சுஷ்மாவுக்கு சிறுநீரகம்; உ.பி., முன்னாள் அமைச்சரின் மனைவி தயார்

விஜயவாடா; சிறுநீரக கோளாறு காரணமாக பாதிக்கப்பட்டுள்ள, வெளியுறவு அமைச்சர் சுஷ்மா சுவராஜுக்கு, தன் சிறுநீரகத்தை தானமாக வழங்க, உ.பி., மாநில முன்னாள் அமைச்சரின் மனைவி முன்வந்துள்ளார்.

மருத்துவமனையில் சுஷ்மா:

வெளியுறவு அமைச்சரும், பா.ஜ., மூத்த தலைவருமான சுஷ்மா சுவராஜ், 64, சிறுநீரக கோளாறு காரணாக, டில்லி எய்ம்ஸ் மருத்துவமனையில் சிகிச்சைக்காக அனுமதிக்கப்பட்டுள்ளார். அவருக்கு, 'டயாலிசிஸ்' சிகிச்சை அளிக்கப்பட்டு வருகிறது. அவருக்கு மாற்று சிறுநீரகங்கள் பொறுத்துவதற்கான ஏற்பாடுகளும் நடந்து வருகிறது. சுஷ்மாவுக்கு சிறுநீரகம் வழங்க பலரும் முன்வந்துள்ளனர்.

தானம் வழங்க தயார்:

இந்நிலையில், அவருக்கு, தன் சிறுநீரகத்தை தானமாக வழங்க, உ.பி., மாநில முன்னாள் அமைச்சர் ரவி காந்த் கார்கின் மனைவி, மீரா கர்க் முன்வந்துள்ளார்.
இதுகுறித்து, அவர் தெரிவித்ததாவது: சுஷ்மாவின் நேர்மை, அர்ப்பணிப்பு, மக்கள் நலனில் காட்டும் அக்கறை ஆகியவை நாட்டுக்கு மிகச்சிறந்த உதாரணம். சுஷ்மாவுக்கு எனது சிறு நீரகத்தை தானமாக அளிக்க எனக்கு சம்மதம். எனது சிறுநீரகம் அவருக்குப் பொருந்துமானால், மிகவும் மகிழ்ச்சி. இவ்வாறு அவர் தெரிவித்துள்ளார்.

English Summary:

Who are suffering from kidney failure, to the Foreign Minister Sushma Swaraj, her offer to donate a kidney, UP, the state has offered the former minister's wife.