எல்லையில் துப்பாக்கிச்சண்டை : வீரர் ஒருவர் பலி

ஜம்மு : காஷ்மீரின் சோப்போர் பகுதியில் பயங்கரவாதிகளுக்கும், பாதுகாப்பு படையினருக்கும் இடையே துப்பாக்கிச் சண்டை நடந்து வருகிறது. இதில் போலீஸ் ஒருவர் பலியாகி உள்ளார்.
காஷ்மீரின் ஜலூரா வனப்பகுதியில் பயங்கரவாதிகள் சிலர் பதுங்கி இருப்பதாக பாதுகாப்பு படையினருக்கு தகவல் கிடைத்தது. இதனையடுத்து பாதுகாப்பு படையினரும், போலீசாரும் இணைந்து தேடுதல் வேட்டையில் ஈடுபட்டனர். அப்போது வனப் பகுதிக்குள் பதுங்கி இருந்த பயங்கரவாதிகள், பாதுகாப்பு படையினரை நோக்கிய சரமாரியாக சுட்டனர். பாதுகாப்பு படையினரும் பதில் தாக்குதல் நடத்தினர். இதில் பயங்கரவாதிகள் சுட்டதில் போலீஸ் ஒருவர் பலியானார். தொடர்ந்து துப்பாக்கிச் சண்டை நடந்து வருகிறது.