அமெரிக்க நகர மேயராக இந்திய பெண் தேர்வு

நியூயார்க் : அமெரிக்காவின் கலிபோர்னியா மாகாணத்தில் உள்ள குப்பெர்டினோ நகர மேயராக இந்திய - அமெரிக்கப் பெண்ணான சவிதா வைத்தியநாதன் தேர்ந்தெடுக்கப்பட்டுள்ளார்.
குபெர்ட்டினோ நகரத்தில் கம்ப்யூட்டர் தயாரிப்பில் மிகவும் பிரபலமான 'ஆப்பிள்' நிறுவனம் அமைந்துள்ளது. இந்த நகரில் வாழும் அனைவரும் கல்வியறிவில் சிறந்து விளங்கி வருவதாக 'போர்ப்ஸ்' பத்திரிகை குறிப்பிட்டுள்ளது. இந்நகரில் சுமார் 20 ஆண்டுகளாக வசித்து வருபவர் சவிதா வைத்தியநாதன். இந்தியப் பெண்ணான இவர், எம்.பி.ஏ. பட்டதாரி. ஆரம்பத்தில் கணித ஆசிரியையாக இங்குள்ள பள்ளியில் பணியாற்றினார். பின்னர், தனியார் வங்கியில் பணியாற்றியதுடன் பல்வேறு சமூகச்சேவைகளிலும் ஈடுபட்டு வந்தார்.
இந்நிலையில், குபெர்ட்டினோ நகர மேயர் பதவிக்கு நடைபெற்ற தேர்தலில் அங்குள்ள மக்களின் அமோக ஆதரவை பெற்ற சவிதா, சமீபத்தில் மேயராக பதவியேற்று கொண்டார். அவரது பதவியேற்பு நிகழ்ச்சியில் பங்கேற்க சவிதாவின் தாயார் இந்தியாவில் இருந்து அமெரிக்காவுக்கு புறப்பட்டு சென்றார். இந்நகரின் மேயராக பதவியேற்ற முதல் இந்தியப் பெண் என்ற வகையில் அமெரிக்காவின் பல பகுதிகளில் வாழும் இந்தியர்கள் அவருக்கு வாழ்த்து தெரிவித்து வருகின்றனர்.

English summary:

New York: kuppertino mayor in the state of California in the United States, the Indian - American woman elected Savita Vaidyanathan