இன்றுடன் ஓய்கிறது 4 தொகுதி தேர்தல் பிரசாரம்

சென்னை : தமிழகம் மற்றும் புதுச்சேரியில் தேர்தல் நடைபெற உள்ள 4 தொகுதிகளில் இன்று மாலையுடன் பிரசாரம் ஓய்கிறது.
தஞ்சை, அரவக்குறிச்சி, திருப்பரங்குன்றம், புதுச்சேரி நெல்லித்தோப்பு தொகுதிகளுக்கான தேர்தல் நவம்பர் 19ம் தேதி நடைபெற உள்ளது. அன்றைய தினம் காலை 7 மணிக்கு துவங்கி, மாலை 5 மணி வரை ஓட்டுப்பதிவு நடைபெற உள்ளது. அன்று பதிவாகும் ஓட்டுக்கள் நவம்பர் 22 ம் தேதி எண்ணப்பட்டு, அன்றைய தினமே முடிவுகள் அறிவிக்கப்பட உள்ளன. இதற்கான தேர்தல் பிரசாரம் இன்று மாலை 5 மணியுடன் ஓய்கிறது. இதனால் அரசியல் கட்சிகள் தீவிர ஓட்டு சேகரிப்பில் ஈடுபட்டு வருகின்றனர்.

இறுதி கட்ட பிரசாரம் சூடுபிடித்து வருவதால், பாதுகாப்பு கருதி போலீசார் குவிக்கப்பட்டுள்ளனர். வாக்காளர்களுக்கு பணம் கொடுப்பதை தடுக்க தேர்தல் பறக்கும் படையினரும், போலீசாரும் தீவிர வாகன சோதனையில் ஈடுபட்டு வருகின்றனர். கருத்துக்கணிப்புக்களை வெளியிட தேர்தல் கமிஷன் தடை விதித்துள்ளதால், மீடியா ஒளிபரப்புக்களை கண்காணிக்கவும் ஏற்பாடு செய்யப்பட்டுள்ளது.

English Summary:

4 seats in the election to be held in Tamil Nadu and Puducherry will be over  this evening with the campaign.