மியான்மர் எல்லையில் இருந்து இந்தியாவின் மீது பயங்கரவாத தாக்குதல் நடத்த பாகிஸ்தான் திட்டம்

புதுடெல்லி  - இந்தியாவிற்கு எதிராக பயங்கரவாத தாக்குதலை முன்னெடுக்க மியான்மர் - தாய்லாந்து எல்லையில் பயங்கரவாத முகாம்களை அமைக்க பாகிஸ்தான் திட்டமிட்டு உள்ளது என தகவல்கள் வெளியாகி உள்ளது.

துல்லிய தாக்குதல்:

இந்தியாவின் மேற்கு எல்லையில் இருந்து பாகிஸ்தான் ராணுவம், உளவுத்துறை இந்தியாவிற்கு பயங்கரவாதிகளை அனுப்பி தாக்குதல் நடத்தி வருகிறது. இந்தியா சமீபத்தில் பாகிஸ்தான் ஆக்கிரமிப்பு காஷ்மீரில் இருந்த பயங்கரவாத முகாம்கள் (இந்தியாவிற்குள் பாகிஸ்தான் பயங்கரவாதிகளை அனுப்பும் மையப்பகுதி) மீது துல்லிய தாக்குதலை நடத்தியது. இதில் 40-க்கும் அதிகமான பயங்கரவாதிகள் கொல்லப்பட்டனர், ஆனால் ஒன்றும் நடக்காதது போல் காட்டிக்கொள்ள பாகிஸ்தான் மேற்கொண்ட முயற்சி தோல்வியில் முடிந்தது. இந்திய எல்லையை நோக்கி அய
ராது தாக்குதலை தொடுத்தது, இந்திய ராணுவம் கொடுத்த பதிலடியால் எப்போதும் போல் வாலை சுருட்டிக் கொண்டது.

ஐ.எஸ்.ஐ. புது திட்டம்:

இப்போது மேற்கு எல்லையை விட்டுவிட்டு கிழக்கு எல்லையை குறிவைக்க பாகிஸ்தானின் உளவு அமைப்பு திட்டமிட்டு உள்ளது என்ற தகவல்கள் வெளியாகி உள்ளது. இந்தியாவிற்கு எதிரான பயங்கரவாதிகள் ஏவுதளத்தினை கிழக்கு எல்லையில் கொண்டுவர பாகிஸ்தானின் உளவு அமைப்பான ஐ.எஸ்.ஐ. திட்டமிட்டு உள்ளது. உளவுத்துறை தகவல்கள்படி, இந்தியாவிற்கு எதிரான திட்டத்தில் பாகிஸ்தான் மாற்றம் கொண்டு வந்து உள்ளது தெரியவந்து உள்ளது.

English summary:

New Delhi - to carry out terror attacks against India and Myanmar - Thailand border has been published reports that it is planning to Pakistan to set up terrorist camps.

Read More

சீனாவில் பயங்கரவாதிகள் 4 பேர் சுட்டுக்கொலை

பெய்ஜிங்  - சீனாவின் ஜிங்ஜியாங் மாகாணத்தில் உள்ள கம்யூனிஸ் கட்சி அலுவலகத்தில் தாக்குதல் நடத்திய 4 பயங்கரவாதிகளை அந்நாட்டு காவல்துறை சுட்டுக்கொலை செய்தது.

கட்சி அலுவலகத்தில் தாக்குதல் :

ஜிங்ஜியாங் மாகாணத்தில் உள்ள கராகஸ் கவுண்டியில்  உள்ளூர் கம்யூனிஸ்ட் கட்சியின் அலுவலக கட்டிடம் உள்ளது. இந்த அலுவலகத்தை நோக்கி வந்த கார் அலுவலக கட்டிடத்தில் மோதியது. தொடர்ந்து வெடிகுண்டுகளையும் வெடிக்கச்செய்தனர். இந்த தாக்குதலில் ஒருவர் பலியானார். 3 பேர் படுகாயம் அடைந்தனர்.

4 பயங்கரவாதிகள் சுட்டுக்கொலை:

இதையடுத்து அங்கு பாதுகாப்புக்கு நின்று கொண்டிருந்த போலீசார் பயங்கரவாதிகளை நோக்கி துப்பாக்கியால் சுட்டனர். இதில் தாக்குதல் நடத்த வந்த 4 பயங்கரவாதிகளும் சுட்டுக்கொல்லப்பட்டனர்.  சீனாவில் கடந்த சில மாதங்களில் நடத்தப்படும் மிகப்பெரும் தாக்குதல் இதுவாகும். சீனாவில் இதுபோன்ற நடத்தப்படும் தாக்குதலுக்கு கிழக்கு துருகிஸ்தானில் உள்ள பயங்கரவாத அமைப்பை இத்தகைய தாக்குதலுக்கு வழக்கமாக குற்றம் சாட்டி வருகிறது. கடந்த செப்டம்பரில் கிர்கிஸ்தானில் உள்ள  சீனா தூதரகத்தில் நடைபெற்ற தற்கொலைப்படை தாக்குதலுக்கு இந்த பயங்கரவாத அமைப்பு மீதுதான் குற்றம் சுமத்தப்பட்டது என்பது குறிப்பிடத்தக்கது.

English summary:

Beijing - China's Communist Party in Xinjiang province, the attack on the office by 4 terrorists killed by the police.

Read More

குடியேற்றங்களை தடுத்து நிறுத்தினால் இஸ்ரேலுடன் அமைதி பேச்சுவார்த்தைக்கு தயார்: பாலஸ்தீன அதிபர்

ரமல்லாஹ்  - தங்கள் நாட்டு பகுதிகளில் குடியேற்றங்களை தடுத்து நிறுத்தினால் இஸ்ரேலுடன் அமைதி பேச்சுவார்த்தைக்கு தயார் என்று பாலஸ்தீன அதிபர் முஹ்மத் அப்பாஸ் தெரிவித்துள்ளார்.

நீண்டகால பகை:

இஸ்ரேல்-பாலஸ்தீனம் இடையே நீண்ட நெடுங்காலமாக பகை நிலவி வருகிறது. ஆக்கிரமிப்பு பாலஸ்தீன பகுதிகளில், குறிப்பாக கிழக்கு ஜெருசலேம் உள்ளிட்ட பகுதிகளில் இஸ்ரேல் வலுக்கட்டாயமாக குடியிருப்புகளை அமைத்து வருகிறது. இதை தடுத்து நிறுத்தக்கோரி, ஐ.நா. பாதுகாப்பு கவுன்சிலில் மலேசியா, நியூசிலாந்து, செனகல், வெனிசுலா ஆகிய நாடுகள் ஒன்றிணைந்து ஒரு தீர்மானத்தை தாக்கல் செய்தன.

தீர்மானம் நிறைவேற்றம்:

அந்த தீர்மானத்தில், “கிழக்கு ஜெருசலேம் உள்ளிட்ட ஆக்கிரமிப்பு பாலஸ்தீன பகுதிகளில் குடியிருப்பு செயல்பாடுகளை இஸ்ரேல் முழுமையாக நிறுத்திக்கொள்ள வேண்டும். இது தொடர்பான சட்டதிட்டங்களை இஸ்ரேல் மதித்து நடக்க வேண்டும்” என கூறப்பட்டிருந்தது. இந்த தீர்மானத்தின்மீது கடந்த வாரம் வெள்ளிக்கிழமை (டிச.23) ஓட்டெடுப்பு நடைபெற்றது. இந்த ஓட்டெடுப்பில் 15 நாடுகளில் 14 நாடுகள் தீர்மானத்துக்கு ஆதரவாக வாக்களித்தன. அமெரிக்கா வாக்கெடுப்பில் கலந்து கொள்ளாமல் புறக்கணித்து விட்டது. இதனால் தீர்மானம் நிறைவேறியது.

English Summary:

In their respective areas to stop the settlements, Israel is ready for peace talks with Palestinian President Abbas Mohamed said.

Read More

2017 புத்தாண்டு கொண்டாட்டங்கள்: சென்னையில் நட்சத்திர ஓட்டல்களுக்கு போலீசார் கடும் கட்டுப்பாடுகள்

சென்னை  - சென்னையில் நட்சத்திர ஓட்டல்களில் நடைபெறும் புத்தாண்டு கொண்டாட்டங்களுக்கு போலீசார் கடுமையான கட்டுப்பாடுகளை விதித்துள்ளனர்.


கடும் கட்டுப்பாடு:

சென்னையில் நட்சத்திர ஓட்டல்களில் நடைபெறும் புத்தாண்டு கொண்டாட்டங்களுக்கு போலீசார் கடுமையான கட்டுப்பாடுகளை விதித்துள்ளனர். நள்ளிரவு 1 மணி வரை மது விருந்து மற்றும் நடன நிகழ்ச்சிகளுக்கு போலீசார் அனுமதி வழங்கியுள்ளனர்.

கமிஷ்னர் ஆலோசனை:

சென்னை போலீஸ் கமிஷனர் ஜார்ஜ் உத்தரவின்பேரில் நேற்று முன்தினம் சென்னை போலீஸ் கமிஷனர் அலுவலக வளாகத்தில் புத்தாண்டு கொண்டாட்டங்கள் பற்றி ஆலோசனை கூட்டம் நடந்தது. இந்த ஆலோசனை கூட்டத்தில் நட்சத்திர ஓட்டல் உரிமையாளர்கள், கிளப் உரிமையாளர்கள் மற்றும் பிரதிநிதிகள் கலந்து கொண்டனர். போலீஸ் தரப்பில் தென்சென்னை கூடுதல் கமிஷனர் சங்கர், தென்சென்னை இணை கமிஷனர் அன்பு, சென்னை கிழக்கு இணை கமிஷனர் மனோகரன் மற்றும் உயர் போலீஸ் அதிகாரிகளும் இந்த கூட்டத்தில் பங்கேற்றனர்.

English Summary:

Chennai - Chennai-star hotel in the New Year's celebrations in the police imposed severe restrictions.

Read More

குருவாயூர் கோயிலில் மத்திய உள்துறை அமைச்சர் ராஜ்நாத் சிங் தரிசனம்

திருவனந்தபுரம்  - கேரள மாநிலம், குருவாயூரில் உள்ள பிரசித்திபெற்ற கிருஷ்ணர் கோயிலில் மத்திய உள்துறை அமைச்சர் ராஜ்நாத் சிங் நேற்று சிறப்பு பூஜையில் பங்கேற்றார்.

விசேஷ பூஜை:

மத்திய உள்துறை அமைச்சர் ராஜ்நாத் சிங் குருவாயூரில் உள்ள பிரசித்திபெற்ற கிருஷ்ணர் கோயிலில் நேற்று அதிகாலை சிறப்பு வழிபாடு செய்தார். நேற்று அதிகாலை 3 மணியளவில் கோயிலுக்கு வந்த ராஜ்நாத் சிங் அங்கு நடைபெற்ற விசேஷ பூஜையில் கலந்துகொண்டார்.

பலத்த பாதுகாப்பு :

முன்னதாக, கோயில் நிர்வாகத்தின் சார்பில் ராஜ்நாத் சிங்குக்கு சிறப்பான வரவேற்பு அளிக்கப்பட்டது. மத்திய அமைச்சரின் வருகையையொட்டி, கோயில் வளாகத்தை சுற்றியும் அருகாமையில் உள்ள பகுதியிலும் பலத்த பாதுகாப்பு ஏற்பாடுகள் செய்யப்பட்டிருந்தது.

English Summary:

Thiruvananthapuram - Kerala, famous for its Krishna temple in Guruvayur, Home Minister Rajnath Singh today took part in a special prayer.

Read More

2-வது ஒருநாள் போட்டி: 67 ரன் வித்தியாசத்தில் வங்கதேசத்தை வீழ்த்தி தொடரை வென்றது நியூசிலாந்து

நெல்சன் - 2-வது ஒருநாள் போட்டியிலும் வங்காள தேசம் தோல்வியடைந்தது. இதனால் நியூசிலாந்திடம் 0-2 என தொடரை இழந்துள்ளது.

நியூசிலாந்து 251 ரன்:

நியூசிலாந்து - வங்காள தேசம் அணிகளுக்கு இடையிலான 2-வது ஒருநாள் கிரிக்கெட் போட்டி நெல்சனில் நேற்று நடைபெற்றது. டாஸ் வென்ற வங்காள தேசம் பீல்டிங் தேர்வு செய்தது. அதன்படி நியூசிலாந்து அணி களம் இறங்கியது. அந்த அணியின் தொடக்க வீரர் கப்தில் 0 ரன்னிலும், லாதம் 22 ரன்னிலும் ஆட்டம் இழந்தனர். அடுத்து வந்த கேப்டன் வில்லியம்சன் 14 ரன்னில் வெளியேறினார். ஆனால் 4-வது வீரராக களம் இறங்கிய நெய்ல் ப்ரூம் சிறப்பாக விளையாடி சதம் அடித்தார். அத்துடன் 109 ரன்கள் எடுத்து கடைசி வரை அவுட்டாகாமல் இருந்தார். இவரது சதத்தால் நியூசிலாந்து அணி சரியாக 50 ஓவரில் 251 ரன்கள் எடுத்து ஆல்அவுட் ஆனது. வங்காள தேசம் அணி சார்பில் அதிகபட்சமாக மோர்தசா 3 விக்கெட்டுக்கள் வீழ்த்தினார்.

நியூசிலாந்து வெற்றி:

பின்னர் 252 ரன்கள் எடுத்தால் வெற்றி என்ற இலக்குடன் வங்காள தேசம் அணி களம் இறங்கியது. தொடக்க வீரர் இம்ருல் கெய்ஸ் 59, அடுத்து வந்த சபீர் ரஹ்மான் 38 ரன்கள் அடித்தாலும், அதன்பின் வந்த வீரர்கள் சொற்ப ரன்களில் வெளியேற வங்காள தேசம் 42.4 ஓவரில் 184 ரன்கள் எடுத்து ஆல்அவுட் ஆனது. இதனால் நியூசிலாந்து அணி 67 ரன்கள் வித்தியாசத்தில் அபார வெற்றி பெற்றது. மூன்று போட்டிகள் கொண்ட இந்த தொடரில் 26-ந்தேதி நடைபெற்ற முதல் போட்டியில் ஏற்கனவே 77 ரன்கள் வித்தியாசத்தில் வெற்றி பெற்றிருந்ததால் நியூசிலாந்து அணி தொடரை 2-0 எனக்கைப்பற்றியது. இரு அணிகளுக்கு இடையிலான 3-வது மற்றும் கடைசி போட்டி நாளை நடக்கிறது.

English Summary:

Nelson - Bangladesh 2nd ODI match failed. The 0-2 series loss to New Zealand.

Read More

பிரதமர் மீதான ஊழல் வழக்குகளை விசாரிக்க இஸ்ரேல் அட்டார்னி ஜெனரல் உத்தரவு

ஜெருசலேம் - இஸ்ரேல் பிரதமர் பெஞ்சமின் நேதன்யாகு மீதான இரு ஊழல் வழக்குகளை விசாரிக்கும்படி அந்நாட்டின் தலைமை அட்டார்னி ஜெனரல் உத்தரவிட்டுள்ளார்.

ஊழல் குற்றச்சாட்டு:

ஜெர்மனி நாட்டில் இருந்து நீர்மூழ்கி கப்பல்களை வாங்கியதில் ஊழல் செய்து பண ஆதாயம் அடைந்ததாக இஸ்ரேல் பிரதமர் பெஞ்சமின் நேதன்யாகு மீது பரவலான குற்றச்சாட்டு இருந்து வருகிறது. இந்த குற்றச்சாட்டை அவர் தொடர்ந்து மறுத்து வந்துள்ளார்.

விசாரிக்க உத்தரவு:

இந்நிலையில், நீர்மூழ்கி கப்பல் ஊழல் மற்றும் விபரம் வெளியிடப்படாத மற்றொரு ஊழல் தொடர்பாக இஸ்ரேல் பிரதமர் பெஞ்சமின் நேதன்யாகு மீது வழக்குப்பதிவு விசாரணையை தொடங்குமாறு அந்நாட்டின் தலைமை அட்டார்னி ஜெனரல் அலுவலகம் நேற்று முன்தினம் உத்தரவு பிறப்பித்துள்ளது.

English Summary:

Jerusalem - Israeli Prime Minister Benjamin Netanyahu ordered the two corruption cases, the Attorney General appointed the country's leadership.

Read More

கணவரை கொன்ற பெண்ணுக்கு பொதுமன்னிப்பு:பிரான்ஸ் அதிபர் ஹாலண்டே நடவடிக்கை

பாரிஸ்  - கணவரை கொன்றதற்காக பத்தாண்டு சிறை தண்டனை விதிக்கப்பட்ட பெண்ணை விடுதலை செய்யும்படி பிரான்ஸ் அதிபர் பிராங்கோயிஸ் ஹாலண்டே பொதுமன்னிப்பு வழங்கியுள்ளார்.

கொடூரமாக கொலை:

பிரான்ஸ் நாட்டை சேர்ந்த ஜாக்குலின் சாவேஜ் என்ற பெண், பல ஆண்டுகளாக தன்னை அடித்தும், உதைத்தும், கொடூரத்தனமாக சித்ரவதை செய்துவந்த கணவரை கொன்று விட்டார். இதுதொடர்பாக நடைபெற்ற வழக்கில் அந்தப் பெண்ணுக்கு கடந்த 2012-ம் ஆண்டில் பத்தாண்டு சிறை தண்டனை விதிக்கப்பட்டது. இதையடுத்து, சிறையில் அடைக்கப்பட்ட தங்களின் தாயாருக்கு பொது மன்னிப்பு வழங்கி, விடுதலை அளிக்க வேண்டும் என பிரான்ஸ் அதிபர் பிராங்கோயிஸ் ஹாலண்டேவுக்கு ஜாக்குலின் சாவேஜின் மகள்கள் கருணை மனு அனுப்பி இருந்தனர்.

பொது மன்னிப்பு:

இதே கோரிக்கையுடன் ஆன்லைன் மூலம் பிரசார இயக்கமும் நடத்தப்பட்டது. இந்த கோரிக்கைக்கு ஆதரவு தெரிவித்து சுமார் 4 லட்சம் மக்கள் கையொப்பமிட்டிருந்தனர். இதனையடுத்து, நாட்டின் அதிபருக்குண்டான சிறப்பு அதிகாரத்தை பயன்படுத்தி, ஜாக்குலின் சாவேஜூக்கு பொது மன்னிப்பு வழங்கப்பட்டதாக அதிபர் பிராங்கோயிஸ் ஹாலண்டே அறிவித்தார். இதையடுத்து, நேற்று முன்தினம் அவர் சிறையில் இருந்து விடுவிக்கப்பட்டார்.

English summary:

Paris - have been sentenced to prison for ten years for killing her husband, to release pirankoyis Hollande as President of France granted a general amnesty.

Read More

சேகர்ரெட்டி ஜாமின் மனு தள்ளுபடி

சென்னை: பிரபல தொழில் அதிபர் சேகர்ரெட்டி உள்ளிட்ட 5 பேருக்கான ஜாமின் மனு தள்ளுபடி செய்யப்பட்டது.

பழைய ரூபாய் நோட்டுகளை கோடிக்கணக்கில் மாற்றியதாக, மணல் கான்ட்ராக்டர் சேகர் ரெட்டியின் சென்னை மற்றும் ஆந்திர பகுதியில் உள்ள நிறுவனம் மற்றும் வீடுகளில் சோதனை நடத்தப்பட்டது. இதில் ரூ. 147 கோடி , 177 கிலோ தங்கம் பறிமுதல் செய்யப்பட்டது. இதனையடுத்து அவர் சி.பி.ஐ., அதிகாரிகளால் கைது செய்யப்பட்டு சிறையில் அடைக்கப்பட்டார்.

இவர் தரப்பில் தாக்கல் செய்யப்பட்ட ஜாமின் மனுவை, சி.பி.ஐ., கோர்ட் இன்று நிராகரித்து விட்டது. விசாரணை இன்னும் ஆரம்ப கட்ட நிலையில் இருப்பதால் சாட்சிகளை கலைக்க வாய்ப்புள்ளது என சேகர் ரெட்டி, ஸ்ரீநிவாசலு, பிரேம்குமார் , ராமச்சந்திரன், ரத்தினம் ஆகியோருக்கு ஜாமின் வழங்க முடியாது என சி.பி.ஐ நீதிமன்ற நீதிபதி விஜயலட்சுமி தள்ளுபடி செய்தார்.

English summary:

Chennai, including the famous industrialist shekhar reddy bail plea was dismissed for 5 people.

Read More

விரக்தியில் காங்கிரஸ்: விளாசுகிறார் மோடி

புதுடில்லி: ரூபாய் நோட்டு வாபஸ் திட்டம் தொடர்பாக விரக்தியில் உள்ள காங்கிரஸ் உள்ளிட்ட எதிர்க்கட்சிகளை பார்த்து பரிதாபப்படுவதாக பிரதமர் மோடி கூறியுள்ளார்.

இது தொடர்பாக பிரதமர் நரேந்திர மோடி அளித்த பேட்டி: ரூபாய் நோட்டு வாபஸ் என்பது மிகப்பெரிய முடிவு. இது பற்றி கணக்கிடுவதில், பெரிய பொருளாதார நிபுணர்கள் குழப்பமடைந்தனர். இருப்பினும், 125 கோடி இந்திய மக்களும் பல இடர்பாடுகளுக்கு இடையேயும். இந்த திட்டத்தின் முக்கியத்துவம், இதனால் ஏற்படும் பாதிப்பை அறிந்து வரவேற்றனர். ஆதரவு தெரிவித்தனர்.

விரக்தியில் உள்ள காங்கிரஸ் உள்ளிட்ட எதிர்க்கட்சியினரை பார்த்து பரிதாபப்படுகிறேன். அரசியல் லாபத்திற்காக ரூபாய் நோட்டு வாபசை திட்டத்தை அறிவித்ததாக கூறும் அவர்கள், இந்த திட்டத்தால் மக்கள் பெரிதும் அவதிப்படுவதாக கூறுகின்றனர். வருத்தத்தில் உள்ளதாக கூறுகின்றனர்.

காங்கிரஸ் குறி:

பார்லிமென்ட் சுமூகமாக நடத்த தன்னால் இயன்ற முயற்சியை அரசு செய்தது. பார்லிமென்டிலும் நான் பேச தயாராக இருந்தேன். ஆனால், உரிய விவாதம் நடத்த விடாமல், பார்லிமென்டை முடக்குவதிலேயே காங்கிரஸ் குறியாக இருந்தது.ஊழல் தொடர்பான எந்த பேச்சையும் அரசியலாக மாற்றுவது மிகப்பெரிய ஆபத்தானது. இது பல குற்றவாளிகளுக்கு பாதுகாப்பாக அமைந்து விடும். இதற்காக அரசியலில் முறைகேட்டை நான் மன்னிக்கிறேன் என்பது அர்த்தமாகாது. நிர்வாக பேரழிவு என ரூபாய் நோட்டு வாபஸ் திட்டம் குறித்து முன்னாள் பிரதமர் மன்மோகன் சிங் கூறியுள்ளார். கடந்த 45 வருடங்களாக, பொருளாதார ஆலோசகர், ரிசர்வ் வங்கி கவர்னர், நிதி அமைச்சர், பிரதமர் என பல பதவி வகித்த அவரது ஆட்சி காலத்தில் பெரும்பாலான மக்கள் வறுமையில் வாழ்ந்தனர்.

வரவேற்பு:

அடிக்கடி தேர்தல் நடத்துவதால், அரசுக்கு செலவு ஏற்படுவதுடன், பொருளாதாரத்தை பாதிக்கிறது. இதனால், பல மாநிலங்களில் நிர்வாகம் சரியாக செயல்பட முடியவில்லை. இதனால், ஒரே நேரத்தில் லோக்சபா மற்றும் மாநில சட்டசபைகளுக்கு தேர்தல் நடத்தலாம் என்ற தேர்தல் ஆணையத்தின் யோசனையை வரவேற்கிறேன். இவ்வாறு அவர் கூறினார்.

English Summary:

NEW DELHI: The rupee note of frustration in relation to the withdrawal plan, including the opposition parties in the Congress, Modi said that feeling worry watching.

Read More

வருடக்கடைசி வெள்ளியன்று, 8 தமிழ்ப்படங்கள் ரிலீஸ்!

பொங்கல் நெருங்கிவிட்டது. அந்தச் சமயத்தில் பைரவாவும் இரு வாரங்கள் கழித்து சூர்யாவின் எஸ் 3-யும் வெளியாகவுள்ளன. இந்நிலையில், அந்தப் படங்களுடன் போட்டி போடுவதைத் தவிர்க்க இன்று ஒரே நாளில் 8 தமிழ்ப்படங்கள் வெளியாகியுள்ளன.

துருவங்கள் 16, அச்சமின்றி,  அதிரன், ஏகனாபுரம், கண்டதை சொல்கிறேன், மியாவ், மோ, தலையாட்டி பொம்மை என 8 படங்கள் இன்று வெளிவந்துள்ளன.

இதில் துருவங்கள் 16 நல்ல விமரிசனங்களைப் பெற்றுள்ளது. அதேபோல அச்சமின்றி, மோ போன்ற படங்களும் கவனம் பெற்றுள்ளன.

English summary:

Pongal is doomed. Two weeks later, at the time of Surya S 3;release bhairava. In this case, upon the images to avoid conflict with the Tamil Film has been published today on the same day 8.

Read More

ஜெயலலிதா மரணம் குறித்து உயர் நீதிமன்ற நீதிபதி தலைமையில் விசாரணை மேற்கொள்ள வேண்டும்: மு.க.ஸ்டாலின்

ஜெயலலிதா மரணம் குறித்து உயர் நீதிமன்ற நீதிபதி தலைமையில் விசாரணை மேற்கொண்டு முழு உண்மைகளையும் மக்களுக்கு வெகு விரைவாகத் தெரிவிக்க வேண்டும் என்று மு.க.ஸ்டாலின் வலியுறுத்தியுள்ளார்.

இதுகுறித்து எதிர்க்கட்சி தலைவரும், திமுக பொருளாளருமான மு.க.ஸ்டாலின் வெளியிட்டுள்ள அறிக்கையில்,

முன்னாள் முதல்வர் ஜெயலலிதாவுக்கு அளிக்கப்பட்ட சிகிச்சைகள் குறித்தும், அவரது மரணம் தொடர்பான முழுமையான மருத்துவ அறிக்கையையும் எந்தத்தரப்பிலிருந்தும், எவ்வித சந்தேகமும் எழாத வகையில் அரசு வெளியிட வேண்டும் என்ற கோரிக்கையை பொதுமக்கள் பலரும் தெரிவித்து வருகிறார்கள். முன்னாள் முதல்வர் பற்றிய விவரங்களைத் தெரிந்து கொள்ள நினைப்பது பொதுமக்களின் உரிமையுமாகும். அதனால் தான் அவருக்கு அளிக்கப்பட்ட சிகிச்சைகள் தொடர்பாக வெள்ளை அறிக்கை வெளியிட வேண்டும் என்று ஏற்கனவே வலியுறுத்தி இருந்தேன்.

தமிழகத்தில் உள்ள பிற கட்சியினரும், பல்வேறு அமைப்பினரும், ஊடகத்துறையில் சிலரும், நடுநிலையாளர்களும் மறைந்த முதல்வரின் சிகிச்சைக்கும் உயிர்ப் பாதுகாப்பிற்கும் எடுக்கப்பட்ட நடவடிக்கைகள் குறித்து அதிமுகவினர் உள்ளிட்ட அனைத்து மக்களுக்கும் ஏற்பட்டுள்ள பலத்த சந்தேகங்களையும், மர்மங்களையும் களைய வேண்டும் என வலியுறுத்தி வருகின்றனர். ஆனால், தமிழகத்தை ஆளும் அதிமுக அரசு சிறிதும் அக்கறை செலுத்தாத நிலையில், ஜெயலலிதாவுடைய மரணத்தில் மர்மங்களுக்கும், பலத்த சந்தேகங்களுக்கும் இடம் இருப்பதாக, ஜோசப் என்பவர் சென்னை உயர் நீதிமன்றத்தில் மனு தாக்கல் செய்துள்ளார்.

இந்த மனுவை விசாரித்த விடுமுறைக் கால நீதிபதிகள் வைத்தியநாதன் மற்றும் பார்த்திபன் ஆகியோர் அடங்கிய அமர்வு விசாரணைக்கு எடுத்துக் கொண்ட நிலையில், நீதிபதி வைத்தியநாதன், ஜெயலலிதா  மரணத்தில் தனக்கும் சந்தேகம் இருப்பதாக  குறிப்பிட்டு இருப்பதுடன், சிகிச்சையில் இருந்த முதல்வரை நேரில் பார்க்க, உறவினர்கள் யாரையும் மருத்துவமனையில் ஏன் அனுமதிக்கவில்லை, மக்களின் அபிமானம் பெற்ற தலைவர்களின் மரணம் தொடர்பாக, நேதாஜி சுபாஷ் சந்திரபோஸின் மரணம் குறித்த வழக்கில் சுட்டிக்காட்டப்பட்டுள்ள நடைமுறைகளை மேற்கோள் காட்டி, ஜெயலலிதாவின் மரணத்தில் அத்தகைய நடைமுறைகள் பின்பற்றப்பட்டு உள்ளதா என கேள்வி எழுப்பியுள்ளதாகவும், ஜெயலலிதா உடல்நிலை குறித்து முழுத் தகவலை ஏன் வெளியிடவில்லை. மத்திய அரசு ஏன் வாயே திறக்கவில்லை ? எனக் கேள்விகள் எழுப்பியிருப்பதுடன், தானே இந்த மனுவைத் தொடர்ந்து விசாரிக்கும் வாய்ப்பு அமைந்திருந்தால், புதைக்கப்பட்ட உடலைத்தோண்டி எடுத்து உடல் கூறாய்வு நடத்த உத்தரவிடுவேன் எனத் தெரிவித்திருப்பதாக பத்திரிகைகளிலும், ஊடங்களிலும் வரும் செய்தியை கவனத்தில் கொள்ள வேண்டியது அவசியமாகிறது.

அத்தகைய ஒரு நிலைக்கு இடம்தராமல் அ.தி.மு.க. அரசு முழுமையான தகவல்களை வெளியிட வேண்டியது கட்டாயமாகும். முன்னாள் முதல்வர் அம்மையார் ஜெயலலிதா மருத்துவமனையில் அனுமதிக்கப்பட்டதிலிருந்து அரசுத்  தரப்பிலிருந்து எந்த ஒரு அறிக்கையும் வெளியிடப்படவில்லை. அவர் மரணமடைந்த அதிகாரப்பூர்வத் தகவலைக் கூட மருத்துவமனை நிர்வாகம் தான் முதலில் வெளியிட்டது. அதன் பிறகே, தலைமைச் செயலாளரிடமிருந்து அறிக்கை வந்தது.

மூடுமந்திரமான இத்தகைய செயல்பாடுகள் தான் மறைந்த முதல்வர் குறித்த மர்மங்களுக்கும், பலத்த சந்தேகங்களுக்கும் மக்கள் மத்தியில் இடமளித்துள்ளது. மருத்துவமனையில் ஜெயலலிதா சிகிச்சைப் பெற்றது தொடர்பான படங்களை வெளியிட வேண்டும் எனத்  தலைவர் கருணாநிதி கோரிக்கை விடுத்த போது, அதனை அரசியல் கண்ணோட்டத்தில் பார்க்காமல், உண்மை நிலையை ஆளுந்தரப்பினர் விளக்கியிருந்தால் இன்று பிரச்னை நீதிமன்றம் வரை சென்றிருக்க வேண்டிய நெருக்கடி ஏற்பட்டிருக்காது.

இப்போதும் கூட காலந்தாழ்த்தாமல் முழுமையான மருத்துவ அறிக்கைகள், சிகிச்சை முறைகள், மருத்துவமனையில் எடுக்கப்பட்ட வீடியோ-புகைப்பபட ஆவணங்கள் ஆகியவற்றை நீதிமன்றத்தில் சமர்ப்பிக்க வேண்டியது ஆளுந்தரப்பின் கடமையாகும். அதுமட்டுமின்றி, மத்திய அரசின் எய்ம்ஸ் மருத்துவமனை மருத்துவர்களும் சிகிச்சை அளித்ததால், அது குறித்த விவரங்களை வெளியிட வேண்டிய கடமை மத்திய அரசுக்கும் உள்ளது. மத்திய அமைச்சர் வெங்கையா நாயுடு இது குறித்து அளித்துள்ள உறுதி காப்பாற்றப்படும் என எதிர்பார்க்கிறேன். முன்னாள் முதல்வரின் மரணம் குறித்து உயர் நீதிமன்றத்தில் தற்போது பணியாற்றும் நீதிபதியைக் கொண்டு முழுஅளவில் விசாரணை நடைபெற்று முழு உண்மைகளையும் மக்களுக்கு வெகு விரைவாகத் தெரிவிக்க வேண்டும் எனக் கேட்டுக் கொள்ளும் அதேநேரத்தில் மக்களின் பக்கம் நின்று உண்மைகளை உரைக்க வேண்டிய கடமை ஊடகத்துறை நண்பர்களுக்கும் உள்ளதை அன்புடன் நினைவூட்ட விரும்புகிறேன்.

முதல்வரையும் மற்ற அமைச்சர்களையும் சந்தித்து பேட்டி எடுக்கும் நண்பர்கள் தயக்கமின்றி, மறைந்த முதல்வரின் உடல்நிலை குறித்து மக்கள் எழுப்பும் பலத்த சந்தேகங்களையும், மர்மங்களையும், உயர்நீதிமன்ற நீதிபதி கேட்டுள்ள கேள்விகளையும் தெரிவித்து, பதில்களைப் பெற்று வெளியிட வேண்டும் எனக் கேட்டுக் கொள்கிறேன். தமிழகத்தில் அரசியல்-சமூக நிலவரங்களை 24 மணி நேரமும் தொலைக்காட்சி ஊடகங்கள் வழங்கி வருகின்றன. அதுபோலவே நாளேடுகள், வார ஏடுகள் உள்ளிட்ட பத்திரிகைகளும் மக்களுக்கான செய்திகளை வழங்கி வருகின்றன. மக்களின் அவலங்கள் குறித்து ஆட்சியாளர்கள், குறிப்பாக முதல்வரின் கருத்தை நேரடியாகப் பெற்று வெளியிடும் மரபு கடந்த 5 ஆண்டுகளுக்கும் மேலாகத் தமிழகத்தில் அற்றுப் போய்விட்டது.

தலைவர் கருணாநிதி முதல்வராக இருந்த போது தலைமைச் செயலகத்திலும், அவரது இல்லத்திலும், அவர் பங்கேற்கும் நிகழ்ச்சிகள் நடைபெறும் அரங்குகளிலும் ஊடக நண்பர்கள் அவர்களிடம் கருத்துகளைக் கேட்டு வெளியிடுவார்கள். ஆனால், ஜெயலலிதா ஆட்சியில் அத்தகைய நடைமுறை அருகிப் போனது. வாரம் ஒரு முறை பத்திரிகையாளர்களை சந்திப்பேன் என 2011ல் பதவியேற்ற நாளில் ஜெயலலிதா வாக்குறுதி தந்தார். ஆனால், அதனை அவர் தனது ஆட்சிக்காலம் முழுவதும் நிறைவேற்றவில்லை. ஊடகத்துறை நண்பர்களும் அவரது வாக்குறுதி குறித்து அவரிடம் வலியுறுத்தவில்லை.

தற்போது முதல்வராக திரு ஓ.பன்னீர்செல்வம் பொறுப்பேற்றுள்ள நிலையில், ஊடக நண்பர்கள் அவரை சந்தித்து, அரசின் செயல்பாடுகள் மற்றும் மக்களின் கோரிக்கைகள் குறித்து நேரடியாகக் கருத்துகளைப் பெற வேண்டியது அவசியமாகும். அண்டை மாநிலங்களான கேரளா, ஆந்திரா, தெலங்கானா மாநில முதல்வர்கள் அடிக்கடி பத்திரிகையாளர்களை சந்தித்துக் கருத்துகளைத் தெரிவிக்கிறார்கள். பத்திரிகையாளர்களுடன் கலந்தாலோசிக்கிறார்கள். அதுபோல தமிழகத்திலும் ஆரோக்கியமான நிலை உருவாக வேண்டும். அதற்கு முதல்வர் வாய்ப்பளிப்பார் என்றே நினைக்கிறேன்.

முன்னாள் தலைமைச் செயலாளர் அளித்த பேட்டியில், மாநில அரசின் செயல்பாடுகள் குறித்து குற்றம்சாட்டும் தொனியில் கருத்துகளைத் தெரிவித்திருக்கிறார். தான் இன்னமும் தலைமைச் செயலாளர் பதவியில் நீடிப்பதாகவும் தெரிவித்துள்ளார். இதுகுறித்து விளக்க வேண்டிய கடமையும், பொறுப்பும் முதல்வருக்கு உள்ளது. அதுபோலவே மறைந்த முதல்வரின் சிகிச்சை தொடர்பான கேள்விகளுக்கும் பதிலளிக்க வேண்டிய கடமை அவருக்கு இருக்கிறது.

நேற்றைய தினம் போயஸ் தோட்டத்தில் முதல்வரை சந்தித்து பேட்டி எடுத்த ஊடக நண்பர்கள், முன்னாள் தலைமைச் செயலாளரின் குற்றச்சாட்டு குறித்தோ, முன்னாள் முதல்வரின் மரணம் குறித்தான சந்தேகம் பற்றி நீதிமன்றம் எழுப்பிய கேள்விகள் குறித்தோ எந்தக் கேள்வியும் எழுப்பாமல் இருந்தது வேதனையளிக்கிறது. இரண்டு நாட்களுக்கு முன்பாக தலைமைச் செயலாளரின் குற்றச்சாட்டு பற்றி என்னிடம் கேட்டபோது, ”தமிழக அரசு பற்றி குற்றச்சாட்டு தெரிவித்திருப்பதால் முதல்வர் பதிலளிப்பதுதான் முறையாக இருக்கும். அவரிடம் கேளுங்கள்”, எனவும் தெரிவித்தேன். தி.மு.க.வைச் சேர்ந்தவர்களிடம் சுதந்திரமாக கேள்வி கேட்கும் உரிமையுள்ள ஊடக நண்பர்கள், அதே சுதந்திரத்தையும், உரிமையையும் ஆளுங்கட்சியிடமும் வெளிப்படுத்த ஏன் தயங்குகிறார்கள் எனத் தெரியவில்லை. உண்மைகளை வெளிக்கொண்டு வரும் வகையில் ஊடக நண்பர்கள் தயக்கமின்றி செயல்பட வேண்டும் என அன்புடன் கேட்டுக் கொள்கிறேன். தமிழக மக்களின் நலன் கருதி ஊடக நண்பர்கள் இந்தக் கடமையை நிறைவேற்றுவார்கள் என எதிர்பார்க்கிறேன். இவ்வாறு அவர் குறிப்பிட்டுள்ளார்.

English Summary:

Further investigation led to the death of her High Court judge the full truth of Stalin insisted that the people should express very rapidly.

Read More

செல்லா நோட்டு நடவடிக்கை: நியாயங்கள், நோக்கங்கள், விளைவுகள்

மத்திய அரசின் செல்லா நோட்டு நடவடிக்கை, கடந்த எழுபதாண்டு இந்திய பொருளாதார வரலாற்றில் எடுக்கப்பட்ட ஒரு மிகப்பெரிய அரசியல் பொருளாதார முடிவாகும். இது, அரசியல், சமுக பொருளாதார களங்களில் கடுமையான பாதிப்புகளை ஏற்படுத்தியுள்ளன.

தொடக்கத்தில் இது கருப்புப் பணத்திற்கு எதிரான ஒரு "துல்லியமான தாக்குதல்" (Surgical Strike) என்று வர்ணிக்கப்பட்டாலும், இது ஏற்படுத்தியுள்ள மிகக்கடுமையான விளைவுகளை நோக்குகையில் இது அனைத்து தரப்பட்ட மக்களையும், துறைகளையும் தாக்கியுள்ள மேலும் தாக்கவிருக்கின்ற ஒரு "தரைவிரிப்பு குண்டுவீச்சு" (Carpet Bombing) என்றுதான் வர்ணிக்கவேண்டியுள்ளது.

இந்த நடவடிக்கையின் உலகளாவிய நியாயங்கள், நமது நாட்டில் அறிவிக்கப்பட்ட இதற்கான நோக்கங்கள், இந்த மாபெரும் நடவடிக்கையின் முழுபரிமானம், எந்தவித தயாரிப்புமின்றி இதை அமல்படுத்திய விதம், இவை அனைத்தும் ஏற்படுத்தும் விளைவுகளுக்கேற்ப அன்றாடம் மாற்றப்பட்டுவரும் புதிய புதிய விதிகள் மற்றும் நோக்கங்கள், இவற்றின் குறுகிய மற்றும் நீண்ட கால பலன்கள், மற்றும் பதிப்புகளை பற்றி இக்கட்டுரையில் காண்போம்.

1.செல்லா நோட்டு: உலகளாவிய நியாங்கள்:

செல்லா நோட்டு நடவடிக்கையின் அவசியம் பற்றி மிகக்குறைவாகவேயுள்ள கோட்பாட்டு நியாயங்களிலிருந்தும், உலகநாடுகளின் அனுபவத்திலிருந்தும் நாம் சில அடிப்படையான உண்மைகளை நிறுவ முடியும்.

1.பொதுவாக இந்த நடவடிக்கை பழைய பணத்தை, ஏதோ ஒரு சில காரணத்துக்காக, மாற்றுவதற்கு மட்டுமே பயன்படுத்தப்பட்டுள்ளது. உதாரணமாக, ஐரோப்பிய நாடுகள் அனைத்தும் ஒன்றிணைந்து ஐரோப்பிய ஒன்றியம் (European Union) என்ற ஒரு பண ஒன்றியத்துக்கு மாறும்போது, அந்தந்த உறுப்பு நாடுகளின் பழைய பணங்களை அழித்து யுரோவுக்கு மாறினார்கள். இது 2002 இல் நடைமுறைப்படுத்தப்பட்டபோது, இதன் ஒரே ஒரு நோக்கம் பழைய பணங்களை அழித்து யூரோவுக்கு மாறுவது மட்டும்தான், வேறு எந்த நோக்கமும் கிடையாது. மேலும், பழைய பணங்களை கொடுத்து புதிய பணம் பெற மூன்று மாதம் அவகாசம் வழங்கப்பட்டது. அந்த மூன்று மாதமும் பழைய பணம் புழக்கத்தில் தொடர அனுமதிக்கப்பட்டது. எனவே எந்த எதிர்விளைவுகளுமின்றி இந்த மாற்றம் எளிதாக நடந்தேறியது. இது போன்று பல நாடுகள் வெற்றிகரமாக இதை நிறைவேற்றியுள்ளன.

2.இந்த நடவடிக்கை எடுக்க மற்றுமொரு நோக்கம் உயர் பணவீக்கம் (Hyperinflation). அதாவது ஒரு நாட்டின் பண மதிப்பு, கடுமையான விலைவாசி உயர்வினால் அழிக்கப்படும்போது, இந்நடவடிக்கையின் மூலம் மதிப்பற்ற பழைய பணம் விலக்கப்பட்டு புதிய பணம் கொண்டுவரப்படும். முன்னாள் சோவியத் யூனியன், மற்றும் ஜெர்மன் நாடுகள் இக்காரணத்திற்காக இந்த நடவடிக்கையினை எடுத்துள்ளன.

மாறாக, கருப்பு பணம், கள்ள பணம், போன்ற காரணங்களுக்காக எந்த ஜனநாயக நாடும் இதுபோன்ற நடவடிக்கையினை எடுக்கவில்லை. அப்படி கருப்பு மற்றும் கள்ளப் பணத்தை இந்த நடவடிக்கை மூலம் ஒழிக்க முடியும் என்றல் அமெரிக்காதான் இது போன்ற நடவடிக்கையினை முதலில் எடுத்திருக்கும்; ஏனென்றால் அவர்கள்தான் இந்த இரு பிரச்சனைளையும் அதிகமாக சந்திக்கிறார்கள். இருந்தபோதும், 1867 இல் இருந்து இன்றுவரை ஒருமுறைகூட இதை அவர்கள் செய்ய துணியவில்லை. காரணம், பணம் என்பது ஒரு 'வாக்குறுதி'; அதை ஒரு அரசு கடைபிடிக்கும்போதுதான் மக்களுக்கு அந்த பணத்தின் மீது நம்பிக்கை ஏற்படுகிறது. இந்த நம்பிக்கையினை காக்கவே அமெரிக்க அரசு ஒருமுறைகூட இந்த நடவடிக்கையை எடுக்கத் துணியவில்லை. ஆனால், கருப்பு மற்றும் கள்ள பணத்தை அவர்கள் விசாரணை மற்றும் வழக்கு மூலமே களைய தேவையான அனைத்து முயற்சிகளையும் மேற்கொள்கின்றனர். இதனால் தான் அமெரிக்க டாலர் இன்றும் ஒரு உலக பணமாக வலுவாக நிலவி வருகின்றது.

இந்தியா மட்டுமே கருப்பு பணத்தை ஒழிக்க இதுபோன்ற முயற்சியினை 1978இல் எடுத்து அதில் தோல்வியும் கண்டது.

மேலும், இந்தியாவில் பணப்புழக்கதின் அளவு மிக அதிகம். இந்தியாவின் பணப்புழக்கம் உலக நாடுகளுடன் ஒப்பிடுகையில் மிக அதிகமாக உள்ளது. அப்படியுள்ள நாடுகளில் இந்த நடவடிக்கையினை எடுக்க்க் கூடாது என்று வல்லுநர்கள் கூறுகின்றார்கள். அப்படிப்பட்ட நாட்டில் இந்த நடவடிக்கை மிக மிக அதிக துன்பத்தை கொடுக்கும் என்பது வல்லுநர்களின் கருத்து.

2.செல்லா நோட்டு நடவடிக்கை அறிவிக்கப்பட்ட நோக்கக்கங்கள்:

செல்லா நோட்டு நடவடிக்கைக்காக அரசால் சொல்லபடும் நோக்கக்கங்கள் நிலையற்றதாக மாறிக்கொண்டே வந்துள்ளது. எனினும், நவம்பர் 2016-ல் பிரதமர் உரையிலும், அதன் பின்னர் வெளியிடப்பட்ட அரசு அறிவிப்புகளும் வெளியிடப்பட்ட நோக்கங்கள் இரண்டு மட்டுமே, அவை கருப்பு பணம் மற்றும் கள்ளப் பண ஒழிப்பு. இந்த அறிவிப்புக்கு பின் பணமற்ற பரிவர்த்தனை ஒரு நோக்கமாக சொல்லப்பட்டது. பின்னர் இந்த நடவடிக்கை குறுகிய காலத்தில் துன்பத்தை கொடுத்தாலும், நீண்ட காலத்தில் பலன் கொடுக்கும் என்று சொல்லப்பட்டது. ஆனால் அந்த நீண்ட கால பலன்கள் என்னென்ன, அதற்கு ஒட்டுமொத்த மக்களும் நமது பொருளாதாரமும் கொடுத்துள்ள விலை என்ன என்பது பற்றி எந்தப் பதிலும் அரசிடம் இருந்து இதுநாள் வரை வரவில்லை. மாறாக, அனைத்து ஊடகங்களும், பல்வேறு இந்திய மற்றும் உலக பொருளாதார வல்லுநார்களும், தர நிர்ணய நிறுவனங்களும், இந்த நடவடிக்கையினை, அதன் பதிப்புகளை, விளைவுகளைப் பற்றி பல்வேறு விமர்சனகளை கூறிவந்தாலும் அரசு இன்றுவரை தான் எடுத்த நடவடிக்கையின் தவறையோ, மக்களுக்கு ஏற்பட்டுள்ள பாதிப்பினையோ, பொருளாதார விளைவுகள் பற்றியோ உணராமல், தனது நடவடிக்கையினை நியாயப்படுத்தியே பேசி வருகின்றது. இருந்த போதும், இதன் நோக்கங்கள் பற்றியும் அவற்றை அரசு அடைந்ததா இல்லையா எனபது பற்றியும் மேலும் பார்ப்போம்.

3. கருப்பு பணத்தின் அளவு மற்றும் வடிவம்:

கருப்பு பணத்தின் அளவு பற்றி எந்த மதிப்பீடும் இல்லை என்று அண்மையில் நிதியமைச்சர் கூறியிருந்தார். அப்படியானால், உச்ச நீதிமன்றத்தில் இது தொடர்பான வழக்கில் மத்திய அரசு தாக்கல் செய்துள்ள பிரமாண வாக்குமூலத்தில் (Affidavit), புழக்கத்திலுள்ள மொத்த 500, 1000 ருபாய் மதிப்பான ரூபாய் 15.44 லட்சம் கோடி ரூபாயில், மூன்றிலிருந்து நான்கு லட்சம் கோடி ரூபாய் வரை கருப்பு பணம் இருப்பதாகவும், அது வங்கிக்கு வராது என்று எதிர்பார்ப்பதாகவும் கூறியது எப்படி என்ற கேள்வி எழுகின்றது. அல்லது, எந்த மதிப்பீடும் இல்லாமல் இந்த நடவடிக்கையில் எப்படி இறங்கினீர்கள் என்ற கேள்வியும் எழுகின்றது.

மற்றொருபுறம் NIPFP ( National Institute for Public Finance and Policy) என்ற மத்திய அரசின் பொதுநிதியியல் பற்றி ஆய்வுகள் மேற்கொள்ளும் ஒரு சிறந்த நிறுவனம், 2014-ல் இந்தியாவிலுள்ள மொத்த கருப்பு பணத்தின் அளவு இந்தியாவின் GDP யில் 75 சதவிதம் என்று மதிப்பீடு செய்து அந்த அறிக்கையினை UPA ஆட்சிக் காலத்திலேயே மத்திய அரசுக்கு சமர்ப்பித்தது. ஆனால், சென்ற அரசும் சரி இந்த அரசும் சரி அந்த அறிக்கையினை வெளியிடவில்லை. இந்த அரசு கருப்பு பணத்துக்கு எதிராக இருப்பது உண்மை என்றல், இந்த அறிக்கையினை வெளியிட ஏன் தயங்கவேண்டும். இப்படி ஒரு, தரமான மதிப்பீடு இருக்கும்போதே, எந்த மதிப்பீடும் இல்லை என்று ஏன் சொல்ல வேண்டும்.

மேலும் கருப்பு பணத்தின் வடிவம் பற்றி மேலும் பல தரமான ஆய்வுகள் உள்ளன. அதில் ஒரு முக்கிய ஆய்வு, தேவ் கர் (Dev Kar) என்ற ஒரு பொருளியல் வல்லுநரின் ஆய்வு. இதன்படி கருப்பு பணம் 95 சதவீதம் சொத்துக்களாக உள்ளன. மேலும் 2006 லிருந்து 2012 வரை நடத்தப்பட்ட திடீர் வருமானவரி சோதனைகளில் 95 சதவிதம் கருப்பு பணம் சொத்துக்களாகவே கைப்பற்றப்பட்டுள்ளன. ரொக்கப் பணத்தின் அளவு சராசரியாக 5 சதவீதமே கைப்பற்றப்பட்டுள்ளது.

இப்படி பெரும்பாலும் சொத்துக்களாக உள்ள 95 சதவீதம் கருப்பு பணத்தில் 72 சதவீதம் வெளி நாடுகளில் சொத்துக்களாகவும் ரொக்கமாக வெளிநாட்டு வங்கிகளிலும் முதலீடு செய்யப்பட்டுள்ளது. மீதமுள்ள 28 சதவீதம் உள்நாட்டில் சொத்துக்களாக உள்ளன. ஆக, ரொக்கமாக உள்ள கருப்பு பணம் என்பது மிக மிக சொற்பமான அளவே. இதற்கு காரணம், கருப்பு பணத்தை ரொக்கமாக வைத்திருந்தால் அது பணவீக்கத்தின் காரணமாக தனது மதிப்பினை இழக்கும். அதுவே, வீடு, நிலம், தங்கம், பங்கு பத்திரம், வெளி நாட்டு முதலீடு, என சொத்துக்களாக இருந்தால் அந்த பணம் மென்மேலும் வளரும். எனவே, யாரும் கருப்பு பணத்தை ரொக்கமாக வைத்திருக்க விரும்புவதில்லை. இது நாம் அனைவரும் புரிந்துகொள்ளக் கூடிய, அரசுக்கு நன்கு தெரிந்துள்ள ஓர் உண்மை.

ஆக, ஒட்டுமொத்த கருப்பு பணம் சொத்துக்களாக உள்நாட்டிலும் வெளிநாட்டிலும் இருக்கும்போது ஓர் அரசு எதை நோக்கி தன் முதல் நடவடிக்கையினை எடுக்க வேண்டும் என்பது ஒரு சாமானியனுக்கு கூட விளங்க்க் கூடிய ஒரு விடயம். குறிப்பாக இந்த அரசு, வெளிநாட்டிலுள்ள கருப்பு பணத்தை ஆட்சிக்கு வந்தால் உள்ளே கொண்டு வருவோம் என்று தனது வாக்குறுதியினை சென்ற நாடாளுமன்ற தேர்தலில் வழங்கியது. இது வரை அதில் ஒரு ரூபாய் கூட உள்ளே வராத ஒரு சூழலில்தான் இந்த நடவடிக்கை எடுக்கப்பட்டுள்ளது.

4. கள்ள பணத்தின் அளவு:

இந்தியாவில் கள்ள பணத்தின் அளவு அதிகரித்து வருவதாக மத்திய ரிசர்வ் வங்கி கூறிவருகிறது. 2013-14-ஆம் ஆண்டில் 4,88,273 கள்ள பண நோட்டுக்கள் பிடிபட்டதாகவும், 2014-15-ஆம் ஆண்டில் 5,94,446 கள்ள பண நோட்டுக்கள் பிடிபட்டதாகவும் கூறியது. இதில் 2,73,923 நோட்டுக்கள் ரூபாய் 500 ஆகவும் மற்றவை ரூ100, ரூ1000 நோட்டுக்களாகவும் இருந்ததாக ரிசர்வ் வங்கி கூறியது. இவை நமது மொத்த பண நோட்டுக்களில் எவ்வளவு என்று பார்க்கவேண்டும். 2015 மார்ச் மாதம் முடிய ரூ100, ரூ500, ரூ1000 நோட்டுக்கள் முறையே 1,50,260 லட்சம் 1,31,280 லட்சம் மற்றும் 56,120 லட்சம் நோட்டுக்கள் ஆக மொத்தம் 3,37,660 லட்சம் நோட்டுக்கள் இருந்தன. இவற்றுடன் பிடிபட்ட கள்ளப் பண நோட்டுக்களை ஒப்பிட்டால் அவை ௦.௦௦18 % தான். இதனை பிடிப்பதற்கு இவ்வளவு துயரங்களை நாம் தாங்கவேண்டுமா? வேறுவிதமாக சொல்லவேண்டும் என்றால் மொத்த பண நோட்டுக்களில் ௦.௦௦18 % கள்ள பண நோட்டுக்களால் பெரிய பொருளாதார பாதிப்பு வராது, அதற்கு இவ்வளவு பெரிய இழப்பை நாம் சந்திக்கவேண்டியதில்லை.

5. செல்லா நோட்டு நடவடிக்கையின் முழுபரிமானம்:

2016 மார்ச் மாதம் முடிய நமது நாட்டின் மொத்த பணப் புழக்கத்தில் 1,57,070 லட்சம் 500 ரூபாய் நோட்டுக்களாகவும் மற்றும் 63,260 லட்சம் ரூ1000 நோட்டுக்களாகவும் இருந்தன. ஒட்டுமொத்தமாக இவற்றின் மதிப்பு ரூ 14,18,000 கோடியாகும். நாட்டின் மொத்த பண அளிப்பான ரூ 16,40,500 கோடியில் இது 86.4% ஆகும். இவ்வளவு பணத்தை ஒரே நாளில் செல்லாது என்று அறிவிப்பது மிகப் பெரிய பொருளாதார சிக்கலை உருவாக்கும் என்று அறிந்தும் இந்த முடிவை அரசு எடுத்திருப்பது கவனிக்கத்தக்கது.

6. திட்டமிடல் இல்லாத அமலாக்கம்
ஒரே நாளில் 2,20,330 லட்சம் ரூபாய் நோட்டுக்கள் செல்லாது என்று அறிவிப்பதற்கு எவ்வளவு முன்னேற்பாடு செய்யவேண்டும்? குறைந்தபட்சம் அதில் 50% நோட்டுக்களையாவது அச்சிட்ட பிறகு தானே செல்லா நோட்டு நடவடிக்கையில் இறங்கி இருக்கவேண்டும். இந்தியாவில் பல தொழில்கள் பண பரிவர்த்தனைக்கு வங்கிகளை நாடுவதில்லை. அவர்களை உடனடியாக வங்கி மூலம் பண பரிவர்த்தனை செய்யவேண்டும் என்று நிர்பந்திப்பது அவர்கள் தொழில்களை பெருமளவிற்கு பாதித்துள்ளது. மக்களும் தங்களின் அன்றாட வாழ்க்கைக்கு தேவையான பணம் இல்லாமல் தவித்து வருகின்றனர்.

7. நிலையற்ற நோக்கங்களும் விதிமுறைகளும்:

சரியான திட்டமில்லாமல், மக்களின் துயரங்களை அதிகரிக்கும் இந்த செயல்பாட்டினால் பெரும் கண்டனத்திற்கு ஆரம்பம் முதலே மத்திய அரசு உள்ளாகியுள்ளது. திட்டத்தில் உள்ள குறைகளை நீக்காமல் மீண்டும் மீண்டும் பண மதிப்பு குறைத்தல் நடவடிக்கையின் நோக்கங்களை விவரிப்பதும், அதற்கு புதிய நோக்கங்களை கூறுவதும், என்று மத்திய அரசு நிலைமையை சமாளிக்க முயற்சிக்கிறது. கணினி மூலம் பணமற்ற பரிவர்த்தனை செய்வதால் எல்லாவற்றையும் கணக்கில் எடுத்து வந்து கருப்பு பண உருவாக்கத்தை குறைக்கமுடியும் என்று அரசு கூறுகிறது. வங்கி வந்துள்ள வைப்பு நிதியை கொண்டு வட்டியை குறைத்து அதிக கடன்களை தொழில்முனைவோருக்கு கொடுக்கமுடியும், அதனால் பொருளாதாரம் உயரும் என்று கூறுகிறது. இதற்காக வங்கிகளில் பணத்தை எடுப்பதற்காக பல தடைகளை ஏற்படுத்தி வருகிறது. ஆனால் ஏற்கனவே அதிக வைப்பு நிதி இருந்தும் சிறு குறு தொழில்களுக்கு, விவசாயத்திற்கு வங்கிகள் கடன் கொடுப்பதில்லை என்பது தானே பலரின் குற்றச்சாட்டு.

8. பணமற்ற பரிவர்த்தனை:

நாட்டில் ஐம்பது சதவீத மக்களுக்கே வங்கிக் கணக்கு உள்ளது. இதில் எழுபத்தைந்து சதவீத மக்களின் வங்கி கணக்குகள் செயல்படாத கணக்குகளாக உள்ளன. கணினி மயமாக்கப்பட்ட பண பரிவர்த்தனைக்கு தடையில்லாத மின்சாரம் எல்லா இடங்களிலும் எப்போதும் கிடைக்கவேண்டும். அதே போல குறைந்த செலவில் அகன்ற அலைவரிசை இணைய இணைப்பு எல்லா இடங்களிலும் எல்லா நேரங்களிலும் கிடைக்கவேண்டும். வர்தா புயலுக்கு பிறகு பல நாட்கள் இவை இரண்டும் இல்லாமால் சென்னை போன்ற பெருநகரங்கள் எவ்வளவு துயரங்களை சந்தித்தன என்று பார்த்தோம். பல லட்சம் கிராமங்களின் நிலை இதைவிட குறைவான மின்சார மற்றும் இணைய வசதிகளை உடையன, அவை எவ்வாறு கணினி மயமாக்கப்பட்ட பண பரிவர்த்தனைக்கு செல்லமுடியும் என்று யோசிக்காமலே இந்த முயற்சியை அரசு செய்ய முனைந்துள்ளது.

9. குறுகிய கால மற்றும் நீண்ட கால விளைவுகள்:

குறுகிய காலத்தில் சிறு குறு வியாபாரங்கள் உற்பத்தி நிறுவனங்கள் பாதிப்புக்கு உள்ளாகியுள்ளன. விவசாயம் போதுமான கடன் பெரும் வசதி இல்லாமல் சரிவை நோக்கி சென்றுகொண்டிருக்கிறது. இதன் தொடர்ச்சியாக எல்லா மாநில அரசுகளும் வரி வருவாயை இழந்து வருகின்றன. அரசு செய்யவேண்டிய பல நடவடிக்கைகளில் தடை ஏற்பட்டுள்ளது. கிராம நூறு நாள் வேலைவாய்ப்பு திட்டத்தில் பண பட்டுவாடா செய்யமுடியாமல் பல மாநில அரசுகள் தவிக்கின்றன. மறுத்த செலவுக்கு பணம் இல்லாமல் மக்கள் தவிப்பதை செய்தித்தாள்கள் எழுதி தீர்த்துவிட்டன. வெளியூர் பயணங்கள் செய்வதை மக்கள் குறைந்துள்ளனர். இதன் தொடர்ச்சியாக அடுத்த இரண்டு ஆண்டுகள் வரை இந்திய பொருளாதாரம் நீண்ட கால மந்த நிலையில் இருக்கும் வாய்ப்பு அதிகரித்துள்ளது.

10. இதன் உண்மையான நோக்கங்கள் பற்றி சில அனுமானங்கள்:

சொத்துக்களாகவும், வெளிநாட்டு வங்கிகளில் அந்நிய செலாவணிகளாகவும் இருக்கும் கருப்பு பணத்தை எடுக்க அரசு முயற்சிக்காமல், இந்தியாவில் உள்ள சிறு அளவான கருப்ப பணத்தை கண்டுபிடிப்பதாக சொல்லி இவ்வளவு பெரிய பொருளாதார சிக்கலை ஏற்படுத்தியுள்ள மத்திய அரசுக்கு வேறு நோக்கங்கள் உள்ளனவா? என்ற சந்தேகம் எழுகிறது. அடுத்த சில மாதங்களில் நடக்க உள்ள சில மாநில சட்டமன்ற தேர்தல்களில் எதிர்கட்சிகள் பண பட்டுவாடா செய்யாமல் இருக்க இந்த முயற்சியா என்ற கேள்வியை சிலர் எழுப்புகின்றனர். இந்தியாவில் உள்ள பொருளாதார சமூக பிரச்சனைகளுக்கு தீர்வு காண முடியாமல் மக்களின் கவனத்தை திசை திருப்பும் முயற்சியா என்ற கேள்வியும் எழுகிறது.

English summary:

Chellah note that federal action taken in the last seven decade history of the Indian economy as a major political and economic decision. The political, social and economic domains severe impact .

Read More

2016 ஆம் ஆண்டின் நிகழ்வுகளை சித்தரிக்கும் கார்ட்டூன் தொகுப்பு

இந்தியாவில் 2016 ஆம் ஆண்டில் அரசு எடுத்த நடவடிக்கைகள் - அதன் தாக்கம் - சித்திரங்களாக.

251 ரூபாய்க்கு அலைபேசி வழங்கப்படும் என்ற திட்டம் அறிவிக்கப்பட்டது

உயர் மதிப்பு ரூபாய் நோட்டு செல்லாது என்ற அறிவிப்பால், மக்கள் தங்கள் பழைய ரூபாய் நோட்டுக்களை மாற்ற வங்கிகளில் நீண்ட வரிசையில் காத்து நிற்கும் நிலை ஏற்பட்டது.

பிகாரில் முழுமையான மதுவிலக்கு அமல்படுத்தப்பட்டது.

ரூபாய் நோட்டு தட்டுப்பாட்டால் மக்கள் பல சிக்கல்களை சந்திக்க நேர்ந்தது.

இந்த ஆண்டு 500 மற்றும் 1000 ரூபாய் நோட்டுக்கள் செல்லாது என்று அறிவிக்கப்பட்டது.

இந்தியாவில் 500 மற்றும் 1000 ரூபாய் நோட்டுக்கள் செல்லாது என்ற அறிவிப்பை அடுத்து பல புதிய விதிகள் போடப்பட்டது

English summary:

The measures taken by the Government of India in 2016 - and its impact - as Wallpaper.

Read More

வறட்சி., வறட்சி., எலிக்கறி தின்ற விவசாயிகள்

திருச்சி: போதிய மழை பெய்யாததால் வறட்சியால் தமிழகத்திற்கு போறாத காலம் துவங்கி விட்டது என்று நேற்றைய தினமலர் இணையதளத்தில் முதல் பக்க செய்தி வெளியானது. தினமலர் சொன்னது போல் இன்று 30 ம் தேதி திருச்சியில் விவசாயிகள் சங்கத்தினர் எலிக்கறி தின்ற நூதன போராட்டம் நடத்தினர்.

தமிழகத்தில் நடப்பாண்டு வடகிழக்கு மற்றும் தென்மேற்கு பருவ மழை பொய்த்ததால் காவிரி மற்றும் டெல்டா மாவட்டம் மட்டுமின்றி மாநிலம் முழுவதும் விவசாயம் பாதித்தது. இதனால் விரக்தி அடைந்து விவசாயிகள் தமிழகம் முழுவதும் 40 க்கும் மேற்பட்டோர் மனம் நொந்து இறந்தனர். சிலர் தற்கொலையும் செய்தனர் . இதனால் விவசாய குடும்பம் கடுமையாக பாதித்துள்ளது.

எலியை கடித்து தின்று.,

இதனால் தமிழகத்தை வறட்சி மாவட்டமாக அறிவித்து , இறந்தவர் குடும்பத்தினருக்கு நிவாரணம் வழங்க கோரி தேசிய தென் இந்திய நதிகள் இணைப்பு விவசாயிகள் சங்கத்தினர் திருச்சி கலெக்டர் மாவட்டத்தை முற்றுகையிட்டு எலிக்கறி சாப்பிடும் போராட்டத்தை நடத்தினர். விவசாய சங்க தலைவர் அய்யாக்கண்ணு தலைமையில் 20 க்கும் மேற்பட்ட விவசாயிகள் வாசலில் அமர்ந்து எலியை கடித்து தின்று போராட்டம் நடத்தினர். இது தவிர சட்டியில் எலிக்கறி வைத்தும் போராட்டம் நடத்தினர். இந்த போராட்டத்தை மக்கள் வினோதமாக பார்த்தனர்.

திருச்சியில் காலை 11 மணிக்கு விவசாயிகள் குறைதீர்க்கும் கூட்டம் நடப்பதாக இருந்தது. ஆனால் கலெக்டர் வராததால் விவசாயிகள் இந்த கூட்டத்தை புறக்கணித்தனர் . வறட்சியின் பாதிப்பு இன்னும் போக, போக அதிகரிக்கும் என்றனர்.

English summary:

Tiruchirapalli: Tamil Nadu enough insufficient rainfall  Since the drought that has been front-page news was published yesterday on the website of Dina. As said Dina rat flesh ate today on the 30th and particularly the Association of farmers protested in Trichy. 

Read More

டில்லி துணை முதல்வர் அலுவலகத்தில் திருட்டு

புதுடில்லி: டில்லி துணை முதல்வர் அலுவலகத்தில் ஆவணங்கள் திருடு போகின. டில்லி துணை முதல்வராக இருப்பவர் ஆம் ஆத்மியின் மணிஷ் சிசோடியா. இவரது அலுவலகத்தில் திருட்டு சம்பவம் நடந்துள்ளது.
அவரது அலுவலகத்தில் பல முக்கிய ஆவணங்கள், கம்ப்யூட்டர்கள் திருடு போயுள்ளது தெரியவந்துள்ளது. துணை முதல்வர் கடிதம் எழுத பயன்படுத்தும் லெட்டர்பேடும் திருடு போயுள்ளது. போலீசார் சம்பவ இடத்திற்கு நேரில் வந்து விசாரணை நடத்தி வருகின்றனர்.
ஆவணங்கள் திருடு போன சம்பவம் ஆம்ஆத்மி கட்சியில் பரபரப்பை ஏற்படுத்தியுள்ளது.

English Summary:

New Delhi: Delhi Chief Minister's office Deputy things stolen documents. Delhi is the Deputy Chief Minister Manish Sisodia of the Aam Aadmi. Theft incident in his office.
Many important documents in his office, has been stealing the computers revealed. india,

Read More

இன்று மாலை அ.தி.மு.க., எம்.எல்.ஏ.,க்கள் கூட்டம்?

சென்னை: அ.தி.மு.க., எம்.எல்.ஏ.,க்கள் கூட்டம் கட்சியின் தலைமை அலுவலகத்தில் நடைபெற உள்ளதாக உறுதி செய்யப்படாத தகவல்கள் கூறுகிறது.
முதல்வராக இருந்த ஜெயலலிதா மறைவை தொடர்ந்து முதல்வராக பன்னீர்செல்வம் தேர்வு செய்யப்பட்டுள்ளார். நேற்று சென்னை வானகரத்தில் நடந்த பொதுக்குழு கூட்டத்தில் கட்சியின் புதிய பொதுச்செயலாளர் தேர்வு செய்யப்பட்டார். இந்த செயற்குழு மற்றும் பொதுக்குழு கூட்டத்தில் கட்சியின் முக்கிய நிர்வாகிகள், எம்.எல்.ஏ.,க்கள் என பலர் கலந்து கொண்டனர். கூட்டம் முடிந்ததை தொடர்ந்து எம்.எல்.ஏ.,க்கள் சொந்த ஊர்களுக்கு திரும்பிக்கொண்டிருந்தனர்.
இந்நிலையில், நேற்று நள்ளிரவு அவர்கள் உடனடியாக சென்னை திரும்பி வர உத்தரவிடப்பட்டுள்ளதாகவும், இன்று மாலை 4 மணியளவில் எம்.எல்.ஏ.,க்கள் கூட்டம் கட்சி தலைமை அலுவலகத்தில் நடைபெறலாம் என உறுதி செய்யப்படாத தகவல்கள் தெரிவிக்கின்றன.

English Summary:

Chennai: AIADMK MLAs meeting to be held at the party's headquarters, according to unconfirmed reports. 

Read More

100 பஸ்களை குவித்த வி.ஐ.பி.,க்கள் : சி.பி.ஐ., கண்காணிப்பு தீவிரம்

கொங்கு மண்டலத்தில், 100 தனியார் பஸ்களை, வழித்தட அனுமதியுடன், 10 மடங்கு கூடுதல் விலை கொடுத்து வாங்கிய, வி.ஐ.பி.,க்கள் குறித்தும், பஸ்களை விற்றவர்கள் பட்டியலை தயார் செய்தும், சி.பி.ஐ., கண்காணிப்பை தீவிரப்படுத்தி உள்ளது.

கறுப்புப் பணத்தை ஒழிக்கும் நோக்கில், மத்திய அரசு, நவ., 8 முதல் பழைய, 500 - 1,000 ரூபாய் நோட்டுகளை செல்லாதென அறிவித்தது. இதனால், கோடிக்கணக்கில் பணத்தை குவித்து வைத்திருந்த, வி.ஐ.பி.,க்கள் பலர், அதை மாற்றும் வகையில், பல்வேறு தொழில்களில் முதலீடு செய்தனர். அந்த வகையில், மாம்பழத்துக்கும், முட்டைக்கும் பெயர் பெற்ற ஊர்களைச் சேர்ந்த இரு, வி.ஐ.பி.,க்கள், தங்களின் கறுப்புப் பணத்தை, தனியார் பஸ்கள், அவற்றின் வழித்தடங்கள் மீதும் முதலீடு செய்துள்ளனர். குறிப்பாக, சேலம், நாமக்கல், ஈரோடு, திருப்பூர், கோவை மாவட்டங்களில், 100 தனியார் பஸ்கள், வழித்தட அனுமதியுடன் வாங்கப்பட்டுள்ளன. இந்த மாவட்டங்களில் தற்போது, பஸ் வழித்தட அனுமதிக்கு, அரசு, 20 லட்சம் ரூபாய் நிர்ணயித்துள்ளது.

ரூ.1,000 கோடிக்கு மேல் :

இந்நிலையில், இயக்கப்படும் பஸ்சின் நிலையை பொறுத்து, ஒரு பஸ், வழித்தடத்துடன், 1.50 கோடி ரூபாய் முதல், 2.50 கோடி ரூபாய் வரை, மார்க்கெட் விலையாக உள்ளது. ஆனால், பணப்புழக்க கெடுபிடி காரணமாக, ஒரு வழித்தடம் மற்றும் பஸ்சை, 10 கோடி ரூபாய் கொடுத்து, இரண்டு, வி.ஐ.பி.,க்கள் வாங்கி குவித்துள்ளதாக தகவல் வெளியாகி உள்ளது.அந்த வகையில், 100 பஸ்கள், வழித்தடத்துடன், 1,000 கோடி ரூபாய்க்கு வாங்கப்பட்டுள்ளன. இது குறித்து, மத்திய உளவுத் துறை, சி.பி.ஐ., வருமான வரித்துறை அதிகாரிகளுக்கு தகவல் கிடைத்துள்ளது. இதையடுத்து, சேலம், ஈரோடு, கோவை மாவட்டங்களுக்கு உட்பட்ட, 23 வட்டார போக்குவரத்து அலுவலகங்களில், நவ., 8க்கு பின், கை மாறிய தனியார் பஸ்கள் குறித்த பட்டியலை தயார் செய்துள்ளனர்.

கறுப்பு பணம் பதுக்கல் :

இதில், சேலம், திருச்செங்கோடு, ஈரோடு, சங்ககிரி, கோவை வட்டார போக்குவரத்து அலுவலகங்களில், 88 தனியார் பஸ்கள் கை மாறி உள்ளன. சேலம் மாநகரில், எட்டு தனியார் பஸ்களை, ஒரே நிறுவனம் வாங்கி உள்ளது. கொங்கு மண்டலத்தில், 88 பஸ்கள், முறையாக உரிமையாளர் பெயர் மாற்றம் செய்யப்பட்டுள்ள நிலையில், 12 பஸ்கள் மட்டும் உரிமையாளர்களின் பெயர் மாறாமல் இருப்பது தெரிய வந்துஉள்ளது. இந்த பஸ்களை வாங்கிய வர்கள், விற்பனை செய்தவர்கள் குறித்து பட்டியல் தயாரித்துள்ள, சி.பி.ஐ., பணத்தை எந்த வகையில் முதலீடு செய்துள்ளனர் என்பது குறித்து, தீவிர விசாரணையை துவக்கி உள்ளது.சேலம், நாமக்கல் மாவட்டத்தைச் சேர்ந்த ஆளுங்கட்சி, வி.ஐ.பி.,க்கள் இருவரையும், தீவிர கண்காணிப்பு வளையத்துக்குள் கொண்டு வந்துள்ளது. இது, தனியார் பஸ் உரிமையாளர்கள், வட்டார போக்குவரத்து அலுவலர்கள் மத்தியில், பீதியை ஏற்படுத்தியுள்ளது.

தனியார் பஸ் உரிமையாளர் ஒருவர் கூறியதாவது: கொங்கு மண்டலத்தில், ஆளுங்கட்சி, வி.ஐ.பி.,க்கள் இருவர், பழைய ரூபாய் நோட்டுகளை வைத்து, 100 தனியார் பஸ் வழித்தடங்கள், 10 சேகோ பேக்டரிகளை வாங்கி குவித்து உள்ளனர். இவர்களின் கறுப்புப் பண பதுக்கல் குறித்து, சி.பி.ஐ., அதிகாரிகள் விசாரணை நடத்தி வருகின்றனர். இதனால், எந்நேரத்திலும், சேலம், நாமக்கல் மாவட்டங்களில் உள்ள தனியார் பஸ் உரிமையாளர்களை குறி வைத்து, 'ரெய்டு' நடக்க வாய்ப்புள்ளது. இவ்வாறு அவர் கூறினார்.

English summary:

Kongu region, 100 private buses, transit permits, and 10 times more costly, VIP, PES, about the buses will prepare a list of sellers, CBI has intensified surveillance. 

Read More

'ரெய்டு' ராவ் அறையில் சோதனை ஏன்? வருமான வரித்துறை புதிய தகவல்

சென்னை, கோட்டையில் உள்ள, ராமமோகன ராவ் அறையில், சோதனை நடத்த வேண்டிய அவசியம் ஏன் ஏற்பட்டது என்பது குறித்து, வருமான வரித்துறை அதிகாரிகள் புதிய தகவலை வெ
ளியிட்டுள்ளனர்.

வருமான வரி அதிகாரிகள் கூறியதாவது: மணல் கான்ட்ராக்டர், சேகர் ரெட்டியின் வீட்டில், நாங்கள் பறிமுதல் செய்த ஆவணங்கள் அடிப்படையில், சி.பி.ஐ., மற்றும் அமலாக்கப் பிரிவு சார்பில், அவர் மீது வழக்குப்பதிவு செய்யப்பட்டது. அவரையும், அவரது நண்பர்களையும், சி.பி.ஐ., கைது செய்தது. ரெட்டியின் வடநாட்டு நண்பர்களும், அமலாக்கப் பிரிவால் கைது செய்யப்பட்டனர். அதனால், தன் வீட்டுக்கு, சி.பி.ஐ., அல்லது அமலாக்கப் பிரிவு போன்ற, கைது செய்யும் அதிகாரம் படைத்த, மத்திய புலனாய்வு அமைப்புகள் வரலாம் என, ராவ் எதிர்பார்த்து இருக்கிறார். அதனால் தான், 'நான், வேறு மத்திய புலனாய்வு அமைப்பு அதிகாரிகள், விசாரணைக்காக வருவர் என எதிர்பார்த்தேன்' என, எங்களிடம் கூறினார்.

பெரும்பாலும், சோதனையிடச் செல்லும் இடங்களில், மொபைல் போன்களை, 'ஆப்' செய்யும்படி சொல்லி விடுவோம். ஆனால், ராவ், தலைமைச் செயலர் நிலையில் இருந்ததால், பேச அனுமதித்தோம். அப்போது அவர், தனி உதவியாளரை அழைத்து, கோட்டையில் உள்ள அறையில், இரு மொபைல் போன்கள் இருப்பதாகவும், அதை, டிரைவரிடம் எடுத்து கொடுக்கும்படியும் கூறினார். அதன் பிறகே, கோட்டையில் சோதனை நடத்த, வாரன்ட் தயார் செய்தோம். அந்த மொபைல் போன்களை, அவர் வீட்டுக்கு கொண்டு வருவதில்லை; சொந்த உபயோகத்திற்காக வைத்திருந்தார். இவ்வாறு அவர்கள் தெரிவித்தனர்.

English Summary:

Chennai, with the castle, ramamokana Rao in the room, so there was no need to conduct testing on the income tax authorities have released new information. 

Read More

புதிய 1,000 ரூபாய் நாளை அறிவிப்பா?

புதுடில்லி : 'ஆங்கில புத்தாண்டு முதல், புதிய, 1,000 ரூபாய் நோட்டு வெளியிடப்படலாம்' என, தகவல் பரவி வருகிறது.

எதிர்பார்ப்பு:

நாட்டில் புழக்கத்தில் இருந்த,
500 - 1,000 ரூபாய் நோட்டுகள் நீக்கப்பட்டு, புதிய, 500 - 2,000 ரூபாய் நோட்டுகளை, ரிசர்வ் வங்கி அறிமுகப்படுத்தியது. இதுபற்றிய அறிவிப்பை, பிரதமர் மோடி, நவ., 8ல், 'டிவி' வாயிலாக அறிவித்தார். இந்நிலையில், நாளை இரவு, அவர், 'டிவி'யில் பேசப்போவதாக அறிவிக்கப்பட்டுள்ளது. அப்போது, புதிய அறிவிப்புகள் வெளியாக வாய்ப்பு உள்ளது. குறிப்பாக, புதிய, 1,000 ரூபாய் நோட்டு பற்றிய அறிவிப்பு வெளியாகலாம் என்றும் தகவல் வெளியாகி உள்ளது.

English Summary:

NEW DELHI: The 'English for the New Year, a new, 1,000-rupee note revealing that information is spread.

Read More

தினகரனுக்கு சசிகலா முக்கியத்துவம்: மற்ற உறவினர்கள் அதிருப்தி

சசிகலா குடும்பத்தில், தற்போது, டி.டி.வி., தினகரனுக்கு முக்கியத்துவம் அளிக்கப்படுவ தால், மற்ற உறவினர்கள் அதிருப்தியில் உள்ளனர்.

ஜெயலலிதா மறைந்ததும், அவரது உடல், பொதுமக்கள் அஞ்சலிக்காக, ராஜாஜி ஹாலில் வைக்கப்பட்டிருந்தது. அவரது உடலை சுற்றி, சசிகலாவின் உறவினர்கள் நின்றனர். ஜெயலலிதாவால் கட்சியில் இருந்து நீக்கப்பட்டு, வீட்டை விட்டு துரத்தி அடிக்கப் பட்ட, சசிகலா உறவினர்கள், உடலை சுற்றி நின்றது, அ.தி.மு.க.,வினரிடையே கடும் அதிர்ச்சியையும், பெரும் சர்ச்சையை ஏற்படுத்தியது.அதைத் தொடர்ந்து, உறவினர்களை 'கொஞ்ச நாட்கள் போயஸ் கார்டன் வர வேண்டாம்' என, சசிகலா உத்தரவிட்டிருந்தார். அதைத் தொடர்ந்து, சசிகலா உடனிருப்பது யார் என்பதில், சசிகலா குடும்பத்தினர் இடையே, மோதல் உருவானது. குறிப்பாக, சசிகலாவின் சகோதரர் திவாகரனுக்கும், சகோதரி மகன், டி.டி.வி., தினகரனுக்கும் இடையே, அதிகாரப்போட்டி ஏற்பட்டது.இந்நிலையில், அ.தி.மு.க., பொதுச் செயலராக, சசிகலா தேர்வு செய்யப் பட்டுள்ளார். இதற்கான தீர்மான நகலை, போயஸ் கார்டனில், சசிகலாவிடம், முதல்வர் பன்னீர்செல்வம் வழங்கினார். அப்போது, சசிகலாவுடன், டி.டி.வி.தினகரன், இளவரசியின் மகன் விவேக் ஆகியோர் இருந்தனர். இதன் மூலம், அவர்களுக்கு, சசிகலா முக்கியத்துவம் அளிப்பது உறுதியாகி உள்ளது. இது, சசிகலா வின் மற்ற உறவினர்களிடம், அதிருப்தியை ஏற்படுத்தி உள்ளது.

புதிய ராஜகுரு தினகரன்:

ஜெயலலிதா மறைவுக்குப் பின், கட்சியை வழி நடத்தும் பொறுப்பை, தன்னிச்சையாகவே எடுத்துக் கொண்டார் சசிகலா. இது கட்சியின் அனைத்து மட்டங்களிலும் கடும் எதிர்ப்பை ஏற்படுத்தியது. இந்நிலையில், கட்சியினரை சமாளிக்க டி.டி.வி.தினகரன் போன்ற ஒருவரை பயன்படுத்திக் கொள்வதுதான் சரியாக இருக்கும் என நடராஜன் நினைத்தார். ஏற்கனவே அரசியல் அனுபவம் சிறிது இருப்பதால், அவரை களத்தில் இறக்கி விட்டு, கட்சியினரை சமாளிக்க முயற்சி எடுக்கப்பட்டது.

தினகரனின் பணி:

இதையடுத்து தான், கட்சி நிர்வாகத்தில் இருந்து பல ஆண்டுகளாக முழுமையாக ஒதுக்கி வைக்கப்பட்டிருந்த தினகரனை அழைத்து, கூட வைத்துக் கொண்டார் சசிகலா. நான் எந்த சிக்கலும் இல்லாமல் பொதுச் செயலர் ஆக வேண்டும். அதற்கு உன்னால் தான் உதவிட முடியும் என்று சொல்ல, பத்து நாட்களுக்கு முன்னால், தீவிர அரசியலில் களம் இறங்கினார் தினகரன்.தினமும் அதிகாலையிலேயே போயஸ் தோட்டம் வரத் துவங்கினார். அதிரடியாக பேசிப் பழக்கம் இல்லாத தினகரன், கட்சியில் சசிகலாவுக்கு யார் யார் எல்லாம் எதிர்ப்பாக இருக்கின்றனர் என்ற பட்டியல் எடுத்தார். அந்த தலைவர்கள் ஒவ்வொருவரையும் தொடர்பு கொண்டார். மெலிதான தன்னுடைய குரலில் பேசத் துவங்கினார்.

உருக்கமாக பேசி...:

செங்கோட்டையனில் துவங்கி, கே.பி.முனுசாமி வரை, சசிகலாவின் எதிர்ப்பு முகாமில் இருந்த ஒவ்வொருவரிடமும் தனித்தனியாகப் பேசினார். கடந்த கால கசப்புகள் இனி ஒரு நாளும் நடக்காது. அதற்கு நான் கியாரண்டி. ஏற்கனவே எனக்கு இருந்த சில நெருடல்களும் முழுவதுமாக நீங்கி விட்டன. சசிகலா, கட்சியின் பொதுச் செயலராக தேர்ந்தெடுக்கப்பட்டாலும், ஆட்சி மற்றும் கட்சியில், என்னைப் போன்றவர்களுக்கு கட்டாயம் முக்கியத்துவம் இருக்கும். அப்படி இருக்குபோது, உங்கள் பிரதிநிதியாக இருந்து, நான் உங்களுக்கு உதவிடுவதைத் தவிர, வேறு யாருக்கு உதவிடப் போகிறேன்?ஆட்சி அதிகாரத்தைப் பொறுத்த வரையில், முதல் நபராக இருந்து செயல்படும் முதல்வர் பன்னீர்செல்வம், என்னால் கட்சியில் அடையாளப்படுத்தப்பட்டவர்தான். அவர் ஒருநாளும் நான் வைக்கும் வேண்டுகோளை மீறி செயல்பட மாட்டார். அவருக்கு என் மீது அப்படியொரு அன்பும்; பற்றுதலும் உண்டு என்று உருக்கமாகப் பேச, எதிர்ப்பாளர்களை சாய்த்தார். சசிகலாவுக்கு எதிர்ப்பாக செயல்பட்ட தலைகள் எல்லாம், திடீரென டிராக் மாறி, சரண்டர் ஆனதன் பின்னணி இதுதான் என, அ.தி.மு.க., வட்டாரங்களிலே பரபரப்பாக பேசிக் கொள்கின்றனர்.

டிச. 29ல், வானகரம் ஸ்ரீவாரு திருமண மண்டபத்தில், அ.தி.மு.க., பொதுக்குழு என முடிவு செய்தது வரை, தினகரன் ஆலோசனைபடிதான் நடந்ததாக சொல்கிறது போயஸ் வட்டாரம்.

English Summary:

Sasikala family, present, D.D.V given the importance of the New York Times, and other relatives are dissatisfied.

Read More

செல்லாத நோட்டு திட்டம் ஏன்? காரணம் கூற ரிசர்வ் வங்கி மறுப்பு

புதுடில்லி: செல்லாத ரூபாய் நோட்டு திட்டம் கொண்டு வரப்பட்டதற்கான காரணங்களை தெரிவிக்க, ரிசர்வ் வங்கி மறுத்து உள்ளது.

கேள்வி:

செல்லாத நோட்டு திட்டம் அறிவிக்கப்பட்டதன் பின்னணியில் உள்ள காரணங்களை தெரிவிக்கும்படி ரிசர்வ் வங்கியிடம், தகவல் உரிமை சட்டத்தின் கீழ் கேள்வி எழுப்பப்பட்டது. ஆனால், 'செல்லாத நோட்டு திட்டத்தின் பின்னணியில் உள்ள காரணங்களை, தகவல் உரிமை சட்டத்தின்படி வெளிப்படையாக தெரிவிக்க முடியாது' என, ரிசர்வ் வங்கி கூறியுள்ளது.

மறுப்பு:

புதிய நோட்டுகளை சப்ளை செய்து முடிப்பதற்கான காலம் குறித்த மற்றொரு கேள்வி, தகவல் உரிமைச் சட்டப்படி, ஒரு தகவலாக வரையறுக்கப்படாததால், அதுபற்றி தெரிவிக்க முடியாது என்றும் ரிசர்வ் வங்கி கூறியுள்ளது.

இதுகுறித்து, முன்னாள் மத்திய தகவல் ஆணையர், சைலேஷ் நிருபர்களிடம் கூறுகையில், ''தகவல் உரிமை சட்டப்படி கேட்கும் கேள்விக்கு, ரிசர்வ் வங்கி போன்ற அரசு அமைப்பு பதில் தெரிவிக்காத பட்சத்தில், அந்த சட்டத்தில் உள்ள விதிவிலக்கு, சம்பந்தப்பட்ட கேள்விக்கு எந்த வகையில் பொருந்தும் என்பதை தெரிவிக்க வேண்டும்,'' என்றார்.

English summary:

NEW DELHI: Invalid reasons for the bill to be put into the project, the Reserve Bank has refused.

Read More

ஆதாரமற்ற குற்றச்சாட்டுகள் மீது வழக்கு பாயும்; பா.ஜ., எச்சரிக்கை

புதுடில்லி : பிரதமர் நரேந்திர மோடி, பா.ஜ., தேசியத் தலைவர் அமித் ஷா ஆகியோருக்கு எதிராக ஆதாரமற்ற குற்றச்சாட்டுகளை கூறி வரும் காங்., தலைவர்கள் மீது வழக்கு தொடரப்படும் என பா.ஜ., எச்சரித்துள்ளது.

வழக்கு பாயும் :

டில்லியில் நடந்த செய்தியாளர்கள் சந்திப்பில் கலந்து கொண்ட மத்திய அமைச்சர் ரவிசங்கர் பிரசாத் தெரிவித்ததாவது: பிரதமர் நரேந்திர மோடி மீதும், பா.ஜ., தலைவர் அமித் ஷா மீதும், அடிப்படை ஆதாரமற்ற ஊழல் குற்றச்சாட்டுகளை, காங்கிரஸ் தலைவர்கள் கூறி வருகின்றனர். இதுபோன்ற அபாண்டமான பொய் புகார்களை கூறினால், அவர்கள் மீது சட்டப்படி நடவடிக்கை எடுக்கப்படும். பொய் புகார் கூறியவர்களுக்கு எதிராக வழக்கு தொடரப்படும்.

வெற்றி:

ரூபாய் நோட்டு வாபஸ் நடவடிக்கைக்கு பின் நடைபெற்ற தேர்தல்களில் பா.ஜ., வெற்றி பெற்றுள்ளது. தேர்தல்களில் தோல்வியைத் தழுவிய காங்., கட்சி, அதிலிருந்து எந்தவொரு பாடத்தையும் கற்றுக்கொள்ளவில்லை. இவ்வாறு அவர் தெரிவித்தார்.

English Summary:

New Delhi : Prime Minister Narendra Modi, BJP national president Amit Shah, have been making groundless accusations against Cong., BJP leaders to continue on the case, warned.

Read More

முதல்வரையே ‛சஸ்பெண்ட்' செய்த கட்சி; அருணாச்சலில் அதிரடி

இடாநகர் : நாட்டின் மிகவும் இளம் வயது முதல்வர் என்ற பெருமை உடைய, அருணாச்சல பிரதேச முதல்வர் பெமா காண்டு(37) கட்சியிலிருந்து அதிரடியாக ‛சஸ்பெண்ட்' செய்யப்பட்டார்.

சஸ்பெண்ட்:

அருணாச்சல பிரதேசத்தின் முதல்வர் பெமா காண்டை அவரது கட்சியான அருணாச்சல் மக்கள் கட்சி அதிரடியாக சஸ்பெண்ட் செய்துள்ளது. அவரோடு துணை முதல்வர் சவ்னா மேயின் மற்றும் 5 எம்.எல்.ஏ.,க்களும் சஸ்பெண்ட் செய்யப்பட்டனர்.

உத்தரவு:

கட்சி விரோத நடவடிக்கையில் ஈடுபட்டதற்காக இவர்கள் அனைவரையும் கட்சியின் அடிப்படை உறுப்பினர் பதவியிலிருந்து தற்காலிகமாக சஸ்பெண்ட் செய்வதாகவும், அவர்கள் நடத்தும் கூட்டங்களில் கட்சியினர் பங்கேற்கக் கூடாது எனவும் அருணாசலப் பிரதேச மக்கள் கட்சியின் தலைவர் காபா பென்ஜியா உத்தரவிட்டுள்ளார்.

தனி இடம் :

மேலும் தங்கள் கட்சியிலிருந்து நீக்கப்பட்டவர்களுக்கு சட்டசபையில் தனி இடம் ஒதுக்க வேண்டும் எனவும் மாநில சட்டசபை தலைவருக்கு கடிதம் எழுதியுள்ளார்.

அரசியல் திருப்பங்கள்:

மொத்தம், 60 தொகுதிகள் உடைய அருணாச்சல பிரதேச சட்டசபைக்கு, பல்வேறு அரசியல் திருப்பங்களை சந்தித்த பின் சுப்ரீம் கோர்ட் தலையீட்டால் பெமா காண்டு, அம்மாநில முதல்வராக, கடந்த ஜூலை மாதம் பதவியேற்றார். அருணாச்சல் மக்கள் கட்சி பா.ஜ., உடன் கூட்டணியில் உள்ளது குறிப்பிடத்தக்கது.

English Summary:

Itanagar : The country is very proud of being the youngest Chief Minister of Arunachal Pradesh Chief Minister pema kantu (37), a party to the action from the 'suspended' was.

Read More

செல்லாத ரூபாய் நோட்டு: இன்று கடைசி நாள்

புதுடில்லி : செல்லாத ரூபாய் நோட்டுகளை, வங்கிகளில், 'டிபாசிட்' செய்வதற்கு, இன்று(டிச.,30) கடைசி நாள்.

வாபஸ்:

நவம்பர், 8ம் தேதி இரவு, தொலைக்காட்சியில் பேசிய பிரதமர் மோடி, '500 - 1,000 ரூபாய் நோட்டுகள், நள்ளிரவு முதல் செல்லாது' என அறிவித்தார். எனினும், அந்த செல்லாத ரூபாய் நோட்டுகளை, வங்கிகளில், 'டிபாசிட்' செய்து, அதற்கு பதிலாக, செல்லத்தக்க நோட்டுகளை பெற, அவகாசம் அளிக்கப்பட்டது. உரிய அடையாள சான்று காட்டி, எந்த வங்கியிலும், நாளொன்றுக்கு, 4,000 ரூபாய்க்கு மிகாமல் பெறலாம் என, நிபந்தனை விதிக்கப்பட்டது.

புதிய நிபந்தனை:

பின், பல்வேறு நபர்கள், பினாமிகளை பயன்படுத்தி, செல்லாத நோட்டுகளை, வங்கிகளில் முறைகேடாக மாற்றுவதை அறிந்து, கை விரலில் மை வைக்கும் நடைமுறை வந்தது. சில நாட்கள் கழித்து, 4,000 ரூபாய் உச்சவரம்பை தளர்த்திய, மத்திய அரசு, அவரவர் சேமிப்புக் கணக்கு வைத்திருக்கும் வங்கியில் தான், செல்லாத ரூபாய் நோட்டுகளை மாற்ற வேண்டும் என, புதிய நிபந்தனையை விதித்தது. அதைத் தொடர்ந்து, 12 லட்சம் கோடி ரூபாய்க்கும் அதிகமாக, செல்லாத ரூபாய் நோட்டுகள், டிபாசிட் ஆகும் என மதிப்பிடப்பட்டுள்ளது.

இன்றே கடைசி:

இந்நிலையில், வங்கிகளில், செல்லாத ரூபாய் நோட்டுகளை, டிபாசிட் செய்வதற்கான காலக்கெடு, இன்றுடன் நிறைவடைகிறது. அதனால், வங்கிகளில், இன்று கூட்டம் அலைமோதும் என எதிர்பார்க்கப்படுகிறது.

English Summary:

NEW DELHI : Invalid banknotes, banks 'depositing' making, today (Dec., 30) deadline.

Read More

தந்தைக்கு போட்டியாக வேட்பாளர் பட்டியல் வெளியிட்டார் அகிலேஷ்

லக்னோ : உ.பி., முதல்வரும் சமாஜ்வாதி கட்சியை சேர்ந்தவருமான அகிலேஷ் யாதவ் தந்தைக்குப் போட்டியாக 235 வேட்பாளர்கள் அடங்கிய பட்டியலை வெளியிட்டார்.

புறக்கணிப்பு:

உ.பி.,யில், சமாஜ்வாதி கட்சியை சேர்ந்த, அகிலேஷ் யாதவ் முதல்வராக உள்ளார். அவருக்கும், அவரது சித்தப்பாவும், உ.பி., மாநில, சமாஜ்வாதி கட்சி தலைவருமான, சிவ்பால் யாதவுக்கும், அதிகாரப் போட்டி நிலவுகிறது. இந்நிலையில், மொத்தம் உள்ள, 403 தொகுதிகளில், 325 தொகுதிகளுக்கான, சமாஜ்வாதி கட்சி வேட்பாளர் பட்டியலை, முலாயம் சிங், நேற்று முன்தினம்(டிச.,28) வெளியிட்டார். இதில், அகிலேஷின் நெருங்கிய ஆதரவாளர்களில் பலர் புறக்கணிக்கப்பட்டுள்ளனர்.

அதிருப்தி:

ஆனால், கட்சி விரோத நடவடிக்கை காரணமாக, அகிலேஷால் நீக்கப்பட்ட, சிவ்பால் யாதவ் உள்ளிட்ட, 10 அமைச்சர்களின் பெயர்கள், பட்டியலில் இடம்பெற்றுள்ளன. இதனால், மனம் நொந்துபோன அகிலேஷ், தன் இல்லத்தில், ஆதரவாளர்களை சந்தித்து பேசினார். இதன்பின், கட்சித் தலைவர், முலாயம் சிங்கை சந்தித்து, தன் ஆதரவாளர்கள் புறக்கணிக்கப்பட்டது குறித்து, முதல்வர், அகிலேஷ் யாதவ், அதிருப்தி தெரிவித்தார்.

சரியான போட்டி:

இந்நிலையில் முலாயம் சிங் வெளியிட்ட வேட்பாளர் பட்டியலுக்கு போட்டியாக, அகிலேஷ் யாதவும், 235 வேட்பாளர்கள் அடங்கிய தனி வேட்பாளர் பட்டியலை, அதிரடியாக வெளியிட்டார். இதில் தன் ஆதரவாளர்களுக்கு அதிக இடம் ஒதுக்கியுள்ளார். இதனையடுத்து சட்டசபை தேர்தல் தேதி அறிவிக்கப்படும் முன்பே, உ.பி., அரசியல் பரபரப்பான கட்டத்தை எட்டியுள்ளது.

English summary:

Lucknow: Uttar Pradesh Chief Minister Akhilesh Yadav, Samajwadi Party senator from rival father released a list of 235 candidates.

Read More

அமரீந்தர் - கெஜ்ரிவால் 'டுவிட்டரில்' மோதல்

புதுடில்லி: பஞ்சாப் மாநிலத்திற்கு, அடுத்தாண்டு சட்டசபைத் தேர்தல் நடக்கவுள்ள நிலையில், அம்மாநில, காங்., தலைவர், அமரீந்தர் சிங்கும், ஆம் ஆத்மி தலைவரும், டில்லி முதல்வருமான, அரவிந்த் கெஜ்ரிவாலும், 'டுவிட்டர்' சமூக வலைதளத்தில் காரசாரமாக மோதியது, பரபரப்பை ஏற்படுத்தியுள்ளது.

சட்டசபை தேர்தல்:

பஞ்சாபில், முதல்வர் பிரகாஷ் சிங் பாதல் தலைமையில், அகாலி தளம் - பா.ஜ., கூட்டணி ஆட்சி நடக்கிறது. 2017, துவக்கத்தில், இம்மாநிலத்தில் சட்டசபைத் தேர்தல் நடக்கவுள்ள நிலையில், பிரதான கட்சிகள், தேர்தல் பணிகளை தீவிரமாக முடுக்கி விட்டுள்ளன.

குற்றச்சாட்டு:

இந்நிலையில், முதல்வர், பிரகாஷ் சிங்கிற்கு பதிலாக, பலம் வாய்ந்த வேட்பாளரை, ஆம் ஆத்மி நிறுத்தவில்லை என்றும், ஆளும் அகாலி தளத்திற்கும், ஆம் ஆத்மிக்கும் ரகசிய கூட்டணி உள்ளதாகவும், பஞ்சாப் மாநில, காங்., தலைவர், அமரீந்தர் சிங், 'டுவிட்டர்' சமூக வலைதளத்தில் குற்றஞ்சாட்டினார்.

காரசார மோதல்:

இதற்கு, டுவிட்டரில் பதில் அளித்த, அரவிந்த் கெஜ்ரிவால், 'பிரகாஷ் சிங் பாதல், சுக்பீர் பாதல் ஆகியோரில், நீங்கள் யாரை எதிர்த்து போட்டியிடுகிறீர்கள்' என, சூடாக கேள்வி எழுப்பினார். அதற்கு பதில் அளித்த, அமரீந்தர் சிங், 'பாதல் கதை முடிந்து விட்டது. நீங்கள் எங்கு போட்டியிடுகிறீர்கள் என்பதை சொல்லுங்கள்; அங்கே போட்டியிடுகிறேன்' என, கூறியுள்ளார்.

கெஜ்ரிவால் பதில் அளிக்கையில், 'பஞ்சாப் தேர்தலில், நான் போட்டியிடவில்லை. பஞ்சாபில் அதிகரித்துள்ள போதை பிரச்னைக்கு எதிராக போட்டியிடுகிறோம். உங்கள் சவால், வீணாகி போனது' என்றார். இருவர் இடையிலான, ஆக்ரோஷ வாக்குவாதத்தால், 'டுவிட்டர்' சமூக வலைதளத்தில் நேற்று பரபரப்பு ஏற்பட்டது.

English summary:

NEW DELHI : Punjab state, in the lead up to elections next year, the state, Cong., President, Amarinder Singh, AAP leader and Delhi Chief Minister, Arvind Kejriwal, 'Twitter' banged furiously on the social site, caused a stir.

Read More

கணக்கில் காட்டாத ரூ.4,172 கோடி: வருமானவரித்துறை

புதுடில்லி: ரூ.4ஆயிரத்து 172 கோடி ரூபாய் வருமானம் கணக்கில் காட்டப்பட வில்லை என வருமானவரித்துறை அதிகாரிகள் தெரிவித்துள்ளனர்.

மேலும் அவர்கள் கூறியிருப்பதாவது:

பணம் மதிப்பிழப்பிறகு பின்னர் டிச., 28-ம் தேதி வரையில்5 ஆயிரம் பேருக்கு நோட்டீஸ் அனுப்பப்பட்டுள்ளது. மேலும் நாடுமுழுவதும் நடத்தப்பட்ட வருமானவரி சோதனையில் 550 கோடி ரூபாய் பறிமுதல் செய்யப்பட்டது. இதில் 105 கோடி ரூபாய் நோட்டுகள் புதிய நோட்டுகளாகும் என வருமானவரித்துறை தெரிவித்துள்ளது.

English Summary:

NEW DELHI: The Rs 4 thousand 172 crore Revenue officials said that they did not appear in the income account. 

Read More

பழைய நோட்டுக்கு சிறை இல்லை

புதுடில்லி: பழைய, 500 மற்றும் 1,000 ரூபாய் நோட்டுகளை மார்ச், 31ம் தேதிக்கு மேல் வைத்திருப்பது தண்டனைக்குரிய குற்றம்; சிறை தண்டனை விதிக்கப்படும் என்ற அவசர சட்டத்தில் மத்திய அரசு திருத்தம் செய்துள்ளது. இதன்டி, சிறை தண்டனை இருக்காது. குறைந்தபட்சம், 10 ஆயிரம் ரூபாய் அபராதம் விதிக்கப்படும்.

திருத்தம்:

மத்திய அரசு கறுப்பு பணத்தை ஒழிக்க, நவ., 8 ம் தேதி முதல், 500 மற்றும், 1,000 ரூபாய் நோட்டுகளை வாபஸ் பெற்றது. இந்த நோட்டுகளை வைத்திருப்பர்கள், டிச., 31 வரை வங்கிகளில் டெபாசிட் செய்யலாம். அதன்பிறகு, மார்ச், 31ம் தேதி வரை, ரிசர்வ் வங்கியில் மட்டுமே டெபாசிட் செய்ய முடியும்.

இந்த சூழ்நிலையில், மத்திய அமைச்சரவை, நேற்று ஒரு அவசர சட்டத்திற்கு ஒப்புதல் அளித்தது. அதன்படி, பழைய ரூபாய் நோட்டுகளை மார்ச், 31ம் தேதிக்கு மேல் வைத்திருப்பவர்கள் அவற்றின் மதிப்புக்கு, ஏற்ப அபராதம் மற்றும் சிறை தண்டனை விதிக்கப்படும் என்று கூறப்பட்டிருந்தது.

இன்று அந்த அவசர சட்டத்தில் ஒரு மாற்றத்தை மத்திய அரசு மேற்கொண்டுள்ளது. அதன்படி, சிறை தண்டனை இல்லை. எனினும், குறைந்தபட்சம் 10 ஆயிரம் ரூபாய் அபராதம் விதிக்கப்படும்.

இந்த அவசர சட்டத்திற்கு ஜனாதிபதி ஒப்புதல் அளித்த பிறகு, ஜன., 1 முதல் அமலுக்கு வரும்.

English Summary:

NEW DELHI: old, 500 and 1,000 rupee notes in March, more than 31 have a punishable offense; The Federal Government has amended the Ordinance could be imprisoned. it will be sentenced to prison. At least, imposed a fine of 10 thousand rupees.

Read More

ஜெயலலிதா வீட்டோடு இருந்து... அதிமுக பொதுச்செயலாளரான சசிகலா!

சென்னை: பள்ளிப் படிப்பைக் கூட முடிக்காத சசிகலா, ஜெயலலிதாவோடு அவரது வீட்டோடு கடந்த 30 வருடமாக தங்கியிருந்த சசிகலா, எம்.ஜி.ஆர். உருவாக்கிய அதிமுகவின் தலைமைப் பொறுப்புக்கு உயர்ந்திருப்பது பலரையும் வியக்க வைத்துள்ளது.

1957இல் இவர் மன்னார்குடியில் பிறந்தார். திருத்துறைப்பூண்டியை சேர்ந்த இவரின் தாத்தா சந்திரசேகர் அவ்வூரில் மருந்துக்கடை நடத்திவந்தார். அவரது மறைவுக்கு பின் அவரின் மகன் விவேகானந்தன் அக்கடையை கவனித்துக்கொண்டார். இங்கிலீஸ் மருந்து கடைக்காரர் என்று அறியப்படுகிறது இந்த வீடு

மருந்துக்கடையுடன் விவேகானந்தன் பார்மசிஸ்ட் ஆக பணிபுரிந்தார். விவேகானந்தன், கிருட்டிணவேணி தம்பதியினருக்கு ஆறு குழந்தைகள். அதில் சசிகலா ஐந்தாவது பெண் குழந்தை.

மன்னார்குடி குடும்பம் :

பாரத ஸ்டேட் வங்கியில் பணியில் இருந்த சசிகலாவின் மூத்த அண்ணன் சுந்தரவதனம் 1950 இறுதியில் மன்னார்குடிக்கு மாற்றலாகி வந்ததால் விவேகானந்தனின் குடும்பம் மன்னார்குடிக்கு குடிபெயர்ந்தது.

விளார் நடராஜன்:

1973ஆம் ஆண்டு விளார் கிராமத்தைச் சேர்ந்த நடராஜன் என்பவருடன் திருமணம் நடைபெற்றது. இந்த திருமணத்தை திமுக தலைவர் மு. கருணாநிதி நடத்திவைத்தார்.

ஜெயலலிதாவுடன் அறிமுகம்:

நடராஜன் கடலூர் மாவட்டத்தில் மக்கள் தொடர்பு அதிகாரியாக இருந்த போது அங்கு பொதுக்கூட்டத்திற்கு வந்த ஜெயலலிதாவிற்கு தனது மனைவி சசிகலாவை உதவியாளராக அனுப்பினார் நடராஜன். சசிகலாவிற்கும், ஜெயலலிதாவிற்கும் இடையேயான அறிமுகம் இங்குதான் தொடங்கியது.

வீடியோ கேசட் விற்பனை :

அப்போது ஜெயலலிதா அதிமுகவின் கொள்கை பரப்புச் செயலாளராக இருந்தார். சசிகலா வீடியோ கவரேஜ் நிறுவனமொன்றை நடத்தி வந்தார். ஜெயலலிதாவுக்கு திரைப்பட வீடியோ கேசட்களை சசிகலா கொடுத்து வந்ததன் மூலம் இருவருக்கு நட்பு உருவானது.

எம்.ஜி.ஆர். மறைவுக்குப் பிறகு:

எம்.ஜி.ஆர். முதல்வராக இருந்த போது, கட்சியில் ஜெயலலிதாவுக்கு நெருக்கடி அதிகரித்திருந்தது. அந்த நேரத்திலும், எம்.ஜி.ஆர் மறைவுக்கு பின்னர் அரசியல் நெருக்கடிகளை சந்திக்க நேர்ந்த போதும் ஜெயலலிதாவுடன் இருந்து நெருக்கத்தை அதிகப்படுத்திக்கொண்டார் சசிகலா.

 வேதா நிலையத்திற்கு இடப் பெயர்ச்சி:

எம்.ஜி.ஆர். மறைவுக்கு பின்னர், ஜெயலலிதா, ஜானகி என இரு அணிகளாக பிரிந்து அதிமுக தேர்தலை சந்தித்த நேரத்தில் ஜெயலலிதா அரசியல் போராட்டங்களை சந்திக்க வேண்டியிருந்தது. அப்போது எல்லாம் ஜெயலலிதாவுடன் இருந்தவர் சசிகலா தான். ஜெயலலிதா சட்டசபைக்குள் சென்றபோது, பல நெருக்கடிக்குள்ளானார். சட்டசபையிலேயே தாக்கப்பட்டார். இதனால் ஒரு கட்டத்தில் அரசியலில் இருந்து விலகுவதாகவும் அறிவித்தார் ஜெயலலிதா. இந்த நெருக்கடியான கால கட்டங்கள் அனைத்திலும் ஜெயலலிதாவுக்கு ஆறுதலாக இருந்த சசிகலா, அதன்பின்னர் ஜெயலலிதாவின் இல்லமான வேதா நிலையத்தில் வந்து தங்க ஆரம்பித்தார்.

குடும்பமே ஷிப்ட் ஆனது:

 1991ம் ஆண்டு சட்டமன்ற தேர்தலில் ஜெயலலிதா தலைமையிலான அதிமுக மிகப்பெரிய வெற்றி பெற்று ஆட்சியமைத்தது. முதல் முறையாக தமிழகத்தின் முதல்வரானார் ஜெயலலிதா. அப்போது சசிகலாவுடன் அவரது உறவினர்கள் சிலரும் ஜெயலலிதாவுக்கு நெருக்கமாகினர்.

உடன் பிறவா சகோதரி :

எனது உடன்பிறவா சகோதாரி சசிகலா என அறிவித்தார் ஜெயலலிதா. அதோடு 'சசிகலா எப்போதும் என்னோடுதான் இருப்பார். அவரைப்பற்றிய எந்த கேள்வியும் அவசியமற்றது' என வெளிப்படையாகவே அறிவித்தார் ஜெயலலிதா.

ஜெ.வால் விரட்டப்பட்டார்

"அம்மா" என ஜெயலலிதாவுக்கு கிடைத்த அனைத்து மரியாதைகளும், 'சின்னம்மா' சசிகலாவுக்கும் கிடைக்கத் துவங்கியது. 2011ல் மீண்டும் ஜெயலலிதா தலைமையில் மீண்டும் அதிமுக ஆட்சிக்கு வந்த பின்னர் மன்னார்குடி குடும்பம் தனக்கு எதிராக சதி செய்வது தெரியவரவே போயஸ் கார்டனை விட்டு வெளியேற்றப்பட்டனர். சசிகலாவும் போயஸ் கார்டனை விட்டு வெளியேற்றப்பட்டார்.

எல்லாமே அக்காதான் :

இந்த பிரிவும் சில நாட்களே நீடித்தது. மீண்டும் தனக்கு பதவி ஆசை கிடையாது எல்லாமே அக்காதான் என்று எழுதிக் கொடுத்து விட்டு போயஸ் கார்டன் வந்தார் சசிகலா. சசிகலா இல்லாமல் ஜெயலலிதாவால் தனித்து இருக்க முடியாது என சொல்லும் அளவுக்கு சசிகலா ஜெயலலிதாவுடன் ஐக்கியமானார்.

சிறைக்கு :

2014ம் ஆண்டு சொத்துக்குவிப்பு வழக்கில் ஜெயலலிதா சிறைக்குச் செல்ல, அவருடன் சசிகலாவும் சென்றார். நெருக்கடியான காலகட்டங்களில், சிறையில், கணவரை கைது செய்து சிறையில் அடைத்தபோது, குடும்ப உறவுகளை எல்லாம் விலக்கி வைத்தபோது ஜெயலலிதாவுடனே இருந்தார் சசிகலா.

ஜெ.வின் கடைசிக் காலத்தில் :

75 நாட்கள் அப்பல்லோ மருத்துவமனையில் ஜெயலலிதா இருந்த போது அவரை கவனித்துக்கொண்டார் சசிகலா. ஜெயலலிதாவின் மரணத்திற்குப் பின்னர் இறுதிச்சடங்குகள் செய்து தான்தான் ஜெயலலிதாவின் வாரிசு என்று சொல்லாமல் சொன்னார் சசிகலா. அதிமுகவில் நிர்வாகிகள், பொதுக்குழு உறுப்பினர்கள் ஏகமானதாக தேர்வு செய்யப்பட்டு பொதுச்செயலாளராகியுள்ளார் சசிகலா.

English summary:

Sasikala Natarajan is a friend former CM Jayalalithaa. She was born in Mannarkudi now She elect to ADMK General secretary. Sasikala Natarajan who consciously kept away from the meet has also remained quiet on her future role in the party.

Read More

வைகோ முழுக்கு: விஜயகாந்த் குஷி

மக்கள் நல கூட்டணியில் இருந்து ம.தி.மு.க., விலகியதற்கு, விஜயகாந்த தரப்பு மிகுந்த சந்தோஷத்தில் இருப்பதாகக் கூறப்படுகிறது.

மக்கள் நலக் கூட்டணியில் இருந்து வைகோ விலகினால், விஜயகாந்த ஏன் சந்தோஷப்பட வேண்டும் என்ற புரியாத கேள்வியுடன், தே.மு.தி.க., மாநில நிர்வாகி ஒருவரிடம் விசாரித்தோம்.

அவர் கூறியதாவது:

தே.மு.தி.க.,வின் ஒட்டுமொத்த அரசியல் எதிர்காலத்தையும் சிதைத்ததில், வைகோவுக்கு மிகப் பெரிய பங்கிருக்கிறது என்பதுதான், கட்சியினர் அவ்வளவு பேரின் தெளிவான முடிவு. கட்சியின் தலைவராக இருக்கும் விஜயகாந்த் மட்டும் இதிலிருந்து எப்படி மாறுபடுவார்? எல்லோரைக் காட்டிலும் பாதிப்பு அவருக்குத்தானே அதிகம்?2016ல் சட்டசபை தேர்தலில் தேமுதிகவை பா.ஜ.,வினர் தேடி வந்தனர். வருந்தி வருந்தி கூட்டணிக்கு அழைத்தனர். ஆனால், விஜயகாந்த் விதித்த சில நிபந்தனைகளை ஏற்க மறுத்து விட்டனர். இதனால், பா.ஜ., கூட்டணியில் இணைய விஜயகாந்துக்கு விருப்பம் இல்லை. அதேபோல, தி.மு.க.,வும், விஜயகாந்தை கூட்டணியில் இணைத்துக் கொள்ள பிரயாசைப்பட்டது. தி.மு.க., கூட்டணியில் இணைந்திருந்தால், எப்படியும் 40 எம்.எல்.ஏ.,க்கள் தே.மு.தி.க.,வுக்கு கிடைத்திருப்பார்கள். தி.மு.க., கட்டாயம் ஆட்சிப் பொறுப்புக்கு வந்திருக்கும். சந்தர்ப்பம் வாய்த்திருக்குமானால், தே.மு.தி.க., கூட்டணி ஆட்சிக்கு வற்புறுத்தி, ஆட்சி அதிகாரத்திலும் பங்கெடுத்திருக்கலாம்.

விஜயகாந்தை பின்னணியில் இருந்து தூண்டியவர் வைகோதானே? நீங்கள் மக்கள் நல கூட்டணிக்கு வாருங்கள்; உங்களை முதல்வர் வேட்பாளர் ஆக்குகிறோம். மக்கள் நல கூட்டணி ஊழல் இல்லாத அணி. இந்த அணிக்கு மக்கள் மத்தியில் அமோக ஆதரவு இருக்கிறது என்று சொல்லி, மக்கள் நல கூட்டணி பக்கம் இழுத்து சென்றவர் வைகோ.சொன்னபடியே, 124 சீட்களை கூட்டணியில் விட்டுக் கொடுத்தனர்; முதல்வர் வேட்பாளராகவும் அறிவித்தனர். ஆனால், மக்களிடம் போணியாகாத மக்கள் நல கூட்டணியால், எதுவும் செய்ய முடியவில்லை. விஜயகாந்த் என்ற மூன்றாவது சக்தியை, 6 சதவீத ஓட்டுக்களில் இருந்து 2 சதவீத ஓட்டாக சுருக்கியதான் மிச்சம். கட்சியின் ஒட்டுமொத்த எதிர்காலமும் இன்று கேள்விக்குறியாகி விட்டது.

வைகோவின் பேச்சை நம்பி, மக்கள் நல கூட்டணியில் இணைந்த விஜயகாந்தின் அரசியல் எதிர்காலம் கேள்விக்குறியாகி நிற்க, நினைத்த அசைன்மெண்ட்டை செய்து முடித்த திருப்தியில் இருந்த வைகோ என்ன சொன்னார் தெரியுமா? மக்கள் நல கூட்டணியின் முதல்வர் வேட்பாளராக விஜயகாந்தை அறிவித்திருக்கக்கூடாதாம். அவரை முதல்வர் வேட்பாளராக அறிவித்ததாலேயே, கூட்டணிக்கு தோல்வி ஏற்பட்டு விட்டது போல கருத்து சொல்லத் துவங்கினார். இல்லையென்றால் மட்டும், கூட்டணி ஆட்சியை பிடித்திருக்குமா?

எல்லா பிரச்னைகளும் வைகோவால் விளைந்தது. ஆனால், தோல்விக்கு காரணம் விஜயகாந்த என்பது போல அவர் கருத்து சொன்னதும், விஜயகாந்தும் குடும்பத்தினரும் கொதித்து போனார்கள். கடுமையாக் ரியாக்ட் செய்ய வேண்டும் என்று புறப்பட்ட குடும்பத்தினரை, விஜயகாந்த்தான் கட்டுப்படுத்தினார். வைகோ மீதான அந்த ஆத்திரம் குமுறலாக விஜயகாந்த் மற்றும் கட்சியினரிடம் தொடர்ந்து இருந்து வந்தது.

தற்போது மக்கள் நல கூட்டணியில் பிளவு ஏற்பட்டு, வைகோ அதில் இருந்து விலகினார் என்றதும், விஜயகாந்த் ரொம்பவே சந்தோஷமாக உள்ளார். ம.ந.கூட்டணியில் இருந்து வைகோ விலக காரணமாக இருந்த மார்க்சிஸ்ட் கட்சியின் தலைவர்கள் சிலரிடம் பேசி, தனது சந்தோஷத்தை விஜயகாந்த பகிர்ந்து கொண்டார். தேவையானால், நல்ல சந்தர்ப்பத்தில், மீண்டும் கூட்டணியில் இணைவேன் என்றும் அப்போது, விஜகாந்த கூறியதாகத் தெரிகிறது. வைகோ எங்கேணும் விஜயகாந்த குறித்து விமர்சித்தால், அவருக்கு தக்க பதலடி கொடுக்கவும், தே.மு.தி.க., தலைவர்கள் தயாராக உள்ளனர். சின்ன விமர்சனம் கிளம்பினாலும், வைகோ மீது கடுமையாக அட்டாக்கை தொடுக்கும் தே.மு.தி.க., இவ்வாறு அந்த நிர்வாகி கூறினார்.

English Summary:

From a welfare coalition zeroth, withdrawal, vijayakanth party are said to be very happy.
Vaiko withdrawal from the coalition People's Welfare, vijayakanth esoteric question of why we should rejoice at DMDK, inquired of the state executive.

Read More

உயர்வு... உயர்வு... வரி வருவாய் உயர்வு: ஜெட்லி

புதுடில்லி: ரூபாய் நோட்டு வாபசிற்கு பிறகு, வரி வருவாய்கள் உயர்ந்துள்ளதாக நிதி அமைச்சர் அருண் ஜெட்லி கூறினார்.

நன்றி:

இது தொடர்பாக டில்லியில் அவர் கூறியதாவது: புதுப்பணம் மறுசுழற்சி சீராக நடைபெறுகிறது. இந்த விவகாரத்தில் கலவரம் ஏற்படவில்லை. எங்கும் பிரச்னை ஏற்பட்டதாக தகவல் இல்லை. ரிசர்வ் வங்கியிடம் போதிய பணம் உள்ளது. அதிகளவு பணம் விடுவிக்கப்பட்டுள்ளது. நிறைய 500 நோட்டுகள் வெளியிடப்பட்டுள்ளன. புதுப்பணம் அதிகளவு சுழற்சியில் வருகிறது. வங்கியில் பணம் கொடுக்கும் அளவு அதிகரித்துள்ளது. முக்கியமான புதுப்பணம் மறுசுழற்சி தற்போது துவங்கியுள்ளது. இது நன்றாக இருக்கும். எளிதாக முன்னெடுத்து செல்லும். ரூபாய் நோட்டு வாபசை ஆதரித்த மக்களுக்கு நன்றி தெரிவிக்க கடமைப்பட்டுள்ளோம்.

அதிகரிப்பு:

கடந்த டிசம்பர் 19ம் தேதி வரை நேரடி வரி 14.4 சதவீதமும், மறைமுக வரி 26.2 சதவீதமும்,மத்திய கலால் வரி 43.4 சதவீதமும், சுங்கவரி 6 சதவீதமும் அதிகரித்துள்ளது. ராபி சாகுபடி 6.3 சதவீதம் அதிகரித்துள்ளது. காப்பீடு செய்வதும், பெட்ரோலிய பொருட்கள் வாங்குவதும், சுற்றுலா மற்றும் மியூசுவல் இன்வெஸ்ட்மென்ட் செய்வதும் அதிகரித்துள்ளது. இவ்வாறு அவர் கூறினார்.

English Summary:

NEW DELHI: After return bill, Finance Minister Arun Jaitley said the rise in tax revenues.

Read More

சவுதலாவுக்கு சவுக்கடி: அரசு எச்சரிக்கை

புதுடில்லி: ‛‛ஊழல் புகாரில் சிக்கிய சவுதாலா இந்திய ஒலிம்பிக் சங்கத்தின் கவுரவ ஆயுட்கால தலைவர் பதவியிலிருந்து விலகாவிட்டால், பதவி நீக்கம் செய்யப்படுவார்,'' என, மத்திய அமைச்சர் விஜய் கோயல் தெரிவித்துள்ளார்.

எதிர்ப்பு:

சென்னையில் நடந்த ஐ.ஓ.ஏ., எனப்படும் இந்திய ஒலிம்பிக் சங்க பொதுக்குழு கூட்டத்தில், காமன்வெல்த் போட்டி ஊழலில் சிக்கிய கல்மாடி மற்றும் மற்றொரு முன்னாள் தலைவரான அபய் சிங் சவுதாலாவுக்கு கவுரவ ஆயுட்கால தலைவர் பதவி அளிக்க முடிவு செய்யப்பட்டது. கடந்த 2012 - 14 வரை பொறுப்பிலிருந்த சவுதாலாவும், ஊழல் புகாரில் சிக்கியவர். இவர்களின் நியமனத்திற்கு கடும் எதிர்ப்பு கிளம்பியது. மத்திய விளையாட்டு துறை அமைச்சர் விஜய் கோயல் கடும் எதிர்ப்பு தெரிவித்தார். இது தொடர்பாகவும் இந்திய ஒலிம்பிக் சங்கத்திற்கு மத்திய அரசு நோட்டீஸ் அனுப்பியிருந்தது. கடும் எதிர்ப்பு கிளம்பியதால், இந்த பதவியை ஏற்க கல்மாடி மறுத்துவிட்டார். ஆனால், இந்த பதவியை ஏற்பதில் சவுதாலா உறுதியாக இருந்தார்.

எச்சரிக்கை:

இந்நிலையில் மத்திய அமைச்சர் விஜய் கோயல் கூறியதாவது: கல்மாடி போன்று, சவுதாலாவும் உடனடியாக பதவியிலிருந்து விலக வேண்டும். அவர் விலகாவிட்டால், மத்திய அரசு தலையிட்டு பதவி நீக்கம் செய்வோம்.இவ்வாறு அவர் கூறினார்.

English Summary:

NEW DELHI: '' Corruption Report Chautala of the Indian Olympic Association's Honorary Life President of the victims from the post unless the dismissal, '', Union Minister Vijay Goel said.

Read More

கொஞ்சம் பொறுமையா இருங்க...தீபா - மோடி சந்திப்பு தள்ளிவைப்பு

சென்னை: தமிழக முதல்வராக இருந்த ஜெயலலிதாவின் மரணத்தில் மர்மம் இருப்பதாகவும்; போயஸ் தோட்டத்தை விட்டு சசிகலா மற்றும் அவரது குடும்பத்தினர் வெளியேற வேண்டும் என்றும் தொடர்ந்து குரல் எழுப்பி வருகிறார், ஜெயலலிதாவின் அண்ணன் மகள் தீபா.

சசிகலாவை பொதுச் செயலாளராக அக்கட்சியின் பொதுக்குழு தேர்வு செய்த நிலையில், தீபாவின் அடுத்தகட்ட மூவ்களுக்காக, அவரை பிரதமர் மோடியை சந்திக்க வைக்க தமிழகத்தைச் சேர்ந்த பா.ஜ., தலைவர்கள் சிலர், முயற்சி மேற்கொண்டுள்ளனர்.

இதையடுத்து, தீபா, எந்த நேரமும் பிரதமர் மோடியை சந்திக்கக்கூடும் என, செய்திகள் பரவின. அதற்கேற்றார் போல, தீபாவும், நான் மோடியை சந்திக்க விரும்புகிறேன். அழைப்பு வந்தால், எந்த நேரமும் சந்திப்பேன் என கூறி வந்தார்.

இது குறித்து, பா.ஜ., வட்டாரங்கள் கூறியதாவது:

ஜெயலலிதாவின் மரணத்தில் மர்மம் இருக்கிறது என்பதை, தமிழகத்தில் உள்ள பாமரனும் அறிந்து வைத்திருக்கிறான். இந்த மர்மங்கள் பற்றி, தினந்தோறும் நிறைய நிறைய செய்திகள் சமூக வலைதளங்கள் மூலமும் ஊடகங்கள் மூலமும் வெளியாகிக் கொண்டிருக்கின்றன. இது குறித்து, உரியவர்கள் கட்டாயம் பதில் சொல்லித்தான் ஆக வேண்டும். இல்லையென்றால், மக்களும்; கட்சியினரும் அவர்களை புறக்கணிப்பர்.

இப்படிப்பட்ட சூழலில், மத்திய அரசு தரப்பிலும், இந்த விஷயத்தில் தீவிர கவனம் செலுத்துவது போல வெளியே தெரிந்தால், மக்கள் மத்தியில் பா.ஜ., அரசு மீது கோபம் ஏற்படலாம். அதனால், தமிழகத்தில் சசிகலாவுக்கு எதிராக இருக்கும் சிலரை இப்போதைக்கு சந்திப்பதைத் தவிர்க்கலாம் என, ஆலோசனை தெரிவித்துள்ளனர். அதன் அடிப்படையிலேயே, தமிழகத்தில் இருந்து சிலர், ஜெயலலிதா மரணம் தொடர்பாக பேச வேண்டும் எனக் கூறி, அப்பாயின்மெண்ட் கேட்டதும், இப்போதைக்கு இல்லை என தெரிவித்து விட்டனர்.

அந்த வகையில்தான், சில காலம் பொறுக்குமாறு, ஜெயலலிதாவின் அண்ணன் மகள் தீபாவுக்குத் தகவல் தெரிவிக்கப்பட்டுள்ளது. அதுவரையில், தமிழகம் முழுவதும் சுற்றுப் பயணம் மேற்கொண்டு, தொண்டர்கள் மற்றும் பொதுமக்களை சந்தித்து, நியாயம் கேட்கவும்; ஜெயலலிதா மரணத்தில் உள்ள மர்மங்கள் குறித்து பேசுமாறும் தீபாவுக்கு ஆலோசனைகள் சொல்லப்பட்டுள்ளன.

இருந்த போதும், மோடி, எந்த நேரத்திலும் தனது முடிவை மாற்றி, தீபாவை சந்திக்கலாம். அதற்கான சூழ்நிலைகளும் உள்ளன. அதன்படி பார்க்கும்போது, வருமான வரித் துறையின் அதிரடி சோதனைகள், தமிழகம் முழுவதும் இன்னும் சில மாதங்களுக்கு தொடர்ச்சியாக நடக்கும் என்றே தெரிகிறது. இவ்வாறு அக்கட்சி வட்டாரங்கள் கூறின.

English Summary:

Chennai: Tamil Nadu Chief Minister Jayalalithaa's death remain a mystery; Sasikala and her family had to flee from the Poes Garden is raised voice, she's niece Deepa. 

Read More