தலைவர்கள் கிறிஸ்துமஸ் வாழ்த்து

சென்னை: கிறிஸ்துமசை முன்னிட்டு கவர்னர், முதல்வர், கருணாநிதி மற்றும் தலைவர்கள் வாழ்த்து தெரிவித்துள்ளனர்.

கவர்னர் ( பொறுப்பு) வித்யாசாகர் ராவ்: கிறிஸ்துமஸ் நாளில் துயரத்தில் இருக்கும் மக்களையும் பாதிக்கப்பட்ட நம் சகோதரர்களையும் காப்பாற்றுவது நமது கடமையாகும். உலகில் அமைதியையும் மகிழ்ச்சியையும் நிலைநாட்ட அன்பையும், கருணையையும் ஊக்கப்படுத்துவோம். எனது அனைத்து கிறிஸ்தவ சகோதரர்களுக்கும் கிறிஸ்துமஸ் வாழ்த்துக்களை தெரிவித்துக்கொள்கிறேன்.

முதல்வர் பன்னீர் செல்வம்: அன்பு கொள்ளாதவன் கடவுளை அறியாதவன்” என்று அன்பின் சிறப்பை உலகிற்கு எடுத்துரைத்த இயேசுபிரான் பிறந்த இத்திருநாளில், அவர் போதித்த தியாகம், இரக்கம், பொறுமை, எளிமை, ஈகை போன்ற உயரிய வாழ்க்கை நெறிகளை மக்கள் பின்பற்றி ஒருவருக்கொருவர் அன்பு பாராட்டி வாழ்ந்தால் வாழ்வு மேன்மையுறும்.

தி.மு.க., தலைவர் கருணாநிதி: கிறிஸ்தவ சமுதாய மக்கள் அனைவர் வாழ்விலும் வளமும் நலமும் பெருகிட எனது கிறிஸ்தவ திருநாள் நல்வாழ்த்துகளைத் தெரிவித்துக் கொள்கிறேன்.
ம.தி.மு.க., பொதுச்செயலாளர் வைகோ: சகோதரத்தவம், மனிதநேயம், மேலோங்க அனைவரும் கிறிஸ்துமஸ் நாளில் உறுதிமொழி ஏற்போம்.
தமாகா தலைவர் வாசன், தேமுதிக தலைவர் விஜயகாந்த் உள்ளிட்ட தலைவர்களும் வாழ்த்து தெரிவித்துள்ளனர்.

English summary:

Chennai: Christmas in honor of the governor, the chief minister, Karunanidhi and greeted leaders.