சென்னையில் இன்று மின்சாரம் சீராகும் : அமைச்சர் தகவல்

சென்னை : சென்னையில் இன்று இரவுக்குள் மின் விநியோகம் சீராகும் என தமிழக மின்துறை அமைச்சர் தங்கமணி தெரிவித்துள்ளார்.
அமைச்சர் தகவல் : தனியார் டிவி ஒன்றிற்கு அமைச்சர் தங்கமணி இன்று பேட்டி அளித்தார். அப்போது அவர் கூறுகையில், சென்னை நகரில் இன்று இரவுக்குள் மின் விநியோகம் சீராகும். நேற்று இரவு வரை 60 சதவீதம் பகுதிகளுக்கு மின்சாரம் வழங்கப்பட்டுள்ளது. மற்ற பகுதிகளில் இன்று இரவுக்குள் சீராகும். புறநகர் பகுதிகளில் மின் விநியோகம் சீராக 2 முதல் 3 நாட்கள் ஆகும். மின்சாரம் விநியோகம் செய்யும் உயர் அழுத்த மின்கோபுரங்கள் வர்தா புயலால் சாய்ந்துள்ளதால் மின் விநியோகம் சீராவதில் தாமதம் ஏற்பட்டுள்ளது. மின் கட்டணங்களை செலுத்துவதற்கான காலக் கெடுவை நீட்டிப்பது தொடர்பாக முதல்வருடன் ஆலோசித்து முடிவு செய்யப்படும் என தெரிவித்துள்ளார்.

English summary:

Chennai, Tamil Nadu Electricity Minister thagamani today said that the night will get better power supplies