை முழுவதுமாக நிவர்த்தி செய்ய வேண்டும் என்று.

அதேபோல பிரதான இரண்டு வேட்பாளர்கள் தேசிய மக்கள் சக்தியின் வேட்பாளர், ஐக்கிய மக்கள் சக்தியின் சஜித் ஆகிய இருவரும் கேட்கிறார்கள் எங்களுக்கும் ஒரு வாய்ப்பு தாருங்கள். எங்களிடம் பல திட்டங்கள் இருக்கிறது. நாங்கள் இவரை விட பல நல்லவைகளைச் செய்வோம். வரி குறைப்பு செய்வோம், வருமானத்தை அதிகரிப்போம், ஏற்றுமதியை அதிகரிப்போம், தேவையில்லாத செலவுகளைக் குறைப்போம், லஞ்ச ஊழல்களைக் குறைப்போம் என அவர்களும் ஒரு திட்டத்தைச் சொல்கின்றனர். எனவே ஒரு கடுமையான போட்டி சிங்களர்கள் மத்தியிலும் தமிழர்கள், முஸ்லிம்கள் மத்தியிலும் கூட இந்த தேர்தலில் யார் வெல்வார் என்ற எதிர்பார்ப்பு அதிகமாக நிலவுகிறது. அதேபோல் பிராந்திய ரீதியாகவும் தங்களுடைய நாட்டுக்கு நன்மைகள் தீமைகள் என்னென்ன வரும் என்ற ஒரு எதிர்பார்ப்பும் இருக்கிறது. எனவே இந்த தேர்தல் மிக முக்கியமான தேர்தலாக இருக்கிறது.

மும்முனை போட்டியாக இருக்கிறதா?

ஆமாம், தற்பொழுது மும்முனை போட்டியாக உள்ளது. ஆரம்பத்தில் அப்படி ஒரு போட்டி இருக்கவில்லை. இரண்டு முனை போட்டிகளாக இருந்தது. தற்பொழுது மும்முனை போட்டியாக மாறிவிட்டது.

மும்முனைப் போட்டியில் யாருக்கும் மெஜாரிட்டி கிடைக்கவில்லை என்றால் என்ன ஆகும்?

முதன்மை சுற்றில் பெரும்பான்மை கிடைக்கவில்லை என்றாலும் கூட இரண்டாவது சுற்று எண்ணும்போது அதில் யாருக்கு கூட வந்திருக்கும் அதன் அடிப்படையில் ஒரு தீர்மானத்திற்கு வரலாம். ஆனால் அந்த தீர்மானத்தை மற்ற தரப்புகள் அல்லது போட்டியிட்ட இதர தரப்புகள் ஏற்குமா என்ற ஒரு பிரச்னை இருக்கிறது. ஆனால் இன்றைக்கு இருக்கும் நிலையில் அவர்கள் ஏற்கும் நிலையில் இல்லை ஏனென்றால் எல்லோருமே அறிவிச்சிட்டாங்க நாங்க ஆட்சியைக் கைப்பற்றுவோம், வேறு கட்சியினர் கூட ஒரு கட்சி அமைச்சரவை வந்தால் உடனே ஒரு தற்காலிக அமைச்சரவை அமைப்போம் என்ற முடிவை எடுத்து விட்டார்கள். பாராளுமன்றத்தைக் கலைத்து விடுவோம் என்ற முடிவையும் எடுத்து விட்டார்கள். எனவே இது தேர்தல் ஆணைக் குழுவின் கையில்தான் இருக்கிறது.

தேர்தல் ஆணையத்தைப் பொருத்தவரை அவர்கள் எப்படி செயல்பட்டு வருகிறார்கள்?

தேர்தல் ஆணையத்தைப் பொருத்தவரை அவர்கள் மிகவும் பொறுப்பாகச் செயல்பட்டு வருகிறார்கள். இந்த முறை அவர்கள் அரசியல் சார்பற்ற தன்மையுடன்தான் செயல்பட்டு வருகிறார்கள். அவர்கள் சில மிகப்பெரிய பொறுப்புகளைச் செய்து வருகிறார்கள். யாழ்பாணத்தில் ஒரு தீவில் எலக்சன் நடத்தினால் அங்கிருந்து ஹெலிகாப்டர் மூலம் வாக்கு பெட்டிகளைக் கொண்டு வருகிறார்கள். அப்படி அவர்கள் சில கடினமான செயல்களையும் செய்து வருகிறார்கள்.

இந்தியாவில் ஒருவர் ஒரு வாக்கு மட்டுமே செலுத்த முடியும் என்ற நிலை உள்ளது. ஆனால் இலங்கையில் ஒன்று, இரண்டு, மூன்று வாக்குகள் செலுத்தலாம் என்ற நிலை உள்ளதா?

ஆம், இலங்கையில் அப்படி ஒரு ஆப்ஷன் உள்ளது.

ஆனால் மக்கள் இரண்டு, மூன்று வாக்குகளைச் செலுத்த மக்கள் பழகி விட்டார்களா மக்களுக்கு அந்த Awareness போய் சேர்ந்து விட்டதா?

மக்களுக்கு உரிய அறிவுறுத்தல்களைக் கொடுத்தார்கள். அந்த அறிவுறுத்தல்கள் மக்களிடம் சென்று சேரவில்லை. போன முறை 7 லட்சம் வாக்குகள் செல்லுபடியற்ற வாக்குகள் செலுத்தப்பட்டது. அதேபோல இந்த முறை செல்லுபடியற்ற வாக்குகள் பத்து லட்சத்தைத் தாண்டலாம்.

இது பிரச்சினையாக மாறும் என்ற நிலை உள்ளதா? யார் வேண்டுமானாலும் குற்றம் சாட்டலாம் அல்லவா?

யார் வேண்டுமானாலும் குற்றம் சாட்டலாம், அதை ரீ கவுன்ட் கூட செய்யலாம். அவர்கள் கோர்ட்டுக்கு கூட செல்லலாம். ஆனால் தற்பொழுது 39 வேட்பாளர்கள் வேட்ப மனுத்தாக்கல் செய்துள்ளனர். அதில் ஒருவர் இறந்து விட்டதால் தற்பொழுது 38 வேட்பாளர்கள் உள்ளனர். இதில் பிரதான மூன்று வேட்பாளர்கள் இருந்தாலும் இதில் அதைவிட உதிரி வேட்பாளர்கள் இருக்கிறார்கள். கேபினட் மினிஸ்டர் இரண்டு பேர் போட்டி போடுகிறார்கள். மூத்த நீதி அமைச்சர் விஜயதாச ராஜபக்சே, அவர் ஜஸ்டிஸ் மினிஸ்டர் ஆக இருந்தார். அவருக்கு ஒரு குறிப்பிட்ட அளவு வரும். பெரிய அளவில் எதுவுமில்லை. அரியநேத்திரன், அவர் தமிழ் பொது வேட்பாளராக இருக்கிறார். அவர் அவருக்கு வரும் வாக்குகளை மற்றொருவருக்கும் போட சொல்லி இருப்பார்கள் அவருடைய ஆதரவாளர்கள். அதேபோல ஸ்போர்ட்ஸ் மினிஸ்டராக இருந்த பிரசாந்த் ராகசிங்கர், அவரும் போட்டியிடுகிறார். அவரும் சொல்லி இருப்பார் தனக்கும் இரண்டாவது ஆப்ஷனாக வாக்கு செலுத்த சொல்லி இருப்பார். ஆனால் அது எப்படி கவுன்ட் செய்யப்படும். மிகவும் முரணான வேலை முறை அதில் இருக்கு.

ரணில் சுயேட்சையாக போட்டியிடுகிறார்? சுயேட்சையாகப் போட்டியிடுபவருக்கு அவ்வளவு ஆதரவு கிடைக்குமா?

போன முறை அவர் ஐக்கிய தேசியக் கட்சியில்தான் கேட்டார். ஆனால் இந்த முறை சுயேட்சையாக வருவதை அறிவித்தாலும், இவரோட ஸ்ரீலங்கா பொதுஜன பெருமுனல் இருக்கிறார்கள். இதில் அவரோட அதிக எம்.பி.,க்கள் இருக்கிறார்கள். இரண்டாவது ஸ்ரீலங்கா சுதந்திர கட்சி, அந்த கட்சியில் மெஜாரிட்டி ஆட்கள் இவருடன் இருக்கிறார்கள். அதனுடன் லெப்டிஸ்ட் இருக்காங்க. இதை தவிர தமிழ் எம்.பி.,க்களும் ஆதரவாக இருக்கிறார்கள். மலையகத்தில் உள்ள கட்சிகளும் ஆதரவாக இருக்கிறார்கள். இப்படி எல்லா இடத்திலும் இருந்தும் ஆதரவு அளிக்கிறார்கள். நான் ராஜபக்‌ஷேவுடன் இருந்தேன் என்ற ஒரு பிராண்ட் வந்துட கூடாது என்பதற்காகத்தான் அவர் அவ்வாறு கூறுகிறார்.

தமிழர்கள் மூன்று பிரிவாக பிரிந்து உள்ளார்களா? தமிழர்களிடம் ஒற்றுமை இல்லாமல் இருக்கிறதா?

மூன்று பிரிவுகளை விட அதிகமாகப் பிரிந்து இருக்கிறார்கள். பொது வேட்பாளராக அறிவிக்கப்பட்ட பிறகும் கூட அந்தக் கட்சிக்குள்ளேயே ஒரு மனதான தீர்மானம் இல்லை. சஜித்தை நாங்கள் ஆதரிக்கிறோம் என்று ஒரு தரப்பு தமிழரசுக் கட்சி சொல்கிறார்கள். தமிழரசு கட்சியின் ஒரு பழைய முன்னாள் எம்.பி., பொது வேட்பாளராக இருக்கிறார். தமிழரசுக் கட்சியின் தலைவர் அரியணேந்திரனுக்கு ஆதரவளிக்கிறார். ஆனால் அவரே ரணிலைத் தனிப்பட்ட முறையில் சந்திக்கிறார். சந்தித்து நீங்கள் வெல்ல வேண்டும் என நினைக்கிறேன் என்று கூறுகிறார். அப்படி பல பக்கங்கள் இருக்கிறது இதில். தமிழ் தேசியம் என்ற போராட்டத்தை விற்று விட்டார்கள். கொச்சைப்படுத்தி விட்டார்கள் என்றுதான் அர்த்தம்.


http://dlvr.it/TDWNNc

Read More

`ஆளுங்கட்சி கூட்டணியில் இருந்துகொண்டு செய்யும்போது நெருடல் வரத்தான் செய்யும்!' - திருமாவளவன்

"தமிழ்நாட்டில் ஓர் ஆண்டுக்கு மது விற்பனை மூலம் 45 ஆயிரம் கோடி வருகிறது என்று எதிர்பார்க்கிறார்கள். மது பழக்கத்தால் நாட்டுக்கு சீரழிவு ஏற்படுகிறது. மனித வளம் அழிகிறது..." என்று விடுதலை சிறுத்தைகள் கட்சித் தலைவர் திருமாவளவன் பேசியுள்ளார். திருமாவளவன்

விடுதலை சிறுத்தைகள் கட்சி 30 ஆண்டுகளுக்கு முன் மதுரையில் தொடங்கியபோது கோ.புதூரில் முதன் முதலில் அமைக்கப்பட்ட கொடி கம்பத்தின் உயரத்தை அதிகப்படுத்தி, கடந்த வாரம் மீண்டும் கொடியேற்றும் நிகழ்ச்சி நடத்தவிருந்த நிலையில், மாவட்ட நிர்வாகம் போலீஸ் மூலம் அகற்றியது பரபரப்பை ஏற்படுத்தியது.


விடுதலை சிறுத்தைகள் கட்சியினர் போராட்டம் நடத்த, அப்போது மதுரை வந்திருந்த திருமாவளவன், கொடி கம்பத்தை அகற்ற மதுரை கலெக்டர் சங்கீதாதான் காரணம் என்று கடுமையான குற்றச்சாட்டு முன்வைத்தது பரபரப்பை ஏற்படுத்தியது. இந்த நிலையில் மீண்டும் கொடி கம்பம் விசிக நிர்வாகிகளிடம் ஒப்படைக்கப்பட்ட நிலையில், தென்மண்டல சிறப்பு செயற்குழு கூட்டத்துக்கு நேற்று மாலை மதுரை வந்த திருமாவளவன், கம்பம் அகற்றப்பட்ட அதே இடத்தில் கொடி ஏற்றினார். கொடி ஏற்றும் நிகழ்வில்

இந்த நிகழ்ச்சியை மதுரை மாவட்ட விசிக நிர்வாகிகள் பிரமாண்டமாக ஏற்பாடு செய்திருந்தனர். கிரேன் வைத்து மெகா சைஸ் மாலை திருமாவளவனுக்கு அளிக்கப்பட்டது. இதில் கொடி கம்பத்துக்காக போராட்டத்தில் ஈடுபட்டவர்களுக்கு பாராட்டு தெரிவிக்கும் வகையில் சால்வை அணிவித்து வாழ்த்து தெரிவித்தார்.

பின்பு செய்தியாளர்களிடம் பேசியவர், "ஒரே நாடு ஒரே தேர்தல் என்று தேசிய அளவில் ஒரு சலசலப்பை உருவாக்குவதற்கு பாஜக முயற்சிக்கிறது. ஒரே நாடு ஒரே தேர்தல் சட்டத்தை நிறைவேற்ற மூன்றில் இரண்டு பங்கு மாநிலங்கள் ஆதரவு தர வேண்டும். அதற்கு வாய்ப்பு குறைவு. ஒரே நாடு ஒரே தேர்தல் கோட்பாடு என்பது அடுத்தடுத்த ஆண்டுகளில் குடியரசுத் தலைவரின் ஆட்சியை திணிப்பதற்கான முயற்சி என அச்சப்படுகிறோம். இது தொடர்பாக முன்னாள் குடியரசுத்nதலைவர் ராம்நாத் கோவிந்தை சந்தித்து இந்த ஒரே நாடு ஒரே தேர்தல் முறையை கைவிட வேண்டும், நடைமுறைபடுத்த அனுமதிக்கக் கூடாது என விசிக சார்பில் மனு கொடுத்து வலியுறுத்தியுள்ளோம். ஒருமித்த கருத்துடைய அரசியல் சக்திகளோடு இணைந்து எதிர்ப்பை பதிவு செய்வோம்" என்றவரிடம்,

'திருப்பதி லட்டுவில் மாட்டுக்கொழுப்பு கலப்பு' தொடர்பான கேள்விக்கு, "பெரும்பாலான இனிப்பு அல்லது உணவு பொருட்களில் இது போன்ற விலங்கு கொழுப்பு பயன்படுத்துவது உலகம் முழுவதிலும் நடைமுறையில் இருக்கும் ஒன்றுதான். இதனையும் அரசியலாக்குவது ஏன் என்று தெரியவில்லை. விலங்கு கொழுப்பு மற்றும் மாட்டுக்கொழுப்பு இருக்கக்கூடாது என்றால் அதற்குரிய வழிகாட்டுதலை ஏற்படுத்தி எதிர்காலத்தில் இதுபோன்று இல்லாமல் பார்த்துக் கொள்ள வேண்டும்" என்றவரிடம்,

'ஆட்சியில் பங்கு, வரும் சட்டமன்ற தேர்தலில் கேட்கப்படுமா' என்ற கேள்விக்கு,

"இதற்குப் போதிய அளவு விளக்கம் சொல்லிவிட்டோம்" என்றார்.திருமாவளவன்

பின்பு பசுமலையில் நடந்த மது ஒழிப்பு மாநாடு தொடர்பான தென்மண்டல சிறப்பு செயற்குழு கட்டத்தில் பேசிய திருமாவளவன், "மக்களுக்கான களம் வேறு, கூட்டணிக் கட்சிக்கான களம் வேறு. திமுக கூட்டணியில் பிளவு ஏற்படுமா, விடுதலை சிறுத்தைகள் கட்சிக்கு பலவீனம் ஏற்பட்டு விட்டதா என்று இலவு காத்த கிளியாக எதிர்பார்த்தவர்கள் ஏமாந்து போனார்கள். அதிமுக-விற்குள் பலவீனம் உள்ளது.

திமுக கூட்டணி தேர்தல்களில் தொடர்ந்து வெற்றி பெறுகிறது, இந்த கூட்டணியில் எப்போது பிளவு வரும் என்று எதிர்பார்ப்பவர்கள் இருக்கிறார்கள்.

தமிழ்நாட்டில் ஓர் ஆண்டுக்கு மது விற்பனை மூலம் 45 ஆயிரம் கோடி வருகிறது என்று எதிர்பார்க்கிறார்கள். மது பழக்கத்தால் நாட்டுக்கு சீரழிவு ஏற்படுகிறது. மனித வளம் அழிகிறது. திருமாவளவன்

ஆளும்கட்சி கூட்டணியில் இருந்துகொண்டு மக்கள் பிரச்னைக்காக குரல் கொடுக்கும் போது நெருடல் வரத்தான் செய்யும். அக்டோபர் 2 ஆம் தேதி மது ஒழிப்பு மாநாட்டுக்கு பிறகு தமிழகத்தில் பூரண மதுவிலக்கு வேண்டும் என்றும், இந்தியா முழுவதும் மதுவிலக்கை அமல்படுத்தவும் நாம் குரல் கொடுப்போம்" என்று பேசினார்.


http://dlvr.it/TDW7tQ

Read More

திருப்பதி லட்டு: `தவறு செய்தது யாராக இருந்தாலும் கடுமையாக தண்டிக்க வேண்டும்!' - தமிழிசை

பா.ஜ.க-வின் உறுப்பினர் சேர்க்கை முகாம் நீலகிரி மாவட்டம், கோத்தகிரியில் நடைபெற்று வருகிறது. நேற்று நடந்த முகாமில் சிறப்பு விருந்தினராக பங்கேற்ற பா.ஐ.க-வைச்‌ சேர்ந்த தமிழிசை சௌந்தரராஜன் செய்தியாளர்கள் சந்திப்பில் பேசுகையில், "மத்தியிலும் மாநிலத்திலும் ஒரே ஆட்சி இருந்தால்தான் நல்ல திட்டங்களை மாநிலத்திற்குக் கொண்டுவர முடியும்.

அது பா.ஜ.க-வினால் தான் முடியும். பதவியேற்று 100 நாள்களில் பாரத பிரதமர் மோடி 15 லட்சம் கோடி ரூபாய்க்கு நாட்டிற்கான‌ நல திட்டங்களை கொண்டு வந்தார். தமிழிசை சௌந்தரராஜன்

அதில் 3 லட்சம் கோடி ரூபாய்க்கு அடிப்படை கட்டமைப்பு வசதிகளுக்கு நிதி ஒதுக்கினார் என்பது குறிப்பிடத்தக்கது. திருப்பதி கோயில் பிரசாத லட்டில் விலங்கு கொழுப்பு கலக்கப்பட்ட சம்பவம், மக்களின் உணர்வுகளை மிகவும் பாதித்துள்ளது. ஊழல் நடத்துவதற்காகவே இது போன்ற கலப்படங்கள் நடைபெற்றுள்ளன. இந்த குற்றத்தில் ஈடுபட்டவர்கள் கடுமையாக தண்டிக்கப்பட வேண்டும். அதேபோல தமிழக கோயில்களில்கூட நம்பிக்கையாளர்கள் தான் அந்தப் பணிகளில் இருக்க வேண்டும்" என்றார். Tirupati Laddu: "திருப்பதி லட்டு விவகாரம்; கடவுள் பெயரில் அரசியல்" - ஜெகன் மோகன் விளக்கம்


http://dlvr.it/TDVvss

Read More

மிஸ்ஸாகும் குற்றவாளிகள்... Velumani-க்கு உதவுகிறதா DMK?! | Elangovan Explains

உதயநிதி ஸ்டாலின் துணை முதலமைச்சராவது தள்ளிப்போக 7 முட்டுக்கட்டைகள் காரணமாக உள்ளது.

இன்னொரு பக்கம், எஸ்.பி வேலுமணி மீது புதிய வழக்கு போடப்பட்டுள்ளது. அதே நேரத்தில் மிஸ்ஸாகும் குற்றவாளிகள். இந்த வழக்கில் பெரிதாக ஆர்வம் காட்டாத ஆளும் தி.மு.க.

'ஒரே நாடு ஒரே தேர்தல்' திட்டத்தை நிறைவேற்ற, பா.ஜ.க-வுக்கு பலம் இருக்கிறதா? இன்னொரு பக்கம்,தமிழர் புகழ் பரப்பும் சிந்துவெளி பண்பாடு. இதன் முழுமையான பின்னணிகள்!


http://dlvr.it/TDVXG3

Read More

ONOE: ”ஒரே நாடு, ஒரே தேர்தல் மூலமாக மாநில உரிமைகளைப் பறிக்கிறது பாஜக" - கனிமொழி கண்டனம்

தஞ்சாவூரில் ‘கலைஞர் 100 வினாடி – வினா’ போட்டி நடைபெற்றது. அந்நிகழ்ச்சியில் கனிமொழி எம்.பி., கலந்துகொண்டார். அதற்குப் பிறகுச் செய்தியாளர்களிடம் பேசியவர், "ஒரே நாடு, ஒரே ரேஷன், ஒரே மொழி இப்படியாக எல்லாவற்றையும் மாற்றிக்கொண்டு வருகிறார்கள். அதன் மூலமாக மாநிலங்களுக்கான உரிமையைக் கொஞ்சம் கொஞ்சமாகப் பறிக்க வேண்டும் என பா.ஜ.க., அரசு செயல்படுகிறது.கனிமொழி

தற்போது, ஒரே நாடு ஒரே தேர்தலால், மக்களுக்கு என்ன பயன்?, மக்களால் தேர்ந்தெடுக்கப்பட்ட ஒரு ஆட்சியானது அதன் பதவிக்காலம் முடிவு பெறாத நிலையிலிருந்தால் என்ன செய்வது என்று யோசிக்காமல், தங்களுக்கு லாபம் தரக்கூடிய ஒன்றைச் செயல்படுத்த பா.ஜ.க., நினைக்கிறது. மேலும், தங்களின் கருத்துக்களை நாடு முழுவதும் திணிக்க வேண்டும் என்ற எண்ணத்தோடு பா.ஜ.க.,வினர் செயல்படுகிறார்கள்.

ஆனால், முதல்வர் ஸ்டாலினும், தி.மு.க.,-வும் இதை எதிர்க்கிறது. நாட்டின் ஜனநாயகத்திற்கும், மாநில உரிமைகளுக்கும் எதிராக இருப்பதை தி.மு.க., ஏற்றுக்கொள்ளது. தூத்துக்குடி துப்பாக்கிச் சூட்டிற்கு உத்தரவிட்ட அதிகாரிக்குப் பதிவு உயர் வழங்கப் பட்டுள்ளது தொடர்பாக, விசாரணை நடத்தித் தீர்வு காணப்படும்." என்றார்.


http://dlvr.it/TDTrpj

Read More

Tollgate கொள்ளை... ரூ.1 லட்சம் கோடி டார்கெட்... நேரடி Live Report

டோல்கேட்டுகள் இந்திய மக்களுக்கு நன்மையா ...சுமையா?

டோல்கேட்டுகள், இன்றைக்கு வழிப்பறி கொள்ளையாக மாறி இருக்கிறது என்ற மக்களின் வேதனை குரல்களை கேட்க முடிகிறது. மோசமான சாலைகள் ஆனாலும் மாறாத கட்டண கொள்ளை... இந்தாண்டு மட்டும் கிட்டத்தட்ட ரூ 64 ஆயிரம் கோடி வசூலாகியுள்ளது. ரூ 1,30,000 கோடியை டார்கெட்டாக வைத்துள்ளனர். டோல்கேட்டுகளின் முழுமையான உண்மைத்தன்மையை அறிந்துக் கொள்ள, கார் பயணம் மேற்கொண்டோம். ஒவ்வொரு Tollgate-களும் பகீர் கிளப்பின. அதன் முழுமையான Shock Live Report!


இந்த சர்வேயில் கலந்து கொள்ளுங்கள்... உங்களின் மொபைல் எண் அல்லது இமெயில் ஐடிக்கு  books.vikatan.com-ன் தள்ளுபடி கூப்பன் கோடு அனுப்பப்படும்.Loading…


http://dlvr.it/TDT7j4

Read More