கிரிஜா வைத்தியநாதன் பொறுப்பேற்றார்

சென்னை: புதிய தலைமை செயலாளராக கிரிஜா வைத்தியநாதன் இன்று காலையில் தலைமை செயலகத்தில் பொறுப்பேற்றார். தலைமை செயலராக இருந்த ராம மோகன ராவ் வீடு மற்றும் அலுவலகங்களில் மத்திய வருமான வரித்துறையினர் ரெய்டு நடத்தினர். சிக்கிய பணம், தங்கம் குறித்து எவ்வித அதிகாரப்பூர்வ அறிவிப்பும் வரவில்லை.

ஓ.பி.எஸ்சை சந்தித்தார்:

இந்நிலையில் ராமமோகன ராவ் பணியில் இருந்து சஸ்பெண்ட் செய்யப்பட்டார். இதனை தொடர்ந்து நில நிர்வாக ஆணையராக இருந்த மூத்த ஐ.ஏ.எஸ்., அதிகாரியான கிரிஜா வைத்தியநாதன் புதிய தலைமை செயலராக அறிவிக்கப்பட்டார். இவர் 1981 பேட்ச் ஐ.ஏ.எஸ்.., அதிகாரி ஆவார். இவர் இன்று காலை 9. 45 மணியளில் பொறுப்பேற்றார். இன்று அவர் முதல்வர் பன்னீர்செல்வத்தை சந்தித்து பேசினார். முதல்வர் அறைக்கு சென்று, அவரை கிரிஜா வைத்தியநாதன் சந்தித்தார். கிரிஜா 45 வது தலைமை செயலர் ஆவார். மேலும் 4 வது பெண் செயலர். இவர் ஊழல் கண்காணிப்பு மற்றும் நிர்வாக சீர்திருத்தம் ஆணையர் பதவியையும் கூடுதலாக கவனிப்பார்.

English summary:

Chennai: The new chief secretary Girija Vaidyanathan, head of the Secretariat took this morning. Mokana Rama Rao's house and the offices of the Chief Secretary to the Federal Income Tax Raid was staged. Caught money, gold, no official announcement has not come about.